Lezhë, autoritetet thirrje qytetarëve për kujdes nga përkeqësimi i motit 30 August 2025 at 11:34

Lezhë, autoritetet thirrje qytetarëve për kujdes nga përkeqësimi i motit

By: Maela Marini

30 August 2025 at 11:34

TIRANË, 30 gusht/ATSH/ Gjithë territori i vendit do të përfshihet në orët në vijim nga moti i keq me reshje të dendura shiu.

Në këtë drejtim autoritetet vendore po paralajmërojnë banorët por edhe pushuesit që të tregojnë kujdes dhe të marrin masat e nevojshme për sigurinë e tyre.

Prefektura e Qarkut Lezhë u bëri thirrje qytetarëve të tregojnë kujdes të shtuar, ndërsa vuri në dispozicion edhe numrat e emergjencës.

“Sipas parashikimeve meteorologjike nga IGEO (Instituti i Gjeoshkencës), sot priten reshje të dendura shiu që parashikohet të nisin në orët e mesditës duke filluar nga ora 13:00.

Reshjet intensive mund të shoqërohen edhe me fenomene te pazakonta hidro-meteorologjike”, thuhet në njoftimin e Prefekturës së qarkut Lezhë.

Ndërsa Bashkia Lezhë njoftoi se Emergjencat Civile dhe Shërbimet Publike të bashkisë janë në gatishmëri të plotë për çdo rast.

/m.m/j.p/

The post Lezhë, autoritetet thirrje qytetarëve për kujdes nga përkeqësimi i motit appeared first on Agjencia Telegrafike Shqiptare.

Rama: Rend ligjor mbi territoret e marra peng si në veri dhe në jug 30 August 2025 at 11:27

Rama: Rend ligjor mbi territoret e marra peng si në veri dhe në jug

Agjencia Telegrafike Shqiptare

By: Maela Marini

30 August 2025 at 11:27

TIRANË, 30 gusht/ATSH/ Kryeministri Edi Rama solli në vëmendje sot aksionin për lirimin e hapësirave publike, ndërsa siguroi se puna për mbrojtjen e vendit nga abuzuesit vazhdon në veri, jug dhe Shqipërinë e Mesme.

Kryeministri ndau në rrjetet sociale pamjet e shembjes me shpërthim të kontrolluar të një kompleksi të ndërtuar pa leje në Kepin e Rodonit, nga ish-drejtori i Inspektoratit të Mbrojtjes së Territorit Durrës, Ardian Halili.

Kryeministri u shpreh se edhe në Durrës është vendosur rendi ligjor mbi një territor të marrë peng nga një abuzues.

“Ca zëra në nisje të kësaj kthese të re thoshin ‘po pse Thethi e jo Jugu, po pse ashtu e jo kështu, ndërkohë puna për mbrojtjen e vendit nga abuzuesit vazhdon në veri, jug dhe Shqipërinë e Mesme, ku konkretisht në Durrës është vendosur rendi ligjor mbi një territor të marrë peng nga një abuzues, i cili është ndaluar nga Policia e Shtetit e i është dorëzuar drejtësisë edhe si ish-drejtues i inspektorëve të Durrësit”, tha Rama, ndërsa ndau pamjet nga aksioni i prishjes së ndërtimeve pa leje në Kepin e Rodonit.

Vetëm në Kepin e Rodonit Inspektorati Kombëtar i Mbrojtjes së Territorit ka evidentuar 66 struktura pa leje, nga të cilat deri tani janë prishur 54 objekte. IKMT po vijon punën në terren në bashkëpunim me Policinë e Shtetit, me synim pastrimin e plotë të territorit dhe mbrojtjen e vijës bregdetare.

/m.m/j.p/

The post Rama: Rend ligjor mbi territoret e marra peng si në veri dhe në jug appeared first on Agjencia Telegrafike Shqiptare.

Kapet pas tre muajsh autori 30-vjeçar i atentatit në Fllakë 30 August 2025 at 11:48

Normal view