Nga Ylli Manjani Avokati i Popullit që pas 25 vitesh u bë avokaturë e modës. Më dolën para syve disa video nga festimi glamoroz i 25 vjetorit të Avokaturës së Popullit. Ua ua ua ua ua ua… Ishte fiks si event mode, ku të ftuarit, gra e burra, sfilonin me veshje të stiluar dhe, bënin foto me Avokaten e këtij populli në një stendë që ngjante si event mode. Ejjjj. Po flasim për Avokatin…
Ylli Manjani ka reaguar me ironi e sarkazëm ndaj lajmit të shpërndarë në mediat e vendit për Franceskën: “Pikëpyetjet e një lajmi… Konfuzion me një lajm nga lagjja ime. Nuk e mora vesh: sa e bleu shtëpinë kjo Françeska, 500 apo 700 mijë euro? Për Zotin, na tregoni cila shumë është e sakta – po vari lesht zjarrit! Një portal thotë 700 mijë, tjetri 500 mijë. Jam i paqartë… Ah…
Nga Ylli Manjani I hodha një sy sistemit të pagave në nënpunësve të të gjithë niveleve e pushteteve dhe më ngjau me një hartë ndërtimesh pa leje kuturu. Pagat brenda sistemit të drejtësisë veçanërisht ngjanin si shtesa anësore, shtesa katesh apo mbyllje ballkonesh. Krejt pa sens e pa një llogjikë shtetërore. Po e lë mënjanë llogjikën ekonomike dhe ngarkesën në punë të secilit. Tani…
Duke folur në emisionin “NOW me Erla Mëhillin”, juristi Ylli Manjani u shpreh kundër rinumërimit të votave, duke theksuar se kjo situatë do t’i shkojë në favor kryeministrit Edi Rama.
Ai tha se, përkundër bindjes së opozitës se rinumërimi është një hap pozitiv, në realitet kjo do t’i kthehet atyre si një bumerang.
Manjani e cilësoi rinumërimin si një humbje kohe pa asnjë vlerë reale, pasi sipas tij, nuk do të ndryshojë asgjë në rezultatin përfundimtar.
Ai vijoi duke theksuar se hapja e kutive dhe procesi i rinumërimit janë të kota dhe duhet ndërprerë sa më parë për t’u kthyer në normalitet.
“Hapja e kutive është e panevojshme; ky proces rinumërimi duhet të ndërpritet sa më shpejt dhe të kthehemi në normalitet. Nuk ka asnjë çështje serioze paszgjedhore. Duke qenë se të dy palët kërkojnë këtë rinumërim dhe proces riverifikimi, dhe për shkak se PD është në një narrative të konfuze, sigurisht që kjo sjell kosto, pasi duket si nisma e atij që kërkon diçka, por nuk e gjen, ndërsa për Ramën këto situata janë të favorshme.
Në lidhje me votat e diasporës, Manjani tha se nuk ka gabim njerëzor aty, pasi sipas tij, ky sistem ishte i dizenjuar që në ligj për të qenë një “maskaradë zgjedhore”.
LEXONI GJITHASHTU:
The post “Nuk vlen asgjë”, Manjani: Të ndalet rinumërimi i votave, humbje kohe appeared first on Euronews Albania.
‘PD është në vdekje klinike, nuk e sjell dot në jetë rinumërimi’, kështu është shprehur avokati Ylli Manjani teksa komentoi rinumërimin e votave për zgjedhjet e 11 majit në disa qarqe.
I ftuar ditën e sotme në një emision televiziv, ai tha se rinumërimi nuk mund të ndryshojë asgjë në rezultatin e zgjedhjeve.
‘PD është në vdekje klinike, nuk e sjell dot në jetë rinumërimi. Këtu po diskutohet për një proces rinumërimi, për të bërë një farë riverifikimi për mënyrën se si është numëruar votat, a ka pasur ose jo gabime. Kjo shuan edhe çdo lloj dileme që vota është numëruar mirë ose gabim. Unë nuk besoj se ka devijim në numërim sepse PS dhe PD janë përgjegjëse zyrtare sepse kanë pasur numërues, nëse janë bërë pislliqe do të thotë se janë bërë vet. PD e kanë humbur busullën me deklarata që bënë’, tha ai.
Sipas Manjanit, PD nuk është më alternativë në zgjedhje.
‘Nuk besoj se PD mund të hyjë në një proces ndryshimi në kushtet ku gjendet. PD nuk identifikon sot asnjë grup social në vend që ta gjejë veten atje. Nuk ka një grup social që të jetë i identifikuar me këtë parti që të mbrojë interesat e tyre. Nuk mendoj se janë më alternativë. Këta hera e fundit që kanë fituar zgjedhjet është 2011 kur fituan bashkinë e Tiranës me ndihmën e LSI dhe ajo është hera e fundit që kanë fituar një palë zgjedhje dhe më vonë ata vetëm kanë humbur’, tha ai.
Manjani u ndal edhe tek akuzat e Sali Berishës se vendi është kthyer në një narkoshtet.
‘Sipas PD kështu është një narkoshtet dhe këtu janë të gjithë të droguar, çfarë të thuash. Këto janë fjalët që vjen nga fjalori i tyre. Edhe të iki Berisha dhe të vijë një tjetër, këta kanë kryer punë. Duhet që të ripahet gara në radhët e opozitës, jo vetëm të PD por të disa partive. Berisha është i vjetër në moshë kjo punë do energji dhe ai tashmë nuk mjafton për të drejtuar opozitën, por duhen më shumë garë. Berishës i ka ngel ora te narkoshteti, na vë pullë në Europë’, tha ai.
Një koment e pati edhe për zgjatjen me 3 muaj të hetimeve për Ilir Metën nga SPAK. Ai tha se hetimet nuk duhet që të ishin shtyrë, sa kohë që Meta është marrë i pandehur.
‘Për Metën nuk e kuptojë shtyrjen e hetimeve nëse personi është marr i pandehur pse shtyhen hetimet. Nëse është marr i pandehur të çohet në gjyq. Nuk e di pse duhej shtyrë nëse hetimet kanë mbaruar’, tha ai.
The post “S’është më koha e Berishës”, Manjani ‘shpërthen’ ashpër: PD është në vdekje klinike, rinumërimi s’e sjell dot në jetë appeared first on Sot News | Lajme.
Ylli Manjani thotë se PD është në vdekje klinike, dhe nuk e sjell dot në jetë rinumërimi. Për të rinumërimi nuk mund të ndryshojë asgjë në rezultatin e zgjedhjeve. ”PD është në vdekje klinike, nuk e sjell dot në jetë rinumërimi. Këtu po diskutohet për një proces rinumërimi, për të bërë një farë riverifikimi për mënyrën se si është numëruar votat, a ka pasur ose jo gabime. Kjo shuan edhe çdo lloj…
Të ftuar në emisionin “NOW me Erla Mëhillin”, Ylli Manjani dhe Kelvis Balliu u përfshinë në një debat të ashpër në lidhje me zgjedhjet e 11 majit.
Duke parë pretendimet e Balliut, Ylli Manjani u revoltua duke i thënë atij se PD-ja është pabesueshme në akuzat për vjedhje në zgjedhje, pasi sipas tij PD-ja duhet të kishte minimalisht letrat e procesit për të dokumentuar saktë vjedhjen që pretendon.
Manjani e quajti të gabuar që PD-ja ia faturon humbjen personave të tjerë, sipas tij duke iu rënë në qafë kot, ndërkohë që nuk fiton që nga viti 2011.
Balliu iu përgjigj se nuk mund të ketë zgjedhje të lira kur, sipas tij, personat me precedentë kriminalë ndërhyjnë në proces, ndërsa policia nuk vepron. Manjani iu përgjigj ashpër duke thënë se policia është neutrale dhe nuk i lejohet ndërhyrja në zgjedhje.
Në vazhdën e debatit, Balliu i kujtoi Manjanit periudhën kur ishte ministër i Drejtësisë, duke i thënë: “Po ti pse si ministër kërkove ndërhyrjen e ushtrisë në luftën kundër kanabisit?”
Manjani tha se shumë mirë bëri që e kërkoi, por që është penduar kur kuptoi se si qëndron gjërat.
Pjesë nga debati në studio:
Manjani-Balliut: “Keni harruar të fitoni që nga 2011, nuk fitoni, dhe ia vendosni fajin banditëve ju.”
Balliu-Manjanit: “Po ti ke qenë ministër i Drejtësisë kur ke kërkuar ndërhyrjen e ushtrisë kundër trafikut të drogës.”
Manjani – Balliut: “Po mirë, kam bërë mirë, por kur ju pashë që ju ulnit kokën, u bëra pishman. Kur ju shihja që i rrinit drogës te koka dhe merrnit paratë nga droga, u bëra pishman”, tha Manjani.
LEXONI GJITHASHTU:
The post “S’keni fakte për vjedhje në zgjedhje”, debat i ashpër mes Manjanit dhe Balliut appeared first on Euronews Albania.
Nga Ylli Manjani “Treni Bullgar” i PS nuk e justifikon dot “Ruletën Ruse” të PD. Kjo e fundit tashmë është vetvrarë nga loja e ruletës. I qëlloi plumbi në fole këtë radhë… Dmth, le ta zëmë se u përdor treni bullgar si mekanizëm i blerjes së votës, pyetja është a e justifikon dot ky mekanizëm diferencën prej 300 000 votash?! Deri më sot nuk është provuar askund se me këtë skemë fitohet kaq…
Juristi Ylli Manjani tha këtë të enjte në “Now me Erla Mëhillin” në Euronews Albania se postimet në X të gazetarit amerikan Marc Caputo, i cili shkruan se DASH i ka konfirmuar se Sali Berisha mund të shkojë në SHBA, është një twitter me qëllim për të ndërhyrë në zgjedhje.
Megjithatë Manjani shton se nëse kjo gjë është e ërtetë është një gjë e mirë për liderin e opozitës, ama që një vizitë e kreut të PD-së në SHBA të ndodh sipas Manjanit, ka disa specifika:
“Twitteri është me qëllim për të ndërhyrë në zgjedhje. Por shumë mirë e ka bërë. Kjo gjë po të kishte ndodhur do ishte gjë e mirë. Për fat të keq kjo gjë nuk ka ndodhur. Ky DASH që nuk dihet kush është i ka cituar ligjin e Amerikës Fidel Kastros.
Që Berisha të përfitojë nga ky ligji duhet ose të jetë kryeministër që të shkojë në OKB. Është një vizitë shumë e veçantë, e duhet të jetë i nivelit shumë të lartë që të përfitojë nga ky rregull. Nëse ky është hapi i parë për ti hequr “non gratën”, patjetër është një gjë e mirë. Unë uroj ti vihet viza dhe mbret u bëftë Sali Berisha, unë nuk kam asnjë problem me këtë”,-tha Manjani.
LEXONI GJITHASHTU:
The post Berisha mund të shkoj në SHBA? Manjani: Çfarë ndodh me “non grata” appeared first on Euronews Albania.
Nga Ylli Manjani Për hir të së vërtetës: Fredi Beleri si minoritar, është legjitim të kërkojë rivendosjen e drejtësisë, në kushtet kur gjykatësja Irena Gjoka është e dënuar dhe e dëbuar nga Greqia. Ai ka gjithë të drejtën e zotit të mendojë se zonja Gjoka ka vendosur kundër Tij e mllefosur për dënimin që ka marrë nga Greqia. Por nuk besoj se vlen i njëjti arsyetim për Berishën…
Gjykata e Posaçme e shkallës së parë çeli të enjten më 17 prill shqyrtimin gjyqësor të çështjes penale në ngarkim të biznesmenit Pëllumb Gjoka, i akuzuar për vrasje dhe grup të strukturuar kriminal, si dhe ndaj të akuzuarve si bashkëpunëtorë të tij. Në sallën e gjyqit ishte i pranishëm vetëm i pandehuri Edmond Preka, ndërsa […]
The post “Metamorfoza”, Gjykata merr kohë për mënyrën e gjykimit të të pandehurve appeared first on Reporter.al.
Duke komentuar gjetjet e sondazhit të Barometrit, i ftuar në “NOW me Erla Mëhillin”, juristi Ylli Manjani tha se Partia Demokratike është në një trend rritje, por që është i pamjaftueshëm për rotacionin politik.
Sipas Manjanit, situata në të cilën gjendet PD sot, i ngjan asaj të periudhës para zgjedhjeve të 2021, kur PD-në e drejtonte Lulzim Basha.
“Nëse e krahasojmë me të njëjtën periudhë të 2021, unë nuk shoh ndonjë dallim shumë të madh. Kështu ishte dhe në 2021, flas për të njëjtën periudhë kohore në fillim të fushatës, kur PD pati një zgjim shumë të vonuar, dhe sot është e njëjta gjë. PD ka një zgjim të vonuar, duke krahasuar janarin e këtij viti me marsin e këtij viti, PD tregon se është zgjuar nga 24% në 30%. Pra, ky quhet zgjim. Kështu ka qenë fiks, dhe PD e Lulit. Erdhën nga pandemia, nga histori të paqarta, kishin djegur mandatet, sistemi zgjedhor kishte shumë debate të kësaj natyre, dhe pak a shumë jemi në të njëjtin trend”, tha Manjani.
Manjani theksoi se po sheh një “zgjim” të PD-së kohët e fundit, por që sipas tij është i pamjaftueshëm, pasi ky zgjim duhej të kishte ndodhur minimum një vit më parë.
“Është vërtetë se ka një rritje krahasuar me matjen e fundit. Rritja është 2.2% nga shkurti, që tregon atë që thashë, se ka një zgjim të PD-së. Në fakt, nuk ishte normale, PD duhet të kishte qenë zgjuar që para një viti, po kjo është temë tjetër. Skenari normal do duhej të ishte që të kishim një PD shumë më aktive, që kohë më parë, të paktën para një viti, që sot të ishim në shifra më të mëdha, për t’i dhënë mundësinë fushatës që të tejkalosh kundërshtarin. Pra, rritja e PD është e qëndrueshme, ka rritje, por jo e mjaftueshme për të bërë rotacionin”, tha Manjani.
Po ashtu, Manjani theksoi se një dëm i madh për PD vjen edhe nga partitë e reja opozitare, pasi ato mund të marrin shumë vota nga elektorati i djathtë.
LEXONI GJITHASHTU:
The post Gjetjet e Barometrit, Manjani: PD është zgjuar por nuk mjafton për rotacionin appeared first on Euronews Albania.
Nga Ylli Manjani Nuk mund të ketë sistem drejtësie të drejtë kur punonjësi i drejtësisë trajtohet padrejtësisht. Absolutisht kështu është. Vettingu ishte trajtimi më i padrejtë që iu bë punonjësve të drejtësisë. Askush nuk u akuzua nga ai proçes për korrupsion, meqë ra fjala. Me proçese administrative të bazuara në hamendësime dhe thashetheme u larguan […]
The post Padrejtësia e vetting është padrejtësi e drejtësisë appeared first on BoldNews.al.
I ftuar në emisionin “NOW me Erla Mehillin”, juristi Ylli Manjani tha se, pavarësisht retorikës politike kundër SPAK-ut dhe kreut të saj, mbështetja ndaj Dumanit, u rrit edhe me 10% para zgjedhjeve.
Manjani tha se Altin Dumani u bë personi më i rëndësishëm para zgjedhjeve të 11 majit dhe duke argumentuar mbi këtë, i quajti deklaratat pozitive të Ramës ndaj Dumanit si një taktike të mirë politike nga ana e kryeministrit.
“Mbështetja për SPAK-u, pavarësisht retorikës politike që e sulmoi, u rrit me 10%. Drejtësia duhet lënë të punojë siç di të punojë, dhe unë jam kundër çdo lloj deklarimi politik ndaj drejtësisë. Altin Dumani u bë personi më i rëndësishëm në Shqipëri fiks para zgjedhjeve. Tani, si mendoni, një politikan duhet të përballet me Altin Dumanin apo ta mbështesë? Natyrisht, duhet ta mbështesë dhe të thotë që është një burrë i mirë, shumë i mirë, sigurisht. Kjo është taktike e pastër, e pastër fare”, tha Manjani.
Manjani shtoi gjithashtu se edhe lideri demokrat Sali Berisha nuk ka rrugë tjetër dhe duhet të ndjekë shembullin e Ramës, pasi nuk mund të vazhdohet gjithmonë me retorikë negative ndaj SPAK-ut. Ai u shpreh se mendon se Berisha dhe Rama janë në një mendje për reformimin dhe ndryshimin e standardeve të drejtësisë, dhe tha se kjo do të bëhet realitet me ardhjen e parlamentit të ri.
“Si mendoni ju, Sali Berisha do të vazhdojë me historinë e Dumanit? Nuk ka më, nuk shkohet më me këtë, sepse dhe Berisha e di shumë mirë. Ajo që themi ne në këtë pikë, edhe Zoti Berisha e kupton që nuk është puna te Dumani, por janë punë të ndara. Ajo që duhet të bëjë parlamenti dhe politika duhet ta bëjnë. Dhe kam një lajm të mirë që Edi Rama dhe Sali Berisha janë në një mendje për çështjen e drejtësisë. Për mua, është një lajm i mirë. Njëri e quan standard, tjetri thotë reformë”, tha Manjani.
Manjani u shpreh se, sipas tij, Rama thotë një të vërtetë, që kryeministri është ai që ka bërë reformën në drejtësi, dhe juristi theksoi se në këtë pjesë, Rama është i sinqertë dhe ai e beson këtë gjë.
“Edi Rama thotë një të vërtetë, ai e ka bërë reformën në drejtësi. Fiks te kjo që thotë është i sinqertë, në këtë pjesë ai thotë një të vërtetë që kam bërë unë reformën sepse ajo funksionon. Po ta doja unë nuk do të funksiononte, amerikanët shkojnë dhe vijnë, dhe ajo funksionon. Parlamenti i Shqipërisë duhet të marrë përgjegjësinë për disa gjëra që nuk shkojnë siç duhet dhe këtë duhet ta bëjë parlamenti. Këtë nuk e bën dot vetëm Edi Rama, as Sali Berisha. Vetëm ata e thonë këtë gjë në fushatë”, përfundoi Manjani.
LEXONI GJITHASHTU:
The post “Dumani u bë personi më i rëndësishëm”, Manjani: Çfarë kanë në mëndje Rama e Berisha appeared first on Euronews Albania.
Ish-ministri Ylli Manjani ka ironizuar koalicionin e Sali Berishës me 25 partitë politike. Për të ata janë një ”aleancë konservash”. Manjani shkruan se me konservat e lulit, shkohet thjesht te Luli, duke ironizuar koalicionin e Berishës me të cilin kërkon të rrëzojë Edi Ramën nga pushteti. ”Kjo është aleancë konservash, jo konservatorësh. Të vetmen gjë madhështore që mund të bëjnë është…
Disa konstatime nga debati i “drejtësisë popullore” mbi rastin Veliaj.
Dua të them se këto vëzhgimeve i takojnë publikut, interesit të tij dhe jo turmës.
1. Rrallë më qëllon të dakordësohem me Fatmir Xhafajn. Na ndan realisht një hendek i madh në mënyrën se si e konceptojmë të drejtën, ligjin dhe sistemin e drejtësisë. Por djeai ka anoncuar një të vërtetë të thjeshtë: “nuk mund të shkohet nga hetimi pasuror tek vepra penale, por anasjelltas”.
Krejt dakord.
I couln’t agree more.
Duhet ta kishte thënë këtë gjë edhe në rastin e Ben Ahmetajt, por nejse.
Ashtu duhet të jetë, por në të vërtetë vetëm ashtu nuk është. Arsyeja përse nuk funksionon ashtu siç thotë tashmë edhe Fatmiri është ligji spekulativ antimafia. Sipas atij ligji hetimi pasuror fillon edhe me indicie, krejt pa lidhje. Ai ligj, ashtu siç e shkroi vetë Fatmiri është abuziv.
Ndaj zgjidhja është ndërhyrja në atë ligj për të vendosur normalitetin. Madje për mua ai ligj duhet të jetë në trupin e Procedurës Penale, por temë tjetër ajo. Si fillim,këtë qëndrim Fatmiri duhet ta shkruajë në ligj.
2. Hetimet pasurore që kemi parë deri më sot bazohen në akte ekspertimi. Janë ekspertët ata që vlerësojnë edhe çmimet, edhe blerjet, edhe transaksionet financiare, edhe vlerën e pasurive. Prokurorët e gjykatësit janë plluqe në këto gjëra, pavarësisht njohurive individuale.
Në rastin Veliaj, sikur nuk më kanë zënë sytë ndonjë referencë ekspertësh, thjesht hamendësime prokurorësh.
Hetimet pasurore kërkojnë me çdo kusht vlerësime teknike e profesionale ekspertësh. Nëse ato mungojnë, hamendësimet janë të rrezikshme.
3. Drejtësia penale veçanërisht ka si shtyllë themelore habeas corpus. Pra faktin, ngjarjen, produktin, pasojën. Përveç një sasie parash të gjetur në kasafortë, nuk e di janë sekuestruar fustanet, brekët, bizhutë?!
Deri tani thuhet se ka fatura blerje, por produkti i blerjeve ku është?!
E kuptoj debatin e turmës mbi çmime e produkte të shtrenjta, por mesa kuptova drejtësia nuk ka asnjë produkt të tillë të sekuestruar.
4. Një grup bisnesmenësh gjenden nën hetim për këtë rast me pretendimin se ka ë sponsorizuar (si mjet korrupsioni i dyshuar kuptohet) evente artistike.
Nuk di të ketë ndonjë ndalim ligjor mbi dhënien e sponsorizimeve. Mjafton që ato të jenë bërë me bankë në këmbim të një akti juridiko-civil. Nëse nuk ka shkelje të ligjit, përse duhet të hetohen e të vendosen në skrutinitet?!
Po përgjigjes së thjeshtë që po i dhashë sponsorizim se më do qejfi, pa iu dashka përgjigjur direkt me procedim penal?!
Nuk po i hyj pastaj arsyetimit se “plaçka e korrupsionit” nuk janë sponsorizimet me bankë. Se aty dalim te turma pastaj.
Por insistoj, biznesi dhe qytetari që paguan çmimin e korrupsionit nuk është i korruptuari, por hallexhiu. I korruptuari është shtetari.
Nuk mund të ketë vepër penale mbi veprime që bazohen në ligj. Paligjshmëria është shkaku që të çon tek vepra penale.
5. Nuk e kuptoj insistimin e SPAK që nuk vlerëson deantologjinë e prokurorit të çështjes. Thelbi është ky, ai ka kërkuar një favor në bashkinë e Tiranës, të cilin nuk e ka marrë dhe për këtë duhet lënë të marrë hak?!
Po ça sistemi është ky, drejtësie apo hakmarrje?!
6. Fillimi i procedimit me anonimat, është pastaj tmerri i tmerreve.
Kjo duhet të jetë e ndaluar dreqi e mori. Shteti duhet të ketë një minimum burrnie që të përballet direkt me personin, dhe jo duke vënë në mes anonimatë.
Ja kaq janë vëzhgimet e mia, përtej turmës por gjithmonë në shërbim të publikes. Sigurisht nuk e di qëndrojnë apo jo elementët e tjerë të kësaj çështje, sepse nuk jam avokat i saj, por këto gjetje për mua janë shqetësuese për interesin publik.
Kush më njeh e ftoj të sjellë në vëmendje se vëzhgime të tilla kam bërë në kuadër të rasteve të mëparshme. Edhe atëherë nuk kanë qenë për turmën, por për publikun.
Kush do të ketë sy e veshë e të kuptojë këto janë shqetësime për të gjithë ne, jo për “mirë ja bënë qenit” të radhës.
Së fundi, cilido mik në këtë faqe që do më shfaqet me mendt e turmës, ndahet nga shoqëria me mua.
Nga Ylli Manjani Ç’duhet bërë?! Ma bëjnë shumë miq këtë pyetje. Po rendis edhe njëherë disa ndërhyrje ligjore që duhen bërë sa më shpejt, për të stabilizuar disi drejtësinë penale: 1. Masa e arrestit me burg duhet të aplikohet strikt ndaj personave të zënë në flagrancë dhe, në raste ekstreme ndaj të pandehurve nën akuzë për krime kundër jetës. Ndëshkim quhet dënimi, jo arrestimi! 2.
Juristi Ylli Manjani komentoi gjetjet e Barometrit në ”Euronews Albania”, ku 64% e shqiptarëve të pyetur mendojnë se fituese do të jetë Partia Socialiste. Në emisionin Now, Manjani tha se gjetja e këtij sondazhi është partia ‘Asnjë’, që sipas tij tregon perceptimin se asnjë parti nuk i zgjidh problemet sot. ”Në prag të këtyre zgjedhjeve shumica e shqiptarëve mendojnë se gjërat nuk po shkojnë…
Nga Ylli Manjani Edhe njëherë, që të mbrojmë llogjikën të paktën nga “Tenja juridike” që po sulmon Gjykatën Kushtetuese. Shiheni vetë Kushtetutën e shkruar, nga e njëjta “tenjë” që po avancon sot edhe kundër vetvetes. Lexojeni pikën 3 të nenit 179. Ripërtëritja nënkupton 1 mandat që zëvendësohet në vitin 2025 (që tashmë dihet se është […]
The post Tenja antikushtetuese që zuri edhe Presidentin appeared first on BoldNews.al.
Ylli Manjani ishte i ftuar në emisionin “NOW me Erla Mëhillin”, ku foli për shpalljen si investitor strategjik të dhëndrit të Trump, Jared Kushner.
Manjani theksoi se nuk e shqetëson se kush po investon në ishullin e Sazanit, por që është e rëndësishme që çdo investim, veçanërisht në sektorin e turizmit, të kontribuojë në përmirësimin e kushteve për shqiptarët dhe jo të kthehet në një efekt negativ, siç ndodhi sipas tij me rritjen e çmimeve për shkak të fluksit të turistëve.
Ai shtoi: “Po, ka pasur rritje të turistëve, por kjo ka sjellë dhe një rritje të çmimeve. Duhet që këto investime të bëhen në të mirë të vendit dhe, padyshim, duhet të realizohen.”
Një tjetër pikë që Manjani theksoi ishte se sipas Manjanit Jared Kushner në të vërtetë po vepron si ndërmjetës për një kompani arabe, e cila do të bëjë investimin në Sazan. Sipas tij, kjo kompani arabe kishte tentuar të investonte në Shqipëri edhe më parë, por ishte përzënë, dhe tani po kthehet përmes Kushner si ndërmjetës.
Eksperti i ftuar, Çoçoli, e pasoi duke shpjeguar se: “Kushner është djali i një sipërmarrësi të njohur. Kompanitë që kanë ndërtuar në vitin 2021 kanë financime nga një shtet arab, por ato janë një kompani e quajtur ‘Partnerët e Mirëbesimit’, me bazë në Miami, e cila është e zotëruar nga amerikanë, përfshirë Kushnerin. Megjithatë, nuk dimë ende saktësisht se sa aksione ka Kushner në kompaninë e dytë që do të realizojë investimin në Sazan, pasi nuk kemi informacion të plotë për këtë kompani”, tha Çoçoli.
Manjani theksoi se kjo kompani arabe kishte pasur përpjekje për të investuar në Shqipëri edhe më herët, por nuk ishte pranuar. Tani, përmes ndërmjetësimit të Kushnerit, po tenton sërish.
LEXONI GJITHASHTU:
The post Projekti për Sazanin, Manjani: Jared Kushner ndërmjetës, investimi arab appeared first on Euronews Albania.
Login