TIRANË, 4 korrik /ATSH/ Lirimi i hapësirave publike nga zaptimet do të jetë fokusi i pushtetit vendor dhe drejtuesve të bashkive në të gjithë vendin këtë muaj.

Kryetarja e bashkisë së Durrësit, Emiriana Sako ndau sot në rrjetet sociale pamje nga aksioni për lirimin e plazheve publike në zonën e Currilave.

Sako tha se vazhdon aksionin për lirimin e plazheve publike nga çadrat dhe shezlongët e vendosur në mënyrë abuzive nga persona të ndryshëm, duke i zaptuar këto hapësira që janë të dedikuara për të gjithë qytetarët.

Kryebashkiakja e Durrësit u shpreh se aksioni do të vijojë përgjatë gjithë bregdetit të Durrësit.

“I bëjmë thirrje subjekteve apo dhe individëve të mos zaptojnë këto hapësira, sepse ato i përkasin të gjithë pushuesve”, tha Sako.

/e.i//a.f//r.e/

The post Sako thirrje subjekteve dhe individëve: Mos zaptoni hapësirat publike appeared first on Agjencia Telegrafike Shqiptare.

TIRANË, 27 qershor /ATSH/ Festivali Ndërkombëtar i Muzikës së Dhomës çel sot edicionin e tij jubilar të 20-të pranë katedrales “Shën Luçia”.

Ky festival, tashmë i njohur për nivelin e lartë profesional dhe artistik të koncerteve do të prezantojë përgjatë një muaji zhanre të ndryshme të muzikës së dhomës.

Kryetarja e bashkisë Durrës, Emiriana Sako tha se festivali do të vijojë deri në 21 korrik dhe do të sjellë në zemër të qytetit bregdetar, në katedralen “Shën Luçia”, një udhëtim të pasur përmes muzikës së dhomës.

“Artistë nga mbi 10 vende, formacione të njohura, projekte të reja artistike dhe bashkëpunime ndërkombëtare, në një festival që bashkon traditën dhe risinë, tingujt klasikë dhe emocionin e drejtpërdrejtë”, tha Sako.

Sipas programit, festivali nis sot me koncertin e trios “Amadeus”, grupi i njohur që vjen nga Austria, ndërsa performanca e fundit e parashikuar në datën 21 korrik do të jetë një koncert piano kuartet me artistë nga Shqipëria, Amerika dhe Italia.

Festivali zhvillohet nga shoqata Arti dhe Kultura Italo-Shqiptare, që u krijua me iniciativën e disa artistëve durrsakë, të cilët kanë studiuar e kaluar një pjesë të veprimtarisë së tyre në Itali. Qëllimi i kësaj shoqate ka qenë dhe është bashkëpunimi i artistëve shqiptarë me të huaj, këmbimi i eksperiencave të kulturave të vendeve të ndryshme.

Gjatë aktivitetit të këtyre viteve kjo shoqatë ka organizuar mjaft koncerte në Durrës, Tiranë dhe Itali të cilat kanë përcjellë në publik një nivel të lartë interpretimi artistik.

Sipas organizatorëve ky festival u krijua pikërisht me qëllimin për të siguruar një vazhdueshmëri jo vetëm në njohjen e kulturave të ndryshme nëpërmjet artistëve të ardhur nga Italia, Austria, Franca, Greqia, Zvicra, Kosova, etj., por edhe me dëshirën e madhe për t’u ballafaquar me këto kultura dhe kjo nëpërmjet shfaqjeve të përbashkëta me instrumentistë shqiptarë.

Një tjetër synim i këtij aktiviteti është pjesëmarrja e artistëve shqiptarë, që jetojnë e punojnë jashtë Shqipërisë.

/e.i/j.p/

The post Nis sot edicioni i 20-të i Festivalit Ndërkombëtar të Muzikës së Dhomës në Durrës appeared first on Agjencia Telegrafike Shqiptare.

Bashkëshorti dhe vëllai i kryetares Emiriana Sako diktojnë çdo tender e ndërtim në qytet, marrin 30% rryshfet dhe pastrojnë paratë përmes një rrjeti kompanish, ndërsa drejtësia mbyll sytë para mafies që komandon Durrësin… Mafia familjare e tenderëve në Bashkinë e Durrësit drejtohet nga dy persona: bashkëshorti dhe vëllai i kryetares Emiriana Sako. Ata janë Landi […]

The post Mafia familjare në Bashki: Si bashkëshorti dhe vëllai i Emiriana Sakos zhvasin qytetin e Durrësit appeared first on BoldNews.al.

TIRANË, 24 qershor /ATSH/ 132 familje të qytetit të Durrësit që humbën shtëpitë nga tërmeti, nga sot do të nisin një kapitull të ri në jetën e tyre duke hyrë në banesa të reja, me standarde bashkëkohore.

Kryetarja e bashkisë së Durrësit, Emiriana Sako u shpreh se sot u shpërndanë çelësat e apartamenteve të reja për banorët e pallatit Kastrati, në njësinë administrative nr. 5.

Sako theksoi se me këtë hap, mbyllet me sukses procesi i rindërtimit për këto familje.

“Ky është një hap i madh përpara që kemi hedhur së bashku. Ndihemi krenarë për punën e madhe që kemi bërë dhe i falënderoj qytetarët për besimin dhe për durimin e tyre. T’i gëzoni e të keni shëndet e plot gëzime në shtëpitë tuaja të reja”, tha Sako.

Kryebashkiakja e Durrësit tha se më në fund u finalizua një punë e gjatë dhe e vështirë, që mori pesë vite e shtatë muaj që nga tërmeti i 2019.

“Për ne është emocion i veçantë që ju merrni banesën, por ne kemi mbajtur barrën e madhe të punës dhe peshën e procesit për të cilin është bërë një ligj i veçantë që kur ra tërmeti. Falënderoj donatorët që bënë të mundur që ky financim të jepej, Qeverinë shqiptare dhe Kryeministrin. Ka qenë periudhë e vështirë edhe për ne si bashki, ndërsa Kastrati Group dha një donacion prej 3000 metra katrorë”, tha Sako.

Sipas Sakos, në këtë proces mund të ketë pasur edhe familje që kanë mbetur të pakënaqura dhe mungesë dakordësie për zgjedhjen e katit, por në fund përmes shortit u finalizua procesi për dorëzimin e çelësave të apartamenteve të reja.

“Pas çelësave, do vijojmë punën me pjesën teknike. Ndërtuesit e kanë dorëzuar komplet projektin e përfunduar në bashki, edhe me kolaudimin. Sot, kur të shkoni në shtëpitë tuaja, dritat janë të vendosura, uji është i lidhur, do bëni rinovimin e kontratës me OSHEE-në etj. Ne do të marrim kohën e nevojshme për të arreduar shtëpitë për secilin prej jush”, përfundoi Sako.

/e.i//r.e/j.p/

The post Rindërtimi, Sako: Shpërndamë çelësat e apartamenteve për 132 familje appeared first on Agjencia Telegrafike Shqiptare.

TIRANË, 20 qershor /ATSH/ 132 familje në Durrës, të prekura nga tërmeti i 26 nëntorit 2019, janë bërë me shtëpi të reja.

Kryetarja e bashkisë së Durrësit, Emiriana Sako bëri të ditur se është zhvilluar sot shorteu publik ku janë shpërndarë apartamentet të cilat i përkasin pallatit në rrugën “Ramadan Veliu”.

Sako tha se “brenda javës që vjen banorëve do t’u dorëzohen çelësat e shtëpive, për të nisur një fillim të ri me banesat e tyre të reja të dhuruara falas, më të mira e më të sigurta seç i kishin më parë”.

Ndërsa, qytetarët përmes mesazheve të tyre falënderojnë bashkinë e Durrësit dhe të gjithë personat e angazhuar në këtë proces.

“Jemi shumë të kënaqur për shortin, më së fundi do hyjmë brenda në shtëpitë tona. Ky është shorteu më i shkëlqyeshëm që kam parë”, shprehen disa prej tyre.

“Sot përfunduam me sukses edhe shorteun e radhës për shpërndarjen e apartamenteve në pallatin “Kastrati”, njësia administrative numër 5. Janë 16 familje, të cilat përfunduan me sukses shorteun sot, që ishte vijimi i shorteut të djeshëm ku 116 familje u pajisën me shtëpi të reja. Pra, ne kemi finalizuar me sukses procesin e strehimit për 132 familje, të cilat do të marrin çelësat e apartamenteve të reja dhe bashkëkohore nga e marta e javës tjetër”, shprehet një nga anëtarët e jurisë së shorteut për apartamentet e programit të Rindërtimit.

/e.i//r.e/a.f/

The post Rindërtimi, Sako: Brenda javës dorëzohen çelësat e shtëpive të reja për 132 familje appeared first on Agjencia Telegrafike Shqiptare.

Pak ditë pas nisjes zyrtare të fushatës për zgjedhjet parlamentare të 11 majit, kryeministri Edi Rama ndaloi në shëtitoren “Taulantia” përgjatë vijës bregdetare të qytetit për të inauguruar një tjetër projekt rehabilitimi. I shoqëruar nga kryebashkiakja Emiriana Sako, Rama prezantoi punimet si pjesë e një strategjie për të forcuar turizmin lokal dhe gjallëruar jetën e […]

The post Në Durrës, investimet për turizmin nxisin akuza për përfitime elektorale appeared first on Reporter.al.

TIRANË, 7 maj/ATSH/ Drejtuesja politike e qarkut Durrës, Emiriana Sako u shpreh sot se gjatë këtij 10-vjeçari janë bërë investime në infrastrukturën rrugore, të ndara 50% në zonat urbane dhe 50% në zonat rurale.

Nga takimi elektoral në Fushë Krujë, për prezantimin e arritjeve kyçe për sektorët më të rëndësishëm dhe sfidat e Shqipërisë 2030 në BE, ku i pranishëm ishte edhe Kryeministri, njëherazi edhe kreu i PS-së Edi Rama, Sako tha se në Fushë Krujë është bërë një punë e jashtëzakonshme këtë mandat.

Sipas saj, ky ka qenë një mandat plot sfida, pas tërmetit dhe pandemisë, por është arritur që ndërtohen lagje të reja dhe të strehohen banorë në Bubq, Thumanë, Krujë e Fushë Krujë.

“Kemi ndërtuar 17 shkolla të reja nga e para dhe 25 terrene sportive që nuk janë imagjinuar kurrë më herët. Nga ana tjetër në këtë 10-vjeçar, në infrastrukturën rrugore falë mbështetjes së Edi Ramës dhe PS janë realizuar 150 projekte, 50% në zonat rurale dhe 50% në zonat urbane duke bërë të mundur që t’i vijmë në ndihmë ekonomisë lokale dhe turizmit”, tha ajo.

Sako shtoi se “përpara 2015-ës kishte vetëm tre restorante në Krujë dhe 1 hotel, ndërsa sot Kruja dhe gjithë rrethinat kanë mbi 500 shtretër dhe mbi 200 bujtina”.

“Falë punës së realizuar dhe investimit në Qendrën Historike, Pazarin e Krujës, në monumentet e kulturës dhe nëse do flasim për shifrat Muzeu Kombëtar në Krujë kishte vetëm 30 mijë vizitorë, sot janë 190 mijë turistë që kanë vizituar Krujën. Ka ekonomi, turizëm dhe ne besojmë shumë që do vazhdojmë këto projekte transformuese për Krujën, Shijakun dhe gjithë qarkun e Durrësit”, tha Sako. /j.p/

The post Sako: 150 projekte infrastrukturore në Krujë e rrethina, ndihmë ekonomisë lokale e turizmit appeared first on Agjencia Telegrafike Shqiptare.

Kryetarja e Bashkisë së Durrësit Emiriana Sako ka vendosur të shkelë haptazi çdo ligj dhe vendim të organeve supreme për ta çuar tenderin 1.7 milionë euro për rindërtimin e një pallati në Durrës tek kompania e preferuar e saj, Rajli Ndërtim. Bëhet fjalë për një tender të kufizuar rindërtimi për “Riaftësimin strukturor të pallatit nr.167 […]

The post Emiriana Sako ekspozohet haptazi për “Rajli Ndërtim”, refuzon vendimin e KPP për tenderin 1.7 mln € appeared first on BoldNews.al.

Nga Boldnews.al Bashkia e Durrësit ka anuluar tenderin me vlerë mbi 300 mijë euro për “Ndërtimin e rrjetit të kanalizimeve Rrushkull”, pasi ka skualifikuar të gjithë kompanitë pjesëmarrëse, plot 20 të tilla. Një situatë, në dukje absurde, që krijon dyshimet se ndonjë prej kompanive të paracaktuara nga administrata e Emirjana Sakos për të fituar këtë […]

The post S’mund të fitonte i paracaktuari? Sako e Durrësit anulon tenderin 300 mijë euro të kanaleve Rrushkull appeared first on BoldNews.al.

TIRANË, 7 prill/ATSH/ Sot, në qytetin e Durrësit është përkujtuar 7 prilli 1939, dita e parë e rezistencës antifashiste të popullit shqiptar.

Kryebashkiakja e Durrësit, Emiriana Sako ka marrë pjesë në ceremoninë e homazheve të zhvilluar pranë bustit të Mujo Ulqinakut, ku u vendosën kurora me lule në përkujtim të heronjve e dëshmorëve të kësaj rezistence.

“Në 7 prill 1939, atdhetarët shqiptarë, Mujo Ulqinaku dhe të gjithë ata ushtarakë dhe vullnetarë nga Durrësi e i gjithë vendi, bënë rezistencën e parë dhe i treguan botës se cili ishte vullneti i këtij populli duke e kthyer 7 prillin në ditën e parë të rezistencës antifashiste të popullit shqiptar, duke vendosur me sakrificën e me gjakun e tyre vendin tonë në anën e duhur të historisë”, u shpreh Sako në një postim në rrjetet sociale.

“Në këtë ditë i drejtojmë nderimin tonë edhe të gjithë atyre brezave që kanë lënë gjurmë në historinë e qytetit tonë dhe të gjithë Shqipërisë”, përfundoi Sako. /j.p/

Nga ceremonia e homazheve pranë bustit të Mujo Ulqinakut, në 85-vjetorin e Rezistencës

1 nga 12

The post Durrës, homazhe pranë bustit të Mujo Ulqinakut në 86-vjetorin e rezistencës antifashiste appeared first on Agjencia Telegrafike Shqiptare.

TIRANË, 7 mars/ATSH/ Kryetarja e bashkisë së Durrësit, Emiriana Sako zhvilloi një takim me ambasadoren e Kinës në vendin tonë, Pang Chunxue.

Në një postim në rrjetet sociale, Sako ndau momente nga takimi me ambasadoren Chunxue.

1 nga 3

/k.s//r.e//a.f/

The post Sako pret ambasadoren e Kinës: Zbatim i projekteve të përbashkëta appeared first on Agjencia Telegrafike Shqiptare.

TIRANË, 14 shkurt /ATSH/ Promovimi i i artit, trashëgimisë kulturore dhe sportit, mbetet një nga vizionet e bashkisë së Durrësit, që çdo vit nxitet përmes shpalljes së thirrjeve për projekte përgjatë këtij viti.

Kryebashkiakja e këtij qyteti, Emiriana Sako ka bërë me dije sot se institucioni që ajo drejton mbetet i angazhuar për promovimin e artit, kulturës, trashëgimisë dhe sportit.

“E udhëhequr nga vizioni për ta shndërruar qytetin në një qendër të rëndësishme kulturore, turistike dhe sportive, shpall Thirrjen për Projekte për vitin 2025. Në bashkëpunim me Drejtorinë e Arsimit, Kulturës, Rinisë, Sporteve dhe Komuniteteve Fetare, kjo iniciativë synon të krijojë një mjedis frymëzues dhe mbështetës për komunitetin artistik, kulturor dhe sportiv”, thotë Sako.

Sipas saj, qëllimi i kësaj thirrjeje është gjallërimi i jetës kulturore dhe sportive të qytetit, si dhe nxitja e zhvillimit ekonomik vendor, duke kontribuar në pasurimin e identitetit dhe dinamizmit të Durrësit.

“Thirrja për aplikimin e projekteve kulturore ka për qëllim mbështetjen e projekteve që realizohen brenda territorit të Bashkisë Durrës, përfshirë festivale, inovacione teknologjike për promovimin e trashëgimisë kulturore, promovimin e sportit dhe aktivitetet sportive, në sektorin e industrive krijuese, publikime që lidhen me pasurinë kulturore të Durrësit dhe shumë të tjera. Projektet e pranuara duhet të zbatohen në vitin buxhetor 2025”, thuhet në postimin e Sakos në rrjetet sociale.

Kryetarja e bashkisë së Durrësit nënvizon se periudha e aplikimit për projektet vijon deri më 25 shkurt 2025, ndërsa aplikimet mund të dorëzohen në formën e printuar pranë Zyrës së Marrëdhënieve me Publikun pranë Bashkisë Durrës ose në adresën e e-mailit: info@durres.gov.al.

/a.f/

The post Arti dhe kultura në fokus, Bashkia e Durrësit çel thirrjen për projekte për vitin 2025 appeared first on Agjencia Telegrafike Shqiptare.

TIRANË, 12 shkurt/ATSH/ Kryetarja e bashkisë së Durrësit, Emiriana Sako ka zhvilluar sot një takim me rektorin e Universitetit “Aleksandër Moisiu”, prof. dr. Shkëlqim Fortuzi, drejtorin e Planifikimit dhe Zhvillimit të Institutit të Kërkimeve Urbane (IKU), Edlir Vokopola, përfaqësues të SASPAC, aktorë të tjerë në nivel lokal, rajonal dhe kombëtar.

Qëllimi i këtij takimi ishte prezantimi i projektit “Mbrojtja e Mjedisit nëpërmjet Menaxhimit të Integruar të Mbetjeve në Bashkinë Durrës”, projekt i financuar nga Programi Italo-Shqiptar i Konvertimit të Borxhit, IADSA.

“Diskutova mbi rëndësinë e këtij projekti, i cili ka si objektiv kryesor hartimin e Planit Vendor për Menaxhimin e Integruar të Mbetjeve për Bashkinë Durrës dhe Vlerësimin Strategjik Mjedisor. Gjithashtu, prezantova sfidat dhe punën e bërë nga ana e Bashkisë në lidhje me çështjet e menaxhimit të mbetjeve si edhe planet për të ardhmen për përfundimin sa më parë të Planit të Menaxhimit të Integruar të Mbetjeve si edhe ngritjen e stacionit të transferimit, si një zgjedhje optimale për qytetin bregdetar të Durrësit”, thotë Sako në një postim në rrjetet sociale.

Gjatë takimit, ekspertë të IKU-së prezantuan gjendjen aktuale bazuar në rezultatet e punës kërkimore në terren, përfshirë itinerarët e ofrimit të shërbimit, shpërndarjen e pikave të grumbullimit dhe situatën aktuale financiare si dhe të burimeve njerëzore në sektorin e menaxhimit të mbetjeve.

Nga takimi i kryebashkiakes së Durrësit, Emiriana Sako me Rektorin e Universitetit “Aleksandër ...

1 nga 16

/r.e/a.f/

The post Sako: Ngritja e stacionit të transferimit të mbetjeve, zgjedhje optimale për Durrësin appeared first on Agjencia Telegrafike Shqiptare.

TIRANË, 11 shkurt/ATSH/ Kryetarja e bashkisë së Durrësit, Emiriana Sako i dorëzoi sot në një ceremoni të veçantë, certifikatën e mirënjohjes për Guardia di Finanza-n, për kontributin e tyre në sigurinë publike të këtij qyteti.

Në këtë ceremoni ku ishin të pranishëm komandanti i përgjithshëm i Guardia di Finanza, gjeneral Andrea De Gennaro, komandanti i njësisë së kufirit detar, major Francesco Della Corte, prefekti Emiljan Jani, oficerë e efektivë të kësaj trupe, kryebashkiakja e Durrësit dorëzoi këtë certifikatë mirënjohjeje.

“Në emër të qytetarëve të Durrësit i dorëzova Nucleo di Frontiera Marittima dhe Guardia di Finanza certifikatën e mirënjohjes “Dëshmi e Meritës Publike dhe Qytetarisë Aktive” në shenjë respekti të thellë dhe mirënjohjeje për angazhimin e palodhur, ekselencën profesionale dhe kontributin thelbësor në sigurinë dhe mirëqenien e komunitetit”, tha Sako.

Nga ana e tij gjenerali De Gennaro theksoi se dhënia e kësaj mirënjohjeje prestigjioze përfaqëson një dëshmi konkrete të përkushtimit të Guardia di Finanza si dhe një demonstrim të respektit dhe dashurisë reciproke, duke vulosur lidhjet e miqësisë dhe afërsisë midis kësaj force dhe popullsisë së Durrësit.

Ndërkaq, Sako shprehu falënderimin për drejtuesit dhe të gjithë efektivët e Guardia di Finanza, për angazhimin e tyre të vazhdueshëm në mbështetje të forcave tona të Policisë dhe në favor të qytetarëve të Durrësit dhe të gjithë vendit tonë për 28 vite duke shërbyer me përkushtim e profesionalizëm dhe duke ndihmuar në mënyrë të paçmueshme.

“Përveç luftës ndaj aktivitetit kriminal kjo trupë ka dhënë një mbështetje të madhe në shumë projekte arsimore e sociale por edhe në situatat e emergjencave dhe fatkeqësive natyrore që kanë goditur vendin tonë e sidomos Durrësin, ku ata, ashtu si të gjitha institucionet dhe populli italian, na u gjendën pranë në ditë të vështira. Popujt tanë e kanë dëshmuar ndër vite miqësinë, mbështetjen, solidaritetin, humanizmin dhe mirënjohjen ndaj njëri tjetrit”, u shpreh Sako. /j.p/

The post Sako certifikatë mirënjohje Guardia di Finanza-s: Kontribut në sigurinë publike për Durrësin appeared first on Agjencia Telegrafike Shqiptare.

TIRANË, 8 shkurt /ATSH/ Në qytetin e Durrësit u hap ekspozita “Asnjëherë Dhunë”, e cila vjen në gjuhën shqipe me mbështetjen e projektit të Këshillit të Evropës, “Forcimi i Edukimit për Qytetari Demokratike në Shqipëri”, i financuar nga Agjencia Suedeze për Zhvillim dhe Bashkëpunim Ndërkombëtar (SIDA).

Kryebashkiakja e Durrësit, Emiriana Sako ishte e pranishme në çeljen e kësaj ekspozite, ndërsa thotë se ky projekt synon të promovojë vlerat demokratike, të fuqizojë arsimin qytetar dhe të rrisë ndërgjegjësimin mbi të drejtat e fëmijëve duke kontribuar në mbrojtjen e tyre nga çdo formë e dhunës.

“Ekspozita i drejtohet nxënësve të shkollave 9-vjeçare, të përfshirë në projekt dhe jo vetëm, si dhe synon ndërgjegjësimin për t’i dhënë fund dhunës ndaj fëmijëve. Mbrojtjen e fëmijëve nga dhuna dhe abuzimi bashkia e Durrësit do të vijojë ta ketë prioritet të punës dhe gjithë përpjekjeve për edukimin e brezit të ri për një shoqëri të drejtë e të paqtë”, shprehet Sako në një postim në rrjetet sociale.

E konceptuar nga Instituti Suedez dhe e frymëzuar nga fjalimi i shkrimtares së njohur për fëmijë Astrid Lindgren, ekspozita përçon mesazhe të fuqishme kundër dhunës përmes një kombinimi të teksteve dhe ilustrimeve frymëzuese.

1 nga 30

/r.e/

The post Ekspozita “Asnjëherë dhunë”, Sako: Prioritet i bashkisë Durrës, edukimi i brezit të ri për një shoqëri të drejtë e të paqtë appeared first on Agjencia Telegrafike Shqiptare.

TIRANË, 6 shkurt /ATSH/ Kryetarja e bashkisë së Durrësit, Emiriana Sako ka zhvilluar sot një takim me kryetarin e bashkisë Rijekës, Marko Filipoviç, si dhe delegacionin që e shoqëronte ku bënin pjesë nënprefekti i Rijekës, Petar Mamulla, drejtoresha e Kabinetit të Prefektit të këtij qyteti, Ermina Duraj, kryetari i Këshillit Shqiptar në Rijekë, Gani Xharrahi, këshilltarja e Ministrit të Punëve të Jashtme të Kroacisë, Ermina Lekaj Prljaskaj, zëvendëskryetari i Bashkësisë Shqiptare, Ramzi Bajraktari dhe aktivisti shqiptar Pjetër Prljaskaj.

Kryebashkiakja Sako tha në një njoftim për mediet se e njohu delegacionin kroat me potencialin e jashtëzakonshëm turistik e ekonomik të Durrësit si dhe historinë e lashtë të qytetit me trashëgimi kulturore të pasur.

Kryebashkiaku Marko Filipoviç, bëri një përmbledhje të përgjithshme të vlerave kulturore dhe ekonomike të Rijekës, njërit prej qyteteve më të rëndësishëm të Kroacisë, ku ndodhet edhe porti kryesor i këtij shteti.

“Bashkëbiseduam rreth marrëdhënieve midis dy vendeve si dhe për të forcuar bashkëpunimin midis dy qyteteve tona portuale me projekte konkrete në fushën e turizmit, ekonomisë, tregtisë, arsimit, kulturës dhe në të gjitha nivelet dhe fushat e tjera të mundshme. Pas takimit delegacioni kroat vizitoi disa nga sitet arkeologjike të qytetit tonë”, thotë Sako.

Nga takimi i kryetares së bashkisë Durrës, Emiriana Sako me kryetarin e bashkisë Rijekës, Marko...

1 nga 13

/r.e/

The post Bashkëpunim mes Durrësit dhe Rijekës, fokusi tek ekonomia dhe turizmi appeared first on Agjencia Telegrafike Shqiptare.

“Skualifikim i të gjithë operatorëve konkurrues përveç fituesit/ Skualifikim i ofertës me vlerë më të ulët”, ky është shënimi i Open Data Albania për tenderin e fundit të Emiriana Sakos. Kryetarja e Bashkisë Durrës e bëri lëmsh prokurimin vetëm për të favorizuar biznesmenin Klodian Alimadhi që të përfitojë fondin prej 259 milionë lekësh.

Ishin shtatë firma të mëdha që komisioni i Sakos i skualifikoi pa i marrë konsideratë ofertat e tyre, që ishin më ekonomike se sa shifra e propozuar nga firma fituese.

Objekti i tenderit është “Rehabilitim i ndriçimit të akseve rrugore në qytetin e Durrësit”. Këtu duhet të bëjmë një saktësim ose ndreqje “gabimi” të bërë në vendosjen e emërtimit të tenderit. Projekti është për rrugën e plazhit, jo për gjithë qytetin. Më dokumentin e mëposhtëm mësojmë se cilën zonë përfshin tenderi.

Fondi limit i përllogaritur nga komisioni i bashkisë është 24 859 914,00 lekë. Ky investim në këtë segment do të ketë ndërtim rrjetit të ndriçimit në rrugët “Zona e Plepave”, “Venecia”, “Porta e Detit”, “Iliria”, “Leoni dhe Koja” dhe “Brindisi”.

Tenderi i anuluar dy herë

Klodian Alimadhi ka ndikuar që tenderi të anulohej dy herë sepse me ofertën që kishte nuk mund të fitonte.

Fillimisht tenderi u njoftua nga Agjencia e Prokurimit Publik më 14 maj 2024 dhe data e fundit për dorëzimin e dokumenteve ishte më 29 maj 2024.

Në këtë procedurë aplikuan bashkimi i operatorëve ekonomikë “K.M.K” shpk + “Caushi M” shpk,  ASI-2A CO shpk, T&XH shpk, G.A.C shpk, 2Z Konstruksion shpk,  bashkimi i operatorëve “HTM” Sh.p.k + “A.L-ASFALT” Sh.p.k, bashkimi i operatorëve ekonomikë “B93 II”shpk + “B-93” shpk.

Në mënyrë të befasishme në 28 qershor 2024 nga komisioni i Sako janë shpallur të skualifikuara të gjitha kompanitë dhe më 1 korrik është njoftuar anulimi i tenderit.

Disa prej kompanive u ankuan dhe kërkuan të rrëzohej ky vendim. Bashkia njoftoi KPP-në se i kishte pranuar këto ankesa dhe vazhdoi procedurën. Në datën 28 tetor 2024 bashkia ka njoftuar operatorët ekonomikë pjesëmarrës me anë të sistemit të prokurimeve elektronike, mbi rezultatet e vlerësimit të Komisionit të Vlerësimit të Ofertave, që ishte i njëjtë me të parin.

Në datën 30 tetor 2024 është publikuar vendimi i anulimit të tenderit për herë të dytë. Pas kësaj, më 5 nëntor 2024, pranë Komisionit të Prokurimit Publik (KPP) është administruar ankesa “G.A.C” SHPK me pronar Klodian Alimadhin, ku ngrihen “pretendime për zhvillimin dhe anulimin e procedurës së mësipërme të prokurimit”.

Fiton kompania me ofertën më të shtrenjtë

Vazhdimin e telenovelës në KPP-në e Jonaid Myzyrit e kuptoni, pasi në vijimësi është parë se vendimet e KPP janë të koordinuara sipas interesave që kanë kryetarët e bashkive dhe firmat private. Loja me KPP shërben në këtë rast për të shmangur konkurrimin mes ofertave.

Pas vendimit të KPP, më 4 shkurt u shpall fituese  G . A . C me ofertën 19 639 471,00 lekë. Pra, lëmshi i krijuar shmangu ballafaqimin e ofertave.

Kështu BOE “K.M.K” shpk + “Caushi M” shpk propozonin ta kryenin këtë punë me 16,984,700 lekë.

ASI-2A CO shpk ofronte 18,678,850 lekë, T&XH shpk e kishte ofertën 18,953,550 lekë.

Por komisioni nuk është prirur të shqyrtojë ofertat madje në mënyrë sipërfaqësore pretendon sikur ka shqyrtuar kriterin e kapacitetit. Nëse do të niseshim nga ky argument, firma fituese është e angazhuar ndërkohë në një projekt tjetër, në bashkinë e Tiranës. Më 6 janar 2025, kompania GAC ka marrë nga Erion Veliaj tenderin “Instalacioni Tirana Mooons” me vlerë 38 909 882,00 lekë. Për 6 muaj kompania në fjalë duhet të kryejë punimet në këtë projekt.

Ndërkohë, në dokumentin më poshtë duket se tenderi i Bashkisë Durrës është shënuar me “Flamur të kuq” nga Open Data Albania për riskun e korrupsionit.

Kush është pronari i firmës fituese?

Kompania e Klodian Alimadhit është kapur në mashtrime më herët nga Kontrolli i Lartë i Shtetit. Pas auditimit, në vitin 2023 është publikuar një raport ku theksohet se kompania “G.A.C” me administrator dhe pronar Klodian Alimadhi ka abuzuar me zbatimin e kontratës me vlerë 1 milionë USD, me objekt zgjerimi i sistemit të lokalizimit të defekteve në linjat e tensionit të lartë të dhënë nga OST, duke përfituar padrejtësisht paratë për punë të pakryera. Sipas informacioneve, kompania G.A.C fitoi në vitin 2020 tenderin 1 milion USD me firmën e drejtorit të OST, Skerdi Drenova, një zyrtar publik i lakuar për abuzime me vlerë miliona euro.

Në këtë procedurë, Klodian Alimadhi ka konkurruar me veten e tij, pasi nuk ka pasur pjesëmarrës të tjerë në garë. Si rrjedhojë, siç evidentohet në dokumentin më poshtë, diferenca mes fondit limit dhe ofertës fituese ishte qesharake.

Si mos të mjaftonte oferta fituese në kufirin e fondit limit, pra fitimi që në procedurë, kompania G.A.C ka mashtruar edhe me zbatimin e kontratës, duke thelluar vjedhjen, duke ndarë me sa duket paratë me drejtorin e OST, përgjegjës për monitorimin e zbatimit të kontratave që i firmos vetë.

Ky tender është i gatshëm për dosjen e kryetares së Bashkisë në SPAK.  Kujtojmë se në 17 maj 2024, në kohën e shpalljes këtij tenderi, kryetarja e Bashkisë Durrës, Emirjana Sako u paraqitet në SPAK. Ajo është pyetur për inceneratorin e Tiranës dhe marrëveshjen e nënshkruar me bashkinë e Durrësit për trajtimin e mbetjeve atje.

©️Copyright Gijotina.com

Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

TIRANË, 3 shkurt/ATSH/ Nxënësit dhe mësuesit e shkollës 9-vjeçare “Demokracia” në Durrës do të zhvillojnë mësim në kushte më të mira dhe me standarde bashkëkohore.

Kryetarja e bashkisë së Durrësit, Emiriana Sako thotë se “në shkollën 9-vjeçare “Demokracia” e cila është rikonstruktuar tërësisht, 556 nxënës, 50 fëmijë të kopshtit me të njëjtin emër si dhe stafi pedagogjik zhvillojnë procesin mësimor në ambiente modern”.

Sipas Sakos, kjo shkollë ka 24 klasa, një laborator informatike, një smartlab, një klasë zhvillimore për nxënësit me aftësi ndryshe dhe një sallë aktivitetesh.

“Pas rikonstruksionit shkolla ka veshje me sistem kapot, sistem ngrohje qëndrore, terren sportiv volejbolli dhe basketbolli në oborr dhe është shkollë qendër komunitare”, thotë Sako në një postim në rrjetet sociale.

Qeveria ka rritur investimet për përmirësimin e infrastrukturës arsimore në të gjitha shkollat në vend.

Janë 100 shkolla që përgjatë vitit 2024 janë rehabilituar, ose janë në proces rehabilitimi. Ndërsa 40 kantiere të reja në të gjithë vendin janë hapur tashmë dhe pritet që t’i shtohen zinxhirit të shkollave të rehabilituara që garantojnë standarde shumë të mira për nxënësit, por edhe për mësuesit.

1 nga 22

/a.f/

The post Rikonstruksioni i shkollës “Demokracia”, Sako: Kushte më të mira për 556 nxënës dhe 50 fëmijë të kopshtit appeared first on Agjencia Telegrafike Shqiptare.

TIRANË, 3 shkurt/ATSH/ Një aksion pastrimi është ndërmarrë sot në zonën e Shkozetit në Durrës, nga bashkia e këtij qyteti.

Kryetarja e bashkisë Durrës, Emiriana Sako duke sjellë momente nga pastrimi u shpreh se përveç punës së përditshme të pastrimit, të gjitha ekipet me forca të shtuara ndërhyjnë dy herë në muaj, për një pastrim rrënjësor në të gjitha lagjet e qytetit.

Më herët, kryebashkiakja Sako është shprehur se ky aksion pastrimi është ndërmarrë në 17 zona të qytetit 2 herë në muaj, të hënën e parë të çdo muaji dhe çdo datë 15, për një pastrim rrënjësor në të gjitha lagjet e qytetit.

Kjo nismë e bashkisë synon që ta kthejë Durrësin në një qytet sa më të pastër dhe më të bukur.

Qyteti bregdetar është destinacion veror i një numri të lartë vizitorësh vendas dhe të huaj, ndërsa vizitohet edhe për trashëgiminë e pasur kulturore dhe historike. Po ashtu, Durrësi është edhe porti më i madh detar në vend.

/a.f/r.e/

The post Aksion pastrimi në Shkozet, Sako: Dy herë në muaj në të gjitha lagjet e qytetit appeared first on Agjencia Telegrafike Shqiptare.

Partia Demokratike ka bërë me dije se do të depozitojë në Prokurorinë e Posaçme (SPAK) një kallëzim penal ndaj kryetares së Bashkisë së Durrësit, Emirjana Sako, ministres së Infrastrukturës Belinda Ballukut dhe zyrtarëve të ministrisë së Bujqësisë për shpërdorim detyre dhe keqmenaxhim të fondeve publike. Kallëzimi ka të bëjë me përmbytjet të regjistruara pak ditë […]

The post Përmbytjet në Durrës/ PD kallëzon në SPAK Sakon, Ballukun dhe zyrtarë të ministrisë së Bujqësisë appeared first on BoldNews.al.