Rubin Kazani ka pësuar humbje të thellë me rezultat 5-1 në udhëtim ndaj CSKA Moskës. 

Kjo ndeshje i takoi javës së katërt në kuadër të elitës së futbollit rus dhe vendasit e fituan atë me lehtësi. 

Ndonëse mysafirët e Rubin Kazanit ishin larg nivelit që pritej në këtë sfidë, e njëjta nuk vlen edhe për Dakun. 

Sulmuesi shqiptar përkundër humbjes ishte mjaft aktiv në këtë ndeshje dhe pati një paraqitje të mirë në nivel personal. 

Paliza importante la que se está llevando el Rubin Kazán hoy en Moscú, pero eso no quita que el mejor gol del partido lo hayan marcado ellos.

Me flipa la maniobra de Daku después de las dos salvadas que hace Akinfeev. pic.twitter.com/gmq7dxmJcF

— Iván López (@ivann8lopez) August 9, 2025

Ai realizoi në minutën e 40-të të ndeshjes për të ngushtuar rezultatin në 3-1. 

Ky ishte goli i katërt i Dakut në po aq ndeshje të zhvilluara, duke konfirmuar formën fantastike në këtë fillim të sezonit. 

Sfidën e radhës Rubini do ta luajë në kuadër të Kupës së Rusisë, ku do të ballafaqohen në udhëtim ndaj Zenitit, para se të presin skuadrën e Rostov në shtëpi në kampionat./Telegrafi/

The post Mirlind Daku shënon golin e nderit për Rubin Kazanin ndaj CSKA Moskës appeared first on Telegrafi.

Franco Mastantuono, përforcimi i ri i Real Madridit, aktualisht është lojtari me pagën më të ulët në skuadër, duke fituar shumë më pak krahasuar me yjet si Kylian Mbappe dhe Vinicius Junior. 

Mastantuono do t’i bashkohet zyrtarisht Real Madridit më 14 gusht, në ditën kur mbush 18 vjeç, pasi klubi spanjoll ka paguar 45 milionë euro për transferimin e tij nga River Plate. 

Mesfushori ofensiv është krahasuar me legjendën argjentinase Juan Roman Riquelme, për vizionin dhe teknikën që posedon. Ai ka regjistruar tashmë 30 paraqitje me ekipin e parë të Riverit, duke shënuar 5 gola. 

Megjithëse u ble për një shumë kaq të madhe, sipas Mundo Deportivo, ai do të përfitojë vetëm 3.5 milionë euro në vit, çka e bën lojtarin me pagën më të ulët në ekipin e parë të Real Madridit. 

Paga e tij bie ndjeshëm në sy përballë asaj të Mbappe, i cili përfiton rreth 30 milionë euro në vit, apo yjeve si Vincius, David Alaba dhe Jude Bellingham, që të gjithë fitojnë rreth 20 milionë euro. 

Edhe talentët e rinj si Endrick (4 milionë euro) dhe Arda Guler (5 milionë euro) janë në nivel më të lartë pagese sesa argjentinasi. 

Lexo po ashtu Real Madridi i ofron Arsenalit shërbimet e Rodrygos në këmbim të Salibas

Megjithatë, ky është një model që Real Madridi e ka ndjekur edhe më parë, duke investuar shumë në kartonin e lojtarëve të rinj, por duke i mbajtur pagat fillestare të ulëta.  

Vinicius dhe Rodrygo ndoqën të njëjtin rrugëtim, erdhën si adoleshentë për më shumë se 40 milionë euro, por fillimisht me paga modeste, për t’i rritur më vonë me rinovimet e kontratave./Telegrafi/

The post Lojtari më pak i paguar tek Real Madridi – ai fiton nëntë herë më pak se Mbappe appeared first on Telegrafi.

Real Madridi duket se ka përfunduar me blerjet këtë verë, me një shpenzim prej 167.5 milionë euro, që përbën investimin më të madh që nga pandemia, krahasuar me shifrën rekord prej 361.3 milionë euro në vitin 2019. 

Ardhja e Franco Mastantuonos do të kompletojë opsionet në fazën e sulmit në dispozicion të Xabi Alonsos, pas një përforcimi të thellë në mbrojtje. 

Megjithatë, pika e radhës në axhendë është mesfusha. Nëse raportimet nga kryeqyteti spanjoll janë të sakta, Xabi Alonso vazhdon të këmbëngulë për një mesfushor që vendos ritmin e lojës. 

Edhe nëse presidenti Florentino Perez është dakord me këtë vizion, ai beson se i vetmi lojtar që ia vlen të “thyesh bankën” për të, është fituesi i Topit të Artë, Rodri Hernandez.  

Lexo po ashtu Gjithçka ishte e kryer, si dështoi transferimi i Endrick tek rivali i Real Madridit këtë verë

Në sytë e Perez, ky operacion është i mundshëm. Sipas Cadena SER, kreu i Real Madridit synon ta marrë vetë në dorë këtë negociatë dhe të zhvillojë personalisht bisedimet me Manchester Cityn dhe me vetë Rodrin. 

Ai nuk do të përdorë ndërmjetës apo drejtues të tjerë, por do të jetë vetë në qendër të operacionit. 

Pavarësisht faktit që Rodri është rikuperuar së fundmi nga një dëmtim në ligament dhe tashmë është 29 vjeç, rëndësia e tij është shumë e qartë si për “Los Blancos”, ashtu edhe për Manchester Cityn. 

Skuadra e Pep Guardiolës po përgatit një kontratë të re të majme, që do ta mbante Rodrin në “Etihad” deri në vitin 2029, kur ai do të jetë 33 vjeç./Telegrafi/ 

The post Florentino Perez do t’i udhëheq personalisht bisedimet për transferimin e top mesfushorit appeared first on Telegrafi.

Real Madrid pritet ta mbajë në skuadër Gonzalo Garcia si alternativë në repartin ofensiv krahas Vinicius Junior dhe Kylian Mbappe, megjithëse ende ka disa pasiguri rreth së ardhmes së Endrick. 

Megjithatë, duket se edhe braziliani do të qëndrojë në ‘Santiago Bernabeu’ këtë verë, duke hapur debat rreth fanellës tashmë të lirë me numrin 9 te madrilenët. 

Fillimisht ishte spekuluar se do të ishte një zgjedhje mes Garcias dhe Endrickut, ku njëri prej tyre pritej të largohej. 

Getafe thuhet se është e gatshme të presë deri në fund të afatit kalimtar, në rast se Real Madridi vendos ta huazojë Garcian. 

Ndërkohë që Endrick më herët ishte lidhur me një kalim në Serie A, raportimet e fundit thonë se ai është i përqendruar për të luftuar për vendin e tij në Madrid. 

Por kjo nuk ka qenë gjithmonë situata. Sipas Cadena Cope, Real Madridi fillimisht kishte planifikuar ta huazonte Endrickun këtë sezon për ta ndihmuar me më shumë minuta loje dhe zhvillim, madje një marrëveshje paraprake ishte arritur me Real Sociedad në muajin korrik. 

Lexo po ashtu Sakrifica e Real Madridit për të nënshkruar me William Saliba

Informacioni i tyre tregon se 19-vjeçari ishte vetëm pak ditë larg nga finalizimi i transferimit, i organizuar gjatë Kupës së Botës për Klube. 

Megjithatë, pak para gjysmëfinales së Real Madridit ndaj Paris Saint-Germain, Endrick pësoi një rikthim të lëndimit në kofshë, çka bëri që marrëveshja të dështonte. 

Tani, Endrick synon të rikthehet në fushë në fund të shtatorit ose në tetor./Telegrafi/

The post Gjithçka ishte e kryer, si dështoi transferimi i Endrick tek rivali i Real Madridit këtë verë appeared first on Telegrafi.

Milan është në bisedime me Manchester United për huazimin e sulmuesit Rasmus Hojlund, me klubin italian që është optimist se do të arrijë një marrëveshje së shpejti. 

Sipas La Gazzetta dello Sport, Rossonerët kanë nisur negociatat me United për ta sjellë danezin në San Siro për sezonin 2025/2026. 

Manchester United është i hapur për ta lënë Hojlund të largohet, pasi ai ka pasur vështirësi në përshtatje gjatë dy viteve të tij në Angli. Ardhjet e Matheus Cunha dhe shumë shpejt Benjamin Sesko, kanë ulur më tej mundësitë e tij për minuta të rregullta. 

Milani është i gatshëm të mbulojë pagën vjetore prej rreth 4 milionë euro, por dëshiron që tarifa e huazimit të jetë sa më e ulët. 

Lexo po ashtu Hojlund kërkon largimin nga Manchester United, e ardhmja në Serie A

22-vjeçari iu bashkua Unitedit nga Atalanta në vitin 2023 për 70 milionë euro plus bonuse, pas një sezoni të shkëlqyer në Serie A, por që prej atëherë ka hasur në vështirësi për shkak të formës së paqëndrueshme, lëndimeve dhe ndryshimeve taktike. 

Negociatat po përqendrohen tek tarifa e huazimit, pasi United fillimisht ka kërkuar një shumë më të lartë sesa ajo që Milani dëshiron të paguajë. 

Milani po përpiqet që shifra të mos e kalojë 6 milionë euro, për të shmangur detyrimin për blerje që mund ta çonte koston totale në rreth 35 milionë euro, sipas Gazzettas. 

Ndërkohë që Hojlund mbetet objektivi kryesor, opsione alternative si Nicolas Jackson dhe Gonçalo Ramos po mbahen në vëzhgim në rast se bisedimet dështojnë./Telegrafi/

The post Man Utd në bisedime me gjigantin italian për huazimin e Hojlund appeared first on Telegrafi.

Me fishkëllimën e fundit, Vitesse mbyll një kapitull 133-vjeçar në historinë e futbollit. Gjykata civile në Utrecht ka hedhur poshtë apelimin e klubit, duke konfirmuar vendimin e Federatës së Futbollit të Holandës (KNVB) për të revokuar përgjithmonë licencën e tyre profesionale. 

Klubi nga Arnhem kishte apeluar vendimin, duke argumentuar se një strukturë e re pronësie dhe garanci financiare duhet të shfuqizonin vendimin e KNVB-së.  

Por gjykata vendosi në favor të federatës, duke deklaruar se ajo ka vepruar në mënyrë të arsyeshme dhe brenda kompetencave të saj ligjore. 

Ky vendim shënon fundin e një procesi që ishte në ndërtim prej muajsh dhe e vendos pikën përfundimtare mbi ekzistencën e Vitesse si një subjekt profesionist në futboll. 

Rënia e klubit nuk ishte një ndodhi e papritur, por pasojë e një modeli të gjatë dështimesh financiare dhe shkeljesh të rregulloreve. 

Awful day for Vitesse. They’ve lost their appeal in the courts and have lost their professional license.

One of the Netherland’s biggest clubs is folding… pic.twitter.com/XkHXwj0M45

— Out of Context Football Manager (@nocontextfm1) August 8, 2025

 Për vite me radhë, klubi ka “shmangur” dhe “minuar” sistemin e licencimit të KNVB-së, duke dështuar vazhdimisht në dorëzimin e dokumentacionit të plotë dhe të saktë. 

Komisioni i pavarur i licencimit i federatës e ka përshkruar këtë si një “model shumëvjeçar mashtrimi, shmangieje dhe sabotimi”. 

Kjo solli dënime historike, përfshirë një zbritje prej 18 pikësh në një sezon dhe një tjetër prej 39 pikësh në sezonin pasues, çka çoi në rënie nga kategoria dhe përfundimin në vendin e fundit të divizionit të dytë. 

Këto janë ndëshkimet më të rënda që janë dhënë ndonjëherë në historinë e futbollit profesionist holandez, një pasqyrim i shkeljeve të rënda dhe të përsëritura të klubit./Telegrafi/

The post Fund tragjik për një emër të madh: Vitesse fshihet nga harta e futbollit profesionist appeared first on Telegrafi.

Al-Nassr ka nisur zyrtarisht negociatat me Bayern Munich për të transferuar sulmuesin francez Kingsley Coman, i cili është kthyer në objektivin kryesor të klubit saudit për repartin ofensiv.  

Sipas gazetarit të besueshëm Fabrizio Romano, klubet kanë filluar kontaktet direkte për të diskutuar kushtet e transferimit. 

29-vjeçari ka dhënë dritën jeshile për të shqyrtuar një transferim në Lindjen e Mesme, ndërsa agjentët e tij tashmë janë në kontakt të vazhdueshëm me përfaqësues të Al-Nassr. 

 Sipas burimeve të Sky Germany, Coman e konsideron një sfidë të re në Arabinë Saudite si një mundësi për të rifilluar karrierën pas një sezoni jo të rregullt në Mynih. 

More on Kingsley Coman and Al Nassr exclusive story.

There’s already proposal on the table for both player and Bayern, with negotiations ongoing between all parties.

Talks underway to make decisions as soon as possible. pic.twitter.com/V2qpuiN0n4

— Fabrizio Romano (@FabrizioRomano) August 8, 2025

Coman nuk ka qenë një titullar i padiskutueshëm në formacionin e trajnerit Vincent Kompany, i cili preferon më shumë Michael Olise në krahun e djathtë.  

Në sezonin 2024/2025, Coman regjistroi 7 gola dhe 4 asistime në 41 paraqitje, por shpesh u përdor si zëvendësues apo në rotacion. 

Al-Nassr e sheh Coman si një përforcim të rëndësishëm për krahët, përkrah Cristiano Ronaldos në sulm. Pas afrimit të Joao Felix dhe marrëveshjes së arritur me Inigo Martinez, klubi saudit synon të kompletojë edhe një ‘trio yjesh’ për sezonin e ardhshëm në Ligën e Kampionëve të Azisë. 

Oferta që po përgatitet për Coman mendohet të jetë në rangun 40-45 milionë euro, ndërsa lojtari do të përfitojë një kontratë tri vjeçare me një pagë që i kalon 25 milionë euro në vit neto, një rritje e ndjeshme krahasuar me të ardhurat aktuale në Mynih./Telegrafi/

The post Al-Nassr projekton goditjen e radhës, nis bisedimet për transferimin e yllit të Bayernit appeared first on Telegrafi.

Real Madrid ka bërë një lëvizje të madhe, duke siguruar një nga talentët e tyre më premtues, Gonzalo Garcia. 

Sipas një raporti nga AS, klubi ka rinovuar kontratën e spanjollit, duke zgjatur qëndrimin e tij në ‘Santiago Bernabeu’ deri në vitin 2030. 

Por ajo që bie më shumë në sy është rritja drastike e klauzolës së tij të largimit, nga 50 milionë euro në një shifër rekord prej 1 miliard eurosh. 

Ky veprim tregon qartë se Madrid dëshiron të sigurohet që asnjë klub tjetër nuk mund ta marrë atë, pavarësisht ofertës. 

Pavarësisht interesit të madh nga gjigantët e Ligës Premier, fokusi i Gonzalos nuk ka ndryshuar asnjëherë. Ai ka pasur vetëm një synim, rrugëtimin e tij me fanellën e bardhë dhe ndjekjen e gjurmëve të idhullit të tij, Cristiano Ronaldos. 

Një mesazh shprese për La Fabrica 

Ky kontratë e re nuk është vetëm një fitore për Gonzalon, por dërgon edhe një mesazh të fortë në akademinë e Real Madrid në Valdebebas.

Ya hay fumata blanca. Gonzalo, renovado hasta 2030.

Su cláusula de 50 millones, parte del pasado. Ahora, una galáctica: 1.000 millones.

Al primer equipo a todos los efectos.

Con @As_TomasRoncero en @diarioas https://t.co/DNiIT1jAY7

— Fernando Sánchez Tavero (@AS_Tavero) August 7, 2025

Trajnerët dhe talentët e rinj tani shohin qartë se rruga drejt ekipit të parë është reale. 

Sulmuesi 21-vjeçar nuk u përpoq vetëm të tregonte veten, por shkëlqeu me performancat e tij, duke thyer çdo barrierë./Telegrafi/

The post Real Madridi ‘blindon’ Gonzalo Garcian dhe i vendos një klauzolë marramendëse appeared first on Telegrafi.

Shefi i Bayern Munich, Max Eberl, ka reaguar ndaj spekulimeve se klubi i tij është i interesuar për sulmuesin e Chelseat, Nicolas Jackson. 

Sipas gazetarit Florian Plettenberg, Bayern ka pyetur për Jackson, i cili nga Chelsea vlerësohet rreth 65 milionë euro. 

Gjithashtu, Newcastle thuhet se janë seriozisht të interesuar, teksa kërkojnë një zëvendësues potencial për sulmuesin në kërkim, Alexander Isak. 

Sky Sports raporton se edhe Milan dhe Juventus po shqyrtojnë mundësinë për të nënshkruar me sulmuesin 24-vjeçar. 

Not True is that FC Bayern will make a offer for Nicolas Jackson @ChelseaFC this summer. Max Eberl: „there is nothing to the rumors“ pic.twitter.com/tu0UqyMZj2

— Christian Falk (@cfbayern) August 7, 2025

Megjithëse reprezentuesi senegalez thuhet se dëshiron të qëndrojë në ‘Stamford Bridge’, trajneri Enzo Maresca nuk ka përjashtuar mundësinë e shitjes së tij gjatë verës. 

Pozicioni i Jackson te Chelsea është më pak i sigurt për sezonin e ri, pas ardhjes së Liam Delap dhe Joao Pedro. 

Lexo po ashtu Chelsea po punon për largimin e Nicolas Jackson, senegalezi nuk është në planet e klubit

Megjithatë, Max Eberl ka përjashtuar një lëvizje për Jackson kur u pyet për këto spekulime pas fitores së skuadrës së tij në ndeshjen miqësore kundër Tottenham. Ai u shpreh për gazetarët: “Definitivisht jo. Nuk kam folur kurrë me të.”. 

Kur u pyet nëse Jackson, i cili ka kontratë deri në vitin 2033, mund të largohet nga Chelsea këtë verë, Maresca tha për gazetarët të enjten: “Kur afati i transferimeve është i hapur, fatkeqësisht ose fatmirësisht, çdo gjë mund të ndodhë”./Telegrafi/

The post Shefi i Bayern Munichut reagon rreth spekulimeve për transferimin e Nicolas Jackson appeared first on Telegrafi.

AIK-u ka marrë fitore me rezultat 2-1 në shtëpi ndaj Gyorit në kuadër të rrethit të tretë të kualifikimeve të Ligës së Konferencës. 

Vendimtar në këtë fitore të ekipit suedez ishte sulmuesi kosovar Bersant Celina, i cili kontribuoi me gol. 

Celina realizoi në minutën e 21-të për rezultatin 2-0 duke bërë që në fund të shpallej lojtari më i mirë i ndeshjes nga Sofascore. 

Ai u vlerësua me notën 8.1 e cila ishte më e larta në këtë sfidë. 

Përveç golit, Celina pati katër driblime të suksesshme, 14 pasime të kompletuara si dhe katër duele të fituara. 

28-vjeçari po kalon gjithashtu një formë të mirë edhe në kampionatin suedez këtë edicion. 

Deri më tani Celina është aktivizuar në 18 ndeshje duke arritur të realizojë tre gola, teksa ka po aq asistime./Telegrafi/ 

The post Bersant Celina realizon gol në fitoren e AIK-ut në Ligën e Konferencës – shpallet lojtari më i mirë i ndeshjes appeared first on Telegrafi.

Ballkani e ka mbyllur me rezultat të barabartë 0-0 pjesën e parë ndaj Shamrock Rovers në stadiumin ‘Fadil Vokrri’. 

Suharekasit po përballen ndaj ekipit irlandez në kuadër të rrethit të tretë të Ligës së Konferencës. 

Rastin e parë për gol Ballkani në këtë sfidë e pati në minutën e 15-të përmes Arbër Potokut, por goditjen e tij e ndali portieri mysafir. 

Një tjetër rast për gol e pati edhe Sunday Adetunji në minutën e 18-të, por sërish ishte portieri mysafir që nuk pranoi të mposhtej. 

Të besuarit e Orges Shehit patën gjithashtu një tjetër mundësi të mirë shënimi në minutën e 34-të me Ardit Deliun, por goditja e tij shkoi pranë shtyllës së irlandezëve. 

Vlen të theksohet se mysafirët e Shamrock Rovers nuk ia dolën që për asnjë moment të rrezikonin portën e Ballkanit gjatë 45 minutave të para./Telegrafi/

The post Mbyllet pjesa e parë: Ballkani dominon ndaj Shamrock, por mungon goli appeared first on Telegrafi.

Manchester United raportohet se i ka vendosur një çmim prej 50 milionë eurosh Alejandro Garnachos, mes interesimit gjithnjë e më të madh nga Chelsea. 

Anësori argjentinas pritet të largohet nga ‘Old Trafford’ këtë verë, ndërsa ‘Djajtë e Kuq’ janë shumë pranë transferimit të sulmuesit Benjamin Sesko nga RB Leipzig. 

21-vjeçari është udhëzuar nga trajneri Ruben Amorim të gjejë një klub të ri, çka e bën largimin e tij pothuajse të pashmangshëm. 

Megjithatë, Garnacho ka bërë të qartë se i vetmi destinacion që pranon këtë verë është Chelsea, përveç qëndrimit te Manchester United, nëse situata ndryshon. 

Lexo po ashtu Chelsea duhet të shesë dy yje për të transferuar Garnachon

Sipas The Athletic, Chelsea tashmë ka intensifikuar bisedimet për transferimin e yllit argjentinas. 

Minutat e Garnachos pritet të zvogëlohen ndjeshëm nëse qëndron në klub, për shkak të afrimeve të shumta që ka bërë United gjatë verës. 

Skuadra tashmë ka siguruar shërbimet e Bryan Mbeumo dhe Matheus Cunha, ndërsa marrëveshja për Sesko është thuajse e mbyllur. 

Konkurrenca e shtuar në repartin ofensiv e vë në pikëpyetje serioze të ardhmen afatgjatë të Garnachos te klubi. 

Gjithashtu, Garnacho ishte mes pesë lojtarëve që iu bashkuan me vonesë fazës përgatitore, ndërsa thirrja publike e Amorimit për largimin e tij nënkupton se nuk bën pjesë në planet e trajnerit për sezonin e ri./Telegrafi/

The post Man Utd i cakton një çmim të ri Garnachos pas transferimit të Seskos appeared first on Telegrafi.

Ballkani do të jetë nikoqir i ekipit irlandez Shamrock Rovers me fillim nga ora 20:30 në stadiumin ‘Fadil Vokrri’. 

Kjo ndeshje zhvillohet në kuadër të rrethit të tretë të kualifikimeve për Ligën e Konferencës dhe suharekasit do të synojnë të marrin fitoren e cila i afron një hap drejt kualifikimit. 

Një rezultat pozitiv në ‘Fadil Vokrri’ do të ishte tejet i rëndësishëm para sfidës së kthimit që do të zhvillohet një javë më vonë. 

Për këtë takim trajneri Orges Shehi ka vendosur të futet në fushë me lojtarët më të mirë që ka në dispozicion: 

Formacionet zyrtare: 

Ballkani: Golubovic, Smajli, Batarelo, Halili, Potoku, Deliu, Giovanni, Albert, Hamidi, Adetunji, Kryeziu. 

Shamrock Rovers: McGinty, Grace, Lopes, Cleary, Watts, Mandroiu, Healy, Nugent, Honohan, Gaffney, Grant. /Telegrafi/

The post Ballkani synon fitoren ndaj Shamrock Rovers në ‘Fadil Vokrri’ – formacionet zyrtare appeared first on Telegrafi.

Raportohet se Manchester City është gati të përdorë Jack Grealish si pjesë të një marrëveshjeje shkëmbimi për një yll të Ligës Premier. 

Pas një sezoni zhgënjyes 2024/2025, City ka punuar intensivisht për të përmirësuar skuadrën e Pep Guardiolës. 

Gjatë kësaj vere, City ka nënshkruar tashmë me lojtarë si Tijjani Reijnders, Rayan Ait-Nouri, Rayan Cherki, James Trafford, Sverre Nypan dhe Marcus Bettinelli. 

Ndërkohë, lojtarë si Kevin De Bruyne, Kyle Walker, Yan Couto dhe Maximo Perrone janë larguar nga ‘Etihad’. 

Teksa jemi afër fillimit të sezonit të ri, ylli i Cityt, Grealish, vazhdon të lidhet me një largim nga klubi. 

Së fundmi, 29-vjeçari është përfolur për një huazim te Everton, të cilët po tentojnë të arrijnë një marrëveshje me City. 

Tani raportohet se City mund ta përdorë Grealish si pjesë të një shkëmbimi në përpjekje për të transferuar yllin e West Ham, Lucas Paqueta. 

Sipas Sport Witness, gazetari brazilian Jorge Nicola deklaroi se City është i vendosur të nënshkruajë me mesfushorin e West Ham. 

Lexo po ashtu Man City i sigurt se do ta fitojë çështjen e shkeljes financiare kundër Ligës Premier

Është sugjeruar se po diskutohet për një formulë të re për të arritur marrëveshjen, në vend që të paguhet çmimi i plotë prej 50 milionë eurosh që kërkon West Ham. 

Nicola tha se City mund të ofrojë një shumë më të ulët së bashku me Grealish për të bindur West Hamin të pranojë. 

27-vjeçari u lidh për herë të parë me një transferim te City në verën e vitit 2023, megjithatë, kjo lëvizje dështoi për shkak të hetimeve ndaj brazilianit për shkelje të supozuara të rregullave të basteve./Telegrafi/

The post Man City i gatshëm ta sakrifikojë Grealish për transferimin e yllit brazilian appeared first on Telegrafi.

Dhjetë portierë do të luftojnë për të fituar çmimin ‘Yashin’ 2025. 

Ky çmim, i dhënë për herë të parë portierit të Liverpoolit, Alisson, në vitin 2019, nderon portierin më të mirë në botë dhe është emëruar në nder të legjendës së Bashkimit Sovjetik, Lev Yashin, i vetmi portier që ka fituar ndonjëherë Topin e Artë. 

Aktualisht, mbajtësi i këtij çmimi është Emiliano Martinez nga Aston Villa, i cili e ka fituar atë dy herë radhazi në vitet 2023 dhe 2024. Mesfushori argjentinas është edhe njëherë i nominuari për të marrë çmimin këtë vit. 

Martinez është një nga katër kandidatët nga Liga Premier. Alisson përsëri është në garë, pasi ka arritur në podium si i dyti në vitin 2022, ndërsa në listë janë edhe dy portierët që fituan ‘Dorezën e Artë’, David Raya dhe Matz Sels nga Arsenal dhe Nottingham Forest përkatësisht. 

Lexo po ashtu Lista me favoritët për çmimin "Trajneri i Vitit" në Topin e Artë 2025

Një nga favoritët për të triumfuar është Gianluigi Donnarumma i Paris Saint-Germain. Edhe pse aktualisht në pritje të një transferimi, Donnarumma luajti një rol kyç në rrugëtimin e skuadrës së tij drejt triumfit në Ligën e Kampionëve sezonin e kaluar, duke pritur disa penallti vendimtare. 

Thibaut Courtois i Real Madrid kthehet në listën e kandidatëve pasi një dëmtim e ndaloi të konkurrojë vitin e kaluar, ndërsa Jan Oblak i Atletico Madrid synon të përmirësojë vendin e tretë që arriti në vitin 2021. 

Në listë gjenden gjithashtu Yassine Bounou i Al Hilal, i cili shkëlqeu në Kupën e Botës për Klube, dhe portieri i Interit, Yan Sommer. 

Lista prej 10 kandidatëve të nominuar për çmimin Yashin: 

𝐎𝐅𝐅𝐈𝐂𝐈𝐀𝐋: The nominees for the Men’s Yashin Trophy, awarded to the best goalkeeper. pic.twitter.com/536Ek0mWA9

— FÚTBOL HUB (@futbolhub7) August 7, 2025

/Telegrafi/

The post Lista me dhjetë kandidatët që do të garojnë për çmimin “Portieri i Vitit” në Topin e Artë 2025 appeared first on Telegrafi.

Marcus Rashford ka shënuar golin e parë si lojtar i Barcelonës në turneu parasezonal në Azi. 

Pas humbjes së vendit në formacionin e Manchester United nën drejtimin e Ruben Amorim, Rashford gjeti një shans të ri me Barcelonën.  

Pas një sezoni premtues te Aston Villa që u ndërpre nga një dëmtim, ai u huazua te Barcelona dha dëshmoi se ka ende vlerë, me një marrëveshje sezonale që përfshin opsionin për transferim të përhershëm në 2026. 

Gjatë turneut parasezonal në Azi, Rashford është adaptuar mirë me bashkëlojtarët si Lamine Yamal dhe pjesën tjetër të ekipit. 

Rashford’s first goal pic.twitter.com/y4Kji3xTld

— FC Barcelona (@FCBarcelona) August 4, 2025

Në takimin ndaj Daegu FC, ai shënoi golin e pestë për katalanasit, me një goditje të saktë nga 12 metra, duke vulosur fitoren e thellë në miqësore. 

Ky ishte goli i parë i Rashford si lojtar i Barcelonës, një sinjal i qartë për energjinë dhe ndoshta rikthimin në versionin më të mirë të vetes për sezonin që po vjen për sulmuesin 27-vjeçar./Telegrafi/

The post Marcus Rashford gjen golin e parë me fanellën e Barcelonës appeared first on Telegrafi.

Heung-min Son është pranë transferimit te LAFC për një shumë prej 13 milionë eurosh, duke i dhënë fund me shumë emocion një qëndrimi prej dhjetë vitesh te Tottenham Hotspur. 

Ylli koreano-jugor përshëndeti tifozët e Spurs në Seul të dielën dhe tashmë po finalizon dokumentacionin me klubin nga MLS, përpara se të zyrtarizohet si lojtar i LAFC. 

Sipas Fabrizio Romano, Son ka arritur një marrëveshje verbale me LAFC pas një dekade të shkëlqyer në veri të Londrës. 

Sulmuesi nuk u kthye me ekipin në Angli, pasi po pret kontrollin mjekësor dhe finalizimin e kontratës me skuadrën amerikane. 

Heung-min Son to LAFC, here we go! Verbal agreement in place between all parties.

Son, ready to complete his move to MLS with Spurs due to receive fee in excess of €15m.

Son didn’t travel back to UK with Spurs squad as he’s waiting for documents to be signed with LAFC. pic.twitter.com/a0MpvptPcy

— Fabrizio Romano (@FabrizioRomano) August 3, 2025

Tottenham pritet të përfitojë më shumë se 13 milionë euro nga largimi i 33-vjeçarit, i cili u përshëndet në mënyrë emocionale në miqësoren ndaj Neëcastle në Seul, ku mori duartrokitje dhe gardën e nderit nga të dy ekipet. 

Me plot 173 gola në 454 ndeshje, Son largohet si legjendë e klubit dhe një nga futbollistët më të dashur nga tifozët. 

Pas largimit të Harry Kane drejt Bayern Munich dhe tashmë edhe Sonit në MLS, te Tottenham ka nisur zyrtarisht një epokë e re./Telegrafi/

The post Heung-min Son arrin marrëveshje me klubin e ri pas largimit nga Tottenhami appeared first on Telegrafi.

Barcelona vazhdon të besojë në aftësinë e saj për të regjistruar transferimet e reja, Roony Bardghji, Marcus Rashford dhe Joan Garcia, pa pasur nevojë për shitje të tjera lojtarësh. 

Presidenti Joan Laporta po ashtu ka theksuar se klubi nuk ka ndërmend të përdorë rregullin emergjent për zëvendësim të një lojtari të dëmtuar për të regjistruar Garcian. 

Nëse një lojtar mungon për shkak të dëmtimit për katër muaj, klubet e La Ligas mund të përdorin deri në 50 për qind  të kufirit të pagave për të regjistruar një lojtar zëvendësues, shifra që rritet në 80 për qind nëse mungesa është pesë muaj ose më shumë. 

Kur u raportua se Marc-Andre Ter Stegen mund të ketë nevojë për operacion për problemin e tij të shpinës, u mendua se Barcelona do ta shfrytëzonte këtë rregull për të regjistruar Garcian, pasi ai ende nuk ka zyrtarisht status. 

Megjithatë, Ter Stegen njoftoi se do të mungojë vetëm për tre muaj. 

Vendimi i La Ligas për të miratuar ndryshimin do të varet nga raporti mjekësor i Ter Stegen. Ndërkohë, thuhet se doktori Amelie Le­glise, kirurgu i tij, ka dorëzuar një raport mjekësor që parashikon mungesën në mes të katër dhe pesë muajve. 

Lexo po ashtu Ter Stegen zbulon raportin që ka me drejtuesit e Barcelonës

Ekzistojnë kontrolle për këtë rregull. Nëse Ter Stegen nuk mungon minimumi tre muaj (kur mungesa është paraqitur si katër muaj), ose nuk mungon të paktën katër muaj (kur mungesa është paraqitur si pesë muaj ose më shumë), La Liga mund të penalizojë Barcelonën. 

Sanksioni i parashikuar do të ndikojë në limitin e pagave të klubit, duke e ulur atë me trefishin e rrogës së Ter Stegen në këtë rast./Telegrafi/

The post Ky është dënimi që e pret Barcelonën nëse Ter Stegen rikthehet nga lëndimi para kohës appeared first on Telegrafi.

Klubi kosovar Drita ka mësuar tashmë kundërshtarin e radhës në rast se ia del ta kalojë FCSB-në. 

Shorti i hedhur sot (e hënë) ka vënë përballë gjigantin skocez Aberdeen, si kundërshtar të mundshëm të gjilanasve në fazën ‘play-off’ të Ligës së Evropës. 

Pas tri ditësh (e enjte), Drita do të luajë ndeshjen e parë të rrethit të tretë kualifikues për Ligën e Evropës ndaj FCSB. 

Ndeshja e parë do të luhet në Rumani, teksa ajo e kthimit në ‘Fadil Vokrri’ do të luhet më datë 14 gusht. 

Kujtojmë se Drita garat evropiane fillimisht i kishte nisur në Ligën e Kampionëve, duke e kaluar me lehtësi rrethin e parë pas triumfit me rezultat të përgjithshëm 5-2 ndaj Differdange 03. 

Të besuarit e Zekirija Ramadanit më pas u eliminuan nga Copenhageni në rrethin e dytë me rezultat të përgjithshëm 3-0 pas dy ndeshjeve, duke bërë që rrugëtimin ta vazhdojnë në Ligën e Evropës./Telegrafi/

The post Drita do të luajë me gjigantin skocez në rast se e kalon FCSB-në appeared first on Telegrafi.

Cody Gakpo ka folur për vështirësitë që po kalojnë tek Liverpooli që nga tragjedia me humbjen e bashkëlojtarit të tij, Diogo Jota, i cili ndërroi jetë në moshën 28-vjeçare. 

Ylli i Portugalisë, Jota, dhe vëllai i tij Andre Silva humbën jetën në një aksident automobilistik më 3 korrik. 

Lajmi për vdekjen e Jotës shkaktoi një reagim të madh emocional, me homazhe që erdhën nga e gjithë bota. 

“Po, ka qenë shumë e vështirë. Shumë prej nesh ishin ende në pushime kur ndodhi kjo ngjarje”. 

“U mblodhëm si skuadër dhe si klub sa më shpejt të mundëm. U përpoqëm të jemi pranë familjes sa më shumë që mundëm në ato momente dhe bashkë si ekip të ndihmonim kudo që mundëm”. 

“Vazhdojmë ta bëjmë këtë, dhe secili është i angazhuar më shumë pas skenave sesa në publik, duke u lidhur dhe ndihmuar sa më shumë që mundet”, ka thënë Gakpo fillimisht. 

Lexo po ashtu Presidenti i Federatës Portugeze flet për mungesën e Ronaldos në varrimin e Jotas

Gakpo ishte në pushime kur ndodhi vdekja e Jotas, por ishte ndër ata që morën pjesë në funeralin emocional në Gondomar dhe vizituan një vend përkujtimor jashtë stadiumit ‘Anfield’. 

“Shpresoj që familja e Diogos ndjeu dashurinë që ne kemi për ta, për Diogon dhe vëllain e tij”. 

“Mund të shihje se si përpiqemi të veprojmë si klub dhe ekip, edhe tifozët, qyteti i tërë, çdo dashamirës futbolli, si Liverpool, ne përpiqemi të jemi një familje e vërtetë”, përfundoi ai./Telegrafi/

The post Gakpo flet për vështirësitë që po kalojnë tek Liverpooli pas vdekjes tragjike të Jotas appeared first on Telegrafi.