Në podcastin “Shëndeti në rend të parë”, i mbështetur nga United Hospital, psikologu klinik Visar Sadiku ka ndarë mendimet dhe përvojën e tij rreth sjelljeve të fëmijëve dhe rëndësisë së përdorimit të fjalëve magjike në edukimin e tyre.

Gjatë bisedës, ai ka trajtuar një prej problemeve më të shpeshta që hasen në sjelljet sociale të fëmijëve: mungesa e përshëndetjes, komunikimit dhe përdorimit të shprehjeve bazike si “të lutem”, “faleminderit” dhe “më fal”.

“Tani ne shohim që në takime me njerëz shpeshherë ka ankesa që fëmija nuk të përshëndet, nuk të përfill fare”, theksoi Sadiku.

Ai shtoi se, ndonëse kjo mund të duket si sjellje e paedukatë apo mungesë respekti, problemi nuk qëndron te fëmija, por te mënyra e prindërimit: “Ky është problemi i prindit”.

Lexo po ashtu Çka është ADHD? Psikologu Visar Sadiku tregon simptomat që paraqiten te fëmijët

Sadiku argumenton se shumë prindër krijojnë një hapësirë personale për fëmijët e tyre, duke i izoluar nga mjedisi social dhe duke i vendosur rregulla të rrepta vetëm sipas këndvështrimit të tyre.

Kjo sjellje, sipas tij, ndikon në formimin e një qëndrimi të keq-përshtatur social, që nuk është çrregullim, por rezultat i mungesës së punës së vazhdueshme edukative me fëmijën.

“Në gjuhën tonë popullore ka një shprehje shumë të bukur që thotë: ‘Shtëpia nuk ndërtohet nga çatia’. Edukimi i një fëmije fillon hap pas hapi”, u shpreh ai, duke theksuar se edukimi nuk mund të fillojë kur fëmija është tashmë 12 vjeç dhe nuk di si të sillet në një mjedis social.

Një tjetër pikë që Sadiku e thekson me shqetësim është mungesa e përdorimit të fjalës “më fal” në kulturën tonë familjare dhe sociale.

Ai thekson se, edhe pse shpesh jemi të vetëdijshëm për gabimet tona dhe e kuptojmë se mund të kemi lënduar dikë, shumë rrallë e themi me zë këtë fjalë.

“E nënkuptojmë që po na vjen keq, por nuk e themi më fal. Dhe kjo ka të bëjë me stilin e prindërimit që e ka rritur fëmijën”, u shpreh ai.

“Prindi është modeli primar. Fëmijët do të aplikojnë sjelljet e prindit sepse ndaj tyre janë të ekspozuar më së shumti”, ka thënë ndër të tjera Sadiku. /Telegrafi/

Për më shumë shikoni podcastin e plotë në Youtube: 

The post “Fjalët magjike nisin në shtëpi”, Visar Sadiku flet për edukimin e fëmijëve dhe rolin e prindit appeared first on Telegrafi.

Kosova gjendet në një situatë tejet të ndërlikuar, në një bllokadë institucionale, ku edhe pas 54 seancave nuk u arrit konstituimi i Kuvendit të Kosovës.  

Ky bllokim politik ka detyruar Gjykatën Kushtetuese të ndërhyjë me një masë të përkohshme, për të vlerësuar kushtetutshmërinë e procesit dhe për të ofruar zgjidhje për dalje nga kriza.

Albert Krasniqi

Në lidhje me këtë, Albert Krasniqi nga organizata Demokracia Plus, në një prononcim për Telegrafin, theksoi se Gjykata Kushtetuese ka para vetes një mundësi historike, të korrigjoj gabimet që ka bërë përbërja e kësaj Gjykate në aktgjykimin e vitit 2014 lidhur me interpretimin e grupit parlamentar.

Sipas tij, në këtë drejtim, për të pamundësuar bllokadat prej subjektit politik që del i pari në zgjedhje dhe për t’i hapur rrugë konstituimit të Kuvendit, duhet t’i përgjigjet disa pyetjeve thelbësore.

“Se a ka abuzuar Avni Dehari me detyrën e tij si kryesues i seancës konstituive dhe cilat është procedura e zëvendësimit të kryesueseve që abuzojnë? A ka abuzuar VV me të drejtën për propozim të kandidatit për kryetar të Kuvendit përmes bllokadave të qëllimshme që ka vendosur, dhe a humbet kjo e drejtë nëse me të abuzohet dhe nuk ushtrohet?. Nëse po, kush e pason ushtrimin e kësaj të drejte?”.

Krasniqi po ashtu tha se gjykata duhet të sqaroj pasojat e tejkalimit të afatit prej 30 ditësh që ka vendosur për konstituim të Kuvendit.

“Por, që në asnjë rrethanë, kjo nuk duhet të jetë marrja e mandatit të deputetëve aktual apo shpërndarje të Kuvendit për të shkuar në zgjedhje të jashtëzakonshme, pa u dhënë mundësia për të provuar nëse brenda legjislaturës aktual ekziston një shumicë parlamentare”, tha ai.

Në të njëjtën linjë, edhe Eugen Cakolli nga Instituti Demokratik i Kosovës (KDI) ka vlerësuar se vendi ndodhet në një terren të pashkelur kushtetues.

Ai theksoi se mungesa e pasojave të qarta juridike nga ana e Gjykatës në të kaluarën ka krijuar një kulturë të papërgjegjshmërisë politike.

“Është tejkaluar një afat kushtetues, që në vlerësimin tim është cenimi më serioz i rendit kushtetues që mund t’i bëhet procesit të formimit të institucioneve”.

Sipas Cakollit, shtyrja e afatit përtej kushtetutës, apo justifikimi i tij përmes sjelljeve jokushtetuese, rrezikon të kthehet në precedent të rrezikshëm, ku bllokadat politike bëhen mjet legjitim për të penguar funksionimin e shtetit.

Të dy ekspertët bien dakord se Gjykata Kushtetuese është në pozitën që të ndërtojë një precedent të ri kushtetues dhe të vendosë një standard të qartë që ndalon abuzimin me vakuumet ligjore.

Cakolli theksoi se “Gjykata nuk ka nevojë ta shpërndajë Kuvendin, sepse ai nuk është konstituuar. Mjafton të konstatojë jo kushtetutshmëri të mandatit aktual dhe t’i hapë rrugë Presidentes që të shpallë zgjedhje të reja”.

Sipas tij, Gjykata duhet të jetë garant i funksionimit të institucioneve dhe të përforcojë parimin e sigurisë juridike, duke përjashtuar mundësinë e rikthimit të deputetëve të legjislaturës së kaluar, si dhe të vendosë kufizime të qarta për sjellje politike që cenojnë rendin demokratik.

Ndryshe, moskonstituimi i Kuvendit të Kosovës pas zgjedhjeve të vitit 2025 ka nxjerrë në pah një krizë serioze politike dhe institucionale.

Kosova ka mbajtur zgjedhjet parlamentare më 9 shkurt dhe ende nuk ka Kuvend të konsoliduar të dalë nga zgjedhjet e shkurtit.

Pas betimit të deputetëve, procesi ka ngelur në votimin e kryetarit të Kuvendit të Kosovës.

Lëvizja Vetëvendosje, si partia me përqindjen më të lartë të votave që ka marr ka propozuar Albulena Haxhiun për kryetare të Kuvendit dhe nuk po heqë dorë nga ky emër.

Partitë tjera, PDK, LDK, AAK kanë deklaruar se emri i Haxhiut është i papranueshëm për kryetare të Kuvendit pasi nuk është unifikues.

PDK dhe AAK kanë kërkuar që LVV të ndërrojë kandidatin dhe ta vë një emër të pranueshëm, ndërkaq nga LDK kanë deklaruar se nuk do të votojnë për asnjë kandidat të LDK-së.

Pas mospajtimeve, kryesuesi Avni Dehari ka vënë në votim formimin e një Komisioni Zgjedhor që do të mundësonte votim të fshehtë për kryetarin e Kuvendit, por që në mungesë të kuorumit nuk ka kaluar. /Telegrafi/

The post “Terren i pashkelur kushtetues”, analistët: Gjykata Kushtetuese në kërkim të zgjidhjes për ngërçin politik appeared first on Telegrafi.

Një person ka raportuar se persona të maskuar kanë depërtuar me forcë brenda një poligoni të shenjëtarisë dhe nga aty kanë arritur të marrin rreth 30 armë zjarri të vogla të kalibrave të ndryshëm.

Sipas raportit 24 orësh të Policisë së Kosovës bëhet e ditur se ngjarja ka ndodhur të enjten rreth orës 01:29, në Drenas.

“Ankuesi mashkull kosovar ka raportuar se persona të dyshuar të maskuar kanë depërtuar me forcë brenda poligonit të shenjëtarisë dhe nga aty kanë arritur të marrin rreth 30 armë zjarri të vogla të kalibrave të ndryshëm në vlerë të konsiderueshme. Rasti po hetohet nga ekipet relevante”, thuhet në raport.

Tutje bëhet e ditur se rasti po hetohet. /Telegrafi/

The post Vidhen 30 armë zjarri brenda një poligoni të shenjëtarisë në Drenas, rasti po hetohet appeared first on Telegrafi.

Dy persona janë arrestuar pasi dyshohet se kanë grabitur një shtetas të huaj e më pas kërcënuar e rrahur brenda një veture në Prishtinë.

Sipas raportit të Policisë së Kosovës bëhet e ditur se të dyshuarve iu është sekuestruar një armë zjarri – pistoletë e kalibrit 9 mm, pa karikatorë dhe fishekë e cila dyshohet se është përdorë në rast.

Lexo po ashtu Grabitet një shtetas i huaj në Prishtinë, rrahet e kërcënohet brenda një veture - rasti po hetohet

“Pas hetimeve intensive lidhur me rastin, më datën 31.07.2025 është arritur të lokalizohen dhe arrestohen dy të dyshuar meshkuj kosovarë, ku nga të njëjtit është sekuestruar edhe një armë zjarri -pistoletë e kalibrit 9 mm, pa karikatorë dhe fishekë e cila dyshohet se është përdorur në rast, po ashtu tek të dyshuarit është gjetur edhe portofoli me dokumente personale të ankuesit”, thuhet në raport.

Tutje bëhet e ditur se lidhur me rastin në kërkim policor janë edhe dy të dyshuar meshkuj kosovarë. Me vendim të prokurorit pas intervistimit dy të dyshuarit dërgohen në mbajtje. /Telegrafin/

The post “Pasi e grabitën, e rrahën dhe e kërcënuan brenda një veture”, arrestohen dy të dyshuar në Prishtinë – dy të tjerë në kërkim appeared first on Telegrafi.

Një operacion i gjerë antidashtri, i koduar “Pandora”, ka çuar në goditjen e një skeme të sofistikuar kriminale që vepronte përmes call center-ave të rremë në Tiranë, duke mashtruar qytetarë gjermanë me miliona euro.

Hetimet kanë zbuluar një grup të strukturuar kriminal mshtronin persona që kishin humbur investimet në platformat Forex.

Në një deklaratë për mediat, prokurori i SPAK, Ened Nakuçi, tha: “Nën drejtimin e SPAK, në bashkëpunim me Drejtorinë e Krimit Kibernetik, Policinë e Shtetit, BKH-në dhe Policinë Gjermane, janë ekzekutuar masat e sigurisë për autorët e dyshuar të krimit kompjuterik në call center-a në Shqipëri, në kuadër të një procedimi penal ndërkombëtar”.

Sipas tij, hetimet nisën në dhjetor të vitit 2023 nga autoritetet gjermane, të cilat regjistruan një procedim penal pas indicieve për veprimtari të paligjshme që kishte lidhje me Shqipërinë.

“Grupi kriminal vepronte përmes call center-ave në Tiranë, duke u paraqitur si oficerë policie të rremë. Ata telefononin qytetarë gjermanë që kishin humbur investimet në Forex dhe i bindnin se mund t’i rimerrnin paratë e humbura, kundrejt pagesave të mëtejshme apo dhënies së të dhënave personale.”-u shpreh Nakuçi.

Provat e mbledhura pas kontrollit në një prej call center-ave në Tiranë kanë qenë vendimtare për zbardhjen e skemës. Sipas prokurorit, hetimet treguan qartë strukturimin dhe organizimin e grupit në funksione të ndara dhe me role të përcaktuara, tipike për një organizatë kriminale.

“Gjykata ka vendosur masat e sigurisë ‘arrest me burg’ për 5 shtetas dhe ‘arrest në shtëpi’ për 3 të tjerë. Kjo është një goditje e rëndësishme ndaj mashtrimeve ndërkombëtare që kryhen përmes teknologjisë dhe që cenojnë sigurinë dhe besimin e qytetarëve evropianë”, theksoi Nakuçi. /euronews/

The post SPAK godet rrjetin e Call Center-ave, miliona euro nga aktiviteti kriminal appeared first on Telegrafi.

Një person në kërkim është arrestuar me urdhëresë gjykate, i dënuar me pesë vite burgim në Fushë Kosovë.

Sipas një postimi në rrjetin social në Facebook bëhet e ditur se policia e rajonit të Prishtinës po vazhdon ndërmarrjen e  veprimeve policore me qëllim kapjen e personave të dyshuar dhe atyre të dënuar si  autor të veprave penale.

“Në kontekstin e kësaj në një operacion të befasishëm që policia e Fushë Kosovës ndërmori sot, arriti të arrestoj personin e kërkuar;  Sh. Sh, mashkull, 45 vjeç, shtetas i Republikës së Kosovës, i dënuar me pesë vite burgim për veprën penale ‘Dhunimi’ “, thuhet në postim.

Tutje bëhet e ditur se i njëjti pas arrestimit nga ana e policisë është dërguar në vuajtje të dënimit. /Telegrafi/

The post Arrestohet një 45 vjeçar i dënuar me 5 vjet burg në Fushë Kosovë appeared first on Telegrafi.

Veterani i Ushtrisë Çlirimtare të Kosovës, Agim Pllashniku, ka dorëzuar një kallëzim penal në Prokurorinë Themelore të Prishtinës ndaj deputetes së Lëvizjes Vetëvendosje, Fitore Pacolli.

Sipas Pllashnikut, Pacolli ka bërë deklarata të pavërteta dhe fyese ndaj tij, familjes dhe vajzës së tij.

Lexo po ashtu Arrestohet qytetari i cili dyshohet se e ngacmoi Fitoren Pacollin , e quajti "hajdute me dokumente"

Ai thotë se deputetja e ka quajtur vajzën e tij “kriminele” për shkak të paraqitjeve të saj në media.

“Pacolli ka gabuar rëndë. Më ka akuzuar mua, familjen time dhe mediat pse vajza ime po shfaqet në intervista. Ajo po thotë: ‘Pse po e thirrni një vajzë kriminele?’ Dua t’i them Fitores se unë nuk jam kriminel, jam çlirimtar. Unë me shokët e mi ia kam sjellë lirinë këtij vendi. Ajo është hajdute, ka vjedhur”, deklaroi Pllashniku. /Telegrafi/

The post Veterani i luftës dorëzon kallëzim penal ndaj deputetes Fitore Pacolli appeared first on Telegrafi.

Një shenjë që ndalon kërcimin prej urës, apo edhe disa rrethoja më të larta, do të duhej të vendoseshin në urën e Liqenit të Ujmanit, thotë eksperti i komunikacionit, Bekim Ahmeti.

Çështja e sigurisë në vende të tilla u tematizua edhe më shumë pas një ngjarjeje tragjike që ndodhi të dielën, më 27 korrik.

Një 33-vjeçar u raportua se kërceu nga ura dhe u mbyt në Liqenin e Ujmanit.

Trupi i tij u gjet vetëm tri ditë më vonë nga ekipet e specializuara të kërkim-shpëtimit të Forcës së Sigurisë së Kosovës.

“Përderisa aksidenti nuk ka ndodhur si rezultat i përplasjes në komunikacion ose diçka të ngjashme, krejt çfarë mund të jetë është një shenjë komunikacioni që ndalohet kërcimi prej urës dhe ajo nuk është ekskluzivisht shenjë e komunikacionit, por është një prej shenjave që ne i propozojmë – që nuk lejohet kërcimi prej rrugës. Mundet gilinderat [rrethojat] të ngriten më lartë që qytetarët të mos mund ta përdorin mundësinë e kërcimit… ajo është nën juridiksionin e Ministrisë së Infrastrukturës. Ajo rrugë duhet të jetë në juridiksionin e tyre dhe nëse ata nuk kanë shenjë të komunikacionit, e adaptojnë një”, thotë Ahmeti në një përgjigje për KosovaPress.

Lexo po ashtu Instituti i Kosovës për Drejtësi kërkon llogaridhënie për vdekjen tragjike në Liqenin e Ujmanit

Zëvendësdrejtori i Policisë për rajonin e veriut, Veton Elshani thotë se, pas rastit tragjik të 33-vjeçarit, kanë diskutuar me Ndërmarrjen Hidroekonomike “Ibër-Lepenc” për vendosjen e shenjave.

“Jo, s’ka pasur [shenja paralajmëruese]….Kemi biseduar [me Ibër Lepencin] pasi ka ndodhur rasti, u kemi thënë se kush është përgjegjës për vendosjen e shenjave aty dhe besoj që Ibër Lepenci e merr sepse ata janë përgjegjës për liqen e për këto, ata do të punojnë për vendosjen e shenjave ku do që ka nevojë të përcaktojë vendin, zonën e ndalimit ku nuk duhet të lahen”, thotë ai.

Por, kryeshefi i ndërmarrjes “Ibër-Lepenc”, Faruk Mujka ka thënë se nuk është kompetencë e ndërmarrjes që të vendosë për shenjat në rrugë, ndërsa pohon se duhet të ketë koordinim në mes të institucioneve.

“Nuk ka pasur shenja. Ato normalisht duhet të koordinohen, unë nuk vendosi shenja. Duhet me u thirr në ndonjë ligj që të vendosen shenja. Sa i përket infrastrukturës, sa i përket Ibër Lepencit në digë, në kanal edhe në central shenjat janë. Tash unë nuk mund të vendosi shenja nëpër ura, nëpër krejt autostradën që kalon ka liqeni… Unë nuk mund t’i vendosi vet këto gjëra, normalisht që duhet të kemi koordinim jo vetëm me Ministrinë e Punëve të Brendshme, sepse këtu ngërthehen shumë gjëra. Është Ministria e Mjedisit dhe Planifikimit Hapësinor, është liqeni. Ende statusi i liqenit nuk është i definuar a është uji për pije, sepse uji i liqenit të Ujmanit përdoret për pije. I ka disa kufizime të caktuara, është pak një operacion që kërkon ndërthurje të shumë ministrive”, thotë ai.

Në anën tjetër, Departamenti i Menaxhimit të Rrugëve në kuadër të Ministrisë së Infrastrukturës nuk është përgjigjur lidhur me këtë çështje, deri në publikimin e këtij artikulli.

“Nuk kam informacion, [nëse ka pasur shenja paralajmëruese] është pjesë e rrugëve, me siguri ka pasur por dërgo pyetje tek departamenti mandej ju përgjigjen më saktësisht…”, deklaron Durmishi.

Ndryshe, liqeni i Ujmanit ndodhet në Zubin Potok, e cila është një nga katër komunat veriore të Kosovës, të banuara me shumicë serbe.

Dje, gjatë kohës sa po zhvillohej operacioni i kërkim-shpëtimit, kryetari i kësaj komune, Izmir Zeqiri tha se terreni është i vështirë dhe se thellësia është e madhe.

“Terreni është bukur i vështirë në 30 deri në 40 e më shumë metra thellësi, 60 është këtu por mund të jetë edhe më tepër. Ka mbeturina të ndryshme që në thellësi është vështirë që operimi duhet teknikisht të jetë i pajisur”, ka deklaruar Zeqiri.

KosovaPress ka pyetur Policinë e Kosovës lidhur me numrin e rasteve tragjike nëpër liqe, por nuk ka marrë përgjigje deri në publikimin e këtij artikulli. /KP/

The post A do të vendosen shenja ndalimi për kërcim nga ura e Ujmanit? appeared first on Telegrafi.

Shërbimi Korrektues i Kosovës ka ndërmarrë një aksion të suksesshëm parandalues kundër një tentative për futje të kontrabandës në zonën sterile të Qendrës Korrektuese në Dubravë.

Sipas një postimi në rrjetin social në Facebook bëhet e ditur se pas pranimit të informacioneve proaktive dhe organizimit operativ në bashkëpunim me Njësinë e Inteligjencës së Shërbimit Korrektues të Kosovës, në koordinim dhe nen organizimin e Departamentit për Siguri të Qendrës Korrektuese të Dubravës, është realizuar një bastisje e menjëhershme.

Tutje në postim thuhet se gjatë kontrollit janë zbuluar pesë qese të zeza, të mbështjella dhe të izoluara me izolir të tejdukshëm.

“Qeset janë lokalizuar dhe brenda tyre janë gjetur:  lëndë e dyshuar narkotike e ndarë në disa njësi, me peshë të përgjithshme prej 98 gramësh (me mbështjellës); pesë telefona të markës Samsung, prej të cilëve njëri kishte SIM kartelë të vendosur të operatorit IPKO, si dhe dy SIM kartela të papërdorura të të njëjtit operator”, thuhet në postim.

Po ashtu siç bëhet e ditur në postim ky operacion është rezultat i bashkëpunimit të ngushtë ndërmjet Njësisë së Inteligjencës, Departamentit të Sigurisë së QK Dubravë dhe zyrtarëve përgjegjës të sigurisë, dëshmon angazhimin e vazhdueshëm të Shërbimit Korrektues të Kosovës për të parandaluar çdo përpjekje për futjen e kontrabandës dhe për të siguruar një mjedis të sigurt dhe të kontrolluar brenda institucioneve korrektuese. /Telegrafi/

The post “Lëndë narkotike, pesë telefona me kartelë”, parandalohet futja e kontrabandës në burgun e Dubravës appeared first on Telegrafi.

Deputeti i LDK-së, Avdullah Hoti ka thënë se vendimi i ZRRE-së për dalje në treg të hapur të energjisë për biznese, i cili nesër hyn në fuqi, ka krijuar pasiguri të madhe për furnizim me energji për biznese.

Hoti përmes një postimi në rrjetin social në Facebook ka shkruar se kjo gjendje është e pakuptimtë.

“Do të duhej të mbaheshin konsultime e të bëheshin shumë përgatitje. Vendimi do të duhej të dakordohej me komunitetin e bizneseve. Pasojat do të jenë të mëdha: largim i investitorëve ekzistues vendorë e ndërkombëtarë, mosardhje e investitorëve të rinj, mungesë e investimeve vendore, rritje e kostove të bizneseve vendore, humbje e aftësisë konkurruese të produkteve vendore në tregun e brendshëm dhe të jashtëm, shtrenjtim i kostos së jetesës për qytetarë, rritje e papunësisë”, ka shkruar Hoti.

Lexo po ashtu ZRRE: Nuk mund të shtyhet vendimi për tregun e lirë energjetik

Tutje ai the se si rezultat, brenda një kohe të shkurtër do të vërejmë përkeqësim të bilancit tregtar, pasi produktet e huaja do të vërshojnë tregun e vendit.

“Kjo qasje arbitrare e ZRRE-së, e mbështetur nga Qeveria e mashtrimit, vetëm bizneseve kosovare nuk u shërben. Nuk e di në çfarë agjende janë futur ZRRE-ja dhe Qeveria e mashtrimit, por sigurisht jo në agjendë që është në interes të bizneseve të Kosovës”, ka shkruar ndër të tjera Hoti.

Ndërkaq, të gjitha bizneset në Kosovë me mbi 50 punëtorë, ose qarkullim vjetor mbi 10 milionë euro më 31 korrik që nuk kanë lidhur kontratë me ndonjë furnizues të licencuar të energjisë elektrike, do të mbesin pa rrymë.

Kështu thanë për Telegrafin nga Zyra e Rregullatorit të Energjisë Elektrike.

The post Tregu i lirë energjetik, Hoti: Pasojat do të jenë të mëdha për bizneset appeared first on Telegrafi.

Dy persona janë arrestuar të martën rreth orës 15:00 pasi ishin përleshur në mes vete në fshatin Carrabreg të Deçanit.

Sipas njoftimit të Policisë bëhet e ditur se zyrtarët policorë gjatë trajtimit të rastit dhe marrjes së informatave te njëri nga të dyshuarit kanë gjetur dhe sekuestruar nëntë armë në formë stilolapsi dhe katër fishekë.

“Drejtoria Rajonale e Policisë nё Pejё, Stacioni Policor nё Deçan, me datën 29.07.2025, rreth orёs 15:00, ёshtё njoftuar se nё fashtin Carrabreg-Deçan, ёshtё njё përleshje mes dy personave. Njësitet Policore tё Stacionit Policor nё Deçan, menjëherë kanё dalё ne vendin e ngjarjes, gjatё trajtimit tё rastit dhe marrjes sё informatave, tek i dyshuari janё  gjetur dhe sekuestruar: nёntё armё nё formё stilolapsi dhe katёr fishekë”, thuhet në njoftim.

Tutje në njoftim bëhet e ditur se nё koordinim me prokurorin e Shtetit, ёshtё kryer kontroll/bastisje në shtёpinё e personit tё dyshuar, mirёpo nuk ёshtё gjetur diçka e kundёrligjshme.

“I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё”, thuhet në njoftim. /Telegrafi/

The post Përleshje në Carrabreg, arrestohen dy persona – sekuestrohen nëntë armë stilolapsi dhe fishekë appeared first on Telegrafi.

Dhoma e Tregtisë dhe Industrisë Kosovë, së bashku me Odën Ekonomike Gjermano-Kosovare dhe Odën e Hotelerisë dhe Turizmit të Kosovës kanë mbajtur takim me bizneset, me të cilat është diskutuar sa i përket çështjes së furnizimit me energji elektrike për bizneset që janë dalë në treg të lirë.

Sipas një njoftimi për media bëhet e ditur se kryetari i Bordit të DhTIK-së, Skender Krasniqi, ka përmendur hapat e ndërmarrë deri më tani, me të cilave edhe letrat dërguar Komisionit Evropian, Sekretariatit për Energji në Vjenë dhe Zyrës së BE-së në Kosovë.

Tutje në njoftim bëhet e ditur se Krasniqi ka thënë se përkundër kërkesave të vazhdueshme dhe prezantimit të fakteve për një numër të madh të shkeljeve nga ZRRE, Qeveria e Kosovës nuk ka ndërmarrë asnjë veprim që t’u gjendet bizneseve, të cilat mbushin mbi gjysmën e buxhetit të shtetit.

“Nga ana tjetër, drejtori i OEGJK-së, Besnik Vasolli tha se procesi është përcjellë e po vazhdon të përcillet me paqartësi të shumta, derisa përmendi faktin se bizneset që janë furnizuar gjatë dy muajve të fundit me energji nga KEK-u, nuk kanë marrë faturat e energjisë. Hysen Sogojeva nga OHT, shprehu mbështetjen e vazhdueshme në kundërshtim të veprimeve të dëmshme të ZRRE-së”, thuhet në njoftim.

Në këtë takim konsultativ, sipas njoftimit drejtuesit e bizneseve kanë shprehur shqetësimin për mungesë të informatave, pasigurisë për të ardhmen e tyre dhe veprimeve të KEK-ut, që po i largon orët aktuale të rrymës dhe po i vendos të vetat pa asnjë njoftim.

“Si shoqatat e bizneseve ashtu edhe bizneset, kanë ripërsëritur qëndrimin e tyre se askush nuk është kundër liberalizimit të tregut të lirë të energjisë, por se paqartësitë, mungesa e informatave, tregu i pa përgatitur, vërtetuar edhe nga instancat ndërkombëtare, e bëjnë këtë proces të dyshimtë dhe dëmtues për ekonominë. Me këtë rast i është bërë thirrje edhe njëherë Qeverisë së Kosovës, ZRRE-së dhe KEK-ut që të pezullojnë ndërprerjen e furnizimit me energji elektrike dhe të rishqyrtohet i gjithë procesi i liberalizimit të tregut”, bëhet e ditur ndër të tjera në njoftim. /Telegrafi/

The post Shoqatat dhe bizneset bëjnë thirrje për mos ndërprerje të energjisë dhe shtyrje të liberalizmit appeared first on Telegrafi.

Asociacioni i Gazetarëve të Kosovës dhe Federata Evropiane  e Gazetarëve shprehin shqetësim që nuk ka ndodhur asnjë lëvizje e dukshme rreth nevojës për të shmangur kolapsin financiar të transmetuesit publik, RTK.

Përmes një postimi në rrjetin social në Facebook bëhet e ditur se derisa janë ditët e fundit të korrikut, dhe afati për alokimin e pjesës së dytë të buxhetit po afron, AGK dhe EFJ i bëjnë thirrje urgjente Qeverisë në detyrë të Kosovës që menjëherë të ndërmarrë masa për të alokuar buxhetin që i takon RTK-së.

“Në dështim për ta bërë këtë, vihet në pikëpyetje funksionimi bazik i Transmetuesit Publik, RTK duke përfshirë ofrimin e informacioneve dhe lajmeve për audiencën. AGK dhe EFJ theksojnë përsëri rëndësinë e punës së papenguar të gazetarëve, kameramanëve dhe gjithë punonjësve të RTK-së në interes të publikut”, shkruhet në postim. /Telegrafi/

The post AGK dhe EFJ e përsërisin thirrjen për Qeverinë në detyrë: Ndajeni buxhetin për RTK-në appeared first on Telegrafi.

Pas njoftimit të fundit të Ministrit të Financave, Hekuran Murati, lidhur me përmbylljen e rritjes së pagave për shërbyesit publikë me një shumë prej 110 euro, Sindikata e Punëtorëve të Administratës Tatimore të Kosovës ka reaguar ndaj, siç i quan ajo, “të pavërtetave” të publikuara nga ministri.

Sipas reagimit për media thuhet se ministri ka harruar zyrtarët e tij vartës në të gjitha fazat e këtij procesi.

Pra zyrtarët e Administratës Tatimore të Kosovës të cilët pikërisht ata e mbushin arkën e shtetit, pjesës dërmuese nuk ju është rritur paga as edhe një euro të vetme në mandatin e tyre.

Lexo po ashtu Murati: Nga ky muaj shërbyesit publikë do të marrin pagën me rritje prej 55 euro shtesë

Tutje në reagim thuhet se deklarimet nga qeveritaret se të gjithë shërbyesve publikë u është rritur paga, madje disa herë, nuk është e vërtetë dhe as e saktë.

“Për hirë të informimit të drejtë të publikut, nga kjo rritje përfitojnë vetëm një pjesë e shërbyesve publikë, po ashtu edhe në ATK vetëm një pjesë përfton rritje, prandaj deklarimet e tilla duhet të jenë të vërteta dhe të sakta sepse jo të gjithë përfitojnë rritje të pagave siç thuhet. Që nga hyrja në fuqi e ligjit të ATK-së, Ministri Murati personalisht ka premtuar që do e nënshkruaj rregulloren për sistematizimin e vendeve të punës, por që fatkeqësisht nga muaji Shkurt i vitit 2024 ajo rregullore është pluhurosur në sirtarët e Ministrit”, thuhet në reagim.

Me mosmiratimin e kësaj rregulloreje, siç bëhet e ditur në reagim nuk vlerësohet angazhimit i stafit të ATK-së, përkundër vëllimit të madh të punës, që si rrjedhojë po ndodhin edhe dorëheqje të shumta të stafit të kualifikuar (mbi 850 sa ishin, sot janë nën 700 zyrtarë, përfshirë dhe pensionimet), ky neglizhim i stafit të ATK-së nga ana e ministrit pa asnjë arsye dhe pa kurrfarë kuptimi, ka shfaqur një zhgënjim për punëtoret e ATK-së.

“Ne jemi të gatshëm për të gjitha mediat, që janë të interesuar për vërtetësinë e këtyre fakteve, mund  të japim dëshminë e pagave tona para dhe pas ‘deklarimeve qeveritare për rritjen e pagave’, dhe të dëshmohet se nuk ka rritje siç pretendohet”, thuhet ndër të tjera në reagim. /Telegrafi/

The post Reagon Sindikata e Punëtorëve të Administratës Tatimore të Kosovës pas deklaratës së ministrit Murati appeared first on Telegrafi.

Sekretarja e përgjithshme e PDK-së, Vlora Çitaku, ka reaguar ndaj një postimi të bërë nga Lëvizja Vetëvendosje, në të cilin thuhej se FSK-ja ka shkuar për herë të parë në veri të vendit.

Çitaku përmes një postimi në rrjetin social në Facebook ka shkruar se se mund të abuzohet me vdekjen tragjike të një të riu për propagandë politike.

“A keni fije përgjegjësie? A keni fare ndjeshmërie njerëzore? Si mund të abuzoni me vdekjen tragjike të një të riu për propagandë politike?”, ka shkruar ajo.

Tutje ajo ka thënë se FSK-ja nuk ka shkuar në veri për të luftuar, por për të kërkuar trupin e një djali që humbi jetën tragjikisht.

“Ashtu siç ka vepruar edhe më parë, me dinjitet dhe pa zhurmë. Po aq sa po i retushoni fotografitë për të ndërtuar një narrativë të rreme, po përpiqeni të retushoni edhe historinë”, ka shkruar ndër të tjera në Facebook Çitaku. /Telegrafi/

The post Reagon Çitaku: Po abuzohet me tragjedi për propagandë politike, FSK-ja nuk ka shkuar në veri për të luftuar, por për të kërkuar trupin e një djali appeared first on Telegrafi.

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurve B.K., dhe E.Sh., për shkak të dyshimit të bazuar mirë se të njëjtit në bashkëkryerje kanë kryer veprën penale “Keqpërdorimi i pozitës apo autoritetit zyrtar” dhe kundër D.S., dhe personit juridik “S.C.O” Sh.P.K., për shkak të dyshimit të bazuar mirë se kanë kryer veprën penale “Keqpërdorimi dhe mashtrimi në prokurim publik”.

Sipas aktakuzës thuhet se të dyshuarit duke shfrytëzuar detyrën dhe autoritetin zyrtar me qëllim të përfitimit të çfarëdo dobie për vete apo personin tjetër, me dashje i tejkalojnë kompetencat e tyre të përcaktuara me ligj dhe veprojnë në kundërshtim me Ligjin për prokurimin publik.

“Prej datës 13.07.2022 e deri me datën 12.12.2022 në Suharekë, në bashkëkryerje, duke vepruar në cilësinë e personave zyrtar dhe atë, i pandehuri B.K., – Zyrtar i lartë për Menaxhimin e Projekteve në Komunën e Suharekës, i caktuar si Menaxher i Projektit të prokurimit me titullin e kontratës ‘’ Ndërtimi i rrugëve lokale Lot 8-lot5 Nëntori i dytë, ‘Xhemajl Morina’, Mehmet Bytyqi segment në Reshtan’ si dhe i pandehuri E.Sh., i caktuar si Mbikëqyrës i Drejtpërdrejtë i Menaxherit të kontratës në projektin e njëjtë, duke shfrytëzuar detyrën dhe autoritetin zyrtar me qëllim të përfitimit të çfarëdo dobie për vete apo personin tjetër, me dashje i tejkalojnë kompetencat e tyre të përcaktuara me ligj dhe veprojnë në kundërshtim me Ligjin për prokurimin publik dhe Rregulloren për prokurimin publik, ku nga provat e siguruara rezulton se të hollat në vlerë prej 24.945.32 euro janë paguar për operatorin ekonomik, e që në realitet rrugët nuk janë shtruar ashtu siç ishte paraparë në kontratë. Të pandehurit, përpilojnë raporte fiktive dhe të rrejshme, dhe nënshkruajnë raportin e pranimit teknik duke konstatuar se kinse punimet janë realizuar sipas kontratës, edhe pse ka pasur ndryshime në mes të sasisë së kontraktuar dhe asaj të realizuar duke përfshirë materialin e planifikuar, gjatësinë dhe gjerësinë e rrugëve e pikërisht gjendja reale e vlerës së punimeve të kryera është më e vogël se vlera e punimeve të parapara në këtë kontratë edhe atë në punët paraprake, ku në përgjithësi vlera e punimeve të realizuara është 13,272.66 euro më pak se vlera e paraparë në kontratë, e që në realitet këto punime më vonë realizohen me kontratën e datës 22.11.2022 me titull ‘Ndërtimi i rrugëve lokale Nëntori i dytë, ’Xhemajl Morina’, Mehmet Bytyqi segment, etj në Reshtan – faza e dytë’, e si pasojë Komunës së Suharekës  i kanë shkaktuar dëm material në vlerë prej 13,272.66 euro”, thuhet nw aktakuzw.

Tutje bëhet e ditur se me këto veprime në cilësi të bashkëkryerësve të njëjtit kanë kryer veprën penale “Keqpërdorimi i pozitës apo autoritetit zyrtar” të KPRK-së.

Ndërsa, i pandehuri D.S., si person përgjegjës në personin juridik prej datës 13.07.2022 e deri me datën 12.12.2022 në Suharekë, dhe në fshatin Reshtan, duke vepruar në cilësi të bashkëpronarit dhe si përfaqësues i autorizuar –Drejtor i kompanisë “S.C.O.” Sh.P.K, dhe i pandehuri personi juridik “S.C.O” Sh.P.K., me dashje shkelin procedurat dhe rregullat e prokurimit publik dhe nuk zbatojnë detyrimet që dalin nga kontrata e prokurimit publik, me qëllim të përfitimit për vete, duke i shkaktuar dëm buxhetor Komunës së Suharekës.

I pandehuri D.S., në bashkëveprim me personat zyrtar të Komunës së Suharekës e pikërisht me menaxherin e kontratës B.K., përpilojnë procesverbale, situacione fiktive si dhe raporte fiktive për kryerjen e punëve përmes kompanisë së tij, kështu që i pandehuri D.S., me datë 15.08.2022 lëshon faturën me numër 16 e cila është dorëzuar në Komunën e Suharekës me datën 13.09.2022 në vlerë prej 15,000.00 euro dhe faturën me numër 35 të datës 06.12.2022 të pranuar në Komunën e Suharekës me datën 20.12.2022 në vlerë prej 9,945.32 euro për realizim të punëve, duke vazhduar bashkëpunimin me zyrtarët komunal të lartëcekur përpilojnë raportin e pranimit teknik kinse janë realizuar punimet sipas kontratës, përderisa gjendja në teren ka qenë e parealizuar, e cila vërtetohet nga ekspertiza e fushës së ndërtimtarisë. Me këto veprime i pandehuri ka përfituar dobi pasurore të kundërligjshme duke i shkaktuar dëm material Komunës së Suharekës në vlerë prej 13,272.66 euro.

Me këto veprime të njëjtit, kanë kryer veprën penale “Keqpërdorimi dhe mashtrimi në prokurim publik” të  KPRK-së.

The post Asfalt i paguar, punë e papërfunduar – Prokuroria ngre aktakuzë ndaj dy zyrtarëve në Komunën e Suharekës appeared first on Telegrafi.

Një udhëtim i jashtëzakonshëm me biçikleta prej 1.600 kilometrash nga Zvicra deri në Gjilan përfundoi me një pritje të ngrohtë nga kryetari i Komunës, Alban Hyseni.

Kryetari i Komunës së Gjilanit, Alban Hyseni, bashkë me drejtorin e Arsimit, Shpend Nuhiun dhe atë të Bujqësisë Bajram Isufin, kanë prit Visar, Shkëlqim dhe Fatlum Korbin, të cilët me biçikleta kanë udhëtuar në vendlindje nga Zvicra.

I pari i komunës, tregoi se në Gjilan mirëpritën me zemër plot Visarin, Shkëlqimin dhe Fatlumin të cilët përshkuan plot 1600 km me biçikleta nga Zvicra drejt Kosovës, me destinacion final qytetin tonë.

“Ky udhëtim 11-ditor nuk ishte thjesht një sfidë sportive, por një mesazh dashurie për atdheun, një dëshmi e lidhjes së pathyeshme me rrënjët, vendlindjen dhe njerëzit tanë. Mirë se vini në shtëpi”, tha kryetari Alban Hyseni. /Telegrafi/

The post Nga Zvicra në Gjilan me biçikleta – Hyseni mirëpret Visar, Shkëlqim dhe Fatlum Korbin appeared first on Telegrafi.

Në episodin e radhës të podcastit ”Shëndeti në rend të parë” e mbështetur nga United Hospital, psikologu klinik, Visar Sadiku ka folur për fëmijërinë e hershme, kryesisht në moshën 1 deri në 3 vjeç, e cila është periudhë kyçe për zhvillimin e fëmijës.

Sadiku shpjegon se prindërit janë shpesh ata që së pari vënë re nëse diçka nuk po shkon si duhet në zhvillimin e fëmijës, sidomos kur bëhet fjalë për aftësitë e komunikimit dhe ndërveprimit social.

Ai po ashtu foli për ankthin tek fëmijët, çrregullimet e ADHD-së si dhe ndikimet e personazheve online  në zhvillimin psikologjik të  fëmijëve.

Sadiku tha se simptomat që duhet të shqetësojnë prindërit janë mungesa e kontaktit me sytë, vështirësia në krijimin e lidhjes emocionale me prindin, vonesat në fjalë të para dhe mosndërtimi i marrëdhënieve sociale bazike gjatë vitit të parë të jetës.

Sadiku thekson rëndësinë e bashkëpunimit me familjen, e cila duhet të jetë pjesë aktive e trajtimit dhe të aplikojë procedurat në shtëpi për të gjeneralizuar shkathtësitë e fituara gjatë terapisë.

“Njëra ku prindi e merr shumë personale dhe e mohon problemin, dhe tjetra ku prindi bashkëpunon, por nuk pranon plotësisht problematikën. Megjithatë, në fund, të dy grupet shpesh arrijnë të pranojnë situatën dhe punojnë për përmirësim të fëmijës”, tha ndër të tjera Sadiku.

Në podcast psikologu klinik, Sadiku foli edhe për autizmin tek fëmijët.

Për më shumë ndiqni podcastin “Shëndeti në rend të parë”. /Telegrafi/

The post Shenjat e hershme të çrregullimeve te fëmijët dhe roli i prindërve – psikologu klinik Visar Sadiku flet në podcastin “Shëndeti në rend të parë” appeared first on Telegrafi.

Organizata e Veteranëve të Luftës së Ushtrisë Çlirimtare të Kosovës (OVL e UÇK-së) do të organizojë protestë duke shprehur pakënaqësinë për moskonstituimin e Kuvendit të Kosovës dhe mosrespektimin e vendimit të Gjykatës Kushtetuese.

Në një komunikatë për media, OVL e UÇK-së ka bërë me dije kërkesat e tyre kryesore.

“Sot, përfaqësues të kategorive të lirisë u mblodhën në një takim të përbashkët, përballë situatës alarmante politike dhe institucionale në vend. Duke pasur parasysh mosreflektimin e partive politike për konstituimin e institucioneve, dhe mosrespektimin e vendimit të Gjykatës Kushtetuese, në takim u vendos që të mbahet protestë gjithëpopullore, me kërkesat e mëposhtme: Kundërshtimi i padrejtësive ndaj ish-bashkëluftëtarëve në Gjykatën Speciale. Formimi urgjent i institucioneve legjitime dhe respektimi i rendit kushtetues. Ndërprerja e përbuzjes ndaj kategorive të luftës, përfshirë mosmbështetjen financiare, përjashtimin e veteranëve nga paga minimale dhe mungesën e ligjit për vlerat e UÇK-së”, thuhet në njoftim.

Protesta do të mbahet më 7 gusht, në orën 17:00, në sheshin “Skenderbeu” në Prishtinë. /Telegrafi/

The post Veteranët e UÇK-së protestojnë më 7 gusht për krizën institucionale dhe padrejtësitë ndaj tyre appeared first on Telegrafi.

Ministri në detyrë i Financave, Hekuran Murati ka thënë se nga ky muaj shërbyesit publikë që punojnë në organizata buxhetore do të marrin pagën me rritje prej 55 euro shtesë.

Murati përmes një postimi në rrjetin social në Facebook ka shkruar se rritja e këtij muaji e kompleton rritjen e paraparë sivjet prej 110 eurove për secilin punonjës, e cila zbatohet në dy faza nga 55 euro – faza e parë nga janari 2025 dhe faza e dytë nga korriku 2025.

Lexo po ashtu Rritja e pagave në sektorin publik - Murati tregon se nga sa do të përfitojnë policët, mësuesit, zjarrfikësit dhe të tjerët

“Kjo njëkohësisht përbën rritjen e 4-t të pagave në sektorin publik prejse kemi marrë mandatin, gjë që na bën Qeverinë e vetme që ka rritur pagat 4 herë brenda mandatit. Rritja e parë në shkurt 2023 – hyrja në fuqi e Ligjit të Pagave.  Rritja e dytë në janar 2024 – rritja e koeficientit nga 105 në 110. Rritja e tretë në janar 2025 – rritja prej 55 euro në muaj për të gjithë punonjësit.  Rritja e katërt në korrik 2025 – rritja prej 55 euro në muaj për të gjithë punonjësit”, ka shkruar Murati. /Telegrafi/

The post Murati: Nga ky muaj shërbyesit publikë do të marrin pagën me rritje prej 55 euro shtesë appeared first on Telegrafi.