Shërbimi Korrektues i Kosovës ka ndërmarrë një aksion të suksesshëm parandalues kundër një tentative për futje të kontrabandës në zonën sterile të Qendrës Korrektuese në Dubravë.

Sipas një postimi në rrjetin social në Facebook bëhet e ditur se pas pranimit të informacioneve proaktive dhe organizimit operativ në bashkëpunim me Njësinë e Inteligjencës së Shërbimit Korrektues të Kosovës, në koordinim dhe nen organizimin e Departamentit për Siguri të Qendrës Korrektuese të Dubravës, është realizuar një bastisje e menjëhershme.

Tutje në postim thuhet se gjatë kontrollit janë zbuluar pesë qese të zeza, të mbështjella dhe të izoluara me izolir të tejdukshëm.

“Qeset janë lokalizuar dhe brenda tyre janë gjetur:  lëndë e dyshuar narkotike e ndarë në disa njësi, me peshë të përgjithshme prej 98 gramësh (me mbështjellës); pesë telefona të markës Samsung, prej të cilëve njëri kishte SIM kartelë të vendosur të operatorit IPKO, si dhe dy SIM kartela të papërdorura të të njëjtit operator”, thuhet në postim.

Po ashtu siç bëhet e ditur në postim ky operacion është rezultat i bashkëpunimit të ngushtë ndërmjet Njësisë së Inteligjencës, Departamentit të Sigurisë së QK Dubravë dhe zyrtarëve përgjegjës të sigurisë, dëshmon angazhimin e vazhdueshëm të Shërbimit Korrektues të Kosovës për të parandaluar çdo përpjekje për futjen e kontrabandës dhe për të siguruar një mjedis të sigurt dhe të kontrolluar brenda institucioneve korrektuese. /Telegrafi/

The post “Lëndë narkotike, pesë telefona me kartelë”, parandalohet futja e kontrabandës në burgun e Dubravës appeared first on Telegrafi.

Ushtria izraelite – IDF ka publikuar pamje që pretendojnë se tregojnë militantë të armatosur të Hamasit duke plaçkitur një kamion me ndihmë humanitare në Gaza.

Duke publikuar videon në X të martën, ushtria izraelite akuzoi organizatën për “përhapjen e fushatave të rreme rreth një fushate të qëllimshme të urisë në Gaza”, shkruajnë mediat e huaja, përcjell Telegrafi.

Kjo vjen ndërsa Izraeli përballet me dënim të gjerë nga OKB-ja, grupet ndërkombëtare të ndihmës dhe qeveritë e huaja për situatën humanitare në Gaza, mes një fluksi imazhesh të fëmijëve palestinezë të dobësuar dhe raporteve për vdekje të lidhura me urinë në enklavën e shkatërruar nga lufta.

Por kryeministri izraelit Benjamin Netanyahu ka hedhur poshtë pretendimin se shteti hebre po zbaton një politikë të urisë së qëllimshme si një taktikë lufte dhe këmbëngul se Gaza nuk po përballet me një krizë urie.

Në pamjet e publikuara nga IDF, të cilat ata thonë se janë filmuar të premten, persona të armatosur mund të shihen duke qëndruar sipër një kamioni të mbushur me kuti ndërsa turma civilësh palestinezë rrethojnë automjetin.

Dhe një nga burrat drejton armën e tij poshtë nga turma ndërsa ai qëndron sipër kamionit.

Ushtria izraelite pretendon se pamjet filmike tregojnë operativë të armatosur të Hamasit që ‘plaçkitin me dhunë ndihmën humanitare që u soll në Rripin e Gazës, duke e penguar atë të arrijë tek popullsia civile’.

Situata humanitare e përkeqësuar në Gaza ka shkaktuar një luftë fjalësh në javët e fundit, me Izraelin dhe Fondacionin Humanitar të Gazës (GHF) të mbështetur nga SHBA-të nga njëra anë që përballen me dënime në rritje nga bashkësia ndërkombëtare për pretendimet për urinë në Rrip.

Kjo vjen pasi Izraeli njoftoi se do të fillonte ‘pauza taktike’ 10-orëshe në operacionet e tij ushtarake në tre zona të dendura të Gazës të hënën deri në njoftim të mëtejshëm për të lejuar korridore ndihme për konvojet e OKB-së. /Telegrafi/

The post Ushtria izraelite publikon disa pamje – thotë se tregojnë ‘militantët e Hamasit që plaçkitin kamionë me ndihma në Gaza’ appeared first on Telegrafi.

Në një botë që nuk ndalet kurrë, ku dita nis herët dhe përfundon vonë, ku kalojmë nga takimet tek kafeja me miqtë apo nga palestra tek mesazhet e fundit të punës teknologjia që na shoqëron duhet të përshtatet me stilin tonë të jetesës.

Pikërisht për këtë, Samsung sjell një përvojë të re që flet gjuhën e lëvizjes dhe elegancës, përmes Galaxy Z Fold7, Z Flip7 dhe gamës më të fundit të pajisjeve të veshjes: Galaxy Watch8, Galaxy Watch Ultra.

Një dizajn që ecën me ritmin tënd

Samsung e ka çuar më tej vizionin e vet për telefonat e palosshëm, duke sjellë pajisjet më të holla dhe më të lehta ndonjëherë, të krijuara për ata që duan më shumë pa bërë kompromis.

Galaxy Z Flip7 është aq kompakt sa futet lehtësisht në xhepin e xhaketës apo të një çante të vogël, por njëkohësisht aq i zgjuar sa mund të menaxhosh takimet, të bësh foto dhe të kontrollosh muzikën pa e hapur fare ekranin kryesor. Për ata që kërkojnë një ekran më të gjerë, Galaxy Z Fold7 është një mrekulli inxhinierike që hapet duke ju dhënë përvojën e një tableti të sofistikuar, perfekt për ata që lexojnë raporte në lëvizje, editojnë dokumente apo ndjekin video në pushimin e drekës.

Pajisjet e reja Galaxy nuk janë vetëm estetikisht të bukura, por janë të ndërtuara me materiale të përforcuara, një strukturë përthyeshmërie të përmirësuar dhe ekrane me qëndrueshmëri të lartë, duke i bërë shoqërues të besueshëm kudo.

Teknologji që ju kupton në çdo hap

Pajisjet e veshjes Galaxy janë ndërtuar për të shtuar më shumë kontroll dhe vetëdije në jetën tuaj. Galaxy Watch8 monitoron aktivitetin fizik, gjumin dhe shëndetin me saktësi, ndërsa Galaxy Watch Ultra, me qëndrueshmëri të shtuar dhe opsione më të thelluara për matje sportive, është aleati ideal për ata që duan ta çojnë veten në limite të reja. Nga ana tjetër, Galaxy Watch8 sjell një mënyrë krejt të re për të ndjekur ritmin e trupit tënd pa pasur nevojë të shikosh as ekranin.

Për shembull, një menaxher që kalon ditën mes takimeve mund të përdorë Galaxy Watch për të qëndruar në sinkron me kalendarin, ndërsa një gazetare në terren mund të bëjë regjistrime audio ose të dërgojë shpejt mesazhe nga Z Fold7, pa hequr laptopin nga çanta. Në mbrëmje, një nënë e re që stërvitet pas pune mund të përdorë Galaxy Watch8 për të ndjekur rrahjet e zemrës dhe cilësinë e gjumit, pa pasur nevojë për ekranin e pajisjeve të ndryshme elektronike.

Një përvojë intuitive që thjeshton jetën

One UI 8, ndërfaqja e fundit nga Samsung, sjell një përvojë të rafinuar që e bën përdorimin e përditshëm më intuitiv se kurrë. Me përmirësime në navigim, akses të lehtë tek veçoritë më të përdorura, dhe inteligjencë artificiale që mësoVisit Siten nga zakonet tuaja, telefoni nuk është më thjesht një mjet është një ndihmës i vërtetë personal.

Dhe nëse nuk je ende pjesë e ekosistemit Galaxy, Try Galaxy të jep mundësinë të përjetosh ndjesinë e re Samsung pa qenë nevoja të ndryshosh pajisjen. Mjafton të vizitosh trygalaxy.com ose të skanosh kodin QR dhe mund të provosh funksionalitetet më të fundit të Galaxy Z dhe One UI direkt nga telefoni yt aktual, Android apo iPhone.

Ky është momenti për të jetuar në lëvizje, me teknologji që përshtatet me jetën tënde dhe jo anasjelltas.

Me Galaxy Z Flip7, Z Fold7 dhe aksesorët inteligjentë që i shoqërojnë, çdo hap i ditës bëhet më i thjeshtë, më i mençur dhe padyshim më elegant.

The post Krijuar për t’ju përshtatur jetës suaj në lëvizje: Zbulo eksperiencën e re Galaxy me Z Flip7, Z Fold7 dhe aksesorët inteligjentë appeared first on Telegrafi.

Getafe e ka forcuar skuadrën e saj përpara sezonit 2025/26 me shtimin e tre lojtarëve që ishin ndër më të ndëshkuarit në La Liga sezonin e kaluar.

Abdel Abqar nga Alaves, Mario Martin nga Valladolid dhe Yvan Neyou nga Leganes erdhen këto ditë te Getafe dhe të tre ofrojnë një profil fizik që përshtatet në mënyrë të përkryer me stilin luftarak të klubit.

Sipas të dhënave të faulleve dhe disiplinës për sezonin 2024/25, Abqar, një qendërmbrojtës i fuqishëm, kryeson grupin me 47 faulle dhe 13 kartonë të verdhë, duke reflektuar një mbrojtës që nuk heziton të përdorë forcën për të ndaluar kundërshtarët e tij.

Mario Martin, me 43 faulle, ka grumbulluar pesë kartonë të verdhë dhe tre kartonë të kuq, duke dëshmuar një agresivitet që mund të jetë si virtyt ashtu edhe rrezik për ekipin.

Nga ana e tij, Neyou ka regjistruar 32 faulle dhe 14 kartonë të verdhë ; sot, ai mori gjithashtu një karton të verdhë në miqësoren kundër Elche, duke demonstruar një angazhim të vazhdueshëm që nga ndeshjet para-sezonale.

A mí Bordalás me cae de p… madre y cada uno juega al fútbol según sus posibilidades o a lo que puede/cree, pero lo del Geta trayéndose a los 2 futbolistas más amonestados y el más expulsado en la 24/25, ¿qué es?

Neyou (14 )
Abqar (13 )

Mario Martín (3 ) pic.twitter.com/btlYbd7Amr

— Mr. Asubío (@MrAsubio) July 30, 2025

Këto shifra pasqyrojnë përkushtimin e Getafes ndaj lojtarëve që nuk i shmangen përballjes fizike, një faktor kyç në një ligë gjithnjë e më taktike dhe kërkuese. Megjithatë, ky stil gjithashtu mbart potencialin për penallti që mund të ndikojnë në ekip në momente vendimtare .

Përforcimet e reja janë një shembull i qartë i markës “made in Bordalas”: lojtarë që përshtaten në mënyrë të përkryer në sistemin e trajnerit, bazuar në intensitetin fizik, presionin e vazhdueshëm dhe një angazhim të fortë mbrojtës.

Ky identitet kolektiv i shpirtit luftarak dhe përkushtimit është thelbësor për të ruajtur soliditetin që ka përcaktuar Getafen në vitet e fundit dhe për të rritur konkurrueshmërinë e saj në La Liga. /Telegrafi/

Con los fichajes de Yvan Neyou, Mario Martín y Abdel Abqar, podemos confirmar que el Getafe utiliza el big data para construir su plantilla. pic.twitter.com/7jHjFHrvVd

— Usuario Arroba (@u_arroba) July 29, 2025

The post Statistika të tmerrshme – Getafe nënshkruan me tre nga lojtarët më të ndëshkuar në La Liga appeared first on Telegrafi.

Kryetari i Bashkisë Tiranë, Erion Veliaj në një reagim të gjatë në rrjetet sociale, mohon sërish akuzat që rëndojnë ndaj tij.

Veliaj e nis me përshkrimin e momentit kur agjentët e BKH-së i shkuan në qeli për t’i komunikuar akuzat, që me ironi i krahason me akuzat gjatë sistemit komunist, ku të përndjekurit politikë dënoheshin për ‘agjitacion e propagandë’, shkruan TCh.

Më poshtë është postimi i gjatë i Veliajt në Facebook:

Miq dhe dashamirës,

Uroj të jeni mirë të gjithë, e teksa përgatiteni të shkoni për pushime me familjet tuaja, ju lus të më kushtoni pak minuta, si përgjigje për letrat tuaja të shumta, pas 6 muajsh burg paradhënie në Durrës.

Javën e kaluar, pesë agjentë të BKH-së mbërritën në IEVP Durrës për të më komunikuar akuzën, edhe pse kisha autorizuar avokatët ta merrnin dosjen në Tiranë. Një orë përpara mbërrijnë fillimisht mediat, të cilat njoftohen sistematikisht për spektaklin me të burgosurin 9216 – qartazi, as nga unë e as nga avokatët, se s’kishim dijeni për vizitën.

Asnjë habi këtu! Prokurorët specialë sigurohen që çdo gjë të rrjedhë në disa media speciale para se ta dijë viktima, në shkelje flagrante ndaj sekretit hetimor, prezumimit të pafajësisë, Kushtetutës së vendit dhe të drejtave themelore të njeriut, kushdo qoftë njeriu e puna e tij.

Mora kohën të lexoja akuzën, e cila ishte copy-paste me kërkesën e paraburgimit, shto këtu përgjimet me familjen, të 9216-ës, nga telefoni i burgut dhe furgoni i burgut, ku pas tre ditëve maratonë për masën m’u desh të qetësoja familjen për këtë ndarje therëse prej tyre dhe qytetit, të cilin e dua dhe i shërbej. Këto shtesa të akuzave për “agjitacion e propagandë” në burg, shërbejnë vetëm për të theksuar se sa e dobët është akuza fillestare, sa të cekta provat, dhe sa në siklet duhet të ndihen prokurorët e mi për hetimin e tyre. Ata kanë prodhuar asgjë më shumë se sa një innuendo – thashetheme, letra anonime, fletë-rrufe, shpifje, sajesa e supozime për një triller sherifash, të cilat jam i bindur se nuk do të qëndrojnë as në gjykatë.

Në finale të një vetting-u personal, familjar dhe fisnor, nga viti 2004 deri në 2025, dhe një persekutimi 2-vjeçar (fill pas fitores me rreth 160 mijë vota për të tretën herë në Tiranë), me një letër anonime të një kallëzimi të falsifikuar, në emër të një Nesti Angoni që, edhe sipas prokurorëve, “nuk ekziston”, konkluzioni i akuzës qe ky:

Nuk gjendet asnjë shkelje në 2 vjet ministër dhe 10 vjet kryetar bashkie: asnjë projekt, asnjë vendim në shkelje të ligjit. Nuk u gjet asnjë shkelje e imja për inceneratorin, Teatrin, Sheshin Skënderbej, Pazarin e Ri, Piramidën, Stadiumin, Astirin, Bulevardin, lagjet e reja në Kombinat dhe te 5 Maji; as për rrugën “Xhon Belushi” dhe një mijë e kusur rrugë të tjera; as për shkollën “Sami Frashëri” apo 50 shkollat e reja, as për 110 kopshte dhe çerdhe; as për qindra mijë pemë të mbjella e 91 kënde lodrash; as për abonetë falas për pensionistët e studentët, dhe as për procedurat e nisura për drekën falas për nxënësit e Tiranës – të gjitha këto në sitën e hetimit nga SPAK.

Pra, asgjë që lidhet me detyrat e mia si kryetar i zgjedhur 3 herë apo çështjet e super debatuara si këto më sipër.

Lajmi i mirë është se kam kaluar vetting-un 21-vjeçar, të paprecedentë për asnjë politikan në Shqipëri. Shto këtu edhe voyerism-in absurd, intimidimin dhe poshtërimin nga agjentët, në sallë të operacionit, para dy javësh, për t’u siguruar që, përveç vetting-ut të jashtëm, të kaloja edhe vetting-un e brendshëm të të gjithë organeve – nga ezofagu gjer në rektum – shoqëruar nga 30 roje të policive të ndryshme, të burgut, shtetit etj.

Edhe kjo, pjesë e kësaj innuendo të qëllimshme dhe poshtëruese, ku fillimisht zgjidhet preja dhe, nëse nuk gjendet asnjë provë penale në punën e viktimës, kalohet në vetting që nga udhëtimet e moshës 25 vjeç, pa funksion politik, gjer në kolonoskopinë e 2025-ës. Dhe kur prapë nuk gjendet asgjë, i hapin dosje bashkëshortes, vëllait, nënës, vjehrrit të ndjerë, kushërinjve dhe gjithë fisit e rrethit shoqëror – të gjithë në punët e tyre private.

Kujt bosi të drogës ia kanë bërë këtë? Kujt vrasësi serial ia kanë bërë këtë përfshirje të gjithë fisit e shoqërisë? Cilit kriminel i është persekutuar e gjithë familja?

Sot vetëm im bir është pa dosje, por kanë edhe 12 vjet kohë t’ia përgatisin, kur të kapë moshën madhore. Ama, sot e mësuan të gjithë se jetoj në një apartament 2+1, në katin e katërt të një pallati, në një lagje ku bashkëjetoj paqësisht edhe me shumë nga kritikët e punës sime.

As në vila, as në resorte, as në kulla!

Por, teksa akuza s’ka asnjë lidhje me punën time në bashki e ministri, disa pyetje mbeten pa përgjigje:

1. Kush është Nesti Angoni dhe për sa politikanë me letra anonime është bërë ky vetting 20-vjeçar, si në rastin tim? A po përdoret ky hetim dhe persekutim mbi mua si një “eliminim politik”, për t’u kthyer në standard të ri për këdo që shënjestrohet?

2. Pse të gjitha gjyqtaret e zonja, të cilave u bie shorti për masën time në GJKKO, papritmas sëmuren dhe dorëhiqen? A ka koordinim prokurori-gjykatë për organizimin e këtij sulmi ndaj kryetarit të zgjedhur të bashkisë?

3. Pse nuk u hetua kurrë denigrimi mediatik nëpërmjet nxjerrjes së gjithë sekreteve hetimore në portalet pranë SPAK, ku dalloheshin qartësisht formatet dokumentare të prokurorëve, dhe jo ato që u jepen avokatëve? Kjo shkelje e rëndë e ligjit nuk mund të ndodhë pa dijeninë dhe aprovimin e SPAK.

4. A ka konflikt interesi kur njëri nga prokurorët ka shprehur haptazi një pakënaqësi për një leje ndërtimi që ka marrë nga bashkia? Në një shoqëri demokratike, a nuk duhet që çdo i pandehur të ketë të drejtën për një prokuror pa konflikt interesi?

5. Pse më ndalohen takimet me avokatët e mi ndërkombëtarë, të cilët po përgatisin çështjen time për në Gjykatën Evropiane të të Drejtave të Njeriut, edhe pse Konventa Evropiane – ku Shqipëria është palë – garanton qartë të drejtën themelore për t’u mbrojtur dhe zgjedhur lirisht përfaqësim ligjor?

6. A u hetua ndonjëherë dhuna 1-vjeçare, me molotovë e zjarr, përpara Bashkisë së Tiranës, e kryer nga individë të maskuar që, sipas raportimeve, transportoheshin nga rrethe të tjera? Kush e koordinoi dhunën që të përkonte me vetting-un tim të paligjshëm? Kush e financoi për 45 javë?

7. Nëse hetimi ka përfunduar, përse vazhdoj të mbahem në paraburgim – larg familjes sime dhe qytetit, të cilit i shërbej? A do të kishte kuptim që unë – Kryetari aktual i Bashkisë së Tiranës – të arratisesha, kur kam lidhje kaq të ngushta familjare, politike dhe shoqërore në Tiranë dhe jam kthyer disa herë në Shqipëri nga jashtë vendit, duke e ditur se kam qenë objekt i këtij hetimi penal? A ka vërtet kuptim që, si Kryetar Bashkie në mandatin e tretë, të kryeja vepra të rënda penale, duke qenë në liri me kusht dhe duke e ditur se jam nën një vëzhgim dhe kontroll të paprecedentë? Unë kam pasur një të shkuar të pastër deri në këtë persekutim, dhe aktualisht gëzoj besimin dhe mbështetjen dërrmuese të shumicës së qytetarëve të Tiranës – pra, a nuk është thjesht e çuditshme të mendohet se do të kryeja vepra të tjera penale? Në fakt, kur pata mundësinë t’u shërbeja qytetarëve të Tiranës, qyteti u transformua rrënjësisht.

Uroj që zyra e shtypit e SPAK të japë përgjigje serioze për të 7-ta këto pyetje; pretendoj të njëjtin seriozitet të paktën, me të cilin rrjedh gjithë dosjen time në media, prej 2 vitesh tashmë. Nëse SPAK-u nuk u përgjigjet dot në një mënyrë të besueshme dhe legjitime këtyre 7 pyetjeve, unë jo vetëm do t’i refuzoj akuzat e padenja, por do të vazhdoj të luftoj për atë që është e drejtë, dhe nuk do të lejoj që, këto abuzime të rënda me pushtetin të vazhdojnë pa i denoncuar ato, bashkë me dëmin që u kanë shkaktuar qytetarëve të Tiranës dhe Shqipërisë.

Pushteti i pamatë i prokurorisë, duke vepruar në mënyrë të koordionuar me aktorë të tjerë, i është mbivendosur dhunshëm dhe në mënyrë të paarsyeshme dhe disproporcionale pushtetit që rrjedh nga populli, me votën sovrane për kryetarin e Bashkisë, në shkelje brutale të Kushtetutës dhe autonomisë vendore.

Ky pushtet pa kontroll, i cili ka vepruar për më shumë se dy vjet në një fushatë të koordinuar sulmesh mediatiko-politike për të masakruar përfundimisht në publik kryetarin aktual të Bashkisë, është në kundërshtim të plotë me parimet e demokracisë dhe shtetit të së drejtës. Përfytyroni tani se si grushtohen përditë njerëzit pa mbështetje, pa mundësi, pa zë, të cilëve u duhet të përballen me këtë super pushtet pa kontroll. Nëse një sjellje kaq abuzive nuk denoncohet dhe nuk reformohet, a mundet Shqipëria të arrijë ndonjëherë potencialin e saj të vërtetë? A do të pranohet ndonjëherë në Bashkimin Evropian pa garanci të mirëfillta ligjore? A do të vazhdojnë investitorët dhe turistët të vijnë në Shqipëri, në një vend ku mund t’u nënshtrohen standardeve të tilla të paligjshme?

Për gjithë zellotët në disko-lajme, që flasin me një vetëbesim që të bën të mendosh se flenë në krevat me mua në qeli, do mendojnë avokatët e mi në gjykata për shpifje, ku gjer më sot kemi fituar 100% të gjyqeve – nga djali i Ahmadinexhadit e gjer tek damixhanët e gazetarisë se lodhur.

Për sa kohë kam një kamera 24/7 mbi derë e tjetrën mbi dritare, të rrinë të qetë se jam më i observuar këtu seç isha në Tiranë, me gjithë gërmimet mbi çdo aspekt të jetës sime. Janë të pamëshirshëm për vetting-un e të tjerëve, kurrë për të tyrin.

Kurse atyre që nënqeshin se kam derdhur lot për djalin, u them se duhet të shqetësohen më shumë nga burrat që nuk qajnë, se sa nga ata që e kanë ende zemrën në vend e fshikullohet sistematikisht nga malli për fëmijën. Të kesh bërë 50 shkolla për fëmijët e Tiranës dhe të mos shoqërosh dot djalin tënd në klasë të parë është një dhimbje therëse.

Por, nuk jam vetëm! Në burg kam njohur dhjetëra raste padrejtësish. Në gjithë vendin mijëra vetë mbahen në paraburgim, pa dënim, përqindja më e lartë në Evropë. Janë mijëra familje që vuajnë barrën emocionale dhe ekonomike të papërballueshme vetëm se burri/djali/babai paraburgoset për kohë tejet të gjatë pa dënim; familje që varfërohen çdo përditë nga “taksa e paraburgimit” për të mbajtur me ushqime dhe veshmbathje “burrin e shtëpisë”, që gjer dje siguronte për familjen.

Ndaj, do jem edhe zëri i tyre, i mijëra familjeve që vuajnë padrejtësisht prej kësaj tiranie penale.

Në fund, për kundërshtarët që s’më mundën dot me vota e i gëzohen këtij linçimi e histerie të përkohshme, ju kujtoj se çdo dekadë e kam nisur jetën nga e para: 10 vjeç mbeta vetëm dhe ia rinisa nga emigracioni e tek fiqtë e Pazarit; në të 20-at lashë Amerikën e krijova MJAFT-in, organizatën më të madhe; në të 30-at përfaqësova Gjirokastrën dhe reformuam Ministrinë që prekte punën, pensionet, të përndjekurit dhe të pamundurit; në të 40-at drejtova Tiranën si Kryeqytet Evropian i Rinisë, Sportit dhe Kulturës.

Ndaj, se 10, se 20, se 30, se 40, nuk do i ndahem kauzave ku besoj dhe pas së cilave mbahem fort. Dhe kjo e drejtësisë sociale, dhe jo e tiranisë speciale ndaj të dobëtëve, do më angazhojë gjithnjë e më shumë. Do të vazhdoj të luftoj për Tiranën, qytetin që e dua kaq shumë, dhe për Shqipërinë, vendin që e dua me gjithë zemër!

Faleminderit që më lexuat!

Ju uroj pushime të mbara!

Përqafoni familjen e fëmijët, se kurrë nuk i dihet kur ju ndajnë dhunshëm prej tyre, siç më ngjau mua!. /Telegrafi/

The post “Akuza me thashetheme, fletë-rrufe dhe letra anonime”, Veliaj reagon nga burgu: 7 pyetjet që SPAK duhet t’u përgjigjet, do të vazhdoj të luftoj për Tiranën appeared first on Telegrafi.

Gjykata e Posaçme Kundër Korrupsionit dhe Krimit të Organizuar ka dhënë këtë të mërkurë vendimin për dosjen e dytë në ngarkim të ish-kryebashkiakut të Himarës, Jorgo Goro.

Goro u dënua me 2 vite burg, ndërsa për shkak të gjykimit të shkurtuar do të vuaj vetëm 1 vit e 4 muaj në burg. Gjykata i ka hequr të drejtën për të mbajtur funksione publike për 5 vite.

Gjithashtu, në këtë proces u dha dënimi me 1 vit e 6 muaj burg për Vasillaq Strakoshën, i cili për shkak të gjykimit të shkurtuar do të vuaj vetëm 1 vit heqje lirie, me pezullim në 2 vite shërbim prove dhe heqje të të drejtës për të mbajtur funksione publike për 5 vite, raporton euronews.al.

Goro u dënua për shpërdorim detyre pasi, në kundërshtim me ligjin, i ka dhënë një sipërfaqe toke në zonën e Livadheve Arqile Bollanos, ish-kryebashkiakut në detyrë të Himarës.

Pak ditë më parë, Apeli i GJKKO la në fuqi edhe vendimin për dosjen e parë ndaj Goros, duke e dënuar atë me 3 vite e 1 muaj burg për veprën penale të shpërdorimit të detyrës. Për shkak të gjykimit të shkurtuar, dënimi përfundimtar për dosjen e parë ishte 2 vite e 20 ditë burg.

Në atë dosje Goron u akuzua se ka lejuar, përmes dokumenteve të falsifikuara, tjetërsimin e mbi 10 mijë metra katrorë tokë shtetërore në fshatin Gjilekë në pronësi private, përfitues përfundimtar i së cilës ishte Artan Gaçi, bashkëshorti i ish-ministres së Jashtme Olta Xhaçka.

Gjykata ka vendosur gjithashtu konfiskimin e një apartamenti rreth 81 metra katrorë, që ishte në emër të biznesmenit Gentian Sula. Në shkallën e parë, apartamenti ishte urdhëruar t’i kthehej firmës.

Goro u shpall fajtor edhe për mosdeklarim dhe fshehje pasurie.

The post GJKKO dënon sërish me burg Jorgo Goron, zbardhet vendimi për dosjen e dytë appeared first on Telegrafi.

Normat e interesit mbeten të pandryshuara, përkatësisht norma e interesit për bonot e thesarit mbetet në nivelin prej 5.35 për qind, ndërsa normat e interesit për depozitat njëditore dhe 7-të ditore në nivelet prej 3.95 për qind dhe 4 për qind. Oferta e bonove të thesarit në ankandin e rregullt gjithashtu do të mbetet i pandryshuar, përkatësisht do të arrijë në 10 miliardë denarë, vendosi Bordi ekzekutiv për politikë monetare të Bankës Popullore.

Me këtë vendim, siç shpjegojnë ata, ruhet qasja e kujdesshme ndaj kryerjes së politikës monetare konform kushteve në ekonomi dhe rreziqet që dalin nga mjedisi i jashtëm dhe i brendshëm.

“I gjithë grupi i masave deri më tani- normat aktuale të interesit, ndryshimet në kërkesat e rezervave dhe masat makroprudenciale të aplikuara mëtojnë ruajtjen e stabilitetit të çmimeve në afatmesëm dhe ruajtjen e stabilitetit të kursit të këmbimit të denarit kundrejt euros”, thonë nga Banka Popullore.

Rekomandimi i Bankës Popullore është që me kujdes të ndiqet inflacioni. “Rreziqet për dinamikën e ardhshme të inflacionit ende ekzistojnë dhe lidhen me pasigurinë e vazhdueshme nga mjedisi i jashtëm në ndryshim, por edhe nga faktorët e brendshëm që ndikojnë në kërkesë, thonë nga Banka qendrore.

Situata në tregun e këmbimit valutor është stabil dhe në fund të qershorit, niveli i tyre arriti 4,697.6 milionë euro, që sipas vlerësimeve të Bankës Popullore është i mjaftueshëm për ruajtjen e stabilitetit të kursit të këmbimit të monedhës vendase.

“Lidhur me të dhënat e fundit të disponueshme nga sektori i jashtëm, realizimet e tregut të këmbimit valutor deri në qershor tregojnë hyrje neto nga transfertat private që janë konform pritjeve sipas projeksionit të prillit, ndërsa deficiti tregtar i realizuar në prill dhe maj tani për tani është më i ulët se parashikimet për tremujorin e dytë. Në tremujorin e parë të vitit 2025, flukset e bilancit të pagesave janë afër pritshmërive”, theksohet në kumtesën e Bankës Popullore.

Lidhur me aktivitetin ekonomik, nga Banka Popullore vlerësojnë se të dhënat me frekuencë të lartë në dispozicion për tremujorin e dytë të këtij viti, madje tregojnë kryesisht përshpejtim të rritjes ekonomike të mbështetur nga zhvillimet e favorshme në ndërtim, industri dhe hoteleri, por se rreziqet për rritje në periudhën e ardhshme nga mjedisi i jashtëm janë kryesisht në rënie, gjë që lidhet me paparashikueshmërinë e lartë në kushte të tensioneve gjeopolitike dhe tregtare. Sa i përket mjedisit të brendshëm, fushëveprimit dhe dinamikës me të cilën do të zbatohen projektet e infrastrukturës vendase janë disa nga faktorët më të rëndësishëm që do të ndikojnë në ritmin e rritjes së ekonomisë vendase”, kanë thënë nga Banka Popullore.

Realizimet në sektorin monetar tregojnë mbështetje të vazhdueshme të fuqishme kreditore për ekonominë e cila është mbi dinamikën e pritur. Në qershor, depozitat dhe kreditë shënuan norma solide të rritjes të cilat janë më të larta se projeksionet e prillit.

The post Banka Popullore: Po ruhet qasja e kujdesshme në zbatimin e politikës monetare, normat e interesit të pandryshuara appeared first on Telegrafi.

Pas zbardhjes së detajeve ekskluzive nga Dukagjini për mënyrën se si Igor Popoviq, zyrtar i lartë serb, ka përgjuar takimin në Bruksel të palës serbe me ata të BE-së përmes një pajisjeje të sofistikuar përgjimi, Dukagjini paralajmëron publikimin gjatë ditës së sotshme të disa mesazheve të reja, të cilat do të zbardhin veprimtarinë e tij.

Ai zhvillonte komunikime direkte me Bojan Dimiqin, një prej shefave të Shërbimit Inteligjent serb e po ashtu edhe me Petar Petkoviqin.

Lexo po ashtu “E aktivizuam pajisjen, 10 minuta në dispozicion” – si e përgjonte Igor Popoviqi takimin në Bruksel

Detajet do t’i mësoni sot nga ora 17:00 në Tv Dukagjini.

Ndryshe, në një audio-incizim të siguruar nga televizioni Dukagjini, ka zbuluar se ndihmësi i drejtorit i të ashtuquajturës Zyrë për Kosovën në Qeverinë e Serbisë, Igor Popoviq, ka incizuar fshehurazi/përgjuar për llogari të BIA-s serbe, një takim zyrtar në Bruksel mes përfaqësuesve serbë dhe zyrtarëve të Bashkimit Evropian.

Takimi është mbajtur më 17 shtator 2020.

Kujtojmë se Popoviq është arrestuar nga autoritetet e Kosovës dhe po hetohet për veprën penale “nxitje e përçarjes dhe mosdurimit”.

The post Dukagjini publikon sot mesazhe të reja ekskluzive, ku Igor Popoviq komunikon me Bojan Dimiqin një prej shefave të BIA-s appeared first on Telegrafi.

Deputeti i LDK-së, Avdullah Hoti ka thënë se vendimi i ZRRE-së për dalje në treg të hapur të energjisë për biznese, i cili nesër hyn në fuqi, ka krijuar pasiguri të madhe për furnizim me energji për biznese.

Hoti përmes një postimi në rrjetin social në Facebook ka shkruar se kjo gjendje është e pakuptimtë.

“Do të duhej të mbaheshin konsultime e të bëheshin shumë përgatitje. Vendimi do të duhej të dakordohej me komunitetin e bizneseve. Pasojat do të jenë të mëdha: largim i investitorëve ekzistues vendorë e ndërkombëtarë, mosardhje e investitorëve të rinj, mungesë e investimeve vendore, rritje e kostove të bizneseve vendore, humbje e aftësisë konkurruese të produkteve vendore në tregun e brendshëm dhe të jashtëm, shtrenjtim i kostos së jetesës për qytetarë, rritje e papunësisë”, ka shkruar Hoti.

Lexo po ashtu ZRRE: Nuk mund të shtyhet vendimi për tregun e lirë energjetik

Tutje ai the se si rezultat, brenda një kohe të shkurtër do të vërejmë përkeqësim të bilancit tregtar, pasi produktet e huaja do të vërshojnë tregun e vendit.

“Kjo qasje arbitrare e ZRRE-së, e mbështetur nga Qeveria e mashtrimit, vetëm bizneseve kosovare nuk u shërben. Nuk e di në çfarë agjende janë futur ZRRE-ja dhe Qeveria e mashtrimit, por sigurisht jo në agjendë që është në interes të bizneseve të Kosovës”, ka shkruar ndër të tjera Hoti.

Ndërkaq, të gjitha bizneset në Kosovë me mbi 50 punëtorë, ose qarkullim vjetor mbi 10 milionë euro më 31 korrik që nuk kanë lidhur kontratë me ndonjë furnizues të licencuar të energjisë elektrike, do të mbesin pa rrymë.

Kështu thanë për Telegrafin nga Zyra e Rregullatorit të Energjisë Elektrike.

The post Tregu i lirë energjetik, Hoti: Pasojat do të jenë të mëdha për bizneset appeared first on Telegrafi.

Pas tërmetit shkatërrues me magnitudë 8.8 të shkallës Rihter, që goditi gadishullin Kamçatka në Lindjen e Largët të Rusisë, u lëshuan alarme për cunami në disa pjesë të Oqeanit Paqësor, përfshirë edhe shtetin amerikan të Hawaiit.

Si reagim ndaj situatës emergjente, Oprah Winfrey ka hapur rrugën e saj private në ishullin Maui, për të ndihmuar në evakuimin e banorëve të zonës.

Zëdhënësi i saj konfirmoi për CNN se sapo morën lajmin për paralajmërimin e cunamit, ata u vunë në kontakt me autoritetet lokale dhe agjencinë federale për menaxhimin e emergjencave (FEMA) për të mundësuar hapjen e rrugës.

Sipas deklaratës, policia lokale është në terren dhe po menaxhon qarkullimin, duke lejuar kalimin e 50 makinave njëkohësisht për të siguruar rend dhe siguri. Rruga private do të qëndrojë e hapur për aq kohë sa do të jetë e nevojshme.

Ndërkohë, në qytetin Kahului, në bregun verior të Mauit, është regjistruar një valë cunami mbi 1.5 metra, ndërsa portet detare në të gjithë Hawaii u mbyllën përkohësisht.

Më pas, Qendra e Paqësorit për Paralajmërimin e Cunamive njoftoi se rreziku i cunamit është ulur, por ende ekziston mundësia për valë të fuqishme, përmbytje të lokalizuara dhe rryma të rrezikshme detare.

Lexo po ashtu Të gjitha lajmet nga Oprah Winfrey

Guvernatori i Hawaiit, Josh Green, deklaroi se personat e evakuuar mund të kthehen në shtëpi, por i paralajmëroi të gjithë që të udhëtojnë me kujdes dhe të kenë kujdes nga përmbytjet në disa zona.

Ngjarja ka tërhequr vëmendje të madhe për reagimin e shpejtë dhe solidaritetin e shfaqur nga figura publike si Oprah, ndërsa autoritetet po vazhdojnë të monitorojnë situatën nga afër. /Telegrafi/

The post Oprah Winfrey hap rrugën private në Maui për të ndihmuar në evakuimin pas paralajmërimit për cunami appeared first on Telegrafi.

Sulmuesi shqiptar, Rey Manaj është zyrtarizuar tashmë si lojtar i ri i klubit Sharjah FC nga Emiratet e Bashkuara Arabe.

Manaj ka ndryshuar kampionat, duke lënë Superligën e Turqisë, pas dy vitesh të kaluara me Sivassporin.

Sulmuesi lushnjar ka befasuar të gjithë duke zgjedhur transferimin në Emiratet e Bashkuara Arabe te skuadra e Sharjah FC për 2 milionë euro.

رسمــياً | ري ماناي
الهداف الألباني ينضم إلى صفوف المــلك بعقد يمتد لموسمين
قادماً من سيفاسبور التركي.. ليستكمل مسيرته التهديفية بقميص الشارقة

الجماهير الشرجاوية.. رحّبوا معنا بالنجم الجديد #نادي_الشارقة pic.twitter.com/EYdDVr0zFS

— نادي الشارقة لكرة القدم (@SharjahFC) July 29, 2025

“Me një kontratë për dy sezone, sulmuesi shqiptar i bashkohet radhëve të Al-Sharjah. Vjen nga Sivasspor i Turqisë…për të vazhduar karrierën e tij si golashënues me fanellën e Sharjah”

“Tifozët e Al-Sharjah…mirëpresin me ne yllin e ri”, thuhet në njoftimin e klubit arab.

Te Sivasspori, Manaj pati një kohë shumë të mirë, pasi për dy sezone zhvilloi 63 ndeshje, duke shënuar 34 gola dhe duke dhuruar 8 asistime. /Telegrafi/

مهاجمنا ري ماناج يستلم القميص رقم (9) من صاحب الرقم التاريخي عبدالعزيز محمد، رمز الهجوم الشرجاوي التاريخي….

الإرث مستمر.. والطموحات تتجدد#نادي_الشارقة pic.twitter.com/9uOaBUpm7x

— نادي الشارقة لكرة القدم (@SharjahFC) July 29, 2025

The post Rey Manaj prezantohet te klubi i ri, befason të gjithë appeared first on Telegrafi.

Lideri global në teknologjinë e pagesave VISA, ka njoftuar zyrtarisht lansimin e Apple Pay për klientët e saj në Kosovë – një mënyrë moderne, e sigurt dhe private për të paguar, që eliminon nevojën për dorëzimin e kartelës, prekjen e butonave fizikë apo përdorimin e parasë kesh.

Apple Pay përdor fuqinë dhe sigurinë e iPhone për të mbrojtur çdo transaksion.

Përdoruesit mund të kryejnë pagesa pa kontakt duke afruar iPhone ose Apple Watch pranë një terminali pagesash. Çdo transaksion me Apple Pay verifikohet në mënyrë të sigurt përmes Face ID, Touch ID ose kodit të pajisjes, si dhe përmes një kodi unik dinamik për siguri maksimale.

Apple Pay pranohet tashmë në markete, farmaci, restorante, kafene, taksi, dyqane dhe vende të tjera në të gjithë Kosovën.

“Sjellja e Apple Pay në Kosovë nuk është thjesht një përmirësim teknologjik – është një ndryshim stili jetese. E dimë që gjenerata e sotme kërkon shpejtësi, siguri dhe lehtësi dhe pagesat nuk duhet të jenë ndryshe. Përdorimi i kartelave pa kontakt në Kosovë u rrit me 3.6% vitin e kaluar, dhe kjo tregon qartë se njerëzit duan opsione digjitale që përputhen me ritmin e tyre. Me Apple Pay, po ofrojmë pikërisht këtë: një përvojë ‘prek dhe paguaj’ që mbron të dhënat dhe e vendos portofolin tuaj… në telefon,” – u shpreh Ana Draskovic, Zëvendëspresidente dhe Drejtoreshë e Përgjithshme për Visa SEE.

Apple Pay ofron gjithashtu mundësinë për blerje të shpejta dhe të lehta në aplikacione dhe faqe interneti përmes Safari në iPhone, iPad dhe Mac – pa pasur nevojë për krijim të llogarive apo futje të vazhdueshme të të dhënave të dërgesës apo pagesës. Shërbimi mund të përdoret për porosi ushqimi, transport, parkim dhe shumë më tepër – madje edhe për pagesa brenda aplikacioneve në Apple Watch.

Siguria dhe privatësia janë në thelb të Apple Pay. Numrat e kartelës nuk ruhen në pajisje apo në serverët e Apple. Në vend të tyre, krijohet një Numër Unik i Llogarisë së Pajisjes, i cili ruhet në mënyrë të sigurt në një çip të quajtur Secure Element, të dizajnuar për ruajtjen e të dhënave të pagesave sipas standardeve më të larta të industrisë.

Apple Pay është shumë e lehtë për t’u vendosur. Në iPhone, mjafton të hapet aplikacioni Wallet, të shtypet simboli + dhe të ndiqen hapat për të shtuar kartën Visa (debit ose kredit). Pasi të jetë shtuar në pajisje, karta është menjëherë e gatshme për përdorim. Përdoruesit vazhdojnë të përfitojnë të gjitha shpërblimet dhe benefitet që ofron kartela Visa.

Për më shumë informata mbi Visa në Kosovë, vizitoni: www.visasoutheasteurope.com/kosovo.html

Për më shumë mbi Apple Pay, vizitoni: www.apple.com/apple-pay

Rreth Visa-s

Visa (NYSE: V) është lider global në pagesat digjitale, duke lidhur konsumatorët, tregtarët, institucionet financiare dhe entitetet qeveritare në më shumë se 200 vende dhe territore. Misioni i saj është të lidhë botën përmes një rrjeti pagesash të inovativ, të përshtatshëm, të besueshëm dhe të sigurt – duke mundësuar që individët, bizneset dhe ekonomitë të lulëzojnë.

Mësoni më shumë në www.visa.com.

The post Visa sjell Apple Pay në Kosovë – Një mënyrë më e sigurt për të paguar me iPhone dhe Apple Watch appeared first on Telegrafi.

Sunderland ka njoftuar zyrtarisht transferimin e mesfushorit shqiptar, Granit Xhaka nga Bayer Leverkusen.

Xhaka është rikthyer në Ligën Premier, pas dy viteve të kaluara në kampionatin gjerman, Bundesliga.

Megjithatë, mesfushori shqiptar kësaj radhe nuk do të luajë te Arsenali, por te ekipi i sapo-inkuadruar në Ligën Premier, Sunderland.

Është vet Sunderland që ka njoftuar kompletimin e transferimit të Xhakës nga Leverkusen.

It’s time pic.twitter.com/6nvWhbGHrl

— Sunderland AFC (@SunderlandAFC) July 30, 2025

“Sunderland AFC ka kënaqësinë të njoftojë nënshkrimin e Granit Xhakës, i cili vjen me një kontratë tre-vjeçare nga Bayer 04 Leverkusen!”, thuhet në njoftim.

Transferimi i Xhakës thuhet se i ka kushtuar klubit anglez 15 milionë euro plus 5 milionë euro tjera bonuse. /Telegrafi/

This isn’t just a Club, this is Sunderland.

Welcome back to the @PremierLeague, Granit Xhaka! pic.twitter.com/MLfHyKBVzo

— Sunderland AFC (@SunderlandAFC) July 30, 2025

The post Zyrtare: Granit Xhaka, lojtar i ri i Sunderland appeared first on Telegrafi.

Sot në Spitalin Klinik të Tetovës është shënuar fillimi i ndërtimit të parkut përkujtimor, për nder të viktimave në zjarrin tragjik në Spitalin Modular. Ministri i Shëndetësisë Azir Aliu, tha se ky park është i vonuar dhe se tani nuk e bëjnë për t’u dukur ose për zbukurim.

“Sot fillojmë ndërtimin e një kujtese kolektive, të vonuar por të domosdoshme. Katër vite më parë ndodhi tragjedia që nuk guxon të harrohet. Dhe institucionet heshtën, nuk vepruan dhe zgjodhën të mos shohën. Ky projekt nuk është për t’u dukur, as për zbukurim, është përgjegjësia e vonuar që një sistem duhet ta kishte dhënë që në fillim”, tha Aliu.

Ndërsa zv.kryeministri Arben Fetai, tha se si qeveri zotohen se do të bëjnë përpjekje për të sjellë drejtësi për rastet si ai në Spitalin Modular, në Llaskarcë dhe rastit “Besa Trans”.

“Sot e kësaj dite nuk ka drejtësi për viktimat për familjarët e tyre, njëjtë siç nuk ka drejtësi për viktimat në rastet e tjera. Drejtësia e vonuar është padrejtësi. Më 8 shtator bëhen katër vite nga tragjedia në Tetovë dhe institucionet ende nuk kanë sjellur drejtësinë në vend. Si qeveri zotohemi se do të bëjmë përpjekjet maksimale për të sjellë drejtësinë për tragjedinë e Tetovës, si dhe për rastet e Llaskarcës dhe autobusit në Bullgari”, tha mes tjerash Fetai.

Ndryshe, në zjarrin tragjik në Spitalin Modular që shpërtheu më 8 shtator të vitit 2021, ndërruan jetë 14 persona. Për zjarrin tragjik Prokuroria ngriti aktakuza ndaj ish-drejtorit mjekësor të Spitalit të Tetovës, Florin Besimi, ish-drejtorit ekononmik Artan Etemi, mjekut përgjegjës për kovid-qendrën Boban Vuçevski, si dhe Spitalit të Tetovës si person juridik./Telegrafi/

The post Do të ndërtohet park përkujtimor për viktimat në Spitalin Modular në Tetovë appeared first on Telegrafi.

Aktori izraelit, Alon Aboutboul, ka ndërruar jetë në moshën 60-vjeçare dhe trupi i tij i pajetë u gjet në plazhin HaBonim në Izraelin verior.

Alon luajti rolin e Dr. Pavel në “The Dark Knight Rises”, filmi i fundit i Christopher Nolan për Batmanin.

Të martën në mëngjes, ai po notonte në plazhin HaBonim në Tel Aviv kur doli nga deti. Më pas u rrëzua.

Paramedikët mbërritën shpejt në vendngjarje, por nuk arritën ta ringjallnin, pavarësisht përpjekjeve për një orë.

Shkaku i vdekjes është aktualisht i panjohur dhe ai la pas gruan dhe katër fëmijët e tij.

Përveç filmit për Batmanin, luajti edhe në disa filma izraelitë dhe në “Rambo III”. U shfaq edhe në serialin e njohur televiziv “Snowfall”, ku luan edhe aktori Damson Idris.

Kohët e fundit, Alon u shfaq në serialin “The German” si Amos Shapira për tetë episode dhe ia huazoi zërin serialit “Pantheon”.

U shfaq gjithashtu në serialin “FBI: International” si dhe në role të ftuar në “Hawaii Five-0”, “NCIS: Los Angeles” dhe “Lost and Found”. /Telegrafi/

The post Aktori izraelit Alon Aboutboul u gjet i pajetë në plazhin e Tel Avivit appeared first on Telegrafi.

Nga: Dave Simpson / The Guardian
Përkthimi: Telegrafi.com

Me dëbimet masive të emigrantëve nëpër Amerikë – pa përmendur raportimet për njerëz të lidhur me pranga ose që detyrohen të gjunjëzohen dhe të hanë “si qen” – Nora Guthrie është e zhgënjyer meqë, për këtë çështje, nuk ka pasur më shumë zhurmë nga muzikantët.

“Kam dalë në protesta në çdo fundjavë,” thotë vajza 75-vjeçare e kantautorit Woody Guthrie dhe themeluese e Arkivit “Woody Guthrie”. “Dhe, e kam pyetur veten: ‘Ku janë këngët që mund të këndojmë për këtë?’”

Në kërkim të një kënge që i përshtatet momentit, ajo iu rikthye këngës Deportee [Të dëbuar], të cilën babai i saj e shkroi në vitin 1948 si reagim ndaj një aksidenti ajror në Kaliforni ku u vranë katër amerikanë dhe 28 punëtorë emigrantë meksikanë të cilët po dëboheshin. “Disa ditë më vonë, vetëm amerikanët u përmendën me emër, ndërsa të tjerët u quajtën ‘të dëbuar,” shpjegon vajza e Norës, Anna Canoni – e cila së fundmi ka marrë detyrën e presidentes së publikimeve “Woody Guthrie” – në një telefonatë të përbashkët nga Nju-Jorku. “Woody lexoi për këtë ngjarje në New York Times dhe të njëjtën ditë shkroi tekstin.”

Lexo po ashtu:

– Kënga që bashkon dhe “ndan” amerikanët
– Woody Guthrie, ikona e folkut amerikan

Fillimisht një poezi, kënga (shpesh me nën-titullin Plane Wreck at Los Gatos / Rrëzimi i aeroplanit në Los Gatos) u bë e njohur nga këngëtarët e folkut, Martin Hoffman dhe Pete Seeger, dhe që atëherë është interpretuar edhe nga artistë si Bruce Springsteen dhe Joni Mitchell. Por, tani, falë përparimeve në teknologjinë e restaurimit të audios, përmes inteligjencës artificiale [IA], më në fund mund të dëgjojmë versionin origjinal të Guthriet të incizuar në shtëpi – dhe është befasuese se sa fuqishëm flet për mënyrën se si punëtorët emigrantë demonizohen edhe sot. Ai këndon: “Bien si gjethe të thata që kalben mbi dheun tim”, “dhe quhen vetëm ‘të dëbuar’.” Këngëtari Billy Bragg pohon: “Kur ICE [Agjencia për Emigracionin dhe Doganat në ShBA] po mbledh njerëz nëpër fusha, kjo këngë është më aktuale se kurrë.”

Fillimisht e publikuar si një singël, Deportee gjendet gjithashtu në Woody at Home, Vol 1 dhe 2, një koleksion i ri me 22 këngë nga incizimet e fundit të Guthriet (përfshirë 13 këngë që nuk ishin dëgjuar më parë), të realizuara në shtëpi në vitet 1951 dhe 1952 – vetëm disa muaj para se të shtrohej për herë të parë në spital për shkak të sëmundjes neurodegjenerative të Hantingtonit që çoi në vdekjen e tij në vitin 1967, në moshën 55-vjeçare.

“Ai ishte futur në listën e zezë [gjatë periudhës së McCarthyt, për shkak të aktivizmit], kështu që nuk mund të performonte më dhe nuk lejohej të dilte në radio,” thotë Nora. “Hantingtoni po depërtonte në trupin dhe mendjen e tij. Këto incizime janë një përpjekje e fundit për të nxjerrë këngët nga vetja, sepse ndjente se diçka nuk po shkonte siç duhet.”

Angazhimi i Guthriet për punëtorët emigrantë dhe drejtësinë sociale buronte nga përvoja personale. I lindur në një familje të klasës së mesme në Okemah të Oklahomës, ai ishte vetëm 14 vjeç kur familja e tij humbi shtëpinë dhe më pas jetoi përmes periudhës së thatësirës, depresionit të madh ekonomik, Luftës së Dytë Botërore dhe ngritjes së fashizmit. “Ai u detyrua të migrojë nga Oklahoma në Kaliforni,” thotë Bragg. “E dinte çfarë do të thotë të humbësh shtëpinë, të mbetesh pa asgjë, të jetosh në rrugë. ‘Okit [oklahomasit]’ nuk ishin aspak ndryshe nga punëtorët meksikanë – dhe përçmoheshin po aq.”

Duke performuar me sloganin “Kjo makinë vret fashistët” të shkruar mbi kitarën vet, Woody Guthrie pati debutimin më 1940, me Dust Bowl Ballads apo atë që Anna i quan “këngë të drejtpërdrejta për njerëz të goditur rëndë.”

Ai shkroi himnin e tij më të famshëm, This Land Is Your Land – një version i ri i të cilit hap albumin Woody at Home me strofa shtesë – pas një udhëtimi rrugor, siç thotë edhe teksti, “nga Kalifornia në ishullin e Nju-Jorkut”.

“Woody e shkroi këtë këngë sepse ishte vërtet shumë i irrituar që dëgjonte gjithandej këngën God Bless America [Zoti bekoftë Amerikën] të Irving Berlinit,” thotë Billy Bragg. “E bezdiste tmerrësisht. Unë madje kam parë dorëshkrimin origjinal të këngës dhe, në krye, Woody e kishte titulluar fillimisht God Blessed America for You and Me [Zoti e bekoftë Amerikën për mua e për ty], që më bën të mendoj se ai ka të drejtë të quhet kantautor alternativ – një lloj pank-rokeri.”

Nga fillimi i viteve ‘30 e deri në vitet ’50 të shekullit XX, Guthrie shkroi një numër të pabesueshëm prej tre mijë këngësh, nga të cilat incizoi më shumë se 700. Incizimet Woody at Home u bënë në apartamentin me qira të familjes në Bruklin me një pajisje primitive që ia kishte dhuruar publikuesi i tij, me qëllim që t’i shiste këngët tek artistët e tjerë. Ndërsa gruaja e tij punonte jashtë, këngëtari gjithnjë e më i sëmurë arriti të incizojë 32 bobina shiriti, duke u kujdesur ndërkohë për të tre fëmijët. Në këto incizime dëgjohen trokitjet në derë dhe madje edhe zëri i Norës kur ishte foshnjë, bashkë me mesazhe të shkurtra të incizuara si bisedë.

“Ai shkruante mbi divan, ndërsa ne fëmijët i hidheshim mbi kokë,” thotë Anna. “Shkruante mbi letra dhuratash apo letra kuzhine. Disa nga thëniet më të bukura të Woodyt i kemi gjetur në letra, si ajo që i shkroi Alan Lomaxit në vitin 1948: ‘Një këngë popullore është për atë që nuk është në rregull dhe si ta rregullosh.’ Ndonjëherë kishte kohë vetëm për një titull. Gjithçka i dilte aq shpejt, saqë duhej ta hidhte menjëherë në letër.”

Woody at Home përmban këngë të panjohura më parë për racizmin (Buoy Bells From Trenton), fashizmin (I’m a Child Ta Fight) dhe korrupsionin (Innocent Man), por gjithashtu shpalos edhe gjerësinë e repertorit të Guthriet. Ka këngë për dashurinë, për Jezus Krishtin, për atomet … madje, edhe për Albert Einsteinin të cilin e kishte takuar dhe udhëtuar me tren. Norës i duket qesharake që babai i saj kishte shkruar “jo më pak se pesë këngë për larjen e enëve.”

Guthrie shkroi Old Man Trump, i njohur gjithashtu si Beach Haven Race Hate, për qiradhënësin e tyre, Fred Trump – babai i Donald Trumpit – dhe politikat e tij segreguese për strehim. Woody at Home përfshin edhe një këngë tjetër për të: Backdoor Bum and the Big Landlord. “Është në fakt historia e një njeriu që ka gjithçka, por nuk jep asgjë; dhe një tjetri që s’ka asgjë, por jep gjithçka,” thotë Nora. “Pjesa ime e preferuar është kur pronari arrin në Parajsë me ar. E dërgojnë në Ferr dhe ai thotë: ‘Më sillni menaxherin tuaj. Do ta blej këtë vend dhe do t’ju nxjerr jashtë.’ Arroganca dhe ndjenja e epërsisë janë të pabesueshme, por kjo e përshkruan qartë një personazh që të gjithë njohim. Ne kemi jetuar në ndërtesat e Trumpit. E dimë shumë mirë kush janë.”

Familja u zhvendos në Kuins ku, kur Nora ishte 11 vjeçe, hapi derën për një kantautor kureshtar 19-vjeçar me emrin Robert Zimmerman. Bob Dylani i ardhshëm kishte lexuar autobiografinë e Guthriet, Bound for Glory. “Isha pak e mërzitur sepse po shikoja [programin televiziv] American Bandstand dhe më duhej të hapja derën,” thotë ajo. “Ishte një djalë që dukej pluhurosur dhe i çuditshëm. Ia përplasa derën dhe u ktheva të shikoja televizor. Por, ai vazhdoi të trokiste.”

Filmi biografik për Dylanin, A Complete Unknown (2024), dramatizon takimet ikonike të vitit 1961 midis adoleshentit që do të bëhej legjendë dhe idhullit të tij të sëmurë e të shtruar në spital. Nora e pëlqen filmin, por thekson: “Babai im nuk ishte i vetëm në një dhomë, siç paraqitet në film. Ai ishte në një pavijon me 40 pacientë, në një spital psikiatrik, sepse atëherë nuk kishte pavijone të veçanta për njerëzit me sëmundjen e Hantingtonit. Kishte një dhomë me diell anash, ku Bobi e takonte, i sillte stilolapsa dhe cigare. Sa më kujtohet mua, Bobi jo vetëm që Woodyt ia këndonte këngët e veta” – Dylan më pas incizoi një homazh shumë të prekshëm, Song to Woody – “por, i këndonte edhe këngët e babait tim për të. Nuk mund ta theksoj sa duhet se sa i mirë ishte Bobi, por ai e kuptonte që Woodyt i duhej të dëgjonte çfarë kishte arritur.”

Në atë kohë, gjendja e Guthriet ishte shumë e rënduar. “Për shkak të sëmundjes së Hantingtonit, unë nuk e pata një baba në kuptimin tradicional të fjalës,” thotë Nora. “Ai nuk mund të fliste apo të mbante biseda të gjata si kjo që po bëjmë tani. Nuk kishim as kontakt fizik, sepse me Hantingtonin trupi është gjithmonë në lëvizje. Duhej t’ia mbaje krahët që të mund ta përqafoje. Nëse dilnim ndonjëherë për të ngrënë jashtë, njerëzit na shikonin sikur të ishte i dehur – dhe kjo më dhembte.” Nora u bë kujdestarja e Woodyt dhe, përmes përkushtimit të saj të palodhur për ruajtjen e trashëgimisë së tij, ka vazhduar të kujdeset për të që atëherë.

“Kjo ndodhi krejt rastësisht,” shpjegon ajo, duke treguar se kishte kaluar 10 vite si balerinë profesioniste kur – në vitin 1991 – menaxheri i Woodyt, që po tërhiqej nga puna, e thirri për të rregulluar disa kuti me dokumente. “Një nga gjërat e para që nxora ishte një letër nga John Lennoni,” thotë ajo, duke sjellë letrën e kornizuar, dërguar familjes në vitin 1975, për ta parë unë. Në të shkruhet: “Woody jeton, dhe kjo më gëzon.” Zbulimi tjetër ishin tekstet origjinale të This Land Is Your Land. “Ishte një thesar i vërtetë.”

Dhe, ende ka shumë për të zbuluar. Pasardhësit e tij shpresojnë të frymëzojnë kantautorët – dhe protestuesit e rinj të sotëm në të njëjtën mënyrë siç Woody frymëzoi Dylanin, Springsteenin dhe shumë të tjerë. “Ne e shohim veten si ata që mbajnë qymyrin ndezur,” thotë Anna. “Ne e mbajmë flakën e Woodyt gjallë në mënyrë që, sa herë dikush dëshiron të ndez zjarrin brenda vetes, Woody do të jetë aty – i nxehtë dhe i gatshëm.” /Telegrafi/

The post Thesaret e humbura të Woody Guthriet, të shpëtuara nga IA-ja appeared first on Telegrafi.

Policia e Kosovës ka parandaluar një rast të shmangies nga taksat doganore në pikën kufitare në Han të Elezit.

Policia njofton se më 29.07.2025, njësitet patrulluese kufitare nga DRPK-Lindje (Stacioni Policor për Mbikëqyrje të Kufirit Kaçanik) në Han të Elezit kanë ndaluar një automjet të dyshuar me targa të Republikës së Maqedonisë së Veriut të drejtuar nga një shtetas i Maqedonisë së Veriut, i cili përkundër pohimit se nuk ka asgjë për të deklaruar tek zyrtarët doganorë i janë gjetur afro 4 mijë çorapë.

“…Njësitë patrulluese kufitare nga DRPK-Lindje (Stacioni Policor për Mbikëqyrje të Kufirit Kaçanik) në Han të Elezit kanë ndaluar një automjet të dyshuar me targa të Republikës së Maqedonisë së Veriut të drejtuar nga një shtetas i Maqedonisë së Veriut, i cili përkundër pohimit se nuk ka asgjë për të deklaruar tek zyrtarët doganorë, pas ndaljes në pikën e kontrollit, gjatë kontrollit të detajuar në bagazh janë gjetur një sasi prej gjithsej 3,780 copë – çorapësh të markave të mbrojtura tregtare si Nike dhe Adidas, si dhe në pjesën e përparme të automjetit (në sirtarin e pasagjerit) janë zbuluar edhe 47 thika gjahu me këllëfë për të cilat nuk është paraqitur asnjë dokumentacion shoqërues”, thuhet në njoftim.

Lidhur me rastin është njoftuar prokurori kujdestar nga Prokuroria Themelore në Ferizaj, i cili ka urdhëruar që rasti të trajtohet si “Shmangie nga taksat doganore”.

Tutje bëhet e ditur se mallrat e dyshuara janë konfiskuar përkohësisht dhe i dorëzohen Doganës se Kosovës. Automjeti është liruar, ndërsa personi i dyshuar është liruar në procedurë të rregullt. /Telegrafi/

The post Shtetasi i Maqedonisë kapet në Han të Elezit me afro 4 mijë çorapë të markave Nike dhe Adidas dhe 47 thika gjahu appeared first on Telegrafi.

Vetëm pak ditë na ndajnë nga Sunny Hill Festival 2025, një nga ngjarjet më të mëdha muzikore në rajon dhe Banka ProCredit është sponsori gjeneral që sjell përkrahje e energji për këtë festë ndërkombëtare.

Me performanca nga emra të njohur botërorë dhe energji që ndez Prishtinën, festivali këtë vit pritet të thyejë çdo rekord. Klientët e Bankës ProCredit do të kenë qasje të lehtësuar për blerjen e biletave online, pagesa të shpejta brenda festivalit përmes kartelës dhe aplikacionit mobil të Sunny Hill që mund të mbushet paraprakisht për përdorim të menjëhershëm.

Chill zone dhe përvoja

Në zemër të festivalit do të jetë Chill Zone e Bankës ProCredit – një hapësirë e gjallë dhe kreative me aktivitete interaktive, kënd fotografimi dhe relaks nën hijen shumëngjyrëshe. Një vend ideal për kujtime dhe argëtim me miqtë.

Klientët e Bankës ProCredit përjetojnë më shumë me PAKO ZERO!

Nëse ende nuk je klient i bankës, tani është koha më e mirë për të zgjedhë njërën nga pakot tona, për të kaluar pagën në ProCredit dhe për të përfituar!

PAKO ZERO – një paketë pa asnjë kosto mujore për të gjithë pagëmarrësit (0.00€):

-Llogari në EUR me mirëmbajtje falas, përgjithmonë

-Kartela e parë e debitit falas

-Deponime dhe tërheqje falas në bankomatët e Bankës ProCredit

-Transaksione falas në POS të bankës dhe e-Banking falas

-Pagesa pa kosto për institucionet publike dhe private përmes e-Banking

-Transfere të brendshme falas brenda Bankës ProCredit

-Ndryshim dhe riaktivizim i PIN-it pa pagesë, përmes aplikacionit apo bankomatit

-Kthim i kartelës së mbetur në bankomat dhe aktivizim i 3D Secure PIN për blerje të sigurta online

PAKO PROSTUDENT – 0.00€/mujore

E krijuar posaçërisht për studentë, kjo pako ofron shërbime bazike pa asnjë kosto mujore:

-Llogari rrjedhëse, FlexSave dhe depozita me afat – pa tarifë për hapje, mirëmbajtje apo mbyllje

-Kartelë debiti – lëshimi, mirëmbajtja dhe dërgimi me postë falas

-Tërheqje në POS të caktuara dhe depozita në bankomatët e ProCredit Bank

-Shërbime digjitale pa kosto: e-Banking, m-Banking, njoftime SMS

-Pagesa online të sigurta me 3D Secure PIN

-Ndryshim ose riaktivizim i PIN-it në bankomat/m-Banking

-Transferta ndërmjet llogarive personale dhe brenda bankës

-Pagesa për institucione arsimore, publike e kompani sigurimesh

PAKO STANDARD – 2.00€/mujore, 12 muajt e parë FALAS

Pako e plotë për individë që kërkojnë më shumë fleksibilitet në shërbimet bankare:

-Të gjitha përfitimet e Pakos ProStudent: tërheqje në bankomatët e Bankës Procredit falas dhe pa limit, tërheqje në bankomatët e bankave të tjera në Kosovë me 3 tërheqje falas në muaj, kurse pas tërheqjes së 3-të vetëm 0.50€

-Mundësi për të hapur FlexSave për fëmijë

-Shërbime të avancuara për urdhër-pagesa dhe transferta brenda dhe jashtë vendit përmes e-Banking

-Mbështetje e plotë për pagesa ndaj institucioneve publike, universiteteve, ambasadave e shkollave private

Zgjidh pakon që të përshtatet dhe Apliko online për hapje të llogarisë – ProCredit Bank

Bli bileta online, paguaj brenda festivalit, vetëm me kartelën e Bankës ProCredit!

Për përvojë pa stres, shkarko aplikacionin zyrtar të Sunny Hill, mbushe llogarinë paraprakisht dhe paguaj lehtë e shpejt.

Mos harro, mjafton një aplikim online për të përfituar dhe shijuar eksperiencën.

The post Sunny Hill Festival 2025 – vetëm 3 ditë larg, Banka ProCredit gati për të festuar me ju appeared first on Telegrafi.

Gjermania ka nevojë për më shumë ushtarë. Por për momentin ende nuk planifikohet rifutja e shërbimit të detyrueshëm ushtarak. Në vend të tij Bundeswehr-i po rekruton vullnetarë dhe suksesi është i dukshëm.

Të shkosh vullnetarisht në Bundeswehr, të mësosh të marshosh dhe të flesh në kazermë në krevat marinari?

Shumë të rinj gjermanë nuk e përfytyrojnë dot një gjë të tillë.

Por Tomi po. 23-vjeçari nga Erfurti mendon t`i bashkohet Bundeswehr-it.

“Kombinimi i të qenit në shoqëri dhe i frymës së ekipit më magjeps”, thotë ai për DW. “Dhe dua të zhvilloj veten më tej”.

Kjo është arsyeja pse Tomi, me bluzë të zezë dhe me trup prej atleti, ndodhet tani në zyrën e këshillimit të Bundeswehr-it në Erfurt.

Ajo gjendet në një qendër tregtare midis një supermarketi dhe një palestre.

Të interesuarit si ai janë shumë të mirëpritur aty, pasi Bundeswehr-i kërkon personel.

Motoja është: Mos largoni askënd! Edhe ata, që vijnë pa takim paraprak, me pak fat do të gjejnë shpejt një këshillues.

Ose të paktën një fletëpalosje informuese ngjyrë ulliri me mbishkrimin disi patetik: “Këtu siguroni Gjermaninë dhe të ardhmen tuaj”.

Biseda e parë me këshilltarin e Bundeswehr-it

Para se të vendosë, Tomit i duhen disa informacione.

Tony Baumann, këshilltari me uniformë, e pyet me mirësjellje për përvojën dhe qëllimet e tij profesionale. Tom ka punuar në shëndetësi, në administratë, për shtatë vjet.

Bundeswehr-in ai e njeh nga një praktikë që ka bërë aty, kur ishte nxënës. Edhe një shok, që është ushtar, i ka treguar disa gjëra.

Shërbimi në ushtri ose në misione jashtë vendit nuk do të ishin problem për Tomin.

“Unë dua edhe t’i kthej diçka vendit tim. Më ka dhënë shumë, arsimim falas për shembull”.

Me afërsisht 182.000 ushtarë dhe 80.000 punonjës civilë, Bundeswehr-i është një nga punëdhënësit më të mëdhenj të Gjermanisë.

Ai i tërheq të interesuarit me një gamë të gjerë programesh trajnimi dhe diplomimi.

“Këtu ka mundësira, që nuk i gjen dot në sektorin privat”, thotë Tom.

Ai po mendohet, nëse fillimisht do të bëjë shërbimin ushtarak vullnetar apo do të angazhohet menjëherë në disa vite shërbim.

Qendra e vlerësimit në kazermë

Vetëm tre kilometra larg zyës së këshillimit gjendet kazerma Lëberfeld. Roja kontrollon kartat e identitetit. Pastaj ata shkojnë në qendrën e karrierës së Bundeswehr-it, njëra nga 15 të tilla në të gjithë Gjermaninë. Këtu të gjithë aplikantët nga Turingia dhe Saksonia duhet të kryejnë një sërë testesh. Rezultatet përcaktojnë, nëse ata pranohen në Bundeswehr.

Në dhomën e gjimnastikës dy të rinj po bëjnë testin fizik. Është ngrohtë, dielli hyn nga dritaret. Të dy pedalojnë me forcë mbi ergometra, për të arritur rezultatin që kërkohet. Më parë ata kishin vrapuar nëpër dhomë dhe ishin varur në një shufër horizontale, derisa u kishin dalë bulëzat e djersës në ballë.

Edhe pse nevoja për personel është e madhe, Bundeswehr-i nuk pranon secilin. Kriteret si shëndeti, përgatitja fizike duhet të plotësohen, po ashtu si dhe qëndrimi personal. Nëse një aplikant nuk respekton rendin demokratik dhe të gjitha parimet e tij, procesi merr fund këtu

Rreth një ndër pesë aplikantë nuk e kalojnë provimin, thotë koloneli Kim Frerichs, i cili drejton Qendrën e Karrierës në Erfurt.

Megjithatë ai është shumë i kënaqur me shifrat aktuale: Numri i aplikimeve dhe punësimeve është rritur me rreth 20 përqind këtë vit. Ky është “edhe një efekt i luftës në Ukrainë”, thotë Frerichs, gjë që për shumë është një motivim.

Kështu vazhdon trendi nga viti 2024: Vitin e kaluar Bundeswehr-it i erdhën gati një të pestën më shumë aplikime sesa para një viti.

A mund ta mbulojnë vullnetarët kërkesën e lartë për ushtarë?

Bundeswehr-i po zgjerohet përsëri, pasi u tkurr me një total prej rreth 3.000 ushtarësh mes viteve 2020-2024.

Por jo çdo rekrut i ri qëndron në ushtri.

Përveç kësaj shumë ushtarë dalin në pension për shkak të moshës.

A do të jetë ende e mundur të rekrutohen deri në 60.000 ushtarë shtesë në vitet e ardhshme? Ky është plani i ministrit të Mbrojtjes, Boris Pistorius (SPD). Ai e argumenton këtë me kërcënimin nga Rusia dhe kërkesat në rritje të NATO-s.

Megjithë këtë qëllim ambicioz ministri i Mbrojtjes për momentin i përmbahet shërbimit vullnetar. Ai dëshiron ta bëjë shërbimin ushtarak më tërheqës, kryesisht përmes pagave më të mira.

Dhe në të ardhmen të gjithë 18-vjeçarët do të marrin postë nga Bundeswehr-i. Meshkujt duhet ta plotësojnë dhe ta dërgojnë pyetësorin, ndërsa femrat mund ta bëjnë këtë.

Ai përmban pyetje lidhur me shëndetin dhe gatishmërinë për të kryer shërbimin ushtarak.

Ekzaminimi mjekësor,dhe fizik, do të rikthehet gradualisht për të gjithë të rinjtë meshkuj.

Pa “elementë të tillë të detyrueshëm”, nuk mund të funksionojë, mendon Kim Frerichs, i cili ka praktikë në këtë sektor.

Pistorius po merr masa paraprake për rastin, nëse “shtrëngimi i butë” nuk do të mjaftojë: Me ligjin e ri të planifikuar për shërbimin ushtarak, ai po përfshin mundësinë për të riaktivizuar rekrutimin. Ky opsion synon të përdoret, nëse nuk gjenden mjaftueshëm vullnetarë ose nëse situata e rrezikut përshkallëzohet. Projektligji pritet të diskutohet nga kabineti qeveritar në fund të gushtit.

Imazh më i mirë për Bundeswehr-in, më shumë aplikantë

Kthehemi në zyrën e këshillimit për karrierën në qendër të Erfurtit. Çfarë u intereson të dinë për Bundeswehr-in të rinjve, që vijnë këtu? “Shpesh pyesin, nëse mund të merren me sport ose të marrin patentë shoferi ndërsa janë në ushtri”, shpjegon këshilltari Tony Baumann, i cili zhvilloi edhe intervistën me Tomin.

Paratë janë gjithashtu një temë për aplikantët e mundshëm, disa prej të cilëve vijnë me prindërit e tyre.

“Nuk kemi pse të fshihemi”, thotë Baumann. “Nëse dikush dëshiron të bëjë shërbim ushtarak vullnetar menjëherë pas shkollës, atij i sigurohen 1.800 euro neto këtu dhe perveç kësaj i ofrohet akomodim falas, udhëtim falas me tren dhe kujdes mjekësor falas, kjo është shumë joshëse”.

Edhe pajisjet e Bundeswehr-it luajnë rol. Ato janë përmirësuar ndjeshëm, që kur qeveria gjermane investoi shumë para për pajisjen e trupave me armë moderne. Të dish që Bundeswehr-i është i pajisuar shumë mirë dhe i azhurnuar teknologjikisht, thotë Baumann, është padyshim një motivim shtesë për aplikantët. /DW/

The post Gjermania në kërkim të më shumë ushtarëve – sukses i dukshëm me rekrutimin vullnetar appeared first on Telegrafi.

Ulçerat në gojë janë të zakonshme, por ekspertët paralajmërojnë se duhet t’i raportoni në disa raste të veçanta. Nëse nuk shërohen ose nëse i merrni shpesh, ia vlen të kontrolloni nëse kjo është normale.

Edhe pse mund të mendoni se nuk ka ndonjë problem serioz me to, është më mirë të jeni të kujdesshëm dhe të bëni kërkime ose të vizitoheni nëse keni ulçera që përsëriten shpesh ose nuk largohen.

Cancer Research thotë: “Është e zakonshme të krijohen ulçera të vogla në gojë kur jeni të lodhur apo të dobësuar – zakonisht largohen për rreth dy javë. Por duhet të raportoni te mjeku ose dentisti një ulçerë apo një njollë të kuqe ose të bardhë që nuk shërohet pas 3 javësh”.

NHS jep këshilla të ngjashme, por thekson se ka disa mënyra që mund t’i provoni vetë për t’i trajtuar ulçerat në gojë. Në përgjithësi, këto ulçera rrallë janë shenjë e ndonjë problemi serioz, por mund të jenë të bezdisshme.

Ato kanë nevojë për kohë për t’u shëruar, dhe nuk ka ndonjë trajtim që i largon menjëherë. Megjithatë, shmangia e gjërave që i irritojnë mund të ndihmojë në përshpejtimin e shërimit, lehtësimin e dhimbjes dhe uljen e mundësisë që të rikthehen.

Shërbimi britanik Kombëtar Shëndetësor (NHS) rekomandon:

Përdorni një furçë dhëmbësh me qime të buta.

Pini pije të ftohta me pipëz.

Hani ushqime të buta.

Bëni kontrolle të rregullta dentare.

Ndiqni një dietë të shëndetshme dhe të balancuar.

Çfarë duhet të shmangni:

Mos konsumoni ushqime pikante, të kripura ose acidike.

Shmangni ushqimet e forta dhe të ashpra si tostin apo patatinat.

Mos pini pije shumë të nxehta ose me acid, si p.sh. lëngje frutash.

Shmangni përdorimin e pastave të dhëmbëve që përmbajnë sodium lauryl sulfate.

Duke ndjekur këto këshilla të thjeshta, mund të ndihmoni në parandalimin e përsëritjes së ulçerave në gojë dhe të mbani gojën tuaj të shëndetshme dhe pa dhimbje.

The post Ulçera që nuk largohet? Ekspertët paralajmërojnë çfarë të bëni appeared first on Telegrafi.