Pas pjesës së parë, FCSB po fiton ndaj Dritës me rezultat 2-0 në ndeshjen e kthimit të raundit të tretë të Ligës së Evropës.

Goli i parë për ekipin rumun u shënuan nga Juri Cisotti, i cili realizoi me kokë pas një krosimi perfekt, vetëm pas 30 sekondash lojë.

Nuk vono shumë, David Miculescu, në minutën e 18-të mposhti portierin gjilanas Faton Maloku duke e çuar topin në këndin e poshtëm të djathtë të portës për 2-0.

Me këtë rezultat dhe fitoren 3-2 në Bukuresht një javë më parë, rezultati i përgjithshëm shkon në 5-2, duke i pakësuar gjasat e kampionit tonë gjithçka për kualifikimin.

Drita pati një mundësi për penallti në minutën e 24-t, por gjyqtari nuk e dha.

Gjilanasit duhet të reagojnë në pjesën e dytë për të rikthyer shanset, ndërsa mysafirët rumunë synojnë të ruajnë avantazhin dhe të sigurojnë një fitore vendimtare për të kaluar më tej në garë. /Telegrafi/ 

The post FCSB shkon në pushim me dy gola epërsi ndaj Dritës – goli i parë erdhi pas 30 sekondash appeared first on Telegrafi.

Enti Shtetëror i Revizionit kreu revizionin e raporteve financiare së bashku me revizionin e pajtueshmërisë të Ndërmarrjes Publike për menaxhimin me pyjet shtetërore.

Në raport janë konstatuar gjendje, parregullsi dhe mos-harmonizim në punën e ndërmarrjes publike dhe për shkak të rëndësisë së tyre është shprehur opinion i pavolitshëm për realitetin dhe objektivitetin e raporteve financiare për vitin 2023 dhe për pajtueshmërinë me rregullativën ligjore, udhëzimet dhe politikat e vendosura.

Mjetet biologjike nuk vlerësohen sipas vlerës së tyre objektive, përkatësisht nuk zvogëlohen ose zhvlerësohen për sipërfaqet që ndodhen brenda kufijve të Parkut Nacional të Sharrit dhe janë të rregulluara me plane të veçanta ekonomike pyjore, si dhe sipërfaqet e prekura nga zjarret pyjore në të cilat fondi pyjor është shkatërruar plotësisht.

Në fund të vitit 2023, Ndërmarrja publike ka deklaruar detyrime ndaj Buxhetit të Shtetit për riprodhim të zgjeruar në shumën prej 450.844 mijë denarë përkatësisht 7.307.000 euro, ndërsa për riprodhim të thjeshtë nuk është hapur llogari e veçantë dhe nuk janë paguar mjete në shumën prej 250.186 mijë denarë, përkatësisht 4.055.000 euro. Njëkohësisht ndërmarrja kërkon 164.275 mijë denarë, përkatësiht 2.662.000 euro nga shteti bazuar në pjesëmarrjen në aksionin “Dita e Drurit”.

“Nga revizioni i kryer kemi konstatuar se 95% ose 37.672 mijë denarë nga kërkesat ndaj të punësuarve, rrjedhin nga periudha para vitit 2018 dhe kanë të bëjnë me: mungesa të drurit teknik dhe drurit për ngrohje, avanse të pakthyera, qarkullim ditor të papaguar nga shitjet, shfrytëzimi i shërbimeve katering dhe të tjera. Për shkak të mosmarrjes së masave për arkëtimin e tyre dhe afatit të përgjithshëm të parashkrimit, ekziston pasiguri e madhe që shuma prej 36.460 mijë denarësh përkatësisht 590.920 euro (deri në 5 dhe mbi 5 vite) të mos arkëtohet”, thuhet në raport.

The post Revizioni konstaton shkelje tek N.P Pyjet Shtetërore appeared first on Telegrafi.

Për mbi 1 vit e gjysmë, Hashim Thaçi është nën regjim vizitash në paraburgim.

Kufizimi i takimeve me familjen e ngushtë, apo lejimi i vetëm 5 takime në muaj me miq e të afërm tjerë, nuk po i mjafton Prokurorisë. Madje as përgjimi 24/7 me përkthyes shqiptar.

Zyra e Prokurorit të Specializuar ka kërkuar që ish presidentit t’i ndalohen krejtësisht vizitat me tre vëllezërit, Gani, Nazmi dhe Blerim Thaçi.

Siç mëson Klan Kosova, këta janë përfshirë në një listë me 14 emra që po synohen t’i zhduken përkohësisht nga jeta e Thaçit, deri në përfundim të gjykimeve, edhe për krime lufte edhe për pengim të drejtësisë.

“Edhe pse janë vendosur masa të caktuara për ta minimizuar rrezikun e pengimit, ZPS ka mësuar përmes burimeve publike se disa vizitorë që përbëjnë shqetësim, vazhdojnë ta vizitojnë Thaçin në Qendrën e Paraburgimit. Për të qenë të sigurt, rreziku që Thaçi të përcjellë mesazhe të palejuara dhe udhëzime gjatë vizitave jo të privilegjuara nuk mund të eliminohet kurrë krejtësisht, as në Qendrën e Paraburgimit. Kjo është vërtetuar përmes shfaqjes së Hashim Thaçit në një thirrje me video te një i akuzuar tjetër, në shkurt 2025” – thuhet në kërkesën e ZPS që e ka parë Klan Kosova.

Fakti që prokurorisë i ka rënë në mend tek tash për videolidhjen ku Thaçi shihet me Haxhi Shalën, dhe nuk ka kërkuar më herët masa, sipas mbrojtjes, është krejt e paarsyeshme.

Avokatja Sophie Menegon, nuk ka gjetur në kërkesën e prokurorisë asnjë fakt të ri apo shkelje të klientit të saj ndryshe nga masat e vendosura në nëntor 2023. E veçon faktin se vetëm 5 nga 14 emrat e listës, përfshirë vëllezërit, e kanë vizituar Thaçin pas vendosjes së këtyre masave.
Njëri nga dy tjerët, në Sheveningen diskuton gjëra të përgjithshme.

“[E redaktuar] është mik i familjes. Ai e ka vizituar Z. Thaçi pas nëntorit 2023. Meqë Z. Thaçi lejohet t’i ketë vetëm 5 vizita jo të privilegjuara në muaj, takimet me miq të ngushtë si [E redaktuar] ia mundësojnë atij mbështetjen dhe përditësimin me situatën politike dhe ekonomike në Kosovë.”

Emri i pestë ndërkaq që ka zhvilluar vizita në Qendrën e Paraburgimit që kur është në fuqi regjimi, është anëtar i ekipit mbrojtës.

“[E redaktuar] është konsulent në ekipin mbrojtës të Z. Thaçi në rastin për krime lufte. Në këtë cilësi, ai është i autorizuar që të shkëmbejë informacione konfidenciale me Z. Thaçi. Që nga nëntori 2023, ai e ka vizituar Z. Thaçi si pjesë e vizitave të privilegjuara të Mbrojtjes dhe nuk ka zhvilluar asnjë vizitë jo të priviliegjuar. Pra nuk ka asnjë bazë që të vendosen kufizime tjera në vizitat e tij.”

Gjyqtarja e procedurës paraprake, po e konfirmon këtë individ, për të cilin ka kërkuar të dhëna shtesë nga Mbrojtja, para se të merr vendim për kërkesën e ZPS me 14 emra.

Në listë janë edhe Artan Behrami e Vllaznim Kryeziu që përmenden në aktakuzën e dytë të Hashim Thaçit për tentim-pengimi të drejtësisë.

The post Specialja kërkon që Thaçit t’i ndalohen vizitat nga 14 persona, përfshirë 3 vëllezërit appeared first on Telegrafi.

Nga inflamacioni tek ndryshimet degjenerative: Diagnostikimi, grupet e rrezikuara dhe qasjet terapeutike

Dr. Nexhmedin Duriqi, Specialist i Ortopedisë – Kirurg spinal
383 44 233 485; Nex68@yahoo.com; Dr.duriqi@gmail.com
Dr. Adnan Duriqi, Specializant i Ortopedisë
Adnanduriqi0@gmail.com

Shtylla kurrizore është struktura qendrore që mban trupin në ekuilibër dhe lejon lëvizje të lira në përditshmëri. Rajoni cervical dhe torakolumbal është një zonë kyçe për shpërndarjen e forcave biomekanike gjatë çdo aktiviteti fizik. Në këtë rajon, pikat ku tendinat, ligamentet dhe kapsulat artikulare fiksohen në kockë, luajnë një rol kritik në stabilitetin e shtyllës kurrizore.

Enthesopathia thoracolumbalis është një gjendje patologjike ku pësojnë ndryshime inflamatore ose degjenerative, shpesh si pasojë e mbingarkesës mekanike, mikrotraumave të përsëritura ose sëmundjeve sistemike si spondiloartropatitë. Ndërkohë që në dukje mund të duket si një problem “lokal”, pasojat e saj ndikojnë drejtpërdrejt në cilësinë e jetës së pacientit, duke e kufizuar në aktivitetet e punës, sportit dhe madje edhe në lëvizjet më të thjeshta të përditshme.

Enthesopathia cervicalis përbënë një nga arsyet më të zakonshme të konsultimeve mjekësore dhe është një problem i shpeshtë që ndikon në cilësinë e jetës së shumë pacientëve. Ato mund të jenë pasojë e ndryshimeve inflamatore, degjenerative ose mekanike, të cilat ngjajnë dhe ndërlidhen shpesh me proceset patologjike që ndodhin edhe në rajonin torakolumbal.

Entezat janë struktura të përbëra nga fibra kolagjeni që kalojnë gradualisht në kockë, duke vepruar si ‘amortizatorë’ ndaj forcave të tërheqjes dhe kompresionit. Në enthesopatinë cervicale apo torakolumbale:

Mikrotraumat e përsëritura çojnë në inflamacion lokal (enthesitis).
Inflamacioni i vazhdueshëm mund të shkaktojë kalcifikim ose formim osteofitesh.
Në sëmundjet inflamatore (p.sh., spondiloartropatitë), ky proces shoqërohet me reaksione autoimune që përshpejtojnë dëmtimin.
Ndryshimet degjenerative lidhen me moshën, humbjen e elasticitetit dhe ngarkesën kronike mbi strukturat.

Ankesat e pacientëve

Pacientët me enthesopati torakolumbale shpesh paraqiten me një dhembje të thellë dhe të bezdisshme në rajonin torakolumbal, e cila rritet gjatë aktivitetit fizik dhe mund të bëhet aq e mprehtë sa të ndërpresë punën apo aktivitetet e përditshme. Ata e përshkruajnë ndjesinë si një ‘ngurtësi’ që i shoqëron sidomos në mëngjes, duke e bërë të vështirë ngritjen nga shtrati ose përkuljen për të kryer detyra të thjeshta. Lëvizjet si përkulja përpara, kthimi i trupit në anë apo ngritja e peshave shpesh shkaktojnë një përkeqësim të menjëhershëm të dhembjes, ndërsa qëndrimi për kohë të gjatë në një pozicion, qoftë ulur apo në këmbë, e intensifikon ndjesinë e parehatshme. Shpesh ata shfaqin lodhje të muskujve paravertebralë dhe ndjeshmëri të theksuar në prekje, gjë që i bën të shmangin lëvizjet spontane.

Në mënyrë të ngjashme, pacientët me enthesopati në rajonin e qafës përjetojnë dhembje të vazhdueshme dhe ngurtësi që kufizon lëvizshmërinë e kokës dhe shpinës së sipërme. Këto dhembje shpesh intensifikohen gjatë aktiviteteve të përditshme si kthimi i kokës, qëndrimi në pozicione të tensionuara në punë me kompjuter, apo gjatë ngritjes së objekteve. Ngurtësia e mëngjesit është gjithashtu e zakonshme, duke e bërë fillimin e ditës sfidues. Në raste më të rënda, dhembja mund të përhapet drejt shpatullave dhe krahëve, duke sjellë ndjesi shpimi ose mpirje. Kjo gjendje ndikon dukshëm në cilësinë e jetës, duke vështirësuar kryerjen e detyrave të thjeshta dhe duke shkaktuar lodhje të përgjithshme. Në raste më të avancuara, dhembja nuk kufizohet vetëm në kohën e aktivitetit, por vazhdon edhe gjatë pushimit, duke ndikuar në cilësinë e gjumit dhe duke sjellë një ndjenjë ankthi e pasigurie për përkeqësimin e mëtejshëm të gjendjes.

Cilët persona janë më të atakuar nga enthesopathia cervicale dhe torakolumbale?

Enthesopathia cervicale dhe torakolumbale zakonisht prekin persona që ushtrojnë aktivitete me ngarkesa fizike të përsëritura, mbajnë pozicione të zgjatura statike, ose kanë lëvizje të përsëritura që stresojnë zonën e qafës dhe shpinës së mesme e të poshtme. Profesionet më të rrezikuara përfshijnë punonjësit e ndërtimit, stafin e kujdesit shëndetësor, shoferët që qëndrojnë shumë orë në pozicion ulur, punonjësit në sektorin e teknologjisë që përdorin kompjuter për periudha të gjata, si dhe sportistët që ushtrojnë aktivitete me lëvizje të përsëritura ose ngarkesa të mëdha në këto rajone. Gjithashtu, personat me obezitet, ata që kanë posture të dobët, dhe ata që kanë patologji të tjera muskulore ose kockore janë më të predispozuar për zhvillimin e enthesopathisë në zonat torakolumbale dhe cervicale.

Ekzaminimi fizik

Gjatë ekzaminimit shpesh vërehet qëndrimi i kujdesshëm të pacientit, i cili përpiqet të shmangë çdo lëvizje të papritur që mund t’i shkaktojë dhembje. Palpacioni mbi zonën cervicale apo torakolumbale zbulon pikë të ndjeshme, sidomos mbi vendet e fiksimit të ligamentit supraspinal dhe interspinal, ku pacienti shpesh reagon me një kontraksion të lehtë refleks për shkak të dhembjes. Lëvizjet e shtyllës janë shpesh të kufizuara, përkulja përpara, ekstensioni dhe rotacioni kryhen me ngadalë dhe shpesh me ndihmën e muskujve të tjerë për të kompensuar segmentin e prekur. Në disa raste, tensioni i muskujve paravertebralë është i dukshëm, si një mur mbrojtës që trupi ngre për të kufizuar lëvizjen e dhembshme. Vërehet gjithashtu se pacienti ruan një posturë të ndryshuar, herë me lehtësim të lordozës lumbale dhe herë me një tendencë për të mbajtur shpinën më të drejtë se normalisht, për të minimizuar shtrirjen e strukturave të dhembshme.

Diagnostika

Diagnoza e enthesopatisë cervicale dhe torakolumbale kërkon një vlerësim të kujdesshëm, ku përfshihen të dhënat e historisë klinike me gjetjet objektive dhe imazherike. Mjeku nis duke ndërtuar një tablo të plotë nga rrëfimi i pacientit, duke vlerësuar natyrën e dhembjes, kohëzgjatjen e saj, faktorët që e përkeqësojnë ose lehtësojnë, si dhe ndikimin që ka në jetën e përditshme. Më pas, ekzaminimi fizik konfirmon dyshimet klinike dhe orientohet drejt analizave të mëtejshme.

Radiografia e shtyllës cervicale apo torakolumbale shpesh është hapi i parë në hetim, duke zbuluar prani të osteofiteve, kalcifikime në zonat e entezave apo shenja të hershme të spondilozës. Nëse dyshohet për proces inflamator aktiv ose dëmtime të indeve, përdorimi i rezonancës magnetike (MRI) ofron një pamje të detajuar, ku mund të dallohet edemë, inflamacion ose ndryshime të hershme që radiografia nuk i kap. Në disa raste, ekografia muskuloskeletale shërben si një mjet i shpejtë dhe praktik, sidomos për të vlerësuar sipërfaqet e prekura ose për të udhëhequr injeksionet terapeutike.

Nëse ekziston dyshimi për një sëmundje inflamatore sistemike, kërkohen analiza laboratorike si ESR, CRP dhe testi HLA-B27, të cilat ndihmojnë në identifikimin e patologjive si spondiloartropatitë. Në këtë mënyrë, diagnostika nuk kufizohet vetëm në konstatimin e një lezioni lokal, por shikon të gjithë pacientin, duke u përpjekur të zbulojë jo vetëm pasojën, por edhe shkakun e saj.

Trajtimi

Menaxhimi i enthesopatisë cervicale dhe torakolumbale kërkon një qasje të kujdesshme dhe të individualizuar, sepse çdo pacient ka një histori, stil jete dhe pritshmëri të ndryshme. Qëllimi kryesor është lehtësimi i dhembjes, rikthimi i funksionit normal dhe parandalimi i përsëritjes së problemit.

Në shumicën e rasteve, trajtimi nis me masa konservative. Mjeku këshillon pushim relativ, duke shmangur ngarkesat e rënda dhe lëvizjet që provokojnë dhembjen, por pa e imobilizuar plotësisht pacientin. Përdorimi i medikamenteve antiinflamatore jo-steroidalë (NSAIDs) është një nga mjetet kryesore për të ulur inflamacionin dhe për të përmirësuar lëvizshmërinë. Nëse tensioni muskulor është i madh, mund të rekomandohen edhe relaksues muskulorë për një periudhë të shkurtër.

Kur masat e thjeshta nuk japin rezultat, mund të rekomandohet ndërhyrje më të avancuara, si injeksionet lokale me kortikosteroide për të qetësuar inflamacionin, ose përdorimin e PRP (plasma e pasur me trombocite) për të stimuluar rigjenerimin e indeve të dëmtuara. Në rastet kur shkaku është një sëmundje inflamatore sistemike, përfshihet trajtimi specifik me medikamente antireumatike ose biologjike.

Një pjesë thelbësore e trajtimit është edukimi i pacientit. Tregohen teknikat e duhura të qëndrimit, mënyrën korrekte të ngritjes së peshave, rëndësinë e mbajtjes së peshës trupore në kufijtë normalë dhe rolin e aktivitetit fizik të moderuar në parandalimin e dëmtimeve të reja. Trajtimi nuk përfundon me largimin e dhembjes akute, ai vazhdon me ndryshimin e zakoneve të përditshme, duke siguruar që shëndeti i shtyllës kurrizore të ruhet afatgjatë.

Përfundimi

Enthesopathia cervicalis dhe thoracolumbalis nuk është vetëm një term mjekësor, por një realitet i dhembshëm për shumë pacientë që e ndjejnë çdo ditë në trupin e tyre. Dhembjet në qafë dhe në zonën torakolumbale nuk janë thjesht dhembje muskulore; ato mund të jenë shenjë e patologjive të ndryshme që kërkojnë vëmendje të veçantë. Prandaj, një ekzaminim i saktë dhe i plotë, duke filluar nga kontrolli klinik deri te ekzaminimet radiologjike, është thelbësor për të identifikuar natyrën e dhembjes dhe për të vendosur trajtimin më të përshtatshëm. Kujdesi ndaj kësaj patologjie duhet të jetë gjithëpërfshirës, duke kombinuar njohuritë shkencore me ndjeshmërinë njerëzore, sepse mjekësia nuk ka të bëjë vetëm me shërimin e trupit, por edhe me rikthimin e jetës që dhembja ia ka marrë pacientit. /Telegrafi/

The post Dhimbjet e qafës dhe shpinës nga Enthesopathia: Shkaqet, simptomat dhe trajtimi appeared first on Telegrafi.

Ministri izraelit i Financave, Bezalel Smotrich, ka njoftuar se do të nisë ndërtimin e 3401 njësive të reja banimi në zonën e ashtuquajtur E1, një rajon midis Jerusalemit Lindor dhe vendbanimit të paligjshëm Ma’ale Adumim, pas një ndërprerjeje prej dy dekadash.

Ky vendim vjen pavarësisht presionit të madh ndërkombëtar për të ndaluar ndërtimet në këtë zonë strategjikisht të ndjeshme, e cila ndodhet përtej vijës së gjelbër.

Lexo po ashtu Nga Siria e Egjipti deri tek Arabia Saudite, Netanyahu: Jam në mision shpirtëror, ëndërroj Izraelin e Madh

Kritikët paralajmërojnë se lidhja e Ma’ale Adumim me Jerusalemin do të ndante territorin palestinez në dy pjesë, duke penguar lëvizjen e lirë midis Ramallahut dhe Betlehemit, e cila gjë do të rrezikonte seriozisht mundësinë për një zgjidhje politike në të ardhmen.

Smotrich ka deklaruar hapur se ky projekt ka për qëllim “anulimin e idesë së një shteti palestinez”, raporton jp.

“Planet për ndërtim në E1 hedhin poshtë idenë e një shteti palestinez dhe janë pjesë e hapave që po ndërmarrim në terren në kuadër të planit për sovranitet de facto, të cilin e nisëm me formimin e kësaj qeverie,” tha ai, duke shtuar se ka ardhur koha për të “ndalur dekada presionesh ndërkombëtare dhe ngrirjesh” dhe për të lidhur Ma’ale Adumim me Jerusalemin.

Në deklaratat e tij, ai shkoi edhe më tej duke pretenduar se Bregu Perëndimor i takon Izraelit “sipas një premtimi hyjnor”.

“Ata do të flasin për ëndrrën palestineze, ndërsa ne do të vazhdojmë të ndërtojmë realitetin hebre. Ky realitet i jep fund përfundimisht idesë së një shteti palestinez, sepse nuk ka asgjë për të njohur dhe askënd për të njohur. Bregu Perëndimor është pjesë e Izraelit sipas premtimit hyjnor,” deklaroi Smotrich, duke theksuar se ka mbështetjen e plotë të kryeministrit, Benjamin Netanyahu.

Vendimi për ndërtim në zonën E1, që prej kohësh konsiderohet si “vijë e kuqe” nga bashkësia ndërkombëtare, mund të shtojë më tej tensionet në terren dhe të shkaktojë valë të reja kritikash ndaj politikës së vendbanimeve të Izraelit. /Telegrafi/

The post Izraeli rifillon projektin për ndarjen e territoreve palestineze appeared first on Telegrafi.

Alexander Isak vazhdon të qëndrojë i vendosur për transferimin te Liverpooli, duke refuzuar të jetë pjesë e skuadrës për ndeshjet e ardhshme ndaj Aston Villa këtë javë, ndërsa Arne Slot e pranon publikisht se i duhet edhe një sulmues. 

Sulmuesi suedez ka hedhur poshtë edhe tentativat e klubit për rinovimin e kontratës, ndërsa dëshira e tij mbetet e qartë – të bashkohet me Reds sa më shpejt që të jetë e mundur.

Situata ka krijuar tension të hapur mes lojtarit dhe Newcastle, me të ardhmen e tij që duket gjithnjë e më larg “St James’ Park”.

Alexander Isak plans remain clear: no intention to be part of the squad against Aston Villa, same against Liverpool next week.

Isak keeps rejecting new deal approaches as his clear desire remains to join Liverpool asap. pic.twitter.com/BqL7CJcMxb

— Fabrizio Romano (@FabrizioRomano) August 14, 2025

Nga ana tjetër, trajneri i Liverpoolit, Arne Slot, ka theksuar se procesi i rindërtimit të repartit ofensiv nuk ka përfunduar ende, pavarësisht nënshkrimit me Hugo Ekitike më herët këtë verë. Ai do edhe një sulmues.

“E shoh Hugon kryesisht si një numër 9, i cili mund të luajë edhe nga e majta ose së bashku me një numër 9 tjetër”.

“Na duhet të kemi të paktën edhe një sulmues”, deklaroi Slot për Sky Sports.

Deklaratat e tij janë një sinjal i qartë se Liverpooli është gati të bëjë një tjetër lëvizje për të siguruar shërbimet e Isakut, duke parë te ai lojtarin ideal për të kompletuar sulmin.

Nëse marrëveshja finalizohet, kjo do të ishte një nga transferimet më të bujshme të verës në Ligës Premier. /Telegrafi/ 

The post Isak nuk pranon të luajë për Newcastle, mendon për Liverpoolin – Arne Slot kërkon me çdo kusht një sulmues shtesë appeared first on Telegrafi.

Zoran Vukotiq shënon rastin e parë në Kosovë të bashkimit të dënimeve për krime lufte. Përballë disa aktakuzave për krime lufte, Vukotiq është dënuar për tri vepra – krime lufte kundër popullatës civile në Kosovë. Për dy dënimet e formës së prerë, Gjykata Themelore ka vendosur një dënim të bashkuar prej 19 vitesh burg, ndërsa pritet që edhe rasti për vrasjen e një 13-vjeçari t’i bashkohet këtij procesi të unifikimit të dënimeve, i cili ende po vazhdon.

Gjykata themelore në Prishtinë për herë të parë ka bërë bashkimin e dënimeve për krime lufte

Zoran Vukotiq ka pasur pesë aktakuza të ngritura për krime lufte. Gjykata i ka shqiptuar dy dënime të formës së prerë, dhunim seksual gjatë luftës, maltretim dhe rrahje të të burgosurve në burgun e Smrekonicës, dënim me 6 vite e gjashtë muaj. Ndërsa me 15 vite burg është dënuar për vrasjen e 13-vjeçarit Burim Muli, gjatë kohës së luftës, dënim që pritet të bëhet i plotfuqishëm

Këto krime gjatë luftës, Vukotiq i ka kryer në territorin e Vushtrrisë.

Për dënimet e formës së prerë, 6 dhe 13 vite burg Vukotiqit, Gjykata në Prishtinë ia ka bërë bashkimin e dënimeve dhe e ka unifikuar në 19 vite burg, me kërkesë të mbrojtjes së tij. Për unifikimin e këtyre dënimeve, Gjykata Themelore në Prishtinë ia ka konfirmuar RTK-së

“Gjykata Themelore në Prishtinë ka bashkuar dy dënimet e formës së prerë ndaj Z.V., i shpallur fajtor për krime lufte kundër popullsisë civile, duke caktuar një dënim unik prej 19 vitesh burg. Gjykata e Apelit ka refuzuar ankesën e mbrojtësit, ndërsa Gjykata Supreme e ka hedhur si të palejueshme ankesën e të dënuarit. Ky është rasti i parë në gjykatë ku kërkohet bashkimi i dënimeve për këtë vepër penale”, thuhet në deklaratë.

Në proceset gjyqësore, pas shpalljes së vendimeve reagime të shumta vijnë nga viktimat, familjarët e të vrarëve e të prekurit e tjerë, sidomos për dënimin maksimal 15 vite që shqiptohet nga gjykata

Juristja e Qendrës Kosovare për Rehabilitimin e të Mbijetuarve të Torturës, Fatmire Haliti, e vlerëson si të rëndësishëm nxjerrjen e këtij vendimi që sipas saj hap rrugë tjetër në trajtimin e këtyre rasteve në një nivel tjetër që do të jetë si model për rastet tjera

“Në këtë rast gjatë gjithë procedurës është aplikuar ligji më i favorshëm, ligji i ish Jugosllavisë që ka përkufizuar dhunim si krim kundër popullsisë civile dhe në bazë të këtij ligji është ngritur aktakuza dhe është mbajtur shqyrtimi gjyqësor. Te shqipimi i dënimit edhe gjyqtarët kanë qenë të kufizuar në bazë interpretimeve që janë bërë, kështu që mendoj që ka pasur interpretime të ndryshme dhe disa prej tyre jo të favorshme dhe jo të pranueshme sidomos për pozitën e viktimave dhe familjarëve të të vrarëve të cilët arrijnë me dëshmu dhe me e rikthy traumën dhe me ju rikthy gjithë procesit gjyqësor dhe në bazë të limiteve që i kanë aplikuar ka qenë 15 vite burgim që është absolutisht një dënim i papërfillshëm në raport me krimet mizore dhe çnjerëzore që i kanë bërë ndaj viktimave, sidomos grupeve të ndjeshme, grave fëmijëve pleqve dhe të tjerë”, deklaroi Fatmire Haliti nga “Qendra Kosovare për Rehabilitimin e të Mbijetuarve të Torturës”.

Amer Alija nga Fondi për të Drejtën Humanitare në Kosovë sqaron se si ligji e parasheh një vendim të tillë e që është i pari që gjykata në Kosovë e shqipton në bashkimin e dënimeve për krime lufte

“Sipas mendimit tim, personat që dënohen pa marrë parasysh etnicitetin për veprat penale për krime lufte të kryera gjatë kohës së luftës që kanë disa dënime të formës së prerë dënimet nuk mund të kalojnë 15 vitshin apo në rastet e caktuara ashtu sic gjykatat e rajonit kanë shqiptuar dënimet 20 vite burgim, ne në Kosovë me vendim të supremës e kemi krijuar një praktikë më të butë me maksimumin prej 15 vitesh, në këto raste unë mendoj që personat mund të dënohen me 20 vite burgim për veprat penale për krime të luftës të kryera në rrethana të rënda por asesi nuk mund të denohen prej 16-të deri në 19 vite burgim. Për arsye se këto dënime nuk kanë qenë të parashikuara me ligjin e RSJ-së i cili është ligji”, tha Amer Alija nga “Fondi për të Drejtën Humanitare në Kosovë”.

Për Zoran Vukotiqin procesi do të vazhdojë derisa të merret një epilog përfundimtar pasi edhe dënimi tjetër të marrë formën e prerë. Sfida mbetet se si do të unifikohet ky dënim me dënimin maksimal duke marrë parasysh edhe dënimin e fundit prej 15 vitesh burgim.

The post Rasti i parë në Kosovë i bashkimit të dënimeve për krime lufte, Zoran Vukotiq dënohet me 19 vite burg appeared first on Telegrafi.

Kryetari i Komunës së Tetovës, Bilall Kasami tha se mbi 70 milionë euro do të investohen në ndërtimin e një Qendre Klinike moderne në qytetin e Tetovës.

Ai në takimin me ministrin e Shëndetësisë, Azir Aliu, dhe drejtorin e institucionit, Erzen Elezi, tha se u hodh hap i parë për modernizimin e plotë të këtij kompleksi shëndetësor, që pritet të sjellë një epokë të re për qytetarët e Tetovës dhe rajonit.

Kasami shtoi se Komuna e Tetovës do të sigurojë mbështetje të plotë për realizimin e këtij projekti madhor, duke nënvizuar kalimin nga “errësira e dështimeve të së kaluarës drejt një të ardhmeje që vlen për qytetin.”

Ky investim i rëndësishëm pritet të përmirësojë ndjeshëm cilësinë e shërbimeve shëndetësore dhe infrastrukturën e vendit, duke u shndërruar në një pikë kyçe për shëndetin publik në Tetovë dhe zonat përreth.

The post Kasami: Do të investohen mbi 70 milionë euro në ndërtimin e një Qendre Klinike moderne në Tetovë appeared first on Telegrafi.

Legjenda e Chelseat, John Terry, ka deklaruar se ka hequr dorë nga përpjekjet për t’u bërë trajner kryesor, pas disa refuzimeve që ka marrë gjatë aplikimeve për role menaxheriale.

Ish-qendërmbrojtësi ka punuar më parë si trajner ndihmës nën drejtimin e Dean Smith te Aston Villa dhe Leicester, pasi i dha fund karrierës si lojtar në vitin 2018.

Shumë bashkëkohës të Terryt — si Xabi Alonso, Cesc Fabregas, Steven Gerrard, Frank Lampard dhe Mikel Arteta — kanë arritur tashmë të sigurojnë punë si trajnerë, gjë që, sipas tij, ka qenë surprizuese.

Terry u shpreh për The Sun: “Kam mbaruar me idenë për t’u bërë trajner. Po e shijoj jetën time, punoj me kohë të pjesshme në akademinë e Chelseat, punoj me fëmijët dhe u përcjell përvojën time. Kam kohë për veten, luaj golf, kaloj kohë me familjen — është një ekuilibër i përkryer”.

Ish-kapiteni i Chelseat kujtoi përvojën pozitive si ndihmës trajner te Aston Villa, kur skuadra u ngjit në Ligën Premier, duke menduar se kjo, së bashku me karrierën e tij si lojtar dhe kapiten i Anglisë, do t’i mjaftonin për të marrë një post drejtues.

“Nuk po kërkoja domosdoshmërisht punë në Ligën Premier apo Championship, por edhe në League One. Megjithatë, gjatë intervistave gjithmonë dëgjoja të njëjtën gjë: ‘Nuk ke përvojë’. Kur shoh disa njerëz që po menaxhojnë sot, jam i habitur”.

Lexo po ashtu "Ai ishte i vetmi lojtar që ia kisha frikën" - John Terry emëron legjendën e futbollit si kundërshtarin e tij më të vështirë

Terry pranoi se ndihet i frustruar, por njëkohësisht është pajtuar me faktin që nuk do të marrë drejtimin e një ekipi.

“Kam shumë atribute për të qenë një trajner i mirë, por kjo nuk ndodhi. Tani jam i fokusuar tek akademia dhe po e shijoj jetën”, shtoi legjenda angleze. /Telegrafi/

The post John Terry heq dorë nga ëndrra për t’u bërë trajner: Jam i befasuar kush e mori punën para meje appeared first on Telegrafi.

Presidenti amerikan, Donald Trump është pyetur rreth takimit me homologun Vladimir Putin dhe nëse është i gatshëm t’i ofrojë lideri rus qasje në minerale të rralla për ta nxitur atë të përfundojë luftën në Ukrainë.

“Do të shohim çfarë ndodh, kemi një takim të madh. Mendoj se do të jetë shumë e rëndësishme për Rusinë, dhe do të jetë shumë i rëndësishëm për ne që do të shpëtojmë shumë jetë”, pohoi ai.

Lexo po ashtu Takimi Trump-Putin në Alaskë - gjithçka që po ndodh para samitit, minutë pas minute

Trump përsërit se po takohet me Putinin “për të shpëtuar mijëra jetë të ushtarëve që po humbin brenda javës”.

Trump:

We have a meeting with Putin tomorrow. But the more important meeting will be the one between Putin, Zelensky and myself. And maybe we bring some of the European leaders along, maybe not. pic.twitter.com/zwKGbFt3yu

— Clash Report (@clashreport) August 14, 2025

Duke iu referuar takimit të nesërm, ai thotë “mendoj se do të jetë i mirë”.

“Por, takimi më i rëndësishëm do të jetë takimi i dytë që do të kemi, do të kemi një takim me presidentin Putin, presidentin Zelensky, unë dhe ndoshta do të sjellim disa nga udhëheqësit evropianë, ndoshta jo”, pohoi lideri amerikan.

Trump deklaroi para gazetarëve se beson që Zelensky dhe Putin “do të bëjnë paqe”.

Lexo po ashtu Putin foli në prag të takimit historik në Alaska

Ai beson se Putini “do të donte të shihte një marrëveshje”.

“Mendoj se nëse nuk do të isha president, ai do të pushtonte të gjithë Ukrainën, është një luftë që nuk duhej të kishte ndodhur kurrë. Nëse nuk do të isha president, sipas mendimit tim, ai do të donte shumë më tepër të pushtonte të gjithë Ukrainën, por unë jam president dhe ai nuk do të luajë me mua”, pohoi ai.

Ndryshe, Trump dhe Putin pritet të takohen gjatë ditës së nesërme në Alaska. /Telegrafi/

The post Trump do të ftojë udhëheqës evropianë në takimin Zelensky-Putin appeared first on Telegrafi.

Pajisjet shkollore do të shiten më lirë për një muaj, kjo pasi qeveria vendosi masën “shporta shkollore”.

Duke filluar nga nesër e deri më 15 shtator, pajisjet shkollore do të shiten për së paku 15% më lirë.

Qeveria vendosi masë “shportë shkollore” me çka nxënësit pajisjet e tyre shkollore do të mund t’i furnizojnë më lirë.

Për familjet me një fëmijë kursimi pritet të jetë deri në 2000 denarë ndërsa me dy fëmijë rreth 3000 denarë. Produktet që do të përfshihen me masën do të jenë të shënuara me mbishkrimin: “Më pak harxhime, më shumë për ty”.

“Çmimet ku janë bërë lirimet janë marrë nga 1 qershori. Lirimet në tregtinë me shumicë do të jenë për 10% derisa në tregtinë me pakicë, respektivisht nëpër librari, shitore, markete dhe vende tjera ku ka pajisje shkollore do të ulen çmimet krahasuar nga 1 qershori për 15% minimumi. Pra mund ti ulin më tepër sepse ndonjëherë ka edhe çmime në aksion në disa produkte të cilat japin lirime më të mëdha”, tha Marjan Risteski, zëvendësministër i Ekonomisë.

The post Qeveria vendosi masën “Shporta shkollore”, pajisjet shkollore deri më 15 shtator do të shiten për 15 për qind më lirë appeared first on Telegrafi.

Sot është arrestuar një zyrtar korrektues N.P. (52), i dyshuar për ndihmë në arratisjen e një personi nga Qendra e Paraburgimit në Mitrovicë Veri, më 7 gusht 2025.

Gjatë arrestimit, të njëjtit i është sekuestruar një telefon mobil si provë materiale. Ai është intervistuar në prani të avokatit mbrojtës dhe me urdhër të Prokurorit të Shtetit, është dërguar në mbajtje për 48 orë.

Policia e Kosovës po vazhdon me veprime të mëtejshme operative për kapjen e personit të arratisur Gjorgje Sava Radomiroviq, i cili ishte i dënuar me 14 vjet e gjysmë burg për veprën vrasje.

Lexo po ashtu Arrestohet edhe një oficer korrektues për arratisjen nga paraburgimi në Mitrovicë

Policia apelon te qytetarët që kushdo që ka informacione relevante të lajmërojë në numrin 192 ose në stacionin më të afërt policor.

The post Ndihmoi në arratisjen e një serbi në Mitrovicën e Veriut, Policia jep detaje për arrestimin e gardianit appeared first on Telegrafi.

Drita do të përballet sonte me FCSB në ndeshjen e kthimit të raundit të tretë të Ligës së Evropës, ku pas paraqitjes inkurajuese në Bukuresht një javë më parë, gjilanasit janë të vendosur të shkruajnë histori para tifozëve të tyre në “Fadil Vokrri”.

Në duelin e parë, kampioni i Kosovës kishte befasuar me epërsi 0-2, por rumunët përmbysën gjithçka në pjesën e dytë, duke fituar 3-2 dhe duke lënë të hapur garën për kualifikim.

Trajneri Zekirija Ramadani për këtë ndeshje ka vendosur të luajë në portë me Faton Maloku, ndërsa mbrojtja përbëhet nga Besnik Krasniqi, Egzon Bejtullai, Raddy Ovouka dhe Blerton Sheji.

Në mesfushë treshja e zakonshme, Ron Broja, Albert Dabiqaj dhe Vesel Limaj, që tashmë ka fituar besimin e trajnerit.

Sulmi përbëhet nga Arb Manaj në qendër, ndërsa kah krahët vijnë Veton Tusha dhe Liridon Balaj.

Në anën tjetër, te FCSB luajnë në sulm Miculescu, Edjouma, Cisotti dhe Birligea.

Drita: Maloku, Be. Krasniqi, Bejtullai, Ovouka, Sheji, Broja, Dabiqaj, Limaj, Balaj, Tusha, Manaj.

FCSB: Tarnovanu, Cretu, M, Popescu, Ngezana, Pantea, Sut, Chiriches, Miculescu, Edjouma, Cisotti. Birligea.

/Telegrafi/ 

The post Formacionet zyrtare, Drita – FCSB: Ramadani ndryshon rreshtim, kërkohet fitorja historike appeared first on Telegrafi.

Marina ukrainase ka raportuar se një aeroplan luftarak rus i tipit Su-30SM është rrëzuar gjatë një misioni në rajonin juglindor të Ishullit të Gjarprit, në Detin e Zi.

Sipas informacionit të publikuar, ngjarja ndodhi gjatë një operacioni ajror, por shkaku i rrëzimit mbetet ende i panjohur.

Autoritetet ushtarake ukrainase theksuan se mbetjet e aeroplanit janë gjetur në det, gjë që konfirmon humbjen e tij.

Lexo po ashtu Takimi Trump-Putin në Alaskë - gjithçka që po ndodh para samitit, minutë pas minute

Megjithatë, fati i pilotëve që ndodheshin në bord nuk dihet ende, pasi ata nuk janë gjetur dhe konsiderohen të zhdukur. Operacionet e kërkim-shpëtimit janë duke vazhduar në zonën përkatëse.

Ndryshe, Su-30SM është një nga aeroplanët më modernë shumëqëllimësh në arsenalin e Forcave Ajrore Ruse, i përdorur si për misione ajrore të mbrojtjes, ashtu edhe për sulme ndaj objektivave tokësore dhe detare.

Humbja e një aeroplani të tillë përbën një goditje jo të vogël për ushtrinë ruse, veçanërisht në një zonë të tillë strategjike siç është Deti i Zi. /Telegrafi/

The post Rusia humb një aeroplan Su-30SM pranë Ishullit të Gjarprit në Ukrainë appeared first on Telegrafi.

Gjesti ka bërë një sqarim në Instagram, për t’ua bërë me dije fansave për situatën e fundit rreth projekteve të tij muzikore.

Ai ka vendosur të shpjegojë arsyet pse disa projekte që prisnin të publikoheshin janë vonuar.

Në një periudhë ku industria muzikore shpesh sjell sfida të papritura, Gjesti tregon se ka përjetuar disa konflikte dhe padrejtësi nga distributori i mëparshëm, gjë që e ka detyruar të marrë vendime të vështira për të mbrojtur punën e tij dhe të ardhmen e projekteve të tij.

Më poshtë është sqarimi i plotë i Gjestit:

“Sqarim

E ndjej si detyrë me nda me juve disa gjëra që i kam mbajtur në vete për një kohë të gjatë.

Të vetmit që i kam pasur gjithmonë përkrah janë publiku im, edhe ju e meritoni me e pas një sqarim nga ana ime.

Këtë sezonë unë jam detyruar me i ndal të gjitha projektet për shkak të konflikteve dhe padrejtësive që më janë bërë ngë distributori paraprak.

Fatkeqësisht detyrohem që derisa këto konflikte te zgjidhen, me i mbajt krejt këto projekte për vete pasi që refuzoj kategorikisht me publiku ndonjë projekt me këtë distributor.

Unë shpresoj dhe besoj shumë se këto konflikte kanë me u rregullu shumë shpejt në mënyrë që unë të filloj me publikimin e projekteve direkt.

Kam punuar shumë veç me u mundu që sado pak me ju shpërbly krejt mbështetësve të mi dashurinë e mbështjetjen që ma keni dhënë çdo ditë.

Besomni që mezi po pres me i nda me juve këto projekte, edhe besomni që nuk do të dorëzohem kurrë derisa drejtësia të gjej vendin e vet”. /Telegrafi/

The post Mungesa e këngëve të reja, Gjesti: Nuk do të dorëzohem kurrë derisa drejtësia të gjejë vendin e vet appeared first on Telegrafi.

Kryeministri i Shqipërisë Edi Rama ka shpërndarë një video nga një plazh i mbushur plot në Durrës, duke ironizuar ata që, sipas tij, përhapin idenë se turizmi në vend ka ngecur.

“Faleminderit për këtë video kujt ma dërgoi.

Nga plazhet e Durrësit siç nuk ua tregojnë ata që duan t’ju thonë se turizmi ka ngecur”, shkruan Rama në postimin e tij në Facebook.

Turizmi në Shqipëri ka njohur rritje të ndjeshme vitet e fundit, duke thyer rekorde me mbi 10 milionë vizitorë të huaj në 2023-in.

Ndërkohë, sezoni i këtij viti është shoqëruar me debate politike, ku qeveria flet për sukses, ndërsa kritikët pretendojnë rënie të prenotimeve në disa zona.

The post Rama godet me ironi kritikët për turizmin, publikon video nga Durrësi appeared first on Telegrafi.

Çdo prind i fëmijëve të vegjël e di se nuk duhen lënë pa mbikëqyrje as për një çast dhe këtë e përjetoi edhe Daniel De La Cruz kur hyri për të kontrolluar binjakët njëvjeçarë.

Në vend të lojës së zakonshme, ai hasi në një skenë që e la pa fjalë: njëri nga djemtë po e përdorte tjetrin si shkallë për t’u ngjitur në divan.

Ky moment gazmor u filmua dhe u bë viral në Instagram, duke mbledhur mbi 231 mijë pëlqime, shkruan Newsweek.

Në video shihet një vogëlush i ulur mbi shpinën e vëllait të tij, ndërsa përpiqet të kapë ulësen e divanit.

Sapo De La Cruz hyri në dhomë, nxori telefonin për të filmuar sa më shumë nga skena që po ndodhte.

Sipas prindit, i gjithë episodi ishte një befasi e plotë. /Telegrafi/

 

View this post on Instagram

 

A post shared by Daniel, Matt, Ozzie, Mason, Oliver & Jack (@5dudesandadood)

The post Babai kapi momentin kur vëllai shfrytëzoi vëllanë si shkallë për t’u ngjitur në divan appeared first on Telegrafi.

Stellantis do të ndërpresë prodhimin e Jeep Renegade në fabrikën italiane të Melfit, duke mbyllur kështu karrierën 11‑vjeçare në Evropë për këtë model dikur shumë të popullarizuar.

Renegade debutoi në vitin 2014 në panairin e Gjenevës dhe shpejt fitoi simpatinë e konsumatorëve me trupin këndor dhe dritat rrethore.

Në kulmin e popullaritetit, shitej deri në 80 mijë copë në vit në Evropë dhe 100  mijë në SHBA, me mbi 2 milionë njësi të shitur globalisht.

Megjithatë, popullariteti ra edhe pse u bënë rinovime të rregullta. Redizajnimi i fundit u bë në vitin 2022, por shitjet në Evropë këtë vit ranë për 51 për qind, duke arritur vetëm 6 938 njësi në gjysmën e parë të vitit.

Një nga arsyet për ndalimin e prodhimit është suksesi i modelit të ri Jeep Avenger. Ky SUV i vogël, që ofrohet me të gjitha variantet e motorëve në Evropë, është shitur në 52 154 njësi, një rritje prej 34 për qind krahasuar me vitin e kaluar.

Renegade në fabrikën e Melfit i hap rrugë prodhimit të një Jeep Compass të gjeneratës së ardhshme, që do të nisë së shpejti. Nuk është planifikuar zëvendësues direkt për Renegade – pronarët evropianë do të kalojnë në Avenger ose në modelin më të madh Compass.

Produktimi i Renegade vazhdon në Brazil, që është aktualisht tregu më i madh për këtë model me 24 381 njësi të shitura këtë vit, megjithëse edhe aty ka një rënie prej 16.7 për qind. /Telegrafi/

The post Jeep njoftoi zyrtarisht fundin e modelit të njohur appeared first on Telegrafi.

Pritet që Xiaomi 16 dhe 16 Pro të jenë pajisjet e para që do të dalin me çipin Snapdragon 8 Elite 2, dhe kjo pritet të ndodhë para fundit të shtatorit.

Sot, thashethemet e reja nga Kina pretendojnë se të dy modelet do të kenë kamera të reja selfie të përmirësuara ndjeshëm.

Ato do të kenë një rezolucion prej 50 MP, mbështetje për video 4K në 60 fps, kënd të gjerë pamjeje dhe autofokus – kjo e fundit ende mbetet e rrallë për kamerat e përparme.

Kjo pritet të përmirësojë ndjeshëm aftësitë për selfie të modeleve flagship të ardhshëm të Xiaomi-së, veçanërisht në kushte ndriçimi të dobët.

Kamera kryesore e pasme e modelit Xiaomi 16 do të ketë një rezolucion prej 50 MP dhe një sensor të tipit 1/1.3 inç, ndërsa 16 Pro do të ketë specifika të njëjta, por me mbështetje për “shkallë ultra të lartë të diapazonit dinamik” dhe do të vijë me sensor ToF.

Sipas thashethemeve të mëparshme, Xiaomi 16 do të ketë një bateri prej 7.000 mAh, ekran OLED të sheshtë prej 6.3 inçësh, një kamerë ultra të gjerë prej 50 MP dhe një kamerë telefoto prej 50 MP (ndoshta të tipit periskopik). /Telegrafi/

The post Këta telefona Xiaomi do të kenë kamera shumë më të mira selfie appeared first on Telegrafi.

David Raya është shndërruar në një nga transferimet më të suksesshme të Arsenalit. Fillimisht i ardhur në formë huazimi njëvjeçar nga Brentford, ai bindi drejtuesit e klubit me paraqitjet e tij dhe në verën e vitit 2024 u transferua përfundimisht në “Emirates” për 32 milionë euro.

Në sezonin 2023/24, portieri spanjoll regjistroi 41 paraqitje dhe e mbajti portën e paprekur plot 20 herë. Në edicionin pasues, ai e ngriti edhe më lart nivelin e lojës, duke u konfirmuar si një nga portierët më të mirë të Ligës Premier dhe një faktor vendimtar në kualifikimin e Arsenalit në çerekfinalet e Ligës së Kampionëve.

Por rruga e tij drejt majës nuk ka qenë aspak e lehtë, madje me një dëmtim të rëndë në hundë.

Dëmtimi i rëndë që ndryshoi gjithçka

Raya ka treguar forcë të jashtëzakonshme mendore për të kapërcyer një dëmtim serioz, të cilin e pësoi në vitin 2018 gjatë kohës që luante për Blackburn Rovers. Në një ndeshje kundër West Bromwich Albion, ai u përplas fort me sulmuesin Jay Rodriguez dhe pësoi një frakturë të rëndë të hundës.

Situata ishte aq serioze sa atij iu dha oksigjen në fushë dhe u transportua me urgjencë në spital. Trajneri i atëhershëm i Rovers, Tony Mowbray, e përshkroi dëmtimin si tronditës. “Kocka në majë të hundës ishte pothuajse shtyrë në kafkë. Hunda i varej fjalë për fjalë. Disa lojtarë nuk mund ta shikonin skenën – ishte shumë e rëndë”, deklaronte ai.

Rodriguez, i cili u përfshi pa dashje në përplasje, e pranoi se e kishte përjetuar keq momentin.

“Po ndiqja topin dhe u përpoqa t’i shmangesha, por e godita. Kur dëgjova se përfundoi në spital, ndjeva keqardhje të madhe”, deklaronte sulmuesi.

Rikthimi i shpejtë dhe vendosmëria

Megjithë ashpërsinë e dëmtimit, Raya vendosi të shtynte operacionin deri në fund të sezonit, në mënyrë që të mos humbiste ndeshje. Ai u rikthye në fushë vetëm dy javë pas incidentit, duke luajtur me një maskë mbrojtëse.

“Gjëra të tilla mund t’i ndodhin kujtdo. Nuk do të më bëjnë të ndryshoj mënyrën se si luaj”, deklaroi ai në atë kohë.

Vendosmëria dhe karakteri i fortë i ndihmuan të kapërcente jo vetëm atë dëmtim, por edhe të ndërtonte karrierën që e çoi deri te posti i portierit të parë te Arsenali, nën drejtimin e Mikel Artetës. /Telegrafi/ 

The post Pse portieri i Arsenalit, David Raya duket ndryshe nga viti 2018 – faji është te një dëmtim i tmerrshëm në hundë appeared first on Telegrafi.