Vëmendja e opinionit publik në Kosovë është kthyer sërish te Radomir Llaban, gjyqtari i Gjykatës Kushtetuese nga radhët e komunitetit serb. Këtë herë, vëmendja është kthyer te Llaban në kulmin e një krize institucionale që po zgjat prej disa muajsh, si pasojë e pamundësisë për ta konstituuar Kuvendin e Kosovës pas zgjedhjeve të shkurtit. Presidentja […]

The post Nga i dënuar në Serbi, në gjyqtar në Kosovë e rrezik për sigurinë/ Kush është Radomir Llaban? appeared first on BoldNews.al.

Në një rrëfim emocional, e mbijetuara e dhunës seksuale gjatë luftës në Kosovë ndau përvojën e saj në Debat Plus, në ciklin e emisioneve “Heshta që vret – Klithma e vërtetë e luftës”.

Ajo tregoi se si, me guxim dhe vendosmëri, e denoncoi përdhunuesin e saj, të njohur me nofkën Zhika, dhe kërkoi që ai të përballej me të në gjykatë.

“Zhika erdhi para gjykatës. Mua më thanë: A po don tjetër rrugë përmes televizorave, a po don përballë? – Unë kam dashtë përballë me dal. Me ja thanë të vërtetën se çka më ke bo ti mu, po du me ta thanë përballë. Nër sy ja kam thanë.

Unë menxi e kam prit me ja thanë ballë për ballë edhe me shumë zemër i kam dal përballë, veç me ja thanë të vërtetën: Ti më dhunove mu”, ka thënë ajo.

Përdhunuesi, sipas saj, nuk pati asnjë fjalë për të thënë.

“Ja kam thanë sy më sy, ja kam thanë krejt. Avokati i tij ka thanë: A ke ndonjë pyetje me ja bo zonjës? – Ka thanë: Ne, ne, ne. – Nuk e kam ditë çka do me thanë. Ma kanë përkthy.

Në dytën herë kur jam kanë edhe shqip e ka vet: A ke ndonjë pyetje me ja bo zonjës?. Tha: Jo, jo, jo.- I kam thanë: Përballë dilëm, thuma çka ke me më thanë. Ka thanë: Jo, jo, jo. – Tjetër fjalë nuk ka pas, se ai nuk ka pas çka me thanë se unë të vbërtretën ja kam qit në sy, ai s’ka pas çka me më thanë. Apet isha përballë edhe deri në fund”, ka shtuar e mbijetuara.

Pas këtij procesi, drejtësia foli: Zhika u dënua me 15 vjet burgim.

“Shumë, shumë kam kajt prej gëzimit. Diqysh mu ka dokt që krejt, krejt qielli ka ndryshu, që u bo bota jem. Aq e lirë, aq e gëzushme. Shumë e lumtur”, ka thënë ajo.

The post “Sy më sy me kriminelin”, rrëfimi i të mbijetuarës që u ballafaqua me dhunuesin e saj në gjykatë appeared first on Telegrafi.

Sekretari amerikan i Shtetit, Marco Rubio, ka thënë të mërkurën se është pajtuar me ministrin e Jashtëm të Serbisë, Marko Gjuriq, që Shtetet e Bashkuara dhe Serbia të zhvillojnë dialog të përbashkët strategjik në fund të këtij viti.

Në një shkrim në X pas takimit me Gjuriqin në Departamenti amerikan të Shtetit në Uashington, Rubio tha se “jemi të përkushtuar për marrëdhënie me dobi të ndërsjellë me Serbinë, e cilat sjellin përfitime për qytetarët tanë dhe interesat tona”.

Rubio dhe Gjuriq biseduan gjithashtu për “rëndësinë e uljes së tensioneve në Ballkanin Perëndimor, veçanërisht në Kosovë dhe në Bosnje e Hercegovinë, për të avancuar stabilitetin rajonal dhe për të krijuar kushte për rritje ekonomike dhe mirëqenie”, tha zëdhënësja e Departamentit amerikan të Shtetit, Tammy Bruce.

Gjuriq tha pas takimit për mediat serbe se kjo vizitë ishte mundësi e madhe për Serbinë për ta filluar bashkëpunimin strategjik me administratën e presidentit Donald Trump herët dhe si vendi i parë në rajon.

“Mendoj se do të shohim më shumë rezultate dhe hapa më konkretë në javët dhe muajt në vijim. Vetë fakti që unë jam praktikisht ndër të parët nga pjesa jonë e botës si ministër këtu është një akt respekti dhe një dëshirë e sinqertë për të ndryshuar diçka për mirë”, tha Gjuriq për Tanjug.

Ai tha gjithashtu se “kemi parë se ka një oreks i madh” për të thelluar bashkëpunimin ekonomik përmes projekteve konkrete në fushën e energjisë, infrastrukturës, teknologjive të reja, shkencës, bashkëpunimit në fushën e arsimit dhe kulturës.

“Mendoj se kjo është një mundësi që duhet ta shfrytëzojmë, sepse administrata e udhëhequr nga presidenti Trump ka nevojë edhe për aleatë dhe miq, dhe Serbia, historikisht, dikur ishte në kuptimin e vërtetë të fjalës, dhe besoj se mund të jetë përsëri”, theksoi ai.

Dialogu strategjik është një proces që Departamenti i Shtetit i SHBA-së në shumicën e rasteve zhvillon me vende të ndryshme të botës me synim avancimin e marrëdhënieve bilaterale.

Ky proces përfshin diskutime të nivelit të lartë mes dy vendeve që zhvillohen ose në Uashington, ose në vendin përkatës, mbi një gamë të gjerë temash si mbrojtja, siguria, mjedisi, energjia, bashkëpunimi ekonomik, etj.

Në janar, presidentja e Kosovës, Vjosa Osmani, tha se Kosova dhe Shtetet e Bashkuara së shpejti do të finalizojnë një marrëveshje për dialogun strategjik, por nuk është e qartë se kur do të fillojë ai.

Bazuar në informacionet nga Departamenti i Shtetit, Radio Evropa e Lirë konfirmoi se SHBA-ja ka zhvilluar dialog strategjik gjatë viteve të fundit me Shqipërinë, Francën, Mbretërinë e Bashkuar, Rumaninë, Austrinë, Poloninë, Slloveninë, Moldavinë, Greqinë, Maqedoninë e Veriut, Katarin, Omanin, Bahrejnin, Egjiptin, etj.

Në këtë takimin e së mërkurës mes Rubios dhe Gjuriqit ishte i pranishëm edhe zyrtari i lartë i Byrosë për Çështje të Evropës dhe Euroazisë në DASH, Brendan Hanrahan dhe nënsekretarja Allison Hooker.

Hanrahan gjatë korrikut kishte vizituar disa shtete të Ballkanit Perëndimor, përfshirë Kosovën dhe Serbinë.

Gjatë qëndrimit në Beograd, presidenti serb, Aleksandar Vuçiq, kishte deklaruar se temë e diskutimit me zyrtarin amerikan ishte nevoja për bashkëpunim ekonomik mes dy shteteve.

Presidenti amerikan, Donald Trump, ka paralajmëruar se më 7 gusht do të hyjnë në fuqi tarifat e reja tregtare. Sipas vendimit, Serbia do të goditet me 35 për qind tarifa.

As Rubio e as Gjuriq nuk përmendën çështjen e tarifave në deklaratat e tyre.

The post Sekretari amerikan i Shtetit: E rëndësishme ulja e tensioneve në Ballkanin Perëndimor, veçanërisht në Kosovë dhe në BiH appeared first on Telegrafi.

Në një rrëfim rrënqethës një grua ka rrëfyer përjetimet e saj si viktimë e dhunës seksuale nga forcat serbe gjatë luftës së fundit në Kosovë.

Ajo e ndau me publikun momentin kur u rrëmbye me forcë nga një polic serb, i cili ishte i të njëjtës rrethinë, i quajtur si “Zhika”, i dënuar më 15 vjet burgim nga drejtësia kosovare për krime lufte.

Sipas rrëfimit të saj, përderisa po përpiqeshin të shpëtonin nga ofensiva, familja e saj dhe ajo vetë u detyruan të dalin nga shtëpia.

“Një lëvizje ju vraj”. Ai e luti: Ozhiko, Zhiko ia bënte ai. Edhe shqip “kojshi”. Tani djali i  axhës po ma tregon: Këqyre, ky është i katunit tonë. Hajt, hajt mos u tut se nuk ka me të bë asgjë. Ai u mundojke me ma hek, ai e luti shumë. Ka qenë nja 100 metra prej rrugës edhe i tha. Erdhi ai deri te kerri, djali i axhës. E luti, fort e ka lutë, por jo. I dha pare djali i axhës me mikun e vetë, por jo tha. Më shtiu në kerr, mbrapa. “Nëse lëvizë” – tha “Krejtve kam me ju vra”. Unë shkova në kerr edhe krejt duke i pa, me kerre, me traktora rrugës tu dalë. Krejt dolën. Tani, ky Zhika, më mori dhe më çoi. Më tha: Ku po don më të çu? A po don të shtëpia jotë apo te çetnikat që ta hekun krytë… Unë nuk mujsha me i thanë as atje. Çka me i thanë? I thojsha: Jo, s’di, kërkun. I thojsha kthem ku më ke marrë. Më thoshte: Jo, nuk të kthej. Tani tu shku, tu shku, një lagje ka qenë aty – emrin nuk po i a përmendi, janë kanë dy vajza, njëra bjonde e njëra zeshkane, me një shtëpi dhe kanë hi i kanë marrë. I kishin pas gojët e lidhta edhe duart e lidhta”, ka treguar ajo.

Dhuna fizike dhe seksuale ka zgjatur për disa orë. Ajo tregon se u godit me armë automatike në shpatull, u tërhoq zvarrë, dhe u la në një gjendje të rëndë shëndetësore.

“Në kerr ua kanë zgjidh edhe duart edhe gojën. Aty u kanë një tanke jo, por i autoblindë, s’di çka u kanë, para  shtëpisë tonë. Aty ka pasë shumë serbë, shumë policë, ushtarë. Kati i parë u kanë i kallt. Shkollën e kemi pas afër. Kishin marrë banka prej shkollës. Kati i parë u kanë veç banka. Ne normal që e kemi pasë shporetin, ku jena dalë aty u kanë shporeti. E kishin dhezë shporetin, pijshin, u kënaqshin, ka pas shumë pije – raki, birra- gjithçka ka pas. Më duket po e shoh.

Ahh, diçka shumë. Ata qeshnin e bërtitnin. Mu të parën, gjithmonë unë e para. Na çuan në shtëpinë time. Kur na çuan aty na lanë pak në koridor, në katin e parë. Na thanë me shku nalt. Ata njëherë folshin serbisht, por unë nuk di serbisht. Pasi na thanë me shku në katin e dytë, unë u koqita, sepse i kam pas shumë flokët e gjata. Tani, nuk dashta me shku në katin e dytë. Kështu afër shkallëve ka qenë maqina e lamjes, aty afër maqinës më ka goditë me automat këtu, në këtë pjesën”.

“Ne nuk kemi dashtë me u zhveshë. Tani ja kanë nis, Zhika i pari. Ai nonstop me mu ka qenë. Ja ka nis me mi çky teshat.

Me thikë e me dorë. Boll u mundojsha me kap kështu, me largu me duar, por me duar nuk mujshe. Tani, veç me këmbë. Sespe kur e përmendi këtë gjë, më duket që aty jam. Me dhunë na i kanë çky teshat, krejt. Kur jena çu nuk kemi pas çka me veshë. Krejt, nonstop. Mashkulli i parë që ka qenë, që e kam pa me sytë e mi, ka qenë Zhika. E tmerrshme ka qenë. Katastrofë ka qenë.

Po, po. Në të njëtën dhomë. Shtëpia ka qenë e mobiluar krejt, poshtë dhe lart. Poshtë veç ish kanë kallt, nalt nuk kish pas sen, veç një tepih u kanë e shtrume, sen nuk kish pasë. Edhe ato dyja ja kanë nisë ashtu me u çky e me bërtit. Aty, po dinë, e kam pas dertin tem, hallin tem. Aty tu na i deshë e tu na i deshë. Tani Zhiko ja ka nisë me mua i pari, me më dhunu. Tani ja kanë nisë edhe të tjerët. Por, a e din? Jo me të humb vetëdija, por si e trullueshme”, ka shtuar ajo.

Pas Zhikës, ajo tregon se dhunua edhe nga të tjerët paramilitarë serbë.

“Jam kanë e çkyme si me më hanger qentë. Krejt e masakruar jam kanë. Mas Zhikës ja kanë nisë edhe do të tjerë, krejt zhveshë ashtu. Tmerr u kanë me i pa e le edhe me të dhunu. Shumë e tmerrshme u kanë”,

Pas luftës, shtëpia ku ndodhi dhuna u rrafshua plotësisht nga vëllai i saj, i cili nuk pranoi të jetonte më aty.

“Për qata nuk e ka lanë vëllai shtëpi, nuk e ka lanë. I kish pas thanë gruas së vetë: Motrën këtu ma kanë dhunu, tash e heqi këtë shtëpi krejt”, ka rrëfyer e mbijetuara në Debat Plus.

The post Rrëfimi tronditës i të mbijetuarës së dhunës seksuale gjatë luftës: Jam kanë e ç’kyme si me më hanger qentë appeared first on Telegrafi.

Gjykata Kushtetuese e Kosovës ka thënë se gjyqtari i saj, Radomir Llaban, u emërua më 2018 pasi i ishte nënshtruar “të gjitha procedurave kushtetuese e ligjore”, për propozimin e tij nga Kuvendi i Kosovës dhe dekretimit nga presidenti i Kosovës.

Në një reagim për media të mërkurën, Kushtetuesja tha se Llaban ka qenë i punësuar në gjykatën më të lartë të vendit nga viti 2011, fillimisht si këshilltar juridik, para se të emërohej gjyqtar më 9 gusht 2018.

Ky reagim vjen një ditë pasi presidentja e Kosovës, Vjosa Osmani, njoftoi se, për shkak Llabanit, ka tërhequr një kërkesë drejtuar Kushtetueses në korrik, përmes së cilës kërkoi sqarim se çfarë do të ndodhte nëse Kuvendi i Kosovës nuk do të konstituohej deri më 26 korrik – afati i përcaktuar nga gjykata më herët përmes një aktgjykimi. Llaban ishte caktuar si gjyqtar raportues për këtë lëndë.

Sipas saj, institucionet e sigurisë më 2018, 2021 dhe 2024 kanë dorëzuar informacione lidhur me “veprimtarinë e rrezikshme” të Llabanit.

Osmani tha se, sipas informatave “të cilat në vitet 2021 dhe 2024 po ashtu janë ndarë edhe me Gjykatën Kushtetuese, ky gjyqtar paraqet rrezik për sigurinë kombëtare të Republikës së Kosovës dhe është i angazhuar në veprimtari kundër rendit kushtetues të Republikës së Kosovës”.

Shefja e shtetit nuk tregoi se çfarë rreziku përbën Llaban për sigurinë kombëtare të Kosovës, duke argumentuar se ky është vlerësim i klasifikuar i institucioneve të sigurisë.

Kushtetuesja tha se është e drejtë e palëve para gjykatës që të kërkojnë tërheqjen e kërkesave të parashtruara, “të cilat Gjykata Kushtetuese i trajton bazuar në Kushtetutë, Ligjin për Gjykatën Kushtetuese dhe Rregulloren e saj të punës”.

Vitin e kaluar, Ministria e Drejtësisë e Kosovës kishte  refuzua te emerohet  Llabanin për noter, pas pranimit të informacioneve nga Agjencia e Kosovës për Inteligjencë (AKI) lidhur me integritetin e tij.

Shkarkimin e një gjykatësi të Kushtetueses e bën presidenti i Kosovës.

Por, propozimi për shkarkimin e tij paraprakisht duhet të bëhet nga dy e treta e gjyqtarëve të Kushtetueses – që ka gjithsej nëntë gjykatës – dhe kjo kërkesë t’i dërgohet Presidencës. rel

E ngarkuara me punë në Ambasadën e Shteteve të Bashkuara të Amerikës në Kosovë, Anu Prattipati, u ka dërguar një porosi të qartë partive politike në vend që të shmangen çdo përpjekje për të bllokuar pjesëmarrjen e ndonjë partie në zgjedhje përmes taktikave politike apo procedurale.

Përmes një njoftimi në faqen zyrtare të Ambasadës në Facebook, u bë e ditur se gjatë kësaj jave, Prattipati ka zhvilluar takime të ndara me udhëheqësit e Partisë Demokratike të Kosovës (PDK), Aleancës për Ardhmërinë e Kosovës (AAK) dhe Lidhjes Demokratike të Kosovës (LDK).

I dërguari i posaçëm i Bashkimit Evropian për dialogun Kosovë-Serbi, Peter Sorensen, gjatë vizitës së tij në Kosovë më 6 gusht ka biseduar me udhëheqësit shtetërorë për mënyrat e zbatimit të Marrëveshjes së Ohrit, si dhe për situatën aktuale në terren.

“Sigurisht, situata politike këtu nënkupton që gjërat mund të marrin më shumë kohë. E di këtë, kështu që ky është një takim i rregullt. Jam i lumtur që jam këtu”, tha ai për gazetarët pasi përfundoi takimin me kryeministrin në detyrë të Kosovës, Albin Kurti.

I pyetur se në çfarë gjendje është aktualisht dialogu për normalizimin e raporteve mes Kosovës dhe Serbisë, emisari evropian tha shkurt se procesi “është aktiv”.

Kosova dhe Serbia arritën Marrëveshjen e Ohrit më 2023. Edhe pse marrëveshja nuk është nënshkruar, Bashkimi Evropian këmbëngul se ajo është obligative për të dyja palët.

Marrëveshja prej 11 nenesh, ndër tjerash, parasheh një nivel të vetëmenaxhimit për komunitetin serb në Kosovë, njohje të ndërsjellë të simboleve shtetërore, që Serbia të mos bllokojë anëtarësimin e Kosovës në organizata ndërkombëtare, dhe kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të arritura gjatë dialogut.

Gjatë një prononcimi për gazetarë, në një ngjarje tjetër të organizuar në Prishtinë, Kurti tha se me Sorensenin ka biseduar për gjendjen e komuniteteve në Kosovë, veçmas të atij serb.

Kurti tha se ky komunitet ka të drejta të garantuara me Kushtetutë, siç është përdorimi i gjuhës serbe në të gjithë territorin, e jo vetëm në komunat ku ata janë shumicë.

Ai tha se që nga viti 2023 – kur në katër komunat në veri të Kosovës u zgjodhën kryetarë shqiptarë – në veri janë bërë hapa për integrimin e serbëve. Këtu ai përmendi punësimin e serbëve përmes një programi qeveritar dhe hapjen e bizneseve të reja në atë pjesë.

“Çfarëdo që bëjmë ne është në funksion të integrimit të serbëve dhe nuk është shkelje e Marrëveshjes së Ohrit, por përkundrazi në përputhje me të. Por, e kundërta vlen për Serbinë, e cila nuk e respekton marrëveshjen dhe e shkel atë vazhdimisht”, tha Kurti.

Sorensen gjatë ditës u takua edhe me presidenten e Kosovës, Vjosa Osmani, si dhe kryetarin e Partisë Demokratike të Kosovës, Memli Krasniqi, dhe zyrtarë të Lidhjes Demokratike të Kosovës.

Osmani i kërkon Sorensenit që dialogu të jetë i paanshëm dhe me objektiva të qartë

Sipas një njoftimi të Presidencës kosovare, Osmani i ka kërkuar emisarit Sorensen, që procesi negociues në Bruksel të jetë i drejtë, i paanshëm dhe me objektiva të qarta.

“Presidentja Osmani theksoi rëndësinë e një procesi të drejtë e të paanshëm, duke përcaktuar objektiva të qarta, gjë që do të kontribuonte po ashtu në avancimin e paqes, stabilitetit dhe perspektivës evropiane të rajonit në tërësi. Ajo e falënderoi zotin Sorensen për rolin dhe angazhimin e tij të deritanishëm për një dialog parimor dhe të bazuar në trajtimin e barabartë të palëve”, u tha në njoftimin e Presidencës së Kosovës.

Takim të nivelit të lartë në dialog Kosova dhe Serbia nuk kanë zhvilluar që nga shtatori i vitit 2023. Ai takim, ishte zhvilluar disa ditë para se një grup i serbëve të armatosur të sulmonte Policinë e Kosovës në Banjskë të Zveçanit, duke vrarë një rreshter.

Kosova për këtë ngjarje fajëson Serbinë, por Beogradi mohon se ka gisht në të. Ndërkaq, BE-ja ka kërkuar që përgjegjësit të përballen me drejtësinë.

Rundi i fundit i dialogut mes kryenegociatorëve të dy shteteve, që ndërmjetësohet nga BE-ja, ishte mbajtur më 10 qershor. Pas këtij takimi, Sorensen deklaroi se po bëheshin përgatitje për një takim të nivelit të lartë.

Përveç dialogut, sipas Presidencës së Kosovës, Osmani dhe Sorensen kanë folur edhe për heqjen e masave ndëshkuese të vendosura ndaj Kosovës nga blloku evropian.

Osmani i ka cilësuar këto masa të padrejta, dhe ka thënë se ato prekin “më së shumti qytetarët e Kosovës”.

BE-ja veçse ka njoftuar se ka nisur heqjen e masave, por nuk ka treguar se cilat masa janë hequr deri më tani.

Në këtë takim, Osmani po ashtu ka folur me emisarin evropian për arrestimet e shtetasve të Kosovës në Serbi “duke kërkuar angazhim të bashkësisë ndërkombëtare në mënyrë që Serbia t’i ndalë këto veprime të paligjshme ndaj qytetarëve të Kosovës”.

Vizita e emisarit evropian në Kosovë u zhvillua në kohën kur Serbia ka paralajmëruar se nuk mund të ketë dialog me Kosovën, për normalizimin e raporteve, pa lirimin e një zyrtari të Zyrës për Kosovën në Qeverinë serbe.

Igor Popoviq u ndalua në Kosovë më 18 korrik. Ndaj tij, Prokuroria Speciale ka ngritur aktakuzë për “nxitje të përçarjes dhe mosdurimit”, pasi gjatë një fjalimi në Rahovec e kishte quajtur Ushtrinë Çlirimtare të Kosovës “organizatë terroriste”.

Po ashtu, takimet e Sorensenit me krerët shtetërorë ndodhën në kohën kur Kosova gjendet në një krizë politike, pasi që nga zgjedhjet parlamentare të shkurtit, vendi nuk ka institucione të reja.

Shefja për diplomaci e BE-së, Kaja Kallas, gjatë vizitës në Kosovë të zhvilluar në maj, u bëri thirrje udhëheqësve politikë të zhbllokonin ngërçin politik, teksa njoftoi se blloku evropian ka nisur heqjen e masave ndëshkuese ndaj Kosovës.

Këto masa ndëshkuese, BE-ja ja vendosi Kosovës verën e vitit 2023 për shkak të rritjes së tensioneve në veriun e Kosovës, të banuar me shumicë serbe.

Kallas po ashtu kanë thënë se normalizimi i raporteve mes Kosovës dhe Serbisë është e vetmja rrugë drejt një të “ardhmeje më të sigurt dhe më të begatë për popujt e këtij rajoni”.

Dialogu mes Kosovës dhe Serbisë ka nisur më 2011. Gjatë viteve janë arritur disa marrëveshje, por jo të gjitha janë zbatuar nga palët.REL

PRISHTINË, 6 gusht /ATSH/ E Ngarkuara me Punë pranë Ambasadës së SHBA-së në Prishtinë, Anu Prattipati u takua këtë javë me krerët e PDK-së, LDK-së dhe AAK-së, me të cilët ka biseduar mbi ngërçin politik të krijuar si pasojë e moszgjedhjes së Kuvendit të ri të dalë nga zgjedhjet e 9 shkurtit.

Në një postim sot të Ambasadës amerikane në Facebook thuhet se bllokimi i partive të kualifikuara përmes taktikave politike apo procedurale minon demokracinë.

Prattipati ka theksuar parimin thelbësor demokratik se të gjithë qytetarët e Kosovës duhet të jenë në gjendje të votojnë për përfaqësuesit e tyre.

Liderët e Kosovës u zgjodhën për të zgjidhur sfidat me të cilat përballet vendi i tyre dhe Prattipati nënvizoi se ata duhet të punojnë së bashku për të përmbushur mandatin që populli i Kosovës u ka dhënë atyre, thuhet në postim.

Kosova ndodhet në ngërç politik si pasojë e mos formimit të Kuvendit të ri. Gjykata Kushtetuese ka vendosur masë të përkohshme deri më 8 gusht, ndërkohë që presidentja Vjosa Osmani më 5 gusht ka tërhequr kërkesën e saj drejtuar Kushtetueses. Si arsye për tërheqjen e kërkesës, Osmani përmendi emërimin e Laban si gjyqtar raportues në këtë rast, duke e cilësuar një veprim të tillë si shqetësues dhe të rrezikshëm.

Laban është i njohur për publikun në Kosovë që nga viti 2018, kur presidenti i atëhershëm, Hashim Thaçi, refuzoi fillimisht t’ia dorëzonte dekretin për emërim derisa të verifikohej nga organet e drejtësisë. Disa muaj më vonë, megjithatë, Thaçi e dekretoi atë.

Laban është person i kërkuar në Serbi, pasi ka shmangur vuajtjen e një dënimi prej gjashtë vjetësh burgim, të shqiptuar si pjesë e të ashtuquajturës “mafia doganore” – një grup i përbërë nga persona të akuzuar për marrje dhe dhënie të ryshfetit, keqpërdorim të pozitës zyrtare dhe falsifikim dokumentesh.

Emri i tij ndodhet në listën e të kërkuarve në Serbi që nga viti 2012 dhe në atë të Interpolit që nga viti 2014.

Osmani tha se ka informacione që Laban paraqet rrezik për sigurinë kombëtare të Kosovës dhe është i angazhuar në veprimtari kundër rendit kushtetues të Kosovës.

Ajo nuk pranoi të jep detaje se në ç’mënyrë Laban paraqet kërcënim për sigurinë kombëtare, duke theksuar se ky është një vlerësim i besuar institucioneve të sigurisë.

Ligji për Gjykatën Kushtetuese të Kosovës përcakton se gjyqtari raportues në një çështje caktohet nga kryetari i gjykatës dhe se ai është përgjegjës për hartimin e raportit që i paraqitet kolegjit për shqyrtim. /KosovaPress/

The post Ambasada amerikane në Prishtinë: Bllokimi përmes taktikave politike apo procedurale minon demokracinë appeared first on Agjencia Telegrafike Shqiptare.

Nënkryetari i Lidhjes Demokratike të Kosovës, Lutfi Haziri, së bashku me nënkryetaren Hykmete Bajrami, ka pritur në takim Përfaqësuesin e Posaçëm të Bashkimit Evropian për Dialogun Kosovë–Serbi, Peter Sørensen, dhe ambasadorin e BE-së në Prishtinë, Aivo Orav.

Në këtë takim u diskutua rreth situatës politike në vend, veçanërisht ngërçit institucional të krijuar nga partia e parë dhe nevojës urgjente për formimin e institucioneve.

Përfaqësuesit e LDK-së njoftuan për kërkesat e partisë të adresuara në Gjykatën Kushtetuese lidhur me këtë çështje.

LDK ritheksoi kërkesën për heqjen e masave ndëshkuese ndaj Kosovës, duke theksuar se këto masa jo vetëm që po dëmtojnë qytetarët, por po pengojnë edhe procesin e integrimit të vendit në familjen euroatlantike.

Në fund, përfaqësuesit e LDK-së shprehën besimin se Bashkimi Evropian do të vazhdojë të mbështesë Kosovën në rrugën e saj drejt integrimit dhe në proceset e tjera demokratike.

The post Haziri e Bajrami takojnë përfaqësuesit e BE-së, kërkojnë heqjen e masave ndëshkuese ndaj Kosovës appeared first on Telegrafi.

Një aksident detar është regjistruar mesditën e së martës pranë ishullit Diaporos, në zonën turistike të Halkidikit në Greqi.

Sipas autoriteteve portuale greke, një skaf me shtatë persona në bord gjashtë shtetas nga Kosova dhe një shtetas amerikan është përplasur në një breg shkëmbor.

Si pasojë e përplasjes, tre persona mbetën të plagosur. Fillimisht ata morën ndihmën e parë në Qendrën Shëndetësore të Agios Nikolaos, ndërsa më pas u transportuan në Spitalin e Përgjithshëm të Poligyros.

Të tre personat janë jashtë rrezikut për jetën dhe tashmë janë lënë të lirë nga spitali.

Skafi, i cili mësohet se ishte marrë me qira, është përmbysur pas përplasjes dhe më pas është tërhequr në breg.

Autoritetet e Portit të Ormos Panagias kanë nisur hetimet për të zbardhur rrethanat e aksidentit. Deri më tani nuk raportohet për ndotje detare si pasojë e ngjarjes.

The post Aksident detar në Greqi, lëndohen tre turistë nga Kosova appeared first on Telegrafi.

Kryeministri në detyrë i Kosovës, Albin Kurti, ka thënë të mërkurën se partia e tij, Lëvizja Vetëvendosje, do ta pranojë vendimin e ardhshëm të gjykatës më të lartë të vendit në lidhje me konstituimin e Kuvendit të Kosovës.

Gjykata Kushtetuese e Kosovës pritet të vendosë më së largu deri më 8 gusht lidhur me çështjen e konstituimit të Kuvendit të Kosovës.

“Mendoj që duhet të presim edhe fare pak ditë, do të na njoftojnë se çfarë kanë menduar se do të ndodh pas 30 ditëve. S’e di cila do të jetë zgjidhja, natyrisht, por ne kemi thënë se e respektojmë aktgjykimin e Gjykatës Kushtetuese. Është dëm I madh që Kosova nuk ka Kuvend”, tha Kurti për gazetarë gjatë një vizite në një klinikë të QKUK-së.

Në fund të muajit të kaluar, Kushtetuesja i urdhëroi deputetët të mos marrin asnjë vendim dhe veprim deri më 8 gusht, në lidhje me bërjen e Kuvendit, derisa po shqyrton dy lëndë.

Kosova është zhytur në një krizë politike si pasojë e mosthemelit të institucioneve të reja pas zgjedhjeve të 9 shkurtit. Deputetët kanë dështuar në 54 përpjekje që nga 15 prilli për ta bërë Kuvendin e ri – hap i domosdoshëm për formimin e Qeverisë së re – pasi asnjëra parti nuk e fitoi shumicën për të qeverisur e vetme.

Vetëvendosje e Kurtit i fitoi 48 ulëse dhe partitë e tjera parlamentare nuk kanë pranuar ta votojnë kandidaten e partisë fituese për kryetare të Kuvendit, për emërimin e së cilës nevojiten të paktën 61 vota.

Në prag të vendimit të Kushtetueses, presidentja e vendit, Vjosa Osmani, të martën e tërhoqi kërkesën drejtuar në korrik Kushtetueses për të kërkuar sqarim se çfarë do të ndodhte nëse Kuvendi i Kosovës nuk do të konstituohej deri më 26 korrik – afati i përcaktuar nga gjykata më herët përmes një aktgjykimi.

Ajo tha se arsyeja e tërheqjes së kërkesës së saj është gjyqtari serb në Gjykatën Kushtetuese, Radomir Llaban. Osmani tha se caktimi i Llabanit si raportues në shqyrtimin e kërkesës së saj, “është jo vetëm shqetësues, por edhe i rrezikshëm” për sigurinë dhe rendin kushtetues të Kosovës.

I pyetur për këtë nga gazetarët, Kurti tha se presidentja Osmani “nuk ka qenë në dijeni se ai do të jetë kryesues i çështjes që do të trajtohet nga Gjykata Kushtetuese”.

“Ne që nga viti 2018 kemi qenë të informuar për gjyqtarin Llabanin, atëherë kur ai pati aplikuar për t’u bërë anëtar i Gjykatës Kushtetuese. Asokohe, Albulena Haxhiu nga partia jonë i pati shkruar letër zyrës së presidentit, mirëpo as presidenti i atëhershëm më 2018 e as kryetarja e atëhershme e Gjykatës Kushtetuese nuk e kanë parë të arsyeshme të ndalnin emërimin e tij”, theksoi ai.

Kurti shtoi se “është absurde që dikush, sipas informacioneve nga institucionet tona të sigurisë, është me rrezik për rendin tonë kushtetues, të gjykojë tani për një çështje kushtetuese”.
Vitin e kaluar, Ministria e Drejtësisë e Kosovës kishte refuzuar ta emëronte Llabanin për noter, pas pranimit të informacioneve nga Agjencia e Kosovës për Inteligjencë (AKI) lidhur me integritetin e tij.

Kush është Radomir Llaban?

Radomir Llaban është aktualisht gjyqtar në Gjykatën Kushtetuese të Kosovës. Ai ishte emëruar gjyqtar nga ish-presidenti i Kosovës, Hashim Thaçi, në gusht të vitit 2018. Fillimisht, në maj 2018, Thaçi refuzoi ta dekretojë Llabanin deri në kryerjen e një verifikimi të plotë nga organet e drejtësisë, por e dekretoi atë disa muaj më vonë.

Në vitin 2011, Llaban ishte shpallur fajtor nga një gjykatë në Serbi për veprën penale të marrjes së ryshfetit. Ai ishte dënuar me gjashtë vjet burgim.

Në vitin 2017, Serbia i ka dërguar EULEX-it një kërkesë për arrestimin e Llabanit, mirëpo misioni kishte thënë se nuk ka mandat ta bëjë një arrestim të tillë.
Radomir Llaban u propozua nga Lista Serbe për të qenë gjyqtar i

Gjykatës Kushtetuese, derisa deputetët e Kuvendit të Kosovës miratuan zgjedhjen e tij në këtë pozitë. Mandati i gjyqtarit Llaban në Gjykatën Kushtetuese të Kosovës është nëntë vjet./REL/

The post Ngërçi me konstituimin e Kuvendit! Albin Kurti: Nuk e di cila do të jetë zgjidhja, por do ta respektojmë vendimin e Kushtetueses appeared first on Albeu.com.

Presidentja e Kosovës, Vjosa Osmani, ka tërhequr kërkesën e dorëzuar më 22 korrik në Gjykatën Kushtetuese, përmes së cilës kërkonte interpretimin e pasojave juridike në rast të moskonstituimit të Kuvendit brenda afatit 30-ditor.

Ajo ka sqaruar se arsyeja e tërheqjes lidhet me faktin që gjyqtari raportues i kësaj çështjeje ishte caktuar Radomir Laban, për të cilin, sipas Osmanit, ka informacione nga institucionet e sigurisë që e konsiderojnë si kërcënim për rendin kushtetues të vendit.

Ky veprim është komentuar nga avokati Virtyt Ibrahimaga në emisionin FIVE të Dukagjinit. Sipas tij, tërheqja e kërkesës për shkak të emrit të gjyqtarit raportues nuk është një arsyetim i qëndrueshëm ligjërisht.

“Sa i përket kërkesës pr tërheqje lidhur me këtë arsyetim, ky është arsyetim. Se në qoftë se ti e dërgon një parashtresë në gjykatë, atëherë pavarësisht se cili gjykatës e merr përsipër atë, ti duhesh me prit vendimin sepse nuk mundesh me zgjedh se cili gjykatës e trajton atë çështje. Ndër sa i përket shkarkimit të një gjykatësi të të Gjykatës Kushtuese, ekzistojnë procedura tjera, të cilat mundem me u iniciua”, ka thënë Ibrahimaga.

Ibrahimaga shpjegoi se gjyqtari raportues së bashku me dy gjyqtarë të tjerë përcakton fillimisht nëse kërkesa është e pranueshme. Nëse çështja kalon për shqyrtim përmbajtësor, vendimi merret nga kolegji, jo nga vetë gjyqtari raportues.

Ai shtoi se, edhe pse ky gjyqtar ka rol të rëndësishëm dhe është më i informuari për lëndën, nuk ka ndikim vendimtar.

“Ndërsa çfarë roli ka gjyqtari raportues? Gjyqtari raportues merret më lëndën, e analizon lëndën dhe thjesht e jep një rekomandim. Së pari ekziston procedura e përcaktimit, nëse kërkesa është lejueshme apo jo. aty gjyqtari raportues ka rol së bashku me dy gjyqtar tjerë për pacaktuar pranueshmërinë e kërkesës. Ndërsa nëse vjen te shqyrtimi përmbajtësor i kërkesës, nëse lëshohet merita, vendos kolegji. Natyrisht se gjyqtari raportues e raporton çështjen. Pa dyshim që roli i tij është i rëndësishme, por nuk është vendimtar. Se ne kemi disa raste ku Kushtetuesja nuk  e ka ndjek rekomandimin e gjyqtari raportues.

Por thjesht e ka marrë në konsideratë atë raport dhe rekomandimin e tij, mirëpo ka vendosur ndryshe. Nuk duhet të relativizuar as rolin e gjyqtari raportues, sepse është më i informuari për lëndën dhe ai e jep një rekomandim sa i përket çështjes. Gjyqtari raportues nuk mundet me përcaktuar vendimin përfundimtar, bile as vendimin sa i përket pranueshmërisë së kërkesës. Nuk është arsyetim me u tërheq lënda se një gjyqtar është aty gjyqtar raportues…”, ka shtuar avokati.

The post Avokati Ibrahimaga: Tërheqja e kërkesës së Osmanit në Kushtetuese për shkak të Labanit nuk është e justifikueshme appeared first on Telegrafi.

E ngarkuara me punë në Ambasadën e Shteteve të Bashkuara të Amerikës në Kosovë, Anu Prattipati, u ka dërguar një porosi të qartë partive politike në vend: Të shmangen çdo përpjekje për të bllokuar pjesëmarrjen e ndonjë partie në zgjedhje përmes taktikave politike apo procedurale.

Përmes një njoftimi në faqen zyrtare të Ambasadës në Facebook, u bë e ditur se gjatë kësaj jave, Prattipati ka zhvilluar takime të ndara me udhëheqësit e Partisë Demokratike të Kosovës (PDK), Aleancës për Ardhmërinë e Kosovës (AAK) dhe Lidhjes Demokratike të Kosovës (LDK).

“E ngarkuara me punë, Anu Prattipati, u takua me udhëheqësit e PDK-së, AAK-së dhe LDK-së për të theksuar një parim thelbësor demokratik: të gjithë qytetarët e Kosovës duhet të jenë në gjendje të votojnë për përfaqësuesit e tyre. Bllokimi i partive të kualifikuara, përmes taktikave politike ose procedurale, minon demokracinë”, thuhet në njoftim.

Po ashtu, në këto takime është diskutuar edhe për ngërçin aktual institucional dhe vonesën në konstituimin e institucioneve të dala nga zgjedhjet.

Prattipati ua ka kujtuar liderëve politikë se janë zgjedhur për të zgjidhur sfidat me të cilat përballet vendi dhe u ka bërë thirrje për bashkëpunim dhe përmbushje të mandatit të dhënë nga qytetarët.

Qëndrimet e partive politike

Kryetari i PDK-së, Memli Krasniqi, ka bërë të ditur se në takim ka theksuar nevojën për formimin sa më të shpejtë të institucioneve të reja.

“PDK do të vazhdojë të veprojë me përgjegjësi, në interes të qytetarëve, për stabilitet institucional dhe mbetet e përkushtuar për partneritet të ngushtë me Shtetet e Bashkuara dhe aleatët tanë perëndimorë”, shkroi ai në Facebook të martën.

Nga ana tjetër, LDK-ja ka deklaruar se në takim është diskutuar situata e krijuar pas moskonstituimit të Kuvendit dhe është theksuar rëndësia e trajtimit të kësaj çështjeje nga Gjykata Kushtetuese.

“Përfaqësuesit e LDK-së ritheksuan rëndësinë që ky institucion të marrë një vendim të drejtë, të bazuar në Kushtetutë dhe në interes të stabilitetit institucional, në mënyrë që vendi të dalë sa më parë nga kriza aktuale politike dhe institucionale”, thuhet në njoftimin e partisë.

Ndërsa, kryetari i AAK-së, Ramush Haradinaj, ka theksuar se i ka përcjellë Prattipatit përkushtimin e Aleancës për të kontribuar në formimin sa më të shpejtë të institucioneve të reja që kanë dalë nga zgjedhjet.

Zgjedhjet e radhës në Kosovë janë ato lokale, të planifikuara për muajin tetor.

The post SHBA me porosi të qartë: Të mos bllokohet pjesëmarrja e asnjë partie në zgjedhje appeared first on Telegrafi.

Paraburgimi ndaj Hashim Thaçit, Bashkim Smakajt, Isni Kilajt dhe Fadil Fazliut është zgjatur pas një vendimi nga Dhomat e Specializuara të Kosovës në Hagë.

Vendimi është marrë më 5 gusht nga gjyqtarja e procedurës paraprake, Marjorie Masselot e cila ka vlerësuar se mbajtja e tyre në paraburgim mbetet e domosdoshme dhe e arsyeshme, duke theksuar nevojën për të shmangur rrezikun e ndikimit mbi procesin gjyqësor, veçanërisht në rastin e Thaçit.

Gjyqtarja e procedurës paraprake ka thënë se ende vazhdon dyshimi ndaj Thaçit për kryerjen e veprave penale për të cilat ai është i ngarkuar.

“Veprimet e Thaçit tregojnë për këmbëngulje në përpjekjet për të penguar procedurat e DhSK-së edhe nga brenda Qendrës së Paraburgimit të DhSK-së, përfshirë përmes ndikimit të tij mbi ish-pjesëtarë të UÇK-së që i qëndrojnë besnikë dhe persona nga rrethet e tij politike, si bashkë të akuzuarit në këtë çështje”, thuhet në vendim.

Sophie Menegon dhe Luka Mishetiq që paraqesin mbrojtjen e Thaçit nuk kanë parashtruar përgjigje ndaj kërkesës së Prokurorisë për vazhdimin e paraburgimit. Kujtojmë se Gjykata Speciale ka ngritur aktakuzën e dytë kundër Thaçit në dhjetor të vitit 2024 për pengim të drejtësisë.

The post Gjykata Speciale zgjat paraburgimin ndaj Thaçit, gjyqtarja pretendon se mund arratiset dhe të pengojë procedurat appeared first on Albeu.com.

The post Shkeli me dy këmbët flamurin e Kosovës në sheshin e Prishtinës, policia interviston qytetarin nga Fieri appeared first on Telegrafi.

Presidentja e Kosovës, Vjosa Osmani, një ditë më parë ka bërë të ditur se ka tërhequr kërkesën e saj drejtuar Gjykatës Kushtetuese lidhur me çështjen e konstituimit të Kuvendit të Kosovës. Osmani ka thënë se vendimi për tërheqjen e kërkesës është marrë si reagim ndaj caktimit të gjyqtarit Radomir Laban si raportues i kësaj lënde, të cilin ajo e cilëson si figurë problematike për sigurinë e shtetit.

E lidhur me këtë ka folur sot kryeministri në detyrë, Albin Kurti.

I pyetur se si e sheh tërheqjen e kërkesës nga Gjykata Kushtetuese lidhur me konstituimin e Kuvendit, Kurti tha se presidentja Osmani nuk ka qenë në dijeni se ai do të jetë kryesues i çështjes që do të trajtohet nga Kushtetuesja.

Lexo po ashtu Osmani tërheq kërkesën në Kushtetuese për seancën konstituive për shkak të gjyqtarit serb: Rrezik për sigurinë kombëtare

“Ne që nga viti 2018 kemi qenë të informuar për gjyqtarin Laban, atëherë kur ai pati aplikuar që të bëhet anëtari i Gjykatës Kushtetueses”, tha Kurti.

Kryeministri në detyrë tutje tha se deputetja Albulena Haxhiu në emër të grupit parlamentar të LVV aso kohe sa ishin në opozitë i ka shkruar letër zyrtare Zyrës së Presidentit dhe kryetares të atëhershme të Gjykatës Kushtetuese.

“Deputetja Albulena Haxhiu në emër të Grupit parlamentar aso kohe sa ishim në opozitë i ka shkruar letër zyrtare Zyrës së Presidentit, por fatkeqësisht as presidenti i atëhershëm në vitin 2018, as kryetarja e Gjykatës Kushtetuese e atëhershme, në vitin 2018 nuk e kanë parë të arsyeshme që të ndalin një proces të tillë sepse është absurde që dikush i cili sipas informacioneve që kemi nga institucionet e sigurisë se është i papërshtatshëm, rrezik për rendin tonë kushtetues tash të gjykojë mbi një çështje kushtetuese”, tha Kurti. /Telegrafi/

The post Rasti i gjykatësit Laban, Kurti: Absurde që dikush që vlerësohet si i papërshtatshëm për sigurinë të gjykojë mbi një çështje kushtetuese appeared first on Telegrafi.

I dërguari i posaçëm i Bashkimit Evropian për dialogun Kosovë-Serbi, Peter Sorensen, gjatë vizitës së tij në Kosovë më 6 gusht ka biseduar me udhëheqësit shtetërorë për mënyrat e zbatimit të Marrëveshjes së Ohrit, si dhe për situatën aktuale në terren. “Sigurisht, situata politike këtu nënkupton që gjërat mund të marrin më shumë kohë. E […]

The post Sorensen bisedon me Kurtin e Osmanin për zbatimin e Marrëveshjes së Ohrit appeared first on BoldNews.al.

PRISHTINË, 6 gusht/ATSH/ Emisari i posaçëm i Bashkimit Evropian për dialogun Kosovë-Serbi, Peter Sorensen, ka thënë se ka diskutuar me kryeministrin në detyrë, Albin Kurti dhe presidenten Vjosa Osmani, për formën e zbatimin e Marrëveshjes Bazë të Brukselit dhe aneksin e Ohrit.

Pas takimit gati dy orësh, ai foli shkurt para mediave. Sorensen tha se takimet e tij ishin të rregullta.

Ai shtoi se formimi i institucioneve të reja në Kosovë po merr kohë.

/Kosovapress/

The post Sorensen me Osmanin e Kurtin flasin për zbatimin e marrëveshjes së Brukselit appeared first on Agjencia Telegrafike Shqiptare.

PRISHTINË, 6 gusht/ATSH/ Presidentja e Kosovës, Vjosa Osmani, ka pritur sot në takim Përfaqësuesin e Posaçëm të Bashkimit Evropian për Dialogun Kosovë-Serbi, Peter Sorensen.

Presidenca ka njoftuar se në këtë takim Osmani ka theksuar rëndësinë e largimit të masave të padrejta ndaj Kosovës, transmeton KosovaPress

“Në kuadër të diskutimit, u trajtua edhe procesi i konstituimit të Kuvendit dhe institucioneve të tjera, si dhe rëndësia që këto institucione të funksionojnë në mënyrë demokratike për të avancuar objektivat e përbashkëta. Presidentja trajtoi edhe çështjen e arrestimeve arbitrare të qytetarëve të Kosovës nga ana e Serbisë duke kërkuar angazhim të bashkësisë ndërkombëtare në mënyrë që Serbia t’i ndalë këto veprime të paligjshme ndaj qytetarëve të Kosovës”, thuhet në njoftim.

Në lidhje me dialogun, Kosovë-Serbi, Osmani tha se ky proces duhet të jetë i drejtë ipaanshëm, duke përcaktuar objektiva të qarta, gjë që do të kontribuonte po ashtu në avancimin e paqes, stabilitetit dhe perspektivës evropiane të rajonit në tërësi.

Osmani nënvizoi rëndësinë e integrimit të Kosovës në organizata ndërkombëtare, me theks të veçantë në Këshillin e Evropës, si dhe në organizata të tjera të rëndësishme.

/KosovaPress/

The post Osmani në takim me Sorensen, në fokus dialogu Kosovë-Serbi appeared first on Agjencia Telegrafike Shqiptare.

Ministrja në detyrë e Drejtësisë, Albulena Haxhiu ka reaguar sot pasi një ditë më parë presidentja Vjosa Osmani ka tërhequr kërkesën në Kushtetuese për seancën konstituive për shkak të gjyqtarit serb, Radomir Llaban pasi sipas saj paraqet rrezik për sigurinë kombëtare.

Haxhiu në një postim në Facebook shkruan se i kishin drejtuar një kërkesë zyrtare ish-kryetares së Gjykatës Kushtetuese, Arta Rama-Hajrizi, duke kërkuar fillimin e procedurave për shkarkimin e tij.

Sipas Haxhiu në vend që të merrej parasysh kërkesa e tyre, kishin pranuar një përgjigje zyrtare në të cilën thuhej se kërkesa e tyre përbënte “ndërhyrje në pavarësinë e tyre”.

Lexo po ashtu Osmani tërheq kërkesën në Kushtetuese për seancën konstituive për shkak të gjyqtarit serb: Rrezik për sigurinë kombëtare

Lexoni të plotë postimin e ministres në detyrë:

Kur në vitin 2018,  ish-Presidenti Thaçi kishte injoruar thirrjet tona për të mos e dekretuar Radomir Llabanin si gjyqtar të Gjykatës Kushtetuese, për shkak të së kaluarës së tij kriminale dhe duke pasur parasysh që gjyqtarët e Gjykatës Kushtetuese shkarkohen nga Presidenti por paraprakisht me propozimin e 2/3 të gjyqtarëve të kësaj gjykate dhe jo nga ndonjë organ tjetër, ne i kishim drejtuar një kërkesë zyrtare ish-kryetares së Gjykatës Kushtetuese, Arta Rama-Hajrizi, duke kërkuar fillimin e procedurave për shkarkimin e tij.

Megjithatë, në vend që të merrej parasysh kjo kërkesë, ne kishim pranuar një përgjigje zyrtare në të cilën thuhej se kërkesa jonë përbënte “ndërhyrje në pavarësinë e tyre”. /Telegrafi/

The post Rasti i gjyqtarit Llabani, Haxhiu: Patëm dërguar kërkesë në Kushtetuese për shkarkimin e tij, por thoshin se ‘po ndërhyjmë në pavarësinë e tyre’ appeared first on Telegrafi.