Më shumë se 100 organizata humanitare ndërkombëtare, mes tyre Oxfam dhe Mjekët pa Kufij, kanë nënshkruar një letër të përbashkët ku i bëjnë thirrje Izraelit të ndalojë përdorimin e ndihmave humanitare si armë lufte kundër civilëve palestinezë, ndërsa shkalla e urisë në enklavën palestineze përshkallëzohet.

Sipas këtyre organizatave, atyre po iu ndalohet të bëjnë punën e tyre nëse nuk zbatojnë rregullat e ashpra nga Izraeli. Këto rregulla përfshijnë shpërndarjen e informacioneve për punonjësit palestinezë që ata kanë në strukturat e tyre.

Nëse organizatat nuk ndajnë këto informacione, atëherë ata rrezikojnë të bllokohen të kryejnë punën e tyre nga ushtria Izraelite.

Tel Avivi Zyrtar mohon se ka kufizime dhe thotë se rregullat, të vendosura në mars, garantojnë që ndihmat “të arrijnë drejtpërdrejt te popullata dhe jo tek Hamasi”.

Megjithatë, sipas letrës së përbashkët, shumica e organizatave ndërkombëtare nuk kanë arritur të dorëzojnë asnjë kamion me ndihma jetike që nga 2 marsi. Vetëm në korrik, mbi 60 kërkesa për futjen e ndihmave janë refuzuar.

Pasojat janë të rënda – spitale pa furnizime bazë, fëmijë, persona me aftësi të kufizuara dhe të moshuar që vdesin nga uria dhe sëmundje të parandalueshme. Drejtori i Anera-s, Sean Carroll, tha se kanë mbi 7 milionë dollarë ndihma të bllokuara në Ashdod, vetëm disa kilometra larg Gazës, përfshirë 744 ton oriz, I cili mjafton për të  shpërndarë  6 milionë  vakte.

Izraeli këmbëngul se vonesat ndodhin vetëm kur organizatat “nuk pranojnë të plotësojnë kërkesat bazë të sigurisë” për të parandaluar përfshirjen e Hamasit. Autoritetet ushtarake thonë se rreth 20 organizata të regjistruara po sjellin ndihma dhe rreth 300 kamionë hyjnë çdo ditë në Gaza, ndërkohë që OKB-ja vlerëson se nevoja është për 600 kamionë në ditë.

Rregulloret e reja parashikojnë që regjistrimi i një organizate mund të refuzohet nëse konsiderohet se mohon karakterin demokratik të Izraelit ose “promovon fushata delegjitimimi” kundër tij. Ministri i Diasporës, Amichai Chikli, tha se shumë organizata “shërbejnë si mbulesë për aktivitete armiqësore” dhe se ato që nuk kanë lidhje me aktivitete të tilla do të lejohen të operojnë.

Oxfam raporton se më shumë se 2.5 milionë dollarë ndihma të tyre janë refuzuar nga Izraeli. Bushra Khalidi nga Oxfam tha se procesi i regjistrimit i vendos OJQ-të përballë zgjedhjes mes operimit dhe ruajtjes së pavarësisë së tyre.

Letra vjen në një kohë kur Izraeli ka intensifikuar bombardimet mbi qytetin e Gazës, me planin për të marrë kontrollin e tij. Izraeli thotë se do të shpërndajë ndihma në zonat civile “jashtë zonave të luftës”, por nuk ka sqaruar nëse këtë do ta bëjë përmes Fondacionit Humanitar të Gazës (GHF), të mbështetur nga SHBA dhe Izraeli.

/abcnews.al/

“Serbi, zgjohu!” ka qenë thirrja kryesore e protestave që kanë përfshirë mbrëmjen e së mërkurës Beogradin dhe dhjetëra qytete të tjera të vendit.

Në kryeqytetin serb dhe në Novi Sad ka pasur përplasje dhe incidente mes policisë dhe demonstruesve, ku janë plagosur si policë, ashtu edhe protestues.

Një kordon i xhandarmërisë është vendosur për të parandaluar përplasjet mes protestuesve dhe mbështetësve të Partisë Përparimtare Serbe.
Dy grupet kanë shkëmbyer ofendime dhe kanë hedhur sende ndaj njëri-tjetrit, ndërsa policia është vendosur mes tyre.
Pranë ndërtesës së Qeverisë është hedhur gaz lotsjellës madje ka patur edhe të shtëna me armë.

Për përdorimin e armeve te zjarrit ne proteste Drejtori i Agjencisë së Sigurisë Ushtarake, gjenerali Duro Jovaniv mori përsipër përgjegjësinë, ndërsa raportoj se ne radhët e policeve ka patur të plagosur.

“Gjatë ngjarjeve të fundit ne vend, shtatë pjesëtarë të Forcave të Armatosura Serbe u plagosën, katër prej tyre rëndë. Ne vlerësuam se jeta e tyre ishte në rrezik. Unë qëllova në ajër në një drejtim të sigurt. E bëra këtë sepse përndryshe pasojat për kolegët do të ishin të rënda. Sulmi ishte i dhunshëm. Që nga ai moment, sulmuesit ikën”, është shprehur drejtori i agjencisë së sigurisë ushtarake në Serbi, Duro Jovaniç.

Ministri i Brendshëm i Serbisë, Ivica Daçiq i quajtur protestat një sulm ndaj shtetit, ndërsa paralajmëroi se të gjithë ata që kanë sulmuar policinë do të ndëshkohen dhe arrestohen brenda 48 orëve.

Ndërsa presidenti serb Alekasandër Vuçiç deklaroj nga Vjena se nuk do të kandidojë për zgjedhjet e ardhshme presidenciale në Serbi, pasi sipas tij ai nuk është një diktator.

Protestat dhe bllokadat e udhëhequra nga studentët në Serbi po zgjasin për më shumë se tetë muaj pas ngjarjes se Novi Sad me kërkesën kryesore për zgjedhje të reja dhe rrëzimin e qeverisjes se korruptuar.

/abcnews.al/

Mbi 5 mije forca zjarrfikëse po vijojnë betejën e tyre me flakët edhe në Greqi, ku aktualisht ka mbi 6 zjarre të mëdha të cilët janë aktive në Kios, Akaia, Zakynthos, Patras, Ilias dhe ne peleponez.

Situata në shtetin fqinj paraqitet më e stabilizuar këtë të enjte.  Autoritetet kanë njoftuar se kanë arrestuar 6 persona për zjarrvënie të qëllimshme në 24 orët e fundit. 3 persona u arrestuan në Akaia, dy të tjerë në Patras dhe një 59 vjecar në Zakynthos I cili ishte arrestuar edhe dy vite më parë nën akuzat për të njëjtën vepër penale. Autoritetet ne Greqi  kanë njoftuar se 15 zjarrfikës dhe dy vullnetarë për shuarjen e flakëve janë shtruar në spital si pasojë e goditjes nga i nxehti, asfiksia dhe djegie të lehta.

Zjarret në Europë kanë djegur këtë vit më shumë se 400 mijë hektare tokë, një sipërfaqe kjo 87% më e lartë se mesatarja e dy dekadave të fundit. Shkencëtarët parashikojnë se temperaturat ekstreme do të vrasin nga 8 mijë deri në 80 mijë qytetarë deri në fund të këtij shekulli.

Po ashtu Spanja vijon edhe këtë të enjte betejën me flaket që kanë shkrumbuar me mijëra hektarë pyje dhe zona të banuara.  Autoritetet njoftuan viktimën e tretë nga zjarret në vendin europian. Bëhet fjalë për një burrë 36-vjecar i cili ishte vetëofruar si vullnetar për shuarjen e flakëve në Zamora.

Autoritetet Spanjolle deklaruan se 6 persona të plagosur nga djegiet përgjatë orëve të fundit, po marrin kujdes të specializuar në spital. Ministri e Brendshme në Spanjë njoftoi këtë të enjte se vendi po përballet me 14 zjarre të mëdha në 7 rajone të ndryshme , për të cilat është lëshuar alarmi I nivelit të rrezikut në shkallën dy, që nënkupton se këto flake mund të dëmtojnë banesat dhe njerëzit.

Madridi Zyrtar mori këtë të enjte dhe dy avionë të tjerë shtesë për shuarjen e flakëve nga Mekanizmi Europian për mbrojtjen civile.

Si pasojë e situatës apokaliptike me zjarret qarkullimi në të paktën 11 autostrada është bllokuar në Spanjë.

Autoritetet spanjolle kanë raportuar të enjten rastin e tretë të vdekjes si pasojë e zjarreve në vend që janë përhapur këtë javë.

Njoftimi vjen pak ditë pas raportimit për vdekjen e një burri 36 vjeç i cili kishte pësuar djegie të shumta teksa po luftonte me një zjarr në Castile dhe Leon.

Një pjesë e shteteve të Evropës janë përfshirë nga zjarret si pasojë e temperaturave të larta që janë rikthyer në kontinent.

Shtetet e përfshira janë: Franca, Spanja, Portugalia, Italia dhe vendet e Ballkanit, Kroacia, Shqipëria, Maqedonia, Mali i Zi dhe Kosova.

E drejta ndërkombëtare ka udhëzime të qarta për njohjen e cedimit të territorit, thotë eksperti Pierre Tilberger.

Në prill të këtij viti, Presidenti i SHBA-së Donald Trump njoftoi se kishte rënë dakord në parim për një traktat paqeje me Rusinë. Asokohe presidenti i SHBA-së tha se marrëveshja me Putinin përcakton që gadishulli i Krimesë, të cilin Rusia e aneksoi, duhet t’i përkasë Rusisë.

“Një vendim nga Rusia dhe SHBA-ja mbi Ukrainën është ligjërisht i paimagjinueshëm, edhe nëse politikisht po bëhet gjithnjë e më i mundshëm”, thotë Pierre Tilberger, profesor i së drejtës ndërkombëtare në Universitetin Ruhr në Bochum. Pa pëlqimin e Ukrainës, nuk mund të ketë një traktat të tillë paqeje. E drejta ndërkombëtare moderne bazohet në “barazinë sovrane të të gjitha shteteve”. Dy shtete nuk mund të lidhin thjesht marrëveshje në dëm të një të treti.

Një marrëveshje për t’i dhënë territor Rusisë pa pëlqimin e Ukrainës shkel qartë sovranitetin territorial të vendit, thekson Tilberger. Përveç kësaj, një marrëveshje e tillë midis Rusisë dhe SHBA-së “ndoshta do të shkelte ndalimin e përdorimit të forcës dhe për këtë arsye do të ishte në kundërshtim me të drejtën ndërkombëtare”, thotë një ekspert i së drejtës ndërkombëtare.

Territoret e pushtuara i përkasin Ukrainës

Gadishulli i Krimesë dhe katër distriktet administrative të Luhanskut, Donetskut, Zaporizhias dhe Khersonit i përkasin Ukrainës sipas së drejtës ndërkombëtare. Fakti që Rusia kontrollon de facto këto territore – ose të paktën pjesë të tyre – dhe i ka aneksuar ato nuk e ndryshon këtë.

Në vitin 2014, u mbajtën referendume në Krime, e në vitin 2022 në Ukrainën lindore dhe jugore për bashkimin e territoreve të pushtuara me Rusinë.

Megjithatë, ekspertët e së drejtës ndërkombëtare i konsiderojnë ato si refendume të reme. Ekzistojnë udhëzime të qarta mbi kushtet në të cilat referendume të tilla mund të njihen sipas së drejtës ndërkombëtare.

“Për shembull, duhet të garantohet që votuesit të mund të shprehin mendimin e tyre lirisht, pa detyrim dhe pa frikë”, thotë Tilberger. Ky sigurisht nuk ishte rasti në vitin 2014 gjatë pushtimit rus të Krimesë. Votimet në Ukrainën lindore dhe jugore në shtator 2022 u zhvilluan gjithashtu në kushtet e një lufte agresioni dhe pushtimit rus të këtyre territoreve.

Votimet ishin kundër ligjit ndërkombëtar

Vetëm në korrik 2025, Gjykata Evropiane e të Drejtave të Njeriut në Strasburg zbuloi se Rusia kishte krijuar tashmë një “sistem shkeljesh” të të drejtave të njeriut në territoret e pushtuara midis viteve 2014 dhe 2022.

Sipas vendimit të Gjykatës, kjo përfshinte sulme ushtarake pa dallim, ekzekutime të civilëve dhe ushtarëve ukrainas, tortura dhe dëbime, por edhe “shtypje të gjuhës ukrainase në shkolla”. Duke pasur parasysh këtë situatë në rajonet e pushtuara nga Rusia, nuk mund të supozohet se referendumet atje ishin në përputhje me ligjin ndërkombëtar.

Asambleja e Përgjithshme e OKB-së ka konfirmuar vazhdimisht se referendumet në Krime dhe në Ukrainën lindore dhe jugore ishin të paligjshme. Ato nuk do të kishin ndryshuar asgjë në lidhje me përkatësinë e këtyre territoreve ndaj Ukrainës. Profesori i drejtësisë Tilberger thekson se në vitin 2003, u arrit një marrëveshje midis Ukrainës dhe Rusisë – në përputhje me ligjin ndërkombëtar – në të cilën Rusia e njohu Krimenë si pjesë të Ukrainës. Përveç kësaj, në vitin 1997, të dy shtetet i premtuan njëri-tjetrit të respektojnë kufijtë e njëri-tjetrit.

Rusia i referohet së drejtës për vetëvendosje

Shpesh dëgjohet nga Rusia: njerëzit në Krime dhe në rajonet lindore dhe jugore duan të largohen nga Ukraina, dhe kjo mbulohet nga një parim i rëndësishëm i së drejtës ndërkombëtare, përkatësisht e drejta e popujve për vetëvendosje.

Megjithatë, e drejta ndërkombëtare është shumë e rezervuar nëse e drejta e një populli për vetëvendosje i jep atij të drejtën për t’u shkëputur nga shteti amë përmes një referendumi, shpjegon Tilberger.

Në thelb, e drejta për vetëvendosje u lejon popujve të përcaktojnë lirisht zhvillimin e tyre politik, ekonomik dhe kulturor. Ajo lindi kryesisht kur ish-shtetet e kolonizuara fituan pavarësinë e tyre.

Por ky parim duhet të jetë gjithmonë në përputhje me një parim tjetër themelor të së drejtës ndërkombëtare, sovranitetin shtetëror mbi territorin. Të dy parimet mund të bien ndesh kur një grup popullsie dëshiron të shkëputet dhe shteti e kundërshton këtë.

Pengesat e mëdha ligjore për ndarjen e territoreve

Nga pikëpamja e së drejtës ndërkombëtare, duhet të bëhet një dallim midis vetëvendosjes “të brendshme” dhe “të jashtme”, thotë Tilberger. Vetëvendosje “e brendshme” do të thotë: pakicat kombëtare marrin mbrojtje të veçantë brenda shtetit të tyre të origjinës, për shembull vetëqeverisje ose mbrojtje të kulturës dhe traditave të tyre.

Nga ana tjetër, vetëvendosja “e jashtme”, ose ndarja nga shteti i tyre i origjinës, është e mundur vetëm në rrethana ekstreme. Një popull që shtypet sistematikisht dhe nënshtrohet me shkelje të rënda të të drejtave të njeriut mund të ketë të drejtën e shkëputjes. Në rastin e Krimesë dhe Ukrainës lindore dhe jugore, nuk pati shkelje të tilla të rënda nga qeveria ukrainase.

A mund të heqë dorë Ukraina nga territoret e pushtuara?

Po sikur Trump dhe Putin të bënin një marrëveshje që përcaktonte që Ukraina të hiqte dorë nga territoret e pushtuara dhe qeveria ukrainase ta pranonte? A do të ishte i lejueshëm ky çmim për paqen sipas ligjit ndërkombëtar?

“Në thelb po”, thotë Tilberger. Megjithatë, të biesh dakord për një marrëveshje të tillë paqeje do të duhej të ishte “një akt i ligjshëm dhe mbi të gjitha vullnetar i qeverisë ukrainase”. Në veçanti, kjo nuk duhet të ndodhë nën presion ose kërcënim me forcë.

Nga perspektiva e ekspertëve të së drejtës ndërkombëtare, “është shumë e diskutueshme se si do të dukej një vendim nga qeveria ukrainase që do të merrej pa detyrim ose vullnetarisht në situatën aktuale”.

Se si do të duhej të zhvillohej saktësisht situata në Ukrainë që të mund të flitet për një transferim vullnetar të territorit sipas së drejtës ndërkombëtare është aktualisht e vështirë të thuhet. Sulmet e ashpra ajrore ruse ndaj objektivave civile në muajt e fundit dhe kërcënimet e qeverisë amerikane me pezullimin e plotë të ndihmave ushtarake sigurisht që nuk flasin në favor të një situate vendimarrjeje në të cilën qeveria ukrainase mund të veprojë lirisht./DW

Pamjet apokaliptike që po shikoni vijnë nga Greqia, ku flakët kanë shkrumbuar mijëra hektarë tokë dhe kanë rrezikuar edhe banesa.

Në zonën e Patras, në parkingun e Doganës flakët kanë shkrumbuar një parking, duke djegur 550 makina. Ndërkohë policia në Patra ka arrestuar një 25 vjeçar që dyshohet për zjarrvënie të qëllimshme.

Beteja me flakët vijon edhe në Akai, Kios, Prevezë, Zakynthos dhe Kefaloni. Thuasje 5 mijë zjarrfikës janë në terren, teksa Athina zyrtare ka kërkuar edhe ndihmën e Mekanizmit Europian për Mbrojtjen Civile duke kërkuar 4 avionë për shuarjen e flakëve. Në gjithë vendin pothuajse 100 mijë hektarë tokë janë prekur nga zjarret, duke shkaktuar dëm që shkon në miliona euro.

Ndërkohë në Podgoricë dy zjarrfikës mbetën të plagosur të mërkurën në luftë me flakët në fshatrat kodrinore rreth kryeqytetit malazez, Podgoricës.

Zjarret që u përhapën në disa vende në Mal të Zi e kanë detyruar qeverinë të kërkojë ndihmë nga BE dhe NATO.

Kroacia dërgoi aeroplanët e saj të specializuar dhe Serbia dërgoi helikopterë. Shtëpitë në disa fshatra përreth Podgoricës u dogjën dhe banorët u evakuuan. Gjashtë persona u arrestuan, të akuzuar për fillimin e disa prej zjarreve.

Ndërkohë në Spanjë mbi 8000 qytetarë u detyruan të evakuoheshin nga shtëpitë e tyre për shkak të zjarreve në rajone të ndryshme të vendit.
Flaken kane lënë pas dy viktima ne shtetin Europian, pas djegies se një burri të moshuar viktima e dyte ishte një vullnetar qe po ndihmonte ne shuarjen e flakëve.

Janë 5 vatra zjarri të cilat janë jashtë kontrollit sipas asaj që thonë autoritetet Spanjolle. Situata më e vështirë paraqitet në Leon dhe Zamora. Që nga Janari i këtij viti deri më 3 gusht flakët kanë shkrumbuar rreth 40 mijë hektarë tokë në Spanjë, një sipërfaqe 9% më e madhe e djegur krahasuar me të njëjtën periudhë në një viti më parë.

Edhe në Portugalinë fqinje, më shumë se 700 zjarrfikës janë në betejë me flakët në komunën e Trancoso, rreth 350 kilometra në verilindje të Lisbonës.

Zjarri, I nxitur nga temperaturat e larta dhe erërat e forta, kërcënoi banorët e fshatrave përreth, ndërsa Portugalia përpiqet të mbajë një kontroll një sezon zjarresh që është përkeqësuar.

Vatra Sporadike zjarri janë regjistruar edhe në Francë dhe Itali, vatra këto që fatmirësisht janë vënë nën kontroll. Në Itali, 16 qytete të mëdha të vendit janë vënë nën alarmin e kuq të të nxehtit ndërkohë në jugperëndim të Francës në 40 stacione meteorologjike u shënuan temperatura mbi 40 gradë celsius. Zjarret në Europë kanë djegur këtë vit më shumë se 400 mijë hektarë tokë, një sipërfaqe kjo 87% më e lartë se mesatarja e dy dekadave të fundit. Shkencëtarët parashikojnë se temperaturat ekstreme do të vrasin nga 8 mijë deri në 80 mijë qytetarë deri në fund të këtij shekulli.

/abcnews.al/

“Dielli do të lindë përsëri!” Këto ishin fjalët që ish presidenti i Kosovës Hashim Thaçi, i tha kreut të PDK Memli Krasniqi, teksa ky i fundit e vizitoi në Hagë.

Krasniqi njoftoi se takoi Thaçin dhe ish kryetarin e kuvendit Kadri Veseli, të cilët prej disa vitesh po mbahen në dhomat e paraburgimit në Hagë, në pritje të vendimit të Gjykatës Speciale.

Në një postim në rrjetet sociale Krasniqi tha se edhe këtë herë, në fjalët e ish krerëve të UÇK, gjeti bindjen se drejtësia po afrohet.

“Edhe këtë herë, në çdo fjalë të tyre, e ndjeva të gjallë bindjen e palëkundur se drejtësia për çlirimtarët tanë po afrohet. Nuk mund të jetë ndryshe për ta dhe shokët e tyre, që mbi supet e veta bartën vetëm atë që populli kërkoi: luftën për liri. Liria, askund e asnjëherë, nuk është as mëkat e as faj. Ata janë mirë, optimistë dhe, si gjithmonë, dërgojnë përshëndetjet më të ngrohta për secilin prej jush”, është shprehur Memli Krasniqi.

Kreu i PDK shtoi se ish krerët e UCCK besojnë në një të ardhme të ndritur për Kosovën, një të ardhme që ndërtohet me punë dhe vizion të pathyeshëm.

Në fund ai shprehu bindjen se koha do ta nxjerrë në dritë të vërtetën dhe drejtësia, sado e vonuar, do të triumfojë.

Katër ish-krerët e UÇK, Hashim Thaçi, Kadri Veseli, Jakup Krasniqi dhe Rexhep Selimi  ndodhen në paraburgim në Hagë që nga nëntori i vitit 2020. Qëndrimi për pesë vjet në paraburgim shpesh është cilësuar si shkelje e të drejtave të njeriut nga veteranët në Kosovë.

/abcnews.al/

Greqi- Një tërmet me magnitudë 4.7 ballë goditi brigjet e Nisyros, të mërkurën.

Epiqendra e tërmetit ndodhej 38 kilometra në jugperëndim të ishullit.

Thellësia e tërmetit ishte 122 kilometra. Sipas mediave greke nuk raportohet për të lënduar apo objekte të dëmtuara.

Një aksident ka ndodhur në aksin Fier Levan në kthesën e Azotikut. Mësohet se dy automjete janë përplasur me njëra-tjetrën. Si pasojë e përplasjes një prej automjeteve ka përfunduar në kanalin anësor të rrugës. Nuk raportohet për të lënduar, por vetëm dëme materiale.

Në vendngjarje ndodhet policia dhe po punon për zbardhjet e shkaqeve të aksidentit.

/abcnews.al/

Read More...

Bisedime BE-SHBA para takimit për Ukrainën ndërmjet presidentëve Trump dhe Putin në Alaskë: Perëndimi demonstron unitet dhe insiston për armëpushim. Rusia vazhdon të bombardojë.

Jubileun e 100 ditëve në pushtet në fakt kancelari i Gjermanisë Friedrich Merz e kishte imagjinuar diku tjetër: Në vend që të shodhet në sezonin e pushimeve ai del në ofensivë intensive diplomatike lidhur me çështjen e luftës dhe paqes. Të premten në Alaskë zhvillohen bisedimet ndërmjet presidentit rus Vladimir Putin dhe atij të SHBA-së Donald Trump për të ardhmen e Ukrainës – por pa pjesëmarrjen e Ukrainës dhe të Europës. Kancelari Merz përpara këtij takimi donte të apelonte për arsyen dhe ftoi në një diskutim përgatitor në video-konferencë në Berlin.

Të ftuar ishin disa kryetarë shtetesh dhe qeverishë të BE-së, të ftuar nderi nga Komisioni i BE-së dhe NATO: presidenti amerikan Donald Trump dhe presidenti ukrainas Volodymyr Zelenskyj, i cili kishte ardhur personalisht në Berlin. Mesazhi i tij: “Ne duam paqe për Europën dhe për botën.” Duhet të ketë një armëpushim të menjëhershëm dhe garanci sigurie për vendin e tij, theksoi ai më tej.

Kancelari Merz: “Shpresë për një paqe në Ukrainë”

Misioni i nismës Merz: Të tregohet unanimitetit kundër Vladimir Putinit, i cili prej vitesh po bën një luftë të përgjakshme kundër Ukrainës dhe deri tani nuk do t’ia dijë as për armëpushim dhe as për paqe në rajon. Dhe: Ta frentonte presidentin e SHBA-së për lëshime të pa konsultuara ndaj Rusisë.

“Në Alaskë duhet të mbrohen interesat thelbësore europiane dhe ukrainase të sigurisë”, theksoi kancelari. “Ka shpresë për lëvizje drejt një paqeje në Ukrainë”, kështu e formuloi Friedrich Merz.

Trump dëshiron së shpejti një takim tresh me Zelenskjy dhe Putin

Presidenti Trump tha që përpara takimit virtual në Berlin, se ka përshtypjen që europianët duan të shohin një “deal”. Ai gjithashtu deklaroi, se pas bisedimeve të tij me Putin në Alaskë shumë shpejt mund të ketë një takim tresh. Megjithatë ende kjo ende nuk është vendosur.

Trump do të rrisë presionin ndaj Putinit, por ka pak për të ofruar. Ai vërtetë dëshiron patjetër paqe dhe i ka kufizuar ndjeshëm furnizimet me armë për Ukrainën. Njëkohësisht ai nuk mund të negociojë për lëshime territoriale. Kjo mund të bëhej vetëm me europianët dhe në radhë të parë vetëm me miratimin ukrainas.

“Shkëmbimi i territoreve” – një opcion?

Presidenti i SHBA-së ditët e fundit vazhdimisht ka përmendur një “shkëmbim territoresh”. BE-ja dhe Ukraina e kanë të qartë, që Rusia nuk do t’i kthejë territoret e pushtuara. Sekretari i Përgjithshëm i NATO-s Mark Rutte së fundi ka thënë: “Ne duhet të marrim parasysh në këtë moment, që Rusia kontroll një pjesë të territorit ukrainas.”

Në çështjen territoriale është e rëndësishme të bëhet dallimi mes një njohjeje “de facto” dhe “de jure”, tha Rutte. Një ujdi mund të përcaktonte që Rusia faktikisht i kontrollon territore të caktuara, por pa u pranuar ligjërisht ky kontroll.

Ukraina është e gatshme për bisedime lidhur me çështje territoriale, thuhet në Berlin. Por si pikënisje duhet të shërbejë linja aktuale e kontaktit, pra vija e frontit. “Një njohje ligjërisht e pushtimit rus nuk shtrohet për diskutim”, theksoi Merz.

Putin i palëkundur – nuk ka lëshime

Aktualisht Rusia ka nën kontroll të plotë ose pjesërisht një të pestën e territorit të Ukrainës. Zëdhënësi i Ministrisë së Jashtme ruse deklaroi të mërkurën (13.08.2025), se Rusia nuk do të tërhiqet nga territoret në Ukrainë, që i ka nën kontroll plotë. Ndër to bëjnë pjesë Luhansk, Donjeck, Zaporishja, Kerson. Krimenë ai nuk e përmendi. Gadishullin Rusia e aneksoi më 2014 përkundër së drejtës ndërkombëtare. Samiti në Berlin është thjeshtë “ia parëndësishëm” u tha më tej./DW/

Shefi i NATO-s Mark Rutte ishte pjesë e bisedimeve të zhvilluara në video-konferencën me presidentin e SHBA Donald Trump, presidentin ukrainas Volodymir Zelensky si edhe udhëheqësit europianë.

Pas këtij takimi të zhvilluar Rutte ka reaguar nëpërmjet një postimi në platformën X. Ai theksoi se qëndrojnë të bashkuar në përpjekjet për t’i dhënë fund Ukrainës, duke nënvizuar se tashmë “topi” është në fushën e Putinit.

“Ne jemi të bashkuar në përpjekjet tona për t’i dhënë fund kësaj lufte të tmerrshme kundër Ukrainës dhe për të arritur një paqe të drejtë dhe të qëndrueshme. E vlerësoj lidershipin e Trump dhe bashkëpunimin e ngushtë me aleatët. “Topi” tani është në fushën e Putinit”, tha ai, duke iu referuar takimit të ardhshëm midis Trump dhe Putin në Alaska.

/abcnews.al/

Read More...

Kryeministri Edi Rama ka reaguar lidhur me situatën e zjarreve në vend. Një ditë sakrifice dhe krenarie për të gjithë strukturat shtetërore, ka nënvizuar Rama ndërsa thekson se janë angazhuar pa ndërprerje në terren për të shuar flakët që kanë përfshirë vendin.

Ndërkohë gjatë 24 orëve të fundit janë aktive 34 vatra, 13 prej të cilave janë të izoluara.

Më tej nënvizon se gatishmëria ka qenë maksimale dhe bashkëpunimi mes të gjitha strukturave shtetërore po ashtu ka qenë i lartë duke shtuar se  edhe mbështetja e partnerëve europianë dhe emiratas po vijon për të përballuar këtë situatë të vështirë.

Reagimi i plotë

Një ditë sakrifice dhe krenarie për të gjitha strukturat shtetërore, që vijojnë pa ndërprerje përpjekjet në terren për shuarjen e flakëve në të gjithë vendin

Gjatë 24 orëve të fundit:

34 vatra aktive

13 të izoluara dhe të shuara

Në operacione janë angazhuar:

Dhjetëra mjete zjarrfikëse dhe trupa të Shërbimit të Mbrojtjes nga Zjarri dhe Shpëtimi në të gjitha bashkitë e prekura

Mbi 600 efektivë të Forcave të Armatosura, zjarrfikës, punonjës bashkiakë dhe forca vullnetare

5 helikopterë dhe 1 avion zjarrfikës Canadair i sjellë bujarisht nga miqtë e shtrenjtë italianë

Qindra mjete, përfshirë autoambulanca dhe mjete transporti për evakuimin dhe mbështetjen e banorëve

Vatra që kërkojnë vëmendje në vazhdim: Delvinë, Poliçan, Gramsh, Dropull, Finiq, Berat, Tepelenë dhe Bulqizë, ku forcat nga toka dhe mjetet nga ajri po punojnë pa u ndalur për mbrojtjen e jetës së qytetarëve dhe pronës.

Gatishmëria është maksimale dhe bashkëpunimi mes të gjitha strukturave shtetërore dhe mbështetja e partnerëve europianë dhe emiratas po vijon për të përballuar këtë situatë të vështirë

Flakët e zjarrit që pushtuan malin e Sopotit mbi fshatin Lazarat të Gjirokastrës, aktualisht janë vënë nën kontroll.

Falë ndërhyrjes nga ekipet zjarrfikëse të Gjirokastrës, Libohovës dhe Dropullit është bërë e mundur që zjarri që u përhap nga Delvina të fiket plotësisht. Në mbështetje të tre reparteve zjarrfikëse kanë qenë edhe efektivë të Forcave të Armatosura si edhe banorë të zonës.

Megjithatë pavarësisht vendosjes nën kontroll të situatës dhe neutralizimit të vatrës së zjarrit, një nga grupet e zjarrfikëses Gjirokastër do të qëndrojë në zonë për të mbajtur nën mbikëqyrje situatën.

/abcnews.al/

Papa Leoni XIV është shprehur se është i domosdoshëm një armëpushim mes vendeve dhe që të arrihet paqe mes Rusisë dhe Ukrainës. Ai ka bërë thirrje që të ndalet dhuna, duke shtuar se nuk u shërben askujt dhe se civilët janë ato që përballen me pasoja më të mëdha. Ndërsa sa i përket takimit të paralajmëruar të premten në Alaska mes Putin dhe Trump, theksoi se shpreson që të arrihet një armëpushim.

Papa Leoni u ndal edhe te situata e vështirë në Gaza për shkak të luftës dhe krizës humanitare me të cilën po përballet vendi.

Ai bëri thirrje që të gjendet sa më parë një zgjidhje, duke apeluar që pengjet të lirohen dhe t’u kthehen familjarëve të tyre.

“Ne duhet ta zgjidhim krizën humanitare. Nuk mund të vazhdojmë kështu. Ne e njohim dhunën e terrorizmit. Po ashtu pengjet duhet të lirohen, por duhet të mendojmë edhe për shumë njerëz që po vdesin nga uria.”, tha mes të tjerash ai.

/abcnews.al/

Spitali i Fëmijëve ”Karamandanio” në qytetin grek të Patras u evakuua për shkak të një zjarri në rajon, tha sot ministri grek i Shëndetësisë, Adonis Georgiadis.

“Për arsye të qarta parandaluese dhe ndërsa nuk ka kërcënim të menjëhershëm, kam vendosur që të evakuojmë Spitalin e Fëmijëve ‘Karamandanio’ të Akaisë duke ndjekur udhëzimet e Mbrojtjes Civile”, tha Georgiadis në një postim.

Përveç spitalit të fëmijëve, banorët e azilit të pleqve ”Konstantopoulio” po evakuoheshin gjithashtu për shkak të zjarrit.

Automjetet e ambulancave të shërbimit të urgjencës mjekësore (EKAV) janë pothuajse atje dhe do të marrin tetë pacientë, ndërsa katër të tjerë, që mund të ecin vetë, do të vendosen përkohësisht në Spitalin e Përgjithshëm Universitar në Rio. Nuk ka arsye për shqetësim dhe i gjithë operacioni do të kryhet në mënyrë të rregullt dhe të sigurt”, shtoi ai.

Read More...

Një tjetër vatër zjarri është përhapur në sipërfaqen pyjore të fshatit Bele në Kukës, pjesë e parkut Kombëtar Korab Koretnik. Zjarri është përhapur me shpejtësi edhe si pasojë e erës së fortë duke rrezikuar edhe disa shtëpi në këtë zonë.

Në vendngjarje janë dhjetëra punonjës të shërbimit zjarrfikës, emergjenca civile të bashkisë Kukës si edhe të zonave të mbrojtura, në ndihmë janë edhe banorë të zonës.

/abcnews.al/

Në një konferencë të zhvilluar me gazetarët, presidenti amerikan u pyet nëse Rusia do të përballet me pasojë në rast se në takimin që pritet të mbahet të premten nuk do të arrihet marrëveshje për të përfunduar luftën.

Trump u shpreh shkurtimisht se do të ketë pasojë.

“Po do të ketë, do të ketë pasoja”, raportohet të ketë thënë Trump. Më tej nuk sqaroi se për çfarë sanksionesh mund të bëhej fjalë, por shtoi se pasojat do të jenë shumë të rënda.

Megjithatë theksoi se ekziston mundësia që të ketë një takim të dytë me Putinin, që sipas Trump do të jetë “më produktiv” sesa ai i planifikuar për të premten në Alaska.

Në takimin e parë, “Do të zbuloj se ku jemi dhe çfarë po bëjmë”, nënvizoi Trumop.

/abcnews.al/