Një media azerbajxhanase publikoi të martën prova që sugjerojnë se ushtria ruse urdhëroi sulmin me raketa në vitin 2024 në fluturimin 8243, duke shkaktuar një përplasje në të cilën vdiqën 38 pasagjerë dhe u plagosën 29 të tjerë.

Forcat ushtarake ruse ishin të përfshira në sulmin me raketa në fluturimin 8243 të Azerbajxhanit Airlines, i cili u rrëzua më 25 dhjetor 2024, një regjistrim i ri audio dhe një letër e botuar nga një faqe interneti lajmesh azerbajxhanase të martën pretendojnë ta vërtetojnë këtë, transmeton Telegrafi.

Minval pretendon se mori një “letër anonime që përmbante dëshmi,  audio dhe detaje teknike”, që tregonin “mangësi teknike në pajisjet e komunikimit të përdorura në atë kohë”.

Gjithashtu pretendon se letra përfshin një deklaratë me shkrim “të nënshkruar gjoja nga kapiteni Dmitry Sergeyevich Paladichuk, një oficer rus i mbrojtjes ajrore (i cili) po vepronte sipas urdhrave të drejtpërdrejtë nga Ministria e Mbrojtjes e Rusisë kur autorizoi sulmin me raketa”.

Minval të martën citoi letrën që pretendonte se “kapiten Paladichuk ishte i stacionuar pranë Grozny-t në detyrë nga 24 deri më 25 dhjetor. Në orën 05:40 të ditës së incidentit, njësia e tij u urdhërua të hynte në gatishmëri të plotë luftarake”.

“Për shkak të sinjalit të dobët celular dhe mungesës së komunikimit funksional me tela, koordinimi mbështetej shumë në lidhjet e paqëndrueshme celulare”, shtoi letra.

“Një objektiv i mundshëm u zbulua në orën 08:11 dhe u gjurmua duke përdorur radar. Dy raketa u raportuan se u qëlluan drejt objektit pasi Paladichuk u udhëzua nëpërmjet telefonit ta shkatërronte atë – pavarësisht mjegullës së dendur që errësonte konfirmimin optik”.

Sipas letrës, “koordinatat, shpejtësitë dhe drejtimet e objektivit në kohën e të dy lëshimeve të raketave, u dhanë në detaje në shpjegimin me shkrim. Raketa e parë thuhet se nuk ka arritur, ndërsa e dyta thuhet se shpërtheu mjaftueshëm afër që shrapnelat të godisnin aeroplanin”.

Minval gjithashtu pretendoi se kishte shqyrtuar “tre audio mesazhe” që besohet se mbështesin pretendimet e bëra në letër. Zërat thuhet se konfirmojnë se janë dhënë urdhra operativë, janë qëlluar dy raketa dhe se copëzat e shpërthimit kanë goditur aeroplanin, sipas kësaj letre.

Media ka publikuar një regjistrim audio që pretendon të përshkruajë sekuencën në të cilën një zë në rusisht jep udhëzime ushtarake, urdhëron që të qëllohet një raketë, e ndjekur nga tingulli i asaj që duket të jetë një sekuencë qitjeje, i njëjti zë thotë “objektivi nuk u arrit” dhe dyshohet se urdhëron që të qëllohet një raketë tjetër.

Në ditën e tragjedisë, burime nga qeveria e Azerbajxhanit i thanë Euronews se një raketë ruse tokë-ajër u shkrep në fluturimin 8243 gjatë aktivitetit ajror të dronëve mbi Grozny, destinacionin e fluturimit.

Të njëjtat burime thanë se copëzat goditën pasagjerët dhe ekuipazhin e kabinës ndërsa raketa shpërtheu pranë aeroplanit në mes të fluturimit, duke e çaktivizuar atë.

Aeroplanit të dëmtuar nuk iu lejua të ulej në asnjë aeroport rus pavarësisht kërkesave të pilotëve për një ulje emergjente, thanë të njëjtat burime, dhe iu urdhërua të fluturonte përtej Detit Kaspik drejt Aktau në Kazakistan, ku u rrëzua ndërsa po përpiqej të bënte një ulje emergjente. ulje, duke humbur jetën 38 persona dhe duke u lënduar 29 të tjerë.

Raportet e mëvonshme pas tragjedisë pohuan se aeroplani u rrëzua nga një raketë nga një sistem rus Pantsir-S1. /Telegrafi/

The post Prova të reja sugjerojnë se forcat ruse kanë rrëzuar aeroplanin e  Azerbajxhanit appeared first on Telegrafi.

Një gjykatë në Azerbajxhan e ka dënuar gazetarin dhe ekonomistin, Farid Mehralizada, me nëntë vjet burgim për akuza që ai thotë se lidhen drejtpërdrejt me raportimin e tij kritik për Shërbimin azerbajxhanas të Radios Evropa e Lirë (REL), i njohur në vend si Azadliç Radiosu.

Gjykata për Krime të Rënda në Baku i shpalli fajtor Mehralizaden dhe gjashtë gazetarë të tjerë të premten. Të gjitha ata i mohuan akuzat.

Në fjalën e tij përmbyllëse, Mehralizada tha se e kupton se “vendimi që do ta lexoni nuk do të jetë vendimi i gjyqtarëve, por i atyre që urdhëruan arrestimin tonë”.

“Nëse duan, mund të japin dënim të përjetshëm për ne, ose edhe ta ndryshojnë kodin penal, ta rikthejnë dënimin me vdekje dhe të na çojnë në ekzekutim. Sepse në vendet ku nuk respektohet shteti ligjor dhe pavarësia e gjyqësorit, proceset gjyqësore nuk janë gjë tjetër veçse një buzëqeshje e rreme nga qeveritë autoritare”, shtoi ai.

Mehralizada u arrestua për herë të parë më 30 maj 2024, kur agjentët e sigurisë e sulmuan, i vunë një thes në kokë dhe i pëshpëritën në vesh: “Ju flisni shumë”.

Më 1 qershor 2024, një gjykatë në Baku e vendosi në paraburgim duke e akuzuar për “komplot për të kontrabanduar valutë të huaj”, në lidhje me një rast që autoritetet azerbajxhanase kishin ngritur kundër medias Abzas.

Menjëherë pas arrestimit të tij, Abzas tha në një deklaratë se Mehralizada nuk kishte asnjë lidhje të drejtpërdrejtë me redaksinë dhe ishte një nga shumë ekspertët komentet e të cilëve publikoheshin në ueb-faqen e tyre.

Themeluesi i Abzasit, Ulvi Hasanli, dhe kryeredaktorja e saj, Sevinj Abbasova (Vagifqizi), gjithashtu u dënuan me nga nëntë vjet burgim të premten.

Punonjësi i Abzas Mahammad Kekalov u dënua me shtatë vjet e gjashtë muaj burgim, ndërsa redaktori i Agjencisë së Informacionit Turan, Hafiz Babali, me nëntë vjet burgim. Gazetaret Nargiz Absalamova dhe Elnara Gasimova u dënuan me nga tetë vjet secila si pjesë e të njëjtit rast.

Gjatë gjyqit të tij, Mehralizada paraqiti me kujdes rrethanat e arrestimit si prova se çështja ishte e motivuar politikisht dhe si përgjigje ndaj “opinioneve të tij kritike për politikat sociale dhe ekonomike të zbatuara në Azerbajxhan”.

“Farid tashmë ka humbur shumë”, tha në një deklaratë presidenti dhe drejtori ekzekutiv i REL-it, Steve Capus.

“U mbajt në mënyrë të padrejtë për më shumë se një vit, humbi momentin e lindjes së fëmijës së tij dhe tani pret drejtësinë e paarritshme. Mohimi i të drejtave themelore për këtë njeri është mizori e panevojshme. Në vend që të vazhdohet me këtë farsë, është koha që Farid të ribashkohet me familjen e tij.”

Puna e Mehralizades theksonte se analizat e tij ekonomike kritikonin shpesh varësinë e Azerbajxhanit nga nafta dhe gazi dhe vinin në pikëpyetje statistikat zyrtare për papunësinë dhe varfërinë.

Fillimisht ai u akuzua për kontrabandë, por më pas iu shtuan akuza të tjera si sipërmarrje e paligjshme, evazion fiskal, kontrabandë në grup dhe falsifikim dokumentesh.

Ai dhe përkrahësit e tij i kanë quajtur këto akuza të fabrikuara dhe provë shtesë se çështja ndaj tij nxitej nga forca politike.

Prej kur e mori pushtetin pas vdekjes së paraardhësit dhe babait të tij, Heydar Aliyev, në vitin 2003, presidenti Ilham Aliyev është përballur me akuza për shtypje të mendimit ndryshe duke arrestuar gazetarë, figura të opozitës dhe aktivistë të shoqërisë civile.

Ky trend duket se është përshpejtuar kohët e fundit, pasi më shumë se 30 gazetarë dhe mbrojtës të të drejtave të njeriut janë arrestuar për akuza të ngjashme që institucionet ndërkombëtare i konsiderojnë të motivuara politikisht.

Megjithatë, autoritetet azerbajxhanase mohojnë vazhdimisht këto përshkrime. Në rastin e Mehralizadas dhe të të tjerëve të arrestuar së fundmi, Qeveria ngul këmbë se arrestimet e tyre kanë të bëjnë me vepra të caktuara penale dhe jo me hakmarrje politike.

“Me pothuajse 20 gazetarë të tjerë që përballen me gjyq për akuza të ngjashme, komuniteti ndërkombëtar duhet të jetë i qartë se nuk mund të ketë më ‘punë si zakonisht’ me Azerbajxhanin nëse ai burgos masivisht anëtarë të shtypit”, tha Gulnoza Said, koordinatore për programin e Evropës dhe Azisë Qendrore në Komitetin për Mbrojtjen e Gazetarëve, në një deklaratë para shpalljes së vendimit.

LEXONI GJITHASHTU:

• Poetja franceze në Tiranë, aktivitet mbi kulturën, misticizmin dhe religjionin
• Fadromisti u zu nga masivi i mineralit në Burrel, arrestohet tekniku i kompanisë

The post Gjykata në Azerbajxhan dënon me 9 vjet burgim gazetarin e REL-it appeared first on Euronews Albania.

Varre masive të zbuluara në Shusha dhe Khojaly të Karabakut zbulojnë mbetjet e civilëve të zhdukur që nga Lufta e Parë e Karabakut, me prova të torturave të mundshme, pretendojnë autoritetet e Azerbajxhanit.

The post Azerbajxhani pretendon se në Karabakh janë zbuluar dy varre masive dhjetëravjeçare appeared first on Euronews Albania.

BAKU, 13 mars /ATSH-AA/ – Ministri i Punëve të Jashtme i Azerbajxhanit, Jeyhun Bayramov, njoftoi se është arritur konsensus për të gjitha nenet e marrëveshjes së paqes me Armeninë.

Duke folur në një konferencë për media në kryeqytetin Baku, Bayramov shpjegoi se Armenia fillimisht refuzoi të pranojë dy nene të marrëveshjes, por së fundmi ra dakord me to.

“Ne raportuam më parë se dy nenet e fundit mbetën të pa miratuara. Megjithatë, pala armene tani na ka informuar se pranon propozimet e Azerbajxhanit për këto dy çështje”, theksoi Bayramov.

Marrëdhëniet Baku-Jerevan kanë qenë të tensionuara që nga viti 1991, kur ushtria armene pushtoi Karabakun, një territor i njohur në nivel ndërkombëtar si pjesë i Azerbajxhanit, si dhe shtatë rajone ngjitur me të.

Pjesa më e madhe e territorit u çlirua nga Azerbajxhani gjatë një lufte 44-ditore në vjeshtën e vitit 2020, e cila përfundoi pas një marrëveshje të paqes të ndërmjetësuar nga Rusia që hapi derën për bisedimet për normalizimin dhe demarkacionin.

Në shtator të vitit 2023, Azerbajxhani vendosi sovranitet të plotë në Karabak pas një “operacioni antiterrorist” pas të cilit forcat separatiste në rajon u dorëzuan./   /os/

The post BAKU – Azerbajxhani bie dakord për të gjitha nenet e marrëveshjes së paqes me Armeninë appeared first on Agjencia Telegrafike Shqiptare.

TIRANË, 12 mars /ATSH/ Presidenti i Republikës Bajram Begaj u nis sot për në Baku të Azerbajxhanit, ku do të marrë pjesë në Forumin e 12-të Global.

Kreu i Shtetit do të ketë një fjalim të posaçëm në forum, i cili këtë vit trajton çështjen: “Rishikimi i Rendit Botëror: Shndërrimi i sfidave në mundësi”.

Në axhendën e presidentit Begaj janë parashikuar edhe takime të veçanta me liderët pjesëmarrës në forum.

Drejtues shtetesh dhe qeverish, liderë politikë dhe aktivistë me ndikim botëror mblidhen çdo vit në Forumin Global Baku, ku diskutojnë dhe adresojnë zgjidhjen e sfidave më urgjente të kohës. /j.p/

The post “Shndërrimi i sfidave në mundësi”, Begaj merr pjesë në Forumin Global Baku 2025 appeared first on Agjencia Telegrafike Shqiptare.

Nga Anar Huseynov
Ambasadori i Azerbajxhanit në Shqipëri

20 janari i vitit 1990 është një moment historik vendimtar në rrugën e pavarësisë së Azerbajxhanit. Zyrtarisht e shënuar si Dita e Zisë Kombëtare, është edhe një ditë krenarie kombëtare për vendin, duke u bërë simbol i vullnetit të palëkundur në emër të pavarësisë kombëtare dhe lirisë së popullit tonë. Kjo ngjarje epokale shënoi një pikë kthese në rivendosjen e pavarësisë kombëtare. Ishte tragjedia e janarit që e ktheu një lëvizje nacionalçlirimtare në një realitet politik dhe i dha shtysë të fortë popullit të Azerbajxhanit për të luftuar për pavarësi.

Masakra e popullatës civile të Bakut më 20 janar u krye me udhëzimin e qeverisë sovjetike të asaj periudhe për të shtypur protestën e drejtë të popullit të Azerbajxhanit për të parandaluar zgjerimin e lëvizjes çlirimtare në Azerbajxhan dhe më gjerë. Për këtë arsye, trupat e Bashkimit Sovjetik që numëronin më shumë se 20.000 persona, hynë në Baku natën e 19-20 janarit 1990 dhe Ushtria Sovjetike, pa shpallur gjendjen e jashtëzakonshme, filloi operacionet ushtarake kundër popullit civil të Azerbajxhanit. Masakra brutale u krye mbi popullsinë paqësore dhe qindra njerëz u vranë, u plagosën dhe u zhdukën.

Rrënjët e tragjedisë së janarit datojnë në vitin 1988, kur përpjekjet për të aneksuar ish-rajonin e Nagorno-Karabakut të Azerbajxhanit nga Armenia, dhe një valë tjetër e dëbimit të azerbajxhanasve nga tokat e tyre historike në Armeni po merrnin vrull. Për shkak të përkeqësimit të konfliktit të Nagorno-Karabakut, lëvizja kombëtare u rrit në Azerbajxhan dhe situata në vend u tensionua. Populli i Azerbajxhanit u irritua nga pretendimet territoriale dhe aktet agresive të Armenisë, të mbështetura nga disa zyrtarë të atëhershëm sovjetikë kundër Azerbajxhanit. Që nga viti 1988, lëvizja kombëtare për liri u rrit. Duke protestuar kundër kësaj politike të BRSS (Bashkimi i Republikave Socialiste Sovjetike),  mijëra njerëz morën pjesë në demonstrata gjatë gjithë ditës në sheshin qendror dhe në rrugët e Bakut.

Por udhëheqja sovjetike kreu një krim të tmerrshëm kundër popullit azerbajxhanas, në vend që të parandalonte këto tensione në rritje. Mihail Gorbaçov, i pari dhe i fundit presidenti i BRSS, i cili u nderua me Çmimin Nobel për Paqe në të njëjtin vit 1990, në fakt ishte ithtari kryesor i konflikteve të armatosura dhe masakrave brenda Bashkimit Sovjetik. Ai ishte një mbështetës i vendosur i separatizmit armen në Nagorno-Karabak dhe aneksimit të këtij territori Armenisë.

Si rezultat i tubimit ushtarak, zyrtarisht u vranë 131 persona. Jozyrtarisht shifrat rriten në të paktën 300 vetë, dhe ndoshta më shumë. Edhe sot e kësaj dite, 35 vite  më vonë, e vërteta nuk dihet, pasi me sa duket shumica e dokumenteve u konfiskuan dhe u kthyen në Moskë nga Ushtria Sovjetike kur u bë e qartë se BRSS ishte në prag të kolapsit. 744 persona mbetën të plagosur rëndë, 4 të zhdukur, 400 të arrestuar. Pas shpalljes së gjendjes së jashtëzakonshme, 21 persona të tjerë u vranë në Baku, 26 u qëlluan në qytetet Neftçala dhe Lankaran. Banorët e Azerbajxhanit e quajnë këtë tragjedi “Janari i Zi”, që nënkupton masakrën e civilëve që ndodhi gjatë këtyre ditëve. Meqenëse zyrtarët sovjetikë kanë deklaruar publikisht se qëllimi i ndërhyrjes së trupave sovjetike ishte parandalimi i përmbysjes së qeverisë sovjetike të Republikës së Azerbajxhanit nga lëvizja kombëtare, dënimi që iu bë Bakut nga ushtarët sovjetikë mund të ishte menduar si një paralajmërim për lëvizjet çlirimtare, jo vetëm në Azerbajxhan, por edhe në Republikat e tjera të Bashkimit Sovjetik.

Masakra e përgjakshme që ndodhi në Baku në janar të vitit 1990, tregoi thelbin gjakatar antihumanist të regjimit totalitar sovjetik, kur forcat e armatosura të Bashkimit Sovjetik, u përdorën edhe një herë kundër lëvizjes çlirimtare dhe pavarësisë së popullit. Kjo ishte “metoda e besueshme” e Bashkimit Sovjetik për shtypjen e lëvizjeve çlirimtare, e aplikuar kundër kryengritjes hungareze në vitin 1956 dhe Pranverës së Pragës në vitin 1968. Veprimi ndëshkues i forcave të armatosura sovjetike në Baku në janar të vitit 1990, përmasat e tij, mizoria, numri i viktimave njerëzore, tejkaloi ngjarjet në Tbilisi, Vilnius, Riga e kështu me radhë. Këto ishin konvulsionet e fundit të perandorisë sovjetike të vjetëruar.

20 janari ishte sprova e parë dhe fitorja morale në rrugën që e çoi kombin drejt pavarësisë, drejt rikthimit të ideve nacionalo-shpirtërore.

“Janari i Zi” doli të ishte fillimi i fundit të sundimit sovjetik në Azerbajxhan dhe hapi rrugën për shpërbërjen e Bashkimit Sovjetik. Pavarësisht ngjarjeve të përgjakshme në Baku, dita e 20 janarit 1990 u bë një faqe heroizmi në historinë e luftës për pavarësi dhe integritet territorial të Azerbajxhanit.

Në këtë kohë vërtet vendimtare për republikën dhe kur Azerbajxhani ishte ende pjesë e Bashkimit Sovjetik, duke vënë në rrezik jetën e tij, Udhëheqësi Kombëtar i Azerbajxhanit, Heydar Aliyev, mbajti fjalimin e tij të famshëm në Moskë, në të cilin ai e quajti vendimin e udhëheqjes supreme sovjetike për të dërguar trupat në Baku, si akt “çnjerëzor, antidemokratik dhe antikushtetues” dhe kërkoi që “të gjithë ata që u përfshinë në tragjedi të ndëshkoheshin”. Më pas vendimi për vlerësimin e parë politiko-ligjor të tragjedisë së 20 janarit, u miratua nga Parlamenti i Azerbajxhanit me iniciativën e tij.

“Janari i Zi” është regjistruar përgjithmonë në historinë e vendit si një ditë lufte heroike në emër të lirisë dhe integritetit territorial të Azerbajxhanit të pavarur, modern, demokratik dhe të begatë. Dita që çoi në humbje të rënda dhe në vrasjen e njerëzve të pafajshëm, nxori në pah gatishmërinë për luftë, krenarinë e njerëzve, të cilët, duke mos duruar politikën e pabesë të udhëheqjes së Bashkimit Sovjetik ndaj Azerbajxhanit, ngritën zërin për të fituar lirinë dhe pavarësinë.

Duke kaluar në këtë rrugë të përgjakshme, Azerbajxhani fitoi pavarësinë e tij, por kostoja ishte e lartë – 20 për qind e territorit tonë u pushtua si rezultat i agresionit armen, i cili kaloi në operacione ushtarake aktive.

Udhëheqja sovjetike vazhdoi të minonte rivendosjen e shtetit të pavarur dhe demokratik, duke mbështetur agresionin ushtarak të Armenisë kundër Azerbajxhanit. Kjo mbështetje rezultoi në pushtimin e 1/5 të territoreve të njohura ndërkombëtarisht të vendit tonë. Përveç kësaj, Armenia ka kryer një politikë spastrimi etnik kundër azerbajxhanasve. Si rezultat, më shumë se një milion azerbajxhanas u gjendën në pozitën e refugjatëve dhe personave të zhvendosur brenda vendit. Këto veprime, pa dyshim, janë shkelje masive e të drejtave themelore të popullatës civile.

Azerbajxhani gjithmonë ka mbrojtur zgjidhjen paqësore të këtij konflikti. Pavarësisht gati 30 vitesh negociata të ndërmjetësuara nga bashkëkryesuesit e Grupit Minsk të OSBE-së, asnjë rezultat nuk është arritur. Vitet e fundit, Armenia ka shkatërruar qëllimisht procesin e negociatave, duke kërcënuar Azerbajxhanin me një luftë të re për territore të reja. Në shtator 2020, Armenia filloi një sulm ushtarak në shkallë të gjerë në Azerbajxhan. E mundur plotësisht në luftën dyzetekatër ditore, Armenia u detyrua të tërhiqte pjesën e mbetur të trupave të saj nga pjesët e tjera të territoreve të pushtuara të Azerbajxhanit duke nënshkruar një akt kapitullimi më 10 nëntor 2020. Vetë Azerbajxhani siguroi zbatimin e rezolutave të  Këshillit të Sigurimit të OKB-së për ish-konfliktin. Në shtator 2023, pas një operacioni një ditor anti-terror, Azerbajxhani rivendosi sovranitetin e tij në të gjitha territoret e tij të njohura ndërkombëtarisht. I ashtuquajturi “konflikti i Nagorno-Karabakut” ka hyrë në histori. Ky zhvillim nuk është vetëm një moment historik i rëndësishëm në historinë e Azerbajxhanit të pavarur, por edhe një kusht jetik për paqen e qëndrueshme, bashkëpunimin dhe marrëdhëniet e fqinjësisë së mirë në rajon.

Azerbajxhani po përpiqet të nënshkruajë një marrëveshje paqeje me Armeninë bazuar në njohjen e integritetit territorial të njëri-tjetrit, përcaktimin dhe demarkacionin e kufijve shtetërorë dhe hapjen e të gjitha komunikimeve për bashkëpunim të plotë në rajon.

The post “Janari i Zi – një rrugë e përgjakshme drejt pavarësisë” appeared first on Gazeta Shqiptare Online.

Azerbajxhani e ka pezulluar furnizimin e Serbisë me gaz për shkak të disa problemeve me të cilat po përballet, njoftoi të shtunën presidenti serb Aleksandër Vuçiç.

“Jemi njoftuar nga Azerbajxhani se, për shkak të problemeve që kanë, nga sot nuk mund të llogarisim më në 1.7 milionë metër kub gaz që vjen në vendin tonë çdo ditë”, tha Vuçiq.

Ai shtoi se Serbia tani do të fillojë t’i shpenzojë rezervat e veta derisa Azerbajxhani t’i zgjidhë problemet.

“Ishte zgjuarsi që ne grumbulluam rezerva. Shpresoj që në një ose dy muaj ta rregullojnë këtë. Nëse jo, llogarisni se në katër muajt e ardhshëm do të duhet të shtojmë dhe të përdorim rezervat. Nuk do të ketë mungesë as gazi, as nafte”, tha Vuçiç.

Vendimi i Azerbajxhanit vjen një ditë pasi Shtetet e Bashkuara e vendosën Industrinë Serbe të Naftës në listën e sanksioneve, duke këmbëngulur që kompania serbe të mos vazhdojë të jetë në pronësi të Rusisë.

Serbia nënshkroi marrëveshje me Azerbajxhanin për furnizim me gaz natyror në shtator të vitit 2024, si pjesë e përpjekjeve për t’i diversifikuar burimet e furnizimit dhe për ta ulur varësinë nga gazi rus, tek i cili është mbështetur kryesisht për më shumë se një çerek shekulli.

Serbia dhe Azerbajxhani nënshkruan marrëveshjen e partneritetit strategjik në nëntor të vitit 2023.

Ministrja e Energjisë e Serbisë, Dubravka Handanoviç Gjedoviç, deklaroi në shtator se gjatë dimrit, Serbia do të jetë në gjendje të llogarisë në dërgesat e sigurta të rreth një milion metra kub gaz nga Azerbajxhani.

Gazi nga Azerbajxhani i dërgohet Serbisë përmes një gazsjellësi të ri në Bullgari, i cili financohet pjesërisht nga Bashkimi Evropian (BE).

LEXONI GJITHASHTU:

• Nga pushtimi te presioni ekonomik, skenarët si Trump mund të marrë Grenlandën
• Verma në Beograd: Sanksionet kundër NIS-it synojnë Rusinë, jo Serbinë

The post Vuciç: Azerbajxhani ka pezulluar furnizimin e Serbisë me gaz appeared first on Euronews Albania.

BAKU, 30 dhjetor /ATSH-AFP/- Azerbajxhani tha sot se Moska kishte premtuar se do të ndëshkonte përgjegjësit për rrëzimin e avionit të Azerbajxhanit, që Baku thotë se u qëllua nga mbrojtja ajrore ruse.

Avioni AZAL Embraer 190 u rrëzua në Kazakistan më 25 dhjetor, duke shkaktuar vdekjen e 38 personave nga 67 që ndodheshin në bord.

Presidenti i Azerbajxhanit, Ilham Aliyev, ka kërkuar që Moska të pranojë përgjegjësinë për rrëzimin, gabimisht të avionit – ndërsa po përpiqej të bënte një ulje të planifikuar në aeroportin e Groznit, në Rusinë jugore.

Rusia nuk ka konfirmuar ende që një nga raketat e saj të mbrojtjes ajrore mund të ketë goditur avionin – megjithëse presidenti Vladimir Putin i tha Aliyev gjatë një bisede telefonike në fundjavë – se sistemet ishin aktive në atë kohë – dhe se i vinte keq që incidenti kishte ndodhur në hapësirën ajrore ruse.

“Po kryhen masa intensive për të identifikuar personat fajtorë dhe për t’i vendosur ata përballë përgjegjësise penale”, tha prokurori i përgjithshëm i Azerbajxhanit duke cituar kreun e Komitetit Hetues të Rusisë.

Rusia ka hapur një hetim penal për incidentin.

Por ajo nuk ka thënë nëse avioni është goditur nga një nga raketat e saj të mbrojtjes ajrore.

Duke kërkuar që Putini të pranojë përgjegjësinë, Aliyev akuzoi gjithashtu Rusinë për paraqitjen e teorive alternative që “tregonin qartë se pala ruse dëshironte të mbulonte çështjen”.

Rusia tha se Grozny, në rajonin jugor rus të Çeçenisë, po sulmohej nga dronët ukrainas kur avioni AZAL u afrua për të bërë uljen e tij përmes mjegullës së dendur.

Të mbijetuarit kanë përshkruar se kanë dëgjuar shpërthime jashtë avionit, i cili më pas devijoi më shumë se 400 kilometra përgjatë Detit Kaspik drejt qytetit të Kazakistanit Aktau, ku u ul duke u përplasur.

Kazakistani tha të hënën se kishte dërguar “një regjistrues fluturimi” të avionit në Brazil, ku ato do të analizohen nga Qendra e Hetimit dhe Parandalimit të Aksidenteve Aeronautike, një njësi e forcave ajrore braziliane. //a.i/

The post BAKU – Azerbajxhani: Rusia u zotua të ndëshkojë përgjegjësit për rrëzimin e avionit appeared first on Agjencia Telegrafike Shqiptare.

Aeroplani i aviokompanisë së Azerbajxhanit që u rrëzua, ku si pasojë humbën jetë 38 persona, u dëmtua ndërsa fluturonte mbi Rusi “për shkak të të shtënave nga toka”, tha presidenti i Azerbajxhanit.

Presidenti Ilham Aliyev tha se beson se aeroplani, i cili u rrëzua rreth tre kilometra nga Aktau në Kazakistan të mërkurën, nuk ishte rrëzuar qëllimisht.

Megjithatë, ai akuzoi disa qarqe në Rusi se duan të mbulojnë të vërtetën rreth natyrës së rrëzimit, transmeton Telegrafi.

Aeroplani i pasagjerëve Embraer 190 ishte në rrugë nga kryeqyteti i Azerbajxhanit, Baku për në qytetin çeçen Grozny, kur ndryshoi kurs.

Ai u rrëzua në Kazakistan ndërsa po tentonte të ateronte pasi fluturonte drejt lindjes përtej Detit Kaspik, ku humbën jetën 38 persona dhe u lënduan të gjithë 29 të mbijetuarit.

Në një intervistë dhënë për televizionin publik të Azerbajxhanit, Aliyev tha se aeroplani ishte dëmtuar “nga jashtë” mbi territorin rus dhe se “sistemet e luftës elektronike” e nxorën aeroplanin “jashtë kontrollit”.

“Në të njëjtën kohë si pasojë e zjarrit nga toka është dëmtuar rëndë edhe bishti i aeroplanit”, tha ai.

“Fakti që trupi i aeroplanit është i mbushur me vrima tregon se teoria e goditjes së aeroplanit nga një tufë zogjsh, e cila u ngrit nga dikush, është hequr plotësisht nga rendi i ditës”, shtoi ai.

“Megjithatë, për fat të keq, disa qarqe në Rusi preferuan të parashtronin këtë teori. Një moment tjetër për të ardhur keq dhe befasues për ne ishte se agjencitë zyrtare ruse parashtruan teori për shpërthimin e gazit në bordin e aeroplanit”, theksoi ndër tjera presidenti i Azerbajxhanit.

Me fjalë të tjera, sipas tij kjo tregoi qartë se pala ruse donte të mbulonte çështjen, e cila, natyrisht, është e pahijshme për këdo.

Ai tha se aeroplanit u godit “rastësisht” dhe përjashtoi një “akt të qëllimshëm terrori”.

Megjithatë, kritikoi autoritetet ruse për mosmarrjen e përgjegjësisë për rrëzimin.

“Pranimi i fajit, kërkimi i faljes në kohën e duhur ndaj Azerbajxhanit, i cili konsiderohet një vend mik, dhe informimi i publikut për këtë – të gjitha këto ishin masa dhe hapa që duhej të ishin ndërmarrë”, tha ai.

Të shtunën, presidenti rus Vladimir Putin i kërkoi falje homologut të tij azerbajxhanas, për atë që ai e quajti një “incident tragjik” – por nuk mori përgjegjësinë.

Kremlini tha në një deklaratë të shtunën se sistemet e mbrojtjes ajrore po qëllonin pranë Groznyt për shkak të një sulmi me dron ukrainas, por nuk tha se një prej tyre rrëzoi aeroplanin.

Shtëpia e Bardhë tha se të dhënat e hershme sugjerojnë se aeroplani mund të ishte rrëzuar nga Rusia.

Dy zyrtarë ushtarakë amerikanë i thanë NBC Neës se Amerika ka informacione që tregon se Rusia mund ta ketë keqidentifikuar aeroplanin si një dron dhe e ka rrëzuar atë.

Në ditët pas rrëzimit, aviokompania e Azerbajxhanit fajësoi “ndërhyrjet fizike dhe teknike” dhe njoftoi pezullimin e fluturimeve në disa aeroporte ruse. /Telegrafi/

The post Presidenti i Azerbajxhanit thotë se aeroplani i tyre u dëmtua derisa po fluturonte mbi Rusi – u godit nga toka appeared first on Telegrafi.

Turqia po dërgon një ekip prej tetë anëtarësh për të hetuar rrëzimin e një avioni pasagjerësh të Azerbajxhanit, pranë qytetit Aktau në Kazakistan, tha ministri turk i Transportit dhe Infrastrukturës, Abdulkadir Uraloglu.

Në një deklaratë të postuar në mediat sociale, Uraloglu tha se ekipi u formua me kërkesë të Agjencisë Shtetërore të Aviacionit Civil të Azerbajxhanit.

“Grupi do të ekzaminojë vendin e aksidentit, do të kryejë analiza teknike dhe operacionale dhe do të ofrojë mbështetje për të përcaktuar shkakun e aksidentit. Ekipi ynë i ekspertëve do të punojë në koordinim me autoritetet lokale për të hetuar tërësisht të gjitha aspektet e incidentit dhe për të raportuar gjetjet ,” tha Uraloglu, transmeton Daily Sabah.

Presidenti rus Vladimir Putin i kërkoi falje homologut të tij azerbajxhanas, Ilham Aliyev, për rrëzimin tragjik të një avioni pasagjerësh të Azerbajxhanit në hapësirën ajrore ruse. Incidenti ndodhi të mërkurën pranë qytetit Aktau në Kazakistan dhe la pas 38 viktima.

Sipas Kremlinit, avioni ishte devijuar nga trajektorja e tij për shkak të sulmeve me dronë nga Ukraina në disa qytete ruse, si Grozni, Mozdok dhe Vladikavkaz. Në përpjekjet për t’i zmbrapsur këto sulme, sistemi i mbrojtjes ajrore ruse goditi gabimisht avionin. Putin shprehu ngushëllime për familjet e viktimave dhe uroi shërim të shpejtë për të plagosurit, gjatë një telefonate të bërë me kërkesën e tij.

Presidenti Aliyev, në një deklaratë nga zyra e tij, tha se avioni ishte goditur nga një objekt i jashtëm në hapësirën ajrore ruse, çka shkaktoi humbjen e kontrollit dhe devijimin në Kazakistan. Hetimet paraprake të autoriteteve azerbajxhanase konfirmuan se mbrojtja ajrore ruse ishte përgjegjëse për incidentin.

Avioni Embraer EMBR3.SA po fluturonte nga Baku për në Grozni në Çeçeni, kur u detyrua të devijonte qindra kilometra në Detin Kaspik përpara se të përfshihej nga flakët dhe të rrëzohej.

The post Rusia pranon se rrëzoi avionin në Kazakistan, Putin: Kërkoj falje… appeared first on Sot News | Lajme.

BRUKSEL, 28 dhjetor /ATSH-AFP/- Kryediplomatja e Bashkimit Evropian, Kaja Kallas bëri thirrje sot për një hetim “të shpejtë dhe të pavarur” lidhur me rrëzimin e avionin e kompanisë ajrore të Azerbajxhanit – pasi SHBA-ja sugjeroi se incidenti mund të ishte shkaktuar nga një raketë kundër-ajrore ruse.

Avioni u rrëzua të mërkurën në afërsi të qytetit të Kazakistanit, Aktau, duke shkaktuar vdekjen e 38 personave nga 67 që ndodheshin në bord – pasi u përpoq të ulej në destinacionin e tij në qytetin rus, Grozny dhe më pas duke devijuar nga kursi përtej Detit Kaspik.

“Unë bëj thirrje për një hetim ndërkombëtar të shpejtë dhe të pavarur”, shkroi Kallas në platformën e medias sociale X.

Ajo tha se incidenti ishte një “kujtesë e fortë” e rrëzimit të avionit MH17 të kompanisë ajrore Malaysia, i cili u rrëzua nga një raketë tokë-ajër e lëshuar nga rebelët e mbështetur nga Rusia mbi Ukrainën lindore në vitin 2014.

“Mendimet tona janë me familjet dhe miqtë e viktimave. I uroj shërim të shpejtë të plagosurve”, tha Kallas.

Deklarata e saj erdhi pasi udhëheqësi rus Vladimir Putin i tha homologut të Azerbajxhanit Ilham Aliyev se mbrojtja ajrore ruse ishte aktive kur avioni i kompanisë ajrore të Azerbajxhanit po përpiqej të ulej në Grozny.

Sipas Kremlinit, gjate nje bisede telefonike, Putini i ka kërkoi falje Aliyev për incidentin në hapësirën ajrore ruse, por ai nuk mori përgjegjësinë për rrëzimin e avionit.

Deklaratat e zyrtarëve të Azerbajxhanit sugjerojnë se Baku beson se avioni mund të jetë goditur në ajër, ndërsa SHBA-ja ka thënë se kishte “indikacione të hershme” që mbrojtja ajrore ruse mund të ketë qenë përgjegjëse për rrëzimin.

Rusia njoftoi më herët se Grozni po sulmohej nga dronët ukrainas atë ditë. //a.i/

The post BRUKSEL – BE kërkon hetim të shpejtë dhe të pavarur pas rrëzimit të avionit të Azerbajxhanit appeared first on Agjencia Telegrafike Shqiptare.

Presidenti rus Vladimir Putin i kërkoi falje Ilham Aliyev, presidentit të Azerbajxhanit, për rrëzimin e avionit që shkaktoi 38 vdekje.
Kremlini e quajti këtë ngjarje si një “incident tragjik” në hapësirën ajrore ruse që përfshin avionin e Azerbajxhanit Airlines që u rrëzua në Kazakistan më 25 dhjetor.

Kremlini tha se ndërsa avioni u përpoq të ulej në zonën e Groznys, dronët ukrainas po sulmonin Rusinë dhe forcat ruse të mbrojtjes ajrore zmbrapsën sulmet.

“Gjatë kësaj kohe, Grozny, (qyteti) Mozdok dhe Vladikavkaz po sulmoheshin nga dronët luftarakë ukrainas dhe mbrojtja ajrore ruse po i zmbrapste këto sulme”, tha Kremlini, por pa specifikuar se mbrojtja ajrore ruse goditi avionin.

The post Rrëzimi i avionit, Rusia merr përsipër përgjegjësinë, i kërkon falje Azerbajxhanit appeared first on Lapsi.al.

Presidenti rus Vladimir Putin i kërkoi falje këtë të shtunë homologut të tij azerbajxhanas për atë që ai e quajti një “incident tragjik” pas rrëzimit të avionit.

Avioni i Azerbajxhanit Airlines po fluturonte të mërkurën nga kryeqyteti i Azerbajxhanit, Baku për në Grozny, kryeqyteti rajonal i republikës ruse të Çeçenisë, kur u kthye në drejtim të Kazakistanit dhe u rrëzua teksa po tentonte të ateronte.

Nga rrëzimi i avionit, vdiqën 38 njerëz, ndërsa 29 njerëz arritën të mbijetojnë.

Putin shprehu “ngushëllimet e tij të thella dhe të sinqerta për familjet e viktimave”, tha një deklaratë nga Kremlini të shtunën.

Një hetim zyrtar për rrëzimin nuk ka përfunduar ende, por të mbijetuarit u thanë autoriteteve se dëgjuan tre shpërthime që dukej se vinin nga jashtë ndërsa avioni fluturoi mbi Grozny.

Hetimi po fokusohet në atë “armë” që shkaktoi incidentin, tha të premten Ministri i Zhvillimit Dixhital dhe Transportit të Azerbajxhanit, Rashad Nabiyev, pasi foli me disa nga të mbijetuarit.

Deklarata e Kremlinit shtoi se sistemet e mbrojtjes ajrore po qëllonin pranë Grozny të mërkurën për shkak të një sulmi me dron ukrainas, por nuk tha se një prej tyre goditi avionin.

Ai gjithashtu vuri në dukje se avioni kishte tentuar vazhdimisht të ulej në aeroportin në Grozny.

LEXONI GJITHASHTU:

• 25 vitet e Putinit: Luftërat e liderit rus, si u bë nga mik në armik i Perëndimit
• Azerbajxhani Airlines: Rrëzimi i avionit për shkak të “ndërhyrjes së jashtme fizike”

The post Rrëzimi i avionit në Azerbajxhan, Putin kërkon falje për “incidentin tragjik” appeared first on Euronews Albania.

Zëdhënësi i Shtëpisë së Bardhë, John Kirby thotë se SHBA ka të dhëna se Rusia mund të ketë qenë përgjegjëse për rrëzimin e aeroplanit të Azerbajxhanit Airlines që u rrëzua më 25 dhjetor, duke vrarë 38 persona. Kirby nuk dha më shumë detaje, por u tha gazetarëve se Shtetet e Bashkuara kanë ofruar ndihmë për hetimin e aksidentit ajror ë mënyrë që të zbardhen detajet. Avioni është goditur nga…

Source

Zëdhënësi i Shtëpisë së Bardhë, John Kirby, ka thënë se SHBA ka parë “indikacione të hershme” se Rusia mund të ketë qenë përgjegjëse për rrëzimin e aeroplanit të Azerbajxhanit Airlines. Ngjarja tragjike ndodhi ditën e Krishtlindjeve më 25 dhjetor – ku vdiqën 38 persona. Kirby nuk dha më shumë detaje, por tha për gazetarët se […]

The post SHBA: Rusia mund të jetë përgjegjëse për rrëzimin e aeroplanit të Azerbajxhanit appeared first on BoldNews.al.

MOSKË, 27 dhjetor /ATSH-DPA/- Qeveria e Azerbajxhanit i është referuar publikisht një arme të përdorur kundër avionit të pasagjerëve që u rrëzua në fillim të kësaj jave pranë qytetit Aktau në Kazakistan, duke shkaktuar vdekjen e 38 personave.

“Hetimi do të sqarojë se çfarë lloj arme është përdorur për të shkaktuar aksidentin”, tha sot ministri i Transportit Rashad Nabiyev, sipas agjencisë shtetërore të lajmeve Azertag.

Nabijev tha se rrënojat dhe deklaratat e dëshmitarëve sugjeronin se avioni ishte dëmtuar nga jashtë – mbi aeroportin e destinacionit origjinal në Grozny, kryeqyteti i republikës ruse të Çeçenisë.

“Sipas këtyre deklarimeve, jashtë kishte një zhurmë shpërthyese dhe më pas avioni ishte goditur nga diçka”, tha ai.

Në kohën kur avioni u dëmtua – të mërkurën në mëngjes, mbrojtja ajrore ruse thuhet se ishte e angazhuar në luftime me dronët ukrainas në rajon.

Nabijev nuk specifikoi se kush, sipas shërbimeve sekrete qeveritare, ishte qëlluar ndaj avionit.

Disa media, duke cituar burime të paidentifikuara të qeverisë së Azerbajxhanit, kishin raportuar më parë se rrëzimi ishte rezultat i një rakete kundër-ajrore ruse.

Zëdhënësi i Këshillit të Sigurisë Kombëtare të Shtëpisë së Bardhë, John Kirby, u bëri jehonë këtyre dyshimeve.

“Ne kemi parë disa indikacione të hershme që me siguri do të tregonin mundësinë që ky avion mund të jetë rrëzuar nga sistemet ruse të mbrojtjes ajrore”, tha sot zyrtari amerikan.

Kompania ajrore e Azerbajxhanit tha se rezultatet e hetimit paraprak sugjeronin se incidenti ishte shkaktuar nga “efektet fizike dhe teknike nga jashtë”.

Fotot e pjesës së bishtit të avionit treguan dëmtime që i ngjanin vrimave nga goditjet e armëve kundërajrore.

Hetuesit do të duhet të sqarojnë nëse një ulje emergjente e avionit ishte autorizuar apo refuzuar në Makhachkala, si dhe pse pozicioni satelitor i avionit ishte ndërprerë”, shtoi ai. //a.i/

The post AZERBAJXHAN – Ministri i Transportit Nabiyev: Një armë mund të ketë shkaktuar rrëzimin fatal të avionit appeared first on Agjencia Telegrafike Shqiptare.

Një ligjvënës azerbajxhanas ka thënë se ka “shumë mundësi” se rrëzimi i një avioni udhëtarësh në fillim të kësaj jave u shkaktua nga sistemet e mbrojtjes ajrore të Rusisë që ishin në gatishmëri për sulme ukrainase me dronë.

Thashethemet janë rritur se avioni i Azerbaijan Airlines, i cili po fluturonte nga Bakuja drejt Groznit, kryeqytetit të rajonit rus të Çeçenisë, mund të jetë goditur nga një raketë e një kundërajrori rus, para se ta kalonte Detin Kaspik dhe të rrëzohej afër Aktaut në Kazakistan, duke i lënë të vdekur 38 udhëtarë dhe pjesëtarë të ekuipazhit.

Ligjvënësi Hikmat Babaoghlu tha për Shërbimin azerbajxhanas të Radios Evropa e Lirë në një intervistë më 27 dhjetor se një shpjegim i tillë sipas të gjitha gjasave “i afrohet më së shumti të vërtetës”.

“Kjo është vetëm një mundësi, por një mundësi shumë e madhe, dhe vëzhgimet dhe përfundimet e nxjerra deri tani mbështesin idenë se rrëzimi i avionit nga goditja me armë është më pranë të vërtetës”, tha ai.

“Në këtë rast të veçantë, incidenti përfshin dëmtimin e avionit të linjës ajrore të Azerbajxhanit brenda territorit të Federatës Ruse, gjë që shkaktoi rrëzimin që ndodhi atje. Prandaj, nuk ka dyshim se përgjegjësia i takon Federatës Ruse. Nëse këto supozime janë të sakta, përgjegjësia pa dyshim bie mbi Rusinë”, shtoi ai.

Ekspertë nga Kazakistani mbërritën më 27 dhjetor për të ekzaminuar vendin e rrëzimit dhe kutinë e zezë të avionit të pasagjerëve, derisa spekulimet – dhe provat – po shtohen duke sugjeruar se një raketë e mbrojtjes ajrore ruse mund ta ketë goditur aksidentalisht avionin.

Derisa hetimet po vazhdojnë, vendet nga ku vijnë viktimat e rrëzimit të avionit – Azerbajxhani, Kazakistani, Rusia dhe Kirgizia – vazhdojnë të mbajnë zi për vdekurit dhe t’i trajtojnë të lënduarit nga rrëzimi i avionit Embraer 190.

Që nga rrëzimi i avionit, pasiguria ka tronditur industrinë e aviacionit në të gjithë Kaukazin.

Një fluturim i Azerbaijan Airlines drejt qytetin rus Mineralnye Vody, u ngrit nga Bakuja më 27 dhjetor, por më pas u kthye mbrapsht papritur pasi mori një njoftim se hapësira ajrore ruse, përmes së cilës duhej të kalonte, ishte e mbyllur.

Azerbaijan Airlines më vonë tha se i ka pezulluar fluturimet për në disa qytete ruse, duke përfshirë Mineralnye Vody, Soçi, Volgograd, Ufa, Samara, Grozni dhe Makaçkala.

Thashethemet rreth tragjedisë janë shtuar, me disa ekspertë që përmendin vrimat e vërejtura në pjesën e pasme të avionit si shenjë e mundshme që ai mund të jetë goditur nga sistemet ruse të mbrojtjes ajrore të angazhuara për t’i parandaluar sulmet me dronë nga Ukraina.

Një zyrtar amerikan, duke folur në kushte anonimiteti, u tha agjencive të lajmeve se indikacionet tregojnë se një sistem kundërajror rus goditi avionin, pa dhënë ndonjë provë për këtë.

Provat, shumica e të cilave nuk janë konfirmuar nga autoritetet në Azerbjaxhan, Kazakistan apo Rusi, përfshijnë pamje nga brendësia e aeroplanit para rrëzimit të tij, fotografi që shfaqin vrima në bishtin e aeroplanit pas rrëzimit, komentet e një të mbijetuari, dhe dëshmitë që lënë të kuptohet se dyshohej për një sulm me dronë në kohën kur aeroplani u përpoq të aterojë në Grozni.

Duke komentuar mbi raportet e pakonfirmuara se avioni mund të jetë rrëzuar nga një raketë, kryetari i Senatit të Kazakistanit, Maulen Ashimbaev, tha se është “e pamundur” të thuhet se çfarë mund ta ketë dëmtuar avionin derisa hetimi të përfundojë.

Zëdhënësi i Kremlinit, Dmitry Peskov, bëri u shpreh ngjashëm, duke thënë: “Duhet të presim përfundimin e hetimit”. Peskov shtoi se është “gabim” të spekulohet para se hetuesit t’i nxirrnin përfundimet e tyre.

Sipas zyrtarëve, përveç 42 shtetasve azerbajxhanas, në bordin e fluturimit “J2-8243” ishin regjistruar edhe 16 shtetas rusë, gjashtë nga Kazakistani dhe tre qytetarë nga Kirgizia.

Në mesin e të mbijetuarve janë nëntë shtetas rusë, të cilët u dërguan në Moskë më 26 dhjetor nga Ministria Ruse e Situatave të Jashtëzakonshme. Sipas autoriteteve shëndetësore ruse, tre prej të mbijetuarve rusë janë në gjendje kritike./rel

Teksa janë publikuar detaje rrëqethëse të momenteve të fundit të fluturimit 8432 të Azerbajxhanit, i cili u rrëzua të mërkurën në Aktau, anëtaret e ekuipazhit që bën çmos për të shpëtuar pasagjerët deri në momentin e fundit po nderohen si heronj.

Azerbajxhani Airlines publikoi emrat e pesë anëtarëve të ekuipazhit, duke identifikuar Igor Kshnyakin dhe Aleksandr Kalyaninov si pilotë dhe Hokuma Aliyeva, Zulfugar Asadov dhe Aydan Rahimli si stjuardesa.

Sipas linjës ajrore, në avionin Embraer 190 ishin 37 shtetas azerbajxhanas, gjashtë nga Kazakistani, tre nga Kirgistani dhe 16 shtetas rusë.

Një total prej 29 pasagjerësh i mbijetuan përplasjes, ndërsa 38 humbën jetën ndërkohë që pilotët u përpoqën të bënin një ulje emergjente pranë qytetit të Kazakistanit Aktau.

Burimet e qeverisë së Azerbajxhanit kanë konfirmuar ekskluzivisht për Euronews se ishte një raketë ruse tokë-ajër ajo shkaktoi rrëzimin.

Sipas burimeve, raketa qëlloi në Fluturimin 8432 gjatë aktivitetit ajror të dronëve mbi Grozny dhe copëzat goditën pasagjerët dhe ekuipazhin e kabinës ndërsa shpërtheu pranë avionit në mes të fluturimit.

Burime qeveritare i kanë thënë Euronews se avioni i dëmtuar nuk u lejua të ulej në asnjë aeroport rus pavarësisht kërkesave të pilotëve për një ulje emergjente dhe u urdhërua të fluturonte përtej Detit Kaspik drejt Aktau në Kazakistan.

Sipas të dhënave, sistemet e navigimit GPS të avionit u bllokuan përgjatë rrugës së fluturimit mbi det.

Kapiteni Kshnyakin, oficeri i parë Kalyaninov dhe kryestjuardesa Aliyeva humbën jetën teksa avioni u rrëzua, ndërsa dy stjuardesat e tjera, Asadov dhe Rahimli, thuhet se mbijetuan po trajtohen në spital.

Familja e Aliyeva-s, stjuardesës që vdiq në aksident, i bëri homazhe asaj, duke thënë se “ajo gjithmonë na thoshte të jemi krenarë për të”.

Zëri i Aliyeva mund të dëgjohet në një video rrëqethëse të filmuar nga një pasagjer në mes të fluturimit, në të cilën ajo dëgjohet duke u përpjekur të ngushëllojë kabinën.

Familja e saj i tha agjencisë së lajmeve APA se Aliyeva kishte punuar për Azerbajxhani Airlines që nga viti 2016, ishte një “person i gëzuar” dhe studionte drejtësi përpara se të vendoste të bëhej stjuardesë.

“Ajo kishte vizituar shumë vende dhe gjithmonë na thoshte të jemi krenarë për të. Një herë, pasi u kthye nga një udhëtim, ajo tha se aeroplani i tyre për pak sa nuk u rrëzua… Kësaj radhe, përplasja ndodhi dhe vajza ime nuk mundi të mbijetonte”, tha familja e Aliyeva.

Aeroplani i jashtëzakonshëm

Kapiteni Kshnyakin kishte një përvojë fluturimi prej mbi 15,000 orësh, nga të cilat 11,200 orë si kapiten, sipas Azerbajxhanit Airlines.

Ai dhe oficeri i parë Kalyaninov shfaqën aftësi të jashtëzakonshme ajrore, sipas ekspertëve, pasi arritën të fluturonin avionin e goditur përtej Detit Kaspik dhe të rrëzoheshin vetëm 3 kilometra larg pistës së aeroportit Aktau.

Bazuar në pamjet e vendit të rrëzimit dhe rrënojave të aeroplanit, ekspertët e aviacionit arritën në përfundimin se stabilizatori horizontal i majtë i Embraer 190 duket se është shpuar nga copëza dhe se avioni humbi shumicën e sistemeve hidraulike, duke përfshirë kontrollin e timonit.

Nga videot e analizuara, ekspertët tregojnë se pilotët ishin të detyruar të ndryshonin shpejtësinë e avionit, duke u ulur për të fituar shpejtësi dhe duke u ngjitur për të ngadalësuar për të qenë në gjendje të drejtonin aeroplanin.

Azerbajxhani Airlines i tha agjencisë së lajmeve Azerbajxhan Trend se inspektimi i fundit teknik i plotë i avionit u krye tetorin e kaluar.

Sipas linjës ajrore, avioni Embraer 190, i regjistruar si 4K-AZ65 dhe i prodhuar në vitin 2013, kishte përfunduar gjithsej 9,949 ulje dhe kishte grumbulluar rreth 15,257 orë fluturimi para rrëzimit.

LEXONI GJITHASHTU:

• Rrëzohet avioni i Azerbajxhanit në Kazakistan, dhjetëra persona humbin jetën
• Azerbajxhani në zi për viktimat e aksidentit ajror

The post Rrëzimi i avionit në Azerbajxhan, pilotët dhe ekuipazhi nderohen si heronj appeared first on Euronews Albania.

Shtatë të mbijetuar u kthyen të enjten nëAzerbajxhan derisa vendi po mban ditë zie 24 orë pas rrëzimit të aeroplanit të Azerbaijan Airlines në Kazakistan, ku humbën jetën 38 njerëz.

Thashethemet kanë filluar të qarkullojnë pse aeroplani “Embraer 190” u rrëzua derisa po fluturonte sipas orarit nga kryeqyteti i Azerbajxhanit, Baku, drejt Groznit në rajonin rus të Çeçenisë me 67 njerëz në bord, pasi e kishte devijuar rrugën dhe kishte tentuar të bënte ulje emergjente afër qytetit Aqtau në perëndim të Kazakistanit.

Disa ekspertë përmendën vrimat e dukshme në pjesën e bishtit të avionit si shenjë të mundshme se mund të jetë goditur nga sistemet ruse të mbrojtjes ajrore, të angazhuara në parandalimin e sulmeve me dronë nga Ukraina.

Një zyrtar amerikan, duke folur në kushte anonimiteti, u tha agjencive të lajmeve se indikacionet tregojnë se një sistem kundërajror rus goditi avionin, pa dhënë ndonjë provë për këtë.

Autoritetet azerbajxhanase dhe kazake kanë nisur një hetim për ta zbuluar shkakun e aksidentit. Zyrtarët thanë se regjistruesi i kabinës së avionit është gjetur dhe bënë thirrje për kujdes në lidhje hedhjen e fajësisë para se faktet të përcaktohen.

Zyrtarët në Baku deklaruan se të lënduarit mbërritën me një fluturim special të organizuar nga Ministria e Çështjeve Emergjente e Azerbajxhanit dhe se ata u shoqëruan nga mjekë profesionistë.

Gjendja e të lënduarve, të cilët ishin ndër 29 të mbijetuarit nga rrëzimi i avionit, nuk dihet ende.

Ayhan Solomon, konsulli i lartë i Azerbajxhanit në Aqtau, u tha gazetarëve se 26 nga vdekurit janë shtetas të Azerbajxhanit.

Ai shtoi se raportet fillestare tregojnë se 16 shtetas azerbajxhanas i mbijetuan rrëzimit të avionit.

“Nga këta, 10 deri në 12 janë në gjendje të mirë, ndërsa të tjerët mbeten në gjendje kritike, por të qëndrueshme”, shtoi ai.

Këshilli mbikëqyrës i Azerbaijan Airlines njoftoi më 26 dhjetor se familjet e atyre që humbën jetën do të kompensohen me nga 23.460 dollarë, ndërsa të lënduarit me nga 11.730 dollarë.

Talgat Lastaev, zëvendësministri i Transportit i Kazakistanit, i tha Radios Evropa e Lirë se ekspertët pritet të mbërrijnë në vendngjarje më 27 dhjetor për të vlerësuar hapat e ardhshëm në lidhje me kutinë e zezë.

Zyrtarët thanë se zakonisht nevojiten rreth dy javë për të vlerësuar plotësisht një kuti të zezë, megjithëse kushte të ndryshme mund të ndikojnë në këtë kohëzgjatje.

Duke komentuar mbi raportet e pakonfirmuara se avioni mund të jetë rrëzuar nga një raketë, kryetari i Senatit të Kazakistanit, Maulen Ashimbaev, tha se është “e pamundur” të thuhet se çfarë mund ta ketë dëmtuar avionin derisa hetimi të përfundojë.

Zëdhënësi i Kremlinit, Dmitry Peskov, bëri u shpreh ngjashëm, duke thënë: “Duhet të presim përfundimin e hetimit”. Peskov shtoi se është “gabim” të spekulohet para se hetuesit t’i nxirrnin përfundimet e tyre.

Sipas zyrtarëve, përveç 42 shtetasve azerbajxhanas, në bordin e fluturimit “J2-8243” ishin regjistruar edhe 16 shtetas rusë, gjashtë nga Kazakistani dhe tre qytetarë nga Kirgizia.

Në mesin e të mbijetuarve janë nëntë shtetas rusë, të cilët u dërguan në Moskë më 26 dhjetor nga Ministria Ruse e Situatave të Jashtëzakonshme. Sipas autoriteteve shëndetësore ruse, tre prej të mbijetuarve rusë janë në gjendje kritike.

Kompania Azerbaijan Airlines ka pezulluar të gjitha fluturimet nga Bakuja drejt Çeçenisë derisa të kryhen hetimet për tragjedinë.

Agjencia ruse e lajmeve, Interfax, ka cituar zyrtarë të kenë thënë se avioni kishte kaluar të gjitha kontrollet në tetor dhe piloti kishte “përvojë të madhe” me mbi 15.000 orë fluturim.

Presidenti i Azerbajxhanit, Ilham Aliyev, i cili ndërpreu vizitën e tij për një samit informal të Komonuelthit të Shteteve të Pavarura (CIS) në Rusi, tha se është ende herët për ta përcaktuar shkakun, por sugjeroi se moti i keq mund të ketë kontribuar në rrëzimin e avionit.

“Informacioni që më është dhënë tregon se avioni ndryshoi kurs ndërmjet Bakusë dhe Groznit për shkak të përkeqësimit të kushteve atmosferike dhe devijoi drejt aeroportit të Aqtaut [para se] të rrëzohej”, tha ai.

Zyra e Prokurorit të Përgjithshëm të Azerbajxhanit deklaroi se “po hetohen të gjithë skenarët e mundshëm”./REL

The post Rrëzimi i avionit në Kazakistan, të mbijetuarit kthehen në Azerbajxhan appeared first on Sot News | Lajme.