Është ndarë nga jeta pas një sëmundje të gjatë dhe të pashërueshme në moshën 82-vjeçare, ish zv.kryeministri Abdyl Xhaja. Xhaja, i lindur në Elbasan, ka mbajtur rolin e ministrit të Energjisë dhe Burimeve Minerare për Shqipërinë në qeverinë e vitit 1992, si dhe deputet i Partisë Demokratike të Shqipërisë. Ai ka mbajtur disa poste të […]

The post Ndahet nga jeta ish-zv.kryeministri Abdyl Xhaja appeared first on BoldNews.al.

Bota e boksit është në zi pas lajmit tronditës për ndarjen nga jeta të boksierit meksikan Pedro Antonio “Tony” Rodriguez, vetëm pak orë pas përfundimit të ndeshjes së tij të fundit në Phoenix, Arizona.

37-vjeçari kishte humbur me vendim unanim pas gjashtë raundesh ndaj talentit të pamposhtur 21-vjeçar Phillip Vela, në një event të organizuar nga Del Sol Boxing Promotions.

Pas përballjes, Rodriguez ishte kthyer në hotel dhe kishte planifikuar të dilte për darkë. Por tragjikisht, ai u gjet i pajetë në dhomën e tij të hotelit të nesërmen në mëngjes nga stafi. Shkaku i vdekjes mbetet ende i paqartë, ndërsa policia ka nisur hetimet.

Gruaja e tij, e cila kishte komunikuar me të përmes një video-thirrjeje pas ndeshjes, deklaroi: “Më tha se do të blinte darkë dhe do të kthehej. Nuk e di çfarë ndodhi më pas…”

Kundërshtari i tij, Phillip Vela, reagoi me pikëllim në rrjetet sociale: “Jam thellësisht i pikëlluar. U prehtë i qetë, kampion.”

Edhe organizatorët e ngjarjes shprehën dhimbjen për humbjen e papritur: “Familja e boksit Del Sol është e tronditur. Zemrat tona janë me të afërmit e tij.”

Ky incident tragjik ka rikthyer edhe njëherë vëmendjen mbi rreziqet e sportit të boksit dhe rëndësinë e monitorimit të shëndetit të sportistëve pas përballjeve të vështira në ring.

The post Bota e sportit në zi/ Pak orë pas ndeshjes, ndërron jetë boksieri i njohur appeared first on Sot News | Lajme.

Aktori Julian McMahon ka ndërruar jetë në moshën 56-vjeçare  pas një beteje me kancerin.

Lajmin e trishtë e ka konfirmuar bashkëshortja e tij, Kelly Paniagua, përmes një deklarate të shpërndarë nga Deadline.

“Julian e donte jetën. E donte familjen, miqtë, punën dhe adhuruesit e tij. Dëshira e tij më e thellë ishte të sillte gëzim në sa më shumë jetë që të ishte e mundur,” tha Paniagua.

Karriera e McMahon mori hov me serialin fantastiko-shkencor “Charmed”, por popullaritetin më të madh e fitoi me dramën mjekësore “Nip/Tuck”, ku interpretoi rolin e kirurgut plastik Dr. Christian Troy. Seriali zgjati gjashtë sezone (2003-2010) dhe i solli atij një nominim për Golden Globe.

Shoku dhe kolegu i tij, Dylan Walsh, u shpreh i tronditur nga lajmi:
“Ne kaluam këtë udhëtim së bashku dhe e doja shumë. Jules! E di që doje të thoja diçka që të të bënte të qeshje – gjithë ato shaka mes nesh. Vitet që kaluam së bashku, dhe sa shumë kemi qeshur. Zemra ime është me ty. Pushofsh në paqe.”

McMahon interpretoi gjithashtu rolin e Doctor Doom në dy filmat Fantastic Four (2005 dhe 2007) dhe më vonë u shfaq në tre sezone të serialit kriminal FBI: Most Wanted. Producenti Dick Wolf e cilësoi vdekjen e tij si “lajm tronditës”.

Julian së fundmi kishte marrë një rol  në Netflix, ku luante një kryeministër australian në serialin “The Residence”.

The post Ndahet nga jeta aktori Julian McMahon appeared first on Lapsi.al.

Lajmi u bë i ditur nga bashkëshorja e tij, e cila tha se aktori ndërroi jetë në Clearwater të Floridës, të mërkurën. Ai ishte diagnostikuar me kancer dhe fatkeqësisht e humbi betejën me sëmundjen e rëndë.

Aktori australian Julian McMahon, i njohur për rolet e tij në serialet “Nip/Tuck” dhe “Charmed”, ka ndërruar jetë në moshën 56-vjeçare.

“Julian e donte jetën. Ai e donte familjen e tij. Ai i donte miqtë e tij. Ai e donte punën e tij dhe i donte fansat e tij. Dëshira e tij më e madhe ishte të sillte gëzim në sa më shumë njerëz”, tha Kelly Paniagua në një deklaratë.

Karriera e McMahon mori hov me serialin televiziv “Charmed” përpara se ai të fitonte njohje më të gjerë me “Nip/Tuck”, dramën mjekësore në të cilën ai luajti rolin e kirurgut plastik Dr. Christian Troy.

McMahon gjithashtu luajti rolin e Doctor Doom në dy filma të Fantastic Four në 2005 dhe 2007 dhe më vonë u shfaq në tre sezone të FBI: Most Wanted.

The post Ndahet nga jeta në moshën 56-vjeçare aktori i njohur/ Nuk e mundi dot betejën me sëmundjen e rëndë appeared first on Sot News | Lajme.

Michael Madsen, aktori me zërin e plotë, i njohur më së miri për interpretimin e roleve të djemve të fortë në filmat “Reservoir Dogs” dhe “Kill Bill: Vol. 2” të Quentin Tarantino ‘u nda nga jeta këtë të enjte nga një arrest kardiak. Lajmi u dha nga menaxheri i tij, Ron Smith. Ai ishte 67 vjeç.

Me një karrierë aktrimi që zgjati më shumë se 40 vjet, Madsen solli dhjetëra role në ekran. Por ai ishte më i njohur për bashkëpunimet e tij me Tarantinon, i cili i veshi atij role të një hajduti psikopat në “Reservoir Dogs” apo të një vrasësi me pagesë të dështuar në “Kill Bill: Vol. 2”.
“Reservoir Dogs”, një nga filmat themelorë të pavarur të viteve 1990, tronditi audiencën me dhunën e tij, duke përfshirë një skenë në të cilën personazhi i Madsen, Mr. Blonde, i pret veshin një oficeri policie ndërsa kërcen me këngën “Stuck in the Middle With You”.
Vlerësime të tjera Madsen mori në ekranin e madh edhe për “The Doors”, “Thelma & Louise” dhe “Donnie Brasco”. Tarantino e përfshiu atë edhe në kastin e ansamblit të Western-it të përgjakshëm “The Hateful Eight” dhe “Once Upon a Time in Hollywood” të vitit 1969.

Përveç projekteve filmike dhe televizive, Madsen bëri zërin në videolojëra të tilla si “Grand Theft Auto III”, seria “Dishonored” dhe “Crime Boss: Rockay City”.

Michael Madsen lindi në Çikago më 25 shtator 1957, nga një baba zjarrfikës dhe një nënë regjisore. Motra e tij është aktorja e nominuar për çmimin Oscar, Virginia Madsen.

Fillimet profesionale i nisi duke punuar në Teatrin Steppenwolf të Çikagos, ku punoi si praktikant nën drejtimin e John Malkovich. Kjo përvojë e çoi në role të vogla të hershme në filma të viteve 1980 si “WarGames” dhe “The Natural”.

Madsen përfundimisht bëri bujë me “Reservoir Dogs”, një thriller kriminal me buxhet të ulët që e nisi karrierën e Tarantinos dhe ndihmoi në transformimin e Festivalit të Filmit Sundance në një pikë të nxehtë në Hollywood.
Filmi gjithashtu i siguroi Madsen një vend të pashlyeshëm në historinë e filmit. Sadisti dhe i gatshëm për sherr, Mr. Blonde, ishte një nga 400 të nominuarit për listën e Institutit Amerikan të Filmit të të gjitha kohërave të keqbërësve më të mëdhenj të filmave.

Madsen fillimisht ishte planifikuar të luante rolin e John Travolta në filmin “Pulp Fiction” të Tarantinos që përcaktoi epokën, megjithëse ai hoqi dorë për t’u shfaqur në filmin “Wyatt Earp” të Kevin Costner një zgjedhje për të cilën ai tha se u pendua.

Ai punoi vazhdimisht gjatë gjithë karrierës së tij, duke aktruar në projekte të ndryshme të vegjël, por herë pas here duke u shfaqur në filma të profilit të lartë, siç është filmi i James Bond “Die Another Day” dhe adaptimi i romanit grafik “Sin City”.

“Kill Bill: Vol. 2” i lejoi Madsen të tregonte muskujt e tij dramatikë si Budd, një ish-vrasës elitar i cili përfundimisht e gjen veten duke punuar si roje sigurie me pagë të ulët dhe duke jetuar në një rimorkio. (Personazhi përjeton një fund të paharrueshëm të dhunshëm, sigurisht.)

Madsen u martua tre herë dhe pati 6 fëmijë, përfshirë aktorin Christian Madsen. ©Përgatiti LAPSI.al

The post Shuhet Michael Madsen/ Ikona e “Reservoir Dogs” dhe “Kill Bill” appeared first on Lapsi.al.

Mitropoliti i Gjirokastrës, Imzot Dhimitri është ndarë nga jeta mbrëmjen e djeshme. Dhimitri ishte shtruar prej disa javësh në spitalin e Janinës, për shkak të një infeksioni respirator dhe të endokarditit. Ky është një lajm shumë i trisht për komunitetin e besimtarëve ortodoksë shqiptarë, pasi Imzot Dhimitri ishte nga të parët Mitropolit që formuan Sinodin […]

The post E trishtë/ Ndahet nga jeta Mitropoliti i Gjirokastrës, Imzot Dhimitri appeared first on BoldNews.al.

Ka ndërruar jetë në moshën 93 vjeçare në një spital në Los Angeles, kompozitori i njohur, Lalo Schifrin. Autori i temës së famshme të filmit “Mission: Impossible” lë pas një trashëgimi unike muzikore, me mbi njëqind kolona zanore që kanë shënuar kinemanë dhe televizionin e shekullit të njëzetë. Me origjinë argjentinase, por i birësuar në […]

The post E trishtë/ Ndahet nga jeta kompozitori i njohur amerikan appeared first on BoldNews.al.

Real Madrid ka shpërndarë lajmin e trishtë për ndarjen nga jeta të Serxhio Nieto Diaz Albo. Ky i fundit ka vdekur në moshën 100-vjeçare, ndërsa kujtohet si anëtari numër 1 i Realit.

Serxhio ishte anëtar i komunitetit të madrilenëve prej 93 vitesh, pikërisht nga dhjetori i vitit 1932. Komuniteti i gjera ka mbi 100 mijë anëtarë.

Reali ka shprehur ngushtëllimet e sinqerta nga presidenti Perez, bordi drejtues. Ky lajm i hidhur vjen para ndeshjes në Botërorin e klubeve, që Reali do të luajë me Paçukën.

The post E TRISHTË/ Reali ‘në zi’ para ndeshjes, ndahet nga jeta anëtari numër 1 appeared first on Sot News | Lajme.

Aktori Jack Betts ka ndërruar jetë në moshën 96-vjeçare.

Aktori i One Life to Live u nda nga jeta në gjumë, në shtëpinë e tij në Los Osos të Kalifornisë, të enjten, konfirmoi nipi i tij, Dean Sullivan, për The Hollywood Reporter.

Betts interpretoi në 20 episode të serialit si Dr. Ivan Kipling në Spitalin e Llanview, nga viti 1979 deri më 1985.

Ai njihej gjithashtu për lidhjen e ngushtë miqësore me aktoren Doris Roberts (Everybody Loves Raymond), me të cilën ndante banesën për vite të tëra.

Dyshja u takua për herë të parë në The Actors Studio në Nju Jork më 1954 dhe që atëherë mbajtën një lidhje të fortë. Roberts madje ka drejtuar një shfaqje të shkruar nga Betts me titull Screen Test: Take One.

Jack Betts luajti gjithashtu në filmin e njohur Spider-Man të vitit 2002, ku portretizoi Henry Balkan – kryetarin e bordit të Oscorp që shkarkon Norman Osborn (Willem Dafoe), përpara se ky i fundit të shndërrohej në Green Goblin dhe të hakmerrej ndaj tij.

Në një intervistë në 2020, si tregoi sesi i kërkoi regjisorit Sam Raimi të shtonte një element personal në skenën e tij, dhe ky e pranoi menjëherë me entuziazëm.

“I thashë Raimit, ‘dua t’i jap diçka ndryshe kësaj skene’ – dhe ai tha, ‘perfekte, kjo ishte ajo që duhej’. Një njeri i mrekullueshëm për të punuar.”

Betts u rrit në Jersey City të New Jersey dhe u zhvendos në Miami në moshën 10-vjeçare. Më pas mori diplomën në teatër nga Universiteti i Miamit dhe nisi karrierën në Nju Jork.

Rolin e tij të parë e mori në vitin 1953 në adaptimin teatror të “Richard III” nga William Shakespeare. Nga viti 1960 deri më 1962, ai luajti rolin e detektivit Chris Devlin në serialin Checkmate, përkrah aktorëve si Anthony George dhe Sebastian Cabot.

Ai u shfaq gjithashtu në serialet e njohura komedi si Seinfeld, Frasier, Everybody Loves Raymond, Monk dhe Friends. Projekti i tij i fundit televiziv ishte në dramën Good Trouble në vitin 2019.

Në kinemanë italiane, ai u bë pjesë e shumë western-eve të njohura të viteve ’60 nën emrin artistik “Hunt Powers”, duke luajtur në 15 filma nga viti 1966 deri më 1973.

The post Ndahet nga jeta aktori i “Spider-Men” appeared first on Lapsi.al.

Një lajm i trishtë ka ardhur nga bota e artit, teksa regjisori Leka Bungo është ndarë sot nga jeta në moshën 81-vjeçare. Regjisori do të përcillet për në banesën e fundit këtë të mërkurë (11 qershor), në orën 16:00, dhe do të prehet në varrezat e Sharrës. Leka Bungo lindi më 28 shkurt 1944 në […]

The post Ndahet nga jeta regjisori Leka Bungo appeared first on BoldNews.al.

TIRANË, 11 qershor/ATSH/ Shuhet në moshën 81-vjeçare regjisori dhe skenaristi Leka Bungo, pas betejës me një sëmundje të rëndë.

Lajmin e konfirmoi e bija, përmes një statusi në rrjetet sociale. Bungo ishte një nga emrat më të spikatur të artit shqiptar, me kontribute të rëndësishme në teatër, film dhe televizion.

Leka Bungo lindi në Vlorë më 28 shkurt 1944. U diplomua për aktrim në shkollën “Aleksandër Moisiu” dhe më pas në Institutin e Arteve të Bukura në Tiranë për regji. Pas diplomimit punoi si drejtor në Teatrin “Petro Marko” në Vlorë, dhe në vitin 1971, pas krijimit të Teatrit “Bylis” në Fier, u bë drejtor i tij.

Në vitin 1973, vënia në skenë e dramës “Historia e një vajze” nuk u prit mirë nga pushteti i kohës dhe u kritikua për qëndrime liberale në art. Bungo u dërgua në Patos, i dënuar me punë fizike në kuadër të riedukimit. Më pas punoi në Shtëpinë e Kulturës në Patos dhe në vitet ’80 u kthye në Tiranë, ku u emërua regjisor në Estradën e Shtetit, në të cilën vuri në skenë disa shfaqje që prekin probleme të mprehta sociale të kohës, me satirën si element kryesor.

Në kinematografi u shfaq në vitin 1966 me “Oshetime në bregdet” dhe shumë vite më vonë (1990) me filmin “Një djalë dhe një vajzë”. Në teatër ai luajti në vitin 1980 në dramën “Pabesia”. Leka Bungo ka shkruar gjithashtu skenarin e disa filmave dhe telekomedive si:

“Tre njerëz me gunë” (1985);
“Mirela” (1988);
“Gjuetia e fundit” (1991);
“Pas fasadës” (1992);
“Çarli Çaplini në Shqipëri”.

Vitet e fundit, Bungo ishte kryetar i Këshillit Drejtues të RTSH. Është nderuar me titullin “Qytetar Nderi i Fierit”.

/a.f/

The post Ndahet nga jeta regjisori dhe skenaristi Leka Bungo appeared first on Agjencia Telegrafike Shqiptare.

Një lajm i trishtë ka ardhur këtë të premte, ku diplomati Ilir Shqina është ndarë nga jeta. Ishte ish-ministrja Majlinda Bregu që bëri publike lajmin e trishtë. Ajo shkruan po ashtu se kishte fatin që ta kishte Ilirin si këshilltar diplomatic në Ministrinë e Integrimit, ku sipas Bregut, ai karakterizohej nga korrektësia, dinjiteti dhe maturia. […]

The post E trishtë/ Ndahet nga jeta diplomati Ilir Shqina appeared first on BoldNews.al.

Aktorja fituese e çmimit Emmy, Valerie Mahaffey, ka ndërruar jetë në moshën 71-vjeçare.

Publicisti i Mahaffey konfirmoi për The Hollywood Reporter se ajo vdiq në Kaliforni të premten pasi u diagnostikua me kancer.

Në një deklaratë të dhënë për Variety, bashkëshorti i Mahaffey, Joseph Kell, tha se kishte “humbur dashurinë e jetës sime dhe Amerika ka humbur një nga aktoret e saj më tërheqëse”. “Ajo do të na mungojë,” tha ai.

Në Facebook, vajza e çiftit, Alice, shkroi: “Nuk kam fjalë për të thënë tani. Kanceri është i tmerrshëm. Do të të kërkoj në të gjitha momentet e bukura të jetës. E di që aty do të jesh.”

Në vitin 1992, Mahaffey fitoi një çmim Emmy nëpër Aktoren më të Mirë në një Serial Drama për portretizimin e saj të Evës në komedinë e errët amerikane Northern Exposure.

Ajo ishte e njohur për punën e saj në seriale televizive, duke përfshirë “Desperate Housewives”, “Young Sheldon” dhe “Big Sky”.

The post Ndahet nga jeta aktorja e “Desperate Housewives” appeared first on Lapsi.al.

The post Ndahet nga jeta në moshën 86 vjeçare regjizori i njohur Piro Milkani appeared first on Euronews Albania.

Një lajm i trishtë ka ardhur nga kinematografia shqiptare, ku regjisori Piro Milkani është ndarë nga jeta në moshën 86-vjeçare. Lajmi për ndarjen nga jeta është bërë i ditur nga i biri i regjisorit të ndjerë, Eno Malkani. Përmes një postimi në Fasebook ai shkruan “Iku babai, shoku dhe kolegu im.” Kush është Piro Milakni? […]

The post E trishtë/ Arti në zi, ndahet nga jeta regjisori Piro Milkani appeared first on BoldNews.al.

Artan Lame u nda nga jeta në moshën 58-vjeçare pas një ndërhyrje në zemër, duke lënë pas një kontribut të çmuar në kulturën dhe historisë shqiptare.

Lame lindi në Tiranë në vitin 1967, me origjinë nga fshati Qytezë i Kolonjës dhe la pas dy fëmijë. Lame ishte publicist, opinionist dhe koleksionist shqiptar. Studiues i historisë shqiptare, veprimtar i shoqërisë civile për mbrojtjen e trashëgimisë kulturore shqiptare.

Karriera e tij ishte e ndërthurur mes angazhimit intelektual dhe detyrave shtetërore, ku spikati si një drejtues i përkushtuar dhe me vizion.

Në vitin 2000 ishte Drejtor i Trashëgimisë Kulturore në Ministrinë e Kulturës. Nga 2000-2002 nënkryetar i Bashkisë së Tiranës, 2002-2005 zëvendësministër i Territorit dhe Turizmit. Artan Lame do të mbahet mend veçanërisht për rolin e tij si Drejtor i Përgjithshëm i ALUIZNI-t (2013–2019), një institucion kyç në procesin e legalizimit të ndërtimeve informale. Më pas, ai mori drejtimin e Agjencisë Shtetërore të Kadastrës, ku qëndroi deri në vitin 2023 dhe më pas u largua për arsye shëndetësore.

Përtej funksioneve publike, Lame ishte një njohës i thellë i historisë shqiptare dhe një zë i angazhuar në mediat shqiptare me analiza, shkrime dhe rubrika që sillnin në vëmendje ngjarje të rëndësishme historike. Koleksionist i pasionuar i artefakteve historike, ai kontribuoi edhe në promovimin e kulturës përmes ekspozitave dhe shkrimeve dokumentuese. Lame ka qenë kandidat për deputet i PS-së në zgjedhjet parlamentare 2005,2009,2013. Dhe në vitet 2011-2013 anëtar i grupit të punës për hartimin e Programit të PS-së.

Veprimtari Publike

Nënkryetar i Federatës së Koleksionistëve Shqiptarë

Përfaqësues i Shqipërisë, anëtar në “Ëord Collectors Club”, Genova

Anëtar korrespodent i “Instituto degli studi Araldici”, Milano

Komisar për Shqipërinë në ËPE “IBRA ‘99”, Nuremberg

Drejtor Ekzekutiv “Qendra Shqiptare e Trashëgimisë”

Lektor në Universitetin Marin Barleti, lënda “Administrim territori”

Botime

Rubrika e përjavshme “Shqipni e harrume” në revistën “JAVA”, (2005-2013).

Rubrika e përjavshme “Shqipni tavolinash” në gazetën “SHQIP”, (2006-2013).

TIRANA në kartolina deri më 1944, (grup autorësh) Tiranë 2000

Medaljet shqiptare (1914-1944) vëllimi l, Tiranë 2010

Medaljet shqiptare (1945-2002) vëllimi ll, Tiranë 2010

TIRANA, Planin, Building, Living, (grup autorësh), Ëien 2011

Princi i Shqiptarëve, Tiranë 2011

Piramida e Tiranës (bashkarisht me Ardian Klosi), Tiranë 2011

Dekorime

2010: Çmimi “Book of the year” nga MIC London për lindrin “Medaljet shqiptare 1914-2002”

2012 dekoruar nga Presidenti i Republikës me “Medaljen e Mirënjohjes” dt.26.12.2012 për aktivitetet e 100 vjetorit të Pavarësisë

Në mars të vitit 2016, Artan Lame iu nënshtrua një ndërhyrjeje urgjente kirurgjikale në zemër.

The post Kush ishte Artan Lame, karriera dhe kontributi që la pas appeared first on Lapsi.al.

Artan Lame ka ndërruar jetë në moshën 58-vjeçare në Gjermani, pas një ndëhyrje të vështirë në zemër. Ai humbi jetën pas daljes nga gjendja e komës.

Lame ka qenë drejtues i lart i shtetit shqiptar si zëvendësministër apo drejtor i Agjencisë së Kadastrës dhe Legalizimeve.

Lame ishte publicist, opinionist, studiues i historisë shqiptare dhe një veprimtar për mbrojtjen e trashëgimisë kulturore të vendit.
I lindur në Tiranë në vitin 1967, me origjinë nga fshati Qytezë i Kolonjës, Artan Lame la gjurmë si pjesë e shoqërisë civile dhe si funksionar publik

The post Ndahet nga jeta në moshën 58-vjeçare ish-kreu i Kadastrës, Artan Lame appeared first on Lapsi.al.

Regjisori James Foley ka ndërruar jetë në moshën 71 vjeçare.

Ai vdiq pas një beteje disavjeçare me kancerin në tru, sipas përfaqësuesit të tij.

The post Ndahet nga jeta regjisori i “ Fifty Shades of Grey” appeared first on Lapsi.al.

Është ndarë nga jeta aktivistja e njohur politike dhe themeluesja e Partisë Socialdemokrate të Kosovës, Kaqusha Jashari. Lajmi u konfirmua nga familjarët e saj mëngjesin e kësaj të marte. Kaqusha Jashari do të kujtohet si një ndër zërat më të fortë të mbrojtjes së të drejtave të njeriut dhe si një figurë që la gjurmë të thella në historinë moderne të Kosovës. E angazhuar për dekada në jetën politike, ajo u dallua si grua e vendosur, e cila nuk hoqi dorë nga ideali për një shoqëri më të drejtë, demokratike dhe progresive.

Presidentja e Republikës së Kosovës, Vjosa Osmani, shprehu ngushëllimet e saj të thella për ndarjen nga jeta të zonjës Jashari, duke e cilësuar atë si një prej figurave më të njohura dhe më të rëndësishme të historisë politike të vendit.

“Ajo dha kontribut të pandërprerë në periudha vendimtare për vendin,” u shpreh Osmani, duke shtuar se jeta dhe vepra e saj mishërojnë përkushtimin ndaj atdheut, si një zë i fuqishëm në kohë sfidash, themeluese dhe udhëheqëse e një partie politike, deputete e zgjedhur nga populli dhe një krijuese e spikatur në fushën e artit.

Presidentja gjithashtu shprehu mbështetje për familjarët e saj, duke i inkurajuar të gjejnë forcë në përballimin e kësaj humbjeje të madhe. Varrimi i Kaqusha Jasharit do të bëhet pasditen e kësaj të marte në orën 13:00 në varrezat e qytetit të Prishtinës, ku pritet të marrin pjesë figura të larta shtetërore, përfaqësues politikë dhe qytetarë të shumtë që e vlerësonin dhe respektonin punën e saj të palodhur për Kosovën.

The post E trishtë/ ​Ndahet nga jeta themeluesja e Partisë Socialdemokrate appeared first on Sot News | Lajme.

Ndarja nga jeta e një prej figurave të shquara të artit skenik dhe kinematografik shqiptar, aktorit dhe regjisorit të njohur Eduart Çala. Arti shqiptar është në zi për këtë humbje të madhe. Lajmi ka tronditur komunitetin artistik dhe qytetin e Elbasanit, ku Çala ka lënë gjurmë të thella me veprimtarinë e tij të pasur dhe shumëdimensionale.

I lindur më 19 shtator 1950 në Elbasan, Eduart Çala nisi rrugëtimin e tij artistik që në bangat e shkollës, përmes pjesëve teatrale të interpretura me pasion dhe talent.Edhe pse nuk studioi për aktrim, dashuria për artin e udhëhoqi drejt një karriere të gjatë si aktor profesionist në Teatrin “Skampa”, ku luajti mbi 50 role të ndryshme. Kontribut në teatër, film dhe skenën e fëmijëve

Çala interpretoi me finesë role kryesore dhe episodike, duke spikatur me përkushtimin e tij në çdo skenë. Karriera e tij e pasur përfshin edhe kontribute në kinematografi, me role në filma të njohur si “Përtej mureve të gurta”, “Një natë Nëntori”, “Partizani i vogël Velo” dhe të tjerë. Një kapitull i rëndësishëm i jetës së tij ishte edhe puna si regjisor në Teatrin e Kukullave në Elbasan, ku vuri në skenë dhjetëra shfaqje për fëmijë, duke ndikuar në edukimin artistik të brezave të rinj.

Vlerësime dhe kujtim i përhershëm. Për kontributin e tij të çmuar në artin shqiptar, Eduart Çala është nderuar me medaljen “Naim Frashëri” në vitin 1985 dhe me titullin “Mirënjohje e Qytetit” nga Bashkia e Elbasanit. Ai u bë një nga figurat kyçe të brezit të artë të aktorëve elbasanas, përkrah emrave si Demir Hyskja, Shpëtim Shemili dhe Astrit Cerma. Me ndarjen nga jeta të Eduart Çalës, skena shqiptare humb një prej figurave më të përkushtuara dhe të dashura. Ai do të kujtohet si një artist i heshtur, por i madh në talent, që jetoi me dashurinë për artin dhe publikun.

The post Humbje e madhe/ Ndahet nga jeta aktori dhe regjisori i njohur, Eduart Çala appeared first on Sot News | Lajme.