Legjenda kroate, Luka Modric, ka nënshkruar zyrtarisht me Milanin si lojtar i lirë, në një kontratë njëvjeçare me opsion për zgjatje. 

Mesfushori kishte rënë dakord për termat personale muajin e kaluar, por priti që angazhimet e tij në Kupën e Botës për Klube me Real Madrid të përfundonin para se të finalizonte transferimin. 

Sot në mëngjes ai mbërriti për t’u nënshtruar testeve mjekësore me klubin dhe autoritetet lokale, përpara se të nënshkruante kontratën njëvjeçare me opsion për t’u zgjatur deri në verën e vitit 2027. 

Kjo do të thotë që ai mund të jetë 41 vjeç kur kontrata të përfundojë.  Modric do të mbajë fanellën me numrin 14 në ‘San Siro’. 

It’s official: Luka Modrić is Rossonero
#WelcomeModrić pic.twitter.com/ur2atXySas

— AC Milan (@acmilan) July 14, 2025

Ai mbush 40 vjeç në shtator dhe ka 188 ndeshje zyrtare me Kroacinë, si dhe 597 ndeshje konkurruese me fanellën e Real Madrid gjatë 13 viteve. 

Modric fitoi praktikisht gjithçka me madrilenët, duke përfshirë Topin e Artë në 2018, gjashtë tituj në Ligën e Kampionëve, katër tituj LaLiga, pesë edicione të Kupës së Botës për Klube, pesë Superkupa të Evropës, dy Copa del Rey dhe pesë Superkupa Spanjolle./Telegrafi/

The post Tashmë zyrtare, Modric i bashkohet Milanit – do të mbajë numrin 14 në fanellë appeared first on Telegrafi.

Luka Modrić ka mbërritur në Itali dhe është gati të përfundojë zyrtarisht transferimin te AC Milan.

Legjenda kroate u pa të hënën në mëngjes në aeroportin Malpensa të Milanos, ku u prit nga gazetarët dhe fansat.

“Jam shumë i lumtur që jam këtu. Ka sfida të mëdha përpara meje. Do të kem kohë të flas për të gjitha këto”, ishin fjalët e para të Modrić, të raportuara nga La Gazzetta dello Sport.

Milan, ecco Luka Modric Inizia oggi, con le visite mediche e la firma del contratto, la sua nuova avventura con i colori rossoneri@GianluVisco pic.twitter.com/t8OJk3YIwD

— Sportitalia (@tvdellosport) July 14, 2025

39-vjeçari i bashkohet Milanit si lojtar i lirë, pasi kontrata e tij 13-vjeçare me Real Madridin përfundoi këtë verë. Ai pritet të nënshkruajë një kontratë njëvjeçare me mundësi zgjatjeje deri në verën e vitit 2027 – gjë që do ta mbante në radhët e kuqezinjve deri në moshën 41-vjeçare nëse opsioni aktivizohet.

Pas mbërritjes në Itali, Modrić do t’u nënshtrohet vizitave mjekësore dhe më pas do të firmosë marrëveshjen me gjigantin italian.

Ky është një kapitull i ri në karrierën e një prej mesfushorëve më të mëdhenj të epokës moderne, i cili vjen në Milano me përvojë, klasi dhe ambicie për të dhënë kontribut të menjëhershëm. /Telegrafi/ 

The post ‘Jam shumë i lumtur që jam këtu’ – Modric mbërrin në Milano appeared first on Telegrafi.

Luka Modric është gati të bashkohet me Milanin me një pagë të reduktuar, pas përfundimit të periudhës së tij legjendare te Real Madrid, me synimin për të qenë në formë për një përpjekje të fundit me Kroacinë drejt Kupës së Botës 2026. 

Sipas Mundo Deportivo, mesfushori kroat po finalizon një kontratë njëvjeçare me Rossonerët, si lojtar i lirë.  

Marrëveshja do të jetë me vlerë mes 2.5 dhe 3 milionë euro bruto, shumë më pak se paga e tij te Real Madridi, ku në sezonin e fundit fitoi 5 milionë euro neto pasi kishte pranuar një ulje prej 50 për qind. 

Modric largohet nga Madridi pas më shumë se një dekade suksesi, duke zgjedhur Milanin jo për përfitime financiare, por për të vazhduar të luajë në nivelin më të lartë, në përgatitje për Kupën e Botës. 

Në sezonin 2024/2025, 38-vjeçari luajti 2,990 minuta në të gjitha garat, përfshirë 35 nga 38 ndeshje në La Liga dhe të gjitha 14 ndeshjet në Ligën e Kampionëve.  

Ai u paraqit edhe në Copa del Rey, Superkupën e Evropës dhe Kupën e Botës për Klube, ku zhvilloi edhe ndeshjen e tij të fundit me Real Madrid  ndaj PSG-së. 

Ky transferim te Milani sinjalizon dëshirën e tij për të qëndruar konkurrues dhe në formë për sfidën e fundit të madhe ndërkombëtare me Kroacinë./Telegrafi/

The post Sakrifica e madhe që ka bërë Modric për t’u bërë pjesë e Milanit appeared first on Telegrafi.

Luka Modric është larguar nga Real Madrid pas ndeshjes së fundit të luajtur nga Merengues në gjysmëfinalen e humbur kundër PSG së Luis Enrique në Botërorin për Klube. Një lloj parakalimi i dëshiruar fort nga Xabi Alonso për të mbyllur historinë e mesfushorit dhe kampionit kroat me Blancos. Modric do të transferohet te Milani që e ka marrë për një vit dhe së shpejti do të vihet në dispozicion të Allegrit për të përjetuar sezonin e tij të parë në Itali. Para se të largohej nga Real Madrid megjithatë, Modric ka dashur të bëjë një gjest të fundit, një akt të detyrueshëm nëse duam, ndaj atij që sipas tij mund të jetë pasuesi i tij: Arda Guler.

Ylli në rritje i Blancos

Talenti i ri turk ka mbërritur pa shumë zhurmë në Spanjë dhe fillimisht Ancelotti në vitin e tij të parë nuk e ka përdorur gjithmonë. Vazhdimësinë megjithatë po e gjen tani me Xabi Alonso, siç u tregua pikërisht në Botërorin për Klube. Për këtë arsye Modric e ka parë atë si trashëgimtarin e tij, dukshëm pasi ka parë këto ndeshje si titullar. Në mbërritjen në Madrid nga Shtetet e Bashkuara kamerat kapin një moment kur Modric nga çanta e tij nxjerr dukshëm fanellën e fundit të veshur me Real Madrid dhe thërret pikërisht Arda Guler për t’ia dorëzuar turkut: reagimi është rrëqethës.

Ish-ylli i Fenerbahçes nuk mund t’u besonte syve dhe kështu është dorëzuar vetëm në një përqafim të gjatë dhe intensiv pasi ka parë atë gjest simbolik lamtumire dhe kalimi stafetë me ndikim të fortë emocional ndaj tij. Ky moment është interpretuar si një shenjë e tranzicionit, me Güler të parë nga shumëkush si trashëgimtari i mundshëm i Modric, edhe pse nuk është konfirmuar zyrtarisht që Güler do të marrë numrin 10 për sezonin e ardhshëm. Tifozët e Real-it e kanë vlerësuar jashtëzakonisht shumë këtë gjest të Modric dhe gjithashtu atë të Guler.

Sesaat setelah skuad Real Madrid tiba kembali di Madrid, Luka Modrić menyerahkan jersey Real Madrid miliknya kepada Arda Güler, lalu memeluknya dengan penuh kehangatan. @elchiringuitotv pic.twitter.com/6J5dHo620s

— Seputar Real Madrid (@SeputarMadrid) July 11, 2025

Modric i dorëzon fanellën e tij Arda Guler

Turku është dukur i habitur nga ai gjest. Të dy ishin jashtë autobusit që nga aeroporti i Madrid kishte çuar skuadrën e Real direkt në qendrën sportive. Një fjalim i fundit nga Xabi Alonso para shpërndarjes përfundimtare për të mbyllur zyrtarisht sezonin 2024/2025. Pikërisht në atë moment Modric, para se të zbrazte përfundimisht dollapin e tij, ka dashur të thërrasë Arda Guler duke e ftuar të afrohet te çanta e tij. E ardhmja do të tregojë nëse turku do të arrijë realisht të jetë në lartësinë e detyrës që i ka besuar Modric.

The post Modric, dhuratë e papritur për Arda Guler para largimit nga Real: turku i emocionuar appeared first on Lapsi.al.

Luka Modric i ka dhënë fund karrierës së tij të lavdishme me Real Madridin, pas 13 viteve të jashtëzakonshme në klubin më të madh në histori.

Legjenda kroate zhvilloi ndeshjen e fundit me fanellën e bardhë në humbjen 4-0 ndaj PSG-së, në gjysmëfinalen e Kupës së Botës për Klube – një përballje që shënoi mbylljen e një epoke.

Pas ndeshjes, Modriç foli për Real Madrid TV, ku nuk i fshehu emocionet: “Ka qenë një udhëtim i gjatë, por i paharrueshëm. Kjo është shtëpia ime, Madridi është shtëpia ime e dytë. Do të më duhet kohë për të kuptuar se çfarë kam arritur këtu. Real Madridi më dha gjithçka. Do të jem mirënjohës për gjithë jetën time. Do të jem madrilist përgjithmonë”.

Në 597 ndeshje të zhvilluara, Modriç ka fituar 28 trofe, përfshirë gjashtë tituj të Ligës së Kampionëve, duke u bërë kështu lojtari më i dekoruar në historinë e Real Madridit. Ai e theksoi me krenari këtë arritje.

“Të jesh lojtari me më shumë tituj në klubin më të mirë në historinë e futbollit është diçka e pabesueshme”, nënvizoi ai.

Mirënjohja ndaj tifozëve nuk mungoi as në fjalët e tij të fundit si lojtar i “Los Blancos”.

“Dashuria e tifozëve është në kulmin e saj,” u shpreh ai, duke veçuar gjithashtu momentin më të dashur në karrierë – triumfin në Ligën e Kampionëve në vitin 2014. “Dinastia jonë filloi atje,” tha Modriç, duke iu referuar ‘La Decimas’.

@LukaModric10: “Voy a ser siempre madridista”. pic.twitter.com/1Q8Ku4A0WI

— Real Madrid C.F. (@realmadrid) July 10, 2025

Kapiteni 39-vjeçar e mbylli mesazhin e tij me fjalë që mishërojnë filozofinë e klubit.

“Mënyra se si fituam, është ajo që është Real Madridi. Lufto deri në fund, mos u dorëzo kurrë”, përfundoi legjenda kroate. /Telegrafi/ 

The post “Do të jem madrilist përgjithmonë” – Luka Modriç largohet pas 13 viteve lavdie te Real Madridi appeared first on Telegrafi.

Nuk mjafton vetëm dëshira. Një Juventus që e tregoi gjithë dobësinë e tij me shkatërrimin që pësoi me Mançester Sitin, u përpoq shumë të shkaktonte të papriturën ndaj Realit, por pa sukses.

Skuadra e madhe spanjolle kaloi në çerekfinale me fitoren 1-0, duke luajtur më mirë pavarësisht disa momenteve të vështira.

“Zonja e Vjetër” tregoi gjithë krenarinë e saj me disa raste të pastra nga Kolo Muani apo Jildiz.

Gjithsesi, klasi dhe përvoja më e madhe e “merengesve” e bënë të vetën.

Reali dominoi ndeshjen e turit të dytë në stadiumin “Hard Rok” të Majemit, me shumë më tepër gjuajtje, e sidomos duke I pasur një pjesë të madhe në kuadrat.

Goli vonoi të vinte, por përfundimisht u shënua në minutën e 54-ët nga sulmuesi i ri, Gonzalo Garsia.

Njëzetenjëvjeçari, I cilësuar si “Rauli I Ri” nga trajneri i tij Shabi Alonso, goditi saktë për avantazhin.

Pozitiv kthimi në fushë I Kilian Mbapesë në pjesën e dytë, i cili la përfundimisht pas dëmtimin.

Ndërkaq, Alonso I dha disa minuta edhe veteranit Luka Modriç për të provuar sërish emocionet me fanelën “merenges” përpara kalimit tek Milani.

Reali ndërkaq vazhdon rrugën për në çerekfinale, dhe mbetet si gjithmonë pretendent për trofeun./abcnews.al

Mendohej se mund të ndodhte ndryshe. Çekia kishte mbërritur në Ballkan me shpresën dhe besimin për të marrë rezultat, pse jo edhe fitore, por realiteti në stadiumin e Osijekut ishte krejt tjetër.

Kroacia e tregoi veten sërish se mbetet ndër skuadrat më të forta e më të mira të Europës, pse jo edhe në planet, ndërsa arriti triumfin me shifrat 5-1 në duelin e eliminatoreve të Kupës së Botës.

Edhe pse miqtë barazuan përkohësisht rezultatin në 1-1 me anë të mbrojtësit që luan në Angli, Souçek, sërish katastrofa nuk u shmang.

Sulmuesi Kramariç realizoi dy herë, kapiteni Luka Modriç shënoi me 11-metërsh, ndërsa rrjetën e tundën edhe veterani tjetër Perishiç dhe Budimir.

Për 39-vjeçarin Modriç, ky ishte goli I 28-të në 188 ndeshje për Kroacinë.

Ai është rekordmen për ndeshjet, ndërsa për rrjetat është larg yllit të dikurshëm, Davor Shuker.

Çekia vazhdon ta kryesojë grupin L të eliminatoreve me 9 pikë, por me 4 ndeshje, ndërsa Kroacia është e dyta me 6 pikë, pra me dy fitore në dy ndeshje.

Ndërkaq, spektakël I vërtetë ishte sfida mes Belgjikës dhe Uellsit.

Rezultati 4-3 u vulos në fund, ndërsa emocionet ishin të forta.

Belgët arritën në 3-0 falë rrjetave nga Lukaku, Tilemans dhe Doku, por uellsianët barazuan në pjesën e dytë.

U desh goli I De Brujnes dy minuta para përfundimit që “djajtë e kuq” të merrnin tri pikët.

Maqedonia e Veriut, nga ana tjetër, vazhdon me rezultatet pozitive.

Fitore 1-0 në Kazakistan falë golit nga Trajkovski, dhe kryesim I Grupit J të Botërorit me 8 pikë ndaj 7 të Uellsit e 4 të Belgjikës.

Kombëtarja e Kroacisë triumfoi bindshëm ndaj Republikës Çeke me rezultatin 5:1, në ndeshjen e zhvilluar mbrëmë në “Opus Arena”, në kuadër të kualifikueseve për Kampionatin Botëror.

Një ndër më të dalluarit në këtë sfidë ishte kapiteni Luka Modric, i cili në moshën 39-vjeçare vazhdon të thyejë rekorde dhe të mbajë ritëm të lartë loje në arenën ndërkombëtare.

Në minutën e 62-të, Modric realizoi golin e dytë për Kroacinë nga pika e bardhë, pasi Ante Budimir fitoi një penallti. Ai goditi saktë duke kaluar ekipin e tij në epërsi 2:1.

Ky gol i dha atij një tjetër rekord personal: Modric u bë golashënuesi më i vjetër në historinë e kualifikimeve evropiane për Kupën e Botës, duke kaluar Edin Dzekon, i cili kishte vendosur rekordin vetëm pak ditë më parë me Bosnje e Hercegovinën ndaj San Marinos.

Me këtë gol, mesfushori legjendar kroat u rendit gjithashtu si shënuesi i nëntë më i vjetër në të gjitha kualifikimet botërore, me rekordin absolut që mbahet nga Keithroy Cornelius i Ishujve Virgjër të SHBA-së, i cili shënoi në moshën 43-vjeçare.

Përveç golit, Modric dha një asistim të bukur për Andrej Kramaric dhe zhvilloi një tjetër ndeshje të shkëlqyer në mesfushë, me 70 pasime të sakta nga 77 tentativa, 2 driblime të suksesshme dhe fitimin e të gjitha dueleve tokësore.

Kjo paraqitje është një tjetër dëshmi e klasit dhe qëndrueshmërisë së tij në nivelet më të larta të futbollit, ndërsa Kroacia shfaq ambicie serioze për kualifikimin në Botërorin e ardhshëm.

The post Modric thyen një rekord të madh pas golit me fanellën e Kroacisë appeared first on Albeu.com.

Kapiteni i Real Madridit, Luka Modrić, ka dhënë një përditësim në lidhje me të ardhmen e tij dhe planet për një transferim të mundshëm këtë verë.

Pas vendimit të klubit për të mos rinovuar kontratën e tij për sezonin 2025/2026, Modrić është i gatshëm t’i japë fund një periudhe të jashtëzakonshme prej 13 vitesh në kryeqytetin spanjoll, por nuk ka ndërmend të pensionohet.

Mesfushori 39-vjeçar kishte shprehur më herët dëshirën për të nënshkruar një tjetër kontratë njëvjeçare me Real Madridin, për të vazhduar të luajë pas ditëlindjes së tij të 40-të në shtator dhe për të udhëhequr Kroacinë në Kupën e Botës 2026.

Kontrata aktuale e Modrić nuk përfundon në qershor, pasi ai do të udhëheqë Real Madridin edhe në turneun e Kupës së Botës për Klube në SHBA, që mund të zgjasë deri në mesin e korrikut.

Modrić ka marrë oferta nga MLS dhe Superliga e Arabisë, por preferenca e tij është të qëndrojë në Evropë dhe të luajë në Ligën e Kampionëve.

Të mbeturit në formë të lartë për Kupën e Botës është një nga objektivat kryesorë për Modrić, dhe gjiganti italian, AC Milan, raportohet si favorit për të siguruar shërbimet e tij.

Drejtori i ri sportiv i Milanit, Igli Tare, mësohet të ketë udhëtuar drejt Kroacisë për t’u takuar me Modrić, dhe sipas Football Italia, është arritur një marrëveshje për termat personalë me mesfushorin veteran.

Marrëveshja do të ishte për një vit, me mundësi zgjatjeje edhe për një sezon tjetër, ndërsa Modrić do të përfitonte rreth 3 milionë euro në sezon.

Modrić u aktivizua nga stoli në fitoren 7-0 të Kroacisë ndaj Gjibraltarit në kualifikueset e Kupës së Botës, dhe pritet të jetë kapiten në ndeshjen kundër Çekisë më 9 qershor.

Pas ndeshjes me Gjibraltarin, ai foli për të ardhmen dhe pranoi se nuk ka marrë ende një vendim përfundimtar.

“Milan? Nuk mund t’ju them asgjë për transferimet. Dua të qëndroj i përqendruar te gjithçka që më pret me Real Madridin dhe kombëtaren”.

“Ende nuk kam vendosur, pavarësisht thirrjeve dhe kontakteve që kanë ndodhur. Kjo është e vetmja e vërtetë”, tha ai.

The post U tha se transferimi te Milani është punë e kryer, Modric flet për të ardhmen e tij appeared first on Albeu.com.

Luka Modriç te Milan nuk është vetëm një ide. Pa skuadër që pas largimit nga Real Madrid, mesfushori 39 vjeçar është vetëm një firmë larg veshjes me ngjyrat kuqezi.

Të bindura për këtë janë mediat përtej Adriatikut. Sipas tyre, Igli Tare është takuar me Modriç në Kroaci, dhe ka marrë përgjigje pozitive nga ai. Mbeten vetëm të limohen detajet e fundit dhe zyrtarizimi pritet që këtë javë.

Me futbollistin kroat, mesfusha e Milan do të ndryshojë krejtësisht, pasi klubi kuqezi mbylli marrëveshjen për shitjen e Tijani Rejnders te Manchester City.

Anglezët pranuan të paguajnë 75 milion euro bashkë me bonuset për kartonin e holandezit, duke shënuar edhe shitjen rekord për Milan, pas asaj të Sandro Tonali.

Përveç Luka Modriç që sjell eksperiencë, por që nuk premton të ardhme, Igli Tare pritet të mbyllë shpejt edhe transferimin e një tjetër futbolliti për mesin e fushës.

Ai është Samuele Ricci, talenti i Torino dhe kombëtares italiane, që do t’i kushtojë arkave të klubit kuqezi rreth 25 milion euro.

Por ky është vetëm fillimi i revolucionit të Milan pas një sezonit të dështuar.

Me valixhet gati janë dy lojtarë të tjerë të rëndësishëm si Theo Hernandez apo Mike Maignan.

Mbrojtësi ka një ofertë të rëndësishme nga Al Hilal në Arabinë Saudite, ndërsa portieri kërkohet me ngulm nga Chelsea, që do shërbimet e tij që në Botërorin e Klubeve.

Luka Modric ka rënë dakord të transferohet te Milani, duke i dhënë fund periudhës së tij të gjatë te Real Madridi, raportoi La Repubblica. Një ditë më parë, gazetari i njohur i futbollit, Fabrizio Romano, kishte raportuar se mesfushori kroat mund të vazhdojë karrierën e tij në Serie A.

Aktualisht, Modric ndodhet në Rijeka, ku po përgatitet me Kroacinë për sfidat kundër Gjibraltarit dhe Republikës Çeke në kualifikueset e Kupës së Botës.

Edhe pse marrëveshja nuk është zyrtarizuar ende, lajmi ka gjeneruar interes të madh në mediat italiane. Ish-mesfushori i Milanit, Massimo Ambrosini, e komentoi kështu mundësinë e transferimit të legjendës së Real Madridit.

“Në fillim u habita nga interesi i Milanit, por më pas kuptova që Luka do të ishte një nxitje dhe një udhërrëfyes vetëm me praninë e tij. Mosha është problem, por mund t’i japësh një kontratë të shkurtër. Milani nuk do të luajë në garat evropiane, kështu që mund t’i japë minuta. Ai do të sillte prestigj dhe shkëlqim. Milani do të ishte diçka krejtësisht ndryshe me Modricin”, deklaroi Ambrosini.

Shumë klube të interesuara për Modrićin

Kapiteni kroat ka oferta të shumta nga klube në Evropë, SHBA dhe Arabinë Saudite. Pavarësisht kësaj, Modric ka konfirmuar largimin nga Reali pas Kupës së Botës për Klube këtë verë, ndërsa e ardhmja e tij mbetet e hapur.

Rayo Vallecano ka shfaqur interes të fortë në Evropë, duke ofruar mundësinë që Modric të qëndrojë në Madrid, ku familja e tij ndihet e vendosur. Presidenti i Rayos, Martin Presa, ka konfirmuar publikisht dëshirën për të sjellë kroatin, duke përmendur se më parë kanë tërhequr emra të njohur si Radamel Falcao.

Megjithatë, Presa e ka pranuar se klubi nuk mund të ofrojë kushtet financiare që Modric kishte te Real Madridi.

Ndërkohë, Milani ka zyrtarizuar javën e kaluar Igli Taren si drejtor sportiv të ekipit të parë, duke i dhënë fund një periudhe të gjatë kërkimi për këtë rol.

Ish-lojtari i kombëtares shqiptare ka nënshkruar një kontratë dyvjeçare me mundësi zgjatjeje edhe për një sezon tjetër, me një pagë prej 800,000 eurosh në vit./Telegrafi/ 

The post “Milani do të ishte diçka krejtësisht ndryshe me Modricin” – përkrahet transferimi i kroatit në Itali appeared first on Telegrafi.

Për moshën nuk premton të ardhme, por për emrin dhe eksperiencën mund të jetë njeriu I duhur në misionin e Milan për të hedhur pas krahëve një sezon zhgënjyes dhe për t’u kthyer sërish fitues.

Bëhet fjalë për Luka Modriç, mesfushori kroat që është ngjitur në krye të listës së transferimeve në klubin kuqezi.

Futbollisti 39 vjeçar është pa skuadër që pas largimit nga Real Madrid, ku luajti për 13 vite.

Për momentin Modriç po pushon, ndërsa sipas mediave italiane drejtori sportive Igli Tare e ka shqetësuar me telefonata për të kuptuar mundësitë që ai të vishet me ngjyrat kuqezi.

Vetë mesfushori duket i joshur nga kjo mundësi, pasi kërkon të qëndrojë në Europë dhe jo më kot ka refuzuar oferta nga Arabia Saudite dhe Shtetet e Bashkuara të Amerikës ku po pensionohen yje të tjerë të futbollit.

Me Modriç, Milan kërkon të shtojë në skuadër një futbollist me eksperiencë dhe mbi të gjitha që di si fitohet.

Këtë e tregojnë shifrat e një karriere fantastike, sidomos me Real Madrid ku u largua si lojtari më i titulluar në historinë e klubit.

Me madrilenët, ai fitoi 28 trofe, mes tyre 13 La Liga, 6 Champions, 5 Botërorë për Klube, 4 Superkupa të Spanjës, 5 Superkupa të Europës, 2 Kupa të Mbretit dhe 1 Kupë Interkontinentale.

Po ashtu, në vitin 2018, ai arriti kulmin personal, kur fitoi “Topin e Artë” dhe trofeun e “FIFA The Best”.

Me këtë bagazh, Modriç do të sillte te Milan, atë që i ka munguar skuadrës kuqezi në sezonet e fundit, mentalitetin fitues, ashtu siç ndodhi me Ibrahimoviç në titullin kampion të fundit të fituar në vitin 2022./abcnews.al

Igli Tare dhe Massimiliano Allegri kanë pak kohë për të planifikuar merkaton e parë të Milan, por në ditët e para të punës tashmë ka lindur ideja e madhe e kësaj vere: kuqezinjtë ëndërrojnë Luka Modric si goditjen e bujshme për sezonin e ardhshëm, një ëndërr e propozuar nga drejtori i ri sportiv, i cili dëshiron ta nisë aventurën e tij me një “bum”. Kroati është larguar nga Real Madrid si lojtar me parametër zero pas 13 vitesh me shumë suksese dhe mund t’i japë vetes edhe një “vallëzim të fundit” në Evropë për t’u përgatitur për Kupën e Botës me Kroacinë, përmbyllja perfekte për një karrierë kampioni.

Sipas asaj që raporton Sky, aktualisht pista që të çon te mesfushori është më shumë një ëndërr sesa një realitet, por Tare e ka diskutuar tashmë brenda klubit për të kuptuar sa e realizueshme është operacioni. Në çdo rast, do të ishte një goditje mediatike që do t’i shërbente Milan për të filluar të hedhë themelet për të ardhmen e tij: nuk do të marrë pjesë në asnjë kompeticion evropian sezonin e ardhshëm, por do të ketë gjithë kohën për të planifikuar rikthimin mes më të mëdhenjve.

Tare ëndërron goditjen Modric për Milan

Largimi nga Real Madrid ka qenë emocional, por kroati ka dëshirë të vihet sërish në lojë në nivele të larta, të paktën edhe për një sezon të fundit. Dhe pikërisht këtu futet Milani, me drejtorin e ri sportiv Tare, i cili i ka propozuar klubit idenë e madhe për merkaton e ardhshme: Modric është parametër zero dhe në moshën 39-vjeçare mund të jetë një vlerë e shtuar për çdo skuadër falë talentit dhe dëshirës së tij për të bërë të paktën edhe një vit tjetër si lojtar i nivelit të lartë, deri në Kupën e ardhshme të Botës. Kuqezinjtë po përpiqen të vlerësojnë më së miri situatën për të mundur të realizojnë këtë goditje të madhe dhe për të nisur sezonin e ardhshëm.

Lexo më tej: Tijani Reijnders arrin marrëveshjen me Manchester City: ja lëvizjet e Tares te Milan

Brenda klubit drejtuesit po reflektojnë për këtë mundësi, por janë shumë faktorë për t’u vlerësuar. Në aspektin ekonomik nuk duhet të ketë probleme, pasi Milani do të paguante vetëm pagën e mesfushorit, i cili nuk ka kërkesa të veçanta, sidomos duke pasur parasysh gjithçka që ai mund të ofrojë në aspektin e cilësisë dhe përvojës. Por investimi duhet gjithsesi të sjellë një përfitim, dhe këtu hapen reflektime të mëdha: Modric është pothuajse 40 vjeç dhe kërkon një sezon të fundit si lojtar top për të shkuar në Botëror, edhe pse në sezonin e fundit te Real Madridi ka luajtur shumë pak si titullar. Pastaj është çështja e Champions-it që mund të jetë një pikë negative për Milanin, i cili do të luajë vetëm në garat kombëtare sezonin e ardhshëm.

The post Tare “rinovon” Milan me një 40 vjeçar: i ka propozuar shoqërisë emrin e Modric appeared first on Lapsi.al.

AC Milan ka nisur një fazë të re ndërtimi nën drejtimin e Massimiliano Allegrit dhe drejtorit të ri sportiv Igli Tare.

Me fillimin e përgatitjeve për sezonin e ri, strategjitë dhe prioritetet në afatin kalimtar kanë ndryshuar ndjeshëm, duke përfshirë objektiva të profilit të lartë.

Sipas raportimeve të besueshme nga gazetari i njohur Fabrizio Romano, një nga emrat që është përmendur në diskutimet e brendshme të klubit është legjenda kroate Luka Modrić.

Igli Tare, drejtuesi shqiptar i sapoemëruar te kuqezinjtë, thuhet se ‘ëndërron’ të sjellë në ‘San Siro’ ish-mesfushorin e Real Madridit.

Modrić, i cili u largua nga Real Madrid këtë verë pas një epoke të lavdishme me mbi një dekadë suksese dhe trofe, ka marrë disa oferta nga klube në mbarë botën, përfshirë nga MLS dhe Arabia Saudite.

🚨🔴⚫️ EXCL: AC Milan new director Igli Tare dreams of bringing Luka Modrić to the club.

He’s one of the names mentioned in initial internal talks.

Modrić received several approaches from clubs all over the world since leaving Real Madrid, not in a rush to pick his next club. pic.twitter.com/HHe7Bsg54h

— Fabrizio Romano (@FabrizioRomano) June 2, 2025

Megjithatë, sipas Romanos, lojtari nuk është në nxitim për të vendosur destinacionin e tij të radhës.

Aktualisht, nuk ka një ofertë zyrtare nga Milan për Modrićin, por fakti që emri i tij është përmendur në tavolinat e merkatos së klubit tregon ambicien e Tares për të sjellë eksperiencë dhe cilësi të lartë në mesin e fushës.

Duke pasur parasysh stilin e lojës së Milanit dhe mungesën e një dirigjenti me përvojë në mesin e fushës, një profil si ai i Modrić do të ishte i çmuar.

Nëse Milan do të konkretizojë një përpjekje për të bindur kroatin, do të varet shumë nga dëshirat e vetë lojtarit, i cili, deri më tani, nuk ka dhënë sinjale të qarta për destinacionin e ardhshëm.

The post Igli Tare synon goditjen e madhe: Luka Modric, emri që po ‘valëzon’ në zyrat e Milanit appeared first on Albeu.com.

Në vitet e fundit, një numër ikonash të Real Madridit kanë lënë klubin, me të fundit që është mesfushori veteran Luka Modric. 

Të dy, ai dhe Cristiano Ronaldo, do të jenë lojtarë të lirë gjatë verës dhe të dy mund të jenë gati për një rikthim befasues në kryeqytetin spanjoll. 

Por, ky rikthim nuk do të jetë në Real Madrid, pasi kjo mundësi u është mbyllur për pjesën tjetër të karrierës së tyre si lojtarë. 

Në vend të kësaj, Rayo Vallecano mund t’i mirëpresë të dy, Ronaldo dhe Modric, me dyer të hapura. 

Rayo ka një talent të veçantë për të nënshkruar me lojtarë ikonë, me Radamel Falcao dhe James Rodriguez mes atyre që kanë firmosur gjatë viteve të fundit. 

Dhe siç deklaroi presidenti Raul Martin Presa për Onda Cero, dera është e hapur që Ronaldo apo Modric të bashkohen me skuadrën e Inigo Perez. 

“Falcao donte të jetonte në Madrid dhe erdhi; lojtarë si Modric apo Cristiano e dinë që nëse duan të luajnë për Rayo, do të jetojnë në Madrid, por nuk mund të fitojnë atë që kanë fituar më parë”. 

Një transferim te Rayo mund të jetë një perspektivë tërheqëse për të dy lojtarët, duke pasur parasysh se ata do të luajnë në Ligën e Konferencës sezonin e ardhshëm. 

Asnjëri prej tyre nuk e ka fituar këtë kompeticion që nga krijimi i tij disa vite më parë, kështu që mund të ekzistojë dëshira për ta kompletuar këtë objektiv para se karriera e tyre të përfundojë./Telegrafi/

The post Presidenti i klubit të La Ligas ‘ndez’ internetin: Dera e hapur për Modric dhe Ronaldo appeared first on Telegrafi.

Luka Modric luajti atë që mund të jetë ndeshja e tij e fundit për Real Madridin kundër Real Sociedadit këtë fundjavë.

Në pjesën e parë të asaj ndeshjeje, Real Madrid fitoi një penallti, të cilën Kylian Mbappe e humbi, megjithëse francezi nxitoi të shënonte nga topi i rikthyer.

Kur penalltia po kontrollohej nga VAR, Raul Asencio filloi të bisedonte me Modricin.

Asencio i drejtohet Luka Modricit: “Pse nuk e gjuan penalltinë?”.

Luka: “Jo, jo, Kylianit i duhet (për Këpucën e Artë)”.

Luka: “Kylian…godite”.

Lexo po ashtu Do t'u thyejë zemrat shumë tifozëve: Publikohen skenat e papërshkrueshme të mbërritjes së Modric në Bernabeu

Modric ishte i pari që festoi menjëherë, dhe Mbappe më në fund e shënoi penalltinë.

Mbappe e përfundoi sezonin me 31 gola në La Liga, duke e bërë atë jo vetëm golashënuesin më të mirë të La Ligas, por edhe fituesin e Këpucës së Artë në Evropë.

Modriç largohet nga Madridi me kokën lart. Ai kurrë nuk i shkaktoi probleme klubit dhe gjithmonë i ndihmoi shokët e tij të ekipit. /Telegrafi/

The post Mikrofonat regjistrojnë atë që Asencio i tha Modricit pasi Real Madrid fitoi penalltinë kundër Sociedadit appeared first on Telegrafi.

Te Juventus ka lëvizje të mëdha si në frontin e trajnerit – pritet vetëm largimi i Antonio Conte nga Napoli (por në Kupën e Botës për Klube në pankinë do të jetë ende Igor Tudor) – ashtu edhe në drejtim, ku mund të mbërrijë, në një afat më të shkurtër se sa ai për trajnerin e ri, një drejtues i ri: Damien Comolli.

Siç u parashikua në episodin e fundit të “Pressing”, presidenti aktual i Toulouse pëlqehet shumë nga pronësia bardhezi, e cila mendon ta përfshijë si administrator të ri të deleguar, edhe për të kaluar më lehtë largimin e Francesco Calvo.

Kush është Comolli?

I lindur në vitin 1971 në juglindje të Francës, jo larg Montpellier, Comolli e nisi aventurën në futboll si trajner i të rinjve të Monaco, por ndryshoi shpejt drejtim duke përqafuar karrierën menaxheriale. Suksesi nuk vonoi të vinte, pasi si skaut i Arsenal nga viti 1996 deri në 2004, kontribuoi në fitimin e 3 titujve në Premier League, edhe falë mbërritjes së lojtarëve si Kolo Touré, Eboué dhe Clichy.

Më pas, një periudhë e shkurtër si drejtor sportiv te Saint-Étienne përpara se të kthehej në Angli, në të njëjtin rol, te Tottenham, ku në vitin 2008 solli në Londër Luka Modric. Edhe transferimet e Henderson dhe Luis Suarez te Liverpool, ku qëndroi deri në 2012, mbajnë firmën e tij. Pastaj një përvojë e shkurtër me Galatasaray përpara se të mbërrinte te Toulouse, në fakt në pronësi të RedBird (jo rastësisht dikur ishte përfolur për të edhe te Milan), ku është president.

Comolli e kritikat ndaj Andrea Agnelli

Tani ai është objektivi i ri për drejtimin e Juventus, që në mënyrë interesante ai vetë e kishte kritikuar në vitet e menaxhimit të Andrea Agnelli (kur ishte Fabio Paratici në krye), duke u ndalur te numri i lartë i huazimeve që kishte klubi: “Nuk bëhet fjalë për tregti, por për spekulim të thjeshtë dhe të qartë financiar. Juventus ka rreth 120 lojtarë nën kontratë, por në skuadrën e parë mban maksimumi 25. Pse preferon të menaxhojë kaq shumë? Janë të ardhura shtesë falë shitjes së lojtarëve që nuk ka ndër mend t’i përdorë në ekipin e parë. Në praktikë i blen për një milion dhe i shet për pesë. Edhe klube të tjera e bëjnë, por nuk ka ndershmëri ndaj njerëzve”, ishin fjalët e tij për Le Monde.

The post Zbuluesi i Modric e president i Tolouse: kush është Damien Comolli, që e kërkon Juve appeared first on Lapsi.al.

Ditë me emocione tepër të forta në “Santiago Bernabeu”.

Tifozët e Realit përshëndetën për herë të fundit dy legjenda të klubit, yllin kroat Luka Modriç dhe trajnerin Karlo Ançeloti.

Personalitetet e mëdha ishin për herë të fundit në radhët e madrilenëve në ndeshjen e La Ligës ndaj ekipit bask, Sociedad, dhe lamtumira ishte e jashtëzakonshmë.

Modriç, me numrin 10 në shpinë dhe me shiritin e kapitenit, u zëvendësua në minutën e 86-të duke fituar brohoritjet e rreth 80 000 tifozëve në stadiumin e Madridit.

Ai largohet pas 13 sezoneve tek Reali, duke fituar 28 trofe me skuadrën spanjolle, përfshi 6 Champions dhe katër tituj kampion në La Liga.

Lamtumirë e madhe edhe për trajnerin Karlo Ançeloti.

Njeriu I shquar I stolit I dha fund etapës së tij të dytë në “Bernabeu”, ndërsa në qershor do të jetë trajner I Brazilit.

Italiani drejtoi skuadrën nga viti 2013 deri në 2015 dhe nga 2021 deri tani.

Gjithsej fitoi 3 Champions dhe dy La Liga me Realin, dhe u bë tekniku me më shumë trofe në historinë e klubit më të madh të futbollit në botë.

Po ashtu, Ançeloti është rekordmen I fitoreve në Ligën e Kampionëve në histori përsa I përket trajnerëve.

Dy legjendat u përcollën siç duhet, pasi skuadra madrilene fitoi 2-0 ndeshjen e javës së fundit të kampionatit spanjoll, me dy gola të shënuar nga sulmuesi francez, Kilian Mbape./abcnews.al

Real Madrid e mbyll sezonin në La Liga me fitore, 1-0 përballë Real Sociedad, në një ndeshje me shumë emocione. Sot ishte ndeshja e lamtumirës për Luka Modric dhe Carlo Ancelotti-n, të dy do të largohen nga klubi madrilen pas sfidës së sotme. Nuk munguan duartrokitjet e gjata si dhe banderolat falënderuese si për mesfushorin […]

The post Reali e mbyll sezonin me fitore, lot lamtumire për Modric dhe Ancelottin (Video) appeared first on BoldNews.al.

Real Madridi fitoi me rezultat 2-0 ndaj Real Sociedadit të shtunën, por fokusi ishte tek lamtumira e Luka Modric dhe Carlo Ancelotti.

Që të dy do të largohen, me Ancelottin që do të largohet menjëherë ndërsa Modric pas përfundimit të Kupës së Botës për Klube.

Ishte një ditë emocionale për të dy gjatë dhe pas ndeshjes në ‘Santiago Bernabeu’, ku që të dy iu drejtuan tifozëve me një fjalim.

“Koha ka ardhur që nuk kam dashur asnjëherë të vijë. Ka qenë një rrugëtim I gjatë. Faleminderit klubit, presidentit Florentino Perez. Të gjithë trajnerëve, bashkëlojtarëve të mi dhe të gjithë personave që më ndihmuan gjatë tërë kësaj kohe”.

“Për familjen time, pa ta e gjithë kjo nuk do kishte qenë e mundur. Është e vështirë. Ne kemi fituar shumë, ne kemi psaur momente të mrekullueshme”.

“Por trofeu më i madh që kam fituar është dashuria juaj. Nuk kam fjalë për t’iu falenderuar për gjithçka që më keni dhuruar mua. Dua ta them një frazë që e kam parë dhe e kam pëlqyer shumë: Mos qaj sepse mori fund, buzëqesh sepse ndodhi. Hala Madrid dhe asgjë më shumë”, ka thënë Modric.

Menjëherë pas legjendës kroate mikrofonin e mori Ancelotti, i cili reflektoi mbi periudhën e tij të dytë si trajner i Real Madridit.

Ancelotti y Modrić despidiéndose del Santiago Bernabéu.

LEYENDAS. pic.twitter.com/0b3Z0mhN1N

— MT2 (@madrid_total2) May 24, 2025

“Nuk mendoj se është e lehtë të flasësh sot. Ka qenë një nder dhe kënaqësi ta stërvisë këtë klub, këtë skuadër. Fillimisht, do të doja ta falenderoja presidentin tim të nderuar, Florenino Perez”.

“Ka qenë një eksperiencë e mrekullueshme, faleminderit për këto momente. Ishte e mrekullueshme që t’i jetoja me ty”.

“Është një histori e paharrueshme. Askush nuk mund ta harrojë het-trikun e Benzemas ndaj PSG-së, apo dy golat e Rodrygos ndaj Manchester Cityt, as asistimin e Modricit”.

“Askush nuk mund t’i harrojë dy golat e Joselut. As unë nuk mund t’i harroj ditët që kam kaluar këtu. Dhe unë do ta përfundoj me asgjë përveçse Hala Madrid. Ju dua të gjithëve me gjithë zemër”, ka thënë Ancelotti./Telegrafi/

“Thank you, legend.”
“Thank you, Carletto.”

Real Madrid fans’ tributes for Luka Modric and Carlo Ancelotti before their final match with the club pic.twitter.com/QytCd7wsLx

— ESPN FC (@ESPNFC) May 24, 2025

The post Modric dhe Ancelotti emocionojnë tifozët me fjalimet e tyre në ‘Santiago Bernabeu’ appeared first on Telegrafi.