Të paktën 20 palestinezë kanë humbur jetën sot gjatë një shpërndarjeje ndihmash në Khan Younis, në jug të Gazës, në një incident që ka sjellë sërish në vëmendje kaosin dhe pasigurinë që shoqëron ndihmën humanitare në këtë zonë të goditur nga lufta.

Fondacioni Humanitar i Gazës (GHF), një organizatë e mbështetur nga Izraeli dhe e financuar pjesërisht nga SHBA, deklaroi se turma e njerëzve doli jashtë kontrollit dhe u përshkallëzua për shkak të individëve të armatosur, të cilët sipas tyre kishin lidhje me Hamasin.

Sipas GHF, 19 persona u shkelën nga turma dhe një tjetër u godit me thikë. Ndërkohë, zyrtarë palestinezë të shëndetësisë thanë për Reuters se viktimat vdiqën nga mbytja, pasi turma u ngjesh në një hapësirë të kufizuar.

The post Gaza: Të paktën 20 palestinezë humbin jetën në një shpërndarje ndihmash mes kaosit dhe akuzave politike appeared first on iconstyle.al.

Mbi 90 palestinezë janë vrarë në 24 orët e fundit si pasojë e bombardimeve izraelite në Rripin e Gazës, njoftojnë autoritetet shëndetësore palestineze. Viktimat përfshijnë dhjetëra gra e fëmijë, ndërsa sulmet kanë goditur edhe zona të mbipopulluara si kampet e refugjatëve dhe lagje civile.

Në kampin e refugjatëve Shati, një ndërtesë ku strehoheshin civilë u shkatërrua nga një goditje ajrore, duke i marrë jetën një ligjvënësi 68-vjeçar të Hamasit dhe tetë anëtarëve të një familjeje, dy prindër dhe gjashtë fëmijët e tyre, sipas burimeve nga Spitali Shifa në Gaza.

Një tjetër sulm shkatërrues ndodhi në lagjen Tel al-Hava të qytetit të Gazës të hënën në mbrëmje, ku një shtëpi u rrafshua plotësisht, duke lënë të vdekur 19 anëtarë të një familjeje, përfshirë tetë gra dhe gjashtë fëmijë.

Ndërkohë që shifrat e viktimave rriten, imazhet nga terreni dëshmojnë një krizë humanitare që thellohet nga ora në orë.

The post GAZË/ Sulmet izraelite lënë pas mbi 90 të vrarë, mes tyre gra dhe fëmijë appeared first on iconstyle.al.

BRUKSEL, 15 korrik /ATSH/- Bashkimi Evropian po kërkon përditësime nga Izraeli mbi zbatimin e një marrëveshjeje të re për të ofruar ndihmë humanitare në Gazë, tha sot diplomatja më e lartë e bllokut, Kaja Kallas, sipas AP.

Ministrat e Jashtëm të 27 vendeve anëtare të BE-së u takuan në Bruksel pas një marrëveshjeje të re për ndihmën në Gazë, e cila u arrit kryesisht nga shefja e politikës së jashtme të BE-së, Kallas, dhe ministri i Jashtëm Izraelit, Gideon Saar.

Saar u takua dje me udhëheqësit e BE-së, pasi ranë dakord javën e kaluar për të lejuar ushqimin dhe karburantin e nevojshëm në enklavën bregdetare prej 2,3 milionë banorësh, të cilët kanë duruar më shumë se 21 muaj luftë.

“Ne kemi arritur një mirëkuptim të përbashkët me Izraelin për të përmirësuar vërtet situatën në terren dhe nuk ka të bëjë me dokumentin, por me zbatimin e këtij dokumenti”, tha Kallas para takimit të Këshillit të Punëve të Jashtme.

“Për sa kohë që nuk është përmirësuar situata humanitare, atëherë nuk kemi bërë mjaftueshëm,” tha ajo, përpara se të bënte thirrje për armëpushim.

Detajet e marrëveshjes mbeten të paqarta, por zyrtarët e BE-së kanë hedhur poshtë çdo bashkëpunim me Fondin Humanitar të Gazës – të mbështetur nga Izraeli për shkak të shqetësimeve etike dhe të sigurisë.

Hapja e më shumë kalimeve kufitare dhe lejimi i më shumë kamionëve me ndihma në Gazë është përparësi, por zyrtarët thonë se do të donin të ngrinin një stacion monitorimi në kalimin Kerem Shalom.

Kallas tha se ministrat do të diskutojnë gjithashtu programin bërthamor të Iranit, shqetësimet mbi zhvillimet në Gjeorgji dhe Moldavi, si dhe sanksionet e reja ndaj Rusisë.

Vendet evropiane si Irlanda, Holanda dhe Spanja kanë bërë thirrje gjithnjë e më shumë që lidhjet e BE-së me Izraelin të rivlerësohen pas luftës në Gazë.

Një raport nga Komisioni Evropian gjeti “indikacione” se veprimet e Izraelit në Gazë po shkelin detyrimet e të drejtave të njeriut në marrëveshjen që rregullon lidhjet e tij me BE-në – por blloku është i ndarë në lidhje me masat që duhet të marrë kundër Tel Avivit.

Lufta në Gaza filloi pasi militantët e udhëhequr nga Hamasi sulmuan Izraelin jugor më 7 tetor 2023, duke vrarë rreth 1200 njerëz dhe duke marrë peng 251 të tjerë, shumica e të cilëve janë liruar në armëpushimet e mëparshme.

“Izraeli u përgjigj me një ofensivë që ka vrarë më shumë se 58 000 palestinezë, më shumë se gjysma e tyre gra dhe fëmijë”, sipas Ministrisë së Shëndetësisë së Gazës. //a.i/

The post BRUKSEL – BE kërkon më shumë informacion nga Izraeli mbi zbatimin e marrëveshjes së ndihmës për Gazën appeared first on Agjencia Telegrafike Shqiptare.

BRUKSEL, 14 korrik /ATSH-ANSA/- Ka pasur disa sinjale se më shumë kamionë dhe furnizime po mbërrijnë në Gazë, por Bashkimi Evropian nuk sheh përmirësim të mjaftueshëm në terren, tha sot shefja e politikës së jashtme të BE-së, Kaja Kallas, përpara një takimi me zyrtarë të lartë të Lindjes së Mesme dhe BE-së, në Bruksel.

“Situata në terren, në Gazë është serioze. Është një gjë të nënshkruash marrëveshje në letër dhe një tjetër t’i zbatosh ato”, tha Kallas.

BE-ja arriti një marrëveshje me Izraelin javën e kaluar për të përmirësuar situatën humanitare në Rripin e Gazës, duke përfshirë rritjen numrit të kamionëve me ndihma dhe hapjen e pikave të kalimit dhe rrugëve të caktuara të ndihmës.

“Më kërkuan të hartoja një listë me sanksione, tani u takon 27 vendeve të vendosin se çfarë duhet të bëjnë”, tha Kallas duke iu referuar masave te mundshme kundër Izraelit për shkelje të të drejtave të njeriut.

Në qershor të vitit 2025, Spanja, Irlanda dhe Sllovenia kërkuan pezullimin e Marrëveshjes së Asociimit BE-Izrael.

Suedia gjithashtu i ka kërkuar Këshillit Evropian të miratojë sanksione kundër ministrave izraelitë që promovojnë aktivitete të paligjshme të vendbanimeve dhe punojnë në mënyrë aktive kundër një zgjidhjeje të negociuar me dy shtete.

Në përputhje me rrethanat, përfaqësuesja e Lartë e BE-së për Punët e Jashtme dhe Politikën e Sigurisë, Kaja Kallas ka propozuar një listë të sanksioneve ndaj Izraelit, të cilat do të diskutohen në Këshillin e ardhshëm të BE-së. //a.i/

The post BRUKSEL – BE: Ndihma për Gazën e kufizuar, pavarësisht marrëveshjes me Izraelin appeared first on Agjencia Telegrafike Shqiptare.

NJU JORK, 11 korrik /ATSH/- Zyra e të drejtave të njeriut e OKB-së tha sot se kishte regjistruar të paktën 798 të vrarë brenda gjashtë javëve të fundit – në pikat e ndihmave në Gazë – të drejtuara nga Fondacioni Humanitar i Gazës (GHF) i mbështetur nga SHBA-ja dhe Izraeli, sipas “Reuters”.

GHF përdor kompani private amerikane të sigurisë dhe logjistikës për të sjellë furnizime në Gazë – duke anashkaluar kryesisht një sistem të udhëhequr nga OKB-ja – që Izraeli pretendon se i ka lejuar militantët e udhëhequr nga Hamasi – të plaçkitin dërgesat e ndihmave të destinuara për civilët. Hamasi i ka mohuar akuzat.

Pas vdekjes së qindra civilëve palestinezë që përpiqeshin të arrinin në qendrat e ndihmës së GHF-së – në zonat ku veprojnë forcat izraelite – Kombet e Bashkuara e kanë quajtur ofrimin e ndihmës “në thelb të pasigurt” dhe incidentet – një shkelje të standardeve të paanshmërisë humanitare. //a.i/

The post NJU JORK – OKB: Të paktën 798 të vrarë pranë qendrave të ndihmës në Gazë appeared first on Agjencia Telegrafike Shqiptare.

Mjekët pa Kufij kanë paralajmëruar se popullsia në Rripin e Gazës, që po përjeton luftime të rënda, po vuan gjithnjë e më shumë nga uria. Ekipet në terren kanë vërejtur “një rritje të shpejtë dhe të paparë të kequshqyerjes akute tek njerëzit në Gazë”, thanë ata. Në dy qendrat e saj shëndetësore në qytetin e […]

The post Mjekët pa Kufij: Ka rritje të madhe të kequshqyerjes në Gazë appeared first on BoldNews.al.

Zyra e OKB-së për të Drejtat e Njeriut (OHCHR) ka publikuar shifrat ararmante ku sipas një raporti në periudhën 27 maj–7 korrik 2025, janë regjistruar 798 viktima pranë qendrave të shpërndarjes së ndihmave në Gaza.

Sipas raportit:

615 viktima ndodhën në qendrat e menaxhuara nga Fondacioni Humanitar i Gazës (GHF).

183 të tjerë humbën jetën gjatë shpërndarjeve nga organizata të tjera.

OKB e cilëson situatën si “thellësisht të pasigurt”, ndërsa GHF i mohon shifrat duke akuzuar OKB-në për dezinformim. Ushtria izraelite thotë se po heton rastet dhe ka marrë masa për të parandaluar përplasjet me civilët.

The post Masakër në Gazën ‘’e harruar’’, OKB: 798 të vdekur në 6 javë appeared first on Albeu.com.

GAZË, 11 korrik /ATSH/- Mjekët kanë paralajmëruar për rrezikun e një katastrofe të afërt në spitalin më të madh funksional të Gazës – për shkak të mungesës së karburantit dhe ofensivës tokësore izraelite në zgjerim në qytetin jugor, Khan Younis, sipas BBC.

Kompleksi Mjekësor “Nasser” u detyrua të ndalonte dje shtrimin e pacientëve, kur dëshmitarët thanë se trupat dhe tanket izraelite kishin avancuar dhe qëlluar drejt kampeve aty pranë ku strehohen familjet e zhvendosura.

Stafi mjekësor dhe dhjetëra pacientë në kujdes intensiv mbeten brenda spitalit, ku mungesa e karburantit kërcënon të mbyllë shërbimet.

Nuk pati asnjë koment të menjëhershëm nga ushtria izraelite.

Një brigadë e blinduar po vepronte sot në Khan Younis për të çmontuar vendet e infrastrukturës terroriste dhe për të konfiskuar armët. Më herët, Izraeli ka lëshuar urdhra evakuimi për zonat përreth spitalit.

Ndërkohë, stafi mjekësor brenda spitalit “Nasser” u dërgoi mesazhe gazetarëve vendas duke shprehur frikën e tyre.

“Ne ende po punojmë në spital. Tanket janë vetëm pak metra larg. Jemi më afër vdekjes sesa jetës. Ajo që na duhet vërtet është  – të ndalojmë makinerinë vrasëse. Vetëm një natë, një turn, vetëm një turn, pa marrë dhjetëra jetë “, thanë ata.

“Jemi të rraskapitur mendërisht dhe fizikisht. Po punojmë me burime minimale dhe me një mungesë shumë të madhe të pajisjeve dhe materialeve mjekësore. Por, ne duhet të vazhdojmë të punojmë sepse këto janë jetë që duhet t’i shpëtojmë”, tha stafi. //a.i/

The post GAZË – Spitali më i madh funksional përballet me katastrofë ndërsa Izraeli zgjeron ofensivën appeared first on Agjencia Telegrafike Shqiptare.

Një sulm ajror izraelit ka goditur palestinezë pranë një qendre mjekësore në Rripin e Gazës të enjten, duke i vrarë 10 fëmijë dhe gjashtë të rritur, sipas zyrtarëve shëndetësorë.

Sulmi ndodhi në një kohë kur nuk duket se do të arrihet së shpejti ndonjë marrëveshje në bisedimet për armëpushim që janë duke u zhvilluar.

Pamjet e verifikuara nga sulmi në Deir al-Balah, në pjesën qendrore të Rripit të Gazës, shfaqin trupat e grave dhe fëmijëve të shtrirë në pellgje gjaku.

Një video tjetër shfaq disa fëmijë të palëvizshëm të shtrirë mbi një karrocë gomari.

“Ajo nuk bëri asgjë, ishte e pafajshme, betohem. Ëndrra e saj ishte që lufta të përfundonte dhe që ata të njoftonin sot, në mënyrë që ajo të kthehej në shkollë”, tha Samah al-Nouri, duke qëndruar pranë trupit të vajzës së saj që u vra në sulm.

“Ajo thjesht po merrte trajtim në një qendër mjekësore. Pse i vranë?” tha ajo.

Ushtria izraelite tha se e goditi një militant që kishte marrë pjesë në sulmin e udhëhequr nga Hamasi më 7 tetor 2023 në Izrael, i cili e shkaktoi fillimin e luftës në Gazë.

Një sulm ajror izraelit ka goditur palestinezë pranë një qendre mjekësore në Rripin e Gazës të enjten, duke i vrarë 10 fëmijë dhe gjashtë të rritur, sipas zyrtarëve shëndetësorë.

Sulmi ndodhi në një kohë kur nuk duket se do të arrihet së shpejti ndonjë marrëveshje në bisedimet për armëpushim që janë duke u zhvilluar.

Pamjet e verifikuara nga sulmi në Deir al-Balah, në pjesën qendrore të Rripit të Gazës, shfaqin trupat e grave dhe fëmijëve të shtrirë në pellgje gjaku. Një video tjetër shfaq disa fëmijë të palëvizshëm të shtrirë mbi një karrocë gomari.

“Ajo nuk bëri asgjë, ishte e pafajshme, betohem. Ëndrra e saj ishte që lufta të përfundonte dhe që ata të njoftonin sot, në mënyrë që ajo të kthehej në shkollë”, tha Samah al-Nouri, duke qëndruar pranë trupit të vajzës së saj që u vra në sulm.

“Ajo thjesht po merrte trajtim në një qendër mjekësore. Pse i vranë?” tha ajo. Ushtria izraelite tha se e goditi një militant që kishte marrë pjesë në sulmin e udhëhequr nga Hamasi më 7 tetor 2023 në Izrael, i cili e shkaktoi fillimin e luftës në Gazë.

The post Sulmi ajror izraelit vret 10 fëmijë pranë një qendre mjekësore në Gazë appeared first on Albeu.com.

Kabineti i sigurisë i Izraelit u mblodh vonë të shtunën në mbrëmje për një takim ku thuhet se pati konfrontime të tensionuara midis kryeministrit Benjamin Netanyahu dhe shefit të shtabit të IDF-së, Eyal Zamir, mbi temën e ndihmës humanitare, raportoi N12.

Takimi u zhvillua vetëm disa orë para se delegacioni izraelit të nisej për në Doha dhe përfundoi me një vendim për të shpërndarë më tej ndihmat humanitare në të gjithë Rripin e Gazës, vuri në dukje N12.

Raporti deklaroi se kishte një vonesë në krijimin e “qytetit të ndihmës humanitare” në pjesën jugore të Gazës, me Netanyahun që thuhet se kritikoi vonesën e ushtrisë, duke thënë: “Nuk ka arsye për të pritur; ne duhet të ecim përpara”.

Ministrat Bezalel Smotrich dhe Itamar Ben-Gvir votuan kundër propozimit dhe thuhet se argumentuan se do të ishte më e vështirë të evakuohej popullsia nga zona.

N12 raportoi se gjatë takimit, u shfaqën imazhe të civilëve të Gazës që vraponin drejt qendrave të shpërndarjes së ndihmave.

LEXONI GJITHASHTU:

• Avion Civil An-2 rrëzohet në Rusi, 10 persona të plagosur
• Përmbytjet në Teksas: 51 të vdekur dhe mbi 850 të shpëtuar

The post Netanyahu përplaset me shefin e IDF-së për vonesën e ndihmës për Gazën appeared first on Euronews Albania.

Agjencia e mbrojtjes civile në Gazë njoftoi se forcat izraelite vranë të paktën 25 persona të enjten, përfshirë 12 në një sulm ndaj një shkolle që strehonte palestinezë të zhvendosur nga lufta që po hyn në muajin e saj të 22-të. Izraeli ka zgjeruar së fundmi operacionet ushtarake në Rripin e Gazës, ku lufta që […]

The post Ekipet e shpëtimit në Gazë: Forcat izraelite vranë 25 persona, 12 në strehimore appeared first on BoldNews.al.

TEL AVIV, 3 korrik /ATSH-DPA/- Disa sulme ajrore izraelite dje në Rripin e Gazës shkaktuan vdekjen e të paktën 30 personave dhe plagosën dhjetëra të tjerë, thanë dëshmitarë okularë, autoritetet e kontrolluara nga Hamasi dhe burime të tjera palestineze.

“Të paktën 10 persona u vranë dje në mbrëmje dhe mbi 50 të tjerë u plagosën”, raportoi stafi në Spitalin Nasser.

Gjashtë nga viktimat thuhet se ishin anëtarë të një familjeje. Këto pretendime nuk mund të verifikohen në mënyrë të pavarur. Ushtria izraelite ende nuk ka komentuar për incidentin.

“Më parë, në një sulm të veçantë ajror izraelit në Qytetin e Gazës në veri, të paktën 17 persona u vranë”, sipas burimeve palestineze. //a.i/

The post GAZË – Të paktën 30 të vrarë nga sulmet izraelite, ndërsa përpjekjet diplomatike vazhdojnë appeared first on Agjencia Telegrafike Shqiptare.

TEL AVIV, 2 korrik /ATSH-DPA/- Një shumicë e madhe brenda qeverisë dhe popullsisë është në favor të planit për lirimin e pengjeve, tha sot ministri i Jashtëm Izraelit Gideon Saar.

“Nëse lind mundësia, nuk duhet humbur!”, shkroi Gideon Saar në X.

Megjithatë, ministri i Sigurisë Kombëtare, i ekstremit të djathtë, Itamar Ben-Gvir është i vendosur të parandalojë marrëveshjen.

Mediet izraelite raportuan se Ben-Gvir kishte kontaktuar ministrin e Financave të ekstremit të djathtë Bezalel Smotrich për të koordinuar qasjen e tyre në këtë çështje.

Të afërmit e pengjeve i kanë kritikuar ashpër dy politikanët. Ben-Gvir kundërshton përfundimin e luftës në Gazë për sa kohë që organizata militante palestineze Hamas nuk mposhtet.

Udhëheqësi i opozitës, Jair Lapid i tha kryeministrit Benjamin Netanyahu se partia e tij do të mbështeste parlamentin për të siguruar që marrëveshja e armëpushimit të mund të zbatohej, pavarësisht rezistencës së Ben-Gvir dhe Smotrich.

Presidenti i SHBA-së Donald Trump njoftoi dje se Izraeli kishte rënë dakord me kushtet e nevojshme për një armëpushim 60-ditor në Gazë.

Gjatë kësaj kohe, Shtetet e Bashkuara të Amerikës do të punonin me të gjitha palët për t’i dhënë fund luftës. Trump i bëri thirrje Hamasit të binte dakord me marrëveshjen.//a.i/

The post TEL AVIV – Saar: Një shumicë e madhe brenda qeverisë në favor të planit për lirimin e pengjeve në Gazë appeared first on Agjencia Telegrafike Shqiptare.

TEL AVIV, 1 korrik /ATSH-DPA/- Fundi i luftës aktuale të Izraelit në Rripin e Gazës është afër, tha dje ministri i Mbrojtjes Israel Katz, ndërsa numri i të vdekurve në 24 orët e fundit në territorin palestinez ka arritur në të paktën 100.

“Tani po i afrohemi përfundimit të operacionit në Gaza,” tha Katz në një deklaratë, një javë pasi shteti hebre përfundoi luftën e tij të shkurtër me Iranin.

Ai përsëriti objektivat e Izraelit në konflikt, duke përfshirë lirimin e të gjithë pengjeve dhe mposhtjen e grupit islamist Hamas.

Lufta u nxit nga Hamasi dhe militantë të tjerë palestinezë që nisën një sulm terrorist të paparë ndaj Izraelit më 7 tetor 2023.

Presidenti i SHBA-së, Donald Trump deklaroi gjatë fundjavës se pret një armëpushim në konfliktin e Gazës së shpejti.

Megjithatë, nuk ishte e qartë se në çfarë bazohej deklarata e Trump.

Tani Katz duket se konfirmon optimizmin e Trump, por burime palestineze thonë se kjo ndodhi në një ditë të përgjakshme në rripin bregdetar.

“Të paktën 34 persona u vranë në qytetin e Gazës”, raportoi Spitalit Shifa.

Midis viktimave thuhet se ishin disa të mitur dhe gra, si dhe një gazetar.

Hamasi, i cili kontrollon Gazën, deklaroi në vend të kësaj se sulmi kishte në shënjestër një kamp për persona të zhvendosur në plazh, ndërsa agjencia palestineze e lajmeve WAFA raportoi se ishte goditur një zonë pushimi në plazh.

Ushtria izraelite deklaroi, në përgjigje të një hetimi, se objektivi i sulmit ishin disa anëtarë të organizatës terroriste Hamas në Rripin verior të Gazës.

Ajo tha se ishin marrë masa paraprakisht për të mbrojtur civilët e papërfshirë, duke përfshirë mbikëqyrjen ajrore të zonës.

Ushtria izraelite nuk dha informacion mbi viktimat e mundshme.

Sipas burimeve mjekësore në Rrip, të paktën 100 persona u vranë në sulmet izraelite të hënën. //a.i/

The post TEL AVIV – Izraeli: Operacioni në Gazë po i afrohet fundit appeared first on Agjencia Telegrafike Shqiptare.

Të paktën 95 palestinezë u vranë në sulmet izraelite në Rripin e Gazës të hënën, raportoi kanali televiziv i Katarit Al Jazeera.

Ushtria izraelite sulmoi një kafene, një spital, një shkollë dhe pika shpërndarjeje ushqimi në Gaza, duke vrarë të paktën 95 palestinezë dhe duke lënë shumë të tjerë të plagosur, tha kanali televiziv. Sipas tij, 39 persona u vranë në një sulm izraelit në një kafene të mbushur me njerëz buzë detit në Gazën veriore, ndërsa atje festohej një festë ditëlindjeje, përfshirë gra dhe fëmijë. Gjithashtu të hënën, trupat izraelite bombarduan shkollën Yafa në qytetin e Gazës, ku ishin vendosur qindra palestinezë të zhvendosur.

Më 18 mars, Forcat Mbrojtëse të Izraelit (IDF) raportuan sulme të gjera mbi fortesat e Hamasit në Rripin e Gazës, duke i dhënë fund kështu armëpushimit të vendosur në janar të këtij viti. Zyra e kryeministrit izraelit Benjamin Netanyahu tha se shteti hebre kishte rinisur operacionet ushtarake në Gaza pasi Hamasi hodhi poshtë propozimet e SHBA-së të paraqitura nga ndërmjetësit dhe i dërguari i posaçëm presidencial i SHBA-së, Steve Witkoff.

Zyra deklaroi se ushtria izraelite kishte rinisur sulmet ndaj objektivave të Hamasit në Gaza për të siguruar lirimin e pengjeve dhe se ushtria do të intensifikonte fushatën e saj në enklavë. Radikalët kanë fajësuar Shtetet e Bashkuara për rinisen e agresionit izraelit.

The post Sulmet izraelite në Rripin e Gazës lënë të vrarë 95 palestinezë appeared first on Euronews Albania.

Forcat izraelite kanë vrarë të paktën 67 njerëz në Rripin e Gazës të hënën, duke kryer sulme ajrore në pjesë të ndryshme të territorit palestinez, thanë dëshmitarët, spitalet dhe zyrtarët shëndetësorë.

Një sulm ajror goditi kafenenë Al-Baqa në qytetin e Gazës, kur ajo ishte e mbushur me gra dhe fëmijë, tha Ali Abu Ateila, i cili ndodhej brenda.

“Pa paralajmërim, papritmas një avion luftarak goditi vendin, duke e shkundur sikur të ishte tërmet”, tha ai.

Të paktën 30 njerëz u vranë dhe dhjetëra u plagosën në kafene, tha Fares Awad, kreu i shërbimit të urgjencës dhe ambulancës së Ministrisë së Shëndetësisë në veri të Gazës.

Awad tha se shumë prej të plagosurve janë në gjendje të rëndë. Dy sulme të tjera në një rrugë të qytetit të Gazës vranë 15 njerëz, sipas Spitalit Shifa, i cili mori viktimat.

Kafeneja, një nga bizneset e pakta që kanë vazhduar punën gjatë luftës 20-mujore, ishte një vend takimi për banorët që kërkonin qasje në internet dhe për t’i mbushur bateritë e telefonave të tyre.

Video në rrjetet sociale shfaqin trupa të gjakosur dhe të deformuar në tokë dhe të plagosurit që barteshin me batanije.

Ndërkohë, forcat izraelite vranë 11 njerëz që po kërkonin ushqim në jug të Gazës, sipas dëshmitarëve, spitaleve dhe Ministrisë së Shëndetësisë në Gazë.

Spitali Nasser në qytetin jugor Han Junis tha se i pranoi trupat e njerëzve të qëlluar ndërsa po ktheheshin nga një pikë e shpërndarjes së ndihmave ushqimore, e lidhur me Fondin Humanitar të Gazës (GHF), i mbështetur nga Izraeli dhe Shtetet e Bashkuara.

Në këtë mënyrë janë vrarë mbi 500 palestinezë gjatë muajit të fundit në këtë program kaotik dhe kontrovers të shpërndarjes së ndihmave.

Të shtënat ndodhën rreth 3 kilometra larg vendit të GHF në Han Junis, ndërsa palestinezët po ktheheshin nga vendi përmes rrugës së vetme të qasshme. Palestinezët shpesh detyrohen të udhëtojnë distanca të gjata për të arritur në qendrat e GHF në shpresë për të marrë ndihma.

Spitali Nasser tha se një person tjetër u vra pranë një qendre të GHF në qytetin jugor Rafah.

Dhjetë të tjerë u vranë në një depo ndihmash të Kombeve të Bashkuara në veri të Gazës, sipas shërbimit të ambulancës dhe urgjencës të Ministrisë së Shëndetësisë.

Ushtria izraelite tha se po i rishikon informacionet rreth sulmeve.

The post Mbi 65 të vrarë në Gazë pasi forcat izraelite godasin turmën që po kërkonte ushqim appeared first on Euronews Albania.

GAZË, 28 qershor /ATSH-DPA/- Të paktën 81 persona janë vrarë në sulmet izraelite në Rripin e Gazës në 24 orët e fundit, tha sot Ministria e Shëndetësisë.

Agjencia, e cila kontrollohet nga grupi militant palestinez Hamas, tha se 422 palestinezë të tjerë ishin plagosur në sulmet e reja.

Shifrat e fundit e çojnë numrin e të vdekurve që nga fillimi i luftës në 56 412.

Ministria nuk bën dallim midis civilëve dhe luftëtarëve dhe shifrat e saj nuk mund të verifikohen në mënyrë të pavarur.

Ato bazohen në numrin e të vdekurve të sjellë nga të afërmit në spitale.

Lufta e Gazës u shkaktua nga sulmi i Hamasit dhe organizatave të tjera islamike më 7 tetor 2023, ndaj Izraelit.

Rreth 1200 persona u vranë dhe më shumë se 250 u morën peng në Rripin e Gazës.

Që atëherë, ushtria izraelite ka luftuar Hamasin në Gazë, me qëllimin e deklaruar për shkatërrimin e grupit.

Gjatë këtij procesi, pjesa më e madhe e Gazës është rrafshuar dhe kushtet humanitare për 2 milionë banorët e territorit të izoluar janë katastrofike. //a.i/

The post GAZË – Të paktën 81 të vrarë nga sulmet izraelite në 24 orët e fundit appeared first on Agjencia Telegrafike Shqiptare.

Të paktën 34 persona janë vrarë në Gazë si pasojë e sulmeve izraelite, kanë bërë të ditur autoritetet shëndetësore të Gazës. Sulmet është raportuar të kenë nisur të premten dhe kanë vazhduar në mëngjesin e së shtunës. Në mesin e të vrarëve janë 12 persona në stadiumin e qytetit të Gazës, ku po strehoheshin njerëzit, sipas stafit të spitalit Shifa.

Raportimet për sulmet vijnë teksa presidenti amerikan, Donald Trump ka thënë se marrëveshja për armëpushim mund të arrihet brenda javës tjetër. Duke pranuar pyetje nga gazetarët në Zyrën Ovale të premten, presdidenti ka thënë se “po punojmë në Gazë dhe po përpiqemi të kujdesemi për të”.

Një zyrtar në dijeni me zhvillimet i ka thënë agjencisë së lajmeve Associated Press se ministri izraelit për Çështje Strategjike, Ron Dermer, do të arrijë të Uashington javën e ardhshme për të diskutuar armëpushimin në Gazë, situatën me Iranin dhe tema tjera.

Bisedimet janë ndalur dhe kanë vazhduar disa herë prej kur Izraeli ka thyer armëpushimin e fundit në mars dhe ka vazhduar fushatën ushtarake në Gazë, duke e përkeqësuar edhe më tej krizën humanitare.

Rreth 50 pengje vazhdojnë të jenë në Gazë, dhe më pak se gjysma e tyre besohet se janë gjallë. Ata janë pjesë e rreth 250 pengjeve që janë marrë nga Hamasi – grup palestinez i shpallur terrorist nga Shtetet e Bashkuara dhe fuqi tjera – në sulmin kundër Izraelit, më 7 tetor 2023, duke nxitur kështu luftën që vazhdon tash e 21 muaj.

Si pasojë e luftës janë vrarë mbi 56.000 palestinezë, sipas autoriteteve shëndetësore të Gazës. Prej tyre, shumica besohet se janë gra dhe fëmijë.

Shpresat për marrëveshje janë rritur me përfshirjen e Trumpit në këtë çështje. Hamasi ka thënë se është i gatshëm t’i lirojë pengjet në këmbim të përfundimit të luftës në Gazë. Kryeministri izraelit, Benjamin Netanyahu, ka thënë se do t’i japë fund luftës vetëm pasi të çarmatoset Hamasi, diçka që grupi e ka hedhur poshtë.

Ndërkohë, palestinezët e uritur janë duke jetuar në situatë të përshkruar si katastrofike. Pas bllokimit të të gjitha ndihmave për dy muaj e gjysmë, Izraeli e ka lejuar një pjesë të vogël të ndihmave në territorin e Gazës në mesin e muajit maj./REL

The post Të paktën 34 persona të vrarë në Gazë teksa rriten shpresat për armëpushim appeared first on Lapsi.al.

Agjencia për Mbrojtje Civile në Gazë tha se forcat izraelite kanë vrarë të paktën 62 persona më 27 qershor, përfshirë dhjetë persona që ishin duke pritur për të marrë ndihma.

Raportimet për njerëz të vrarë teksa po prisnin të merrnin ndihma janë të fundit në kuadër të një sërë incidentesh vdekjeprurëse që janë raportuar se kanë ndodhur pranë qendrave për shpërndarjen e ndihmës në Gazë, të cilat janë ngritur nga një fondacion humanitar që mbështetet nga Shtetet e Bashkuara dhe Izraeli.

Zëdhënësi i Agjencisë për Mbrojtje Civile në Gazë, Mahmud Bassal, tha për AFP-në se 62 palestinezë u vranë të premten nga sulmet izraelite në mbarë territorin palestinez.

Ndërkaq, e kontaktuar nga kjo agjenci lajmesh, ushtria izraelite tha se po i heton këto incidente të raportuara, duke mohuar se trupat e saj kanë shtënë në një nga lokacionet në Gazë ku Agjencia për Mbrojtje Civile në këtë territor tha se një nga personat që po priste ndihma u vra.

Sipas Bassal, gjashtë persona u vranë në jug të Gazës afër një qendre për shpërndarjen e ndihmave që operohet nga Fondacioni Humanitar për Gazën (GHF), një tjetër në një incident të ndarë në qendre të territorit.

Ndërkaq, tre persona, sipas Bassal u vranë gjatë një sulmi ajror izraelit në Qytetin e Gazës, ku palestinezët po prisnin për ndihma.

Sipas Ministrisë së Shëndetësisë të Gazës, që nga fundi i majit më shumë se 500 persona janë vrarë afër qendrave për shpërndarjen e ndihmës.

GHF-ja ka mohuar se kanë ndodhur incidente vdekjeprurëse në afërsi të qendrave të ndihmës që ky fondacion menaxhon.

The post Në Gazë raportohet për 62 të vr*rë nga forcat izraelite appeared first on Albeu.com.