Gjykata Themelore në Gjakovë ka miratuar kërkesën e Prokurorisë Themelore të Gjakovës, duke caktuar masën e paraburgimit prej një (1) muaji për të pandehurin R. M., shtetas i Republikës së Shqipërisë, i cili dyshohet për kryerjen e njëmbëdhjetë (11) veprave penale kundër pasurisë.

Sipas Prokurorisë, R. M. dyshohet se gjatë periudhës 6 deri më 15 korrik 2025, në disa fshatra dhe lagje të Komunës së Gjakovës, ka kryer një sërë veprash penale të natyrës së njëjtë, duke hyrë me forcë në shtëpi të personave që jetojnë jashtë vendit, me qëllim përvetësimi të kundërligjshëm të pasurisë.

Në disa raste, i dyshuari nuk ka arritur të vjedhë asgjë, por në shumicën e rasteve ka marrë pasuri të ndryshme, vlera e të cilave ende nuk është përcaktuar.

Në të gjitha rastet, ai ka depërtuar në hapësira të mbyllura duke thyer dritare apo dyer, ndërsa veprimet e tij janë dokumentuar nga kamerat e sigurisë apo janë vërejtur nga persona që kanë qenë duke e mbikëqyrur pronën.

Prokuroria e ngarkon të pandehurin me një (1) vepër të vjedhjes në tentativë, nëntë (9) vepra të vjedhjes së rëndë dhe një (1) vepër të vjedhjes së rëndë në tentativë.

Gjyqtarja e procedurës paraprake, Blerina Kurtaj, ka konstatuar se janë plotësuar kushtet ligjore për caktimin e paraburgimit, duke pasur parasysh rrezikun e ikjes, rrezikun e përsëritjes së veprave penale si dhe mundësinë e ndikimit në dëshmitarë.

I pandehuri do të mbahet në paraburgim për një periudhë prej një muaji, duke filluar nga data e arrestimit më 16 korrik 2025, deri më 17 gusht 2025.

Palët kanë të drejtë ankese ndaj këtij vendimi në Gjykatën e Apelit të Kosovës.

The post Një muaj paraburgim ndaj një personi të dyshuar për 11 vjedhje në Gjakovë appeared first on Telegrafi.

Pas suksesit të jashtëzakonshëm të edicionit të parë vitin e kaluar, Gjakova hap sërish dyert për festivalin “Ditët e Shqiptarit” edicioni i dytë, një ngjarje që do të shpaloset përgjatë katër fundjavave të verës: 18-19 dhe 25-26 Korrik, si dhe 1-2 dhe 8-10 gusht.

Ky festival është më shumë se një festë, është një urë që lidh shqiptarët nga të gjitha trevat, një thirrje për ta jetuar dhe përjetuar identitetin kombëtar në mënyrë moderne dhe kreative.

Me aktivitete që shtrihen nga muzika live, kolonia e piktorëve, filmi dokumentar, diskutimet tematike dhe deri te aktivitetet teatrale të rralla, “Ditët e Shqiptarit” kthehet në një platformë kulturore që bashkon brez pas brezi, veçanërisht ata që e vlerësojnë një përzierje të rrënjëve dhe ritmit të kohës.

Në zemër të lagjes së vjetër të Gjakovës, Çarshia e Madhe, në parkun kulturor “Ali Podrimja”, tek Çarshia e Jupave e te Lumi Krena Gjakovë, vizitorët do të mund të përjetojnë një mozaik të aktiviteteve që përfshijnë:

22 koncerte që do të ofrojnë muzikë nga artistë të njohur shqiptarë si Marigona që do të vijnë me një koncertë pas një kohe shumë të gjatë, Jericho, Blla Blla Blla, Elina Duni, Eda Zari, Eugent Bushpepa, Nezafete Shala, Don`t Listen to Your Neigbours, Vlashent Sata, Suad Mehmeti & Djemtë e Ulqinit, Offchestra dhe shumë të tjerë që do të elektrizojnë netët e qytetit.

Diskutime të hapura me figura si Ermal hasimja, Kim Mehmeti, Ermonela Jaho dhe Jeta Xharra, që sjellin reflektime mbi artin, kulturën dhe identitetin.

Ekspozita nga kolonia e piktorëve nga të gjitha trevat shqiptare, duke i dhënë jetë Çarshisë së Vjetër përmes ngjyrave dhe frymëzimit artistik.

Aktivitete sportive e artistike interaktive, nga kërcimet nga Ura e Fshajt deri te performancat ndërkombëtare me hulahop, origami dhe paradë me makina e motor klasik.

“Ditët e Shqiptarit” nuk është thjesht një festival, por një manifestim i përbashkët kulturor, ku të shkuarës i jepet vlerë përmes syve të së tashmes, ndërsa e ardhmja ndërtohet me art, dialog dhe bashkim.

Edicioni i dytë i festivalit është mbështetur me partneritet nga Komuna e Gjakovës, BPB Bank, Automita, Prishtina Ticket, Asgeto dhe shumë sponsor të tjerë.

Për më shumë rreth festivalit ndiqni faqet e “Ditët e Shqiptarit” në rrjete sociale sikurse Instagrami si dhe agjenden e plotë mund ta shihni këtu: Agenda – Fondacioni për Gjakovën

Kultura shqiptare më së miri festohet në Gjakovë!

The post Festivali “Ditët e Shqiptarit”, edicioni i dytë këtë verë në Gjakovë appeared first on Telegrafi.

Një ngjarje tragjike ka ndodhur pasditen e së enjtes në rrugën “Valenton Spahija” në Gjakovë, ku një mashkull kosovar ka humbur jetën menjëherë pas përfundimit të orarit të punës.

Sipas njoftimit të Policisë së Kosovës, viktima ishte punëtor në një firmë ndërtimore dhe, sipas dëshmitarëve në vendin e ngjarjes, ai është alivanosur në tokë sapo kishte përfunduar punën.

“Një mashkull kosovar, është dërguar në emergjencë pa shenja jete. Sipas dëshmitarëve viktima posa e kishte përfunduar orarin e punës në një firmë ndërtimore ishte alivanosur në tokë. Me vendim të prokurorit trupi i pajetë është dërguar në IML për obduksion”, ka njoftuar policia./Telegrafi/

 

The post Gjakovë, punëtori bie pa ndjenja pas pune dhe vdes appeared first on Telegrafi.

Njësia e Zjarrfikësve e Gjakovës ka bërë me dije se sot në mesditë ka intervenuar me kohë në fshatin Ramoc, ku ishte raportuar për një djegie të fushave të grurit.

Ata kanë publikuar edhe disa fotografi të ekipit të zjarrfikësve duke intervenuar në këtë rast, në të cilat shihet se zjarri është përhapur në fushat e Ramocit.

“Falë reagimit të shpejtë dhe koordinimit të mirë të ekipit tonë, zjarri është lokalizuar dhe shuar pa shkaktuar dëme të mëdha materiale apo rrezik për banorët përreth”, ka njoftuar Njësia e Zjarrfikësve të Gjakovës në Facebook.

Njësia e Zjarrfikësve të Gjakovës i ka apeluar të gjithë qytetarëve që të mos djegin mbeturina apo sipërfaqe të hapura gjatë kësaj periudhe të nxehtë, pasi kjo rrit rrezikun.

The post Zjarrfikësit shuajnë zjarrin në fushat e grurit në Ramoc të Gjakovës appeared first on Telegrafi.

Prokuroria Speciale e Kosovës njoftoi të premten se ka ngritur aktakuzë kundër të pandehurit D.R., për veprën penale “krim i luftës kundër popullsisë civile”. Hetimet zbuluan se gjatë periudhës 7-10 maj të vitit 1999, i pandehuri ka marrë pjesë në sulm të gjerë dhe të organizuar të forcave ushtarake, policore dhe paramilitare serbe kundër popullsisë civile shqiptare në Gjakovë, thuhet në njoftim. Aty bëhet e ditur se ai ka vepruar në bashkëkryerje me persona të tjerë.

“Aktakuza e ngarkon të pandehurin me përgjegjësi për vrasjen e tre civilëve shqiptarë, të cilët më pas janë keqtrajtuar fizikisht, si dhe për dëbimin e dhunshëm të civilëve nga shtëpitë e tyre, plaçkitjen dhe shkatërrimin e pronave në disa lagje të qytetit”, bëri të ditur prokuroria.

Provat kundër të pandehurit përfshijnë dëshmi të viktimave dhe dëshmitarëve okularë, identifikimin e tij përmes fotografive, raporte të Institutit të Mjekësisë Ligjore dhe materiale të tjera të mbledhura gjatë hetimeve. I pandehuri ndodhet në paraburgim, ndërsa prokuroria tha se ka kërkuar vazhdimin e kësaj mase, për shkak të rrezikut të arratisjes.

Gjatë luftës në Kosovë më 1998/99 u vranë mbi 13.000 civilë, ndërsa mijëra të tjerë u zhdukën. Rreth 1.600 persona, kryesisht shqiptarë, janë ende në kërkim. Ndër vite, autoritetet e drejtësisë në Kosovë kanë akuzuar ose dënuar disa persona për krime lufte. Dhjetë ditë më parë, një person u dënua me 15 vjet burgim për dhunë seksuale gjatë luftës.

The post Ngrihet aktakuzë kundër një personi për krime lufte në Gjakovë appeared first on Lapsi.al.

TIRANË, 25 qershor/ATSH-Maela Marini/ Forcimi i marrëdhënieve ndërkulturore dhe ndërkomunitare mes Lezhës dhe Gjakovës në Kosovë është në fokus të marrëveshjes së binjakëzimit të nënshkruar më 23 qershor në Gjakovë.

Në një intervistë për ATSH-në, kryetari i bashkisë së Lezhës, Pjerin Ndreu solli në vëmendje disa nga fushat e bashkëpunimit që do të prekë kjo marrëveshje binjakëzimi, e cila sipas tij, do të nxisë veçanërisht zhvillimin e turizmit.

Pushues nga Gjakova zgjedhin çdo vit e më shumë plazhet e Lezhës, ku vlerësojnë shërbimet dhe pastërtinë që ofron vija e gjatë bregdetare, por edhe kulinarinë e turizmin historik.

Ndaj, sipas Ndreut, promovimi i aktiviteteve sociale, ekonomike dhe të turizmit do të jenë në fokus të këtij bashkëpunimi.

Ndreu informoi se ky proces binjakëzimi u iniciua fillimisht nga Komuna e Gjakovës, e cila dërgoi një ftesë zyrtare pranë bashkisë Lezhë për të filluar procesin e binjakëzimit, kërkesë e cila u pranua menjëherë.

“Ky binjakëzim merr parasysh historinë e marrëdhënieve vëllazërore dhe bashkëpunimin ndër vite ndërmjet Lezhës dhe Gjakovës në fusha të ndryshme, si dhe synon forcimin e bashkëpunimit me interes të përbashkët në fusha të tilla si trashëgimia kulturore, turizmi, arsimi dhe të tjera”, u shpreh Ndreu.

Qëllimi i kësaj marrëveshjeje, sipas tij, “është sigurimi i një mënyre bashkëveprimi dhe lehtësimi i bashkëpunimit midis dy palëve në fusha të interesit të përbashkët, si dhe zhvillimi i aktiviteteve që ndihmojnë forcimin e marrëdhënieve ndërmjet Lezhës dhe Gjakovës”.

Kryebashkiaku i Lezhës bëri të ditur se në këtë kuadër do të synohet zhvillimi i iniciativave që nxisin turizmin dhe ndihmojnë në zhvillimin e sektorëve socialë dhe ekonomikë.

“Po ashtu në fokus është edhe promovimi dhe zhvillimi i aktiviteteve edukative ndërkulturore, sportive dhe projekteve për të rinjtë dhe studentët. Në këtë kuadër do të nxitet shkëmbimi i përvojave dhe aktiviteteve që lidhin të rinjtë dhe studentët nga Lezha dhe Gjakova. Po ashtu do të krijohen mundësitë për shkëmbimin e përvojave dhe praktikave në fushën e arsimit”, theksoi Ndreu.

Me një trashëgimi të pasur kulturore, historike e arkeologjike qyteti i Lezhës ofron po ashtu modelin e duhur për avancimin e projekteve në këto fusha.

Ndaj, Ndreu informoi se në fokus të marrëveshjes së binjakëzimit do të jenë edhe zhvillimi i projekteve për mbrojtjen dhe ruajtjen e trashëgimisë kulturore të të dyja bashkive.

“Çështje të tjera që do të jenë pjesë e kësaj marrëveshje binjakëzimi do të prekin fusha si mbrojtja e mjedisit dhe ruajtja e burimeve natyrore dhe biodiversitetit. Po ashtu parashikojmë bashkëpunim në hartimin dhe zbatimin e projekteve të përbashkëta, si dhe takime periodike për shtyrjen përpara të këtij bashkëpunimi”, u shpreh Ndreu.

Kryetari i bashkisë së Lezhës shprehu bindjen se bashkëpunimi i vazhdueshëm në këto fusha do të sjellë përfitime të shumta për qytetarët dhe do të kontribuojë në zhvillimin e qëndrueshëm të rajonit.

/r.e//a.f/

The post Binjakëzimi me komunën e Gjakovës, Ndreu për ATSH-në: Nxisim promovimin e turizmit appeared first on Agjencia Telegrafike Shqiptare.

Kryetarja e partisë “Alternativa”, Mimoza Kusari-Lila tha se si “Alternativa” në zgjedhjet lokale të 12 tetorit do të garojnë vetëm, pa Lëvizjen Vetëvendosje.

Ndonëse bëri të ditur se në nivelin qendror nuk do të ndërrojë asgjë lidhur me koalicionin e tanishëm me LVV, Kusari – Lila kur u pyet nëse në zgjedhjet e jashtëzakonshme do të garonin prapë me LVV, tha se mbetet për t’u parë.

Kusari – Lila tha se do të jenë me disa kandidatë vetëm në disa komuna, si në Prishtinë, Gjakovë dhe Pejë.

“Për mu si kryetare e Alternatives po qe është një sfidë, por e paraqet një mundësi të re për me dal prej fazës ku ti rri në listë në parti të madhe, me pa forcën politike, kapacitetin politik dhe strukturave tuaja, dhe natyrisht edhe mundësinë me shpërnda frymën liberale dhe mendimin, dhe qëndrimet tana në raport me zhvillimin dhe vizionin tanë që nuk është domodoshmërisht i lidhur me VV”, tha Kusari – Lila në “DPT te Fidani” në Klan Kosova.

“LVV e ka vendos këtë për zgjedhjet lokale. Nuk e kemi lajm që e kemi marrë parazgjedhjeve, ky diskutim është pas zgjedhjeve lokale të vitit 2021. Domethënë kjo është një temë që nuk është risi për ne, edhe pse mundet me qenë për opinionin publik”, vijoi tutje ajo.

The post Mimoza Kusari-Lila në zgjedhjet lokale garon pa koalicion me Vetëvendosjen appeared first on Telegrafi.

TIRANË, 23 qershor/ATSH/ Bashkia e Lezhës nënshkroi sot një marrëveshje binjakëzimi me komunën e Gjakovës, në Kosovë.

Marrëveshja u nënshkrua në kuadër të vizitës në Gjakovë të kryetarit të bashkisë Lezhë, Pjerin Ndreu.

“Sot në Gjakovë, gjatë një takimi zyrtar në Komunën e Gjakovës, finalizuam me kryetarin Ardian Gjini marrëveshjen e binjakëzimit ndërmjet bashkisë Lezhë dhe Komunës së Gjakovës”, u shpreh Ndreu.

Ky hap i rëndësishëm, sipas tij, “hap rrugën për një bashkëpunim më të ngushtë në fushat kyçe si trashëgimia kulturore, arsimi dhe turizmi, fusha që na lidhin historikisht dhe na frymëzojnë për të ardhmen”.

/m.m//r.e//a.f/

The post Bashkia e Lezhës binjakëzohet me Gjakovën, bashkëpunim në arsim dhe turizëm appeared first on Agjencia Telegrafike Shqiptare.

Zjarrfikësit e Gjakovës kanë njoftuar për një ndërhyrje të shpejtë në Rogovë të Hasit.

Sipas tyre, në fshatin Rogovë të Hasit, një depo me mjete pune është përfshirë nga zjarri.

“Falë ndërhyrjes së shpejtë të Njësisë së Zjarrfikësve Gjakovë, zjarri është vënë nën kontroll dhe është parandaluar përhapja në fushat përreth”, thuhet në njoftim.

Në njoftim, zjarrfikësit e Gjakovës bënë të ditur se nga zjarri nuk ka persona të lënduar.

The post Digjet një depo me mjete pune në Rogovë të Hasit appeared first on Telegrafi.

Policia e Kosovës ka njoftuar për një rast të shkaktimit të rrezikut të përgjithshëm në Gjakovë.

Rasti ka ndodhur në Qabrat, të enjten në ora 22:45.

“Qabrat, Gjakovë 19.06.2025 – 22:45. Ankuesi mashkull kosovar, punëtor në një pishinë, ka raportuar se të dyshuar të panjohur kanë hedhur një mjet shpërthyes (granatë dore), me ç’rast janë shkaktuar dëme materiale”, thuhet në raport.

Nuk raportohet për të lënduar, ndërsa sipas Policisë, lidhur me rastin është njoftuar prokurori. /Telegrafi/

The post Hedhin granatë dore në një pishinë në Gjakovë, rasti po hetohet appeared first on Telegrafi.

Aleanca për Ardhmërinë e Kosovës në Gjakovë po hyn në fazën vendimtare të konsolidimit politik para zgjedhjeve, me përkrahje të reja nga figura të njohura publike dhe politike të qytetit.

Ferdinand Kolaj, ish-kryetar i Partisë Shqiptare Demokristiane (PSHDK) dhe aktualisht drejtor komunal, së bashku me Krenare Bushajn, Gjevalin Nikollbibajn, Ardian Nushin dhe dhjetëra drejtues të tjerë lokalë – përfshirë drejtora dhe asambleistë, i janë bashkuar Aleancës dhe Kryetarit Ardian Gjini.

“Kjo përforcim i rëndësishëm vjen në një kohë kur Gjakova, nën qeverisjen e Gjinit dhe Aleancës, ka njohur transformime të mëdha në shërbim të qytetarëve pa dallim”.

Me një model qeverisës të vlerësuar për drejtësi dhe efikasitet, Aleanca synon të vazhdojë rrugën e zhvillimit edhe për katër vitet e ardhshme.

“Gjakova është bërë shembull i mirëqeverisjes. Aleanca është shtëpia e të gjithë atyre që besojnë në vlera, punë të ndershme dhe përkushtim ndaj qytetarëve. Bashkimi i këtyre emrave të dëshmuar është garanci për vazhdimësinë e suksesit”, ka deklaruar Kryetari i AAK-së, Haradinaj.

The post AAK në Gjakovë, emra të njohur nga PSHDK i bashkohen Ardian Gjinit appeared first on Telegrafi.

Një 63 vjeçar ka humbur jetën sot në Gjakovë.

Lajmin për Telegrafin e ka konfirmuar zëdhënësi i policisë në Gjakovë, Sheremet Elezaj.

Elezaj tha se viktima është dërguar pa shenja jete në Spitalin e Përgjithshëm në Gjakovë, ku është konstatuar vdekja e tij.

“Nga hetimet e para dyshohet se viktimës i është përkeqësuar gjendja shëndetësore në vendin e punës (ku ishte duke punuar si roje sigurie), në rrugën “Wesley Clark”, rreth orës 08:45.
Me vendim të prokurorit, rasti është iniciuar si “Hetim i vdekjes”, ndërsa trupi është dërguar për ekzaminim mjeko-ligjor”, tha Elezaj.

Ai shtoi se hetimet janë në zhvillim për zbardhjen e plotë të ngjarjes./Telegrafi/

The post Vdes një 63-vjeçar në Gjakovë – dyshohet se iu përkeqësua gjendja shëndetësore në vendin e punës appeared first on Telegrafi.

Policia e Kosovës ka arrestuar një burrë në fshatin Osek Pashë të Komunës së Gjakovës, nën dyshimet për ushtrim të dhunës psikike dhe kanosje ndaj bashkëshortes së tij, tek i cili janë konfiskuar edhe armë.

Gjatë hetimeve lidhur me këtë rast të dhunës në familje, policia ka siguruar informacione shtesë që çuan në dyshimin se i njëjti posedonte armë pa leje.

Si rezultat, është kryer një kontroll në banesën e të dyshuarit, ku janë gjetur dhe sekuestruar një pushkë automatike e llojit AK-47 me dy karikatorë dhe 566 fishekë, si dhe një pistoletë me tre karikatorë dhe 31 fishekë.

Me urdhër të Prokurorit të Shtetit, i dyshuari është ndaluar për 48 orë, ndërsa ndaj tij është hapur rast penal për veprat penale “Dhunë në familje” dhe “Mbajtje në pronësi, kontroll ose posedim të paautorizuar të armëve”. /Telegrafi/

The post Arrestohet një person në Gjakovë për dhunë në familje dhe armëmbajtje pa leje appeared first on Telegrafi.

Kur u përball me probleme kardiovaskulare këtë pranverë, Hasan Çaushit nga fshati Nikoliq i Hasit i shkoi ndërmend që të zgjidhte vdekjen përballë shtrimit në qendrën spitalore universitare “Nënë Tereza në Tiranë. Por burri 75-vjeçar e gjeti një rrugëdalje në spitalin rajonal “Isa Grezda” në Gjakovën fqinje, ku BIRN e takoi ndërsa po kurohej në […]

The post Shëndetësia në dy pamje: Pacientët e qarkut Kukës gjejnë shpëtim në spitalet e Kosovës appeared first on Reporter.al.

Prokuroria Themelore në Gjakovë ka bërë të ditur se ka filluar hetimet dhe ka paraqitur kërkesë për caktimin e masës së paraburgimit prej 30 ditësh ndaj pesë personave të arrestuar më 31 maj 2025 në fshatin Rogovë të Gjakovës.

Sipas Prokurorisë, të arrestuarit me inicialet S.H., L.H., F.H., A.H. dhe Sh.H., dyshohen për përfshirje në të shtëna me armë zjarri gjatë një ahengu familjar. Të dyshuarit fillimisht janë ndaluar për 48 orë dhe tashmë ndaj tyre është paraqitur kërkesa për paraburgim në Gjykatën Themelore në Gjakovë.

Prokuroria njofton se ndaj të dyshuarve rëndojnë një sërë veprash penale, përfshirë: Përdorim i armës apo mjetit të rrezikshëm (neni 367), Shkaktim i rrezikut të përgjithshëm (neni 356), Mbajtje në pronësi, kontroll ose posedim i paautorizuar i armëve (neni 366), Manipulim me prova (neni 389), Moslajmërim i veprave penale apo kryesve të tyre (neni 378).

Në kuadër të hetimeve, Policia e Kosovës ka sekuestruar një sasi të konsiderueshme armësh dhe municioni në vendin e ngjarjes, përkatësisht:

• Dy armë automatike,
• Një pushkë gjuetie,
• Një pistoletë,
• 463 fishekë të kalibrave të ndryshëm,
• Disa gëzhoja të gjetura në vendin e ngjarjes.

Hetimet për këtë rast janë në vazhdim, ndërkohë që autoritetet po shqyrtojnë provat dhe dëshmitë për të proceduar më tej me çështjen.

The post Të shtëna me armë në një aheng familjar në Gjakovë, kërkohet paraburgim për pesë persona appeared first on Telegrafi.

Komuna e Gjakovës, ka ndarë 140 mijë euro për përkrahjen e zhvillimit ekonomik lokal, përmes granteve që do të shpërndahen për 26 biznese ekzistuese dhe start-up-e.

Ky lajm wshtw bwrw i ditur nga Kryetari i Komunws sw Gjakovws, Ardian Gjini, i cili pwrmes kwtij njfotimi bwri tw ditur se kjo përkrahje është realizuar nga Drejtoria për Zhvillim Ekonomik në komunën e Gjakkows, me qëllim të fuqizimit të ndërmarrjeve vendore, rritjes së kapaciteteve të tyre dhe krijimit të vendeve të reja të punës në k

“Jam veçanërisht i lumtur që si institucion po arrijmë të ofrojmë ndihmë për ndërmarrësit tanë, të cilët me shumë punë, ide dhe përkushtim po kontribuojnë çdo ditë në zhvillimin e ekonomisë,” theksoi Gjini.

Në njoftimin e tij Gjini po ashtu bëri të ditur që komuna e Gjakovës do të vazhdojë të përkrahë çdo iniciativë që sjell zhvillim ekonomik dhe një jetë më të mirë për qytetarët kësaj komune.

Kjo iniciativë vjen si pjesë e strategjisë së Komunës së Gjakovës për të stimuluar rritjen e sektorit privat në Komunën e Gjakovës.

The post Komuna e Gjakovës ndan 140 mijë euro për zhvillimin e bizneseve lokale, 26 biznese përfituese appeared first on Telegrafi.

Pas dëshmive të qytetarëve të Tropojës dhe vizitës në Spitalin e Bajram Currit, gazetarja e emisionit investigativ “Tak Fak” Anxhela Gjiriti zhvendoset për pjesën e tretë të investigimit në Spitalin e Përgjithshëm “Isa Grezda” në Gjakovë, aty ku qytetarët nga veriu i Shqipërisë marrin çdo ditë shërbime që mungojnë në vendin e tyre. Në hyrje

Kryetari i Komunës së Malishevës, Ekrem Kastrati, ka zhvilluar një takim me drejtorin e Drejtorisë Rajonale të Policisë në Gjakovë, kolonel Lumni Graishta. Gjatë takimit, ata kanë diskutuar mbi mundësitë e përmirësimit të bashkëpunimit të ndërsjellë dhe avancimin e projekteve të përbashkëta që kanë si objektiv sigurimin e territorit të komunës sw Malishevës.

Kryetari Kastrati ka falënderuar Policinë e Kosovës, përfshirë Stacionin Policor të Malishevës dhe Drejtorinë Rajonale në Gjakovë, për mbështetjen dhe bashkëpunimin e ngushtë në realizimin e projekteve që kanë për qëllim zhvillimin e komunës, me theks të veçantë në procesin e lirimit të hapësirave publike në qytetin e Malishevës.

Po ashtu, ata kanë diskutuar edhe për çështje të tjera të sigurisë që ndikojnë në jetën e përditshme të qytetarëve të komunës.

Në fund të takimit, të dyja palët u angazhuan për vazhdimin e bashkëpunimit të frytshëm, me qëllim rritjen e sigurisë për qytetarët e Malishevës, duke shprehur gatishmërinë për të shqyrtuar mundësinë e krijimit të mundësive të reja bashkëpunimi, veçanërisht në fushën e sigurisë në shkolla.

The post Kryetari i Malishevës takon Drejtorin e Policisë në Gjakovë për forcimin e bashkëpunimit në siguri appeared first on Telegrafi.

Drejtoria Rjonale e Policisë në Gjakovë, në raportin e tyre 24 orësh ka bëtë të ditur se gjatë lësaj periudhe kohore, në stacionin policor në Malishevë është raportuar për një kanosje ndaj një zyrtari policior.

“Është shoqëruar në stacionin policor i dyshuari mashkull kosovar pasi që, i njëjti pas një mosmarrëveshje lidhur me shqiptimin e një tikete ka kanosur zyrtarët policor. Me vendim të prokurorit pas intervistimit rasti procedohet në procedurë të rregullt.”

Po ashtu në këtë raport 24 orësh bëhët e ditur se është raportuar një rast i dhunës në familje, ku pas një mosëmarrëveshjeje i dyshuari, mashkull kosovar, i kishte shkaktuar dhunë psiqike dhe e kishte gjuajtur me një shkop plastike viktimën, femër kosovare.

“Është arrestuar i dyshuari mashkull kosovar pasi që, i njëjti pas një mosmarrëveshje dyshohet se i kishte shkaktuar dhunë psiqike dhe e kishte gjuajtur me një shkop plastike, viktimën femër kosovare. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje.”

The post Kanoset një zyrtar policior në komunën e Malishevës appeared first on Telegrafi.

Gjatë muajit prill, Spitali Rajonal “Isa Grezda” në Gjakovë, ka vazhduar të ofrojë një gamë të gjerë shërbimesh shëndetësore për qytetarët, duke reflektuar angazhimin e stafit mjekësor në përmbushjen e nevojave të pacientëve.

Sipas të dhënave zyrtare, gjatë këtij muaji janë realizuar gjithsej 10674 vizita mjekësore dhe ekzaminime të ndryshme, ndërsa janë ofruar edhe 333 shërbime të CT-së dhe 1306 shërbime radiologjike (rentgen i thjeshtë), ndërsa raporti muajit prill bënë të ditur se në Njësinë e Mjekësisë Fizikale dhe Rehabilitimit janë trajtuar 1028 pacientë.

Sipas të dhënavë zyrtare, thuhet se gjatë muajit prill janë hospitalizuar 1176 pacientë, ndërsa janë kryer gjithsej 200 operacione, ku po gjatë këtij muaji janë shënuar 98 lindje, nga të cilat 55 djem dhe 43 vajza.

Shërbime laboratorike në kuadët të Spitalit “Isa Grezda” kanë marrë 2811 pacientë, në Repartin e Hemodializës janë kryer 795 seanca dialize, duke siguruar kujdes të vazhdueshëm për pacientët që kanë nevojë për këtë shërbim.

The post Mbi 10 mijë vizita mjekësore u kryen gjatë muajit prill në Spitalin “Isa Grezda” në Gjakovë appeared first on Telegrafi.