Read More...

Ministrja Anila Denaj theksoi domosdoshmërinë për faturën në çdo blerje. Në një intervistë në emisionin “Sheshi i Dollarit” në ABC News, Denaj u shpreh se është shumë e rëndësishme marrja e faturës në çdo blerje. Gjithashtu shtoi se tashmë ka ardhur koha që të kuptohet se të blesh pa faturë nuk është vetëm një dëm fiskal, por edhe një dëm për sigurinë ushqimore.

“Unë dhe ministri kemi qenë në terren dhe evidentuar nga afër nevojë për të këshilluar marrjen e faturës në çdo blerje. Ka ardhur koha që të të gjithë duhet të kuptojnë se të blesh pa faturë nuk është vetëm një dëm fiskal, por është edhe një dëm për sigurinë ushqimore. Pra ne duhet të kuptojmë që në të gjithë zinxhirin e kalimit të një produkti nga fara në tryezë nëse ka faturë, ne ndihmojmë gjurmueshmërinë, ndihmojmë sigurinë ushqimore dhe ndihmojmë në shëndetin tonë publik dhe të kërkosh këtë faturë është detyrim. Ministria e Financave ka marrë përsipër të rishikojë procesin për rimbursimin e fermerit”, tha ajo.

/abcnews.al/

Ministrja e Bujqësisë dhe Zhvillimit Rural, Anila Denaj foli për bujqësinë, agroturizmin dhe sfidat me të cilët përballen këto sektorë, por edhe mbështetjen e madhe të dhënë nga qeveria.

Në emisionin “Sheshi i Dollarit”, në ABC News, Denaj nënvizoi se janë ndërtuar vitet e fundit 122 agroturizma dhe se janë mbështetur 400 pika grumbullimi, megjithatë ka ende nevojë për mbështetje.

Një tjetër sektor që mori vëmendje gjatë intervistës ishte edhe sektori i bujqësisë.

“A jemi në gati sot të jemi dhe të aplikojmë për 150 mijë fermerë, mendoj që jo, por shumë shpejt do të jemi gati Në 2030 do jemi me të njëjtën skemë subvencionesh si ne BE. Janë fonde të përllogaritura për Shqipërinë, janë gati 300 milion euro që presin. Kërkesa për fonde nga fermerët është legjitime. Ne flasim për gati 70 milion euro në vit për subvencione. Kryeministri ka vendosur në fokus skemën kombëtare për mbështetje të bujqësisë. IPARD2 mbylli ciklin e tij në 2023. Unë jam shumë besimplotë që në fund të vitit tjetër ka shanse të larta që hapet. Dhe në këtë kohë qeveria ka vënë fonde. Vitin e kaluar patëm 400 kërkesa. Unë i bëj thirrje të gjithë fermerëve që të aplikojnë për të gjitha nevojat e tyre në thirrje që do të hapen në fund të korrikut. Kanë mundësi të marrin 50 % grant. Ne do të jemi gjithë kohën në terren, skema është për të ndërtuar shtëpizat e prodhimit, përpunimit dhe magazinimit. Nëse ne nuk ndërtojmë më shumë stabilimente të mbarështimit të kafshëve ne atë që na kërkon tregu nuk do e realizojmë dot. Ky proces në katër vitet e ardhshme ka shumë për të arritur”, tha ajo.

/abcnews.al/

Një ngjarje e rëndë ka ndodhur në Fushë Labinot, Elbasan. Dy të mitur janë mbytur pasi janë futur në lumin Shkumbin për t’u larë.

Sipas informacioneve paraprake, fëmijët ndërsa ruanin bagëtitë së bashku me një familjare të tyre kishin hyrë në ujë për t’u larë, por rrjedha e fortë dhe mungesa e sigurisë bënë që ata të mos arrinin të dilnin më në breg.

Banorë të zonës dhe forcat e emergjencës që mbërritën aty u përpoqën t’i ndihmonin, por fatkeqësisht, trupat e pajetë të të miturve u gjetën pak më vonë në një kanal të lumit më poshtë. Paraprakisht raportohet se viktimat janë vëllezër, 7 dhe 9 vjeç.

Sipas policisë, trupat e pajetë po transportohen për ekspertizë mjeko-ligjore.

Sakaq grupi hetimor dhe shërbimet e Policisë ndodhen në vendngjarje dhe vijojnë punën për sqarimin e plotë të rrethanave.

/abcnews.al/

Shirat e rrëmbyeshëm i marrin jetën 4 personave ne Koren e Jugut. Mbi 4500 njerëz evakuohen nga përmbytjet. Pasojat nga përmbytjet janë të shumta.

Dhjetëra fluturime u anuluan dhe pati probleme me energjinë elektrike ne disa qytete.

Të paktën katër persona kanë humbur jetën dhe mbi 4500 të tjerë janë evakuuar për shkak të dy ditëve me shira të rrëmbyeshëm në Korenë e Jugut.

Mes viktimave është një person makina e të cilit u mbulua nga grumbuj dheu dhe betoni, pasi muri mbajtës i një mbikalimi u shemb gjatë reshjeve në jug të kryeqytetit Seul.

Ministria tha se tre persona të tjerë vdiqën në rajonet jugore të enjten. Një prej tyre u gjet në një makinë të zhytur në ujë, një tjetër në një përrua dhe një në një bodrum të përmbytur.

Zyrtarët e ministrisë thanë se po hetojnë ende nëse tre vdekjet ishin shkaktuar drejtpërdrejt nga reshjet e rrëmbyeshme.

Reshjet e dendura kanë përmbytur rrugë, kanë ndaluar shërbimet hekurudhore dhe kanë dëmtuar më shumë se 500 objekte në të gjithë vendin, teksa 46 fluturime janë anuluar. Një urë u shemb si pasojë e përmbytjeve, teksa në disa zona pati probleme edhe me energjinë elektrike.

Vendi është ende në alarm, pasi parashikohen reshje të tjera të dendura shiu deri më 19 korrik.

Read More...

Presidentja e Kosovës, Vjosa Osmani ka zhvilluar të premten një takim konsultativ me kryetarin e Nismës Socialdemokrate, Fatmir Limaj në kuadër të përpjekjeve për konstituimin e Kuvendit.

Takimi vjen në prag të përfundimit të afatit kushtetues 30-ditor të përcaktuar nga Gjykata Kushtetuese në aktgjykimin e 26 qershorit për konstituimin e Kuvendit.

Presidentja Osmani theksoi se respektimi i këtij afati është detyrim i qartë kushtetues dhe kërkoi veprim në frymën e bashkëpunimit dhe mirëbesimit ndërmjet subjekteve parlamentare, në funksion të interesit qytetar dhe vazhdimësisë demokratike të institucioneve.

Kjo është pjesë e një serie takimesh që presidentja ka zhvilluar me të gjitha partitë parlamentare, me përjashtim të Listës Serbe. Në një konferencë të mbajtur dje, ajo paralajmëroi se javën e ardhshme do t’i drejtohet sërish Gjykatës Kushtetuese për sqarim mbi veprimet që duhet të ndërmerren në rast se Kuvendi nuk konstituohet brenda afatit.

Read More...

Read More...

Bashkimi Europian vendosi sanksione të reja ndaj Ukrainës. Veprim ky që ka sjellë edhe reagimin e Rusisë.

Ish-presidenti rus Dmitry Medvedev ka thënë se ekonomia ruse do t’i rezistojë raundit të fundit të sanksioneve dhe se Moska nuk do të tërhiqet por do t’i shtojë sulmet ndaj Ukrainës.

Ndërkohë presidenti i SHBA Donald Trump, më herët deklaroi se do të dërgojë raketa të reja dhe armë përfshirë sisteme mbrojtëse nga raketat Patriot që mund të shkatërrojnë raketat balistike ruse.

/abcnews.al/

Kryeministri Edi Rama gjatë takimi të zhvilluar me përfaqësues të teknologjisë, zhvillimet e teknologjisë “Në Shqipërinë 2030” janë shumë të rëndësishme”.

Gjithashtu gjatë takimi me përfaqësues të teknologjisë, tha se “Ministrin e Shtetit për inteligjencën artificiale do ta zgjedhim me pjesëmarrjen tuaj”, duke shtuar se nëse do të arrijnë që të krijojnë një model të tillë do të ishte hapi i parë histori që të Shqipëria të jetë e para që të ketë qeverinë me ministra dhe kryeministër AI.

“Ministrin e Shtetit për inteligjencën artificiale do ta zgjedhim me pjesëmarrjen tuaj. Nëse do arrini të krijoni një model që të krijoni inteligjencë artificiale që të zgjedhë një ministër, do të jetë hapi i parë drejt momentit historik, ku Shqipëria do jetë e parë që të ketë qeverinë të tërën me ministra dhe kryeministër AI, aty do të kalojë në një nivel tjetër. Sepse do të punojë AI dhe të gjithë ne të tjerët do bëjmë muhabet për politikën pa pasur mundësi të marrim asnjë vendim”, tha Rama.

/abcnews.al/

BERAT- Kryeministri Edi Rama gjatë takimit të tij me përfaqësues të teknologjisë, u ndal tek zhvillimet për “Shqipërinë 2030” si edhe sfidat drejt Bashkimit Europian.

Kryeministri Rama u shpreh se më herët u diskutua lidhur me një hartë veprimesh dhe progresi që ka sjellë bota e re e teknologjisë.

Lidhur me inovacionin dhe zhvillimet teknologjike, Rama u shpreh se sa i përket kësaj fushë, bankat janë në kushtet e një prapambetje që po kërcënon progresin

“Kemi diskutuar të ndjekim një hartë veprimesh dhe do të arrijmë të krijojmë më të mirën duke u bazuar tek progresi që na ka sjellë bota e re e teknologjisë. Ka qenë kënaqësi për të njohur nga afër edhe disa inovatorë. Më prezantuan edhe një dokument të vjetër që ishte tërheqës, për qendrën e mendimit novator dhe ka qenë impresionuese të njiheshim edhe me disa prej jush në aspektin e aktivitetit aktual që si rrjedhojë kanë prodhuar një serë eventesh të tjera që ne do të t’i realizojmë. Fokusi do të jetë në ndërtim turizëm qoftë për të pasur edhe një ballafaqim me bankat e nivelit të dytë dhe BSH, për të përcjellë mesazhin që janë në kushtet e një prapambetje që po kërcënon progresin e sektorit. Pasi i gjithë legjislacioni i nevojshëm është i miratuar dhe të gjitha instrumentet janë në dispozicion  dhe këmbëngulja e bankave për të mos lëvizur më të njëjtin ritëm bëhet një pengesë”, tha ai.

/abcnews.al/

Kryeministri Edi Rama ka ndarë pamje nga aksioni për lirimin e plazheve publike në zonën e Shkëmbit të Kavajës.

Nëpërmjet një reagimi në Facebook Rama shprehet se në plazhet publike janë liruar hapësirat duke i ofruar qytetarëve dhe turistëve më shumë akses përgjatë pushimeve verore.

“Shtohen hapësirat e plazheve publike në bregdetin e Durrësit, duke u ofruar qytetarëve dhe turistëve më shumë akses përgjatë pushimeve verore”, tha ai.

Një zjarr i madh pyjor ka shkaktuar dëme të mëdha në Francën jugore, ku më shumë se 1 000 zjarrfikës po luftojnë me flakët rreth qytetit port të Martiguesit, pranë Marsejës.

“Zjarri përfshiu 240 hektarë dhe u përhap jashtëzakonisht shpejt”, njoftoi sot të shërbimi lokal i zjarrfikësve.

Zjarri shpërtheu mbrëmjen e djeshme dhe si masë paraprake, 150 persona u strehuan në ambiente të sigurta dhe të tjerëve iu këshillua të mos largoheshin nga shtëpitë e tyre”, sipas brigadës së zjarrfikësve.

Britani- Një aksident ka ndodhur pranë Minehead Somerset. Një autobus me nxënës është aksidentuar, ndërsa po ktheheshin nga një ekskursion ditor.

Sipas policisë, në autobus ndodheshin 60 deri në 70 persona. Fatkeqësisht një fëmijë ka humbur jetën nga përplasja, ndërsa dhjetëra të tjerë janë dërguar në spital për trajti mjekësor.

Në vendngjarje ndërhynë tetë automjete zjarrfikëse, për ekipet emergjence për t’i ardhur në ndihmë të lënduarve.

/abcnews.al/

Kryeministri izraelit Benjamin Netanyahu, ka shprehur keqardhjen për sulmin e sotëm të ndodhur në një Kishë Katolike në Gaza, ku mbetën të vrarë tri persona.

Netanyahu e ka cilësuar një “tragjedi”, ndërsa shtoi se ndaj dhimbjen me familjarët e viktimave dhe të plagosurve.

“Izraeli shpreh keqardhje të thellë që një e shtënë e paqëllimshme goditi Kishën e Familjes së Shenjtë në Gaza. Çdo jetë e pafajshme e humbur është një tragjedi. Ne ndajmë dhimbjen e familjeve dhe besimtarëve”, ka thënë ai.

Ndërsa më herët Shtëpia e Bardhë, tha se Donald Trump ka telefonuar kryeministrin Netanyahu, pas sulmit ndaj kishës. Sipas zëdhënëses së Shtëpisë së Bardhë, Caroline Levitt, deklaroi se Netanyahu pranoi se ishte një “gabim”.

/abcnews.al/

Në Ukrainë pritet ndryshimi më i madh i kabinetit qeveritar që nga fillimi i luftës. Cili është qëllimi i Presidentit Zelensky me emërimet e reja?

Parlamenti ukrainas e ka konfirmuar ish-Ministren e Çështjeve Ekonomike Yulia Svyrydenko si Kryeministren e re. Paraardhësi i saj, Shmyhal, do të bëhet Ministër i Mbrojtjes.

Zërat për ndryshime në qeveri kanë kohë që kanë qarkulluar në Ukrainë tani ato janë bërë realitet. Të mërkurën, parlamenti ukrainas miratoi dorëheqjen e kryeministrit Denys Shmyhal. Kabineti u shpërbë automatikisht. Shmyhal kishte shërbyer më parë për më shumë se pesë vjet – më gjatë se çdo kryetar tjetër qeverie ukrainas para tij. Dy ditë më parë, Presidenti Volodymyr Zelensky kishte propozuar ish-Ministren e Ekonomisë, Yulia Svyrydenko në krye të qeverisë së. 39-vjeçarja kishte qenë më parë zëvendëse e Shmyhal dhe u bë e njohur gjatë negociatave disajavore për një marrëveshje për lëndët e para me Shtetet e Bashkuara,  e cila u nënshkruan në Uashington në fund të prillit. Svyrydenko dëshmoi të ishte një negociatore e fortë.

Zelenskyi tha se ishte e nevojshme të ristrukturohej ekzekutivi në vend, mënyrë që të zbatoheshin marrëveshjet e arritura me partnerët ndërkombëtarë. Presidenti ukrainas deklaroi se priste së shpejti një program të ri qeveritar.

Parlamenti ukrainas pritet të votojë qeverinë e re që të enjten (17 korrik). Megjithatë, neni 10 i gjendjes së jashtëzakonshme thotë se kompetencat e presidentit, parlamentit, qeverisë, Bankës Kombëtare dhe disa organeve të tjera shtetërore nuk mund të ndërpriten gjatë vendosjes së tij. Përfaqësuesit e opozitës dyshojnë në legjitimitetin e ndryshimit të qeverisë. “Parlamenti kohët e fundit e zgjati afatin e gjendjes së jashtëzakonshme dhe mund të shkelë Nenin 10 me këtë, megjithëse të gjithë bien dakord se legjislacioni duhet të më parë precizohet ose ndryshohet “, tha Yaroslav Zheleznyak, një anëtar i fraksionit opozitar “Holos”- “Zëri”.

Studiuesi i shkencave politike dhe bashkëthemeluei i Platformës Kombëtare për Qëndrueshmëri dhe Kohezion, Oleh Saakyan, është i mendimit, se parlamenti do të votojë për këtë rezolutë për shkak të oportunitetit politik, duke injoruar ligjet. Saakyan argumenton se ky ndryshim i qeverisë “është i vonuar”, në fakt ai ishte planifikuar për vitin 2024.

Arsyet kryesore për këtë janë tensionet e vazhdueshme brenda qeverisë dhe “një numër problemesh të dukshme të menaxhimit” në fusha të ndryshme të politikave qeverisëse – nga sektori i mbrojtjes te infrastruktura dhe politika sociale. “Qeveria dëshiron të qetësojë publikisht disa nga këto tensione. Ata duan të fitojnë ‘kredibilitet të ri’, si të thuash, në kohën e duhur”, thekson eksperti.

Ndërsa Volodymyr Fesenko, politolog dhe kreu i Qendrës Ukrainase për Studimet Politike të Aplikuara “Penta”, dyshon megjithatë se ndryshimi i kreut të qeverisë do të sjellë ndryshime të mëdha politike të brendshme. “Vendimet kryesore politike do të vazhdojnë të merren në zyrën presidenciale dhe Svyrydenko, ashtu si qeveria, do t’i zbatojë ato”, tha Fesenko. Svyrydenko, që më parë ka qenë zëvendëskryetare e administratës presidenciale nën Andriy Yermak, konsiderohet si e besuara e Zelensky-t dhe një politikane e re dhe dinamike që potencialisht mund të sjellë qasje të reja. Fesenko thekson se Svyrydenko ka “përvojën e nevojshme në punën në kushte lufte dhe në marrëdhëniet me institucionet ndërkombëtare”.

Petro Oleshchuk, ekspert i politikës në Universitetin Taras Shevchenko në Kiev, beson se pavarësisht disa skandaleve të korrupsionit në kabinetin qeveritar, Zelensky dëshiron të tregojë se ai ende ka një ekip që do të vazhdojë të punojë me të – aq më tepër që qeveria nuk do të ndryshohet plotësisht dhe një numër ministrash do të mbeten në detyrë.

Edhe Denys Shmyhal nuk pritet të largohet plotësisht nga qeveria, përkundrazi pritet të bëhet Ministër i Mbrojtjes. “Transferimi i Shmyhal në një pozicion tjetër brenda qeverisë synon të tregojë se nuk ka mosmarrëveshje të brendshme. Këto janë thjesht ndryshime personeli brenda një ekipi”, tha Oleshchuk për DW.

Nga ana tjetër, eksperti Oleh Saakyan beson se ndryshimi i pjesshëm i qeverisë tregon një mungesë akute të personelit të kualifikuar dhe të besueshëm. Ministrat e rinj dhe ata aktualë janë të detyruar të japin rezultate shpejt. Saakyan është skeptik në lidhje me perspektivat afatgjata. “Kjo është një dozë adrenaline për qeverinë aktuale. Por nuk do ta ndryshojë në thelb cilësinë”, thekson eksperti politik ukrainas.

Ndërkohë, Presidenti Zelenski ka përcaktuar tashmë prioritetet kryesore për qeverinë e re të ardhshme, duke përfshirë rritjen e prodhimit vendas të armëve, zhvillimin e projekteve të mbrojtjes dhe liberalizimin gjithëpërfshirës të ekonomisë./DW/

Juristja Brizida Gjikondi u shpreh kritike ndaj ish-kryeministri Sali Berisha, por edhe mazhorancës. Në emisionin “Real Story” në ABC News, Gjikondi tha se Berisha është simbol i korruptimit moral.

“Rama është fiksuar të lë emër të quhet “Koha e Ramës”. Është me idenë e tij përtej të majtës dhe të djathtës. Por tani nuk ka PS, ka Edi Rama tani. Unë mendoj që Edi Rama nuk mund të mbysë opozitarizmin. Bashkë me Berishën bënë një Kod Zgjedhor, bënë një gjë aq dinake sa vota në Vlorë nuk është e barabartë me votën në Kukës. Nuk ka pse të ketë shqiptarë të nivelit të dytë dhe shqiptarë të nivelit të parë. Është një sistem zgjedhor dinak…Të përfaqësosh Berishës deri të hënën që është simbol i korruptimit moral të shqiptarëve dhe të martën të më ma bësh, drejtor të Kadastrës Vlorë, tani nuk e di se si ai person paska kaluar lumin Jordan dhe ai është bekuar dhe është larë. Ata kanë bërë sistemin ata kanë ndërruar komisionerët”, ka thënë ndër të tjera juristja Brizida Gjikondi.

Ndërkohë “Procesi i rinumërimit u komentua në emisionin “Real Story” nga deputeti Lavdrim Krashi.

Gjatë fjalës së tij ai tha se sipas tij “numëruesit duhet të ishin profesionistë.

“Nëse ka një gjë që unë kam kërkuar është “që numëruesit duhet të jenë profesionistë. Unë vij nga një vend ku zgjedhjet numërohen nga profesionistë jo militant partie. Unë bie dakord që sistemi i tanishëm duhet rishikuar dhe duhet ndryshuar. Unë kam mendimin tim…Jam i qëndrimit që rajonet duhet të jenë njësoj. Por duhet të nxjerrin të njëjtin numër deputetësh, por unë sërish mbetëm i mendimit që sistemi i pastër mazhoritar është më i miri”, tha më tej ai.

/abcnews.al/

“Reforma territoriale është shumë e domosdoshme”, kështu u shpreh deputeti i PS gjatë një intervistë në emisionin “Real Story” në ABC News.

Gjithashtu foli edhe për akuzat mes palëve politike, opozitës dhe pozitës, duke thënë se opozita dy vite i ka shpenzuar vetëm duke djegur karrige.

“Asnjë sistem politik nuk është perfekt. Sistem që të jenë të gjithë dakord nuk ka. Por i vihet detyrë PS, dhe Edi Ramës që të gjendet një sistem që të fitojë opozita.

Unë hyj tek ata që kam kërkuar reformë territoriale në Shqipëri. Patjetër që ka njerëz shumë të kualifikuar në administratë publike, por ka edhe problematika. Në Tiranë unë vë re që respektojnë shenjat në rrugë, më shumë kafshët endacake se sa njerëzit. Pra jemi përpara situatë ku patjetër që ka nevojë për adresim”, tha më tej ai.

/abcnews.al/

Juristja Brizida Gjikondi komentoi në emisionin “Real Story” në ABC News figurat që nuk do të jenë pjesë e parlamentit të ri, pas zgjedhjeve të 11 majit.

E ndalur tek deputeti i PS Lavdrim Krashi, i cili nuk do të jetë pjesë e parlamentit të ri, Gjikondi tha se “që nga momenti që ka dalë nga tufa patjetër që nuk do të shihet si i preferuar”.

“Që nga momenti që ka dalë nga tufa patjetër që nuk është shumë i preferuar. Në rastin e tij patjetër që nuk je i preferuar. Në parlamentin e ri 82 prej deputetëve të mëparshëm nuk do jenë më. Raportin e ka të dhimbshëm sepse pjesa më e madhe janë pragmatistë dhe jo idealistë. Mendoj që është mirë të lëvizë uji, por pak mund të ketë peshë që dalin nga rrjeta pa dijeninë e kryetarit. Ajo që më dhëmb se siç mori zoti Jenishehri dhe zoti Gjuzi, gati mbi 1 milion e gjysmë rrogë, edhe deputetë do marrë nga buxheti i shtetit shqiptar. Sepse duhet marrë edhe mënyra se si zgjidhet se sa merita kanë. Rrogën e kanë 3 milion e kusur, por mendoj që pjesa më e madhe e tyre që kanë vegjetuar katër vjet pavarësisht se nuk kanë arritur të jetë përfaqësues, të marrin dhe mbi 1 milion e gjysmë lekë rrogë minimalja”, tha ajo.