Në 4-mujorin e parë të vitit 2025, tetë nga kompanitë më të mëdha të prodhimit të qumështit në vend kanë tregtuar  qumësht me aflatoksinë. Sipas OBSH-së, aflatoksina është kancerogjene e Grupit 1, rrit rrezikun për probleme në mëlçi dhe veshka. Në dyqane, markete dhe supermarkete u shitën tonelata qumësht që i rrezikoi shëndetin konsumatorëve, ndërkohë […]

The post Qytetarët pinë qumështin që shkakton kancer, Manush Kullolli i AKU mbron kompanitë që e tregtuan appeared first on BoldNews.al.

Teksa ditë pas dite publikohen skandale të produkteve ushqimore me baktere të rrezikshme apo ushqime të skaduara që u falsifikohet etiketa, Rama krenohet me sekuestrimin e produkteve që shiten pa faturë. Pra, problemi më i madh në ditën e sotme për kryeministrin është fatura, ndërkohë që shqiptarët helmohen dhe po vriten dita ditës nga oligarkë […]

The post Rama: Sekuestrohen 32 ton produkte bulmeti, qumësht dhe mish appeared first on BoldNews.al.

Marketet e vogla mbeten pa furnizime qumështi; Tatimet: Të përdorin autofaturimin për blerjet nga fermerët. Prej ditës së hënë, pas nisjes së aksionit të tatimorëve, në shumë markete të vogla në Tiranë është ndërprerë furnizimi me qumësht të freskët të prodhuar nga fermerët. Sipas një vëzhgimi të bërë nga Monitor, situata është e ngjashme në […]

The post Marketet e vogla mbeten pa furnizime qumështi appeared first on BoldNews.al.

Marketet e vogla mbeten pa furnizime qumështi; Tatimet: Të përdorin autofaturimin për blerjet nga fermerët

Prej ditës së hënë, pas nisjes së aksionit të tatimorëve, në shumë markete të vogla në Tiranë është ndërprerë furnizimi me qumësht të freskët të prodhuar nga fermerët.

Sipas një vëzhgimi të bërë nga Monitor, situata është e ngjashme në shumë lagje të kryeqytetit, përfshirë Astirin, Freskun dhe zonën 5 Maji.

Tregtarët e marketeve, të kontaktuar, pohojnë se janë të paqartë për mënyrën se si duhet të veprojnë në lidhje me lëshimin e faturave.

Ndërsa furnizohen me sasi të konsiderueshme qumështi të freskët direkt nga fermerët e zonave rurale të Tiranës, ata nuk dinë se si ta formalizojnë këtë proces për faturim.

Fermerët nga ana e tyre pohuan se janë të pajisur me NIPT, por pavarësisht kësaj, prej tre ditësh qumështi i tyre po refuzohet nga njësitë e vogla të tregtimit.

Drejtoria e Përgjithshme e Tatimeve (DPT) sqaron për Monitor se referuar udhëzimit nr.16, datë 03.04.2020, “Për faturën dhe sistemin e monitorimit të qarkullimit”, i ndryshuar, të gjithë njësitë tregtare pa përjashtim që blejnë mallra nga prodhuesit bujqësorë e blegtoralë duhet të shoqërohen me faturë të fiskalizuar, të llojit autofaturim.

Skema për faturimin e mallrave të blera direkt prej fermerëve, nga një market lagjeje, bar, restorant apo supermarkete të mëdhenj është e njëjtë, si në rastin e tregtimit të mallrave bujqësore apo blegtorale te përpunuesit apo grumbulluesit e mëdhenj.

“Pra në rast se një biznes qoftë ky market i lagjes, bar, restorant apo çdo lloj njësie tjetër për mallrat bujqësore apo blegtorale nuk furnizohet nga një grumbullues apo përpunues, por direkt nga fermeri, detyrimin për lëshimin e autofaturës e ka blerësi. Edhe në këtë rast autofatura e ngarkuar në sistem bëhet nga blerësi, me të dhënat e shitësit.

Autofatura nevojitet të firmoset edhe prej shitësit që në këtë rast është fermer, me qëllim gjurmueshmërinë e mallit për sigurinë ushqimore”, sqaron DPT.

Pra, marketi i lagjes që në këtë rast mund të konsiderohet grumbulluesi i vogël i qumështit të freskët të fermerit, pavarësisht se ky i fundit është i pajisur me NIPT apo pa NIPT bujqësor, mund t’i lëshojë fermerit autofaturë për mallin e blerë.

Për rastet kur fermeri nuk është i pajisur me NIPT bujqësor, Tatimet sqarojnë se me qëllim gjurmueshmërinë e produktit të shitur, nevojitet të shënohet në autofaturë vetëm emri i individit që ka shitur produktin dhe autofatura të firmoset prej shitësit.

Fermeri pavarësisht nëse është i pajisur me NIPT apo jo ka të drejtë të tregtojë produktet tij blegtorale në dyqanet e vogla ushqimore, ndërsa detyrimin për lëshimin e faturës fiskale e ka blerësi.

Skema është e njëjtë edhe nëse fermeri qumështin e çon në pikat e grumbullimit dhe përpunimit, detyrimin për lëshimin e faturës fiskale (autofaturës për shitjen) e ka blerësi.

Pra, përpunuesi apo grumbulluesi i licencuar ka detyrimin e lëshimit të autofaturës nëpërmjet ngarkimit në sistemin SelfCare.

Prej disa ditësh tatimorët kanë nisur aksionin për kontrollin e tregtimit të produkteve bujqësore.

Administrata Tatimore thekson sërish se fokusi i aksionit është forcimi i kontrollit në terren mbi lëshimin e autofaturës për tregtimin e produkteve blegtorale, te tregjet e mëdha të tregtimit të mallrave bujqësore, thertoret, baxhot dhe më pas grumbulluesit dhe përpunuesit e mëdhenj.

Tatimet pohojnë se tregtarët e vegjël dhe ambulantët nuk janë në fokus të aksionit. Nëpërmjet këtij aksioni tatimet synojnë të rrisin të ardhurat, dhe të forcojnë sistemin për gjurmueshmërinë e mallit./ D.Azo

 

 

 

 

 

The post Marketet e vogla mbeten pa furnizime qumështi; Tatimet sqarojnë si do të bëhen faturat appeared first on Revista Monitor.

Nebiu* vjen çdo mëngjes nga Gjiri i Lalzit në Tiranë. Në bagazhin e makinës së tij nuk ka as fruta deti, as peshk dhe as produkte të importit me ambalazhe shumëngjyrëshe. Ka vetëm bidonë të mbushur me qumështin e pesë lopëve, që rrit me mund. Një rutinë që nuk i kishte ndryshuar prej vitesh: ndalej te dyqani i Valit, në një lagje të kryeqytetit, linte qumështin për klientët e tij besnikë dhe kthehej në shtëpi me ca para që i siguronin jetesën. Kjo, deri këtë të hënë.

Vali, pronarja e dyqanit, nuk i’a pranon më qumështin. 

“Më kërkojnë faturë. S’dua të kem punë me tatimet,” i tha ajo shkurt Nebiut. Dhe ky nuk është një rast i izoluar.  

Në fshatin Baldushk, Agroni* mban një tufë dhish. Prej kohësh qumështin e çonte te një agroturizëm që e kthente në djathë. “Tani më thanë duhet faturë,” rrëfen ai. Veterinari i zonës, i vetmi që e ka vizituar fermën e vogël të Agronit për ndonjë shërbim, i tha troç: “Nuk e pret kush faturën. Ti s’je subjekt”

Në mënyrë të beftë, këtë fillim korriku, qeveria lajmëroi nisjen e një aksioni të përbashkët mes Ministrisë së Financave, Ministrisë së Bujqësisë dhe Administratës Tatimore me fokus sigurinë ushqimore dhe informalitetin në sektorin ushqimor dhe bujqësor. Aksioni synon formalizimin e ekonomisë agroushqimore, rritjen e gjurmueshmërisë së produkteve bujqësore, si dhe garantimin e të drejtave të konsumatorit për produkte të kontrolluara dhe të sigurta.

“Nuk mund të lejohet më që t’iu shiten konsumatorëve tanë prodhimeve ushqimore të pa faturuara”, deklaroi kryeministri Edi Rama më 2 korrik, gjatë një dialogu për bujqësinë dhe zhvillimin rural.

“Dhe pas një periudhe jo të gjatë, dy javore sensibilizimi, duhet të fillojë sekuestrimi i të gjitha mallrave ushqimore”, shtoi Rama. 

Aksion pa ndërgjegjësim

Por ndryshe nga sa deklaroi kryeministri, administrata tatimore u mjaftua me një periudhë 1-javore sensibilizimi. 

“Duke filluar nga sot (datë 7 korrik 2025) Administrata Tatimore bën me dije se pasi ka analizuar të dhënat mbi aktivitetin tregtar të këtij sektori, për një periudhë 1-javore do të sensibilizojë bizneset nëpërmjet kanaleve të saj të komunikimit apo vizitave informuese në terren për përmbushjen e detyrimit ligjor për të lëshuar faturë të fiskalizuar për produktet që tregtojnë”, theksonte njoftimi i tatimeve. 

Një javë më vonë, nga kulaçi kaluam tek kërbaçi.

“Ka hyrë në fuqi detyrimi për lëshimin e faturës tatimore për çdo shitje të produkteve ushqimore, përfshirë ato bujqësore dhe blegtorale, edhe nga fermerët”, lajmëronte ministria e Bujqësisë dhe Zhvillimit Rural.  

Nisma parashikon se çdo operator i biznesit ushqimor (përfshirë fermerët që tregtojnë prodhimin e tyre) të lëshojë faturë tatimore për çdo shitje. Ekspertët e fushës shpjegojnë se këto ‘aksione’ janë detyrime ligjore që vijnë nga integrimi evropian. 

“Janë katër faza që politika bujqësore në koordinim me BE-në ka hartuar në mënyrë që marrja e statusit vend anëtar të rezultojë me sa më pak humbje biznesesh. Integrimi Europian në Poloni, Bullgari, Rumani, Kroaci ka rezultuar me mbyllje të rreth 80% të operatorëve përpunues”, shpjegon Ilir Pilku. 

Po si mund të shmanget kjo situatë në Shqipëri? Pilku i mëshon ndërgjegjësimit. 

“Organizimi i fushatave të ndërgjegjësimit për përpunuesit e vegjël mbi standardet e BE-së, duke përfshirë Rregulloren për higjienën, për produktet me origjinë shtazore dhe kontrollin zyrtar. E dyta, realizimi i inspektimeve paraprake vullnetare nga AKU ose bashkitë për të identifikuar boshllëqet në infrastrukturë dhe procedura. Së treti, trajnimi i stafit mbi higjienën personale, praktikat e mira të prodhimit, gjurmueshmërinë dhe bazat e sistemit HAÇP. Dhe e fundit, ngritja e rrjeteve të komunikimit për ndarjen e praktikave të mira ndërmjet përpunuesve”, përfundon Pilku.

Mirëpo fermerët, tregtarët por edhe konsumatorët janë gjetur të pa-informuar. Dhe këtë e vërtetoi më së miri jo vetëm Nebiu dhe Agroni por edhe video virale e tregëtares së rigonit në Sarandë. 

Faturë, faturë, faturë…

Sipas ligjit nr. 92/2014 “Për Tatimin mbi Vlerën e Shtuar”, fermerët që shesin produkte bujqësore nuk janë të detyruar të lëshojnë faturë tatimore. Ata regjistrohen vetëm pranë tatimeve, pa qenë të detyruar të regjistrohen si biznese në QKB, të mbajnë kontabilitet apo të lëshojnë faturë.

Ky përjashtim është konfirmuar edhe në ligjin nr. 87/2019 “Për faturën dhe sistemin e monitorimit të qarkullimit”, ku përcaktohet se detyrimin për lëshimin e faturës e ka blerësi i produktit që zakonisht është grumbulluesi, baxhoja ose përpunuesi.  

Autofatura lëshohet nga blerësi (përpunuesi apo grumbulluesi), në emër të shitësit (fermerit), në rastet kur fermeri është i pajisur me NIPT dhe bën shitje pa faturë TVSH-je për xhiron me vlerë deri 10 milionë lekë në vit.

Megjithatë, në praktikë, shumë prej tyre refuzojnë të lëshojnë autofatura pasi nuk përfitojnë më nga skema e mëparshme e kompensimit të TVSH-së. Me ndryshimet e fundit, blerjet nga fermerët janë me TVSH 0%, ndërsa shitja është me 20%. Kjo ka çuar në një situatë ku grumbulluesit dhe përpunuesit nuk arrijnë të rimbursojnë TVSH-në dhe shmangin formalizimin, duke i mbyllur rrugën prodhuesit.  

Ndaj, aksioni i ndërmarrë së fundmi prek drejtpërsëdrejti përpunuesit dhe grumbulluesit e produkteve bujqësore. Sipas udhëzimeve të administratës tatimore, këta subjekte janë të detyruar që, gjatë blerjes së produkteve nga fermerët, të përdorin autofaturën si mjet për dokumentimin e transaksionit, ku informaliteti tek ta ka rezultuar i lartë.

Përfundim

Nga viti 2014, numri i bagëtive në Shqipëri ka rënë me mbi 45%. Vendi ka gjithnjë e më pak lopë, më pak dele, më pak dhi, më pak mish e qumësht. Por mesa duket do të ketë më shumë fatura. Në vend që të ndihmojë prodhimin vendas, shteti kërkon llogari për një sistem që, sipas ligjit, nuk është përgjegjësi e bujkut, por e grumbulluesit apo përpunuesit. Vetëm se këta të fundit nuk duan të lëshojnë fatura sepse humbasin para nga skema e TVSH-së.

Në mungesë të një strukture që mbështet prodhuesin e vogël, Shqipëria po shkon drejt importit të bulmetrave dhe shkatërrimit të blegtorisë së mbetur.

Ndërsa, aksioni i ndërmarrë, pa fushata të vërteta informimi, pa trajnime, pa një kalendar tranzicioni të qartë dhe pa asnjë ndihmë teknike apo financiare për fermerin do të prodhojë penalizime. Dhe në një terren ku vetë institucionet kanë dështuar për vite me radhë të ndërtojnë një kulturë formalizimi, kërkesa kaq e prerë për faturë kthehet në barrë. Në mungesë të ndërgjegjësimit, zbatimi i ligjit i ngjan më shumë një ndëshkimi sesa një reforme. Dhe si çdo aksion që nis me forcë dhe jo me kuptim, rrezikon të dështojë jo vetëm në qëllimin, por edhe ‘drejtësinë’ që pretendon të sjellë.

*Emrat janë ndërruar për të ruajtur privatësinë e fermerëve që ndanë historinë e tyre me Faktoje.al

The post Fatura që po shteron qumështin appeared first on Faktoje.al.

Gjatë vitit 2024, Shqipëria importoi 35.5 milionë kilogramë produkte bulmeti, vezë dhe mjaltë, me rritje 13% kundrejt vitit 2023 dhe me rritje 51% kundret vitit 2019. Në të njëjtën kohë, sasia e qumështit të prodhuar në Shqipëri, ra me 5% në vitin 2024 kundrejt vitit 2023 dhe me 30% kundrejt vitit 2019. Të dyja të dhënat nuk janë […]

The post Shqipëria heq dorë nga prodhimi i bulmetit dhe mishit, rriten importet appeared first on BoldNews.al.

Në vendin ku trafikantët qarkullojnë të lirë, betonieret ndotin pa u shqetësuar, dhe ku plehrat pushtojnë bregdetet ndërsa zjarret përpijnë pyje e kodra, Kryeministri Edi Rama ka shpallur “luftën e madhe” kundër qumështit pa faturë. Në një takim me kryebashkiakët, kreu i qeverisë paralajmëroi se nga e hëna çdo shishe qumështi dhe produkt bulmeti që […]

The post Rama shpall “armikun e ri”: Të sekuestrohet çdo bidon qumshti pa faturë appeared first on BoldNews.al.

Sasia e qumështit të grumbulluar në vend ka vijuar rënien edhe përgjatë 2024-s, duke ndjekur tendencën e pakësimit të numrit të krerëve të bagëtive. Sipas të dhënave të INSTAT për vitin 2024 në vend është grumbulluar gjithsej një sasi qumështi prej 95 mijë tonë nga 101 mijë tonë që u grumbullua në 2023. Krahasuar me […]

The post Prodhimi i qumështit ndjek rënien e blegtorisë appeared first on BoldNews.al.

TIRANË, 2 korrik /ATSH/ Kryeministri Edi Rama tha sot se pas një periudhë dyjavore sensibilizimi që do të bëhet nga Ministria e Financave, do të nisë sekuestrimi i të gjitha mallrave ushqimore, duke nisur nga ushqimet e freskëta, që shiten pa faturë.

Në fjalën përmbyllëse pas diskutimeve të Ditës së Parë të Dialogut për Bujqësinë dhe Zhvillimin Rural mes fermerëve dhe sipërmarrësve në bujqësi, Rama theksoi se informaliteti nuk mund të shkojë deri në prekjen e shëndetit të njerëzve.

Sipas Ramës, do të kryhet fillimisht një proces paraprak sensibilizimi dhe më pas do të nisë sekuestrimi i prodhimeve ushqimore të pafaturuara.

“Një tjetër element shumë i qartë është se duhet të njësojmë TVSH-në. Është shumë e qartë kjo gjë dhe faktikisht është diçka që Ministria e Financave e ka përgatitur tanimë. Por nga ana tjetër për të ardhur tek financimi sipas njësive të prodhimit, kjo është diçka që e kemi thënë shpesh dhe tani duhet ta bëjmë, ashtu sikundër duhet të angazhojmë menjëherë strukturat e tatimeve, që të kryejnë një proces paraprak sensibilizimi, përpara se të ndërhyjnë me sekuestro, të të gjithë qumështit të pafaturuar. Nuk mund të lejohet më që t’u shiten konsumatorëve tanë, të shiten prodhime ushqimore të pafaturuara, qumësht i pafaturuar apo ushqime të tjera të freskëta të pafaturuara që mund të jenë të rrezikshme dhe mund të sjellin pasoja katastrofike për shëndetin e njerëzve.

Këtë gjë duhet ta kryejë me përparësi ministria e Financave me strukturat e tatimeve dhe të fillojnë menjëherë një proces sensibilizimi, që t’u thonë gjithë bizneseve të vogla se jemi në kushtet e një keqkuptimi: ju kemi dhënë mundësinë që të rriteni duke mos paguar asnjë taksë, me zero taksa, por ju kemi kërkuar, siç qeveria është bërë aleatja strategjike juaj në këtë drejtim dhe do të qëndrojë e tillë me zero taksë deri në 2029-n, ju do të jeni aleatë të qeverisë dhe shtetit, për ta garantuar se informaliteti nuk shkon deri në prekjen e shëndetit të njerëzve. Pas një periudhe jo të gjatë, dyjavore sensibilizimi, duhet të fillojë sekuestrimi i të gjitha mallrave ushqimore, duke filluar nga ushqimet e freskëta që janë pa faturë”, tha Rama.

/m.q//r.e//a.f/

The post Rama: Do të nis sekuestrimi i ushqimeve pa faturë, informaliteti s’mund të prekë shëndetin e njerëzve appeared first on Agjencia Telegrafike Shqiptare.

Kompania “Lufra” është denoncuar shpeshherë nga qytetarët në rrjete sociale se tregton qumësht të skaduar ose me aflatoksinë, një substancë e rrezikshme dhe kancerogjene. Siç duket, për të rregulluar paksa reputacionin dhe për tu dukur më të beueshëm para shqiptarëve, kompania “Lufra” përdor si modele lopën Lara për të cilën shprehet se është zonja më punëtore e fermës […]

The post Mashtrimi/ Kompania “Lufra” reklamon lopën Lara, por s’ka fermë appeared first on BoldNews.al.

Shqipëria rrezikon të bëhet e varur nga importet e qumështit dhe nënprodukteve dhe gjithashtu të humbasë trashëgimisë rurale dhe të kulinarisë tradicionale për shkak të rënies së shpejtë të numrit të lopëve të qumështit. Të dhënat zyrtare të INSTAT për numrin e lopëve të qumështit në Shqipëri gjatë viteve 2014–2024 tregojnë një rënie dramatike në të gjitha qarqet e vendit me mbi 35%.

Në të njëjtën kohë, Shqipëria po përjeton një nga nivelet më të larta të emigrimit në Europë, veçanërisht në zonat rurale dhe malore. Këto dy fenomene nuk janë të shkëputura përkundrazi, ato janë drejtpërdrejt të ndërlidhura.

Fieri është dhe mbetet qarku me numrin më të madh të lopëve të qumështit, megjithëse rënia është e konsiderueshme, nga mbi 50 mijë krerë në 2014 në rreth 34,800 në 2024. Në krahasim me 2023 numri i lopëve në këtë qark u rrit me 0.5% për shkak të investimeve më të mëdha në ferma.

Në Elbasan, rënia është dramatike, më shumë se 59% në një dekadë. Dikur ndër qarqet me aktivitet të lartë blegtoral, tani ka humbur thuajse dy të tretat e tufës së lopëve të qumështit. Në 2024 numri i lopëve të qumështit ra me mbi 6,5 % në krahasim me 2023. Kjo lidhet drejtpërdrejt me largimin masiv të banorëve nga zonat malore të Librazhdit, Gramshit dhe Belshit drejt emigracionit ose qendrave urbane.

Edhe Berati ka përjetuar një rënie të ndjeshme, me përgjysmim të numrit të lopëve. Humbja e popullsisë në fshatrat e Skraparit, Poliçanit dhe Kuçovës ka çuar në tkurrjen e bujqësisë familjare. Vetëm me 2024 rënia e vjetore e lopëve të qumështit ishte 18 për qind më e larta në shkallë vendi. Blegtoria në këtë qark është kthyer në një aktivitet simbolik, pa potencial zhvillimi. Nga 2024-2024 rënie ishte 40%, teksa ndryshimi vjetor me 2024 ishte 7.4%

Një tjetër qark me rënie të theksuar është Gjirokastra. Shumë fshatra në Dropull, Libohovë janë boshatisur. Rënia e numrit të lopëve është indikator i drejtpërdrejtë i shpopullimit: nuk ka më njerëz që të kujdesen për blegtorinë. Megjithatë, disa iniciativa agro-turizmi kanë ruajtur gjurmë të aktivitetit në zonat përreth Tepelenës. Në 2024 lopët e qumështit shënuan rënie vjetore 6%, ndërsa për një dekadë 37%.

Edhe pse me potencial të madh blegtoral, Korça ka humbur më shumë se 11 mijë krerë lopë në një dekadë. Emigrimi i zonave malore si Kolonja dhe Maliqi, por edhe ikja e të rinjve drejt emigracionit, kanë prekur sektorin. Numri i krerëve ra me 15.7 % vetëm me 2024, ndërsa gjatë dekadës rënia ishte 20%

Në Dibër dhe Kukës, qarqe malore përjetojnë tkurrje të vazhdueshme. Në Dibër, ku bujqësia dhe blegtoria ishin jetike, numri i lopëve ka rënë me rreth një të tretën. Në Kukës, ndikimi është i ngjashëm.

Shkodra ka pasur gjithashtu një rënie të fortë të numrit të lopëve të qumështit. Fshatra si Puka, Fushë-Arrëzi dhe Malësia e Madhe kanë humbur popullsinë aktive që mund të mbante gjallë blegtorinë. Megjithatë, pranë zonave fushore të nën -Shkodrës, ende mbijetojnë disa ferma të mëdha. Numri i krerëve vetëm në 2024 u reduktua me 13 për qind , ndërsa gjatë dekadës me 37%

Lezha është ndër qarqet që kanë ruajtur njëfarë qëndrueshmërie relative në krahasim me të tjerat. Kjo lidhet me zhvillimin e bujqësisë intensive në zonat e ultësirës, por edhe me afërsinë me tregjet e mëdha të Tiranës. Gjithsesi, edhe këtu ka rënie dhe vështirësi për fermerët e vegjël. Në vitin 2024 numri i krerëve mbeti i njëjtë, ndërsa gjatë dekadës rënia ishte 20%.

Qarku i Durrësit ka përjetuar një rënie të ndjeshme, jo vetëm për shkak të emigrimit rural, por edhe për shkak të presionit të urbanizimit. Ndërtimi i madh dhe transformimi i tokës bujqësore për qëllime ndërtimi ka zhvendosur aktivitetin blegtoral në periferi, duke bërë që numri i lopëve të ulet me më shumë se 40% gjatë dekadës, ndërsa në 2024 u vu re një rritje e lehtë

Edhe në Tiranë, që përfshin zonat rurale të Kamzës, Vaqarrit Petrelës dhe Baldushkut, numri i lopëve është përgjysmuar. Në 2024 rënie ishte 3.5%, ndërsa në 10 vite 43%. Vlora është qarku i vetëm ku rënia është minimale, vetëm 2.8% në dhjetë vite.

Rënia e numrit të lopëve të qumështit është pasqyrim i drejtpërdrejtë i emigrimit të popullsisë rurale, emigracionit, mungesës së politikave bujqësore afatgjata, dhe orientimit gjithnjë e më shumë të Shqipërisë drejt urbanizimit të paqëndrueshëm./ Monitor

The post Shqipëria rrezikon të bëhet e varur nga importet, ‘zhduket’ qumështi i lopës appeared first on Lapsi.al.

Ndërsa importi i qumështit të freskët ka rënë, importi i qumështit pluhur është rritur me 15% në periudhën janar–prill 2025, duke arritur në 200 mijë kg nga 174 mijë kg në të njëjtën periudhë të vitit të kaluar. Pavarësisht rritjes, importet mbeten shumë më të ulëta se kulmi i vitit 2021, kur arritën 1,59 milionë […]

The post Ulen importet e qumështit të freskët, por rikthehet rritja e importeve të qumështit pluhur appeared first on BoldNews.al.

Tendenca rritëse e prodhimit dhe ulja e çmimeve nuk kanë sjellë gjallërim të tregut të përpunimit të qumështit. Në Juglindje, konsumi vijon të jetë në rënie për shkak të emigracionit dhe konkurrencës nga importi, ndërsa përpunuesit e tjerë “luftojnë” për të mbajtur ekuilibrin mes ofertës në rritje dhe kërkesës në rënie.

 

Dorina Azo

Pas rekordit të importit të qumështit të shënuar vjet nga fabrikat përpunuese, për përdorimin e tij si lëndë të parë, sasia e qumështit të importuar nga jashtë në muajt janar-prill ka nisur të ulet.

Sipas të dhënave të Doganave, në periudhën janar-prill 2024 u importuan 6 milionë litra qumësht. Kjo ishte sasia më e lartë e qumështit të importuar prej 2016-s. Në janar-prill 2025 u importuan 5,1 milionë litra qumësht.

Krahasuar me të njëjtën periudhë të vitit të kaluar, importet janë ulur 15,4%.

 

 

Rënia e importeve po ndikohet nga dy faktorë: rritja e çmimit të qumështit në tregjet e huaja dhe ulja e çmimit të qumështit vendas, si rezultat i prodhimit më të lartë në ferma.

Vitin e kaluar, importet u shtuan ndjeshëm për shkak të diferencës në kosto mes qumështit të prodhuar në Shqipëri dhe atij të importuar.

Çmimi mesatar i importit, përfshirë transportin dhe taksat, ishte rreth 55 lekë/litër, ndërkohë që fermerët vendas e shisnin qumështin me 60-78 lekë/litër (pa TVSH), në varësi të madhësisë së fermës.

Por këtë vit, situata ka ndryshuar. Në Europë, çmimi i shitjes në ferma në fillim të vitit arriti deri në 67 lekë/litër, ndërsa në Shqipëri, çmimi ka zbritur lehtë në 62-63 lekë/litër për qumështin e lopës, kryesisht në zonat prodhuese si Myzeqeja.

Pavarësisht kësaj, gjatë verës, operatorët pohojnë se do të vijojnë të importojnë qumësht, pasi prodhimi i fermave vendase është relativisht stabël gjatë gjithë vitit, ndërsa kërkesa ka sezonalitet.

“Megjithatë, si në vitet e fundit, edhe këtë verë pritet të importojmë sasi shtesë, pasi prodhimi i fermave tona është i qëndrueshëm gjatë gjithë vitit, ndërsa kërkesa për produktet tona ndjek ritmet sezonale, duke u rritur ndjeshëm në muajt e verës për shkak të turizmit”, pohon Luis Ndreka.

Z.Ndreka apelon për më shumë mbështetje ndaj fermerëve vendas, në mënyrë që ata të kenë kosto më të ulëta prodhimi, gjë që do të lehtësonte përpunuesit të jenë më konkurrues në treg, përballë produkteve të importit dhe të ofrojnë çmime më të mira për konsumatorin shqiptar.

 

Ofertë e lartë, çmimi i grumbullimit në rënie

Sasia e qumështit të prodhuar nga fermat në vend po shkon drejt trendit rritës, e nxitur nga kërkesa e operatorëve përpunues. Shtimi i ofertës po luhat çmimet e shitjes të qumështit të grumbulluar nga fermerët prej përpunuesve.

Luis Ndreka nga kompania ADG (ish-“Lufra”) tha se çmimi i qumështit të lopës në grumbullim nga fermat shqiptare ka pësuar rënie të lehtë, me rreth 2 lekë për litër, si rezultat i një prodhimi më të lartë këtë vit, krahasuar me një vit më parë.

Sipas Luis Ndrekës, në zonën e Myzeqesë (Fier, Lushnjë, Berat), ku përqendrohet pjesa më e madhe e prodhimit, çmimi aktual i qumështit të lopës është rreth 63 lekë për litër, pa TVSH.

Ndërkohë, çmimi i qumështit të deles varion nga 110 deri në 130 lekë për litër, po pa TVSH.

Z.Ndreka thekson rëndësinë e dallimit midis çmimit me dhe pa TVSH, pasi shpeshherë në diskutime publike përzihen të dyja format, duke krijuar konfuzion.

“Për shembull, kur para dy vitesh thuhej se çmimi i qumështit të deles kishte arritur në 170 lekë, ai çmim përfshinte TVSH-në”, sqaroi ai.

Tendenca e prodhimit në ferma, sipas tij, është në rritje, me kompani që kontraktojnë më shumë qumësht gjatë dimrit dhe pranverës për të siguruar rezerva për sezonin e verës, kur kërkesa rritet ndjeshëm për shkak të turizmit.

“Si çdo vit, edhe këtë vit kemi pasur tepricë prodhimi gjatë dimrit dhe pranverës, pasi kontraktojmë qëllimisht pak më shumë qumësht për të siguruar sasi të mjaftueshme gjatë verës, kur kërkesa dhe shitjet janë më të larta”.

Pavarësisht tendencës në rritje të sasisë së qumështit të prodhuar në vend, disa nga përpunuesit e vegjël i kanë mbajtur të pandryshuara çmimet e qumështit të grumbulluar.

Taulant Pupa, administrator i fabrikës së përpunimit të qumështit “Vita 2001”, pohon se vijon ta grumbullojë qumështin prej fermerit me çmimin 57 lekë për litër pa TVSH. Z. Pupa thotë se prodhimi është në rritje dhe po hyn drejt një trendi të stabilizuar.

“Prodhimi i qumështit të lopës, me të cilin ne punojmë, pasi qumështi i deles përdoret në sasi të pakët, ka mbetur i pandryshuar. Fermerët vijojnë ta grumbullojnë me të njëjtin çmim si vitin e kaluar.

Nëse do të ndryshonim çmimin, fermerët do të largoheshin. Furnizimi do të bëhej i pamundur”, thotë ai.

Edhe kompania “Zyfi Farm” me qendër në fshatin Bërzullë të Tiranës, një punishte e vogël artizanale, pohon se vijon ta grumbullojë qumështin e deles dhe të dhisë (me të cilët bën prodhimin e produkteve) me çmimet e vendosura në vitin 2024.

Kompania vijon ta grumbullojë qumështin e deles me çmim 130 deri në 140 lekë pa TVSh dhe qumështin e dhisë deri në 83 lekë për litër pa TVSH.

Gerald Zyfi, nga kompania “Zyfi Farm”, pohon se në treg nuk konstatohet rritje e prodhimit më tepër sesa shtim i ofertës për shkak të lëvizjeve të shitjeve në tregun e brendshëm.

Deri në vitin 2023, sasia e qumështit të grumbulluar në rang vendi ishte 110,1 mijë tonë. Krahasuar me vitin 2022, sasia e qumështit të grumbulluar ka rënë 8%.

 

 

Të ardhurat e kompanive

Të ardhurat e katër operatorëve kryesorë të përpunimit të qumështit në vend në vitin 2023 arritën në 4,7 miliardë lekë kundrejt 4,2 miliardë lekëve në 2022. Krahasuar me vitin paraardhës, të ardhurat u rritën me rreth 13%.

Fitimet e operatorëve arritën në vlerën e rreth 320 milionë lekëve. Krahasuar me 2022, fitimet e operatorëve të tregut të përpunimit të qumështit u rritën me rreth 21%.

Për vitin 2023, të ardhurat e kompanisë “ADG sh.p.k.” u rritën me 10% krahasuar me 2022. Ndërsa fitimet e kompanisë u shtuan me 10% në raport me vitin paraardhës sipas të dhënave të QKB-së.

Për operatorin “ERZENI sh.p.k.” të ardhurat në 2023 u rritën me 16% krahasuar me 2022. Fitimet e kompanisë u zgjeruan me 33% në raport me vitin paraardhës.

Të ardhurat e kompanisë “Gjirofarma” u rritën me 6% në vitin 2023 krahasuar me 2022, ndërsa fitimet ranë 3%.

Të ardhurat e kompanisë “MIRELI” u rritën me 11% në vitin 2023 krahasuar me vitin paraardhës, ndërsa fitimet u shtuan me 20% mbështetur te të dhënat e QKB-së.

 

 

Lexoni edhe:

Ulen importet e qumështit të freskët, por rikthehet rritja e importeve të qumështit pluhur

The post Ekuilibri i brishtë i qumështit appeared first on Revista Monitor.

Ndërsa importi i qumështit të freskët ka rënë, importi i qumështit pluhur është rritur me 15% në periudhën janar–prill 2025, duke arritur në 200 mijë kg nga 174 mijë kg në të njëjtën periudhë të vitit të kaluar.

Pavarësisht rritjes, importet mbeten shumë më të ulëta se kulmi i vitit 2021, kur arritën 1,59 milionë kg.

Sipas Doganave, importuesit kryesorë janë kompani si SUPER MILK, AGS, AD SH-2014, ELKA-SA, ALTA GROUP, etj. Produkti vjen nga vende të ndryshme si Holanda, Lituania, Franca, Gjermania, Suedia, Turqia etj.

Sipas Shoqatës së Industrisë së Përpunuesve të Qumështit, përdorimi i qumështit pluhur në prodhimin e produkteve si kos, djathë apo gjizë është i ndaluar me ligj dhe ndëshkohet nëse nuk etiketohet siç duhet.

Ligji e lejon përdorimin vetëm për industri të caktuara si: prodhimi i akullores, bukës, çokollatës apo ushqimeve për foshnje.

 

 

Çmimet e shitjes nuk ulen; Konsumi vijon në rënie në Juglindje

Luhatjet në tendencat e konsumit për produktet e bulmetit gjatë kësaj periudhe janë të ndryshme për operatorët e përpunimit të qumështit. Kompanitë në Juglindje vijojnë të jenë në vështirësi për sa i përket konsumit.

Taulant Pupa, drejtues i kompanisë “Vita 2001”, fabrika e së cilës ndodhet në fshatin Nizhavec, në Qarkun e Korçës, deklaroi se tendenca e konsumit vijon të jetë në rënie.

“Prodhimi i qumështit, veçanërisht ai i lopës me të cilin ne punojmë është në tendencë rritëse, por jemi në vështirësi me konsumin. Kërkesa për produkte nga hotelet, restorantet etj., vijon të jetë në rënie krahasuar me vitin e kaluar”.

Zoti Pupa theksoi se edhe gjatë periudhës janar-mars 2025, kërkesa ka rënë me 20 deri në 30% krahasuar me të njëjtën periudhë të vitit të kaluar.

Ai pohoi më herët se arsyet kryesore të rënies së kërkesës janë emigracioni i të rinjve nga zonat e Juglindjes dhe konkurrenca e lartë nga produktet e importuara me çmime më të ulëta.

“Prodhimi i produkteve të bulmetit mbetet i lartë, por tendenca e konsumit vazhdon të jetë në rënie. Në muajt janar-mars 2025, kërkesa ra nga 20 deri në 30%, në krahasim me të njëjtën periudhë të vitit të kaluar.

Arsyet kryesore janë emigrimi i të rinjve, si dhe konkurrenca nga mallrat e importuara me çmime më të ulëta. Sektori HoReCa (hotele-restorante-katering) furnizohet më shumë me produkte bulmeti të importit, pasi çmimi është më i lirë”, – tha z. Pupa.

Edhe Luis Ndreka, drejtues i kompanisë përpunuese të qumështit ADG (ish-“Lufra”), më herët tha se në fillim të vitit 2025, në shumicën e qyteteve kryesore është vërejtur rritje e kërkesës për produktet e bulmetit, përveç qyteteve të Juglindjes si Pogradeci dhe Korça, ku kërkesa është ndikuar negativisht nga rënia e popullsisë në këto zona.

Z.Pupa thotë se nuk pret që konsumi të përmirësohet edhe me ardhjen e turistëve, pasi sektori HoReCa vijon të ketë rënie të kërkesës.

Gerald Zyfi, nga kompania “Zyfi Farm”, shprehet se konsumi është në rritje rreth 20% krahasuar me vjet. Sipas tij, rritja e kërkesës është ndikuar nga shtimi i tendencës së konsumatorëve për produkte të freskëta.

Ndërsa për operatorin ADG, tendenca e konsumit është e njëjtë me vitin e kaluar, teksa pritet luhatje në rritje me ardhjen e turistëve.

Për sa u përket çmimeve të shitjes për produktet e bulmetit, operatorët pohojnë njëzëri se kanë mbetur të pandryshuara krahasuar me vjet.

 

 

The post Rikthehet rritja e importeve të qumështit pluhur appeared first on Revista Monitor.

Autoriteti Kombëtar i Ushqimit (AKU) ka konfirmuar praninë e aflatoksinës M1, një substancë që në nivele të larta mund të jetë kancerogjene, në disa mostra të qumështit dhe nënprodukteve të tij të analizuara në qytetin e Vlorës.

Gjatë monitorimeve të rregullta dhe pas marrjes së informacioneve, AKU ka kryer analiza mbi 26 mostra qumështi të mbledhura në Vlorë gjatë periudhës janar-prill 2025. Nga këto analiza, 10 mostra kanë rezultuar me nivele të aflatoksinës M1 mbi limitet e lejuara nga standardet e sigurisë ushqimore.

Sipas të dhënave, rreth 40% e mostrave të analizuara kanë treguar prezencë të kësaj substance në nivele që kërkojnë veprim. AKU ka bërë të ditur se menjëherë pas konfirmimit të rezultateve, ka nisur verifikimet në pikat e shitjes ku dyshohej se ishin shpërndarë produktet e prekura.

Analizat e kryera në Institutin e Sigurisë Ushqimore dhe Veterinare (ISUV) kanë konfirmuar natyrën e substancës si aflatoksinë M1, e cila njihet si një substancë me potencial kancerogjen dhe gjenotoksik, veçanërisht për grupet e ndjeshme si fëmijët.

AKU ka njoftuar se të gjitha produktet e identifikuara si të kontaminuara janë tërhequr nga tregu në mënyrë preventive. Autoritetet po punojnë për të siguruar që konsumatorët të mos kenë më akses në këto produkte.

Aflatoksina M1 është një metabolit i aflatoksinave, toksina të prodhuara nga myku që mund të zhvillohet në ushqime si drithërat. Ajo mund të kalojë në qumështin e kafshëve që ushqehen me foragjere të kontaminuara. Organizata Botërore e Shëndetësisë (OBSH) e ka klasifikuar aflatoksinën si një substancë me potencial kancerogjen.

AKU po vijon hetimet për të përcaktuar burimin e kontaminimit dhe për të marrë masat e nevojshme për të parandaluar incidente të ngjashme në të ardhmen. Konsumatorët në Vlorë këshillohen të jenë të informuar dhe të ndjekin njoftimet e AKU-së në lidhje me sigurinë ushqimore.

The post AKU konfirmon prani të lartë të aflatoksinës në disa mostra qumështi appeared first on Lapsi.al.

Në Vlorë ka qarkulluar një sasi qumështi dhe nënprodukte të tij të ndotura me aflatoksinë M1, një toksinë kancerogjene dhe shumë e rrezikshme për shëndetin e njeriut. Prezenca e qumështit kancerogjen në Vlorë konfirmohet nga Agjencia Kombëtare e Ushqimit. Ky institucion në Vlorë ka konfirmuar praninë e aflatoksinës, një substancë kancerogjene, në disa mostra qumështi […]

The post AKU pranon skandalin, qumështi me aflatoksinë është konsumuar edhe në Vlorë appeared first on BoldNews.al.

Në Vlorë ka qarkulluar një sasi qumështi dhe nënprodukte të tij të ndotura me aflatoksinë M1, një toksinë kancerogjene dhe shumë e rrezikshme për shëndetin e njeriut. Prezenca e qumështit kancerogjen në Vlorë konfirmohet nga Agjencia Kombëtare e Ushqimit. Ky institucion në Vlorë ka konfirmuar praninë e aflatoksinës, një substancë kancerogjene, në disa mostra qumështi të analizuara. Burime konfidenciale pranë këtij pohojnë se nga 26 mostra të marra nga janari deri në prill 2025, 10 prej tyre kanë rezultuar pozitive dhe sipas specialistëve, gati 40% e qumështit të kontrolluar ishte i kontaminuar mbi normat e sigurisë ushqimore.

Sipas AKU, ka pasur informacion për një lot të qumështit që ishte shpërndarë edhe në Vlorë. Me të marrë informacionin kanë nisur kontrollet në qytet ku janë evidentuar 10 mostra në markete dhe supermarketet e qytetit.

Sipas AKU gjatë muajit mars janë analizuar mostra qumështi të marra në mënyrë rastësore në tregtim dhe në prodhim. Në bazë të analizave të kryera në ISUV disa kampione qumështi kanë rezultuar me praninë e Aflatoksinës M1. E pranishme në qumësht, ajo është kancerogjene dhe gjenotoksike, ndërsa rreziku është veçanërisht i lartë për fëmijët dhe konsumatorët e rregullt. AKU thekson se qumështi është tërhequr menjëherë nga tregu, por dyshohet që edhe të jetë konsumuar.

Çfarë është aflatoksina?

Aflatoksina është një toksinë e krijuar nga myku që rritet tek drithërat, misri dhe gruri. Kur lopët ushqehen me foragjere të kontaminuara, aflatoksina sekretohet më pas te qumështi që prodhojnë. Konsumimi i qumështit me aflatoksinë ka pasoja të rënda në shëndetin e njeriut. Sipas OBSH-së, aflatoksina është kancerogjene e grupit 1, rrit rrezikun për probleme në mëlçi njëkohësisht edhe të veshkave.

The post Qumësht me aflotoksinë, AKU e konfirmon: Është konsumuar edhe në Vlorë appeared first on Sot News | Lajme.

Presidenti i Urdhrit të Mjekut Veterinar, Ervin Resuli ka folur në lidhje me situatën alarmante me sigurinë ushqimore në vend. Resuli i ftuar në emisionin e mëngjesit “Kafe Shqeto” u ndal te skandali më i fundit që ka dalë në pah, ai i qumështit të kontaminuar me aflatoksinë. Ai shpjegoi se në doza të larta kjo substancë shkakton helmim të menjëhershëm, ndërsa në plan afatgjatë sjell dëmtime të mëlçisë dhe rrezik për zhvillimin e kancerit.

Sipas tij, aflatoksina është një nga mikotoksinat më të rrezikshme dhe është klasifikuar si kancerogjene, ndaj duhej mbajtur brenda normave të lejuara. Resuli ngriti alarmin se Ministria e Bujqësisë po e fsheh këtë skandal, ndonëse ka pasur rezultate laboratorike pozitive që nga mesi i marsit. Ai pyeti publikisht se kujt po i shërben heshtja dhe mungesa e transparencës.

“Ka një muaj që kjo situatë mbahet e fshehtë, ndërkohë që qumështi vijon të shitet,” u shpreh ai.

Resuli theksoi se bizneset që po lulëzojnë më shumë janë laboratorët e analizave dhe klinikat mjekësore, duke e quajtur këtë një pasojë të drejtpërdrejtë të mungesës së sigurisë ushqimore. Ai paralajmëroi se Shqipëria po kthehet në një “spital të madh”, ku pasojat janë të pallogaritshme në jetë, ekonomi dhe mirëqenie publike.

“Për sa i përket efekteve të aflatoksinës, në doza të larta kemi intoksikacione të menjëhershme siç ishte rasti që referoi dhe gazetari, pra helmim të menjëhershëm, dhe pastaj në efekte me afatgjata kemi dëmtime të mëlçisë apo kancer të mëlçisë e kështu me radhë.

E thënë ndryshe, realisht është një nga mikotoksinat e klasifikuara, e cila ndikon drejtpërdrejt në efektet kancerogjene, ndaj dhe është klasifikuar kaq e rrezikshme dhe është përpjekur të mbahet brenda një linje, norme, teknike.

Pse ministria e Bujqësisë e fsheh skandalin e qumështit të kontaminuar? Kujt po i shërben ministria e Bujqësisë e cila sot e kësaj dite, edhe pse ka që nga mesi i marsit që përgjigjja e laboratorit ka ardhur me raste pozitive të këtyre mostrave, është fshehur deri tani në prill.
Pra ka një muaj që e fsheh situatën, kujt po i shërben ose kë po lejon që të shesë qumësht akoma?

Fatkeqësisht, nëse do shohim çdo ditë, edhe nëpër lagje edhe në qytetet tona, bizneset që lulëzojnë më shumë janë kryesisht laboratorët e analizave dhe klinikat mjekësore.
Çka do të thotë se, dashur pa dashur, Shqipëria po kthehet në një spital të madh, ndoshta dhe privat, në të cilin ka dëme të pallogaritshme. Flasim dëme në jetë, kemi dëme në aspektin ekonomik, pastaj kemi njerëz që janë të paaftë për të shkuar në punë, më pas je i varfër e me radhë.

Pra e thënë ndryshe, po bëjnë dëme në të gjitha karakteret për sa i përket popullatës në masë, për të mos arritur një term që ndoshta është pak më i rëndë, një lloj genocidi në heshtje, duke ‘pastruar’ apo duke ulur qoftë fertilitetin, qoftë rritjen e popullatës, qoftë edhe vitalitetin e këtij kombi,” tha ai.

The post Skandali me qumështin me aflatoksinë/ Resuli: Shqipëria po kthehet në një spital të madh, ministria fsheh rastin që… appeared first on Sot News | Lajme.

Nuk kanë të ndalur problematiket në lidhje me sigurinë ushqimore.

Burime për “Ora investigim” bëjnë me dije se gjatë muajit shkurt, mars 2025 qytetarët shqiptarë kanë konsumuar qumësht me aflatoksinë.

Aflatoksina është  një toksinë e krijuar nga myku që rritet tek drithërat, misri dhe gruri.

Kur lopët ushqehen me foragjere të kontaminuara aflatoksinë sekretohet më pas te qumështi që prodhojnë.

Konsumimi i qumështit me aflatoksinë ka pasoja të rënda në shëndetin e njeriut.

Sipas OBSH-së aflatoksinë është kancerogjene e grupit 1, rrit rrezikun për probleme në mëlçi njëkohësisht dhe të veshkave.

Pas marrjes së informacionit se në dyqane dhe  supermarkete është tregtuar qumësht me aflatoksinë televizioni “Ora News” i ka  dërguar AKU një kërkesë për informacion.

Ky institucion pranon  se kompani të ndryshme kanë tregëtuar qumësht me aflatoksinë.

Sipas AKU  gjatë muajit mars  janë  analizuar  mostra qumështi të marra në mënyrë rastësore në tregëtim dhe në prodhim . Në bazë  të analizave  te kryera në ISUV  disa kampione qumështi  kanë rezultuar më prani të Aflatoksines M1.

Pyetjes specifike të drejtuar nga “Ora News” se te cilat mostra qumështi ka rezultuar niveli i lartë i aflatoksinë, AKU nuk i jep përgjigje.

Çdo konsumator ka të drejtë të informohet se cilat janë kompanitë  që tregtojnë qumështin që i rrezikon shëndetin, por ky informacion mbahet “sekret” nga AKU.

Qumështi që u tërhoq nga tregu do të asgjësohet, ndërsa tonelata të tjera u konsumuan nga qytetarët shqiptarë.

The post Qytetarët shqiptarë kanë konsumuar qumësht me aflatoksinë. AKU mban “sekret” emrat e kompanive prodhuese appeared first on Albeu.com.

Pas mishit me salmonelë dhe luleshtrydheve me pesticide, një tjetër skandal që lidhet me sigurinë ushqimore ka shpërthyer në vendin tonë. Bëhet fjalë për praninë e aflatoksinës në qumështin e konsumuar nga qytetarët shqiptar. Është vetë AKU që ka pranuar se ky element i rrezikshëm që shkakton kancer, është gjetur në disa herë në qumështin […]

The post Tjetër skandal/ Shkakton kancer, AKU e pranon: Kemi konsumuar qumësht me aflatoksinë appeared first on BoldNews.al.