Arsenali kishte arritur një marrëveshje me Valencian për transferimin e Cristhian Mosqueras pothuajse dhjetë ditë më parë, por zyrtarizimi i tij ende nuk është bërë publik. 

Mbrojtësi 21-vjeçar ka udhëtuar drejt Londrës dhe madje ka dhënë një intervistë mirëseardhjeje. 

Megjithatë, ai nuk është përfshirë në skuadrën e Arsenalit për turneun në Azi, gjë që ka ngritur pikëpyetje rreth një vonese që mbetet ende e paqartë. 

Fillimisht u raportua se mund të kishte pasur një çështje mjekësore që e kishte komplikuar transferimin. 

Sidoqoftë, sipas mediumit Tribuna Deportiva Valencia, disa burime pranë klubit spanjoll këmbëngulin se Mosquera i ka kaluar me sukses testet mjekësore. 

Shkaku i vërtetë i vonesës nuk është bërë i ditur, dhe asnjëra palë nuk ka dhënë detaje apo konfirmime zyrtare për arsyet që po e mbajnë pezull marrëveshjen. 

Pavarësisht pasigurisë, Arsenali mbetet i bindur se transferimi do të finalizohet. 

Mosquera konsiderohet një përforcim strategjik për të ardhmen dhe klubi po ndjek një qasje të kujdesshme në menaxhimin e situatës. 

Me William Saliba dhe Gabriel tashmë të konsoliduar në formacion, 21-vjeçari pritet të integrohet gradualisht në skemat e Mikel Artetës gjatë sezoneve në vijim. 

Sipas raportimeve, marrëveshja pritet të përmbyllet në ditët e ardhshme./Telegrafi/

The post Pse Arsenali ende nuk e ka njoftuar zyrtarisht transferimin e Mosqueras appeared first on Telegrafi.

Pas më shumë se 15 vjetësh stagnim, Valencia më në fund do ta çojë përpara projektin për ndërtimin e stadiumit të ri Nou Mestalla.

Ndërtimi kishte nisur në vitin 2007, por u ndal në vitin 2009 për shkak të mungesës së fondeve, megjithëse ishin shpenzuar tashmë mbi 100 milionë euro.

Klubi njoftoi se ka siguruar 322 milionë euro financim nga Goldman Sachs, duke mundësuar rifillimin e punimeve. Stadiumi me kapacitet 70,000 vende pritet të përfundojë në vitin 2027.

Në deklaratën zyrtare thuhet se Nou Mestalla do të jetë një stadium i klasit botëror që do të shumëfishojë të ardhurat e klubit, do të shërbejë si qendër multifunksionale për sport, argëtim dhe turizëm, dhe do të ketë statusin më të lartë të FIFA-s për infrastrukturën.

Stadiumi i ri është parë jo vetëm si një hap i madh për klubin, por edhe si një projekt strategjik për qytetin e Valencias. Autoritetet lokale presin që Nou Mestalla të rrisë turizmin sportiv dhe të gjenerojë mijëra vende pune gjatë dhe pas përfundimit të ndërtimit.

Ndërkohë, Valencia do të vazhdojë të luajë ndeshjet e saj në stadiumin Mestalla, një arenë historike që ka qenë shtëpia e klubit për më shumë se një shekull, deri sa të përfundojë kalimi në shtëpinë e re moderne. /Telegrafi/

The post A ju kujtohet ‘stadiumi fantazmë’ që kishte filluar të ndërtohej para 15 vitesh? Shikoni çfarë po i ndodh sot appeared first on Telegrafi.

Autoritetet e Venecias kanë ‘çmontuar’ në grup kriminale që merrej me prodhimin dhe trafikimin e kokainës. Sipas mediave të huaja laboratori mund të prodhonte 20 deri në 30 kilogramë kokainë në ditë.

Në kuadër të operacionit janë arrestuar 25 persona përfshirë krerët e organizatës kriminale. Të arrestuarit janë 12 me kombësi kolumbiane, 9 spanjollë, 2 shqiptarë, një meksikan dhe një italian. Gjithashtu gjatë operacionit u sekuestruan më shumë se 38 kilogramë kokainë, makineri për prodhimin e kokainës, 87 gramë hashash dhe 94 gramë marijuanë.

Po ashtu janë sekuestruar edhe armë zjarri, së bashku me 30 karikatorë dhe deri në 1,000 fishekë, një silenciator, një armë trullosëse, më shumë se 32,000 euro kesh, pothuajse 39,000 euro të falsifikuara, 5 makina luksoze, si dhe 28 telefona dhe dokumente të ndryshme.

Operacioni filloi në korrik 2024 me zbulimin e një kompanie spanjolle të dyshuar për kontrabandë narkotikësh në Spanjë nëpërmjet portit të Valencias. Kjo kompani kishte marrëdhënie biznesi me një eksportues me një histori të gjatë të trafikimit të drogës. Kompania nën hetim bëri importin e saj të parë të tulit të frutave të ngrira në gusht të po atij viti.

Që nga ai moment, hetuesit monitoruan dhe kontrolluan operacionet e saj, duke vazhduar të hulumtonin strukturën ekonomike të njësisë dhe aktivitetet e administratorit të saj, të ardhurat e të cilit me sa duket ishin të kufizuara në përfitimet e papunësisë, pavarësisht faktit se ajo financonte operacione ndërkombëtare të importit të kontejnerëve.

Në dhjetor 2024, kompania bëri një import të dytë të tulit të ngrirë të mishit, të cilin e ruajti në një depo të ftohtë pranë Valencias, pasi i mungonte infrastruktura për të trajtuar ngarkesën. Në fillim të shkurtit, administratori i kompanisë organizoi largimin e mallrave nga kjo depo. Pjesa më e madhe e tulit iu dërgua një shpërndarësi ligjor, por fuçitë që përmbanin tul guava mbetën në depo, dhe administratori tregoi se ato do të largoheshin të nesërmen.

The post Goditet grupi kriminal në Valencia, arrestohen shqiptarët appeared first on Lapsi.al.

Një stuhi e fuqishme goditi rajonin spanjoll të Valencias, duke i kthyer rrugët në lumenj dhe duke mbuluar veturat me breshër.

Qytetet në të gjithë rajonin u goditën nga rrebeshe të papritura që sollën bllokimin e trafikut dhe i detyruan njerëzit të kërkonin strehim.

Pamjet dramatike në rrjete sociale tregojnë breshër dhe shi të rrëmbyeshëm duke marrë gjithçka në rrugën e tyre.

Heavy rains accompanied by hailstorm in Villar del Arzobispo of Valencia province, Spain (08.05.2025) pic.twitter.com/5XUhA2czoB

— Disaster News (@Top_Disaster) May 8, 2025

Rrugët u kthyen në lumenj dhe trotuaret dukeshin sikur ishin të mbuluara me borë.

Zonat më të goditura ishin Guadasséquies, Calles, Villar del Arzobispo dhe l’Olleria, ku shtresat e breshërit ishin shumë të trasha, shkruajnë mediat e huaja, përcjell Telegrafi.

Bëhet e ditur se rreth 1000 shërbime emergjente janë përfshirë në ndërhyrje, duke eliminuar dëmet dhe duke pastruar rrugët.

Cars stuck on the road after strong hailstorm in Villar del Arzobispo, Valencia, Spain pic.twitter.com/LK6ms4pjAt

— Disasters Daily (@DisastersAndI) May 8, 2025

Ndryshe, rajoni është ende duke u rikuperuar nga fatkeqësia e vitit të kaluar.

Valencia, një rajon i njohur turistik ku normalisht pritet mot i ngrohtë në këtë kohë të vitit, ende po përballet me pasojat e ekstremeve të mëparshme të motit – rreth 2,000 njerëz ishin ende të zhvendosur nga stuhia në fund të vitit 2024.

Në tetor 2024, Valencia u godit nga një stuhi shkatërruese që shkaktoi përmbytje katastrofike dhe mori 228 jetë.

Ishte një nga fatkeqësitë natyrore më vdekjeprurëse në historinë spanjolle dhe efektet e saj u ndjenë për muaj më pas, me mijëra të zhvendosur dhe dëme të mëdha materiale. /Telegrafi/

The hailstorm fell in Villar del Arzobispo of Valencia province, Spain (08.05.2025)pic.twitter.com/zudplEAXek

— Disaster News (@Top_Disaster) May 8, 2025

The post Një stuhi e fortë godet Valencian, rrugët kthehen në lumenj dhe mbulohen nga breshëri appeared first on Telegrafi.

Ditën e sotme, kreu demokrat Sali Berisha, ndodhet në Valencia të Spanjës për të marrë pjesë në punimet e Kongresit të Partisë Popullore Europiane.

Përmes një video të publikuar në rrjetet sociale, Berisha ka përcjellë mesazhin e parë nga toka iberike.

Berisha shton se rikthehet në Spanjë, aty ku ishte për herë të fundit në vitin 2013 si kryetar i PD dhe njëkohësisht kryeministër i vendit.

“Spanja, Madridi do ishte vendi ku unë mora pjesë për të fundit herë në Kongreset e Partisë Popullore Europiane, pasi kisha dhënë dorëheqjen.

Sot rikthehem, po në Spanjë për të marrë pjesë për herë të parë pas rikthimit, në Kongresin e Partisë Popullore Europiane”, shprehet Berisha.

The post Kongresi i PPE/ Berisha mesazh nga Spanja: Rikthehem aty ku isha për herë të fundit (VIDEO) appeared first on Albeu.com.

Këto janë pamjet e sulmit të përgjakshëm në një arenë në Ekuador, ku po organizoheshin përleshje gjelash dhe ku mbetën të vdekur rreth 12 persona.

Ngjarja ndodhi të premten në provincën veriperëndimore të Manabit në komunitetin rural të La Valencia.

Në lidhje me këtë sulm, policia ka arrestuar 4 persona dhe ka sekuestruar armë dhe uniforma ushtarake.

Pamjet e shpërndara në rrjetet sociale shfaqin persona të armatosur duke hyrë në ring dhe duke hapur zjarr, ndërkohë që spektatorët e tmerruar provonin të fshiheshin.

Raportimet nga mediat lokale tregojnë se sulmuesit, të veshur me uniforma ushtarake, ishin pjesë e një grupi kriminal rival, dhe kishin shënjestruar rivalët e tyre që ishin të pranishëm në arenën ku po zhvilloheshin përleshjet e gjelave.

Në Ekuador besohet se operojnë më shumë se 20 banda të mëdha kriminale, duke rivalizuar për kontrollin e rrugëve të drogës.

Presidenti i Ekuadorit, Daniel Noboa, ka theksuar se rreth 70% e kokainës në botë tani kalon përmes porteve detare të Ekuadorit, para se të niset për në Shtetet e Bashkuara dhe Evropë.

LEXONI GJITHASHTU:

• Sulm me armë gjatë një ndeshje gjelash në Ekuador, humbin jetën 12 persona
• Ekuadori në gatishmëri maksimale për shkak të kërcënimeve ndaj presidentit Noboa

The post Dalin pamjet e sulmit në arenën e gjelave në Ekuador, 12 të vdekur e 4 të arrestuar appeared first on Euronews Albania.

Real Madridi u mposht në shtëpi ndaj Valencias me rezultat 2-1 të shtunën dhe shumë gishta u drejtuan pas kësaj disfate dhe në veçanti një lojtar ka marrë fajin kryesor: Vinicius Junior.

Ani pse ai e shënoi golin vetëm të ‘Los Blancos’ në ‘Santiago Bernabeu’, Vinicius e humbi një penallti të rëndësishme kur rezultati ishte 0-0 në pjesën e parë.

Siç ka raportuar Marca, fishkëllimat e tifozëve u dëgjuan pas këtij rasti dhe ishin prezente për pak minuta.

Ai ishte objektiv i tifozëve që nga hera e parë kur e humbi topin, por reagimi i madh erdhi në momentin kur Giorgi Mamardashvili ia mohoi atij golin nga 11 metra.

Kjo nuk është hera e parë që Vinicius ka ngjallur një reagim negative nga ata që janë të lidhur me Real Madridin.

Lexo po ashtu Befason portieri i Valencias: Kam vendosur një bast me Vinicius, por ai nuk m’i ka dhënë paratë

Carlo Ancelotti, Jude Bellingham dhe Luka Modric që të gjithë e kishin shprehur frustrimin e tyre me brazilianin disa herë gjatë këtij sezoni, por kjo duket se ishte hera e parë që tifozët mbetën të zemëruar me 24-vjeçarin.

Muajt e fundit kanë qenë të vështirë për Vinicius, veçanërisht në La Liga ku kishte shumë kohë pa e gjetur golin.

Presioni mbi supet e tij është rritur dhe ai tani duhet të përgatitet për fazën kyçe të sezonit, duke filluar nga ndeshja ndaj Arsenalit të martën në çerekfinale të Ligës së Kampionëve./Telegrafi/

The post Ylli i Real Madridit u fishkëllua nga tifozët gjatë ndeshjes kundër Valencias appeared first on Telegrafi.

Valencia mori një fitore të madhe në udhëtim ndaj Real Madridit, duke mposhtur ‘Los Blancos’ me rezultat 2-1 në ‘Santiago Bernabeu’.

Kjo fitore padyshim se do t’i shërbejë ‘Laraskave’ në misionin e tyre për të siguruar mbijetesën këtë sezon në elitën e futbollit spanjoll.

Heroi i Valencias në këtë sfidë padyshim ishte portieri Giorgi Mamardashvili i cili priti një penallti të Vinicius Junior në minutën e 12-të.

Pas ndeshjes, ai dha një deklaratë interesante për gazetarët, duke thënë se kishte vendosur një bast me Viniciusin.

Lexo po ashtu Real Madridi mund të thyejë rregullin historik të klubit – shkak mund të bëhet Rudiger

Reprezentuesi gjeorgjian tha se ai kishte vendosur një bast prej 50 eurosh me brazilianin, duke qenë i bindur se do t’i priste penalltinë.

Megjithatë, ai ka mbetur ‘i zhgënjyer’ nga ky bast pasi sipas tij Viniciusi nuk e ka paguar atë.

Mamardashvili: “I bet Vinícius €50 that I would save his penalty kick. He has not paid me (laughs).” pic.twitter.com/E1sHykWkBv

— Madrid Zone (@theMadridZone) April 5, 2025

“Kam vënë bast prej 50 eurosh me Vinicius se do t’i prisja penalltinë të cilën e ekzekutoi, por ai nuk m’i ka dhuruar paratë”, ka thënë Mamardashvili.

Pas kësaj fitore Valencia tashmë ka shkuar në kuotën e 34 pikëve në kampionat, teksa Real Madridi ka marrë një goditje të fortë në garën për titull ndaj Barcelonës./Telegrafi/

The post Befason portieri i Valencias: Kam vendosur një bast me Vinicius, por ai nuk m’i ka dhënë paratë appeared first on Telegrafi.

Fitore dramatike ‘in extremis’ e Valencias përballë Realit të Madridit në ‘Bernabeu’, duke u dhënë një goditje të madhe “Los Blancos” në garën për titullin kampion të La Ligas. Skuadra e Ancelottit, në përpjekje për të gjetur golin e fitores në kohën shtesë, pasi rezultati ishte mbërther në shifrat 1-1, pësoi golin e dytë në […]

The post Valencia “gjunjëzon” Realin, humbje e rëndë e madrilenëve në garën për titull appeared first on BoldNews.al.

Real Madridi ka humbur 2-1 në shtëpi përballë Valencias në kuadër të javës së 30-të në La Liga.

Pas 13 minutash lojë, Los Blancos kishin shansin të kalonin në epërsi, mirëpo nga pika e bardhë dështoi Vinicius Junior, duke humbur të gjithë mundin e Kylian Mbappes që e fitoi penalltinë.

Vetëm dy minuta më vonë, Valencia ndëshkoi vendasit, duke kaluar në epërsi me anë të Mouctar Diakhabyt.

Gjashtë minuta kaluan nga ky moment dhe Real Madridi shpresoi se kishte barazuar shifrat në 1-1 me anë të Mbappes, por që VAR-i e anuloi për pozicion jashtë loje.

Në minutën e 50-të, Jude Bellingham e gjeti për mrekulli Viniciusin, me brazilianin që barazoi shifrat.

Real Madridi tentoi me të gjitha forcat që të gjente golin e fitores, por që në fund pësoi disfatë shokuese në Santiago Bernabeu.

Rafa Mir asistoi te Hugo Duro në minutën e 90+6-të për rezultatin 2-1.

Pas javës së 30-të, Real Madridi ka 63 pikë, tri më pak se Barcelona që ka një ndeshje më pak.

Në xhiron e 31-të, Los Blancos do të përballen me Alavesin. /Telegrafi/

The post Disfatë për Real Madridin në Bernabeu përballë Valencias – humbja i faturohet Viniciusit appeared first on Telegrafi.

Cristiano Ronaldo nuk po kalon një moment pozitiv te Al-Nassr dhe ndoshta për këtë arsye portugezi po mendon se si të veprojë për të ardhmen. Ndër mundësitë që ai po shqyrton, është edhe blerja e Valencias, falë marrëdhënieve të mira me pronarin aktual, Peter Lim.

Lajmi, i cili ka filluar të përhapet me shpejtësi në rrjetet sociale në Spanjë, nuk është konfirmuar nga palët e përfshira, përveç vetë Lim, i cili në një shënim dërguar gazetave të Singaporit, ka sqaruar se klubi nuk është në shitje. Sipas disa komentuesve, kjo përbën një lloj “pranimi të fajit”, pasi Cristiano Ronaldo do të ishte i gatshëm të nisë operacionin nëse sigurohet qëndrimi në La Liga, një aspekt thelbësor që operacioni të mund të marrë hov. Mbështetja financiare do të vinte nga familja mbretërore saudite, në veçanti nga princi Mohamed Bin Salman, ose nga një fond investimi, çka konfirmon marrëdhënien e shkëlqyer të ndërtuar mes yllit të Madeirës dhe Arabisë Saudite.

Lexo më tej: Pioli rrezikon shkarkimin sepse bëri një ‘gabim’: zëvendësoi Cristiano Ronaldon

Ai që beson më shumë në realizimin e operacionit është “El Mundo Deportivo”, i cili e jep të sigurt se CR7 do të jetë pronari i ri i Valencias në rast shpëtimi nga rënia, megjithatë në pjesën tjetër të Spanjës fryn njëfarë skepticizmi, pasi portugezi do të duhej të përfshihej në një situatë të ndërlikuar: të blinte një klub të zhytur në borxhe dhe me një stadium të rrënuar, për të cilin ende mungojnë financimet që do të mundësonin përfundimin e ndërtimit.

 

View this post on Instagram

 

A post shared by 𝗦𝗢𝗖𝗖𝗘𝗥𝗚𝗘𝗡𝗜𝗖 (@soccergenic)

The post Cristiano Ronaldo pronari i ri i Valencias: qëndrimi në La Liga është thelbësor appeared first on Lapsi.al.

Informacioni se Cristiano Ronaldo po e shqyrton seriozisht mundësinë për t’u bërë pronar i Valencias u publikua në fund të shkurtit dhe tashmë gazetari spanjoll Julian Redondo ka konfirmuar se diçka konkrete po ndodh realisht.

Në rubrikën e tij për Mundo Deportivo, Redondo ka shkruar se Ronaldo do të bëhet pronar i ri i Valencias, por me kusht që klubi të ruaj statusin e saj në La Liga.

Valencia është aktualisht në pozitën e 15-të në La Liga me 31 pikë të fituara, që është vetëm katër pikë mbi zonën e rënies, me nëntë xhiro deri në fund të kampionatit.

Në xhiron e radhës kanë një vizitë te Real Madridi, ku vështirë se mund të llogarisin në një detyrë të lehtë apo të marrin pikë.

¿Está Cristiano Ronaldo interesado en comprar el Valencia?

@paulalerinm https://t.co/RW2y9CmSRw

— Mundo Deportivo (@mundodeportivo) April 3, 2025

Nga ana tjetër, Ronaldo po luan sezonin e tij të tretë për klubin saudit, Al-Nassr, por tashmë po mendon për jetën pas karrierës së tij profesionale.

Ai tashmë ka nisur një sërë sipërmarrjesh biznesi, duke përfshirë zinxhirë hotelesh, qendra fitnesi dhe marka të ndryshme, por duket se dëshira e tij është të mbetet i lidhur me futbollin.

Ronaldo kështu tregoi interes për të marrë përsipër Valencian, një klub që aktualisht drejtohet nga Peter Lim, një person i cili është kritikuar ashpër nga tifozët për një kohë të gjatë.

Disa burime pohojnë se Ronaldo do të kishte ndihmën financiare të princit saudit Mohammed bin Salman dhe familjes së tij në këtë investim. /Telegrafi/

The post Ronaldo vendos vetëm një kusht përpara se të blejë gjigantin e La Ligës appeared first on Telegrafi.

E ardhmja e Valencias mund të jetë afër një pikë kthese. Sipas informacioneve të zbuluara në El Partidazo të Cadena COPE, Peter Lim do të jetë i gatshëm ta shesë klubin, por për çmimin e duhur.

Kjo lëvizje është një përgjigje ndaj një sërë faktorësh që kanë rrethuar menaxhimin e biznesmenit nga Singapori vitet e fundit, duke përfshirë ristrukturimin e borxhit dhe ndalimin e projektit Nuevo Mestalla.

Gazetari Pedro Morata deklaroi se Lim i kishte përmendur Nasser Al-Khelaifi, presidenti i Paris Saint-Germain, synimin e tij për të shitur klubin. Megjithatë, i njëjti burim thekson se lideri i Katarit nuk do të ishte i interesuar për operacionin që do të kushtonte 400 milionë euro.

Pavarësisht këtyre raportimeve, burime brenda institucionit të Valencias kanë mohuar që klubi të jetë zyrtarisht në shitje. Sipas burimeve të konsultuara, Valencia nuk është aktualisht në asnjë proces transferimi të pronësisë.

Megjithatë, pakënaqësitë e tifozëve me drejtimin e Meriton Holdings dhe situata delikate aktuale sportive e ekipit kanë nxitur zërat për një largim të mundshëm të Limit, ndërsa edhe Cristiano Ronaldo raportohet se është në mesin e interesuarve për të blerë klubin.

Lexo po ashtu Cristiano Ronaldo do ta blejë klubin që humbi në dy finale të Ligës së Kampionëve

Që nga ardhja e tij në vitin 2014, bilanci i drejtimit të tij ka lënë më shumë hije se dritë, të shënuar nga një krizë e vazhdueshme institucionale dhe sportive.

Tani, me një çmim të përcaktuar, mbetet për t’u parë nëse një blerës i gatshëm do të shfaqet për të marrë përsipër klubin dhe për ta drejtuar atë në një drejtim të ri. /Telegrafi/

The post Ronaldo mëson çmimin e Valencias – publikohen detajet appeared first on Telegrafi.

Cristiano Ronaldo, legjenda portugeze e futbollit, mund të rikthehet në futbollin spanjoll, por këtë herë në një rol krejtësisht të ri – si pronar i Valencias.

Sipas raportimeve të mediave spanjolle, të konfirmuara edhe nga Foot Mercato, Ronaldo ka filluar biseda me Peter Lim, pronari aktual i Valencias, për blerjen e shumicës së aksioneve të klubit.

Ronaldo, i cili aktualisht luan për Al Nassr në Arabinë Saudite, ka një marrëdhënie të gjatë biznesi dhe miqësie me Lim.  Në fakt, Lim zotëron të drejtat e imazhit të Ronaldos, gjë që e bën këtë bashkëpunim edhe më të mundshëm.

Ylli portugez planifikon të kthehet për të jetuar në Spanjë pas përfundimit të karrierës së tij si lojtar, dhe blerja e Valencias do të ishte një hap strategjik për të.

Një faktor kyç që mund të lehtësojë këtë transaksion është mbështetja financiare e familjes mbretërore saudite. Fondet e investimeve të lidhura me ta mund të mbulojnë një pjesë të konsiderueshme të kostos së blerjes.

Kjo do të ishte një kthesë e madhe në karrierën e Ronaldos, duke e shndërruar atë nga një ikonë e fushës në një pronar klubi.

Lexo po ashtu “Ai është top-10”, Fenomeni Ronaldo i përgjigjet pretendimit të CR7 se ai është lojtari më i mirë në histori

Valencia është një klub me një histori të pasur, duke përfshirë 6 tituj kampionati, 8 kupa dhe 2 finale të Ligës së Kampionëve (2000 dhe 2001).

Megjithatë, nën menaxhimin e Lim, klubi ka pësuar kritika të ashpra nga tifozët për shkak të rezultateve të dobëta, ndryshimeve të shpeshta të trajnerëve dhe politikave të dyshimta të transferimeve.

Nëse Ronaldo arrin të bëhet pronar, ai mund të sjellë një frymë të re në klub dhe të rivitalizojë shpresat e tifozëve. Kjo do të ishte një kapitull i ri jo vetëm për Valencias, por edhe për vetë Ronaldo, duke e vendosur atë në një rol të ri dhe sfidues në botën e futbollit. /Telegrafi/ 

The post Cristiano Ronaldo do ta blejë klubin që humbi në dy finale të Ligës së Kampionëve appeared first on Telegrafi.

Atletico Madrid arrin të fitojë në transfertë ndaj Valencias me rezultatin e pastër 3-0. Ishte Julian Alvarez dy herë në pjesën e parë dhe një herë Correa në fund të takimit që vulosën këtë fitore. Nga ana tjetër, vendasit nuk reaguan dot ndaj një kundërshtari shumë të fortë që konkurron për titullin kampion në Spanjë. […]

The post Atletico merr kreun e La Liga-s, mposht në transfertë Valencian appeared first on BoldNews.al.

Valencia mposhti Celta Vigo 2-1 të dielën, duke rritur shpresat për mbijetesë në La Liga, në një reagim perfekt pas humbjes turpëruese 7-1 një javë më parë ndaj Barcelonës, me të cilën do të përballen sërish në çerekfinalet e Copa del Rey.

Formacionet zyrtare:

Valencia:

⚽ XI INICIAL 🆚 @FCBarcelona_es#VCFBarça#ADNVCF pic.twitter.com/CVtRulPZA7

— Valencia CF (@valenciacf) February 6, 2025

Barcelona:

🚨 BARÇA XI 🚨#ValenciaBarça pic.twitter.com/GDcsfbCM9k

— FC Barcelona (@FCBarcelona) February 6, 2025

The post Barcelona kërkon gjysmëfinalen e Kupës së Mbretit kundër Valencias sonte, formacionet appeared first on Albeu.com.

Barcelona ka shënuar fitore ndaj Valencias me rezultat 7-1 në kuadër të javës së 22-të të La Ligas.

Blugranat ishin në formë të mirë në këtë ndeshje, duke e zhbllokuar që në minutën e dytë me golin e Frenkie de Jong.

Në minutën e tetë, Ferran Torres shënoi pas asistimit te Alejandro Baldes për 2-0.

Raphinha shënoi për 3-0 në minutën e 14-të, duke i dhënë fund dilemave për fituesin në këtë ndeshje.

Fermin Lopez doli në skenë duke shënuar dy herë në minutat 24 dhe 45 për ta mbyllur pjesën e parë me rezultatin 5-0.

Më të filluar pjesa e dytë, Hugo Duro zbuti epërsinë e Barcelonës në 5-1.

Robert Lewandowski që u fut në lojë në minutën e 60-të, pas gjashtë minutash shënoi për 6-1.

Image

Cesar Tarrega e mbylli ndeshjen me një autogol për 7-1.

Barcelona me këtë fitore mbetet në vendin e tretë me 42 pikë, ndërsa Valencia është e 19-ta me 16 pikë. /Telegrafi/

The post Barcelona e shkatërron Valencian, 7:1 appeared first on Albeu.com.

Barcelona ka shënuar fitore ndaj Valencias me rezultat 7-1 në kuadër të javës së 22-të të La Ligas.

Blugranat ishin në formë të mirë në këtë ndeshje, duke e zhbllokuar që në minutën e dytë me golin e Frenkie de Jong.

Në minutën e tetë, Ferran Torres shënoi pas asistimit te Alejandro Baldes për 2-0.

Raphinha shënoi për 3-0 në minutën e 14-të, duke i dhënë fund dilemave për fituesin në këtë ndeshje.

Fermin Lopez doli në skenë duke shënuar dy herë në minutat 24 dhe 45 për ta mbyllur pjesën e parë me rezultatin 5-0.

Më të filluar pjesa e dytë, Hugo Duro zbuti epërsinë e Barcelonës në 5-1.

Robert Lewandowski që u fut në lojë në minutën e 60-të, pas gjashtë minutash shënoi për 6-1.

Cesar Tarrega e mbylli ndeshjen me një autogol për 7-1.

Barcelona me këtë fitore mbetet në vendin e tretë me 42 pikë, ndërsa Valencia është e 19-ta me 16 pikë. /Telegrafi/

The post Barcelona e shkatërron Valencian – shënon shtatë herë dhe kthehet te fitorja në La Liga appeared first on Telegrafi.

Valencia do të ketë një stadium të ri deri në vitin 2027 dhe Mestalla që shihet si stadium ikonikë do të shkatërrohet.

Ndërtimi i stadiumit të ri të Valencias me emrin “Nou Mestalla” filloi 16 vite më parë, por u ndal shumë shpejt për mungesë parash.

Valencia mblodhi paratë e nevojshme falë një fushate për të ndihmuar në rindërtimin e objekteve sportive pas përmbytjeve shkatërruese të vitit të kaluar dhe puna rifilloi këtë javë.

Stadiumi i ri do të strehojë 70 mijë spektatorë dhe aty do të luhen ndeshjet e Kupës së Botës 2030.

“Valencia do të ketë stadiumin më modern kur të mbahet Kupa e Botës. Nëse Spanja ka njëmbëdhjetë stadiume nikoqire, Valencia nuk mund të lihet jashtë Kupës së Botës dhe jam i bindur që do të jetë kështu”.

Pues este es el NOU MESTALLA.

No me gusta nada la fachada y lo de los pétalos de hormigón, no está a la altura. Por desgracia ya está todo acordado y será así. Por dentro, exceptuando la NO verticalidad, me gusta.

Aunque Mestalla siempre será Mestalla. pic.twitter.com/YfSAT7yiZV

— Sergio Capilla (@sergiocapilla_) January 10, 2025

“Ky është detyrim i Federatës sonë, ne jemi duke punuar për të dhe tashmë kemi arritur një progres të caktuar, jam plotësisht i bindur se Valencia do të jetë nikoqire e turneut”, ka thënë presidenti i ri i Federatës Spanjolle të Futbollit, Rafael Louzan. /Telegrafi/

The post Stadiumi Mestalla që njihet si ikonë do të shkatërrohet – Valencia po ndërton një stadium të ri me 70 mijë vende appeared first on Telegrafi.

Mbrojtësi i Barcelonës, Inigo Martinez nuk është i lumtur që Vinicius Jr u ​​ndëshkua vetëm me dy ndeshje për kartonin e kuq kundër Valencias.

Pezullimi me vetëm dy ndeshje i sulmuesit brazilian të Real Madridit ka shkaktuar polemika të shumta në Spanjë dhe i fundit që është ankuar është Martinez.

“Vinicius u pezullua vetëm për dy ndeshje? Disa vite më parë u pezullova për 4 ndeshje për një gabim shumë më të vogël se ai i Vinicius”.

“Nuk duhet të heshtim për këto çështje të padrejta”, ka deklaruar Martinez.

Lexo po ashtu Klubi i La Ligës ankohet për ‘standarde të dyfishta’ në dënimin e Vinicius Jr

Ndryshe, Vinicius do të humbasë dy ndeshjet e ardhshme në La Liga, por ai mund të luajë në Superkupën e Spanjës.

Ai do të synojë të ndihmojë Real Madridin të arrijë në finale dhe më pas t’i mbyllë gojën si Martinezit ashtu edhe Barçës për të ndihmuar skuadrën e tij të fitojë trofeun e parë të vitit 2025. /Telegrafi/

The post “U pezullova katër ndeshje për një gabim shumë më të vogël”, ylli i Barcelonës ankohet për dënimin e Vinicius Jr appeared first on Telegrafi.