TIRANË, 20 korrik /ATSH/ Në çdo cep të Malësisë së Madhe gjenden gjurmë të një historie të thellë, natyrë e paprekur dhe mikpritje që të mbetet në mendje. Në zemër të kësaj zone ndodhet Kelmendi, një destinacion që nuk njeh kufij sezonalë dhe që dita-ditës po shndërrohet në një pikë referimi për turizmin malor në Shqipëri.

I rrethuar nga fshatra me arkitekturë alpine dhe histori shekullore, Kelmendi të fton në një udhëtim të paharruar, ku çdo vizitë është një përjetim unik. Ushqimet tradicionale, mikpritja e ngrohtë e banorëve, peizazhet e egra dhe të paprekura, e kanë kthyer këtë zonë në një perlë turistike.

Kryeministri Edi Rama ndau sot në rrjetet sociale pamje nga Kelmendi, duke e cilësuar atë vend si “magjik”.

Zona ofron një potencial të jashtëzakonshëm për turizëm të shumëllojshëm. Ecje në shtigje të pashkelura, eksplorim i shpellave të lashta, lundrim me kajak në lumin e kthjellët të Cemit, apo kalërim përmes peizazheve të egra, të gjitha janë përvoja që të lidhin me natyrën.

Një nga pasuritë më të veçanta të Malësisë së Madhe janë shpellat, që jo vetëm mahnitin me format e tyre natyrore, por edhe zbulojnë të dhëna të rëndësishme për jetën e hershme njerëzore. Shpellat më të njohura ndodhen në Kelmend, Shkrel, Kastrat dhe Gruemirë, dhe janë një thesar për eksploruesit dhe studiuesit.

Qoftë verë apo dimër, Kelmendi mbetet një destinacion për këdo që kërkon turizmin malor, larg zhurmës, pranë natyrës, historisë dhe shpirtit të saj malësor.

/r.e/

The post Kelmendi, thesari magjik i Malësisë së Madhe, Rama ndan pamje appeared first on Agjencia Telegrafike Shqiptare.

TIRANË, 15 korrik/ATSH/ Qyteti i Beratit me historinë dhe arkitekturën e veçantë edhe këtë sezon turistik është i mbushur me vizitorë vendas e të huaj.

Kryeministri Edi Rama, në kuadër të rubrikës “Shqipëria e bukur”, ndau sot pamje nga mbrëmja në Berat.

Për turistët ndër atraksionet më të vizituara janë Kalaja, lagjet muzeale “Goricë” dhe “Mangalem”, si dhe Kanionet e Osumit, kantinat e qytetit, muzeu “Onufri”, ai Etnografik etj.

Arkitektura e rrallë e këtij qyteti dhe trashëgimia që mbart, e bëjnë atë vërtetë të rrallë dhe interesant për turistët e huaj.

Sipas shifrave të Drejtorisë së Turizmit dhe Aktiviteteve në bashkinë e Beratit, gjatë periudhës janar-maj 2025 qyteti ka pritur rreth 370 mijë turistë, një rritje e dukshme prej 15% krahasuar me të njëjtën periudhë të vitit të kaluar.

Berati u shpall zyrtarisht qytet-muze më 1961, me pasuri të konsiderueshme monumentesh dhe me vlera të larmishme, të cilat përbëjnë një dëshmi të trashëgimisë kulturore, historike e artistike, të jetës e të punës, të realizuara mjeshtërisht brez pas brezi nga banorët e tij. Nga zonifikimi dhe nga përcaktimi i kategorisë së monumenteve qyteti ndahet në tri zona: zona muze, zona e mbrojtur dhe zona e lirë.

Sot Berati trashëgon 210 objekte muzeale, nga të cilat 150 janë objekte në këmbë. Prej tyre 60 janë monumente të kategorisë së parë dhe të tjerat të kategorisë së dytë.

/k.s//r.e//a.f/

The post Rama ndan pamje nga mbrëmja në Berat: Shqipëria e bukur appeared first on Agjencia Telegrafike Shqiptare.

Liqeni i Shkodrës ofron mundësi argëtimi dhe kënaqësie për të gjithë ata që dëshirojnë të shijojnë turizmin aktiv.

Një ndër itineraret më të vizituara të këtij liqeni është ai në pjesën lindore, ku ndodhen edhe zambakët.

Kryeministri Edi Rama ndau sot në rrjetet sociale pamje nga kjo pjesë e liqenit, që për turistët që e vizitojnë mbetet një eksperiencë unike.

“Pamje magjepsëse nga Liqeni i Zambakëve në Shkodër”, shkruan Rama.

Duke qenë se Liqeni i Shkodrës është zonë e mbrojtur, është habitati i disa shpendëve, por edhe i zambakut të bardhë dhe të verdhë, të cilët ndodhen në pjesën lindore të liqenit.

Zambaku si i bardhë ashtu dhe i verdhë shtrihen në një pjesë të konsiderueshme në pjesën lindore të liqenit. E veçantë e këtyre zambakëve është se ata ndryshojnë nga njëri-tjetri, si nga forma, ngjyra gjethja dhe madhësia.

Por e rëndësishme është se zambaku i bardhë është habitati kryesor ku folezon dallëndyshja faqebardhë (Chlidonias hybrida), e vetmja familje e këtij shpendi që folezon në Liqenin e Shkodrës.

Liqeni i Shkodrës është liqeni më i madhi në Gadishullin e Ballkanit dhe shtrihet në kufirin ndërmjet Shqipërisë dhe Malit të Zi. Fauna e liqenit është e shumëllojshme dhe e pasur me 45 lloje peshqish e 270 lloje shpendësh. Këto shpendë përbëjnë 87% të gjithë Ornitofaunës të Shqipërisë. Një perlë e kësaj pasurie është pa dyshim pelikani, zogu më i madh në Europë. Pika më e thellë e liqenit është rreth 45 metra. Në skajin juglindor shtrihet qyteti i Shkodrës, nga i cili ka marrë edhe emrin.

TIRANË, 2 korrik /ATSH/ Durrësi ka pasuri nënujore, e cila përbën një vlerë të shtuar për qytetin e cila mund të inkurajojë akoma më shumë zhvillimin e turizmit arkeologjik.

Durrësi, që në antikitet ka qenë port i rëndësishëm i Adriatikut, si dhe një kantier i madh i ndërtimit të anijeve. Arkeologjia e tokës, në këtë qytet të lashtë, ndërthuret me arkeologjinë e nënujit.

Kryeministri Edi Rama ka ndarë sot në rrjetet sociale pamje nga ky park, ndërsa shkruan “Parku Arkeologjik Nënujor i Durrësit, ku çdo amforë rrëfen e çdo valë mbart një kujtim të lashtë”.

Bukuritë e Durrësit shtrihen jo vetëm në tokë, në Parkun Arkeologjik, por edhe nën ujë, ku fshihen artefakte të ndryshme që mund të shihen nga zhytësit.

Nga Dyrrahu antik janë gjetur ndër vite fragmente amforash, mbetje anijesh të mbytura, objekte tregtare dhe urbane. Ekspedita shqiptare të organizuara janë zhvilluar që në vitet 1970-1980.

Hidroarkeologjia është një disiplinë relativisht e re shkencore që lindi në fillim të shekullit XX, megjithëse interesi për objektet e mbytura në det ka ekzistuar që në kohët antike. Arkeologjia e nënujit për shumë zhytës të detit Mesdhe e të brigjeve të tij është më tepër se një pasion. Copat e statujave, kapitelet apo enët e ndryshme rrëfejnë për jetën e zhvilluar në këto brigje mijëra vjet më parë

/e.i/j.p/

The post Rama: Parku arkeologjik nënujor i Durrësit, ku çdo amorfë rrëfen appeared first on Agjencia Telegrafike Shqiptare.

Këtë të mërkurë, në një postim në llogarinë e tij personale në “Facebook”, kryeministri Edi Rama, ka ndarë pamje nga Parku Arkeologjik Nënujor i Durrësit, një prej pasurive kulturore më të veçanta të vendit.

Kreu i qeverisë, ka shprehur vlerësimin për këtë trashëgimi të lashtë që ruhet nën ujërat e Adriatikut.

“Mirëmëngjes dhe me këto pamje nga Parku Arkeologjik Nënujor i Durrësit, ku çdo amforë rrëfen e çdo valë mbart një kujtim të lashtë, ju uroj një ditë të mbarë”, shkruan Rama.

Pamjet e publikuara nga kryeministri, vijnë në një periudhë kur qeveria po synon të promovojë më tej turizmin kulturor dhe arkeologjik, si pjesë e strategjisë për zhvillimin e qëndrueshëm të sektorit.

The post Kryeminstri Rama publikon pamje nga Parku Arkeologjik Nënujor i Durrësit: Çdo amforë rrëfen një kujtim të lashtë (VIDEO) appeared first on Albeu.com.

TIRANË, 27 qershor /ATSH/ Kryeministri Edi Rama ka publikuar sot në rrjetet sociale pamje nga malësitë e Tepelenës, duke i cilësuar si fantastike.

“Pamjet fantastike nga malësitë e Tepelenës”, shprehet kryeministri në postimin e tij, i cili shoqërohet me një video që pasqyron bukuritë natyrore të zonës.

Malësitë e Tepelenës janë ndër zonat më të bukura malore të jugut të vendit, të njohura për peizazhet piktoreske dhe potencialin e lartë turistik.

Tepelena ndodhet në krahinën e Dervenit, në jug të Shqipërisë. Ky qytet përshkohet tej për tej nga lumi Vjosa dhe kufizohet në pjesën verilindore me malin e Shëndëllisë, në pjesën qendrore me malet e zonës së Kurveleshit, ndërsa më në jug me malin e Golikut, grykën e Mezhgoranit, që ndan si me thikë vargmalet Shendëlli – Lunxhëri – Bureto dhe Trebeshinë – Dhembel – Nemërçkë. Lumi i Vjosës, nga më të mëdhenjtë e Shqipërisë, me degën e tij Drinos krijojnë një peizazh madhështor të preferuar nga turistë të huaj dhe vendas.

Ky qytet është në një pozicion strategjik e spektakolar me muret e saj kapur në anët shkëmbore, kurorëzuar nga kalaja e Ali Pashë Tepelenës. Përtej këtij qyteti të vogël, por historikisht interesant, gjenden fshatra me histori ashtu sikurse edhe malësia e Kurveleshit, përgjatë një rruge malore të pyllëzuar, ku mund të shihni edhe ujësjellësin e Aliut në Bënçë.

Tepelena është një vendbanim i hershëm, që lidhet me ndërtimin e një kështjelle në shek. VII, të ngritur në këtë pikë strategjike në kryqëzimin e rrugëve të Vjosës, grykës së Këlcyrës, Drinosit dhe Mallakastrës.. Në vitin 1789, qyteti u udhëhoq nga Ali Pashë Tepelena, i cili ngriti sarajet e tij, të cilët mbeten një nga atraksionet më të vizituara të këtij qyteti.

Uji i Ftohtë në Tepelenë, nuk është vetëm një destinacion turistik, që të drejton drejt jugut të Shqipërisë, po edhe një aset i traditës, i cili vijon të ngjallë kureshtje për adhuruesit e natyrës dhe turistët.

Kultura e Tepelenës është mbresëlënëse pasi ajo përmbledh të gjitha trevat që gjenden në të djathtë të luginës së lumit Vjosa dhe krahinën e Labërisë.

Turistë vendas e të huaj kanë zgjedhur Tepelenën gjithnjë e më shumë si destinacionin e tyre turistik. Atraksionet janë: Lumi i fundit i egër i Europës, mbretëresha e lumenjve Vjosa; Kalaja e Ali Pashë Tepelenës; Ujësjellësi i Aliut në Bënçë; Uji i Ftohtë; Kanionet dhe Ujëvara e Nivicës; Vende të shenjta si xhami, kisha dhe teqe.

/a.f//r.e/

The post Rama ndan pamjet fantastike nga malësitë e Tepelenës appeared first on Agjencia Telegrafike Shqiptare.

Imazhet e reja satelitore tregojnë pasojat e sulmeve të mbrëmshme amerikane në impiantin nëntokësor të pasurimit bërthamor të Iranit në Fordo.

Imazhet me rezolucion të lartë nga Maxar Technologies të marra më 22 qershor tregojnë gjashtë kratere të reja – me shumë mundësi pikat e hyrjes për municionet amerikane – si dhe pluhur gri dhe mbeturina të shpërndara poshtë shpatit të malit të shkaktuara nga sulmet ajrore.

Analisti i lartë i imazheve në Shërbimet e Inteligjencës McKenzie, Stu Ray, i tha BBC Verify: “Nuk do të shihni një efekt të madh shpërthimi në pikën e hyrjes pasi nuk është projektuar për të shpërthyer në momentin e hyrjes, por më thellë në objekt”. Ai shtoi se duket sikur tre municione të ndara janë hedhur në dy pika të ndara impakti dhe se ngjyrosja gri në tokë duket se tregon mbeturina betoni të hedhura në erë nga shpërthimet.

Ray tha gjithashtu se hyrjet e tunelit duket se janë bllokuar. Meqenëse nuk ka kratere të dukshme ose pika impakti pranë tyre, ai sugjeron se kjo mund të ketë qenë një përpjekje iraniane për të “zbutur ndikimin ndaj shënjestrimit të qëllimshëm të hyrjeve nga bombardimet ajrore”.

Nuk është e sigurt se sa dëme i kanë shkaktuar sulmet vetë centralit bërthamor. Në ditët para sulmit, duket se Irani ka ndërmarrë veprime për t’i parashikuar ato.

The post Ja si bombardimet amerikane shkaktuan kratere të reja në centralin bërthamor iranian (Foto) appeared first on Sot News | Lajme.

Videot dhe imazhet e para të bombardimeve të Iranit nga Shtetet e Bashkuara janë publikuar, ku kanë filluar të publikohen edhe në mediat sociale, ndërsa shqetësimet për përshkallëzimin e situatës në Lindjen e Mesme.

Videot tregojnë shpërthime në vende strategjike të objekteve bërthamore të Iranit, siç është Fordow.

Kompleksi tepër sekret dhe i ruajtur me kujdes, i vendosur pranë qytetit të shenjtë të Qomit, ka qenë një objektiv për Izraelin, pasi besohej të ishte “çelësi” për pasurimin e uraniumit në një nivel që do t’i mundësonte Teheranit të zhvillonte armë bërthamore.

Megjithatë, deri më tani, organet ndërkombëtare, si dhe Drejtoresha e Inteligjencës Kombëtare të SHBA-së, Tulsi Gabbard, kanë deklaruar se nuk ka prova që Irani po ndërton armë bërthamore.

Around 2 AM IST last night, American B2 bombers, escorted by F-35 fighter jets, launched strikes on Iran’s nuclear facilities in Fordow, Natanz, and Isfahan.

The bunker-buster bombs used in this operation, has the capability to penetrate deep beneath mountains or land mass. pic.twitter.com/GAiPIKfNV7

— Dilip Ghosh (Modi Ka Parivar) (@DilipGhoshBJP) June 22, 2025

The post Publikohen pamjet e para të sulmit amerikan ndaj centraleve bërthamore të Iranit (VIDEO) appeared first on Albeu.com.

Kryeministri i vendit, Edi Rama publikoi në rrjetet sociale pamje nga peizazhi i rrugës bregdetare të Qeparosë, të cilën e përshkroi si “një perlë e Rivierës Shqiptare”.

“Dhe me këtë peizazh të rrugës bregdetare të Qeparosë, një perlë e Rivierës Shqiptare, ju uroj një të diel të paqtë”, shkroi Rama.

Qeparoi konsiderohet nga fshatrat më të vjetër të bregdetit shqiptar dhe ofron dëshmi të jetës dhe kulturës së banorëve vendas, ndër shekuj.

I ndarë midis një fshati të lashtë në majë kodre dhe një vendbanimi më të ri buzë plazhit, Qeparoi ofron destinacionin më të mirë turistik për vizitorët.

Fshati i sipërm ruan shtëpi tradicionale prej guri dhe ullishte, ku familjet kanë jetuar për breza me radhë. Qendra historike e këtij fshati përfshin disa monumente kulture të shpallura, mes tyre banesa tradicionale dhe objekte fetare.

Ndërsa pjesa e poshtme ofron akses në plazh me shëtitoren e re që kalon në të gjithë vijën bregdetare, që i ka dhënë Qeparoit tiparet e një fshati tipik turistik mesdhetar, ku janë ruajtur karakteristikat dhe traditat e zonës.

TIRANË, 20 qershor/ATSH/ Borshi, 17 km larg Himarës, vijon të tërheqë turistë të shumtë vendas e të huaj në stinën e verës.

Kryeministri Edi Rama në kuadër të rubrikës “Shqipëria e bukur” ndau në rrjetet sociale pamje nga plazhi i Borshit, si një ftesë për t’u frekuentuar nga pushuesit.

Borshi nuk ka vetëm natyrën e bukur, detin, qiellin, gjelbërimin, por edhe shumë objekte kulturore dhe historike që tregojnë për hershmërinë e banorëve të kësaj zone.

Kështjella e Sopotit është një nga objektet kulturore të Borshit që gjendet në majën e kodrës së quajtur Kala. Pozicioni i kodrës, lejon kundrimin pa pengesa e një pamje të pakufizuar dhe njëkohësisht kontrollin e kalimeve Sarandë-Kuç-Vlorë.

Pozicioni i përshtatshëm gjeografik me ujërat e shumta ka favorizuar banimin e kësaj treve që nga lashtësia. Kalaja e famshme përmendet nga burimet bizantine dhe venedikase. Ajo përbën në fakt, një pikëmburojë të epokës helenistike dhe bizantine në një lartësi 250 metra dhe distancë nga deti rreth 3 km.

Në pjesën perëndimore të kodrës së Kalasë, në pjesën e brendshme që konsiderohet si vendndodhja e një qyteti antik, ruhen pjesë të një muri rrethues prehistorik. Në pjesën e brendshme të themeleve u gjenden mbetje trupore njerëzish (eshtra) që datohen se i takojnë Periudhës së Vonë të Bakrit.

/k.s//r.e/a.f/

The post Rama ndan pamje nga perëndimi në bregdetin e Borshit appeared first on Agjencia Telegrafike Shqiptare.

Pasi fitoi Palmën e Artë në Festivalin e Filmit në Kanë për veprën e tij mahnitëse “It Was Just An Accident”, një nga regjisorët më të njohur iranianë, Jafar Panahi, bëri thirrje për rrëzimin e regjimit të Teheranit, në sfondin e përshkallëzimit të konfliktit midis Izraelit dhe Iranit.

Panahi postoi në Instagram një mesazh të fuqishëm që duket të nxisë rrëzimin e udhëheqësit suprem të Iranit, Ajatollah Ali Khamenei.

Në apelin e tij të zjarrtë, ai iu drejtua Kombeve të Bashkuara dhe bashkësisë ndërkombëtare duke kërkuar:

“Duhet t’i detyrojnë menjëherë dhe me vendosmëri të dy regjimet të ndalojnë sulmet ushtarake dhe vrasjen e civilëve.”

Regjisori, i cili aktualisht ndodhet në vend të panjohur, theksoi më tej:

“E vetmja mënyrë për t’u shpëtuar është shpërbërja e menjëhershme e këtij sistemi dhe krijimi i një qeverie popullore, demokratike dhe përgjegjëse ndaj qytetarëve.”

Ai dënoi fuqishëm agresionin izraelit, duke thënë se Izraeli ka shkelur integritetin e Iranit dhe duhet të gjykohet si agresor lufte para një gjykate ndërkombëtare.

“Ky qëndrim nuk do të thotë se duhet të injorojmë katër dekada keqmenaxhim, korrupsion, shtypje, tirani dhe paaftësi nga ana e Republikës Islamike,” shtoi Panahi.

Ai vijoi:

“Kjo qeveri nuk ka as pushtetin, as vullnetin dhe as legjitimitetin e nevojshëm për të drejtuar vendin apo për të menaxhuar krizat. Qëndrimi në këtë regjim do të thotë rënie të vazhdueshme dhe vazhdim të represionit.”

Regjisori disident dhe sfidat që ka përballuar

Jafar Panahi, 64 vjeç, është burgosur dy herë në Iran dhe i është ndaluar të bëjë filma për shkak të qëndrimit të tij anti-regjim dhe akuzave për “propagandë kundër shtetit”.

Ai kaloi shtatë muaj në burg gjatë viteve 2022 dhe 2023 për shkak të protestave kundër burgosjes së mikut dhe regjisor kolegut Mohammad Rasoulof.

Megjithatë, Panahi ka vazhduar të krijojë filma kundër autoriteteve shtypëse dhe është i njohur për veprat si “This Is Not a Film”, “No Bears” dhe “Taxi Tehran”, i cili fitoi “Ariu i Artë” në Festivalin e Filmit të Berlinit në vitin 2015.

Pas fitimit të Palmës së Artë më 24 maj, Panahi u kthye në Iran, pavarësisht kërcënimeve ndaj tij. Në aeroport, ai u prit nga mbështetësit, të cilët brohoritën sloganin “Grua, jetë, liri” – frazë që u bë simbol i protestave masive në Iran pas vdekjes së 22-vjeçares Mahsa Amini në paraburgim policor në vitin 2022.

Suksesi më i fundit dhe filmi “It Was Just An Accident”

Panahi udhëtoi më pas në Australi, ku fitoi çmimin kryesor në Festivalin e Filmit në Sidnej për filmin “It Was Just An Accident”.

Ky film, i frymëzuar nga përvoja e tij në burgun iranian, tregon historinë e një grupi ish-të burgosurish politikë që rrëmbejnë burrin që mendojnë se ka qenë ish-torturuesi i tyre.

Në recensionin tonë të filmit, shkruajmë:

“Panahi nënshkruan një thriller të tensionuar, rrëqethës dhe jashtëzakonisht tërheqës që shërben edhe si një aktakuzë ndaj Republikës Islamike dhe nxjerr në pah mëkatet e despotizmit shtetëror. (…) Jo vetëm që është një Palmë e Artë e merituar plotësisht, por skena e fundit do t’ju lërë pa fjalë.”

LEXONI GJITHASHTU:

• Irani njofton valë të re raketash drejt Izraelit, SHBA shton praninë ushtarake
• Kina evakuon mijëra qytetarë nga Irani dhe Izraeli

The post Regjisori i njohur iranian bën thirrje për rrëzimin e regjimit në Teheran appeared first on Euronews Albania.

TIRANË, 16 qershor/ATSH/- Maja e Vajushës në Lëpushë të Malësisë së Madhe, është një nga perlat natyrore të Alpeve Shqiptare, me një lartësi prej rreth 2,100 metrash mbi nivelin e detit.

Vitet e fundit, Maja e Vajushës është kthyer në një destinacion për turistë të huaj ashtu edhe vendas që janë të apasionuar pas natyrës dhe aktiviteteve sportive malore.

Shtegu drejt majës është i shënuar dhe ofron mundësi për pushime të shkurtra, me burime uji dhe pamje mahnitëse gjatë gjithë rrugës.

Kryeministri Edi Rama ka publikuar në rrjetet sociale pamje nga Maja e Vajushës, një destinacion i shkëlqyer për ata që kërkojnë të eksplorojnë bukuritë natyrore të Shqipërisë, të shijojnë ajrin e pastër dhe të përjetojnë një eksperiencë të paharrueshme në Alpet Shqiptare.

Për të arritur në majë, vizitorët duhet të ecin për rreth 2 orë e gjysmë përmes maleve, duke kaluar përmes pyjeve të dendura dhe hapësirave të gjelbra, duke shijuar ajrin e pastër dhe burimet e shumta të ujit të ftohtë.

Për ata që janë të interesuar në aktivitete më sfiduese, Maja e Vajushës është gjithashtu pjesë e garës “Bear Trail”, një ngjarje e njohur e trail running në Shqipëri.

Kjo garë 10 km përfshin një ngritje prej 640 metrash dhe është pjesë e “N’Altitude Festival”, një ngjarje që promovon turizmin aktiv dhe natyrën e paprekur të zonës.

The post Rama publikon pamje nga maja e Vajushës, një nga perlat e Alpeve Shqiptare appeared first on Agjencia Telegrafike Shqiptare.

Shpërthime të fuqishme janë dëgjuar të premten në mbrëmje në Tel Aviv, sipas ekipit të CNN në terren, ndërsa tensionet në Lindjen e Mesme kanë arritur një tjetër kulm. Ushtria izraelite ka deklaruar se “i gjithë Izraeli është nën zjarr” nga predhat iraniane.

Një konferencë për shtyp e Forcave të Mbrojtjes së Izraelit (IDF) u ndërpre papritur për shkak të një “sulmi të ardhshëm iranian ndaj Izraelit qendror”, sipas një zyrtari izraelit. Zëdhënësja e IDF-së, Effie Defrin, po u përgjigjej pyetjeve të gazetarëve kur një njoftim urgjent u transmetua në altoparlant, duke e detyruar ndërprerjen e menjëhershme të konferencës.

Sipas agjencisë shtetërore iraniane të lajmeve IRNA, Irani ka konfirmuar se hakmarrja e tij ndaj Izraelit ka nisur. Në një fjalim të transmetuar drejtpërdrejt në televizionin shtetëror, Udhëheqësi Suprem i Iranit, Ajatollah Ali Khamenei, tha se ushtria iraniane “do t’u përgjigjet fuqishëm sulmeve të mëparshme izraelite ndaj Iranit dhe do ta shkatërrojë regjimin e neveritshëm sionist”.

Komanda e Frontit të Brendshëm ka përforcuar thirrjen për vigjilencë dhe ndjekje të udhëzimeve zyrtare.

Një sulm i tillë vjen vetëm pak orë pas deklaratave të kryeministrit izraelit Benjamin Netanyahu dhe të dërguarit të Izraelit në OKB, duke konfirmuar sulmin ndaj objektivave iraniane dhe duke paralajmëruar për një kundërpërgjigje të mundshme.

1 of 3

LEXONI GJITHASHTU:

• Të përgatitur për pasojat, Netanyahu paralajmëron për një kundërsulm
• VIDEO/ Irani ngre flamurin e kuq, sinjal për hakmarrje pas sulmeve izraelite

The post VIDEO/ Rriten tensionet, mediat iraniane publikojnë pamje të raketave drejt Izraelit appeared first on Euronews Albania.

Pas njoftimit të kryeministrit britanik Keir Starmer për transmetimin e serialit të Netflix-it “Adolescence” në shkollat e mesme të Mbretërisë së Bashkuar, edhe Franca ka vendosur ta ndjekë këtë shembull.

Ministrja franceze e Arsimit, Élisabeth Borne, deklaroi se mini-seriali do të shfaqet nga niveli i shkollës së mesme e lart, duke përfshirë pesë sekuenca edukative që do të shoqërojnë shfaqjen.

Borne shpjegoi për kanalin LCI se producenti i serialit i dha të drejtat Ministrisë së Arsimit, e cila synon të përdorë këtë mjet për të rritur ndërgjegjësimin e të rinjve mbi dhunën në marrëdhëniet e tyre dhe efektet negative të rrjeteve sociale, përfshirë banalizimin e dhunës dhe përhapjen e mizogjinisë dhe teorive maskuliniste.

Santé mentale à l’école : “On va proposer 5 séquences pédagogiques de la série Adolescence aux jeunes dès la classe de 4ème”, annonce @Elisabeth_Borne

@margothaddad pic.twitter.com/WiNdX8bYhV

— LCI (@LCI) June 8, 2025

Seriali katër episodësh trajton historinë e një babai që përballet me dyshimin e të birit 13-vjeçar për vrasjen me thikë të një shoku të klasës.

Ai ka nxitur diskutime të gjera mbi maskulinitetin toksik dhe ndikimin e “manosferës”, komuniteteve online me ide ultra-konservatore dhe mizogjine.

Në Mbretërinë e Bashkuar, iniciativa e transmetimit në shkolla u kritikua ashpër nga ish-kryeministri Boris Johnson, i cili e quajti serialin “të ndyrë” dhe deklaroi se kjo tregon “indiferencën mizore” të qeverisë ndaj nevojave arsimore të fëmijëve.

Ai përfshiu në diskutim edhe çështjen e racës, duke argumentuar se “viktimat dhe autorët e krimit janë disproporcionale meshkuj të rinj me ngjyrë”.

Bashkëkrijuesi i serialit, Jack Thorne, e hodhi poshtë këtë argument, duke theksuar se krimi nuk është i lidhur me racën, por me maskulinitetin.

Vendimi i Francës për të shfaqur serialin u ndikua edhe nga një peticion i një nëne me djalë 13-vjeçar, e cila e konsideron “Adolescence” një mjet të shkëlqyer për të rritur ndërgjegjësimin për rreziqet e rrjeteve sociale dhe dhunës në shkolla.

Diskutimet për krimet me thikë u intensifikuan edhe pas një sulmi tragjik në një lice në Nantes, ku një 16-vjeçar vrau një nxënës dhe plagosi tre të tjerë.

Ministrja Borne shprehu ngushëllimet për viktimat dhe falënderoi stafin e shkollës për ndërhyrjen e shpejtë, ndërsa ministri i Brendshëm Bruno Retailleau e përshkroi ngjarjen si një “çështje shoqërore” që tronditi vendin.

LEXONI GJITHASHTU:

• “Është sfidë”, psikologia: Kini kujdes me adoleshentët, ndihen të pakuptuar
• Gjinekologu: Çmenduri që 14-vjeçarja të kryejë marrëdhënie seksuale

The post Ministrja franceze e Arsimit: “Adolescence” do të shfaqet në shkolla appeared first on Euronews Albania.

Vesa Vllasaliu njihet për eksperimentimet e saj të shpeshta me pamjen, dhe këtë herë ka vendosur sërish të surprizojë ndjekësit me një ndryshim të ri dhe tërheqës.
Ish-banorja e Big Brother VIP Kosova ka publikuar një video nga salloni i bukurisë, ku shihet gjatë procesit të ngjyrosjes së flokëve.

“Kush po ja qëllon çfarë ngjyre jam tu bo ksaj here?”, shkruan Vesa në një story, duke i lënë fansat të hamendësojnë rezultatin.

Vetëm pak orë më vonë, ajo ka zbuluar look-un përfundimtar: flokë më të errëta, dhe plot shkëlqim, të cilat i japin një pamje të freskët dhe verore. Reagimet e ndjekësve kanë qenë menjëherë pozitive, duke vlerësuar stilin dhe guximin e saj për të ndryshuar.

Po juve, si po ju duket Vesa me këtë ndryshim të ri?

The post FOTO/ Vesa bën ndryshimin e papritur në pamje appeared first on Albeu.com.

Lundrimi në botën virtuale po ndikon ndjeshëm në jetën e adoleshentëve.

Psikologët theksojnë se izolimi nga realiteti dhe qëndrimi për orë të tëra në rrjetet sociale po dëmtojnë shëndetin mendor të tyre.

Vajzat adoleshente rezultojnë të jenë më të prekshme nga ky realitet i ri, duke përjetuar pasoja më të theksuara.

Me shqetësim, specialistët vërejnë se djemtë shpesh nuk kërkojnë ndihmë psikologjike, edhe kur përballen me vështirësi të lidhura me shëndetin mendor.

Kjo i bën ata më të ekspozuar ndaj përkeqësimit të gjendjes emocionale.

Përballë këtij realiteti, studiuesit kërkojnë që të merren masa parandaluese. Specialistët e Institutit të Shëndetit Publik kanë hartuar strategji për të kufizuar përdorimin e platformave sociale, jo vetëm tek adoleshentët, por edhe tek të rriturit.

Ata rekomandojnë aktivitetet në natyrë si një formë “detox” për mendjen, duke theksuar se kontakti me realitetin dhe distancimi nga ekrani mund të kenë efekte pozitive në mirëqenien psikologjike.

LEXONI GJITHASHTU:

• Adoleshentët, shenja depresioni nga qëndrimi gjatë në telefon
• Goditi me gotë menaxheren e faqes që denigronte të rinjtë, flet për adoleshentja

The post “Droga dixhitale” po dëmton të rinjtë, sociologia: Vajzat adoleshente më të prekura appeared first on Euronews Albania.

Policia ka publikuar pamje nga momenti i goditjes së grupeve kriminale të trafikut të drogës në Finlandë. Në pamje shihen anëtarët e grupit të vendosur në pranga pas operacionit të SPAK në bashkëpunim me autoritetet finlandeze mëngjesin e sotëm.

SPAK ka lëshuar 11 urdhër arreste, ndërsa janë ekzekutuar vetëm 9 prej tyre.

Blutë po punojnë për kapjen e një prej shtetasve, ndërsa një tjetër nuk ndodhet në Shqipëri dhe po punohet me autoritetet partnere për lokalizimin e tij.

Gjatë operacionit janë sekuestruar gjithashtu 8 automjete, telefona celularë dhe shumë dokumente me vlerë për hetimin, kryesisht në gjuhën finlandeze, të cilat konsiderohen prova të rëndësishme që do të shërbejnë për vijimin e hetimeve të mëtejshme penale dhe hetimit pasuror.

“Gjatë operacionit, për ekzekutimin e 11 masave të sigurisë, u angazhuan rreth 110 punonjës të Policisë së Shtetit. Konkretisht, u përfshinë Drejtoria për Hetimin e Krimit të Organizuar, Drejtoria e Forcës së Posaçme Operacionale, Forca Kombëtare e Sigurisë, në bashkëpunim me drejtoritë vendore të Policisë Tiranë, Berat, Vlorë dhe Gjirokastër.

Nga 11 masa sigurie, Policia e Shtetit në bashkëpunim me BKH-në, kanë ekzekutuar 9 masa sigurie dhe vijon puna për kapjen e 1 shtetasi, ndërsa 1 shtetas, nga informacionet e siguruara, nuk ndodhet në Shqipëri, dhe po bashkëpunohet me auritetet partnere për lokalizimin dhe kapjen e tij.

Gjithashtu, janë sekuestruar prova të rëndësishme për vijimin e hetimeve paraprake dhe hetimit pasuror”,– njofton policia.

The post Goditja e grupeve kriminale të trafikut të lëndëve narkotike në Finlandë, publikohen pamjet nga momenti i arrestimit të 9 shqiptarëve (VIDEO) appeared first on Albeu.com.

Këngëtarja shqiptare me famë botërore, Bebe Rexha, ka ndarë së fundmi me ndjekësit e saj në Instagram një kujtim të veçantë nga e kaluara, duke rishpërndarë një video që rikthen emocionet e fillimeve të saj si artiste në skenat e mëdha muzikore.

Videoja, e cila fillimisht ishte publikuar nga një faqe fansash, e tregon Beben në vitin 2015, duke folur me entuziazëm për turneun e saj me Nick Jonas, në një periudhë kur karriera e saj sapo kishte nisur të marrë hov në tregun ndërkombëtar.
Ajo shfaqet në një version krejt tjetër nga ai që publiku njeh sot – me flokë të zeza, më e dobët në pamje, por me po të njëjtin pasion për muzikën dhe skenën.

Sot, pas plot 10 vitesh, Bebe Rexha jo vetëm që ka ndryshuar stilin – tashmë e njohur për pamjen e saj karakteristike si bionde – por edhe ka ndërtuar një karrierë të fuqishme ndërkombëtare. Ajo ka publikuar tre albume në treg, ka katër këngë me mbi një miliard dëgjime, ka fituar çmime të shumta muzikore dhe është nominuar katër herë për Grammy, një arritje e jashtëzakonshme për një artiste shqiptare në skenën globale.

Ky moment i thjeshtë i ndarë me fansat, dëshmon jo vetëm për rrugëtimin artistik të Bebe Rexhës, por edhe për lidhjen e saj të pandërprerë me publikun që e ka ndjekur dhe mbështetur që në hapat e parë të karrierës.

The post Bebe Rexha publikon një video nga një intervistë e para 10 viteve, ndryshimi i saj në një dekadë është dukshëm i madh appeared first on Albeu.com.

Pamjet e mëposthme tregojnë operacionin policor të zhvilluar ditën e djeshme në qytetin bregdetar të Durrësit. Në kuadër të këtij aksioni, policia bëri me dije se janë arrestuar shtatë persona, tre prej tyre të cilësuar me rrezikshmëri të lartë. Në pranga janë vënë Xhevdet Plaku, Flobens Mecia, Voltan Xhani, Jugert Xhani dhe tre persona të tjerë të cilët akuzohen për veprat penale “Moskallëzimi i krimit” dhe “Përkrahja e autorit të krimit”.

Xhevdet Plaku i njohur dhe si “Akili”, u arratis në janar të këtij viti nga burgu i Ankonës në Itali, ku po vuante dënimin për trafik droge. Në momentin e arrestimit, Plakut iu gjet një armë zjarri pistoletë me fishek në fole gati për qitje.

The post “Policia barkas, asnjë lëvizje”/ Pamjet nga operacioni policor, ja momenti i arrestimit të shtatë personave në Durrës appeared first on Sot News | Lajme.

Pesë kandidatë nga forca të ndryshme politike i janë drejtuar me një kërkesë të përbashkët Komisionit Qendror të Zgjedhjeve (KQZ), duke kërkuar pamjet filmike të procesit të numërimit të votave, kryesisht në qarkun Tiranë.

Kandidatët që kanë paraqitur këtë kërkesë janë:

Blerina Gjylameti (PS) – e cila humbi mandatin në Tiranë përballë Olta Xhaçkës, pas numërimit të votave të diasporës.

Ilir Alimehmeti (PD) – humbi garën për mandat në Tiranë përballë Jorida Tabakut.

Xhemal Qefalia (PS) – mbeti jashtë Parlamentit për shkak të plotësimit të kuotës gjinore, që i dha përparësi kandidateve femra në listë.

Shkëlqim Shehu (PD) – në Kukës humbi mandatin me një diferencë të ngushtë votash përballë Isuf Çelaj.

Frrok Gjin (PS) – kandidat në Shkodër, që nuk ka marrë shumë vota, por duket se kërkesa e tij lidhet me ambicie personale.

Në kërkesën drejtuar KQZ-së, ata theksojnë:
“Më vini në dispozicion pamjet filmike të numërimit në qarkun Tiranë.”

The post Shpërndarja e mandateve, pesë kandidatë demokratë dhe socialistë kërkojnë pamjet filmike të numërimit të votave nga KQZ appeared first on Sot News | Lajme.