Këtë të enjte, në konferencën me gazetarët, kryetari i PD, Sali Berisha, ka folur nga selia blu, duke hedhur akuza të forta ndaj kryeministrit Edi Rama, se shpërbleu në mënyrë të paligjshme kartelin Troplini për blerjen e votave.

Berisha tha se Rama i dha kartelit Troplini, 40 mijë metër katrorë tokë publike për ndërtimin e kullave te stadiumi i Durrësit.

Sipas kryedemokratit Berisha, një vendim i tillë është komplet i paligjshëm, pasi ligji parashikon që tjetërsimi i pronësisë nga publiku te privati, kërkon 3/5 të votave në Këshillin Bashkiak.

“Tani jemi tek ky kartel, i cili është edhe karteli më i fuqishëm në europë, karteli që ka si pronë private portin e Durrësit dhe që shpërndan tonelatat e kokainës nga ai port në mbarë Europën.

Vetëm pak ditë pas këtyre veprimeve ka ndodhur një akt tjetër shpërblimi për kartelin Troplini.

Edi Rama, i cili udhëtoi edhe në Angli dhe u tha se Durrësi do kopjojë klubin e Mançesterit dhe se ka urdhëruar Fondin Shqiptar të Zhvillimit të investojë 65 milionë euro në stadiumin për ta bërë si stadiumin e Mançesterit, çfarë ndodh?

E gjitha kjo aferë, e marrë përsipër nga FSHZH, transferohet tek privati.

Prona publike prej 40 mijë metër katrorë i kalohet privatit, i jepet leje ndërtimi për 5 kulla, njëra prej të cilave 55 katesh, tjetra 31 kate dhe të tjerat edhe ato dhjetëra kate.

Ky tjetërsim i pronës publike, kjo grabitje e pronës publike, është një shpërblim që Edi Rama i bën përsëri klanit Troplini.

Sipas të gjithë treguesve, pas kësaj afere apo tani Niko Dovana dhe kompleksi që ndërtohet përreth është transferuar nga Hasanbelliu, që e ka pasur prej shumë e shumë vitesh klubin dhe kompleksin, është transferuar tek Fatmir Troplini, djali i Xhevdet Troplinit thuhet se është ky.

38 mijë metër katrorë tokë shpërblehet për votat që mbliodhi në Durrës dhe zonat e tjera për Arkend Ballën, Drazhin dhe përfaqësues të tjerë të botës së krimit në parlament.

Vendim komplet i paligjshëm sepse ligji i vendit parashikon që tjetërsimi i pronësisë nga publiku tek privati kërkon 3/5 të votave në Këshillin Bashkiak.

Pra kërkonte 31 vota në Këshillin Bashkiak të Durrësit, ndërkohë që për këtë vendim kanë votuar gjithsej 27 këshilltarë.

Dhe prefekti, natyrisht që ka tagrin dhe detyrimin ligjor të prishjes së vendimit, bën sikur nuk ka ndodhur gjë.

Pra, shpërblimi më i madh siç e shihni ju, përfituesit më të mëdhenj u bënë karteli më i fuqishëm në Europë, karteli Troplini”, u shpreh Berisha.

The post Sali Berisha: Rama shpërbleu kartelin Troplini duke u dhënë 40 mijë m2 tokë publike për kulla në Durrës appeared first on Albeu.com.

Nga selia blu, kryetari i PD, Sali Berisha ka hedhur akuza të forta ndaj kryeministrit Edi Rama, se shpërbleu në mënyrë të paligjshme kartelin Troplini për blerjen e votave. Në konferencën me gazetarët, Berisha tha se Rama i dha kartelit Troplini, 40 mijë metër katrorë tokë publike për ndërtimin e kullave te stadiumi i Durrësit. […]

The post Berisha: Rama shpërbleu kartelin Troplini duke u dhënë 40 mijë m2 tokë publike për kulla në Durrës appeared first on BoldNews.al.

KIEV, 20 korrrik /ATSH-ANSA/ – Deklaratat e Donald Trump tregojnë një dëshirë për të arritur një marrëveshje në Ukrainë sa më shpejt të jetë e mundur, por Uashingtoni po e kupton gjithnjë e më shumë kompleksitetin e këtij procesi “të gjatë dhe të vështirë”, deklaroi zëdhënësi i Kremlinit, Dmitry Peskov.

”Ne jemi mësuar me retorikë mjaft të ashpër dhe të drejtpërdrejtë”, shtoi Peskov, por “në të njëjtën kohë ai konfirmon qëllimin e tij për të vazhduar të bëjë gjithçka që është e mundur për të lehtësuar një zgjidhje paqësore”.

”Putin gjithashtu ka shprehur vazhdimisht dëshirën për të arritur një marrëveshje paqësore sa më shpejt të jetë e mundur”, shtoi ai.

Peskov shtoi se ”një takim midis Vladimir Putin dhe Donald Trump është i mundshëm dhe i nevojshëm”, por ka ende punë për t’u bërë; ai moment nuk ka ardhur ende”.

“Ndoshta do të jetë gjithashtu e nevojshme të formalizohen disa marrëveshje të rëndësishme që do të arrihen me kalimin e kohës, pasi të jetë bërë shumë punë. Por ai moment nuk ka ardhur ende”, vuri në dukje zëdhënësi. /os/

The post MOSKE – Kremlini: Zgjidhja e Ukrainës është një proces i gjatë, Trump e di këtë appeared first on Agjencia Telegrafike Shqiptare.

“Ukraina është gati për bisedime paqeje me Rusinë”, kështu ka deklaruar ministri i Jashtëm ukrainas Andriy Sibikha.

Ai gjithashtu përsëriti thirrjen e Kievit për një takim mes udhëheqësve të Rusisë dhe Ukrainës, duke shtuar se ky mund të jetë hapi më efektiv për shkuar drejt një arritje armëpushimi.

“Ne jemi të gatshëm për negociata të tilla në çdo format, në çdo vendndodhje gjeografike”, tha ai.

Kremlini njoftoi më herët se furnizimi i Ukrainës me armë nga Perëndimi ishte në krye të axhendës dhe se presidenca ruse po e monitoronte nga afër çështjen.

/abcnews.al/

Ndërsa qeveria shqiptare promovon me entuziazëm projektin e “Rijetëzimit të Stadiumit Niko Dovana” në Durrës, në prapaskenë po merr formë një skemë shumë më e thellë se thjesht rindërtimi i një impianti sportiv. Qytetarët po shohin në heshtje kthimin e këtij kompleksi në një “zonë të lirë investimesh” për njerëz të lidhur politikisht dhe ekonomikisht […]

The post Klani i Troplinëve dhe lidhjet me pushtetin, si po “gllabërojnë” miliona nga “Rijetëzimi” i Stadiumit “Niko Dovana” appeared first on BoldNews.al.

Një takim mes Presidentit rus Vladimir Putin dhe Presidentit amerikan Donald Trump konsiderohet i domosdoshëm nga Kremlini, por kërkon përgatitje të kujdesshme dhe tërësore, tha të enjten zëdhënësi i presidencës ruse, Dmitry Peskov.

“Një takim i tillë është me të vërtetë i nevojshëm; të gjithë e kuptojnë këtë, dhe të dy presidentët kanë shprehur gatishmërinë e tyre për ta mbajtur atë. Megjithatë, ai duhet të përgatitet me kujdes dhe tërësisht,” deklaroi Peskov për gazetarët.

Komentet e tij erdhën si reagim ndaj vërejtjeve të ndihmësit presidencial rus, Yury Ushakov, pas bisedës së fundit telefonike mes dy liderëve. Sipas Ushakov, pavarësisht se një takim i drejtpërdrejtë nuk u diskutua gjatë telefonatës, ideja “është në ajër”.

Putin dhe Trump zhvilluan një bisedë telefonike një ditë më parë, e katërta në vetëm një muaj e gjysmë dhe e gjashta që nga fillimi i vitit. Biseda zgjati rreth një orë dhe fokusohej në zhvillimet në Ukrainë, Lindjen e Mesme dhe çështje të tjera ndërkombëtare.

Megjithëse asnjë takim nuk është zyrtarizuar ende, shkalla e komunikimit dhe gatishmëria e deklaruar nga të dyja palët lënë të hapur mundësinë për një takim të afërt mes dy presidentëve, në një kohë kur tensionet globale dhe lufta në Ukrainë mbeten prioritete ndërkombëtare.

LEXONI GJITHASHTU:

• Kapen tre tonë kokainë në Ekuador, autoritetet: I përket mafias shqiptare
• 15 palestinezë të vrarë në Gaza, SHBA pret përgjigje nga Hamasi për armëpushimin

The post Kremlini: Një takim Putin-Trump është i nevojshëm, kërkon përgatitje të mirë appeared first on Euronews Albania.

Zëdhënësi i Kremlinit, Dmitry Peskov, ka deklaruar se Kremlini nuk mund ta përjashtonte mundësinë që protestat antiqeveritare në Serbi, të ishin një përpjekje për një revolucion, por ishte i bindur se udhëheqja serbe do të rivendoste qetësinë. Të shtunën, policia serbe u përlesh me protestuesit antiqeveritarë që kërkonin zgjedhje të parakohshme dhe fundin e sundimit 12-vjeçar të Presidentit Aleksandar Vuçiç.

“Pavarësisht faktit se Serbia është, sigurisht, nën një presion të paparë nuk mund ta përjashtojmë mundësinë që atje po përdoren metoda të njohura për të nxitur revolucione me ngjyra. Nuk kemi dyshim se udhëheqja aktuale serbe do të jetë në gjendje të rivendosë ligjin dhe rendin në vend në një të ardhme shumë të afërt”, u tha gazetarëve zëdhënësi i Kremlinit, Dmitry Peskov.

Rusia tradicionalisht e sheh Vuçiçin si një aleat të ngushtë dhe udhëheqësi serb ishte në Moskë më 9 maj për të parë një paradë ushtarake për të përkujtuar fitoren e Bashkimit Sovjetik ndaj nazistëve në Luftën e Dytë Botërore.

Muaj të tërë protestash në të gjithë Serbinë, përfshirë mbylljen e universiteteve, e kanë shqetësuar Vuçiç, mandati i dytë i të cilit përfundon në vitin 2027, kur janë planifikuar edhe zgjedhjet parlamentare. Vuçiç tha se pas protestave të së shtunës qëndronin “forca të huaja” të paspecifikuara dhe se demonstruesit u përpoqën të “rrëzonin qeverinë serbe”, por dështuan.

The post Kremlini në anën e Vuçiç, shpreson që presidenti të rivendosë qetësi në Serbi appeared first on Lapsi.al.

Prokuroria e Posaçme kundër Korrupsionit dhe Krimit të Organizuar, SPAK njoftoi të shtunën sekuestrimin e dhjetra pasurive të paluajtshme në pronësi të Elvis Doçit dhe personave të tjerë të akuzuar si bashkëpunëtorë në trafikun e drogës, apo personave të lidhur me ta. Sipas SPAK, në vijimësi të hetimit pasuror të 52 anëtarëve të organizatës kriminale […]

The post Sekuestrohen pasuri me vlerë 12 milionë euro nga organizata e trafikut të kokainës appeared first on Reporter.al.

Në zonën e Linit vijojnë kërkimet për të zbuluar fakte të reja rreth vendbanimit më të vjetër në Evropë.

Në një sesion të mbajtur të premten, arkeologët konfirmuan se lista e provave që tregojnë se kemi të bëjmë me vendbanimin më të lashtë të kontinentit është zgjeruar me zbulime të reja.

Në përfundim të fazës së parë të gërmimeve, profesor Adrian Anastasi konfirmoi këto gjetje të reja, përfshirë një gardh rrethues dhe elementë të tjerë.

Për arkeologun e njohur shqiptar, Ilir Gjipali, rëndësia e këtyre zbulimeve është shumë e madhe, pasi ato rikonfirmojnë se ky vendbanim është më i lashti në Evropë.

Vendbanimi palafit i Linit në Pogradec është mbi 8,500 vjeçar, i zbuluar para dy vjetësh, dhe gjatë kësaj periudhe arkeologë të ndryshëm po punojnë për të gjetur fakte të reja.

Studimet kanë treguar se në Lin janë zbuluar për herë të parë hapjet e llogoreve tokësore, shumë shtylla druri të shtëpive, shtresa qeramike të dekoruara me impreso, një nga format më të hershme të poçarisë, si dhe grumbuj të mëdhenj pishash, të cilat mendohet se janë mbetje të një ose disa shtëpive.

LEXONI GJITHASHTU:

• Promovimi i Linit 8100-vjeçar në Pogradec, hidhet ideja e ngritjes së një muzeu
• FOTO| Rrufeja “çan” qiellin në Lin të Pogradecit

The post Zbulimet e reja, arkeologët: Lini konfirmohet si vendbanimi më i vjetër në Evropë appeared first on Euronews Albania.

Gjatë seancës së sotme në Kuvend, kreu i opozitës Sali Berisha deklaroi se Edi Rama, duke iu referuar si kreu i partisë së krimit, mori epitetin më të merituar si Ramaduro i Europës. Ai hodhi akuza se Petro Koçin e nxorrën nga Kuvendi kartelet kriminale, teksa shtoi se grupi kriminal i Troplinëve paguan 10 milionë […]

The post Berisha: Troplinët e paguan 10 milion euro emërimin e ministrit të Brendshëm appeared first on BoldNews.al.

Kremlini ka mirëpritur lajmin për një armëpushim midis aleatit të tij, Iranit, dhe Izraelit të martën, një ditë pasi ministri i Jashtëm iranian, Abbas Araghchi, u takua me presidentin rus, Vladimir Putin, në Moskë.

“Nëse është arritur vërtet një armëpushim, atëherë kjo mund dhe duhet të mirëpritet”, u tha gazetarëve zëdhënësi i Kremlinit, Dmitry Peskov, gjatë konferencës së tij të përditshme të martën.

“Kjo është ajo që Federata Ruse ka kërkuar që nga fillimi i këtij konflikti”, tha ai, duke shtuar: “Shpresojmë që ky të jetë një armëpushim i qëndrueshëm.”

Irani ka qenë një nga aleatët më të fortë të Rusisë gjatë luftës së saj në Ukrainë dhe Moska menjëherë dënoi sulmet e SHBA-së kundër centraleve bërthamore iraniane të dielën.

Peskov tha se Araghchi “vlerësoi shumë” “qëndrimin e qartë” të Rusisë mbi krizën e Lindjes së Mesme kur u takua me Putinin të hënën.

I pyetur në lidhje me një raport të Reuters, se Araghchi i dorëzoi Putinit një letër nga udhëheqësi suprem Ali Khamenei, duke kërkuar mbështetje shtesë, Peskov mohoi se e kishte bërë këtë, por pranoi se ishin përcjellë mesazhe të caktuara.

“Nuk kishte asnjë dokument të shkruar”, tha Peskov. “Është e vërtetë që pati disa sinjale nga udhëheqja iraniane, por në përgjithësi, raporti i Reuters nuk pasqyron realitetin.”

Peskov shtoi se Irani dhe Rusia nuk diskutuan përgjigjen e Teheranit ndaj sulmeve amerikane gjatë bisedimeve në Moskë.

LEXONI GJITHASHTU:

• Zyrtarët iranianë festojnë ‘fitoren’ e armëpushimit ndaj Izraelit dhe SHBA-së
• Turqia i kërkon Iranit dhe Izraelit të respektojnë armëpushimin e shpallur nga SHBA

The post Kremlini mirëpret armëpushimin Iran-Izrael: Shpresojmë që të jetë “i qëndrueshëm” appeared first on Euronews Albania.

Kremlini ka mirëpritur lajmin për një armëpushim midis aleatit të tij, Iranit dhe Izraelit të martën, një ditë pasi Ministri i Jashtëm iranian, Abbas Araghchi, u takua me Presidentin rus Vladimir Putin në Moskë.

“Nëse është arritur vërtet një armëpushim, atëherë kjo mund dhe duhet të mirëpritet”, u tha gazetarëve zëdhënësi i Kremlinit, Dmitry Peskov, gjatë konferencës së tij të përditshme të martën.

“Kjo është ajo që Federata Ruse ka kërkuar që nga fillimi i këtij konflikti”, tha ai, duke shtuar: “Shpresojmë që ky të jetë një armëpushim i qëndrueshëm”. 

Lexo më tej: Shpërthen Trump: Izraeli dhe Irani nuk dinë se çfarë DREQIN po bëjnë (VIDEO) 

Irani ka qenë një nga aleatët më të fortë të Rusisë gjatë luftës së saj në Ukrainë dhe Moska menjëherë dënoi sulmet e SHBA-së kundër centraleve bërthamore iraniane të dielën.

Peskov tha se Araghchi “vlerësoi shumë” “qëndrimin e qartë” të Rusisë mbi krizën e Lindjes së Mesme kur u takua me Putinin të hënën.

I pyetur në lidhje me një raport të Reuters se Araghchi i dorëzoi Putinit një letër nga Udhëheqësi Suprem Ali Khamenei, duke kërkuar mbështetje shtesë, Peskov mohoi se e kishte bërë këtë, por pranoi se ishin përcjellë mesazhe të caktuara.

“Nuk kishte asnjë dokument të shkruar”, tha Peskov. “Është e vërtetë që pati disa sinjale nga udhëheqja iraniane, por në përgjithësi, raporti i Reuters nuk pasqyron realitetin.” 

Peskov shtoi se Irani dhe Rusia nuk diskutuan përgjigjen e Teheranit ndaj sulmeve amerikane gjatë bisedimeve në Moskë.

The post Kremlini skeptik: Nëse armëpushimi Izrael-Iran është i vërtetë, e mirëpresim appeared first on Lapsi.al.

Kreu i Partisë Demokratike, Sali Berisha, gjatë konferencës për shtyp ka akuzuar ashpër kryeministrin Edi Rama dhe Altin Troplinin, si përgjegjësit kryesorë për “farsën zgjedhore”. Lideri i opozitës tha gjithashtu se qendrat e votimit ishin nën presionin e “hanxharëve të krimit” dhe se qytetarët janë detyruar të mbyllin sytë përballë kërcënimeve.

“Këto janë, ka dhe të tjera, këto janë njëherë. Këtu po të marrësh qendrën e votimit del Sara Mila, sepse aty ku hanxharët e krimit kanë kërcënuar njerëzit, i kanë detyruar të mbyllin sytë. Hetim nuk ka, se këtu duhet të jemi realist. Pas kreut të organizatës kriminale Edi Rama që është përgjegjësi numër 1 për këtë farsë zgjedhore, me të gjithë kompleksitetin e saj, autori i saj është Altin Troplini, i cili amnistoi dosjet 184 dhe 339, duke u thënë shqiptarëve se krimi elektoral nuk ndëshkohet dhe se Edi Rama ka licencë për të vazhduar krime monstruoze të tjera. Pra kjo është. Janë dy këta baljozët më të zi të krimit elektoral, njëri është Edi Rama, i dyti është Altin Troplini”, tha Berisha.

The post Berisha: Baljozët e zi të krimit elektoral janë Edi Rama dhe Altin Troplini appeared first on Lapsi.al.

Kryetari i Partisë Demokratike, Sali Berisha tha në konferencën e tij për mediat se zgjedhjet e 11 majit kishin tipar kryesor, rolin e karteleve të drogës dhe organizatave kriminale.

Ai tha se deputeti i zgjedhur në qarkun e Durrësit, Arkend Balla për të cilin tha se mund të bëhet dhe ministër i Brendshëm, është i lidhur me këtë kartel. Më tej, Berisha tha se Balla ka qenë i punësuar në një nga kompanitë e atyre që janë pjesë e këtij karteli.

“Farsa elektorale e 11 Majit 2025, kishte si njërin nga tiparet më kardinale, rolin përcaktues të karteleve të drogës dhe organizatave kriminale. Është bërë i njohur, i famshëm përfaqësuesi i kartelit Troplini, kartelit më të madh të kokainës në Europë, pas spostimit nga vendet e tjera dhe zotërimit nga ky kartel të portit të Durrësit. Përfaqësuesi i këtij karteli dhe Edi Ramës, Arkend Balla, i parashikuar si ministër i Brendshëm, njeriu që mori 5200 vota më shumë se Edi Rama në qarkun e Durrësit, është i lidhur shpirt dhe xhep me këtë kartel.

Nga leximi i dokumenteve të tij, Arkend Balla, i cili pas largimit të një deputeti të PS, u fut në parlament, ka deklaruar veten të punësuar vetëm në universitetin e Durrësit. Por, po të shihet me kujdes deklarata e pasurisë së tij, rezulton se nga data 1 qershor e vitit 2021 deri me datën 5.8.2023, famozi Arkend Balla, ka qenë i punësuar në kompaninë Nisatel. Kompania Nisatel, një nga ortakët themelues ka Sidrit Danajn, i cili sot zotëron 100 përqind të aksioneve. Kjo është një kompani që ofron shërbime interneti, telekomunikacioni, televizioni. Për periudhën 2015-2025, kjo kompani ka përfituar nga institucionet shtetërore 900 mijë euro pagesa. Nisatel është një kompani që adresën primare ku ushtron aktivitetin e ka në Vlorë, dhe kjo pas hulumtimeve, është gjetur se si Arkend Balla u përzgjodh nga kjo kompani për t’u punësuar pranë saj.”, tha Berisha.

The post Berisha: Deputeti Arkend Balla u punësua në kompaninë e kartelit të Troplinëve appeared first on Lapsi.al.

Nga Albert Vataj Nuk ka më fjalë për të shtuar në legjendën që u ngjiz mbi të. E megjithatë, gjithmonë mbetet diçka për t’u thënë kur nëpërmjet poezisë përpiqemi të kuptojmë shpirtin që vuajti përtej glamurit dhe ikonës. Pier Paolo Pasolini, me ndjeshmërinë e tij therëse dhe trishtimin e tij të njohur për të padukshmen, shkroi për Marilyn Monroe një poezi që nuk është thjesht homazh…

Source

Perëndimi është përfshirë drejtpërdrejt dhe tërthorazi në “sulmet terroriste” të Ukrainës kundër objektivave civile në Rusi, ka pohuar një zëdhënës i Ministrisë së Jashtme ruse.

Vendet perëndimore, NATO dhe Perëndimi furnizojnë me armë dhe japin koordinata për sulme të tilla, pohoi Maria Zakharova.

Kjo vjen ndërsa zëvendësministri i jashtëm i Rusisë, Sergei Ryabkov, i tha Sky News se të gjitha opsionet janë në tryezë në përgjigje të sulmeve të Ukrainës në territorin rus.

Ai tha se ministria e mbrojtjes do të vendosë për masat e mundshme të reagimit.

Ukraina ka thënë se nuk i shënjestron qëllimisht civilët në operacionet e saj, të cilat Kievi thotë se kanë pasur për qëllim inteligjencën ushtarake, qendrat logjistike dhe objektivat strategjike brenda Rusisë.

LEXONI GJITHASHTU:

• Koloneli Demiraj: Shqetësimi më i madh për SHBA-në është Kina, jo Rusia
• Anëtar i delegacionit ukrainas: Rusia refuzoi një armëpushim pa kushte në Stamboll

The post Kremlini akuza Perëndimit për përfshirje në “sulme terroriste” ndaj civilëve në Rusi appeared first on Euronews Albania.

Kreu i PD, Sali Berisha, ishte edhe këtë të hënë në SPAK në lidhje me masën e sigurisë “detyrim paraqitje” ndërsa para ambienteve të kësaj godine ndodheshin dhe disa mbështetës të tij.

Ai qëndroi për 5 minuta në SPAK dhe në dalje dha një deklaratë për mediat ku bëri akuza ndaj kreut të SPAK, Altin Dumani, duke e etiketuar atë si “Altin Troplini”, pasi sipas tij Dumani ka mbajtur për 22 ditë fletën e arrestimit për grupin e goditur nga Italia dhe SPAK-u.

“Kjo zyrë shteti, që paguhet me pagat më të larta në Ballkan, paguhet 7 mijë euro prokurori për metitën e veçantë që komunikojnë dhe bëjnë pazare me kriminelë. Do të shpallet seksioni i kartelit ‘Troplini’. Do të shpallet seksioni i kartelit më të fuqishëm të drogës në Europë, karteli që administron portin kryesor të vendit, portin e Durrësit. Në shënimin që i lashë “Altin Troplinit” e informova se sot e tutje do ta quajmë “Altin Troplini”, kjo për arsye të forta ligjore, sepse ky bashkëpunëtor i kartelit më të rrezikshëm dhe fuqishëm në Europë mbajti në zyrën e tij për 22 ditë vendimin e gjykatës për arrestimin e Troplinit apo Pojave, sepse ashtu quhet ky kartel droge. Jo vetëm e mbajti 22 ditë, por e dërgoi për ekzekutim pasi Xhevdeti dhe Elvisi kishin mbërritur në destinacionet e tyre, dhe sot janë të lirë, duke kontrolluar nga vendodhjet e tyre portin e Durrësit dhe trafikun e kokainës. Për këtë arsye unë i lashë këtë shënim”, tha Berisha.

Shënimi që la Berisha dhe e lexoi:

“Me mbajtjen për 22 ditë të fletëarrestit të gjykatës për bosët e kartelit më të madh të drogës në Europë, kartelit Troplini, Altin Dumani do të regjistrohet si bashkëpunëtor kryesor i këtij karteli dhe do të ndryshojë mbiemrin e tij nga Dumani në ‘Altin Troplini’”, tha Berisha.

Paralajmërova Dumanin! Berisha: Çfarë i shkrova këtë herë pic.twitter.com/MSRjWLfDli

— Euronews Albania (@EuronewsAlbania) June 2, 2025

LEXONI GJITHASHTU:

• “Berisha është makinë e vjetër politike”-Dashnor Sula: Unë s’e kaloj më atë prag
• “Berisha nuk respektoi demokristianët”, Ndoka: Nuk jemi më me PD-në

The post Masa e sigurisë, Berisha: SPAK mbajti peng vendimin për arrestim bosëve të drogës appeared first on Euronews Albania.

Sali Berisha mbajti një fjalim të ashpër në seancën e parë parlamentare, ku e cilësoi procesin si “farsa më kriminale zgjedhore në historinë e vendit”. Ai akuzoi Edi Ramën dhe mazhorancën për blerje votash me para publike, përdorim të karteleve të drogës për të ndikuar rezultatin, dhe manipulim të votës së diasporës.

Berisha pretendoi se në parlament janë futur përfaqësues të krimit të organizuar, të cilët – sipas tij – kanë zëvendësuar përfaqësimin politik përmes votës së lirë. Ai përmendi emra konkretë të njohur nga kronika e zezë, duke thënë se ata janë sponsorët e vërtetë të pushtetit aktual.

Pjesë nga deklarata:

Të nderuar deputetë, kjo seancë mblidhet pas farsës elektorale më të turpshme, pas rënies së Perdes së Hekurt në Europën ish-komuniste.
Kjo seancë mblidhet pasi partia e krimit me në krye Edi Ramën zhvilloi farsën zgjedhore më kriminale që ka njohur ndonjëherë historia e vendit.
Kjo seancë mblidhet pasi në shkelje të të gjitha ligjeve kombëtare dhe ndërkombëtare, Edi Rama përdori 76 milionë euro dhuratë për 48 përqind të votuesve.
Pasi fali 200 milionë euro gjoba dhe kamata për të marrë votat.
Pasi mobilizoi kartelet më të rrezikshme të drogës në Europë.
Deputetët e këtyre karteleve u zëvendësojnë ju në këtë parlament, jo se ju nuk ishit mëkatarë, por vetëm njëri prej tyre, Arkendi, që mori 2500 vota në vitin 2021, mori këtë vit nga Troplinët 5 mijë vota më shumë se Edi Rama.
Ju mblidheni këtu pasi klanet e vrasësve, drogës, kartelet e drogës, sjellin në këtë parlament 28 deputetë në lista të mbyllura dhe të hapura.
Ju mblidheni sot këtu pasi për të blerë votat me drogë, kreu juaj firmosi mbjelljen e 28 mijë hektarëve kanabis në mbarë vendin.
Ju mblidheni sot këtu në një kohë kur votën e parë të diasporës shqiptare e manipuluat në mënyrën më të egër.
Kur 1.6 milionë shqiptarëve iu shkelmuat votën.
O botë e krimit, nuk mund të ishit ndryshe ju.
Përfaqësues të klaneve më të egra dhe vrasësve, nuk mund të ishit ndryshe, këta mund të ishit.
Po, po.
Shumë herë më e ndershme do ishte që këtu në parlament të ulej Xhevdet Troplini, Altin Hajri, Elvis Çela, Bahri Bajri, Pëllumb Gjoka, Arben Qimja, Renato Salihi, Orik Shyti dhe të tjerë të cilët u përdorin ju si lecka politike në funksion të perandorive të tyre të krimit.

The post Berisha në parlament: Më e ndershme të vijë Xhevdet Troplini dhe Altin Hajri appeared first on Lapsi.al.

Stambolli mund të jetë sërish mikpritës i bisedimeve mes Rusisë dhe Ukrainës. Këtë e bëri të ditur zëdhënësi i Kremlinit, Dmitry Peskov, gjatë një deklarate për gazetarët, duke konfirmuar se qyteti turk po shqyrtohet si një nga opsionet për raundin e ardhshëm të dialogut mes palëve.

“Për shembull, ai që priti raundin e parë të bisedimeve”, tha Peskov, duke iu referuar Stambollit, ku më 16 maj 2025 u zhvillua takimi i parë i drejtpërdrejtë mes delegacioneve ruse dhe ukrainase që prej vitit 2022. Ai shtoi se “gjithçka tjetër është çështje marrëveshjeje të ndërsjellë”.

I pyetur nëse Stambolli konsiderohet zyrtarisht si një vend i mundshëm për raundin e ardhshëm, Peskov u përgjigj prerazi: “Absolutisht”.

Takimi i mbajtur më 16 maj në Stamboll shënoi një rifillim të dialogut të ndërprerë mes dy vendeve që nga viti 2022, dhe u organizua me iniciativën e Kievit dhe me mbështetjen e vendeve perëndimore. Bisedimet kanë për qëllim eksplorimin e mundësive për një zgjidhje paqësore të konfliktit që vijon prej më shumë se tre vjetësh.

Nuk është bërë ende e ditur data e saktë për takimin e radhës, por përmendja e Stambollit si një vend i pranueshëm nga Rusia lë të kuptohet se diplomacia ndërkombëtare po përpiqet të ringjallë një proces paqeje të qëndrueshëm.

LEXONI GJITHASHTU:

• Del nga rruga autobusi shkollor, plagosen disa fëmijë në Ukrainë
• Merz: Gjermania dhe Ukraina do të prodhojnë së bashku raketa me rreze të gjatë

The post Kremlini: Stambolli shqyrtohet si vendi për zhvillimin e negociatave me Ukrainën appeared first on Euronews Albania.

MOSKË, 28 maj /ATSH-ANSA/ – Ndër kushtet e Vladimir Putinit për t’i dhënë fund luftës në Ukrainë është një kërkesë që udhëheqësit perëndimorë të bëjnë një angazhim me shkrim për të ndaluar zgjerimin e NATO-s drejt lindjes dhe për të hequr disa sanksione ndaj Rusisë.

“Putini është gati të bëjë paqe, por jo me çdo çmim. Dëshiron një angazhim me shkrim nga fuqitë e mëdha perëndimore për të mos zgjeruar aleancën e NATO-s, gjë që përbën përjashtimin formal të anëtarësimit të Ukrainës, Gjeorgjisë dhe Moldavisë’’, thekson Kremlini zyrtar.

”Rusia gjithashtu dëshiron neutralitetin e Ukrainës, heqjen e disa sanksioneve perëndimore, një zgjidhje të çështjes së aseteve sovrane të ngrira ruse në Perëndim dhe mbrojtjen e njerëzve që flasin rusisht në Ukrainë”, theksojnë burimet qeveritare.

”Moska e kupton që Donald Trump dëshiron një zgjidhje të shpejtë të konfliktit në Ukrainë, por interesat kombëtare të Rusisë janë mbi çdo gjë tjetër”, theksoi zëdhënësi i Kremlinit Dmitry Peskov në përgjigje të presidentit amerikan i cili dje kishte akuzuar presidentin rus Vladimir Putin se “po luan me zjarrin”.

”Një takim personal midis presidentit rus Vladimir Putin dhe presidentit ukrainas Vladimir Zelensky mund të zhvillohet vetëm pas “marrëveshjeve specifike” mbi temat në diskutim”, tha Peskov.

Presidenti ukrainas Volodymyr Zelensky ka bërë thirrje për një samit trepalësh me presidentin e SHBA-së Donald Trump dhe Presidentin rus Vladimir Putin, në një përpjekje për ta detyruar Moskën të pranojë një armëpushim.

“Nëse Putini nuk ndihet rehat me një takim dypalësh, ose nëse të gjithë duan që të jetë një takim trepalësh, unë jam dakord me këtë. Jam gati për çdo format”, theksoi Zelensky në komentet e publikuara sot./  /os/

The post RUSI – Putin: Perëndimi të angazhohet me shkrim për të ndaluar zgjerimin e NATO-s drejt Lindjes appeared first on Agjencia Telegrafike Shqiptare.