Në brigjet e lumit Buna, në zonën e Dajçit në Shkodër ndodhet një plazh i vogël I cili po pëlqehet gjithnjë e më tepër këtë sezon veror.

Për banorët vendas, ai rikthen nostalgjinë e kohëve kur noti në lumin e fshatit ishte një pjesë e pandarë e verës.

Ndërsa për të huajt  po kthehet në një  vend  për të pushuar  ndërsa vizitojnë  veriun e Shqipërisë.

“Jam nga Malta. Është hera e dytë që vij. Ma kanë sugjeruar miqtë e mi që janë shqiptarë. Më së shumti më pëlqen natyra këtu dhe temperaturat, të cilat nuk janë shumë të larta dhe janë më të përshtatshme se ato në vendin prej nga vij, sidomos për muajin korrik. Do ta rivizitoj, por fillimisht do të qëndroj këtu për dy javë. Do të qëndroj më shumë në veri të vendit, sepse – siç e përmenda – më pëlqejnë temperaturat që nuk janë aq të larta sa në vendin tim. E rekomandoj shumë Shqipërinë. Është një vend fantastik, me natyrë të mrekullueshme, njerëz shumë mikpritës dhe ushqim fantastik.”

“Jam nga Spanja. Më pëlqen shumë këtu – plazhi, uji është krejtësisht i pastër dhe më pëlqen që mund të bëj padel.”

Në këtë gji të qetë dhe të mbrojtur dhjetëra vizitorë gjejnë çlodhje dhe freski mes gjelbërimit dhe ujërave të pastra të Bunës çdo ditë./abcnews.al

Një 17-vjeçar humbi jetën tragjikisht në plazhin pranë kampingut Villaggio California, pasi u mbulua nga rëra pas shembjes së një grope që kishte hapur vetë gjatë lojës.

Ngjarja ndodhi pasditen e së enjtes, kur i riu, duke luajtur me vëllezërit dhe motrat e tij më të vegjël, gërmoi një gropë rreth një metër e gjysmë të thellë në rërë.

Ai u fut brenda saj, por papritur muret e rërës u shembën mbi të, duke e mbuluar dhe zënë brenda.

Fëmijët e tjerë që po luanin aty pranë kishin dalë për pak kohë, dhe pasi kuptuan tragjedinë, telefonuan babanë, i cili dha menjëherë alarmin.

Shërbimet e emergjencës mbërritën shpejt në vendin e ngjarjes dhe tentuan të shpëtonin 17-vjeçarin, por pa sukses.

Familja, me origjinë nga Roma, po kalonte pushimet në kamping ndërsa karabinierët nga Toscana po kryejnë hetimet.

Kryetarja e bashkisë së Montaltos, Emanuela Socciarelli, e cilësoi ngjarjen si një “tragjedi që na i ka lënë të gjithë të tronditur” dhe shprehu ngushëllimet e saj për familjen.

LEXONI GJITHASHTU:

• Europol godet organizatën kriminale: 28 të ndaluar, përfshirë shqiptarë dhe italianë
• Stuhi dhe i nxehtë ekstrem: Përmbytje në veri të Italisë, “ferr” në Spanjë e Francë

The post Tragjedi gjatë lojës në plazhin italian, 17-vjeçari humb jetën në Montalto di Castro appeared first on Euronews Albania.

Një ngjarje e rëndë ka ndodhur në plazhin Montalto di Castro në Itali, ku një 17-vjeçar nga Roma humbi jetën pasi u bllokua në një gropë rreth 1.5 metra të thellë që kishte hapur vetë në rërë.

I riu po argëtohej me vëllezërit dhe motrat më të vegjël kur ata u larguan, duke e lënë vetëm. Babai i tij ndodhej pranë, por nuk e kuptoi menjëherë çfarë kishte ndodhur. Kur u vu re mungesa e tij, familjarët nisën kërkimet dhe, falë ndihmës së fëmijëve të tjerë, gjetën vendin ku ai ishte bllokuar por ishte tepër vonë.

Policia dhe ekipet e emergjencës mbërritën në vendngjarje, por 17-vjeçari nuk mundi të shpëtohej. Ende nuk dihet nëse në momentin e incidentit ka pasur një roje plazhi në detyrë. Hetimet vazhdojnë.

The post Tragjedi në plazhin italian: 17-vjeçari nga Roma humb jetën pasi u bllokua në një gropë rëre appeared first on iconstyle.al.

Sipas Corriere della Sera, i mituri ishte atje me vëllezërit e motrat e tij më të vegjël, me të cilët u argëtua duke hapur një gropë rreth një metër e gjysmë të thellë. Në një moment, vëllezërit e motrat e tij u larguan dhe ai mbeti vetëm. Babai i tyre thuhet se po pushonte në hijen e një çadre pa e kuptuar menjëherë se çfarë kishte ndodhur.

Një tragjedi ka ndodhur në plazhin Montalto di Castro në rajonin e Lacios në Itali, pasi një 17-vjeçar nga Roma humbi jetën, i bllokuar në një gropë që kishte hapur në rërë.

Menjëherë pas kësaj, kur babai vuri re se djali i tij i madh ishte zhdukur, menjëherë nisën kërkimet në plazh. Falë udhëzimeve të vëllezërve të tij më të vegjël, ata nxituan të gërmonin në vendin ku ishte bllokuar 17-vjeçari, por ishte tepër vonë. Policia, zjarrfikësit dhe një helikopter me mjekë mbërritën në vendngjarje.

Nuk dihet nëse kishte një roje plazhi në detyrë në plazhin e lirë në kohën e incidentit. Autoritetet po akoma po hetojnë rrethanat në të cilat ndodhi aksidenti.

The post Loja kthehet në tragjedi/ 17-vjeçari hap gropën buzë detit, por bie brenda dhe mbulohet nga rëra, gjendet pa jetë appeared first on Sot News | Lajme.

TIRANË, 10 korrik /ATSH/ Në kuadër të plan-operacionit “Plazhi i lirë”, Policia e Durrësit njoftoi sot se kanë vijuar kontrollet përgjatë gjithë vijës bregdetare, me qëllim lirimin e hapësirave publike që zihen pa lejen përkatëse nga subjektet në bregdet, duke vënë çadra dhe shezlongë.

“Gjatë kontrolleve, në hapësira publike, në plazhin e Shkëmbit të Kavajës, u hoqën dhe u sekuestruan në total 120 komplete me çadra dhe shezlongë, që ishin vënë në mënyrë të paligjshme nga 1 shtetase”, njoftoi Policia.

Në vijim të veprimeve, u referuan materialet në Prokurori ku nisi procedimi në gjendje të lirë për shtetasen A. Sh., 42 vjeçe, banuese në Tiranë.

Shërbimet e Policisë do të vijojnë kontrollet përgjatë gjithë vijës bregdetare, me qëllim lirimin e hapësirave publike, për pushuesit, dhe verifikimin e aktiviteteve që kryejnë subjektet, gjatë sezonit veror.

/m.q//r.e//a.f/

The post Sekuestrohen 120 komplete me çadra dhe shezlongë në plazhin e Shkëmbit të Kavajës appeared first on Agjencia Telegrafike Shqiptare.

TIRANË, 10 korrik /ATSH/ Kryeministri Edi Rama ka ndarë sot në rrjetet sociale pamje nga plazhi publik i Velipojës, një destinacion turistik që tërheq pushues vendas dhe të huaj.

Rama, teksa ndan foto nga vija bregdetare e Velipojës e mbushur me pushues shkruan: “Kaltërsi dhe relaks që vjen nga plazhi publik i Velipojës së bukur”.

Në fotot e publikuara nga kryeministri Rama ravijëzohen zonat publike të plazhit të Velipojës, këndet sportive, si edhe pamja përrallore ku ndërthuret e kaltra e detit Adriatik me blunë e qiellit, rëra e pastër me veti kuruese dhe qytetarë të cilët shijojnë rrezet e diellit ose argëtohen përmes aktiviteteve sportive. Në foto janë dhe tabelat orientuese, që i njohin pushuesit me hapësirën që u rezervohet në plazhet publike përgjatë vijës bregdetare të Velipojës.

Velipoja, me plazhin e saj të gjerë me rërë dhe natyrën e virgjër, po kthehet gjithnjë e më shumë në një destinacion të preferuar për turistët vendas dhe të huaj. Por jo vetëm Velipoja.

Në zonat bregdetare të vendit këtë vit ka më shumë plazhe publike në dispozicion të pushuesve, në dallim nga vitet e kaluara. Këtë vit përveçse ka hapësira më të shtuara të plazheve publike, bashkitë bregdetare kanë siguruar edhe çadra falas për qytetarët dhe turistët e huaj që mbushin plazhet çdo ditë e çdo orë deri në perëndimin e diellit.

Gjithashtu, bashkitë kanë vendosur edhe tabela identifikuese, në mënyrë që turistët të kenë informacion përpara se t’i frekuentojnë këto plazhe. Kjo është një ofertë më e mirë për të gjithë ata që duan të kalojnë pushimet në stacione publike plazhi.

Këto ditë në të gjithë vendin ka nisur aksioni për lirimin e plazheve dhe hapësirat publike, pas urdhrit të kryeministrit Edi Rama.

Plazhi publik në Velipojë

1 nga 11

/a.f//r.e/

The post Rama: Kaltërsi dhe relaks në plazhin publik të Velipojës appeared first on Agjencia Telegrafike Shqiptare.

TIRANË, 9 korrik /ATSH/ Plazhi i Porto Palermos është një nga zonat më të bukura të bregdetit shqiptar, mes ujërave të kristalta të Jonit.

Kryeministri Edi Rama nëpërmjet një postimi në rrjetet sociale ndau disa foto nga plazhi i Porto Palermos, ku natyra e paprekur plotëson një ofertë të përkryer për të gjithë vizitorët, qofshin vendas apo të huaj.

Plazhi ka një pamje spektakolare, me guralecë të bardhë, me ujëra të kristalta dhe në krye një kala 200-vjeçare.

Ajo njihet me dy emra, kalaja e Porto-Palermos ose kalaja e Ali Pashë Tepelenës.

Në stinën e verës plazhi mbetet një destinacion mjaft tërheqës për të gjithë vizitorët që kërkojnë qetësinë, freskinë, historinë e bukurinë e pamasë që Porto Palermo ofron.

/m.q/j.p/

The post Rama ndan foto nga plazhi i Porto Palermos appeared first on Agjencia Telegrafike Shqiptare.

TIRANË, 9 korrik/ATSH/ Bashkia e Lezhës ka paralajmëruar pushuesit për kushtet e pafavorshme detare që pritet të ndikojnë bregdetin e Lezhës dhe zonat përreth gjatë ditës së sotme dhe ditëve në vijim. Parashikohet që deti të jetë me dallgë të forta dhe me rryma të rrezikshme, ndaj strukturat lokale, në bashkëpunim me vrojtuesit e plazhit, janë vendosur në gatishmëri për të monitoruar situatën dhe për të garantuar sigurinë e pushuesve dhe turistëve.

Pushuesve u bëhet thirrje të respektojnë udhëzimet e vrojtuesve, të mos hyjnë në det kur valët janë të larta ose kur është ngritur flamuri i kuq, si dhe të preferojnë plazhe me shërbim sigurie dhe praninë e vrojtuesve.

Operatorët turistikë dhe bizneset bregdetare paralajmërohen të marrin masat e nevojshme për të parandaluar çdo rrezik nga erërat e forta, të cilat mund të shkaktojnë zhvendosje të çadrave dhe shezlongëve, dëmtime të pajisjeve në plazh dhe rrezik për sigurinë e pushuesve.

Ndërkohë, vrojtuesve të plazhit u kërkohet të vendosin sinjalistikë paralajmëruese në mënyrë të dukshme dhe të ngrejnë flamurin e kuq në rast rreziku të lartë, për të siguruar një ambient sa më të sigurt për vizitorët.

1 nga 5

/a.gj//r.e//a.f/

The post Bashkia Lezhë apel pushuesve: Priten dallgë të mëdha, shmangni zonat e pasigurta në plazh appeared first on Agjencia Telegrafike Shqiptare.

TIRANË, 9 korrik/ATSH/ Gjiri i Gramës, i ndodhur në Gadishullin e Karaburunit, është një nga plazhet më spektakolare të jugut të Shqipërisë, një perlë që tërheq çdo vit mijëra turistë vendas dhe të huaj.

Gjiri i Gramës, i fshehur në vijëzimin bregdetar të Karaburunit, është kthyer një ndër destinacionet e preferuara nga turistët vendas dhe të huaj në bregdetin e jugut të Shqipërisë.

Ministrja e Turizmit dhe Mjedisit, Mirela Kumbaro ndau në rrjete sociale pamje nga ky gji, i cili mund të rroket përmes shtigjeve këmbësore apo nga deti.

Gjiri i Gramës gjendet në rrëzën e shpatit perëndimor të malit Rrëza e Kanalit, në perëndim të qytezës së Orikumit (Vlorës).

Gjiri detar futet disa qindra metra në tokë, ku formon një bregdet shkëmbor me foleza. Aty ka dhe disa shpella nënujore.

Peizazhi natyror është shumë tërheqës për çdo vizitor. Ky gji është përdorur shumë për mbrojtjen e anijeve nga stuhitë detare.

Gjithashtu ai është përdorur gjatë në Antikitet si gurore. Gurorja e Gramës është mjaft e njohur që në lashtësi.

Detarët që strehonin aty anijet, punëtorët që nxirrnin blloqe shkëmborë që përdoreshin për ndërtim në qytetet ilire e më gjerë, kanë gdhendur edhe emrat në faqet shkëmbore e shumë të dhëna të tjera që bëjnë kureshtar vizitorin.

Ndaj dhe shpesh shpella që ndodhet aty emërtohet si “Shpella e shkrimeve”. Arkeologët i kanë studiuar dhe kanë shkruar për këto dokumente historike të gdhendura në shkëmb.

Vlerat e këtij monumenti natyror janë shkencore, historike, kulturore e turistike. Por sot ky gji i bukur detar shfrytëzohet si një plazh i vogël e intim. Drejt tij shkohet me rrugë tokësore, por edhe detare. Shfrytëzohet nga aventurierët e ujit dhe të shpellave.

1 nga 2

/a.f//r.e/

The post Gjiri i Gramës, një nga plazhet më spektakolare të jugut appeared first on Agjencia Telegrafike Shqiptare.

TIRANË, 7 korrik/ATSH/ Bashkia e Lezhës po zhvillon një aksion për çlirimin e hapësirave publike në plazhet që ndodhen në vijën bregdetare të kësaj bashkie.

Kryetari i bashkisë së Lezhës, Pjerin Ndreu ndau në rrjetet sociale momente nga ky aksion.

“Superaksion sot me çlirimim e devijacioneve të papërgjegjshme,  të zënies së hapësirave publike dhe çmimeve të larta të parkingjeve dhe abuzimeve të tjera”, theksoi Ndreu.

Ndreu u shpreh se u vendosën sekuestrime, gjoba dhe tërheqje vëmendje për abuzuesit.

Kryebashkiaku Ndreu theksoi se nuk ka asnjë kompromis me askënd.

“Ju lutem denonconi nëse parkingu jepet më shumë se 200 lekë dhe çadrat në zonat publike më shumë se 500 në Ranë të hedhun, 400 në qendër Shëngjin-Kune, 300 në Tale”, tha Ndreu.

Kryebashkiaku Ndreu tha se “nuk përgjigjemi për rastet e kontaktit me stacionet hoteliere, të cilët kanë çmim më të lartë, bëhet fjalë për plazhet publike që janë të qarta”.

/k.s/j.p/

The post Ndreu: Çlirim hapësirave publike në plazh, sekuestrime e gjoba appeared first on Agjencia Telegrafike Shqiptare.

TIRANË, 6 korrik/ATSH/ Plazhi i Darzezës, 20 kilometra nga qyteti i Fierit, po frekuentohet gjithnjë e më shumë nga pushues vendas, por edhe të huaj.

Me një brez të gjerë rërë dhe ujë të pastër, Darzeza ka një sipërfaqe prej 13,7 km2.

Kryeministri Edi Rama publikoi sot pamje nga plazhi i Darezezës, ku pushuesit e shumtë po frekuentojnë këtë plazh këtë sezon turistik.

Pushuesit zgjedhin të frekuentojnë këtë plazh për shkak të bukurisë, por kryesisht edhe për pastërtinë që ofron. Plazhi i Darzezës në Fier nuk shquhet vetëm për rërën kurative, ai është i gërshetuar mirë me ujin e pastër dhe pyllin shekullor.

Kjo pjesë e Adriatikut shoqërohet edhe me valët e forta të detit, duke ofruar për të apasionuarit e kitesurfing (rrëshqitje në valët e detit), windsurf, wakeboard, si dhe sporte të tjera.

Bregdeti i Darzezës është i vetmi në Ballkan ku era krijon dallgë, të cilat janë të favorshme për ushtrimin e këtyre sporteve të veçanta.

Në fundjavë ky plazh është destinacioni i qytetarëve fierakë e jo vetëm. Rëra këtu është e imët dhe plot jod, mbrëmjet të freskëta dhe mbresëlënëse.

/k.s/j.p/

The post Rama ndan pamje nga plazhi i Darzezës appeared first on Agjencia Telegrafike Shqiptare.

TIRANË, 6 korrik/ATSH/ Me një shtrirje prej mbi 14 km, plazhi i Velipojës mbetet ndër më të preferuarit për vizitorët vendas dhe të huaj.

I cilësuar si një ndër plazhet ranore me shtrirjen më të gjerë në Shqipëri, Velipoja këtë sezon turistik ka një përmirësim të dukshëm në hapësirat publike.

Ministrja e Turizmit dhe Mjedisit, Mirela Kumbaro ndau në rrjetet sociale përshtypjet e disa pushuesve për këtë plazh.

“Velipoja këtë sezon veror sjell një përvojë të përmirësuar me hapësirat publike, rregullin dhe pastërtinë në plazhe për të gjithë pushuesit, veçanërisht ata të Kosovës që janë vizitorët më besnikë të saj”, theksoi Kumbaro.

Një pushues nga Kosova u shpreh se “vij prej 16 vitesh në plazhin e Velipojës, hapësirat publike i kanë përmirësuar shumë”.

Një tjetër pushues u shpreh se këtë vit është më mirë se vitet e tjera. “I kam parë të gjitha plazhet, por Velipoja është më e mirë se të tjerat”, tha ai.

“Këtu çmimet janë më të lira, çadrat variojnë nga 500 lekë deri në 700 lekë. Ambienti është shumë i mirë, pse mos ta shfrytëzojmë këtë mundësi. Ushqimi është shumë i mirë”, tha një tjetër pushues nga Kosova.

Shtimi i plazheve publike dhe menaxhimi më i mirë i hapësirës bregdetare edhe këtë vit kanë sjellë rritje të numrit të pushuesve që frekuentojnë këtë plazh.

Velipoja njihet për ndërthurjen me hijeshi të detit, lumit, delta me ishuj, kodrat, pylli, laguna e fusha, që tërheqin çdo vit e më shumë pushues.

/k.s/j.p/

The post Kumbaro: Hapësira të përmirësuara publike në plazhin e Velipojës appeared first on Agjencia Telegrafike Shqiptare.

Të gjithë duhet të jeni të kujdesshëm në plazh, këshillohet të mos prekni një lloj të veçantë guaskë, sepse helmi i saj mund të shkaktojë paralizë të menjëhershme dhe madje edhe vdekje. Këto janë kone kërmilli, të cilat janë vizualisht shumë tërheqëse shumëngjyrëshe, me modele të ndryshme dhe formë spirale, me një fund të ngushtë dhe një majë të zgjeruar e të lakuar. Edhe pse duken dekorative dhe interesante, ato janë jashtëzakonisht të rrezikshme.

Këto molusqe detare përfshijnë mbi 750 lloje të njohura dhe të gjitha janë helmuese. Ato jetojnë në dete tropikale dhe të buta, më shpesh në cekët, të varrosura në rërë dhe nën korale. Kërmilli në formë koni gjuan me dhëmbët e tij dhe i injekton një helm neurotoksik presë së tij, zakonisht peshqve, krimbave ose molusqeve të tjerë. Fatkeqësisht, i njëjti helm mund të prekë edhe njerëzit, pavarësisht nëse prekni një kërmill, e merrni në dorë apo shkelni aksidentalisht mbi të.

Një përdoruese e TikTok, Becky Lee, ndau përvojën e saj me këtë krijesë potencialisht vdekjeprurëse ndërsa ishte në një plazh në Japoni: “Luaja me krijesën më helmuese në oqean, e cila mund të shkaktojë paralizë të plotë ose edhe vdekje”-tha Beki. “Quhet edhe ‘cigare me kërmij’ sepse sipas legjendës urbane ke vetëm një afat të caktuar për të ndezur një cigare pasi të pickohet para se të vdesësh”. Pasi mori kërmill në dorë, ajo kaloi 72 orë në paranojë të plotë, duke mos ditur nëse e kishin pickuar apo jo. “Për fat të mirë, nuk më pickuan. Por dua që njerëzit ta dinë, disa guaska të bukura nuk janë të padëmshme”-shtoi ajo.

The post Rrezikoni të humbni jetën…/ Ja se çfarë nuk duhet të prekni kur shkoni në plazh appeared first on Sot News | Lajme.

Në një kohë kur shumë turistë të huaj zgjedhin Shqipërinë për pushime dhe shpesh nuk e kanë problem të shfaqen ‘topless’ në plazh, për shumicën e shqiptarëve kjo mbetet ende një kufi i pakalueshëm. Në Durrës, pushuesit shprehen të habitur dhe shpesh të fyer nga kjo sjellje.

“Duhet të ketë plazhe private, posaçërisht për këtë punë. Është e turpshme për ne që jemi përreth tyre, edhe pse atyre nuk u bën përshtypje”, shprehe një qytetar.

Në Velipojë, disa janë më tolerantë.

”Pse jo? Për sa kohë duam të jemi europianë, kjo është normale për ta. Për kulturën tonë, mund të mos jetë”, shprehet një tjetër.

Për shtetasit nga Kosova, kultura që ka Shqipëri është një arsye përse ata e vizitojnë

“Plazhi i Velipojës dallon edhe nga veshja, kultura. Jo jo, nuk është normale”, thotë një qyetar.

Në Vlorë, brezi më i vjetër duket ende i rezervuar.

“Po t’i shohim lakuriq, do t’u themi të mbulohen se na vjen turp. Brezi im nuk e kapërcen dot këtë”, shprehet një tjetër.

Ndërkohë sociologët, thonë se turizmi nuk sjell vetëm përfitime ekonomike, por edhe një pjesë të kulturës së turistëve.

“Është e pashmangshme që të kemi raste ku dalja gjysmë e zhveshur nuk përbën tabu për ta. Por çdo popull ka kulturën e tij. Për sa kohë në Shqipëri nuk ka plazhe të dedikuara për pushues nudo, edhe turistët duhet t’i përshtaten vendit. Rregullat tona nuk e tolerojnë zhveshjen e tillë publike. Në kulturën tonë, zhveshja lidhet me intimitetin”, thotë sociologia.

Në Shqipëri nuk ekzistojnë plazhe zyrtare nudiste dhe ligji nuk lejon shfaqje të tilla publike. Edhe pse nuk ka një nen të posaçëm për nudizmin, Kodi Penal dhe rregulloret vendore mund ta konsiderojnë këtë si “veprim të pandershëm në publik”, që mund të penalizohet me gjoba administrative, ndërsa në raste më të rënda ose të përsëritura, mund të shoqërohet edhe me procedim penal për prishje të rendit publik apo moralit.

The post Nudo në plazh ende tabu në Shqipëri, qytetarët kërkojnë plazhe të dedikuara appeared first on Euronews Albania.

Një grup plazhistësh të moshuar, disa edhe me aftësi ndryshe, denoncuan në Tak Fak shkatërrimin e çadrave dhe shezlloneve që i kishin lënë një natë më parë në hapësirën e një plazhi publik, ku prej vitesh kalonin ditët e nxehta buzë detit. Plazhi, në njësinë administrative të Golemit, ishte “pastruar” nga pajisjet në pronësi të […]

The post Denoncimi i pensionistëve: Na zhdukën çadrat dhe shezlongët nga plazhi publik në Kavajë appeared first on BoldNews.al.

TIRANË, 30 qershor /ATSH/ Ministrja e Turizmit dhe Mjedisit, Mirela Kumbaro ndau sot pamje nga plazhi i Durrësit.

“Bregdeti plot diell e ngjyra i Durrësit”, shkroi Kumbaro, teksa shihen plazhet publike në këtë qytet që këtë vit janë dyfishuar.

Durrësi ka një plazh të gjatë ranor dhe është i mrekullueshëm për disa ditë buzë detit, me shumë hotele dhe restorante aty pranë dhe me vendndodhje të përshtatshme, falë afërsisë me Tiranën.

Aktualisht në Durrës ka 266 parcela publike plazhesh, të fragmentarizuara nga zona e plazhit në Durrës, deri te Përroi i Agait, të cilat pritet të shtohen më shumë pas 30 qershorit, kur përfundon edhe lidhja e kontratave me subjektet private.

Parcelat për të cilat nuk do të ketë aplikime deri në këtë datë do të kalojnë automatikisht në hapësira publike.

Nisur nga fakti se Durrësi ka një vijë bregdetare mjaft të gjatë këtë vit plazhet publike janë konceptuar të ndërprera me ato private, me qëllim që pushuesit të kenë mundësi t’i aksesojnë në segmente të ndryshme.

/gj.m//r.e//a.f/

The post Kumbaro ndan pamje nga bregdeti plot diell e ngjyra i Durrësit appeared first on Agjencia Telegrafike Shqiptare.

Teksa qeveria krenohet me shifrat e larta të turistëve, duket se siguria në plazhet e rivierës lë për të dëshiruar, ku janë regjistuar disa raste me vdekje. Në lidhje me këto raste, eksperti i sigurisë, Fatjon Softa, ka deklaruar se institucionet përkatëse duhet të ishin përgatitur që në janar, ashtu siç e përcakton edhe rregullorja. […]

The post Mbytjet në plazhe/ Eksperti: Neglizhencë dhe paaftësi nga institucionet appeared first on BoldNews.al.

Është identifikuar pushuesi që humbi jetën pasditen e së dielës në plazhin e Sektorit Rinia në Durrës.

Viktima është Shpëtim Alla, 41-vjeç, banor i qytetit bregdetar.

Trupi i pajetë i tij u nxor nga deti nga vetë pushuesit që ndodheshin në zonë, në momentin e ngjarjes.

Sipas të dhënave paraprake, dyshohet se shkaku i vdekjes ka qenë një arrest kardiak.

Ngjarja ka shkaktuar shqetësim tek pushuesit, ndërsa autoritetet po vijojnë hetimet për të zbardhur plotësisht rrethanat.

The post Humbi jetën në plazh, identifikohet viktima e djeshme në Durrës (EMRI) appeared first on Albeu.com.

Procedohet në gjendje të lirë pronari i tregut në plazhin e Durrësit, pas zjarrit masiv që ra një ditë më parë. Procedimi është për shkelje të rregullave të mbrojtjes në punë. Një zjarr i përmasave të mëdha përfshiu një ditë më parë tregun në zonën e Plazhit të Durrësit, në sektorin Iliria.

Flakët përfshinë një sipërfaqe të madhe, ndërsa forcat zjarrfikëse mbërritën në vendngjarje. Si pasojë e zjarrit në tregun ambulant u bllokua qarkullimi rrugor në rrugën “Pavarësia” në plazh. Tregu është me llamarina dhe gjendeshin mbi 20 dyqane që operojnë në zonë. Ende nuk dihen shkaqet e rënies së zjarrit në përmasa të mëdha. Prefekti i qarkut Durrës Emilian Jani, tha një ditë më parë se ka dëme të shumta materiale dhe se ky treg, nuk përmbush asnjë kriter dhe kushte të sigurimit teknik.

The post Zjarri në tregun afër plazhit të Durrësit, vihet nën hetim pronari, akuzohet për… appeared first on Sot News | Lajme.

TIRANË, 29 qershor /ATSH/ Plazhi i Shëngjinit mbetet një nga destinacionet e preferuara për vendasit, por edhe për turistët e huaj.

Kryeministri Edi Rama, përmes një albumi fotografish ka treguar se plazhi i Shëngjinit është frekuentuar këtë fundjavë, nga pushues të të gjitha moshave, që duket se kanë preferuar të shijojnë temperaturat e larta dhe të lahen në det.

Moti i ngrohtë, plazhet e pastra dhe qetësia kanë bërë që njerëzit të “arratisen” nga zhurma e qytetit, për të shijuar disa orë në bregdet për një xhiro, e pse jo, edhe për t’u larë.

Lezha ofron për turistët mundësinë të shijojnë jo vetëm bregdetin, por edhe historinë, natyrën si dhe kulinarinë e pasur të zonës, duke e bërë një destinacion për turizëm gjithëvjetor. Turistët kanë mundësi zgjedhjeje të larmishme në Lezhë, pasi janë të shumta aktivitetet ditore.

Vizitorët mund të zgjedhin peshkim në det apo në grykëderdhjen e lumit Drin, vrojtim shpendësh në lagunat e Kunes e Vainit. Për vizitorët janë ndërtuar tri kulla vrojtimi, një në Kune dhe dy në zonën e Vainit. Ato shërbejnë për të eksploruar zonën si dhe për të vrojtuar shpendët e shumtë.

Të eksplorosh lagunat e Kunes dhe Vainit për biodiversitetin e tyre, natyrën tërheqëse e çlodhëse është mundësi e mirë edhe për piknik, apo për të shijuar kuzhinën e zonës.

Turistët mund të udhëtojnë me skafe drejt “Ranës së Hedhun” për të parë një eksperiencë ndryshe të një prej plazheve më të bukur shqiptarë.

/a.f/

The post Rama ndan pamje nga plazhi i Shëngjinit appeared first on Agjencia Telegrafike Shqiptare.