Disa truke të thjeshta bukurie mund t’ju bëjnë të dukeni vite më të rinj

Meqë koha lë shenja në lëkurën tuaj, si linja të holla dhe rrudha, ndryshimi i rutinës së grimit mund të jetë pikërisht ajo që ju duhet për të ruajtur shkëlqimin rinor.

Vendosni konturin më lart mbi mollëza

Artistët e grimit rekomandojnë të aplikoni konturin më shumë mbi mollëza, dhe jo në thellësinë e faqeve.

“Konturi krijon hijen natyrale në fytyrë, por nëse vendoset shumë poshtë, do të dukeni edhe më të vjetër,” këshillon Lauren Hale, për Best Life.

“Prandaj, duke vendosur konturin më lart mbi mollëza, do të ngremë vizualisht faqet,” shton ajo, transmeton Telegrafi.

 original sound – Lauren Hale

Përdorimi i korrektorit nën sytë

Hale thotë se ekziston një gabim tjetër i zakonshëm që bëjnë gratë mbi 40 vjeç kur aplikojnë grimin – përdorimi i keq i korrektorit, duke mbushur kryesisht “këndin” nën sy.

“Problemi është që mendojmë se fshehim rrathët e zinj, por në fakt e vendosim korrektorin në zonën ku janë linjat e holla dhe tekstura e syrit, duke i theksuar edhe më shumë rrudhat për shkak të reflektimit të dritës.”

Hale sugjeron të aplikoni korrektorin në një vijë diagonale lart, duke nisur nga cepi i jashtëm i syrit drejt vijës së flokëve. Kjo do të ndriçojë dhe ngrejë pamjen, pa tërhequr vëmendjen tek linjat e holla apo rrudhat që mund të keni nën sy. /Telegrafi/

The post Nëse bëni këto dy gabime gjatë grimit, do të dukeni më e vjetër appeared first on Telegrafi.

Presidenti i SHBA-së, Donald Trump, kishte premtuar se do t’i jepte fund “luftërave të përjetshme” të Amerikës jashtë vendit. Me gjithë premtimet elektorale, Trump gjatë pesë muajve të parë të mandatit të dytë presidencial kreu pothuajse po aq sulme ajrore sa paraardhësi i tij, Joe Biden, gjatë gjithë mandatit katërvjeçar.

Sulmet e Trumpit kundër militantëve Houthi në Jemen dhe xhihadistëve në Somali ishin më të ashpra se ato të Bidenit, dhe ai urdhëroi gjithashtu goditje në Irak, Siri dhe së fundmi në Iran.

Edhe pse fushatën e udhëhoqi me premtimin për t’i dhënë fund përfshirjes së SHBA-së në konfliktet ushtarake, ai e intensifikoi ndjeshëm fushatën ajrore, sipas të dhënave nga organizata ACLED (Të Dhëna për Vendndodhjen dhe Ngjarjet e Konflikteve të Armatosura), e cila harton konfliktet.

Që nga inaugurimi, 79-vjeçari ka mbikëqyrur 529 sulme ajrore, krahasuar me 555 gjatë tërë katër viteve të administratës së mëparshme të Bidenit, transmeton Telegrafi.

Siria, Iraku, Jemeni dhe Somalia kanë qenë tashmë objektiva të administratës së mëparshme, por Trump hapi një front të ri me sulmet ndaj programit bërthamor iranian.

“Ushtria amerikane po vepron më shpejt, godet më fort dhe me më pak kufizime”, tha profesoresha Clionadh Raleigh, drejtoreshë e ACLED-it, duke theksuar intensitetin e fushatave.

Sulmet ajrore

Trump këmbëngul se qasja e tij intensive garanton “paqe përmes forcës”, një shprehje që shpesh lidhet me ish-presidentin amerikan, Ronald Reaganin.

“Do ta matim suksesin jo vetëm sipas betejave që fitojmë, por edhe sipas luftërave që përfundojmë, dhe më e rëndësishmja, sipas luftërave në të cilat kurrë nuk hyjmë. Kjo quhet paqe përmes forcës”, tha Trump gjatë ballos inauguruese, shkruan idenpendent.

Ai nuk kreu sulme në Libi apo Afganistan, dhe sulmet ajrore shpesh shihen si një alternativë ndaj dërgimit të trupave amerikane, gjë që e bëri ish-presidenti amerikan, Barack Obama.

Raporti i ACLED-it u publikua në mes të tensioneve brenda bazës së mbështetësve të Trumpit, të njohur si MAGA, lidhur me atë nëse lideri amerikan duhet të angazhohet fare në ndërhyrje ushtarake.

Përfaqësues të spikatur të MAGA-s, si Tucker Carlson, muajin e kaluar kritikuan sulmet ndaj Iranit, duke thënë se ato shkelin premtimet izoluese të Trumpit për “Amerikën në radhë të parë”.

Marjorie Taylor Greene, një besnike me ndikim e lëvizjes MAGA, ka thënë se ekziston një “ndarje e madhe” brenda bazës dhe se është “e ngopur” me ndërhyrjet e huaja.

“Jam zgjedhur mbi të njëjtat premtime si presidenti Trump. Premtuam: jo më luftëra të huaja, jo më ndërrim regjimesh”, pohoi ajo.

Megjithatë, sondazhet tregojnë se Trumpi vazhdon të ketë mbështetje të fortë: 84 për qind e përkrahësve të MAGA e mbështesin fushatën e sulmeve, prej të cilëve 70 për qind e shprehin këtë mbështetje në mënyrë të fuqishme.

Për krahasim, 72 për qind e republikanëve tradicionalë gjithashtu i mbështesin sulmet, ndërsa 49 për qind e tyre fuqimisht.

Sipas profesoreshës Raleigh, statistikat e reja tregojnë se Amerika nuk po tërhiqet “prirja ndërhyrëse e Trumpit ngre pyetjen “a e thyen kjo premtimin për t’i dhënë fund luftërave, apo janë sulmet ajrore në fakt metoda e tij për t’i shmangur ato? Vetëm për pesë muaj, Trump ka mbikëqyrur pothuajse të njëjtin numër sulmesh si administrata e mëparshme për katër vjet. Ushtria vepron më shpejt, godet më fort dhe me më pak kufizime. Siria, Iraku, Afganistani, Jemeni, Somalia dhe tani edhe Irani – janë të gjitha objektiva të njohura, por kjo nuk është një histori gjeografie, por frekuence”.

Sulmet në Jemen, Iran, Irak, Siri dhe Somali

Numri më i madh i sulmeve është regjistruar në Jemen – plot 470 që nga janari – të drejtuara kundër aleatëve iranianë, Huthëve, të cilët po rrezikojnë trafikun detar në Detin e Kuq.

Me gjithë bombardimet intensive, Huthët arritën javën e kaluar të fundosin dy anije, duke shkaktuar një dëm të vlerësuar për ushtrinë amerikane mbi një miliard dollarë.

E gjithë bota ka ndjekur me shqetësim zhvillimin e një krize të re në Lindjen e Mesme. Edhe pse Irani dhe SHBA kanë filluar bisedime për programin bërthamor iranian, deri tani nuk ka përparim.

Në muajin qershor, pas shpërthimit të një konflikti të ri mes Izraelit dhe Iranit, Trump kreu një seri sulmesh ndaj objekteve bërthamore në Iran, përfshirë kompleksin e njohur Fordow, i cili ndodhet thellë nën një mal.

Sulmi u realizua me ndihmën e bombarduesve B-2 dhe bombave depërtuese GBU-57 bunker-buster, por vlerësimet fillestare për dëmet janë kontradiktore – Trump pretendon se ka shkatërruar programin, ndërsa Pentagoni ka deklaruar se pasojat kanë qenë të kufizuara.

Shtëpia e Bardhë këmbëngul se Trump po zbaton një politikë të “paqes përmes forcës” dhe se po mbron interesat amerikane pa u përfshirë në luftëra të reja tokësore.

Por, profesoresha Raleigh paralajmëron se “për civilët, kjo do të thotë një valë e re rreziku. Për aleatët, kjo shkakton shqetësim për shkak të paparashikueshmërisë. Dhe për ligjvënësit, është një sinjal i rritjes së pushtetit të ekzekutivit.”

Ajo shton se “pyetja është: A po e përshkallëzon Trump shpejt për të parandaluar luftërat – apo kjo është kthim tek një politikë me rrezik të lartë dhe përgjegjësi të ulët? E vetmja gjë që është e sigurt: Amerika nuk po tërhiqet. Ajo sulmon e para dhe flet më pas”. /Telegrafi/

The post Trump premtoi fundin e luftërave, por bombardimet u rritën më shumë se në katër vitet e Bidenit appeared first on Telegrafi.

Xabi Alonso, trajneri i ri i Real Madridit, ka kërkuar nga drejtuesit e klubit që të përparojnë me transferimin e Rodrit, mesfushorit të Manchester Cityt. Alonso e sheh spanjollin si pasuesin ideal të Toni Kroosit dhe një lojtar rreth të cilit mund të ndërtojë mesfushën e re të Madridit.

Presidenti Florentino Perez është i intriguar nga ideja, por brenda klubit ka hezitime për të shpenzuar një shumë të madhe për një lojtar që së shpejti mbush 30 vjeç. Megjithatë, përvoja dhe cilësia e Rodrit e mbajnë atë në krye të listës së dëshirave të madrilenëve.

Manchester City ka vendosur një çmim të lartë për mesfushorin: rreth 100 deri në 130 milionë euro. Një transferim do të ishte ndër më të shtrenjtët e verës dhe kërkon një angazhim të madh financiar nga Real Madridi.

Rodri është nën kontratë me Cityn deri në vitin 2027 dhe konsiderohet i pazëvendësueshëm në skemat e Pep Guardiolës. Klubi anglez nuk ka nxitje për ta shitur dhe nuk dëshiron të forcojë një rival të mundshëm në Ligën e Kampionëve.

Megjithatë, vetë Rodri ka lënë të hapur mundësinë për një rikthim në La Liga, duke e përshkruar një kalim te Real Madridi si një “nder”. Ekipi i tij është i hapur për bisedime, sidomos në një projekt të ri që po ndërtohet rreth emrave si Kylian Mbappe.

Një pengesë e mundshme është e kaluara e Rodrit te Atletico Madridi, që mund të krijojë ndjeshmëri te tifozët, ndërsa brenda klubit vazhdon debati nëse një investim kaq i madh për një lojtar të kësaj moshe përputhet me filozofinë e re të Madridit.

Për momentin, negociatat mbeten të hapura dhe delikate. Çelësi i transferimit mund të jetë vullneti i vetë Rodrit për të shtyrë drejt një kalimi në “Santiago Bernabeu”. /Telegrafi/

The post Alonso i kërkon Perezit transferimin e yllit që kushton 100 milionë euro appeared first on Telegrafi.

Në episodin e sontëm të emisionit “Prapa Grilave” në TV Dukagjini, gazetari Lirion Lloazani solli rrëfimin e 18 vjeçarit i cili është dënuar për tentim vrasje.

Në moshën kur shumica e të rinjve mendojnë për shkollën, sportin apo ëndrrat e së ardhmes, një 16-vjeçar nga Kosova bleu një thikë për 13 euro dhe e përdori për të therur një bashkëmoshatar.

Sot, në moshën 18-vjeçare, ai ndodhet në Institucionin Korrektues të Lipjanit në vuajtje të dënimit prej dy vitesh për tentim vrasje.

Ngjarja kishte ndodhur në maj të vitit 2023, si pasojë e një konflikti të vogël mes vëllait të tij dhe disa të rinjve të tjerë.

Ai thotë se shoqëria e ka shtyrë të reagojë, pa menduar për pasojat.

Ishte Ramazan, dhe sapo ishte kthyer nga puna me gjyshin. E mori thikën, shkoi në vendin ku pritej dhe në momentin kur bashkëmoshatari e shtyu, humbi kontrollin dhe e goditi tre herë me thikë – në bark, mushkëri dhe gjoks.

“Vetëm një moment adrenalina më mori. Nuk kam mendu as për vdekje, as për burg. Kur e pashë gjakun, më erdhi vetëdija. I ndihmova, e thirra ambulancën”, ka rrëfyer ai.

Ai thotë se nuk e ka pasur zakon të mbajë thikë me vete, por e kishte blerë menjëherë para ngjarjes në një lokal në qendër të qytetit, pa asnjë pyetje nga shitësi. Ky fakt ngre alarmin për lehtësinë me të cilën të miturit mund të blejnë armë të ftohta.

“Lokali është i hapur, nuk të pyet kush as pse po e don. Jam kanë 16 vjet, pagova 13 euro edhe e mora. Edhe sot mundesh me shku e me ble pa problem”, ka rrëfyer ai.

Ky i ri, i cili kishte nisur përdorimin e marihuanës në moshën 14-vjeçare, thotë se ndikimi i saj, bashkë me shoqërinë e gabuar, e shtyu drejt një rrjedhe të rrezikshme. Megjithëse familja dhe madje edhe psikologët e shkollës kishin tentuar ta ndalonin, ai thotë se ndikimi më i madh vinte nga jashtë shtëpisë.

Pasi u arrestua, fillimisht iu shqiptua një dënim prej tre vitesh, por më pas Apeli ia uli në dy.

Në burg, thotë se ka marrë mësime të rëndësishme dhe është transformuar.

“Këtu kam marrë zanate, rregulla për jetë, më ka ndihmu me u ndal prej substancave. E kam kuptu gabimin. Tash i mendoj senet 2-3 herë”, ka thënë ai.

Tutje i dënuari e pranon fajin dhe i kërkon falje të miturit që e ka lënduar dhe familjes së tij.

Rrëfimi i tij është një pasqyrë e drejtpërdrejtë e një realiteti të ashpër me të cilin po përballen të rinjtë – ku mjafton një moment zemërimi dhe një objekt i mprehtë për të shkatërruar jetën e dikujt, apo të vetvetes.

“I kërkoj falje familjes së tij dhe familjes time. Kam qenë barrë për ta një vit e pesë muaj. Tash dua vetëm me punu, me i qëndru afër familjes dhe me i qëndru larg drogës e armëve”, ka thënë ai.

Ky është rrëfimi i një 18-vjeçari që thotë se është i rehabilituar dhe që planifikon një të ardhme ndryshe. Por mbi të gjitha, ky është një kujtim i dhimbshëm për atë që ndodhi kur një fjalë, një shoqëri e gabuar dhe një thikë u bënë bashkë – dhe për pak sa nuk shkaktuan një vrasje të vërtetë./Dukagjini/

The post Një thikë 13 euro dhe një gabim që i kushtoi me burg – rrëfimi i 18-vjeçarit të dënuar për tentim vrasje appeared first on Telegrafi.

Jose Mourinho është i vendosur të luftojë për titullin në Superligën turke dhe drejtuesit e Fenerbahçes janë të gatshëm t’i ofrojnë të gjitha mjetet e nevojshme për të arritur këtë objektiv.

Sipas raportimeve të FootMercato, Paris Saint-Germain mund të luajë një rol të rëndësishëm në këtë projekt ambicioz të klubit nga Stambolli.

“Kanarinët” synojnë të mbajnë në ekip mbrojtësin Milan Skriniar, të cilin kërkojnë ta transferojnë përfundimisht për një shumë prej 10 milionë eurosh.

Përveç tij, Fenerbahçe ka shfaqur interes edhe për mesfushorin Marco Asensio, i cili sezonin e kaluar e kaloi gjysmën e dytë si i huazuar te Aston Villa, si dhe për sulmuesin e krahut Kang-in Lee.

Drejtuesit e klubit turk besojnë se mund ta bindin këtë treshe yjesh të bashkohen me projektin e Mourinhos, pasi asnjëri prej tyre nuk pritet të jetë titullar te PSG në sezonin e ri.

Ky operacion pritet të jetë një nga lëvizjet më të bujshme të merkatos në Turqi, duke e kthyer Fenerbahçen në një nga skuadrat më konkurruese të sezonit 2025/26. /Telegrafi/

The post Mourinho i dëshiron tre lojtarë të PSG-së te Fenerbahce appeared first on Telegrafi.

Vlera totale e tregut të aseteve kripto ka tejkaluar 4 trilionë dollarë për herë të parë, e nxitur nga rritja e altcoin dhe momentumi nga një përpjekje gjithëpërfshirëse legjislative e SHBA-së për të rregulluar sektorin.

Vlera totale e tregut të aseteve kripto ka tejkaluar 4 trilionë dollarë për herë të parë, e nxitur nga rritja e altcoin dhe momentumi nga një përpjekje gjithëpërfshirëse legjislative e SHBA-së për të rregulluar sektorin.

Tregu i opsioneve tregon se tregtarët po rrisin bastet e tyre në çmime edhe më të larta në javët e ardhshme.

“Rruga e Bitcoin drejt 150 mijë dollarëve duket gjithnjë e më e pashmangshme”, tha Fadi Aboualfa, kreu i kërkimit në Copper.

Kriptovaluta vendase përbën rreth 60% të vlerës së të gjithë tregut digjital, raporton KosovaPress.

Ky moment historik vjen pas miratimit të projektligjit të parë federal për stablecoin, një arritje kyçe gjatë asaj që ligjvënësit e quajtën “Java e Kriptomonedhave”.

Projektligji i mbështetur nga republikanët, i mbështetur nga presidenti Donald Trump, do të prezantojë mbikëqyrjen federale ose shtetërore të stablecoin të lidhura me dollarin, me qëllim legjitimimin e një tregu prej 265 miliardë dollarësh që analistët në Citigroup parashikojnë se mund të rritet në 3.7 trilionë dollarë deri në vitin 2030.

Altcoin kanë udhëhequr rritjen e fundit, me Ether që është rritur 22 për qind në pesë ditët e fundit. Bitcoin arriti një rekord prej 123 mijë e 205 dollarësh më parë këtë javë. Uniswap u rrit 24 për qind të premten, ndërsa Solana fitoi 6.5 për qind në një moment.

Të enjten, Dhoma e Përfaqësuesve miratoi gjithashtu një projektligj më të gjerë për strukturën e tregut të kriptovalutave, i cili tani pret shqyrtim në Senat.

Investitorët vazhduan të vërshojnë në ETF-të e kriptovalutave në bursat amerikane. Fondet e Bitcoin kanë tërhequr 5.5 miliardë dollarë në hyrje deri më tani në korrik, ndërsa ETF-të e Ether kanë sjellë 2.9 miliardë dollarë.

“Që nga lansimi i ETF-ve të Bitcoin, kemi parë një trend të qëndrueshëm çmimesh dhe rritja e fundit e çmimeve është ende brenda normës. Nëse hyrjet aktuale vazhdojnë, mund të shohim që Bitcoin të kalojë 140 mijë dollarë deri në shtator, me një rritje të mundshme drejt 150 mijë dollarëve deri në fillim të tetorit,” tha Aboualfa.

Të dhënat e Deribit tregojnë se kërkesa themelore për Bitcoin është e fortë, me interes të hapur në rritje për opsione në 130 mijë dollarë që skadojnë më 1 gusht. Bitcoin shënoi sot rënie në rreth 118 mijë dollarë./KP/

The post ​Tregu i kriptovalutave vlen mbi 4 trilionë dollarë për herë të parë appeared first on Telegrafi.

Rita Ora është vënë në qendër të vëmendjes pas një deklarate të papritur në lidhje me një “gabim mode”, i cili në fakt është pjesë e koleksionit të saj me Primark.

Këngëtarja 34-vjeçare ka bashkëpunuar me këtë markë të njohur veshjesh që nga viti 2023, duke sjellë disa koleksione për publikun. Por gjatë një interviste për Off Trend HQ, ajo u pyet se cili ishte për të një “red flag” në modë – dhe përgjigjja e saj ngjalli reagime të menjëhershme, shkruan DailyMail.

“Nuk më pëlqen kur duken astaret në veshje. Nëse ke një fund të gjatë, nuk dua të shoh që astari ndalet në mes të këmbës”, tha ajo. Intervistuesja u pajtua me të, duke shtuar: “O të jetë tërësisht i tejdukshëm, ose të mbulojë gjithçka”.

@offtrendhq we don’t want to see ur linings, pattern up! #ritaora #styling #layering #fashionopinion #streetinterview ♬ original sound – Offtrend

Rita shtoi më tej: “Është dembelizëm… rregullojeni!”

Por ndjekësit e vëmendshëm në rrjete sociale e kuptuan menjëherë kontradiktën: në koleksionin më të fundit të verës që Rita ka sjellë me Primark, ndodhet pikërisht një fund i tillë me astar të dukshëm, të cilin ajo sapo e kishte kritikuar. Fundi prej dantelle, me çmim 14 paund, përmban atë dizajn që ajo e quajti të papranueshëm.

Komentet nuk vonuan: “Pra, si ai fundi që ajo e ka me emrin e saj në Primark?”, “A është në dijeni të koleksionit të saj?”, “E dija që do kishte diçka të tillë aty”, “E kapët mat si duhet”, “Është kaq qesharake kjo situatë”, “Rita Ora duket se s’ka pasur asnjë dorë në koleksionin e saj”.

Nuk është hera e parë që Rita kritikohet për bashkëpunimin e saj me markën Primark, e cila njihet si pjesë e industrisë së modës së shpejtë (fast fashion).

Që në vitin 2023, fansat kanë shprehur shqetësime për faktin se ajo ka promovuar një markë e cila lidhet me ndikime negative në mjedis, ndërkohë që paralelisht ka lançuar një brend të vetin të qëndrueshëm, të quajtur Human Beings.

Disa ndjekës e akuzuan se “nuk i intereson”, duke dyshuar gjithashtu se një yll me famë botërore si ajo, që është milionere, e përdor realisht Primark për blerje personale.

Një komentues shkroi: “Moda e shpejtë po e shkatërron planetin – a nuk të intereson fare?”.

Megjithatë, Rita vazhdon të punojë me markën edhe pas dy vitesh. Së fundmi ajo ka reklamuar koleksionin e saj të ri të verës për Primark, ku është shfaqur me bikini të guximshme në pozat buzë detit, duke tërhequr shumë vëmendje.

Në një nga fotot, ajo shihet me bikini saten në ngjyrë burgundy, teksa pozuar përpara një perëndimi dielli magjepsës. Koleksioni, sipas saj, është frymëzuar nga “ditët e gjata nën qiellin e artë dhe netët e paharrueshme të verës”, dhe përfshin fustane pa shpinë, funde të lehta maksi dhe copa të punuara me grep – perfekte për sezonin veror. /Telegrafi/

The post Rita Ora kritikohet për një vërejtje të bërë gjatë një interivtse, që duket se prek koleksionin e saj me “Primark” appeared first on Telegrafi.

Deputeti i SPD-së, Adis Ahmetoviq ka bërë thirrje që Gjermania të rrisë ndjeshëm mbështetjen për Kosovën. Ai theksoi se stabiliteti në Ballkanin Perëndimor varet nga integrimi i plotë i rajonit në strukturat euroatlantike.

Ahmetoviq deklaroi se integrimi i gjashtë vendeve të Ballkanit Perëndimor në Bashkimin Evropian është mënyra e vetme për të garantuar paqe dhe siguri afatgjatë në rajon.

“Ne duhet ta monitorojmë situatën në Ballkanin Perëndimor çdo ditë dhe në mënyrë të vazhdueshme. Politika për këtë rajon nuk duhet të kufizohet vetëm në promovimin ekonomik, por duhet të mbetet pjesë integrale e agjendës sonë të politikës së jashtme. Po ndjek nga afër zhvillimet në Shqipëri, Serbi dhe Kosovë. Ne jemi të interesuar për stabilitet politik”, deklaroi Ahmetoviq.

Ai shtoi “Për Kosovën kjo nënkupton në mënyrë të veçantë që duam që ky vend të bëhet anëtar i Këshillit të Evropës sa më shpejt që të jetë e mundur; nga këndvështrimi i SPD-së, sa më shpejt, aq më mirë”

Megjithëse nuk dha një datë konkrete se kur Gjermania do ta trajtojë çështjen e anëtarësimit të Kosovës në Këshillin e Evropës, Ahmetoviq dhe kolegu i tij Frank Schwabe janë të përkushtuar që kjo çështje të mbetet prioritet për SPD-në në Bundestag.

I pyetur për përgjegjësinë politike për këtë dështim, Ahmetoviq theksoi se qeveria gjermane është dashur të angazhohej më shumë për të bindur shtetet anëtare të Këshillit të Evropës, duke nënvizuar se Gjermania ka ndikim të madh.

Zyrtari i SPD-së shtoi se, përveç anëtarësimit në BE, anëtarësimi në NATO mbetet po ashtu prioritet për Kosovën dhe vendet e tjera të rajonit.

“Anëtarësimi në NATO është të paktën po aq i rëndësishëm sa ai në BE. Të dyja, si BE-ja ashtu edhe NATO-ja, janë thelbësore për një jetë në paqe, liri dhe siguri. Nuk mund ta vlerësoj saktësisht kur do të ndodhë kjo, por si deputet i SPD-së, do të vazhdoj të luftoj për këtë çështje,” tha ai për Deutsche Welle.

Ai theksoi se Kosova, Serbia, Bosnja e Hercegovina, Mali i Zi, Shqipëria dhe Maqedonia e Veriut duhet të përmbushin detyrimet e tyre për të përparuar në këtë proces.

Ahmetoviq komentoi edhe situatën politike në Kosovë, ku Kuvendi ka dështuar të konstituohet pas gati 50 përpjekjesh.

Ai e cilësoi Lëvizjen Vetëvendosje si parti motër të SPD-së dhe theksoi nevojën për një qeveri stabile dhe një parlament funksional, pa komentuar drejtpërdrejt bllokadën në vazhdim.

“Kam kontakte të ngushta me qeverinë e Kosovës. Duam veprim qeveritar të qëndrueshëm dhe një parlament funksional. Kjo është thelbësore për të gjitha hapat pasues. Vetëm nëse kjo vazhdon të funksionojë, Kosova do të mund të avancojë në Këshillin e Evropës, në procesin e anëtarësimit në BE dhe ndoshta së shpejti edhe në NATO. Këto procese janë të ndërlidhura ngushtë,” përfundoi ai./DW/

The post Deputeti gjerman kërkon që Kosova të bëhet pjesë e NATO-s dhe BE-së sa më shpejt appeared first on Telegrafi.

Barcelona ka zyrtarizuar më 16 korrik lajmin që shumë tifozë e kishin pritur me padurim: Lamine Yamal është numri 10 i ri i klubit.

Me këtë vendim, Barça i beson një prej talenteve më të mëdhenj të gjeneratës së re fanellën më të rëndë dhe më ikonike në historinë e klubit.

Sensacioni 18-vjeçar ka nënshkruar një kontratë të re afatgjatë që e mban të lidhur me klubin deri në vitin 2031, duke treguar besimin e Barcelonës për ta bërë Yamal pjesën qendrore të projektit të saj të ardhshëm.

Ky njoftim u prit me entuziazëm të jashtëzakonshëm nga tifozët në të gjithë botën.

Vetëm në dy ditë, janë shitur mbi 700,000 fanella me emrin e Lamines në plot 170 vende të ndryshme, duke i sjellë Barcelonës më shumë se 10 milionë euro të ardhura.

Fenomeni Yamal nuk është më vetëm një premtim në fushë, por një magnet ekonomik dhe një simbol i rinisë që Barcelona synon ta ndërtojë rreth tij.

Ai po shndërrohet në një figurë që frymëzon jo vetëm me driblimet dhe asistet e tij, por edhe me impaktin e menjëhershëm jashtë fushe.

Numri 10 është shumë më tepër se një fanellë – është një përgjegjësi, një trashëgimi që në Barcelonë kanë mbajtur emra si Messi, Ronaldinho dhe Rivaldo.

Me Yamalin, duket se ka nisur një epokë e re. /Telegrafi/

The post Vetëm 48 orë kanë kaluar – shifra e çmendur që Barcelona ka fituar nga shitja e fanellave të Yamal appeared first on Telegrafi.

Edhe pse do të mbahet mend si një nga liderët më me ndikim në botën e teknologjisë, Steve Jobs do të kujtohet edhe si “fanatiku” që në një moment vendimtar zgjodhi intuitën para arsyes

Sipërmarrësi amerikan dhe një nga figurat më me ndikim të shekullit 20 dhe 21, Steve Jobs, ndryshoi mënyrën si komunikojmë, punojmë dhe jetojmë me teknologjinë. Ndikimi i tij në industrinë teknologjike ndihet edhe sot, ndërsa Apple – fryt i bashkimit mes kreativitetit, teknologjisë dhe biznesit, është kthyer në sinonim të inovacionit, elegancës dhe cilësisë.

Fëmijëria

Steve Jobs lindi më 24 shkurt 1955 në San Francisko. Nëna e tij, Joanne Simpson, e lindi ndërsa ishte ende studente, ndërsa babai, Abdulfattah John Jandali, një mysliman sirian, kishte lënë vendin e lindjes në moshën 18-vjeçare.

Menjëherë pas lindjes, prindërit biologjikë e dhanë për birësim. Familjen e vërtetë ai e gjeti te Clara dhe Paul Jobs në Silicon Valley. Clara ishte kontabiliste, ndërsa Paul punonte si mekanik në një kompani laserësh.

Motra ishte shoqja më e ngushtë

Si çdo fëmijë, Jobs kishte dëshirë të njihte prindërit biologjikë. Gjatë përpjekjeve për t’u afruar me ta, ai zbuloi motrën, Mona Simpson (lindur Jandali), e cila u bë shoqja e tij më e ngushtë deri në fund të jetës.

“Ne jemi familje. Ajo është shoqja ime më e mirë. E thërras çdo disa ditë dhe i tregoj gjithçka”, – pati rrëfyer Jobs në një intervistë, duke treguar se që në takimin e parë u lidhën shumë ngushtë.

Mona u bë shkrimtare e njohur. Ndër veprat e saj më të famshme është Anywhere But Here (Jeta është diku tjetër), e cila u adaptua në film ku rolet kryesore i luajtën Natalie Portman dhe Susan Sarandon, transmeton Telegrafi.

Nuk e mbaroi kurrë fakultetin

Që i vogël, Jobs tregoi interes të madh për teknologjinë. Orë të tëra i kalonte në garazhin e babait duke punuar në projekte elektronike. Pas shkollës së mesme në Cupertino të Kalifornisë, më 1972 u regjistrua në Reed College, por e la pas semestrit të parë për shkak të vështirësive financiare të familjes.

Megjithatë, ai vazhdoi të ndiqte disa ligjërata sipas dëshirës, si kaligrafia, e cila më vonë pati ndikim të madh në estetikën e produkteve Apple.

“Nuk ishte romantike. Nuk kisha dhomë në konvikt, flija në dyshemetë e shokëve. Ktheja shishet e Koka-Kola-s për depozitën 5 cent dhe blija ushqim. Çdo javë ecja 11 kilometra nëpër qytet që të haja një vakt normal në tempullin Hare Krishna”, – tregoi Jobs në fjalimin e tij të famshëm në Universitetin Stanford më 2005.

Fillimet e karrierës

Më 1976, bashkë me mikun Steve Wozniak, një tjetër gjeni, Jobs themeloi Apple. Produkti i parë ishte kompjuteri personal Apple I, të cilin e montuan dhe e shitën nga garazhi i shtëpisë së Jobs. Edhe emri “Apple” thuhet se lindi pikërisht në atë garazh të mbushur me arka me mollë.

Më 1977, Jobs dhe Wozniak lançuan Apple II, kompjuteri që solli suksesin masiv dhe vendosi themelet për kompaninë që sot është një gjigant i teknologjisë. Pas 7 vitesh inovacion, erdhi revolucioni tjetër: Macintosh (Mac), kompjuteri i parë personal me ndërfaqe grafike (GUI), miun dhe ikonat që e bënë kompjuterin të qasshëm për të gjithë.

Në 1985, Jobs u përplas me CEO-n e atëhershëm të Apple, John Sculley dhe u largua nga kompania. Themeloi firmën NeXT, e cila prodhoi kompjuterë të avancuar, por pa sukses të madh komercial. Megjithatë, sistemi operativ i NeXT u bë baza e macOS që përdoret edhe sot.

Po atë periudhë, Jobs bleu nga Lucasfilm një studio animacioni, të cilën e shndërroi në Pixar, duke revolucionarizuar botën e animacionit. Më 1995, Pixar lansoi “Toy Story”, filmi i parë i animuar plotësisht me kompjuter, duke fituar miliarda. Pixar më vonë u ble nga Disney, por Jobs u bë aksionari më i madh individual i Disney-t.

Në vitet 1990, Apple u përball me krizë të thellë financiare. Në 1997, kompania e thirri Jobs që të kthehej. Ai rifilloi udhëheqjen dhe me lansimin e iMac më 1998 e shpëtoi Apple nga falimentimi, duke e kthyer në gjigantin që njohim sot.

Pastaj erdhën produktet që ndryshuan botën:

iPod (2001) – Pajisja që revolucionarizoi dëgjimin e muzikës.
iPhone (2007) – Smartphone-i i parë me ekran me prekje, që transformoi industrinë.
iPad (2010) – Tableti që ridefinoi përdorimin e kompjuterëve dhe medias.

Perfeksionist deri në detaj, Jobs lidhi teknologjinë me dizajnin elegant. Prezantimet e tij u kthyen në spektakle, ndërsa personaliteti i tij karizmatik hipnotizonte publikun dhe tregun. Megjithatë, për shkak të kërkesave të larta, shpesh hynte në konflikte me punonjësit – por rezultatet gjithmonë e mbanin lart figurën e tij.

Jeta private

Që në adoleshencë, Jobs u magjeps nga zen budizmi dhe shpesh udhëtoi në Indi. Ky ndikim e formësoi si në jetën personale, ashtu edhe në filozofinë e dizajnit.

Në moshën 23-vjeçare, nga lidhja me të dashurën e shkollës së mesme, Chrisann Brennan, pati vajzën Lisa Brennan-Jobs, e lindur në prag të suksesit të Apple më 1978. Megjithëse nuk u martua kurrë me Chrisann, Jobs kishte edhe tre fëmijë të tjerë dhe i pagoi Lisas studimet në Harvard, ku ajo diplomoi më 2000 dhe u bë gazetare.

Në vitin 1991, Jobs u martua me Laurene Powell sipas traditës budiste. Që nga ajo kohë, jetën private e mbajti larg syve të publikut. Laurene punoi në Universitetin e Pensilvanisë dhe më vonë doktoroi në Stanford, aty ku u njohën.

“Isha në parking, mendova: ‘Po të ishte dita ime e fundit, do ta kaloja në një takim pune apo me këtë grua?’ Vrapova pas saj dhe i kërkova të dilnim për darkë. Ajo pranoi dhe që atëherë nuk jemi ndarë kurrë”, rrëfente Jobs.

Sipas biografisë The Second Coming of Steve Jobs të Alan Deutschman, Jobs pati lidhje edhe me këngëtaren Joan Baez, ish e dashura e Bob Dylan. Edhe biografia iCon: Steve Jobs përmend një martesë sekrete me Baez, megjithëse nuk pati fëmijë, pasi ajo ishte 41 vjeçe.

Jobs adhuronte Beatles dhe muzikën klasike, dhe ishte pescatarian, nuk hante mish, vetëm peshk. Veshja e tij karakteristike – golf i zi dhe xhinse, ishte simbol i thjeshtësisë: “S’dua të harxhoj kohë duke menduar çfarë të vesh”, thoshte ai.

Fëmijët nuk i lejoi të përdornin teknologjinë

Edhe pse e gjithë jeta e tij ishte ndërtuar mbi teknologjinë, Jobs nuk ua lejonte fëmijëve pajisjet Apple në shtëpi.

“Ata pothuajse nuk i përdorin. Më shumë preferojmë të ulemi në tryezë dhe të flasim për histori apo librat që kemi lexuar”, – i kishte treguar Jobs gazetarit të The New York Times, Nick Bilton.

Lufta me kancerin e pankreasit

Më 2003, gjatë një vizite tek mjeku për një gur në veshkë, iu zbulua një “hije” në pankreas. Analizat treguan një tumor neuroendokrin të rrallë, një formë e kancerit të pankreasit që mund të shërohet nëse operohet në kohë. Por Jobs e refuzoi operacionin, pavarësisht lutjeve të mjekëve.

“S’doja që të ma hapnin trupin. Nuk doja ta shihja veten të ‘prerë’ në atë mënyrë”, – pranoi Jobs. Nëntë muajt e parë pas diagnozës, ai provoi vegjetarianizmin, akupunkturën, ilaçet bimore, pastrimin e zorrëve dhe metoda të tjera alternative. Thuhet se madje kërkoi edhe ndihmën e një fallxhori.

Asgjë nuk ndihmoi. Kanceri u përhap shpejt dhe Jobs më në fund pranoi të operohej. Më 2004 ai u shkroi të gjithë punonjësve të Apple një email ku tregonte diagnozën.

“Kam një formë shumë të rrallë kanceri pankreatik, një tumor neuroendokrin, që përbën rreth 1% të rasteve dhe mund të shërohet me operacion nëse kapet herët, si në rastin tim”, – shkroi Jobs.

Në vitin 2009, pas humbjes drastike në peshë, u bë e qartë se sëmundja kishte avancuar. Ai iu nënshtrua një transplanti të mëlçisë dhe u tërhoq nga drejtimi i Apple.

“Ai kishte të vetmin lloj kanceri pankreatik që mund të kurohej. Në thelb, ai kreu vetëvrasje”, – thanë më pas disa ekspertë, duke theksuar se mjekimi në kohë do ta shpëtonte.

Por Jobs gjithmonë besoi më shumë te instinkti sesa te mjekët dhe, për fat të keq, as miliona dollarët nuk ia blenë jetën.

Ditët e fundit

Në javët e fundit të jetës, Jobs u përpoq të linte një trashëgimi shpirtërore për fëmijët. Në bashkëpunim me biografin Walter Isaacson, krijoi biografinë për të shpjeguar vendimet e tij.

Steve Jobs ndërroi jetë më 5 tetor 2011, në shtëpinë e tij në Palo Alto të Kalifornisë, i rrethuar nga familja. Shkaku zyrtar i vdekjes ishte ndalimi respirator si pasojë e tumorit të pankreasit. /Telegrafi/

The post Një ‘jo’ që i kushtoi jetën: Pse vdiq vërtet Steve Jobs dhe si mund të shpëtonte appeared first on Telegrafi.

Sekretari i Shtetit i SHBA-së, Marco Rubio, i udhëzoi diplomatët amerikanë në mbarë botën që të mos komentojnë mbi drejtësinë ose integritetin e zgjedhjeve të zhvilluara nga vendet e huaja, në një largim të rëndësishëm nga qasja tradicionale e Uashingtonit për promovimin e zgjedhjeve të lira dhe të ndershme jashtë vendit.

Urdhri, i dërguar të gjitha posteve diplomatike të SHBA-së në një kabllogram të brendshëm të Departamentit të Shtetit më 17 korrik, thotë se Departamenti nuk do të lëshojë më deklarata në lidhje me zgjedhjet ose postime në rrjetet sociale nga Uashingtoni, përveç nëse ka një interes “të qartë dhe bindës” të politikës së jashtme, shkruan Reuters.

“Kur është e përshtatshme të komentojmë mbi një zgjedhje të huaj, mesazhi ynë duhet të jetë i shkurtër, i fokusuar në përgëzimin e kandidatit fitues dhe, kur është e përshtatshme, në shënimin e interesave të përbashkëta të politikës së jashtme”, tha kabllogrami, i cili u shënua si “i ndjeshëm” por jo i klasifikuar.

“Mesazhet duhet të shmangin dhënien e mendimeve mbi drejtësinë ose integritetin e një procesi zgjedhor, legjitimitetin e tij ose vlerat demokratike të vendit në fjalë”, tha ai.

Ai shtoi se mesazhet në lidhje me zgjedhjet duhet të vijnë ose nga vetë Sekretari ose nga zëdhënësi i Departamentit dhe u ndaloi diplomatëve amerikanë të lëshojnë deklarata të tilla pa miratimin e qartë nga udhëheqja e lartë e agjencisë.

Telegrami i referohej fjalimit të presidentit Donald Trump më 13 maj në Riad, kur ai kritikoi atë që ai e quajti “ndërhyrës perëndimorë” që u tregonin vendeve të Lindjes së Mesme se si të qeverisnin punët e tyre, duke thënë se kjo nuk ishte më punë e Uashingtonit dhe se po kërkonte të krijonte partneritete.

“Ndërsa Shtetet e Bashkuara do t’i përmbahen vlerave të tyre demokratike dhe do t’i festojnë ato vlera kur vendet e tjera zgjedhin një rrugë të ngjashme, presidenti e bëri të qartë se Shtetet e Bashkuara do të ndjekin partneritete me vendet kudo që përputhen interesat tona strategjike”, tha direktiva. /Telegrafi/

The post Urdhri i SHBA-së për diplomatët: Mos ndërhyni në vendet e tjera, jo komente për zgjedhjet e drejtësinë appeared first on Telegrafi.

Kryetari i Drenasit, Ramiz Lladrovci ka reaguar ashpër ndaj siç i quan ai profileve të rreme, që po synojnë të mjegullojnë kandidaturën e tij dhe të dëmtojnë Partinë Demokratike të Kosovës (PDK) në prag të zgjedhjeve lokale.

“Profilet e rreme kanë filluar punën, po rizgjohen. Në zgjedhjet e kaluara, keqbërësit i kishin së paku 18 profile të rreme, ndërsa për këto zgjedhje kanë arritur të bëhen po ashtu 18 profile/portale”, ka shkruar Lladrovci në Facebook.

Ai thotë se këto veprime janë të njëjtat metoda të vjetra për të krijuar mjegull rreth emrit të tij dhe PDK-së.

Sipas tij, edhe tentativat për të krijuar iniciativa qytetare me emra të ngjashëm janë pjesë e së njëjtës skemë.

“Iniciativat qytetare janë të lira dhe nuk marrin leje nga unë. Megjithëse jemi kampion, bedelat e paskan shpikur emrin duke prodhuar shkurtesën PDK”, shton ai.

Në fund, Lladrovci thekson se është i palëkundur në qëndrimin e tij brenda PDK-së.

“PDK, dje, sot, nesër, pikë. Nuk ka bir nane që më largon nga PDK!”, ka shkruar Lladrovci. /Telegrafi/

The post Lladrovci denoncon profilet e rreme: Nuk ka bir nane që më largon nga PDK appeared first on Telegrafi.

Sipas raportimeve të fundit nga gazetari i njohur i transferimeve, Fabrizio Romano, mesfushori holandez Xavi Simons është i gatshëm të largohet nga RB Leipzig këtë verë.

Dy klube të Ligës Premier, Chelsea dhe Arsenal, janë ndër ekipet që po ndjekin me vëmendje situatën e tij.

22-vjeçari ka zhvilluar 76 ndeshje me Leipzigun, duke realizuar 21 gola. Që prej muajit maj, Simons ka shprehur dëshirën për t’u transferuar në Angli, sidomos pas dështimit të Leipzigut për të siguruar pjesëmarrjen në kompeticionet evropiane.

Për momentin, nuk ka ende oferta zyrtare ose negociata konkrete, por sipas Romanos, klubet e mëdha të Ligës Premier janë të informuara për situatën. Chelsea dhe Arsenal konsiderohen si opsionet kryesore për të ardhmen e Simons.

Edhe Barcelona ka pasur kontakte paraprake me përfaqësuesit e lojtarit, por bisedimet nuk kanë avancuar dhe preferenca e Simons duket të jetë kalimi në Angli.

Vlera e transferimit pritet të jetë midis 45 dhe 70 milionë euro, në varësi të negociatave dhe interesit që do të tregojnë klubet në javët në vijim. /Telegrafi/

Chelsea and Arsenal among clubs attentive to Xavi Simons situation this summer.

He’s prepared to leave Leipzig as revealed since May and Premier League top clubs are informed. No bids or talks yet.

Nothing concrete with Barça so far.

https://t.co/hrmuCOVra9 pic.twitter.com/LgdYzoAfw8

— Fabrizio Romano (@FabrizioRomano) July 18, 2025

The post Përjashtohet rikthimi i Xavi Simons te Barcelona, lojtari preferon Anglinë appeared first on Telegrafi.

Ministria e Punëve të Brendshme e Maqedonisë së Veriut njofton se dje (17.07.2025) në Kërçovë, zyrtarët e policisë nga Zyra e çështjeve të jashtme kriminale në Kërçovë i privuan nga liria E.P. (30) dhe A.P. (60) nga Kërçova.

“Gjatë bastisjes në shtëpinë e tyre, të kryer me urdhër të Gjykatës Themelore në Kërçovë, në shtëpi u gjetën dhe u sekuestruan një qese me një substancë pluhur të bardhë dhe një peshore. Ndërkohë, në një pusetë para shtëpisë u gjetën dhe u sekuestruan 51 pako më të vogla me një substancë pluhur dhe dy pako plastike më të mëdha me një substancë të bardhë të kokrrizuar”.

“Të dy u ndaluan në stacionin policor dhe pas dokumentimit të plotë të rastit, kundër tyre do të ngrihen akuza përkatëse”, thonë nga MPB.

The post Bastisje në Kërçovë, privohen nga liria dy persona pasi posedonin lëndë narkotike appeared first on Telegrafi.

Serena Williams ka ndarë me ndjekësit e saj në Instagram një set të ri fotosh provokuese në bikini, të realizuara gjatë një pushimi luksoz me jaht – dhe reagimet nuk kanë munguar.

Ikona e tenisit 43-vjeçare, e cila së fundmi ka shfaqur trupin e saj të tonifikuar përmes selfieve para pasqyrës, ka rritur temperaturat këtë të enjte me paraqitjen e saj pas pensionimit.

Në një nga fotot, kampionja e Wimbledon pozon si modele profesioniste me njërën dorë të ngritur, duke theksuar barkun dhe linjat trupore të skalitura, shkruan DailyMail.

Në një tjetër imazh, ajo shihet e ulur buzë jahtit, e veshur me bikini dhe një sarong transparent, me sfondin magjepsës të oqeanit pas saj.

“Unë dhe vajzat e mia… jemi në rrugë sonte. Por po fillojmë këtu,” – ka shkruar Serena në përshkrimin e fotos, ku shfaqen edhe mikeshat e saj glamuroze që e shoqëronin në këtë aventurë.

Megjithëse shumë ndjekës e komplimentuan për paraqitjen, të tjerë nuk ngurruan të shpreheshin kundër, duke komentuar për ndryshimet në pamjen e saj fizike.

“Është shumë e dobët… pse?” – pyeti një komentues, duke ndezur një debat të zjarrtë në seksionin e komenteve.

Disa e mbrojtën pamjen e re të Serenës, ndërsa të tjerë pohuan se mezi e njohën.

“Serena nuk është më e kolme,” – komentoi dikush. Një tjetër shtoi: “Ata nuk e dinë që ajo ka qenë edhe më e dobët nga viti 1998 deri në 2007”.

Megjithatë, shumë të tjerë e dolën në mbrojtje të plotë: “Nuk e di çfarë thonë njerëzit, ajo është ende me forma dhe e shëndetshme. Lëreni të jetojë jetën e saj” – shkroi një ndjekës.

Një tjetër shtoi: “Ajo nuk është e dobët, trupi i saj duket njësoj si në vitet 2013-2014”.

Një mbrojtës i flaktë komentoi: “Vetëm duan të flasin keq për Serenën. Herë thonë që është shumë e kolme, herë shumë muskulore, tani shumë e dobët, pastaj i pengon që burri i saj është i bardhë, apo që po zbardh lëkurën. Kur kuptojnë që është ende e errët, e kuptojnë që ishte thjesht ndriçimi dhe grimi. S’kanë më asgjë për të thënë. E vërteta është një: Serena po jeton jetën e saj”.

Një tjetër komentues shtoi: “Ajo s’ka asnjë problem me urrejtësit. Nëse nuk do dukej kaq mirë, nuk do kishte asnjë urrejtës. Serena, nëna dhe motra e saj duken fantastike!”.

Në mes të gjithë këtij diskutimi, pamja e re e Serenës është një kujtesë se trashëgimia e saj në tenis vazhdon të jetë temë diskutimi – brenda dhe jashtë fushës.

Ajo fitoi titullin e saj të fundit Grand Slam në vitin 2017 në Australian Open, ndërsa më pas humbi dy herë në finalet e US Open dhe Wimbledon.

Gjatë karrierës së saj të shkëlqyer, Serena ka fituar 23 tituj Grand Slam në kategori individuale – më shumë se çdo tjetër në epokën moderne – dhe ka mbajtur pozitën e parë në botë për 319 javë.

Ndeshja e saj e fundit ishte në US Open 2022, ku zhvilloi një betejë tre-orëshe emocionuese ndaj Ajla Tomljanović, por nuk arriti të fitonte.

Jashtë fushës, Serena i balancon angazhimet e saj në biznes dhe bamirësi me jetën familjare pranë bashkëshortit të saj, Alexis Ohanian, dhe dy vajzave të tyre.

Çifti u martua më 16 nëntor 2017 në një ceremoni madhështore në New Orleans. Vajza e tyre e parë, Alexis Olympia Ohanian Jr. – e njohur si Olympia – lindi në shtator 2017. Familja u zgjerua edhe më tej në gusht 2023, kur Serena solli në jetë vajzën e tyre të dytë, Adira River Ohanian.

Ndërkohë, motra e madhe e Serenës, Venus Williams, po vazhdon të thyejë kufijtë e moshës. Shtatë herë kampionia e Grand Slam, në moshën 45-vjeçare, ka marrë një ftesë të veçantë për të konkurruar në turneun DC Open, pavarësisht se që nga marsi i vitit 2024 nuk ka zhvilluar një ndeshje zyrtare në nivel të turneve. Ajo vazhdon të dëshmojë se mosha është vetëm një numër. /Telegrafi/

The post “Është shumë e dobët… pse?”, Serena Williams ndez debat në rrjete sociale me fotografitë e reja në bikini appeared first on Telegrafi.

Me gjithë sfidat e mëdha e jetën e vështirë pas ndarjes me burrin e parë, kur ishte ende pa i mbushur 18 vjet, e mbijetuara e dhunës seksuale tregon që e vazhdoi jetën.

“U martova me të, pyetje nuk më ka bë kurrë, nuk kam mujtë kurrë me i thënë, sot e atë ditë as nuk muj, i kam fëmijët, po nuk mundem kurrë, mërzitem ka shumë herë që mërzitem… Fëmijët i kam, por jeta po vazhdojke, por kur t’i rikujtoj, edhe kujtimet çdoherë i kam në zemër, i kam në kokë”, tregon ajo derisa shton se nuk e ka marr asnjëherë guximin që t’ia tregoj të vërteten bashkëshortit të saj, që po ashtu ka përjetuar dhunë e maltretime nga forcat serbe.

As fëmijëve, shton se nuk iu ka treguar sepse nuk e kanë moshën e duhur.

“Ka me ardh ndoshta koha, them o Zot më forcon edhe ma jep një shpresë e durim njëherë në jetë me çel zemrën me familjen e ngushtë”, rrëfen ajo për dëshirën që e ka tani.

Lexo po ashtu “Më mirë me qenë unë e vdekur në ato momente…”, rrëfimi tronditës i të mbijetuarës së dhunës seksuale

Megjithëkëtë, rrëfen se kishte arritur që kunatës së saj t’i tregoj gjithë historinë e dhimbshme për shkak se ajo e kishte dalluar meqenëse edhe vet kunata ishte e mbijetuar e dhunës seksuale nga forcat serbe në luftën në Kosovë.

“Po, i thashë nëse e ka shkru Zoti me jetu dojmë me jetu, nëse e ka shkru me vdekë, thashë së bashku, por i thashë zemrën tënde e timen t’i lëmë me një vend. Edhe hapi i parë ka qenë që e kam shpalosë zemrën me të, kunatën”, tregon ajo.

Kështu, ajo u njoh edhe me organizatën “******************”, që tash i ndihmon të gjithë të mbijetuarit e dhunës seksuale.

“Shumë, më lehtë, zemra ime e din, për disa gjëra, për stresin, ngarkesën e mërzinë se kur kam ra në gjumë me flejtë çdo herë jam çu me atë tremën që kam pasë çka kam afër, gjithmonë tu m’u rikujtu jeta ime krejt, por ma të lehtë e kam pasë kur e kam shpalos zemrën që kam folë e i kam shprehë këto fjalë”, përfundon ajo rrëfimin teksa ka edhe një lutje pasi falënderon “Debat Plusin” për mundësinë.

“Faleminderit shumë, dhe i lus krejt femrat e gratë që e kanë gjendjen si unë, i lus ta çelin zemrën!”, ka thënë ajo.

The post Rrëfime tronditëse, Zot më jep forcë ta çeli zemrën me familjen e ngushtë appeared first on Telegrafi.

Ministri në detyrë i Punëve të Brendshme, Xhelal Sveçla ka reaguar pas deklaratave të zyrtarit serb Igor Popoviq, i cili gjatë një fjalimi në Rahovec e cilësoi Ushtrinë Çlirimtare të Kosovës si organizatë terroriste.

Sveçla konfirmoi edhe zyrtarisht se Popoviq është ndaluar në pikën kufitare në Bërnjak dhe ndaj tij priten masa konform ligjeve në fuqi.

Sipas tij, Popoviq që është ndihmësdrejtor në të ashtuquajturën “Zyrë për Kosovë” në Serbi – me deklarimet e tij ka nxitur urrejtje dhe përçarje ndëretnike në Republikën e Kosovës.

“Deklarimet e tij gjatë fjalimit kanë nxitur urrejtje e përçarje ndëretnike në vendin tonë. Ai e ka cilësuar Ushtrinë Çlirimtare të Kosovës (UÇK) si organizatë terroriste, duke i krahasuar veprimet e saj me ngjarje të rënda në historinë botërore”, ka shkruar Sveçla në Facebook.

Ai konfirmoi se Popoviq pas ndalimit në pikën kufitare në Bërnjak është dërguar në stacionin policor në veri të Mitrovicës.

“Nuk do të tolerojmë fyerje dhe përdhosje të historisë sonë, e aq më pak të Luftës sonë Çlirimtare të udhëhequr nga UÇK-ja. Kjo pjesë e historisë gëzon respektin e të gjithë botës përparimtare”, theksoi ministri në detyrë.

Sveçla shtoi se deklarimet si të Popoviqit janë “model millosheviqian” që mbahen ende gjallë nga presidenti serb Aleksandar Vuçiq.

“Deklarimet e modelit millosheviqian, që administrata politike e Serbisë të drejtuar nga Vuçiq i mban ende gjallë dhe i shpërndan kudo, janë të dënueshme sepse janë përçarëse, të pavërteta sepse janë të trilluara, dhe të dëmshme sepse janë në kundërshtim me çdo normë ndërkombëtare të fqinjësisë dhe shoqërive përparimtare”, përfundoi Sveçla. /Telegrafi/

The post Sveçla konfirmon ndalimin e Popoviqit: Nuk tolerojmë fyerje ndaj UÇK-së, do të përballet me ligjin appeared first on Telegrafi.

Arsenali mund të ketë njoftuar zyrtarisht transferimin e katërt të kësaj vere, por “Topçinjtë” duket se kanë zbuluar aksidentalisht edhe përforcimin e pestë.

Klubi nga Londra Veriore ka qenë shumë aktiv në merkato, duke afruar Martin Zubimendin, Christian Norgaardin dhe Kepa Arrizabalagan, ndërsa së fundmi ka siguruar edhe transferimin e Noni Madueke nga Chelsea për një shumë prej 48 milionë funtesh, me një kontratë pesëvjeçare.

Arsenali po vijon gjithashtu përpjekjet për të transferuar sulmuesin e Sporting CP, Viktor Gyokeres, megjithatë ende nuk është arritur marrëveshje për bonuset dhe klauzolat shtesë.

Ndërkohë, duket se një transferim tjetër është konfirmuar pa dashje pas një gabimi në rrjetet sociale dhe platformat mediatike.

Në platformën e imazheve Getty, tifozët vunë re disa fotografi të mbrojtësit të Valencias dhe Kombëtares së Spanjës U21, Cristhian Mosquera, të ngarkuara së bashku me fotografitë zyrtare të prezantimit të Maduekes.

Në imazhe, Mosquera shfaqej i buzëqeshur, i veshur me uniformën stërvitore të Arsenalit, ndërsa fliste me një anëtar të ekipit mediatik të klubit. Fotot u fshinë shpejt, por mjaftuan për të ngritur dyshime të forta për afrimin e tij.

Ky “gabim” pothuajse e konfirmon se njoftimi zyrtar për Mosqueran është çështje kohe.

Sipas raportimeve të mëparshme të Fabrizio Romano, mbrojtësi 21-vjeçar pritej të kryente vizitat mjekësore të mërkurën dhe do t’i bashkohet Arsenalit për një tarifë prej 15 milionë eurosh plus bonuse, si pjesë e një kontrate afatgjatë. /Telegrafi/

The post Arsenali aksidentalisht zbuloi transferimin e ri që askush nuk e dinte pasi prezantoi Madueken appeared first on Telegrafi.

Tre oficerë u vranë në një shpërthim në një qendër trajnimi për zbatimin e ligjit në Los Angeles.

Shpërthimi ndodhi në qendrën e trajnimit të Akademisë së Qendrës Biscailuz, ku ndodhet zyra speciale e zbatimit të ligjit e departamentit të Sherifit dhe detaji i shpërthimeve me zjarrvënie, përfshirë skuadrën e bombave.

Shkaku i saktë i shpërthimit është ende nën hetim, por sherifi Robert Luna i LASD e përshkroi atë si “një incident të izoluar”, raporton BBC.

Nuk pati lëndime të tjera.

Të tre oficerët e vrarë në shpërthim ishin “ekspertë fantastikë” dhe veteranë të departamentit, secili me një moshë nga 19 deri në 33 vjeç.

Autoritetet nuk i kanë publikuar emrat e oficerëve të vdekur, duke përmendur nevojën për të njoftuar më parë familjet e tyre.

Të tre ishin caktuar në departamentin e zjarrvënies me eksplozivë.

Ndryshe, Iincidenti përfaqëson humbjen më të madhe të jetës së departamentit në një incident të vetëm që nga themelimi i tij në vitin 1857.

Prokurorja e Përgjithshme e SHBA-së Pam Bondi e quajti incidentin “të tmerrshëm” dhe tha se “po punojnë për të mësuar më shumë”. /Telegrafi/

The post Shpërthim në një qendër trajnimi në Los Angeles, humbin jetën tre oficerë appeared first on Telegrafi.

Në Gjakovë ka nisur zyrtarisht festivali “Ditët e Shqiptarit”, një ngjarje kulturore që këtë verë do ta shndërrojë qytetin në epiqendër të kulturës shqiptare.

Me moton “Kultura shqiptare festohet n’Gjakovë”, festivali sjell performanca artistike, muzikë dhe aktivitete të ndryshme që nderojnë trashëgiminë kulturore të shqiptarëve.

Kryetari i Komunës së Gjakovës, Ardian Gjini, përmes një postimi në Facebook, ka ftuar qytetarët që të bëhen pjesë e këtij festivali që zhvillohet në disa data gjatë korrikut dhe gushtit.

“Artistë të njohur dhe zëra të fuqishëm do të jenë këtu, për t’i dhënë qytetit sharm dhe hijeshi”, ka shkruar Gjini, duke përgëzuar gjithashtu performancën e parë të mbrëmjes nga Endrit Xërxa & Band.

Aktivitetet e festivalit do të vazhdojnë edhe më: 19, 25 dhe 26 korrik 01, 02, 08, 09 dhe 10 gusht.

Festivali organizohet nga Fondacioni për Gjakovën në bashkëpunim me Komunën e Gjakovës./Telegrafi/

The post Gjakova hap dyert për kulturën shqiptare – nis festivali “Ditët e Shqiptarit” appeared first on Telegrafi.