Hannah Hampton ka shkruar një kapitull të jashtëzakonshëm në historinë e futbollit evropian, duke u bërë heroinë e Anglisë në finalen e Euro 2025 kundër Spanjës.

Portierja 24-vjeçare, e cila në fëmijëri u këshillua nga mjekët të mos luante kurrë futboll për shkak të një problemi serioz në sy, sot i udhëhoqi “Luaneshat” drejt titullit, duke pritur dy penallti vendimtare.

E diagnostikuar me strabizëm që në lindje dhe pas disa operacioneve për të përmirësuar shikimin, Hampton kurrë nuk ka pasur një perceptim të plotë të thellësisë – një problem serioz për çdo sportist, e veçanërisht për një portiere. Por ajo refuzoi të dorëzohej dhe e ktheu çdo pengesë në motivim.

Hannah Hampton was once told she’d never play football due to a serious eye condition, undergoing multiple operations as a child.

She’s just saved two penalties to win England the Euros. An inspiration to all pic.twitter.com/FRV2XjRR2j

— Football on TNT Sports (@footballontnt) July 27, 2025

“Nga e vogël më është thënë se futbolli nuk ishte për mua. Por gjithmonë kam dashur të provoj të kundërtën”, kishte deklaruar Hampton para turneut.

Dhe sot, ajo e vërtetoi më shumë se kurrë. Në një finale dramatike që u vendos pas penalltive, Hampton priti goditjet e Mariona Caldentey dhe Aitana Bonamati, ndërsa Salma Paralluelo fjuajti jashtë, duke e mbyllur serinë me vetëm një gol të pësuar dhe duke siguruar titullin e dytë radhazi për Anglinë në Evropë.

England’s hero: Hannah Hampton pic.twitter.com/czoi59vDJ5

— B/R Football (@brfootball) July 27, 2025

Rrugëtimi i saj deri këtu ka qenë i mbushur me sfida. E përjashtuar për një kohë nga kombëtarja pas triumfit në Euro 2022, Hampton kaloi momente të vështira edhe jashtë fushës. U përball me kritika për sjelljen dhe për pak sa nuk u tërhoq nga sporti. Por në vend që të dorëzohej, ajo punoi në heshtje dhe riktheu vetëbesimin nën drejtimin e trajneres Emma Hayes te Chelsea.

Me një sezon të jashtëzakonshëm në klub – ku ndihmoi Chelsean të fitojë tripletën pa asnjë humbje – Hampton u rikthye fuqishëm në kombëtare dhe në maj u konfirmua si portierja numër një e Anglisë, duke trashëguar dorezat nga legjenda Mary Earps.

back to back. pic.twitter.com/UztquqXGcL

— Hannah Hampton (@hannahhampton_) July 27, 2025

Fitorja e Anglisë 3-1 në penallti ishte fryt i një përpjekjeje ekipore, por ishte guximi, qetësia dhe reflekset e Hannah Hampton që vendosën ndeshjen. Nga një vajzë që iu tha të mos luante kurrë futboll, në simbol të qëndresës, inspirimit dhe suksesit – ky është rrëfimi i një kampioneje të vërtetë. /Telegrafi/ 

The post Vajza që sfidoi mjekët: Nga operacionet në sy te titulli evropian – rrëfimi mahnitës i Hannah Hampton appeared first on Telegrafi.

Sulmuesi i Newcastle United, Alexander Isak, ka refuzuar një ofertë të jashtëzakonshme kontrate me vlerë rreth 700 mijë euro në javë, por ai vazhdon t’i shqyrtojë opsionet e tjera gjatë kësaj vere, pavarësisht se ka edhe tre vite kontratë të mbetura me klubin anglez.

Isak i ka bërë të qartë Newcastles që javën e kaluar se nuk është i prirur të vazhdojë me çdo kusht dhe se dëshiron të shqyrtojë mundësitë për një hap të madh në karrierë.

25-vjeçari suedez, për të cilin Newcastle shpenzoi rreth 74 milionë euro në vitin 2022, ka shpërthyer sezonin e fundit duke shënuar 27 gola në të gjitha garat, ndihmuar klubin të fitojë Kupën Carabao dhe të sigurojë rikthimin në Ligën e Kampionëve.

Sipas Fabrizio Romanos, Liverpooli është gati të bëjë një ofertë rekord për të siguruar shërbimet e Isakut, sidomos pas largimit të Luis Diaz që ka liruar hapësirë në repartin ofensiv.

Isak është i prirur për transferimin në “Anfield” dhe më nuk është në bisedime me klubet saudite dhe duket se ka vetëm një destinacion në mendje: Liverpoolin.

Liverpool are prepared to go big for Alexander Isak after Luis Diaz sale done.

Isak, keen on the move and not even in talks with Saudi clubs. Only Liverpool.

Up to Newcastle now, with #LFC waiting but ready to enter strong with record proposal. pic.twitter.com/q172siRhsu

— Fabrizio Romano (@FabrizioRomano) July 27, 2025

Tashmë gjithçka varet nga Newcastle, ndërsa “The Reds” po presin në prapavijë, por janë të gatshëm të veprojnë fuqishëm me një ofertë historike. /Telegrafi/ 

The post “Jo” parave, “po” Liverpoolit – Isak po pret ofertën e Reds, pasi refuzoi “çmendurinë” arabe appeared first on Telegrafi.

Rubin Kazan ka arritur një barazim të jashtëzakonshëm në sekondat e fundit ndaj Zenitit, duke e mbyllur sfidën 2-2 pas një përmbysjeje dramatike.

Zeniti kaloi shpejt në epërsi me dy gola në pjesën e parë, përfshirë një nga penalltia, por skuadra nga Kazani nuk u dorëzua.

Veldin Hoxha ngushtoi rezultatin në minutat e para të pjesës së dytë me një gol të bukur me kokë – goli i tij i dytë në po aq ndeshje këtë sezon.

1-2 Hodza pic.twitter.com/RgxC90upGU

— RPL Sky (@RPLNews_eng) July 27, 2025

Në minutat shtesë, ishte Mirlind Daku që vulosi barazimin me një gol vendimtar, duke realizuar për herë të parë këtë edicion.

2-2 Daku pic.twitter.com/qY3lX02Nye

— RPL Sky (@RPLNews_eng) July 27, 2025

Sipas SofaScore, lojtari më i vlerësuar i ndeshjes ishte pikërisht Mirlind Daku me notën 7.9, pasi përveç golit dominoi edhe në fushë.

Pas tij me paraqitje u vlerësua edhe Veldin Hoxha që nga SofaScore mori notën 7.7.

Dy shqiptarët ishin vendimtarë për pikën e rëndësishme që e çon Rubin Kazanin në kuotën e katër pikëve pas dy ndeshjeve. Në këtë takim startoi edhe Dardan Shabanhaxhaj. /Telegrafi/ 

The post Mirlind Daku në sekondat e fundit i shënon Zenitit, gjen golin sërish edhe Veldin Hoxha appeared first on Telegrafi.

Mesfushori i West Ham United, Lucas Paqueta, është pranë një lehtësimi të madh. Sipas raportimeve nga The Times, një panel rregullator i pavarur pritet ta shpallë të pafajshëm brazilianin në lidhje me akuzat për kurdisje të ndëshkimeve me kartonë të verdhë – çështje që e kishte vënë në rrezik serioz karrierën e tij.

27-vjeçari akuzohej nga Shoqata e Futbollit (FA) për marrjen e qëllimshme të kartonëve të verdhë në katër ndeshje specifike gjatë sezonit 2022/23 dhe 2023/24: ndaj Leicester City, Aston Villa, Leeds United dhe Bournemouth.

Sipas FA-së, këto ndëshkime ishin të qëllimshme për të përfituar financiarisht përmes basteve të vendosura nga palë të treta.

Paqueta i ka mohuar kategorikisht akuzat që nga dita e parë, duke theksuar se stili i tij agresiv i lojës e bën atë të prirur për kartonë të verdhë dhe se nuk ka pasur kurrë qëllim për të ndikuar në ndonjë bast. Ai ka bashkëpunuar plotësisht me hetimin, duke dorëzuar të dhëna të plota telefonike, deklarata bankare dhe pajisje personale.

Nëse vendimi i panelit është në favor të tij, FA mund të detyrohet të mbulojë edhe shpenzimet ligjore, që raportohet të kenë arritur deri në 1.18 milionë euro. Një vendim zyrtar pritet brenda javës së ardhshme.

Lexo po ashtu Ai rrezikon përjashtim nga futbolli për shkak të kartonëve të verdhë - mori një të tillë në fundjavë dhe filloi të qajë

Akuzat ndaj Paquetas kishin pasoja të mëdha edhe jashtë fushës. Verën e kaluar, një transferim i bujshëm prej 95 milionë eurosh te Manchester City dështoi pikërisht për shkak të këtij hetimi.

Gjithashtu, lojtari u tërhoq nga Kombëtarja e Brazilit për t’u fokusuar në mbrojtjen e tij ligjore. Nëse lirohet nga të gjitha akuzat, kjo do të përfaqësonte një rikthim të rëndësishëm për karrierën e tij, si në aspektin sportiv ashtu edhe në atë personal. /Telegrafi/ 

The post Paqueta pranë fitores së madhe pasi hupi transferimin te Man City dhe vendin te Kombëtarja e Brazilit – shkaku i akuzave për baste appeared first on Telegrafi.

Bayern Munich ka arritur marrëveshje me Liverpoolin për transferimin e Luis Diaz në vlerë prej 75 milionë euro, raporton David Ornstein nga The Athletic.

Sulmuesi kolumbian, i cili aktualisht ndodhet me Liverpoolin në turneun parasezonal, është lejuar të udhëtojë pasi transferimi pritet të përfundojë brenda 24 orëve të ardhshme.

Bisedimet kanë arritur një pikë kthese gjatë fundjavës, pasi Liverpool kishte refuzuar më parë një ofertë prej 67.5 milionë eurosh. Vetë lojtari ka treguar qartë se dëshiron të largohet nga “Anfield”, duke arritur marrëveshje për një kontratë 4+1 vjet me klubin gjerman.

Bayern Munich reach total agreement with Liverpool to sign Luis Diaz. Deal for 28yo winger €75m + permission granted to travel for medical. Proposed 4+1yr contract at #FCBayern. Now ~£190m sales since Hughes became #LFC sporting director @TheAthleticFC https://t.co/k0fPH2IF7y

— David Ornstein (@David_Ornstein) July 27, 2025

Luis Diaz shënoi 13 gola në kampionat sezonin e kaluar, në një edicion ku Liverpool e fitoi titullin kampion të Ligën Premier.

Bayern Munich e sheh 27-vjeçarin si një sulmues të gjithanshëm, pas disa përpjekjeve të dështuara për objektiva të tjerë gjatë kësaj vere.

Në anën tjetër, Liverpool tashmë ka siguruar shërbimet e Hugo Ekitike nga Eintracht Frankfurt, dhe mbetet i interesuar për sulmuesin e Newcastle, Alexander Isak.

E ardhmja e Darwin Nunez dhe Harvey Elliott gjithashtu është në dyshim, me mundësi largimi nga skuadra. /Telegrafi/ 

The post E kryer, Luis Diaz kalon te Bayern Munich – detajet e marrëveshjes mes klubeve appeared first on Telegrafi.

Trajneri i Milanit, Massimiliano Allegri, ka lavdëruar skuadrën e tij pas fitores 4-2 ndaj Liverpoolit në një ndeshje miqësore parasezonale, duke e cilësuar si një “ndeshje të mirë dhe stërvitje të shkëlqyer” për kuqezinjtë “kundër një skuadre shumë të fortë.”

Duke folur për Milan TV, me deklaratat e publikuara nga MilanNews.it, Allegri u shpreh i impresionuar me aftësinë e lojtarëve për të përballuar presionin dhe u tregua krenar për qasjen e tyre punëtore.

Rafael Leao dhe Ruben Loftus-Cheek shënuan nga një gol, ndërsa në pjesën e dytë, një dygolësh i Noah Okafor i siguroi Milanit fitoren bindëse.

“Ishte një ndeshje e mirë dhe stërvitje e shkëlqyer për ne. Luajtëm kundër një skuadre shumë të fortë. Ajo që ka më shumë rëndësi është të ruajmë ekuilibrin, sepse jemi ende në fillim dhe sezoni, me shumë ndeshje të rëndësishme, nuk ka nisur ende”.

“Duhet të vazhdojmë të punojmë në këtë mënyrë, por më e rëndësishmja, djemtë po tregojnë një qëndrim pozitiv. Në fushë po ndihmojnë njëri-tjetrin dhe kjo është shumë e rëndësishme për rezultatin”.

“Mandej sigurisht, kur fiton, gjithmonë ndjehet mirë, por unë besoj se më e rëndësishmja në këtë fazë është të vazhdojmë të punojmë me qetësi, me ndjenjë të ekuilibruar, pa u marrë me shumë entuziazëm kur fitojmë dhe pa u zhgënjyer kur humbim”, deklaroi Allegri.

Milani e nis sezonin më 17 gusht me një ndeshje të Kupës së Italisë kundër Barit, ndërsa më 23 gusht pret Cremonesen në “San Siro” për javën e parë të Serie A. /Telegrafi/ 

The post Allegri e konsideron si stërvitje të mirë fitoren e Milanit ndaj Liverpoolit appeared first on Telegrafi.

Ish-ylli i Juventusit, Miralem Pjanic, i ka sugjeruar klubit të tij të vjetër të transferojë Sandro Tonalin nga Newcastle United, duke e cilësuar si njeriun ideal për të përforcuar mesfushën.

Pavarësisht zhvillimeve të fundit me Douglas Luiz, bardhezinjtë kanë qenë në kërkim të një mesfushori të ri prej javësh. Tonali ishte përmendur si një objektiv i mundshëm qysh në fund të sezonit të kaluar, kur Cristiano Giuntoli ishte ende drejtues te Juventus.

Pjanic, që ka veshur fanellën bardhezi për katër sezone, mendon se Juventus duhet ta ndjekë deri në fund pistën Tonali.

“Do ta blija Tonalin pa menduar dy herë. Është italian, ka potencial të jashtëzakonshëm. Ka fituar me Milanin dhe është rritur edhe më shumë në Angli. Është i përulur, i fortë dhe me cilësi – saktësisht ajo që i mungon Juventusit”, deklaroi boshnjaku.

Në këtë verë të ndryshimeve të mëdha, Juventusi ka emëruar François Modeston si drejtor të ri teknik dhe i ka dhënë Giorgio Chiellinit një rol të rëndësishëm në strukturën e klubit. Pjanic e komentoi edhe rikthimin e Chiellinit te Juventusi.

“Jam i lumtur që Giorgio është kthyer në klub. Ai sjell stabilitet dhe ndjesinë e përkatësisë që e vlerësojnë të gjithë, si lojtarët ashtu edhe tifozët. Ai e njeh mirë ambientin dhe do të jetë shumë i vlefshëm për projektin”, nënvizoi Pjanic.

Boshnjaku, që ka luajtur 135 ndeshje nën urdhrat e Massimiliano Allegrit, foli edhe për trajnerin që tashmë është emëruar në krye të Milanit.

“Flas shpesh me Max. Kemi kaluar vite të mrekullueshme bashkë te Juventus. Ai dhe Conte janë më të mirët në Itali. Janë njerëz që e dinë si të menaxhojnë presionin dhe që sjellin rezultate. Me Allegrin në bankinë, Milani duhet të synojë më shumë se vetëm top 4”, përfundoi Pjanic. /Telegrafi/ 

The post Pjanic i tregon Juventusit se cilin mesfushor duhet ta blejë urgjentisht appeared first on Telegrafi.

Dinamo City ka shënuar fitore si mysafir ndaj Atletic Escalades me rezultat 2-1, në ndeshjen e parë të raundit të dytë të Ligës së Konferencës.

Për Dinamon e trajneri Ilir Daja ishte debutim për këtë sezon në Evropë, pasi pushuan në rrethin e parë.

Klubi nga Andorra e mbylli në epërsi pjesën e parë me një gol të shënuar nga Nayry Vieira në minutën e 43-të.

Por me të filluar pjesa e dytë, Dinamo vazhdoi me sulme dhe në minutën e 65-të arriti t’i barazojë shifrat.

Ishte Baton Zabërgjës, që gjeti rrjetën për 1-1, duke u konfirmuar si lojtari më i rëndësishëm i dinamovitëve.

Talenti i madh i Kosovës, asistoi në minutën e 86-të për Eridon Qardakun, që shënoi për 2-1, me klubin tiranas që mori epërsinë në këtë përballje.

Gjyqtari akordoi gjashtë minuta shtesë në këtë ndeshje, ku rezultati nuk ndryshoi deri në fund.

Dinamo City mori një fitore të madhe si mysafir, para ndeshjes kthyese që zhvillohet pas një jave në Shqipëri. /Telegrafi/

The post Gol dhe asistim – Baton Zabërgja i jep fitoren Dinamos në Ligën e Konferencës appeared first on Telegrafi.

Kosova ka arritur të sigurojë medaljen e saj të parë në Festivalin Olimpik Veror Evropian për të Rinj (EYOF) “Shkupi 2025”, falë një paraqitjeje të jashtëzakonshme nga xhudistja Enise Zijade.

Zijade, që garoi në kategorinë deri në 57 kilogramë, fitoi medaljen e bronztë, duke hyrë në histori si xhudistja e parë kosovare që fiton medalje në EYOF.

Pas tri fitoreve bindëse në fazën paraprake, Enise u ndal në gjysmëfinale nga gjermania Jolina Reinhold, e cila e mposhti me uazari dhe katër yuko në një duel shumë të fortë dhe taktikisht të vështirë.

Megjithatë, Zijade reagoi fuqishëm në luftën për vendin e tretë, duke siguruar podiumin për Kosovën. Ajo mposhti katër kundërshtare, përfshirë italianen Anita Comba në finalen për vendin e tretë.

Kjo është medalja e dytë në histori të pjesëmarrjes së Kosovës në EYOF, por e para për sportin e xhudos.

“Urime të mëdha për Enisen, trajneren legjendare Majlinda Kelmendi, mentorin Driton Kuka, dhe gjithë Federatën e Xhudos së Kosovës (FXHK)”, ka shkruar KOK. /Telegrafi/ 

The post Enise Zijade sjell medaljen e parë për Kosovën në EYOF Shkupi 2025 appeared first on Telegrafi.

Ekipi kombëtar i Spanjës në futbollin e femrave është kualifikuar për herë të parë në finalen e Kampionatit Evropian, pas një fitoreje dramatike 1-0 ndaj Gjermanisë në gjysmëfinale, duke iu bashkuar Anglisë.

Ndeshja u zhvillua në Cyrih para 22 mijë tifozëve dhe u vendos në minutën e 113-të nga Aitana Bonmati, pas kohës shtesë.

Spanjollet, kampione në fuqi të botës, dominuan ndeshjen, por nuk arritën të kalonin portieren gjermane Ann-Katrin Berger gjatë 90 minutave të rregullta.

Spain are in the #WEURO2025 final! pic.twitter.com/8Yi8SAwcH1

— UEFA Women’s EURO 2025 (@WEURO2025) July 23, 2025

Kapitenja Irene Paredes ishte pranë golit në pjesën e parë, kur goditi shtyllën në minutën e 40-të.

Finalja do të luhet më 27 korrik në Bazel dhe do të jetë një përballje mes Spanjës dhe Anglisë – një ripërsëritje e finales së Kupës së Botës 2023, ku Spanja fitoi 2-1.

Anglia, që mposhti Italinë 2-1 pas kohës shtesë në gjysmëfinalen tjetër, do të luajë finalen e katërt në histori dhe të dytën radhazi. Deri më tani, anglezet kanë triumfuar vetëm një herë – në vitin 2022.

England book their place in the #WEURO2025 final! pic.twitter.com/pcB1d358Wd

— UEFA Women’s EURO 2025 (@WEURO2025) July 22, 2025

Ndërkohë, kjo do të jetë finalja e parë evropiane për Spanjën. /Telegrafi/ 

The post Spanja – Anglia, finalja e madhe e Kampionatit Evropian për femra appeared first on Telegrafi.

Mbrojtësi i djathtë i FC Porto, Joao Mario, ka arritur në Torino për të finalizuar transferimin e tij te Juventus.

25-vjeçari do të nënshkruajë kontratë afatgjatë me “Zonjën e Vjetër”, në një marrëveshje që përfshin edhe kalimin e Alberto Costas te klubi portugez. Juve pritet t’i fitojë 6 milionë euro dhe bonuse.

Joao Mario do t’i nënshtrohet testeve mjekësore të enjten dhe më pas pritet të zyrtarizohet si përforcim i ri i skuadrës së drejtuar nga Igor Tudor.

Joao Mario è a Torino pic.twitter.com/SElXK8eZ3M

— JuventusFC (@juventusfc) July 23, 2025

I rritur në akademinë e Portos, Joao Mario ka regjistruar 181 paraqitje me ekipin e parë dhe ka fituar dy tituj kampion, katër Kupa të Portugalisë dhe tre Superkupa. Ai gjithashtu ka luajtur në tre ndeshje me Kombëtaren A të Portugalisë.

I gjatë 178 cm dhe i aftë të përdorë të dyja këmbët, Mario zakonisht luan në krahun e djathtë, si mbrojtës krahu apo mbrojtës i avancuar. Sezonin e kaluar realizoi tre asiste në 27 ndeshje në kampionat dhe dy të tjera në Ligës së Evropës. Ai gjithashtu krijoi 10 raste të mëdha dhe kishte një përqindje të pasimeve të sakta prej 83%.

Në Kupën e Botës për Klube 2025, ai dha një asist në tri paraqitje, por Porto u eliminua në fazën e grupeve. Në aspektin mbrojtës, Mario kishte mesatarisht një ndërhyrje dhe 2.9 rikuperime topi për ndeshje.

Fizikisht i qëndrueshëm, ai mungoi vetëm në katër ndeshje gjatë gjithë sezonit për shkak të lëndimeve. /Telegrafi/ 

The post Kush është mbrojtësi i ri i Juventusit, Joao Mario? appeared first on Telegrafi.

Në fillim të sezonit të ri, lojtarët e FC Augsburg u përballën me një surprizë të veçantë: secili prej tyre gjeti nga një iPad në dollapin e vet.

Sipas SPORT BILD, kjo ishte ideja e trajnerit të ri, Sandro Wagner, i cili synon të zbatojë një qasje moderne në përgatitjen e skuadrës.

Pajisjet u shpërndanë me qëllim që të përmirësohet analiza e stërvitjeve dhe ndeshjeve. Përmes iPad-ëve, lojtarët kanë akses në çdo moment në video të seancave stërvitore dhe ndeshjeve zyrtare, duke i ndihmuar të kuptojnë më mirë performancën e tyre dhe të korrigjojnë gabimet.

Augsburg manager Sandro Wagner has gifted all his players an iPad!

This has been done to implement his ideas as efficiently as possible. Games and training sessions are directly recorded and then put on the iPad for full access, reports @BILD. pic.twitter.com/5inEvSQiYp

— EuroFoot (@eurofootcom) July 23, 2025

Me kërkesën e Wagnerit, klubi ka investuar edhe në një seri përmirësimesh teknologjike. Seancat tani filmohen nga një dron ajror dhe nga një sistem kamerash të teknologjisë së lartë, të instaluara në fushën stërvitore. Për më tepër, është vendosur edhe një ekran gjigant, me kosto prej 100,000 eurosh, që mundëson rishikimin në kohë reale të aksioneve gjatë stërvitjes.

Transformimi nuk ka ndodhur vetëm në fushë. Edhe zyra e trajnerit ka parë investime të reja – përfshirë një makinë kafeje premium, me vlerë 4,500 euro.

Kjo blerje, e miratuar nga drejtori menaxhues Michael Ströll, është parë si një detaj i vogël por i rëndësishëm për mirëqenien e stafit teknik.

Përmes këtyre lëvizjeve, Sandro Wagner po tregon vendosmërinë e tij për të ngritur nivelin e Augsburgut.

Me ndihmën e teknologjisë moderne dhe përmirësimeve infrastrukturore, synimi është të rritet cilësia e stërvitjes, të maksimizohet performanca e lojtarëve dhe të forcohet fryma e skuadrës. /Telegrafi/ 

The post Teknologji dhe surpriza në Augsburg: Wagner nis revolucionin me iPad, dronë dhe ekran gjigant në vlerë 100 mijë euro  appeared first on Telegrafi.

David Hancko përjetoi një nga episodet më dramatike të këtij afati kalimtar – një udhëtim i rrallë nga një marrëveshje e arritur, në përçmim të hapur, e deri te një mundësi e artë në një nga klubet më të mëdha të Evropës.

Mbrojtësi sllovak kishte arritur një marrëveshje të plotë me klubin saudit Al Nassr, ndërsa edhe Feyenoord kishte pranuar ofertën prej 40 milionë euro, që do të ishte shitja më e madhe në historinë e klubit holandez. Ai udhëtoi drejt Austrisë për t’iu bashkuar kampit stërvitor të Al Nassr, me gjithçka të përgatitur për prezantim.

Por situata mori një kthesë të çuditshme. Në vend të përshëndetjeve me shokët e rinj të skuadrës – përfshirë yllin Cristiano Ronaldo – Hancko u izolua në një hotel të veçuar dhe nuk u lejua të stërvitej apo të hynte në ambientet e skuadrës.

@NicoSchira

David Hancko is one step away to Al Nassr from Feyenoord. Agreed personal terms for a contract until 2028. pic.twitter.com/xjk2BUqNbh

— Al Nassr Zone (@TheNassrZone) June 7, 2025

Disa ditë më vonë, klubi saudit e njoftoi se nuk do ta finalizonte transferimin dhe se lojtari nuk ishte më i dëshiruar në ekip.

“E turpshme dhe e paprecedent,” e quajti këtë sjellje zëdhënësi i Feyenoord, Raymond Salomon. “Ai kishte marrëveshje të plotë me klubin, dhe ata e thirrën në kamp vetëm për t’i mbyllur derën në fytyrë. Nuk ndodh kështu në futbollin profesionist”.

Situata u bë edhe më e rëndë për Hanckon, pasi kishte liruar apartamentin në Rotterdam dhe ishte përshëndetur me shokët e skuadrës.

Por kur gjithçka dukej se po shkatërrohej, erdhi kthesa e papritur – dhe e artë.

Vetëm disa orë pas përfundimit dramatik të aventurës me Al Nassr, Atlético Madrid hyri fuqishëm në garë dhe arriti një marrëveshje me Feyenoord për transferimin e Hanckos. Tani pritet vetëm kalimi i vizitave mjekësore dhe nënshkrimi i kontratës që do ta bëjë zyrtarisht pjesë të gjigantit spanjoll.

Acuerdo con el Feyenoord para el traspaso de Dávid Hancko.

El defensa internacional eslovaco firmará su nuevo contrato una vez supere el pertinente reconocimiento médico.

https://t.co/P8Xnr9LOCF pic.twitter.com/dic3qxqb3X

— Atlético de Madrid (@Atleti) July 23, 2025

Nga një përjashtim i pazakontë në Austri, në një karrierë që rifillon në një prej ligave më të forta në botë – kjo ishte çmenduria 24-orëshe e David Hanckos, i cili është gati të shkruajë një kapitull të ri të madh në “Civitas Metropolitano” nën drejtimin e Diego Simeones. /Telegrafi/ 

The post Çmenduri 24-orëshe për David Hanckon: Al Nassr e përzë nga hoteli pasi arriti marrëveshje – kalon te gjiganti spanjoll appeared first on Telegrafi.

FC Ferizaj ka arritur marrëveshje me Valmir Nafiun për vazhdimin e kontratës edhe për edicionin 2025/26 në Albi Mall Superligën e Kosovës.

Nafiu, i cili iu bashkua ekipit në fazën pranverore të sezonit të kaluar, ishte një ndër figurat kyçe në arritjen e qëllimit për mbijetesë në elitë.

Në 16 paraqitje, sulmuesi i gjithanshëm kontribuoi me 4 gola dhe 2 asistime, duke qenë shpesh vendimtar në ndeshje të rëndësishme për grumbullimin e pikëve.

Me përvojën, kualitetin dhe profesionalizmin e tij, ai pritet të luajë një rol edhe më të madh në edicionin e ri, duke qenë një armë shtesë në repartin ofensiv për trajnerin Arsim Abazi.

“Me përvojën dhe kontributin e tij të çmuar, Nafiu do të jetë sërish pjesë e rëndësishme e ekipit tonë në vazhdim të rrugëtimit në Superligë!”, thuhet në njoftimin e klubit.

Nafiu në të shkuarën ka luajtur për klube si Hamburg, Skënderbeu, Apoel Nicosia, Kosice, Renova, Otrant, Shkëndija, dhe Gjilani.  /Telegrafi/ 

The post Shkëlqeu sezonin e kaluar – Valmir Nafiu vazhdon me FC Ferizajn appeared first on Telegrafi.

Fitorja 2-0 e FC Copenhagen ndaj FC Dritës në ndeshjen e parë të raundit të dytë kualifikues për Ligën e Kampionëve i ka lënë pa fjalë as trajnerin danez Jacob Neestrup, e as yllin norvegjez të ekipit, Mohamed Elyounoussi – por jo vetëm për rezultatet, por edhe për mënyrën sesi Drita u paraqit në “Parken”.

Në një ndeshje ku dy penalltitë e Magnus Mattsson vendosën gjithçka në pjesën e dytë, trajneri Neestrup e përshkroi përballjen si “sfiduese” dhe vlerësoi punën e lojtarëve të tij, por edhe qasjen taktike të kampionëve nga Gjilani, me trajnerin Zekirija Ramadani.

“Në përputhje me pritshmëritë, Drita ishte e vështirë për t’u çarë, ndaj na u desh shumë durim. Ata kanë një mbrojtje solide dhe e kontrolluan lojën me thellësi dhe topa të gjatë. Na vunë në siklet me ritmin që na e ndërprenë përmes këndoreve dhe rivënieve anësore – gjëra që nuk i menaxhuam gjithmonë mirë”, deklaroi Neestrup.

Trajneri i kampionëve danezë pranoi se nuk ishte ndeshje e lehtë dhe se fitorja erdhi falë thellësisë së skuadrës dhe durimit në lojë.

Ai përmendi gjithashtu se hyrja e Mattsson ishte vendimtare dhe theksoi paraqitjen e mirë të Moukoko dhe përballimin e ndryshimeve të papritura në formacion për shkak të lëndimeve.

Por ishte ylli i gjigantëve danez, Mohamed Elyounoussi ai që e vuri në pah më qartë atë që e bëri Dritën “të veçantë” në këtë sfidë.

“Nuk kam përjetuar kurrë diçka të tillë. Më ndiqte një lojtar gjatë gjithë kohës, kudo që shkoja – qoftë në krahun e djathtë apo të majtë. Ishte një mbulim ekstrem, një për një, që më habiti”, u shpreh sulmuesi norvegjez.

Ai tregoi se për të “shkëputur” ndjekjen, u përpoq të ndërronte pozicione në mënyrë të qëllimshme dhe se nga ato lëvizje erdhën dy penalltitë e fituara.

“Drita na testoi durimin dhe disiplinën taktike. Duhej të improvizonim me rotacione për të thyer sistemin e tyre të markimit,” shtoi ai.

Pavarësisht humbjes, Drita doli nga kjo përballje me kokën lart dhe me respekt të madh nga një skuadër elitare evropiane. /Telegrafi/ 

The post Taktika e Dritës i ‘çmend’ danezët – trajneri Neestrup dhe sulmuesi Elyounoussi lavdërojnë skuadrën e Zekirija Ramadanit appeared first on Telegrafi.

Copenhagen dhe Drita kanë luajtur baras pa gola në 45 minutat e parë, në ndeshjen e parë të rrethit të dytë të fazës së eliminimit në Ligën e Kampionëve.

Kampioni i Kosovës, Drita, po luan futboll të sigurt dhe me raste ndaj Copenhagen, duke treguar fuqinë e saj.

Danezët ishin më të mirë normalisht, pasi edhe si vendas, krijuan më shumë, por mbrojtja e Dritës ishte e sigurt.

Rasti më i mirë ishte në minutën e 33-të, kur Mohamed Elyounoussi goditi të dy shtyllat, por Faton Maloku ishte me fat, duke kap topin në vijë.

Gjyqtari Martin Matosa, ndëshkoi Albert Dabiqajn dhe Vesel Limajn, të vetmit të dy që morën kartonë në këtë pjesë lojë. /Telegrafi/

The post Drita luan si e barabartë në 45 minutat e parë ndaj Copenhagen appeared first on Telegrafi.

FC Ballkani rikthehet mbrëmjen e sotme në skenën evropiane, ku nga ora 20:30 në stadiumin “Fadil Vokrri” në Prishtinë do të përballet me skuadrën malteze Floriana, në kuadër të raundit të dytë kualifikues të Ligës së Konferencës.

Pas një raundi pushimi, kampioni i trefishtë i Kosovës është gati të nisë aventurën me ambicie dhe përqendrim maksimal.

Orges tashmë e ka zyrtarizuar 11-shen startuese, ku Ivica Batarelo zë vendin e Gentrit Halilit në qendër të mbrojtjes.

Ballkani do të luajë me formacionin e zakonshëm 4-2-3-1, duke ruajtur ekuilibrin ndërmjet stabilitetit defensiv dhe shpejtësisë në fazën ofensive.

Në portë do të jetë Artan Iljazi. Mbrojtja përbëhet nga Geralb Smajli në të djathtë, Arbër Potoku në të majtë, ndërsa në qendër janë Bajram Jashanica dhe Ivica Batarelo.

Në mesfushë, mungesën e Marsel Ismajlgecit e mbulojnë Albert Diene dhe Ardit Deliu, të cilët do të kenë rol mbrojtës e ndërtues. Më përpara veprojnë Bleart Tolaj në të djathtë, Almir Kryeziu në të majtë dhe Giovanni në qendër si mesfushor ofensiv.

Në majë të sulmit është Sunday Adetunji, lojtari kyç për golat.

Ballkani: Iljazi, Jashanica, Smajli, Batarelo, Potoku, Diene, Deliu, Ribeiro, Kryeziu, Tolaj, Adetunji.

Floriana: Cioletti, Garzia, Lopez, Mendonca, Gamarra, Velia, Grech, Mombwa, Varela, Jan, Vesejli. 

/Telegrafi/ 

The post Formacionet zyrtare, Ballkani – Floriana: Orges Shehi e nis ndeshjen me 11-she sulmuese appeared first on Telegrafi.

 Trajneri Zekirija Ramadani ka përcaktuar formacionin zyrtar të Dritës për ndeshjen vendimtare në kuadër të garave evropiane ndaj Copenhagen, duke u përqendruar te balanca ndërmjet një mbrojtjeje të organizuar dhe kundërsulmeve të shpejta.

Në portë do të jetë Faton Maloku, ndërsa katërshja e mbrojtjes do të përbëhet nga Besnik Krasniqi në të djathtë, Juan Camilo Mesa dhe Egzon Bejtullai në qendër, si dhe Raddy Ovouka në krahun e majtë.

Mesfusha do të udhëhiqet nga Rron Broja si mesfushor defensiv, me mbështetjen e Albert Dabiqajt. Rol më të avancuar në ndërtimin e lojës do të ketë Vesel Limaj.

Në repartin ofensiv, Liridon Balaj dhe Almir Ajzeraj do të veprojnë në krahë, ndërsa në majë të sulmit do të jetë Arb Manaj – sulmuesi i rrezikshëm që synon të gjejë rrjetën sërish dhe të udhëheqë Dritën drejt një tjetër suksesi historik.

Skuadra duket e gatshme për sfidën, me synimin e qartë për të shkruar një tjetër faqe të artë në historinë e klubit.

Copenhagen: Kotarski, Garananga,  Gabriel Pereira, Elyounoussi, J. Larsson, Lerager, Huescas, Cornelius, Lopez, Delaney, Achouri. 

Drita: Maloku, B. Krasniqi, Mesa, Ovouka, Bejtullai, Boja, Dabiqaj, Ajzeraj, Balaj, Limaj, Manaj.

/Telegrafi/

The post Formacionet zyrtare, Copenhagen – Drita: Ramadani ndryshon sistem, luan me tre mesfushorë appeared first on Telegrafi.

Real Madridi nuk po ndalet në këtë afat kalimtar dhe ka një objektiv të qartë: të përforcojë mesfushën me një emër të madh dhe me përvojë, si pjesë e projektit të Xabi Alonsos për një skuadër dominuese.

Pas largimit të Toni Kroos, “Los Blancos” kërkojnë një lider në mesfushë, si teknikisht ashtu edhe në aspektin e përvojës.

Deri më tani, madrilenët kanë investuar plot 178 milionë euro këtë verë, me emra si Trent Alexander-Arnold, Alvaro Carreras, Dean Huijsen dhe Franco Mastantuono që tashmë janë bashkuar me skuadrën. Por blerjet nuk përfundojnë këtu.

Rodri i preferuari i Real Madridit 

Emri më i dëshiruar është Rodri i Manchester Cityt. Fituesi i Topit të Artë 2024 është rikthyer në fushë pas një dëmtimi serioz dhe mbetet objektivi kryesor i Realit.

Kontrata e tij me Man Cityn skadon në qershor 2027 dhe bisedimet për rinovim nuk kanë përparuar. Kjo situatë mund të çojë në një largim të tij që këtë verë – ose më së voni në 2026 – për të shmangur humbjen e tij me parametra zero.

Opsioni alternativ: Nicolò Barella

Nëse operacioni për Rodrin dështon, madrilenët kanë një plan B të nivelit të lartë: Nicolò Barella i Interit.

Sipas “AS”, mesfushori italian është alternativa kryesore, për shkak të karakteristikave të tij të plota: intensitet, teknikë, përvojë ndërkombëtare dhe rol kyç në dy finale të Ligës së Kampionëve me Interin.

Barella ka kontratë me Interin deri në vitin 2029, por profili i tij i përshtatet filozofisë së Xabi Alonsos dhe mund të shtyjë Real Madridin drejt një oferte konkrete. /Telegrafi/ 

The post Real Madridi identifikon “qëllimin e madh të radhës” – Xabi Alonso e vë në prioritet zëvendësimin e Toni Kroosit, dy emra në listë appeared first on Telegrafi.

Interi nuk ndalet në përpjekjet për të transferuar sulmuesin e Atalantës, Ademola Lookman, duke shtuar para në ofertën e re.

Pas arritjes së marrëveshjes personale me lojtarin, klubi zikaltër po përgatit një ofertë më të fortë për Atalantën, që kërkon rreth 50 milionë euro për yllin e saj.

Negociatat mes Interit dhe Atalantës vazhdojnë, me klubet që po diskutojnë mundësinë e një huazimi me detyrim blerjeje. Interi shpreson të bindë Atalantën që ta lërë Lookmanin të transferohet në Milano.

Ndërkohë, Napoli, që kishte treguar interes për sulmuesin, ka tërhequr ofertën e tij. Sipas mediave italiane, oferta e fundit e Napolit ishte në qershor, dhe që atëherë nuk ka pasur kontakte të reja.

Lookman konsiderohet përforcimi ideal për sulmin e Interit, falë shpejtësisë dhe teknikës së tij. Drejtuesit zikaltër janë të vendosur ta mbyllin sa më parë këtë transferim dhe ta prezantojnë Lookmanin para nisjes së sezonit të ri. /Telegrafi/ 

The post Interi përgatit një ofertë më të mirë për Lookman – Napoli nuk është më në garë appeared first on Telegrafi.