Këshilli i Sigurimit i OKB-së ka miratuar zgjatjen e misionit paqeruajtës në Liban deri në fund të vitit 2026, kur do të fillojë një “tërheqje e sigurt dhe e rregullt” njëvjeçare. Pesëmbëdhjetë vendet miratuan projektrezolutën franceze unanimisht pasi arritën një kompromis me Shtetet e Bashkuara. Versioni i fundit i tekstit “i bën thirrje UNIFIL-it të ndërpresë operacionet e tij më 31 dhjetor…

Source

TIRANË, 28 gusht /ATSH/ Që prej vitit 2019, Programi i Delegatëve Rinorë, i zhvilluar nga UNAA me mbështetjen e qeverisë shqiptare, u ka dhënë të rinjve shqiptarë mundësinë të jenë pjesë e zërit të rinisë shqiptare në Kombet e Bashkuara.

Ministrja e Shtetit për Rininë dhe Fëmijët, Bora Muzhaqi mori pjesë sot në “Europe House”, ku u zhvillua debati final mes katër kandidatëve: Martina Qepa, studente e Shkencave Politike e angazhuar në diplomaci dhe vullnetarizëm; Ema Meçaj, studente e Mjekësisë dhe aktiviste në advokimin rinor e politikën ndërkombëtare; Edmirjano Preçi, sipërmarrës në fushën e teknologjisë dhe promovues i përfshirjes digjitale; dhe Alesia Dodaj, studente e Drejtësisë e përkushtuar ndaj fuqizimit të rinisë dhe përfshirjes sociale.

Finalistët ndanë vizionet e tyre mbi multilateralizmin, paqen e sigurinë, barazinë, ndryshimet klimatike, teknologjitë e reja dhe rolin e rinisë në arritjen e Objektivave të Zhvillimit të Qëndrueshëm.

Në përfundim, u përzgjodhën dy të rinjtë që do të përfaqësojnë Shqipërinë në OKB për vitet 2025–2026, Ema Meçaj dhe Alesia Dodaj.

1 nga 7

/gj.m/r.e//a.f/

The post Muzhaqi: Përzgjidhen delegatët rinorë të Shqipërisë në OKB appeared first on Agjencia Telegrafike Shqiptare.

Izraeli tha të hënën se po kërkonte tërheqjen e një raporti mbi të cilin OKB-ja u mbështet për të shpallur gjendjen e urisë në Gaza, tha një zyrtar i ministrisë së Jashtme izraelite.

Vendi ka kufizuar rëndë dhe ndonjëherë ka ndërprerë plotësisht ndihmën humanitare për Rripin e Gazës që nga fillimi i luftës me Hamasin, e cila shpërtheu pas sulmit të paprecedentë të lëvizjes islamiste palestineze Hamas në territorin izraelit më 7 tetor 2023.

“Izraeli kërkon që IPC të tërheqë menjëherë raportin e saj të fabrikuar”, u tha gazetarëve drejtori i përgjithshëm i ministrisë së Jashtme izraelite, Eden Bar Tal. Gjatë një konference për shtyp, zyrtari tha se Klasifikimi i Integruar i Sigurisë Ushqimore (IPC) është “i politizuar” dhe e akuzoi atë për “falsifikim” të disa elementëve të raportit të publikuar më 22 gusht.

“Tani, nëse IPC nuk e bën këtë, ne do t’u drejtohemi donatorëve, do t’i informojmë ata për këto mangësi”, kërcënoi Bar Tal në përgjigje të një pyetjeje nga AFP.

“Jemi të bindur se ata do të arrijnë në përfundimin e duhur, të mos financojnë më një institut kërkimor që është i politizuar, manipulues dhe që vepron si një mjet në shërbim të një organizate terroriste të korruptuar”, tha ai.

Pas muajsh paralajmërimesh, IPC me seli në Romë shpalli një zi buke më 22 gusht që preku 500,000 njerëz në Rripin e Gazës, i cili mbulon pothuajse një të tretën e territorit palestinez, përfshirë Qytetin e Gazës.

IPC e mbështetur nga OKB-ja parashikoi gjithashtu se zia e bukës do të përhapej në guvernatorët qendrorë të Rripit të Gazës, Deir el-Bala dhe Khan Yunis në jug, deri në fund të shtatorit, duke mbuluar rreth dy të tretat e Gazës.

Zia e bukës në Gaza “mund të ishte shmangur” pa “pengimin sistematik izraelit”, e kishte akuzuar shefi humanitar i OKB-së, Tom Fletcher, në Gjenevë në atë kohë.

“Kjo zi buke do të na përndjekë dhe duhet të na përndjekë të gjithëve”, kishte theksuar ai. Kryeministri izraelit, Benjamin Netanyahu i hodhi poshtë gjetjet e IPC-së si “gënjeshtra të hapura”, duke shtuar se vendi i tij “nuk ka një politikë të urisë” së popullsisë dhe citoi shifrat mbi ndihmën për Gazën, të cilën ai e kishte lejuar të hynte.

Cogat, agjencia e ministrisë së Mbrojtjes përgjegjëse për menaxhimin e çështjeve politike në territoret palestineze, gjithashtu e denoncoi raportin e IPC-së si “të rremë dhe të anshëm”.

Në një deklaratë të lëshuar sot, Cogat tha se gati 280 kamionë që transportonin ndihmë humanitare hynë në Gaza dje.

Agjencitë humanitare që veprojnë në Rripin e Gazës shpesh vënë në dyshim vlefshmërinë e deklaratave të tilla, duke theksuar se autoritetet izraelite nuk i lejojnë ato të veprojnë në mënyrë efektive në territorin palestinez për t’iu përgjigjur krizës humanitare.

The post Izreali kërkon tërheqjen e raportit të OKB-së që shpalli zinë e bukës në Gaza: Janë falsifikuar disa elementë appeared first on Albeu.com.

OKB ka ngritur alarmin për situatën dramatike në Gaza, ku fëmijët vuajnë nga uria dhe kequshqyerja. Kreu i organizatës “Save the Children” i drejtua Këshillit të Sigurimit me fjalët: “Fëmijët e uritur të Gazës kanë arritur limitin, ku janë limitet tuaja?” Ai përshkroi shkatërrimin psikologjik dhe fizik të fëmijëve, të cilët “nuk kanë më forcë […]

The post “Fëmijët në Gaza s’kanë më forcë as të qajnë”, OKB: Shpëtojini para se të jetë vonë appeared first on BoldNews.al.

OKB ka ngritur alarmin për situatën në Gaza. “Fëmijët e uritur të Gazës “kanë arritur limitin, ku janë limitet tuaja?”, kështu u shpreh kreu i i organizatës “ Save the Children”, Këshillin e Sigurimit të OKB-së.

Në këtë tryezë ai foli me detaje për shkatërrimin e ngadaltë psikologjik të fëmijëve, të cilët nuk kanë më forcë as të qajnë, siç tha ai.

E ftuar të shprehte qëndrimin e saj gjatë një takimi të Këshillit mbi konfliktin izraelito-palestinez, Inger Asching këmbënguli se uria e shpallur në Gaza javën e kaluar nga OKB-ja nuk është vetëm një “term teknik”.

“Kur ​​nuk ka ushqim të mjaftueshëm, fëmijët vuajnë nga kequshqyerja akute, pastaj vdesin ngadalë dhe me dhimbje. Kjo, me fjalë të thjeshta, është uri», tha ajo, përpara se të përshkruante fazat e këtij dobësimi të organizmit brenda pak javësh, trupi ‘shkatërron veten’, ‘gërryen muskujt dhe organet jetësore’, deri në frymën e fundit. E megjithatë, në klinikat tona heshtje. Fëmijët nuk kanë më forcë të flasin ose të qajnë, pasi po vdesin nga gjakderdhja. Ata shtrihen të dobësuar, duke humbur fjalë për fjalë forcën e tyre para syve tanë, trupat e tyre të vegjël të rraskapitur nga uria dhe sëmundjet’, tregoi ajo.

Të gjithë në këtë dhomë kanë një përgjegjësi ligjore dhe morale për të vepruar për të ndaluar këtë mizori, theksoi më tej.

“Përfundimi i kësaj krize të shkaktuar nga njeriu kërkon që ne të sillemi sikur të ishim nëna, babai, fëmija ynë, familja jonë, që luftojnë për të mbijetuar në Gazën e sotme”, tha Joyce Msuya, zëvendës shefe humanitare e OKB-së.

/abcnews.al/

Gati dy muaj pasi Teherani ndërpreu bashkëpunimin me Agjencinë Ndërkombëtare për Energjinë Atomike (IAEA), mbikëqyrësi bërthamor i OKB-së ka dërguar sërish inspektorë në Iran, pikërisht në kohën kur vendi po përballet me mundësinë e rikthimit të sanksioneve të mëdha ndërkombëtare.

Irani i pezulloi inspektimet në korrik, duke cituar bombardimet amerikane dhe izraelite ndaj objekteve kyç në qershor. Por, rikthimi i inspektorëve është kryesisht simbolik.

Tani për tani, misioni i IAEA-së i konfirmuar nga drejtori i përgjithshëm Rafael Grossi, ka karakter përgatitor, dhe përqendrohet në “modalitetet praktike” për rikthimin e vëzhgimit në disa objekte të shpërndara, disa prej të cilave u dëmtuan rëndë nga sulmet.

Pa qasje dhe bashkëpunim më të madh, është e pamundur të shtyhet rikthimi i sanksioneve të OKB-së, të cilat fuqitë evropiane synojnë t’i rikthejnë në fund të muajit.

Edhe nëse Irani lejon vizitat në disa objekte, hyrja në lokacione të ndjeshme si Fordo, Natanz dhe Isfahan të gjitha të goditura nga bombardimet amerikane mund të mbetet e ndaluar, gjë që kufizon aftësinë e IAEA-së për ta verifikuar veprimtarinë bërthamore të Iranit.

Një pengesë edhe më e madhe është rezerva e uraniumit të pasuruar e Iranit. Rreth 400 kilogramë uranium i pasuruar pranë nivelit për armë mbetet i zbuluar, duke ngritur alarm në kryeqytetet perëndimore.

Treshja evropiane Britania e Madhe, Franca dhe Gjermania e kanë bërë të qartë se lehtësimi i sanksioneve varet nga tri kushte: rikthimi i plotë i inspektimeve, raportimi transparent i rezervave të uraniumit dhe angazhimi i besueshëm në diplomaci me Uashingtonin.

Këtë të fundit, Irani e ka kundërshtuar në mënyrë të përsëritur, përfshirë edhe fundjavën e kaluar, duke mos dashur të zhvillojë bisedime të drejtpërdrejta me Shtetet e Bashkuara.

Behnam Taleblu, drejtor i lartë i programit për Iranin në Fondacionin për Mbrojtjen e Demokracive me bazë në Uashington, i tha Radios Farda të Radios Evropa e Lirë se është “shumë e pamundur” që evropianët ta shtyjnë rikthimin e sanksioneve.

“E vetmja mënyrë që kjo të ndodhë është nëse inspektorët rifillojnë plotësisht vëzhgimin dhe nëse ka vullnet real politik në Teheran për diplomaci. Në atë rast, sanksionet mund të shtyheshin për tre deri në gjashtë muaj… Por, e shoh shumë të pamundur”, tha ai.

Gjendjen e përkeqëson edhe mosbesimi i thellë i Iranit ndaj IAEA-së, të cilën e akuzon për anshmëri politike dhe për dështim në dënimin e veprimeve ushtarake të Izraelit dhe SHBA-së.

Media të linjës së ashpër kanë shkuar edhe më larg. Gazeta Kayhan madje ka bërë thirrje që Grossi të “gjykohet dhe të ekzekutohet”, nëse shkel në tokën Iran./REL

OKB ka kërkuar hetime më të detajuara lidhur me sulmin e ndodhur në një spital në Gaza ku u vranë 20 persona, mes të cilëve edhe gazetarë.

Gjithashtu OKB thekson se një situatë e tillë e rëndë, kërkon drejtësi dhe se Izraeli duhet të hetojë vrasjet në Gaza.

“Duhet të ketë drejtësi”, tha zëdhënësi i zyrës së OKB Thameen Al-Kheetan, ndërsa ritheksoi se numri i gazetarëve të vrarë ngriti shumë pyetje në lidhje me shenjëstrimin e punonjësve të medias.

Kujtojmë se të hënën Izraeli goditi dy herë spitalin Nasser, spitalin e fundit publik funksional në jug të Gazës. Zyra e kryeministrit izraelit tha se “shpreh keqardhje të thellë për ngjarjen tragjike” që ndodhi dhe se ushtria Izraeli po kryente hetimet.

/abcnews.al/

Raportuesja Speciale e OKB-së për territoret e pushtuara palestineze, ka dënuar sulmin e Izraelit ndaj spitalit Nasser.

Francesca Albanese tha se skena “të tilla”, duke iu referuar sulmeve, “shfaqen çdo moment në Gaza”, transmeton Telegrafi.

Ministria e Jashtme gjermane ka thënë se është e tronditur nga vrasja e disa gazetarëve, ndihmësve të emergjencës dhe civilëve në një sulm ajror izraelit ndaj spitalit Nasser në Gaza.

Ministria gjermane ka thënë se incidenti duhet të hetohet për tu sqaruar gjithçka.

E kryeministri izraelit Benjamin Netanyahu ka thënë se Izraeli “ndjen keqardhje të thellë” për “fatkeqësinë tragjike” që ndodhi sot në spitalin Nasser.

Udhëheqësi izraelit tha gjithashtu se autoritetet ushtarake po kryenin një hetim të plotë për atë që ndodhi. /Telegrafi/

We are shocked by the killing of several journalists, rescue workers, and other civilians in an Israeli airstrike on the Nasser Hospital in #Gaza. This attack must be investigated. 1/2

— GermanForeignOffice (@GermanyDiplo) August 25, 2025

Civil defense teams were targeted by an Israeli airstrike during a live broadcast on Al-Ghad TV, the attack was the second on Nasser Hospital, killing journalist , Reuters photographer Hossam Al-Masry and others. pic.twitter.com/uy8Dk2PEAq

— Inés El-Hajj|Stories from Palestine (@InesElhajj) August 25, 2025

The post Gjermania kërkon hetim për sulmin ajror izraelit në spitalin Nasser, raportuesja e OKB-së thotë se skena të tilla shfaqen çdo moment në Gaza appeared first on Telegrafi.

Presidenti i përkohshëm sirian, Ahmed al-Sharaa do mbajë fjalim në Asamblenë e Përgjithshme të OKB-së. Fjalimi i cili pritet të mbahet muajin tjetër, do të jetë i pari që mbahet në Asamble nga një president sirian.

Burimi, i cili preferoi të mbetet anonim për shkak se nuk ishte i autorizuar të fliste publikisht, theksoi se Sharaa do të jetë pjesëmarrës në Asamblenë dhe do t’i drejtohet me një fjalim delegacioneve të pranishme, raportoi gazeta The Times of Israel. Kjo do të jetë hera e parë që një president sirian mban një fjalim para këtij forumi ndërkombëtar që nga viti 1967.

Sharaa erdhi në pushtet pasi forcat rebele të drejtuara prej tij rrëzuan regjimin e mëparshëm të Bashar al-Assad në dhjetor të vitit të kaluar.

Në muajin maj të këtij viti, ai zhvilloi një takim në Riad me presidentin amerikan Donald Trump, i cili më pas deklaroi se Shtetet e Bashkuara planifikojnë të heqin sanksionet kundër Sirisë.

The post Pas 60 vitesh, një president sirian do mbajë fjalim në Asamblenë e Përgjithshme të OKB-së appeared first on Albeu.com.

Arabia Saudite tha se ishte jashtëzakonisht e shqetësuar për situatën humanitare në Rripin e Gazës, pasi një raport i mbështetur nga OKB-ja konfirmoi për herë të parë krizën e urisë në një zonë të territorit të shkatërruar nga lufta.

“Katastrofa humanitare që po përkeqësohet në Gazë është një rezultat i drejtpërdrejtë i mungesës së mekanizmave të parandalimit dhe llogaridhënies për krimet e përsëritura të pushtimit izraelit”, tha Ministria e Jashtme Saudite në një deklaratë.

Monarkia e pasur me naftë e quajti këtë katastrofë një stigmë për komunitetin botëror dhe bëri thirrje për një veprim të menjëhershëm ndërkombëtar për të ndryshuar situatën.

Në një raport të publikuar nga Klasifikimi i Fazës së Integruar të Sigurisë Ushqimore (IPC) tha se ka prova të arsyeshme se uria ka ndodhur në Guvernatoratin e Gazës, një rajon administrativ që përfshin Qytetin e Gazës, që nga 15 gushti.

Në një reagim, Autoriteti Palestinez (AP) me qendër në Bregun Perëndimor akuzoi Izraelin se po përdor urinë si armë kundër civilëve palestinezë.

Sekretari i përgjithshëm i OKB,së, Antonio Guterres e përshkroi sot situatën në Rripin e Gazës si një katastrofë të shkaktuar nga njeriu – pasi autoriteti ndërkombëtar i sigurisë ushqimore shpalli zyrtarisht zi në e bukës – në një pjesë të territorit bregdetar për herë të parë.

Në një raport të publikuar të premten, Klasifikimi i Fazës së Integruar të Sigurisë Ushqimore (IPC) tha se ka prova të arsyeshme se zia e bukës ka ndodhur në Gazë, një rajon administrativ që përfshin Qytetin e Gazës, që nga 15 gushti.

Duke iu përgjigjur njoftimit të IPC-së në një postim në X, Guterres i përshkroi kushtet në Gazë si një “ferr i gjallë”.

Ai theksoi se situata nuk ishte një mister, por përkundrazi një katastrofë e shkaktuar nga njeriu, një padi morale dhe një dështim i vetë njerëzimit.

NJU JORK, 22 gusht ATSH-DPA/- Sekretari i përgjithshëm i OKB,së, António Guterres e përshkroi sot situatën në Rripin e Gazës si një katastrofë të shkaktuar nga njeriu – pasi autoriteti ndërkombëtar i sigurisë ushqimore shpalli zyrtarisht zi në e bukës – në një pjesë të territorit bregdetar për herë të parë.

Në një raport të publikuar të premten, Klasifikimi i Fazës së Integruar të Sigurisë Ushqimore (IPC) tha se ka prova të arsyeshme se zia e bukës ka ndodhur në Gazë, një rajon administrativ që përfshin Qytetin e Gazës, që nga 15 gushti.

Duke iu përgjigjur njoftimit të IPC-së në një postim në X, Guterres i përshkroi kushtet në Gazë si një “ferr i gjallë”.

Ai theksoi se situata nuk ishte një mister, por përkundrazi një katastrofë e shkaktuar nga njeriu, një padi morale dhe një dështim i vetë njerëzimit.

Shefi i OKB-së tha se Izraeli, si fuqi pushtuese, ka detyrime sipas ligjit ndërkombëtar për të siguruar furnizime ushqimore dhe mjekësore.

Njoftimi i IPC-së vjen ndërsa trupat izraelite përparojnë drejt Qytetit të Gazës – si pjesë e një ofensive të re për të pushtuar metropolin më të madh të territorit – në një përpjekje për të shkatërruar grupin ekstremist palestinez Hamas.

Fushata e fundit ka ngjallur frikë për vuajtje të mëtejshme për popullsinë civile, të cilën agjencitë e ndihmës e kanë paralajmëruar prej kohësh se përballet me mungesa katastrofike.

Izraeli vendosi një bllokadë pothuajse totale të ndihmës në territor në fillim të këtij viti.

Duke u përballur me kritika ndërkombëtare, ai e hoqi pjesërisht bllokadën muajin e kaluar, duke lejuar sasi të kufizuara ndihme në Rripin e Gazës, megjithëse organizatat e ndihmës kanë thënë se sasia e ndihmës nuk është e mjaftueshme për të parandaluar urinë.

Guterres përsëriti kërkesën e tij për një armëpushim të menjëhershëm në luftën e Gazës, lirimin e pengjeve dhe akses të plotë humanitar në Rripin e Gazës. //a.i/

The post NJU JORK – Guterres: Uria në Gazë, katastrofë e shkaktuar nga njeriu appeared first on Agjencia Telegrafike Shqiptare.

GJENEVË, 22 gusht /ATSH-AFP/ – Organizata e Kombeve të Bashkuara zyrtarisht shpalli zi buke në Gaza, e para që goditi Lindjen e Mesme, pasi ekspertët e saj paralajmëruan se 500 000 njerëz ishin në një gjendje “katastrofike”.

”Zija në Gaza mund të ishte shmangur pa pengimin sistematik të Izraelit. Kjo zi buke do të na ndjekë dhe duhet të na ndjekë të gjithëve”, akuzoi kreu i zyrës së koordinimit humanitar të OKB-së, Tom Fletcher.

Kjo shkaktoi zemërimin e Izraelit, i cili denoncoi një njoftim të njëanshëm “të bazuar në gënjeshtrat e Hamasit” dhe se ”nuk ka zi buke në Gaza”.

Pas muajsh paralajmërimesh për zi buke në territorin e shkatërruar nga lufta, Klasifikimi i Fazës së Integruar të Sigurisë Ushqimore (IPC) i OKB-së me seli në Romë konfirmoi se ”një zi buke ishte duke u zhvilluar në qytetin e Gazës dhe pritej të përhapej në provincat Deir el-Balah dhe Khan Younis deri në fund të shtatorit”.

Qyteti i Gazës përfaqëson afërsisht 20% të Rripit të Gazës.

Sipas ekspertëve të OKB-së, më shumë se gjysmë milioni njerëz në Gaza po përballen me kushte “katastrofike”, niveli më i lartë i vështirësisë ushqimore në IPC, i karakterizuar nga uria dhe vdekja.

Sipas IPC, ky është përkeqësimi më serioz i situatës që kur filloi të analizojë Rripin e Gazës.

Sipas IPC-së, një zi buke ndodh kur janë të pranishëm tre faktorë: të paktën 20% e familjeve (një në pesë) përballen me mungesa ekstreme ushqimore, të paktën 30% e fëmijëve nën pesë vjeç (një në tre) vuajnë nga kequshqyerja akute dhe të paktën dy persona nga 10 000 vdesin nga uria çdo ditë./  /os/

The post GAZA – OKB shpall zyrtarisht zinë e bukës appeared first on Agjencia Telegrafike Shqiptare.

Për herë të parë, një agjenci e mbështetur nga OKB-ja ka konfirmuar zyrtarisht shpërthimin e zisë së bukës në qytetin e Gazës dhe zonat përreth. Më shumë se 500,000 njerëz në Rripin e Gazës po përballen me “uri, mjerim dhe rrezik të afërt vdekjeje”, thuhet në raportin e publikuar të enjten.

Raporti 59-faqesh, i hartuar nga organizata përgjegjëse për monitorimin e sigurisë ushqimore, paralajmëron se kushtet katastrofike do të përhapen edhe në Deir al-Balah dhe Khan Younis deri në fund të shtatorit, nëse situata nuk ndryshon.

“Çdo vonesë, edhe prej disa ditësh, do të çojë në rritje të papranueshme të vdekjeve të lidhura me urinë,” paralajmërohet në dokument.

Ndërkohë, Ministria e Jashtme e Izraelit ka hedhur poshtë përfundimet e raportit, duke deklaruar se “nuk ka zi buke në Gaza”.

Tensionet janë të larta, ndërsa kryeministri izraelit Benjamin Netanyahu njoftoi se kabineti i tij ka miratuar planet për një ofensivë të re në qytetin e Gazës. Ushtria izraelite (IDF) ka paralajmëruar një operacion të madh evakuimi, duke u kërkuar organizatave ndërkombëtare dhe punonjësve shëndetësorë të përgatiten për zhvendosjen e mbi një milion banorëve drejt jugut të enklavës.

Situata humanitare në Gaza mbetet dramatike, me komunitetin ndërkombëtar që bën thirrje për ndërhyrje të menjëhershme për të shmangur një katastrofë masive njerëzore.

The post OKB konfirmon zyrtarisht zinë e bukës në qytetin e Gazës appeared first on iconstyle.al.

NJU JORK, 22 gusht /ATSH-DPA/ – Qeveritë dhe punëdhënësit duhet të veprojnë urgjentisht për të lehtësuar ndikimet e dëmshme të stresit nga nxehtësia te miliarda punëtorë në të gjithë botën, thanë agjencitë e OKB-së.

”Si punëtorët e ambienteve të brendshme ashtu edhe ata të ambienteve të jashtme po vuajnë gjithnjë e më shumë nga goditja nga nxehtësia, dehidratimi, mosfunksionimi i veshkave dhe çrregullimet neurologjike”, sipas një raporti të publikuar dje nga Organizata Botërore e Shëndetësisë (OBSH) dhe Organizata Botërore Meteorologjike (OBM).

Kjo vjen ndërsa ndryshimi i klimës nxit ngjarje më të shpeshta dhe intensive të nxehtësisë.

Temperaturat ditore prej më shumë se 40 gradë Celsius, dhe madje edhe 50 gradë, po bëhen më të zakonshme, ndërsa viti 2024 u zbulua të jetë viti më i nxehtë i regjistruar ndonjëherë nga OBM.

Duke u bazuar në pesë dekada kërkimesh dhe provash, raporti i OKB-së tha se afërsisht gjysma e popullsisë globale tani po vuan pasojat negative të temperaturave të larta duke kërcënuar si shëndetin afatgjatë ashtu edhe sigurinë ekonomike.

Duke cituar Organizatën Ndërkombëtare të Punës (ILO), dokumenti thotë se ”më shumë se 2,4 miliardë punëtorë janë të ekspozuar ndaj nxehtësisë së tepërt në nivel global, duke rezultuar në më shumë se 22,85 milionë lëndime në punë çdo vit”.

”Ata që janë veçanërisht në rrezik përfshijnë punëtorët e krahut në sektorë të tillë si bujqësia, ndërtimi dhe peshkimi, si dhe fëmijët, të moshuarit dhe popullatat me të ardhura të ulëta në vendet në zhvillim”, shton ai.

Ekspertët e OKB-së thonë se ”stresi nga nxehtësia po kërcënon gjithashtu shëndetin ekonomik, me produktivitetin e punëtorëve që zbulohet se bie me 2-3% për çdo gradë mbi 20 gradë”.

Jeremy Farrar, ndihmësdrejtor i përgjithshëm i OBSH-së për promovimin e shëndetit, parandalimin dhe kujdesin ndaj sëmundjeve, tha se “një udhëzues i ri ofron zgjidhje praktike dhe të bazuara në prova për të mbrojtur jetën, për të zvogëluar pabarazinë dhe për të ndërtuar fuqi punëtore më elastike në një botë që po ngrohet”.

Rekomandimet përfshijnë zbatimin e planeve të veprimit për nxehtësinë në punë, të përshtatura për industri dhe rajone specifike, dhe të zhvilluara në bashkëpunim me punëdhënësit, punëtorët, sindikatat dhe ekspertët e shëndetit publik.

Joaquim Pintado Nunes, shefi i sigurisë dhe shëndetit në punë dhe mjedisit të punës në ILO, tha se “ky raport përfaqëson një moment kritik në përgjigjen tonë kolektive ndaj kërcënimit në rritje të nxehtësisë ekstreme në botën e punës”.

“Së bashku me OBSH-në dhe OBM-në, ne bëjmë thirrje për veprime urgjente dhe të koordinuara për të mbrojtur shëndetin, sigurinë dhe dinjitetin e më shumë se 2,4 miliardë punëtorëve të ekspozuar ndaj nxehtësisë së tepërt në të gjithë botën”, theksoi ai./ a.jor.

The post NJU JORK – OKB: Miliarda punëtorë po vuajnë nga stresi i temperaturave të larta appeared first on Agjencia Telegrafike Shqiptare.

Një numër rekord prej 383 punëtorë të ndihmës u vranë në vitin 2024, thanë Kombet e Bashkuara, duke paralajmëruar se bilanci i këtij viti do të jetë po aq shqetësues. Numri i të vrarëve më 2024 ishte 31 për qind më i lartë se një vit më parë, tha OKB-ja në Ditën Botërore Humanitare. Organizata […]

The post Shifra alarmante! OKB: 383 punëtorë me misione humanitare u vranë në vitin 2024 appeared first on BoldNews.al.

Zyra për të Drejtat e Njeriut e Kombeve të Bashkuara tha të premten se të paktën 1.760 palestinezë janë vrarë teksa po kërkonin që të merrnin ndihma humanitare në Rripin e Gazës që prej fundit të majit. “Që nga 27 maji e deri më 13 gusht, ne kemi regjistruar të paktën 1.760 palestinezë të vrarë […]

The post OKB: Që nga maji, mbi 1.700 të vrarë teksa po prisnin për ndihma në Gazë appeared first on BoldNews.al.

Kombet e Bashkuara bën thirrje që shtetet të ushtrojnë presion diplomatik ndaj sundimtarëve talibanë në Afganistan, duke thënë se ndalesa që ata kanë vendosur ndaj shkollimit të vajzave, ka lënë miliona fëmijë jashtë klasave shkollore që kur grupi u rikthye në pushtet katër vjet më parë.

“Në një kohë kur disa po përpiqen të normalizojnë marrëdhëniet me talibanët, unë bëj thirrje që komuniteti ndërkombëtar të mbetet më i mobilizuar se kurrë për rivendosjen e plotë dhe të pakushtëzuar të të drejtës së grave afgane për arsimim”, tha Audrey Azoulay, drejtoreshë e Agjencisë Kulturore dhe Arsimore të OKB-së, UNESCO.

Afër 2.2 milionë vajzave u ndalohet të ndjekin shkollimin përtej nivelit fillor, sipas UNESCO-s.

“Fatkeqësisht, Afganistani është vendi i vetëm në botë ku arsimi i mesëm dhe i lartë është rreptësisht i ndaluar për vajzat dhe gratë”, tha Azoulay.

“Një gjeneratë e tërë e grave afgane po sakrifikohet”, shtoi ajo, duke bërë thirrje që komuniteti ndërkombëtar të “mbajë presionin diplomatik”.

Talibanët, të cilët premtuan një sundim më të butë pas marrjes së pushtetit në gusht të vitit 2021, kanë vendosur kufizime të mëdha për gratë, duke i ndaluar ato të ndjekin universitetet, të shkojnë në parqe publike, palestra dhe sallone bukurie – masa që OKB-ja i ka cilësuar si “aparteid gjinor”.

Rusia – e cila nuk përmendet në deklaratë – është vendi i vetëm që ka njohur qeverinë e talibanëve që kur ata morën pushtetin më 2021, pas tërheqjes së trupave të huaja nga Afganistani./ REL

The post OKB bën thirrje për presion ndaj talibanëve për shkak të shkollimit të vajzave appeared first on Albeu.com.

GJENEVË, 14 gusht /ATSH/ – Negociatat për një traktat global për t’i dhënë fund ndotjes nga plastika po i afrohen fundit, ndërsa vendet mbeten “të bllokuara” nëse duhet të trajtohet apo jo rritja e vrullshme e prodhimit të plastikës, sipas “AP”-së.

Një draft i traktatit, i publikuar sot, nuk do të kufizonte prodhimin e plastikës dhe as nuk do të merrej me kimikatet e përdorura në produktet plastike. Në vend të kësaj, ai fokusohet në propozime për të cilat ka dakordësi të gjerë, si zvogëlimi i numrit të produkteve problematike plastike që shpesh përfundojnë në mjedis dhe janë të vështira për t’u ricikluar, promovimi i ridizenjimit të produkteve plastike në mënyrë që ato të riciklohen e ripërdoren, si dhe përmirësimi i menaxhimit të mbetjeve.

Drafti u kërkon vendeve të marrin angazhime për t’i dhënë fund ndotjes nga plastika, por pa vendosur rregulla globale, juridikisht detyruese.

Një draft i ri pritet të publikohet të enjten pasdite, ndërsa bisedimet,  ku marrin pjesë përfaqësues nga 184 vende dhe mbi 600 organizata, pritet të përfundojnë të premten.

Andreas Bjelland Eriksen, ministri norvegjez për klimën dhe mjedisin, tha se teksti aktual është i papranueshëm dhe se përfaqësuesit e vendit të tij nuk do të largohen nga Gjeneva me “çfarëdo traktati”.

Norvegjia po ndihmon në drejtimin e një koalicioni vendesh të quajtur Koalicioni me Ambicie të Lartë, që kërkon një qasje gjithëpërfshirëse për t’i dhënë fund ndotjes nga plastika, duke përfshirë edhe uljen e prodhimit.

“Do të jemi fleksibël, por njëkohësisht ambiciozë në qëndrimet tona, dhe do të punojmë çdo orë që na ka mbetur për ta çuar këtë drejt një përfundimi pozitiv, sepse botës i duhet një traktat për plastikën tani”, tha ai.

Eriksen shtoi se do të mbetet “me kujdes optimist” deri në momentin e fundit.

Çdo vit, bota prodhon mbi 400 milionë ton plastikë të re, dhe kjo shifër mund të rritet me rreth 70 % deri në vitin 2040 nëse nuk ndryshojnë politikat. Rreth 100 vende duan të kufizojnë prodhimin si dhe të merren me pastrimin dhe riciklimin. Shumë prej tyre kanë thënë se është thelbësore të trajtohen edhe kimikatet toksike. /Ad.Ab./

The post GJENEVË – Nuk ka ende marrëveshje në bisedimet kundër ndotjes nga plastika appeared first on Agjencia Telegrafike Shqiptare.

NJU JORK, 13 gusht /ATSH/- Shefi i OKB-së e paralajmëroi Izraelin se Kombet e Bashkuara kanë “informacion të besueshëm” për dhunë seksuale dhe shkelje të tjera nga forcat izraelite kundër palestinezëve të ndaluar, të cilat ambasadori i Izraelit në OKB i hodhi poshtë si “akuza të pabaza”, sipas AP.

Sekretari i përgjithshëm Antonio Guterres tha në një letër drejtuar ambasadorit Danny Danon se ishte “thellësisht i shqetësuar” për shkeljet e raportuara kundër palestinezëve nga ushtria dhe forcat e sigurisë izraelite në disa burgje, një qendër paraburgimi dhe një bazë ushtarake.

Guterres tha se po i njoftonte forcat izraelite se ato mund të listoheshin si abuzues në raportin e tij të ardhshëm mbi dhunën seksuale në konflikt – për shkak të shqetësimeve të konsiderueshme për modelet e formave të caktuara të dhunës seksuale që janë dokumentuar vazhdimisht nga Kombet e Bashkuara.

Danon, i cili shpërndau letrën dhe përgjigjen e tij, tha se akuzat “ishin të mbushura me botime të njëanshme”.

“OKB duhet të përqendrohet në krimet tronditëse të luftës dhe dhunën seksuale të Hamasit dhe lirimin e të gjithë pengjeve”, tha ai.

Danon po i referohej sulmit të papritur të grupit militant në Izraelin jugor më 7 tetor 2023, ku rreth 1 200 persona u vranë dhe rreth 250 u morën peng.

Autoritetet izraelite thanë se gratë u përdhunuan dhe u abuzuan seksualisht. //a.i/

The post TEL AVIV – Izraeli hedh poshtë akuzat e OKB-së se forcat e tij kanë abuzuar seksualisht me palestinezët appeared first on Agjencia Telegrafike Shqiptare.