Kryepolici Skënder Hita ka mbërritur në Policinë e Korçës, pas vrasjes së efektivit Enea Mekolli.

Ngjarja e rëndë ndodhi në Lozhan të Maliqit, ku Mekolli dhe efektivi tjetër, Edison Adri mbeti i plagosur, pas një operacioni për kapjen e 43-vjeçarit Violand Braçellari.

Ky i fundit fshihej prej kohësh në stan, pasi ishte dënuar me 10 vite burg për prodhim dhe shitje droge.

Ai nuk iu bind thirrjes së forcave të policisë, dhe pati shkëmbim zjarri./abcnews.al

Bordi i Transparencës ka njoftuar çmimet e karburanteve.

Sipas vendimit, çmimi i shitjes me pakicë i nënproduktit gazoil i standardit SSH EN 590 të jetë jo më shumë se 195 lekë/litri, ndërsa i shitjes me shumicë jo më shumë se 18 lekë/litër.

Ndërsa çmimi i shitjes me pakicë i nënproduktit benzinë e standardit SSH EN të jetë jo më shumë se 175 lekë/litri, ndërsa i shitjes me shumicë jo më shumë se 163 lekë/litër.

Çmimet e caktuara nga Bordi do të hynë në fuqi sot datë 4 ora 15.30 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes./abcnews.al

Presidenti i Republikës, Bajram Begaj, priti sot Presidentin e Lituanisë, Gitanas Nausėda. Kjo është vizita e parë zyrtare e një Presidenti lituanez në Shqipëri.

Intensifikimi i marrëdhënieve mes dy vendeve në fusha zhvillimore, anëtarësimi i Shqipërisë dhe Ballkanit Perëndimor në Bashkimin Evropian, çështjet e sigurisë në rajon dhe Evropë dhe forcimi i partneritetit si anëtarë në NATO ishin në fokus të takimit.

Kreu i Shtetit riafirmoi marrëdhëniet e shkëlqyera dhe miqësore midis Shqipërisë dhe Lituanisë, të zhvilluara mbi bazën e besimit, solidaritetit dhe një vizioni të përbashkët Euroatlantik.

Presidenti Begaj mori mbështetjen nga homologu i tij për avancimin e anëtarësimit të Shqipërisë në Bashkimin Evropian.

Në takim u konfirmua se një nga prioritetet e Presidencës lituaneze në 6-mujorin e parë të vitit 2027 është mbështetja e Shqipërisë dhe zgjerimi i Bashkimit Evropian me vendet e Ballkanit Perëndimor. Në këtë proces zgjerimi, Shqipëria dhe Mali i Zi janë në vijën e parë të anëtarësimit.

Presidenti i Republikës theksoi se anëtarësimi në BE mbetet prioritet kombëtar i Shqipërisë. “Shqipëria, – theksoi Kreu i Shtetit, – do të vazhdojë me vendosmëri reformat e nevojshme për të avancuar drejt anëtarësimit të plotë në Bashkimin Evropian”.

Gjatë deklaratave për mediat, Presidentët e të dyja vendeve vlerësuan, gjithashtu, dialogun politik, ndërsa shprehën besimin për ta ngritur atë në bashkëpunim të prekshëm.

Gjithashtu, të dy Presidentët shprehën vullnet të përbashkët për lidhje më të forta ekonomike, duke parë mundësi të reja për investime.

Zëvendëskryeministrja Albana Koçiu ka reaguar për vrasjen e efektivit Enea Mekolli në Lozhan të Maliqit.

Përmes një postimi në rrjetet sociale, Koçiu u shpreh se kjo është një humbje e madhe për Policinë e Shtetit dhe institucionet e sigurisë në vend.

Koçiu shtoi se drejtësia do të përgjigjet me të gjithë forcën e ligjit.

“Humbja e jetës së efektivit të Forcave Speciale “Shqiponja”, Enea Mekolli, në krye të detyrës gjatë operacionit policor në Maliq, është një ngjarje shumë e rëndë dhe një humbje e madhe për Policinë e Shtetit dhe institucionet e sigurisë në vend.

Sulme të tilla ndaj punonjësve të policisë janë të papranueshme dhe përbëjnë një cënim të drejtpërdrejtë të rendit publik dhe sigurisë së qytetarëve, ndaj drejtësia do të përgjigjet me të gjithë forcën e ligjit.

Ngushëllimet më të sinqerta familjes së Dëshmorit Enea Mekolli, kolegëve të tij dhe gjithë trupës së Policisë së Shtetit.

Njëkohësisht, i urojmë shërim të plotë dhe sa më të shpejtë efektivit Edison Adri, i cili po merr trajtimin e nevojshëm mjekësor”, shkruan Koçiu.

Lajmi në përditësim…

Kuvendi ka mbajtur një minutë heshtje në nder të efektivit të vrarë në Maliq, Enea Mekolli.

Gjatë fjalës së tij, kreu i grupit të PS, Taulant Balla deklaroi se Mekolli është shpallur Dëshmor i Atdheut, dhe përulet para sakrificës së tij.

“Gjatë një operacioni të vështirë për kapjen e një personi shumë të kërkuar, i cili prej vitesh i ishte fshehur forcave të policisë në malet e Korçës dhe në mënyrë të përsëritur kishte mundur t’u shpëtonte rrethimeve, ka rënë në krye të detyrës efektivi i Policisë së Shtetit, ndërsa një tjetër koleg i tij është plagosur. Autori, pasi ka hapur zjarr, ka mbetur i plagosur dhe është vënë në pranga nga policia.Rëndësia e detyrës që mban uniforma e policisë duhet ta bëjë shoqërinë të reflektojë ndaj respektit për punonjësit e policisë. Policia i shërben dhe i shërben me devotshmëri atdheut dhe qytetarëve. Policia e Shtetit ka derdhur gjak në emër të misionit dhe betimit të saj.

Gjaku i Policisë së Shtetit është gjaku i vetë shtetit; kush ngre dorë ndaj Policisë së Shtetit ka ngritur dorë kundër shtetit. Qëndrojmë sot me respekt dhe mirënjohje para sakrificës së dëshmorit të atdheut Enea Mekolli. Ngushëllimet më të sinqerta familjes së tij dhe po ashtu urojmë për shërim sa më të shpejtë për efektivin e plagosur. Drejtësia duhet të veprojë me forcë dhe dënim maksimal ndaj autorit, ndërsa mirënjohja dhe respekti ynë shkon për Policinë e Shtetit që përballet me rrezikun në shërbim të qytetarëve”, tha Balla./abcnews.al

Polici është vrarë me plumb në kokë, ndërsa i plagosuri është qëlluar me plumb që i ka përshkuar faqen nga njëra anë në tjetrën, duke i dëmtuar rëndë nofullën.

Sipas informacioneve të siguruara nga ABC News, ai ishte ushtarak dhe njohës shumë i mirë i armëve.

Braçellari është dënuar në mungesë me 10 vite burg për prodhim dhe shitje narkotikësh.

Braçellari ka vepruar i vetëm. Ngjarja ka ndodhur pranë banesës ku ai qëndronte, në një zonë të njësisë administrative Lozhan./abcnews.al

Ky është momenti kur 43-vjeçari Violand Braçellari, autori i vrasjes së efektivit Enea Mekolli dhe plagosjes së efektivit Edison Adri.

Braçellari mbeti i plagosur në shkëmbimin e zjarrit me efektivët e policisë.

Efektivët i kanë bërë thirrje të kërkuarit të dilte dhe të dorëzohej, por ai nuk i është bindur thirrjes së Policisë dhe ka hapur zjarr në drejtim të punonjësve të Policisë,

Për të neutralizuar sulmin e të kërkuarit, shërbimet e Policisë i janë kundërpërgjigjur me armë zjarri dhe, si pasojë e shkëmbimit të zjarrit, ka mbetur i plagosur edhe i kërkuari, shtetasi Violand Braçellari, i cili më pas është arrestuar./abcnews.al

“Gjatë një operacioni të guximshëm për kapjen e një të arratisuri të shumëkërkuar, i cili për vite me radhë i ishte shmangur ligjit në malet e Korçës dhe kishte arritur vazhdimisht t’i shpëtonte rrethimit të forcave të rendit, një oficer policie humbi jetën dhe një i dytë u plagos, ndërsa pasi hapi zjarr ndaj tyre, edhe krimineli u plagos dhe u kap! Nderim i përjetshëm për dëshmorin e atdheut, ngushëllime familjes dhe shërim të shpejtë oficerit tjetër.

Dënim maksimal për të arratisurin e shumëkërkuar dhe respekt maksimal për Policinë e Shtetit, e cila nuk do të ndalet kurrë në misionin e saj”, shkruan Rama.

Në përditësim…

Një shpërthim i fuqishëm i ndjekur nga një zjarr ka ndodhur në fabrikën e armëve dhe municioneve “A+A” në qytetin Tula të Rusisë, duke shkaktuar vdekjen e dy punëtorëve.

Autoritetet lokale raportojnë se shpërthimi u pasua nga një zjarr i madh në ambientet e fabrikës, ndërsa operacionet e zjarrfikësve u ndërprenë përkohësisht për shkak të shpërthimeve të përsëritura brenda objektit.

Ekipet e emergjencës u vendosën në vendngjarje, por ndërhyrja u vështirësua nga rreziku i vazhdueshëm i detonimeve sekondare në zonën e prekur.

Deri më tani, nuk dihen shkaqet e shpërthimit, ndërsa autoritetet kanë nisur hetimet për të përcaktuar rrethanat e incidentit.

Fabrika “A+A” prodhon armë dhe municione, por ende nuk ka një njoftim zyrtar nga drejtuesit e saj lidhur me ngjarjen.

Rusia ka nisur pushtimin e shtetit ukrainas më 24 shkurt të vitit 2022.

Explosion at arms factory in Tula, Russia.

Two workers were killed in a powerful explosion and subsequent fire at the “A+A” weapons and ammunition plant in Tula.

Firefighting operations were temporarily halted due to repeated detonations inside the burning facility.

The cause… pic.twitter.com/QEfe7Rbc1Y

— Visegrád 24 (@visegrad24) June 3, 2026

Policia e Korçës ka dhënë informacion lidhur me ngjarjen e rëndë të ndodhur në Lozhan të Maliqit, ku efektivi i “Shqiponjave”, 34-vjeçari Enea Mekolli mbeti i vrarë, ndërsa efektivi tjetër 36-vjeçar Edison Adri mbeti i plagosur, gjatë operacionit për kapjen e të shpallurit në kërkim, Violand Braçellari.

Sipas unformave blu, rreth orës 07:30, efektivët kanë rrethuar stanin ku dyshohej se fshihej 43-vjeçari Braçellari, i dënuar në vitin 2017 me 9 vjet, 11 muaj e 7 ditë burgim nga Gjykata e Korçës, për veprën penale “Prodhimi dhe shitja e narkotikëve”, ndërsa në vitin 2011 ndaj tij është caktuar masa e sigurisë “Arrest në burg”, për veprën penale “Kultivimi i bimëve narkotike”.

Efektivët i kanë bërë thirrje të kërkuarit të dilte dhe të dorëzohej, por ai nuk i është bindur thirrjes së Policisë dhe ka hapur zjarr në drejtim të punonjësve të Policisë,

Për të neutralizuar sulmin e të kërkuarit, shërbimet e Policisë i janë kundërpërgjigjur me armë zjarri dhe, si pasojë e shkëmbimit të zjarrit, ka mbetur i plagosur edhe i kërkuari, shtetasi Violand Braçellari, i cili më pas është arrestuar.

Në drejtim të vendit të ngjarjes është nisur helikopteri i shëndetësisë.

Grupi hetimor, nën drejtimin e Prokurorisë dhe në bashkëpunim me Agjencinë e Mbikëqyrjes Policore, po vijon punën për dokumentimin e plotë ligjor të kësaj ngjarjeje shumë të rëndë, ku humbi jetën në krye të detyrës një punonjës Policie dhe mbeti i plagosur një tjetër punonjës i Policisë./abcnews.al

Personi që shihni në foto është Enea Mekolli, efektivi i cili mbeti i vrarë gjatë një operacioni në Maliq, për kapjen e një personi në kërkim.

Enea Mekolli u vra nga Violand Braçellari, i cili është dënuar në mungesë me 10 vite burg për prodhim dhe shitje narkotikësh.

I plagosur mbeti efektivi Edison Adri.

Braçellari ka vepruar i vetëm. Ngjarja ka ndodhur pranë banesës ku ai qëndronte, në një zonë të njësisë administrative Lozhan.

Vetë i shpalluri në kërkim ka mbetur i plagosur gjatë shkëmbimit të zjarrit dhe është vënë në pranga nga forcat e Policisë. Ndërkohë, efektivi i plagosur pritet të transportohet drejt Tiranës me helikopter për trajtim të specializuar mjekësor./abcnews.al

Violand Braçellari është autori që vrau policin Enea Mekolli, teksa la të plagosur policin tjetër Edison Adri.

Braçellari është dënuar në mungesë me 10 vite burg për prodhim dhe shitje narkotikësh.

Braçellari ka vepruar i vetëm. Ngjarja ka ndodhur pranë banesës ku ai qëndronte, në një zonë të njësisë administrative Lozhan.

Vetë i shpalluri në kërkim ka mbetur i plagosur gjatë shkëmbimit të zjarrit dhe është vënë në pranga nga forcat e Policisë. Ndërkohë, efektivi i plagosur pritet të transportohet drejt Tiranës me helikopter për trajtim të specializuar mjekësor./abcnews.al

Detaje të reja zbardhen lidhur me ngjarjen e rëndë të ndodhur në Maliq, ku një person vrau një polic dhe la të plagosur një tjetër.

Sipas informacioneve nga policia, mëngjesin e sotëm strukturat e policisë pasi kanë identifikuar një person në kërkim kanë zhvilluar një operacion për kapjen e tij në zonën e Maliqit.

Gjatë aksionit ka pasur shkëmbim zjarri ndërmjet personit në kërkim dhe policisë.

Nga ky shkëmbim zjarri mbeti i vrarë një efektiv policie, mbeti i plagosur një tjetër polic dhe gjithashtu personi i shpallur në kërkim që edhe është ndaluar.

Efektivi i plagosur pritet të niset drejt Tiranës me helikopter për shkak të gjendjes shëndetësore.

Ngjarja ka ndodhur në periferi, në një zonë malore të njësisë administrative Lozhan./abcnews.al

Presidenti amerikan, Donald Trump ka deklaruar se SHBA-të po mbajnë marrëdhënie funksionale me udhëheqjen iraniane dhe se një takim i mundshëm me Ajatollahun mund të ndodhë në të ardhmen.

Mojtaba, 56 vjeç, nuk është parë në publik që kur filloi lufta më 28 shkurt me sulmet ajrore të papritura SHBA-Izrael që thuhet se e plagosën atë dhe vranë babanë e tij , të ndjerin udhëheqës suprem Ali Khamenei, dhe anëtarë të tjerë të familjes së tij.

“Ai është i përfshirë, absolutisht. Po, mendoj se ata kanë shumë respekt për të”, tha Trump për Khamenein e ri, në një intervistë për “Pod Force One”, shkruan The New York Post.

“Nuk kam pasur privilegjin ta takoj… Nëse i besoni historive, atij i mungojnë shumë pjesë të ndryshme”, i tha Trump gazetares së The Post, Miranda Devine.

I pyetur për një takim të mundshëm, Trump i tha Devine: “Po, do të doja ta takoja. Do të doja t’i takoja të gjithë. Do të doja ta takoja dhe ndoshta do të takohemi në një moment, varësisht se si do të shkojë gjithçka.”

Lideri i ri iranian është Ajatollah Mojtaba Khamenei, i njohur si djali i liderit të ndjerë iranian Ali Khamenei dhe një nga figurat më me ndikim brenda strukturave të pushtetit në Iran.

Khamenei është një klerik dhe politikan iranian që prej vitesh ka pasur rol të rëndësishëm prapa skenave në aparatin shtetëror.

Ai është i lidhur ngushtë me Gardën Revolucionare Islamike (IRGC) dhe strukturat e sigurisë, duke u konsideruar si një ndër figurat që ka ndikuar në vendimmarrjet strategjike të vendit, pavarësisht mungesës së një profili të lartë publik./abcnews.al

Një ngjarje e rëndë ka ndodhur mëngjesin e së enjtes në Lozhan të Maliqit.

Një polic është vrarë gjatë operacionit për kapjen e një personi në kërkim, teksa një tjetër efektiv ka mbetur i plagosur.

I plagosur ka mbetur edhe autori, person i cili ishte shpallur në kërkim. Autori është Violand Braçellari, i cili është dënuar në mungesë me 10 vite burg për prodhim dhe shitje narkotikësh.

Braçellari ka vepruar i vetëm. Ngjarja ka ndodhur pranë banesës ku ai qëndronte, në një zonë të njësisë administrative Lozhan. Vetë Braçellari ka mbetur i plagosur gjatë shkëmbimit të zjarrit dhe është vënë në pranga nga forcat e Policisë.

Polici i vrarë është Enea Mekolli, ndërsa i plagosur mbeti efektivi Edison Adri./abcnews.al

Kryeministri Edi Rama ka postuar video të një qytetari nga Vlora, ku tregohet ndotja në Zvërnec, teksa në zonë gjenden mbeturina të hedhur nga njerëzit.

Përmes një postimi në rrjetet sociale, Rama tha se kjo është pamje e realitetit të trishtë ku gjendet sot Zvërneci.

Sipas Ramës, kështu duan ta shohin vendin armiqtë e Shqipërisë europiane.

“Mirëmëngjes dhe me këtë mesazh të nxjerrë nga telefoni im bashkë me videon e mëposhtme (pasqyrë e qartë e realitetit të trishtë të parajsës që armiqtë e Shqipërisë Europiane, konkurrentët e Shqipërisë Turistike dhe të verbërit e “Shqipërisë së shqiptarëve” duan ta mbajnë të gjithë bashkë tamam kështu si është sot – siç do ta shihni vetë – tokë të ndotur e të paprekur nga tradhtia ime, që dua të sjell një investim 4 miliardë në funksion të një projekti që e kthen Vlorën në beben e syrit të turizmit në këtë anë të botës, ndërsa Shqipërinë e ngjit në Ligën e Kampionëve të turizmit botëror), duke shpresuar që tanimë t’ju jetë pastruar gjaku nga helmi i luftës hibride online atyre të mive, që u dëshpëruan prej një rreziku imagjinar, ju uroj të gjithëve ju një ditë të mbarë

“Pershendetje Kryeminister! Jam Vlonjat dhe pro investimit ne Zvernec. Mos ndalo. Po te nis nje video dhe te lutem postohe. Behet fjale fiks per zonen ku njerez te papergjegjshem qe dhe ndoshta jan ngritur ne protest e kan katandisur zonen e mbrojtur si mos me keq. Kurse ata qe erdhen per sherr dihet qe e kane me ty jo me natyren se po ta kishin per natyren duhet te shanin pse esht ber hale jo pse do te hedhesh 4 miliarde qe sjan hedhur tere historin ne anet tona. Shihe videon dhe nese do mund te te nis dhe video te tjera te zonave ku mbrohen me ligj po nuk mbrohen dot nga njerezit e liq pa tru qe s a me shum plehra hedhin poshte aq me teper cirren me zerin lart. Te falenderoj nese e mer ne konsiderat kete video dhe tregoja Shqiperis se duan te sabotojne zhvillimin qe e sheron kete zone. Beje kete zhvillim e vlonjatet do te te bekojn ne breza. Keta jo nuk e duan Shqiperin aq sa thone po e duan edhe pa te huaj qe ta kthejne si Vlora para se ta merrje ti ne dor. Po te nis videon”, shkruan Rama./abcnews.al

Izraeli dhe Libani kanë rënë dakord për “zbatimin e një armëpushimi”, por kjo varet nga “një ndërprerje e plotë” e sulmeve të Hezbollahut dhe largimin e të gjithë operativëve të grupit militar nga Libani jugor, sipas një deklarate të përbashkët të lëshuar pas raundit të fundit të bisedimeve të ndërmjetësuara nga SHBA-të të mërkurën.

Marrëveshja vjen pasi qeveria izraelite kërcënoi të përshkallëzojë veprimet e saj në Liban – një veprim që kërcënon të prishë bisedimet SHBA-Iran.

Armëpushimi në vazhdim është shkelur vazhdimisht, ndërsa Izraeli dhe Hezbollahu kanë vazhduar të shkëmbejnë sulme.

Bisedimet e së mërkurës zgjatën gati nëntë orë dhe erdhën pas një dite të plotë bisedimesh të martën në Departamentin e Shtetit të SHBA-së./abcnews.al

DASHI

Gjatë ditës mund të ndjeni nevojën për të ndryshuar diçka në rutinën tuaj. Sa i përket punës, keni një aftësi të mirë për të reaguar ndaj ngjarjeve të papritura dhe për të gjetur zgjidhje të shpejta.

DEMI

Sipas horoskopit të Paolo Fox (e enjte, 4 qershor 2026), qielli ju fton të dilni nga zona juaj e rehatisë. Lidhur me punën, mund të shfaqen ide interesante.

BINJAKËT

Do të jetë gjithashtu një ditë e gjallë dhe stimuluese. Kureshtja juaj është veçanërisht aktive. Lidhur me punën, mund të keni një informacion shumë të dobishëm ose të merrni informacion që do t’ju ndihmojë të merrni një vendim të rëndësishëm.

GAFORRJA

Gjatë kësaj periudhe je më i fortë nga sa mendon. Për sa i përket punës, arrin të ruash qetësinë dhe diplomacinë edhe kur ka trazira përreth teje.

LUANI

Sipas horoskopit të Paolo Fox (e enjte, 4 qershor 2026), qielli ju ndihmon të përcaktoni përparësitë. Shpesh jeni mësuar të kryeni disa detyra njëkohësisht. Lidhur me punën, kjo paraqet një mundësi të mirë për të demonstruar kompetencën dhe besueshmërinë tuaj.

VIRGJËRESHA

E enjtja favorizon organizimin dhe konkretësinë. Kur bëhet fjalë për punën, ju jeni veçanërisht efikas dhe të aftë të shihni detaje që të tjerët i anashkalojnë.

PESHORJA

Ndjeni nevojën për të gjetur harmoni midis asaj që dëshironi dhe asaj që po përjetoni në të vërtetë. Sa i përket punës, mund të thirreni për të ndërmjetësuar midis njerëzve me mendime të ndryshme.

AKREPI

Sipas horoskopit të Paolo Fox (e enjte, 4 qershor 2026), intuita juaj është veçanërisht e mprehtë. Lidhur me punën, mund të jeni në gjendje të parashikoni se si do të zhvillohet një situatë e caktuar.

SHIGJETARI

Shigjetar, dëshira për të parë përtej kufijve tuaj të zakonshëm është shumë e fortë. Lidhur me punën, ekziston një dëshirë për rritje dhe liri më të madhe.

BRICJAPI

Është një ditë pozitive për ata që duan të konsolidojnë diçka të rëndësishme. Lidhur me punën, ju jeni të vendosur dhe të aftë të përballoni edhe detyra komplekse pa humbur fokusin.

UJORI

Sipas horoskopit të Paolo Fox (e enjte, 4 qershor 2026), kreativiteti është aleati juaj më i mirë. Idetë dhe njohuritë mbërrijnë në kohët më të papritura. Sa i përket punës, përpiquni të mos nënvlerësoni një propozim të pazakontë

PESHQIT

E enjtja ofron mundësinë të dëgjoni më mirë instinktet tuaja. Emocionet janë intensive, por jo kaotike. Lidhur me punën, mund të gjeni një zgjidhje elegante për një problem në dukje të ndërlikuar.

Koreja e Jugut dhe SHBA-të zhvilluan bisedimet e para këtë javë për të diskutuar bashkëpunimin bërthamor sipas një dokumenti të përbashkët mbi sigurinë të dakordësuar nga Presidenti i SHBA-së Donald Trump dhe udhëheqësi i Koresë së Jugut Lee Jae Myung vitin e kaluar, tha Seuli të mërkurën.

Bisedimet, të mbajtura të martën dhe të mërkurën, duhej të trajtonin shtytjen e Seulit për zgjerimin e pasurimit të uraniumit dhe të drejtat e ripërpunimit të karburantit të shpenzuar në mbështetje të planit të saj për të ndërtuar nëndetëse me energji bërthamore, tha më parë Ministria e Jashtme e Koresë së Jugut.

Delegacioni i Koresë së Jugut u kryesua nga Zëvendësministrja e Parë e Jashtme Park Yoon-joo, ndërsa pala amerikane u kryesua nga Allison Hooker, nënsekretarja e Departamentit të Shtetit për çështjet politike, tha ministria.

Axhenda e takimit përfshinte si “çështjen e zgjerimit të të drejtave të pasurimit dhe ripërpunimit” ashtu edhe “çështjen e nëndetëseve me energji bërthamore”, tha zëdhënësi i ministrisë Park Il në një konferencë për shtyp të martën.

Park tha se diskutimet mbi pasurimin dhe ripërpunimin ishin të lidhura me rishikimin e marrëveshjes ekzistuese bërthamore dhe ishin “thjesht për qëllime civile dhe tregtare”.

Në të kundërt, nëndetëset me energji bërthamore do të kërkonin një binar të veçantë, pasi ato përfshijnë përdorim ushtarak të materialit bërthamor, tha ai.

“Meqenëse nëndetëset me energji bërthamore lidhen me përdorimin ushtarak të energjisë bërthamore, do të nevojitet një marrëveshje e veçantë sipas ligjit amerikan të energjisë”, tha Park.

Të dy vendet ranë dakord të punojnë drejt arritjes së rezultateve thelbësore sa më shpejt të jetë e mundur, të krijojnë një kornizë për të shqyrtuar progresin gjatë vitit dhe të përshpejtojnë konsultimet e ardhshme, tha ministria të mërkurën.

Fletushka e përbashkët me fakte SHBA-Kore e lëshuar në nëntor tha se Uashingtoni mbështeti një proces që mund të çonte në pasurimin civil të uraniumit dhe ripërpunimin e karburantit të shpenzuar nga Koreja e Jugut për përdorime paqësore.

Gjithashtu tha se Shtetet e Bashkuara kishin miratuar ndërtimin e nëndetëseve sulmuese me energji bërthamore nga Koreja e Jugut dhe do të punonin me Seulin për kërkesat, përfshirë furnizimin me karburant.

Koreja e Jugut synon të lançojë nëndetësen e saj të parë me energji bërthamore deri në mesin e viteve 2030, duke përdorur karburant uranium me pasurim të ulët dhe duke e ndërtuar anijen brenda vendit, tha Ministri i Mbrojtjes Ahn Gyu-back muajin e kaluar.

Sipas marrëveshjes aktuale bërthamore midis vendeve, Koreja e Jugut nuk lejohet të ripërpunojë karburantin bërthamor të shpenzuar ose të pasurojë uraniumin për qëllime ushtarake, edhe pse zotëron reaktorë bërthamorë për të gjeneruar energji.

Ministrja e Ekonomisë dhe Inovacionit, Delina Ibrahimaj deklaroi se duke nisur nga data 1 korrik, programi “Dyfisho Ndërmarrjen Tënde” do të hapë zyrtarisht dyert për bizneset në të gjithë vendin, duke ofruar një mundësi të re financimi për zgjerimin dhe zhvillimin e aktivitetit të tyre.

Për gazetarët, Ibrahimaj u shpreh falë bashkëpunimit me Bankën e Shqipërisë, e cila ka vënë në dispozicion të qeverisë shqiptare një fond prej 250 milionë eurosh, ndërmarrjet do të kenë akses në financime me norma interesi të favorshme, që variojnë nga 2 deri në 3 për qind.

“Programi dyfisho ndërmarrjen tënde do të hapë dyert nga data 1 korrik. Bizneset nga të gjitha qarqet e vendit të informohen dhe të financohen nga ky instrument, falë bashkëpunimit me Bankën e Shqipërisë, që i ka vënë në dispozicion qeverisë shqiptare 250 milionë euro. Bizneset do financohen me një normë 2-3 përqind. Bizneset duhet të informohen për potencialin që ka ky program. Është e rëndësishme të ketë informim dhe transparencë lidhur me këtë program. Bizneset do marrin financimin e duhur me norma të ulëta interesi”, theksoi ajo./abcnews.al