Ferizaj dhe Drita do të përballen në kuadër të javës së parë në Albi Mall Superligën e Kosovës për edicionin 2025/2026. 

Kampioni në fuqi i Kosovës nuk do të ketë një punë aspak të lehtë ndaj ekipit të drejtuar nga Arsim Abazi, duke marrë parasysh se sa ‘arrë e fortë’ janë ata si vendas. 

Në takimin e fundit të zhvilluar mes këtyre dy skuadrave sezonin e kaluar, ishte pikërisht Ferizaj që kishte triumfuar me rezultat të ngushtë 2-1. 

Të dy trajnerët kanë vendosur që të futen në fushë me përbërjen më të mirë në dispozicion. 

Kjo ndeshje pritet të nis me fillim nga ora 16:30. 

Formacionet zyrtare: 

Ferizaj: Jovanovski, Ramusa, Iljazi, Shabani, Selmani, Nafiu, Berisha, Neziri, Sadriu, Gligorov, Avdulli. 

Drita: Pas pak…

The post Formacionet zyrtare: Ferizaj – Drita appeared first on Telegrafi.

Malisheva do të mirëpresë në stadiumin “Liman Gegaj”, Prishtinën e Re, në kuadër të javës së parë në Albi Mall Superligën e Kosovës për edicionin 2025/2026. 

Vendasit pas rezultateteve të dobëta në arenën evropiane emëruan në stol trajnerin e njohur Qatip Osmani dhe tani do të kërkojnë ta nisin me këmbë të mbarë edicionin e ri të garave. 

Prishtina e Re në anën tjetër dëshmoi një organizim të mirë duke afruar disa lojtarë mjaft cilësorë të cilët do t’i ndihmojnë ata në sezonin e tyre debutues në elitë. 

Kjo ndeshje pritet të nis me fillim nga ora 16:30. 

Formacionet zyrtare: 

Malisheva: Gashi, Pira, Kryeziu, Xhaka, Veliu, Vitia, Ndjigi, Aliu, Brruti, Xhylani, Ibishi.

Prishtina e Re: Smakiqi, Zeqiri, Azizi, Prençi, Rudaj, Dadet, Baholli, Ahmet, Gomes, Fazliu, Dobratiqi. 

/Telegrafi/

The post Formacionet zyrtare: Malisheva – Prishtina e Re appeared first on Telegrafi.

Milan po monitoron sulmuesin e Monacos, Breel Embolo, pasi raportimet nga Italia tregojnë se ‘Rossonerët’ e kanë identifikuar ndër alternativat e mundshme në rast se përpjekjet për të marrë sulmuesin e Manchester United, Rasmus Hojlund, dështojnë. 

Sipas ekspertit Fabrizio Romano, Embolo konsiderohet një kandidat shumë serioz për Milanin nëse nuk arrijnë të mbyllin marrëveshjen me sulmuesin danez Hojlund. 

Thuhet se ish-lojtari i Monchengladbachut ka pasur përplasje me figura të larta në Monaco dhe agjentët e tij vazhdimisht po i ofrojnë sulmuesin ‘Rossonerëve’. 

Në sezonin e kaluar, Embolo shënoi gjashtë gola në 29 ndeshje në Ligue 1 për ekipin nga Monaco, si dhe një gol në dhjetë ndeshje në Ligën e Kampionëve. 

Që nga transferimi te skuadra franceze, sulmuesi ka luajtur 89 ndeshje në të gjitha garat, duke shënuar 22 gola. 

Sulmuesi zviceran, që ka 77 paraqitje me kombëtaren, iu bashkua Monacos në vitin 2022 nga Borussia Monchengladbach në Bundesliga, për një shifër që besohet të jetë pak mbi 12 milionë euro./Telegrafi/

The post Milani synon transferimin e Embolos nëse dështon Hojlund appeared first on Telegrafi.

Policia e Merseyside ka konfirmuar se një person është arrestuar pasi Antoine Semenyo raportoi një rast të abuzimit racist gjatë fitores 4-2 të Liverpoolit ndaj Bournemouth në Anfield, të premten. 

Ndeshja e Ligës Premier u ndërpre përkohësisht në minutën e 29-të, pasi Semenyo njoftoi gjyqtarin Anthony Taylor për abuzimin, i cili më pas u konsultua me të dy trajnerët, Arne Slot dhe Andoni Iraola. 

Pas përfundimit të ndeshjes, në të cilën Semenyo realizoi dy gola, reprezentuesi i Ganës publikoi një deklaratë ku falënderoi tifozët për mbështetjen. 

Të shtunën pasdite, policia publikoi një deklaratë tjetër, duke konfirmuar se një burrë 47-vjeçar nga Liverpooli ishte arrestuar nën dyshimin për shkelje të rendit publik me motiv racial. 

“Kemi arrestuar një person pas raportimeve për abuzim racist ndaj lojtarit të Bournemouth, Antoine Semenyo, gjatë ndeshjes së Ligës Premier kundër Liverpoolit në Anfield, të premten më 15 gusht”. 

“Identiteti i të dyshuarit u konfirmua dhe ai u largua nga stadiumi pas raportimit”. 

This is disgusting Semenyo getting racially abused to his FACE just because he’s having a good game. anyways you’ll never walk again..

pic.twitter.com/nEGYXvrJjH

— (@seanafc_) August 15, 2025

“Një burrë 47-vjeçar nga Liverpooli është arrestuar sot (e shtunë, 16 gusht) nën dyshimin për shkelje të rendit publik me përmbajtje raciste.  

“Ai është dërguar në paraburgim për t’u marrë në pyetje”, thuhej në deklaratë./Telegrafi/

The post Arrestohet një person pas abuzimit racist që mori Antoine Semenyo ndaj Liverpoolit appeared first on Telegrafi.

Një moment historik për gjyqtarët kosovarë në arenën ndërkombëtare. Për herë të parë, një ekip gjyqtarësh nga Kosova do të drejtojë një ndeshje të fazës “play-off” në garat evropiane të UEFA-s. 

UEFA ka deleguar Genc Nuzën si gjyqtar kryesor për sfidën mes Strasbourg dhe Brondby në kuadër të “play-offit” të Ligës së Konferencës, e cila do të zhvillohet të enjten në “Stade de la Meinau” në Francë, duke nisur nga ora 20:00. 

Ky është një tjetër vlerësim i madh për Nuzën, i cili është shpallur shtatë herë gjyqtari më i mirë në Kosovë, duke konfirmuar besimin e vazhdueshëm që institucioni më i lartë i futbollit evropian ka ndaj tij. 

Në këtë përballje, Nuza do të ketë përkrah asistentët Bujar Selimaj dhe Granit Hyseni. 

 Ndërkohë, në sistemin VAR do të jetë i angazhuar gjyqtari holandez Clay Ruperti, kurse AVAR do të jetë Dardan Çaka. 

 Rolin e gjyqtarit të katërt do ta mbajë Burim Jahmurataj. 

Ky delegim përfaqëson një hap të madh për përfaqësimin e Kosovës në futbollin evropian dhe një njohje të punës së palodhur të gjyqtarëve kosovarë në skenën ndërkombëtare./Telegrafi/

The post Gjyqtarët nga Kosova do të ndajnë drejtësinë në një ndeshje të fazës ‘play-off’ të Ligës së Konferencës appeared first on Telegrafi.

Khamzat Chimaev, i cili mposhti Dricus Du Plessis me vendim unanim të shtunën në mbrëmje në Çikago në UFC 319, mori rripin e peshës së mesme.  

Chimaev kaloi pjesën më të madhe të pesë raundeve duke kontrolluar kundërshtarin e tij në tokë. 

Në total, Chimaev kaloi 21 minuta e 40 sekonda duke kontrolluar kundërshtarin e tij, pjesërisht falë aftësive të tij në mundje. 

 Kjo është koha e dytë më e gjatë e kontrollit në UFC, pas 22 minutave të Sean Sherk kundër Hermes Franca në korrik 2007 në një ndeshje për titullin e peshave të lehta. 

Khamzat Chimaev’s (@KChimaev) 529 total strikes landed vs Dricus Du Plessis are a new @UFC record.

He earned 21:40 of control time, 2nd most in a UFC fight (22:18 by Sean Sherk vs Hermes Franca).

Complete #UFC319 Main Card Results https://t.co/69LHKjPUVp

— UFC News (@UFCNews) August 17, 2025

Chimaevit iu deshën më pak se dhjetë sekonda për ta rrëzuar rivalin e tij në tokë, pastaj përsëriti taktikat e tij të parashikueshme, por shumë efektive.  

Kundër Du Plessis, Chimaev shënoi 12 rrëzime dhe 529 goditje (nga 567 të tentuara), krahasuar me një rrëzim dhe 45 goditje për afrikano-jugorin.  

Lexo po ashtu Khamzat Chimaev “mbreti i ri” i kafazit, rrëzon nga froni Dricus Du Plessis për titullin e peshave të mesme

31-vjeçari regjistroi fitoren e tij të 15-të në MMA, të tetën në UFC, dhe vazhdon të mbetet i pamposhtur . 

Dricus Du Plessis kishte një shans të vogël në raundin final, por atij iu desh ta nokautonte kundërshtarin e tij për të fituar./Telegrafi/

The post Statistikat që e dëshmojnë dominimin e frikshëm të Chimaev ndaj Du Plessis appeared first on Telegrafi.

Manchester United dikur kishte propozuar një marrëveshje shkëmbimi që mund ta kishte ndryshuar plotësisht mënyrën se si duket klubi sot. 

Si një nga klubet më të mëdha të futbollit në botë, United ka mundësinë të tërheqë disa nga talentet më të mira dhe më emocionuese në këtë sport. 

Emra si Cristiano Ronaldo, Wayne Rooney dhe Roy Keane kanë përfaqësuar “Djajtë e Kuq” gjatë viteve të fundit, duke treguar fuqinë tërheqëse që ka klubi. 

Megjithatë, ka edhe shumë lojtarë që janë lidhur me një kalim te Old Trafford por që kurrë nuk u bashkuan me klubin, përfshirë legjenda të sportit si Ronaldo Nazario dhe Zinedine Zidane. 

Lexo po ashtu Man Utd ka pesë alternativa për mesfushën pasi dështuan ta transferojnë Baleban

Më së fundmi, ekziston një marrëveshje shkëmbimi e propozuar që bie në sy si një prej atyre që mund të kishte ndryshuar ndjeshëm situatën aktuale të klubit po të ishte realizuar. 

Sipas një raporti të Sky Sports nga viti 2020, Juventusi gjithashtu dëshironte ta nënshkruante Lukakun në verën e vitit 2019, duke ofruar Dybalan si pjesë të marrëveshjes. 

Thuhet se United ishte i hapur ndaj marrëveshjes, por ajo përfundimisht dështoi kryesisht sepse Dybala nuk dëshironte të largohej nga Torino atë verë. 

Në vend të kësaj, Lukaku u bashkua me rivalët e Serie A, Milanin, ndërsa United e drejtoi vëmendjen te Bruno Fernandes, i cili iu bashkua klubit vetëm gjashtë muaj më vonë. 

Edhe pse është e pamundur të thuhet se si do të performonte Dybala po të ishte bashkuar me United, është e vështirë të imagjinohet që ndikimi i tij do të ishte i ngjashëm me atë të Fernandes./Telegrafi/ 

The post Man Utd tentoi një marrëveshje të çmendur shkëmbimi që do të kishte ndryshuar historinë e Ligës Premier appeared first on Telegrafi.

Joan Garcia shënoi debutimin e tij zyrtar me Barcelonën duke ruajtur portën e paprekur në fitoren 3-0 në “Son Moix” ndaj Mallorcas në xhiron hapëse të La Ligas. 

Ai ofroi siguri mes shtyllave, megjithëse nuk pati shumë punë përballë një skuadre të Mallorcas që mbeti me nëntë lojtarë para përfundimit të pjesës së parë. 

Megjithatë, mbrëmja e 24-vjeçarit nuk kaloi pa dramë.  

Ai raportoi shqetësime në dorë gjatë nxehjes para ndeshjes dhe më vonë mori një goditje në fytyrë nga Vedat Muriqi, një episod që përfundoi me përjashtimin me karton të kuq të sulmuesit kosovar. 

After breaking a finger during warm-up, Muriqi tried to peel of Joan Garcia face during the game

he got sent offpic.twitter.com/L5lA8RxplT

— ArgentineCuler (@FCB_Argentine) August 16, 2025

Duke folur për mediat pas ndeshjes, Joan Garcia dha versionin e tij për incidentin me Muriqin, duke sqaruar momentin e kontaktit. 

“Më godet në fytyrë. Nuk e kam parë përsëritjen, por më godet në fytyrë. Nuk e di me cilën pjesë të trupit të tij, por më godet në fytyrë”. 

“Nëse VAR-i ka thënë që është karton i kuq, atëherë ashtu qenka. Tani do vendos pak akull”, ka thënë Garcia./Telegrafi/

The post Joan Garcia flet për ndërhyrjen brutale që i bëri Vedat Muriqi appeared first on Telegrafi.

Manchester United duhet të konsiderojë nënshkrimin e njërit prej pesë talenteve në mesfushë pas dështimit për të marrë Carlos Baleban e Brighton. 

Pas sigurimit të një marrëveshjeje për sulmuesin e Leipzig, Benjamin Sesko, për një shumë prej 74 milionë eurosh javën e kaluar, United e drejtoi vëmendjen te mesfusha. 

Skuadra e Ruben Amorimit u lidh me yllin e Brighton, Baleban, dhe United i informoi shpejt rivalët e Ligës Premier për interesimin për të nënshkruar me reprezentuesin kamerunas. 

Megjithatë, pas raportimeve që treguan se shitjet e Joao Pedro, Pervis Estupinan dhe Simon Adingra bënë që Brighton të mendojë se Baleban nuk është në shitje, United u tërhoq nga marrëveshja. 

Por kjo nuk do të thotë domosdoshmërisht që United do të heqë dorë nga shpresat për të nënshkruar një mesfushor këtë verë, pasi ka pesë lojtarë të tjerë që klubi mund të konsiderojë. 

Morten Hjulmand 

Pak pasi u përhap lajmi për dështimin e marrëveshjes me Baleban, Simon Stone i BBC konfirmoi se United mund të kthehet te Morten Hjulmand, kapiteni i klubit të mëparshëm të Amorimit, Sporting Lisbon, si një opsion rezervë. 

Javi Guerra 

Nëse Amorim vendos të bëj ‘gjueti’ në klubin e tij të mëparshëm, ai mund të kthejë vëmendjen te Javi Guerra i Valencias, i cili është lidhur me një transferim në ‘Old Trafford’ gjatë verës. 

Angelo Stiller 

Një tjetër mesfushor që është lidhur fuqishëm me United këtë verë është Stiller nga VfB Stuttgart, i cili më parë është përfolur për një transferim te Liverpool. 

Adam Wharton 

Bashkë me Eberechi Eze dhe Marc Guehi, disa raporte sugjerojnë se ylli i Crystal Palace, Wharton, mund të jetë në dispozicion këtë verë. 

Ederson 

Së fundi, mesfushori i Atalantas, Ederson, mund të jetë nënshkrimi perfekt për United nëse është në dispozicion për shitje këtë verë./Telegrafi/

The post Man Utd ka pesë alternativa për mesfushën pasi dështuan ta transferojnë Baleban appeared first on Telegrafi.

Lionel Messi riktheu në kujtesë edhe një herë vlerën e tij te Inter Miami me një gol dramatik në minutën e 83-të, duke i dhënë skuadrës së tij avantazhin 2-1 ndaj LA Galaxy në stadiumin ‘Chase’. 

Messi kurorëzoi rikthimin e tij pas një dëmtimi me një gol në fund të ndeshjes, duke ndihmuar Inter Miamin të fitojë 3-1 përballë LA Galaxy. 

Pas mungesës në tre ndeshjet e fundit, legjenda argjentinase nisi ndeshjen në stol dhe hyri në fushë në pushimin e pjesës së parë, me skuadrën e tij në avantazh 1-0. 

Megjithatë, barazimi i Joseph Pantsil në minutën e 59-të bëri që rezultati të ishte i barabartë për pjesën e fundit të ndeshjes, deri sa Messi u aktivizua. 

Magical Messi

Number 19 on the year. pic.twitter.com/nO1WNoq4cy

— Major League Soccer (@MLS) August 17, 2025

Argjentinasi shënoi një gol mjeshtëror duke dribluar dy mbrojtës në kufirin e zonës dhe duke goditur një gjuajtje të ulët drejt këndit të majtë poshtë, duke mposhtur portierin. 

Ky ishte goli i 19-të i Messit në këtë sezon, që e vendos atë në krye të garës për ‘Këpucën e Artë’, para Sam Surridge nga Nashville SC me 18 gola dhe në vendin e tretë të përbashkët Evander, Eric Maxim-Choupo Moting dhe Tai Baribo, secili me 15 gola. 

Fitorja 3-1 e Inter Miami tndaj LA Galaxy i ngjit në vendin e katërt në Konferencën Lindore me 45 pikë pas 24 ndeshjesh të zhvilluara./Telegrafi/

The post Leo Messi rikthehet fuqishëm nga lëndimi, hyn në pjesën e dytë dhe shënon gol magjik appeared first on Telegrafi.

Khamzat Chimaev më në fund arriti të bëhet kampion i peshave të mesme të UFC-së me një fitore dominuese ndaj kampionit të mëparshëm në fuqi, Dricus Du Plessis. 

Në tre ndeshjet e mëparshme, Du Plessis u largua nga oktagoni me rripin e kampionatit rreth belit, por mbrëmë në Çikago në eventin UFC 319, rezultati i ndeshjes ishte i ditur që pas rrëzimit të parë nga Chimaev. 

Gjatë të pesë raundeve, çeçeni, i cili luan nën flamurin e Emirateve të Bashkuara Arabe, dominoi dhe në asnjë moment fitorja e tij nuk ishte në dyshim nëse gjyqtarët vendosnin. 

Chimaev arriti në fitore me fitoren më bindëse në luftën për titullin në historinë e kategorisë së peshave të mesme të UFC-së. 

AND NEW

KHAMZAT CHIMAEV DOMINATES DDP AND IS THE NEW UNDISPUTED MIDDLEWEIGHT CHAMPION #UFC319 pic.twitter.com/6q2O72p48A

— SportsCenter (@SportsCenter) August 17, 2025

Ai arriti ta rrëzonte kundërshtarin e tij në 12 nga 17 përpjekje, dha 23 goditje të rëndësishme kundër 9 kundërshtarëve dhe të tre gjyqtarët e vlerësuan ndeshjen 50-44. 

Chimaev fitoi ndeshjen e tij të 15-të profesionale në paraqitjen e tij të 15-të. 

Që kur debutoi në UFC në korrik 2020, kur regjistroi dy fitore në vetëm 10 ditë, shumë parashikuan se ai do ta fitonte titullin, gjë që përfundimisht ndodhi. Kjo ishte humbja e tretë e Du Plessis në 26 ndeshje./Telegrafi/

The post Khamzat Chimaev “mbreti i ri” i kafazit, rrëzon nga froni Dricus Du Plessis për titullin e peshave të mesme appeared first on Telegrafi.

Për tetë ditë me radhë, sheshi i Prishtinës u shndërrua në një arenë të gjallë dhe plot emocione, ku futbolli ishte më shumë se vetëm një lojë ishte një festë e komunitetit dhe një shfaqje e talentit.

Turneu “Lirimi Prishtina Tournament 2025” mblodhi bashkë fëmijë, të rinj e të rritur nga e gjithë zona për të garuar, argëtuar dhe krijuar kujtime të paharrueshme.

Atmosfera ishte elektrizuese, tribuna plot me shikues entuziastë, tinguj muzike dhe emocione të papërshkrueshme në çdo ndeshje.

Energjia pozitive ndihej në çdo cep të sheshit, ndërsa të gjithë ishin të bashkuar nga dashuria për sportin.

Dori Pharm u shpall kampioni i këtij edicioni, duke dëshmuar një performancë të jashtëzakonshme dhe një shpirt gare për t’u admiruar.

Por, përtej rezultateve, turneu kishte një qëllim më të madh, të promovojë vlerat e sportit, miqësinë, shëndetin dhe lojën e ndershme./Telegrafi/

The post “Lirimi Prishtina Tournament 2025” mbyllet me sukses – Dori Pharm shpallet kampion appeared first on Telegrafi.

Gianluigi Donnarumma duket se po afrohet gjithnjë e më shumë drejt një kalimi te Manchester City, pas raportimeve nga Italia që pretendojnë se Galatasaray ka dorëzuar një ofertë fillestare prej 10 milionë eurosh për Edersonin, portierin brazilian të skuadrës së Pep Guardiolës.

Sipas gazetarit të Sport Mediaset, Orazio Accomando, skuadra turke e Super Ligës ka bërë ofertën e parë për lojtarin e Cityt, në përpjekje për ta bindur atë të largohet nga Anglia.

Nëse Ederson do të ndryshojë klub gjatë kësaj vere, kjo do t’i hapë rrugën Manchester Cityt që të përpiqet të transferojë Donnarumman, pavarësisht se ‘Qytetarë’ kanë blerë tashmë një portier tjetër këtë verë, James Trafford.

Oferta e Galatasaray për Cityn përbëhet nga 10 milionë euro për transferimin përfundimtar të lojtarit, pa huazime apo klauzola të komplikuara në këtë fazë.

EXCL: Galatasaray send first official bid to Man City for Éderson.

Proposal in the region of €10m while City ask for higher fee.

Gigio Donnarumma has already opened doors to City move, no issues on personal terms

If Éderson leaves, Donnarumma can join #MCFC. pic.twitter.com/m1qqmcvr0Q

— Fabrizio Romano (@FabrizioRomano) August 16, 2025

Për Edersonin, klubi turk i ka ofruar një pagë prej 8 milionë eurosh në sezon për pesë vite, me synimin ta bëjë ish-lojtarin e Benficës pasardhësin e vërtetë të ish-portierit legjendar të Lazios, Fernando Muslera.

Portieri uruguaian u largua këtë verë drejt Argjentinës pas 14 viteve dhe më shumë se 500 ndeshjeve me klubin e Stambollit./Telegrafi/

The post Donnarumma tek Man City po merr formë, Galatasaray bën ofertë për Ederson appeared first on Telegrafi.

Sulmuesi i përfaqësueses së Italisë, Federico Chiesa, ka deklaruar se është i lumtur te Liverpooli dhe ka falënderuar trajnerin Arne Slot për fjalët inkurajuese, ndërsa goli i tij i parë në Ligën Premier iu dedikua në mënyrë të natyrshme Diogo Jotës. 

Chiesa pritej të largohej këtë verë pas një sezoni të vështirë debutues, ku u përball me mungesë minutash, rënie forme dhe probleme fizike. 

Megjithatë, mbrëmë ai hyri nga stoli në një moment kyç, kur rezultati ishte 2-2 kundër Bournemouth, dhe me një goditje fluturimthi riktheu Liverpoolin në avantazh 3-2, përpara se Mohamed Salah të vuloste fitoren 4-2. 

“Mendimi im i parë pas golit ishte për Diogon, vëllain e tij dhe familjen e tyre. Ishte një mbrëmje tepër prekëse, ndaj ta mbyllje kështu ndeshjen ishte shumë emocionuese”. 

“Diogo më ndihmoi nga lart, e shtyu topin drejt rrjetës. Dua të besoj se ashtu ndodhi”, ka thënë Chiesa. 

Diogo Jota dhe vëllai i tij humbën jetën në një aksident tragjik me makinë, vetëm pak ditë pas festimeve të titullit kampion nga Liverpooli.  

Lexo po ashtu Zbulohet se përse u ndërpre për disa minuta ndeshja mes Liverpoolit dhe Bournemouthit

Si shenjë respekti, klubi vendosi të tërheqë fanellën me numrin 20 që Jota mbante. 

Kjo ishte ndeshja e parë e tyre në Ligën Premier që nga ajo tragjedi, e shoqëruar me homazhe të shumta për Jotën dhe familjen e tij./Telegrafi/

The post ”Jota më ndihmoi, e shtyu topin drejt rrjetës”, Chiesa emocionon pas golit ndaj Bournemouth appeared first on Telegrafi.

Joan Garcia është tani zyrtarisht i regjistruar në La Liga dhe në dispozicion për Hansi Flick për debutimin e Barcelonës kundër Mallorcas. 

Portieri Joan Garcia është regjistruar zyrtarisht në La Liga dhe do të jetë në dispozicion të trajnerit Hansi Flick këtë të shtunë  për ndeshjen e parë të Barcelonës në kampionat kundër Mallorcas. 

Garcia tashmë figuron në listën zyrtare të skuadrës së Barcelonës në faqen e La Ligës, megjithëse ende nuk i është caktuar numri i fanellës. 

Në mënyrë surprizuese, Inaki Pena mban aktualisht fanellën me numrin 1, ndërsa Garcia dhe Ter Stegen nuk kanë ende numra të caktuar. 

Regjistrimi i Garcias u mundësua pasi Komisioni Mjekësor i La Ligës konfirmoi se dëmtimi i Ter Stegen konsiderohet mungesë afatgjatë, e cila pritet të zgjasë të paktën pesë muaj, sipas Marca. 

Barcelona përdori pjesë të buxhetit të pagës së portierit gjerman për të regjistruar Garcian, pasi La Liga lejon klubin të shfrytëzojë 80 për qind të pagës së Ter Stegen. 

Si pasojë, regjistrimi i Garcias do të vlejë për gjithë sezonin, pa nevojën e rinovimit në janar, ndryshe nga rastet e sezonit të kaluar me Dani Olmo dhe Pau Victor. 

Konfirmimi i regjistrimit të Garcias nga La Liga vonoi më shumë se sa pritej, pasi klubi kishte parashikuar që ai do të ishte i regjistruar që deri të enjten./Telegrafi/

The post Joan Garcia regjistrohet zyrtarisht në La Liga appeared first on Telegrafi.

Dimitar Berbatov ka pranuar se është “i zhgënjyer” që Viktor Gyokeres zgjodhi të bashkohej me Arsenalin, teksa ish-klubi i tij Manchester United përgatitet të përballet me të. 

Ish-sulmuesi i Manchester United, Dimitar Berbatov, ka shprehur zhgënjimin e tij që Gyökeres vendosi të transferohej te Arsenali gjatë verës, në një marrëveshje që përfundoi me vlerë 64 milionë euro. 

“Djajtë e Kuq”, nga ana tjetër, zgjodhën të nënshkruajnë me Benjamin Sesko, dhe të dy sulmuesit pritet të përballen kokë më kokë të dielën, kur Manchester United dhe Arsenal të nisin fushatën e tyre në Ligën Premier. 

Gyokeres regjistroi një sezon spektakolar me 54 gola në të gjitha garat për Sportingun sezonin e kaluar, ndërsa Sesko realizoi 21 gola me RB Leipzig.

Berbatov parashikon një duel intrigues mes dy qendërsulmuesve, por edhe mes trajnerëve Mikel Arteta dhe Ruben Amorim. 

“Po, ai ishte fenomenal në Portugali. Jam pak xheloz, për të qenë i sinqertë. Jam i trishtuar, madje edhe i zhgënjyer që nuk shkoi te Manchester United, sepse ekzistonte edhe një lidhje portugeze”.

Lexo po ashtu Ruben Amorim ka zbuluar se cila është dobësia më e madhe e Gyokeres

“Por ai zgjodhi Arsenalin. Në një farë mënyre, e kuptoj. Arsenali po luan mirë, një futboll të bukur, me pasime të shpejta, kërkojnë hapësirat”. 

“Mikel Arteta është nxënës i Pep Guardiolës dhe kjo është mënyra si luan. Ai nuk do ta ndryshojë kurrë këtë stil”, ka thënë ish-futbollisti bullgar./Telegrafi/

The post Legjenda e Man Utd i zhgënjyer për faktin se Gyokeres u transferua tek Arsenali appeared first on Telegrafi.

Chelsea nuk ka humbur kohë për të refuzuar ofertën e fundit të Borussia Dortmund për Carney Chukwuemeka, të cilën klubi londinez e ka cilësuar si “fyese”. 

“Blutë” janë duke i dhënë përparësi shitjeve të lojtarëve për të krijuar hapësirë për objektivat kryesorë të afatit kalimtar, Xavi Simons dhe Alejandro Garnacho, ndërkohë që kanë marrë interes edhe nga klube të tjera për mesfushorin 20-vjeçar që nuk bën pjesë në planet e ekipit. 

Chelsea ka refuzuar ofertën e Dortmundit, e cila ishte e strukturuar si huazim me detyrim blerjeje. Sipas Fabrizio Romano, drejtuesit e klubit nuk kanë qenë aspak të impresionuar nga kushtet financiare dhe e kanë përshkruar ofertën si “fyese”. 

Disa klube të tjera janë gjithashtu në garë për shërbimet e Chukwuemekas, ndërsa Chelsea preferon një shitje përfundimtare të lojtarit 20-vjeçar. 

Klubi është duke punuar për të ulur numrin e lojtarëve në skuadër përpara transferimeve të mundshme të profilit të lartë. Simons dhe Garnacho janë në krye të listës së dëshirave, por transferimet e tyre varen nga grumbullimi i fondeve të nevojshme. 

Shitja e lojtarëve që nuk janë pjesë e planeve afatgjata, si Chukwuemeka, shihet si një hap kyç për të liruar hapësirë dhe për të përmbushur kërkesat financiare. 

Chukwuemeka iu bashkua Chelseat nga Aston Villa në vitin 2022, por nuk ka arritur të fitojë minuta të rregullta. Dëmtimet dhe konkurrenca e fortë në mesfushë i kanë kufizuar mundësitë e tij në skuadrën e drejtuar nga Enzo Maresca. 

Megjithëse Chelsea është e hapur për shitjen e tij, klubi kërkon një tarifë që pasqyron potencialin e lojtarit./Telegrafi/

The post Chelsea refuzon “ofertën fyese” të Dortmundit për lojtarin që Maresca nuk e do në ekip appeared first on Telegrafi.

Barcelonës rrallëherë i ka munguar ambicia kur bëhet fjalë për tregun e transferimeve, edhe pse vitet e fundit i ka pasur të vështira për ta mbështetur këtë qasje në aspektin financiar. 

Megjithatë, objektivi i tyre i radhës flet qartë për dëshirën e klubit për t’u rikthyer fuqishëm në garë për Ligën e Kampionëve. 

Sipas raportimeve nga Indykaila, katalanasit po përgatisin një lëvizje të madhe për yllin e Paris Saint-Germainit, Desire Doue, verën e ardhshme. Klubi pritet të nisë punën për këtë transferim brenda disa muajve të ardhshëm. 

Plani është i qartë, të ndërtojnë një skuadër dominuese në Evropë, me Lamine Yamal dhe Doue në krahët e sulmit.  

Exclusive

Barcelona is gearing up for new chapter, and we can’t wait to see what they have in store!

They ready to start buying elite players to compete against the best in Europe.

They’re ready to build a team around the incredible talent of Lamine Yamal.

The news is… pic.twitter.com/83GSEukZP9

— indykaila News (@indykaila) August 15, 2025

Yamal do të jetë shtylla kryesore e projektit afatgjatë të Barcelonës, ndërsa Doue shihet si një përforcim i nivelit më të lartë, një deklaratë e qartë për rikthimin në elitën e futbollit. 

Në aspektin e talentit dhe profilit, 20-vjeçari është një zgjedhje me shumë kuptim. Ai kohët e fundit është shprehur madje se është “më i mirë se Yamal”, duke treguar vetëbesim të jashtëzakonshëm. 

Lexo po ashtu Hansi Flick shpreh hapur pakënaqësinë ndaj drejtuesve të Barcelonës në konferencën për media

Fakti që ai nuk është ende titullar i padiskutueshëm te PSG mund të shkojë në favor të Barcelonës, pasi e bën lojtarin më të kapshëm për një transferim. 

Megjithatë, ekzistojnë disa pengesa serioze, pasi marrëdhëniet mes Barcelonës dhe PSG-së kanë qenë të tensionuara për një kohë të gjatë, dhe kampionët e Evropës nuk kanë ndonjë arsye të fortë për të bashkëpunuar në një marrëveshje të tillë, nëse nuk shohin përfitim të drejtpërdrejtë./Telegrafi/

The post Barcelona gati për të “shpërthyer” në afatin kalimtar: Ylli i PSG-së objektivi i parë appeared first on Telegrafi.

Afati kalimtar i verës filloi më 16 qershor dhe klubet evropiane do të kenë kohë deri më 1 shtator për të siguruar përforcimet e tyre ose për të hequr qafe lojtarët tek të cilët nuk llogarisin më. 

Shumë klube kanë pasur sukses në qëllimet e tyre deri më tani, dhe më poshtë ju sjellim pesë transferimet më të shtrenjta dhe më të profilit të lartë në afatin kalimtar deri më tani. 

Klubet angleze shpenzuan më shumë, dhe dy nënshkrimet më të shtrenjta të sezonit, të paktën për momentin, u siguruan nga Liverpool. 

 “Të Kuqtë” paguan një shumë marramendëse prej 125 milionë eurosh për nënshkrimin më të shtrenjtë të verës, Florian Wirtz.  

From Leverkusen to Liverpool pic.twitter.com/ZGwv3cJysi

— Liverpool FC (@LFC) June 20, 2025

Futbollisti fantastik gjerman mbërriti në Liverpool nga Bayer Leverkusen, dhe transferimi i tij përfaqëson gjithashtu një transferim rekord në historinë e Liverpoolit, duke marrë parasysh se transferimi më i madh i klubit deri më sot ishte nënshkrimi prej 85 milionë eurosh i Darwin Nunez nga Benfica. 

Lojtari i dytë më i shtrenjtë në listë është Hugo Ekitike, i cili mbërriti nga Eintracht Frankfurt, gjithashtu te Liverpool. Transferimi me bonuse vlen 95 milionë euro, dhe lojtari i ri ofensiv nënshkroi një kontratë gjashtëvjeçare me kampionin anglez. 

OFFICIAL: Hugo Ekitike joins Liverpool from Eintracht Frankfurt on six year contract.

€80m fixed fee, €10m easy add-ons and €5m difficult add-ons as package for the French striker.

One more for Arne Slot. pic.twitter.com/gWl5UxM4DK

— Fabrizio Romano (@FabrizioRomano) July 23, 2025

As rivali më i madh i Liverpoolit nuk qëndroi duarkryq. Manchester United solli në radhët e tyre sulmuesin e madh slloven Benjamin Sesko për 85 milionë euro, i cili nënshkroi një kontratë me “Djajtë e Kuq” deri në vitin 2030. 

He’s here!

Benjamin Sesko is officially a Manchester United player!

— Manchester United (@ManUtd) August 9, 2025

I katërti në listën e transferimeve më të shtrenjta të verës është nigeriani Victor Osimhen, i cili u transferua nga Napoli te Galatasaray për një shumë rekord prej 75 milionë eurosh, që përfaqëson transferimin më të madh në historinë 120-vjeçare të klubit.   

Victor Osimhen to Galatasaray, here we go! Club to club documents exchange to start in next 24h after verbal pact.

Galatasaray will pay €40m now, €35m in one year, 10% on future profit and also a goals based bonus.

Victor can’t be sold to any Italian club for 2 years. pic.twitter.com/8sgoBMQKlQ

— Fabrizio Romano (@FabrizioRomano) July 20, 2025

Transferimi i pestë më i shtrenjtë në këtë afat kalimtar i takon po ashtu Unitedit, të cilët nënshkruan me Bryan Mbuemon nga Brentfordi për një shumë prej 70 milionë eurosh./Telegrafi/

Bryan Mbeumo only wanted Manchester United and remained patient and professional until a £71m agreement was reached.

All clubs aware of his preference from the start leading to rival clubs backing off.https://t.co/cwCMrtJ210

— Ben Jacobs (@JacobsBen) July 21, 2025

The post Këto janë transferimet më të shtrenjta që tronditën botën e futbollit këtë verë appeared first on Telegrafi.

Milani ka bërë zyrtare nënshkrimin me mbrojtësin e djathtë zviceran, Zachary Athekame, nga skuadra e Young Boys.  

Lojtari 20-vjeçar ka nënshkruar një kontratë pesëvjeçare, e cila do ta mbajë në “San Siro” deri në vitin 2030.  

Ish-mbrojtësi i Xamax do të mbajë fanellën me numrin 24 te “Rossonerët”. Sipas raportimeve, Milani ka paguar një tarifë prej 10 milionë eurosh për kartonin e tij, ndërsa Young Boys kanë ruajtur një klauzolë prej 10 për qind për çdo shitje të ardhshme. 

Athekame është një lojtar i gjithanshëm në krahun e djathtë, i aftë të luajë si mbrojtës i krahut, por edhe më përpara në mesfushë. 

From today, Rossonero runs in your veins
#WelcomeAthekame

— AC Milan (@acmilan) August 15, 2025

 Ai ka gjithashtu 10 paraqitje me përfaqësuesen U21 të Zvicrës. Gjatë sezonit 2024/2025 me Young Boys, Athekame zhvilloi 30 ndeshje në kampionat, ku regjistroi dy asiste dhe luajti mbi 1700 minuta.  

Ai ishte gjithashtu pjesë kyçe e skuadrës në Ligën e Kampionëve, duke luajtur në të gjitha tetë ndeshjet e fazës së grupeve. 

Para se të kalonte te Young Boys, 20-vjeçari ka luajtur për Xamax dhe është formuar në akademinë e Bejune. Transferimi i tij te Milani shihet si një hap i madh në karrierën e tij./Telegrafi/

The post Zyrtare: Milani nënshkruan me Zachary Athekame appeared first on Telegrafi.