Te Bayern Munich ende kafshojnë duart, kanë të njëjtën keqardhje që Juventus ndjen për çështjen Huijsen. Te Barcelona sillen si ata që herët a vonë do ta bëjnë një tentativë me gjithë magjinë e historisë së tyre, vetëm për të mos humbur zakonin për të tërhequr yje. Pak a shumë si Real Madrid, që për më tepër ka hapur rrugë tashmë përmes ndonjë miku (Guler) dhe nuk duhet të bëjë shumë rrugë të gjata për t’u futur në këtë çështje. Futbolli europian që do t’u dridhte këmbët të gjithë talenteve të reja në ngritje tashmë e ka vënë në shënjestër Kenan Yildiz dhe – për aq sa Juve është mjaftueshëm e qetë për vullnetin e lojtarit për të qëndruar gjatë me fanellën bardhezi – tani është koha për ta vënë gjithçka në letër dhe për të blinduar turkun.

Lexo më tej: Bremer, maskë hipoksike, vrapim antigravitacional, topi: sekretet e rikuperimit

Sulmuesi i Juves kontratën e kishte rinovuar që verën e kaluar, deri në 2029, duke pranuar rritjen natyrale të pagës që klubi parashikon për të rinjtë e Next Gen që qëndrojnë në ekipin e parë pas vitit të parë si të bashkuar. Yildiz kishte këmbëngulur edhe me agjentët e tij, të cilët kërkonin pothuajse dyfishin e asaj që ofronte klubi, për të mundur të mbante mbi supe numrin 10 të idhullit të tij, Alessandro Del Piero.

Marrëveshja përfundimtare u mbyll me rreth një milion euro të garantuar dhe pothuajse po aq mes bonuseve dhe shpërblimeve të lidhura me mundësinë për të qenë imazhi i ciklit të ri: një vit më parë, megjithatë, kishte shumë më tepër teori se praktikë; tani gjërat kanë ndryshuar dhe, falë ndërhyrjes së Tudor-it, turku i lindur më 2005 është një 10 edhe në fushë.

NGA THIAGO TE IGOR

Për gjithë pjesën e parë të sezonit të kaluar, Yildiz është trajtuar si lojtar i rëndësishëm, por jo ende si një yll. Thiago Motta i kërkonte të niste nga e majta dhe të hynte në qendër: lëvizja i mundësonte të arrinte shpesh te goditja, por pastaj duhej të bënte edhe fazën mbrojtëse dhe ndonjëherë e kishte të vështirë të mbante qartësinë për një kohë të gjatë.

Me ardhjen e Tudor, përkundrazi, numri 10 është kthyer të veprojë në qendër, duke shtuar teknikë pas qendërsulmuesit dhe duke shfrytëzuar më mirë cilësitë e tij në finalizim. Për mënyrën se si luan tani, kujton vërtet Del Pieron, i cili ndërkohë është bërë edhe këshilltari i tij i parë. Yildiz është aq shumë i lidhur me idhullin e tij sa ka thënë se dëshiron të ndjekë gjurmët e tij edhe në zgjedhje, duke u parë vetë bardhezi për jetë.

MARRËVESHJE E RE

Juve e di që nuk mund ta trajtojë më si një djalosh të ri. Në fakt është gati ta zgjasë sërish kontratën për t’ia përshtatur pagën: është një nga lojtarët më të mirë të skuadrës dhe si i tillë do të njihet edhe financiarisht, me mundësinë për t’u rritur edhe më shumë vitet e ardhshme.

Ndërkohë marrëveshja e re do të jetë me një bazë prej rreth dy milionë eurosh, plus bonuse që mund të arrijnë pragun e 3 milionëve: rritje mbi 200%, e ekzagjeruar për ekuilibrat futbollistikë, por plotësisht e justifikuar nga roli që lojtari i ka qepur vetes dhe nga mënyra se si klubi dëshiron ta mbajë në qendër të projektit të ri sportiv. Kenan Yildiz është lojtari simbol që John Elkann e dëshiron si fytyrën e Juventusit të tij të ri, atij që bazohet tek vlera e të rinjve. Në këtë kuptim, Yildiz qëndron te Juve ashtu si Yamal te Barcelona.

NË GJURMËT E DEL PIEROS DHE JO TË ZIDANE

Dialogu mes palëve nuk do të vonojë: një takim është parashikuar shumë shpejt me vullnetin e plotë për të ecur përpara së bashku. Yildiz do të firmosë deri në 2030, një afat që për Juventusin sot mjafton për të planifikuar mirë mbi të në perspektivë, edhe falë partneritetit me Adidas (për të cilin turku është imazh) që tashmë ka zgjatur kontratën ekskluzive me klubin deri në 2037.

Gjithçka është gati për të vulosur marrëveshjen e re dhe koha është e pjekur për të përshpejtuar punën, në mënyrë që të mbahen larg vëmendjet e klubeve të tjerë të mëdhenj: të cilët janë dhe do të jenë gjithmonë, pashmangshëm. Por për aq kohë sa Yildiz do të dëshirojë të jetë Del Piero i ri te Juve, do të ketë gjithmonë më pak rrezik për t’u ndarë me dhimbje, siç ndodhi një verë, shumë vite më parë, me Zidane.

The post Real e Barça hedhin sytë nga Yildiz, Juventus nxiton ta blindojë: detajet e ofertës appeared first on Lapsi.al.

Shenja e qepjes në gju është e dukshme, por përmirësimet akoma më shumë. Gleison Bremer, për rëndësinë dhe peshën e rikuperimit të tij, mund të përfundojë pa problem në listën e përforcimeve të Juventusit për sezonin e ardhshëm. Pothuajse si një blerje e re. I pritur, thelbësor. Sezoni i tij i munguar vitin e kaluar nuk i ka bërë mirë një Zonjë të Vjetër që shpesh në prapavijë është humbur. Ka gjetur te Gatti një lider të ri por ai me më shumë përvojë mund të ndihmonte vetëm në dhomat e zhveshjes dhe pastaj direkt në tribunë. Pak, shumë pak.

Pyetja është mëse e drejtë: si do të kishte qenë sezoni bardhezi nëse Bremer nuk do ta kishte këputur kryqëzoren pas 6 minutave të para të Leipzig-Juve? Mendime, supozime dhe ato ‘what if’ që vazhdojnë që nga fillimi i tetorit, prej nga lindin skenaret më optimiste. Por ushtrimet dialektike shpejt ia lanë vendin atyre të palestrës, të dokumentuara nga vetë Gleison që ka mbajtur të përditësuar tifozët e tij, juventinë dhe brazilianë, në çdo fazë të rikuperimit.

PUNË E PERSONALIZUAR

Shumë palestër, seanca të personalizuara, një program dhe një punë të përmasuar. Një Bremer i fokusuar maksimalisht është mbyllur shpejt në sallë për një punë të domosdoshme muskulore. Gjuri i monitoruar vazhdimisht ashtu si edhe përparimet, elektroda për stimulim lokal dhe biçikletë statike. E gjithë kjo e shoqëruar nga dashuria e pakufishme e familjes së tij, bashkëshortja Deborah dhe vajza Agatha, nga besimi dhe një motivim shumë i fortë.

MASKA HIPOKSIKE

Në rrugën e rikuperimit Bremer ka veshur këpucët e notit për të optimizuar punën në pishinë me qëllim përmirësimin e rrahjes së këmbëve, ka vrapuar në tapetin lëvizës antigravitacional, nga ato me një teknologji të frymëzuar nga NASA që ul deri në 80% ndikimin e forcës së gravitetit mbi sportistin duke ulur kështu rrezikun e rikthimit të dëmtimit pa hequr dorë nga ushtrimet e vrapimit, ka veshur në fazat e nxehjes maskën hipoksike, një mjet i dobishëm për të përmirësuar frymëmarrjen dhe kapacitetet pulmonare dhe që lejon ruajtjen e performancës në një nivel intensiteti më të lartë. Të gjitha pajisjet dhe mjetet në shërbim të rikuperimit të një pjese thelbësore të Juves.

PREKJET E TOPIT

Në Botërorin për Klube nuk ka luajtur; është kthyer nga SHBA me zero minuta por me shumë seanca stërvitore më shumë, ku ka alternuar punën individuale me punën në grup. Përtej oqeanit ka vazhduar të menaxhojë ngarkesat, ka prekur topin, disa duele të vogla por asnjë ndeshje mes skuadrës, ishte ende herët. Por para se të nisej për turneun amerikan ka punuar edhe me ekipin U23, për të filluar të rifitonte besimin me topin. Për të bërë orë shtesë nuk ka qenë kurrë një barrë.

Lexo më tej: Bremer operohet në Lion, i rindërtojnë ligamentin e kryqëzuar: “Hapi i parë drejt rikthimit”

HAPAT E ARDHSHËM

Tani imagjinoni një video me cilësi të lartë në slow motion, në të cilën kapet çdo detaj në çdo kornizë. Një hap mbi tapetin lëvizës, një pikë djersë që rrjedh mbi fytyrë, një muskul që tendoset, pesha që ngrihet. Shtoni në atë video ndonjë grimasë dhimbjeje, një zmadhim te shikimi tepër i përqendruar tek objektivi, pastaj një buzëqeshje, nga ato që të bëjnë të kuptosh se e keqja ka kaluar. Një përqafim për gruan, një puthje për vajzën, një gisht i madh lart për të përsëritur: Po kthehem. Rikuperimi i Bremer vazhdon me optimizëm dhe kujdes, ngarkesat rriten dita-ditës, por tani më shumë se kurrë mbrojtësi e sheh finishin.

SYTË NGA HERZOGENAURACH

Pjesa më e errët e tunelit ka mbetur pas, drita është aty përpara dhe në atë dritë janë dy data të rrethuar me të kuqe në kalendar: 24 korriku dhe 10 gushti. E para është ajo e grumbullimit në Continassa, dita kur gjithë skuadra e Tudor do të mblidhet pas pushimeve për të nisur përgatitjet për sezonin e ardhshëm; e dyta është data e miqësores së parë të planifikuar në Gjermani, testi luksoz kundër Borussia Dortmund që do të mbyllë grumbullimin në Herzogenaurach. Ja pra, kryqëzimi i parë i rëndësishëm në rrugën e rikuperimit të një Bremer që teknikut Tudor i duhet aq shumë sa një blerje e re, madje më shumë.

NGA ATY, DY JAVË KOHË PËR KAMPIONATIN

Në atë pikë do të mbeten vetëm dy javë nga nisja e kampionatit (Juve-Parma në Stadium do të hapë sezonin bardhezi) dhe mbi të gjitha do të kenë kaluar po aq – pak më shumë – që nga fillimi zyrtar i përgatitjeve dhe shpresa është që braziliani deri atëherë të ketë dhënë përgjigje aq pozitive sa të mund të merret parasysh aktivizimi i tij. Gjithmonë me gjithë kujdesin e duhur. E ndaluar të rrezikohet ndonjë rikthim dëmtimi: një Juve me apo pa Bremer bën gjithë diferencën e botës.

The post Bremer, maskë hipoksike, vrapim antigravitacional, topi: sekretet e rikuperimit appeared first on Lapsi.al.

Edi Rama nuk po lë rast pa i zhgënjyer idiotët e dobishëm që duan ta mbështesin duke predikuar se Shqipëria jeton ende në një sistem demokratik. Që pas 11 majit, kur është siguruar për një mandat të katërt, ai po shpërfill edhe ruajtjen sipërfaqësore të fasadës së një vendi kur respektohet shteti ligjor dhe pushtetet janë të ndara. 

Në pak javë shembujt nuk janë të mungojnë. Ato janë shfaqur me shpërfilljen ulëritëse ndaj pavarësisë së bashkive, që në letër prezumohen të jenë të pavarura nga qeverisja qëndrore. Pa i hyrë në thelb debatit se kush ka të drejtë, se a po tregohet hipokrit kryeministri në raport me qëndrimet që ka mbajtur më parë, fakti se qytetarët e Vlorës, Tiranës apo Durrësit, kanë zgjedhur dikë tjetër për ti drejtuar punët e komunave të tyre, por është shefi i qeverisë që shkarkon e emëron stafet lokale, vendos për prioritetet, jep urdhëra dhe i vë bashkitë nën hyqmin e deputetëve apo ministrave, është shenjë flagrante shkatërrimit të parimit të decentralizimit, në emër të vullnetiti të një njeriu të vetëm.

I njëjti injorim për votën e qytetarëve, madje për të qenë me precizë, për atë të socialistëve, u pa edhe pas procesit të rinumërimit. Ndonëse kllounia me fustan, Zeqineja, rezultoi se nuk i gajaste aq shumë militantët sa për ta shpënë në parlament, me urdhër të drejtpërdrejtë të shefit, ajo që renditej para saj u detyrua të jepte dorëheqjen. Ç’vlerë ka këtu vota e qytetarëve, respekti kushtetues për listat e hapura, apo gara brenda partisë? Të gjitha këto zhbëhen përpara modelit spiropalizues, që ka përqafuar vajza nga Roskoveci, dhe që kërkon ta promovojë me çdo kusht Edi Rama.

E njëjta shpërfillje për shtetin ligjor dhe ndarjen e pushteteve u vu re edhe ndaj prokurores së Shkodrës, Elsa Gjeli, e cila, mirë apo keq, kishte një logjikë të sajën për të mos ndjekur penalisht pronarin që kishte ndërtuar në Theth, dhe që nuk priste në këtë pikë leksione nga një mësues vizatimi. Fakti se nuk i shkoi kryeministrit pas avazit, jo vetëm e shndërroi atë në pre të sulmeve politike, por ministri i drejtësisë filloi procesin e masave disiplinore kundër saj. 

Çuditërisht, kryeministri që e bëri gjuhën çorap ndaj prokurores Gjeli, i ka vënë gojës shtupë për prokurorët dhe gjyqtarët që po mbajnë në burg Veliajn. Vetëm kjo kontradiktë është e mjaftueshme për të dëshmuar se heshtja për Lalin nuk ka të bëjë me ndonjë parim të mbajtjes së një distance higjenike ndaj vendimeve të drejtësisë, por me dëshirën e shefit, për të zhdukur nga skena politike ish delfinin e tij, pa bërë vetë duart pis, por duke përdorur për këtë qëllim, mashën SPAK.

Nuk është e rastësishme që rëndimi i pozitave juridike të kryebashkiakut në detyrë të Tiranës, po shkon paralelisht me shkuljen e spaletave të tij politike nga PS. Sot Rama po e trajton Veliajn si një lebroz mes socialistëve dhe kjo është arsyeja kryesore që një sistem i kapur vazhdon ta mbajë atë në qelitë e Durrësit.

Pra, vetëm në pak kohë pas 11 majit, kryeministri po dëshmon se e ka suprimuar autonominë e pushtetit lokal, se as do ti’a dijë për votën e shprehur përmes listave të hapura, se di ti masakrojë prokurorët që nuk i binden dhe të sinkronizohet lë SPAK-un, që e përdor për të larë hesapet e veta të pista.

Se ku mund të ndeshen fenomene dhe shtrembërime të tilla, në një sistem që klasifikohet si demokratik, këtë edhe “naivët” që kundërshtojnë idenë se Shqipëria nuk është një autokraci, e kanë të vështirë ta gjejnë.

Por, me sa duket, edhe për ta misioni po bëhet gjithnjë e më i pamundur. Nëse Rama ka demostruar simptoma të tilla edhe më parë, pas fitores së mandatit të katërt, bashkë me shkallmimin e opozitës, ndoshta ka flakur edhe skrupujt për tu dukur së paku në sipërfaqe si demokrat.

®Lapsi.al

The post Rama si mallkim i shërbëtorëve të vet appeared first on Lapsi.al.

Nga futbollist zyrtarisht i tërhequr pas lamtumirës nga Juventus në një shtyllë të Barcelonës fituese të La Liga vitin e kaluar, jeta i ka shërbyer një pjatë të shijshme dhe të papritur Wojciech Szczesny, i cili tani në moshën 35-vjeçare nuk do t’ia dijë më të varë dorezat në gozhdë: portieri polak sapo ka rinovuar kontratën e tij me skuadrën blaugrana edhe për dy sezone të tjera, deri në vitin 2027. Një jetë e re sportive për ‘Tek’-un, i cili te Barcelona ka ndryshuar krejtësisht edhe mënyrën e tij të lojës krahasuar me Juventusin: shokët e tij të skuadrës në Katalonjë e duan topin edhe kur janë të mbuluar nga të gjitha anët, ndërsa në Torino i kthenin shpinën vetëm për të mos e pasur topin në këmbë.

Szczesny dhe abisi mes Barcelonës e Juventus

Szczesny ka folur për këtë në një podcast polak: “Këtu i ke thjesht të gjithë që duan topin. Te Juventusi merrja topin në këmbën e majtë, pesë metra larg mbrojtësit, dhe ai kthehej nga ana tjetër, duke të bërë të kuptoje që donte ta gjuaje topin larg. Këtu te Barcelona të gjithë vijnë drejt teje: ‘Ma jep, ma jep!’. Pedri e donte edhe me shtatë kundërshtarë sipër, thoshte: ‘Wojtek, Wojtek, Wojtek!’.”

Ish-lojtari i Romës pastaj përmendi disa nga shokët e tij në mbrojtjen blaugrana, duke theksuar prirjen e tyre për të luajtur gjithmonë me topin: “Kisha Inigo-n, teknikisht të shkëlqyer, dhe zakonisht Pau Cubarsí nga ana tjetër. Balde donte të luante, Frenkie (de Jong) afrohej gjithmonë. Ishte çështje kush e donte topin”.

Lexo më tej: Flick flet për Szczesny, por i habit të gjithë me një batutë: “Ndonjëherë tymos pak…”

“Kur ter Stegen u kthye në stërvitje pas dëmtimit dhe pashë talentin e tij me këmbët, fenomenal, mendova që pasimet e tij të gjata ishin të pabesueshme – vazhdoi ish-portieri tri herë kampion me Juventusin – Por në këtë sistem, me këta lojtarë, nuk ka nevojë për pasime të gjata ose topa të prerë nëpër qendër. Mjafton të marrësh topin, ta pasosh, dhe ata ia dalin. Është vërtet kaq e thjeshtë…”

“Pedri, lojtari që më ka impresionuar më shumë në jetën time”

Szczesny nuk ka parë kurrë në jetën e tij një si Pedri: “Për mua, ajo që ka bërë Pedri këtë vit… nuk kam parë kurrë një sezon të tillë nga një lojtar i vetëm. Ta shohësh live, të shohësh si e kontrollon lojën, si në sulm ashtu edhe në mbrojtje, ka qenë e pabesueshme. Është lojtari që më ka impresionuar më shumë në jetën time. Cili është gjeniu i tij? Nuk e di, por nuk e humbet kurrë topin. Ka lojtarë që nuk e humbin topin duke luajtur të sigurt, por ai merr kundërshtarë në shpinë, driblon, luan në qendër, bën pasime filtrante, dhe në çdo ndeshje e humbet topin maksimumi dy herë. I fiton të gjitha driblimet, është i parashikueshëm në kuptimin që i jep topin dhe e di që është i sigurt, si në një kasafortë…”

The post Szczesny tregon diferencat e Barcelonës me Juventusin: “Ktheheshin nga ana tjetër” appeared first on Lapsi.al.

Juventus e ka mbyllur sezonin e tij në Botërorin për Klube duke u eliminuar në 1/8 kundër Real Madrid. Një aventurë e nisur në mënyrën më të mirë për bardhezinjtë që kishin fituar dy ndeshjet e para para se të rrëzoheshin kundër Manchester City dhe pastaj kundër Merengues. Në mes, një aventurë, ajo amerikane, sigurisht pozitive për Juventus që ka arritur të forcojë edhe më shumë grupin me trajnerin e tij të ri, Igor Tudor, duke konsoliduar lidhjen e të gjithë lojtarëve të skuadrës. Një mundësi edhe për tu takuar me shokët e vjetër Alex Sandro dhe Danilo.

E re, por edhe ish, pasi pikërisht në grumbullimin bardhezi në Shtetet e Bashkuara kanë kaluar për një përshëndetje si Alex Sandro dhe Danilo. Juventusi e ka publikuar të gjithë në një video përmbledhëse të transmetuar në kanalet e tij zyrtare, ku është vënë në dukje i gjithë rrugëtimi i bërë nga skuadra gjatë Botërorit. Por pikërisht për vizitën e dy brazilianëve ka një detaj që ka bërë të qeshin tifozët bardhezi dhe lidhet me momentin kur Alex Sandro ritakohet ballë për ballë me Daniele Ruganin: Cambiaso dhe Pinsoglio nuk arrijnë të përmbajnë të qeshurat.

Lexo më tej: Juventus firmos me Jonathan David: akordi gjatë natës, gati vizitat mjekësore

Mbrojtësi është kthyer nga huazimi te Ajax dhe Tudor e klubi ka vendosur ta mbajnë në skuadër. E mirë paraqitja e tij gjatë Botërorit për Klube dhe sigurisht, edhe nga ana numerike, përfaqëson një alternativë të shkëlqyer pas kthimit te Chelsea i Renato Veiga. Rugani është një lloj veterani i skuadrës bardhezi, sidomos me Massimiliano Allegri në pankinë. Ta shihje përsëri në grumbullim me Juventus ka qenë pra një surprizë për Alex Sandro që mbeti i habitur pasi u ritakua ballë për ballë me ish-shokun e tij të skuadrës.

Fjala e Alex Sandro e bëri Cambiaso të qeshë me lot

Alex Sandro e sheh, e shikon në sy, e përshëndet dhe pastaj lëshohet: “Oh, ti nuk vdes kurrë!”. Një frazë sarkastike e brazilianit që bën të shpërthejë së qeshuri vetë Cambiaso i cili ishte aty pranë, por edhe Pinsoglio që ndërkohë kishte mbërritur prej pak kohësh. Referenca është për qëndrimin e tij të gjatë te bardhezinjtë dhe për aftësinë e Ruganit për të mbetur gjithmonë te Juventusi pavarësisht shumë ndryshimeve në shoqëri, në skuadër, në trajnerë dhe drejtorë sportivë. Një moment argëtimi në mes të një Botërori për Klube jo krejtësisht për t’u harruar për Juventusin.

The post Reagimi i Alex Sandro kur sheh Ruganin ende te Juventus: Cambiaso qesh me lot appeared first on Lapsi.al.

Luka Modric është larguar nga Real Madrid pas ndeshjes së fundit të luajtur nga Merengues në gjysmëfinalen e humbur kundër PSG së Luis Enrique në Botërorin për Klube. Një lloj parakalimi i dëshiruar fort nga Xabi Alonso për të mbyllur historinë e mesfushorit dhe kampionit kroat me Blancos. Modric do të transferohet te Milani që e ka marrë për një vit dhe së shpejti do të vihet në dispozicion të Allegrit për të përjetuar sezonin e tij të parë në Itali. Para se të largohej nga Real Madrid megjithatë, Modric ka dashur të bëjë një gjest të fundit, një akt të detyrueshëm nëse duam, ndaj atij që sipas tij mund të jetë pasuesi i tij: Arda Guler.

Ylli në rritje i Blancos

Talenti i ri turk ka mbërritur pa shumë zhurmë në Spanjë dhe fillimisht Ancelotti në vitin e tij të parë nuk e ka përdorur gjithmonë. Vazhdimësinë megjithatë po e gjen tani me Xabi Alonso, siç u tregua pikërisht në Botërorin për Klube. Për këtë arsye Modric e ka parë atë si trashëgimtarin e tij, dukshëm pasi ka parë këto ndeshje si titullar. Në mbërritjen në Madrid nga Shtetet e Bashkuara kamerat kapin një moment kur Modric nga çanta e tij nxjerr dukshëm fanellën e fundit të veshur me Real Madrid dhe thërret pikërisht Arda Guler për t’ia dorëzuar turkut: reagimi është rrëqethës.

Ish-ylli i Fenerbahçes nuk mund t’u besonte syve dhe kështu është dorëzuar vetëm në një përqafim të gjatë dhe intensiv pasi ka parë atë gjest simbolik lamtumire dhe kalimi stafetë me ndikim të fortë emocional ndaj tij. Ky moment është interpretuar si një shenjë e tranzicionit, me Güler të parë nga shumëkush si trashëgimtari i mundshëm i Modric, edhe pse nuk është konfirmuar zyrtarisht që Güler do të marrë numrin 10 për sezonin e ardhshëm. Tifozët e Real-it e kanë vlerësuar jashtëzakonisht shumë këtë gjest të Modric dhe gjithashtu atë të Guler.

Sesaat setelah skuad Real Madrid tiba kembali di Madrid, Luka Modrić menyerahkan jersey Real Madrid miliknya kepada Arda Güler, lalu memeluknya dengan penuh kehangatan. @elchiringuitotv pic.twitter.com/6J5dHo620s

— Seputar Real Madrid (@SeputarMadrid) July 11, 2025

Modric i dorëzon fanellën e tij Arda Guler

Turku është dukur i habitur nga ai gjest. Të dy ishin jashtë autobusit që nga aeroporti i Madrid kishte çuar skuadrën e Real direkt në qendrën sportive. Një fjalim i fundit nga Xabi Alonso para shpërndarjes përfundimtare për të mbyllur zyrtarisht sezonin 2024/2025. Pikërisht në atë moment Modric, para se të zbrazte përfundimisht dollapin e tij, ka dashur të thërrasë Arda Guler duke e ftuar të afrohet te çanta e tij. E ardhmja do të tregojë nëse turku do të arrijë realisht të jetë në lartësinë e detyrës që i ka besuar Modric.

The post Modric, dhuratë e papritur për Arda Guler para largimit nga Real: turku i emocionuar appeared first on Lapsi.al.

“Mirë se vini në Las Vegas-in e Bosnjës, ne tërheqim të paktën po aq vëmendje sa qyteti amerikan”. Të mërkurën më 9 korrik, kryetari i komunës së Srebrenicës, Milos Vuçiç, përdor një formë të çuditshme humori, dy ditë para ditës përkujtimore të 11 korrikut, që do të shënojnë tridhjetëvjetorin e gjenocidit që ndodhi më 1995 në qytetin e tij.

Ky serb i Bosnjës, njëherazi edhe kushër i presidentit të Serbisë, Aleksandar Vuçiç, nuk do të marrë pjesë në ceremonitë e planifikuara për të nderuar më shumë se 8 000 boshnjakë myslimanë të vrarë brenda pak ditëve nga forcat e gjeneralit serb Ratko Mlladiç, në atë që konsiderohet si masakra më e rëndë e civilëve e kryer në Europë që prej përfundimir të Luftës së Dytë Botëror

 “Nuk jam ftuar dhe nuk shoh arsye pse duhet të shkoj, ndërkohë që zëvendësi im [një boshnjak] nuk vjen këtu tek ne,” shpjegon ky zyrtar 37-vjeçar gjatë një kundër-ceremonie të vogël që organizon në një lagje me shumicë serbe. E dekoruar me flamuj dhe e shoqëruar me himnin kombëtar po serb, ceremonia i kushtohet vetëm viktimave serbe të kësaj lufte, që në total mori rreth 100 000 jetë njerëzish midis viteve 1992 dhe 199

 “Serbët janë vrarë në mënyra shumë më të tmerrshme se boshnjakët, për shembull me prerje kokash, siç ndodh në disa vende myslimane, por a keni lexuar ndonjëherë për masakrat ndaj tyre në shtypin ndërkombëtar?”, indinjohet z. Vuçiç, duke kritikuar atë që ai e quan “dy standarde” të Tribunalit Penal Ndërkombëtar për ish-Jugosllavinë, i cili në vitin 2021 e dënoi përfundimisht Mlladiçin për gjenoci

 Anti miting

Nuk ka rëndësi se serbët e vrarë, të cilët u përkujtuan të mërkurën nga dhjetëra bashkëkombas të mbledhur rreth kryetarit të Srebrenicës nuk kanë vdekur pikërisht në të njëjtën dat

Nuk ka rëndësi as se që komandanti lokal i forcave boshnjake, të cilin ata e akuzojnë për përgjegjësi në vdekjet e tyre, është shpallur sistematikisht i pafajshëm nga drejtësia ndërkombëtare dhe ajo boshnjake. Qëllimi kryesor i tyre është të organizohet një anti miting në prag të 11 korrikut, datë që këtë vit pritet të tërheqë dhjetëra mijëra njerë

Shumë zyrtarë të lartë evropianë, si presidenti i Këshillit Evropian Antonio Costa apo ministri francez për çështjet evropiane, Benjamin Haddad, priten të marrin pjesë në këtë bashki në lindje të Bosnjë

 Edhe pse shumë ndërtesa të kësaj qyteze mbeten thellësisht të shenjuara nga lufta dhe vrimat e plumbave në mure nuk janë zhdukur ende, drama reale vijon të zhvillohet  jo tek fasadat por tek mendjet e 13 000 serbëve dhe boshnjakëve që vijojnë të jetojnë në këtë mjedis të shkatërruar. Ata nuk ia dalin të çlirohen nga konfliktet e kujtesë

 Ashtu si në pjesën tjetër të Bosnjës madje deri në Beogradin e Serbisë fqinje, shumica e serbëve ende refuzojnë të pranojnë natyrën gjenocidale të masakrave dhe vazhdojnë ta trajtojnë Ratko Mlladiçin si her

 “Një krim i tmerrshëm ka ndodhur, por nuk bëhet fjalë për gjenocid,” përsëriti gjatë një tjetër tubimi

ëmbajtur të  shtunën më 5 korrik, Milorad Dodik, presidenti i Republika Srpska – një nga dy njësitë përbërëse të Bosnjës, ende e ndarë midis boshnjakëve myslimanë, kroatëve katolikë dhe serbëve ortodoks. Dodik– vijon të luajë rolin e njeriut të fortë të serbëve të Bosnjës që prej pesëmbëdhjetë vitesh. Ky nacionalist pro-rus shpesh e ndez zjarrin e konfliktit duke refuzuar të njohë vendimet e drejtësisë ndërkombëtare ose duke kërcënuar me shkëputje nga institucionet e brishta qendrore të Bosnjës

 Që nga viti 2016, kur për herë të parëbashkiaa e Srebrenicës u fitua nga një serb – pas rënies së numrit të banorëve boshnjakë – ajo është rreshtuar me qëndrimet e Dodikut. Kështu, para çdo 11 korriku, bashkia ngjit postera vetëmnpr përkujti tët serëvee ose vendos fotografi të viktimave serbe buzë rrugës që të çon në memorialin e Potoçarit, aty ku janë varrosur 8 000 burra boshnjakë që ishin ndarë nga gratë dhe fëmijët e tyre përpara se të masakroheshi

 “Serbët gjithmonë bëjnë paralelizëm mes viktimave të tyre dhe atyre të boshnjakëve, por realiteti është që viktimat serbe ishin kryesisht ushtarë, ndërsa boshnjakët ishin kryesisht civilë. Ky rreth vicioz nuk të çon askund,” thotë me zemërim Muhamad Avdiç, një boshnjak që në vitin 2008 vendosi të kthehet për të jetuar në vendlindjen e tij.Sot kjo zonëa është vetëm hija e qytetit të fëmijërisë së tij, por ai shpreson që një ditë të gjejë gjurmët e babait të zhdukur gjatë luftë

“Fqinjët e mi serbë e dinë çfarë ka ndodhur, por ata i besojnë më shumë Milorad Dodikut dhe Aleksandar Vçcçcit se sa asaj që kanë parë me sytë e tyre; i besojnë më shumë gënjeshtrës ssaetsë vërtetës”, tha me keqardhje Hasan Hasanoviç, drejtori i memorialit të Srebrenicës, gjatë një konference të organizuar në qershor në Berlin nga fondacioni gjerman Heinrich-Böl.

Paqja nuk do të vijë kurrë

 Edhe pse serbët dhe boshnjakët mund të jetojnë sërish pranë njëri-tjetrit pa u përplasur, dallimet shfaqen menjëherë sa herë që flitet për kujtesën e luftës.

“Kur shkoj të pi kafe me miqtë e mi serbë, shumë qajnë si unë për shkak të luftës, por të tjerë nuk duan të shfaqen në të njëjtin lokal nga frika se çfarë mund të thonë njerëzit,” shpjegon Musan Durakoviç, një boshnjak i plagosur gjatë luftës dhe që është kthyer për të jetuar në Srebrenicë disa vite më parë. Ai e pranon se shenjat nacionaliste serbe që mbushin peizazhin e Republikës Srpska, si muralet në lavdi të Ratko Mlladiçit, “i shkaktojnë dhimbje”, por zgjedh të fokusohet “te ata serbë normalë që i pranojnë se ndihen keq, edhe pse nuk guxojnë ta thonë publikisht.

“Pajtimi nuk mund të vijë nga poshtë; ata që janë në pushtet duhet të marrin vendimin për të përballuar të kaluarën,” përsërit edhe z. Hasanoviç, i bindur se shumë serbë janë peng i udhëheqësve të tyre nacionalistë.

Edhe pse nuk e quan Ratko Mlladiçin një kriminel lufte, vetë kryetari i Srebrenicës, Milos Vuçiç, pëlqen ta paraqesë veten si një pengesë ndaj tendencave më ekstreme nacionaliste.

“Unë përpiqem të shikoj nga e ardhmja, duke respektuar të kaluarën,” thotë ai duke shtuar:

“Nëse arrij t’i bëj serbët dhe boshnjakët të punojnë së bashku këtu, kjo mund të jetë një shembull për gjithë vendin”. Kryetari i bashkisë, pretendon se kjo mjnd të ndodhë duke u mbështetur tek një rilindje ekonomike, por ajo ngjan thuajse e pamundur në këtë cep të Bosnjës, të braktisur nga banorët për mungesë perspektive.

Mjafton të dëgjosh priftin ortodoks Srdjan Laloviç për të rikujtuar të njëjtat fjalë që kanë shërbyer si justifikim ideologjik për Ratko Mlladiçin dhe ish-udhëheqësin politik të serbëve të Bosnjës, Radovan Karaxhiç, për të eliminuar ose dëbuar boshnjakët nga territoret me shumicë serb

“Ne nuk kemi nevojë për Bosnjën, myslimanët ishin të gjithë serbë para se të konvertoheshin nga osmanët,” deklaron ai, duke treguar me krenari një mural të ri në kishën e tij të dedikuar viktimave serbe të luftërave të shekullit XX. “Ne jemi një popull i vetëm dhe mund të gjenim një gjuhë të përbashkët nëse Perëndimi nuk do të ndërhynte në punët tona,” shton ai, duke fajësuar – ashtu si shumë nacionalistë serbë – një përgjegjësi të supozuar të NATO-s për shpërbërjen e ish-Jugosllavisë.

Në kodrat që rrethojnë Srebrenicën, Luka Babic, abati i një manastiri ortodoks, pret vizitorët në një shtëpi të kuqe që duket si kishë ortodokse, të cilën po e ndërton në mënyrë të paligjshme përballë njërës prej varrezave të viktimave boshnjake. Ky murg me mjekër të gjatë ka një pamje luftarake me jelekun ushtarak të mbuluar me simbole ruse dhe të forcave paramilitare serbe që kanë kryer shumë krime lufte gjatë viteve 1990.

Sipas tij, paqja me boshnjakët nuk do të vijë kurrë.

“Është një luftë shekullore mes nesh,” shpjegon ai ndërmjet dy gotash rakie. I mbrojtur dukshëm nga autoritetet lokale serbe, ai shton provokimet duke vendosur varre ortodokse pranë seksioneve myslimane të varrezave.

Të premten më 11 korrik, ai ka planifikuar të “festojë çlirimin e Srebrenicës” që nga lartësia e shtëpisë-kishë që po ndërton pa leje.

Jean Baptiste Chastanu, Le Monde, përshtati T. Çela Lapsi.al

The post 30 vjet më pas/ Paqja e pamundur mes muslimanëve dhe serbëve në Srebrenicë appeared first on Lapsi.al.

“Normalisht i mërzitur, kishim rastet tona dhe duhet të shënonim. E zotëruam të gjithë lojë, por pësuam një gol në fundin e lojës që duhet ta evitonim. Kemi ndryshuar 4 lojtarë në formacion në një muaj dhe nuk arritëm të mbanim ritmin. U munduam të bëjmë diçka për të shënuar gol, por nuk ia dolëm”. Kështu u shpreh Edi Martini, trajneri i Vllaznisë në përfundimin e takimit, ku Vllaznia u mposht nga Daugavpils me rezultatin minimal 1-0 në sfidën e parë të kualifikueseve të Conference League.

Asgjë nuk ka përfunduar, por sidoqoftë humbja në Elbasan Arena i ka komplikuar gjërat për shkodranët, në lidhje me kualifikimin. Martini e pranon, por nuk e humb optimizmin para ndeshjes së kthimit në Letoni. “0-0 do ishte më mirë se 1-0. Kemi edhe një ndeshje, jam optimist për lojën që kanë bërë djemtë dhe mendoj se mund ta përmbysim në ndeshjen e kthimit. Ky është një ekip i vështirë, shtatlartë dhe që mbrojnë mirë. Kur futen 10 lojtarë në zonën e 30 metërshit është e vështirë t’i çash. Kam besim te djemtë dhe kemi 90 minuta të tjera. 1-0 është një rezultat që mund ta kthejmë. Jemi më lart se ta”.

Lexo më tej: Vllazni, çfarë bën kështu? Modestët e Daugavpils triumfojnë në Elbasan, në UECL

Problemet me dëmtimet dhe për rrjedhojë edhe me formacionin kanë sjellë në vëmendje merkaton, për të cilën Martini flet hapur: “Ne kemi prit edhe lojtarë të vijnë, jemi në bisedime me shumë lojtarë. Është e domosdoshme të kalojmë këtë tur edhe për financat. Gjithsesi kemi një ndeshje që duhet ta luftojmë deri në fund për të arritur kualifikimin”, u shpreh tekniku shkodran.

The post “1-0, mund ta kthejmë. Jemi më lart”: Martini nuk dorëzohet pas humbjes me Daugavpils appeared first on Lapsi.al.

Vllaznia thyhet në mënyrë të befasueshme në ndeshjen e parë të raundit të parë të Conference League. Debutuesit në kompeticionet europiane, Daugavpils, triumfojnë 0-1 në Elbasan Arena, duke ndëshkuar kuqeblutë që shpenzuan shumë, pa mundur të konkretizojnë. Lizunovs vendosi sfidën pesë minuta nga fundi, duke komplikuar rrugëtimin e shkodranëve, që shpresonin për një tjetër nisje të sezonit. Sfida e kthimit do të zhvillohet javën e ardhshme në Letoni.

Daugavpils nuk dukej mjaftueshëm i fortë për të penguar Vllazninë dhe në pjesën e parë diferencat u panë qartë, pavarësisht se skuadra e Martinit nuk është se impresionoi për kualitetin e lojës. Vllaznia provoi në disa raste, me Dodaj sidomos, por portieri Beks ndaloi cdo tentativë të kuqebluve.

Kuqeblutë bënë një ndeshje tepër të mire në përgjithësi, referuar kundërshtarit, por u dënuan në fundin e pjesës së dytë, kur Martini e kishte shtyrë skuadrën përpara në kërkim të golit. Daugavpils shënoi golin që vendosi ndeshjen në minutën e 85’ me Lizunovs duke i shkaktuar humbjen befasuese Vllaznisë. Disfatë zhgënjyes e kuqebluve në raundin e parë të Conference League, edhe pse favoritë aboslutë në letër, përballë letonezëve të Daugavpils.

Lexo më tej: Skuka eviton humbjen në Estoni: Partizani tani luan kualifikimin me Kalju në shtëpi

Pavarësisht humbjes, Vllaznia do të tentojë gjithçka për gjithçka, në sfidën e kthimit që luhet pas 1 jave në Letoni. Duhet përmbysur 1 gol disavantazh, por Daugavpils nuk është i pathyeshëm dhe Martini ka 7 ditë për të gjetur zgjidhjen fituese.

The post Vllazni, çfarë bën kështu? Modestët e Daugavpils triumfojnë në Elbasan, në UECL appeared first on Lapsi.al.

Partizani hodhi një hap të rëndësishëm drejt fazës tjetër të Conference League, duke u rikthyer nga Estonia me një barazim 1-1 ndaj Nomme Kalju. Xhuljano Skuka, përforcimi i verës i të kuqve barazoi golin e avantazhit provizor të Mannilaan, duke e mbajtur në pozita të favorshme teknikun Skënder Gega për ndeshjen e kthimit një javë më pas në kryeqytet.

Të kuqtë zbritën në fushë me një strategji të matur, të vendosur të siguruan një rezultat që u jep mundësinë të vulosin kualifikimin në Tiranë. Për 45 minuta, skuadra ruajti qetësinë dhe nuk lejoi që vendasit t’i afroheshin portës së Qirkos, megjithëse Kalju pati më shumë kontroll mbi topin. Në këtë pjesë të lojës, Partizani humbi edhe shërbimet e Kekos, i detyruar të linte fushën për shkak dëmtimi.

Pavarësisht golit që pësuan menjëherë në fillim të pjesës së dytë, me Mannilaan që kaloi vendasit përpara në minutën e 47-të, “Demat e Kuq” reaguan me vendosmëri. Ishte Xhuliano Skuka ai që riktheu ekuilibrin, duke gjetur rrjetën dhe duke e mbajtur të gjallë shpresën për një rezultat pozitiv. Pas golit të barazimit, sulmuesi provoi sërish të shënonte, por rastet ishin të pakta. Në minutat shtesë, Qirko u shndërrua në hero, duke shmangur një gol të sigurt nga Smith dhe duke blinduar një pikë të vlefshme për kthimin.

Lexo më tej: Debutim ëndërrash në Champions,Gruda i jep fitoren Egnatias: Breidablik bie në shtesë

Tani gjithçka do të vendoset në “Arenën e Demave”, ku pas një jave Partizani do të kërkojë para tifozëve të tij fitoren që e çon më tej ëndrrën europiane.

The post Skuka eviton humbjen në Estoni: Partizani tani luan kualifikimin me Kalju në shtëpi appeared first on Lapsi.al.

PSG pa limite. Sezoni rekord i djemve të Luis Enrique po rishkruan historinë e klubit: nga ana sportive, duke mbushur vitrinën me trofe, por edhe nga ana ekonomike me të ardhura që këtë vit, vetëm nga Champions League dhe Botërori për Klube, mund të kapërcejnë kufirin e 300 milionëve.

150 MILIONË NGA CHAMPIONS: ËSHTË REKORD

Ajo që ka shtyrë të ardhurat e parisienëve ka qenë në radhë të parë Champions me formatin e ri. Dembelé dhe shokët me marshimin e jashtëzakonshëm që kulmoi me triumfin e Monakos kundër Inter-it, sollën në vitrinë trofeun që Nasser Al-Khelaifi e ndiqte që kur kishte ardhur në hijen e Kullës Eiffel dhe në arkat e klubit një shumë afër 150 milionëve.

Të ardhurat që do të vijnë nga UEFA janë strukturuar kështu:

Kuotë pjesëmarrjeje: 18,6 milionë
Pozicionim dhe performanca League Phase: 17,5 milionë
Kualifikim në playoff: 1 milion
Kualifikim në të 1/8-at: 11 milionë
Kualifikim në çerekfinale: 12,5 milionë
Kualifikim në gjysmëfinale: 15 milionë
Kualifikim në finale: 18,5 milionë
Fitore: 6,5 milionë
Kualifikim në Superkupën Europiane: 4 milionë
Të drejta TV UEFA dhe market pool: 34 milionë
Koeficienti dhjetëvjeçar UEFA: 11 milionë
TOTAL: 149,6 MILIONË

Me një total prej 149,6 milionë euro të arkëtuara, PSG ka vendosur rekordin e ri të të ardhurave nga një fushatë e vetme e Champions League. Rekordi i mëparshëm i përkiste Real Madrid-it që kishte arritur kuotën 138 milionë.

TË PAKTËN 100 MILIONË NGA BOTËRORI

Pasi pushtoi Europën, PSG zbriti në SHBA me dëshirën për të marrë botën. Luis Enrique dhe djemtë e tij fshinë të gjitha (ose pothuajse, shih humbjen me Botafogo-n) skuadrat që u shfaqën në rrugën e tyre. Demonstrata e fundit e forcës, gjysmëfinalja me Real Madrid-in e fituar 4-0, hapi dyert e finales dhe shtoi më tej arkën e francezëve që do të marrin nga FIFA një çek prej të paktën 100 milionësh.

Ja si janë strukturuar fitimet e PSG-së në Botërorin për Klube:

Kuotë Pjesëmarrjeje: 39,2 milionë
Performanca: 1,8+1,8+0 = 3,6 milionë
Kualifikim në të 1/8-at: 7,5 milionë
Kualifikim në çerekfinale: 13,1 milionë
Kualifikim në gjysmëfinale: 21 milionë
Kualifikim në finale: 30 milionë
TOTAL: 114,4

Lexo më tej: PSG, çfarë bukurie: dërrmon 4-0 Real Madrid e shkon në finale kundër Chelsea

Kësaj shume, nëse fitohet finalja kundër Chelsea, do t’i shtoheshin edhe 40 milionë dollarë të tjerë që do ta çonin çekun e Infantino-s në kuotën 154 milionë. Një shi milionash që mund të përdoret për të përforcuar një makineri që duket tashmë perfekte. PSG i bën me dije botës: me një skuadër kaq të re, një trajner kaq të zoti dhe gjithë këta para për të shpenzuar në merkato mund të nisë një dinasti.

The post PSG i merr të gjitha: deri në 300 milionë të ardhura nga Champions dhe Botërori appeared first on Lapsi.al.

Team principal-i më jetëgjatë në historinë e Formula 1 u shkarkua. Pas 20 vitesh në krye të Red Bull, Christian Horner u largua nga detyra e tij me efekt të menjëhershëm. Njoftimi erdhi të mërkurën, një ditë pas Çmimit të Madh të Silverstone. Një komunikatë e thatë — me ish-Ferrarin Laurent Mekies të emëruar CEO i ri — që megjithatë shënon fundin e një lufte të gjatë për pushtet që shpërtheu pas vdekjes së themeluesit Dietrich Mateschitz.

Një luftë e brendshme që zgjati mbi 18 muaj, e zhvilluar prapa skenave, në të cilën 51-vjeçari britanik u përpoq me çdo mënyrë të ruante rolin e tij ndërsa një fraksion i brendshëm i skuadrës, i udhëhequr nga Helmut Marko dhe i mbështetur nga Jos Verstappen, bënte gjithçka për ta larguar. Në fund, ai fraksion fitoi.

Përpjekja e dështuar për të spastruar Helmut Marko

Përçarja lindi në momentin kur Horner tentoi të përfitonte nga boshllëku i pushtetit të lënë pas nga Mateschitz për të forcuar pozicionin e tij brenda grupit Red Bull, duke u përpjekur të vinte në periferi Helmut Markon, këshilltarin historik dhe figurën qendrore të programit të të rinjve. Një plan që nuk funksionoi, edhe për shkak të ndërhyrjes vendimtare të familjes Verstappen: Max, fytyra e parë globale e markës Red Bull, e përdori ndikimin e tij duke siguruar rinovimin e kontratës së Marko-s në dhjetor 2023.

Që nga ai moment, loja u përmbys. Fronti pro-Marko priti momentin e duhur për të kundërsulmuar. Dhe rasti erdhi kur një punonjëse e ekipit e denoncoi Horner, për sjellje të supozuara të papërshtatshme. Sipas disa burimeve, bëhej fjalë për foto intime të dërguara me chat (Bild), për të tjera ishte abuzim pushteti (The Sun). Ishin pikërisht persona pranë Markos që i kishin sugjeruar punonjëses t’i drejtohej direkt Red Bull Austria dhe jo sektorit racing — ku Horner kishte pushtet të plotë.

Hetimi, presionet dhe ndërmjetësimi i dështuar i Ecclestone

Prej këtej nisi një hetim i brendshëm i kryer nga një jurist i pavarur që dëgjoi Horner për nëntë orë. Menaxheri anglez u shpall i pafajshëm, por publikimi anonim i screenshoteve të mesazheve të supozuara komprometuese e ktheu sërish çështjen në qendër të vëmendjes. Që aty nisën presionet që ai të dorëhiqej vetë, për të shmangur një skandal publik.

Sipas Motorsport-Total.com, për ta bindur të tërhiqej u përfshi madje edhe Bernie Ecclestone, mik i vjetër i Horner. Por as ndërhyrja e ish-“Sovranit” të F1 nuk pati efekt. Horner zgjodhi të rezistonte, duke i mohuar akuzat ashtu siç kishte bërë zyrtarisht si në hetim ashtu edhe në apel.

Dyshimet mbi Markon dhe boshti Verstappen

Rasti megjithatë shpërtheu në media kur De Telegraaf — gazetë holandeze shumë pranë rrethit Verstappen — publikoi akuzat. Një lëvizje që ngjalli më shumë se një dyshim. Si të mos mjaftonte kjo, ishte pikërisht Red Bull Austria, ku Helmut Marko ende ka një peshë të fortë, që publikoi notën zyrtare mbi procedimin e hapur kundër team principal-it.

Që aty, përplasjet mes Horner dhe pjesës austriake të Red Bull nuk u sistemuan më. Edhe pse teknikisht i shpallur i pafajshëm, pozicioni i tij mbeti pezull në fije të perit. Sidomos kur sezoni 2025 mori një kthesë të keqe: RB21 humbi konkurrueshmërinë, Max Verstappen filloi të kritikonte publikisht makinën dhe në garazh u fol hapur për menaxhim teknik të gabuar. “Makina nuk është mjaftueshëm konkurruese”, do të kishte thënë katër herë kampioni i botës brenda ekipit që në garat e para të sezonit, para se ta thoshte edhe publikisht në intervista.

Kriza teknike, përplasja me Jos Verstappen dhe largimi i Newey

Sinjalet e përçarjes ishin grumbulluar prej kohësh. Duke filluar nga grindja me Jos Verstappen në vitin 2024, i cili e kishte quajtur Horner një problem për integritetin e skuadrës. “Po bën viktimën, por është ai që shkakton problemet. Nëse qëndron, skuadra do të shpërthejë”, kishte deklaruar gjatë GP së Bahrainit. Pastaj akuzat për përjashtimin nga parada e legjendave në Austri dhe përplasja në hospitality, me një refuzim të bujshëm të shtrëngimit të dorës.

Lexo më tej: Akuzoi Christian Horner për ngacmim seksual, Red Bull Racing pezullon denoncuesen e Team Principal

Ndërkohë, një nga një, pjesë kyçe të stafit teknik e lanë Red Bull. Mbi të gjitha Adrian Newey, projektuesi gjeni që qëndroi pas dominimit të epokës Verstappen. Paralelisht, Max filloi të shikonte përreth: afrimi i fortë nga Mercedes dhe hipoteza e një largimi në 2026 bëhej gjithnjë e më konkrete.

Ndryshimi i kursit nga pronari tajlandez dhe dorëzimi final

Pavarësisht gjithçkaje, Horner mund të llogariste ende tek mbrojtja e Chaleo Yoovidhya-s, aksionerit të shumicës të Red Bull-it me 51% dhe deri tani pak i përfshirë në menaxhimin sportiv. Por paraqitjet luhatëse, bilancet në rënie dhe largimi i talenteve e ndryshuan panoramën. Edhe Yoovidhya u dorëzua përballë presioneve të menaxhmentit europian.

Zërat flasin për një samit krize pas dështimeve në Spielberg dhe Silverstone mes Yoovidhya-s, Mark Mateschitz (djali i themeluesit) dhe përgjegjësit të aktiviteteve sportive të Grupit, Oliver Mintzlaff. Ky i fundit, prej kohësh armiqësor ndaj Horner — “shumë i shtrenjtë dhe shumë i vjetër”, thuhet se e kishte quajtur — shtyu për një largim të menjëhershëm.

Me humbjen e aleatit të fundit, për Horner u mbyllën të gjitha dyert. Dhe diskutimi i zjarrtë me Jos Verstappen në paddock-un e Silverstone ishte paralajmërimi i asaj që tashmë dukej e pashmangshme. Red Bull mundi më në fund të bënte atë që donte prej muajsh: të kthente faqe. Zyrtarisht për arsye sportive, në të vërtetë për t’i dhënë fund një lufte të brendshme të bërë e papërballueshme.

The post Kush qëndron pas shkarkimit të Chris Horner: lufta e brendshme e humbur te Red Bull appeared first on Lapsi.al.

PSG vazhdon të jetë “i papërballueshëm”, një mbiemër që tashmë është bërë pjesë përbërëse e sezonit të parisienëve, të cilët poshtëruan Real Madridin në gjysmëfinalen e Botërorit për Klube me një poker impresionues. Skuadra e Luis Enrique mund të fitojë edhe turneun botëror për Klube pasi ka vënë dorë mbi të gjitha objektivat e mundshëm në këtë 2025 përrallor. Dhe trajneri po e shijon, përballë një epërsie aq të dukshme sa të jetë nganjëherë e sikletshme për kundërshtarët, duke u tallur me pyetjet e një ish-lojtari të të dyja skuadrave, Claude Makélélé, sot opinionist i DAZN në Francë: “Si të na ndalni? Ke fëmijë?”

Ndeshja perfekte e PSG kundër Real Madrid

Një 4-0 që e uli menjëherë Real Madrid me këmbë në tokë, duke e lënë në pritje të provave të reja në një datë për t’u caktuar: në gjysmëfinalen e dytë të Botërorit për Klube, PSG luajti si macja me miun me madrilenët që aktivizuan që në minutën e parë ish-in e madh Mbappé, i cili u zhduk pothuajse menjëherë dhe për gjithë ndeshjen. 2-0 pas vetëm 10 minutash, 4-0 në të 90-ën dhe shumë raste për të thelluar edhe më shumë. Tani finalja, me Chelsea, që në letër duket i dënuar të jetë thjesht figurant.

Luis Enrique: “Duam të bëjmë historinë e PSG”

Pas suksesit të këtij PSG-je absolutisht perfekt është dora e Luis Enrique: njeriu i finaleve (ka luajtur 11 në karrierë si trajner dhe i ka fituar të gjitha) është gati të mbyllë qarkun me trofeun e radhës, që do të ishte i pesti sezonal. Pas Ligue 1, Superkupës së Francës, Kupës Kombëtare, asaj të Ligës dhe Champions League, Botërori për Klube do të vuloste një 2025 të jashtëzakonshëm ku mund të marrë edhe Superkupën Evropiane dhe Interkontinentalen: “Duam të bëjmë historinë e PSG-së”, nuk e tha rastësisht në fund të ndeshjes i entuziazmuar nga ajo që pa në fushë.

| Luis Enrique : « Nous sommes une équipe dominante qui aime avoir la balle ! » #FIFACWC #PSGRMA #PSG #RealMadrid

Suivez l’après match de @PSG_inside @realmadrid gratuitement ici : https://t.co/kAQFrmIwIx ! pic.twitter.com/nUgOyUD77q

— DAZN France (@DAZN_FR) July 9, 2025

Luis Enrique tallet me Makélélé në TV: “Ke fëmijë?”

Lavdërime të shumta, duartrokitje dhe urime. Pastaj pyetja që të gjithë do të donin t’i dinin përgjigjen: “Si mund të mundet ky PSG?” Luis Enrique-s iu bë drejtpërdrejt në TV menjëherë pas ndeshjes dhe trajneri nuk humbi rastin të tallej, duke zbuluar “sekretin” e këtij suksesi përballë atij që e pyeste, Claude Makélélé, ish-lojtari i madh i PSG-së dhe Real-it, sot komentator i vlerësuar i DAZN në Francë: “Si të na ndalni? Ke fëmijë?” pyeti papritur Luis Enrique, për të përfunduar arsyetimin: “Po? Mirë, dhe fëmijët e tu lodhen ndonjëherë duke luajtur dhe argëtuar? Ja, kjo skuadër është kështu. E thjeshtë: lojtarët e mi janë si fëmijë, zbresin në fushë dhe kënaqen, është një moment fantastik për ta dhe unë jam i lumtur për këtë.”

Pokeri ndaj Real: “Kam celularin plot me mesazhe nga tifozët e Barçës”

Jo vetëm Franca por gjithë bota e futbollit duartrokiti paraqitjen e radhës të një skuadre që luan në mënyrë perfekte dhe me mekanizma tashmë të ngulitura përmendësh: “Po, një kënaqësi e jashtëzakonshme të fitonim edhe sot. E gjeta celularin plot me mesazhe nga tifozët e Barcelonës që më falënderonin që mundëm Realin” u tall sërish ish-lojtari azulgrana, duke analizuar ndeshjen e lojtarëve të tij. Një ndeshje që vuri në siklet edhe gazetarët në transmetim të drejtpërdrejtë.

The post PSG dërrmon Real, Luis Enrique tallet me Makélélé në TV:“Si të na ndalni? Ke fëmijë?” appeared first on Lapsi.al.

Aksidenti i tmerrshëm rrugor ku humbën jetën Diogo Jota dhe vëllai i tij André Silva është shkaktuar nga shpejtësia e tepërt me të cilën udhëtonte Lamborghini i tyre dhe nga shpërthimi i një gomë. Ky ishte verdikti i parë i ekspertizës së Guardia Civil, i bazuar edhe në hetimet e policisë shkencore, por që hidhet poshtë në mënyrë kategorike nga dy dëshmitarë të pranishëm në vendngjarje. I pari është pikërisht shoferi i kamionit që ka regjistruar videon, që më pas qarkulloi në rrjetet sociale, me makinën e dy futbollistëve në flakë buzë rrugës.

Dëshmitari i aksidentit mohon rindërtimin e ngjarjes

José Azevedo ka vendosur të dalë hapur dhe e ka bërë këtë përmes një videoje të ngarkuar në rrjetet sociale. Shoferi i kamionit që udhëtonte në A-52, pranë Palacios de Sanabria, ka dashur para së gjithash të përgënjeshtrojë të gjithë ata që e akuzuan se kishte preferuar të regjistronte një video në vend që të provonte të ndihmonte viktimat e aksidentit.

Lexo më tej: Detaje të reja/ Diogo Jota ishte në timon, Lamborghini me shpejtësi tepër të madhe

Ai shpjegoi se çfarë ndodhi: “Unë isha ai që filmoja. I kam provat. U ndala, mora fikësen dhe u përpoqa të ndihmoja. Për shkak të përplasjes, për shkak të aksidentit, nuk kishte absolutisht asgjë për të bërë. Asgjë.” Por pjesa më e rëndësishme është ajo që ka të bëjë me shpejtësinë e Lamborghini Huracan të marrë me qira me të cilën udhëtonin Diogo Jota dhe Andre Silva: “E kam ndërgjegjen e pastër. E di çfarë pashë. Kaluan pranë meje të qetë, pa asnjë tepri shpejtësie. Pa asnjë tepri shpejtësie. Isha vetë unë që i çova videon CMTV-së sepse fillova të dëgjoja gjëra absurde.”

Sipas kamionistit Jota e Silva nuk ecin me shpejtësi

Azevedo vetëm mëngjesin pasardhës mësoi se kush ishte brenda makinës. Fjalët e tij janë drejtuar edhe familjarëve të viktimave: “Ju jap fjalën time: nuk po ecnin me shpejtësi. Po ecnin shumë të qetë, sepse unë e bëj atë rrugë çdo ditë, nga e hëna në të shtunë. E di si është ajo rrugë, është një rrugë që nuk vlen një grosh. Është një rrugë e errët dhe arrita të shihja markën e makinës, ngjyrën e makinës, gjithçka qartë. Pak më përpara, fatkeqësisht, ndodhi ajo që ndodhi”.

Versioni i dëshmitarit të dytë

Një version i konfirmuar nga fjalët e një tjetër kamionisti, pra José Aleixo Duarte, i cili ka deklaruar për CM, shtypin portugez, se kishte qenë dëshmitar dhe se kishte filmuar aksidentin. Edhe ky i fundit ka provuar të fikte flakët, duke kuptuar me keqardhje se nuk kishte më asnjë mundësi për të shpëtuar dy personat brenda. Me pak fjalë, ajo rrugë konsiderohet paksa e mallkuar dhe shumë e rrezikshme. Shikueshmëri e dobët dhe gropat kanë qenë shkak për shumë aksidente gjatë viteve të fundit.

The post Diogo Jota, dy dëshmitarë rrëzojnë versionin e policisë: “Familja e di e kam filmuar” appeared first on Lapsi.al.

Debutimi i formatit të ri të Champions League ishte një sukses për UEFA-n që pa të realizohej gjithçka që priste. Zgjerimi i kompeticionit në 36 skuadra dhe futja e fazës kampionat e ka bërë kompeticionin shumë më të paparashikueshëm, deri në ditën e fundit që mund të ndikonte në gjithë renditjen dhe rrjedhimisht edhe në kualifikimet për në të tetat. Në prag të sezonit të ri është futur një ndryshim i një rregulli që e favorizoi shumë PSG-në, fitues i kupës në finalen kundër Inter-it, të cilit iu shtuan disa kushte të koklavitura por që duhet të shmangin disa padrejtësi të vëna re në edicionin e parë.

Gjithçka rrotullohet rreth caktimit të fushave të ndeshjeve të fazës me eliminim direkt dhe, në veçanti, se cila skuadër mund të përfitojë nga kthimi në shtëpi. Nuk do të veprohet më me short, siç është bërë deri sezonin e kaluar, por e drejta do të caktohet në bazë të meritës dhe renditjes në fazën kampionat. E gjitha kjo dihej tashmë, por detaji që UEFA ka shtuar lidhet me mundësinë për të “vjedhur” këtë privilegj në rast eliminimi të një prej skuadrave që arrijnë ta fitojnë atë.

Çfarë ndryshon me rregullin e ri të Champions

Rregulli u fut në qershor dhe sjell ndryshime që favorizojnë të parat e renditura të fazës kampionat: kush do të përfundojë në katër vendet e para do të ketë garancinë të luajë në shtëpi ndeshjen e kthimit të të tetave dhe çerekfinaleve (nëse do të arrijnë deri aty), ndërsa e para dhe e dyta në renditje do të luajnë në shtëpi edhe ndeshjen e kthimit të gjysmëfinales. Është një ndryshim i madh krahasuar me sezonin e kaluar kur PSG përfitoi nga caktimi rastësor: parisienët u desh të kalonin playoff-et kundër Brest pasi përfunduan të 15-tët, por pastaj arritën në gjysmëfinale ku u përballën me Arsenal duke e eliminuar falë fitores në shtëpi. Shumë e quajtën skandal, sepse anglezët e kishin përfunduar fazën kampionat në vendin e tretë dhe sipas tifozëve duhej të kishin përfituar nga ai avantazh.

Nga viti i ardhshëm shorti do të zhduket për t’i lënë vendin një sistemi meritokratik. Katër të parat do të luajnë ndeshjen e kthimit në shtëpi në të tetat dhe çerekfinale, por skuadrat që i eliminojnë ato mund t’ua vjedhin këtë privilegj. Praktikisht kush do të përfundojë i 7-ti, 8-ti, 9-ti, 10-ti, 15-ti, 16-ti, 17-ti, 18-ti, 23-ti, 24-ti (dhe për rrjedhojë mund të përfundojë potencialisht në tabelë kundër një prej katër të parave) mund ta trashëgojë këtë të drejtë në rast kalimi të turit.

Lexo më tej: Debutim ëndërrash në Champions,Gruda i jep fitoren Egnatias: Breidablik bie në shtesë

Ky detaj do t’u lejojë klubeve që përfundojnë më prapa në renditje të fitojnë gjithsesi një avantazh duke ia “vjedhur” kundërshtarit, duke e bërë fazën me eliminim direkt më të ashpër. Vetëm i pari, i dyti, i shtati, i teti, i nënti, i 10-ti, i 15-ti, i 16-ti, i 17-ti, i 18-ti, i 23-ti, i 24-ti do të mund të luajnë ndeshjen e kthimit në shtëpi edhe në gjysmëfinale, një përzgjedhje e diktuar nga çiftimet e parashikuara nga tabela. Ndryshimi i rregullores do të zbatohet jo vetëm në Champions League, por edhe në Europa League, Conference League dhe gjithashtu në Women’s Champions League.

The post Rregulli i ri i Champions: nga çerekfinalet mund të “vidhet” vendi i kundërshtarëve appeared first on Lapsi.al.

Sfida mes italianit Flavio Cobolli dhe serbit Novak Djokovic nuk e ka apasionuar Hugh Grant, i pranishëm në Qendroren në Wimbledon. Aktori, i ulur në tribunë, është kapur duke fjetur në tribunë nga kamerat, ndërkohë që ishte në zhvillim tie-break vendimtar për setin e parë. Rrjetet sociale u ndezën dhe as syzet e errëta nuk arritën ta maskonin gjumin e vogël ku protagonist ishte 64-vjeçari londinez.

Hugh Grant is taking one of the most expensive naps in human history right now pic.twitter.com/4OydHpEr4S

— BetMGM (@BetMGM) July 9, 2025

Lexo më tej: Alcaraz spektakël edhe jashtë Wimbledon: “Kur linda unë, Nole fitonte trofe”

Wimbledon ka qenë gjithmonë një takim i papërshkrueshëm për yjet e Hollywood. Edhe ndeshja mes Flavio Cobolli dhe Novak Djokovic u zhvillua përpara një publiku të jashtëzakonshëm. Gjithësesi, jo të gjithë aq të magjepsur pas lojës. Në tie-break-un e setit të parë vëmendja u zhvendos nga fusha tek tribunat: regjia fokusoi Hugh Grant, një nga fytyrat më të njohura të kinemasë britanike. Deri këtu asgjë e çuditshme, por aktori nuk ishte veçanërisht i përfshirë, përkundrazi po flinte. Nuk mjaftuan syzet e errëta për ta fshehur dhe fansat u ekzaltuan menjëherë në rrjetet sociale.

The post E pabesueshme Hugh Grant fle në Wimbledon: aktori në gjumë në sfidën Cobolli-Djokovic appeared first on Lapsi.al.

Pothuajse gjithçka në 25 minuta. I favorizuar nga gabimet mbrojtëse të Asencio dhe Rudiger, PSG shënon në minutën e 6’ dhe të 9’ me Fabian Ruiz dhe Dembelé. Në minutën e 25’ erdhi goli i tretë i Fabian Ruiz pas asistit të Hakimi. Në pjesën e dytë, në minutën e 89’, shënoi edhe Gonzalo Ramos, që i dedikoi golin portugezit të ndarë nga jeta Diogo Jota. PSG e shkatërroi 4-0 Real Madrid dhe shkon në finalen e Botërorit për Klube ku e pret Chelsea.

Një PSG i mrekullueshëm paralajmëron gjithë botën. Djemve të Luis Enrique u mjaftoi një pjesë loje për të fshirë Real Madrid dhe për të arritur Chelsea në finalen e Botërorit për Klube. Në MetLife Stadium një dygolësh i Fabian Ruiz, një gol i të zakonshmit Dembelé dhe më pas ai i Gonzalo Ramos dënojnë spanjollët, që nuk ishin kurrë vërtet në lojë.

Lexo më tej: Joao Pedro, dy gola e ndjesë për Fluminensen e tij: Chelsea në finalen e Botërorit

Një pikë që duhet ta bëjë të reflektojë teknikun e ri merengues Xabi Alonso: nëse është e vërtetë që dy golat e parë të parisienëve erdhën nga gabime mjaft të pabesueshme të dy individëve (Asencio dhe Rudiger), Real Madrid u duk një skuadër e shkëputur dhe pa ekuilibër. Kur spanjollët provuan të ngrejnë vijën mbrojtëse për të rihapur ndeshjen, sprinterët e PSG gjetën shumë hapësirë ku të bënin dëme. Tani Luis Enrique mund të arrijë majën e botës…

The post PSG, çfarë bukurie: dërrmon 4-0 Real Madrid e shkon në finale kundër Chelsea appeared first on Lapsi.al.

Pesë muaj më parë kapiteni i Las Palmas kishte lënë pa fjalë të gjithë tifozët me një njoftim tronditës, duke shqiptuar ato fjalë që askush nuk do të donte t’i dëgjonte kurrë: kanceri ishte rikthyer dhe e kishte detyruar të braktiste përkohësisht futbollin për t’iu nënshtruar kurave dhe për të kapërcyer edhe këtë pengesë që i dilte përpara për herë të dytë. Kanë qenë muaj shumë të vështirë, por më në fund Kirian Rodriguez ka mundur të japë njoftimin aq të pritur, atë të rikthimit në fushë për sezonin e ardhshëm.

Lojtari ka kryer vizitat mjekësore me klubin e tij që i ka dhënë dritën jeshile për të luajtur kampionatin e ri, me shiritin e kapitenit në krah dhe me emocionin e madh për të përqafuar sërish të gjithë tifozët e tij. Skuadra nuk e ka lënë kurrë vetëm dhe i ka kushtuar disa homazhe pas konferencës së trishtuar për shtyp në shkurt, por tani është gati ta mirëpresë sërish me entuziazëm të madh dhe me dëshirën për të luftuar së bashku për të arritur ngjitjen në Ligën.

Kapiteni i Las Palmas kthehet në fushë pas kurave për kancerin

Pesë muaj më parë e ardhmja e Kirian Rodriguez dukej e pasigurt, sepse lojtari ishte goditur nga një diagnozë e re e tmerrshme. Kanceri ishte rikthyer për herë të dytë: që në vitin 2022 mesfushori ishte detyruar të ndalej për shkak të limfomës Hodgkin, duke u kthyer në fushë në janar 2023 i mirëpritur nga festa e madhe e skuadrës së tij. Por në shkurt ai u ndal përsëri për t’iu nënshtruar kurave pas një rikthimi, një lajm që askush nuk do të donte ta merrte.

Ka qenë një goditje e rëndë për të gjithë, por edhe këtë herë kapiteni i Las Palmas është gati të kthehet tek familja e tij kanarine, pasi klubi i ka dhënë dritën jeshile për të luajtur pas vizitave mjekësore para-sezonale që i ka kaluar me sukses. Kurat kanë dhënë efekt dhe lojtari është gati të luajë përsëri dhe të zbresë në fushë me Las Palmas në Segunda Division Spanjolle që do ta mirëpresë me emocion të jashtëzakonshëm.

 

View this post on Instagram

 

A post shared by UD Las Palmas Oficial (@udlaspalmasoficial)

The post U shërua për herë të dytë nga kanceri:Kirian Rodriguez kthehet në fushë me Las Palmas appeared first on Lapsi.al.

Lyon merr frymë lirisht dhe mbetet në Ligue 1. Komisioni i Apelit i DNCG-së, organi i kontrollit financiar të futbollit francez, ka përmbysur plotësisht vendimin fillestar për të rrëzuar klubin për shkak të problemeve të mëdha ekonomike të konstatuara, duke e rikthyer në fakt në kategorinë më të lartë. Duoja e përbërë nga amerikania Michèle Kang dhe gjermani Michael Gerlinger, të emëruar urgjentisht presidente dhe drejtor i përgjithshëm i OL-së, bënë të pamundurën duke arritur të bindin Komisionin e Apelit të Federatës Franceze të Futbollit (FFF), në rrethin e 15-të të Parisit, për aftësinë e tyre për të shlyer borxhet e klubit.

Vendimtare pra ishin argumentet dhe dokumentacionet që lidhen me forcën e klubit për të arritur të shlyejë atë që i detyrohet, duke filluar me një ulje drastike të pagave të skuadrës duke shmangur gjithashtu investime të mëdha në merkato. Nuk përjashtohen në fakt shitje të tjera pikërisht në merkato edhe me çmime mjaft të ulëta. Në fakt hapet një epokë e re për Lyonn që do të marrë pjesë edhe në Europa League-n e ardhshme edicionin 2025/2026.

Si do t’i rregullojë Lyon financat e klubit

Drita jeshile për të marrë pjesë në kompeticionin e dytë evropian për klube do të vijë pasi UEFA të ketë studiuar çështjen e pronësisë së shumëfishtë me Crystal Palace, i cili është nxjerrë në shitje nga John Textor dhe që gjithashtu është kualifikuar për kompeticionin. Në këtë pikë hapen edhe skenarë të tjerë për klubin anglez që do të duhet të kuptojë nëse mund të marrë vërtet pjesë edhe ai në Europa League.

Lexo më tej: Lyon ka nevojë për 200 milionë euro brenda një jave për të mos rënë në Ligue 2

Për momentin, të gëzuar janë megjithatë Lyon që përfundoi në greminë vetëm disa javë më parë dhe që tani e gjen veten të përballet sërish me Ligue 1 por duke u tkurrur në mënyrë të ndjeshme dhe duke u përpjekur të futet brenda kostove të parashikuara për t’u rreshtuar financiarisht brenda afateve të caktuara. Frymëmarrje lehtësimi edhe për Paulo Fonseca i cili, pikërisht pasi u largua nga Milani, kishte pranuar ofertën e Lyont duke e çuar atë në Europa League.

The post Lyon në Ligue 1, për Europën vendos… Crystal Palace: anulohet rënia nga kategoria appeared first on Lapsi.al.

Një aventurë e keqe e ka ndalur për disa ditë Ralf Rangnick, i cili është shtruar urgjentisht në spital pas një operacioni të gabuar. Duhej të ishte vetëm një ndërhyrje rutinë në kyçin e këmbës, por u desh një operacion i ri për të shmangur komplikacione më të rënda: trajneri i Austrisë është ende në spital dhe me shumë gjasë do të dalë të premten, por gjendja e tij shëndetësore është përmirësuar dukshëm, siç ka bërë të ditur zëdhënësi i federatës Thomas Trukesitz. Asnjë problem pra për trajnerin, i cili në javët në vijim do të kthehet në punë për të përgatitur Austrinë për ndeshjet kualifikuese të Botërorit, me angazhimet e planifikuara kundër Qipros dhe Bosnje-Hercegovinës në fillim të muajit shtator.

Rangnick në spital pas një operacioni të gabuar

Gjithçka filloi një muaj më parë kur ish-trajneri i Manchester United iu nënshtrua një operacioni rutinë në tendinën e Akilit, një problem i vogël që do të zgjidhej për pak kohë. U kthye në shtëpinë e tij për rehabilitim, që e kaloi pranë Salzburgut, por plaga në një moment u infektua dhe e detyroi të shtrohej sërish urgjentisht për të shmangur komplikacione shumë më të rënda. Rangnick u transportua menjëherë në spital për t’iu nënshtruar një operacioni të dytë pas të parit që doli i gabuar dhe për fat ndërhyrja shkoi mirë.

Zëdhënësi i Federatës Austriake të Futbollit, Thomas Trukesitz, ka qetësuar të gjithë pas frikës fillestare duke dhënë një përditësim mbi gjendjen e trajnerit: “Ralf Rangnick është mirë. Askush nuk duhet të shqetësohet për shëndetin e tij”. Aktualisht trajneri ndodhet ende në spital, në një klinikë në Salzburg sipas asaj që raporton Mirror, por brenda të premtes mund të kthehet në shtëpinë e tij për të vazhduar rikuperimin pas operacionit të dytë dhe për t’u rikthyer në punë, këtë herë pa pengesa.

The post Rangnick, operacioni shkoi keq: tekniku iu nënshtrua një ndërhyrje të dytë urgjente appeared first on Lapsi.al.