Nga Edison Vatnikaj Prokuroria e posacme do të marrë pjesë së dëgjesës si dëshmtarë edhe disa biznesmen të cilët besohen se kanë përfituar apo kanë kryer veprime me qëllim marrjen e tenderave nga kompania 5D konstruksion që reuzlton në emër të dy ish drejtorëve të bashkisë Tiranë Redi Molla dhe Mariglen Qato. Një nga biznesmenet […]

The post “5D”, tendera korruptiv dhe preferencial/ SPAK thërret “bosët“ e ndërtimit në gjykatë appeared first on BoldNews.al.

Këtë të enjte, në procesin e dosjes “5D” për të dëshmuar ishte Jona Bejko, e cila zbulohet në komunikime tek flet për një hotel që, sipas saj, pronar është kryebashkiaku i arrestuar i Tiranës, Erion Veliaj, apo siç e quan ajo “Lali Eri”.

Jona Bejko: Jam inxhiniere. Kam qenë e punësuar tek subjekti “5D”. Llogarisja kostot e objekteve. Kam aplikuar online, jam marrë në telefon, pastaj intervistë nga administratori, i takon periudhës 2020. Paga mujore ka qenë 60 mijë lekë të reja. I merrja në bankë, merrja edhe lekë në dorë për orët shtesë.

Redi Mollën nuk e njoh personalisht, nuk e kam parë asnjëherë. Mariglen Qaton nuk e njoh dhe as nuk e kam parë.

Kam pasur marrëdhënie me Jonida Hoxhajn, e cila ka qenë shefe finance në kompani. E kam pasur shumë shoqe. Gjatë komunikimeve që kisha me Jonidën ne i referoheshim Redit me emrin “R”, dhe sa i takon Mariglen Qatos, i thonin “M”.

Prokurori: Në lidhje me hotelin që thua që është pronar “Lali Eri” për kë e keni?

Jona Bejko: Janë në lidhje me faktin që isha e pakënaqur me punën. Në lidhje me hotelin po ndërtohej në Durrës. Në lidhje me fjalën që them është pronari jonë, i referohem Redi Mollës, duke qenë se ishte pronar trualli.

Prokurori: Tek fjalia që thoni “Lali Eri pronari”, kujt i referoheni?

Jona Bejko: Është e shëmtuar që keni nxjerrë këto biseda, nuk kam asnjë lloj interesi të dëshmoj. Kjo fjalë më ka përndjekur. Bëhet fjalë për Erjon Veliajn. Duke qenë se Redi Molla dhe Mariglen Qato kishin njohje në bashki, kam dashur të them që kjo që mund të ketë ardhur nga influenca e kryetarit të bashkisë. Nuk mendoj se Veliaj kishte interesa në këtë hotel.

Nuk kam dijeni që kompania të ketë hotel në Dhërmi apo më gjerë. Sa i takon hotelit në Durrës, kam dëgjuar se Redi Molla ishte pronar trualli dhe kam dëgjuar se në atë pronë po ndërtohej hoteli.

The post Dosja “5D”/ Jona Bejko dëshmon për hotelin në Durrës, ankohet për bisedat e nxjerra me Lali Erin appeared first on Albeu.com.

Në Gjykatën e Posaçme u zhvillua këtë të martë seanca gjyqësore ndaj Leonard Dukës dhe Erlis Dukës, të akuzuar për vrasjen e Santiago Malkos. Të martën para gjykatës u paraqit për të dëshmuar babai i tyre, Muhamet Duka.

“Kam lidhje miqësore me dy nga të pandehurit, disa nga të pandehurit e tjerë kam lidhje gjaku. Pranoj të dëshmoj para gjykatës,” deklaroi Duka në nisje të dëshmisë së tij.

69-vjeçari shtoi: “Nuk di që djemtë e mi të kenë patur konflikte me Santiago Malkon. As me Ervis Martinaj s’di të kenë patur konflikt.”

Babai i të pandehurve tha se nuk e njihte Ervis Martinaj dhe nuk ishte në dijeni të konflikteve që djemtë e tij mund të kishin me të.

“Nuk kam patur konflikt personal me Santiago Malkon. Leonard dhe Erlis Duka nuk kanë patur konflikt me Santiago Malkon. Ervis Martinajn nuk e njoh. Me këto shtetas djemtë e mi në dijeninë time s’kanë pasur asnjë konflikt,” tha ai.

Pyetjes së prokurorit Behar Dibra, Duka iu përgjigj:

“Aleksandër Maxhaku është i njohur për mua, është nipi im nga motra. Shkurt e thërrasin ‘Leks’, ‘Aleks’, varet. Kam 6 vjet pa e takuar, shumë ka. Nuk kam takuar ta takoj, nuk di asgjë ku ndodhet. Dritan Agaj është i njohur për mua. Njeri i njohur për ne. Një mbesa jonë e ka për burrë atë. E kemi tonin deri diku. Dritanin e kam parë me djemtë e mi, i shihja si çuna. Oltion Loga…

Nuk më kanë sjellë ndonjëherë shqetësime. Me shokët e çunave nuk jam ulur ndonjëherë. Nuk jam lënduar asnjëherë nga askush, gjysmën fjalë nuk më kanë thënë. Gëzim Mumajesin dhe Rivelino Mumajesin nuk i njoh. Aktiviteti i djalit me lloto i mirë ka qenë, tatimet i paguante, kështu e di unë. Me djalin rrija shumë rrallë, kisha punët e mia. Ervis Martinajn e kam dëgjuar si emër në media. Nuk e kam parë me djalin tim. Santiago Malkon e kam dëgjuar në media.”

Seanca e radhës është caktuar për më 9 korrik, ora 10:00, ku SPAK pritet të japë pretencën për të pandehurit Leonard Duka, Erlis Duka, Oltion Loga, Aleksandër Maxhaku, Fatmir Hyseni dhe Dritan Aga.

LEXONI GJITHASHTU:

• Vrau ish-policin, Blendi Teta dënohet me 25 vite burg
• I përfshirë në vrasjen e Santiago Malkos, SPAK kërkon 25 vjet burg për Ilir Selmanin

The post “Ervis Martinajn s’e njoh, as Malkon”- Dëshmon në gjyq babai i vëllezërve Duka appeared first on Euronews Albania.

Një ngjarje e rëndë ka ndodhur në fshatin Sheqishtë të Patosit ku babai dyshohet se ka abuzuar seksualisht me vajzën e tij 12 vjeçare. Bëhet fjalë për shtetasin e identifikuar si Zamir Meta (36 vjeç) baba i 7 fëmijëve i cili dyshohet se ka abuzuar me vajzën e tij që kur ishte 5 vjeç Në […]

The post Del FOTO/ Kush është 36-vjeçari që dyshohet se abuzoi seksualisht me vajzën e tij në Patos appeared first on BoldNews.al.

Në Gjykatën e Posaçme kundër Korrupsionit dhe Krimit të Organizuar, u zhvillua këtë të premte seanca gjyqësore ndaj Plarent Dervishajt, i ekstraduar nga Dubai dhe i akuzuar për një sërë veprash penale, përfshirë atentatin ndaj ish-prokuorit Arjan Ndoja.

Në këtë proces, dëshmoi dhe vetë ish-prokurori Ndoja, aktualisht deputet i Partisë Demokratike i dalë në listën e hapur të Durrësit.

Gjatë dëshmisë së tij, Ndoj rrëfeu atentatin e vitit 2019, në të cilin u qëllua mbi makinën ku ai udhëtonte së bashku me Aleksandër Lahon, i njohur si “Rrumi i Shijakut”. Në këtë ngjarje tragjike, drejtuesi i automjetit, Andi Maloku, humbi jetën, ndërsa Ndoja dhe Laho mbetën të plagosur.

Ish-prokurori zbuloi në GJKKO lidhjet me Rrumin e Shijakut dhe njohjen dhe marrëdhëniet me të pandehurit dhe personat e tjerë të përfshirë.

“Me Aleksandër Lahon u bë 5 vite që s’e kam takuar dhe s’kam asnjë kontakt me të. Me Genc Malokun e takoj edhe sot e kësaj dite kemi marrëdhënie të mira. Me Dorian Shabun nuk kam pasur asnjë kontakt dhe bisedë për ngjarjen. Unë nuk kam rreth shoqëror të përbashkët me Dervishajn dhe njoh që e kam parë fizikisht por s’kam asnjë lidhje. Le të thotë edhe vetë.”

Ai foli edhe për takimin me Basri Meçen, babain e Julian Meçes.

“Basri Meçen e kam takuar te një notere, kam biseduar për një informacion që më kishte ardhur për ngjarjen që flitej që i përfshirë ishte dhe djali i tij. I thashë që nëse është i përfshirë është e rëndë dhe nëse jo, atëherë ishte një intrigë dhe i thashë largoje djalin se ata që i bënë atë të herës së parë s’e parë mund të na ngatërrojnë. I thashë largoje djalin. Të pandehurit e tjerë në këtë proces nuk i njoh veç Bashkim Haxhijas, që e kam dëgjuar si person i hetuar në një gjykim tjetër”- tha Ndoja.

Ish-prokurori u pyet edhe për marrëdhëniet me Pëllumb Muharremin, i njohur si “Rrumi i Shijakut”.

“E kam njohur në 2005 në kohën kur kam qenë avokat. E ruajta marrëdhënien disa vjeçare. Marrëdhëniet janë marrëdhënie shoqërore, kur njihesh me dikë, e takon i flet për kafe, s’ka pse të ketë shkak për ruajtjen e një marrëdhënieje. Drekën atë ditë më 1 nëntor e kanë organizuar të tjerët. Pas ngjarjes në 2019 nuk kam asnjë kontakt me të.”

Për momentet e atentatit, Ndoj rrëfeu, si mjeti doli nga rruga pas të shtënave.

“Kemi qenë në karrexhatë, pas nesh ishte mjeti tjetër jonë. Shofer ka qenë Andi Maloku, unë kam qenë në sediljen e parë, pas Pellumb Muharremi. Pas të shtënave dolëm nga rruga. Në momentin që ka ndodhur ngjarja nuk e kam parë dot mjetin e autorëve,” tha ai.

LEXONI GJITHASHTU:

• GJKKO jep vendimet për 5 të pandehurit e atentatit ndaj ish-prokurorit Ndoja
• Të shtëna me armë zjarri drejt lokalit të ish-shoferit të ish-prokurorit Arjan Ndoja

The post Arjan Ndoj rrëfen njohjen me “Rrumin”: E njoh që në 2005-ën, pas atentatit… appeared first on Euronews Albania.

Ish-prokurori Arjan Ndoj, ka dëshmuar në gjyqin ndaj Plaurent Dervishajt në GJKKO, i cili akuzohet se organizatori i atentatit ndaj tij, ngjarje e ndodhur rreth orës 16:00 të datës 1 nëntor 2018 në autostradën Durrës-Tiranë, në afërsi të mbikalimit të Shkozetit.

Arjan Ndoji, i cili është zgjedhur deputet në votimet e 11 Majit 2025, ka treguar itinerarin ditën e atentatit, duke u shprehur se ndodhej në makinë me shoferin e tij Andi Maloku, i cili ndërroi jetë si pasojë e plagëve të marra nga plumbat, si edhe me Rrumin e Shijakut.

“Ka qenë data 1 nëntor, ora 13:00. Konsumuam drekë me ca miq, kemi ndenjur deri rreth orës 16:00. Kam qenë me shoferin Andi Maloku, dhe Aleksandër Lahon. Këtë e kam njohur si avokat.

Në makinë drejtues mjeti ka qenë Andi Maloku, unë isha në sediljen e pasagjerit, pas ishte Aleksandër Laho. Unë do kthehesha për shtëpi, edhe ai për shtëpi, kemi pasur një segment të përbashkët rruge”, u shpreh ai, duke shtuar se në atë periudhë banonte në Shëngjin.

Ish-prokurori u shpreh se kur filluan të shtënat fillimisht nuk e ka kuptuar, pasi iu duk si plastmas.

“M’u duk si plastmas, plumbat vinin nga mbrapa. Nuk kemi arritur ta shohim makinën, se nuk arrim dot. Të shtënat kanë qenë nga dy armë, se dallohet zhurma e ndryshme. Kanë qenë të shtëna, por jo breshëri”, theksoi ai.

Ndërsa shtoi se shoferi i ndjerë Andi Maloku, ngadalësoi shpejtësinë dhe pasi doli nga makina ra pa ndjenja në tokë.

“Makina u ngadalësua nga i ndjeri. Vetëm 3 minuta kam qenë koshient, jam rrëzuar në tokë pasi dola nga makina, isha pa ndjenja 6-7 minuta dhe e kam pa veten në spital.

Momentin që ka hapur derën, ndjesë pastë, Andi ra, duhet të ketë pasur dhimbje. Se ia doli të dalë nga makina. Është si xhep vendi ku na goditën”, tha ai.

Arjan Ndoji: Në 2019 kam banuar në Tiranë, me punë kam qenë në Durrës. Gjatë muajit kam banuar në qytetin e Shëngjinit për periudhën që ti më pyet.

Kam pasur makinë Mercedes Benz, automjetin e drejtonin të gjithë personat e familjes. Gjate muajit tetor të 2019 kam marrë një djalë në punë, i cili fatkeqësisht nuk jeton më, Andi Maloku. Ka qëndruar me mua rreth një muaj, më shumë i kam dhënë unë makinës sesa ai, thjesht doja të ishte.

Përveç situatës që u godita me armë zjarri, nuk ka diçka tjetër.

Ka qenë data 1 nëntor, ora 13:00. Konsumuam drekë me ca miq, kemi ndenjur deri rreth orës 16:00. Kam qenë me shoferin Andi Maloku, dhe Aleksandër Lahon. Këtë e kam njohur si avokat.

Në makinë drejtues mjeti ka qenë Andi Maloku, unë isha në sediljen e pasagjerit, pas ishte Aleksandër Laho. Unë do kthehesha për shtëpi, edhe ai për shtëpi, kemi pasur një segment të përbashkët rruge.

Te pjesa e parkimit të lokalit, kemi ndenjur 10 minuta, nuk e di a ka pasur njeri.

Itinerari, te ura e Dajlanit, pastaj te mbikalimi, sa kaluam në mbikalim, filluan të shtënat. Nuk e kuptova fillimisht, mu duk si plastmas, plumbat vinin nga mbrapa.

Nuk kemi arritur ta shohim makinën, se nuk arrim dot.

Të shtënat kanë qenë nga dy armë, se dallohet zhurma e ndryshme. Kanë qenë të shtëna, por jo breshëri.

S’jam e sigurt sa, por 13 predha duhet të jenë.

Makina u ngadalësua nga i ndjeri. Vetëm 3 minuta kam qenë koshient, jam rrëzuar në tokë pasi dola nga makina, isha pa ndjenja 6-7 minuta dhe e kam pa veten në spital.

Momentin që ka hapur derën, ndjesë pastë, Andi ra, duhet të ketë pasur dhimbje. Se ia doli të dalë nga makina. Është si xhep vendi ku na goditën.

Nuk kam dijeni kush më ka qëlluar.

Nuk kam pasur absolutisht me asnjë njeri asnjë problem, as me kthyer kokën mbrapa as majtas. Nuk kam pasur, e nuk kam shqetësime.

Fizikisht njoh vetëm këtë njeriun këtu (Plarent Dervishaj). Kam qenë në një takim një herë me një avokat.

Unë motivin dua të di. Kam dëgjuar nga shtypi, nga shkresat që më keni nisur ju, por nuk e di pse e kanë bërë. Nuk i kam borxh askujt, më intereson arsyeja.

Kam një shtëpi në Shëngjin. Aty kam qëndruar. Nuk kam parë automjete të dyshimta, ndoshta ju duket e habitshme, por nuk kam pasur asnjë shqetësim. Edhe sot, pas 6 vitesh, të dalë dikush të më thotë se ça borxhi u kam.

I vetmi shqetësim i imi ka qenë nga kryeministri, ish zv kryeministri, që kanë bërë deklarata publike për mua dhe për vetingun e famshëm. Janë bërë lëvizje mashtruese në rotondo, që teknikisht të ndryshosh.

Unë vetëm një shqetësim kam pasur në atë kohë, deklaratat e drejtuesve të qeverisë. Sepse mendoja që mund të më vinin operacionalen, ose të më bënin presion me vetingun. Të vetmet lëvizje mashtruese që kam bërë në atë kohë ka qenë për të evitoj operacionalen.

Është goditur prokurori, jo Arjan Ndoja. Arjan Ndoja ja ku është.

The post Atentati i porositur nga Plarent Dervishaj, dëshmon Arjan Ndoj: U rrëzova në tokë pasi dola nga makina, më pas e pashë veten në… appeared first on Albeu.com.

Makinat që u sollën në Durrës nga shtetësja rumune dhe shtetasi maroken, njëra prej të cilave u përdor vetëm 3 muaj më pas në vrasjen e Ermir Dedjas, u pritën nga Erjon Ndoni, banues në Durrës. Në emisionin “Në Shënjestër” u publikua dëshmia e tij dhënë grupit hetimor ku ka konfirmuar se porosia për dy […]

The post Vrasja e Ermir Dedjas/ “Makinat u blenë për 24 mijë euro”, dëshmia e Erjon Ndonit: Ja kush e bëri porosinë appeared first on BoldNews.al.

Deri në vitin 2012 askush nuk kishte dëgjuar për të. Të paktën emri i tij, asnjëherë nuk ishte bërë publik, ndonëse në dosjet e Policisë së Vlorës kishte shënime operative, që e përfshinin si të dyshuar në disa ngjarje. E shkuara e tij e errët, me krime të nisura që në adoleshencë, nisi të dalë […]

The post Vrasja e kryekomisarit Artan Cuku dhe si i “shpëtoi” Bledar Jambelli ekstradimit në Shqipëri appeared first on BoldNews.al.

I mbijetuari i vetëm dhe dëshmitari okular i tragjedisë ka përshkruar momentet që pasuan rrëzimin e aeroplanit të Air India. Vishwas Kumar Ramesh, i cili ishte ulur në sediljen 11A pranë daljes së emergjencës, ende nuk mund ta kuptojë se si arriti të shpëtonte.

Aeroplani u rrëzua në një konvikt mjekësh disa minuta pasi u ngrit nga Aeroporti Ndërkombëtar Sardar Vallabhbhai Patel i Ahmedabadit. Në bordin e fluturimit ishin gjithsej 169 indianë, 53 britanikë, një kanadez, shtatë portugezë dhe 12 anëtarë të ekuipazhit.

Duke folur për Hindustan Times, Ramesh përshkroi momentet dramatike: “Edhe unë nuk mund ta besoj që dola gjallë. Për një moment mendova se do të vdisja edhe unë. Por kur hapa sytë dhe shikova përreth, kuptova se isha gjallë. Ende nuk mund ta shpjegoj.”

45-vjeçari tha se menjëherë pas ngritjes, dritat në kabinë filluan të dridheshin dhe më pas aeroplani u përplas në një ndërtesë. Pjesa e avionit në të cilin ai ishte mbeti në tokë, ndryshe nga pjesa tjetër e aeroplanit që ishte e ngjitur në çatinë e ndërtesës.

“Në fillim mendova se kisha vdekur. Pastaj pashë një vrimë në trup, arrita të zgjidhja rripin e sigurimit, përdora këmbën për të hapur kapakun dhe dola jashtë”, tha ai.

I shokuar Ramesh shtoi: “Nuk e di se si mbijetova. Pashë njerëz që vdisnin para syve të mi  asistentë fluturimi, dy persona që ishin pranë meje… Dola nga rrënojat.”

Siç është raportuar nga Hindustan Times, Ramesh kishte qenë në Indi për disa ditë për të vizituar familjen e tij dhe po kthehej në Britani me vëllain e tij.

Duke mbajtur ende biletën e tij, Ramesh përshkroi momentin kur e kuptoi tragjedinë: “Kur u ngrita, kishte trupa përreth meje. U frikësova. U ngrita dhe fillova të vrapoja. Kishte copa të aeroplanit kudo. Dikush më kapi, më futi në një ambulancë dhe më çuan në spital.”

The post Dëshmia e të mbijetuarit të fluturimit Air India: Nuk e di se si mbijetova appeared first on Lapsi.al.

I penduari i drejtësisë, Artan Tafani rrëfeu edhe një ngjarje tjetër atë të vitit 2022, në shtëpinë e Bujar Tukut.

Ai tha se i kishte thënë Laert Haxhiu se dyshonin që ai kishte mbajtur nipin e Aldo Bares, Xhulio Shkurtin.

“Sa herë merrnim makina, ato mbaheshin me emrat e të dashurave. Edhe një nga makinat e radhës e kishte e dashura e Laertit e cila me sa më kujtohet ishte nga Gjirokastra.

Na duhej një makinë. Pamë një makinë të parkuar, ishte një çift brenda. Trokitëm, ju thamë jemi policia, keni parkuar keq.

Ajo goca u tremb, djalin e qëlluam me dackë. I zbritëm nga makina e morëm dhe ikëm.

Laerti na priste në rrugën e vjetër dhe ne u kthyem mbrapsht, Laerti para me Audi, ne mbrapa”, tha ai.

The post “Makinat i regjistronim me emrat e të dashurave”, dëshmia e ushtarit të Laert Haxhiut appeared first on Lapsi.al.

Këtë të mërkurë është mbajtur seanca e radhës në GJKKO me dëshmitë e të penduarit të drejtësisë, Artan Tafani, i cili ka rrëfyer përfshirjen e tij në një sërë krimesh të rënda, në kuadër të grupit kriminal të drejtuar nga Laert Haxhiu. Para togave të zeza, Tafani ka rrëfyer edhe mënyrën sesi është organizuar dhe […]

The post “Vrasja e Albi Bashaliut u bë si nder për Lilin”/ Tafani: Morëm 30 mijë €, na i solli babai i Laertit appeared first on BoldNews.al.

Bashkëpunëtori i drejtësisë, Artan Tafani, është rikthyer sërish para togave të zeza të Gjykatës së Posaçme, për të rrëfyer detaje të reja mbi vrasjen e Albi Bashaliut.

Në dëshminë e tij, Tafani ka treguar se urdhri për eliminimin e Bashaliut, erdhi nga Laert Haxhiu, i cili kërkonte hakmarrje në emër të Lorenc Lalës.

Sipas Tafanit, babai i viktimës kishte vrarë babanë e Lorencit në burg, ç`ka ndezi zinxhirin e gjakmarrjes.

“Duhej ta bënim për Lorenc Lalën”, është shprehur Tafani në sallën e gjyqit.

Gjithashtu, ai rrëfeu se viktima, që merrej me tregtinë e pulave, u lokalizua në fshatin Gjonçaj. Aty ishte organizuar vrasja, me planifikim dhe logjistikë të mirëpërgatitur: makina e përdorur ishte një Audi i bardhë, ndërsa armët me silenciator u siguruan nga Bledar Berberi.

“Kam qëlluar katër herë, dy herë në gjoks dhe dy në shpatull. Tjetër armë nuk punoi”, tha Tafani, duke shtuar se pas vrasjes u larguan me një Benz me targa greke, i cili më vonë u dërgua në Greqi nga Laerti.

Tafani theksoi se veprimtaria kriminale, ishte e organizuar dhe e mbështetur nga figura kyçe të krimit të strukturuar, përfshirë njerëz të afërt me Saimir Taullain, Ligor Romaçka e Bledar Berberi.

The post Dëshmia tronditëse e Artan Tafanit për ekzekutimin e Albi Bashaliut/ E kam qëlluar 4 herë, Laert Haxhiu kërkonte… appeared first on Albeu.com.

Në seancën e zhvilluar këtë të martë në Gjykatën e Apelit të Posaçëm, ka vijuar dëshmia e bashkëpunëtorit të drejtësisë, Erion Alibej, një prej figurave kyçe në dosjen “Plumbi i Artë”. Ai përballet me akuza të rënda për drejtimin e një grupi të strukturuar kriminal dhe porositje vrasjesh.

Në dëshminë e tij, Alibej rrëfeu një sërë veprimesh të ndërmarra pas vrasjes së vëllezërve Viktor dhe Besmir Haxhia në Durrës, përfshirë kontaktet me Nuredin Dumanin, strehimin e tij në Elbasan dhe tentativat për kapjen e të shumëkërkuarit Talo Çela.

“Klevis Allën nuk e kam takuar asnjëherë. Në atë periudhë, Nuredini ishte i pasigurt nëse Klevisi kishte folur apo jo për të,”- deklaroi Alibej.

Ai tha se kishte marrë Dumanin në Elbasan për shkak të gjendjes së rënduar në të cilën ndodhej ky i fundit në zonën e Spillesë. Për këtë qëllim, Alibej pretendon se kishte blerë një banesë në Elbasan dhe e kishte strehuar Nuredin Dumanin.

“Vendosa të marr Nuredinin në Elbasan, sepse kisha merak për të, mos i ndodhte gjë në Spille ku nuk kishte kushte. Bleva një shtëpi në Elbasan, pasi nuk po gjeja më me qira, dhe ia mora në emër të Sander Bahos. Kemi marrë informacion që Talon e strehonte Abedin Mama. Po bënim vëzhgime dhe Nuredini më tha që kishte angazhuar ‘çunat e Fushë-Krujës’, vetëm me emrat Besi dhe Veri. Ata kishin shkuar te një pulëtorja për të kërkuar Talon.”

Ai shtoi: “Dumani ishte zhvendosur në Spille dhe ishte në gjendje të keqe, kështu që vendosa ta marr në Elbasan. I bleva një shtëpi dhe e kompletuam. Para se të shperngulej familjarisht, Nuredini fillimisht erdhi vetë. E mori Sander Baho në dalje të autostradës, dhe për disa kohë qëndroi në shtëpinë e tij. Më pas, e tërhoqa në shtëpinë që kisha blerë për të.”

“Nga fundi i prillit, më kontaktoi një djalë me emrin Endri Karaj, i cili më tha se donte të fliste me mua në emër të Xhuljan Hoxhës. I thashë se nuk isha në Shqipëri, megjithëse isha në shtëpi në Elbasan. Më vonë, kam komunikuar me Xhuljan Hoxhën, i cili më dërgoi foto dhe më tha që Rigers Runaj po i jepte të gjitha informacionet. Më tha se Runaj ishte afër shtëpisë sime. Unë nuk e zgjata shumë bisedën dhe i thashë që kur të kthehem në Shqipëri do ta takoj fizikisht.”- tha Alibej.

LEXONI GJITHASHTU:

• “Armët i bleja te një hoxhë”- Alibej tregon takimin me Dumanin: Videon e kam fshirë
• Erion Alibej: Shefat e policisë më thanë hajde jep dëshminë, e të lirojmë prapë

The post “Dumani u bë keq, i bleva shtëpi në Elbasan”- Alibej: Ç’ndodhi pas vrasjes në Durrës appeared first on Euronews Albania.

Në kuadër të mega-procesit gjyqësor “Plumbi i Artë”, vijon dëshminë bashkëpunëtori i drejtësisë, Erjon Alibej.

Ai shprehet se; “Me Nuredin Dumanin jam takuar pas vrasjes së vëllezërve Haxhia”.

Alibej: Për Dorjan Shkozën kam paguar 100 mijë euro, nga “hoxha” janë blerë disa armë, çmimet varionin nga 500-1000 deri në 3500 euro. Nuk e di saktë se kontaktet me “hoxhën” i kishte Sandër Baho.

Me Nuredin Dumanin jam takuar pas vrasjes së vëllezërve Haxhia. Por me Nuredinin isha në kontakt të vazhdueshëm, Henrik Hoxhën e njihja vetëm dhe kam dëgjuar që kishte presudimin “Kusho” edhe “Nipi” që i drejtohej Klevis Allës.

Me Nuredinin flisja për Talo Çelën, që pas vrasjes së Dorjan Shkozës do të bëhej i gjallë apo jo.

Gjithashtu, vijoja investigimin për Altin Ndocin, ky shkonte shpesh në Durrës tek vëllezërit Haxhia.

Klevis Alla, kishte parë një ditë Talon tek shtëpia e vëllezërve Haxhia, por Nuredini e mori me rezerva. Nuredini është angazhuar me qenë i përgatitur me “çunat e Fushë-Krujës”, por emrat e tyre nuk i dija.

Në Sky ECC më shkuan Plarent Dervishi, kam pasur kontakt me të, ai kishte kodet “Barcelona” dhe “Gost”. Plarenti më tha: “Mbohet qefi që e ke gjetur Talo Çelën”, unë u habita nga e dinte ky, pastaj u kujtova që Plarenti kishte shumë muhabet me Festim Qolin.

Kishim një makinë Toyota të vjedhur që e kisha blerë në Shijak, ia dhashë Nuredinit dhe armët që ai donte, ia dhashë tek Pazari i Rrogozhinës, ishte me Klevis Allën kur e mori.

Më pas, Nuredini kërkoi dhe 50 mijë euro, ia çova me një mikun tim dhe i dërgova 150 mijë për të vijuar. Këtë e bëra që edhe Nuredini të shikonte që unë kisha lek dhe të kishte besim.

The post Erjon Alibej vijon dëshminë: Nuredin Dumani u angazhua me “çunat e Fushë-Krujës”, e dinim që Talo Çela do bëhej i gjallë pas vrasjes së Dorjan Shkozës appeared first on Albeu.com.

Në Gjykatën kundër Krimit të Organizuar dhe Korrupsionit (GJKKO), ka vijuar sot dëshmia e të penduarit të drejtësisë, Erion Alibej, në kuadër të çështjes “Plumbi i Artë”. Ai ka rrëfyer rreth kthimit të tij të fshehtë në Shqipëri, lidhjeve me emra të njohur të botës së krimit dhe informacioneve mbi një plan për atentat ndaj […]

The post Dëshmia e Alibej në GJKKO: Më ftonin të dilja nga shtëpia për të më zënë pritë, informatori im ishte… appeared first on BoldNews.al.

Në seancën e zhvilluar këtë të enjte, bashkëpunëtori i drejtësisë, Erion Alibej, rrëfeu më tej në Apelin e GJKKO përpjekjet personale për gjetjen e personave që vranë vëllanë e tij, Endrit Alibej, në atë që njihet si “masakra e Bradasheshit”.

Alibej deklaroi se në fund të shkurtit 2020 kishte zhvilluar një takim me Nuredin Dumanin, të organizuar nga Arjan Spahiu, ku ky i fundit i kishte treguar emrat e ekzekutorëve të vëllait, duke përmendur konkretisht Talo Çelën, Besmir Haxhinë dhe Altin Ndocin.

“Talo është bërë i vështirë për t’u kapur, por unë di kush janë ekzekutorët e familjes tënde. Edhe tek vëllezërit Baho dhe djali i dajës kanë qenë po këta, më tha Dumani”, rrëfeu Alibej.

Pyetjes së prokurorit të SPAK-ut nëse e kishte ruajtur regjistrimin e bisedës me Nuredin Dumanin, i cili zgjati 2 orë e 48 minuta, Alibej u përgjigj “Jo”, duke pranuar se regjistrimi ishte fshirë.

Ai rrëfeu gjithashtu se i kishte dhënë 50 mijë euro Dumanit dhe një telefon të koduar përmes aplikacionit Sky ECC.

“Lekët ishin nga trafiku i drogës me kamion për transport punoja me aq pak miq që më kishin mbetur, drogën e çonin shofer rumun. Unë kisha rreth 200 mijë euro total”, tha Alibej.

Ai po ashtu shpjegoi paktin që kishte bërë me Nuredinin, duke theksuar: “I thashë Dumanit që do betohem në Kuran dhe do të fal gjakun e vëllait”, duke iu referuar faktit se Dashnor Dumani ishte personi i përfshirë në vrasjen e vëllait të tij, Endrit Alibej.

Në vijim të dëshmisë, Alibej tregoi se një natë pas takimit, Nuredini i kishte shkruar: “Vëlla, mbaroi i pari, shiko TV,” ku ai pa lajmet për vrasjen e Dorian Shkozës dhe Anxhelo Avdisë.

Ai zbuloi gjithashtu lidhjet e tij me një hoxhë në Tiranë, i cili ishte i përfshirë në tregtinë e armëve dhe ndihmonte blerjen e tyre, duke thënë vetëm: “Rrinte tek Fresku”.

Për më tepër, Alibej tha se kishte akses në sistemin TIMS përmes policit Leonard Alltja, duke theksuar rolin e tij në mbledhjen e informacionit.

LEXONI GJITHASHTU:

• “Betohem në Kuran, ta fal gjakun” Alibej dëshmon në GJKKO, zbulon bisedat me Dumanin
• Bandat e Elbasanit dhe tregu i kokainës, dëshmon Alibej: Si nisi përplasja me Çopjat

The post “Armët i bleja te një hoxhë”- Alibej tregon takimin me Dumanin: Videon e kam fshirë appeared first on Euronews Albania.

Në Gjykatën e Apelit të Posaçëm u zhvillua këtë të enjte seanca e radhës për dosjen e bujshme të njohur si “Plumbi i Artë”. Në qendër të seancës ishte dëshmia e radhës e bashkëpunëtorit të drejtësisë, Erion Alibej, i akuzuar si kreu i një organizate kriminale në Elbasan dhe porositës i disa vrasjeve për motive hakmarrjeje.

Alibej tregoi përpara trupës gjykuese rreth rrethanave që, sipas tij, çuan në vrasjen e vëllait të tij, Endrit Alibej, në ngjarjen e njohur si “Masakra e Bradasheshit”, ku mbetën të vrarë gjithashtu Arben Dylgjeri dhe shtetasi turk Erdal Durunay.

“Për vrasjen e Endritit shkova disa ditë në Roterdam, pastaj u ktheva në Shqipëri. I shkruajta Genc Tafilit se kishte diçka për të më treguar. Disa ditë më pas, ai vjen në shtëpinë time bashkë me Dorian Dulin. Më thanë se Dorianin e kishin takuar në Shkodër Talo Çela dhe i kishin thënë se Endriti kishte rrahur Kamer Mehjen në të shkuarën,” deklaroi Alibej.

Ai pretendoi se, në përpjekje për të mësuar të vërtetën, ka takuar vetë Kamer Mehjen dhe disa të tjerë në tregun e Elbasanit:

“I kërkova takim Suel Çelës për ta bërë me Kamerin. Ai më tha: ‘Nuk vi dot, se janë katunarët aty’, duke iu referuar Çopjave. Më pas, takova Kamer Mehjen, Mario Çelën dhe djalin e Kamerit. Kameri më tha se nuk ishte takuar kurrë me Endritin,” shtoi ai.

Alibej përmendi edhe një informacion që, sipas tij, i kishte ardhur përmes një burimi nga burgu i Peqinit.

“Një mik i imi, që ndodhej në burgun e Peqinit, më tregoi se një i njohur i tij, Flobens Meçe, me nofkën ‘Çoli’, kishte dëgjuar një bisedë ku përmendeshin Talo Çela, Mikel Kanani dhe Altin Ndoci, të cilët diskutonin për vrasjen time. Thuhej: ‘Sa lek do, vetëm na vrit Erjonin’, por Dorian Duli nuk kishte pranuar,” tha ai.

Në vijim të dëshmisë, ai përmendi edhe Ardian Çollakun, që sipas tij i kishte shërbyer si informator.

“Çollaku donte të lidhte kontakte. Prej tij kam marrë vesh për herë të parë se kush ishte Dashnor Dumani. Ai më tregoi se vëllai i tij kishte grabitur një kambist në lagjen Kala. Unë kisha akses në sistemin TIMS dhe kontrolloja çdo lëvizje. Fillova të identifikoja me foto të gjithë emrat: Çopjat, Qosja, Dumanin,” deklaroi Alibej.

Alibej vijoi me pretendimet për rolin e Suel Çelës në kontekstin e ngjarjeve kriminale në Elbasan:
“Suel Çela kujtonte se më kishte lënë në gjumë, por unë nuk kam fjetur asnjëherë. Madje mendoj se unë e kam lënë Suel Çelën në gjumë. Po grumbulloja shumë informacion, jo vetëm për Çopjat apo Dumanin, por për të gjithë. I kisha me foto, hyrje-dalje, sistemin TIMS e kontrolloja vetë”.

Më tej, Alibej rrëfeu edhe për ndërhyrjet politike dhe mbështetje që, sipas tij, grupet kriminale në Elbasan kishin në institucionet e rendit.

“Po humbja besimin tek drejtësia në Elbasan. Mësova se Abedin Mama bëri një takim me Ardi Veliun dhe Tonin Vocajn. Kjo mu përputh me ndërrimin e drejtorëve. E mora si informacion. Ndërkohë kërkoja ekzekutorët e familjarëve të mi. E kam bërë vetë hetuesin, prokurorin, gjyqtarin. I kam vënë në dispozicion drejtësisë të gjitha informacionet e mia”.

Alibej tregoi se pas vetëdorëzimit, kontaktin e parë e bëri me prokurorin Leonard Palushi.
“Kur isha në paraburgim më erdhi prokurori që më akuzonte për Xhoni Rustën dhe Ridvan Sukën. I tregova gjithçka, pasi ai kishte edhe hetimin e vrasjes së familjarëve të mi. Nuk doja t’i hyja luftës, por kisha shumë familjarë që më kishin sytë mua”, tha ai.

Një pjesë veçanërisht e rëndë e dëshmisë së tij kishte të bënte me indiferencën e shtetit, për zbardhjen e vrasjes së vëllait të tij.

“Unë ja kisha dhënë informacionin disa punonjësve policie. E kisha gjithë qëllimin tek Talo Çela. Më vinin informacione nga Arjan Spahiu, Bujar Shega dhe të tjerë. Por pavarësisht se ua dhashë të gjitha, ekzekutorët më kanë shkuar deri tek fëmijët në shkollë, deri tek nëna kur shkonte në varreza. Është bërë zero veprim nga shteti. U është lënë hapësirë grupeve të ekzekutorëve. Ne kishim mort një herë në gjashtë muaj në shtëpi”, theksoi Alibej.

Sipas tij, edhe pas atentatit ku u vra Kevi Baho, një telefonatë erdhi në adresë të motrës së tij.
“Motrës i erdhi një telefonatë. I thanë: ‘Atë që i ndodhi vëllezërve e ke nga Sandër Baho dhe një vëlla’. E kuptova që e kishin për turbullim. I thashë ta denonconte. E denoncoi, por askund nuk u zbardh”, tha ai.

Dëshmia vijoi më pas me një rrëfim mbi vrasjen e kushëririt të tij: “Andi Zylyfi, njeri shumë i afërt me mua dhe me familjen, u vra 7 muaj pas atentatit ndaj vëllezërve Baho. Pas vrasjes së tij, unë isha në kërkim. Gjithçka që bëja e investoja vetëm për mbrojtje dhe për të gjetur ata që na goditën”.

LEXONI GJITHASHTU:

• “Betohem në Kuran, ta fal gjakun” Alibej dëshmon në GJKKO, zbulon bisedat me Dumanin
• Bandat e Elbasanit dhe tregu i kokainës, dëshmon Alibej: Si nisi përplasja me Çopjat

The post “Në Elbasan nisën intrigat”- Alibej vijon dëshminë: U detyrova të bëja prokurorin appeared first on Euronews Albania.

Vijon dëshmia e të penduarit të drejtësisë, Erion Alibej, në kuadër të dosjes “Plumbi i Artë”, ku ai ka rrëfyer me detaje se si përmes rrjeteve të informatorëve dhe teknologjisë shtetërore, kishte ndërtuar një skemë monitorimi për rivalët e tij në botën e krimit.

Në seancën e fundit, Alibej deklaroi se Ardian Çollaku, ishte burimi i tij më i besuar dhe përmes tij kishte mësuar për herë të parë se kush ishte Dashnor Dumani.

“Ai më tregoi që vëllai i tij kishte grabitur një kambist në lagjen Kala”, tha Alibej.

Më tej, ai shtoi se kishte pasur akses në sistemin TIMS dhe e përdorte për të kontrolluar hyrje-daljet e personave që konsideronte të rrezikshëm për jetën e tij.

“Kisha hyrje-daljet, fotot dhe lëvizjet e të gjithëve — nga Çopjat te Qosja, tek Dumani”, u shpreh ai, duke shtuar se kishte filluar të humbte besimin tek institucionet e drejtësisë në Elbasan.

Ai përmendi edhe një takim të dyshimtë mes Abedin Mamës, Ardi Veliut dhe Tonin Vocajt në Elbasan, që përkoi me ndërrimet e drejtuesve të Policisë, duke nënkuptuar ndikim të paligjshëm në zinxhirin drejtues.

“Unë po kërkoja ekzekutorët e familjarëve të mi. Kam bërë vetë hetuesin, prokurorin, gjyqtarin dhe i kam vënë në dispozicion drejtësisë çdo informacion”, tha Alibej, duke nënvizuar se që pas vetëdorëzimit, personi i parë që kishte informuar ishte drejtuesi i prokurorisë Leonard Palushi.

Në paraburgim, prokurori Ridvan Suka — i cili po hetonte vrasjet e familjarëve të tij dhe çështjen e Xhoni Rustës — ishte takuar me të.

“I tregova gjithçka që dija, nuk doja luftë, sepse pas meje ishin shumë familje që shikonin vetëm mua”, përfundoi ai.

The post Dëshmia e Alibej në GJKKO: Më ftonin të dilja nga shtëpia për të më zënë pritë, informatori im ishte… appeared first on Albeu.com.

Detaje të reja janë zbardhur lidhur me ngjarjen e ndodhur mbrëmjen e djeshme në Durrës, në zonën e Fllakës, pranë kufirit me Shënavlashin, ku një 36-vjeçar është qëlluar me armë zjarri.

I plagosuri, Arbër Goreja, ka sqaruar se kishte qenë duke udhëtuar kur një makinë tip “Ford” e bardhë e cila e ka ndjekur dhe ka ndaluar paralelisht me mjetin e tij. Pasi ka ndaluar, automjeti ka hapur zjarr, duke e qëlluar me armë në trup. Sipas deklaratës së tij, ai ka marrë tre plumba, ndërsa njëri e ka kapur në brinjë.

Arbër Goreja ka theksuar se nuk i njeh autorët e sulmit dhe ka siguruar se nuk ka pasur asnjë konflikt me persona të tjerë. Ai ka shtuar se mendon se mund të jetë ngatërruar me dikë tjetër.

“Isha duke ardhur në Durrës dhe mu afrua një makinë Ford e bardhë me portobagazh. Ndërkohë që po ecja, më erdhi paralel automjeti dhe më qëlloi tri herë me pistoletë. Mua më kapi një plumb në brinjë. Në fillim nuk po kuptoja nga shoku dhe më pas më nisi dhimbja. Makina më ndoqi disa metra dhe më pas ndaloi. Nuk i njoh autorët. Unë nuk kam konflikte të kaluara me persona të tjerë. Ndoshta më kanë ngatërruar me ndonjë person tjetër”, tha Arbër Goreja.

Policia ka nisur hetimet për zbardhjen e plotë të ngjarjes dhe identifikimin e autorëve të mundshëm.

The post Detaje nga plagosja në Durrës, çfarë deklaroi 36-vjeçari appeared first on Lapsi.al.

Në Gjykatën e Apelit të Posaçëm kundër Korrupsionit dhe Krimit të Organizuar u zhvillua këtë enjten seanca e radhës për çështjen e njohur si “Plumbi i Artë”, ku dëshmoi bashkëpunëtori i drejtësisë, Erion Alibej.

I akuzuar si kreu i një organizate kriminale në Elbasan dhe porositës i disa atentateve për motive hakmarrjeje dhe trafik droge, Alibej rrëfeu përpara trupës gjykuese të kaluarën e tij familjare dhe përplasjet me figura të njohura të botës së krimit, përfshirë vëllezërit Çopja dhe Suel Çelën, me të cilët më herët kishte pasur marrëdhënie miqësore.

Në dëshminë e dhënë, Alibej akuzoi Franc dhe Hajdar Çopjën për përfshirje në vrasjen e vëllait të tij, Endrit Alibej, në atë që njihet si “Masakra e Bradasheshit”, ku u vranë gjithashtu Arben Dylgjeri dhe shtetasi turk Erdal Durunay.

“Pas vrasjes së vëllait, fillova të bëja kërkime për të zbuluar se kush ishte pas saj. Ditën e ngjarjes isha në kërkim, por autoritetet më kërkuan të paraqitesha për të dhënë informacion dhe më premtuan se do më lejonin të isha pranë familjes,” tha Alibej para gjykatës. Ai shtoi se në këtë kohë kishte dyshime të shumta dhe se ndonëse i vinin fjalë për vëllezërit Çopja, nuk i besonte.

Sipas dëshmisë, ditën e ceremonisë mortore të vëllait, Alibej është kontaktuar nga policia dhe drejtues të lartë të saj, përfshirë ish-drejtorin e policisë së Elbasanit, Altin Qato, dhe Niko Brahimajn nga Krimet e Rënda. Ai tregoi se, në këmbim të një deklarate, iu premtua liria e përkohshme për të qëndruar pranë familjes.

“Edhe në analizat e mia vetëm problemi me Xhoni Rusten më dilte. Edhe pse më vinin fjalë për vëllezërit Çopja, prapë s’i besoja. Më ka ardhur dhe familja e Suelit, ushtarë të tyre, ndër ta dhe ‘Nino’. Bisedova dhe me Suelin dhe më tha: ‘Rri i qetë se do dali e vërteta, shyqyr që s’ke qenë dhe ti në makinë’. I thashë: ‘Po kush ka gjujt?’

Ditën që çova familjarët në banesën e fundit, drejtor në Elbasan ishte Altin Qato. Më vijnë policët dhe donin të flisnin me mua, ndërkohë unë isha në kërkim. Niko Brahimaj ishte te Krimet e Rënda, më thanë: ‘Hajde të deklarosh dhe do të të lirojmë sërish të jesh afër familjes’.

Shkova, ishte Qato, Brahimaj dhe shefi i komisariatit që e dija që ishte i shitur tek Suel Çela. I thashë: ‘Nuk e dua këtë këtu’, dhe e nxorën jashtë. Më thanë: ‘E dimë që je në kërkim, por na ndihmo me ndonjë informacion se kë dyshon’. I thashë: ‘Do ju duket çudi, por mos kanë ngatërruar objektivin, nuk di ku t’ju drejtoj’.

Siç ma dhanë fjalën që do përcillja familjarët në banesë, më liruan. I thashë atij shefit të komisariatit që nxorën jashtë: ‘Bën mirë të ikësh nga ky qytet’.”- deklaron Alibej.

Një tjetër element i rëndësishëm i dëshmisë ishte rrëfimi për një takim në Hagë me Suel Çelën. Sipas Alibejt, ky takim ndodhi pasi kishte kaluar ilegalisht nga Qafa e Botës në Sarandë drejt Holandës. Ai tha se përmes aplikacionit të koduar “EncroChat” kishte komunikuar me Çelën, i cili e lidhi me një ndërmjetës për ta takuar në Hagë.

Në vijim të dëshmisë së tij, Alibej foli edhe për një takim në Hagë me Suel Çelën, që kishte ndodhur pasi kishte kaluar kufirin në mënyrë të paligjshme nga Qafa e Botës, Sarandë, drejt Holandës.

“Te vetmit që s’më kanë thënë apo s’më kanë çuar llaf që ‘s’ta kam bërë unë’ ishin Çopjat.

Kam shkuar në Holandë, klandestin nga dogana e Qafë Botës në Sarandë, për të takuar Suel Çelën. Sueli në atë kohë ishte personi më i përfolur si i përfshirë në vrasjen e vëllait.

Flas në Encro me Suelin dhe më sjell një person, Segein Hasanpapën, për të më marrë dhe u takuam në Hagë. Bëj bisedë të gjatë me Suelin dhe më tha që janë ata, Hajdar Çopja, Franci, këta ta kanë bërë. Dhe flitet për vjedhjen e 50 kile kokainë.

I thashë Suelit që një nga gjuajtësit është ushtari jot, një shkodran që thirrej ‘Naqo’. Sueli i shkruajti direkt atij. Pastaj në bisedë i thashë: ‘Po me avokat Ravikun çfarë patët?’ Më tha: ‘I futi hundët shumë tek “Maçi”’.

Kam folur shumë aty me Suelin dhe më garantoi se janë Çopjat pas asaj që më ndodhi”- deklaroi Alibej.

LEXONI GJITHASHTU:

• “Betohem në Kuran, ta fal gjakun” Alibej dëshmon në GJKKO, zbulon bisedat me Dumanin
• Bandat e Elbasanit dhe tregu i kokainës, dëshmon Alibej: Si nisi përplasja me Çopjat

The post Erion Alibej: Shefat e policisë më thanë hajde jep dëshminë, e të lirojmë prapë appeared first on Euronews Albania.