Rubin Kazan ka arritur një barazim të jashtëzakonshëm në sekondat e fundit ndaj Zenitit, duke e mbyllur sfidën 2-2 pas një përmbysjeje dramatike.

Zeniti kaloi shpejt në epërsi me dy gola në pjesën e parë, përfshirë një nga penalltia, por skuadra nga Kazani nuk u dorëzua.

Veldin Hoxha ngushtoi rezultatin në minutat e para të pjesës së dytë me një gol të bukur me kokë – goli i tij i dytë në po aq ndeshje këtë sezon.

1-2 Hodza pic.twitter.com/RgxC90upGU

— RPL Sky (@RPLNews_eng) July 27, 2025

Në minutat shtesë, ishte Mirlind Daku që vulosi barazimin me një gol vendimtar, duke realizuar për herë të parë këtë edicion.

2-2 Daku pic.twitter.com/qY3lX02Nye

— RPL Sky (@RPLNews_eng) July 27, 2025

Sipas SofaScore, lojtari më i vlerësuar i ndeshjes ishte pikërisht Mirlind Daku me notën 7.9, pasi përveç golit dominoi edhe në fushë.

Pas tij me paraqitje u vlerësua edhe Veldin Hoxha që nga SofaScore mori notën 7.7.

Dy shqiptarët ishin vendimtarë për pikën e rëndësishme që e çon Rubin Kazanin në kuotën e katër pikëve pas dy ndeshjeve. Në këtë takim startoi edhe Dardan Shabanhaxhaj. /Telegrafi/ 

The post Mirlind Daku në sekondat e fundit i shënon Zenitit, gjen golin sërish edhe Veldin Hoxha appeared first on Telegrafi.

Ishte dita e tyre. Rubin i Kazanit ka disa lojtarë me origjinë shqiptare në përbërje, dhe ata e nderuan në nisje të Premier Ligës së Rusisë.

Skuadra nga Tatarstani fitoi 2-0 në fushën e Ahmatit në Grozni, dhe autorë të golave ishin ata.

Të parin e realizoi Dardan Shabanhaxhaj, lojtar me origjinë nga Kosova e që luan për Austrinë, ndërsa të dytin Veldin Hoxha, I cili ka pranuar të luajë për Kosovën.

Gjithsesi, nuk mund të mungonte Mirlind Daku.

Sulmuesi I kombëtares shqiptare nisi aksionin e rrjetës së parë, dhe shërbeu asist me finte në të dytin.

Një rol I ri për të, të paktën në ndeshjen e parë, ndërsa duhet të justifikojë kontratën e re, që e bën lojtarin e tretë më të paguar në Rusi.

“Rubin e nisi me fitore sezonin, Daku sërish në qendër të vëmendjes, duke u bërë hero I javës së parë të kampionatit”, – shkruajnë mediat ruse.

Besohet se ambiciet e skuadrës së shqiptarëve, në të cilën bën pjesë edhe Marvin Çuni, gjithashtu I kombëtares kuqezi, janë që të hyjë në pesë më të mirat e kampionatit, ndonëse në kontratën e Dakut ekziston një klauzolë, sipas së cilës ai mund të fitojë 500 000 euro nëse ndihmon ekipin për t’u shpallur kampion.

Dyqind mijë euro të tjera I merr nëse fiton Këpucën e Artë, por për momentin po kënaqet duke dhënë asiste.

Prej disa muajsh, modelja Vesa Vllasaliu, është në qendër të vëmendjes për shkak të një romance të përfolur me futbollistin e njohur të kombëtares së Kosovës, Mirlind Daku. Edhe pse asnjëri prej tyre nuk ka konfirmuar publikisht një lidhje dashurie, fansat dhe ndjekësit në rrjete sociale kanë vërejtur detaje të shumta që nxisin dyshimet për […]

The post Romanca me Dakun mori fund? Modelja Vesa Vllasaliu zbulon detaje, çfarë ndodhi mes çiftit appeared first on BoldNews.al.

Objektivat janë vërtet të larta.

Rubin e ka provuar edhe më parë të fitojë titullin në Rusi, me kulmet në vitet 2008 e 2009, ndërsa dëshira absolute e klubit është që kjo lavdi të përsëritet.

Rubin jo më kot bëri një sakrificë të vërtetë për të mbajtur Mirlind Dakun, dhe sipas mediave në Rusi, po mendohet edhe përfshirja në garën për Premier Ligën.

Sipas të përditshmeve pranë klubit nga Tatarstani, në kontratën e rinovuar të sulmuesit kuqezi ekziston një klauzolë sipas së cilës ai do të fitojë plot 500 000 euro nëse ndihmon ekipin të shpallet kampion.

Jo vetëm kaq, por për objektvin personal, që është fitorja e Këpucës së Artë, Dakut do t’i jepen edhe 200 000 euro të tjera.

Futbollisti I kombëtares shqiptare rinovoi kontratën që I vlente deri në 2026, pasi dështoi kalimi tek Zeniti në Shën Peterburg.

Akordi I ri vlen deri në 2029, dhe raportimet janë të ndryshme lidhur me pagën e yllit nga Kosova.

Flitet për shifra nga 2 deri në 2.5 milionë euro në sezon, si dhe për një shumë prej 1.5 milionë eurosh që Daku e ka marrë në momentin e hedhjes së firmës në marrëveshje.

Lojtari I Shqipërisë ka shënuar 25 gola e ka shërbyer 12 asistë në 54 ndeshje të Premier Ligës ruse deri tani./abcnews.al

Golat do të vazhdojë t’i shënojë si më parë.

Kështu shpreson Mirlind Daku, kështu edhe drejtuesit e Rubinit dhe trajneri Rahimov, ndërsa konfirmimi për vazhdimësinë erdhi pa vonesë.

Pas lajmeve për arritjen e akordit për rinovimin e kontratës me klubin e tij, ja ku mbërritën edhe pamjet e para filmike dhe fotot e nënshkrimit.

Klubi I Premier Ligës ruse njoftoi se kjo telenovelë përfundoi, dhe se daku firmosi marrëveshjen deri në vitin 2029.

Shifra zyrtare për rrogën nuk janë dhënë, dhe asnjëherë nuk jepen, por besohet se ylli I Shqipërisë fiton një shifër rrotull 3 milionë eurove në sezon.

Kjo do të thotë se ai është lojtari I tretë më I paguar I kampionatit rus, e padyshim me pagën më të lartë tek Rubini.

Pritet, që Daku të bashkohet me skuadrën në fazë përgatitore, por vështirë të jetë gati për javën e parë të sezonit, që është në program në 20 korrik, me ndeshjen në fushën e Ahmatit të Groznit.

Sulmuesi kuqezi shëoi 15 gola e shërbeu 8 asistë në 26 ndeshje të Premier Ligës edicionin e kaluar, duke qenë më I miri jo vetëm I ekipit të tij, por edhe më I miri në Rusi për kontributin e golave dhe asisteve, ndërsa në total ka 25 rrjeta e 12 asistë në 54 ndeshje, një efikasitet tepër I lartë.

Jo më kot, Daku ishte pranë kalimit tek Zeniti, klubi më I shquar I Rusisë, për 10 milionë euro gjithsej, dhe me rrogë rreth 3 milionë euro në sezon./abcnews.al

Sulmuesi i Kombëtares Mirlind Daku, rinovoi me Rubin Kazan siç edhe pritej. Ai ka firmosur kontratë të vlefshme deri në vitin 2029.

Paga e Dakut është përfolur të ishte 3 milionë euro në sezon. Në anën tjetër, drejtori i përgjithshëm i Rubin Kazan, ka folur për prapaskenat e rinovimit.

Aibatov tregonte më parë: “Kur ka mbetur një vit apo më pak, rinovimi kthehet në çështje të rëndësishme. Ishte e rëndësishme për ne që ta zgjasnim kontratën.

Nuk kishte vështirësi të tjera. Çdo gjë përfundoi mirë. Rroga e Dakut? Thashethemet nuk janë gjë e mirë. Natyrisht, rroga e tij është më pak se 3 milionë euro”.

Kështu mbeten për t’u konfirmuar shifrat. Elseid Hysaj, është treguar se përfiton 2.8 milionë euro në sezon te Lacio.

The post Mirlind Daku rinovoi dhe bëhet më i shtrenjti i Kombëtares? Fjalët e drejtorit të përgjithshëm appeared first on Albeu.com.

Mirlind Daku ka zgjatur qëndrimin te Rubin Kazan, duke nënshkruar një kontratë të re që e mban të lidhur me klubin rus deri në vitin 2029.

Sulmuesi i Kombëtares shqiptare është kthyer në një nga lojtarët më të rëndësishëm të skuadrës dhe do të vijojë të jetë një pjesë kyçe e projektit të klubit.

Daku ishte shumë pranë transferimit te Zeniti, por marrëveshja u prish në momentet e fundit, duke e hapur rrugën për rinovimin me Rubin Kazan.

Zyrtarizimi i marrëveshjes erdhi përmes një videoje kreative, e frymëzuar nga seriali i famshëm “Squid Game”.

 

View this post on Instagram

 

A post shared by Рубин Казань Rubin Kazan (@fcrk)

Në klipin simbolik, Daku zgjedh letrën e kuqe që përfaqëson Rubin Kazanin dhe i gjuan bluzës blu të Zenitit, një mënyrë origjinale për të shpallur vendimin e tij.

Klubi rus i ka plotësuar kërkesat financiare të sulmuesit shqiptar, gjë që ka ndikuar direkt në vendimin për të rinovuar kontratën.

Më parë, kontrata e Dakut ishte e vlefshme deri në verën e vitit 2026, por tani ai është i lidhur me Rubinin edhe për tri sezone të tjera. /Telegrafi/

The post Zyrtare: Mirlind Daku mbetet te Rubin, nënshkruan deri në vitin 2029 appeared first on Telegrafi.

Mirlind Daku pritet të bëhet një nga futbollistët më të paguar në Ligën Premier Ruse (RPL), pas marrëveshjes së re të arritur me klubin Rubin Kazan.

Kontrata e re do të jetë e vlefshme deri në vitin 2029 dhe përfshin një pagë vjetore prej 2.5 milionë eurosh neto, pa përfshirë bonuset, një rritje e ndjeshme nga 700 mijë eurot që ai merrte më parë.

Me këtë marrëveshje, Daku pozicionohet menjëherë pas dy lojtarëve më të paguar aktualisht në kampionatin rus: Jhon Cordoba i Krasnodarit (4 milionë euro) dhe Wilmar Barrios i Zenitit (5 milionë euro).

Krahasimi tregon se Daku tashmë është në elitën financiare të ligës, duke reflektuar edhe rolin e tij si lider dhe golashënues kryesor i Rubinit me 25 gola dhe 12 asistime në dy sezonet e fundit.

Për dallim nga Daku, që zgjodhi të mbetet te Rubin, Cordoba dhe Barrios luajnë për skuadra që çdo vit luftojnë për titullin.

Megjithatë, Rubin po ndërton projektin rreth Dakut, duke e vendosur atë në qendër të skuadrës për sezonet e ardhshme dhe duke shtuar klauzolë largimi vetëm për klubet jashtë RPL-së.

Pavarësisht kësaj page të lartë, ekspertët e futbollit rus vlerësojnë se Daku e meriton investimin. Ai shihet si një sulmues i kompletuar dhe vendimtar për ambiciet e Rubinit në sezonin e ardhshëm.

Ish-trajneri i kombëtares ruse, Boris Ignatyev, pastaj Valeri Nepomnyashchiy, ish-trajner i Kamerunit dhe Tom Tomsk dhe Rinat Bilyaletdinov, ish-trajner i Rubinit, të gjithë e pranuan se paga e Mirlnd Dakut është e duhura, duke e vlerësuar lartë sulmuesin shqiptar. /Telegrafi/ 

The post Mirlind Daku, mes më të paguarve në Rusi – vetëm dy futbollistë marrin më shumë appeared first on Telegrafi.

Mirlind Daku ka vendosur të qëndrojë te Rubin Kazan dhe të rinovojë. Sipas mediave ruse, palët kanë rënë dakord për zgjatje të kontratës deri në vitin 2029, me përmirësim page. Mirlind Daku do të vijojë të jetë një lojtar i Rubin Kazan. Sipas mediave ruse, vendimi është marrë. Paga fikse e Dakut do të jetë […]

The post Detajet/ Mirlind Daku mbetet te Rubin Kazan, rinovon kontratën appeared first on BoldNews.al.

TIRANË, 1 korrik /ATSH/ Sulmuesi i Kombëtares, Mirlind Daku ka vendosur të rinovojë edhe me katër vite të tjera kontratën e tij me Rubin Kazan në Rusi.

Pasi dështoi kalimi i tij tek Zeniti i Shën Petersburgut, gjilanasi u bind nga Rubin dhe paga e tij fillestare do të jetë 2,2 milionë euro në sezon, që me bonuse shkojnë deri në 3 milionë euro në sezon.

Pa bonuse të tjera për golat apo paraqitjet, Daku me kontratën e re të vlefshme deri në verën e 2029 i ka siguruar minimumi 12 milionë euro.

Sipas medieve ruse, sulmuesi 27-vjeçar i kombëtares shqiptare do të fitojë 3 milionë euro në sezon me kontratën e re, një shumë që përfaqëson një rritje të ndjeshme krahasuar me kontratën e mëparshme, ku ai fitonte 700 mijë euro në vit.

Daku ka zgjedhur të qëndrojë në Kazan, ku jo vetëm që do të luajë një rol të rëndësishëm në ekip, por do të përfitojë edhe nga një kontratë shumë më e favorshme financiarisht.

Në marrëveshjen e re është përfshirë edhe një klauzolë strategjike që mund të jetë vendimtare për të ardhmen e tij afatshkurtër.

Pas 6 muajsh, Daku ka të drejtë të largohet nga Rubini nëse në adresë të tij vjen një ofertë e kënaqshme nga ndonjë klub evropian, çka i lë atij derën hapur për një transferim të mundshëm në janar 2026.

/gj.m//r.e//a.f/

The post Mirlind Daku rinovon me Rubin Kazan në Rusi appeared first on Agjencia Telegrafike Shqiptare.

Sulmuesi i Kombëtares së Shqipërisë, Mirlind Daku, është në negociata me Rubin Kazanin për rinovimin e kontratës, pasi klubi rus dëshiron ta mbajë atë në skuadër edhe për vitet e ardhshme.

Pas dështimit të transferimit të tij te Zenit Shën Petersburgu, tani Rubin Kazani ka paraqitur një ofertë të re për Dakun, duke i propozuar kontratë afatgjatë deri në vitin 2029.

Aktualisht, Daku ka kontratë me klubin rus deri në verën e vitit 2025 dhe përfiton një pagë vjetore prej 700 mijë eurosh.

Me marrëveshjen e re, paga e tij pritet të rritet në 1 milion euro në vit. Argjentinasi Valentin Vada dhe rusi Aleksey Gritsaenko janwë aktualisht më të paguarit, por Daku pritet t’i barazojë.

Bisedimet po ecin drejt përfundimit pozitiv, pasi te Rubin Kazani vlerësojnë lart kontributin e Dakut, i cili sezonin e kaluar shkëlqeu me 15 gola dhe 8 asistime në 26 ndeshje të luajtura në kampionat.

27-vjeçari iu bashkua Rubin Kazanit në verën e vitit 2023, pasi u transferua nga skuadra kroate e Osijekut.

The post Rubin Kazani e bën milioner Mirlind Dakun me kontratën e re që ia ka ofruar appeared first on Albeu.com.

Mirlind Daku po shijon në këto ditë pushime të tij të verës në Shqipëri. Por paralelisht, përfaqësues të tij po diskutojnë për të ardhmen e lojtarit, që do i garantojë fitime marramendëse, cilado qoftë zgjedhja e tij. Pak ditë më parë, Daku ishte në bisedime me Zenit Shën Petersburg, por marrëveshja dështoi. Tani, mediat ruse […]

The post Kontratë marramendëse për Dakun, propozohen shifra të padëgjuara për futbollistët e Kombëtares appeared first on BoldNews.al.

E tregoi për të gjithë pasi shënoi për kombëtaren.

Mirlind Daku ka në trup, dhe pikërisht në shpatullën e djathtë, një tatuazh kushtuar njërit prej heronjve të Ushtrisë Çlirimtare të Kosovës, Agim Ramadanit, të njohur me emrin e luftës, “Katani”.

Sulmuesi kuqezi e zbuloi tatuazhin pasi hoqi fanellën në gëzim e sipër ndërsa shënoi golin e dytë në ndeshjen Shqipëri-Poloni të eliminatoreve të Kampionatit Europian në Arenën e Tiranës.

Ky tatuazh që në atë kohë krijoi polemika nga mediat serbe, duket se ka lënë shenjën e tij edhe në Rusi, dhe sipas asaj që shkruhet në Moskë, mund të ketë qenë një nga arsyet që Daku nuk kaloi tek Zeniti.

Një nga mediat ruse, duke iu referuar burimeve brenda klubit nga Shën Peterburgu, shkruan pikërisht se transferimi dështoi për këtë arsye.

Logjika ta do që të mendosh se Zeniti mund të ketë kërkuar nga futbollisti që ta hiqte tatuazhin, dhe ky të mos ketë pranuar.

Vetë presidenti i këshillit të drejtorëve në klub, Medvedev pohoi se “mosmarrëveshjet nuk kishin të bënin vetëm me paratë”.

Besohet se Daku kërkoi të paktën 3 milionë euro në sezon, ose ndoshta deri në 3.5 milionë, por klubi rus i ofroi deri në 2.2 milionë.

Transferimi nga Rubini tek Zeniti do të arrinte nivelin e 10 milionë eurove, ndërsa tani lojtarit i takon që të bashkohet me ekipin e tij në 20 korrik për fazën përgatitore./abcnews.al

Mediat ruse vijojnë të analizojnë prapaskenat e dështimit të transferimit të sulmuesit kosovar, Mirlind Daku, nga Rubin Kazani te Zenit St. Petersburg.

Sipas raportimeve të Gazeta.ru, trajneri i njohur rus, Rinat Bilyaletdinov, ka ngritur dyshime se prapaskena të natyrës politike dhe ndjeshmëri brenda ekipit mund të kenë ndikuar në vendimin e Zenitit për të tërhequr interesimin ndaj Dakut. Bilyaletdinov përmend praninë e disa lojtarëve serbë në skuadër si një faktor potencial për tension të mundshëm brenda grupit.

“Zeniti ka një bërthamë të fortë serbe – Drkushiq, Erakoviq… dhe ndoshta transferimi i Dakut do të sillte më shumë ndarje sesa përfitim. Qëndrimi i tij në Euro 2024 nuk kaloi pa u vërejtur. Në një ambient të tillë, një figurë me deklarata të forta mund të konsiderohet rrezik për harmoninë e skuadrës,” deklaroi Bilyaletdinov.

Lexo po ashtu Detaje nga dështimi i transferimit të Mirlind Dakut te Zenit St. Petersburg – prapaskenat dhe ndikimi i Gazpromit

Sipas trajnerit rus, edhe nisja e negociatave për një transferim të tillë ishte e çuditshme, duke marrë parasysh tensionet e mundshme që mund të shkaktonte.

Ndërkohë, një tjetër medium rus, Bombardir.ru, ka përmendur një arsye tjetër të mundshme për dështimin e marrëveshjes – një tatuazh që Daku ka në shpinë në nderim të heroit të UÇK-së, Agim Ramadani.

Sipas burimeve të paidentifikuara, drejtuesit e Zenitit kanë pasur rezerva për këtë detaj dhe kanë preferuar të tërhiqen nga marrëveshja, pavarësisht se palët ishin thuajse në finalizim.

Të gjitha këto raportime janë spekulime mediatike dhe nuk janë konfirmuar zyrtarisht nga asnjëra palë.

Megjithatë, ato reflektojnë ndjeshmëritë që mund të ndikojnë në prapaskenat e transferimeve, veçanërisht kur përfshihen lojtarë nga rajone me histori të tensionuar politike. /Telegrafi/

The post Pse dështoi transferimi i Mirlind Dakut te Zeniti? Dyshime për ndikim politik dhe faktorë të brendshëm appeared first on Telegrafi.

Një nga lëvizjet më të përfolura të afatit kalimtar të verës për lojtarët shqiptarë ka dështuar në momentet vendimtare. Mirlind Daku, sulmuesi një nga emrat më të spikatur të Superligës së Rusisë sezonin e kaluar, nuk do të transferohet te Zeniti, edhe pse gjithçka ishte thuajse në fazën finale të marrëveshjes.

Burime të shumta në media ruse raportojnë se shkaku kryesor i prishjes së marrëveshjes ishte paga e kërkuar nga ana e futbollistit shqiptar.

Daku dhe menaxheri i tij kishin kërkuar një pagë vjetore më të lartë se 3.5 milionë euro, një shifër që konsiderohet tepër e lartë nga ana e drejtuesve të klubit rus, për një lojtar që ende nuk ka provuar veten në nivelet më të larta evropiane.

Zeniti, ndonëse klubi më i fuqishëm në Rusi dhe me fuqi financiare të konsiderueshme, ka ndjekur në vitet e fundit një politikë më të kujdesshme për sa i përket pagave dhe menaxhimit të buxhetit.

Kreu i Bordit të Drejtuesve të Zenitit, Alexander Medvedev, konfirmoi dështimin e bisedimeve me një deklaratë të shkurtër për media.

“Thjesht nuk arritëm të gjenim një marrëveshje me lojtarin dhe menaxherin e tij. Ai nuk do të vijë te Zeniti”, deklaroi Medvedev.

Sulmuesi shqiptar ka ende disa opsione në tavolinë, përfshirë klube nga Serie A dhe Süperligën e Turqisë.

The post Zeniti konfirmon tërhiqjen nga gara për Mirlind Dakun: Kërkesa financiare, pengesa kryesore appeared first on Albeu.com.

Sulmuesi kuqezi Mirlind Daku do të vijojë të luajë në kampionatin rus, pasi pritet të transferohet te Zeniti.

Raportohet se 27-vjeçari do të përfitojë më shumë se 3 milionë euro në sezon.

Më herët u raportua për interes të disa skuadrave, përfshirë edhe nga kampionati italian, por Daku do të qëndrojë në Rusi.

Sipas mediave atje, lojtari kërkohet me ngulm nga Zeniti, një nga klubet më të mëdha me financa të forta.

Futbollisti e pëlqen idenë e të luajturit për këtë ekip, veçanërisht për kushtet ekonomike, pasi i është premtuar një pagë prej rreth 3.5 milionë euro në sezon.

Përfaqësuesit e të dy klubeve kanë konfirmuar nisjen e tratativave, të cilat duket se janë afër një marrëveshjeje financiare që i kënaq të dyja palët.

Aktualisht Daku fiton nën 600 mijë euro te Rubin Kazan, ndaj në rast transferimi do të përfitonte 6 herë më shumë.

Sulmuesi do të firmosë një kontratë 3-vjeçare me të drejtë rinovimi. Zeniti numëron 11 tituj kampion në Rusinë e periudhave të ndryshme dhe dikur ishte ndër skuadrat më të fuqishme financiarisht në Evropë, duke transferuar yje të njohur.

Nga ana tjetër, Daku është një lojtar fizikisht i fortë, i njohur për efikasitetin në portë, duke shënuar 15 gola dhe asistuar 6 herë në sezonin e fundit.

LEXONI GJITHASHTU:

• Messi vlerëson Kupën e Botës për Klube: Inter Miami mezi pret të garojë
• Dy vite jashtë fushave të blerta, Monaco i hap dyert Pogbas

The post Pagë mbi 3 milionë euro në sezon, Mirlind Daku drejt transferimit te Zenit appeared first on Euronews Albania.

Ditën e sotme, është raportuar lajmi se Mirlind Daku do të ndërrojë skuadër në merkaton e verës.

Sulmuesi i Kombëtares shqiptare do të largohet nga Rubin Kazani për t’u transferuar tek Zenit St Petersburg.

Përpara se ky transferim të zyrtarizohet, “Telesport” ka zbuluar dhe detajet e fundit.

Klubi i Rubin Kazanit do të përfitojë 8 milionë euro për shërbimet e Mirlind Dakut që do të largohet.

Ndërsa sulmuesi kuqezi pritet të përfitojë gati 3 milionë euro në sezon bashkë me bonuse.

Statistikat e 27-vjeçarit në sezonin që lamë pas ishin vërtetë mbreslënëse. Në 26 takime në kampionat, realizoi 15 gola dhe 8 asiste.

The post Mirlind Daku pranë transferimit te Zeniti, zbulohen detajet e shifrave që fiton Rubin Kazan dhe sulmuesi shqiptar appeared first on Albeu.com.

Mirlind Daku do të jetë lojtari më i ri i Zenit Shën Petersburg. Klubet janë drejt marrëveshjes përfundimtare, ndërsa sulmuesi i Kombëtares shqiptare do të transferohet nga Rubin Kazan. “GazetaBlic” ka zbuluar detajet e kësaj lëvizje. Kështu Rubin Kazan do të përfitojë 4.5 milionë euro, ndërsa testet mjekësore priten të dielën. 27-vjeçari kishte edhe një vit […]

The post Mirlind Daku ndryshon skuadër, Rubin Kazan përfiton shumën e majme appeared first on BoldNews.al.

Mirlind Daku është deklaruar pas barazimit pa gola të Shqipërisë ndaj Serbisë në “Air Albania”.

Sulmuesi shqiptar ka thënë se e meritonin fitoren, duke u bazuar nga loja që kanë bërë.

“Lëndimin që kam pas më herët nuk e kam ndjerë, nga dëshira e madhe për të luajtur në këtë ndeshje”, deklaroi Daku pas ndeshjes.

Lexo po ashtu Shqipëria dominoi Serbinë, por fati mungoi – barazim pa gola në “Air Albania”

“Të them të drejtën nga shanset që kemi krijuar dhe nga ajo çfarë bëri kundërshtari, duhet ta fitonim këtë ndeshje”.

“Po të ishim më sy hapur do të arrinim të shënonim dhe të fitonim. Dhamë atomin e fundit për këtë ndeshje”.

“Tifozët ishin fantastik, pasi e dinë se e jap atomin e fundit dhe më bënë jashtëzakonisht mirë”.

Lexo po ashtu Dueli Shqipëri–Serbi, ndeshje me emocione - gjithçka minutë pas minute

“Shpresoj që në ndeshjet e ardhshme të gëzojmë këtë popull sepse e meriton”.

“Gjithçka është e hapur, pasi pas tri ditësh kemi ndeshjen me Letoninë dhe do të tentojmë të realizojmë objektivin tonë, pasi për të gjithë është ëndërr që të shkojmë në Botëror”, përfundoi Daku. /Telegrafi/

The post Mirlind Daku thotë se Shqipëria e meritoi fitoren: Gjithçka është ende e hapur appeared first on Telegrafi.

Përzgjedhësi i Shqipërisë, Sylvinho, ka habitur shumë me zgjedhjet e tij për formacionin që do të përballet me Serbinë sonte nga ora 20:45.

Në një sfidë me peshë të jashtëzakonshme, ai ka vendosur të lërë në stol emra të rëndësishëm të ekipit, si Ardian Ismajli, Mirlind Daku dhe Ylber Ramadani, duke i besuar një formacion që po ngjall shumë diskutime.

Formacioni i publikuar për këtë ndeshje ka këtë pamje: Strakosha – Hysaj, Ajeti, Djimsiti, Mitaj – Shehu, Asllani – Broja, Laci, Hoxha – Manaj.

Në letër, kjo skuadër duket e balancuar, por vendimi për të lënë jashtë lojtarë që kanë shkëlqyer në fushë dhe që kanë qenë pjesë e rëndësishme e suksesit të fundit të Shqipërisë, ka krijuar pakënaqësi të mëdha mes tifozëve dhe analistëve.

Dyshja e sulmit nuk kanë lojë në periudhën e fundit, me Rey Manajn që nuk ka luajtur fare me Sivassportin në dy përballjet e fundit të kampionatit, pas problmeve me klubin.

Lexo po ashtu Shqipëria hyn me të gjitha forcat ndaj Serbisë - formacionet zyrtare

Në anë tjetër, edhe përkundër talentit, Armando Broja nuk është paraqitur me Evertonin në pesë ndeshjet e fundit. Për ta gjetur një gol të Brojës duhet të kthehemi tash e një vit më parë, kur shënoi me Shqipërinë ndaj Lihtenshtejnit.

Lënia në stol e Mirlind Dakut, golashënuesit më të mirë të Shqipërisë, i cili vetëm në katër ndeshjet e fundit k katër gola shihet si një vendim i diskutueshëm.

Dakun e kemi parë gjithmonë me grintë dhe dëshirë për të shënuar, veçanërisht në ndeshje të tilla ku kërkohet shpirt lufte.

Lexo po ashtu Mesazhi dhe besimi i Tahir Batatinës për Mirlind Dakun para ndeshjes Shqipëri – Serbi

Po ashtu, Ardian Ismajli dhe Ylber Ramadani janë lojtarë me eksperiencë ndërkombëtare dhe një forcë e madhe fizike, të cilën do t’i nevojiteshin Shqipërisë kundër një kundërshtari si Serbia. Të dy kanë qenë startues në Serie A në kohën e fundit, por duket se nuk i kanë mbushur syrin Sylvinhos.

Në konferencën për shtyp para ndeshjes, Sylvinho theksoi se “e di që për disa lojtarë të tij kjo ndeshje është më emocionuese”, por duket se Arbër Hoxha dhe Arlind Ajeti, si natyra më të qeta kanë fituar formacionin, krahasuar me treshen e lartpërmendur – Daku, Ismajli dhe Ramadani – të cilët njihen për lojën e tyre të zjarrtë.

Tashmë mbetet për t’u parë nëse formacioni i zgjedhur do të mund t’i përgjigjet presionit të Serbisë, apo do të detyrojë trajnerin që të kthejë shpejt në fushë lojtarët që ka lënë jashtë. /Telegrafi/

The post Shqipëri – Serbi: Sylvinho lë në stol yjet nga Kosova- taktizim për t’i ikur emocioneve të lojtarëve, apo… appeared first on Telegrafi.