Fundjava e parë e Tomorrowland 2025 rezultoi gjithçka përveç rutinës për autoritetet lokale, pasi përveç zjarrit të madh dhe shkatërrues në skenën kryesore të festivalit të muzikës elektronike, ajo u shënua edhe nga dhjetëra arrestime dhe gjoba për përdorim dhe posedim droge dhe vepra të tjera të rënda penale.

“Nuk ishte një fillim i lehtë”, tha zëdhënësi i policisë Joris Van Camp, duke iu referuar hetimeve për një zjarr në skenë, një vdekje të dyshimtë dhe madje edhe praninë e dy kriminelëve të dyshuar. “Ashtu si të gjitha shërbimet e emergjencës dhe anëtarët e ekuipazhit, oficerët tanë treguan përkushtim gjatë gjithë fundjavës.”

Sipas medias belge hln.be, autoritetet arrestuan gjithsej 36 persona. Ata bënë 17 arrestime për vepra penale si trafik droge, vjedhje dhe sulm seksual, ndërsa 19 të tjerë u ndaluan për dehje në publik, shqetësim ose akses të paautorizuar. Policia gjithashtu dërgoi një person në gjykatë për një vepër penale seksuale në kampingun DreamVille. Zyra e prokurorit konfirmoi më vonë se një burrë belg 27-vjeçar po përballet me akuza për përdhunim.

Në fakt, që nga e premtja, kur filloi Tomorrowland 2025 i këtij viti, disa video kanë qarkulluar në mediat sociale, veçanërisht në TikTok, duke treguar oficerë policie me qen të trajnuar posaçërisht duke patrulluar hyrjen e festivalit.

Përveç arrestimeve, policia lëshoi gjithashtu 18 gjoba për pjesëmarrësit në festival, të cilëve u gjetën sasi droge për përdorim personal. Këto gjoba arritën në një total prej 45,900 eurosh.

The post Tomorrowland 2025: Arrestime për drogë dhe përdhunim appeared first on iconstyle.al.

TIRANË, 24 korrik /ATSH/ Strukturat e Drejtorisë Vendore të Policisë Vlorë dhe të Komisariatit të Policisë Sarandë vijojnë punën për kapjen e shtetasve në kërkim dhe për ekzekutimin e vendimeve gjyqësore ndaj shtetasve në hetim apo të dënuar.

Në këtë kuadër, sipas Policisë u vunë në pranga dy shtetas.

Policia bën me dije se u arrestuan shtetasit, G. D., 31 vjeç, banues në Vlorë, i cili ishte shpallur në kërkim pasi Gjykata e Vlorës e ka dënuar me 1 vit, 10 muaj e 17 ditë burgim, për veprën penale “Plagosja e rëndë me dashje” dhe K. J., 31 vjeç, banues në Sarandë, ndaj të cilit Prokuroria e Sarandës ka lëshuar urdhër ndalimi, për veprat penale “Përkrahja e autorit të krimit” dhe “Moskallëzimi i krimit”, lidhur me ngjarjen e ndodhur më datë 17.07.2025, në Sarandë, ku u plagosën me armë zjarri dy shtetas.

Materialet procedurale i kaluan prokurorive përkatëse, për veprime të mëtejshme.

/e.i/

The post Policia e Vlorës arreston 2 të shpallur në kërkim appeared first on Agjencia Telegrafike Shqiptare.

TIRANË, 23 korrik/ATSH/ Policia Rrugore e Shkodrës njoftoi sot se gjatë dy javëve të fundit janë arrestuar katër drejtues mjetesh, ndërsa janë vendosur 1958 masa administrative.  

Shërbimet e Policisë Rrugore kanë rritur gatishmërinë dhe vigjilencën, me qëllim përmbushjen e parametrave të sigurisë, parandalimin e aksidenteve rrugore dhe menaxhimin e trafikut për shkak të fluksit të shtuar të automjeteve, gjatë sezonit veror. 

Gjithashtu, Policia bën me dije se monitorohen pandërprerë akset rrugore, me pajisje të logjistikës bashkëkohore, të loguara dhe të paloguara, me qëllim evidentimin e shkeljeve që janë burim aksidenti, si dhe parkimet e gabuara që bëhen pengesë për qarkullimin. Janë ushtruar kontrolle dhe janë ndëshkuar me masë administrative edhe drejtuesit e motomjeteve elektrike, të cilët bëhen burim aksidenti duke shkelur rregullat e qarkullimit rrugor.  

Sipas Policisë Rrugore Shkodër, gjatë këtyre dy javëve, janë arrestuar 4 drejtues mjetesh dhe janë proceduar penalisht 9 të tjerë, për veprat penale “Drejtimi i mjeteve në mënyrë të parregullt” dhe “Shkelja e rregullave të qarkullimit rrugor”, si dhe janë vënë gjithsej 1958 masa administrative për shkelje të ndryshme të Kodit Rrugor, konkretisht: 166 masa për mosvënien e rripit të sigurimit; 155 masa për mosvënien e kaskës mbrojtëse; 39 masa për përdorimin e celularit gjatë drejtimit të mjetit; 28 masa për drejtim mjeti në efektin e alkoolit; 13 masa për xhama të errësuar; 260 masa për parakalime të gabuara; 501 masa për ndalim apo qëndrim të gabuar; 94 masa për mosdhënie përparësie këmbësorëve; 702 masa për shkelje të tjera të Kodit Rrugor. 

Kontrollet nga Policia Rrugore do të vijojnë në të gjitha akset rrugore urbane, interurbane dhe rurale, duke përdorur të gjitha mjetet bashkëkohore logjistike, me qëllim përmbushjen e parametrave të sigurisë rrugore. 

Policia Rrugore e Shkodrës apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor, të mos kryejnë parakalime të gabuara, të mos përdorin celularin gjatë drejtimit të mjetit dhe të mos drejtojnë mjetin, në efektin e alkoolit apo në gjendje të dehur.  

/e.i/r.e/

The post Shkelje e rregullave të qarkullimit, katër drejtues mjetesh të arrestuar e 1958 masa administrative nga Rrugorja Shkodër appeared first on Agjencia Telegrafike Shqiptare.

TIRANË, 21 korrik /ATSH/ Policia Rrugore e Tiranës ka bërë bilancin e javës që lamë pas, ndërsa bën me dije se 25 shtetas janë vënë në pranga për shkelje të rregullave të qarkullimit rrugor.

Sipas Policisë Rrugore, gjithashtu gjatë javës që u mbyll, 45 mjete janë bllokuar.

Në njoftimin e Policisë, thuhet se në këtë kuadër janë proceduar penalisht 2 shtetas F. B., 20 vjeç dhe D. D., 35 vjeç, pasi me automjetet e parkuara në mënyrë të gabuar kishin penguar lëvizjen. Dy automjetet e tyre janë tërhequr me mjet ngritës.

Gjithashtu, Policia bën me dije se po kryhet monitorim intensiv i akseve rrugore, për të konstatuar shkeljet e rregullave të qarkullimit rrugor, të cilat rrezikojnë jetën e përdoruesve të rrugës.

Gjatë kësaj jave janë bllokuar 45 automjete, ndërsa 25 shtetas të arrestuar/të proceduar për drejtim të mjetit në gjendje të dehur dhe/ose pa lejedrejtimi.

Policia Rrugore apelon për ndërgjegjësim të drejtuesve të automjeteve që të respektojnë me rigorozitet rregullat e qarkullimit rrugor, të shmangin parkimet e gabuara dhe të tregojnë kujdes maksimal gjatë drejtimit të mjetit, për të mos u kthyer në burim rreziku për veten dhe të tjerët.

Kontrollet intensive do të vijojnë çdo ditë dhe në çdo segment rrugor të Tiranës, me fokus të veçantë te parandalimi i sjelljeve që dëmtojnë sigurinë dhe rrjedhshmërinë e qarkullimit, si dhe te parkimet e gabuara që bllokojnë rrugët apo korsitë.

/e.i/j.p/

The post Siguria rrugore, 45 mjete të bllokuara, 25 shtetas të arrestuar në Tiranë appeared first on Agjencia Telegrafike Shqiptare.

TIRANË, 20 korrik /ATSH/ Policia e Shtetit vijon operacionet e njëpasnjëshme për goditjen e veprimtarisë kriminale në fushën e prodhimit të lëndëve narkotike me anë të llambave, të shitjes së saj, si dhe për goditjen e armëmbajtjes pa leje.

Në këtë kuadër është finalizuar operacioni policor i koduar “The Wrong Meeting” gjatë të cilit janë vënë në pranga 3 shtetas dhe u shpallën në kërkim 2 të tjerë.

Sipas Policisë, janë sekuestruar gjithsej 6,2 kg kanabis në formë boçeje (dyshohet e prodhuar me llamba), një armë zjarri pistoletë së bashku me një sasi municioni luftarak, dy jelekë antiplumb, pajisje për përshtatjen e ambientit për kultivimin e bimëve narkotike me anë të llambave, dy automjete dhe 6 aparate celularë.

Dy prej të arrestuarve u kapën në flagrancë në zonën e Golemit gjatë shkëmbimit të një sasie kanabisi, ndërsa tjetri posedonte armën e zjarrit, një sasi tjetër të lëndës narkotike dhe pajisjet që shërbenin për kultivimin e bimëve narkotike me anë të llambave.

Specialistët e Seksionit për Hetimin e Narkotikëve, në bashkëpunim me Seksionin e Forcës së Posaçme Operacionale të DVP Durrës, si rezultat i veprimeve hetimore të kryera me metoda proaktive, finalizuan operacionin policor të koduar “The Wrong Meeting”, për goditjen e një rasti të veprimtarisë kriminale në fushën e prodhimit dhe shitjes së lëndëve narkotike si dhe të armëmbajtjes pa leje.

Në kuadër të këtij operacioni u arrestuan në flagrancë shtetasit:

Sh. T., 36 vjeç, banues në Vorë, Tiranë, i dyshuar për veprat penale “Prodhimi dhe shitja e narkotikëve”, e kryer në bashkëpunim, dhe “Prodhimi dhe mbajtja pa leje e armëve luftarake dhe municionit”; D. S., 21 vjeç, banues në Peqin, Elbasan dhe J. B., 17 vjeç, banues në Golem, Durrës, të dyshuar për veprën penale “Prodhimi dhe shitja e lëndëve narkotike”, e kryer në bashkëpunim.

Si dhe u shpallën në kërkim shtetasit G. S., 39 vjeç, dhe M. Ll., 33 vjeç, të dy banues në Peqin, të dyshuar për veprën penale “Prodhimi dhe shitja e lëndëve narkotike”, e kryer në bashkëpunim.

Shërbimet e Policisë kanë kapur në flagrancë në një parking në zonën e Golemit, Durrës, Sh. T. dhe D. S., në momentin e shkëmbimit të një sasie lënde narkotike kanabis në formë boçeje me peshë 4.5 kg.

Nga hetimet e kryera, në këtë aktivitet ishte i përfshirë edhe shtetasi J. B., i cili banonte përkohësisht në një ambient pranë parkingut, ku pas kontrollit të ambientit ku banonte, Policia gjeti dhe sekuestroi edhe 1,1 kg lëndë narkotike kanabis.

Në vijim të operacionit, nga sherbimet e Komisariatit të  Policisë nr. 7 Tiranë, gjatë kontrollit të banesës së shtetasit Sh. T., u gjet dhe u sekuestrua 600 gram lëndë narkotike e dyshuar kanabis, një armë zjarri e dyshuar pistoletë, së bashku me një sasi municionesh luftarake (fishekë), dy jelekë antiplumb, si dhe pajisje për përshtatjen e ambientit për kultivimin e bimëve narkotike me anë të llambave.

Nga hetimet ka rezultuar se në këtë veprimtari kriminale janë të përfshirë edhe shtetasit G. S. dhe M. Ll., të cilët janë shpallur në kërkim dhe vijon puna për lokalizimin dhe kapjen e tyre.

Nga ana e Seksionit për Hetimin e Narkotikëve po vijon puna për identifikimin dhe dokumentimin e shtetasve të tjerë të përfshirë në këtë veprimtari kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

The post Kultivonin kanabis me llamba, arrestohen tre persona appeared first on Agjencia Telegrafike Shqiptare.

Një denoncim nga një punonjës i doganave shqiptare ka hedhur dritë mbi atë që e quan “kontrabanda më e frikshme në historinë e vendit” e drejtuar nga “koka”, drejtori i doganave shqiptare Gent Gazheli. Punonjësi shprehet se doganat shqiptare janë gjunjëzuar më keq se në vitin famëkeq 1997, nën drejtimin e Gent Gazhelit. “Të gjithë […]

The post Gazheli, “mbreti” i doganave! Vartësit në pranga, ai i paprekshëm mes kontrabandës me miliona appeared first on BoldNews.al.

Policia italiane ka arrestuar një 34-vjeçar shqiptar në zonën e Bolonjës, i cili u kap në flagrancë me mbi 11 kilogramë kokainë dhe një armë zjarri të llojit pistoletë. Sipas autoriteteve, i arrestuari kishte qenë më parë i dënuar për vrasje dhe shfrytëzim prostitucioni. Operacioni u krye nga Skuadra e Policisë së Bolonjës, pas një […]

The post U kap me kokainë dhe armë, arrestohet shqiptar me të shkuar kriminale në Itali appeared first on BoldNews.al.

Dy persona janë arrestuar pasi që të njëjtit kanë sulmuar dhe penguar njësitin policor derisa ishin duke i shqiptuar një gjobë për kundërvajtje njërit nga të dyshuarit.

Sipas raportit 24 orësh të Policisë së Kosovës bëhet e ditur se ngjarja ka ndodhur të dielën rreth orës 19:51 në rrugën “Nëna Terezë”, në Pejë.

Tutje bëhet e ditur se si pasojë e sulmit lëndime trupore kanë pësuar dy zyrtarë të Policisë dhe një nga të dyshuarit.

“Janë arrestuar dy të dyshuar meshkuj kosovarë pasi që të njëjtit  kanë sulmuar dhe penguar njësitin policor derisa ishin duke i shqiptuar një gjobë për kundërvajtje njërit nga të dyshuarit. Si pasojë e sulmit lëndime trupore kanë pësuar dy zyrtar të PK-së dhe një nga të dyshuarit të cilët kanë pranuar tretman mjekësor”, thuhet në raport.

Ndërkaq, me vendim të prokurorit dy të dyshuarit janë dërguar në mbajtje. /Telegrafi/

 

 

 

 

The post Sulmuan zyrtarët policorë në Pejë, dërgohen në mbajtje dy persona appeared first on Telegrafi.

Një person ka marrë lëndime trupore të enjten rreth orës 22:30 në rrugën “Madeleine Albright”, në Pejë, pasi ishte rrahur nga dy persona të tjerë.

Sipas në njoftimi për media bëhet e ditur se viktima është dërguar për tretman mjekёsor nё QKMF e mё pas në spitalin rajonal nё Pejё.

“Drejtoria Rajonale e Policisё nё Pejё, Stacioni Policor Pejё, me datën 09.07.2025, rreth orёs 22:30, ёshtё njoftuar pёr njё rrahje e cila ka ndodhur në njё lokal nё rrugën ‘Madeleine Albright’ nё Pejё. Policia menjёherё ka dalё në vendin e ngjarjes, ku nga dëshmitarёt kuptojnё se viktimën e kanё sulmuar fizikisht dy persona tё dyshuar tё cilёt janё larguar nё drejtim tё panjohur. Viktima e këtij rasti ёshtё dёrguar pёr tretman mjekёsor nё QKMF e mё pas në spitalin rajonal nё Pejё”, thuhet në njoftim.

Ndërkaq, pas njё pune intensive tё hetuesve tё Sektorit Rajonal pёr Hetime, janё identifikuar tё dyshuarit dhe me datёn 10.07.2025, rreth orёs 14:15, ёshtё identifikuar lokacioni i njёrit nga tё dyshuarit, i cili ishte nё njё banesё nё Pejё, ku ёshtё kёrkuar dhe nuk ёshtё hapur dera e banësёs.

“Policia ёshtё njoftuar nga qytetarёt se njё person ka rёnё nga ballkoni i banesёs në njё ballkon në banesёn tjetёr njё kat mё poshtё. Policia ka kuptuar se ai ishte personi i dyshuar i cili kёrkohej nga Policia, me ç’rast ёshtё njoftuar emergjenca dhe zjarrёfikёsit, ku tё dyshuarit i ёshtё dhёnё ndihma nga ekipi mjekësor dhe i njëjti ёshtë dёrguar me autoambulancё në Spitalin Rajonal nё Pejё, e mё pas në QKUK-Prishtinё, pёr shkak tё natyrёs sё lëndimeve”, thuhet në njoftim.

Me urdhёr tё prokurorit tё Shtetit, tё dyshuarit i ёshtё caktuar masa e ndalimit prej 48 orёsh, kurse i dyshuari i dytё i kёtij rasti ёshtё nё kёrkim policor dhe i njëjti ёshtё i njohur pёr Policinё. /Telegrafi/

The post Rrahje në një lokal të Pejës – i dyshuari bie nga ballkoni duke tentuar t’i shpëtojë policisë appeared first on Telegrafi.

Policia arrestoi në flagrancë I. Xh., 29 vjeç dhe A. Xh., 31 vjeç, ndërsa V. Xh., 38 vjeç dhe K. Xh., 35 vjeç, janë shpallur në kërkim. Të katërt janë vëllezër dhe akuzohen për “Plagosje të lehtë me dashje” dhe “Prishje të qetësisë publike”, kryer në bashkëpunim.

Një konflikt i dhunshëm mes katër vëllezërve dhe pesë shtetasve të tjerë është parandaluar të përshkallëzojë më tej falë ndërhyrjes së menjëhershme të Policisë së Librazhdit. Ngjarja ndodhi në ambientet e një lokali në fshatin Dragostunjë, ku si pasojë e dhunës, pesë persona mbetën të lënduar, por janë jashtë rrezikut për jetën.

Ndërkohë, është proceduar penalisht edhe kamerierja e lokalit, shtetasja E. G., 50 vjeçe, e dyshuar për “Veprime që pengojnë zbulimin e së vërtetës”, pasi dyshohet se ka ndërhyrë në provat në vendngjarje.

Sipas hetimeve paraprake, ngjarja ndodhi më 9 korrik, kur për motive të dobëta, katër vëllezërit kanë sulmuar me grushte dhe mjete të forta pesë shtetas: A. N., B. B., E. A., F. F. dhe M. F.

Policia vijon punën për kapjen e dy personave në kërkim, ndërsa materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme ligjore.

The post Konflikt mes 4 vëllezërve/ Përleshje në lokal, arrestohen dy persona dhe shpallen në kërkim dy të tjerë appeared first on Sot News | Lajme.

Një konflikt i dhunshëm mes 4 vëllezërve dhe 5 shtetasve të tjerë është parandaluar të përshkallëzojë më tej falë ndërhyrjes së menjëhershme të Policisë së Librazhdit. Ngjarja ndodhi në ambientet e një lokali në fshatin Dragostunjë, ku si pasojë e dhunës, pesë persona mbetën të lënduar, por janë jashtë rrezikut për jetën. Policia arrestoi në […]

The post Sherr i dhunshëm mes 4 vëllezërve dhe 5 të tjerëve në një lokal në Librazhd! E pëson edhe kamarierja appeared first on BoldNews.al.

Dy persona janë arrestuar sot nën dyshimin se kanë qenë të përfshirë në një rast të zjarrvënies të një lokali në rrugën “Epiri”, në Prishtinë.

Sipas një njoftimit të Policisë së Kosovës bëhet e ditur se të dyshuarit janë F.S i moshës 36 vjeç dhe M.M i moshës 28 vjeç dhe arrestimi i tyre u bë në Shipol të Mitrovicës.

“Policia e Rajonit të Prishtinës, respektivisht hetuesit e Njësitit të Hetimeve të Përgjithshme (NjHP) -Prishtinë, sot në Shipol të Mitrovicës së jugut kanë arrestuar dy të dyshuar për veprën penale zjarrvënie. Rasti ka ndodhur me datë, 14.02.2025, në rrugën ‘Epiri’ në Prishtinë, saktësisht në një lokal ku janë shkaktuar dëmë të konsiderueshme nga zjarri”, thuhet në njoftim.

Tutje në njoftim thuhet se personat e arrestuar me vendim mbi ndalimin, të nxjerrë nga ana e prokurorit të shtetit janë dërguar në qendrën e mbajtjes për 48 orë, ndërkohë që hetuesit  po vazhdojnë veprimet e mëtejme të procesit hetimor.

“Ndërmarrja e veprimeve hetimore dhe operative të kryera nga hetuesit policor  të NjHP-së , kanë rezultuar me identifikimin dhe arrestimin e të dyshuarve; F. S, 36 vjeç, mashkull, shtetas i republikës së Kosovës, si dhe M.M, 28 vjeç, mashkull, shtetas i republikës së Kosovës, për të cilët dyshohet me bazë të jenë përfshirë në rastin në fjalë”, thuhet në njoftim. /Telegrafi/

The post Arrestohen dy të dyshuar për zjarrvënie në një lokal në Prishtinë, dërgohen në mbajtje appeared first on Telegrafi.

TIRANË, 7 korrik /ATSH/ Policia Rrugore e Tiranës ka kryer kontrolle intensive të pandërprera për sigurinë në rrugë.

Sipas njoftimit të Policisë së Shtetit, me qëllim parandalimin e aksidenteve, ndëshkimin e shkelësve dhe menaxhimin e trafikut, Policia Rrugore e Tiranës ka shtuar prezencën në terren, me patrulla dhe mjete bashkëkohore, në të gjitha akset hyrëse/dalëse të kryeqytetit.

Policia bën me dije se gjatë javës së fundit janë arrestuar/proceduar penalisht 35 drejtues mjetesh dhe janë bllokuar 42 automjete, për shkelje të ndryshme.

Fokus i veçantë i kontrolleve janë parandalimi/eliminimi i zhurmave shqetësuese të shkaktuara nga marmitat e modifikuara, që cenojnë rendin dhe qetësinë publike; lirimi i hapësirave publike të zëna në mënyrë të paligjshme nga automjete/apo biznese, në bashkëpunim me Policinë Bashkiake dhe IMT, sigurimi i përdorimit të kaskës mbrojtëse dhe jelekëve fosforeshentë nga drejtuesit e motomjeteve, ndëshkimi i drejtuesve që qarkullojnë nën efektin e alkoolit dhe shkelja e sinjalistikës rrugore.

Policia Rrugore do të vijojë kontrollet pa ndërprerje, në çdo orë dhe në çdo segment rrugor, për të garantuar rendin, qetësinë dhe sigurinë për të gjithë.

/e.i//r.e//a.f/

The post Policia Rrugore e Tiranës procedon penalisht 35 drejtues mjetesh appeared first on Agjencia Telegrafike Shqiptare.

Rreth 14 oficerët e doganave të arrestuar në pikën kufitare të Qafë Botës për ryshfet u paraqitën në zyrën e hetuesit të Igumenicës të dielën në mëngjes. Personat e përfshirë në këtë rast dyshohet se kanë marrë mbi 300 ryshfete, që arrijnë deri në 300 euro, me qëllim që të linin makinat të kalonin pa inspektim. Oficerët e doganës filluan operacionin e tyre në mars. Ata dyshohet se i lejuan automjetet të kalonin pa inspektim, edhe nëse u ofrohej një kafe.

Më poshtë pjesë nga bisedat e zbardhura:

Punonjësi më i vjetër: … dhe më vonë do të jesh në… Mendoj se zoti K. të tha…

Punonjësi i ri: Po, po, më tha.

A Y: Ngadalë, ngadalë, çfarëdo xhepi që të duash

NY: Po, po, ma shpjegoi ai.

A Y: … prandaj ndryshimi është gjithmonë i dyfishtë ose i trefishtë, në mënyrë që të jetë një vendim në grup, në mënyrë që të mos e gjejmë veten të ekspozuar.

Në një bisedë tjetër, oficerët e doganave shmangin dhënien e gjobave me qëllim që të përfitojnë shuma të ndryshme:

Punonjëse: Përshëndetje, kush jeni ju? (red. ajo do të thotë se cilin automjet)

Qytetari: Unë jam Peugeot.

C Y: Në rregull, a ke ndonjë gjë aty brenda?

P: Asnjë nga…. Pak djathë, pak zarzavate, pak….

C Y: A keni vaj?

P: Vaj po….

CY: Sa?

P: Dhjetë litra.

C Y: Dhjetë apo njëzet? Nëse vij unë dhe ju keni më shumë se dhjetë, çfarë do të bëjmë?

P: … Sa peshonte…

C Y: Të pyeta po, e di që është e ndaluar. Të pyeta sa litra është, më thuaj dhjetë dhe unë të them nëse vij te makina dhe gjej njëmbëdhjetë çfarë do të ndodhë dhe më thua se nuk e kam peshuar.

Punonjësi mashkull: Çfarë nuk shkon?

C Y: Sa keni, ju pyes… Dhe keni vaj, dhe keni djathë, dhe keni mish.

A Y: E pe makinën?

C Y: … jo, ende po negocioj se çfarë është.

A Y: Sille që ta shoh… do të diskutojmë për pjesën tjetër.

C Y: Hape pak që ta shohë kolegu.

A Y: Hajdeni, zotëri, a jeni këtu? Lini një kafe dhe shkoni, lini një kafe dhe shkoni.

P: A duhet të largohem?

A Y: Na lini nga një kafe dhe ikim… në rregull, tha ai, dhjetë litra, dhe keni tridhjetë atje brenda? Hyrni, hyni. Mos e lini të ju shohë… na lini nga një kafe dhe ikim.

C Y: Sa kishte ai?

A Y: Kishte tridhjetë litra naftë.

C Y: Isha i sigurt se nuk kishte dhjetë, kështu që i thashë nëse dal jashtë dhe gjej njëmbëdhjetë, çfarë do të ndodhë? Më thuaj sa ke para se të vij unë, i thashë.

A Y: I the dhjetë litra dhe kishe tridhjetë brenda… Haha… Kaq shumë gabim ishte peshorja?

P: … vite me kancer…

A Y: Hajde, hajde, përshëndetje përshëndetje

C Y: Pesëdhjetë.

A Y: Çfarë la ai? Çfarë… Oh! M… Hahaha

Në një bisedë tjetër, dy punonjës po… e ndajnë mes tyre dhe po flasin për një shumë prej rreth 250 eurosh që kanë marrë me vete.

Punonjësi: Mos u anko fare, sot ishte një ditë shumë e mirë.

Punonjëse: Bravo, S…

A Y: Është një nga ato, ishim të mirë por pak, apo jo?

CY: Sigurisht.

A Y: Dymbëdhjetë e gjysmë.

C Y: Mirë përsëri.

“Tsakis, sill paratë”

Në një bisedë tjetër, një zyrtar detyron një shtetas shqiptar që po kalonte rrugën të paguajë 150 euro, në vend që të lëshojë një gjobë prej 3,000 eurosh.

Punonjësi: Ju keni qenë në Greqi për 7 muaj.

Qytetari: Si?

Y: Shtatë muaj në Greqi.

P: E solli një kushëri.

Y: Ai nuk ka… Ai ka një shkelje. Po ta konfiskoj makinën, do të të vë një gjobë prej tre mijë. Lëri gjërat e tua, sill makinën këtu dhe… makinën vetëm. Ke një shkelje. Nuk mund të qëndrosh në Paxos për aq gjatë. Me një makinë shqiptare…. Sidoqoftë, ke një shkelje sepse je shtetas grek. Nuk ke të drejtë të kesh një makinë shqiptare. Punon dhe jeton në Paxos… Kudo që të të kap… Gatime tradicionale greke.

P: Shkëlqyeshëm, në rregull.

Y: Ulu, ulu në karrige, sepse do të kemi një problem këtu, nuk do të vish…. Do ta lësh makinën time këtu…. Kanë kaluar shtatë muaj?

P: Jo jo!

Y: Thuaj të vërtetën tani, do të të lëpij. Mos bërtit tani, policët po të dëgjojnë. Je shtatë muajsh?

P: Jo, shtatë!

Y: Gjashtë?

P: Diku atje…

Y: A e di sa para janë këto? Tani ulu, ulu. Në jetën time, a e di sa para janë këto? Mbi 3,000.

P: Në rregull?

Y: Po…. Shko te makina. Shko merr 150 euro, mos bërtit tani, që të mos të them 200. Nuk do ta shlyej makinën.

P: A do të shkoj?

Y: Eja këtu, eja këtu. Nuk do të të marr 200. Shko merr 150… Do ta hedh letrën. Bëje copë-copë, shko merr 150 euro, bëje copë-copë dhe ik. Kur do të kthehesh, që të bëjmë një pyetje të mirë?… Do të të fus në punë të martën.

P: U bë, u bë.

Y: … Megjithatë, mos qëndro më shumë se gjashtë muaj…

P: Jo.

Y: Nuk do të të them asgjë, do të më thuash që do të shkoj në Igumenicë. Ku po shkon, do të të pyes.

P: Do të shkoj në Igumenicë.

Y: Do të më thuash që do të shkoj në Igumenicë.

The post “Na lini ndonjë kafe…”/ Zbardhen bisedat e doganierëve të arrestuar në Qafë Botë, ryshfet për vaj, djathë e… appeared first on Sot News | Lajme.

Drejtoria për Luftimin e Krimit të Organizuar në Policinë Greke, hetoi një konflikt të armatosur që ndodhi në shtator 2024 jashtë një klubi nate në Pire, midis dy grupeve kriminale.

Për këtë rast, njësitë policore të Departamentit të Ndjekjes së Krimeve kundër Jetës dhe Pronës në zona të ndryshme të Athinës, arrestuan 12 individë, ku sipas mediave në pranga kanë rënë edhe shqiptarë, anëtarë të organizatave, përfshirë një punonjës policie, ndërsa përmes një hetimi të plotë dhe veprimeve të tjera policore, u identifikua pjesëmarrja dhe roli i tyre në ngjarje.

Konkretisht, lidhur me historikun e çështjes, në orët e para të mëngjesit të datës 29.09.2024, jashtë një klubi nate në zonën e Pireut, dy grupe kriminale, të përbëra nga të paktën 6 persona secila, fillimisht u përleshën me njëra-tjetrën me grushte dhe shqelma. Më pas, anëtarët e dy grupeve kriminale shkëmbyen të shtëna me armë zjarri.

Nga kontrollet fizike dhe kontrollet e kryera në banesa, u gjetën dhe u sekuestruan, ndër të tjera 1 pistoletë me një karikator me 10 fishekë, 1 revolver me 6 fishekë, 1 pistoletë me goditje me 1 fishek, 1 armë gjahu, një mori fishekësh të kalibrave të ndryshëm, 2 karikatorë dhe këllëf pistolete, 14 thika të llojeve të ndryshme, veshjet e përdorura në konfliktin e armatosur, tableta anabolike, 1 palë doreza, 3 makina dhe 1 motor, marijuanë me peshë 2.4 gram si dhe 175.470 euro.

Personat e arrestuar, me dosjen e ngritur kundër tyre, sipas rastit, akuzohen për krijim të një organizate kriminale, tentativë vrasjeje me dashje, dëmtim të rrezikshëm trupor, shkelje të detyrës dhe shkelje të ligjeve për drogën dhe armët.

Vërehet se shumica e të akuzuarve kanë një të kaluar kriminale për vepra të ngjashme dhe të tjera penale, ndërsa hetimi vazhdon të përcaktojë fushëveprimin e plotë të aktivitetit të tyre kriminal.

The post Përplasja me armë zjarri në Greqi/ Në pranga 12 shqiptarë e grekë, sekuestrohen armë e para appeared first on Sot News | Lajme.

Policia e Sarandës arrestoi në flagrancë shtetasit Pranvera Gkergkis dhe Idajet Roshi pasi dyshohen se kanë ndezur me qëllim zjarr në një sipërfaqe toke dhe si pasojë janë djegur rreth 450 m² me bimësi dhe pemë të ndryshme frutore.

“Si rezultat i hetimeve të kryera me qëllim identifikimin dhe nxjerrjen përpara përgjegjësisë penale të autorëve të zjarrvënieve të qëllimshme apo nga pakujdesia, shërbimet e Komisariatit të Policisë Sarandë arrestuan në flagrancë shtetasit P. G., 55 vjeçe, banuese në Sarandë, dhe I. R., 53 vjeç, banues në Finiq.

Këta shtetas, më datë 05.07.2025, rreth orës 12:00, në fshatin Leshnicë e Poshtme, Bashkia Finiq, dyshohen se kanë ndezur me qëllim zjarr në një sipërfaqe toke dhe si pasojë janë djegur rreth 450 m² me bimësi dhe pemë të ndryshme frutore.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprën penale “Shkatërrimi i pronës me zjarr”, e kryer në bashkëpunim”, thuhet në njoftimin zyrtar të policisë.

Drejtoria Vendore e Policisë Vlorë apelon për të gjithë banorët, që të mos kryejnë zjarrvënie për asnjë qëllim, pasi përbëjnë rrezik për jetën, pronën dhe mjedisin, dhe ndëshkohen sipas ligjit. Policia fton qytetarët që të denoncojnë në numrin 112 çdo rast zjarrvënieje apo paligjshmërie, duke iu garantuar anonimat dhe reagim të menjëhershëm.

The post Policia arreston dy personat që ndezën zjarrin në Finiq appeared first on Lapsi.al.

Prokuroria e Fierit ka zbuluar detaje shtesë në kuadër të hetimeve për “Bankers Petroleum Albania Ltd”, nën akuzat për krijim skemash mashtruese në lidhje me Tatimin mbi Vlerën e Shtuar (TVSH). Organi i akuzës thotë se u lëshuan 14 masa sigurimi ku 9 janë ekzekutuar dhe 5 të tjerë janë shpallur në kërkim për veprat […]

The post Arrestimet te “Bankers”/ Prokuroria e Fierit jep detaje: Ekzekutohen 9 masa sigurimi, 5 të tjerë në kërkim appeared first on BoldNews.al.

Janë zbardhur detaje të reja nga operacioni antidrogë që po zhvillohet nga policia greke në bashkëpunim me agjentë të FBI-së. Sipas raportimeve janë arrestuar 11 persona të kombësive të ndryshme: 5 grekë 3 shqiptarë 1 bolivian 1 gjeorgjian 1 spanjoll Hetimet zbuluan se rrjeti kishte ngritur një “fabrikë” brenda shtëpisë, ku përpunonte lëkurat e me […]

The post Laborator i sofistikuar kokaine, detaje nga operacioni antidrogë në Greqi: U arrestuan 3 shqiptarë appeared first on BoldNews.al.

TIRANË, 2 korrik /ATSH/ Policia e Fierit ka ndërmarrë sot një aksion në zyrat qendrore të kompanisë “Bankers Petroleum”, që operon në fushën e nxjerrjes së naftës në Marinëz.

Sipas medieve, si rezultat i këtij operacioni, janë arrestuar drejtori aktual i kompanisë, shtetasi kinez Hongping Xiao, si dhe ish-drejtori Leonidha Çobo.

Po sipas të njëjtave burime janë lëshuar 14 urdhër-arreste për drejtues, ish-drejtues dhe zyrtarë të kompanisë.

Operacioni policor është zhvilluar në bashkëpunim me Drejtorinë e Përgjithshme të Tatimeve. Kontrollet janë kryer pasi dyshohet për ngritjen e një skeme mashtrimi në dëm të shtetit.

/m.q//a.f/

The post Aksion në zyrat e kompanisë “Bankers Petroleum” në Fier, arrestohet CEO dhe ish-drejtori i kompanisë appeared first on Agjencia Telegrafike Shqiptare.

Një aksion i befasishëm është zhvilluar mesditën e sotme në zyrat qendrore të kompanisë “Bankers Petroleum” në Fier, ku forcat e Policisë së Fierit, të shoqëruara nga zyrtarë të Tatimeve, kanë ndërhyrë me forcë për të kryer një kontroll të gjerë. Burime jozyrtare flasin për detyrime të mëdha financiare ndaj shtetit si shkak i këtij operacioni.

Sipas të dhënave paraprake, në pranga kanë rënë drejtori i përgjithshëm aktual i kompanisë, shtetasi kinez Hongping Xiao, si dhe ish-CEO shqiptar Leonidha Çobo. Të dy po hetohen për çështje që lidhen me mospagimin e taksave dhe abuzime të mundshme financiare në drejtimin e kompanisë.

Policia ka hyrë me forcë në ambientet e kompanisë, pasi punonjësit nuk pranuan të hapnin dyert vullnetarisht. Aksioni është ende aktiv dhe pritet të shoqërohet me kontrolle të mëtejshme dhe sekuestrime dokumentesh.

Në vendngjarje janë parë të parkuara disa automjete luksoze me targa shqiptare dhe të huaja, ndërkohë që zyrtarisht nuk është dhënë ende asnjë deklaratë nga kompania apo autoritetet shtetërore. Burime konfidenciale përmendin si shkak të mundshëm të ndërhyrjes detyrime të papaguara fiskale, që kapin shifra të konsiderueshme, dhe që “Bankers Petroleum” nuk i ka përmbushur pavarësisht paralajmërimeve të mëhershme nga autoritetet tatimore dhe doganore.

Kjo nuk është hera e parë që “Bankers” përballet me akuza për shkelje ligjore. Kompania ka qenë më herët në qendër të kritikave për ndikimin mjedisor të aktivitetit të saj në zonën e Marinzës, ku komuniteti lokal ka denoncuar ndotje dhe dëme të konsiderueshme në tokë e në ajër për shkak të nxjerrjes së naftës.

“Bankers Petroleum” mbetet një nga kompanitë më të mëdha që operojnë në industrinë e naftës në Shqipëri. Pas një dekade nën drejtimin e investitorëve kanadezë, kompania kaloi në pronësi të sipërmarrësve kinezë, të cilët e menaxhojnë edhe aktualisht.

Në pritje të një reagimi zyrtar, pritet që në orët në vijim të ketë më shumë informacion mbi akuzat konkrete dhe hapat që do të ndjekin autoritetet hetimore. Arrestimi i dy drejtuesve përfaqëson një goditje të fortë për një prej emrave më të mëdhenj të industrisë energjetike në vend.

The post Bastisen zyrat e “Bankers Petroleum” në Fier, në pranga drejtuesit e kompanisë appeared first on Lapsi.al.