BRUKSEL, 5 gusht /ATSH-DPA/ – Danimarka, Norvegjia dhe Suedia kanë njoftuar një angazhim të përbashkët prej afërsisht 500 milionë dollarësh për të blerë armë amerikane si pjesë e programit të mbështetjes ushtarake të koordinuar nga NATO.

“Jam mirënjohës ndaj Danimarkës, Norvegjisë dhe Suedisë për veprimin e tyre të shpejtë për të financuar një paketë mbështetjeje ushtarake amerikane për Ukrainën”, shkroi sekretari i Përgjithshëm i NATO-s, Mark Rutte në X.

”Këto ndihma do të sigurojnë pajisje shpëtimtare dhe furnizime thelbësore në vijat e frontit, duke forcuar pozicionin e Ukrainës dhe duke e ndihmuar atë të pengojë agresionin në ndjekje të paqes së qëndrueshme”, theksoi Rutte./   /os/

The post FOKUS – Danimarka, Norvegjia dhe Suedia blejnë armë amerikane për Kievin appeared first on Agjencia Telegrafike Shqiptare.

GAZA, 4 gusht /ATSH-ANSA/ – Qeveria australiane ka njoftuar se do të dhurojë 20 milionë dollarë australianë shtesë (rreth 11,2 milionë euro) për organizatat humanitare që punojnë për të shpërndarë ushqim dhe furnizime mjekësore në Gaza.

Që nga fillimi i luftës, më 7 tetor 2023, Kanberra ka dhuruar 130 milionë dollarë australianë në ndihmë humanitare për civilët në Gaza dhe Liban, sipas një njoftimi për shtyp të publikuar në faqen e internetit të Ministrisë australiane të Punëve të Jashtme.

“Australia i është bashkuar vazhdimisht thirrjes ndërkombëtare që Izraeli të lejojë rifillimin e plotë dhe të menjëhershëm të ndihmës për Gazën, në përputhje me urdhrat detyrues të Gjykatës Ndërkombëtare të Drejtësisë”, komentoi ministrja e Jashtme Penny Wong.

“Vuajtjet dhe uria e civilëve në Gaza duhet të marrin fund”, shtoi ajo./ /os/

The post GAZA – Australia dhuron 11 milionë euro ndihma appeared first on Agjencia Telegrafike Shqiptare.

BERLIN, 2 gusht /ATSH-DPA/ – Qeveria gjermane vëren një përparim të vogël fillestar në ndihmën humanitare për popullsinë në Rripin e Gazës, sipas zëdhënësit Stefan Kornelius edhe pse, sipas tij, kjo mbetet e pamjaftueshme për të lehtësuar emergjencën.

Komentet e Kornelius u bënë, ndërsa ministri i Jashtëm, Johann Wadephul informoi kabinetin e sigurisë në mbyllje të vizitës së tij në Izrael dhe Bregun Perëndimor.

“Izraeli mbetet i detyruar të sigurojë furnizim gjithëpërfshirës edhe me mbështetjen e Kombeve të Bashkuara dhe organizatave të tjera humanitare”, tha Kornelius.

“Në të njëjtën kohë, qeveria gjermane është e shqetësuar për informacionin që tregon se sasi të mëdha të furnizimeve me ndihmë po mbahen nga Hamasi dhe organizatat kriminale”, theksoi ai.

Sipas burimeve gjermane të sigurisë, midis gjysmës dhe të gjitha furnizimeve me ndihmë që arrijnë në Rripin e Gazës po devijohen nga grupi islamik palestinez Hamas ose organizata të tjera kriminale.

”Rripi i Gazës po përballet me kërcënimin e urisë”, tha OKB.

Izraeli kontrollon të gjitha pikat e hyrjes në zonë dhe për disa muaj, nuk lejoi asnjë ose vetëm dërgesa minimale ndihmash të kalonin nëpër të, në një përpjekje për të rritur presionin mbi Hamasin.

Por, Izraeli lejoi dërgesa më të mëdha ndihmash nëpërmjet rrugëve tokësore dhe gjithashtu lejoi dërgesa nga ajri që nga java e kaluar dhe 220 kamionë kanë sjellë furnizime me ndihma në zonë çdo ditë.

Aktualisht, dy nga tre tubacionet kryesore të ujit në Rripin e Gazës janë në funksion, si dhe një nga 10 linjat e transmetimit të energjisë.

Por, çmimi i miellit është në një shifër të pabesueshme prej 80 eurosh (92 dollarë) për kilogram./  a.jor.

The post FOKUS – Gjermania: Izraeli duhet të sigurojë furnizime për Gazën appeared first on Agjencia Telegrafike Shqiptare.

Edhe pse bllokada izraelite u lehtësua për të paktën 10 orë në ditë dhe disa vende po hedhin ndihma nga ajri, kjo nuk është mjaftueshëm për palestinezët që prej muajsh janë përballur me mungesë të theksuar të ushqimeve.

“Associated Press” shpjegon se grupet e ndihmës dhe vetë palestinezët thonë se ndryshimet kanë qenë graduale dhe mbi të gjitha janë shumë pak, për të ndryshuar skenarin më të keq të urisë që po ndodh në territorin e shkatërruar nga lufta.

Masat e reja kanë sjellë një rritje të numrit të kamionëve me ndihma që hyjnë në Gaza, por pothuajse asnjë prej tyre nuk arrin në depot e OKB për shpërndarje.

Pothuajse të gjithë kamionët zbrazen në moment nga turmat që i presin në rrugë, por mes tyre nuk ka vetëm njerëz të uritur, por edhe banda të armatosura që plaçkitin mallrat për t’i shitur më pas.

Pavarësisht se shpërndarja e ndihmave pritej të bëhej në mënyrë më të koordinuar gjatë pauzës taktike të njoftuar nga Izraeli, kjo nuk ka ndodhur. Ende shumë palestinezë vriten ose plagosen në përpjekje për të marrë ushqim. Sipas dëshmitarëve, janë ushtarët izraelitë ata që hapin zjarr rreth kamionëve të ndihmës.

Sistemi alternativ i shpërndarjes së ushqimit i drejtuar nga Fondacioni Humanitar i Gazës i mbështetur nga Izraeli është pikërisht vendi ku rastet fatale janë më të shumta.

Nga ana tjetër grupet e ndihmës përsërisin se ndihmat nga ajri ofrojnë vetëm një pjesë të vogël në krahasim me sasinë që mund të furnizohet nga kamionët. Gjithashtu, shumë pako janë hedhur në zona tani të paarritshme dhe të tjera kanë rënë në det, duke e bërë ushqimin të pakonsumueshëm.

Raportet më të fundit vijnë teksa i dërguari i posaçëm i Shteteve të Bashkuara për Lindjen e Mesme, Steve Witkoff, vizitoi Rripin e Gazës, ku u ndal në një qendër të shërbimit të ndihmave humanitare në qytetin Rafah. Witkoff u ndal në një nga pikat e Fondacionit humanitar të Gazës, megjithatë për disa palestinezë që folën për BBC, ky ishte një teatër i Izraelit

The post Ndihmat nuk mundin urinë/ Gaza, turmat e njerëzve presin në rrugë kamionët e OKB appeared first on Albeu.com.

TEL AVIV, 30 korrik /ATSH-DPA/- Ndihma humanitare ka hyrë në Rripin e Gazës për të katërtën ditë radhazi, ndërsa autoritetet izraelite përballen me presion në rritje për të lehtësuar kushtet katastrofike për palestinezët.

Organizata ushtarake izraelite COGAT tha se 220 kamionë me ndihma kaluan sot në brezin bregdetar dhe po prisnin shpërndarjen.

Më shumë se 200 kamionë me ndihma hynë dje në Gazë, të cilat iu dorëzuan punonjësve të Kombeve të Bashkuara dhe organizatave të tjera për shpërndarje.

Të dielën, Izraeli lejoi shpërndarjen e ndihmave në shkallë të gjerë – për herë të parë pas disa muajsh.

Që atëherë, rreth 200 kamionë në ditë kanë hyrë në Gazë – një rritje e konsiderueshme, por jo aq sa është e nevojshme.

Sipas OKB-së, vëllimi aktual i ndihmës përmbush më pak se gjysmën e nevojave të një popullsie që ekspertët ndërkombëtarë paralajmërojnë se po përballet me krizën e urisë.

Përpara se Izraeli të shtrëngonte bllokadën e tij në mars, rreth 500 kamionë hynin në Gazë çdo ditë.

Autoriteti kryesor ndërkombëtar për krizat ushqimore paralajmëroi dje se në Rripin e Gazës, aktualisht po zhvillohej skenari më i keq i urisë. //a.i/

The post FOKUS – Kamionët me ndihma humanitare hyjnë në Gazë për të katërtën ditë radhazi appeared first on Agjencia Telegrafike Shqiptare.

TEL AVIV, 29 korrik /ATSH-DPA/- Avionët nga Jordania dhe Emiratet e Bashkuara Arabe kanë hedhur edhe 52 paleta të tjera me ushqim mbi Rripin e Gazës, tha sot ushtria izraelite.

“Avionët egjiptianë gjithashtu ndihmuan në hedhjen nga ajri të ushqimeve – për herë të parë që nga e diela – kur Izraeli lejoi aksesin e ndihmave në territorin e izoluar palestinez pas disa muajsh kufizimesh”, tha ushtria izraelite (IDF).

Ushtria izraelite njoftoi dje se po zbaton pauza “humanitare” të përditshme për të lejuar që ndihma të shpërndahet në mënyrë të sigurt në Rripin e sulmuar – mes paralajmërimeve ndërkombëtare për krizën e urisë.

IDF tha se Egjipti, Jordania dhe Emiratet e Bashkuara Arabe koordinuan hedhjet nga ajri të ndihmave së bashku me Izraelin.

Organizatat e ndihmës, përfshirë Mjekët pa Kufij, e kanë kritikuar metodën e ofrimit të ndihmave – si joefektive dhe të kushtueshme krahasuar me shpërndarjen e ndihmës me kamionë.

Ata gjithashtu kanë theksuar rrezikun që u paraqitet civilëve në pritje nga hedhja e paletave, të cilat janë të bashkangjitura në parashuta.

Kancelari gjerman, Friedrich Merz tha sot se dy avionë ushtarakë ishin duke udhëtuar drejt Jordanisë, nga ku do të fillonin gjithashtu hedhjet e ndihmave nga ajri në Gazë. //a.i/

The post GAZË – Mbi 50 paleta me ushqime të hedhura nga ajri nga shtetet arabe appeared first on Agjencia Telegrafike Shqiptare.

TEL AVIV, 29 korrik /ATSH-DPA/ – Sipas autoriteteve izraelite, 260 kamionë që transportonin ndihma humanitare hynë sot në Rripin e Gazës, pasi Izraeli filloi të lejojë më shumë furnizime në territorin palestinez.

“Dyqind e gjashtëdhjetë kamionë të tjerë kanë hyrë në Gaza dhe tani po presin të mblidhen dhe të shpërndahen”, shkroi në platformën X COGAT, autoriteti ushtarak izraelit përgjegjës për aprovimin dhe koordinimin e ndihmave.

Këto dërgesa janë tepër të nevojshme për popullsinë civile palestineze të Gazës, për të cilën organizatat humanitare thonë se po përballet me nivele të paprecedenta urie për shkak të ofensivës së vazhdueshme ushtarake izraelite në këtë zonë.

Duke përshëndetur ndihmën e re që po mbërrin, koordinatori i emergjencave i OKB-së, Tom Fletcher tha se dërgesat janë vetëm një “pikë në oqean” krahasuar me nevojat reale, duke theksuar se ditët në vijim janë vendimtare për mirëqenien e popullsisë në Gaza.

Ndërsa presioni ndërkombëtar ndaj Izraelit për të lejuar më shumë ndihma po rritet, ushtria izraelite njoftoi dje se do të vëzhgojë një “pauzë taktike ditore të vetëdeklaruar të veprimeve ushtarake për qëllime humanitare” në disa zona të Gazës.

Pauza do të zbatohet në zonën al-Mawasi në jugperëndim të rripit bregdetar, në Deir al-Balah në qendër dhe në qytetin e Gazës në veri, zona këto ku ushtria izraelite aktualisht nuk po vepron, sipas saj./  /Ad.Ab./

The post GAZA – Edhe 260 kamionë të tjerë me ndihma hyjnë në zonë appeared first on Agjencia Telegrafike Shqiptare.

BERLIN, 28 korrik /ATSH-DPA/ – Gjermania planifikon të mundësojë një transport ajror për të ofruar ndihmë humanitare në Rripin e Gazës me mbështetjen e Jordanisë, deklaroi kancelari i Thesarit, Friedrich Merz.

”Operacioni do të fillojë menjëherë”, tha ai pas një takimi të kabinetit.

”Ministri i Mbrojtjes Boris Pistorius do të bashkëpunojë ngushtë me Francën dhe Britaninë e Madhe … të dyja të cilat kanë shprehur gatishmërinë e tyre për t’u bashkuar me përpjekjet për të transportuar ushqim dhe ndihmë”, theksoi Merz.

“Ne e dimë se kjo mund të jetë vetëm një ndihmë e vogël për popullin e Gazës, por të paktën është një kontribut që jemi të lumtur ta japim”, shtoi ai.

Merz nuk përmendi masa specifike, por tha se Gjermania mund të paraqesë një propozim në Komisionin Evropian.

Pezullimi i furnizimeve me armë dhe pezullimi i Marrëveshjes së Asociimit BE-Izrael janë përmendur si opsione të mundshme./   /os/

The post FOKUS – Gjermania dhe Jordania transport të përbashkët ajror për ndihmat në Gaza appeared first on Agjencia Telegrafike Shqiptare.

TEL AVIV, 27 korrik /ATSH-DPA/ – Në sfondin e një krize të afërt urie në Rripin e Gazës, dërgesa masive ndihmash humanitare arritën sot për herë të parë, pas shumë muajsh në këtë zonë të rrethuar dhe të goditur rëndë nga lufta.

”Një autokolonë me rreth 100 kamionë me ndihma për popullsinë e vuajtur hyri në Gaza përmes pikës kufitare Kerem Shalom”, sipas burimeve palestineze nga territori.

Pak orë më parë, ushtria izraelite njoftoi se do të zbatojë një “pauzë taktike në aktivitetet ushtarake për qëllime humanitare” nga ora 10:00 deri në 20:00 (07:00–17:00 GMT), çdo ditë dhe deri në një njoftim të dytë.

Kjo pauzë do të vlejë për zonën al-Mawasi në jugperëndim të Rripit të Gazës, për Deir al-Balah në qendër dhe për qytetin e Gazës në veri, zona ku ushtria izraelite thotë se nuk është aktive për momentin.

Izraeli e kishte shpallur më herët al-Mawasi si një “zonë humanitare”, por që nga ajo kohë, ushtria izraelite ka kryer disa sulme atje, me pasoja fatale për civilët. Deir al-Balah strehon magazinën qendrore të Organizatës Botërore të Shëndetësisë (OBSH), e cila, sipas OBSH-së,   është dëmtuar gjatë ndërhyrjes së trupave tokësore izraelite.

Gjithashtu, do të hapen korridore humanitare nga ora 06:00 deri në 23:00 për të lejuar Kombet e Bashkuara dhe organizatat e ndihmës të shpërndajnë ushqime dhe ilaçe për popullsinë në Gaza, njoftoi ushtria izraelite.

Këto masa vijnë si reagim ndaj rritjes së kritikave ndërkombëtare për operacionet ushtarake të Izraelit në territorin palestinez. Që nga përfundimi i armëpushimit në mars, vetëm një sasi e kufizuar ndihmash ka arritur në zonë.

OBSH-ja  paralajmëroi së fundmi për një krizë urie vdekjeprurëse mes rreth dy milionë banorëve të Gazës.

Izraeli mohon ekzistencën e një rreziku për uri, duke e përshkruar atë si një “fushatë” të grupit islamik Hamas. /Ad.Ab./

The post GAZA – Rreth 100 kamionë me ndihma hyjnë në zonë, ndërsa Izraeli nis një pauzë taktike appeared first on Agjencia Telegrafike Shqiptare.

Izraeli ka thënë se është i përgatitur të krijojë korridore humanitare për të lejuar transportin e ndihmave nëpërmjet konvojeve të OKB-së në Gaza. Në një deklaratë, Forcat Mbrojtëse Izraelite (IDF) thanë se do të lejonin gjithashtu rifillimin e dërgimit të ndihmës humanitare nga ajri në Gaza.

IDF tha se ka “filluar një sërë veprimesh që synojnë përmirësimin e reagimit humanitar në Rripin e Gazës dhe është “e përgatitur të zbatojë pauza humanitare në zonat me popullsi të dendur”.

OKB-ja, grupet e ndihmës dhe disa nga aleatët e Izraelit kanë fajësuar vendin për krizën, duke bërë thirrje për hyrje dhe shpërndarje të pakufizuar të ndihmës në Gaza.

Izraeli ndërpreu të gjitha furnizimet për Gazën që nga fillimi i marsit dhe rifilloi me kufizime të reja në maj.

TIRANË, 25 korrik/ATSH/ Shërbimet e Komisariatit të Policisë Përmet u kanë shkuar në ndihmë dy turisteve franceze, të cilat mbetën në mesnatë, në fshatin Bajkollar, për shkak të një defekti në automjetin me të cilin po eksploronin zonën.

Policia bën me dije se sapo u njoftua rreth orës 00:10, se dy turiste franceze kishin mbetur në territorin e fshatit Bajkollar, për shkak se automjeti i tyre kishte defekt, shërbimet e Komisariatit të Policisë Përmet shkuan në zonë, për t’iu ofruar ndihmë.

Sipas Policisë, turistet u lokalizuan dhe më pas u transportuan në ambientin ku ishin akomoduar në Përmet, ndërsa janë në gjendje të mirë shëndetësore.

Gjithashtu, u transportua automjeti me defekt.

Turistet kanë falënderuar shërbimet e Policisë së Përmetit, për ndihmën e dhënë në kohë rekord.

Policia e Gjirokastrës mbetet e angazhuar maksimalisht në shërbim të qytetarëve dhe të vizitorëve, dhe i fton ata që për çdo rast nevoje për ndihmë, të telefonojnë në numrin pa pagesë 112.

/e.i/j.p/

The post Automjeti pësoi defekt, Policia e Përmetit ndihmon dy turistet franceze appeared first on Agjencia Telegrafike Shqiptare.

GAZA, 19 korrik /ATSH/ – Patriarku Latin i Jerusalemit, kardinali Pierbattista Pizzaballa, së bashku me Patriarkun Ortodoks Grek të Jerusalemit, Theofilos III, vizitoi dje Kishën e Familjes së Shenjtë, e cila u godit nga zjarri i tankeve izraelite në qytetin e Gazës, sipas skytg24.

Kardinali, i cili dërgoi edhe 500 tonë ndihma në Rripin e Gazës për civilët, tha se papa Leone XIV e telefonoi personalisht gjatë vizitës për të shprehur shqetësimin e tij.

Pasi vizituan kishën, udhëheqësit fetarë shkuan në spitalin baptist ”Al-Ahli” për të ngushëlluar pacientët.

Ndërkohë, ushtarët izraelitë vranë të paktën 25 persona pranë një qendre shpërndarjeje për ndihmë humanitare në Rripin e Gazës, sipas burimeve mjekësore palestineze.

”Rreth 70 persona u plagosën nga të shtënat me armë zjarri dhe granatimet e ushtrisë izraelite në zonën Khan Younis në jug të rajonit bregdetar të izoluar”, sipas mjekëve në spitalin lokal.

Ata u transferuan në spital nga zona al-Tina në Khan Younis.

Burimi mjekësor tha se numri i të vdekurve pritet të rritet për shkak të seriozitetit të një numri të madh rastesh./  a.jor.

The post FOKUS – Kardinali Pizzaballa shkon në Gaza me 500 tonë ndihma appeared first on Agjencia Telegrafike Shqiptare.

GAZA, 19 korrik /ATSH-DPA/ – Ushtarët izraelitë vranë të paktën 25 persona pranë një qendre shpërndarjeje për ndihmë humanitare në Rripin e Gazës, sipas burimeve mjekësore palestineze.

”Rreth 70 persona u plagosën nga të shtënat me armë zjarri dhe granatimet e ushtrisë izraelite në zonën Khan Younis në jug të rajonit bregdetar të izoluar”, sipas mjekëve në spitalin lokal.

Ata u transferuan në spital nga zona al-Tina në Khan Younis.

Burimi mjekësor tha se numri i të vdekurve pritet të rritet për shkak të seriozitetit të një numri të madh rastesh.

Ushtria izraelite tha se po hetonte incidentin.

Fondacioni Humanitar i Gazës (GHF) është aktualisht përgjegjës për shpërndarjen e ushqimit në Rripin e Gazës.

I mbështetur nga Izraeli dhe SHBA-të, fondacioni filloi punën e tij në fund të majit pas një bllokade disamujore izraelite të shpërndarjes së ndihmave.

Por OKB-ja ka kritikuar faktin se fondacioni operon shumë pak qendra shpërndarjeje dhe se njerëzit atje dhe në rrugën e tyre drejt tyre janë të ekspozuar ndaj rrezikut ekstrem.

”Qindra njerëz janë vrarë pranë qendrave të shpërndarjes dhe rreth konvojeve të ndihmave që nga fundi i majit”, sipas OKB-së./  a.jor.

The post GAZA – 25 të vrarë pranë një pike të mbledhjes së ndihmave appeared first on Agjencia Telegrafike Shqiptare.

Bashkimi Evropian ka arritur të enjten marrëveshje me Izraelin për të rritur qasjen e Gazës në ndihma, çka nënkupton se më shumë kamionë mund të hyjnë atje si dhe të hapen pika tjera kalimi, ka thënë kryediplomatja e bllokut evropian, Kaja Kallas. “Sot, ne kemi arritur marrëveshje me Izraelin për të zgjeruar qasjen në ndihmë […]

The post BE: Izraeli është pajtuar për më shumë ndihma në Gaza appeared first on BoldNews.al.

TEL AVIV, 6 korrik /ATSH-DPA/ – Kabineti i Sigurisë izraelite ka miratuar një plan për të lejuar organizatat ndërkombëtare të shpërndajnë më shumë ndihma në Rripin verior të Gazës, njoftoi sot gazeta “Times of Israel”, duke cituar një zyrtar.

Një zëdhënës i qeverisë nuk pranoi të komentojë mbi raportin.

Ministri i Financave i ekstremit të djathtë, Bezalel Smotrich, postoi në platformën X se kabineti kishte marrë një vendim të gabuar.

Kohët e fundit Izraeli ka mbështetur Fondacionin Humanitar të Gazës (GHF) për shpërndarjen e ndihmave, duke akuzuar organizatën militante palestineze Hamas se po e devijon ndihmën për qëllimet e veta. Shtetet e Bashkuara  të Amerikës kanë mbështetur gjithashtu sistemin e ri, por OKB-ja e ka kritikuar vendimin.

Në të kaluarën dëshmitarë okularë kanë raportuar se Hamasi ka sekuestruar ndihma të destinuar për popullsinë e përgjithshme.

Raportet izraelite u shprehën mse kishte pasur  debate të nxehta në takimin e kabinetit për Sigurinë.

Smotrich akuzoi Shefin e Shtabit Eyal Zamir se nuk po e përmbushte misionin e tij.

Smotrich përsëriti akuzat e tij në X në lidhje me atë se gjenerali nuk po siguronte që ndihma që hynte në Rripin e Gazës të mos binte në duart e Hamasit.

Smotrich kritikoi gjithashtu kryeministrin izraelit Benjamin Netanyahu për dështimin në zbatimin e vendimeve të kabinetit në Rripin e Gazës.

Netanyahu varet nga partitë e ekstremit të djathtë dhe fetare për shumicën në Knesset./ /Ad.Ab./

The post FOKUS – Izraeli lejon shpërndarjen e ndihmave në Gaza appeared first on Agjencia Telegrafike Shqiptare.

Të paktën 35 palestinezë humbën jetën të premten, 4 korrik, në Rripin e Gazës si pasojë e sulmeve ajrore izraelite dhe të shtënave pranë zonave të shpërndarjes së ndihmave, kanë raportuar burime spitalore lokale. Sipas morgut të spitalit Nasser, 15 persona, mes tyre tetë gra dhe një fëmijë , u vranë në sulme ajrore të […]

The post Mbi 35 të vrarë ditën e sotme nga sulmet izraelite pranë pikave të ndihmave në Gaza appeared first on BoldNews.al.

GJENEVË, 4 korrik /ATSH-DPA/ – Të paktën 613 persona janë vrarë në Rripin e Gazës që nga fundi i majit në vendet e shpërndarjes humanitare dhe pranë autokolonave, sipas shifrave të Kombeve të Bashkuara.

”Nga këto, 509 vrasje u regjistruan në ose pranë stacioneve të diskutueshme të shpërndarjes të drejtuara nga Fondacioni Humanitar i Gazës (GHF)”, theksoi zëdhënësja e të drejtave të njeriut të OKB-së, Ravina Shamdasani.

Fondacioni filloi punën e tij në Rripin e Gazës në fund të majit, pas një bllokade izraelite të shpërndarjes së ndihmës që zgjati gati tre muaj.

GHF nuk bashkëpunon me organizatat e ndihmës së OKB-së, të cilat e kritikojnë atë për operimin e shumë pak qendrave të shpërndarjes dhe ekspozimin e njerëzve në nevojë për ndihmë ndaj rrezikut ekstrem.

Sipas burimeve palestineze, ushtria izraelite është përgjegjëse për incidentet fatale që lidhen me shpërndarjen e ndihmës humanitare.

Rik Peeperkorn, përfaqësuesi i Organizatës Botërore të Shëndetësisë (OBSH) në territoret palestineze, konfirmoi se shumica e vrasjeve dhe lëndimeve ishin të lidhura me qendrat e GHF.

”Incidentet u raportuan drejtpërdrejt në OBSH nga personeli mjekësor dhe të afërmit dhe miqtë e viktimave”, tha ai./  /os/

The post GJENEVË – OKB: 613 banorë të Gazës të vrarë në qendrat e shpërndarjes së ndihmave që nga fundi i majit appeared first on Agjencia Telegrafike Shqiptare.

Vendimi i presidentit Amerikan Donald Trump dhe administratës së tij për të shkurtuar ndihmën humanitare që Shtetet e Bashkuara kanë dhënë në mbarë globin mund të sjellë 14 milionë humbje jetë deri në vitin 2030 sipas asaj që thotë studimi I publikuar nga revista mjekësore britanike The Lancet. Një e treta e këtyre vdekjeve të parandalueshme pritet të jenë fëmijë nën moshën pesë vjeç.

Në muajin mars, Sekretari amerikan i Shtetit, Marco Rubio, deklaroi se administrata Trump kishte anuluar më shumë se 80% të të gjitha programeve të Agjencisë Amerikane për Zhvillim Ndërkombëtar USAID – një agjenci që ka luajtur rol kyç në ofrimin e ndihmës shëndetësore dhe humanitare në mbi 60 shtete.

Sipas Davide Rasella, bashkautor i raportit nga Instituti i Barcelonës për Shëndetin Global, shkurtesat përbëjnë një tronditje të krahasueshme me një pandemi globale ose një konflikt të madh të armatosur për vendet me të ardhura të ulëta dhe të mesme. “Rrezikojmë të ndalojmë papritur – dhe madje të kthejmë pas – dy dekada përparim në fushën e shëndetësisë për popullatat më të prekshme,” tha ai në një deklaratë.

Bazuar në të dhëna nga 133 vende midis viteve 2001 dhe 2021, studiuesit vlerësojnë se financimi i USAID ka ndihmuar në parandalimin e 91 milionë vdekjeve në vendet në zhvillim. Por me shkurtesën drastike prej 83% të financimit – shifër e konfirmuar nga vetë qeveria amerikane – modeli projekton mbi 14 milionë vdekje të shmangshme deri në fund të dekadës, përfshirë 4.5 milionë fëmijë nën moshën pesë vjeç.

Administrata Trump, e cila më parë ishte udhëhequr nga nisma për shkurtime të miliarderit Elon Musk, ka synuar të zvogëlojë aparatin federal dhe ka kritikuar USAID për mbështetjen e projekteve “me prirje liberale”.

Pavarësisht se Rubio theksoi se rreth 1,000 programe të mbetura do të “menaxhohen më efektivisht” përmes Departamentit të Shtetit dhe në konsultim me Kongresin, realiteti në terren është alarmues. Një zyrtar i Kombeve të Bashkuara i tha BBC muajin e kaluar se qindra mijëra njerëz po vuajnë nga uria në kampet e refugjatëve në Kenia, pasi shkurtimet amerikane kanë ulur ndihmat ushqimore në nivelet më të ulëta ndonjëherë. Me SHBA-në që ka qenë për dekada donatori më i madh humanitar në botë, pasojat e këtij ndryshimi drastik në lidhje me politikat humanitare kanë gjasa të ndihen për shumë vite në vendet më të varfra të globit.

GJENEVË, 28 qershor /ATSH-AA/ – Përfaqësuesi i Organizatës Botërore të Shëndetësisë (OBSH) për Palestinën, Rik Peeperkorn tha se midis 27 majit dhe 22 qershorit rreth 500 njerëz janë vrarë teksa përpiqeshin të merrnin ushqim pranë pikave të shpërndarjes së ndihmës së Fondacionit Humanitar të Ndihmës për Gazën, i mbështetur nga Izraeli dhe SHBA-ja.

Peeperkorn dhe koordinatori i Ekipit Mjekësor të Emergjencave të OBSH-së në Gaza, Luca Pigozzi, bënë vlerësimet e tyre duke marrë pjesë përmes internet në konferencën javore për media të Zyrës së OKB-së në Gjenevë.

Peeperkorn kritikoi planin e shpërndarjes së ndihmës humanitare të kryer nga Fondacioni Humanitar i Ndihmës për Gazën, i mbështetur nga Izraeli dhe SHBA-ja në Gaza.

“Rreth 500 njerëz janë vrarë midis 27 majit dhe 22 qershorit, ndërsa përpiqeshin të merrnin ushqim pranë pikave të shpërndarjes”, theksoi ai.

Duke vënë në dukje se OKB-ja dhe partnerët e saj kanë sistem për shpërndarjen e ndihmës dhe se ky sistem ka qenë i suksesshëm në të kaluarën, Peeperkorn bëri thirrje për vazhdimin e sistemit dhe që ndihma humanitare të arrijë në Gaza pa asnjë pengesë.

“Njerëzit po vdesin urie, njerëzit janë të sëmurë, në Gaza çdo ditë po vdesin njerëz. Ata janë vrarë në rrugë duke u përpjekur të merrnin ndihmë mjekësore, u vranë në spitale. Tani, ata po vriten edhe në rrugë duke u përpjekur të marrin ushqim që pothuajse nuk ofrohet kurrë”, tha Peeperkorn.

Pigozzi rikujtoi se pothuajse 50 për qind e stokut mjekësor në Rripin e Gazës është konsumuar plotësisht dhe se nëntë kamionët me ndihmë që OBSH-ja ka dërguar në Rripin e Gazës në dy ditët e fundit janë “vetëm një pikë uji në oqean”.

Ai theksoi se 44 për qind e kërkesave për ndihmë që ata ishin përpjekur të dërgonin midis marsit dhe qershorit ishin refuzuar.

“Kjo është vërtet shqetësuese. Njerëzit që u përpoqën të arrinin në pikat e shpërndarjes së ndihmës të ngritura nga Fondacioni i Ndihmës Humanitare në Gaza janë qëlluar me armë”, shtoi Pigozzi./  a.jor.

The post GJENEVË – OBSH: 500 të vrarë në pikat e shpërndarjes së ndihmës në Gaza appeared first on Agjencia Telegrafike Shqiptare.

Shtetet e Bashkuara njoftojnë se kanë miratuar 30 milionë dollarë financim të drejtpërdrejtë për grupin kontrovers të mbështetur nga Izraeli që ofron ndihma në Gaza, pavarësisht shqetësimit në rritje për një seri sulmesh vdekjeprurëse ndaj kërkuesve palestinezë të ndihmës pranë qendrave të shpërndarjes në territorin e rrethuar.

“U bëjmë thirrje vendeve të tjera që të mbështesin gjithashtu GHF-në, Fondacionin Humanitar të Gazës dhe punën e saj kritike”, u tha gazetarëve të enjten zëdhënësi i Departamentit të Shtetit, Tommy Pigott.

GHF, e mbështetur nga SHBA-të dhe Izraeli, ka qenë një burim kritikash të gjera që nga themelimi i saj në maj. Organizata u krijua mes presionit në rritje ndaj Izraelit për të lehtësuar bllokadën totale disamujore ndaj ndihmës humanitare që hynte në Rrip. Bllokada e kishte çuar pjesën më të madhe të popullsisë së Gazës në prag të urisë.

Grupet ndërkombëtare të ndihmës dhe Kombet e Bashkuara kanë refuzuar të bashkëpunojnë me GHF-në, duke thënë se ajo shkel parimet themelore humanitare duke koordinuar shpërndarjen me trupat izraelite të mbështetura nga personel sigurie amerikan i punësuar privatisht dhe i armatosur.

Janë publikuar videoklipe që tregojnë palestinezët duke u qëlluar ndërsa përpiqeshin të mblidhnin ndihma ushqimore.

Të paktën 549 palestinezë janë vrarë ndërsa prisnin për ndihmë ushqimore të shpërndarë në vendet e GHF-së, tha të enjten Zyra e Medias e Qeverisë së Gazës. GHF, e cila zyrtarisht është një grup privat, ka mohuar se kanë ndodhur incidente vdekjeprurëse në afërsi të pikave të saj të ndihmës.

Drejtori ekzekutiv i përkohshëm i GHF-së, John Acree, e mirëpriti kontributin e SHBA-së dhe tha se ishte “koha për unitet dhe bashkëpunim”.

“Ne mezi presim që organizata të tjera ndihme dhe humanitare të na bashkohen, në mënyrë që të ushqejmë edhe më shumë banorë të Gazës, së bashku”, tha ai në një deklaratë.

I pyetur në lidhje me kritikat ndaj operacionit, Pigott tha se grupi ka shpërndarë 46 milionë vakte deri më tani, gjë që është “absolutisht e pabesueshme” dhe “duhet të duartrokitet”.

Mbështetja financiare për GHF është pjesë e “ndjekjes së paqes në rajon” të Presidentit Donald Trump dhe Sekretarit të Shtetit Marco Rubio, tha ai.

LEXONI GJITHASHTU:

• Gjykata refuzon të shtyjë gjykimin kundër Netanyahut
• “A të kanë ardhur letra anonime”? – Ish-prokurori debate me të pandehurit në GJKKO

The post SHBA miraton 30 mln $ për grupin e ndihmës për Gazën, që mbështetet nga Izraeli appeared first on Euronews Albania.