Këngëtarja Adelina Ismajli, e cila prej dekadash konsiderohet një nga figurat më të guximshme dhe më inovative të muzikës shqiptare, ka rrëfyer së fundmi detaje të ndjera nga jeta dhe karriera e saj në emisionin “21 Gradë” në RTV21.

E njohur për thyerjen e tabuve dhe krijimin e një historie unike në skenën muzikore, Adelina foli pa dorashka për sfidat, zhgënjimet dhe momentet që e kanë formësuar si artiste.

Në intervistë, ajo pranoi se ndjenja e vlerësimit dhe respektit që merr ndryshon nga vendi në vend.

“Në Shqipëri e ndjej veten më të vlerësuar. Në Kosovë kam pasur rastin që disa mediume m’kanë fut në lloq… Shqipëria më ka nxjerrë nga ajo baltë. Shqipëria ma ka shpëtuar karrierën”, u shpreh këngëtarja.

Me këto fjalë, Adelina shpalosi një ndjenjë të thellë mirënjohjeje ndaj publikut dhe mediave shqiptare, të cilat sipas saj e kanë ndihmuar ta ringrejë dhe ta mbrojë imazhin e saj artistik në momentet më të vështira.

Rrëfimi i saj u pa si një dëshmi e sinqertë e realitetit me të cilin përballen artistët, ku suksesi shpesh shoqërohet me kritika dhe paragjykime, por edhe si një shenjë e forcës së saj për të ecur përpara dhe për të mos lejuar që negativiteti ta ndalë pasionin e saj për muzikën. /Telegrafi/

The post Flet haptazi, Adelina Ismaili: Shqipëria më ka shpëtuar karrierën, e ndjej veten më të vlerësuar appeared first on Telegrafi.

Mevlan Zeka është transferuar në qershor te skuadra rumune UTA Arad duke bërë hapin e madh në karrierë.

Megjithatë vetëm pas disa javësh të kaluar te kjo skuadër, sulmuesi gjakovar është larguar për arsyeje familjare.

Në Rumani është shkruar se UTA Arad do ta dërgojë çështjen në FIFA, megjithatë tani Zeka ka dërguar në redaksi një reagim publik të gjatë duke shpjeguar të gjithë situatën.

31-vjeçari ka treguar arsyen se është rikthyer në Kosovë për shkak të gjendjes shëndetësore të bashkëshortes së tij, derisa si baba dhe kryefamiljar ka qenë mëse e nevojshme për t’i qëndruar pranë bashkëshortes, nënës dhe djalit të tij.

Reagim publik i Mevlan Zekës:

Së fundmi, në media kanë qarkulluar lajme dhe komente të shumta lidhur me situatën time me klubin UTA Arad. E ndjej të nevojshme të flas vetë, sepse çdo informacion që nuk vjen nga kjo llogari nuk duhet të merret si i vërtetë.

Më 23 qershor 2025 iu bashkova klubit në fazën përgatitore në Slloveni, ku qëndrova për 10 ditë. Dua të falënderoj nga zemra trajnerin, stafin dhe bashkëlojtarët për mikpritjen dhe respektin që më dhanë që nga dita e parë.

Gjatë kësaj periudhe, bashkëshortja ime kishte shfaqur shqetësime shëndetësore. Ndërsa unë isha ende në Slloveni, ajo iu nënshtrua disa testeve mjekësore dhe, fatkeqësisht, situata doli të jetë serioze jo e lehtë. Pas përfundimit të fazës përgatitore, klubi na dha dy ditë pushim për t’u kthyer tek familjet tona. Pikërisht në ato ditë mora lajmin për gjendjen dhe situaten serioze me te cilën po kalon bashkëshortja.

Pavarësisht se kam analizuar çdo mundësi për t’u rikthyer në Arad, përgjegjësia ime si kryefamiljar, bashkëshort dhe baba ishte më e madhe se çdo detyrim si futbollist. Sugjerimi i mjekut që bashkëshortja ime kishte nevojë për kujdes të vazhdueshëm bëri që vendimi im të ishte i qartë, pasi terapitë që ajo duhej të ndiqte ishin të pamundura të përballoheshin pa praninë time.

Unë nuk kam baba, vëllai im nuk jeton në Kosovë, dhe jam i vetmi mashkull në familje, pranë nënës, bashkëshortes dhe djalit tim. Në atë moment, ishte e pamundur të largohesha prej tyre dhe të udhëtoja për në Rumani. Situata ishte e rëndë, dhe si çdo njeri, vendosa ta vë familjen në vend të parë.

Nuk është e vërtetë që jam stërvitur apo kam nënshkruar me ndonjë skuadër tjetër, apo që jam larguar pa komunikim. Që nga dita që jam kthyer në Kosovë, nuk kam bërë asnjë seancë stërvitore. Kam shpjeguar situatën në klub dhe kam dorëzuar të gjitha raportet mjekësore që dëshmojnë gjendjen e bashkëshortes sime. Kam bashkëpunuar ngushtë me menaxherin tim për të gjetur një zgjidhje të drejtë për të gjitha palët.

Nëse rasti shkon në FIFA, unë do të përballem me çdo situatë dhe do të kërkoj të drejtat e mia si çdo futbollist që është gjendur në situata të tilla. Nuk jam i pari që përballem me këtë sfidë, por shpresoj të jem i fundit, sepse nuk dua të shoh asnjë futbollist tjetër të kalojë atë që po kaloj unë. Kjo është puna jonë, dhe me të mbajmë familjet tona.

Gjithashtu, kam hequr dorë nga çdo e drejtë financiare për të mos e dëmtuar klubin, sepse e respektoj UTA Arad dhe tifozët e saj. Për mua, ky transferim ishte një ëndërr dhe një hap i madh në karrierë. Është e dhimbshme të mos jem sot në Arad për të luftuar për fanellën e klubit, por ka momente në jetë kur futbolli duhet të ndalet përpara përgjegjësisë ndaj familjes.

Shpresoj që të gjithë ta kuptojnë se, mbi të gjitha, jemi njerëz. Kam besuar dhe ende besoj se çdo marrëdhënie profesionale duhet të mbështetet mbi respekt dhe humanitet.

Me respekt Mevlan Zeka. /Telegrafi/

The post Mevlan Zeka vjen me një reagim publik për largimin nga klubi rumun: Gjendja e vështirë e gruas më bëri të kthehem në Kosovë appeared first on Telegrafi.

Garda Kombëtare ka filluar të dalë në rrugët e kryeqytetit amerikan Uashington, pasi Donald Trump urdhëroi që forcat federale të merrnin përsipër departamentin e policisë së qytetit për të menaxhuar krimin dhe të pastrehët.

Sekretarja e shtypit e Shtëpisë së Bardhë, Karoline Leavitt, thotë se afërsisht 850 oficerë federalë të zbatimit të ligjit u vendosën në Uashington dhe arrestuan 23 persona gjatë natës, duke e quajtur këtë vetëm fillimin.

Arrestimet përfshijnë akuza për vrasje, krime me armë dhe drogë, drejtim mjeti të pakujdesshëm dhe drejtim mjeti në gjendje të dehur. Ajo tha se u sekuestruan gjashtë pistoleta të paligjshme.

Leavitt tha gjithashtu se kontrolli federal i departamentit të policisë mund të zgjasë më shumë se 30 ditë.

Megjithatë shtëpia e Bardhë do të ketë nevojë për miratimin e Dhomës së Përfaqësuesve dhe Senatit për të zgjatur marrjen e kontrollit të departamentit.

Në lidhje me të pastrehët Leavitt tha se atyre do u ofrohet një strehë ose trajtim për varësinë nga droga. Ata që refuzojnë të largohen nga kampet e të pastrehëve, do të përballen me gjoba ose me burg.

Kryetarja e bashkisë së Uashingtonit, Muriel Bowser tha se plani i sapo shpallur i Trump për të marrë përsipër Departamentin e Policisë Metropolitane dhe për të nxjerrë në rrugë Gardën Kombëtare nuk ishte një hap produktiv. Ajo tha se krimi në qytet ka qenë në rënie të vazhdueshme dhe tha se gjendja e jashtëzakonshme e perceptuar nga Trump nuk përputhet me shifrat.

Këngëtarja e njohur Donna Dafi po shijon ditët e verës në një prej destinacioneve më të bukura të Adriatikut – ishullin piktoresk të Korçulës në Kroaci.

Artistja ka ndarë me ndjekësit e saj në Instagram disa fotografi mahnitëse, ku shfaqet plot hijeshi, me një buzëqeshje që rrezaton gëzim dhe energji pozitive.

Pamjet e saj kanë ndezur rrjetin, duke marrë qindra komente dhe mijëra pëlqime. Fansat e kanë vërshuar me komplimente, duke e cilësuar si një nga figurat më tërheqëse dhe me stil të muzikës moderne.

Por, duket se ky pushim nuk është thjesht relaks veror. Burime pranë këngëtares bëjnë të ditur se Donna Dafi po përgatit rikthimin e saj me projekte të fuqishme muzikore.

Sipas tyre, shumë shpejt ajo do të publikojë një seri videoklipesh të reja, të cilat priten të bëjnë bujë në industrinë muzikore ndërkombëtare.

Me këtë kombinim të sharmin personal dhe energjisë artistike, duket se Donna Dafi është gati të lërë një tjetër gjurmë të fortë në skenën muzikore botërore. /Telegrafi/

 

 

 

 

 

 

 

The post Donna Dafi shkëlqen nga Korçula me fotografitë provokuese në të kuqe appeared first on Telegrafi.

UEFA ka përjashtuar stadiumin legjendar “San Siro” nga gara për të pritur finalen e Ligës së Kampionëve 2026/27, për shkak të pasigurisë mbi planet e rinovimit.

Fillimisht, institucioni evropian dukej se kishte vendosur t’ia besonte Milanos organizimin e finales më të madhe të klubeve, por vendimi u pezullua pasi Bashkia e Milanos nuk mund të garantonte që punimet e planifikuara nuk do të ndikonin në stadium dhe zonën përreth gjatë ngjarjes.

Planet për rinovimin e San Siros mbeten të paqarta, megjithëse si Milani ashtu edhe Interi kanë shprehur skepticizëm mbi realizimin e tyre.

Sipas Reuters, këto punime mund të lidhen me përgatitjet për Euro 2032, që do të organizohet nga Italia dhe Turqia, si dhe me Lojërat Olimpike Dimërore 2026.

“The Athletic” raporton se UEFA është e shqetësuar për “mungesë qartësie” rreth afateve dhe ndikimit të rinovimeve, sidomos nëse ato do të vazhdojnë gjatë vitit 2027.

Dy kandidatë për finalen

Për momentin, finalja e vitit 2027 mbetet mes dy alternativave: Stadiumit Olimpik të Bakusë (Azerbajxhan) dhe “Wanda Metropolitano”-s në Madrid (Spanjë).

Baku priti finalen e Ligës së Evropës 2019 midis Chelseat dhe Arsenalit, ndërsa “Metropolitano” ishte skena e finales së Ligës së Kampionëve 2019 midis Tottenhamit dhe Liverpoolit.

Superkupa në Udine

Ndërkohë, Paris Saint-Germain dhe Tottenham do të përballen këtë të mërkurë në Superkupën e UEFA-s, e cila do të zhvillohet në stadiumin “Bluenergy” të Udineses, me kapacitet rreth 25 mijë vendesh.

PSG vjen si fituese e Ligës së Kampionëve 2024/25, pasi mundi 5-0 Interin, ndërsa Spurs fituan Ligën e Evropës duke mposhtur 1-0 Manchester Unitedin. /Telegrafi/

The post UEFA ia ndalon stadiumit të presë finalen, ndërsa PSG përgatitet të përballet me Tottenhamin në Superkupë appeared first on Telegrafi.

TIRANË, 12 gusht /ATSH/ Ambasada e Shteteve të Bashkuara në Tiranë ka bërë një thirrje për qytetarët amerikanë në Shqipëri, duke theksuar rëndësinë e kujdesit maksimal për shkak të zjarreve të shumta që po përfshijnë vendin.

Përmes një postimi në rrjetet sociale, ambasada kërkon që amerikanët të shmangin zonat e rrezikuara dhe të respektojnë urdhrat për evakuim, apo çdo lloj udhëzimi të policisë.

“Ambasada e SHBA-së në Tiranë vazhdon të monitorojë disa zjarre në të gjithë vendin dhe u bën thirrje të gjithë qytetarëve amerikanë të tregojnë kujdes në zonat e kërcënuara nga zjarret”, thekson Ambasada në një njoftim.

“Disa zona në të gjithë vendin janë nën urdhër evakuimi. Qytetarët amerikanë në Shqipëri që kanë nevojë për ndihmë mund të kontaktojnë Ambasadën e SHBA-së me telefon në 4224-7285 (duke telefonuar nga Shqipëria) ose +355-4224-7285 (duke telefonuar nga jashtë Shqipërisë), ose në email: ACSTirana@state.gov”, thekson Ambasada.

Ndër veprimet që duhen ndërmarrë, Ambasada shprehet se, “qytetarët amerikanë duhet të shmangin zonat e prekura, veçanërisht ato nën urdhër evakuimi, dhe të ndjekin udhëzimet e policisë në lidhje me mbylljen e rrugëve ose ndërprerjet e trafikut. Monitoroni lajmet lokale për përditësime mbi kushtet e zjarreve në pyje dhe planifikoni rrugët tuaja në përputhje me rrethanat. Google Maps gjithashtu mund të ofrojë informacion në kohë reale mbi mbylljen e rrugëve dhe aktivitetin e zjarreve në pyje”.

“Zjarret në pyje janë të zakonshme në Shqipëri. Thithja e tymit përbën një rrezik serioz për shëndetin, edhe nëse nuk jeni afër flakëve. Nëse një zjarr në pyje është afër vendndodhjes suaj, përfshirë vendbanimin tuaj, evakuohuni menjëherë në një zonë të paprekur”, thekson Ambasada.

“Mos u përpiqni të kaloni me makinë nëpër zonat e prekura nga zjarret ose tymi i dendur. Kërkoni një rrugë alternative ose merrni në konsideratë shtyrjen e udhëtimit nëse një rrugë alternative nuk është e disponueshme. Nëse nuk keni zgjidhje tjetër përveçse të kaloni nëpër tymin e një zjarri, drejtoni ngadalë me dritaret lart, kanalet e ajrit të jashtëm të mbyllura dhe dritat e ndezura për shikueshmëri më të mirë”, vijon Ambasada.

“Ne i inkurajojmë fuqimisht qytetarët amerikanë në zonat e prekura që janë të sigurt të monitorojnë lajmet lokale dhe të kontaktojnë drejtpërdrejt të dashurit e tyre dhe/ose të përditësojnë statusin e tyre në mediat sociale”, thekson më tej ambasada.

“Nëse keni një emergjencë të menjëhershme ose kërcënuese për jetën, ju lutemi telefononi në 127 për një ambulancë, në 112 për policinë ose në 128 për zjarrfikësit. Gjithashtu mund të kontaktoni Emergjencën Kombëtare në info@urgjenca.gov.al (http://urgjenca.gov.al/)”, thekson Ambasada e SHBA në njoftimin e saj.

Albania: The U.S. Embassy in Tirana continues to monitor several wildfires throughout the country and urges all U.S. citizens to exercise caution in areas threatened by the fires. Several areas throughout the country are under evacuation order. More information at… pic.twitter.com/uZUFEw75Qu

— Travel – State Dept (@TravelGov) August 12, 2025

/gj.m//a.f//r.e/

The post Ambasada e SHBA thirrje qytetarëve amerikanë: Shmangni zonat e rrezikuara nga zjarret appeared first on Agjencia Telegrafike Shqiptare.

Dy ditë pas fikjes së sinjalit të News 24, ndërhyrja ndaj “Fokus Media Group” ka përshkallëzuar. Forca ushtarake, me mbështetjen e “Policisë së Shtetit” ndërhynë në godinën e sekuestruar të televizionit (nr. kadastral 10/300), duke marrë materialet dhe sendet personale nga redaksitë e gazetarëve.

“Grabitje e redaksisë”

Të paprecedentë, e kanë cilësuar vetë gazetarët e News 24, mësymjen e forcave policore dhe ushtarake në boshatisjen e ambienteve të një prej godinave të “Fokus Media Group”.

Gazetari Osman Stafa ka raportuar ditën e djeshme, pasditen e 11 gushtit, sesi kamionë të mbuluar kanë sekuestruar materiale private, kompjuterë dhe sende personale në redaksitë e gazetareve.

“Rrezikohet të dekonspirohen burimet, duke i vënë këta të fundit në rrezik, së bashku me familjet e tyre”, u shpreh Stafa.

Forcat policore në nisje të operacionit janë konfliktuar me gazetarët, teksa këta të fundit kërkonin bazën ligjore me të cilën po veprohej.

“Ilir Proda duhet të mbajë përgjegjësi që punonjësit e tij nuk tregojnë bazën ligjore mbi të cilën po veprojnë”- u shpreh gazetari dhe kreu i Asosacionit të Gazetarëve të Shqipërisë (AGSH) Isa Myzyraj.

Redaksia e televizionit News 24 i është drejtuar gjithashtu ambasadave të huaja, institucioneve ligjzbatuese, deputeteve të Parlamentit dhe kryetareve të partive politike, që të ndërhyhet menjëherë për të ndaluar konfiskimin e materialeve nga redaksitë.

Në reagimin zyrtar redaksia theksoi se në pajisjet kompjuterike ndodhen informacione të rëndësishme nga investigime mbi korrupsionin, të cilat jo vetëm që përbëjnë prova të mundshme kundër abuzimeve, por edhe rrezikojnë drejtpërdrejt jetën e gazetarëve.

“Te godina e parë janë materialet e emisioneve investigative, si përshembull emisioni “Veting”, apo “Në Shënjestër” nga Klodiana Lala”- tregon gazetari Klevin Muka për Citizens.al.

Ai thotë se zyrtarisht nuk i është komunikuar asnjë njoftim për ndonjë orar apo hapësirë, ku gazetarët mund të merrnin sendet personale.

“Nuk e dimë as çfarë po ndodh te godina e dytë, sepse është fushëpamja e zënë dhe ambienti është i rrethuar. Nuk kemi akses as atje!”- përmbyll ai.

Osman Stafa tregon për Citizens se sipas njoftimit të marrë nga kompania shtetërore e prodhimit të armëve KAYO, materialet e sekuestruara janë zhvendosur në Rrashbull, në afërsi të një strukture që përmban rezerva shtetërore.

Të papaguar, por me shpresë për rikthim

Edhe pse gazetarët e News 24, dhe mediave të grupit “Focus”, kanë disa muaj pa paga dhe sigurime, ata nuk e kanë ndalur misionin e tyre të informimit qytetar.

Momentalisht News24 po vijon operimin në qiell të hapur, duke transmetuar në kushtet më minimale materiale bruto nga një kamera.

“Teknikët kanë gjetur një format që të jemi në kanalin e News 24, por duke mos pasur asnjë lloj aksesi për editim, por vetëm transmetojmë live” – shpjegon gazetari Osman Stafa.

Dhoma Civile e Gjykatës së Tiranës e cilësoi sot si të paligjshëm ndërprerjen e punës dhe vendosi shoqëria KAYO duhet t’i garantojë punonjësve aksesin në godinën e gazetës Panorama, e cila ka një kontratë të vlefshme deri në vitin 2033, si edhe t’i kthejë me inventar të gjitha materialet e marra nga godina e sekuestruar, përfshirë sendet personale të gazetarëve dhe kompjuterët e punës brenda 48 orëve.

Përshkallëzimi i ngjarjes ka sjellë reagimin edhe të Irfan Hysenbelliu, pronari i “Focus Group” i News24 dhe Panorama TV, Gazeta Panorama dhe Panorama Sport, Panorama Online, Gazeta Shqiptare Online. Ai e ka cilësuar jo një “incident të zakonshëm”, por një akt brutal dhe që përbën një shkelje flagrante të lirisë së shtypit dhe të drejtës themelore të qytetarëve për t’u informuar.

“News24 nuk mbyllet. E vërteta nuk zhduket”- u shpreh Hysenbelliu.

Ndërsa Hysenbelliu nuk ka komentuar në lidhje me pagat e prapambetura të stafit të tij, gazetarët e News 24 e kanë artikuluar këtë problematikë edhe në protestën e mbajtur dje, 11 gusht, protestë e thirrur nga Asociacioni i Gazetarëve të Shqipërisë (AGSH).

“Një media e lirë nuk mund të ekzistojë pa gazetarë të mbrojtur në ambientin e tyre të punës, me sigurime dhe paga korrekte për punën e tyre”- tha gazetari Endri Xhafo gjatë fjalës së tij.

Ai përmbylli se protesta, nuk është vetëm për të kundërshtuar një veprim policor, por dhe për të thënë se të drejtat bazike të punonjësve të medias duhet të mbrohen çdo ditë, nga vetë gazetarët në radhe të parë, përpara se të arrihet në momente si ky.

Ekspertët: “Situata më shqetësuese që kemi parë ndonjëherë”

Kryetari  i “Këshillit Shqiptar te Medias” Koloreto Cukali e cilëson konfiskimin e materialeve të gazetarëve të News 24 të papranueshëm, por dhe si situatën më shqetësuese prej shumë kohësh.

“ Unë di që kur dikush nxirret nga përmbarimi jashtë ndërtesës, të gjitha objektet nxirren në oborr. Nuk merren dhe cohen nëpër vende që s’dihet se ku, aq më tepër kur janë materiale sensitive” – shprehet Cukali.

Cukali thekson se ende nuk dihet nëse ka pasur ndonjë procesverbal të mbajtur për materialet e marra.

“Nuk është problemi te një media, apo një kompjuterë, apo 40 dosje, por te çfarë vjen më mbrapa. Kjo është një demonstrim i hapur force, që ja ç’të gjen kur i kundërvihesh kryeministrit” – shton ai.

Sipas tij problematike është dhe mos mbulimi i kësaj çështje nga mediat e tjera dhe kjo tregon kryekëput një media tradicionale të kapur.

“Kur mediat injorojnë këtë lajm, kjo është një shenjë e keqe jo për median, kjo është një shenjë e keqe për publikun shqiptarë dhe kjo na lë të kuptojmë shumë qartë dinamikat pas kësaj” – përmbyll Cukali.

Ngjarja është denoncuar edhe nga 27 organizata ndërkombëtare dhe kombëtare të lirisë së medias, të cilat me anë të një deklarate të përbashkët kanë adresuar problematikat dhe kërkesat jo vetëm ndaj grupit “Focus Media Group”, por edhe ndaj institucioneve shqiptare.

Ndërhyrjen e 11 gushtit, organizatat e kanë cilësuar  “mbi baza ligjore të paqarta”, ku ligjshmëria dhe proporcionaliteti i këtij veprimi policor vendosen seriozisht në pikëpyetje.

Lexo gjithashtu:

Policia ndalon punën e News 24: Godina e saj do të jepet për fabrikë armësh

Gazetarët solidarizohen kundër bllokimit të “News24”

The post Bastisja e News 24: Gazetarët përballë sekuestrimit të materialeve appeared first on Citizens.al.

Ministri i Drejtësisë i Shqipërisë sapo ka zbuluar një draft të Kodit të ri Penal të vendit, por qeveria tashmë po përpiqet të distancohet nga teksti mes kritikave nga sistemi i drejtësisë dhe organizatat mbikëqyrëse të medias. Ministri i Drejtësisë, Ulsi Manja, e prezantoi draftin në korrik, rreth gjashtë vjet pasi qeveria nisi një nismë […]

The post Alarm në Shqipëri për ndryshimet e propozuara në Kodin Penal; Qeveria mohon përfshirjen appeared first on Reporter.al.

NJU JORK, 11 gusht /ATSH/ – Zyra e OKB-së për të Drejtat e Njeriut ka dënuar një sulm të synuar izraelit që vrau gjashtë gazetarë në Gaza, duke e quajtur atë një shkelje të rëndë të ligjit ndërkombëtar, sipas BBC.

Pesë gazetarë të ”Al Jazeera”-s, përfshirë korrespondentin Anas al-Sharif, u vranë në një sulm ajror izraelit të dielën.

Ushtria izraelite tha se kishte në shënjestër Sharifin, duke pretenduar se ai kishte “shërbyer si kreu i një qelize terroriste në Hamas” – diçka që Sharif e mohoi.

“Izraeli duhet të respektojë dhe mbrojë të gjithë civilët, përfshirë gazetarët”, tha zyra e OKB-së për të Drejtat e Njeriut në një postim në X.

“Ne bëjmë thirrje për akses të menjëhershëm, të sigurt dhe të papenguar në Gaza për të gjithë gazetarët”, theksoi ajo.

Muajin e kaluar, BBC dhe tre agjenci të tjera lajmesh – Reuters, AP dhe AFP – lëshuan një deklaratë të përbashkët duke shprehur “shqetësim të dëshpëruar” për gazetarët në Rripin e Gazës, të cilët thonë se janë gjithnjë e më të paaftë të ushqejnë veten dhe familjet e tyre.

Qeveria izraelite nuk lejon që organizatat ndërkombëtare të lajmeve, përfshirë BBC-në, të hyjnë në Gaza dhe të raportojnë lirisht, kështu që shumë media mbështeten te gazetarët me bazë në Gaza për mbulim.

Agjencia humanitare e OKB-së tha të premten se sasia e ndihmës që hyn në Gaza vazhdon të jetë “shumë nën minimumin e kërkuar për të përmbushur nevojat e mëdha të njerëzve”.

Muajin e kaluar, ekspertët globalë të sigurisë ushqimore të mbështetur nga OKB paralajmëruan se “aktualisht po zhvillohet skenari më i keq i urisë”.

Izraeli ka vazhduar të mohojë se ka uri në Gaza dhe ka akuzuar agjencitë e OKB-së se nuk po marrin ndihmën në kufij dhe nuk e dorëzojnë atë.

Agjencia humanitare e OKB-së ka thënë se vazhdon të hasë pengesa dhe vonesa ndërsa përpiqet të mbledhë ndihma nga zonat kufitare të kontrolluara nga Izraeli./ a.jor.

The post FOKUS – OKB dënon sulmin izraelit që vrau gazetarët e ”Al Jazeera”-s appeared first on Agjencia Telegrafike Shqiptare.

Organizatat ndërkombëtare të medias dhe liderët botërorë kanë dënuar vrasjen e dy gazetarëve dhe tre kameramanëve të Al Jazeera dhe një gazetari të pavarur në sulmet në Gaza.

Kombet e Bashkuara se vrasja e gazetarëve është një shkelje e rëndë e ligjit ndërkombëtar humanitar dhe I bënë thirrje Izraelit të respektojë dhe mbrojë të gjithë civilët.

OKB kërkoi akses të menjëhershëm, të sigurt dhe të papenguar në Gaza për të gjithë gazetarët.

Reporterët pa kufij thanë se gazetari i Al Jazeera Anas al Sharif ishte një nga më të njohurit nga Rripi I Gazës dhe zëri I vuajtjeve të palestinezëve në enklavë.

Ministri Italian I mbrojtjes Guido Crosetto tha se veprimet e Izraelit në Gaza janë të papranueshme dhe tregojnë se qeveria izraelite e ka humbur arsyen dhe humanitetin.

Ai theksoi se nuk kemi të bëjmë me një operacion ushtarak me dëme anësore, por me mohimin e pastër të ligjit dhe vlerave themelore të qytetërimit.

Qeveria e Mbretërisë së Bashkuar u shpreh tejet e shqetësuar nga vrasja e gazetarëve të Al Jazeera.

Zëdhënësi zyrtar i Kryeministrit Sir Keir Starmer tha se Izraeli duhet të sigurojë që gazetarët të mund të punojnë në mënyrë të sigurt dhe të raportojnë pa frikë dhe bëri thirrje për një hetim të pavarur për vrasjen e Anas al-Sharif dhe kolegëve të tij.

Katari zyrtar, vendndodhja e selisë kryesore të rrjetit mediatik Al Jazeera, tha se vrasja e gazetareve është e qëllimshme dhe e cilësoi diçka të tillë, një krim përtej imagjinatës.

Vetë Al Jazeera dënoi me ashpërsinë më të madhe vrasjen e ekipit të saj mediatik nga forcat izraelite, në atë që e quajti një tjetër sulm të hapur dhe të paramenduar ndaj lirisë së shtypit.

Në një mesazh të fundit të Anas al Sharif, për të cilin Al Jazeera tha se ishte shkruar më 6 prill dhe i cili u postua në rrjetin X pas vdekjes së tij, gazetari shkruante se ai kishte përjetuar dhimbjen në të gjitha detajet e saj, kishte parë vuajtjet dhe humbjet shumë herë, megjithatë asnjëherë nuk hezitoi ta përcillte të vërtetën ashtu siç është.

“Ky është testamenti im dhe mesazhi im i fundit. Nëse këto fjalë ju arrijnë, dijeni se Izraeli ka arritur të më vrasë dhe të më heshtë”, kishte shkruajtur al Sharif, disa muaj para se të vritej.

/abcnews.al/

Zyra e OKB-së për të Drejtat e Njeriut ka dënuar ashpër një sulm ajror izraelit në Gaza, ku u vranë pesë gazetarë të Al Jazeera-s dhe një gazetar i pavarur. Mes viktimave ishin korrespondenti Anas al-Sharif dhe katër kolegë të tij, si dhe gazetari Mohammad al-Khaldi.

Izraeli pranoi se kishte shënjestruar al-Sharif, duke e akuzuar për lidhje me Hamasin, por pa ofruar prova të besueshme. BBC raportoi se nuk mund të verifikonte pretendimet izraelite.

Organizatat për të drejtat e gazetarëve, përfshirë CPJ dhe Reporterët pa Kufij, e cilësuan ngjarjen si pjesë të një modeli të rrezikshëm të shënjestrimit të reporterëve. Sipas CPJ, që nga tetori 2023 janë vrarë 186 gazetarë në Gaza.

The post OKB dënon sulmin izraelit që vrau gjashtë gazetarë në Gaza appeared first on iconstyle.al.

Organizatat ndërkombëtare të medias e cilësuan bllokimin e godinave të përdorura nga Focus Media Group dhe ndërprerjen e transmetimit të News 24 si joproporcional dhe i kërkuan autoriteteve të jepnin shpjegime të qarta ligjore mbi veprimet e kryera.

Organizatat ndërkombëtare për lirinë e medias kanë reaguar ndaj bllokadës së vendosur nga Policia e Shtetit më 9 gusht ndaj redaksisë së televizionit informativ, News 24 si dhe mediave të tjera të grupit, Balkanweb, Panorama dhe Gazeta Shqiptare.

Instituti Ndërkombëtar i Shtypit, IPI, u shpreh në një postim në X “i alarmuar nga bllokada e policisë” dhe kërkoi “sqarim të menjëhershëm të bazës ligjore” për këtë veprim, të cilin e cilësoi si pengim të punës së gazetarëve.

“Kërkojmë që autoritetet të shpjegojnë menjëherë arsyet ligjore për këtë veprim, i cili ka penguar punën e gazetarëve,” tha IPI në deklaratë publike.

Qendra Evropiane për Lirinë e Shtypit dhe të Medias, ECPMF, e quajti ndërhyrjen “masë joproporcionale” nga autoritetet shqiptare. “Pengimi i gazetarëve për të hyrë në ndërtesë, ndërprerja e energjisë elektrike dhe ndalimi i sinjalit televiziv janë masa të tepruara,” theksoi ECPMF duke iu referuar situatës.

Edhe rrjeti rajonal SafeJournalists shprehu “shqetësim të thellë” për operacionin, duke theksuar se “çdo veprim që ndikon në punën e mediave duhet të ndjekë procesin e rregullt ligjor, të bazohet në një mandat të qartë dhe të sigurojë ndërhyrje minimale në punën e gazetarëve dhe të drejtën e publikut për t’u informuar”. Organizata kërkoi gjithashtu që autoritetet të japin kohë të mjaftueshme për zhvendosjen e redaksive në raste të tilla, për të shmangur ndërprerjen e punës.

Ndërtesa e përdorur nga Focus Media Group u bllokua mëngjesin e 9 gushtit nga policia. Kjo e fundit rrethoi godinën në Shkozë, ndërpreu furnizimin me energji elektrike dhe ndaloi hyrjen e gazetarëve, duke ndërprerë transmetimin e News24 në orën 07:36. Më vonë, televizioni rifilloi transmetimin vetëm përmes YouTube. Godina, e cila përdorej nga televizioni përmes një kontrate qiraje është objekt i një mosmarrëveshjeje gjyqësore.

Ministria e Ekonomisë Kulturës dhe Inovacionit, e cila menaxhon pronat publike, këmbuguli se bllokimi me polici i godinës ishte i ligjshëm dhe bazohej në vendim gjykate, ndërsa u ankua se kompanitë mediatike nuk kishin paguar qiratë. “MEKI vepron me kujdes institucional dhe respekt të plotë për lirinë e medias dhe të shprehjes. Por këto të drejta nuk mund të përdoren si justifikim ose si mekanizëm për të gëzuar padrejtësisht pronën publike dhe për të shmangur shlyerjen e detyrimeve kontraktuale,” deklaroi MEKI./BIRN

The post BIRN: Organizatat ndërkombëtare dënojnë bllokadën e policisë ndaj News24 appeared first on Albeu.com.

Leon Gillies Mannes, i njohur si ‘Leon Street Skills’ në rrjetet sociale, po qëndron në Kosovë prej disa javësh, duke tërhequr vëmendjen e të rinjve dhe adhuruesve të futbollit me aftësitë e tij të jashtëzakonshme teknike.

Me miliona ndjekës në TikTok dhe Instagram, Leon është kthyer në një figurë frymëzuese për futbollistët e rinj në të gjithë botën.

Në një intervistë për Telegrafin, ai rrëfen fillimet e tij modeste dhe mënyrën se si pasioni për futbollin rrugor e çoi drejt bashkëpunimeve me yje botërorë si Neymar dhe Ronaldinho.

“Neymar Junior është frymëzimi dhe idhulli im. Gjithçka filloi duke bërë disa truke me topin, frymëzuar nga ai dhe atmosfera braziliane. E shikoja gjithmonë dhe nisa të imitoja lëvizjet e tij. Pastaj, ndodhi diçka që nuk e kisha imagjinuar: ekipi i tij më kontaktoi për t’u bërë pjesë e turneut të ‘futbollit të rrugës’ që u zhvillua në Katar për shkak të pandemisë”, tregon Leon.

Ai kujton se deri në atë moment, ishte aktiv në rrjetet sociale vetëm prej disa muajsh, por pas ftesës nga Neymar, karriera e tij mori hov.

“Pas asaj ftese, gjithçka ndryshoi. Filluan të më njohin më shumë dhe kam pasur fatin të luaj edhe kundër Ronaldinhos në Los Anxhelos. Janë dy emra që më kanë frymëzuar gjithmonë”.

Pse Kosova? Për qëndrimin e tij aktual në Kosovë, Leon shprehet se ka pasur gjithmonë dëshirë ta vizitojë vendin dhe të njihet me kulturën e futbollit vendas.

“Gjithmonë kam dashur të vij në Kosovë. E di që këtu e duan futbollin – fëmijët luajnë gjithë ditën në rrugë. Një mik i imi është nga këtu dhe më ka folur gjithmonë për mikpritjen dhe dashurinë e popullit për sportin. Tani e shoh vetë që njerëzit janë të jashtëzakonshëm”, tregon ai.

 

View this post on Instagram

 

A post shared by Telegrafi Sport (@telegrafisport)

Leon ka ndarë me ndjekësit e tij përvojat e tij në Kosovë edhe përmes videove në rrjetet sociale, ku shpeshherë shihet duke performuar truke në rrugët e Prishtinës dhe duke bashkëvepruar me fansat. /Telegrafi/

The post Leon Mannes në Kosovë – ylli i rrjeteve sociale që u ftua nga Neymar ndan përvojën e tij dhe dashurinë për futbollin appeared first on Telegrafi.

Teksa po zhvillohej protesta e gazetareve dhe shoqërisë civile para godinës së News24, Inspektorati Kombëtar i Mbrojtjes së Territorit (IKMT) ka shembur një prej pikave më të rëndësishme që lidhte dy godinat e News24 dhe Panorama TV. IKMT pa pritur vendimin dhe ankimin e bërë në gjykatë ditën e sotme ka shembur urën lidhëse dhe […]

The post Gazetarët në protestë, IKMT shemb ndërtesën ku ndodhen pajisjet e transmetimit të News24 appeared first on BoldNews.al.

Teksa po zhvillohej protesta e gazetareve dhe shoqërisë civile para godinës së News24, Inspektorati Kombëtar i Mbrojtjes së Territorit (IKMT), ka shembur një prej pikave më të rëndësishme që lidhte dy godinat e News24 dhe Panorama TV.

IKMT pa pritur vendimin dhe ankimin e bërë në gjykatë ditën e sotme, ka shembur urën lidhëse dhe ka dëmtuar kabllot që lidhin transmetimin e News24 me regjinë, arkivën dhe severat e televizionit.

Ekspertët e News24, flasin për dëme të konsiderueshme që ka shkaktuar kjo ndërhyrje, pasi janë prekur lidhjet e transmetimit dhe serverat me të cilën operonte ky televizion, duke venë ne rrezik pasurinë me te madhe, arkivën e TV.

 

The post Gazetarët në protestë, IKMT shemb ndërtesën ku ndodhen pajisjet e transmetimit të News24 (VIDEO) appeared first on Albeu.com.

Në fokus të hetimeve janë dy ngarkesa të mëdha: 11.6 ton kokainë të transportuara nga Paraguaji në Belgjikë, konkretisht në portin e Anversit, dhe 16.4 ton të tjera nga Paraguaji në Gjermani, në Hamburg. Euronews Albania ka publikuar detaje nga dosja voluminoze të hetimeve të Prokurorisë së Posaçme, të cilat kanë nisur që në vitin […]

The post “I bëre 15 mln €? Kam shumë lekë në Holandë, s’po i nis dot”, trafikuan 28 tonë kokainë në BE, DETAJE nga dosja appeared first on BoldNews.al.

Izraelitët po bëjnë të njëjtin gabim që bëri Amerika në Irak dy dekada më parë.

Burimi: The Telegraph
Përkthimi: Telegrafi.com

Duke kërkuar të pushtojë të gjithë Gazën, Benjamin Netanyahu po e çon luftën deri në përfundimin e saj logjik. Hamasi ishte përgjegjës për 7 tetorin; Izraeli nuk do të jetë kurrë i sigurt derisa Hamasi të zhduket, dhe duke qenë se Hamasi kontrollon Gazën, pse të mos e shkulë atë nga çdo centimetër i territorit?

Por, izraelitët po hyjnë pa një plan daljeje, me ëndrrën e çmendur për të ndërtuar një administratë civile miqësore, duke përsëritur saktësisht të njëjtat gabime që bëmë në Irak. Netanyahu mendon se mund të shkatërrojë frymën revolucionare palestineze të cilën lufta ka gjasa ta ketë intensifikuar. Për një njeri të fiksuar pas botës së lashtë, ai ka njohuri të vakët të historisë.

Ai gjithashtu ka përçarë ushtrinë e vet. Ka armiqësuar familjet e pengjeve që kanë frikë se të afërmit e tyre mund të vdesin. Dhe, më në fund, ndoshta në mënyrë të pakthyeshme, ai do ta izolojë Izraelin nga opinioni botëror. Edhe në Amerikë, e vetmja fuqi serioze që e mbështet, durimi dhe ndërgjegjja janë nën presion të madh.

Gaza është bërë testi moral i kohës sonë, dhe qeveritë evropiane dyshojnë se kanë dështuar. Kujdesi i tyre fillestar ishte i kuptueshëm. Ata nuk donin ta dënonin Netanyahun, nga frika se kjo do t’u jepte guxim antisemitëve vendas dhe mbështetësve të tyre – e aq më pak Hamasit, përfituesit kryesor nëse do të njihnim shtetin palestinez. Gazetarët, përfshirë edhe mua, hezitonin të përsërisnin statistikat e vdekjeve që mund të ishin fryrë nga një regjim kriminal.

Por, tani është e pamundur të injorosh provat e vuajtjes njerëzore ose farsën e narrativës zyrtare izraelite që thotë se askush nuk po vuan nga uria, ose, nëse po, kjo është kështu sepse Hamasi ka vjedhur gjithë ushqimin. Pretendimi i fundit u hodh poshtë së fundmi nga zyrtarë ushtarakë izraelitë – jo aleatë natyrorë të Palestine Action – dhe Netanyahu gjendet i sfiduar nga një koalicion shumëngjyrësh që përfshin Kombet e Bashkuara, Gjermaninë, Kinën, një ish-kryeministër izraelit, disa ish-krerë të sigurisë, Papa dhe Piers Morgan (sublimja dhe qesharakja të bashkuara më në fund).

Thuhet se Bibi është grindur me gjeneralin Eyal Zamir, shefin e Shtabit të Forcave të Armatosura. Duket se izraelitët e djathtë janë më të gatshëm të marrin një qëndrim kundër Netanyahut sesa diplomatët e huaj të pasigurt. Nëse Zamiri është antisemit, atëherë Papa nuk është katolik.

Në Shtetet e Bashkuara, New York Times, deri më tani i butë ndaj operacionit në Gazë, është bërë një forum për zërat kundërshtarë, dhe Zohran Mamdani, kandidati pro-Gazë për kryetar bashkie të Nju-Jorkut, kryeson mes votuesve hebrenj. Liberalët po rishikojnë aleancat e tyre historike; ka pakënaqësi edhe në të djathtën fetare. Ungjillorët gjithmonë do ta duan Izraelin: është vendlindja e Jezusit. Por, po rritet shqetësimi se Izraeli mund të mos jetë aq i mirë me të krishterët.

Në korrik, kolonët kryen një sulm zjarrvënës në qytetin e fundit me shumicë të krishterë në Bregun Perëndimor. Po atë muaj, kisha e vetme katolike në Gazë u godit nga zjarri i tankeve izraelite, duke vrarë tre persona (Netanyahu kërkoi falje për atë që duket si një aksident i vërtetë). “Shkatërrimi i një kishe, xhamie apo sinagoge është krim kundër njerëzimit dhe Zotit”, shkroi ambasadori amerikan Mike Huckabee, një sionist i krishterë. Senatori Lindsey Graham, gjithashtu nga ai rreth, tha: “Më shqetëson ajo që po ndodh në Bregun Perëndimor”.

Një cinik mund të ketë vënë re më shumë shqetësim për dëmtimin e pronës së krishterë sesa ka pasur ndonjëherë për shkatërrimin e spitaleve myslimane, një standard i dyfishtë po aq i vjetër sa mëkati. Pse Britania hapi dyert e saj pothuajse për këdo me pasaportë ukrainase, ndërsa ngurron të pranojë fëmijë nga Gaza? Për shkak të preferencës etnike. Nga ana tjetër, Izraeli mund të argumentojë se është një shoqëri multi-fetare që po bën më të mirën për të mbrojtur komunitetin druze në Siri, ndërsa Palestina ka kaq pak kisha për një arsye të errët. Të krishterët gëzojnë shumë më tepër të drejta nën Izrael sesa do të kishin nën Hamas.

Megjithatë, raportet për mizoritë gjatë luftës civile në Irak i zgjuan të krishterët amerikanë ndaj gjendjes së rrezikshme të besimit të tyre në Lindjen e Mesme, të reduktuar në një popullsi të vogël, e varur nga një moskokëçarje dashamirëse brenda një mozaiku të rrënuar etnik. Netanyahu rrezikon të prishë atë rend të brishtë, ndërsa koalicioni i tij qeverisës imagjinon një “Izrael të Madh” që nënkupton shovinizëm kulturor. Regjimi po e tepron, duke e kthyer çështjen e të drejtave civile për sionizmin (hebrenjtë kanë nevojë për një atdhe) në një përpjekje të pafundme ushtarake, shumë të diskutueshme dhe të kushtueshme.

Nëse Trumpi heziton të financojë mbrojtjen e Ukrainës, pse do ta bënte këtë për Izraelin? Komprometimi i interesave dhe reputacioni i Amerikës ka nisur tashmë me programin e shpërndarjes së ushqimit të mbështetur nga ShBA-ja – duke u akuzuar për paaftësi të madhe, madje edhe për rastet kur ushtarët kanë qëlluar mbi civilët.

Lidhja e Trumpit me Izraelin është e sinqertë. Është personale, është filozofike. Besimi i Netanyahut se kombet kanë të drejtë të mbrojnë veten është një version sionist i MAGA-s. Një nga veprimet e para të administratës ishte heqja e sanksioneve ndaj kolonëve. Brenda pak muajsh, kolonët rrahën për vdekje një qytetar amerikan në Bregun Perëndimor; një tjetër vdiq pas një sulmi zjarrvënës.

Presidenti nuk është moralist, por ka një instinkt të shëndetshëm moral, prandaj kur u pyet nëse palestinezët po vuajnë nga uria, ai tha: “Po, ndoshta po” – i ndikuar, mesa duket, nga Keir Starmer. Netanyahu kërkoi një bisedë; sipas raporteve, Trumpit nuk i pëlqeu të dëgjonte leksione për “lajme të rreme” dhe bërtiti në telefon se uria është reale.

Lavdi komandantit. Vërejtja e tij për gazetarët se “ne në thelb kemi dy vende që kanë luftuar kaq gjatë dhe kaq fort saqë nuk e dinë më se çfarë po bëjnë”, mbetet shprehja më e mirë e frustrimit global që kam dëgjuar ndonjëherë, e denjë për t’u gdhendur në Malin Sinai. Dhe, nëse Trumpi është ndonjë lloj liberali “delikat”, ndoshta Papa është luteran.

Trumpizmi bazohet në një ripozicionim strategjik: ta nxjerrë Amerikën nga vendet ku nuk ka nevojë të jetë dhe t’ua lërë aleatëve të fortë boshllëkun për të mbushur. Por, Netanyahu po i imponon atij problemin më të pazgjidhshëm e më të kushtueshëm nga të gjithë: një krizë humanitare të cilën ai do ta përkeqësojë nëse qyteti i Gazës është stacioni i ardhshëm.

A do ta tolerojë vërtet Trumpi një përshkallëzim të tillë? A do t’ia falë elektorati i tij – që po përballet gjithnjë e më shumë me ndërgjegjen e krishterë – pasojat e përgjakshme? Izraelitët gjithmonë u kanë thënë palestinezëve se, nëse nuk duan të vriten, thjesht duhet të mblidhen dhe të ikin. Por, ndërsa lufta po përfundon marshimin e saj të tmerrshëm drejt Detit Mesdhe, lind pyetja: ku pritet të shkojnë ata? Ka dhoma të kufizuara në jahtin e Gretës! /Telegrafi/

 

The post Netanyahu po bën gabimin strategjik që do ta armiqësojë botën appeared first on Telegrafi.

Te Milani, kërkimi për një sulmues që do t’i bashkohet Santiago Gimenez në formacionin e Max Allegrit është në fazën vendimtare.

Prej disa ditësh, përveç emrit të Dusan Vlahovic, në krye të listës së dëshirave ka kaluar Rasmus Hojlund, sulmuesi i Manchester United.

Largimet e Tammy Abraham, Luka Jovic dhe së fundmi i talentit Francesco Camarda kanë lënë boshllëqe në repartin ofensivë. Për këtë arsye, kuqezinjtë kërkojnë me ngulm një lojtar që mund të konkurrojë për një vend titullari përkrah ish-sulmuesit të Feyenoord, ndërsa drejtori sportiv Igli Tare po punon intensivisht për të mbyllur marrëveshjen.

Edhe pse kandidatura e Vlahovic mbetet e fortë, Hojlund shihet si një alternativë më e përballueshme nga ana ekonomike. Danezi fiton rreth 4 milionë euro neto në sezon, shumë më pak se paga prej 12 milionësh që kërkonte Vlahovic te Juventusi. Kjo e ka bërë 21-vjeçarin të ngjitet në krye të listës së Tares.

Manchester United është i hapur për ta lënë ish-sulmuesin e Atalantës në formë huazimi, sidomos pas afrimit të Benjamin Sesko nga Leipzig. Palët kanë arritur një draft-marrëveshje për një huazim me vlerë 6 milionë euro dhe opsion blerjeje mes 40 dhe 45 milionë eurosh.

Megjithatë, marrëveshja me klubin anglez nuk mjafton. Pengesa kryesore mbetet vetë lojtari, i cili preferon të qëndrojë në Ligën Premier për të provuar vlerën e tij dhe për të konkurruar me Sesko e Zirkzee për një vend në formacionin e United.

Sipas La Gazzetta dello Sport, pas dy miqësoreve të United kundër Leeds dhe Chelsea, Tare vendosi të mos kthehet menjëherë në Itali, por të qëndrojë në Angli për të ndjekur nga afër bisedimet dhe për të bindur personalisht lojtarin.

Afati kohor është i qartë: brenda një jave Milani synon të ketë përgjigjen përfundimtare nga Hojlund. E marta shihet si dita vendimtare që mund të përcaktojë nëse danezi do të vishet kuqezi për sezonin e ri. /Telegrafi/

The post Tare qëndron në Angli për të finalizuar sulmuesin e ri të Milanit, e marta dita vendimtare appeared first on Telegrafi.

TEL AVIV, 11 gusht /ATSH/  – Pesë gazetarë të “Al Jazeera”-s janë vrarë në një sulm izraelit pranë spitalit “Al-Shifa” të qytetit të Gazës, sipas BBC-së.

Korrespondentët Anas al-Sharif dhe Mohammed Qreiqeh, së bashku me kameramanët Ibrahim Zaher, Mohammed Noufal dhe Moamen Aliwa, ishin në një tendë për gazetarët në portën kryesore të spitalit kur u goditën për vdekje, raportoi “Al Jazeera”.

“Vrasja  ishte në tjetër sulm i hapur dhe i paramenduar ndaj lirisë së shtypit”, tha Al Jazeera” në një deklaratë.

Menjëherë pas sulmit, Forcat e Mbrojtjes së Izraelit (IDF) konfirmuan se kishin  goditur Anas al-Sharif, duke shkruar në një postim në Telegram se ai kishte “shërbyer si kreu i një qelize terroriste në Hamas”.

IDF nuk përmendi asnjë nga gazetarët e tjerë që u vranë.

Në total, shtatë persona vdiqën në sulm, raporton “Al Jazeera”. Transmetuesi fillimisht tha se katër nga stafi i tij ishin vrarë, por e ndryshoi atë në pesë disa orë më vonë.

Redaktori i saj menaxhues, Mohamed Moawad, i tha BBC-së se al-Sharif ishte një gazetar i akredituar i cili ishte “zëri i vetëm” që bota të dinte se çfarë po ndodhte në Rripin e Gazës.

Gjatë gjithë luftës, Izraeli nuk i ka lejuar gazetarët ndërkombëtarë të hyjnë në Gaza të raportojnë lirisht. Prandaj, shumë media mbështeten te gazetarët vendas brenda territorit për mbulim.

“Ata u goditën në tendën e tyre, nuk po mbulonin nga vija e frontit,” tha Moawad për sulmin izraelit.

“Fakti është se qeveria izraelite po dëshiron të heshtë mbulimin e çdo kanali raportimi nga brenda Gazës,” tha ai për programin “The Newsroom”. /Ad.Ab./

The post GAZË –  Pesë gazetarë të “Al Jazeera”-s vriten në një sulm izraelit appeared first on Agjencia Telegrafike Shqiptare.

Moderatorja e njohur shqiptare, Eva Murati, ka ndezur Instagramin me disa paraqitje të reja mahnitëse nga pushimet e saj buzë detit.

Në fotografinë e parë, ajo shfaqet me një fustan elegant veror me ngjyrë të kuqe të errët dhe motive lulesh, i kombinuar me një kapelë kashte dhe syze dielli, duke reflektuar një stil të rafinuar dhe romantik nën rrezet e arta të perëndimit.

Në fotografinë tjetër, Eva ka zgjedhur një dukje më sensuale, të veshur me bikini të zeza, ku linjat e saj trupore bien në sy ndërsa ajo pozon mbi rërën e bardhë pranë ujit të kristaltë.

Kombinimi i sfondit natyror me elegancën dhe vetëbesimin e saj ka marrë vëmendjen e ndjekësve, të cilët e kanë mbushur postimin me komente dhe pëlqime.

Me këto imazhe, Eva Murati jo vetëm që përcjell atmosferën e ngrohtë të verës, por edhe konfirmon statusin e saj si një nga figurat më stil dhe më të ndjekura të ekranit shqiptar.

Postimet e saj janë kthyer në një frymëzim mode dhe estetike për shumë admirues. /Telegrafi/

The post Eva Murati shkëlqen me pozat verore nga bregdeti shqiptar appeared first on Telegrafi.