Në emisionin “Debat Plus” sonte rrëfimin po e jep një tjetër i mbijetuar i dhunës seksuale nga lufta e fundit në Kosovë.

Ai ka rrëfyer gjerë e gjatë për tmerrin që e përjetuan, dhunën që panë me sy të tyre, përfshirë masakra.

Por, në kulmin e luftës, familja mbeti pa ushqime dhe këtu ai vendosi të dal për të kërkuar ushqime, në shtëpi tjera të braktisura dhe këtu i ndodhi tmerri kur hasi në tre zyrtarë policorë serbë, të cilët e morën dhe e dërguan në një restorant.

Aty thotë që përjetoi tmerrin e jetës së tij.

“Antiqe, hajde t’ia kryejmë punën këtij, më kanë kap zhag, më rrehen, më kanë lidh duart, më kanë ngreh zhag, më kanë shti në restorant, i ashtuquajturi atëherë është quajtur Restorant “Beogradi”, është përballë kinemasë ABC, ashtu e ka pas atë emër. Aty i rrahun, i torturum kur jam hy i kam pa dy zonja, dy femra shqiptare të zhveshura, atëherë m’u kanë këput dy këmbët, ato veç i kishin pas dhunu ato. Aty më kanë shtri për toke, më ka ra shkelëm ma ka qit njani kamën këtu, më kanë desh edhe më ka dhunu qiky Antiqi, me fjalën ante, po emrin ky e ka pas Antiq, e ka pas një shejë në ballë këtu, i madh 2 metra..” ka rrëfyer ai.

I emocionuar e me zë të dridhur, ai u bënë thirrje atyre dy grave që të paraqiten për të dëshmuar atë që ndodhi aty.

“Si n’kllapi u rreha përjashta, shkelmin kur ma ka qit këtu më ka dhunu ky, dhe Antiqi, brima e atyre dy vajzave, zonjave gjithë kam kërkue është edhe dëshmitar edhe shoqata jem edhe psikologia, gjithë herë kam kërku ju lutem nëqoftëse jeni gjallë dikun, lajmërohuni në shoqatën në Prishtinë, tregone rastin edhe vendin në qoftëse nuk e dini pytne dikan restorant është quajtur restorant Beogradi, ku jeni hi ju”, shprehet ai tek thotë se përkrahja e familjes së tij asnjëherë nuk ka munguar.

Ai falënderon QKRMT-në gjithashtu për ndihmën që i kanë ofruar ndër vite për të zbutur sado pak traumën e dhimbjen që e ka nga ky krim i tmerrshëm lufte i forcave të Serbisë.

The post “Më dhunuan në sy të dy grave, i kishin dhunuar edhe ato”- rrëfen i mbijetuar i dhunës seksuale nga lufta e fundit në Kosovë appeared first on Telegrafi.

Sir Elton John ka hedhur poshtë thashethemet se po planifikon një koncert hologramik në stilin e ABBA-s, pavarësisht spekulimeve pas regjistrimit të markës tregtare që mbulon holograme dhe përvoja virtuale 3D.

Burime pranë artistit 78-vjeçar theksuan se nuk ka plane të tilla, duke kujtuar se Elton e ka refuzuar idenë edhe në të kaluarën, madje duke e quajtur veten “Luddit”.

Legjenda e muzikës, që sapo ka përfunduar turneun e tij “Farewell Yellow Brick Road”, iu bashkua kohët e fundit funeralit privat të mikut të tij të vjetër, Ozzy Osbourne, shkruan DailyMail.

Elton ndau një homazh emocional, duke e cilësuar Ozzy-n si “një pionier të madh dhe një nga njerëzit më qesharakë që kam takuar ndonjëherë”.

Muajin e kaluar, këngëtari festoi 35 vjet pa alkool, një moment që e shënoi me familjen dhe mesazhe mirënjohjeje në rrjete sociale.

Ai ka folur hapur për betejat me varësinë ndaj drogës dhe alkoolit, duke pranuar se këto i rrezikuan jetën dhe karrierën, por se rehabilitimi i viteve ’90 i ndryshoi përgjithmonë rrugën. /Telegrafi/

The post Sir Elton John mohon planet për shfaqje hologramike dhe kujton miqësinë me Ozzy Osbourne appeared first on Telegrafi.

Giovanni Leoni, mbrojtësi i talentuar italian 18-vjeçar nga Parma, është bërë qendra e një beteje të fortë transferimesh këtë verë mes Milanit dhe Interit, sipas raportimeve të Corriere dello Sport. 

Të dy klubet milaneze e shohin qëndërmbrojtësin premtues roman si një përforcim kyç përpara sezonit të ri në Serie A. 

E ardhmja e Leoni-t varet nga një tjetër lëvizje: shitja e mundshme e Malick Thiaw nga Milani te Newcastle. Klubi anglez ka ofruar tashmë 30 milionë euro, ofertë e refuzuar nga Milani, por pritet një ofertë e dytë prej 40 milionë eurosh. 

Në rast se Thiaw largohet, Milani do ta ketë Leonin si objektivin e parë për mbrojtje, ndërsa Pietro Comuzzo i Fiorentinës shihet si plani rezervë. 

Ndërkohë, Interi ka kohë që po ndjek Leonin, por ende nuk ka bërë një ofertë zyrtare, pasi është i përqendruar në largimin e disa lojtarëve si Kristjan Asllani dhe Mehdi Taremi për të përmbushur kërkesat financiare. Kjo vonesë mund t’i japë avantazh Milanit për të vepruar. 

Parma mbetet e vendosur për çmimin, kërkon të paktën 35 milionë euro për mbrojtësin dhe shpreson ta mbajë edhe për një sezon tjetër. 

Lexo po ashtu Man Utd në bisedime me gjigantin italian për huazimin e Hojlund

Megjithatë, Leoni raportohet se është i gatshëm të shtyjë për një transferim drejt një klubi të madh të Serie A, në mënyrë që të përshpejtojë zhvillimin e tij dhe të sigurojë një vend të ardhshëm në Kombëtaren e Italisë. 

Ai zhvilloi 17 paraqitje për Parmën sezonin e kaluar dhe ka lënë përshtypje të forta tek ekspertët, të cilët e shohin si një nga talentet më premtuese të mbrojtjes italiane. 

Vetë Leoni e ka përmendur trajnerin aktual të Interit, Christian Chivu, si njeriun që i dha shanset e para dhe mbështetjen në fillimet e karrierës së tij./Telegrafi/

The post Milani dhe Interi ‘përplasin shpatat’ për transferimin e top yllit italian appeared first on Telegrafi.

Raporti analizon ujërat për not në 22,127 lokacione në 27 vende anëtare, përfshirë Shqipërinë dhe Zvicrën

Nëse po mendoni të gjeni sa më shpejt një plazh për t’u larë, dy vendet evropiane me ujë jashtëzakonisht të pastër nuk do t’ju vijnë të parat në mendje.

Ndoshta nuk do t’ju vijnë fare në mendje, por ndoshta duhet.

Çfarë po ndodh me një fshat në Alpe që është fshirë plotësisht nga harta? Banorët përballen me një vendim të dhimbshëm.

Agjencia Evropiane për Mbrojtjen e Mjedisit (EEA) ka publikuar një vlerësim të ri mbi pastërtinë e ujërave në Evropë gjatë sezonit të verës, ku Sllovenia dhe Lituania kanë zënë vendin e parë për cilësinë.

Raporti analizon ujërat për not në 22,127 vende në 27 vende anëtare, përfshirë Shqipërinë dhe Zvicrën. Sipas raportit, 85 për qind e vendeve të testuara kanë përmbushur kushtet dhe kanë marrë vlerësimin “shkëlqyeshëm”.

Lokacionet përfshijnë plazhe, lumenj, liqene dhe vende të tjera ku mund të laheni gjatë verës, ndërsa mostrat janë testuar për baktere. U konstatua se uji i detit kishte cilësi më të mirë se uji i lumenjve apo liqeneve.

Duhet theksuar se, edhe pse Sllovenia dhe Lituania dolën mirë në renditje, në këto dy vende është testuar një numër relativisht i vogël vendesh – 21 në Slloveni dhe 16 në Lituani, transmeton Telegrafi.

Edhe pse ka dalje të shkurtër në Detin Adriatik, Sllovenia ka arritur të mbajë cilësi të lartë në të gjitha 21 vendet e testuara. Ky rezultat lidhet me menaxhimin e rreptë të mbetjeve, monitorimin e vazhdueshëm dhe mungesën e industrisë së rëndë pranë bregdetit.

Përveç ujit të pastër, vizitorët mund të shijojnë destinacionet bregdetare si Pirani, Portorozhi dhe Izola, të njohura për arkitekturën mesdhetare, kuzhinën e pasur dhe atmosferën e qetë.

Nga ana tjetër, Lituania, nga 16 vendet e testuara, Lituania gjithashtu ka dalë me cilësi të lartë të ujit, sidomos në zonat bregdetare të Detit Baltik. Plazhet e Palangës, Neringës dhe Klaipedës ofrojnë jo vetëm ujë të pastër, por edhe peizazhe të veçanta me dunat e rërës dhe pyjet bregdetare.

Sipas Raportit Botëror të Lumturisë, Lituania është shpallur vendi më i lumtur në Evropë për të rinjtë nën 30 vjeç, një faktor që reflektohet edhe në energjinë pozitive të qyteteve bregdetare. /Telegrafi/

The post Dy vende në Evropë me ujin më të pastër për not – kënaqësia pranë plazhit ju pret appeared first on Telegrafi.

Disa futbollistë besojnë se mosha 33-vjeç është koha për të varur këpucët në gozhdë.

Ndërkohë, të tjerë e shohin këtë fazë si një mundësi për të përqafuar një sfidë të re në një klub ose ligë të ndryshme.

Këtu është lista e dhjetë transferimeve më të shtrenjta të lojtarëve në moshën 33-vjeçare:

Lexo po ashtu Minutë pas minute nga afati kalimtar veror – priten transferime të mëdha

Cristiano Ronaldo (Real Madrid → Juventus) – 117 milionë euro;

Robert Lewandowski (Bayern Munich → Barcelona) – 45 milionë euro;

Son Heung-min (Tottenham Hotspur → Los Angeles FC) – 22 milionë euro;

Claudio Bravo (Barcelona → Manchester City) – 18 milionë euro;

Jordan Henderson (Liverpool → Al Ettifaq) – 14 milionë euro;

Petr Cech (Chelsea → Arsenal) – 14 milionë euro;

Pierre-Emerick Aubameyang (Barcelona → Chelsea) – 12 milionë euro;

Rui Patricio (Wolverhampton → Roma) – 12 milionë euro;

Jose Fonte (Southampton → West Ham) – 9.2 milionë euro;

Luis Suarez (Barcelona → Atlético Madrid) – 9 milionë euro. /Telegrafi/

The post Cristiano Ronaldo, Son Heung-min dhe 8 transferime të tjera më të shtrenjta në moshën 33 vjeçe appeared first on Telegrafi.

Siç njoftojnë nga LAMM, komunikacioni nëpër rrugët shtetërore po zhvillohet pa pengesa dhe nëpër rrugë të thata. Po ashtu është rritur dendësia e komunikacionit jashtë mjediseve urbane.

“Për shkak të pushimeve verore, vërejmë trafik në vendkalimin kufitar Tabanac. Për hyrje dhe dalje nga ky VK pritet rreth 40 minuta, ndërsa në vendkalimet tjera kufitare nuk ka pritje të gjata”, thuhet në njoftimin e LAMM.

Gjithashtu ata rekomandojnë përshtatjen e shpejtësisë së lëvizjes, respektimin e sinjaleve të vendosura të trafikut dhe vozitje të kujdesshme, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut.

Kjo veçanërisht vlen për segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë./Telegrafi/

The post Trafik në Tabanoc, për hyrje dhe dalje nga shteti pritet rreth 40 minuta appeared first on Telegrafi.

Simbolet e zodiakut që kërkojnë vëmendje të veçantë për shkak të natyrës së tyre

Çdo shenjë horoskopi ka cilësitë dhe dobësitë e veta, por disa prej tyre kanë nevojë për trajtim të veçantë dhe shpesh nuk funksionojnë mirë pa këtë. Ndërsa shfrenimi nuk është gjithmonë diçka negative, shpesh është shprehje e nevojës për vëmendje, ngrohtësi ose një vetëdije e lartë për veten – tek disa shenja është veçanërisht e dukshme dhe ndikon në mënyrën si lidhen me të tjerët.

Mos i nënvlerësoni shenjat e zodiakut, secila ka karakteristikat e saj unike dhe mënyrën e vet të kërkimit të vëmendjes.

Luani

Luani pëlqen të jetë në qendër të vëmendjes dhe privilegjet janë pjesë e natyrshme e tij. Ai gjithmonë pret që të trajtohet me admirim dhe respekt, madje edhe kur nuk ka arsye të dukshme. Nëse ndjen se nuk po i kushtohet vëmendja e duhur, mërzitet dhe ofendohet. Ai thjesht adhuron luksin, shkëlqimin dhe ekskluzivitetin dhe pret të trajtohet si një person me status të veçantë, sepse beson se e meriton këtë.

Dashi

Dashi gëzon gjërat e mira dhe rutinën, ndërsa e ka vështirësi të pranojë ndryshimet që prishin ndjenjën e tij të sigurisë. Kur diçka nuk i pëlqen, nuk heziton ta shprehë hapur. Lakmia e Dashit shpesh manifestohet në nevojën për komoditet material: një vakt i mirë, një shtrat i butë dhe qetësi. Çdo gjë më pak prej kësaj e sheh si një sulm ndaj paqes së tij, transmeton Telegrafi.

Gaforrja

Edhe pse përshkruhet si e butë dhe e kujdesshme, Gaforrja është emocionalisht shumë e prirur për t’u mbrojtur. Nëse ndjen se nuk po i jepet dashuri dhe mbështetje e mjaftueshme, tërhiqet dhe mërzitet, shpesh pa treguar se çfarë e ka prekur. Ndjeshmëria e saj e theksuar e bën të marrë gjithçka shumë personalisht, dhe pastaj vepron sikur bota duhet të përshtatet me emocionet e saj.

Peshorja

Peshoret duan harmoni dhe estetikë, por edhe që t’u plotësohen dëshirat. Shpesh presin që të tjerët të marrin vendime për ta, t’i përkëdhelin dhe që gjithçka rreth tyre të duket perfekte. Peshorja vështirë pranon kompromise nëse nuk ndjen se po fiton diçka. Edhe pse duket e qetë, mund të bëhet shumë pasive-agresive kur gjërat nuk shkojnë sipas dëshirës së saj.

Peshqit

Peshqit janë ëndërrimtarë, emocionalë dhe të thellë, por edhe të prirur për dramë kur ndihen të keqkuptuar. Tekat e tyre nuk janë materiale, por emocionale, ata kërkojnë vëmendje të vazhdueshme, ngrohtësi dhe kuptim. Nëse i injoroni ose nuk u jepni hapësirë për të shprehur emocionet, mund të ofendohen dhe “zhduken” në botën e tyre të heshtjes dhe trishtimit. /Telegrafi/

The post Mendojnë se gjithçka duhet të jetë sipas tyre: Pesë shenjat më të ‘përkëdhelura’ të horoskopit appeared first on Telegrafi.

Trajneri i Manchester United, Ruben Amorim, ka vlerësuar karakterin dhe etikën e punës së sulmuesit të ri, Benjamin Sesko, pas zyrtarizimit të transferimit të tij nga RB Leipzig për shumën prej 74 milionë euro. 

Duke folur pas prezantimit të sulmuesit slloven si numri 9 i ri i skuadrës, Amorim u shpreh se 21-vjeçari ka ‘karakterin e duhur’ për të pasur sukses në Mançester, duke theksuar veçanërisht etikën e lartë të punës, cilësitë fizike dhe teknike që e bëjnë të përshtatshëm për Ligën Premier.

“Ai ka karakteristikat që kishim nevojë. Bazuar në të gjitha informacionet që kemi, duhet ta ndalojmë djalin së punuari, jo anasjelltas, dhe kjo është shumë e rëndësishme”. 

“Është shumë i ri. Është i fortë në duelet ajrore, i shpejtë në hapësira dhe shumë i mirë me topin. Mendoj se ka potencial të madh”. 

Lexo po ashtu Sesko zbulon arsyen e vërtetë pse e refuzoi Newcastle për t’u transferuar tek Man Utd

“Besoj se do të përmirësohet shumë dhe jam i sigurt se do të ndihet si në shtëpi në klubin tonë. Ka karakterin e duhur për këtë grup. Jemi vërtet të lumtur që e kemi transferuar”, ka thënë Amorim. 

Sesko, që konsiderohet si një nga sulmuesit më premtues në Evropë, do të ketë pak kohë për t’u përshtatur, pasi pritet të debutojë që në hapjen e sezonit ndaj Arsenalit më 17 gusht./Telegrafi/

The post Ruben Amorim zbulon arsyet pse Man Utd e transferoi Seskon appeared first on Telegrafi.

Modelja e njohur shqiptare, Arta Nitaj, ka munguar prej kohësh në rrjetet sociale, duke u tërhequr plotësisht nga jeta publike.

Arsyeja e kësaj pauze ka qenë shtatzënia dhe lindja e djalit të saj, një periudhë që Arta ka vendosur ta kalojë në privatësi, larg vëmendjes mediatike.

Së fundmi, një fotografi e saj ka filluar të qarkullojë në rrjetet sociale, duke ngjallur interesin e ndjekësve.

Në imazh, modelja shihet e buzëqeshur dhe në formë të shkëlqyer, duke dëshmuar se bukuria e saj karakteristike ka mbetur po ajo.

Ky paraqitje e rrallë publike ka rikthyer vëmendjen te Arta, e cila mbetet një nga emrat më të komentuar të showbiz-it shqiptar, edhe kur zgjedh të qëndrojë larg skenës. /Telegrafi/

The post Rikthim në publik: Arta Nitaj shfaqet për herë të parë pas lindjes së djalit appeared first on Telegrafi.

Presidenti francez Emmanuel Macron thotë se e ardhmja e Ukrainës nuk mund të vendoset pa ukrainasit, përpara samitit të Donald Trump me Vladimir Putin.

Çdo marrëveshje e rënë dakord nga të dy udhëheqësit në Alaska të premten pritet të përfshijë koncesione tokash, të cilat Volodymyr Zelensky i ka hedhur poshtë, shkruan skynews.

Macron dhe Zelensky zhvilluan një telefonatë më herët sot.

“E ardhmja e Ukrainës nuk mund të vendoset pa ukrainasit, të cilët kanë luftuar për lirinë dhe sigurinë e tyre për më shumë se tre vjet tani”, tha Macron.

“Evropianët gjithashtu domosdoshmërisht do të jenë pjesë e zgjidhjes, pasi siguria e tyre është në rrezik”, shtoi ai.

“Ne mbetemi të vendosur të mbështesim Ukrainën, duke punuar në frymën e unitetit.” /Telegrafi/

The post Macron: Trump dhe Putin nuk mund të vendosin të ardhmen e Ukrainës pa ukrainasit dhe Evropën appeared first on Telegrafi.

Zjarrfikësit po luftojnë me zjarret në të gjithë Evropën Jugore, ndërsa nxehtësia ekstreme ka përfshirë rajonin me temperatura rekord.

Në Francë, rreth 1,400 zjarrfikës u vendosën të shtunën në rajonin jugor të Aude të Francës për të parandaluar rindezjen e zjarrit më të madh të vendit në dekada, pasi të gjithë banorët u lejuan të ktheheshin në shtëpitë e tyre.

Prefekti i Aude, Christian Pouget, tha se zjarri është vënë nën kontroll që nga e enjtja, pasi dogji më shumë se 160 kilometra katrorë këtë javë në rajonin e pyllëzuar, i njohur për veraritë e tij.

“Të gjitha rrugët janë rihapur, por autoritetet lëshuan një ndalim të rreptë për hyrjen në pyll”, tha Pouget në një konferencë shtypi.

“Lufta po vazhdon, zjarrfikësit ende po punojnë”, shtoi ai.

Zjarri la një person të vdekur dhe 25 të plagosur, përfshirë 19 zjarrfikës.

Temperaturat e larta në ditët në vijim pritet të ndërlikojnë përpjekjet e zjarrfikësve, shkruan euronews.

“Zjarri nuk do të shuhet për disa javë”, tha Kolonel Christophe Magny, drejtor i departamentit të zjarrfikësve të Aude, duke treguar disa “pika të nxehta” që po monitorohen nga afër.

Agjencia kombëtare e motit e Francës Meteo France e vendosi gjysmën jugore të Francës nën alarm “vigjilencë të lartë” për valën e të nxehtit, me temperatura që priten në rajonin e Aude deri në 39 gradë Celsius të shtunën.

Zjarret vazhdojnë në Spanjë dhe Greqi

Zjarrfikësit vazhduan gjithashtu të luftonin një zjarr të egër aktiv në provincën Avila, në Spanjën qendrore-perëndimore.

Zjarri filloi të premten pasdite, me Njësinë Spanjolle të Emergjencave Ushtarake (UME) që punoi gjatë gjithë natës në përpjekje për ta vënë nën kontroll dhe për ta parandaluar atë të afrohet me rrugët dhe linjat e trenave.

Me temperaturat që arrijnë afër 39 gradë Celsiu në disa pjesë të Spanjës dhe Portugalisë, rreziku i zjarrit është jashtëzakonisht i lartë.

Periudha aktuale e temperaturave ekstreme pritet të vazhdojë të paktën deri të mërkurën e ardhshme, sipas shërbimit kombëtar të motit të Spanjës AEMET.

Në Greqi, një zjarr i madh që shpërtheu të premten pasdite në Keratea, rreth 40 kilometra në juglindje të Athinës, vazhdoi të përhapej në të gjithë Atikën lindore dhe jugore gjatë gjithë natës, duke shkaktuar dëme të konsiderueshme në shtëpi dhe duke marrë një jetë.

Autoritetet lëshuan urdhra evakuimi ndërsa flakët iu afruan zonave të banuara dhe zjarrfikësit luftuan me erëra të forta.

Të paktën 260 zjarrfikës, të mbështetur nga 77 automjete, po punonin për të kontrolluar flakët, me shumë vullnetarë dhe civilë që ndihmonin në zonat e prekura.

Zjarri në Turqi nën kontroll

Zjarret në rrethet qendrore të Çanakalasë dhe zonën e Bajramikut në Turqinë perëndimore janë vënë kryesisht nën kontroll, sipas Ministrit të Bujqësisë dhe Pylltarisë Ibrahim Yumakli.

Yumakli deklaroi se ekipet e zjarrfikësve punuan gjatë gjithë natës për të ndaluar përparimin e flakëve.

Ai konfirmoi se përhapja e zjarreve ishte ndalur.

Zjarri, i cili shpërtheu të premten pranë fshatit Yigitler dhe u përhap në një zonë pyjore për shkak të erërave të forta, kishte shkaktuar evakuime paraprake në fshatrat Sacakli, Ahmetceli, Doganca, Zeytinli dhe Pitirelli.

Një total prej 654 banorësh u zhvendosën në zona të sigurta.

Autoritetet raportuan se katër të dyshuar janë arrestuar si pjesë e hetimeve të vazhdueshme për shkakun e zjarreve.

Një normalitet i ri

Evropa Jugore ka parë disa zjarre të mëdha këtë verë.

Shkencëtarët paralajmërojnë se ndryshimi i klimës po përkeqëson frekuencën dhe intensitetin e nxehtësisë dhe thatësirës, duke e bërë rajonin më të prekshëm ndaj zjarreve në pyje.

Këtë javë, Organizata Botërore Meteorologjike e OKB-së (OBM) publikoi një raport që detajon ndikimin e nxehtësisë ekstreme në të gjithë botën.

Raporti tregoi se temperaturat ekstreme shkaktuan afërsisht 489,000 vdekje të lidhura me nxehtësinë çdo vit midis viteve 2000 dhe 2019, me 36% që ndodhën në Evropë.

Në këtë korrik rekord, Turqia regjistroi një maksimum të ri kombëtar prej 50.5 gradë Celsius.

Suedia dhe Finlanda gjithashtu përjetuan periudha jashtëzakonisht të gjata të temperaturave mbi 30 gradë Celsius.

OBM paralajmëron se vendet duhet të veprojnë më shpejt për t’u përshtatur me ndryshimet klimatike dhe për të kufizuar ngrohjen globale, në përputhje me Marrëveshjen e Parisit të vitit 2015.

“Nxehtësia ekstreme nganjëherë quhet vrasësi i heshtur, por me shkencën, të dhënat dhe teknologjitë e sotme, heshtja nuk është më një justifikim. Çdo vdekje nga nxehtësia ekstreme është e parandalueshme”, tha Zëvendëssekretarja e Përgjithshme e OBM-së, Ko Barrett.

Organizata vlerëson se përshkallëzimi i sistemeve të paralajmërimit për shëndetin nga nxehtësia vetëm në 57 vende mund të shpëtojë gati 100,000 jetë çdo vit.

“Kjo nuk është vetëm një çështje klimatike, është një emergjencë e shëndetit publik”, tha Joy Shumake-Guillemot, drejtuese e Programit të Përbashkët të OBSH-së për Klimën dhe Shëndetin dhe bashkëdrejtuese e Rrjetit Global të Informacionit për Shëndetin nga Nxehtësia (GHHIN). /Telegrafi/

The post Zjarret shpërthejnë në të gjithë Evropën Jugore mes temperaturave rekord appeared first on Telegrafi.

Vazhdon rritja e vazhdueshme e fluksit të udhëtarëve në pikën kufitare “Bllatë” në kufirin RMV-Shqipëri, pranë Dibrës.

Sipas autoriteteve kufitare shqiptare, vetëm dje janë regjistruar 7.468 udhëtarë, që është numri më i madh i regjistruar në një ditë.

“Për shkak të kulmit të sezonit turistik, fluksi i udhëtarëve po rritet çdo ditë. Pas fluksit rekord të djeshëm, sot presim një numër edhe më të madh pasagjerësh dhe automjetesh”, tha policia kufitare.

Ata shtuan se si policia ashtu edhe doganierët janë plotësisht të përgatitur për të garantuar një shërbim të shpejtë, mikpritës dhe me integritet të lartë për çdo qytetar dhe vizitor që hyn ose del nga territori shqiptar.

Nëpërmjet këtij pikëkalimi, i cili është katër kilometra larg qytetit të Dibrës, fundjavën e kaluar, 2 dhe 3 gusht, sipas Ministrisë së Punëve të Brendshme të Maqedonisë, kanë kaluar gjithsej 13.603 pasagjerë, nga të cilët 4.562 ishin shtetas të RMV-së dhe 9.041 ishin shtetas të huaj.

Në gjysmën e parë të këtij viti, është regjistruar një frekuencë historikisht rekord që nga hapja e kalimit në vitin 1992. Kështu, për gjashtë muaj kanë kaluar 574.737 udhëtarë, që është 55 për qind më shumë krahasuar me të njëjtën periudhë të vitit të kaluar, kur u regjistruan 370.827 udhëtarë.

The post Rritet fluksi i udhëtarëve në “Bllatë” – Dibër, vetëm dje kaluan mbi 7.4 mijë udhëtarë appeared first on Telegrafi.

Benjamin Sesko ka folur për herë të parë pasi e refuzoi Newcastle për t’u bashkuar me Manchester United. 

Gjatë javëve të fundit, Newcastle dhe United kanë qenë në garë për nënshkrimin e Seskos. 

Pavarësisht që Newcastle kishte bërë një ofertë më të lartë dhe ajo u pranua nga RB Leipzig, ‘Laraskat’ duhej të pranonin disfatën, pasi slloveni vendosi të nënshkruante me United. 

Të shtunën, transferimi u zyrtarizua nga ‘Djajtë e Kuq’, me Seskon që nënshkroi kontratë deri në verën e vitit 2030. 

Gjatë intervistës së tij të parë me klubin e ri, 22-vjeçari shpjegoi arsyet pse vendosi të bashkohej me United. 

“Historia e Manchester United është padyshim shumë e veçantë, por ajo që më emocionon vërtet është e ardhmja”. 

“Kur diskutuam për projektin, ishte e qartë që gjithçka është në vend për t’i dhënë kësaj skuadre mundësinë të rritet dhe të luftojë përsëri për trofetë më të mëdhenj”. 

Lexo po ashtu Sesko ka bërë një sakrificë të madhe që ta realizojë transferimin tek Man Utd

“Që në momentin që mbërrita, ndjeva energjinë pozitive dhe ambientin familjar që klubi ka krijuar”.  

“Është qartë vendi i përsosur për të arritur nivelin maksimal dhe për të përmbushur të gjitha ambiciet e mia”. 

Nuk mund të pres të filloj të mësoj nga Ruben (Amorim) dhe të krijoj lidhje me shokët e skuadrës për të arritur suksesin që të gjithë e dimë se jemi të aftë ta arrijmë së bashku”, ka thënë Sesko./Telegrafi/

The post Sesko zbulon arsyen e vërtetë pse e refuzoi Newcastle për t’u transferuar tek Man Utd appeared first on Telegrafi.

Newcastle United dhe Milani thuhet se kanë arritur një marrëveshje verbale për transferimin e mbrojtësit Malick Thiaw në një marrëveshje me vlerë rreth 40 milionë euro.

Sipas Fabrizio Romanos, të dy klubet aktualisht po shkëmbejnë dokumentet e nevojshme për të finalizuar transferimin.

24-vjeçari gjerman ka rënë dakord për kushtet personale me Newcastle dhe një ekzaminim mjekësor pritet të zhvillohet së shpejti.

Thiaw, i cili u bashkua me Milanin nga Schalke në vitin 2022, ka treguar performanca të forta në San Siro, por trajneri Massimiliano Allegri ngurroi ta lejonte të largohej për më pak se 40 milionë euro.

Mbrojtja e Newcastle ka qenë nën presion për shkak të lëndimeve të Sven Botman dhe plakjes së mbrojtësve të tjerë qendrorë, duke e bërë Thiaw një objektiv kyç për të forcuar linjën e prapavijës përpara sezonit të ri.

Nëse marrëveshja finalizohet, ky transferim do t’i japë Newcastle një shtytje të rëndësishme në mbrojtje ndërsa përgatiten për sezonin e ardhshëm. /Telegrafi/

Malick Thiaw to Newcastle, here we go! New centre back for Eddie Howe.

Agreement in place for €40m package, add-ons included. AC Milan verbally accepted the proposal.

Deal at the final stages as reported earlier and now done. Thiaw only wanted #NUFC. Medical soon. pic.twitter.com/baJRDdlWov

— Fabrizio Romano (@FabrizioRomano) August 9, 2025

The post E kryer, Malick Thiaw po i bashkohet Newcastle United appeared first on Telegrafi.

Një zjarr i madh ka përfshirë pasditen e sotme fshatin Sllovi të Lipjanit, duke rrezikuar banesat në zonë.

Ekipet e zjarrfikësve janë në terren dhe po punojnë për shuarjen e flakëve, si dhe për parandalimin e përhapjes së tyre në drejtim të shtëpive.

Tymi i dendur është parë nga disa kilometra larg, ndërsa autoritetet ende nuk kanë dhënë detaje mbi shkakun e zjarrit apo dëmet e mundshme.

Ndryshe, gjatë ditës së sotme, në Kosovë janë regjistruar gjithsej 23 vatra zjarri, nga të cilat 11 janë ende aktive, ndërsa 12 janë lokalizuar dhe janë nën kontroll.

Sipas raportit të fundit nga Qendrat Operative 112 dhe Qendra Operative e Agjencisë, situata po menaxhohet në mënyrë të koordinuar me Njësitë Profesionale të Zjarrfikjes dhe Shpëtimit, të cilët janë angazhuar intensivisht për të lokalizuar dhe shuar zjarret.

Agjencia ka apeluar për kujdes të shtuar nga qytetarët, duke i ftuar ata të shmangin çdo veprim që mund të shkaktojë zjarre dhe të raportojnë menjëherë çdo vatër të dyshuar në numrat emergjentë 112, 193, 192.

“Të gjithë qytetarët janë ftuar të tregojnë kujdes të shtuar dhe të ndërmarrin masa parandaluese për të shmangur shpërthimin e zjarreve. Çdo vatër zjarri duhet raportuar menjëherë në numrat 112, 193, 192”, thuhet tutje në njoftimin e tyre./Telegrafi/

The post Zjarr i madh në Sllovi të Lipjanit, rrezikohen shtëpitë appeared first on Telegrafi.

Luana Vjollca ka marrë vëmendje me publikimin e një seti të ri fotografik, ku shfaqet më e magjishme se kurrë.

Moderatorja dhe këngëtarja, e njohur për stilin e saj unik dhe prezencën karizmatike, këtë herë ka pozuar mbi një makinë klasike ngjyrë të kuqe, duke kombinuar atmosferën retro me një sens modern të modës.

E veshur me një kostum ngjyrë kafe nga koleksioni i saj LULU, Luana ka theksuar linjat e saj elegante, ndërsa syzet e mëdha dielli dhe flokët biondë me onde të buta i japin pamjes një prekje glamuroze.

Detajet e fotografisë, nga tonalitetet e ngrohta te korniza e makinës klasike, e bëjnë setin të duket si një skenë nga një film luksoz.

Përmes mbishkrimit, Luana fton ndjekësit të bëhen pjesë e këtij kapitulli të veçantë të markës së saj.

Fotografitë e Luanës kanë marrë shumë pëlqime dhe komente. /Telegrafi/

The post Luana Vjollca sjell elegancë dhe sensualitet në setin e ri fotografik appeared first on Telegrafi.

Shtetasja e Maqedonisë së Veriut me inicialet S.G. (80) nga rajoni i Manastirit ndërroi jetë në plazhin e Snën Stefanit në Mal të Zi, pasi iu përkeqësua gjendja shëndetësore teksa notonte në det.

Lajmin e ka konfirmuar policia e Budvës për gazetën “Vijesti”, e cila ka kryer hetime në vendngjarje dhe ka njoftuar Prokurorinë e Lartë Shtetërore për rastin.

Sipas informatave të publikuara, turistja ishte në plazh së bashku me familjen e saj dhe u ndje keq teksa po notonte në ujërat e cekëta.

Ekipi i ndihmës së shpejtë mbërriti në vendngjarje, por përpjekjet për reanimim ishin të pasuksesshme. Sipas informacioneve, gruaja kishte qenë paciente me probleme të zemrës prej shumë vitesh.

The post Humb jetën në Shën Stefan shtetasja nga Maqedonia appeared first on Telegrafi.

Real Madrid është një nga pak klubet kryesore evropiane që deri më tani nuk kanë shitur direkt lojtarë në ligën e pasur arabe. 

Ndërsa Karim Benzema dhe Nacho Fernandez u transferuan në Lindjen e Mesme nga Real Madrid, ata e bënë këtë si lojtarë të lirë, pasi u përfunduan kontratat e tyre në ‘Santiago Bernabeu’. 

Megjithatë, klubet saudite vazhdojnë të tregojnë interes për lojtarët e Real Madridit. 

Vinicius Jr. mbetet shumë i vëzhguar nga ata për të ardhmen, por tani dy yje të tjerë kanë dalë si objektiva të mundshëm. 

Lexo po ashtu Lojtari më pak i paguar tek Real Madridi – ai fiton nëntë herë më pak se Mbappe

Sipas MARCA, dy lojtarë që nuk janë titullarë të rregullt në Real Madrid, David Alaba dhe Dani Ceballos, kanë tërhequr interes nga klubet arabe. 

Të dy lojtarët kanë qenë më parë në shënjestër të këtij vendi, por deri tani nuk kanë marrë seriozisht ofertat. 

Sipas raportit, Arabia Saudite nuk është destinacioni i preferuar i asnjërit prej tyre këtë verë. 

Alaba është i vendosur të përfundojë vitin e fundit të kontratës së tij me Real Madrid dhe nuk ka shfaqur dëshirë për të ndryshuar mendje, pavarësisht mundësisë për minutazh minimal. 

Ndërkohë, Ceballos duket se është i gatshëm të largohet nga Real Madrid vetëm për t’u rikthyer te klubi i tij i mëparshëm, Real Betis./Telegrafi/

The post Dy yjet e Real Madridit futen në shenjestrën e Arabisë Saudite appeared first on Telegrafi.

Deputetët e Kuvendit të Kosovës do të rikthehen në ulëset e tyre për të vijuar me seancën konstituive vetëm pasi aktgjykimi i plotë i Gjykatës Kushtetuese të publikohet zyrtarisht në faqen e saj.

Kanë kaluar tashmë dy javë që nga ndërprerja e përpjekjeve për konstituimin e legjislativit të nëntë, pas masës së përkohshëm të Kushtetueses, e cila ndalonte çdo veprim parlamentar në këtë drejtim deri më 8 gusht.

Sipas vendimit të fundit të shpallur më 8 gusht, deputetët tani kanë në dispozicion 30 ditë për të përmbyllur procesin e konstituimit. Gjatë kësaj periudhe, kryesuesi i seancës ka të drejtë të thërrasë mbledhje të Kuvendit çdo 48 orë, apo edhe më shpesh në përpjekje për të zgjedhur kryetarin dhe nënkryetarët e Kuvendit, si parakusht për funksionalizimin e tij dhe votimi do të jetë në mënyrë të hapur.

Njohësi i çështjeve kushtetuese, Mazllum Baraliu thotë se afati i ri për konstituimin e Kuvendit fillon vetëm pasi të jenë përmbushur tri kushte: publikimi i Aktgjykimit të plotë të Gjykatës Kushtetuese, shpallja e tij në Fletoren Zyrtare dhe përfundimi i afatit të masës së përkohshme. Ai beson se vazhdimi i seancës së re, e pesëdhjetë e pesta, do të thirret shumë shpejt.

Baraliu thekson se që nga momenti i hyrjes në fuqi të aktgjykimit, fillon të rrjedhë afati 30-ditor i përcaktuar nga Kushtetuesja, brenda të cilit mund të thirren seanca çdo 48 orë ose edhe më shpesh, në varësi të rrethanave dhe mundësive teknike.

Sipas Baraliut, juridikisht është thelbësore që vendimi të shpallet në mënyrë zyrtare, pasi masa e përkohshme mbetet në fuqi derisa kjo të ndodhë.

Profesori universitar, Mazllum Baraliu vlerëson si urgjente publikimin sa më të shpejtë të vendimit në Fletoren Zyrtare.

“Pikërisht atëherë kur publikohet aktgjykimi i plotë, kur shpallet në fletoren zyrtare dhe kur kalon afati i masës të përkohshme zyrtare, kur të përmbushen këto kushte, atëherë fillon rrjedhë afati i ri prej 30 ditësh. Dhe brenda atij afati mund të vazhdojnë aktivitetet e tyre për vendime dhe veprime anëtarët e kuvendit, gjegjësisht deputetët…Varet prej rrethanave dhe mundësive teknike. Përndryshe, ajo çka është me rëndësi juridike është që vendimi duhet të shpallen në fletoren zyrtare. Gjykata Kushtetuese ka thënë që masa e përkohshme ende vazhdon, derisa nuk shpallet. Rrjedhimisht, kjo nënkupton që pasi të shpallet në faqen zyrtare vendimi hyn në fuqi dhe mund të zbatohet, rrjedhimisht fillon edhe afati përkatës prej 30 ditësh të tjera të cilin e ka caktuar me aktgjykim kjo gjykatë kushtetuese. Në atë afat fillojnë të rrjedhin edhe afatet 48-orëshe. Brenda tyre munden edhe tri orë, dy orë, çdo pesë minuta, mund të bëjnë ata episode deputetët të seancës konstituive dhe të vazhdojnë ta konsistojnë kuvendin…Besoj që shumë shpejt del vendimi në Fletoren Zyrtare, sepse është shumë emergjente kjo punë, duhet të bëhet shpejt”, tha Baraliu për KosovaPress.

Krahas kësaj, njohësi i çështjeve politike, Shemsi Jashari, thekson se veprimet e para të partisë fituese, Lëvizjes Vetëvendosje, tregojnë mungesë gatishmërie për të zbatuar vendimin e Gjykatës Kushtetuese. Siç thotë ai, LVV-ja duhet të reflektojë patjetër, veçanërisht pas këtij vendimi.

“Gjykata me këtë vendim që nxori në pika të shkurtra tregoi se cila është rruga e ditur për të konstituuar Kuvendin. Mendoj që asnjëra prej subjekteve politike, me theks të veçantë LVV-ja, nëse nuk e ka për qëllim rrënimin e këtij sistemi demokratik që e kemi dhe nëse nuk e ka për qëllim dëmtimin e shtetit të Kosovës, do të duhej patjetër që të reflektonte pas publikimit të aktgjykimit. Dhe këtë 30 ditshin e afatit të ripërsëritur tashmë për të tretën herë, do të duhej ta shfrytëzonte për të krijuar institucionet dhe për të ecur tutje. Ka qenë shqetësuese reagimi i djeshëm i tyre në kor, i asaj pjesës së propagandës së tyre, por edhe qëndrimi zyrtar i LVV-së ku atakon Gjykatën Kushtetuese dhe shpreh mospajtim me vendimin që e ka nxjerrë”, thotë Jashari.

Jashari potencon se reagimet e para të LVV-së pas shpalljes së vendimit të Gjykatës Kushtetuese janë skeptike, ndërsa mbetet të shihet se si do të zhvillohet situata në lidhje me aktgjykimin.

“Nëse i shohim reagimet fillestare, duket se LVV-ja nuk është e gatshme ta zbatojë diçka që është mandatare e që vjen me aktgjykim të Gjykatës Kushtetuese, përfillja e procedurave për konstituimin e kuvendit ose hapja rrugë për konstituimin e kuvendit pa pjesëmarrjen e tyre. Reagimet fillestare janë skeptike, megjithëse do të ri-konfirmohej përsëri se LVV-ja nuk e njeh këtë sistem juridik dhe duket sikur ky sistem demokracie nuk i bie ‘tamam’ atyre për faktin që vazhdimisht e sulmojnë sistemin e drejtësisë sa herë që atyre nuk iu konvenon… Mbetet për të parë se si do të sillet situata rreth vendimit të aktgjykimit. Por, reagimet e para nga LVV-ja tashmë është bërë e zakonshme që të jenë zhgënjyese”, tha Jashari.

Ndërkaq, avokati Ardian Bajraktari konsideron se e dispozitivi i fundit i Aktgjykimit të Kushtetueses, i publikuar më 8 gusht, është shumë më i qartë se ai paraprak.

Sipas tij, në këtë aktgjykim sqarohet se kryesuesi teknik ka ndërmarrë veprime në kundërshtim me Kushtetutën dhe Rregulloren e punës së Kuvendit. Për tejkalimin e kësaj situate, Bajraktari kërkon reflektim nga subjekti politik fitues.

“Dispozitivi i aktgjykimit të Gjykatës Kushtetuese i publikuar dje është shumë më i qartë sesa ai paraprak dhe përmes këtij qartësohet fakti se kryesuesi teknik ka ndërmarrë veprime në shpërputhje me aktgjykimin me kushtetutën dhe rregulloren e punës së kuvendit. Për tejkalimin e kësaj situate kërkohet reflektim në të fazë të procesit, para së gjithash, nga subjekti politik fitues. Për më tepër, po ashtu, qartësohet se e drejta e subjektit politik fitues për t’u propozuar kandidati nuk është absolute, por ka kufizime”, thotë Bajraktari.

Bajraktari thekson se aktgjykimet e Gjykatës Kushtetuese janë të detyrueshme për t’u zbatuar. Ai shton se, edhe pse mund të ketë diskutime mbi përmbajtjen e aktgjykimeve, në fund të fundit ato duhet të respektohen dhe zbatohen.

“Sa i përket çështjes se a do të zbatohet ose jo vendimi. Natyrisht, aktgjykimet e Gjykatës Kushtetuese janë të detyrueshme që të zbatohen nga ana e akterëve, të cilët iu adresohet. Diskutimet mund të bëhen përkitazi me aktgjykimet, por në instancë të fundit ato duhet të zbatohen pasi është jashtëzakonisht shqetësuese mos zbatimi eventual i aktgjykimeve të Gjykatës Kushtetuese”, tha Bajraktari.

Gjykata Kushtetuese tha të premten, më 8 gusht, se deputetët duhet të zgjedhin kryetarin e Kuvendit përmes votimit të hapur. Po ashtu, gjykata vendosi që një kandidaturë për kryeparlamentar të votohet vetëm tri herë dhe se konstituimi i legjislaturës së nëntë duhet të përmbyllet brenda 30-ditësh.

Në vendimin e publikuar, Kushtetuesja tha se deputetët e zgjedhur të Kuvendit të Kosovës nuk e kanë zbatuar Aktgjykimin e 26 qershorit 2025 dhe rrjedhimisht të gjitha seancat e mbajtura nga data 27 qershor deri më 26 korrik 2025 shpallen të pavlefshme.

Sipas vendimit, të gjithë deputetët duhet të jenë të pranishëm dhe të votojnë gjatë procedurës së zgjedhjes së kryetarit dhe nënkryetarëve të Kuvendit.

The post Kur do të thirret seanca e radhës konstituive – këto janë kushtet që duhet përmbushur appeared first on Telegrafi.

Shqipëria po shndërrohet në një destinacion të ri dhe të preferuar për çiftet e huaja që duan të kurorëzojnë dashurinë në mënyrë të veçantë.

Nga bregdeti magjepsës i jugut, deri te kalatë mesjetare e fshatrat piktoreske, vendi ofron një sfond unik për dasma që kombinojnë natyrën, historinë dhe mikpritjen tradicionale.

Arkitektja Juliana Osmënaj, e cila prej shumë vitesh merret me organizimin e këtyre eventeve thotë se prej më shumë se katër vitesh, Shqipëria është futur në hartën e “weddings destination”.

“Rasti na ka çuar me çiftet e përziera, pra kur njëri nga bashkëshortët ishte i huaj dhe duke parë këtë kënaqësinë që kur të huajt vinin këtu kishin edhe me zakonet tona të damave, lindi ideja që ta reklamonim si një ‘destination weddings’. Duke parë kërkesën që pati, avash-avash shkoi në projekte konkrete dhe tani mund të them që është trefishuar si kërkesa ashtu edhe konkretizimi i këtyre dasmave”.

Sipas Osmënajt, çiftet e huaja që zgjedhin Shqipërinë si vend për t’u martuar janë kryesisht nga Europa Veriore.

“Gjermani, Angli, vendet nordike, madje edhe nga Australia e Largët kemi pasur kërkesa. Normalisht duke qenë se është një dasmë me destinacion, vetë ata i ftojnë miqtë e tyre, por jo të gjithë janë në gjendje që të vijnë. Në përgjithësi variojnë në 50 persona, ka edhe me 30, ka edhe 80, më të rralla janë në 100”./Tv Klan

The post Jo vetëm për turizëm, Shqipëria po bëhet destinacion edhe për dasma appeared first on Telegrafi.