Dhërmiu, fshati bregdetar i cilësuar si parajsë tropikale po tërheq çdo vit mijëra turistë vendas e të huaj.

Kryeministri Edi Rama ndau mbrëmjen sot pamje nga perëndimi i diellit në Dhërmi.

“S’është pikturë, është Dhërmiu live, pa filtra”, shkruan Rama.

Mediet e ndryshme ndërkombëtare pasqyrojnë në reportazhet dhe shkrimet e tyre bukuritë e Dhërmiut, duke tërhequr vëmendjen e turistëve për ta vizituar atë.

Gjatë muajit korrik edhe gazeta prestigjioze amerikane ”New York Times” ka përzgjedhur edhe Dhërmiun ndër destinacionet më të mira turistike globale.

Pak më shumë se një kilometër i gjatë, me shezlongë në dispozicion dhe gjire shkëmbore të izoluara, që shpërndahen në skajin jugor të plazhit, Dhërmiu është një destinacion kryesor edhe për ata që duan të festojnë, pasi në zonë organizohen disa festivale të mëdha muzikore gjatë gjithë verës.

Plazhet e Jonit këtë vit janë frekuentuar nga mijëra pushues, jo vetëm vendas, por edhe shumë të huaj./atsh/

Fragmente të shkëputura nga libri “Shkëlqim dhe tmerr” pjesa e dytë e Bekim Fehmiut, përcjell KultPlus.

Përktheu Sabit Abdyli

Pse ju shqiptarët pas luftës (fjala është për luftën 1940/45) nuk u kthyet në Shqipëri – pyeti serbi 70 vjeçar. Mu kujtua pyetja e njëjtë e Jovan Mileqevit në Maribor. Tentova t’i përgjigjem. Po më ndali cimeri im, prit unë – Cernoputi Kovinac i mbajti leksion për shqiptarët si profesori im (dikur) Dr. Millosh Gjuriq. – Nëse dikush duhet të kthehet diku, atëherë ata duhet të jemi ne (serbet), jo shqiptarët. –ju përgjigj bashkëfshatarit.

Në vitin 1926 (vazhdoi 70 vjeçari) kur u bë reforma agrare më kanë ofruar tokë gati falas nëse vendosem atje (Kosovë). Po nuk shkova. “Shkëlqim dhe tmerr” , 2012, Beograd, Bekim Fehmiu, faqe 380.2.Irena (fjala është për artisten Irena Papas) kish imigruar në Romë për shkak grusht shtetit të Juntës ushtarake në Greqi. Kish vuajtur (merakosur) për mikun e saj kompozitorin Teodorakis. Për ta disponuar propozova të shkonim në restorant. Fillova të këndoj një këngë. Ajo pranoi këngën dhe vazhdoi ta këndojë në greqisht. I habitur reagova: “Prej ku e di ti këtë?” Kjo është këngë dashure shqiptare.Jo, kjo është këngë greke nga Janina – tha Irena. Atje jetojnë Arvanitasit, shqiptarët, apo? Duke vazhduar këngën nxori nga çanta e dorës pasaportën dhe – Lexo. Irini Leleku (mbiemrin në shqip dmth lejleku).Di ti flasësh shqip? – e pyes.Jo, por jam me origjinë shqiptare – më tha Irena.Për ty do ishte fantastike të jesh në rolin e Teutës, mbretëreshës ilire.

Nga libri (pjesa dytë) “Shkëlqim dhe tmerr” , 2012, Beograd, Bekim Fehmiu, faqe 167 3.Regjisori (fjala është për regjisorin italian të filmit “Odisea” Franko Rosi) papritmas më pyeti. Çka mendon për Rade Sherbexhijen ? Në ç’kuptim?Si artist. Po përgatisim “Iljaden”, dhe po mendojmë për te.Mirë keni menduar. Rade nuk është vetëm artist i shkëlqyeshëm, por edhe poet, këngëtar .. Ai është i zoti për të gjitha rolet; nga lypsari deri te mbreti.Shikimet e Frankos dhe bashkëpunëtorit të tij u kryqëzuan. Përnjëherë një si heshtje.Si ashtu, Bekim (Bekim Fehmiu) : sa herë të kem pyet ty për kolegët nga Jugosllavia, gjithmonë i ke lavdëruar. Por, kur kem pyet për ty derisa xhironim filmin “Quo Vadis” në Beograd, ata (artistët serbë) përgjigjeshin se je verbuar, se je irredentist, nacionalist. (Unë, thotë Rosi) Nuk kam mund ta shoh Odisen tim të verbuar. /KultPlus.com

Me rastin e përvjetorit të ndarjes nga jeta të aktorit të madh Bekim Fehmiu, sot u mbajt ceremonia përkujtimore e organizuar nga Teatri i Qytetit “Bekim Fehmiu” në Prizren.

Në këtë tubim simbolik, u hodhën lule në lumin Lumbardh – pikërisht aty ku është shpërndarë hiri i tij, në nderim të jetës dhe veprës së një prej figurave më të shquara të artit.

Të pranishëm në ceremoni ishin miq, familjarë dhe bashkëpunëtorë të afërt të artistit, të cilët ndanë kujtime dhe nderuan me respekt figurën e tij të paharrueshme.

Bekim Fehmiu mbetet një emër i pavdekshëm që vazhdon të frymëzojë brezat e rinj të artistëve./ KultPlus.com

Më 15 qershor 2010 vdiq aktori që do të linte gjurmë të pashlyeshme në kinematografinë e Ballkanit dhe më gjerë, Bekim Fehmiu.

Sarajeva, ku familja e tij gjakovare vuajti internimin, do të ishte edhe vendi ku Fehmiu do të vinte në jetë. Familja e tij qëndroi me banim në Shkodër deri në vitin 1939. Pas pushtimit italian dhe bashkimit të një pjese të Kosovës me Shqipërinë, u zhvendosën drejt Prizrenit. Gjatë viteve 1956-1960, Bekim Fehmiu studioi në Fakultetin e Artit Dramatik në Beograd.

Spikati veçanërisht në filmin “Mbledhësit e puplave” dhe menjëherë ra në kontakt me shumë shtëpi filmike ndërkombëtare. Ka luajtur një sërë rolesh, duke interpretuar në shqip, në maqedonisht, në serbisht, në turqisht, në spanjisht, në frëngjisht, në anglisht dhe në italisht. Mishërimi mjeshtëror i personazheve prej tij, do të hasej dukshëm në realizimet “Prova speciale”, “Odiseja”, “Aventurieri”, “Rruga”, “Vite të nxehta” dhe “Dezertori”.

Fehmiu ka bashkëpunuar me emra të mëdhenj të artit filmik, si: Ava Gardner, Robert Shoè, John Huston, Dirk Bogard, Irene Papas, Claudia Cardinale etj. Shqipërinë e vizitoi për herë të parë në vitin 1972, ndonëse nuk e fshehu kurrë dashurinë për vendin e origjinës. / KultPlus.com

Shumë vrasje që ndër vite mbeteshin pa autorë, i faturoheshin “profesionistëve”. Dyshimet hidheshin në disa drejtime. Për disa krime autorët aludohej se mund të ishin “ekspertë”, si ish-ushtarakë apo ish-policë, të stërvitur për të goditur në shenjë. E për disa të tjera, shpesh hetimet orientoheshin drejt vrasësve me pagesë, që nuk i lidhte asnjë motiv […]

The post Vrasës të huaj/ Kontratat e vdekjes që u lidhën me italianë, grekë, portugezë, marokenë e rumunë appeared first on BoldNews.al.

Dritat e skenës së Teatrit “Bekim Fehmiu” në Prizren u shuan për disa çaste të mërkurën mbrëma. Por kjo errësirë nuk solli terr. Përkundrazi, hapi shtegun për të ndriçuar një projekt artistik që luan me dritën dhe errësirën, realitetin dhe iluzionin.

Premiera e shfaqjes “Komedia e zezë”, me tekst të autorit britanik Peter Shaffer dhe regji të Ilir Bokshit, solli për publikun e pranishëm një përvojë skenike të pazakontë, respektivisht një farsë të errët, të mbështjellë me humor, tension dramatik dhe kreativitet muzikor.

Në këtë shfaqje ku drita ndizet kur personazhet janë në errësirë dhe errësohet kur ata “shohin”, publiku u përfshi në një realitet të përmbysur, ku absurdi bëhet i zakonshëm dhe e qeshura lind nga ndjesitë më të papritura. Skenat u shoqëruan nga këngë të njohura të ripërpunuara mjeshtërisht, duke krijuar një atmosferë të ngjeshur e dinamike.

Regjisori Ilir Bokshi ka bërë të ditur se ideja për ta sjellë këtë vepër teatrale në Prizren ka lindur nga bashkëpunimet e mëhershme me Teatrin “Bekim Fehmiu” respektivisht nga dëshira për të sfiduar veten në një zhanër të vështirë siç është farsa.

“Në jetën time profesionale kam pas dy tekste të ngjashme, që njihet si farsa, që është ndër zhanret më të vështira të teatrit. Pata dëshirë ta provokojë veten, sidomos me këtë idenë e përzierjes së farsës me muzikë. Me atë që e patë edhe ju vetë, edhe ku unë besoj, bashkë me bashkëpunëtorët e mi, e kemi armën më të fortë të paraqitjes skenike. Pra, pse jo me e provu edhe një herë farsën, dhe me pa a jemi në gjendje akoma për të prodhuar vepra të tilla”, ka thënë Bokshi, raporton Telegrafi.

Sipas tij karakteret e shfaqjes kanë një universalitet pasi gjithandej ushtaraku është ushtarak, ka njerëz të moralshëm e të pamoralshëm, dhe kësisoj vepra nuk përcakton vend apo krahinë. Në të njëjtën kohë ka vlerësuar lartë reagimin e publikut, duke shtuar se edhe falë bashkëpunimeve të mëhershme në Prizren ndihet si në shtëpi.

Në këtë farsë të pazakontë, ku ndriçimi funksionon në kahe të kundërta, publiku përfshihet në një botë absurde, plot situata komike, tensione të padukshme dhe përplasje karakteresh që zbulojnë thellësinë tragjike të njeriut modern.

Në këtë rrafsh shfaqja ka kërkuar edhe një disiplinë të pazakontë nga aktorët. Aktorja Hajat Toçila këtë përvojë e ka përshkruar si sfiduese dhe të veçantë.

“Ka qenë shumë sfiduese, po jo e pamundur, normal. Por natyrisht ka qenë e vështirë për neve me e pa objektin, po me luajt gjoja se s’po e sheh e mu përplas me të. Ose shembull, kur gjatë dialogëve u dashtë krejt shqisat me i pas aktive. Na ka marrë pak kohë por ia arritëm”, ka thënë Toçila, raporton Telegrafi.

Sipas saj, kasta e aktorëve ka përmbushur detyrat në mënyrë të përpiktë falë edhe kujdesit të regjisorit, Ilir Bokshi, pastaj këshillave të koreografit Gëzim Serollaj por edhe angazhimit të pashoq të të gjithë ekipit realizues të shfaqjes.

Toçila ka theksuar se e tërë kjo punë është kurorëzuar me reagimin pozitiv të publikut. “Publiku gjithmonë na jep një shtytje më të madhe, pasi jemi të lidhur, jemi bashkë”, është shprehur ajo.

Ndërsa, Ernest Malazogu, i cili është shfaqur me një rol që kërkonte një lojë të veçantë fizike dhe shpirtërore ka theksuar se interpretimi ka kërkuar një angazhim meqë këtë herë loja është zhvilluar mes dritës e errësirës.

“Ka qenë pak sfiduese, derisa edhe ne hymë në ujëra të kërkesave të regjisorit. Pastaj ka qenë vetëm kënaqësi”, ka thënë Malazogu, raporton Telegrafi.

Duartrokitjet e gjata të publikut në fund të shfaqjes sipas Malazogut kanë qenë dhurata më e mirë për ekipin që ka realizuar këtë projekt, duke dëshmuar se “Komedia e zezë” ka lënë gjurmë.

“Komedia e zezë” nuk ishte thjesht një farsë, por një përjetim. Një shfaqje që ndezi dritën në errësirë, jo vetëm për personazhet, por edhe për audiencën e pranishme në këtë premierë. “Komedia e zezë” vazhdon të shfaqet në Teatrin “Bekim Fehmiu” në Prizren më 9 qershor 2025, duke ofruar një mundësi të rrallë për të përjetuar një teatër që ndriçon edhe aty ku duket se nuk ka dritë. /Telegrafi/

The post Premiera e “Komedisë së zezë” në Prizren, një farsë teatrale mes dritës dhe errësirës appeared first on Telegrafi.

Irena Papas është aktore me famë botërore. Në rininë e saj ishte shndërruar në një sensacion kinematografik, duke shënuar shumë suksese me role në filma të shumtë, por ajo që e bën më të veçantë për shqiptarët ishte roli i saj në filmin “Odiseu”, ku kishte luajtur bashkë me aktorin e madh shqiptar Bekim Fehmiu, shkruan KultPlus.

Bekim Fehmiu njohjen me Irena Papas e ka shkruar në librin e tij me dy pjesë “E shkëlqyeshme dhe e tmerrshme” , ku edhe ka ndarë detaje me lexuesit edhe për pjesën kur kanë diskutuar për prejardhjen e Irena Papas, që sipas këtij libri, Papas e kishte konfirmuar se ajo ka prejardhje shqiptare.

KultPlus ju sjell këtë pjesë nga libri i Bekim Fehmiut./ KultPlus.com

TIRANË, 1 qershor /ATSH/ – Ylli i kinematografisë shqiptare, Bekim Fehmiu u lind me 1 qershor 1936 në Sarajevë.

Ai studioi në Universitetin e Beogradit për film prej vitit 1956 deri me 1960.

Fehmiu u bë i famshëm me filmin “Mbledhësit e puplave”, në vitin 1966.

Deri në atë kohë, ai kishte studiuar dhe ishte bërë i njohur nga shumë shtëpi filmi nëpër botë.

Ai është aktori i parë shqiptar i filmit dhe i teatrit, i cili ka luajtur me sukses në filmat dhe skenat e gjithë hapësirës së ish-Jugosllavisë. Ka qenë një nga personalitetet që ka lënë gjurmë në kinematografinë ballkanike, por mbi të gjitha, ai është i madh për kontributin artistik në kinematografinë botërore.

Filmat e njohur në të cilët luajti Bekim Fehmiu ishin “The Odyssey”, “The Deserter”, “Ready for Anything” apo “Special Education”.

U martua me Branka Petriç dhe kishte dy djem.

Shqipërinë e ka vizituar në vitin 1972 dhe nuk e ka fshehur kurrë mallin që kishte për të.

Në të gjithë hapësirën ballkanike është gati në përmasat e një miti.

“Njeriu nuk duhet të fajësojë për diçka që i ndodhë as babanë as vëllezërit, as fqinjën, as perënditë, por vetëm veten. Njëra nga tragjeditë tona lidhet me atë, që duke jetuar për shekuj së bashku nuk kemi mësuar nga njëri-tjetri, por dhe kur e kemi bërë këtë kemi mësuar vetëm të keqen”, shprehet ai.

Ai vdiq më 15 qershor 2010, në moshën 74-vjeçare./ a.jor.

The post KINEMA – 89 vite më parë u lind Bekim Fehmiu appeared first on Agjencia Telegrafike Shqiptare.

Nga Albert Vataj Në panoramën e artit botëror, rrallë ndodh që një emër nga një vend i vogël të ngjitet në majat e kinematografisë ndërkombëtare dhe të ruajë dinjitetin, identitetin dhe krenarinë kombëtare siç bëri Bekim Fehmiu. I lindur më 1 qershor 1936 në Sarajevë dhe i ndarë nga jeta në mënyrë tragjike më 15 qershor 2010 në Beograd, ai mbetet figura më emblemë e aktorit shqiptar në skenën…

Source

Nga: Aurenc Bebja
Fotografia: Fahredin Spahija

Revista “Variety”, më 14 prill 1993, në faqen 75 ka botuar intervistën e gazetares Deborah Young me aktorin e famshëm shqiptar, Bekim Fehmiun. Shkrimi është si më poshtë.

“I vetmi superyll i vërtetë i dalë ndonjëherë nga Jugosllavia, aktori i filmit dhe teatrit, Bekim Fehmiu, është i njohur më së shumti për karrierën e tij unike në Hollivud – si plejboj amerikano-jugor te ‘Aventurierët’ e ‘Paramount’-it më 1970.

Ai ishte gati për një kalim në Hollivud, pasi u bë yll ndërkombëtar me ‘Mbledhësit e puplave’. Ky shans i erdhi në momentin e fundit, kur një aktor rus, cigan i vërtetë, u largua.

Dy dekada më parë Fehmiu e vizitoi botën si superyll i ardhshëm. Tani përpiqet të mbijetojë në një Beograd të shkatërruar nga lufta, si shqiptar i izoluar dhe i rrethuar nga lufta.

Kur ‘Mbledëshit …’ morën çmim të madh në Kanë, dhe një audiencë amerikane më 1968, Fehmiu papritmas kërkohej. Gruaja e Dino De Laurentisit, Silvana Mangano, donte që ai të luante me të te ‘Edipi mbret’, por një angazhim tjetër e prishi atë projekt. Ndërkohë, gruaja dhe djali i Lewis Gilbertit panë ‘Mbledhësit …’ dhe regjisori i dha atij rolin e vrasësit të zonjave – Dax Xenos te ‘Aventurierët’.

Fatkeqësisht, kur gjithçka u tha dhe u bë, Fehmiu kaloi nga ‘Mbledhësi i lumtur’ në një fatkeq. Filmi prej 15 milion dollarësh – një nga më të shtrenjtët të realizuar deri në atë kohë – dështoi; Fehmiu mori përsipër një pjesë të madhe të fajit. Ai i shuajti shpresat e tij në Hollivud.

‘Gabimi i madh i Gilbertit ishte të qenit shumë besnik ndaj romanit të Harold Robbins’, thotë Fehmiu, duke u kthyer prapa në kohë. ‘E bëri atë sikur të ishte duke përshtatur ‘Luftën dhe Paqen’’.

Si 57 vjeçar, Fehmiu jeton në kryeqytetin serb, në Beograd. Edhe ai luajti rregullisht role dytësore në bashkëprodhime të huaja dhe pavarësisht se ishte ylli më i madh i Jugosllavisë në vitet 1960’70, një aksident i rëndë automobilistik e pengoi atë të interpretonte – nga viti 1978 deri në 1981. Edhe pse herë pas here ka xhiruar filma ose seriale televizive jashtë vendit, mendja e tij është fiksuar në luftën që ka copëtuar vendin e tij.

‘Nuk jam i interesuar të aktroj për momentin’, tha Fehmiu për ‘Variety’. ‘Jam shumë i shqetësuar për të gjithë situatën këtu’.

Ai aktualisht mbështet shkollimin e katër të afërmve të tij pasi lufta shkaktoi mbylljen e disa shkollave. ‘Duhet të bësh punën tënde në çdo mënyrë që mundesh’.

Fehmiu pranon se jeta nuk është e lehtë për të si shqiptar në Serbi. Ai jeton me gruan e tij dhe dy djem, njëri prej të cilëve, Uliksi, është aktor i ri në ngritje. Por, pavarësisht luftës dhe persekutimit të grupeve etnike, Fehmiu thotë se nuk do të largohet nga Beogradi. ‘Arratisja është gabimi më i madh. Ka serbë, shumë progresistë, por shumica e intelektualëve janë larguar nga vendi. Unë do të qëndroj dhe do të vdes këtu nëse kjo është e nevojshme”. /Darsiani/KultPlus.com

Bekim Fehmiu u lind me 1 qershor 1936 në Sarajevë të Bosnje Hercegovinës. Njihet më së miri në filmat I Even Met Happy Gypsies (1967), Protst (1967) dhe The Adventurers (1970). Ishte i martuar me Branka Petric. Vdiq më 15 qershor, 2010 në Beograd.

Fehmiu u bë i famshëm me filmin “Mbledhësit e Puplave”, në vitin 1966. Deri në atë kohë, ai kishte studiuar dhe ishte bërë i njohur nga shumë shtëpi filmi nëpër botë. Ai është aktori i parë shqiptar i filmit dhe i teatrit, i cili ka luajtur me sukses në filmat dhe skenat e gjithë hapësirës së ish-Jugosllavisë. Ka qenë një nga personalitetet që ka lënë gjurmë në kinematografinë ballkanike, por mbi të gjitha, ai është i madh për kontributin artistik në kinematografinë botërore.

U martua me Branka Petric dhe kishte dy djem. Shqipërinë e ka vizituar në vitin 1972 dhe nuk e ka fshehur kurrë mallin që kishte për të. Në të gjithë hapësirën ballkanike është gati në përmasat e një miti. “Njeriu nuk duhet të fajësojë për diçka që i ndodhë as babanë as vëllezërit, as fqinjën, as perënditë, por vetëm veten. Njëra nga tragjeditë tona lidhet me atë, që duke jetuar për shekuj së bashku nuk kemi mësuar nga njëri-tjetri, por dhe kur e kemi bërë këtë kemi mësuar vetëm të keqen” – shprehet ai.

Kishte studiuar në Universitetin e Beogradit për film prej vitit 1956 deri me 1960 me prof. Mata Milosevic.

Si yll i filmit në ish-Jugosllavi dhe në përgjithësi në gjithë Evropën, Fehmiu fitoi çmime për film dhe një përkrahje të përzemërt nga gjithë populli shqiptar. Debutimi i tij në tregun amerikan me një rol tejet të rëndësishëm nuk ishte edhe shumë i suksesshëm për të, megjithatë figura e tij prej aktori mori përmasa të mëdha me role në filmat e tjerë dhe mbeti në kujtesë për shumë kohë.

Jeta e tij u zhvillua mes Beogradit, Prishtinës e Prizrenit.

Filmat në të cilët luajti Bekim Fehmiu: “The Odyssey”, “The Deserter”, “Ready for Anything”, “Special Education” etj.

Lidhur me vdekjen e tij ka supozime të ndryshme, njëra prej tyre ishte se kreu vetëvrasje në apartamentin e tij me revole, megjithatë nuk u konfirmua asnjëherë. Kur vdiq Fehmiu ishte 74 vjeç./ KultPlus.com

Komedia “ART” e autores Yasmina Reza, vjen në skenën e Prizrenit në realizimin e Teatrit Kombëtar të Kosovës, nën regjinë e Bashkim Ramadanit, ka njoftuar Teatri “Bekim Fehmiu.

Sipas njoftimit kjo komedi që përplas miqësinë me artin, do të shfaqet me 21 maj 2025 nga ora 20:00.

“A është një vepër arti e bardhë arsye për të shkatërruar një miqësi të gjatë? Kur bindjet përballen dhe humori shkon deri në thelb të së vërtetës, lind një komedi brilante që s’duhet humbur!”, thuhet në përshkrimin e shkurtër të shfaqjes.

Në këtë shfaqje luajnë aktorët Ard Islami, Ylber Bardhi, Butrint Lumi.

Premiera e kësaj komedie është shfaqur javën e shkuar në Prishtinë, ndërkohë që të hënën ka qenë mysafire në Teatrin e Gjilanit, për të vijuar paraqitjen edhe në Prizren të mërkurën mbrëma. /Telegrafi/

The post Kur arti sfidohet nga miqësia, komedia “ART” e Teatrit Kombëtar të Kosovës vjen në Prizren appeared first on Telegrafi.

Dy turistë kanadezë që kishin humbur rrugën gjatë një ecjeje në Karaburun janë shpëtuar mbrëmjen e djeshme nga Policia Kufitare e Dhërmiut, pas një operacioni kërkim-shpëtimi në kushte të vështira.

Ngjarja ndodhi rreth orës 23:00, kur salla operative e Drejtorisë Vendore për Kufirin dhe Migracionin Vlorë mori njoftimin se dy shtetas të huaj ishin ndarë nga grupi i tyre dhe kishin humbur orientimin në zonën malore pranë Gjirit të Gramës.

Menjëherë, efektivët e Policisë Kufitare Dhërmi u nisën me mjet lundrues drejt vendngjarjes dhe nisën kërkimet në terrenin e vështirë, duke lëvizur në këmbë në errësirë të plotë, .

Rreth orës 24:00, dy turistët u lokalizuan dhe u gjetën në gjendje të mirë shëndetësore. Ata u shoqëruan të sigurt deri në Gjirin e Gramës, ku u ribashkuan me grupin e tyre.

The post Humbën në Gjirin e Gramës, policia shpëton dy turistë kanadezë appeared first on Telegrafi.

Shfaqja “Bretkosa”, me regji të Burbuqe Berishës dhe me aktorët, Ilir Tafa, Donat Qosja, Basri Shala dhe Valmir Krasniqi, rikthehet si mysafire në Teatrin “Bekim Fehmiu” në Prizren.

Vepra e Teatrit Kamertal të AAB-së do të takohet me publikun prizrenas të martën mbrëma prej orës 20:00, raporton Telegrafi.

“Një shfaqje që prek realitetin e Kosovës pas luftës, duke trajtuar vetminë dhe ballafaqimin me një qytet të madh si Prishtina”, thuhet në njoftimin e shkurtër të Teatrit “Bekim Fehmiu” në Prizren. /Telegrafi/

The post Shfaqja “Bretkosa”, sonte mysafire në Teatrin “Bekim Fehmiu” në Prizren appeared first on Telegrafi.

Më 21 prill 1972 aktori kosovar me famë botërore Bekim Fehmiu vizitonte për herë të parë Shqipërinë.

Fehmiu lindi në Sarajevë më 1 qershor 1936 dhe vdiq (vetëvrasje) më 15 qershor 2010 në Beograd. Ai është aktor shqiptar nga Kosova i kinematografisë dhe teatrit jugosllav.

Është aktori i parë nga Europa Lindore që luajti një rol në një film hollivudian përgjatë Luftës së Ftohtë.

Ai lindi në gjirin e një familjeje gjakovare në Sarajevë, ku familja e tij vuante internimin. Familja e tij qëndroi me banim në Shkodër deri në vitin 1939. Pas pushtimit italian dhe bashkimit të një pjese të Kosovës me Shqipërinë, u zhvendosën drejt Prizrenit. Gjatë viteve 1956-1960, Bekim Fehmiu studioi në Fakultetin e Artit Dramatik në Beograd.

Spikati veçanërisht në filmin “Mbledhësit e puplave” dhe menjëherë ra në kontakt me shumë shtëpi filmike ndërkombëtare. Ka luajtur një sërë rolesh, duke interpretuar në shqip, në maqedonisht, në serbisht, në turqisht, në spanjisht, në frëngjisht, në anglisht dhe në italisht. Mishërimi mjeshtëror i personazheve prej tij, do të hasej dukshëm në realizimet “Prova speciale”, “Odiseja”, “Aventurieri”, “Rruga”, “Vite të nxehta” dhe “Dezertori”.

Fehmiu ka bashkëpunuar me emra të mëdhenj të artit filmik, si: Ava Gardner, Robert Shoè, John Huston, Dirk Bogard, Irene Papas, Claudia Cardinale etj.

Shqipërinë e vizitoi për herë të parë më 21 prill 1972, ndonëse nuk e fshehu kurrë dashurinë për vendin e origjinës./atsh/KultPlus.com

Në Teatrin “Bekim Fehmiu” në Prizren gjatë fundjavës është dhënë premiera e shfaqjes muzikore-teatrale “Një natë, një melodi, një kujtim…” në regji të Zana Durakut, duke sjellë rrëfimin artistik për trashëgiminë e veçantë muzikore të motrave të ndjera, Hermina Delhysa Lekaj dhe Antoneta Delhysa.

Ky udhëtim teatral ka mundësuar për publikun një përjetim emocional përmes rrëfimit, këngës dhe interpretimit artistik, teksa në skenë janë dëgjuar këngët që kanë lënë gjurmë të pashlyeshme në historinë e muzikës shqipe.

Dy studentet, Blenda Kelmendi dhe Rinea Vitija, kanë interpretuar këngët e motrave Delhysa me pasion dhe ndjeshmëri, të përcjella me aranzhimet moderne të realizuara nga kitaristi, Lis Mustafa, derisa rrëfimi retrospektiv është realizuar nga narratori Flamur Krasniqi, raporton Telegrafi.

Ky i fundit ka treguar se si në vitet e 70-ta pat filluar të lulëzonte muzika e lehtë, e cila inspirohej nga artistë ndërkombëtarë, por njëkohësisht ruante thellësisht elementet e identitetit shqiptar.

“Muzika e viteve të 70-ta nuk ishte vetëm argëtim por edhe formë e rezistencës kulturore dhe identitare”, thuhej në narracionin e shfaqjes.

Për Flamur Krasniqin, tonistin rezident të Teatrit “Bekim Fehmiu” në Prizren, pjesëmarrja në këtë projekt ka qenë ndjenjë e mirë, por edhe përgjegjësi e madhe, meqë synimi kryesor ka qenë që një pasuri muzikore të prezantohet për publikun e pranishëm dhe brezin e ri.

“Për mua ishte paraqitja e parë para perdeve, meqë zakonisht jam prapa tyre. Natyrisht se kjo ishte sfidë në vete, me dalë para publikut, edhe me bo edhe ndriçuesin, edhe tonistin, edhe narratorin ose aktorin ta quaj ashtu. Por me sa e vërejta, publiku e priti mirë”, ka thënë Krasniqi, raporton Telegrafi.

Këngëtarja e brezit të ri Rinea Vitija ka theksuar se realizimi i këtij projekti artistik ka qenë i këndshëm, por edhe sfidues.

“Kemi pasur një peshë të madhe të përgjegjësisë për ti përçuar emocionet që motrat Delhysa i kanë përçuar në kohën e tyre dhe me i sjellë këngët e tyre në mënyrën sa më të mirë të mundshme për publikun e pranishëm. Nga reagimet dhe lëvdatat e tyre pas shfaqjes mendoj se ia kemi arritur qëllimit”, ka thënë Vitija.

Ndërkaq, për Blenda Kelmendin, interpretimi i muzikës së motrave Delhysa ishte një zbulim i vonshëm, por me ndikim të thellë.

“Fatkeqësisht, më herët nuk kam qenë e njohur me muzikën e tyre. Por kur fillova të hulumtoj, e kuptova se sa shumë kam humbur dhe se si ato kanë sjellë një frymë të re dhe sa kanë qenë të guximshme për kohën e tyre”, ka thënë Kelmendi, raporton Telegrafi.

Sipas saj sfida më e madhe ka qenë ruajtja e ndjeshmërisë ndaj kësaj trashëgimie të harruar.

“Kemi ndjerë përgjegjësi që t’ia rikthejmë publikut kujtesën për to, në mënyrën më të mirë të mundshme”, është shprehur Kelmendi.

Në të njëjtën kohë ka vlerësuar lartë ndërveprimin me publikun gjatë gjithë shfaqjes muzikore.

“Ishte e paimagjinueshme. Si gjithmonë skena e bën të vetën, por publiku është ai që të ndihmon për të vazhduar dhe për të krijuar diçka edhe më të bukur nga ajo që është punuar në prova”, ka deklaruar Kelmendi, raporton Telegrafi.

Publiku prizrenas e mirëpriti shfaqjen me duartrokitje dhe emocione të thella.

Për Kelmendin, që për herë të parë ka interpretuar në Prizren, kjo përvojë ka qenë e paharrueshme.

“Shpresoj të mos jetë hera e fundit, sepse kalova shumë mirë. Prizreni është qytet i muzikës dhe artit, dhe vetë motrat Delhysa e kanë nisur këtu krijimtarinë e tyre të bukur”, ka thënë ajo.

Shfaqja “Një natë, një melodi, një kujtim…” është pjesë e projektit “Zërat e Trashëgimisë Kulturore: Udhëtim Teatral në Historinë e Motrave Delhysa”, të mbështetur nga MKRS dhe Komuna e Prizrenit, raporton Telegrafi.

Projekti synon të rikthejë në vëmendje emocionet, ëndrrat dhe sfidat e një brezi artistësh që guxuan të sjellin risi, duke ruajtur identitetin, dhe si i tillë ka mundësuar një homazh dinjitoz për muzikën e motrave Delhysa. /Telegrafi/

The post Shfaqja “Një natë, një melodi, një kujtim…” nderon trashëgiminë muzikore të motrave Delhysa appeared first on Telegrafi.

Kryeministri Edi Rama ka ironizuar opozitën duke u shprehur se Bufi, pra Sali Berisha synon të kthehen në pushtet për të shkatërruar më shumë vendin, suke mos u mjaftuar me dy mandatet e para. Ai ngriti dyshime edhe në lidhje me burimin e të ardhurave më të cilat PD ka paguar këshilltarin e fushatës Chris […]

The post Rama i përgjigjet LaCivita: Ti ke lindur me këmishë! Ja kush është miu appeared first on BoldNews.al.

Teksa mijëra turistë vizituan Nusantara, kryeqyteti i ri i Indonezisë në ndërtim, ata u pritën jo vetëm nga ndërtesat e reja qeveritare që shkëlqenin, por edhe nga banorët disi më pak mikpritës – minjtë.

Videot e brejtësve që vrapojnë mes njerëzve në kryeqytetin e planifikuar të vendit janë përhapur me shpejtësi në rrjete sociale ditët e fundit, përcjell Telegrafi.

Si përgjigje, administrata e kryeqytetit të ardhshëm ka ngritur qindra kurthe dhe ka premtuar masa shtesë sanitare për të luftuar minjtë përpara se ata të fillojnë të gërryejnë ambiciet e qytetit për të qenë një kryeqytet i gjelbër i teknologjisë së lartë.

“Kjo dikur ishte një zonë kodrinore e pyllëzuar. Sigurisht, ka shumë minjë. Por ne nuk rrimë kot. Ekipet tona shëndetësore dhe të komunitetit tashmë po punojnë për këtë”, tha Thomas Umbu Pati Tena, zyrtar i kontrollit të zhvillimit.

Wisatawan yang berkunjung ke kawasan Ibu Kota Nusantara atau IKN, Kalimantan Timur mengeluhnya banyaknya tikus berkeliaran. Serangan tikus di sekitar Kawasan Inti Pusat Pemerintahan (KIPP) itu mengganggu kenyamanan mereka menikmati IKN.

Update berita selengkapnya di… pic.twitter.com/zVPORfIjev

— BeritaSatu (@Beritasatu) April 6, 2025

Bëhet e ditur se projekti prej 32 miliardë dollarësh për zhvendosjen e kryeqytetit kombëtar nga Xhakarta, një qytet i mbingarkuar, në zemër të Borneos, është promovuar ndërkombëtarisht si një zgjidhje “e zgjuar dhe e qëndrueshme”, e cila do të shfaqë dizajn të ndërgjegjshëm për klimën dhe një gjurmë të reduktuar ekologjike.

Ndërtimi filloi seriozisht në vitin 2022 dhe qyteti pritet të jetë përfundimisht shtëpia e deri në 1.9 milion banorëve.

Gjatë fundjavës së festave, më shumë se 64,000 vizitorë u nisën për në Nusantara për të parë nga afër përparimin e kryeqytetit të ardhshëm të vendit.

Ndërsa shumë prej tyre shprehën admirim për arkitekturën moderne, të tjerë nxituan të vunë re praninë e mbeturinave, veçanërisht mbetjeve plastike, të cilat autoritetet thonë se ka përkeqësuar problemin e brejtësve.

E vendosur në provincën me popullsi të rrallë të Kalimantanit Lindor, Nusantara po ndërtohet në një zonë toke që deri vonë ishte e mbuluar nga pyjet tropikale tropikale.

Qeveria thotë se zhvendosja e kryeqytetit është një zgjidhje për sfidat e panumërta të Xhakartës, duke përfshirë përmbytjet kronike, rrëshqitjet dhe mbipopullimin. /Telegrafi/

The post Indonezia po ndërton një kryeqytet të ri – është “pushtuar” nga minjtë appeared first on Telegrafi.

Shkencëtarët që janë përpjekur ‘të ringjallin’ mamuthin leshator kanë krijuar një mi leshator. Colossal Biosciences njoftoi në vitin 2021 për ringjalljen e mamuthit  leshator e më vonë zogut dodo (zog i rëndë që s’fluturon) duke tërhequr investitorë, media dhe kritikë. Kompania bioteknologjike e  vendosur në Teksas është fokusuar në identifikimin e tipareve kyçe të kafshëve […]

The post Me shpresën për të ringjallur mamuthin, shkencëtarët krijojnë miun leshator appeared first on BoldNews.al.

Teatri “Bekim Fehmiu” në Prizren ka publikuar programin e shfaqjeve për muajin mars.

Gjatë këtij muaji, krahas shfaqjeve të realizuara nga teatri i qytetit, në program figurojnë edhe dramat e teatrove mysafire, derisa edhe vet Teatri “Bekim Fehmiu” do të jetë mysafir në Gjilan.

Programi i muajit parashihet të hapet me datën 4 mars 2025, me reprizën e shfaqjes “Ping Pong dhe Dashuri”, nga autori dhe regjisori Butrint Pasha.

“Muaji mars sjell emocione të reja në skenën tonë, ku çdo shfaqje është më unike se tjetra. Ju presim në teatër!”, thuhet në njoftimin e Teatri “Bekim Fehmiu” në Prizren.

Të gjitha shfaqjet, sipas njoftimit, fillojnë prej orës 20:00. /Telegrafi/

The post Teatri “Bekim Fehmiu” publikon programin e shfaqjeve për muajin mars appeared first on Telegrafi.