Presidenti amerikan Donald Trump po shqyrton përdorimin e kompanive ushtarake private amerikane, trupat e së cilave mund të vendosen në Ukrainë për të garantuar paqe afatgjatë në Luftën e Europës Lindore.

Ky opsion shihet si një mënyrë për të mbajtur premtimin se SHBA nuk do të dërgojnë zyrtarisht ushtarët e tyre në terren, por megjithatë garantojnë një prani amerikane për mbrojtjen e interesave të Kievit.

Kontraktorët privatë do të angazhoheshin në rindërtimin e fortifikimeve në vijën e frontit, ndërtimin e bazave të reja ushtarake, mbrojtjen e interesave ekonomike amerikane dhe në forcimin e efektit frenues ndaj Rusisë në rast të prishjes së një marrëveshje paqeje apo armëpushimi.

Lajmi u raportua nga media britanike The Telegraph e cila shkruan se do të kishte një ngrirje të kufinjve aktual të luftës me krijimin e zonave të demilitarizuara në secilën anë të frontit, e thënë ndryshe zona tampon me një distance prej 20 kilometrash nga secila anë. Në vijë të parë të frontit , në atë që do të ishte një kufi i ngrirë do të ishin trupat Ukrainase ata që do të garantonin sigurinë e territoreve të tyre. Ata do të suportoheshin vazhdimisht nga inteligjenca ushtarake Amerikane. The Telegraph shkruan se komanda këtij misioni do ti jepej nga NATO ose Shtetet e Bashkuara të Amerikës.

Plani po diskutohet paralelisht me garancitë e sigurisë të përgatitura nga një koalicion i udhëhequr nga Britania dhe Franca, që parashikojnë misione ajrore patrullimi, trajnime dhe riarmatosje të ushtrisë ukrainase, si edhe misione detare në Detin e Zi për hapjen e korridoreve tregtare. Trump ka sinjalizuar mbështetje për këtë nismë dhe është shprehur i gatshëm të ofrojë logjistikë, inteligjencë dhe mbulim ajror, por jo trupa të ushtrisë amerikane. Zyrtarët evropianë theksojnë se prania e kontraktorëve amerikanë do të forconte garancitë, pasi prezenca e shtetasve amerikanë në Ukrainë do të shërbente si element frenues ndaj një sulmi rus. Diskutimet lidhen gjithashtu me marrëveshje ekonomike, përfshi projektet për shfrytëzimin e mineraleve dhe metaleve të rralla të Ukrainës.

Sa i përket diskutimeve për një zone të demilitarizuar mes forcave Ukrainase dhe atyr Ruse ka pasur disa mospajtime me këtë plan.

Presidenti ukrainas Volodymyr Zelensky ka kërkuar stacionimin e trupave evropiane, ndërsa Vladimir Putin ka sugjeruar përfshirjen e Kinës, një ide e refuzuar nga Kievi dhe vendet evropiane për shkak të mbështetjes që Pekini i ka dhënë Moskës. Një forcë evropiane prej disa mijëra trupash mund të vendoset brenda Ukrainës si një linjë e tretë mbrojtjeje, por pa hyrë drejtpërdrejt në front. Megjithatë edhe ky skenar nuk gëzon mbështetjen e të gjithë Vendeve anëtare të BE, me Italinë që kundërshton kategorikisht një plan të tillë.

Vetë Zelensky njoftoi të premten se janë në diskutime me Turqinë mbi një plan që Turqia të patrullojë lundrimet e Anijeve në Detin e zi.

Mbështetja amerikane shihet si kusht thelbësor për suksesin e planit, veçanërisht për transportin e pajisjeve, inteligjencën satelitore dhe garancitë e sigurisë. Megjithatë, skepticizmi mbetet i lartë, pasi shumë zyrtarë evropianë besojnë se Vladimir Putin nuk është i gatshëm të pranojë një armëpushim dhe se po përdor bisedimet për të fituar kohë dhe territor.

Një sipërfaqe me bimësi është përfshirë nga zjarri. Zjarri i rënë ndodhet në afërsi të lokaleve dhe një pike karburanti, pranë fshatit Pojskë, në Pogradec.

Si pasojë për rreth 30 minuta është bllokuar qarkullimi i mjeteve në aksin Pogradec – Lin për shkak se zjarri ishte në afërsi të karburantit.

Ndërkohë autoritetet kanë ndërhyrë dhe po punojnë për shuarjen e zjarrit ndërsa policia po menaxhon edhe qarkullimin e mjeteve.

/abcnews.al/

Tre javë nga aktivizimi i portalit Hapësira Ime Publike janë evidentuar nga qytetarët mijëra raste të ndërtimeve apo zaptimeve pa leje.

Deri këtë të shtunë janë regjistruar mbi 8000 denoncime. Nga këto, 3053 raste kanë marrë zgjidhje ndërsa 5122 të tjera janë në proces verifikimi.

Numri i lartë i raportimeve vetëm nga qytetarët tregon se aksioni do të zgjasë në kohë. Jo më kot edhe vetë kryeministri Edi Rama ka paralajmëruar se ky proces do ti marrë qeverisë, jo pak por plot 4 vite.

Një sinjal që kjo lëvizje jo vetëm është e duhura por meriton një vëmendje afatgjatë, pse jo edhe një ministri, që dikur ka ekzistuar, pikërisht ministria e zhvillimit urban, në mandatin e parë të Edi Ramës.

Vetë kryeministri është angazhuar se aksioni për pastrimin e territorit do të vijojë pa ndërprerje. Këtë të shtunë Rama publikoi pamje nga shpërthimi me tritol i një resorti në Durrës, bashkë me një mesazh për kritikët.

“Ca zëra në nisje të kësaj kthese të re thoshin “po pse Thethi e jo Jugu, po pse ashtu e jo kështu”, ndërkohë puna për mbrojtjen e vendit nga abuzuesit vazhdon në Veri, Jug dhe Shqipërinë e Mesme, ku konkretisht në Durrës është vendosur rendi ligjor mbi një territor të marrë peng nga një abuzues, i cili është ndaluar nga Policia e Shtetit e i është dorëzuar drejtësisë edhe si ish-drejtues i inspektorëve të Durrësit”, thotë Rama.

Në më shumë se dy muaj janë liruar mijëra hapësira pa leje, ndërsa qeveria ka paralajmëruar masa ndëshkimore për shkelësit e saj, përfshirë edhe një ligj që parashikon një listë të zezë për ndërtuesit të cilët nuk rrezikojnë vetëm gjoba por edhe mundësinë të mos marrin sërish leje ndërtimi.,

Reshjet me intensitet në Vlorë kanë shkaktuar probleme në disa prej akseve të qytetit. Por gjithashtu raportohet edhe për prezencë të ujit në rreth 15 banesa, por po punohet për të shmangur dëmet në këto banesa.

Kryetari i Bashkisë së Vlorës, Ermal Dredha ka theksuar se po punohet lidhur me këtë situatë dhe se të gjitha grupet janë në terren për të menaxhuar situatën.

Moti i keq përfshiu të gjithë territorin shqiptar, ndërsa Vlora u përball me një rrugë të bllokuara.

Moti i keq ka përfshirë vendin. Era e fortë dhe reshjet e shiut  vijojnë prej më shumë se një orë në Tiranë. Ndërsa disa pemë janë thyer për shkak të stuhisë.

Po ashtu, të paktën 20 persona janë paraqitur tek “Trauma”, ndërsa 10 të tjerë vijojnë të qëndrojnë në spital ku edhe po marrin trajtim mjekësor. Mësohet se këta shtetas kanë marrë dëmtime, për shkak të stuhisë së fortë përfshiu vendin këtë të shtunë.

/abcnews.al/

Read More...

Vështirësohet qarkullimi i automjeteve në Vlorë. Reshjet e dendura të shiut kanë krijuar kaos dhe probleme në disa akse të qytetit.

Siç shihet nga pamjet, rrugët janë kthyer në ‘lumenj’, për shkak të nivelit të lartë të ujit.

Ndërkohë i gjithë territori shqiptar është përfshirë nga moti i keq, me rrebeshe dhe erëra të forta.

/abcnews.al/

Temperaturat e larta ia kanë lënë vendin rrebesheve të shiut dhe erërave të fortë. Fundi i muajit gusht po mbyllet me reshje shiu dhe me temperatura më të ulëta.

Një kthesë e papritur e motit ka shkaktuar edhe problemet e para në vend, pasi thuajse i gjithë territori i vendit është përfshirë nga moti i keq.

Stuhia e fortë goditi fillimisht Durrësin, Golemin, Kavajën, ndërsa rrebeshet e shiut shkaktuan probleme në qarkullim për shkak edhe të përmbytjes së rrugëve. Edhe Lezha u përfshi nga moti i keq dhe me përmbytje në disa rrugë.

Vlora u përball me një tjetër fenomen një stuhi rëre dhe erë njëkohësisht, për t’ia lënë më pas vendin rrebesheve të shiut dhe rrugëve të bllokuara nga shirat e dendur.

Në Fier nuk u raportuan përmbytje masive, ndërsa qyteti u përfshi nga reshje shiu. Por në fshatrat përreth u raportua ndërprerje e energjisë elektrike.

Gjithashtu edhe kryeqyteti u godit nga stuhia dhe erëra të forta. Disa pemë u rrëzuan për shkak të erës së fortë, ndërsa pati edhe dëme në disa automjete.

Si pasojë e erës së fortë dhe reshjeve të dendura të shiut, ka prezencë uji në disa akse, inerte dhe thyerje të pemëve.

Reshjet e shiut shkaktuar probleme në lëvizjen e qytetarëve si edhe të automjeteve.

Autoritetet kanë bërë apel për kujdes të shtuar nga ana e qytetarëve dhe drejtuesve të automjeteve nga rënia e inerteve, pemëve apo sendeve nga lartësitë e pallateve.

/abcnews.al/

Reshjet e dendura të shiut, të shoqëruara me erë të fortë, kanë bërë që dy turistë të mbeten të bllokuar në kodrat e Zvërnecit.

Rreth orës 13:00 të ditës së sotme, për shkak të motit të keq, një pemë ka rënë duke bllokuar rrugën rurale të zonës, ndërsa reshjet kanë dëmtuar edhe segmentin për këmbësor.

Çifti nga Ukraina kërkoi ndihmën e forcave zjarrfikëse të Vlorës, të cilët janë duke shkuar për hapjen e rrugës si dhe prerjen e pemës që kishte zënë rrugën dhe për t’i ndihmuar ata të largoheshin nga zona.

Përveç makinës së turistëve, të bllokuara kishin mbetur edhe disa automjete të tjera.

/abcnews.al/

Tirana International Airport (TIA) ka bërë një njoftim të rëndësishëm për të gjithë pasagjerët.

Për shkak të motit të keq skuadra e aeroportit ka pezulluar operacionet në pistë.

Megjithatë sqaron se puna vijon normalisht dhe në në aeroportin e Tiranës nuk ka pasur probleme por ka vijuar ulja e avionëve

Monedha europiane i është rikthyer rimëkëmbjes duke arritur nivelin më të lartë të regjistruar në dy muaj.

Sipas të dhënave të Bankës së Shqipërisë euro e ka mbyllur javën në kufijtë e 98 lekëve duke fituar gati 1 pikë brenda 10 ditëve .Ky vlerësim i euros vjen në një moment kur efektet sezonale të verës po zbehen, pasi jemi në fund të pikut të sezonit turistik. Gjatë muajve korrik–gusht, në vend u regjistrua hyrje masive e valutës europiane si nga turistët, emigrantët por edhe nga  investimet sidomos në blerjen e pasurive të paluajtshme duke ndikuar direkt në dobësimin e saj përballë lekut në kursin e këmbimit.

Kjo konfirmohet edhe nga vlera e lartë e transaksioneve në monedhën europiane të cilat vetëm në korrik arritën vlerën e 556.4 milionë eurove duke regjistruar nivelin më të lartë  përgjatë këtij viti

Agjentët e këmbimit valutor parashikojnë se me përfundimin e sezonit turistik  monedha europiane do të fitoj territor përballë lekut duke vijuar që të ketë një forcim por pavarësisht kësaj  nuk parashikohet që të tejkaloj limitin e 100 lekëve.

Megjithatë, dobësimi i euros  gjatë 2025-ës ka qenë më i përmbajtur krahasuar me vitet e kaluara.

Nivelin më të lartë për këtë vit, euro e ka regjistruar në 30 janar, kur  arriti të këmbehej  me rreth 100 lekë dhe që nga ajo kohë ka humbur 2.85% të vlerës në raport me monedhën tonë.

Një forcim të lehtë ka regjistruar edhe monedha amerikane kundrejt lekut gjatë ditëve të fundit .Sipas kursit zyrtar të Bankës së Shqipërisë një dollar po këmbehet me rreth 84 lekë.

/abcnews.al/

Për këdo që kërkon pushime më të qeta, vjeshta është gjithnjë zgjedhje ideale. Të dhënat nga operatorët turistikë, tregojnë se Shqipëria edhe këtë vit renditet si destinacion për të huajt që duan të pushojnë në këtë periudhë. Numri më i lartë i rezervimeve bëhet nga ata mbi 60 vjeç.

“Koha është më e freskët dhe më e përshtatshme për këtë kategori. Ne muajin shtator jemi në operacion të plotë me grupe turistike, kryesisht për turizmin kulturor”, shprehet Xhimi Lama, nga unioni turistik shqiptar.

Mbizotërojnë turistët evropianë, por nuk mungojnë edhe ata nga vendet më të largëta.

“Sivjet ka një trend, ka pasur rritje tregu francez. Para disa vitesh tregu francez ishte inekzistent, ketë vit ka dominuar, por edhe gjerman. Vjet ishte tregu italian më dominues. Natyrisht turistët në Shqipëri janë nga të gjitha shtetet e Europës dhe botës, nga Amerika, Australia, Zelanda e Re, por mbizotëron tregu perëndimor”, shprehet ai.

Sipas, unionit turistik shqiptar, Shqipëria këtë vjeshtë është kthyer në destiancionin më të kërkuar të izraelitëve.

“Momentalisht nga tregu izraelit janë tre linja ajrore të ndryshme që operojnë për herë të parë në Shqipëri, është shtuar goxha tregu izraelit, duke qenë se shumë tregje për Izraelin janë të mbyllura”, thekson ai.

Të dhënat tregojnë një trend të rritje të turizmit në këtë stinë, pasi njësitë e mëdha akomoduese kanë ezauruar të gjitha kapacitetet.

“Shumë hotele të mirëfillta, që kanë eksperiencë në akomodiminne grupeve turistike pothuajse janë të mbyllura deri në fund të tetorit, është e vështirë”, thotë ai.

Shqipëria është listuar në media të ndryshme ndërkombëtare që promovojnë vendet turistike si destinacion ideal për të pushuar në vjeshtë.

“Shumë operatorë turistikë janë të prirur për tregje të reja dhe Shqipëria në dy vitet e fundit është bërë një destinacion shumë i frekuentuar dhe promovuar. Tani pritshmëritë për Shqipërinë janë shumë të larta, me marketingun që i është bërë duhet të jemi shumë të kujdesshëm në shërbim”, thotë Xhimi Lama, nga unioni turistik shqiptar.

Qytetet historike dhe zonat malore janë destinacionet që kërkojnë të huajt në këtë periudhë në Shqipëri. Për shkak të afërsisë me aeroportin, Tirana mbetet ndalesa kryesore për ta.

/abcnews.al/

Saranda është ndalesa e mijëra turistëve nga mbarë bota që shëtisin me kroçera.

Të huajt shijojnë kuzhinën vendase, vizitojnë Butrintin dhe  Syrin e Kaltër  ose   kalojnë disa orë në plazh.

Shumë prej tyre tregojnë se ky udhëtim një ditor i nxit për pushime të gjata në vendin tonë.

“Do të qëndrojmë vetëm për sot këtu sepse kemi ardhur me kroçera. Tani e dimë që kemi një vend kaq të bukur për t’u kthyer sërish. Ajo që dua të shtoj është që njerëzit janë të adhurueshëm këtu.”, thotë një turist.

Këta  dy turiste nga Australia e largët  duket se po e shijojnë këtë pushim të shkurtër në  Sarandë.

“Erdhëm këtë mëngjes me kroçera dhe pamja nga atje ishte spektakolare. Ne vijmë  nga Australia.  Kemi vende te bukura atje, por asgjë të ngjashme me këtë, uje i pastër, i kristalte, është bukuri një absolute këtu.. dhe absolutisht do ua rekomandoj gjithë miqve të mi të vijnë këtu dhe ta shijojnë”, shprehen ata.

“Sapo mbërritëm këtu na u duk gjithçka shumë e bukur dhe shume e pastër, uji është blu, kristal. Njerëzit janë shumë të mirë. Do doja shumë të kthehesha këtu e të rrija më gjatë por është një rrugë shume e largët gati 25 orë udhëtim, por kudo ku ka ndaluar kroçera askund nuk ishte kaq bukur..”, tregon një tjetër turiste.

Ky lloj turizmi nis në prill e zgjat deri në fillim të nëntorit.  Vizitorët  kryesisht të moshës së mesme,  pjesëmarrës në ture të tilla, sipas operatorëve turistike  i japin një hov turizmit lokal.

/abcnews.al/

Stuhia në Fier kalon pa probleme, por zonat periferike veçanërisht ato në bregdet janë pa energji elektrike.

Reshjet e dendura të shiut me erë të fortë dhe shkarkesa elektrike nisen me intensitet në zonën bregdetare ndërsa në qytet fuqia e tyre ishte më e ulët.

Megjithë përmbytjet sipërfaqësore të rrugëve, nuk ka bllokim të qarkullimit rrugor. Stuhia ka  dëmtuar disa pjesë të linjës se furnizimit me energji. Aktualisht pa energji janë të gjithë fshatrat e zonës bregdetare si dhe disa fshatra në Mallakastër.

/abcnews.al/

Read More...

Vlora është përfshirë gjatë ditës së sotme nga erëra shumë të forta që kanë sjellë një stuhi rëre, duke mbuluar qytetin bregdetar.

Pamjet tregojnë rrugë të mbushura me pluhur dhe dukshmëri të ulët, ndërsa era e fortë ka krijuar vështirësi për qytetarët.

Situata është shoqëruar edhe me trafik të rënduar, pasi shumë pushues kanë zgjedhur të largohen me shpejtësi nga qyteti, duke bllokuar akset hyrëse dhe dalëse të Vlorës.

Ndërkohe kanë tashmë kanë nisur edhe reshjet intesive në qytet.

Autoritetet u bëjnë apel drejtuesve të mjeteve që të tregojnë kujdes të shtuar në qarkullim, ndërsa qytetarët këshillohen të shmangin lëvizjet e panevojshme deri në përmirësimin e kushteve atmosferike.

/abcnews.al/

Tiranë- Stuhia ka goditur edhe kryeqytetin. Temperaturat e larta ia kanë lënë vendin rrebesheve të shiut edhe erërave të forta. Në Tiranë kanë nisur gjithashtu reshje intensive të shiut.

Stuhia e forta ka shkaktuar probleme në qarkullim, por edhe dëme. Për shkak të rrëzimit të disa pemëve nga era e fortë siç shihet edhe në pamje janë dëmtuar disa automjete.

Sipas meteorologëve, një mot i tillë do të na shoqërojë gjatë ditës së sotme, por edhe përgjatë ditës së nesërme.

Autoritetet bëjnë apel që qytetarët të tregohen të kujdesshëm dhe drejtuesit e automjeteve të respektojnë rregullat e qarkullimit për të shmangur problematikat.

/abcnews.al/

Një vlerë e madhe e shtuar për ekipin dhe për ligën.

Kështu cilësohet në Iran transferimi i Jasir Asanit tek Esteglali, një lëvizje që ka bëjë bujë dhe ka krijuar komente e polemika.

Sipas mediave në Teheran, klubi nga kryeqyteti ka marrë përsipër një rrezik të madh financiar, aq më tepër që ka pasur probleme ekonomike këto kohë.

Kjo, sepse rroga e yllit të kombëtares shqiptare jepet në 2.6 milionë USD për dy sezone, që do të thotë 1.3 milionë USD në vit.

Duhet theksuar se kjo pagë nuk do të taksohet për asnjë dollar, ndërsa edhe rroga mesatare në Iran deri në 500 USD taksohet ndjeshëm.

Nga ana tjetër, shqetësimi është i madh lidhur me atë që bën futbollisti jashtë fushe.

Mediat shkruajnë se historia e Asanit me mungesë disipline dhe probleme morale në Kuangju është alarmante, ndërsa drejtuesit e Esteghlalit duhet të jetë në gjendje ta kontrollojë këtë lojtar.

Sidoqoftë, përfitimet sportive cilësohen shumë më të mëdha.

Në Teheran theksojnë se shqiptari 30-vjeçar mbiquhet “Arjen Roben” i Azisë, se ka shkëlqyer në një nga ligat më të forta të Azisë, siç është ajo e Koresë së Jugut dhe në Champions, dhe se mund të jetë një ndihmë e madhe për skemat e trajnerit Sa Pinto që preferon të luajë me modulin 4-2-3-1, dhe që mund të luajë edhe në të majtë, edhe në të djathtë.

Pritshmëria për Asanin është e madhe, ndonëse duhet pasur parasysh se ai do të ketë nevojë edhe për kohën e përshtatjes me futbollin në Iran.

/abcnews.al/

Dhunë në familje. Një 36-vjeçar banues në Elbasan është arrestuar nga policia pasi ka dhunuar bashkëshorten e tij.

Gjatë kontrollit në banesën e të arrestuarit, shërbimet e Policisë gjetën dhe sekuestruan një sasi lënde narkotike kokaine, thika, përforcues grushti dhe armë sportive.

“Shërbimet e Komisariatit të Policisë Elbasan, menjëherë pas marrjes së njoftimit dhe mbështetjes së informacioneve në rrugë operative se një shtetas kishte ushtruar dhunë psikologjike ndaj bashkëshortes së tij dhe se mbante në banesë sasi lënde narkotike, në bashkëpunim me Specialistët për Hetimin e Narkotikëve organizuan punën për kapjen e tij, në kuadër të operacionit policor të koduar “Reaction ”, si rezultat i të cilit u arrestua në flagrancë shtetasi 36-vjeç”, thuhet në njoftimin e policisë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Është padyshim në formë shumë të mirë.

Anis Mehmeti ka në këmbë 408 minuta në futbollin anglez, mes kategorisë së dytë e Kupës së Ligës, shifra tepër të rëndësishme ndërsa jemi ende në fund të gushtit.

Gjithsesi, lojtari ofensiv i lindur në Londër, sërish nuk është preferuar nga trajneri I kombëtares, Silvinjo.

Në një kohë që lojtarët tanë në Itali kanë qenë në fushë për një ndeshje si Gjimshiti apo Ramadani, ndërsa ka pasur nga ata që nuk kanë luajtur ende si Asllani e Ismajli, Mehmeti ka tri ndeshje të plota në Championship, dhe 138 minuta në dy ndeshje të Kupës së Ligës.

Ai ka shënuar edhe një gol për Bristol Sitin, në javën e parë të kampionatit, ndërsa kartoni I tij vlerësohet jo pak, 7 milionë euro, edhe më shumë sesa kapiteni kuqezi Gjimshiti, se Ismajli apo Nedim Bajrami sa për të marrë disa shembuj.

Mehmeti ishte në formë shumë të mirë sezonin e kaluar, duke luajtur 42 ndeshje në Championsip, një kampionat tepër I fortë, duke realizuar 12 gola e duke shërbyer 1 asist.

Shqiptari 24-vjeçar ishte shënuesi më i mirë i skuadrës edicionin e shkuar. Megjithatë, forma e mirë nuk e ka ndihmuar, ndërsa ndoshta shpesh që trajnerët e kombëtareve marrin ata lojtarë me të cilët janë mësuar apo tek të cilët kanë besim.

Anis Mehmeti për Shqipërinë ka vetëm tri ndeshje, nga marsi deri në qershor 2023, duke luajtur gjithsej 58 minuta.

Po ashtu, jashtë kombëtares është edhe ish-kapiteni Etrit Berisha, edhe pse portieri 36-vjeçar po kalon formë shumë të mirë në Suedi tek Haken, duke luajtur vazhdimisht në elitë dhe në Europë, e duke pritur penallti.