Dy të rinj janë arrestuar nga policia në Tiranë, pasi akuzohen se kanë përndjekur dhe kërcënuar ish të dashurat e tyre.

U bë me dije se 34-vjeçari me inciale K.M., ka përndjekur ish të dashurën në rrjetet sociale dhe ka lënë 2 fishekë arme gjahu, në oborrin e banesës së familjarëve të kësaj shtetaseje, me qëllim kanosjen.

Po ashtu në pranga ra edhe një 28-vjeçar i cili akuzohet se ka përndjekur në rrjete sociale, ish të dashurën e tij.

Njoftimi:

“Si rezultat i kërkimeve të bazuara te informacionet e inteligjencës policore, me qëllim kapjen e shtetasve të shpallur në kërkim, si dhe falë bashkëpunimit ndërmjet shërbimeve të komisariateve të Policisë Nr. 2, Nr. 5 dhe Nr. 6, u lokalizuan dhe vunë në pranga shtetasit:

-K. M., 34-vjeç, i cili ishte në kërkim policor, për veprat penale “Përndjekja” dhe “Falsifikimi kompjuterik”.

Ai dyshohet se ka përndjekur ish të dashurën e tij, në rrjete sociale. Gjithashtu, dyshohet se ky shtetas, ka lënë 2 fishekë arme gjahu, në oborrin e banesës së familjarëve të kësaj shtetaseje, me qëllim kanosjen. Fishekët u sekuestruan me cilësinë e provës materiale;

-E. P., 28-vjeç, pasi Gjykata e Tiranës i ka caktuar masën e sigurisë “Arrest në burg”, për veprën penale “Përndekja”, sepse akuzohet se ka përndjekur në rrjete sociale, ish të dashurën e tij”, thuhet në njoftimin e policisë.

Materialet procedurale iu referuan Prokurorisë së Tiranës, për veprime të mëtejshme.

The post Përndoqën dhe kërcënuan ish-të dashurat, arrestohen dy të rinjtë në Tiranë (VIDEO) appeared first on Albeu.com.

Rilindja në krahët e mbrojtjes është një nga prioritetet e verës për Milanin dhe për drejtuesit Tare e Furlani nuk ka më kohë për pritje.

Krahu i majtë i mbrojtjes do t’i besohet Pervis Estupinjanit. Futbollisti nga Ekuadori është pjesë e Brajtonit në Ligën Premier. Lojtari 27-vjeçar është një nga elementet më të spikatura të klubit anglez, me të cilin ka zhvilluar paraqitje mjaft pozitive.

Eksperti i merkatos, “Fabricio Romano”, ka njoftuar se palët kanë arritur marrëveshjen verbale mes tyre për këtë transferim.

Milani do të paguajë 17 milionë euro plus 2 milionë të tjera shtesë për kartonin e Estupinjanit. Ndërkohë vetë mbrojtësi i majtë do të firmosë një kontratë afatgjatë me klubin kuqezi. Në ditët në vijim pritet të vijë edhe zyrtarizimi i marrëveshjes.

The post Igli Tare gjen pasardhësin e Teos në Angli, Milani arrin akordin me… appeared first on Albeu.com.

Saranda është kthyer muajin e fundit në epiqendër të veprimtarive kriminale, ku përplasja mes grupeve të ndryshme apo për interesa ekonomike deri edhe nëngjarje për motive të dobëta apo banale, ka shkaktuar disa persona të plagosur e deri tek shpërthime me eksploziv.

Persona të armatosur, me precedentë të rëndë kriminalë e deri tek persona në kërkim, kanë qenë shpesh autorë të ngjarjeve të rënda.

Prej orës 03.30 të mëngjesit të sotëm , në qytet kanë mbërritur forcat RENEA, të cilat kanë zhvilluar kontrolle të ndryshme për kapjen e personave në kërkim, të përfshirë në këto ngjarje.

Paralelisht kontrolle janë zhvilluar edhe nga FNSH dhe forcat “Shqiponja”. Ende nuk dihen rezultatet e këtij operacioni, ndërjohë që detaje priten në orët në vijim.

Ky është operacioni i dytë që zhvillohet brenda tre ditëve, pas atij në orët e para të mëngjesit të së dielës kur kontrolle u ushtruan nga forcat operacionale të Tiranës e Vlorës, në bashkëpunim me FNSH dhe forcat “Shqiponja”, por pa rezultat.

Mbrëmjen e djeshme, shpërthimi i eksplozivit shkatërroi automjetin e 31-vjeçarit Klaus Jaçaj, person me precedentë aktualisht në kërkim për “përkrahje të autorit të krimit”, lidhur me ngjarjen e 17 korrikut, kur në Sarandë u plagosën me armë dy të rinj nga Kamza.

NGJARJET E MUAJIT KORRIK

7 korrik – Plagoset me armë në fshatin Markat të Sarandës, 44-vjeçari Saimir Haxhiu, person me precedentë penalë. Ngjarja ende e pazbardhur.

8 korrik – Kapet në Ksamil kosovari Shkëlqim Murati, 31 vjeç, me armë zjarri pistoletë pa leje në automjetin e tij “Range Rover”

11 korrik – Policia ndalon rastësisht në rrugën “Butrinti” një automjet me 4 persona. Dy persona i ikin me vrap policisë, njeri hidhet në det. Policia arrin të kapë tre, përfshirë dhe atë që u hodh në det. Në pranga Endrit Doku, Imer Gega dhe Ervis Cukali. Zbulon në çantën e krahut të Dokut, 1 armë zjarri pistoletë. Ervis Cukali, rezulton i kërjuar për pjesëmarrje në një planifikim vrasjeje në Fier.

11 korrik – Sherr mes disa personash në lagjen nr. 3 të qytetit. Shpallet në kërkim D. R, 39 vjec nga fshati Gjashtë, pasi në bashkëpunim me një të mitur ja konfliktuar për motive të dobëta me 3 shtetas nga Patosi e Tepelena.

16 korrik – Plagoset me thikë në rrugën “Mitat Hoxha” Klodian Basholli nga Delvina, person me precedentë të rëndë penalë.Arrestohet autori Elvis Ndoji, edhe ky me precedentë penalë.

17 korrik – Dy grupe përolasen me armëë në mes të ditës në lagjen nr.4 në sy të pushuesve. Dy persona nga Kamza, Gëzim Hajdaraj dhe Ernest Lama mbeten të plagosur. 4 personat e njerit grup, Ramadan Zoto, Erjon Canaj, Klaus Jaçaj dhe Artan Murtaj, të gjithë me precedentë penalë, njeri i dënuar për vrasje. Njerit prej të plagosurve i gjendet armë zjarri gjithashtu.

19 korrik – Dhunohet biznesmeni Albert Pashaj në një plazh në Ksamil. Konflikti për administrimin e një plazhi. Ngjarja e përsëritur, pasi Pashaj ishte dhunuar edhe në 6 qershor. Policia arreston 3 autorët, mes tyre edhe biznesmenin Agim Taraj.

19 korrik – Dhunohet në rrugën “Onhezmi” 25-vjeçari I. D nga Saranda. Policia ndalon dy autorwt E. N dhe I. N, nga fshati Gjashtë, persona me precedentë penalë dhe i procedon në gjendje të lirë.

20 korrik – Të shtëna me armë zjarri në lagjen nr.4, rruga “Mitat Hoxha”. Në sy të dhjetëra pushuesve që frekuentojnë këtë zonwë, plagoset me qytë. e një arme zjarri ish-efektivi i policisë Adil Veli. Policia identifikon dhe shpall në kërkim autorin, E. G., 44-vjeç.

21 korrik – Hidhet në erë me eksploziv automjeti i Klaus Jaçah, person i shpallur në kërkim për “përkrahje të autorit të krimit”. Ngjarja dyshohet hakmarrje për plagosjen e dy personave në 17 korrik në Sarandë.

The post Saranda zgjohet në “shtetrrethim”/ RENEA kontrolle gjatë natës në qytet, operacioni i dytë brenda 3 ditësh appeared first on Albeu.com.

Mëngjesin e sotëm rreth orës 07:10, një aksident rrugor ka ndodhur  në aksin Shëngjin–Velipojë, në fshatin Rrjoll, ku një automjet me targa kosovare ka dalë nga rruga dhe është përplasur me një dyqan.

Sipas informacioneve paraprake, shtetasi kosovar J. B., duke drejtuar mjetin, dyshohet se ka humbur kontrollin për shkaqe ende të paqarta.

Si pasojë, automjeti është përplasur me një dyqan në anë të rrugës.

Nga aksidenti janë plagosur drejtuesi i mjetit dhe tre pasagjerë të tjerë, të gjithë familjarë të tij.

Të dëmtuarit janë transportuar menjëherë në spital dhe ndodhen jashtë rrezikut për jetën.

Në vendngjarje ndodhet grupi hetimor, i cili po punon për të sqaruar shkaqet dhe rrethanat e plota të aksidentit.

The post Aksident në Shkodër/ Drejtuesi humb kontrollin e mjetit dhe përplaset me një biznes, 3 persona dërgohen me urgjencë në spital appeared first on Albeu.com.

Mbrëmjen e djeshme rreth orës 23:50, në lagjen nr. 3 të qytetit të Sarandës, është regjistruar një shpërthim me lëndë eksplozive .

Sipas burimeve paraprake nga policia, lënda plasëse dyshohet se është vendosur në një automjet në pronësi të shtetasit Klaus Jaçaj, 31-vjeç.

Fatmirësisht, nga shpërthimi nuk raportohet për persona të lënduar, ndërsa janë shkaktuar vetëm dëme materiale në automjet.

Shtetasi Klaus Jaçaj, rezulton person në kërkim, i dyshuar për veprën penale “Përkrahja e autorit të krimit”, në lidhje me një ngjarje të ndodhur më 17 korrik 2025, ku dy persona mbetën të plagosur nga armë zjarri.

Grupi hetimor ndodhet në vendngjarje dhe po vijon punën për identifikimin dhe kapjen e autorit, si dhe për zbardhjen e plotë të rrethanave të ngjarjes.

Policia po punon gjithashtu, për dokumentimin e ngjarjes në mënyrë të plotë ligjore.

Çfarë ndodhi më 17 korrik?

Rreth orës 15:00, në lagjen nr. 3 të qytetit nis një konflikt për motive të dobëta mes shtetasve Gëzim Hajdaraj, 33-vjeç, dhe Ernest Lama, 25-vjeç, të dy banues në Tiranë, dhe disa shtetasve të tjerë.

Gjatë konfliktit, Ramadan Zoto, 4-vjeç, banues në Sarandë, dyshohet se ka qëlluar me armë zjarri ndaj Hajdarajt dhe Lamës, duke i plagosur rëndë të dy.

Të plagosurit Ernest Lama, 24-vjeç, dhe Gëzim Hoxhaj, 32-vjeç nga Kamza u dërguan në Spitalin e Traumës në Tiranë, nën kujdesin intensiv të mjekëve.

Në kuadër të hetimeve, janë shpallur në kërkim katër shtetas të përfshirë në këtë ngjarje:

Ramadan Zoto, 43-vjeç, për veprën penale “Vrasja në rrethana të tjera cilësuese”, e mbetur në tentativë.

Erjon Canaj, 36-vjeç;

Artan Murtaj, 43-vjeç;

Klaus Jaçaj, 31-vjeç, të tre banues në Sarandë, për veprën penale “Përkrahja e autorit të krimit”.

Ndërkohë, gjatë kontrollit të ushtruar ndaj njërit prej të plagosurve, Gëzim Hajdaraj, atij iu gjet dhe iu sekuestrua një armë zjarri pistoletë tip “Beretta”, së bashku me një krehër me 9 fishekë. Si pasojë, ai u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Nga vendngjarja janë sekuestruar si prova materiale 4 gëzhoja arme zjarri, arma tip “Beretta” dhe krehëri me fishekë.

Hetimet

Aktualisht, po hetohen dy pista kryesore lidhur me motivin e kësaj ngjarjeje.

Pista e parë ka të bëjë me një konflikt të vjetër për një plazh, ku dy familjet dyshohet se janë përballur më parë për çështje pronësie apo shfrytëzimi të hapësirave përgjatë vijës bregdetare.

Pista e dytë lidhet me një konflikt që mendohet të ketë nisur fillimisht mes dy fëmijëve të mitur, dhe më pas ka agravuar duke përfshirë të rriturit, derisa situata ka përfunduar në përdorimin e armës së zjarrit.

Policia po vijon mbledhjen e dëshmive dhe pamjeve të kamerave të sigurisë në zonë, me qëllim rindërtimin e plotë të dinamikës së ngjarjes.

The post Tronditet Saranda/ Shpërthim me lëndë plasëse automjetit të një personi të shpallur në kërkim (EMRI) appeared first on Albeu.com.

Mungesa e reshjeve ka reduktuar prodhimin në kompaninë publike të Energjisë, KESH dhe për pasojë ka përkeqësuar bilancin nga fitime mbi 30 milionë euro në tremujorin e parë 2024 në humbje 21 milionë euro në tremujorin e parë 2025, sipas të dhënave që publikoi Ministria e Financave.

Sektori energjetik ka vijuar të ruajë rezultatin neto pozitiv, megjithatë trendi i periudhës tremujore gjatë tri viteve të fundit është në rënie.

Kjo performancë në nivel sektori, është ndikuar kryesisht nga aktiviteti i ulët i prodhimit të shoqërisë KESH, për shkak të kushteve të pafavorshme klimatike gjatë periudhës së parë të vitit.

Nga pikëpamja hidrike, periudha e 6 mujori 2025 paraqitet me reshje të ulëta dhe me një nivel të basenit të Fierzës ndjeshëm më i ulët se kuota mesatare prej 286.5m e 30 viteve të fundit për të njëjtën periudhë, analizon Ministria e Financave.

Niveli i përgjithshëm i prodhimit vendas, ka pësuar një rënie me rreth 5.3% krahasuar me të njëjtën periudhë të një viti më parë.

KESH realizoi një nivel prodhimi neto publik prej rreth 1.38 TWh, krahasuar me 1.44 TWh realizuar në të njëjtën periudhë të vitit të kaluar, duke rezultuar në një rënie me rreth 4.2%.

Të ardhurat e KESH, pësuan rritje vjetore me 12 për qind në tremujorin e parë 2025 duke arritur në 6.7 miliardë lekë, por shpenzimet pësuan rritje të fortë me rreth 200 % si rrjedhoje e shpenzimeve më të larta për blerjen e energjie.

Këto luhatje nuk janë të rastësishme KESH, dhe në përgjithësi sistemi energjetik shqiptar, është i mbështetur pothuajse tërësisht tek hidrocentralet, që do të thotë se sasia e energjisë elektrike e prodhuar varet nga sasia e reshjeve dhe niveli i prurjeve në kaskadën e Drinit.

Në periudha të thata, kapacitetet prodhuese bien ndjeshëm, çka detyron blerjen e energjisë në tregjet e jashtme me kosto të lartë, duke ndikuar negativisht në bilancet financiare.

Përkundrazi, në periudha të lagështa, ndonëse prodhimi rritet, ndodh që çmimi i energjisë në tregjet rajonale të jetë i ulët për shkak të ofertës së lartë, duke e kufizuar të ardhurën neto të kompanisë.

Krahas rënies se fitimeve bilanci i KESH është shoqëruar me një rritje të detyrimeve afatgjata, nga 12.3 miliardë në 17.5 miliardë lekë.

Kjo sinjalizon presion mbi qëndrueshmërinë financiare të KESH, që lidhet me borxhet për të financuar importet e energjisë.

Pavarësisht përpjekjeve për diversifikimin e burimeve të energjisë sistemi energjetik shqiptar, mbetet jashtëzakonisht i ndjeshëm ndaj kushteve natyrore./ Monitor

The post Mungesa e reshjeve vë në vështirësi KESH, humbje 21 mln euro në tremujorin e parë 2025 appeared first on Albeu.com.

Sot, më 22 korrik 2025, dollari amerikan, blihet me 82.5 lekë dhe shitet me 83.6 lekë.

Euro, blihet me 96.8 lekë dhe shitet 97.8 lekë.

Franga zvicerane, këmbehet në blerje me 103.2 lekë, ndërsa në shitje me 104.5 lekë.

Paundi britanik, blihet me 111.3 lekë dhe shitet me 112.6 lekë.

Dollari kanadez, sot në blerje këmbehet me 60.3 lekë, ndërsa në shitje me 61.7 lekë.

Më poshtë, po sjellim të dhënat e këmbimin valutor, për të gjitha monedhat e huaja:

The post Këmbimi valutor/ Çfarë po ndodh me monedhat e huaja? Me sa po blihen dhe shiten dollari dhe euro appeared first on Albeu.com.

Ditën e sotme në vendin tonë, i nxehti afrikan vijon ndikimin e tij edhe gjatë ditës së martë, duke sjellë mot të kthjellët dhe temperatura të larta, ku vlera ekstrem priten në zonat jugore deri në 40 gradë Celcius.

Orët e pasdites sjellin prezencë të vranësirave të pakta në të gjithë territorin e vendit, ku më të dukshme do të jenë në zonat verilindore dhe juglindore.

Mundësia për reshje është thuajse zero. Rritet ndjeshëm lagështira relative në ajër, duke bërë që i nxehti të ndjehet edhe më shumë.

Temperaturat e ajrit do të rriten lehtë në mëngjes dhe në mesditë, duke luhatur vlerat ditore nga 13°C temperatura më e ulët e shënuar në qytetin e Ersekës, deri në 40°C vlera më e lartë e cila pritet për-gjatë Ultësirës Perëndimore.

Era do të fryjë e lehtë dhe herë pas herë mesatare me shpejtësi mbi 28 km/h nga drejtimi permanent Perëndimor, duke krijuar në brigjet detare dallgëzim të ulët.

The post Parashikimi i motit 22 Korrik 2025/ Vijojnë temperaturat e larta appeared first on Albeu.com.

Këtë të mërkurë, një ngjarje e rëndë është shënuar në fshatin Shtërmen të Cërrikut, ku një shtetas rreth 65-vjeç, i identifikuar si G.B., dyshohet se është mbytur aksidentalisht në një kanal vaditës.

Sipas informacioneve paraprake të policisë, trupi i pajetë i të moshuarit është dërguar për ekspertizë mjeko-ligjore, ndërsa grupi hetimor ka nisur punën për zbardhjen e plotë të rrethanave të ngjarjes.

Nuk dihen ende detaje të tjera në lidhje me dinamikën e ngjarjes, ndërsa autoritetet vijojnë hetimet.

The post E rëndë në Cërrik/ Një person gjendet pa shenja jete, për çfarë dyshohet appeared first on Albeu.com.

Kreu i “Nismës Thurrje”, Endri Shabani, ka folur së fundmi lidhur me atë çfarë është duke ndodhur brenda koalicionit të tyre, ky fajtori i vetëm sipas tij është Adriatik Lapaj i cili prej fillimit nuk ka mbajtur fjalën e tij.

I ftuar në studion e “News 24”, Shabani u shpreh se “çështja e mandatit”, ka kërkuar që të zgjidhej dhe të dyja palët të binin dakord, mirëpo është përballur nga Lapaj dhe mbështetësit e tij me kërcënime.

Duke theksuar se së fundmi i ka kërkuar Komisionit Qendror të Zgjedhjeve që mandati i deputetit t’i kalojë Lapajt, Shabani thekson se daja i tij, Zeqir Kordhoni mori vendimin për mos hequr dorë nga mandati pasi përgjatë gjithë fushatës zgjedhore ishte dëshmitar i sjelljes së kreut të “Nismës Shqipëria Bëhet”, i cili sipas tyre kishte në dorë “frenat” dhe merrte vetë vendimet.

“Zeqiri është familjari im ka marrë në dorë nëj veprim që unë nuk do ja kisha rekomanduar. E ka marrë individualisht. Ka bërë një letër me shkrim dore dhe e ka dorëzuar. E kam marrë në telefon kemi folur i kam thënë kush është situata dhe ai më ka thënë mund të tallet me ju po jo me mua”, tha ai.

“Në fillim tha po pastaj e dorëhoqi pastaj tha s’jam dakord. Gjatë gjithë kësaj kohe prodhoi një zhgënjim. Ne nuk vendosim kujt i takon mandati, ne mbajmë premtimet që kemi dhënë, ky është ndryshimi për klasën e vjetër politike. Çështja ishte që ne të vendosnim një standart tjetër. Unë e kam toleruar si indvidi, se ishte marrëdhënia e Lapajt me qytetarët.

Ky tha do jap dorëheqjen dhe e drodhi. Si ti them unë Zeqirit që do japësh dorëheqjen, por ky që është lider nuk e mbajti fjalën. Në këtë situatë por edhe në një klimë tensioni që ka n qenë që para fushatës pas fushatë, brenda koalicionit se anëtarët e Nismës Thurrje janë ndjerë të zhgënjyer. Adriatiku nuk pyeste për asgjë, po vendoset e kush do fliste dhe ku do flisnin”, tha Shabani duke theksuar më tej se betejën nuk duhet ta kenë me njëri-tjetrin, por me klasën e vjetër politike për të cilët tha se nuk duhet të bëhen si ata.

Ndërkohë më tej, kreu i “Nismës Thurrje” foli me emra dhe mbiemra ku drejtoi gishtin nga familjari i Lapajt, i cili e kishte marrë në telefon dhe e kishte kërcënuar.

“Arjanit Rexhepa janë disa vëllezër më kanë marrë në telefon tërhiqu më kanë thënë se ka dhe me pahir…ky sillet si pronari i mandatit kthjellohu pak se jemi shumë dhe nuk do e lëmë me kaq”, tha Shabani më tej.

The post Endri Shabani: Mandati le t’i kalojë Adriatik Lapajt, e kam toleruar si individ, por na e ka dredhur appeared first on Albeu.com.

Ditën e sotme, Gjykata e Posaçme, ka shpallur të pafajshme deputeten e PD-së, Albana Vokshi, për akuzat e ngritura ndaj saj për shpifje lidhur me biznesmenen Vilma Nushi, për çështjen e konsensioneve në shëndetësi dhe aferën e chek upp.

Biznesmenja Vilma Nushi, përmes avokatëve të saj paditi në GJKKO, Albana Vokshi për deklaratat e saj në Komisionin Hetimior për koncesionet në Shëndetësi.

Sipas deputetes së PD-së, biznesmenia ka përfituar përmes akteve korruptive, si divident rreth 1.5 milionë euro.

Sipas opozitës, Vilma Nushi, në cilësinë e pronares së dy kompanive, e cila është pjesë e koncesionit të Check Up, “është përfituese indirekte dhe direkte (ka përfituar rreth 1.5 mln Euro nga dividenti”),

The post Akuzat për shpifje ndaj biznesmenes Vilma Nushi, GJKKO shpall të pafajshme Albana Vokshin appeared first on Albeu.com.

Një video e publikuar së fundmi në rrjetet sociale, ka ndezur debat të madh, duke nxitur reagimin e menjëhershëm të këngëtares së njohur Albina Kelmendi.

Pamjet tregojnë këngëtaren Egli Tako, duke interpretuar këngën patriotike “Mora fjalë” të legjendës Shkurte Fejza, gjatë një performance në një klub nate, e veshur në një mënyrë që shumë e kanë cilësuar si të papërshtatshme për natyrën e këngës.

Albina, e ripostoi videon në rrjetet e saj sociale, duke e shoqëruar me komentin:

“M’falni edhe mu që po e bëj share. Uroj që kjo të jetë një montazh i keq!”.

Në një tjetër reagim që po qarkullon bashkë me videon, ndjekësit kanë përdorur tone sarkastike, duke shkruar:

“Adem Jashari dhe Shkurte Fejza, na falni. Na falni që një këngë kaq e madhe për ne, bastardohet duke u kënduar në brekë”.

Një pjesë e ndjekësve mbështesin reagimin e Albinës, duke e cilësuar të drejtë mbrojtjen e trashëgimisë kulturore, ndërsa të tjerë e shohin si një debat mbi lirinë artistike dhe mënyrën se si brezat e rinj e interpretojnë artin.

Deri tani, Egli Tako, nuk ka reaguar publikisht ndaj kritikave, por diskutimi vazhdon të zgjerohet në rrjet

The post Albina Kelmendi shpërthen ndaj Eglit: Kënga e Adem Jasharit bastardohet duke u kënduar me… appeared first on Albeu.com.

Ditën e sotme, Prokuroria e Posaçme Kundër Korrupsionit dhe Krimit të Organizuar (SPAK), ka shpallur sot konkluzionet përfundimtare në gjyqin për vrasjen e ish-policit Santiago Malko, ngjarje e ndodhur në gusht të vitit 2019 në Tiranë.

Organi i akuzës ka kërkuar dënime të rënda për gjashtë të pandehur, të cilët akuzohen për pjesëmarrje në një grup të strukturuar kriminal dhe për një sërë veprash të rënda penale.

SPAK kërkon:

32 vite burg për Leonard Dukën

25 vite për Erlis Dukën

32 vite burg për Fatmir Hyseni

22 vite burg për Aleksandër Manxhakun

23 vite burg për Oltian Loga

23 vite burg për Dritan Agaj

Ata akuzohen për “Vrasje me Paramendim”, “Armëmbajtje pa leje”, “Trafik Narkotikësh”, vepra këto të kryera në formën e grupit të strukturuar kriminal.

Për Lonard Dukën, është kërkuar që dënimi të kryhet në një burg të sigurisë së lartë.

Më herët, për vrasjen e Malkos, i njohur si krahu i djathtë i Ervis Matinajt, janë dënuar në një proces të ndarë edhe Blendi Teta dhe Ilir Selmani.

The post Vrasja e Santiago Malkos/ SPAK kërkon dënime të rënda për të pandehurit: 32 vite burg për Leonard Dukën appeared first on Albeu.com.

Këtë të hënë, në kuadër të hetimeve për aferën e inceneratorit të Elbasanit, policia ka konfirmuar arrestimin e vëllait të deputetit socialist Saimir Hasalla, Denis Hasalla.

Policia ka ushtruar kontrolle në disa banesa, mes tyre edhe në atë të Hasallës, ku është zbuluar një sasi municioni të paautorizuar.

Denis Hasalla, mban aktualisht funksionin e drejtorit të Kabinetit në Bashkinë e Peqinit.

Autoritetet po vijojnë hetimet për të përcaktuar lidhjen e mundshme të tij, me hetimin për inceneratorin apo ndonjë vepër tjetër penale.

Njoftimi i policisë:

Strukturat për Hetimin e Krimeve të Drejtorisë Vendore të Policisë Elbasan ekzekutuan vendimin e Gjykatës së Shkallës së Parë të Juridiksionit të Përgjithshëm Elbasan, për lejimin e kontrollit në disa banesa, në kuadër të një procedimi penal të vitit 2024.

Në vijim të veprimeve u bë arrestimi i shtetasve:

-B. Ç., 36-vjeç, pasi gjatë kontrollit në banesën e tij u gjet një armë e ftohtë;

-D. H., 35-vjeç, pasi gjatë kontrollit në banesën e tij u gjet një sasi municioni luftarak.

Materialet procedurale do t’i kalojnë Prokurorisë, për veprime të mëtejshme.

The post Hetimet për inceneratorin e Elbasanit/ Policia arreston vëllain e deputetit të PS: Iu gjet municion luftarak (EMRI) appeared first on Albeu.com.

Është hedhur shorti për raundin e tretë në Ligën e Kampioneve. Francezët e Nisë, do të presin Benfikën ndërsa Fejenordi luan kundër Fenerbahçes.

Skuadra ku luan Ardon Jashari, Klub Bryzh mund të përballet me Salcburgun ose SK Bran.

Fituesi i çiftit Rejnxhërs-Panathinaikos, mund të luajë kundër skuadrës që fiton mes Viktoria Plzen ose Servete.

SHORTI

SK Bran ose Salcburg kundër Klub Bryzh

Rejnxhërs ose Panathinaikos kundër Viktoria Plzen ose Servete

Nisë kundër Benfikës

Fejenord kundër Fenerbahçe

The post Hidhet shorti i raundit të tretë në Champions/ Francezët përballë Benfikës, futbolistët shqiptarë i presin sfida interesante appeared first on Albeu.com.

Këtë të hënë, kryeministri Edi Rama, është shprehur se Shqipëria është Atdheu i plagjiaturës, duke theksuar se ky është një fakt që nuk fshihet dot.

Rama deklaroi se plagjiatura është i vetmi element që mbeti pa adresuar, ndërsa preku edhe çështjen e mbylljes së doktoraturave.

Kreu i qeverisë deklaroi se doktoraturat se ishin kot, duke dhtuar se “doktorantët e rinj janë në proces, shpresoj mos jenë berberë”.

Edi Rama: Ndërkombëtarizimi ka filluar patjetër, po jep disa rezultate, por jemi larg. Nëse nuk do të pranojmë që jemi larg, nuk do të ecim dot më shpejt përpara.

Jemi larg, ambicia jonë duhet të jetë shumë më e madhe dhe pajtimi ynë me të shkuarën, në kuptimin se çfarë kemi bërë është një çështje për ta vendosur në tryezë.

Në momentin që e lëmë këtë punë, fillojmë i themi vetes ‘ja se bëra, këtë e atë’. Po përsa kohë jemi në këtë punë, asgjë s’kemi bërë. Duhet të bëjmë më shumë, të bëjmë diçka ndryshe, të shpikim çdo ditë se përndryshe nuk e çojmë dot punën me shpejtësi përpara. Plagjiatura që ky është Atdheu i plagjiaturës këtë e dimë shumë mirë, apo jo, ta fshehim tani.

U bë zhurmë e madhe, gjithë ajo lëvizja e madhe atëherë, pakti për universitetin, i vetmi element që mbeti pa adresua është plagjiatura. Është fakt, jo opinion. Jo se duhet ta adresojë vetë subjekti, jo po se duhet të ketë reflektim nga autori i plagjiaturës. Plagjiatura nuk është e adresuar siç duhet, të jemi realistë.

Patjetër që i bëmë një mbyllje dhe jo të shkurtër doktoraturave, se më mirë djepi bosh se shejtani brenda, Doktoratura kot, tani ka rifilluar me gjasën se disa gjëra janë vendosur në vijë, por edhe sot që flasim i kemi në proces ato doktorantët e rinj që do të vijnë, që shpresoj të jenë doktorantët dhe jo berberë.

The post Rama në takimin me pedagogët: Jemi Atdheu i plagjiaturës s’e fshehim dot, mbyllëm doktoraturat se ishin kot, doktorantët e rinj shpresoj të mos jenë berberë appeared first on Albeu.com.

Në kuadër të një hetimi penal për abuzim financiar me inceneratorin e Elbasanit dhe Eco Alb,    Prokuroria e Elbasanit, në bashkëpunim me Policinë e Shtetit, ka ndërmarrë një operacion të gjerë kontrollesh, me urdhër të Prokurorisë dhe në zbatim të vendimit të Gjykatës së Elbasanit, janë ushtruar gjatë mëngjesit të sotëm 14 kontrolle në banesa të zyrtarëve dhe përfaqësuesve të përfshirë.

Gjithashtu, policia ka bastisur edhe shtëpinë e administratorit të kompanisë koncesionare “ECO-ELB”, Leli Kraja.

Në fokus të hetimeve, janë gjithashtu disa zëvendëskryetarë bashkish të Qarkut Elbasan, si dhe drejtorë juridikë dhe të Financave, të cilët dyshohet se kanë pasur rol aktiv në marrëdhëniet institucionale dhe financiare me kompaninë që menaxhon mbetjet urbane.

Kontrollet zhvillohen në një moment kur Prokuroria ka përfunduar fazën e marrjes në pyetje të 43 personave, të cilët janë thirrur për të dhënë shpjegime lidhur me funksionimin dhe menaxhimin financiar të inceneratorit.

Hetimi është regjistruar për veprat penale të “Shpërdorimit të detyrës” dhe “Keqmenaxhimit të mbetjeve”, ndërsa burime pranë Policisë së Elbasanit bëjnë me dije se hetimi ka avancuar ndjeshëm.

Pritet që në ditët në vijim të ketë masa sigurie ndaj disa zyrtarëve lokalë, për shkak të dyshimeve për abuzim me fonde publike në bashkëpunim me kompaninë “ECO-ELB”.

Hetimi, që është konsideruar voluminoz dhe kompleks, është hapur në vitin 2024, dhe ka kaluar në fazën e analizës së marrëdhënieve institucionale dhe financiare mes kompanisë “ECO-ELB” dhe tetë bashkive të qarkut Elbasan.

Bëhet fjalë për pagesa të kryera për katër lloje shërbimesh, përfshirë dhe procesin e djegies së mbetjeve, i cili sipas hetimeve është kryer pjesërisht, për periudha të kufizuara, ose nuk është kryer fare, ndonëse pagesat janë realizuar rregullisht.

Të dhënat zyrtare të transaksioneve sipas Prokurorisë janë si vijon.

Bashkia Gramsh, 72 transaksione, në vlerën e 209 milion lekëve të vjetra. Bashkia Librazhd, 65 transaksione, me vlerë 265 milionë lekë të vjetra.

Bashkia Prrenjas, 71 transaksione, në vlerën e 223 milion lekëve të vjetra. Bashkia Cërrik, 71 transaksione, me një shumë totale mbi 308 milion lekë të vjetra.

Për secilën nga këto bashki, po verifikohet nëse shërbimet e kontraktuara janë kryer realisht dhe në përputhje me kontratat.

Ndërsa kontrollet dhe verifikimet e dokumentacionit vijojnë, organet e drejtësisë po përqendrohen edhe në përgjegjësinë individuale të zyrtarëve që kanë firmosur kontratat dhe kanë urdhëruar pagesat.

Sipas burimeve të sigurta me hetimin, çështja pritet të zgjerohet më tej, ndërsa masa konkrete ndaj zyrtarëve të përfshirë pritet të merren në ditët në vijim.

Kjo është një tjetër çështje që shton dyshimet për abuzim me fondet publike në sektorin e menaxhimit të mbetjeve, duke vendosur sërish inceneratorët në qendër të vëmendjes së drejtësisë dhe opinionit publik.

Ndërkohë, situata mjedisore në Elbasan është rënduar ndjeshëm, pas një tjetër ngjarjeje të rëndë në fushën e mbetjeve, ku në muajin qershor të këtij viti, landfilli u përfshi nga flakët për disa ditë me radhë, duke shkaktuar ndotje masive të ajrit dhe shqetësim të madh për banorët përreth.

Djegia e mbetjeve dhe pamundësia për të kontrolluar situatën ngritën pikëpyetje serioze mbi funksionimin e inceneratorit dhe kapacitetet e tij reale.

Kjo ngjarje shërbeu si një nga nxitësit për thellimin e hetimit, për shkak të dyshimeve se shërbimet e kontraktuara për menaxhimin dhe djegien e mbetjeve nuk janë zbatuar siç parashikohet.

The post Hetimet për inceneratorin e Elbasanit/ Pritet arrestimi i disa zyrtarëve, kontrollohet edhe banesa e administratorit të “ECO-ELB”, Leli Kraja appeared first on Albeu.com.

Teksa ende mbetet e paqartë se kush do të marrë mandatin e deputetit të qarkut Tiranë nga radhët e koalicionit “Nisma Shqipëria Bëhet”, beteja verbale mes Adriatik Lapajt dhe kreut të Nismës Thurje Endrit Shabanit vijon.

Ditën e sotme, nënkryetarja e Lëvizjes Shqipëria Bëhet, Dorina Prethi, është paraqitur në KQZ për të dorëzuar një kërkesë për miratimin e dorëheqjeve të listës së mbyllur të Tiranës.

Ajo u shpreh se votuesit e kanë ditur se koalicioni ka përdorur lista të mbyllura fiktive në zgjedhjet e 11 majit “për të garantuar garën e vërtetë në listat e hapura”.

Sakaq, ajo theksoi se “të gjithë kandidatët kanë hequr dorë nga kandidimi dhe nuk kanë qenë pjesë e garës, ndaj nuk mund të përfitojnë asnjë mandat”.

The post Beteja Lapaj-Shabani për mandatin e Tiranës, “Shqipëria Bëhet”, sërish kërkesë në KQZ për miratimin e dorëheqjeve të listës së mbyllur appeared first on Albeu.com.

Policia ka dalë me një deklaratë zyrtare, në lidhje me ngjarjen e ndodhur pasditen e djehsme në Sarandë.

Uniformat Blu, bëjnë me dije se është shpallur në kërkim shtetasi E. G., 44-vjeç, i cili ka goditur me qytën e pistoletës ish- efektivin Adil Veli.

Sa u përket të shtënave me armë zjarri, policia sqaron se shkrepja e pistoletës ka qenë aksidentale.

“Në vijim të veprimeve hetimore lidhur me ngjarjen e ndodhur më datë 20.07.2025, rreth orës 19:00, në lagjen nr. 4, Sarandë, specialistët për Hetimin e Krimeve në Komisariatin e Policisë Sarandë referuan materialet në Prokurori dhe shpallën në kërkim shtetasin E. G., 44 vjeç, banues në Sarandë, pasi dyshohet se për motive të dobëta ka goditur me qytën e pistoletës në pjesën e kokës shtetasin A. V., 56 vjeç, banues në Sarandë. Gjatë këtij momenti, dyshohet se arma ka shkrepur në mënyrë të pavullnetshme, pa shkaktuar pasoja. Vijon puna për kapjen e tij”, thuhet në njoftim.

The post Plagosja në Sarandë/ Policia zbardh detaje: Arma shkrepi pa dashje, kur 44-vjeçari goditi ish-efektivin me… appeared first on Albeu.com.

Një javë me aktivitete që ndihmohen nga vendosjet planetare. Nisim javën me Hënën te Binjakët, ku gjendet aty edhe Venusi.

Ky bashkim, ndihmon shumë për të zgjidhur çështje që i përkasin ekuilibrave emocionalë.

Nisim gjithashtu javën me një Uran në një hyrje shumë të bukur me Saturnin dhe në të kundërt me Neptunin.

Të lindurit në ditët e para të çdo shenje, i kanë të gjitha mundësitë për ta pasur të papriturën si faktor shumë favorizues.

Dashi
Nëse duan t’i marrin maksimumin kësaj periudhe, duhet të jenë të fokusuar. Sa më të qartë të jenë në profesion, aq më shumë rezultate të kënaqshme do të ndihen. Për ata që janë vigjilentë, do të kenë shanse shumë të mira për të hapur rrugën drejt pikës maksimale në ekonominë e tyre. Qëllimi i periudhës për Dashin është të ristrukturohet nga fillimi në karrierë.

Demi
Kjo hyrje e fortë e Uranit me Saturn-Neptun nxjerr në sipërfaqe dyzimin: aq sa duan të marrin riskun për të bërë ndryshimet, aq edhe hezitojnë dhe kanë pasiguri. Kjo për shkak të paqëndrueshmërisë në projektime që i kanë pasur për një kohë të gjatë. Ka ardhur koha të mendoni shumë seriozisht se çfarë korrigjimesh duhet të bëni në profesion, ku mund të aplikoni. Mërkuri në të kundërt do t’ju ndihmojë për korrigjime në punë.

Binjakët
Me tri hyrje të forta te ju. Nisur nga Hëna në qendër, që bën të mundur që familja dhe shtëpia të marrin ngjyrat më të bukura ose të zgjidhen problemet më të vështira që i përkasin dashurisë. Edhe për beqarët duket sikur shënohet fillimi i një periudhe shumë të mirë për njohje të reja dhe prurje të reja nga fati. Bashkimi i Hënës me Venusin nëse keni ndonjë çështje pagesash, vendoseni në agjendë që sot paradite.

Gaforrja
Kjo javë, pavarësisht se planeti i fatit ju bën të mos humbni optimizmin, nxjerr në pah çështje pagesash, detyrime ekonomike, kthim borxhesh ose lekësh nga çështje që janë bërë. Detyrimet ekonomike do të jenë stresi i ditës, por e sigurt është që do të ketë ndihma në drejtim të xhepit. Kujdes, duhet të jeni shumë tolerantë në ambientet profesionale, sepse lehtësisht mund të keqkuptoheni.

Luani
Mërkurin e kanë te vetja në një hyrje trekëndore me Venusin te Binjakët. Ka një tendencë për të rikthyer njerëz të së shkuarës në rutinë. Ka një tendencë për të zgjidhur problematika në çift që janë krijuar para disa kohësh. Dashuria ka momentin e vet dhe jep mundësi shumë të mira për Luanin. Është shenja më e favorizuar në dashuri. Zgjidhje të vogla në ekonomi do të jenë gjithashtu të favorizuara.

Virgjëresha
Kanë Marsin te vetja, ky Mërkur në hyrje shumë pozitive me Venusin. Është e sigurt që java ka lajme për ekonominë e tyre. Favorizohen shumë vështirësitë e vogla që shkaktojnë ankth. Ky Jupiter i ndihmon – ka mundësi shumë të mira që ankthi dhe stresi për çështjet e profesionit të zvogëlohet. Por arsye për të ankuar nga lodhja dhe agjenda do të kenë plot, pasi ky Mars e bën të përditshmen të lodhshme.

Peshorja
Duket sikur s’kanë çfarë bëjnë dhe trazojnë ujërat. Do të ishte mirë të merren me çështje të rëndësishme: shkresa, legalizime, dokumente, hipoteka. Vendosni prioritet çfarë keni të rëndësishme dhe mos u merrni me çfarë thonë të tjerët. Merrni iniciativa vetë. Bëjeni që sot, ndryshe do të analizoni emocione dhe do të ndiheni të padrejtë nga të tjerët.

Akrepi
Marsi i favorizon shumë në profesion dhe duket se do të gjejnë zgjidhjet e duhura. Mërkuri në një hyrje jo shumë komode sjell një vonesë në zgjidhje, por nuk e pengon rezultatin. Do ta arrijnë qëllimin pavarësisht rrugës me pengesa. Venusi ka të bëjë me kujdesin ndaj vetes, por jo me ngjyrat emocionale. Mërkuri në të kundërt i bën më të fjalëpakët se zakonisht.

Shigjetari
Të privilegjuarit e kohës për dashurinë, për martesën, për bebin, për marrjen e një vendimi për çati apo shtëpi. Shfrytëzojeni këtë periudhë deri në fillim të tetorit, pasi më pas do të zbehet ndihmesa nga fati deri në pranverën e ardhshme. Çfarë keni të rëndësishme për 2025, këtë javë do të jetë momenti që mund ta realizoni dhe që mund të shënojë 2025-ën tuaj. Qëndroni larg sporteve ekstreme.

Bricjapi
Në fazën ku ndodhen, me Jupiterin përballë, do të ndiejnë shumë ndihmesën e fatit. Çështjet që kanë pasur në familje duket se në mesjavë zgjidhen dhe lihen pas. Del prioritet vetja e tyre. Kjo periudhë shoqërohet me njohje të reja, miq me të cilët mund të kenë këmbime idesh shumë të mira në favor të punës.

Ujori
Favorizohen në drejtim të dashurisë. Erosi sentimental, raportet në çift apo çifte të reja do të kenë mundësi të evoluojnë dhe të zhvillohen. Ujorët që janë në lëvizje, që janë me pushime, do ta vërtetojnë shumë shpejt shijen e kësaj. Mbani sytë pak larg emocioneve në raportet profesionale – jo në ambientet profesionale, sepse mund të trazojnë ekuilibrat.

Peshqit
Është një periudhë ku e vetmja gjë që ju mban është siguria që kanë te njerëzit që duan dhe mbështetja e tyre. Pjesa tjetër shkakton luhatje, paqartësi dhe vazhdon të tregojë pasiguri në mënyrën se si ndihen në raport me fizikun, vlerat dhe aftësitë e tyre. Ky Venus, ndryshe nga shenjat e tjera, te Peshqit nxit anën e vështirë të dashurisë këtë javë, nxit hallet që vijnë nga dashuria. Peshqit e lindur në ditët e para favorizohen shumë në karrierë.

The post Astrologia Meri Gjini: Javë vendimtare për 2025-n e kësaj shenje appeared first on Albeu.com.