dhe Sandra Bullock janë rikthyer në botën e “Shtrigave”, ndërsa xhirimet për vazhdimin e shumëpritur të filmit fillojnë zyrtarisht. Kidman njoftoi rikthimin e tyre me një video që postoi në llogarinë e saj personale në Instagram.
“Shtrigat janë rikthyer. Dita e parë e xhirimeve për motrat Owens”, shkroi aktorja 58-vjeçare në mbishkrimin e postimit, me Sandra Bullock që dëgjohet në video duke komentuar: “Duket sikur kemi shumë punë përpara”.
Dy aktoret luajtën për herë të parë Sally dhe Gillian Owens në vitin 1998, dy motra shtrigash që përpiqen të kapërcejnë një mallkim familjar që vret çdo burrë me të cilin bien në dashuri. Filmi origjinal u drejtua nga Griffin Dunn, ndërsa vazhdimi do të drejtohet nga Suzanne Bier, e cila më parë ka punuar me Bullock në “Bird Box” dhe Kidman në “The Perfect Couple”.
Princi dhe Princesha e Wellsit marrin pjesë në finalen e meshkujve në Wimbledon, të shoqëruar nga Paul Mescal, Nicole Kidman dhe Anna Wintour.
Midis personazheve të famshëm ishte Mbreti Felipe VI i Spanjës, si dhe shumë fytyra të tjera të famshme.
Nicole Kidman dhe kryeredaktorja e Vogue, Dame Anna Wintour, udhëhoqën shkëlqimin në zonën mbretërore, ndërsa shikonin ndeshjen e Carlos Alcaraz dhe Jannik Sinner.
Yjet e Hollivudit Henry Cavill, Patrick Dempsey, Keira Knightley, Matthew McConaughey me gruan e tij Camila Alves, Daisy Edgar-Jones, Theo James, Jodie Comer, Andrew Garfield, Andreë Scott dhe Paule Mescal ishin gjithashtu të pranishëm në sallë.
Ish-yjet e tenisit Andre Agassi, Lleyton Hewitt, Stefan Edberg, si dhe Stan Smith ishin gjithashtu.
Në këtë aktivitet marrin pjesë edhe yje të muzikës si Nick Jonas, Priyanka Chopra dhe Niall Horan. Finalen e ndjek piloti i famshëm i Formula 1, Sebastian Vettel.
Ndeshjet e mëparshme të Wimbledonit tërhoqën gjithashtu shumë vëmendje, dhe midis personazheve të famshëm që i ndoqën ishin Leonardo DiCaprio, David Beckham, Hugh Grant, Tom Ford dhe të tjerë.
Foto: Reuters
Duke folur për familjen mbretërore, Princesha Kate dje ia dorëzoi trofeun fitueses së garës së femrave, Iga Swiatek, dhe sot ajo solli përforcime me vete në finale.
Princi William, Princi George dhe Princesha Charlotte ishin me të, dhe atyre u mungonte anëtari më i vogël i familjes – Princi Louis. /Telegrafi/
Një tjetër Festival Filmi në Kanë ka ardhur e ka ikur.
Ashtu si vitet e kaluara, nuk munguan momentet e bukura dhe të sikletshme.
Më poshtë do t’ua sjellim tetë momente në tapetin e kuq që shënuan festivalin e këtij viti dhe që ishin më të përfolurat.
Denzel Washington ndeshet me një fotograf
Ai e humbi vërtet toruan. Fotografi donte të tërhiqte vëmendjen e Denzelit dhe i kapi dorën. Kjo e bëri Denzelin nervoz.
Foto: EPA
Kevin Spacey merr çmimin për arritje jetësore
Kevin Spacey
Aktori mori një çmim për ‘Arritje Jetësore’ nga “Better World Fund” në një aktivitet të thjeshtë si pjesë e festivalit. Kjo nuk do të ishte e çuditshme nëse Kevin nuk do të ishte akuzuar për sulm seksual ose sjellje të papërshtatshme nga më shumë se 30 burra në vitin 2017. Karriera e tij praktikisht u ndal më pas. Në vitin 2022, ai u shpall i pafajshëm dhe në vitin 2023, u lirua nga nëntë akuza për sulm seksual.
Burri i plagosur nga rënia e një palme
Ndodhi jashtë Festivalit
Po, edhe kjo ndodhi, jashtë tapetit të kuq.
Një grup personazhesh të famshëm thyen kodin e veshjes
Foto: Getty Images
Këtë vit, është e ndaluar të veshësh “fustane voluminoze” si dhe të mbërrish me “fustane të zhveshura” në mënyrë që të “sigurosh më shumë dinjitet”.
Megjithatë, shumë i kanë thyer këto rregulla. Nëse do t’i rendisnim të gjithë ata që nuk iu përmbajtën rregullave të reja dhe të rrepta të festivalit, do të ishte shumë.
Nicole Kidman me paruke
Nicole Kidman
E gjithë bota zbuloi se Nicole Kidman mban paruke.
Robert Pattinson shkeli mbi fustanin e Jennifer Lawrence
Foto: Getty Images
Është mirë që Jennifer nuk e bëri këtë skandal.
Emma Stone sulmohet nga një bletë në tapetin e kuq
Foto: Getty Images
Emma Stone u sulmua nga një bletë në tapetin e kuq, ndërsa pozonte me bashkë-yjet Austin Butler dhe Pedro Pascal. Pedro nuk mund të ndalonte së qeshuri, dhe Batler po i frynte bletës.
Shpëtimtari, pasi qeshi, ishte Pedro i cili e dëboi bletën.
Djali i Eva Longorias u bërtiti fotografëve
Foto: Getty Images
Santiago e gjeti veten në qendër të vëmendjes. Ndërsa Eva po pozonte për fotografët, ai filloi të bërtiste.
“Të gjithë e njohin mamin tim. Mos i bëni më foto”, bërtiti djali me inat, pastaj u largua nga mamaja e tij dhe u ngjit shkallëve. Ndërsa fotografët bërtisnin emrin e aktores që ajo të kthehej nga ata, Santiago bërtiti: “Kush është ky?”. /Telegrafi/
Ylli i Hollywoodit, Nicole Kidman, së fundmi zbuloi se për cilat ndryshime pendohet më shumë.
Në një intervistë për kopertinën e revistës ‘Allure’, aktorja 57-vjeçare reflektoi mbi pamjen në fillim të karrierës, kur kishte flokë kaçurrela.
“Pse i drejtova flokët? Më pëlqyen flokët e mi. Janë flokët e mi natyralë. A nuk është çmenduri? Pra, mos ndiqni hapat e mi”, i tha Kidman një gazetari ndërsa në ekran shfaqeshin pamje nga filmi “Days of Thunder”, në të cilin ajo fitoi një rol.
Nicole Kidman
Megjithatë, sot Kidman rrallë zgjedh një model flokësh kaçurrela dhe preferon të zgjedhë paruke për evente të ndryshme.
Ajo gjithashtu pozoi për revistën ‘Allure’ me paruke me ngjyra të ndryshme.
Nicole Kidman
Është gjithashtu interesante që ajo së fundmi u shfaq në Met Gala me flokë shumë të shkurtër.
Megjithatë, ajo kohët e fundit pati një aksident me paruken në Festivalin e Filmit në Kanë. Edhe pse në shikim të parë dukej sikur gjithçka ishte në rregull me modelin e flokëve, fansat vunë re se parukeja e saj ishte tërhequr shumë prapa dhe për shkak të kësaj, ndryshimi midis nuancës së ngjyrës së parukes dhe flokëve të saj ishte qartë i dukshëm. /Telegrafi/
Nicole Kidman ka ndarë disa detaje të rralla dhe prekëse për marrëdhënien me vajzat e saj, Sunday Rose, 16 vjeçe, dhe Faith Margaret, 14, që i ka me bashkëshortin e saj, këngëtarin Keith Urban, 57 vjeç. Në një intervistë për kopertinën e revistës Allure, aktorja tregoi se të qenit nënë e ka ndihmuar të kuptojë më mirë edhe veten.
“Jam shumë pranë të dyjave,” tha ajo. “Ulem në shtratin e tyre dhe flasim për gjërat më intime. Kam privilegjin të jem udhërrëfyesja e tyre.”
Aktorja e Nine Perfect Strangers tha gjithashtu se marrëdhënia mes tyre bazohet në respekt të ndërsjellë dhe hapësirë të lirë. “Nëse duan të më thonë ‘hesht’, mund ta bëjnë. Mund t’u kërkoj ndjesë. Mund t’u dal përballë. Më pëlqen shumë marrëdhënia që kemi,” u shpreh ajo.
E njohur për rolet e guximshme, nga neurokirurge në Days of Thunder te një grua e dhunuar në Big Little Lies, Nicole ka një rregull të qartë: nuk do të luajë krah bashkëshortit të saj në një film apo serial. “Jemi bashkë në jetë, nuk kemi nevojë të bëjmë edhe një shfaqje së bashku. Jeta jonë është një shfaqje,” tha ajo me humor për People.
E pyetur nëse do pranonte një rol ku të gjitha personazhet që ka luajtur ndër vite bashkohen në një projekt të vetëm, Nicole u përgjigj: “Qesharake, por jam gati! Më pëlqen të them që jam gjithmonë për lojë. Nuk e marr asgjë si të mirëqenë. Vetëm falënderoj universin.”
Aktorja zbuloi gjithashtu pse ishte kaq e entuziazmuar për t’u rikthyer në rolin e Masha-s në sezonin e dytë të Nine Perfect Strangers. “Sepse ajo është argëtuese dhe e fuqishme,” tha Nicole, duke cituar edhe kolegen Maisie Richardson-Sellers: “Masha është si një peshkaqen.”
Merced, 23 vjeçe, e pyeti Fallon-in me humor: “Është ajo loja që po luaje kur dështove në takimin me Nicole Kidman?”
Pas një pauze të shkurtër, Fallon bëri shaka duke thënë: “Ishte kënaqësi që të njoha,” sikur të donte ta largonte nga emisioni. Më pas, ai sqaroi se nuk ishte duke luajtur “The Last of Us”, por “Mario Kart”. “Po, faleminderit që e kujtove,” shtoi ai me ironi. Fallon e quajti momentin “më të turpshmin”.
Ky incident i përfolur fillimisht u bë publik në janar të vitit 2015, kur Nicole Kidman ishte e ftuar në emisionin e tij dhe tregoi versionin e saj të historisë.
Kidman tha se një mik i përbashkët i kishte sugjeruar ta takonte Fallon-in në apartamentin e tij. “Jam beqare dhe mendova, ‘Në rregull, pse jo?’”
Por kur mbërriti, Fallon “nuk fliste” dhe “vuri një lojë”. “Ai kishte vënë një kapele bejsbolli, nuk tha pothuajse asgjë dhe më pas nisi një lojë video. Ishte shumë e çuditshme,” kujtonte Kidman.
Pas rreth një ore e gjysmë, ajo mendoi: “Ai nuk ka aspak interes. Kjo është shumë e sikletshme,” dhe vendosi të largohej.
Fallon, i habitur nga rrëfimi, u përgjigj: “Prisni… çfarë?! Kam pasur një takim me Nicole Kidman?” Aktorja e “Big Little Lies” tha se takimi ishte një dështim i plotë: “Thjesht nuk kishte asnjë shkëndijë mes nesh.”
Kidman u martua me këngëtarin Keith Urban në vitin 2006 dhe kanë dy vajza, Sunday (16) dhe Faith (14). Ajo ka gjithashtu dy fëmijë të adoptuar, Isabella (32) dhe Connor (30), me ish-bashkëshortin Tom Cruise.
Ndërkohë, Fallon është martuar me Nancy Juvonen që nga viti 2007 dhe kanë dy vajza: Winnie (11) dhe Frances (10).
Nga: Tim Robey, kritik filmi / The Daily Telegraph (titulli origjinal: How Mickey Rourke went from hottest man in Hollywood to Celebrity Big Brother)
Përkthimi: Telegrafi.com
Mickey Rourke mezi mbijetoi në vitet ’80 [të shekullit XX], përpara se të braktiste karrierën e tij të aktorit për të lejuar që fytyra e tij – burimi i të ardhurave – të goditej pa mëshirë qëkur vendosi të merrej me boksin profesionist. Vetëshkatërrimi ka qenë gjithmonë mënyra e tij e jetesës. Është e pashmangshme, por gjithsesi shqetësuese që ky 72-vjeçar tani është regjistruar në hotelin e të harruarve, ndryshe i njohur [në Britani] si shtëpia Celebrity Big Brother [Big Brother VIP – shtëpia e Vëllait të Madh me njerëz të famshëm].
Me kalimin e viteve, të ftuarit britanikë që durojnë gjithçka kanë dëshmuar se kanë një shans të mirë për ta përballuar këtë cirk televiziv, pa pësuar shumë dëme – madje ndonjëherë të marrin edhe ndonjë shtysë për karrierën. Por, “prurjet” amerikane të emisionit janë ekuivalente të cirkut shëtitës me njerëz të frikshëm. Janë organizime që dëshmojnë dështimin dhe famën e rrënuar, me fytyra që nuk janë krejtësisht të tyret. Parakalojnë si relike, si atraksione tmerri. Janë ushqim për tabloidet që bëjnë me gisht dhe gjykojnë pa mëshirë se si të fuqishmit (ose më saktë, të fuqishmit dhe Tara Reid) kanë rënë kaq poshtë.
Shikuesit më të moshuar ndoshta nuk e njohin më Rourkein nga ditët e tij si një protagonist i çrregullt – por, në mënyrë të çuditshme engjëllor dhe me role kryesore – 40 vjet më parë. Më të rinjtë ndoshta as nuk kanë dëgjuar ndonjëherë për të. Kush është ky dështak?
Mickey Rourke me udhëheqësit e spektaklit Celebrity Big Brother, AJ Odudu and Will Best
Pavarësisht rikthimit të vlerësuar dhe të ndjeshëm në filmin e Darren Aronofskyt, The Wrestler (2008), që ishte i nominuar për Oskar – do ta kishte fituar çmimin Aktori më i Mirë po të mos shkëlqente Sean Penni në filmin Milk – Rourke e shpërdoroi atë mundësi që Akti i Tretë i tij të bëhej interesant. Në vend të kësaj, ai merrte para të gatshme për aktivitete ditore në filmat ku mund të futej (Iron Man 2, The Expendables) dhe ku ishte produkt për një përdorim, ndërsa tani merret më shumë me postimet e çastit në Instagram, ku shfaq qentë e tij (të cilët i vlerëson si fëmijë të tij), legjendat e bodibildingut dhe të famshmit e vdekur që ai adhuron.
Gjithçka duhej të ishte ndryshe. Për plot një dekadë, Rourke premtoi shumë si aktor, duke filluar me rolet nga të cilat nuk mund t’ia hiqje sytë, si në Body Heat (1981) të Lawrence Kasdanit, Diner (1982) të Barry Levinsonit dhe Rumble Fish (1983) të Coppolas. Rrezatonte sensualitet të përmbajtur. Stili i tij i mërmëritës, më shumë i rastësishëm sesa një Metodë [shkollë aktrimi] e përllogaritur, nuk e nxiste kurrë të bëhej një James Dean ose një De Niro i ardhshëm. (Në fakt, ai e përbuz De Niron dhe për këtë do flasim më vonë.) Shpejt fitoi një reputacion si njeriu më i lezetshëm përreth – prania e tij ishte aq e fuqishme saqë dukej se zgjatej deri në Rrugën Burbon.
Ishte kjo periudha kur aktorët rrezikonin nga etiketa e simbolit të seksit – një rrezik si drama erotike e Adrian Lyneit, 9½ Weeks (1986), të cilën MGM-i vendosi të mos e shfaqte të plotë në Amerikë, ngaqë ishte tepër provokues. Megjithëse kritikët nuk ishin të impresionuar dhe të hyrat nga biletat nuk ishin të mira, si Rourke ashtu edhe Kim Basinger u bënë yje edhe më të mëdhenj.
Kim Basinger dhe Mickey Rourke në filmin 9 1/2 Weeks
Trilerët e krimit në stilin neo-noir u bënë fusha e veçantë e Rourkeit, përfshirë dy filma me regji nga Michael Cimino (Year of the Dragon dhe Desperate Hours) dhe një nga Alan Parker – favoriti i adhuruesve, filmi Angel Heart të cilin, më duhet ta pranoj, gjithmonë e kam parë si një film monoton dhe pa tension. Megjithatë, Rourke mbetet gjëja më e mirë e atij filmi – i zgjedhur në mënyrë të duhur si një detektiv i dëshpëruar privat në Nju-Orlins, i cili endet nëpër qytet me kostume të vjetra e të lëna pas dore si rrjetat e merimangës.
Ekziston një univers paralel – nëse do të ishte bërë i famshëm pak më herët – në të cilin ai, me atë magnetizmin e tij të shkujdesur, do të kishte qenë një Rik Dekard i jashtëzakonshëm në filmin Blade Runner. Në fakt, adhurimi i tij i vërtetë ishte për mikun e tij Rutger Hauer në atë film, për të cilin thoshte se “e bëri Harrison Fordin të zhdukej nga skena”. (Mickey dhe Rutger, pasi kishin luajtur bashkë në filmin e dështuar të Nicolas Roegut, Eureka, më 1983, do të takoheshin sërish dekada më vonë për një skenë të shkurtër, në filmin Sin City të vitit 2005 – ndonëse rolet i kishin xhiruar me tetë muaj diferencë, gjë që dallohet.)
Lisa Bonet dhe Mickey Rourke në filmin Angel Heart
Në mënyrë të kuptueshme, qëndrimi i Rourkeit ndaj aktrimit e çoi drejt një karriere haureske – gjithnjë e më shumë i zhytur në filmat të cilët askush nuk i shihte, ndërkohë që endej nëpër Holivud me një Rolls Royce të bardhë dhe me një shpurë kubanësh me zinxhirë të dukatit. Thuhet se ai i refuzoi rolet në filmat si Platoon dhe The Silence of the Lambs, si edhe rolin kryesor në The Untouchables; hodhi poshtë rolin e Travoltas në Pulp Fiction; dhe, kur Dustin Hoffman i ofroi rolin e Tom Cruiseit në Rain Man, thjesht harroi t’ia kthente telefonatën. Në vend të këtyre [filmave të mëdhenj], rolet e tij më pak të njohura të viteve ’80 [të shekullit XX] janë paralajmërime të çuditshme që bëjnë me dije se karriera e tij ishte e destinuar të rrëshqiste drejt periferisë, duke parë lart (dhe duke ia kthyer shpinën) një yll që kishte ekzistuar dikur.
Në filmin e lavdëruar nga kritika, Barfly (1987), të Barbet Schroederit, ai interpretoi Charles Bukowskin – një tjetër alkoolist, një tjetër njeri në luftën për mbijetesë. Në Homeboy (1989), një film me pak shikues, ai luajti një boksier të rrënuar dhe me dëmtime në tru. Dhe, në Johnny Handsome (1989) të Walter Hillit, ai portretizoi një kriminel të shëmtuar fizikisht – të cilin bashkëpunëtorët e quanin me përçmim “i bukuri” – që i nënshtrohet një operacioni eksperimental për përmirësim pamjeje, në mënyrë që të mos njihej kur do të dilte nga burgu.
Mickey Rourke dhe Johnny Depp më 1994
Në filmin romantik me tone erotike, Wild Orchid (1989), ai tashmë dukej sikur e kishte lënë veten pas dore – faqet e fryra dëshmonin ndryshimin – dhe pikërisht ky ishte momenti kur kalimi i papritur në boks, një nga dashuritë e tij të para, u duk si një ide e mirë. Karriera e tij në aktrim u shemb në mënyrë spektakolare deri në vitin 1991. “Nisa të mos e doja më këtë industri, dhe as vetveten”, ka thënë ai. “Po vetëshkatërrohesha, por me një ritëm mjaft të shpejtë. Nuk ndihesha sikur i përkisja botës së aktrimit. Kisha një ndjenjë faji për faktin se isha i suksesshëm në të”.
Dhe, pastaj ai iu nënshtrua operacioneve plastike. “Zgjodha kirurgun e gabuar për të rregulluar fytyrën time”, u ankua Rourke – gjatë turneut promocional të filmit The Wrestler – për pamjen e tij të ndryshuar në mënyrë drastike. Shumica e ndërhyrjeve, shpjegoi ai, ishin “për të korrigjuar dëmet e shkaktuara nga boksi”, por rezultati ishte ky: fytyra e tij, dikur ashiqare e hijshme, u shndërrua në një palimpsest dhimbjesh, goditjesh dhe zgjedhjesh të gabuara. Historia e Mickey Rourkeit – dhe gjithçka që i ka bërë vetes – është e shkruar në atë fytyrë.
Mickey Rourke (62 vjeç në foto), pasi nokautoi boksierin profesionist 29-vjeçar, Elliot Seymour, në Moskë, në vitin 2014
“Humba gjithçka”, i tha ai Guardian-it gjatë atij turneu. “Gruan, shtëpinë, miqtë, emrin tim në industri. Po paguaja 500 dollarë në muaj për një apartament ku jetoja me qentë e mi. Askush nuk e dinte sa i varfër isha. Një mik më jepte disa qindra dollarë në muaj që të kisha ç’të haja. Dhe, unë i telefonoja ish-gruas sime, qaja si fëmijë dhe përpiqesha ta ktheja. Isha i dëshpëruar. Dhe, isha krejt vetëm. Kjo zgjati për vite me radhë, për vite të tëra”.
Ai ka folur shpesh për fëmijërinë e tij të tmerrshme në një lagje të ashpër të Majamit. Babai i tij, Philip, u largua nga familja kur ai ishte vetëm shtatë vjeç, duke e lënë të përballej me dhunë të supozuar fizike nga njerku i tij, një polic me emrin Eugene Addis – për të cilin nuk do ta falte kurrë nënën e vet. (Ata do të pajtoheshin, deri-diku, kur ajo u diagnostikua me Alzheimer.)
Vëllai i tij i vogël, Joey, rrihej nga të gjithë në lagje dhe u diagnostikua me kancer në moshën 17-vjeçare (ai vdiq më vonë nga kjo sëmundje, në vitin 2004). Ndjenja e përhershme e turpit që ndjente Rourke, dhe prirja për vetësabotim që e shoqëroi gjatë gjithë jetës, kanë padyshim lidhje të thellë me këtë periudhë të trazuar formimi.
Martesa e tij me modelen amerikane Carré Otis (partnerja e tij në Wild Orchid) zgjati përtej arrestimit të tij për dhunë në familje në vitin 1994 (akuza që më vonë u hodhën poshtë). Por, që nga divorci i tyre në vitin 1998, familja e vërtetë e Rourkeit ka qenë qeni. Ai ka adoptuar më shumë se një duzinë qensh, shumicën endacakë apo të shpëtuar nga strehimoret – zakonisht çihuaua. Nuk i asgjëson kurrë; gjithmonë i lejon që të plaken dhe të ngordhin nga shkaqet natyrore. Në momentet më të errëta të jetës, ai ka pranuar se përkujdesja ndaj tyre ka qenë ndonjëherë e vetmja gjë që e ka penguar të bëjë vetëvrasje. (Njëri prej tyre, një mik besnik i quajtur Loki, ishte shoqëruesi i tij i pandarë gjatë turneut promovues të filmit The Wrestler, por ngordhi vitin pasues.)
Mickey Rourke dhe qeni i tij Loki, në Venecie, më 2008
Armiqësitë e Rourkeit me figura të rëndësishme të Holivudit – kryesisht aktorë – janë mjaft famëkeqe. Në xhirimet e filmit Angel Heart, sjellja e tij si person i rëndësishëm dhe etika e ulët e punës e irrituan Robert De Niron, dhe që nga ajo kohë ata dy nuk janë më në listat e urimeve me kartolina për Krishtlindje. Në rrjetet sociale, Rourke e akuzoi De Niron në vitin 2019 se e kishte penguar të merrte një rol të rëndësishëm në filmin The Irishman të Martin Scorseses. Më vonë ai shpërtheu me fyerje të njëpasnjëshme, duke e quajtur De Niron “gënjeshtar”, “fëmijë që qan për gjithçka” dhe “bajat” – në thelb, duke e trajtuar fituesin e dy çmimeve Okcar me të njëjtat fyerje nga manuali që vetë De Niro përdor ndaj Donald Trumpit.
Rourke ishte pranë një roli për filmin e Jane Campionit, In the Cut (2003) – ku, në të vërtetë, do të përshtatej në mënyrë perfekte me atmosferën e zymtë të filmit. Sipas Rourkeit, Nicole Kidman (“si një copë akulli”) refuzoi të punonte me të, dhe gjithçka u mbyll aty. Një rol i vogël në Man on Fire (2004) të Tony Scottit përfshinte një skenë të madhe me Denzel Washingtonin, skenë që në mënyrë të habitshme u hoq nga filmi. (“Unë nuk e hoqa skenën. As Tony Scott”, ka thënë Rourke për New York Times Magazine.)
Sylvester Stallone dhe Mickey Rourke më 2010
Edhe pas filmit The Wrestler, kur dyert e Holivudit iu hapën sërish, Rourke zgjodhi rrugën më të vështirë, duke mos lejuar që rikthimi i tij i lavdishëm të bënte magjinë. Ai nuk e kishte as idenë se çfarë ishte Iron Man 2, kur iu ofrua roli, por u paraqit në filmin e Jon Favreaut me kërkesat të cilat askush nuk i kuptonte, për të luajtur rolin e keqbërësit Uiplesh në universin e Marvel-it. Këmbënguli të mbante flokët e lidhur në stil samuraji; të fliste me një theks rus; dhe të kishte gjithmonë mbi supe një kakadu të bardhë të quajtur Soni. (Natyrisht, më vonë e adoptoi zogun.)
Kërkesat e tij për pagesë nuk u plotësuan, dhe për këtë arsye Robert Downey Jr. u detyrua të paguante nga xhepi i vet për të shtuar mbi shumën prej 250 mijë dollarëve të cilën Marvel-i ishte i gatshëm t’i jepte Rourkeit. Gjithsesi, pjesa më e madhe e interpretimit të tij u hoq në dhomën e montazhit, dhe brenda pak vitesh Rourke nisi të sulmonte Marvel-in duke i cilësuar realizimet e kompanisë si “filma pa tru nga stripat” dhe duke thënë se Favreau “nuk kishte as guxim”. Nuk është aspak çudi që kthimi i tij në Aktin e Tretë përfundoi në mënyrë të zbehtë dhe pa lavdi.
A paralajmëron Celebrity Big Brother një lloj Akti të Katërt? Ndoshta Rourke do të hapet me bashkëbanorët dhe do të na ofrojë këndvështrime të reja dhe prekëse mbi gjendjen e tij aktuale mendore. Ideja se mund të ndajë më shumë detaje nga jeta private me [ish-politikanin konservator] Michael Fabricantin, se do të shpërthejë në lot ndërsa [ish-atleti] Daley Thompson ia vendos dorën mbi supe, ose se t’i kërkojë disa mësime në kitarë [këngëtarit] nga Chesney Hawkes … këto mund të jenë arsye të mira për ta parë.
Nga ana tjetër, nuk ka asnjë dyshim se Rourke po e bën këtë thjesht për një pagesë gjashtëshifrore. Për çfarë tjetër do të lodhej? Lehtësisht mund të japë minimumin e mundshëm dhe do të largohet – gjë që do të mërziste tej mase producentët dhe kjo është ajo që njerëzit duan të shohin. Nëse kapet me një pamje të trishtuar teksa pret të mbarojë koha, mund të jetë në një vuajtje të thellë ekzistenciale – ose thjesht mund të ndiejë mungesën e përqafimeve nga qentë e tij të dashur dhe të moshuar. /Telegrafi/
Nicole Kidman, në një intervistëekskluzive për TIME, foli hapur për përvojën e saj me rolin e ri në filmin “Babygirl” dhe reagimin e dy vajzave të saj, Sunday Rose dhe Faith Margaret, ndaj kësaj sfide.
Kidman zbuloi se vajzat e saj, 16 dhe 14 vjeç, e konsiderojnë filmin “shumë të guximshëm” dhe “të papërshtatshëm” për moshën e tyre, gjë që e bën atë të kuptojë dimensionin e rolit që mori. Në fakt, ajo me humor shtoi se edhe pse vajzat e saj shprehin dëshirën për ta mbrojtur atë nga pjesët “më të errëta” të karrierës së saj të aktrimit, ajo mbetet e sigurt në zgjedhjet e saj.
Kidman, e cila gjatë karrierës së saj ka luajtur role të ndryshme në shumë filma, nuk nguroi të pranojë se “Babygirl” ishte një nga eksperiencat më kërkuese dhe më të ngarkuara emocionalisht që ka pasur ndonjëherë.
Roli i saj në film, i cili ka një intensitet të thellë emocional dhe kërkon përgatitje serioze fizike dhe psikologjike, ishte një sfidë e madhe për të, pasi iu desh të hynte në një zonë të errët dhe të pasigurt të psikikës njerëzore. Megjithëse filmi kërkonte që Kidman të investonte personalisht, ndonjëherë edhe në mënyrë traumatike, aktorja tha se sfida e lejoi atë të zhvillohej më tej si artiste.
Me xhaketën e saj me jakë dhe atlete të bardha, Kidman zgjodhi një palë xhinse të gjera shumë të përthyera nga fundi
Nëse jeni një nga ato vajza që vishni xhinse në përditshmërinë tuaj dhe në çfarëdo eventi që merrni pjesë, me siguri e kuptoni se lufta për të gjetur palën e përsosur është e vërtetë.
Ju dëshironi që ato të jenë të rehatshme dhe jo shumë të ngushta, po as shumë të gjata, të shkurtra apo të gjera. Shumë preferojnë të kenë dhe një palë që janë mjaft e gjithanshme për t’u veshur disa herë.
Është e qartë se ka shumë gjëra për t’u marrë parasysh, por Nicole Kidman sapo ka veshur stilin që mendojmë se janë xhinset e përkryera shumëfunksionale për ju.
Kidman u fotografua ditë më parë e veshur elegante por dhe komode, gati për një fluturim të gjatë. Me xhaketën e saj me jakë dhe atlete të bardha, Kidman zgjodhi një palë xhinse të gjera shumë të përthyera nga fundi.
Ky trend xhinsi është një zgjedhje e shkëlqyer, pasi mund t’i vishni të përthyera ose jo, sipas dëshirës, për një pamje krejtësisht ndryshe. Duke qenë se i ka stiluar me atlete, zgjedhja e Kidman për t’i veshur të përthyera ishte e zgjuar.
Nëse jeni duke kërkuar për xhinset e përkryera për udhëtimet tuaja të ardhshme, shikoni dhe këto modele të ngjashme me ato të Kidman, për blerjen tuaj të radhës.
Nicole Kidman ka marrë një çmim të veçantë në Festivalin Ndërkombëtar të Filmit në Palm Springs për interpretimin e saj në filmin “Babygirl”. Aktorja e njohur ia dedikoi këtë çmim nënës së saj të ndjerë, Janelle Kidman, duke shprehur emocionet e forta që ajo ndien pas humbjes së saj.
Fillimisht, Kidman falënderoi regjisoren e filmit, Halina Reijn, për mundësinë që i dha dhe më pas kujtoi nënën e saj, duke pranuar se vazhdon ende të vuajë humbjen e saj. Në një moment emocional, Kidman nuk i mbajti dot lotët.
“Faleminderit që më dhatë mundësinë të them, ‘kjo është për mamanë time’. Gjithë karriera ime ka qenë për prindërit e mi, të cilët tashmë nuk janë më këtu. Do të vazhdoj të punoj dhe të jap më të mirën për botën, sepse e dua atë që bëj. Ju dua dhe ju të gjithëve, dhe jam shumë mirënjohëse për privilegjin që kam të jem pjesë e komunitetit të filmit”, tha ajo me emocione.
Foto: Profimedia/EPA
Duke vazhduar fjalimin, ajo shtoi: “Më vjen keq që po qaj, nuk e doja këtë, por tani ndiej praninë e mamit tim, kështu që kjo është për të.”
Në shtator, Nicole Kidman mungoi në premierat e filmit “Babygirl” në Festivalin e Filmit në Venecia dhe në Festivalin Ndërkombëtar të Filmit në Toronto, pasi mësoi për vdekjen e nënës së saj.
Janelle Kidman ndërroi jetë në moshën 83-vjeçare. Lajmin e trishtë Nicole e mori ndërsa ndodhej në Venecia dhe u detyrua të kthehej menjëherë pranë familjes. Në vend të saj, çmimin në Venecia e pranoi regjisorja Halina Reijn, e cila lexoi një deklaratë të ndjerë nga aktorja: “Sot mbërrita në Venecia dhe pak më vonë mësova se mamaja ime e dashur, e guximshme, Janelle Ann Kidman, sapo kishte ndërruar jetë. Jam në gjendje shoku dhe duhet të jem pranë familjes sime. Por ky çmim është për të. Ajo më ka formuar, më ka udhëhequr dhe më ka krijuar. Jam jashtëzakonisht mirënjohëse që përmes Halinës mund të përmend emrin e saj. Përplasja mes jetës dhe artit është e vështirë, dhe zemra ime është e thyer. Ju duam të gjithëve”.
Foto: Profimedia/EPA
Nicole Kidman ka pasur një lidhje shumë të veçantë me nënën e saj, e cila kishte probleme shëndetësore vitet e fundit. Aktorja kishte marrë përsipër kujdesin për të, duke treguar gjithnjë dashurinë dhe përkushtimin e saj të pashoq. /Telegrafi/
Ky vit ofroi një modë seriozisht të paharrueshme, nga veshja me metodën arkivore Mugler deri te siluetat e skalitura prej xhami.
Me numrin e madh të ngjarjeve në tapetin e kuq , premierave dhe galave që plotësojnë kalendarin e industrisë së argëtimit, është një arritje e jashtëzakonshme që të famshmit dhe stilistët e tyre janë në gjendje të bashkojnë kaq shumë pamje befasuese dhe novatore gjatë gjithë vitit. Por, siç tregojnë vazhdimisht veshjet tona të veshura më mirë , përkushtimi i të famshmëve ndaj modës në tapetin e kuq po rritet vetëm në intensitet.
Nga Zendaya në arkivin Mugler te Daisy Edgar-Jones me porosi Vivienne Westwood dhe Cynthia Erivo në Schiaparelli skulpturore, këto ishin 10 momentet më të mira në tapetin e kuq të vitit 2024.
Zendaya e nisi vitin 2024 me një pamje të paharrueshme në premierën e “Dune: Part Two” në Londër, duke veshur një krijim arkivor nga koleksioni 1995 i Mugler. E krijuar në bashkëpunim me stilistin Law Roach, veshja futuristike përfshinte një trup me armaturë metalike dhe panele të tejdukshme, duke e plotësuar me taka metalike dhe një gjerdan blu diamanti Bulgari.
Elle Fanning u shndërrua në një skulpturë xhami për Met Gala 2024, duke mbajtur një fustan transparent dhe statujar nga Balmain, i mbajtur nga dy zogj xhami. Pjesë e temës “Kopshti i Kohës”, kjo veshje përfaqësonte një bashkëpunim të jashtëzakonshëm mes modës dhe teknologjisë, me Fanning që mishëronte karakterin eterik të frymëzuar nga Aurora.
Cynthia Erivo shkëlqeu në premierën e “Wicked” në Londër, duke veshur një fustan të mrekullueshëm Schiaparelli prej kadifeje të zezë. Fustani pa mëngë kishte një fund voluminoz prej tyli dhe një detaj skulpturor mozaiku, me zbukurime të shkëlqyera. E kombinoi me doreza të gjata të zeza, një kokë kadifeje dhe taka sateni me platformë, duke vërtetuar shijen e saj të jashtëzakonshme për modën.
Daisy Edgar-Jones ka qenë një ikoni e stilit boho këtë vit, falë drejtoreshës kreative të Chloé, Chemena Kamali. Megjithatë, ajo bëri një deklaratë të veçantë me fustanin eterik Vivienne Westwood në premierën e “Twisters” në Londër. Fustani me korse ngjyrë kafe e zezë e Westwood, i përshtatur perfekt dhe me një siluetë delikate, pasqyroi elegantisht vlerësimin e Edgar-Jones për modën e lartë, duke u përshtatur gjithashtu me temën e filmit.
Nicola Coughlan shkëlqeu në premierën e sezonit të tretë të “Bridgerton” në Londër, duke veshur një fustan Rodarte të zbukuruar me temina roze dhe dantellë me lule. Aksesorët përfshinin doreza kadifeje dhe një rrip koke me lule dhe vello prej tyli, duke krijuar një pamje që të kujtonte një pikturë Rilindjeje. Coughlan mishëroi bukuroshen e Regency me këtë veshje, duke vazhduar traditën e modës unike të “Bridgerton”.
Pamja e Bella Hadid në Festivalin e Filmit në Kanë me fustanin “lakuriq” të Saint Laurent mund të jetë një nga momentet më të diskutuara dhe të përçara të vitit. Pas një periudhe pushimi për të përkujdesur shëndetin, modelja u shfaq me një fustan të tejdukshëm me qafë të kuqe dhe detaje të mbledhura që shkonin deri poshtë gjurit. Ajo e kompletnoi pamjen me bizhuteri diamanti të verdhë nga Chopard dhe taka Saint Laurent La Scandale ngjyrë kafe.
Lady Gaga shkëlqeu në premierën e “Joker: Folie a Deux” në Festivalin e Filmit në Venecia, duke veshur një fustan Dior që bashkonte magjepsjen klasike të Hollywood-it dhe dizajnin abstrakt tipik për të. Fustani me qafë V dhe fundin me palosje voluminoze i jepte pamjes një elegancë të paharrueshme. Ajo e kompletoi pamjen me një kapelë skulpturore dantelle nga Philip Treacy, pjesë e koleksionit të tij të vitit 2001.
Carey Mulligan shkëlqeu në Oscars, duke veshur një fustan Balenciaga që kombinoi elegancën vintage dhe modernitetin. Fustani me dekolte të thellë, detaje të zeza dhe fund prej tyli me bisht peshku ishte një riprodhim i një dizajni të vitit 1951 nga Balenciaga, duke ruajtur siluetën e sofistikuar dhe të përjetshme të atij stili, të përkthyer në mënyrë të mrekullueshme për tapetin e kuq bashkëkohor.
Hunter Schafer vazhdoi të mahnitë në Golden Globes me një fustan Prada engjëllor nga organza rozë e butë, që krijonte një efekt ylbert dhe që lëvizte elegant pas saj. Ky ansambël, që i shtonte praninë magjepsëse të Schafer, ishte një tjetër moment i modës së bukur dhe të personalizuar nga ajo, pas pamjeve të saj të paharrueshme në “Euphoria” dhe Oscars.
Nicole Kidman shkëlqeu në Festivalin e Filmit në Venecia me një fustan korse dyngjyrësh nga Schiaparelli, një nga pamjet më të bukura të saj këtë vit. Fustani theksoi bukur trupin e Kidman, me një tufë rruazash dhe temash që zbukuronin ijet dhe bustin. Ky ansambël, pas disa pamjeve të tjera mahnitëse në tapetin e kuq, si fustani Dolce & Gabbana dhe Balenciaga, ishte një tjetër moment i jashtëzakonshëm për aktoren, e cila vazhdon të jetë një figurë kyçe në industrinë e filmit dhe televizionit.
Në intervistën e këtij viti për platformën Letterboxd, Nicole Kidman zbuloi se filmi i saj i preferuar i të gjitha kohërave është komedia kult romantike “When Harry Met Sally” nga viti 1989.
Gjatë promovimit të A Family Affair të Netflix, i cili doli në qershor dhe u bë një hit i madh, gazetarët e Letterboxd i kërkuan fitueses së Oskarit dhe yjeve të saj të emërtonin katër filmat e tyre të preferuar të të gjitha kohërave.
Aktorja australiane tha se pyetja ishte shumë e vështirë, por kur një gazetar e pyeti nëse kishte një film që e donte aq shumë, ajo e pa atë një milion herë, Kidman tha pa u menduar: “When Harry Met Sally”./KultPlus.com
Në intervistën e këtij viti për platformën Letterboxd, Nicole Kidman zbuloi se filmi i saj i preferuar i të gjitha kohërave është komedia kult romantike “When Harry Met Sally” nga viti 1989.
Gjatë promovimit të A Family Affair të Netflix, i cili doli në qershor dhe u bë një hit i madh, gazetarët e Letterboxd i kërkuan fitueses së Oskarit dhe yjeve të saj të emërtonin katër filmat e tyre të preferuar të të gjitha kohërave.
Aktorja australiane tha se pyetja ishte shumë e vështirë, por kur një gazetar e pyeti nëse kishte një film që e donte aq shumë, ajo e pa atë një milion herë, Kidman tha pa u menduar: “When Harry Met Sally”.
“Kam parë shumë herë “When Harry Met Sally”. I dua Meg Ryan dhe Billy Crystal”, tha Kidman.
Për çfarë flet filmi kult?
“When Harry Met Sally” është një nga ato komeditë romantike që ia vlen të shikoni edhe nëse nuk jeni adhurues i zhanrit. Përveç cilësimit si një nga komeditë më të mira të të gjitha kohërave nga Instituti Amerikan i Filmit, Biblioteka e Kongresit të SHBA e ka përfshirë atë në Regjistrin Kombëtar të Filmit për rëndësinë e madhe historike dhe kulturore.
Filmi u drejtua nga Rob Reiner, i cili po kalonte një ndarje në atë kohë, gjë që shërbeu si frymëzim i tij. Skenari për filmin është shkruar nga Nora Ephron, skenariste e klasikëve Sleepless in Seattle dhe You’ve Got Mail.
Komedia romantike ndjek zhvillimin e marrëdhënies midis Harry (Crystal) dhe Sally (Ryan) për dymbëdhjetë vjet. Gjatë gjithë filmit, ne ndjekim se si miqësia e tyre ngadalë shndërrohet në dashuri.
Filmi duhej të kishte një fund jo të lumtur, por Reiner ndryshoi mendje pasi takoi gruan e tij aktuale gjatë xhirimeve.
Rolet dytësore u luajtën nga Carrie Fisher, Bruno Kirby, Stephen Ford, Lisa Jane Persky, Michelle Nicastro, Kevin Rooney, Harley Kozak dhe Estelle Reiner./abcnews.al
Nicole Kidman ka ndarë një periudhë të vështirë në jetën e saj profesionale, duke shpërndarë dyshimet dhe pasiguritë që ka pasur pas lindjes së vajzës së saj të parë, Sunday Rose, në vitin 2008. Ajo ka treguar se ndjeu dëshirën për t’u tërhequr nga karriera e aktrimit për t’u përkushtuar plotësisht familjes së saj, duke pasur parasysh se ajo kishte tashmë një jetë të pasur profesionale.
Megjithatë, këshilla e nënës së saj e bëri të ndryshonte mendje. Ajo e këshilloi që të mos hiqte dorë plotësisht nga aktrimi, duke i thënë që të mbante mundësi të hapura për të ardhmen dhe të vazhdonte në mënyrë të moderuar. Kidman vendosi të ndiqte këtë këshillë, dhe kjo ndihmoi që ajo të vazhdonte karrierën e saj me sukses.
Pasi pesë vjet pas atij momenti, Nicole Kidman fitoi nominimin e saj të tretë për “Oscar” për rolin e saj në filmin Rabbit Hole. Në këtë periudhë, ajo nuk u ndal dhe e vazhdoi rrugën e saj në Hollywood, duke fituar më tej respektin dhe çmime të tjera. Kidman, që u bë e njohur që në vitin 1989 përmes filmit Days of Thunderdhe shndërroi karrierën e saj me rolin e Virginia Woolf në The Hours, ka arritur të bëhet një nga aktoret më të njohura dhe më të respektuara të Hollivudit.
Nicole Kidman ka ndarë një periudhë të vështirë në jetën e saj profesionale, duke shpërndarë dyshimet dhe pasiguritë që ka pasur pas lindjes së vajzës së saj të parë, Sunday Rose, në vitin 2008. Ajo ka treguar se ndjeu dëshirën për t’u tërhequr nga karriera e aktrimit për t’u përkushtuar plotësisht familjes së saj, duke pasur parasysh se ajo kishte tashmë një jetë të pasur profesionale.
Megjithatë, këshilla e nënës së saj e bëri të ndryshonte mendje. Ajo e këshilloi që të mos hiqte dorë plotësisht nga aktrimi, duke i thënë që të mbante mundësi të hapura për të ardhmen dhe të vazhdonte në mënyrë të moderuar. Kidman vendosi të ndiqte këtë këshillë, dhe kjo ndihmoi që ajo të vazhdonte karrierën e saj me sukses.
Pasi pesë vjet pas atij momenti, Nicole Kidman fitoi nominimin e saj të tretë për “Oscar” për rolin e saj në filmin Rabbit Hole. Në këtë periudhë, ajo nuk u ndal dhe e vazhdoi rrugën e saj në Hollywood, duke fituar më tej respektin dhe çmime të tjera. Kidman, që u bë e njohur që në vitin 1989 përmes filmit Days of Thunder dhe shndërroi karrierën e saj me rolin e Virginia Woolf në The Hours, ka arritur të bëhet një nga aktoret më të njohura dhe më të respektuara të Hollivudit.
Nicole Kidman pranoi për CBS Neës se donte të hiqte dorë nga karriera e saj e aktrimit në vitin 2008 pasi lindi vajzën e saj të parë, të cilën e kishte me muzikantin Keith Urban.
Ajo thotë se më pas donte t’i përkushtohej familjes.
“Pastaj thashë se kisha mbaruar me aktrimin, por nëna ime tha: “Nuk do të hiqja dorë plotësisht. Mbani opsionet tuaja të hapura. Vetëm më dëgjoni. Vazhdoni. Nuk po them që duhet ta bëni në nivelin që e keni bërë, por nuk do të hiqja dorë plotësisht”, tha aktorja 57-vjeçare, e cila në fund ndoqi këshillën e nënës së saj.
Nicole Kidman
Tre vjet më vonë, ajo mori nominimin e saj të tretë për ‘Oscar’ për rolin e saj kryesor në filmin “Rabbit Hole”.
Nicole Kidman u bë e famshme në vitin 1989 kur realizoi filmin “Days of Thunder” me Tom Cruise dhe u bë e famshme me rolin e Susanna Stone Moretto në filmin “Woman to Die” në 1995.
Artistja u nominua për ‘Oscar’ pesë herë dhe roli i shkrimtares angleze Virginia Woolf në filmin “The Hours” i dha asaj ‘Oscar’-in për ‘aktoren më të mirë’. /Telegrafi/
Aktorja Nicole Kidman kishte një të ftuar speciale me të, teksa mori pjesë në një ceremoni së fundmi
Aktorja 57-vjeçare, e preferuara e shumë fansave, ka pozuar në tapetin e kuq dhe më pas ka takuar vajzën e saj Faith. Faith është vetëm 13 vjeçe dhe i ngjan në mënyrë të papërmbajtshme nënës së saj.
Të dyja rrallëherë shihen së bashku në ndonjë festë, aheng apo ceremoni, dhe shumë fansa e kujtojnë Faith-in kur ajo ishte shumë e vogël.
Në një foto, Kidman buzëqeshi për kamerën teksa hidhte krahun rreth vajzës së saj, e cila kishte veshur një xhaketë bardh e zi dhe një fund të ngjashëm. Të dyja kanë pozuar edhe për foto duke treguar afërsinë e tyre, transmeton Telegrafi.
Nicole Kidman i ka vajzat e saj Faith dhe Sunday Rose (16) me bashkëshortin e saj Kit Urban. Ajo është gjithashtu nënë e vajzës Bela (31) dhe djalit Konor (29), të cilët i ka me ish-bashkëshortin Tom Cruise.
Në tetor, Sunday Rose bëri shfaqjen e saj të parë Miu Miu Pranverë/Verë 2025 gjatë Javës së Modës në Paris.
Pas shfaqjes, intervista e adoleshentes me Vogue u bë virale kur shikuesit u befasuan nga theksi i saj, i cili kishte një nuancë të lehtë jugore dhe australiane. /Telegrafi/
Fansat po vënë në pikëpyetje pretendimin e Nicole Kidman se një meme e njohur e aktores që në dukje festonte divorcin e saj nga Tom Cruise ishte nxjerrë jashtë kontekstit.
Kidmankohët e fundit iu drejtua fotos së famshme teksa fliste për British GQ, duke i thënë revistës se nuk po festonte ndarjen e saj në 2001 nga Cruise, por po filmonte një skenë për një film.
“Kjo foto ishte nga një film,” këmbënguli ajo. Fotoja besohej të ishte bërë në vitin 2001, ndërsa fituesja e Oskarit po largohej nga zyra e avokatit të saj pasi zgjidhi divorcin nga aktori.
Ndërsa aktorja e “Babygirl” mohoi se kishte ndonjë lidhje me Cruise, ajo veçanërisht nuk specifikoi se cilit film i referohej, duke i shtyrë përdoruesit e mediave sociale të bënin disa kërkime. Megjithatë, shumica e fansave nuk gjetën asnjë provë se Kidman kishte veshur një veshje të ngjashme – – në asnjë nga filmat e saj.
“Ok, sapo bëra një kërkim të thellë për këtë dhe jo vetëm që ajo nuk specifikon se cili film ishte, por asnjë nga legjionet e saj të fansave nuk ka as një hipotezë se cili film mund të ishte. Kështu që ndihem rehat duke konkluduar se ajo gënjen dhe me të vërtetë është një xhirim i paparacëve pas divorcit,” shkroi një përdorues i X të hënën në një postim që ka mbledhur më shumë se 1 milion shikime.
Megjithatë, të tjerët e mbrojtën Nicole, duke argumentuar se mund të ishte nga një “skenë që ishte prerë”.
“Duhet të jetë një gënjeshtër, por më pëlqen ideja (si e vetmja alternativë e mundshme që mund të mendoj) që fotot janë nga pamjet e papërdorura nga koha kur ajo duhej të bënte In the Cut lol,” shkroi një përdorues, duke iu referuar thriller psikologjik i aktores i vitit 2003.
“Ju jeni të çuditshëm, ka shumë filma që njerëzit përpiqen t’i bëjnë dhe që nuk e shohin kurrë dritën e ditës,” postoi dikush tjetër.
Kidman u martua me Cruise në vitin 1990 dhe u ndanë 11 vjet më vonë. Gjatë martesës së tyre, çifti adoptoi dy fëmijë: vajzën Isabella, tani 31 vjeç dhe djalin Connor, tani 29 vjeç, të cilët të dy kanë ndjekur gjurmët e babait të tyre të famshëm dhe i janë bashkuar Kishës së Scientology.
Kidman vazhdoi me Keith Urban në vitin 2005 dhe u martuan vitin e ardhshëm. Ajo dhe këngëtari kanë dy vajza: Sunday, 16 dhe Faith, 13.
Memeja virale e Nicole Kidman-it që duket se feston divorcin e saj nga Tom Cruise është thjesht një gënjeshtër.
Aktorja zbuloi të vërtetën pas imazhit ikonik të 2001-shit teksa fliste për GQ.
“Kjo nuk është e vërtetë,” tha fituesja e Oskarit, për aludimet se ajo po ecën e lumtur me krahët e ngritur pasi divorci i saj u finalizua.
“Kjo nuk isha unë,” shtoi aktorja, përpara se të sqaronte, “Fotoja është nga një film.”
Meme, veçanërisht, u bë tituj në shtator kur Jenna Dewan e postoi atë përmes Instagram Stories pasi ajo dhe ish-bashkëshorti Channing Tatum zgjidhën divorcin e tyre të diskutueshëm.
Kidman u martua me Cruise, në vitin 1990, me çiftin që adoptuan vajzën Isabella, 31 vjeç dhe djalin Connor, 29 vjeç, përpara se të ndaheshin në 2001.
Aktori vazhdoi me Katie Holmes dhe dyshja të martuar nga viti 2006 deri në vitin 2012. Kidman, nga ana e saj, filloi të takohej me Keith Urban në 2005.
Ajo dhe këngëtari u martuan vitin e ardhshëm, duke pritur vajzat Sunday, 16, dhe Faith, 13, respektivisht në 2008 dhe 2010.
Nicole reagoi gjithashtu ndaj reklamës së saj të AMC për “rikthimin në kinema” pas pandemisë, duke u tallur se nuk i interesojnë komentet sepse ajo “do të bëjë gjithçka për kinemanë”.
Aktorja 57-vjeçare, Nicole Kidman ka pozuar për revistën GQ dhe ka folur se sa shumë ka ndryshuar jeta e saj në vitet e fundit.
Ajo ka bërë një deklaratë aq shokuese por dhe aq të çuditshme ku ka rrëfyer se zgjohet papritur në orën 3 të mëngjesit dhe mendja i shkon tek vdekja.
Nëse nuk e mbani mend ua rikujtojmë ne: nëna e saj ndërroi jetë këtë vit në shtator në moshën 84-vjeçare!
“Vdekja dhe jeta. Jeta vjen dhe të godet. Humbja e prindërve, rritja e fëmijëve, martesa dhe të gjitha këto gjëra të tjera më bëjnë një person jashtëzakonisht emocional. Kjo është jeta. Jeta është pa dyshim një udhëtim dhe të godet kur rritesh!”- është shprehur ajo.
Login
(@metgalacrave) 