DAMASK, 17 korrik /ATSH-DPA/ – Numri i të vdekurve nga dhuna në provincën Sweida, në Sirinë jugore, vazhdon të rritet: Observatori Sirian për të Drejtat e Njeriut, një monitorues lufte me bazë në Mbretërinë e Bashkuar, ka raportuar të paktën 516 vdekje që nga shpërthimi i luftimeve më 13 korrik.

Observatori dokumentoi vrasjen e 83 civilëve druzë në rrugët e Sweida-s dhe fshatrave përreth, për të cilat i mbajti përgjegjëse forcat qeveritare siriane.

“Kishte trupa kudo”, tha një vullnetar që punonte me mbrojtjen civile të qytetit.

Në një mizori tjetër të raportuar, tre anëtarë të komunitetit beduin – një grua, një fëmijë dhe një burrë – u ekzekutuan nga fraksione të armatosura druze në qytetin e Sweida-s, raportoi observatori, duke cituar prova video.

Viktimat përfshinin afërsisht 150 druzë dhe 261 ushtarë qeveritarë, shtoi observatori.

Observatori Sirian për të Drejtat e Njeriut mbështetet në një rrjet burimesh në terren dhe në përgjithësi konsiderohet i besueshëm, megjithëse të dhënat e tij nuk mund të verifikohen në mënyrë të pavarur.   /os/

The post DAMASK – Numri i të vdekurve nga dhuna në Sweida rritet në mbi 500 appeared first on Agjencia Telegrafike Shqiptare.

BRATISLAVE, 17 korrik /ATSH-ANSA/ – Sllovakia do të bëjë të mundur miratimin e paketës së 18-të të sanksioneve kundër Rusisë nesër. Refuzimi i mëtejshëm i sanksioneve do të dëmtonte Sllovakinë”, tha Fico në një video të postuar në Facebook këtë mbrëmje.

Deri më tani, BE-ja nuk ka qenë në gjendje të miratojë paketën e re të sanksioneve për shkak të vetos së Sllovakisë, e cila kërkoi garanci më të mëdha se nuk do të dëmtohej nga plani i Brukselit për të hequr gradualisht gazin rus.

Bratislava mbetet kundër eliminimit të plotë të importeve të gazit rus në BE, por Komisioni thuhet se ka dhënë garanci në këtë drejtim ditët e fundit.

Në video, Fico e quajti planin për t’i dhënë fund importeve të gazit rus në BE si “idiot” dhe deklaroi se Bratislava po hyn në fazën tjetër të betejës së saj me BE-në për këtë çështje. /os/

The post BRATISLAVE – Fico: Sllovakia do të votojë në favor të sanksioneve anti-ruse appeared first on Agjencia Telegrafike Shqiptare.

TEK AVIV, 17 korrik /ATSH-ANSA/ – Kryeministri izraelit Benjamin Netanyahu tha se Izraeli “ndjen keqardhje të thellë” për sulmin ndaj Kishës së Familjes së Shenjtë në Gaza, i cili vrau tre persona këtë mëngjes, duke i quajtur vdekjet një “tragjedi”, sipas një deklarate nga zyra e tij.

“Izraeli shpreh keqardhje të thellë që një predhë goditi Kishën e Familjes së Shenjtë në Gaza. Çdo jetë e pafajshme e humbur është një tragjedi. Ne ndajmë dhimbjen e familjeve dhe besimtarëve”, shtoi ai.

“Jemi mirënjohës ndaj Papa Leones për fjalët e tij ngushëlluese. Izraeli po heton incidentin dhe mbetet i përkushtuar për të mbrojtur civilët dhe vendet e shenjta”, shtohet në deklaratë. /os/

The post TEL AVIV – Netanyahu: Ndjej eqardhjeje të thellë’ për sulmin ndaj kishës në Gaza appeared first on Agjencia Telegrafike Shqiptare.

BRUKSEL, 17 korrik /ATSH/ – Shtetet e Bashkuara e kërcënuan gjatë fundjavës Bashkimin Evropian me tarifa prej 30 për qind, duke tronditur Brukselin pikërisht kur po mendonte se bërja e një marrëveshjeje tregtare transatlantike ishte pothuajse punë e kryer.

Blloku ende shpreson se një marrëveshje do të mundë të arrihet para afatit të 1 gushtit, kur pritet të hyjnë në fuqi tarifat ndëshkuese të SHBA-së.

Por, BE-ja gjithashtu ka përgatitur kundërmasa, duke rritur mundësinë e një lufte tregtare me pasoja të rënda për ekonominë botërore.

Mund të thuhet se njoftimi i Donald Trumpit më 12 korrik – për vendosjen e një tarife të përgjithshme prej 30 për qind për të gjitha importet nga blloku me 27 vende anëtare – ishte goxha tronditës.

Prej se presidenti amerikan kërcënoi për herë të parë BE-në, si dhe shumicën e partnerëve të tjerë tregtarë botërorë, me masa të rënda tregtare në fillim të prillit, Brukseli ka qenë i gatshëm për ta gjetur njëfarë kompromisi.

Diplomatët dhe politikanët evropianë besojnë se një marrëveshje transatlantike ishte shumë pranë, duke lënë të kuptohet se mund të pranohej një tarifë bazë prej rreth 10 për qind, me përjashtime dhe kuota për industri të ndryshme që do të shtjelloheshin më vonë.

Duke folur në kushte anonimiteti, ata thonë se e shohin kthesën e papritur nga Shtëpia e Bardhë si një “taktikë negociuese” për ta siguruar një marrëveshje më të mirë, veçanërisht për kompanitë teknologjike amerikane që përballen me taksa të rritura në Evropë.

BE-ja ende shpreson se mund të arrihet diçka para afatit të 1 gushtit, edhe në qoftë se është vetëm një shtyrje për disa muaj.

Qëllimi është të rikthehen tarifat në 10 për qind apo afër kësaj shifre. BE-ja është e gatshme të pranojë tarifë prej 15 për qind si kufi maksimal pa ndërmarrë masa hakmarrëse.

Kundërmasa në vlerë miliarda euro

Ndërkohë, Komisioni Evropian ka përgatitur pikërisht kundërmasa të tilla. Madje ka përpiluar një listë 200-faqëshe me mallra amerikane që mund të goditen.

Të miratuara nga ministrat e Tregtisë të BE-së gjatë një takimi në Bruksel më 14 korrik, komisioni propozoi kundërmasa në vlerë 72 miliardë euro, që synojnë gjithçka, nga avionët, pjesët e makinave dhe pijet alkoolike si burboni, deri te sende më të vogla si çakmakët dhe tubat për duhan, shkruan REL.   /os/

The post FOKUS – Kërcënimi i SHBA-së me tarifa rrit rrezikun për Evropën teksa shtohet frika për luftë tregtare appeared first on Agjencia Telegrafike Shqiptare.

LONDER, 17 korrik /ATSH-AA/ – Në një rishikim të plotë të sistemit zgjedhor të Mbretërisë së Bashkuar, qeveria ka njoftuar planet për t’u dhënë 16 dhe 17-vjeçarëve të drejtën për të votuar në të gjitha zgjedhjet në Mbretërinë e Bashkuar.

Në një dokument të ri strategjik, qeveria e Mbretërisë së Bashkuar tha se kjo është pjesë e një përpjekjeje më të gjerë për të modernizuar demokracinë, për të rritur pjesëmarrjen dhe për të rivendosur besimin publik në politikë.

Ndryshimi e afron pjesën tjetër të Mbretërisë së Bashkuar me Skocinë dhe Uellsin, ku 16-vjeçarët tashmë mund të votojnë në zgjedhjet lokale dhe të decentralizuara.

Reformat janë një premtim kyç sipas “planit për ndryshim” të qeverisë.

“Ne po ndërmarrim veprime për të shembur barrierat ndaj pjesëmarrjes dhe për të përmbushur angazhimin tonë në manifest për t’u dhënë 16-vjeçarëve të drejtën për të votuar”, tha në një deklaratë zv.kryeministrja e Mbretërisë së Bashkuar, Angela Rayner.

Sipas strategjisë së re, rregullat e identifikimit të votuesve do të zbuten, me kartat bankare të lëshuara në Mbretërinë e Bashkuar të shtuara në listën e identifikimeve të pranueshme. Dokumentet digjitale të identifikimit, të tilla si Karta e Veteranit dhe patentat e drejtimit, do të lejohen gjithashtu kur të jenë të disponueshme.

Një certifikatë digjitale e autoritetit të votuesve do të futet për të përmirësuar qasjen dhe për të ulur kostot.

Një sistem më i automatizuar i regjistrimit të votuesve do të thjeshtojë regjistrimet dhe do të zvogëlojë dyfishimin në të gjitha shërbimet qeveritare.

“Duke përmbushur angazhimin tonë në manifest për të zgjeruar të drejtën e votës për 16 dhe 17-vjeçarët, ne po bëjmë një hap përpara në rivendosjen e besimit publik”, tha në një deklaratë ministrja e Mbretërisë së Bashkuar për Demokracinë, Rushanara Ali.   os/

The post LONDER – BM do të ulë moshën e votimit në 16 vjeç appeared first on Agjencia Telegrafike Shqiptare.

LUBJANE, 17 korrik /ATSH-AA/ – Sllovenia u bë shteti i parë anëtar i BE-së që zyrtarisht shpall dy ministra izraelitë si persona non grata, duke përmendur si arsye rolin e tyre në atë që e quajti “situatë e padurueshme” në Gaza, njoftoi sot ministrja e Jashtme Tanja Fajon.

“Pas seancës së sotme qeveritare, kemi miratuar vendimin për të shpallur ministrin izraelit të Sigurisë Kombëtare (Itamar Ben-Gvir) dhe ministrin e Financave (Bezalel Smotrich) si persona non grata në Republikën e Sllovenisë”, tha Fajon, sipas një postimi të ndarë nga Ministria e Jashtme sllovene në X.

“Ky është presion mbi qeverinë izraelite për të përmirësuar situatën e padurueshme në Gaza dhe për t’i dhënë fund vuajtjeve të civilëve”, tha ajo.

Ky hap i Sllovenisë vjen pas njohjes së Shtetit të Palestinës në qershor.

Duke refuzuar thirrjet ndërkombëtare për armëpushim, Izraeli ka kryer një ofensivë brutale në Gaza që nga fundi i tetorit 2023, duke vrarë gati 58.600 palestinezë, shumica prej tyre gra dhe fëmijë.

Bombardimet e pamëshirshme kanë shkatërruar enklavën dhe kanë çuar në mungesë ushqimi dhe përhapje të sëmundjeve.

Nëntorin e kaluar, Gjykata Ndërkombëtare Penale lëshoi urdhra arresti për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.

Izraeli përballet gjithashtu me një padi për gjenocid në Gjykatën Ndërkombëtare të Drejtësisë për luftën e tij në enklavën palestineze.  /os/

The post LUBJANE – Sllovenia shpall “non grata” ministrat izraelitë Ben-Gvir dhe Smotrich appeared first on Agjencia Telegrafike Shqiptare.

ROME, 17 korrik /ATSH/ – Një bastisje izraelite në Rripin e Gazës ka goditur Kishën e Familjes së Shenjtë. Dy persona raportohet se kanë vdekur dhe gjashtë të tjerë janë plagosur rëndë, ndërsa Ati Gabriel Romanelli, prifti i famullisë, është plagosur lehtë në këmbë, deklaroi e shqetësuar mbi situatën kryeministrja italiane Giorgia Meloni.

Përveç kryeministres, fjalë dënimi erdhën edhe nga ministri i Jashtëm Tajani.

“Sulmet e ushtrisë izraelite kundër popullsisë civile në Gaza nuk janë më të pranueshme. Bastisja e mëngjesit të sotëm goditi gjithashtu Kishën e Familjes së Shenjtë në Gaza, një akt i rëndë kundër një vendi të krishterë adhurimi”, theksoi Tajani.

”Ngushëllimet e mia më të thella shkojnë për Atin Romanelli, i cili u plagos gjatë bastisjes. Është koha të ndalemi dhe të gjejmë paqen”, shtoi ai. /os/

The post ROME – Meloni: Sulmet e ushtrisë izraelite ndaj kishës sonë janë të papranueshme appeared first on Agjencia Telegrafike Shqiptare.

TORONTO, 16 korrik /ATSH-ANSA/ Të luash një instrument muzikor e mban trurin të ri dhe ngadalëson rënien e perceptimit të të folurit që zakonisht ndodh me moshën.

Kjo demonstrohet nga një studim i botuar në revistën PLOS Biology nga Akademia Baycrest për Kërkim dhe Edukim (Kanada) dhe Akademia Kineze e Shkencave.

Studiuesit përdorën imazhe me rezonancë magnetike funksionale për të matur aktivitetin e trurit të 25 muzikantëve të moshuar, 25 të moshuarve që nuk luanin një instrument dhe 24 të rinjve jo-muzikantë, të cilëve iu kërkua të dëgjonin dhe të identifikonin rrokjet e maskuara nga tinguj të zhurmshëm.

Rezultatet tregojnë se muzikantët e moshuar kanë më pak vështirësi me njohjen e të folurit sesa bashkëmoshatarët e tyre jo-muzikantë, truri i të cilëve është i mbingarkuar për të kompensuar rënien njohëse të lidhur me moshën.

Në përgjithësi, muzikantët e moshuar treguan aktivitet dhe lidhshmëri në zona të trurit të ngjashme me atë të të rinjve jo-muzikantë.

Në përgjithësi, gjetjet mbështesin hipotezën se praktika muzikore rrit rezervën njohëse, duke kompensuar rënien e lidhur me moshën dhe duke ruajtur integritetin dhe arkitekturën funksionale të rrjeteve nervore.

“Një stil jetese pozitiv i ndihmon të moshuarit të përballojnë më mirë plakjen njohëse dhe nuk është kurrë vonë për të filluar dhe për të ruajtur një hobi të kënaqshëm si të mësuarit për të luajtur një instrument,” komenton Lei Zhang i Akademisë Baycrest për Kërkim dhe Edukim.

“Ashtu si një instrument i akorduar mirë nuk ka nevojë të luhet më fort për t’u dëgjuar, truri i muzikantëve të moshuar mbetet i akorduar në mënyrë të përsosur falë viteve të trajnimit,” shton Yi Du i Akademisë Kineze të Shkencave.

“Studimi ynë tregon se kjo përvojë muzikore forcon rezervën konjitive, duke ndihmuar trurin të shmangë lodhjen e zakonshme të lidhur me moshën tipike të atyre që përpiqen të kuptojnë të folurit në mjedise të zhurmshme”, shton ai. /os/

The post MUZIKË – Të luash një instrument mban trurin të ri appeared first on Agjencia Telegrafike Shqiptare.

KIEV, 16 korrik /ATSH/ – Në njërën prej deklaratave më provokative prej nisjes së luftës së Rusisë në Ukrainë, presidenti rus, Vladimir Putin ka thënë në fund të muajit të kaluar se “ku shkel këmba e ushtarit rus – ajo tokë është e jona”.

Premtimet e Moskës në fakt shkojnë shumë përtej tokës që ushtarët e saj kontrollojnë në Ukrainë, pas më shumë se 40 muajve të luftës. Në shtator të vitit 2022, Putin i ka shpallur paligjshëm rajonet e Hersonit, Zaporizhjas, Donjeckut dhe Luhanskut, si territore të Rusisë.

Me deklaratën e fundit Putin ka sinjalizuar se mund të synojë edhe më tepër territor në Ukrainë, ku ushtarët rusë dhe autoritetet ruse akuzohen për çrrënjosje të identitetit kulturor ukrainas dhe përballen me akuza për torturë, abuzime dhe krime tjera.

Në të njëjtën kohë, Rusia zotohet publikisht se do t’ua bëjë jetën më të mirë banorëve të këtyre rajoneve. Në takimin e Qeverisë, të mbajtur më 30 qershor, Putini ka thënë se standardet e jetës në pjesë të Ukrainës që janë pushtuar nga Rusia duhet të arrijnë mestaren e Rusisë deri më 2030.

Aktivistët dhe zyrtarët ukrainas prej këtyre rajoneve nuk pajtohen assesi.

Synimi i Putinit mund të jetë modest, mirëpo nuk është real, sipas tyre, duke cituar vështirësitë nëpër të cilat po kalon vetë Rusia pas nisjes së luftës. Ata e përmendin si shembull përvojën e tyre në Krime, ku standardet e jetës ende lënë për të dëshiruar edhe pse janë bërë 11 vjet prej kur Rusia e ka marrë kontrollin e këtij gadishulli ukrainas, dhe situata nuk ka qenë e mirë edhe para nisjes së luftës së plotë në pjesën tjetër të Ukrainës.

Pas mbledhjes së muajit të kaluar, Putin ka folur për nevojën e rindërtimit dhe renovimit të shkollave, stadiumeve, spitaleve, qendrave kulturore, rrugëve, shtëpive dhe objekteve tjera, duke thënë se “puna sistematike” do të nisë në 300 projekte.

Megjithatë, në terren, në disa zona të pushtuara nga rusët në Herson, ka pak dëshmi, sipas Serhiy Rybalkos, ligjvënës në legjislaturën rajonale të këtij qyteti.

Hersoni është kapur nga forcat ushtarake ruse në fillim të luftës, mirëpo është rikthyer në duart e ukrainasve pas një kundërofensive të zhvilluar disa muaj më vonë.

Rusia e zotëron pjesën më të madhe të territorit në bregun e majtë të lumit Dnjepër, derisa Ukraina e zotëron pjesën kah bregu i djathtë.

“Nuk ka restaurim, nuk ka ndërtim të shkollave dhe asgjë tjetër”, ka thënë Rybalko për Radion Evropa e Lirë.

Ai ka thënë se ideja e ndonjë zhvillimi të suksesshëm nga autoritetet ruse, nuk tingëllon si diçka premtuese, dhe atë për shumë arsye.

“Hersoni është rajon bujqësor”, dhe bujqësia aktualisht është në “rënie të plotë”, ka thënë Rybalko, duke shtuar se shkatërrimi i digës Kahovka nga forcat ruse më 2023 dhe mosriparimi i saj, i ka dëmtuar shumë bujqit dhe e ka vështirësuar rritjen e pemëve dhe perimeve.

“Nuk ka riparime dhe kjo nënkupton që rajoni shumë shpejt do të shndërrohet në shkretëtirë”.

Shumë bujq që e kanë marrë me qira tokën në pjesën e pushtuar nga Rusia, nuk kanë mundur t’i paguajnë qiratë në vitin 2024 dhe e njëjta situatë mund të përsëritet edhe këtë vit, ka thënë ai.

“Askush nuk do të punojë, asnjë taksë nuk do të paguhet dhe nuk do të ketë zhvillim në këtë territor”.

Një tjetër barrierë për ringjallje ekonomike në rajon ka të bëjë me tendencën e Qeverisë ruse që t’i favorizojë kompanitë shtetërore dhe ato në numër më të madh, vlerëson Rybalko.

“Putini frikësohet nga zhvillimi i klasës së mesme. Ai frikësohet nga njerëzit që mund të mendojnë për veten”.

Ndërkohë, ukrainasit – sidomos ata në moshë të re – vazhdojnë të largohen nga tokat e pushtuara prej rusëve dhe “askush nuk vjen nga Rusia që t’i zëvendësojë ata, të gjithë janë të frikësuar”, ka thënë Rybalko, shkruan REL.   /OS/

The post FOKUS – Ukrainasit nuk u besojnë premtimeve të Putinit për investime në tokat e pushtuara appeared first on Agjencia Telegrafike Shqiptare.

BERLIN, 16 korrik /ATSH-AA/ – Sipas shifrave zyrtare të publikuara, Gjermania ka vazhduar eksportet e saj ushtarake drejt Izraelit në muajt e fundit pavarësisht shenjave shqetësuese të gjenocidit në Gaza.

Qeveria gjermane konfirmoi se ka miratuar pajisje ushtarake dhe armë me vlerë 250,5 milionë euro për Izraelin midis 1 janarit 2024 dhe 26 qershorit 2025.

Sipas shifrave zyrtare, licencat e miratuara të eksportit kanë arritur në 161,1 milionë euro në vitin 2024 dhe 28 milionë euro në tremujorin e parë të vitit 2025.

Qeveria i publikoi këto shifra në përgjigje të një pyetjeje parlamentare nga Partia e Majtë e opozitës, e cila bën thirrje për një ndërprerje të menjëhershme të eksporteve të armëve për Izraelin.

Gjermania ka qenë prej kohësh mbështetëse e fortë e Izraelit, me udhëheqës politikë që vazhdimisht përmendin përgjegjësinë historike të vendit ndaj Izraelit të rrënjosur në të kaluarën naziste të Gjermanisë dhe Holokaustin.

Eksportet e armëve në Izrael u pezulluan për një kohë të shkurtër vitin e kaluar kur Nikaragua ngriti padi kundër Gjermanisë në Gjykatën Ndërkombëtare të Drejtësisë (GJND), duke akuzuar Gjermaninë për bashkëpunim në gjenocidin në Gaza.

Zyrtarët gjermanë më vonë rifilluan eksportet duke argumentuar se kishin marrë garanci me shkrim nga Izraeli në lidhje me pajtueshmërinë me ligjin ndërkombëtar. Ata gjithashtu përmendën kërcënimin e paraqitur nga Irani si justifikim tjetër për rifillimin e dërgesave të armëve.

Që kur Izraeli nisi fushatën e tij ushtarake në Gaza në vitin 2023, më shumë se 58.000 palestinezë janë vrarë dhe mbi 100.000 të tjerë janë plagosur, shumica prej tyre gra dhe fëmijë.

Izraeli aktualisht përballet me një padi për gjenocid në GJND për veprimet e tij në Gaza, ku të paktën 1,9 milion palestinezë mbeten të zhvendosur dhe vuajnë nga mungesa të mëdha ushqimi, furnizimesh mjekësore dhe artikujsh të tjerë thelbësorë.   /os/

The post BERLIN – Gjermania vazhdon eksportet ushtarake drejt Izraelit përkundër kritikave në rritje appeared first on Agjencia Telegrafike Shqiptare.

ATHINE, 16 korrik /ATSH-AA/ – Greqia po përgatitet për një valë të re dhe më intensive të të nxehtit, e cila pritet të sjellë temperatura ekstreme dhe rrezik të shtuar nga zjarret.

Sipas gazetës ditore ‘To Vima’, parashikimet tregojnë se temperaturat nga e diela deri të paktën të martën mund të arrijnë deri në 43 gradë Celsius, me mundësi të zgjatjes deri të mërkurën.

Meteorologu Giorgos Tsatrafilia tha se temperaturat prej 39-40 gradë Celsius priten në ditët para fundjavës, para se vala e të nxehtit të arrijë kulmin.

Ai gjithashtu paralajmëroi se popullatat vulnerabël, veçanërisht në zonat urbane me ventilim të dobët dhe mungesë të mjeteve për freskim, mund të përjetojnë vështirësi të mëdha gjatë kësaj vale e të nxehtit ekstrem.

The post ATHINE – Greqia përgatitet për një valë të re të nxehti deri në 43 gradë Celsius appeared first on Agjencia Telegrafike Shqiptare.

LONDER, 16 korrik /ATSH/ – Një dënim shembullor prej katër vjetësh e tre muajsh burg u dha dy burrave të shpallur fajtorë nga gjykatat britanike për prerjen, në vitin 2023, të një peme dyqindvjeçare që është simbol i Britanisë së Madhe, ”Sycamore Gap Treeria”., shkruan lastampa. /os/

Daniel Graham, 39 vjeç, dhe Adam Carruthers, 31 vjeç, u akuzuan para Gjykatës së Magjistraturës së Newcastle për aktin e pakuptimtë të vandalizmit, i cili u kap në video nga telefonat e tyre celularë.

Sycamore Gap, e fotografuar çdo vit nga vizitorë të panumërt dhe i listuar si Vend i Trashëgimisë Botërore të UNESCO-s, është përjetësuar më parë në filma të tillë si filmi i madh i Hollivudit “Robin Hood, Princi i Hajdutëve”, me protagonist Kevin Costner. /os/

The post BM – Robin Hood pa pemë: 4 vite burg për vandalët e saj appeared first on Agjencia Telegrafike Shqiptare.

NPARIS, 16 korrik /ATSH/ – Franca po shqyrton eliminimin e dy festave zyrtare, ndërsa qeveria synon shkurtime të mëtejshme të shpenzimeve për të mbushur një boshllëk buxhetor, shkruan CBNC.

Kryeministri francez François Bayrou ka njoftuar një sërë shkurtime shpenzimesh , duke synuar kursime prej 43.8 miliardë eurosh (50.9 miliardë dollarë) në një përpjekje për të arritur një deficit buxhetor prej 4.6% në vitin 2026, nga deficiti prej 5.4% i këtij viti.

Ndër propozimet janë eliminimi i dy festave zyrtare, eliminimi i 3 000 vendeve të punës në sektorin publik dhe kufizimi i lehtësirave tatimore për të pasurit.

Qeveria franceze ka sugjeruar që festat publike që mund të hiqen përfshijnë të hënën e Pashkëve, e cila thotë se “nuk ka më ndonjë rëndësi fetare”, dhe 8 majin, i njohur edhe si “Dita e Fitores në Evropë”, e cila përkujton dorëzimin e Gjermanisë naziste, duke i dhënë fund Luftës së Dytë Botërore.

”Këto festa ranë në një muaj plot me fundjava të gjata dhe heqja e tyre do të nxiste aktivitetin ekonomik në biznese, dyqane dhe administratë publike, duke përmirësuar kështu produktivitetin tonë”, theksoi qeveria.

Qeveria deklaroi gjithashtu se do të kërkohej një përpjekje e veçantë” nga ata që kanë kapacitetin për të kontribuar më shumë, duke propozuar një “kontribut solidariteti” nga më të pasurit.

“Sot po përjetojmë një moment të së vërtetës, një nga ato momente në historinë e një kombi ku të gjithë duhet të pyesin veten: çfarë roli jam i gatshëm të luaj në të ardhmen tonë kolektive?” tha Bayrou në një konferencë për shtypi. /os/

The post FOKUS – Franca eliminon dy festa zyrtare për të kursyer para appeared first on Agjencia Telegrafike Shqiptare.

UASHINGTON, 15 korrik /ATSH-ANSA/ – Presidenti ameriikan Donald Trump u tha gazetarëve se aktualisht nuk po shqyrton dërgimin e raketave me rreze të gjatë veprimi në Kiev.

Ukrainë apo Rusi? “Nuk jam në anën e askujt.Presidenti ukrainas Volodymyr Zelensky nuk duhet ta shënjestrojë Moskën”, theksoi ai.

Donald Trump e tha këtë në përgjigje të një pyetjeje në lidhje me luftën e Rusisë në Ukrainë, sipas Bloomberg.   /os/

The post SHBA – Trump: Nuk po shqyrtoj dërgimin e armëve me rreze të gjatë në Kiev appeared first on Agjencia Telegrafike Shqiptare.

UASHINGTON, 15 korrik /ATSH-AA/ – Presidenti i SHBA-së, Donald Trump, tha se është “i zhgënjyer, por nuk ka mbaruar” me homologun e tij rus, Vladimir Putin, raportoi BBC.

“Jam i zhgënjyer me të, por nuk kam mbaruar me të. Por jam i zhgënjyer me të”, tha Trump në një telefonatë ekskluzive me BBC-në kur u pyet nëse “kishte mbaruar” me Putinin.

Kur u pyet nëse i besonte Putinit, Trump tha: “Nuk i besoj pothuajse askujt”.

Intervista erdhi pasi Trump zbuloi të hënën një qasje më të ashpër ndaj Rusisë lidhur me luftën e saj në Ukrainë, duke premtuar një furnizim të ri me raketa dhe armë të përparuara për Kievin, dhe duke i dhënë Moskës një afat 50-ditor për të rënë dakord për një armëpushim ose të përballet me tarifa dytësore “shumë të rënda”.

Sipas raportit, Trump tha se kishte menduar se një marrëveshje me Rusinë ishte në pah katër herë të ndryshme.

Ai tha se SHBA-ja “punon” për t’i dhënë fund luftës së vazhdueshme në Ukrainë.

“Do të zhvillojmë një bisedë të shkëlqyer. Do të them: ‘Kjo është mirë, mendoj se jemi afër përfundimit’, dhe pastaj ai do të shkatërrojë një ndërtesë në Kiev”, tha ai, sipas raportit.

Kur u pyet nëse ai ende mendon se NATO është “e vjetruar”, Trump tha: “Jo. Mendoj se NATO tani po bëhet e kundërta e kësaj”, sepse aleanca “po paguante faturat e veta”.

Trump tha se ai ende beson në mbrojtjen kolektive, pasi ajo u lejon kombeve më të vogla të mbrohen nga kundërshtarët më të fuqishëm.   /os/

The post SHBA – Trump: I zhgënjyer, por nuk kam mbaruar me Putinin appeared first on Agjencia Telegrafike Shqiptare.

KIEV, 15 korrik /ATSH-AA/ – Kryeministri ukrainas, Denys Shmyhal, ka dhënë dorëheqjen pas raportimeve për zëvendësimin e tij.

Shmyhal publikoi një foto të letrës së tij të dorëheqjes në kanalin e tij Telegram, duke shkruar: “Faleminderit të gjithë ekipit për punën tuaj të palodhur për shtetin tonë!”

Ai tha se ka paraqitur një kërkesë zyrtare për dorëheqje në Verkhovna Rada (parlamenti ukrainas) dhe shprehu mirënjohje ndaj presidentit Volodymyr Zelenskyy për besimin e tij.

Sipas raportimeve në media, Shmyhal pritet të marrë detyrën e ministrit të Mbrojtjes të Ukrainës, ndërsa ministri aktual i Mbrojtjes, Rustem Umerov, do të emërohet ambasador në SHBA.

Më 14 korrik, Zelenskyy u takua me zëvendëskryeministren e Parë Yulia Svyrydenko dhe i propozoi asaj që të drejtonte qeverinë. Ai deklaroi se ky veprim shënon fillimin e një transformimi të degës ekzekutive në Ukrainë, që synon forcimin e aftësive të Kievit.

The post KIEV – Jep dorëheqjen kryeministri i Ukrainës, Denys Shmyhal appeared first on Agjencia Telegrafike Shqiptare.

MILANO, 15 korrik /ATSH/ – Xhaketat prej kashmiri të markës ”Loro Piana” prodhohen në disa punishte kineze me një kosto për njësi prej afërsisht 100 eurosh dhe rishiten në dyqanet e markës me çmime midis 1 000 dhe 3 000 eurosh, deklaroi Zyra e Prokurorit Publik të Milanos, shkruan lastampa.it.

Spekullimet dhe manipulimet në industrinë e modës së lartë shtynë gjykatën të vinte në administrim gjyqësor kompaninë shumëkombëshe LVMH Moët Hennessy Louis Vuitton në pronësi të familjes miliardere franceze Arnault.

Hetimi zbuloi se Loro Piana ia jep prodhimin e veshjeve prej kashmiri Evergreen, pavarësisht se kompania punëson vetëm “shtatë punëtorë” dhe praktikisht nuk ka makineri përpunimi.

Marka thuhet se është në dijeni të këtij fakti, pasi ka porositur një audit nga një firmë konsulence në vitin 2024 që “nuk përfshinte asnjë konsideratë ose kontroll në lidhje me kapacitetin prodhues të kompanisë”.

Evergreen nga ana tjetër nënkontrakton Sor-Man, një tjetër kompani italiane me emër që përdor dy kompani kineze për prodhimin fizik të veshjeve. /os/

The post MILANO – Moda që vret: 100 euro për gratë që i qepin, 3 000 për ata që i shesin! appeared first on Agjencia Telegrafike Shqiptare.

BRUKSEL, 15 korrik /ATSH-ANSA/ – Komisioni i BE-së u ka paraqitur zyrtarisht shteteve anëtare listën e kundërtarifave prej 72 miliardë eurosh të gatshme për t’u zbatuar në përgjigje të së ashtuquajturave tarifa reciproke të SHBA-së për makinat.

Pas mbylljes së konsultimit publik më 10 qershor, paketa fillestare prej 95 miliardë eurosh u zvogëlua, por – sipas listës së parë nga ANSA – ajo ruan bazat e eksporteve të SHBA-së si mishin e viçit dhe derrit, SUV-ët, kamionçinat dhe komponentët e avionëve të lidhur me ”Boeing ”.

Gjithashtu në shënjestër është uiski ikonik i Kentuckyt.

”Lista është ende subjekt i ndryshimeve ”, specifikon një burim diplomatik, duke konfirmuar se shqyrtimi nga të 27-t do të çojë në “rregullime të mëtejshme” para miratimit.

Lista, e reduktuar në afërsisht 200 faqe nga 218 faqet fillestare të hartuara midis prillit dhe majit, u vu në tryezën e të 27-ve me një vlerë totale prej 72,1 miliardë eurosh, që do t’i shtohet paketës fillestare prej 21 miliardë eurosh të ngrira deri më 1 gusht.

Lista mban një strukturë të synuar që synon sektorët me ndikim të lartë ekonomik dhe politik, me qëllim ribalancimin e bilancit tregtar me Uashingtonin: nga uiski i Kentuckyt, pavarësisht presionit të fortë nga Italia, Franca dhe Irlanda për të mbrojtur sektorin e pijeve nga hakmarrja e Trump – te karavidhet e Maineit, nga agrumet e Floridës te mikroçipat e Teksasit dhe teknologjia ”Silicon Valley”.

Ajo gjithashtu përfshin sektorë kyç për shtetet bujqësore dhe prodhuese, të tilla si soja e Luizianës, mishi i viçit dhe shpendët dhe produktet e drurit, të konsideruara si impute strategjike për prodhimin amerikan dhe thelbësore për ekonomitë e shteteve si Xhorxhia, Virxhinia dhe Alabama.

Brukseli po përgatit një kundërsulm në dy fronte, industrinë agro-ushqimore dhe të rëndë.
Kundërtarifat për produktet ushqimore të konsumit ndikojnë në një vlerë prej afërsisht 6,3 miliardë eurosh si fruta, perime, reçel, mish të freskët dhe të përpunuar, pije alkoolike (verë, birrë, pije alkoolike), ëmbëlsira, erëza, duhan, lëngje dhe shurupe.

Vetëm sektori i prodhimeve të detit vlen 510 milionë euro dhe përfshin salmonin, butakët dhe peshkun e Alaskës.

Bllokada industriale shumë më e madhe prek industritë e rënda dhe teknologjike, me një vlerë prej 65,7 miliardë eurosh si avionë dhe pjesë këmbimi ”Boeing” (10,8 miliardë euro), përbërës automobilistikë (9,9 miliardë euro), makineri (9,4 miliardë euro), pajisje mjekësore (7,6 miliardë euro), kimikate dhe plastikë (7,7 miliardë euro), pajisje elektrike (6,1 miliardë euro) dhe instrumente precize.

Produktet farmaceutike, gjysmëpërçuesit dhe lëndët e para të rëndësishme si bakri dhe druri, ende të përjashtuara nga tarifat e Uashingtonit, mbeten jashtë fushëveprimit.
Një përjashtim i mëtejshëm ka të bëjë me produktet për përdorim ushtarak, të cilat Brukseli i ka lënë qëllimisht jashtë perimetrit të tarifave, edhe në dritën e lëshimeve të bëra nga Shtëpia e Bardhë në lidhje me blerjet e armëve nga SHBA-ja.

Krahas kundërtarifave, ekzekutivi i BE-së po propozon gjithashtu një paketë të synuar kufizimesh mbi eksportet evropiane jashtë shtetit, me vlerë 94,4 milionë euro duke u përqendruar në skrapin e metaleve me ngjyrë dhe aluminin./ /os/

The post ANALIZË – BE: Kundërtarifat ndaj SHBA-së janë 72 miliardë euro nga ”Boeing” te uiski appeared first on Agjencia Telegrafike Shqiptare.

ROME, 14 korrik /ATSH/ – Diçka e jashtëzakonshme ndodh në trurin tonë gjatë natës. Ndërsa flemë thellë, qelizat e trurit fillojnë të tkurren fjalë për fjalë. Nuk është fantastikë shkencore, është neuroshkencë, .shkruan quelochenonsapevi.it

A mendoni se gjumi është thjesht pushim? Truri juaj ka plane të tjera.

Ky tkurrje krijon më shumë hapësirë midis neuroneve, duke lejuar që lëngu cerebrospinal të rrjedhë si një lumë i brendshëm përmes indeve të trurit.

Është koha për një pastrim të përgjithshëm: ky lumë largon të gjitha toksinat dhe mbetjet metabolike të grumbulluara gjatë ditës.

Gjëja e mahnitshme është se ky proces pastrimi është shumë më efektiv gjatë gjumit sesa kur jemi zgjuar. Truri largon substancat e dëmshme si beta-amiloidi, e njëjta proteinë e lidhur me Alzheimerin.

Në thelb, çdo natë truri ynë bën një rivendosje të plotë, sikur të fshijë skedarët e përkohshëm në një kompjuter për ta mbajtur atë të shpejtë dhe efikas.

Kjo është arsyeja pse gjumi nuk është një luks, por një domosdoshmëri. Truri juaj e di saktësisht se si të kujdeset për veten; thjesht duhet t’i jepni kohë për ta bërë këtë. /os/

The post MJEKESI – Çfarë ndodh në trurin tonë gjatë gjumit? appeared first on Agjencia Telegrafike Shqiptare.

NJU JORK, 14 korrik /ATSH-AA/ – Bitcoin ka vazhduar me rritjen e tij, duke arritur një rekord të ri prej 123.000 dollarësh mëngjesin e sotëm.

Kriptomonedha është rritur për pesë ditë, duke arritur nivele historike gjatë javës së fundit.

Çmimi aktual i kriptomonedhës më të madhe është rreth 122.200 dollarë, duke u rritur me 4,2 për qind nga dita në ditë.

Sipas të dhënave nga firma e analizave Coinmarketcap, vlera e tregut global të kriptomonedhave, përfshirë Bitcoin, u rrit me afërsisht 3,5 për qind në 24 orët e fundit, duke arritur në 3,8 trilionë dollarë.

Çmimi i Bitcoin, kriptomonedha më e madhe sipas kapitalizimit të tregut, është rritur me gati 27 për qind që nga fillimi i këtij viti.

Çmimi i Ethereum, kriptomonedha e dytë më e madhe sipas kapitalizimit të tregut, fitoi rreth 2,7 për qind në vlerë, duke u rritur në 3.045 dollarë.  /os/

The post FINANCE – Bitcoin vazhdon të rritet në nivel rekord, tejkalon 123 mijë dollarë appeared first on Agjencia Telegrafike Shqiptare.