TIRANË, 7 korrik /ATSH/ Në Korçë u zhvillua sot ceremonia e përurimit të ndërtesës së restauruar të Konsullatës së Përgjithshme të Greqisë.

Të pranishëm në këtë përurim ishin ministri për Evropën dhe Punët e Jashtme, Igli Hasani, ministri i Punëve të Jashtme të Greqisë, Giorgos Gerapetritis si dhe të ftuar të tjerë të fushës.

Ministri Hasani në përshëndetjen e mbajtur me këtë rast, e cilësoi këtë moment një hap domethënës në forcimin e pranisë konsullore të Greqisë në Shqipëri dhe forcimin e bashkëpunimit mes dy vendeve.

Duke iu uruar të ftuarve mirëseardhjen në Korçë, Hasani tha se, Korça është qyteti që mishëron qytetarinë, historinë, kulturën e popullit shqiptar.

“Është kënaqësi e veçantë sot që në këtë qytet me rrënjë të thella europiane përurojmë së bashku rinovimin e Konsullatës së Përgjithshme të Greqisë. Ky përurim shënon një hap domethënës në forcimin e pranisë konsullore të Greqisë në Shqipëri dhe përcjell gatishmërinë tonë të përbashkët, për të avancuar drejt një marrëdhënie më të ngushtë e konstruktive bazuar në respekt të ndërsjellë, dialog të hapur, vlera europiane dhe vëllazëri shekullore”, tha ai.

Hasani vuri në dukje se, ngjarja vjen në një moment të rëndësishëm për partneritetin strategjik mes dy vendeve, si fqinjë e aleatë në NATO, kur rajoni ka nevojë më shumë se kurrë për stabilitet, bashkëpunim dhe orientim europian.

“Vizita ime në Athinë, – vijoi ministri, – pak javë më parë ishte një hap i rëndësishëm në këtë drejtim dhe konfirmoi vullnetin për të hapur një kapitull të ri bashkëpunimi të sinqertë dhe të qëndrueshëm.”

Hasani theksoi se, “Greqia ka qenë dhe vijon të mbetet një partner i rëndësishëm për Shqipërinë jo vetëm për shkak të historisë dhe lidhjeve që na bashkojnë, por për mundësinë reale që kemi për të ndërtuar së bashku një të ardhme të sigurtë dhe të begatë për të gjithë qytetarët tanë. Kjo frymë e re do të materializohet me dialog të rregullt politik dhe projekte konkrete dhe respekt për komunitetet tona, si për komunitetin grek në Shqipëri, dhe për komunitetin shqiptar në Greqi, që janë ura të gjalla të marrëdhënieve tona. Mbështetja e Greqinë për integrimin europian të Shqipërisë ka qenë dhe është thelbësore. Ne presim një vlerësim të drejtë dhe objektiv të progresit që kemi bërë për reformat dhe standardet europiane”.

Ai nënvizoi se mbështetja e Greqisë është e kudogjendur dhe është edhe sot në Korçë me prezencën e ministrit të Jashtëm të Greqisë.

“Rinovimi i kësaj konsullate nuk është vetëm një zyrë e re diplomatike, por një pikë referimi për dialog, shkëmbime ekonomiko-kulturore mes qytetarëve të dy vendeve”, u shpreh Hasani.

Ai i uroi suksese konsullit të përgjithshëm, teksa shprehu bindjen se përkushtimi i tij do ta kthejë Konsullatën në një urë të gjallë miqësie dhe bashkëpunimi.

“Sot kemi mundësinë të ndërtojmë një partneritet të ri të mbështetur mbi potencialin e përbashkët të së ardhmes. Nga Korça le të përcjellim mesazhin e mirë se miqësia e mirë, respekti dhe vizioni europian, janë themelet për një të ardhme më të drejtë më të begatë dhe më të qëndrueshme për popujt tanë”, tha në mbyllje të fjalës së tij, ministri i Jashtëm, Igli Hasani.

Gerapetritis: Shqipëria dhe Greqia, prioritet stabilitetit të marrëdhënieve në rajon

Ministri i Jashtëm i Greqisë, Giorgios Gerapetritis tha se kjo ndërtesë, ku ushtroi detyrën e tij nga viti 1936-1937 konsulli Jorgos Seferis, diplomat dhe fitues i çmimit Nobel për Letërsi, ishte pronë e një familjeje greke dhe u ble në 1998 nga shteti grek.

“Në restaurimin e godinës kontribuan me donacione qytetarë grekë nga Korça dhe nga Greqia, por edhe kompani të ndryshme nga të dyja vendet. Përfundimi i punimeve u bë i mundur nga financimi i shtetit grek. Korça ka qenë një qytet në pararojë të dijes dhe arsimit si në gjuhën greke, dhe në atë shqipe”, tha ai.

Sipas ministrit të Punëve të Jashtme të Greqisë, imazhi i ambasadave dhe konsullatave janë imazhi i Greqisë nëpër botë, ndërsa godina e re e Konsullatës Greke në Korçë është konfirmim i angazhimit të Ministrisë së Jashtme të Greqisë që po bëhet për të përmirësuar infrastrukturën e selive diplomatike dhe për të modernizuar shërbimet konsullore.

“Është një përpjekje për të forcuar lidhjet tona mes diasporës greke dhe shtetit amë. Në botën e sotme sfidat me të cilat përballet bota si liria dhe siguria janë të shumta. Nga ana jonë kujdesemi që të forcojmë marrëdhëniet e fqinjësisë së mirë, ndërsa si vende fqinje Shqipëria dhe Greqia i japin prioritet stabilitetit të marrëdhënieve në rajonin tonë jo vetëm nëpërmjet marrëdhënieve bilaterale, por edhe partneritetit rajonal”, tha ministri Gerapetritis.

“Politikat e ndryshimit të kufirit i takojnë tashmë të kaluarës. Prezenca e ministrit Hasani përçon një mesazh të rëndësishëm, për rëndësinë që i jep Greqia mbrojtjes së të drejtave të minoritetit grek, në të cilat nuk do të bëjmë asnjë hap mbrapa”, pohoi ai.

/e.i//r.e//a.f/

The post Rikonstruktohet Konsullata e Greqisë në Korçë, pikë referimi ekonomiko-kulturore mes dy vendeve appeared first on Agjencia Telegrafike Shqiptare.

Ministri i Jashtëm i Shqipërisë, Igli Hasani, mori pjesë këtë të hënë në inaugurimin e konsullatës greke në qytetin e Korçës. Të pranishëm në këtë inagurim ishin dhe ministri i Jashtëm i Greqisë George Gerapetritis, si dhe eurodeputeti grek Fredi Beleri.

Në fjalën e tij, Hasani theksoi se hapja e konsullatës përfaqëson jo vetëm një institucion diplomatik, por edhe një urë lidhjeje me rrënjë europiane dhe miqësi shekullore mes Shqipërisë dhe Greqisë.

“Është kënaqësi të inaugurojmë një ndërtesë të re për konsullatën greke në një qytet me rrënjë europiane. Përcjellim gatishmërinë tonë për marrëdhënie me respekt, vlera europiane dhe miqësi shekullore,” tha Hasani.

Ai vuri në dukje rolin thelbësor të Greqisë si partner i rëndësishëm i Shqipërisë, si dhe mbështetjen e saj për integrimin e vendit tonë në Bashkimin Europian.

“Kjo frymë e re materializohet në projekte të reja për minoritetin grek në Shqipëri dhe komunitetin shqiptar në Greqi. Në këtë kuadër, mbështetja e Greqisë për integrimin e Shqipërisë në BE është thelbësore. Mbështetja e saj është e dukshme edhe sot me prezencën e ministrit të jashtëm në Korçë.”- tha Hasani.

Hasani përmendi edhe figurën historike të Jorgo Seferit, nobelistit grek, në basnesën e të cilit do të hapet konsullata greke në Korçë.

“Siç thoshte vetë Seferis, urat nuk ndërtohen me gurë, por me fjalë e kujtesë. Rinovimi i kësaj konsullate është një pikë referimi për shkëmbime kulturore dhe afrimin me qytetarët.”

Në fund, ministri i Jashtëm uroi suksese konsullit të përgjithshëm dhe stafit të tij, duke theksuar se sot është mundësia për të ndërtuar një partneritet të ri.

“Nga Korça le të përcillet mesazhi se miqësia dhe marrëdhëniet e mira janë themeli për një të ardhme më të mirë për popujt tanë. Le të jemi brezi që e bën realitet një vizion të vërtetë,”- deklaroi Hasani.

LEXONI GJITHASHTU:

• Beleri merr pjesë në inaugurimin e konsullatës greke në Korçë: Dëshirë e qytetarëve
• A duhet të hiqet ligji luftës i Greqisë? Përgjigjet Fredi Beleri

The post Inagurohet konsullata greke në Korçë, Hasani: Partner të rëndësishëm për ne appeared first on Euronews Albania.

14 oficerët e doganave të arrestuar në Mavromat (Qafë-Botë) për ryshfet, u sollën në zyrën e hetuesit të Igumenicës të dielën në mëngjes. Personat e përfshirë në këtë rast dyshohet se kanë marrë mbi 300 ryshfete, që arrijnë deri në 300 euro, me qëllim që të linin makinat të kalonin pa inspektim.

Sipas mediave greke, oficerët e doganës janë hetuar prej muajit mars. Ata dyshohet se i lejuan automjetet të kalonin pa inspektim, nëse u ofrohej një “kafe”. Mediat greke kanë zbuluar disa prej bisedave të përgjuara.

Biseda mes një punonjëseje të vjetër dhe një punonjëseje të re:

Punonjësja e vjetër, A.Y.: … dhe më vonë do të jesh edhe ti brenda në… Mendoj se zoti K. të tha…

Punonjësja e re, N.Y.: Po, po, më tha.

A.Y.: Ngadalë, ngadalë, çfarëdo ryshfeti.

N.Y.: Po, po, ma shpjegoi ai.

A.Y.: … prandaj turni është gjithmonë i dyfishtë ose i trefishtë, në mënyrë që të jetë një vendim në grup, në mënyrë që të mos e gjejmë veten të ekspozuar.

Në një bisedë tjetër, oficerët e doganave shmangin vendosjen e gjobave me qëllim që të përfitojnë shuma të ndryshme:

Punonjësja: Përshëndetje, kush jeni ju? (do të thotë se cilin automjet)

Qytetari: Unë jam Peugeot.

C. Y.: Në rregull, a ke ndonjë gjë aty brenda?

Qytetari: Asnjë nga…. Pak djathë, pak zarzavate, pak….

C. Y.: A keni ndonjë vaj?

Qytetari: Vaj po….

C. Y.: Sa?

Qytetari: Dhjetë litra.

C. Y.: Dhjetë apo njëzet? Nëse vij unë dhe ju keni më shumë se dhjetë, çfarë do të bëjmë?

Qytetari: … Sa peshonte…

C. Y.: Të pyeta po, e di që është e ndaluar. Të pyeta sa litra është, më thuaj dhjetë dhe unë të them nëse vij te makina dhe gjej njëmbëdhjetë çfarë do të ndodhë dhe më thua se nuk e kam peshuar.

Punonjësi: Çfarë nuk shkon?

C. Y.: Sa keni, ju pyes… Dhe vaj ke, dhe djathë ke, dhe mish ke.

A. Y: E pe makinën?

C. Y.: … jo, ende po negocioj se çfarë është.

A. Y.: Sille që ta shoh… do të diskutojmë për pjesën tjetër.

C. Y: Hape pak që ta shohë kolegu.

A.Y.: Hajdeni, zotëri, a jeni këtu? Lini një kafe dhe shkoni, lini një kafe dhe shkoni.

Qytetari: A duhet të largohem?

A. Y.: Na lini nga një kafe dhe ikim… në rregull, tha ai, dhjetë litra, dhe keni tridhjetë atje brenda? Hyni, hyni. Mos e lini të ju shohë… na lini nga një kafe dhe ikim.

C.Y.: Sa kishte ai?

A.Y.: Kishte tridhjetë litra vaj.

C.Y.: Isha i sigurt se nuk kishte dhjetë, kështu që i thashë nëse dal jashtë dhe gjej njëmbëdhjetë, çfarë do të ndodhë? Më thuaj sa ke para se të vij unë, i thashë.

A.Y.: I the dhjetë litra dhe kishe tridhjetë brenda… Haha… Kaq shumë gabim ishte peshorja?

Në një bisedë tjetër, dy punonjës po bëjnë ndarjen mes tyre dhe po flasin për një shumë prej rreth 250 eurosh që kanë marrë.

Punonjësi: Mos u anko fare, sot ishte një ditë shumë e mirë.

Punonjësja: Bravo, S…

Punonjësi: Janë nga, mirë ishim edhe pak, apo jo?

Punonjësja: Sigurisht.

Punonjësi: Dymbëdhjetë e gjysmë.

Punonjësja: Mirë përsëri.

/Marrë nga Top Channel 

The post Korrupsion në kufirin shqiptaro-grek/ Zbardhen bisedat e doganierëve: Sa vaj ka? appeared first on Lapsi.al.

Drejtoria për Luftimin e Krimit të Organizuar në Policinë Greke, hetoi një konflikt të armatosur që ndodhi në shtator 2024 jashtë një klubi nate në Pire, midis dy grupeve kriminale.

Për këtë rast, njësitë policore të Departamentit të Ndjekjes së Krimeve kundër Jetës dhe Pronës në zona të ndryshme të Athinës, arrestuan 12 individë, shqiptarë e grekë, anëtarë të organizatave, përfshirë një punonjës policie, ndërsa përmes një hetimi të plotë dhe veprimeve të tjera policore, u identifikua pjesëmarrja dhe roli i tyre në ngjarje.

Konkretisht, lidhur me historikun e çështjes, në orët e para të mëngjesit të datës 29.09.2024, jashtë një klubi nate në zonën e Pireut, dy grupe kriminale, të përbëra nga të paktën 6 persona secila, fillimisht u përleshën me njëra-tjetrën me grushte dhe shqelma. Më pas, anëtarët e dy grupeve kriminale shkëmbyen të shtëna me armë zjarri.

Nga kontrollet fizike dhe kontrollet e kryera në banesa, u gjetën dhe u sekuestruan, ndër të tjera 1 pistoletë me një karikator me 10 fishekë, 1 revolver me 6 fishekë, 1 pistoletë me goditje me 1 fishek, 1 armë gjahu, një mori fishekësh të kalibrave të ndryshëm, 2 karikatorë dhe këllëf pistolete, 14 thika të llojeve të ndryshme, veshjet e përdorura në konfliktin e armatosur, tableta anabolike, 1 palë doreza, 3 makina dhe 1 motorr, marijuanë me peshë 2.4 gram si dhe 175.470 euro.

Personat e arrestuar, me dosjen e ngritur kundër tyre, sipas rastit, akuzohen per krijim të një organizate kriminale, tentativë vrasjeje me dashje, dëmtim të rrezikshëm trupor, shkelje të detyrës dhe shkelje të ligjeve për drogën dhe armët.

Vërehet se shumica e të akuzuarve kanë një të kaluar kriminale për vepra të ngjashme dhe të tjera.

The post Përplasje me armë zjarri në Pire, arrestohen 12 shqiptarë e grekë appeared first on Lapsi.al.

Në pikën kufitare Qafë-Botë, është krijuar situatë kaotike, pasi qytetarët që hyjnë nga Greqia në Shqipëri po përballen me radhë të gjata dhe pritje disaorëshe.

Pas arrestimit të 14 doganierëve grekë të dyshuar për përfshirje në kontrabandë mallrash, kontrolli kufitar në anën greke është ngadalësuar ndjeshëm.

Aktualisht, pala greke po operon vetëm me dy sportele dhe me një staf të reduktuar prej tre doganierësh, duke shkaktuar vonesa të mëdha për udhëtarët.

Pritjet shkojnë deri në tre orë, ndërsa radhët e makinave janë kilometrike.

Në anën shqiptare të pikës kufitare, puna vazhdon normalisht me tre sportele aktive, por fluksi i lartë dhe ngadalësia nga pala greke po krijojnë bllokime të konsiderueshme.

The post Arrestimi i 14 doganierëve grekë/ Radhë kilometrike në Qafë-Botë, qytetarët në pritje për disa orë appeared first on Albeu.com.

Janë zbardhur detaje të reja nga operacioni antidrogë që po zhvillohet nga policia greke në bashkëpunim me agjentë të FBI-së. Sipas raportimeve janë arrestuar 11 persona të kombësive të ndryshme: 5 grekë 3 shqiptarë 1 bolivian 1 gjeorgjian 1 spanjoll Hetimet zbuluan se rrjeti kishte ngritur një “fabrikë” brenda shtëpisë, ku përpunonte lëkurat e me […]

The post Laborator i sofistikuar kokaine, detaje nga operacioni antidrogë në Greqi: U arrestuan 3 shqiptarë appeared first on BoldNews.al.

Një 65-vjeçar nga Kreta me një të shkuar në tregtinë e armëve konsiderohet si “truri” i organizatës së trafikut të municioneve nga Shqipëria drejt Greqisë të goditur nga policia helene këtë të martë. 5 persona u vunë në pranga, nga të cilët njëri ishte shqiptar ndërsa një tjetër shqiptar u shpall në kërkim.

Sipas vlerësimeve të policisë greke, banda donte të “hidhte në tregun e Kretës fishekë, në prag të dasmave të verës”. Në të kaluarën, të ashtuquajturit “shoferë plumbash” shfaqeshin në evente shoqërore me furgonë dhe i furnizonin ata me fishekë për “zakonin” e vjetër.

Këtë herë u gjetën rreth 25 000 fishekë në posedim të anëtarëve të organizatës. I njëjti person u arrestua edhe në 2019 me mbi 120 000 fishekë dhe kallashnikovë. “Protothema” shkruan se 65-vjeçari i kishte siguruar plumbat në Shqipëri dhe kishte mundur t’i kontrabandojë brenda një depoje të posaçme kamioni. Megjithatë të njëjtat burime shkruajnë se përveç dasmave, fishekët shkojnë edhe për grupet kriminale.
Në rastin e vitit 2019, 59-vjeçari kishte udhëtuar disa herë në Shqipëri për të arritur te “burimi” dhe për t’u takuar ballë për ballë me furnizuesit e tij. Bazuar dosjen hetimore, sa herë që ai udhëtonte jashtë Kretës, e linte telefonin e tij personal celular në shtëpi në mënyrë që të mos zbulohej gjurma e tij. Sipas autoriteteve, ai dyshohet se hyri në Shqipëri në këmbë për të shmangur pikat e kontrollit. ©LAPSI.al

The post 25 mijë fishekët e trafikuar nga Shqipëria… për dasmat në Kretë appeared first on Lapsi.al.

Edhe pse jemi mësuar të themi se një ditë zgjat 24 orë, ose 86,400 sekonda, në të vërtetë, kjo shifër nuk është aq e qëndrueshme sa duket. Rrotullimi i Tokës rreth boshtit të saj po ndryshon, dhe në vitet e fundit, ky ndryshim ka nisur të ndihet më shumë se kurrë.

Gjatë epokës së dinosaurëve, një ditë zgjaste rreth 23 orë. Me kalimin e miliona viteve, rrotullimi është ngadalësuar, por… çuditërisht, që nga viti 2020 shkencëtarët kanë vërejtur një përshpejtim të tij. Ky fenomen ka vënë në lëvizje alarmin te komuniteti shkencor, pasi për herë të parë në histori mund të kemi nevojë të heqim një sekondë nga koha zyrtare, ndryshe nga praktika e mëparshme kur ajo shtohej për të ruajtur saktësinë.

Sipas të dhënave më të fundit, dita më e shkurtër e vitit 2025 pritet të jetë më 5 gusht, dhe do të jetë rreth 1.51 milisekonda më e shkurtër se mesatarja. Edhe datat 9 dhe 22 korrik do të jenë ndër ditët më të shkurtra të vitit.

Shkaktarët? Mund të jenë që nga forcat gravitacionale të Hënës, tek tërmetet dhe vullkanet, e deri te ndryshimet e thella në bërthamën e Tokës. Madje, disa shkencëtarë dyshojnë se “diçka brenda Tokës” mund të jetë duke ndikuar në këtë përshpejtim të papritur.

Dhe nëse trendi vazhdon kështu, në një të ardhme shumë të largët, dita mund të arrijë të zgjasë 25 orë. Por për tani, koha vazhdon të rrjedhë… pak më shpejt se zakonisht.

The post Dita nuk zgjat më 24 orë? Ja çfarë po ndodh me rrotullimin e Tokës appeared first on iconstyle.al.

Një grua me origjinë nga Gjeorgjia, e punësuar si pastruese në ishullin grek të Kiosit, do të dalë para gjykatës për t’u përballur me akuza për zjarrvënie të pavullnetshme. Sipas autoriteteve greke , gruaja ka pranuar se ka hedhur në mënyrë të pakujdesshme një cigare të ndezur, e cila dyshohet se ka shkaktuar njërin nga 5 vatrat shkatërruese që kanë përfshirë ishullin ditët e fundit.

Zëvendësdrejtori i zjarrfikësve në Kios tha për mediat ndërkombëtare se gruaja ndodhet ne qeli dhe do te jap dëshminë e saj përpara prokuroreve këtë të premte. “Ajo u kap në flagrancë dhe e pranoi se kishte hedhur cigaren që ndezi njërin nga pesë vatrat aktive,” tha ai. “

Dëshmitarë okularë konfirmuan gjithashtu incidentin, duke shtuar peshë në hetimet që po zhvillohen. Megjithëse ky rast po trajtohet si një zjarr i shkaktuar nga pakujdesia, autoritetet po hetojnë mundësinë që disa nga vatrat e tjera të jenë vënë qëllimisht, pasi është e vështirë të shpjegohet përhapja e tyre në zona kaq të ndryshme në të njëjtën kohë pa ndërhyrje njerëzore.

Që nga dita e diel, mbi 400 zjarrfikës, të ndihmuar nga avionë që hedhin ujë dhe qindra vullnetarë, po luftojnë për të vënë nën kontroll flakët në Kios. Janë evakuuar dhjetëra fshatra, ndërsa qeveria ka shpallur gjendjen e jashtëzakonshme në ishull. Deri më tani, rreth 40,000 hektarë janë djegur. Autoritetet nuk kanë dhënë ende një shifër të saktë për numrin e turistëve që ndodheshin në Chios në momentin e shpërthimit të zjarreve më 22 qershor.

Greqia, një nga vendet më të prekura nga ndryshimet klimatike në Mesdhe, po përballet me një rritje të ndjeshme të zjarreve pyjore vitet e fundit për shkak të temperaturave të larta dhe kushteve gjithnjë e më të thata. Aktualisht, vendi po kalon valën e parë të të nxehtit për këtë verë, me temperaturat që pritet të arrijnë deri në 40°C në ditët në vijim.

Përballë kësaj situate, qeveria qendrore ka ashpërsuar dënimet për zjarrvënie dhe krime mjedisore . Kodi Penal parashikon burgim deri në 20 vjet dhe gjoba deri në 200 mijë euro për zjarrvënie të qëllimshme.

The post Ishujt greke në flakë/ Pastruesja e hotelit akuzohet për zjarrvënie, dyshohet se… appeared first on Sot News | Lajme.

Një grua me origjinë nga Gjeorgjia, e punësuar si pastruese në ishullin grek të Kiosit, do të dalë para gjykatës për t’u përballur me akuza për zjarrvënie të pavullnetshme. Sipas autoriteteve greke , gruaja ka pranuar se ka hedhur në mënyrë të pakujdesshme një cigare të ndezur, e cila dyshohet se ka shkaktuar njërin nga 5 vatrat shkatërruese që kanë përfshirë ishullin ditët e fundit.

Zëvendësdrejtori i zjarrfikësve në Kios tha për mediat ndërkombëtare se gruaja ndodhet ne qeli dhe do te jap dëshminë e saj përpara prokuroreve këtë të premte. “Ajo u kap në flagrancë dhe e pranoi se kishte hedhur cigaren që ndezi njërin nga pesë vatrat aktive,” tha ai. “

Dëshmitarë okularë konfirmuan gjithashtu incidentin, duke shtuar peshë në hetimet që po zhvillohen. Megjithëse ky rast po trajtohet si një zjarr i shkaktuar nga pakujdesia, autoritetet po hetojnë mundësinë që disa nga vatrat e tjera të jenë vënë qëllimisht, pasi është e vështirë të shpjegohet përhapja e tyre në zona kaq të ndryshme në të njëjtën kohë pa ndërhyrje njerëzore.

Që nga dita e diel, mbi 400 zjarrfikës, të ndihmuar nga avionë që hedhin ujë dhe qindra vullnetarë, po luftojnë për të vënë nën kontroll flakët në Kios. Janë evakuuar dhjetëra fshatra, ndërsa qeveria ka shpallur gjendjen e jashtëzakonshme në ishull. Deri më tani, rreth 40,000 hektarë janë djegur. Autoritetet nuk kanë dhënë ende një shifër të saktë për numrin e turistëve që ndodheshin në Chios në momentin e shpërthimit të zjarreve më 22 qershor.

Greqia, një nga vendet më të prekura nga ndryshimet klimatike në Mesdhe, po përballet me një rritje të ndjeshme të zjarreve pyjore vitet e fundit për shkak të temperaturave të larta dhe kushteve gjithnjë e më të thata. Aktualisht, vendi po kalon valën e parë të të nxehtit për këtë verë, me temperaturat që pritet të arrijnë deri në 40°C në ditët në vijim.

Përballë kësaj situate, qeveria qendrore ka ashpërsuar dënimet për zjarrvënie dhe krime mjedisore . Kodi Penal parashikon burgim deri në 20 vjet dhe gjoba deri në 200 mijë euro për zjarrvënie të qëllimshme./abcnews.al

“Jared Kushner, dhëndri i Presidentit të SHBA-së, po ndërton një resort luksoz në ishullin shqiptar me një kosto prej 1.4 miliardë dollarësh” – shkruan gazeta greke Protothema në rubrikën e saj Newmoney.

Një investim i ri dhe jashtëzakonisht ambicioz në Mesdhe mban firmën e Jared Kushner. Dhëndri i Presidentit të SHBA-së Donald Trump (bashkëshorti i Ivankës, vajzës së tij të madhe), nëpërmjet kompanisë së tij Affinity Partners, njoftoi krijimin e një resorti turistik luksoz në ishullin e izoluar dhe deri vonë të pabanuar të Sazanit në Shqipëri. Vendimi, siç është e natyrshme, ka shkaktuar tashmë eksitim dhe reagime.

Sazani apo Sasso iu dha Shqipërisë nga Greqia në vitin 1914 me ligj (me vetëm dy nene), nga Parlamenti Grek. Më pas u bë një ishull i militarizuar i vendosur në hyrje të Gjirit të Vlorës, në një pozicion strategjik në Detin Jon, përballë Italisë. Gjatë Luftës së Ftohtë, ishulli ishte një bazë detare e regjimit komunist të Enver Hoxhës dhe ishte plotësisht i mbyllur për publikun. Pas rënies së regjimit, ai u braktis, duke mbetur në thelb “i ngrirë në kohë”, me instalime ushtarake të rrënuara dhe, sigurisht, zero shfrytëzim turistik.

Një destinacion luksoz

Kushner, i impresionuar nga bukuria e egër natyrore dhe potenciali “i paprekur” i ishullit, planifikon ta transformojë atë në një vendpushim luksoz. Plani parashikon krijimin e një vendpushimi ekologjik, rezidencash, hotelesh, restorantesh, një marine dhe infrastrukturë për sporte ujore. Në të njëjtën kohë, një pjesë e strukturave ushtarake do të restaurohet me respekt për arkitekturën e tyre origjinale, duke krijuar një lloj “muzeu të gjallë”.

Qeveria shqiptare e Kryeministrit Edi Rama e përshkroi investimin si “strategjik”. Dhe ka arsyet e veta për këtë. Nga njëra anë, vetëm në këtë mënyrë mund ta “deklasifikonte” zonën dhe ta shndërronte nga ushtarake në turistike. Nga ana tjetër, sepse pret bashkëpunim ekonomik me familjen Trump për të promovuar interesa të tjera. Kështu, ai i dha një kontratë qiraje 99-vjeçare Atlantic Incubation Partners LLC, e cila është e lidhur me Affinity. Sipas burimeve qeveritare, projekti pritet të krijojë mbi 1,000 vende pune, të rrisë PBB-në e turizmit dhe ta vendosë Shqipërinë në skenën ndërkombëtare të investimeve.

Logjika e Kushnerit është të tërheqë jahtet ndërkombëtare, duke u ofruar atyre një ishull pothuajse privat, ku ata mund të kalojnë ditët e tyre pa shqetësime, larg syve kureshtarë.
Megjithatë, nuk ka mungesë interpretimesh gjeopolitike. Analistët vërejnë se prania e një kompanie të lidhur drejtpërdrejt me rrethin e ngushtë familjar të Trump forcon marrëdhëniet midis Tiranës dhe Uashingtonit, veçanërisht që nga rizgjedhja e Trump në Shtëpinë e Bardhë. Ka gjithashtu raportime se projekti synon të parandalojë hyrjen e kapitalit rus ose kinez në rajonin e ndjeshëm të Jonit jugor. Për analistë të tjerë, ky investim mund të luajë edhe rolin e një prove gjenerale. Nuk ka kaluar shumë kohë që kur Donald Trump e ka vënë seriozisht në tryezë transformimin e të gjithë Rripit të Gazës në një vendpushim turistik. Nëse investimi në Sazan ka sukses, kjo mund të jetë një tjetër garanci për efektivitetin e Trump në këtë lloj biznesi.

Sigurisht, ka kundërshtime. Sazani ndodhet brenda Parkut Kombëtar Detar Karaburun-Sazan, një zonë e mbrojtur me biodiversitet të pasur, ekosisteme tropikale dhe specie endemike. Grupet e mbrojtjes së mjedisit kanë shprehur tashmë shqetësimet e tyre në lidhje me ndikimin e investimit në mjedis dhe qëndrueshmërinë e zonës. Ata theksojnë se nuk është kryer një Studim gjithëpërfshirës i Ndikimit Mjedisor, në Mbeten pyetje se si kompania do t’i menaxhojë mbetjet e vjetra ushtarake, të cilat mund të përfshijnë edhe municione të pashpërthyera.

Në deklaratat e tij, Kushner argumentoi se qasja e tij është “e ndjeshme ndaj mjedisit” dhe se qëllimi i tij është të “ruajë dhe nxjerrë në pah bukurinë natyrore të ishullit”. Megjithatë, ai e gjen veten përballë organizatave të tilla si organizata aktiviste EcoAlbania, e cila tashmë raporton se marka “Trump” në Shqipëri mund të bëhet sinonim i mbishfrytëzimit.
Investimi tashmë ka marrë një kuptim simbolik për vendasit, të cilët tani e quajnë Sazanin “Ishulli i Trumpëve”, megjithëse Donald Trump nuk është i përfshirë zyrtarisht në kompani.

Në nivel lokal, shumë shqiptarë shpresojnë se investimi do t’ua ndryshojë rrënjësisht jetën, duke krijuar vende pune dhe duke përmirësuar infrastrukturën, ndërsa të tjerë janë të shqetësuar për përkeqësimin e karakterit të zonës. Disa media në vendin fqinj shprehin frikën se do të ketë edhe një ndryshim në popullatë, me fluksin e qytetarëve amerikanë, por edhe të huajve që do të punojnë në zonë.

Pavarësisht njoftimeve ambicioze, projekti është ende në fazat e tij të hershme. Procesi i pastrimit të tokës nga eksplozivët e vjetër, përgatitja e studimeve dhe negociatat me organet lokale janë në proces. Nëse Sazani do të transformohet përfundimisht në një destinacion të ri me vlerë të lartë turistike apo do të evoluojë në një tjetër ëndërr të papërfunduar mesdhetare, do të shuhet së shpejti. Megjithatë, gatishmëria e familjes Trump për të investuar në rajonin tonë është më se e dukshme. ©LAPSI.al

The post Mediat greke: Pse dhëndri i Trump po investon 1.4 miliardë USD në Sazan appeared first on Lapsi.al.

Megjithëse është vetëm shofer dhe s’ka agjenci punësimi, Vango Zoto i mori një familje nga Delvina 3500 euro për t’ia çuar djalin në Greqi dhe për t’i bërë letra greke. Por nuk i bën letrat dhe i kthen familjes vetëm 2 mijë euro. 1500 ia mban. Pasi Fiksi interesohet, ia kthen familjes shumën e munguar. […]

The post Shoferi i autobusit i merr 3500 euro qytetarit për letrat greke, nuk ia bën dhe i mban 1500 euro appeared first on BoldNews.al.

“Unë jam baba dhe bëra gjithçka që munda për fëmijët”, – u shpreh për mediat greke shqiptari Levian Goga, i cili u zhyt të mërkurën e kaluar në lumin Arachthos pa u menduar dy herë për të shpëtuar dy fëmijë 12 dhe 14 vjeç. Ai nuk ia doli që t’i nxjerrë ata në jetë, por thotë se do t’i bëjë tatuazh djemtë “për t’i pasur gjithmonë në zemër”. Pas aktit të tij, ministri i brendshëm grek premtoi dhënien e shtetësisë greke, por shqiptari shprehet se nuk u zhyt në ujë për të marrë një pasaportë.

“Jam mirë, të gjitha analizat ishin mirë. Kisha pak ujë në mushkëri dhe gjak, por jam mirë. Falënderoj mjekët në Arta, ata bënë punën më të mirë me mua dhe fëmijët”, tha Levian për shëndetin e tij, pasi u dërgua në spital të shtunën. “Falënderoj gjithashtu mjekët në Patra, Zjarrfikësit, të gjithë ata që ishin atje dhe ata që ndihmuan dhe ata që nuk ndihmuan. Doja gjithashtu të falënderoja Ministrin e Shëndetësisë i cili më telefonoi dje dhe dëgjoi se po kollitesha dhe menjëherë njoftoi spitalin e Artës në mënyrë që të më bënin analizat”, – shtoi ai, duke folur për MEGA.

“Më informuan se më kishin dhënë shtetësinë greke. Ministri më telefonoi dje dhe më tha: “Po të pres në zyrë të të përqafoj, të të përshëndes dhe të pi një kafe” dhe të më japë shtetësinë” – tha ai, por kur gazetarët e pyetën nëse kjo kishte ndonjë rëndësi për të ai u përgjigj: “Jo. Kam qenë në Greqi për 20 vjet me dokumente, pa dokumente. Erdha kur isha 17 vjeç dhe jam 41 vjeç. Greqia është vendi im i dytë, si t’ju them tani, të cilin e dua dhe nuk kam qenë askund, madje as në Itali. U rrita këtu, vitet më të mira të jetës sime.”

“Nuk e bëra për shtetësi”

“Isha me dhe pa dokumente për 20 vjet. Nuk e bëra për shtetësi. Jam mirënjohës që do t’u japin të gjithëve të familjes dokumentet e identitetit, por në momentin që hyra në ujë mendova sikur fëmija im të ishte brenda. Doja ta nxirrja sa më shpejt të mundesha. I falënderoj të gjithë, e gjithë Greqia më ka telefonuar, ministrat, ata që patën numrin tim më kanë telefonuar”, – shtoi ai.

Lidhur me prindërit e 12-vjeçarit që humbi jetën në Arachthos, Goga deklaroi: “Dua të them që më duhet të ndihmojnë babanë dhe nënën, që shteti duhet t’i ndihmojë sepse nuk kanë dokumente. Që të vijnë dhe të vendosin lule për fëmijën. Ata kanë dokumente vetëm për 20 ditë. Sepse nëse shkojnë në kufi do të gjobiten me 1000 euro. Ky është ligji. Prindërit e tij më thanë për dokumentet. Ata thanë ‘ju lutem, dua të rri këtu që të jem afër’. Dua që ta ndihmojnë këtë familje nëse është e mundur.

Duhet të vendosin një tabelë të madhe në lumë që diçka e tillë të mos ndodhë përsëri. Lumi atje është shumë i vështirë, 7 metra i thellë. Nuk mund t’i ndalojmë fëmijët. Nuk mund të qëndrosh pas fëmijëve gjithë ditën”, – tha shqiptari. /LAPSI.al

The post U fut në ujë për të shpëtuar 2 fëmijë/ Shqiptari: Nuk e bëra për pasaportën greke appeared first on Lapsi.al.

Shqiptari Levian Goga, i cili u zhyt në lumin Arachthos të mërkurën e kaluar për të shpëtuar dy djemtë e mitur, ka pasur probleme me frymëmarrjen.

Mediat greke shkruajnë se Goga pati një kollë të fortë dhe vizitoi një mjek privat, i cili i rekomandoi t’i nënshtrohej analizave në një spital. Sapo u njoftua, Ministri i Shëndetësisë Adonis Georgiadis urdhëroi një ambulancë që ta merrte dhe ta transportonte në spital, me qëllim që t’i nënshtrohej ekzaminimeve të hollësishme.

Fatmirësisht gjendja e tij shëndetësore nuk duket shqetësuese. Mediat greke raportojnë gjithashtu se për aktin e tij heroik atij do t’i jepet nënshtetësia greke.

Goga shkoi në Greqi 24 vjet më parë, kur ishte vetëm 17 vjeç. Pa shumë informacion dhe pa ditur se çfarë e priste, kaloi kufirin dhe u vendos në Athinë.

Ai tani jeton në Arta me gruan dhe dy fëmijët e tij, të cilët janë dhjetë dhe gjashtë vjeç. Jeta e tyre ka qenë e qetë dhe e thjeshtë, derisa ditën e mërkurë, ngjarja e pazakontë i ndryshoi gjithçka.

Ai pa u menduar dy herë u largua nga kafeneja ku po qëndrontj dhe u hodh në lumë për të shpëtuar fëmijët. Dy fëmijët që ranë në lumin Arachthos në Arta të mërkurën kanë pësuar vdekje klinike.

Sipas mediave greke, prindërit e 14-vjeçarit, i cili u hodh në lumë për të shpëtuar shokun e tij që po mbytej dhe 12-vjeçarit kanë vendosur të dhurojnë organet e fëmijëve të tyre.

The post Shpëtoi dy fëmijët nga mbytja, shqiptarit do t’i jepet nënshtetësia greke appeared first on Lapsi.al.

Gëlltitje të forta dhe probleme me frymëmarrjen ka shfaqur Goga Levian, burri nga Shqipëria, i cili pa hezitim u hodh në lumin Arakhtos javën e kaluar për të shpëtuar dy fëmijë të mitur.

Goga Levian, ka pasur një kollë të fortë dje dhe është paraqitur tek një mjek privat, i cili i rekomandoi të bëjë teste në spital.

Menjëherë pasi e mori vesh, Ministri i Shëndetësisë, Adonis Georgiadis, dha urdhër që një ambulancë nga EKA mund të merrte Levian dhe ta dërgonte në spital për ekzaminime të mëtejshme.

Goga Levian, është duke u trajtuar në spitalin e Arta-s dhe ndodhet në ekzaminime të detajuara. Sipas mjekëve, gjendja e tij nuk është e rënduar dhe nuk ka shqetësime serioze.

Po ashtu, është konfirmuar se për aktin heroik të tij, Goga Levian do të shpërblehet me shtetësinë greke nderi.

Kush është “Leo i fshatit”, emigranti që hodhi veten në Arakhtos për të shpëtuar dy fëmijët?

Goga, ose “Leo” si e quajnë të gjithë në Neohori të Arta-s, nuk është shpëtimtar profesionist dhe nuk është dikush që kërkon vëmendje. Ai nuk kërkoi asgjë, nuk priste as një “falënderim”.

Në një bisedë telefonike me mediat greke, ai foli vetëm për fëmijët që kishte shpëtuar: “Fëmijët. Vetëm ata mendoj,” ishin fjalët e tij të para.

Historia e heroizmit

Goga Levian është një emigrant nga Berati i Shqipërisë. Ai erdhi në Greqi 24 vjet më parë, kur ishte vetëm 17 vjeç. Pa shumë informacion dhe pa ditur se çfarë e priste, kaloi kufirin dhe u vendos në Athinë. Atje, bëri çdo punë pa siguri dhe pa qetësi, por gjithmonë duke luftuar dhe punuar pa ndaluar.

Goga tani jeton në Arta me gruan dhe dy fëmijët e tij, të cilët janë dhjetë dhe gjashtë vjeç. Jeta e tyre ka qenë e qetë dhe e thjeshtë, derisa ditën e mërkurë, ngjarja e pazakontë i ndryshoi gjithçka.

Goga Levian kishte qenë në kafene kur një djalë i ri erdhi me motor dhe bërtiste se dy fëmijë po mbyteshin në lumin Arakhtos.

Pa hezituar, ai vrapoi, mori makinën dhe u drejtua në vendin e ngjarjes. Pasi u fut në vegjetacion dhe kërkoi me shpejtësi, ai nuk pa asgjë. U ngjit në një varkë me disa të tjerë dhe u hodh në ujë.

Pas dy përpjekjesh pa sukses, në herën e tretë ai shkoi thellë në ujë dhe gjeti një fëmijë të shtrirë, i cili ishte i palëvizshëm dhe kishte fytyrën të errësuar. E shpëtoi dhe e nxori jashtë. Sapo nxori fëmijën, mori vesh që dhe fëmija tjetër ishte gjetur dhe shpëtuar.

“Ai fëmijë ishte në moshën e vajzës sime. Nuk kishte rëndësi kush ishin, çfarë etnie apo feje. Unë jam një i huaj, por jam njeri. I bëra atë që do të bëja çdo baba,” tregon ai për mediat me një zë të dridhur.

Goga Levian është një njeri i thjeshtë që nuk kërkon asnjë shpërblim për veprën e tij heroike. “Uroj që ata të jetojnë, të zgjohet dhe të jetojnë jetën e tyre”, thotë ai.

The post U hodh në lumin Arakhtos për të shpëtuar dy të miturit grek, Greqia i jep nënshtetësinë shqiptarit appeared first on Albeu.com.

Shumë vrasje që ndër vite mbeteshin pa autorë, i faturoheshin “profesionistëve”. Dyshimet hidheshin në disa drejtime. Për disa krime autorët aludohej se mund të ishin “ekspertë”, si ish-ushtarakë apo ish-policë, të stërvitur për të goditur në shenjë. E për disa të tjera, shpesh hetimet orientoheshin drejt vrasësve me pagesë, që nuk i lidhte asnjë motiv […]

The post Vrasës të huaj/ Kontratat e vdekjes që u lidhën me italianë, grekë, portugezë, marokenë e rumunë appeared first on BoldNews.al.

Sipas Institutit Gjeodinamik, fokusi i tërmetit ishte në një thellësi prej 12.5 kilometrash, dhe epiqendra ndodhej nëntë kilometra në perëndim-veriperëndim të Karjës.

Tërmeti me magnitudë 5.3 ballë të shkallës Rihter që ndodhi të shtunën pasdite në malin Athos shkaktoi shqetësim midis sizmologëve grekë, shkruan Protothema.

Presidenti i Shoqatës Helenike për Parandalimin e Tërmeteve dhe Fatkeqësive, Efthimios Lekas, foli për ERTNews në lidhje me tërmetin e fortë.

Sipas tij, aktiviteti i përsëritur sizmik në çarje, të cilin ekspertët llogaritën se kishte rënë vitin e kaluar, tani po kthehet me dridhje më të forta, gjë që po shkakton shqetësim.

Sipas Kostas Papazahos, profesor i sizmologjisë në Universitetin Aristoteli të Selanikut, për portalin Voria.gr, ky është një tërmet klasik sipërfaqësor që ndodhi në zonën pranë Manastirit Dokiyari. Ai parashikon aktivitet të fortë sizmik në orët në vijim.

“Në të njëjtin vend, patëm një sekuencë që ka vazhduar për disa muaj. Kemi të njëjtën sekuencë mikroseizmike dhe tani ka prodhuar një tërmet me magnitudë 5.3”, tha Papazahos. Sipas tij, sipas raportimeve të para në manastire, si Ksenofoni dhe Karea, nuk u regjistruan dëme të mëdha.

The post Sizmiologët grekë të shqetësuar pas tërmetit në malin Athos appeared first on Sot News | Lajme.

Tërmeti me magnitudë 5.3 ballë të shkallës Rihter që ndodhi të shtunën pasdite në malin Athos shkaktoi shqetësim midis sizmologëve grekë, shkruan Protothema.

Sipas Institutit Gjeodinamik, fokusi i tërmetit ishte në një thellësi prej 12.5 kilometrash, dhe epiqendra ndodhej nëntë kilometra në perëndim-veriperëndim të Karjës.

Presidenti i Shoqatës Helenike për Parandalimin e Tërmeteve dhe Fatkeqësive, Efthimios Lekas, foli për ERTNews në lidhje me tërmetin e fortë.

Sipas tij, aktiviteti i përsëritur sizmik në çarje, të cilin ekspertët llogaritën se kishte rënë vitin e kaluar, tani po kthehet me dridhje më të forta, gjë që po shkakton shqetësim.

Sipas Kostas Papazahos, profesor i sizmologjisë në Universitetin Aristoteli të Selanikut, për portalin Voria.gr, ky është një tërmet klasik sipërfaqësor që ndodhi në zonën pranë Manastirit Dokiyari.

Ai parashikon aktivitet të fortë sizmik në orët në vijim.

“Në të njëjtin vend, patëm një sekuencë që ka vazhduar për disa muaj. Kemi të njëjtën sekuencë mikroseizmike dhe tani ka prodhuar një tërmet me magnitudë 5.3”, tha Papazahos.

Sipas tij, sipas raportimeve të para në manastire, si Ksenofoni dhe Karea, nuk u regjistruan dëme të mëdha.

 

LEXONI GJITHASHTU:

• A do të ketë tërmete të reja në Santorini: Sizmologët grekë bëjnë parashikime 
• 2 tërmete të fortë godasin Santorinin, sa ishte magnituda

The post Sizmologët grekë të shqetësuar pas tërmetit në malin Athos appeared first on Euronews Albania.

Në pikën e karburantit në Sedes, jo shumë larg Selanikut, pati të shtëna me armë zjarri ku shënjestra ishin oficerët e Shërbimit Kombëtar të Inteligjencës Grek (EYP), mëson ertnews.gr. Autoritetet greke arrestuan gjashtë shtetas turq në lidhje me të shtënat.

Televizioni grek ERT raporton se sulmi i armatosur ndodhi gjatë një operacioni të vazhdueshëm të EYP-së, i cili përfshinte mbikëqyrjen e tre burrave që besohet se janë të lidhur me krimin e organizuar në Turqi.

Sipas informacioneve të disponueshme, tre burrat ishin në një xhip me targa të huaja. Xhipi ndoqi automjetin që transportonte oficerët e inteligjencës.

Ata ndaluan në pikën e karburantit në Sedes, dhe pak më vonë, automjeti i EYP ndaloi aty pranë.

Shoferi i xhipit doli nga automjeti dhe qëlloi të paktën tre herë në drejtim të automjetit të oficerit të shërbimit të inteligjencës , pastaj hipi përsëri në xhip dhe iku në drejtim të panjohur.

Nuk pati të lënduar në incident.

The post Sulm i armatosur ndaj oficerëve të inteligjencës greke në Selanik, 6 të arrestuar appeared first on Euronews Albania.

Tre shqiptarë kanë rënë në pranga për vrasjen e një noteres 69-vjeçare në Zakynthos në Greqi, në shkurt të këtij viti, teksa tentuan ta grabisnin në banesën e saj.

Të arrestuar janë baba e bir dhe xhaxhai, të cilët i bënë prit noteres teksa ajo kthehej në shtëpi dhe u futën me dhunë në banesë.

Çelësi për zbardhjen e ngjarjes, sipas burimeve hetimore, ishte arrestimi i njërit prej autorëve që jetonte në Nemea. Gjatë marrjes në pyetje dhe pasi iu paraqitën provat, ai rrëfeu në detaje çfarë kishte ndodhur natën fatale.

Sipas dëshmisë së tij, ai kishte udhëtuar drejt Zakynthosit një ditë para vrasjes, pasi ishte në kontakt me një tjetër bashkëpunëtor që jetonte në ishull dhe që e dinte se viktima kishte para në shtëpi. Të dy vëllezërit u strehuan në një ambient me qira të marrë nga djali – i cili kishte rolin e shoferit – dhe të nesërmen, të maskuar me kapuçë, doreza dhe maska, i zunë pritë viktimës pranë banesës së saj. Sipas dëshmisë, kur noterja u përpoq të rezistonte u godit me thikë në kofshë dhe humbi jetën për shkak të hemorragjisë së madhe

Pas ngjarjes, dy nga autorët u larguan në këmbë për rreth një orë dhe më pas thirrën djalin e të parit për t’i marrë me makinë. Gjatë rrugës hodhën thikat dhe dogjën rrobat për të humbur gjurmët.

Për rreth dy muaj pas vrasjes, ata thuhet se nuk kontaktuan fare mes tyre, përveç disa telefonatave të rralla, në përpjekje për të shmangur lidhjen e tyre me ngjarjen.

Sipas informacioneve policore, të dy burrat, babai dhe vëllai i tij nga Nemea, punonin në ndërtim dhe vendosën të kryenin grabitjen, me në shënjestër noteren që banonte vetëm. Djali i autorit të dyshuar kryesor kishte rolin e shoferit.

Ai që goditi viktimën me thikë në pjesën e brendshme të kofshës së majtë, duke i shkaktuar një hemorragji të pakontrollueshme, besohet të jetë babai. Megjithatë, ai nuk e ka pranuar autorësinë e aktit, ndryshe nga bashkëpunëtorët e tij, përfshirë edhe të birin.

Ekspertiza mjeko-ligjore konfirmoi se vdekja kishte ardhur si pasojë e një plage të shkaktuar nga mjet i mprehtë dhe shpues, e cila shkaktoi gjakderdhje masive dhe vdekje të shpejtë.

The post Vrànë noteren greke teksa tentonin ta grabisnin, arrestohen 3 shqiptarët appeared first on Lapsi.al.