David De Gea tashmë ka dhënë sinjale që mund të kthehet sërish te Manchester United. 

Sipas The Sun, United po konsideron mjaft seriozisht një rikthim të portierit veteran. 

Raportohet se 34‑vjeçari ka një klauzolë në kontratën me Fiorentinën që mund të lejojë largimin e tij për një shumë relativisht të vogël. 

Po ashtu, në sfond po bëhen “telefonata diskrete”, pasi De Gea la një përshtypje të mirë gjatë rikthimit të tij në “Old Trafford” për një ndeshje miqësore të zhvilluar fundjavën që shkoi. 

Lexo po ashtu Man Utd po e konsideron rikthimin senzacional të De Geas në “Old Trafford”

Pas asaj ndeshjeje, De Gea u shpreh se rrugët e tij dhe ato të tifozëve mund të takohen sërish në të ardhmen. 

“Një moment magjik për mua dhe familjen, për t’u rikthyer në Old Trafford, shtëpinë time. Nga zemra, faleminderit për pritjen dhe dashurinë që më treguat”. 

“Për tifozët që asnjëherë nuk më lanë gjatë kohës që isha këtu. Rrugët tona mund të takohen sërish”, kishte thënë spanjolli. 

De Gea numëron 545 paraqitje me United mes viteve 2011 dhe 2023, duke u renditur i shtati në listën e lojtarëve me më së shumti paraqitje për klubin. 

Megjithatë, një mosmarrëveshje kontraktuale bëri që ai të largohej dy verë më parë si lojtar i lirë, dhe të zëvendësohej me Andre Onanan nga Interi për një tarifë prej 43.8 milionë eurosh. 

Pas një sezoni të plotë 2023/2024 pa klub, De Gea nënshkroi për Fiorentinën verën e kaluar aty ku po luan aktualisht./Telegrafi/

The post De Gea i ka bërë të qarta ndjenjat e tij për një rikthim të mundshëm tek Man Utd appeared first on Telegrafi.

Teleferiku në Vodno i plotëson të gjitha standardet e përcaktuara për siguri dhe posedon certifikatë të vlefshme për punë deri më 24 shtator 2025, thonë nga Ndërmarrja e Qarkullimit “Shkup”.

Prej atje thonë edhe se dje është kryer mbikëqyrje e jashtëzakonshme e detajuar inspektuese teknike nga ana e Ministrisë së Transportit dhe Lidhjeve, me ç’rast nuk janë konstatuar mangësish, por vetëm se teleferiku është në gjendje të rregullt dhe funksionale.

Teleferiku në Vodno të Mesme, për momentin nuk është në funksion për shkak të një ndërhyrjeje të madhe servisi, ndërsa nga ndërmarrja publike thonë se sapo të përfundojnë punimet, përsëri do të vihet në përdorim.

Më herët, Miço Stojanovski nga sindikata e NQP-së për disa media deklaroi se teleferiku në Vodno në periudhën e kaluar ka punuar pa leje pune dhe ka përfaqësuar rrezik për qytetarët.

The post Inspektim i jashtëzakonshëm i teleferikut në “Vodno”, NQP: Është i sigurt dhe me certifikatë të vlefshme deri në shtator 2025 appeared first on Telegrafi.

Divizioni i Apelit i Gjykatës së Bosnjës dhe Hercegovinës hodhi poshtë ankesën e Milorad Dodik kundër vendimit të Komisionit Qendror të Zgjedhjeve (KQZ) i cili i hoqi atij mandatin si President i Republika Srpska.

Kështu shkruajnë mediat në Bosnjë dhe Hercegovinë, sipas të cilave, me këtë, Dodik zyrtarisht nuk është më në atë pozicion dhe KQZ është e detyruar të shpallë zgjedhje të parakohshme për presidentin e entitetit.

Ju kujtojmë se KQZ-ja kishte marrë më parë një vendim për ndërprerjen e mandatit të tij, por ai mund të hynte në fuqi vetëm pasi të bëhej ligjërisht i detyrueshëm, domethënë, i konfirmuar nga Divizioni i Apelit i Gjykatës së Bosnjës dhe Hercegovinës.

Dhe vendimi i sotëm vendosi ligjërisht se Dodik nuk e kryen më funksionin e Presidentit të RS-së.

Edhe pse avokatët e Dodikut pretenduan se kishte arsye ligjore për anulimin e vendimit, gjykata e hodhi poshtë ankesën e tyre.

Kjo hoqi pengesën e fundit për thirrjen e zgjedhjeve të parakohshme në entitetin e Republikës Srpska.

Megjithatë, më herët sot nga Banja Luka, Dodik njoftoi mbajtjen e një referendumi në fund të shtatorit, në të cilin qytetarët e RS duhet të përgjigjen nëse pranojnë që përfaqësuesi i lartë në BeH të marrë vendime dhe nëse e njohin vendimin me të cilin ai u shkarkua.

Në të njëjtën fjalim, Dodik tha se nuk do të ketë zgjedhje të parakohshme në RS, megjithëse tani është e qartë se KQZ-ja do të jetë e detyruar t’i shpallë ato.

Përveç kësaj, ai njoftoi një referendum të dytë brenda 90 ditëve nga i pari, këtë herë për shkëputjen e entitetit, të cilin Dodik e ka përsëritur për vite me radhë, por nuk e ka zbatuar kurrë deri më tani. /Telegrafi/

The post Zyrtare: Dodik nuk është më President i Republika Srpska, Gjykata e BeH e hodhi poshtë ankesën e tij appeared first on Telegrafi.

Gjykata Kushtetuese ka publikuar aktgjykimin e plotë  për çështjen e konstituimit të Kuvendit.

Sipas aktgjykimi thuhet se Gjykata, në mënyrë të përmbledhur rikujton që përmes Aktgjykimit të të 26 qershorit 2025 lidhur me afatin për konstituimin e Kuvendit konstatoi që “Seanca Konstituive e Kuvendit është një akt kushtetues që duhet të përmbushet me sukses brenda 30 ditëve nga data e shpalljes zyrtare të rezultateve të zgjedhjeve, përmes përmbushjes të të gjitha elementeve thelbësore të konstituimit, përfshirë zgjedhjen e Kryetarit dhe nënkryetarëve.

Lexo po ashtu Kushtetuesja: Zgjedhja e Kryetarit të Kuvendit të bëhet me votim të hapur dhe me pjesëmarrjen e të gjithë deputetëve

Në aktgjykimin e Kushtetutës bëhen të ditura “Meritat e kërkesës” që mund t’i lexoni më poshtë:

Gjykata, fillimisht rithekson që në rastin KO124/25 për objekt shqyrtimi të kërkesës së parashtruesve kishte vlerësimin (i) e çështjes ndërlidhur me konstituimin e Kuvendit dhe afatit për konstituimin e tij, si dhe (ii) të pretendimit të parashtruesve të kërkesës për “ndryshimin e rendit të ditës së Seancës Konstituive” dhe propozimin e Kryesuesit për themelimin e “Komisionit për Votim të Fshehtë”.

Gjykata, në mënyrë të përmbledhur rikujton që përmes Aktgjykimit të saj në rastin KO124/25, të 26 qershorit 2025 lidhur me afatin për konstituimin e Kuvendit konstatoi që “Seanca Konstituive e Kuvendit, në kuptim të paragrafit 1 të nenit 66 të Kushtetutës është një akt kushtetues që duhet të përmbushet me sukses brenda 30 (tridhjetë) ditëve nga data e shpalljes zyrtare të rezultateve të zgjedhjeve, përmes përmbushjes të të gjitha elementeve thelbësore të konstituimit, përfshirë zgjedhjen e Kryetarit/es sipas paragrafit 2 të nenit 67 dhe nënkryetarëve sipas paragrafëve 3 dhe 4 të nenit 67 të Kushtetutës.

Çdo interpretim ndryshe do të relativizonte rendin kushtetues, respektivisht Kushtetutën e Republikës së Kosovës dhe do të nënkuptonte tolerim të bllokimit institucional, në kundërshtim me natyrën funksionale të një demokracie të udhëhequr nga parimet e demokracisë dhe të sundimit të ligjit.” (shih, paragrafin 145 të Aktgjykimit). Këtë konstatim, Gjykata e mbështeti ndër tjerash në atë që përcaktimet në paragrafin 1 të nenit 66 të Kushtetutës nënkuptojnë se mbajtja e seancës konstituive brenda afatit 30 (tridhjetë) ditor, nuk është mundësi formale apo orientuese, por detyrim kushtetues që lidhet ngushtë me fillimin e mandatit të legjislaturës së re. Sipas Gjykatës, kërkesa nga paragrafi 1 i nenit 66 të Kushtetutës, që Kuvendi të mbajë Seancën Konstituive brenda 30 (tridhjetë) ditëve nuk do të thotë vetëm që deputetët e zgjedhur duhet të mblidhen fizikisht në sallë po që kuptimi i kësaj norme duhet të jetë substancial dhe funksional, duke nënkuptuar që brenda këtij afati duhet të realizohen të gjitha veprimet kushtetuese që rezultojnë në konstituimin e Kuvendit, të cilat përfshijnë (i) verifikimin e mandateve të deputetëve të zgjedhur, (ii) dhënien e betimit nga ana e tyre dhe (iii) zgjedhjen e Kryetarit të Kuvendit dhe (iv) zgjedhjen e nënkryetarëve të Kuvendit. Thënë këtë, Gjykata ka ritheksuar që pa përfundimin me sukses të këtyre veprimeve kushtetuese, Kuvendi nuk mund të konsiderohet juridikisht i konstituuar dhe, rrjedhimisht, nuk mund të ushtrojë asnjë nga funksionet që Kushtetuta i ka caktuar (shih, paragrafët 131-132 të Aktgjykimit në rastin KO124/25).

Përderisa në kuptimin të vlerësimit të çështjes ndërlidhur me pretendimet për “ndryshimin e rendit të ditës” së seancës konstituive dhe propozimin e Kryesuesit të Seancës Konstituive për themelimin e “Komisionit për Votim të Fshehtë”, Gjykata konkludoi që “marrë për bazë vlerësimin dhe konstatimet si më sipër konsideron që zhvillimi dhe përfundimi i Seancës Konstituive duhet të udhëhiqet në pajtim me përcaktimet kushtetuese për konstituimin e Kuvendit, Kreun IV (Konstituimi i Kuvendit) të Rregullores së Kuvendit dhe praktikat e deritanishme parlamentare për konstituimin e Kuvendit të Republikës së Kosovës.”(shih, paragrafin 187 të Aktgjykimit në rastin KO124/25).

Në vijim të këtyre konstatimeve, Gjykata përmes pikës IItë Aktgjykimit në rastin KO124/25 vendosi që deputetët e zgjedhur të Kuvendit, në zbatim të paragrafit 1 të nenit 66, në ndërlidhje me paragrafët 1, 2, 3 dhe 4 të nenit 67, si dhe nenet 70 dhe 74 të Kushtetutës, në pajtim me Kreun IV të Rregullores së Kuvendit dhe praktikat e deritanishme parlamentare për konstituimin e Kuvendit, si dhe në përputhje me konstatimet e dhëna në këtë Aktgjykim, janë të obliguar që, dhe jo më vonë se 30 (tridhjetë) ditë nga hyrja në fuqi e këtij Aktgjykimi, të përmbushin detyrimin kushtetues për konstituimin e Kuvendit të Republikës së Kosovës përmes zgjedhjes së Kryetarit/es dhe të nënkryetarëve të tij.

Gjykata rikujton që parashtruesit e kërkesave në thelb pretendojnë që (i) propozimi i Kryesuesit të Seancës Konstituive për propozimin e anëtarëve për Komisionin për Votim të Fshehtë për zgjedhjen e Kryetarit të Kuvendit, gjatë seancave të 29 qershorit, 1 dhe 3 korrikut 2025 nuk është në përputhje me Aktgjykimin e Gjykatës në rastin KO124/25; dhe (ii) në vijim të kësaj specifikojnë që “Vendimi i Kuvendit për votimin e Komisionit për votim të fshehtë, në kuadër të vazhdimit të seancës konstituive të Legjislaturës IX të Kuvendit, të mbajtur sipas transkriptit të datës 29 qershor 2025.” është nxjerrë në kundërshtim me nenet 65 [Kompetencat e Kuvendit], 67 [Zgjedhja e Kryetarit dhe Nënkryetarëve], 74 [Ushtrimi i Funksionit] dhe 76 [Rregullorja e Punës] të Kushtetutës.

Pretendimet e parashtruesve të kërkesave kundërargumentohen nga deputetja e Lëvizjes Vetëvendosje!, Znj. Saranda Bogujevci, e cila në komentet e dorëzuara në Gjykatë, në emër te Lëvizjes Vetëvendosje!, në thelb, thekson që (i) votimi i fshehtë është i lejueshëm si një kompromis i mundshëm mes deputetëve, me qëllim të konstituimit të Kuvendit; dhe (ii) propozimi i Kryesuesit të Seancës për formimin e komisionit për votim të fshehtë paraqet përpjekje të sinqertë për të gjetur “kompromisin apo konsensusin” e nevojshëm për mënyrën e votimit, me qëllim të konstituimit të Kuvendit; (iii) mos-pjesëmarrja e deputetëve në votimin për formimin e komisionit për votim të fshehtë bllokon shprehjen e vullnetit të shumicës; dhe (iv) të gjithë deputetët e zgjedhur të Kuvendit kanë për obligim gjetjen e një mënyre për të zgjedhur Kryetarin dhe nënkryetarët e Kuvendit. /Telegrafi/

The post Kushtetuesja publikon aktgjykimin e plotë për konstituimin e Kuvendit të Kosovës appeared first on Telegrafi.

Negociatorët e Hamasit në Kajro kanë marrë një propozim të ri për armëpushim në Gaza, tha të hënën një zyrtar palestinez, me kryeministrin e ndërmjetësuesit kryesor Katar që është gjithashtu në Egjipt për të nxitur një armëpushim.

Përpjekjet e ndërmjetësuesve Egjipti dhe Katari, së bashku me Shtetet e Bashkuara, deri më tani kanë dështuar të sigurojnë një armëpushim të qëndrueshëm në luftën e vazhdueshme, e cila për më shumë se 22 muaj ka krijuar një krizë të tmerrshme humanitare në Rripin e Gazës.

Por zyrtari palestinez, duke folur për AFP në kushte anonimiteti, tha se propozimi i fundit nga ndërmjetësit “është një marrëveshje kornizë për të nisur negociatat për një armëpushim të përhershëm”, duke bërë thirrje për një armëpushim fillestar 60-ditor dhe lirimin e pengjeve në dy grupe.

Zyrtari theksoi se “Hamasi do të mbajë konsultime të brendshme midis udhëheqjes së tij” dhe me udhëheqësit e fraksioneve të tjera palestineze për të shqyrtuar tekstin.

Një burim nga Xhihadi Islamik, një fraksion militant palestinez që ka luftuar përkrah Hamasit në Gaza, i tha AFP-së se plani përfshinte një “marrëveshje armëpushimi që zgjat 60 ditë, gjatë së cilës 10 pengje izraelite do të liroheshin të gjallë, së bashku me një numër trupash”.

Nga 251 pengje të marra gjatë sulmit të Hamasit në tetor 2023 që shkaktoi luftën, 49 ende mbahen në Gaza, përfshirë 27 që ushtria izraelite thotë se janë të vdekur.

Sipas burimit të Xhihadit Islamik, “robërit e mbetur do të liroheshin në një fazë të dytë, me negociata të menjëhershme që do të pasojnë për një marrëveshje më të gjerë” për një fund të përhershëm të “luftës dhe agresionit” me garanci ndërkombëtare.

Burimi shtoi se “të gjitha fraksionet mbështesin atë që u paraqit” nga ndërmjetësit egjiptianë dhe katarianë.

Ndërkohë, ministri i Jashtëm egjiptian Badr Abdelatty, duke vizituar pikën kufitare Rafah me Gazën të hënën, tha se kryeministri i Katarit, Sheikh Mohammed bin Abdulrahman Al Thani, po vizitonte “për të konsoliduar përpjekjet tona të përbashkëta ekzistuese në mënyrë që të ushtrohet presion maksimal mbi të dyja palët për të arritur një marrëveshje sa më shpejt të jetë e mundur”.

Duke iu referuar kushteve të tmerrshme humanitare për më shumë se dy milionë njerëz që jetojnë në Rripin e Gazës, ku agjencitë e OKB-së dhe grupet e ndihmës kanë paralajmëruar për uri, Abdelatty theksoi urgjencën e arritjes së një marrëveshjeje.

“Situata aktuale në terren është përtej çdo imagjinate”, tha ai. /Telegrafi/

The post Delegacioni i Hamasit në Egjipt ka marrë planin e ri të armëpushimit në Gaza – thotë një zyrtar palestinez appeared first on Telegrafi.

Gjatë periudhës janar-qershor 2025, gjithsej 776 çifte në Kosovë kanë përfunduar martesën e tyre, sipas të dhënave të publikuara nga Agjencia e Statistikave të Kosovës (ASK).

Vetëm në muajin qershor janë regjistruar 135 raste shkurorëzimesh, duke shënuar një rritje prej 19 për qind krahasuar me muajin paraprak, majin.

“Numri i shkurorëzimeve të regjistruara në Kosovë për muajin qershor është 135, që përbën një rritje prej 19% krahasuar me muajin maj,” thuhet në njoftimin zyrtar të ASK-së.

Sa i përket shpërndarjes sipas komunave, Peja ka shënuar numrin më të lartë të shkurorëzimeve për muajin qershor, me gjithsej 17 raste. Pas saj renditet Prizreni me 14 raste dhe Ferizaji me 13 raste. /Telegrafi/

The post Kosova me rritje të shkurorëzimeve, Peja në krye të listës appeared first on Telegrafi.

Kryeministri i RMV-së, Hristijan Mickoski, me rastin e Ditës së Ushtrisë – 18 gusht, tha se Ushtria jonë është garanci se ky popull do të ketë terren për t’u zhvilluar, krijuar dhe ndërtuar të ardhmen e tij.

“Sot festojmë 18 gushtin – Ditën e Ushtrisë, ditën kur nderojmë një nga institucionet më të rëndësishme të shtetit.

Kur flasim për Ushtrinë, flasim për vazhdimin e ideve të Ilindenit dhe KAÇKM-së, idenë e një Maqedonie të pavarur dhe të lirë. Paraardhësit tanë luftuan me zemër, me sakrificë dhe me vizion”, shkroi kryeministri në Facebook.

Mickoski thekson se Ushtria sot është simbol i epokës së re dhe se sot investojmë në pajisje, në infrastrukturë, në kushte për një jetë dhe punë dinjitoze të ushtarit./Telegrafi/

The post Mickoski: Ushtria jonë është garanci se ky popull do të ketë hapësirën për t’u zhvilluar, për të krijuar dhe për të ndërtuar të ardhmen e tij appeared first on Telegrafi.

Këngëtarja e njohur shqiptare, Vesa Smolica, ka tërhequr vëmendjen e ndjekësve të saj në rrjete sociale me një sërë imazhesh mahnitëse nga pushimet verore.

Artistja ka zgjedhur Greqinë si destinacion për të pushuar dhe rigjeneruar energjitë, dhe nuk ka nguruar të ndajë momente të veçanta me fansat e saj.

Në disa nga fotografitë e publikuara, ajo shfaqet duke u relaksuar buzë detit.

Ajo ka postuar gjithashtu disa imazhe në bikini, ku linjat e saj të tonifikuara dhe eleganca natyrale kanë marrë komente të shumta pozitive nga ndjekësit.

Përveç fotografive, edhe përshkrimi i saj në një nga postimet mori vëmendje të madhe dhe rezonoi me shumë njerëz:

“Paqja është luksi i ri”, shkroi Vesa, duke sjellë një mesazh të thellë.

Përndryshe, Vesa njihet si një artiste me një vokal të jashtëzakonshëm dhe me interpretimet e saj mbresëlënëse.

The post Vesa Smolica mahnit me fotografi nga pushimet në Greqi appeared first on Telegrafi.

Në Prishtinë sot është hapur edicioni i 43-të i Seminarit Ndërkombëtar të Gjuhës, Letërsisë dhe Kulturës Shqiptare i cili do të vazhdoj deri më 29 gusht. Në këtë seminar do të marr pjesë rreth 200 studiues nga vende të ndryshme.

Kryeministri në detyrë, Albin Kurti tha se ky seminari është një ngjarje më jetëgjate në jetën kulturore të Kosovës.

Kuri tha se entuziazmi për gjuhën, artin dhe kulturën shqiptare duhet të rritet, prandaj shprehu edhe mbështetjen për të gjitha institucionet që kanë këtë detyrë.

“Gjuha nuk është vetëm komunikim i nevojave, por mbi të gjitha komunikim i subjektivitetit, i kujtesës dhe imagjinatës dhe i kulturës, pra është komunikim qenësor. Në kushtet e zhvillimit të shpejt të Inteligjencës Artificiale gjuha është themeli më solid i ruajtjes së inteligjencës dhe imagjinatës njerëzore e natyrore…Sido që të jetë pasuria jonë shoqërore dhe shtetërore entuziazmi ynë për gjuhën shqipe në kulturën, artin dhe shkencat tona duhet vetëm të rritet e si kryeministër shpreh gatitshmërinë time të mbështetjes së institucioneve që janë drejtpërdrejtë të lidhura me këtë qëllim fisnik e detyrë historike”, theksoi Kurti.

Rektori i Universitetit të Prishtinës, Hasan Prishtina, Arben Hajrullahu tha se në edicionin e 43-të të këtij seminari do të marrin pjesë rreth 200 studiues e dashamirës të gjuhës dhe kulturës shqiptare.

Ai theksoi se qëllimi i këtij seminari është të ruhen rrënjët e gjuhës dhe kulturës shqipe.

“Si Universitet i Prishtinës, jemi jashtëzakonisht krenar me faktin që jemi nikoqir të këtij seminari, të kësaj ngjarje kaq të madhe e kaq të rëndësishme. Këtë vit në seminarin e 43-të me radhë pritet të marrin pjesë rreth 200 studiues, dashamirës të gjuhës e letërsisë dhe kulturës shqiptare. Seminari pra, është ngjarja më jetëgjatë që është si organizim i këtillë në Universitetin e Prishtinës dhe mësova që edhe një vit para se të krijohej Akademia e Shkencave, Arteve të Kosovës ka filluar punën…Kur e shohim strukturën dhe shtylla se çfarë e përbënë këtë seminar, ne shohim se vazhdimisht ka pas sjellje të reja shkencore, aktiviteti, promovimi i mësimit të gjuhës shqipe, kultivimi i kulturës së gjuhës shqipe jo vetëm për ne që kemi lindur dhe e flasim si gjuhë amtare, por edhe të gjithë njerëzit e interesuar. Jam shumë i lumtur kur shoh që edhe këtë vit do të organizohen 34 orë të mësimit për gjuhën shqipe në të tri nivelet. Pra, vjen deri tek promovimi, kultivimi si dh e ndërkombëtarizimi i gjuhës shqipe”, tha ai.

Fillim të mbarë për këtë edicionin të seminarit uroi edhe kryetari i Akademisë së Shkencave dhe Arteve të Kosovës, Mehmet Kraja i cili tha se Seminari Ndërkombëtar i Gjuhës, Letërsisë dhe Kulturës Shqiptare ka jetëgjatësinë më të madhe si ngjarje kulturore në gjitha trojet shqiptare.

“Ngjarja kryesore dhe kulturore me jetëgjatësinë më të madhe jo vetëm në Kosovë, por në mbarë hapësirën shqiptare. Ka këtu akoma dëshmitarë siç jam unë dhe të tjerë si unë të atij fillimi të lartë të vitit 1974 kur Qendra e Studimeve për të huaj e mori emrin e seminarit, emër që e ka edhe sot…ne jemi të vetëdijshëm që edhe në punë të organizimit të seminarit, të mësimdhënies, dhe ligjërimit do të jetë e nevojshme të bëhen ndryshime strukturore siç do të jetë e nevojshme që dijet albanologjike përfshirë studimet gjuhësore dhe letrare të braktisin pozitivizmin dhe të zhvillojnë mendimin kritik, por në anën tjetër kam besim se edhe kësaj radhe si çdo herë tjetër deri tani do të merrni me vete përshtypjet më të mira për mikpritjen dhe miqësinë“, theksoi Kraja.

E dekani i Fakultetit të Filologjisë, Abdullah Rexhepi tha se ky seminar edhe këtë vit organizohet në përputhje me standardet më të larta akademike dhe kulturore.

“Duke qenë të vetëdijshëm për idealet e larta të themeluesve të seminarit, ne sot vazhdojmë të ndjejmë detyrimin që organizimi të jetë në përputhje me standardet më të larta akademike si dhe kulturore. Por edhe të jetë edhe me nevojat infrastrukturore të kohës…gjatë këtyre dy javëve krahas kurseve të gjuhës shqipe për pjesëmarrësit e ardhur nga vendet e ndryshme të botës do të zhvillohen edhe 11 ligjërata nga albanolog të shquar vendor dhe të jashtë, 84 referime nga fusha të ndryshme të albanologjisë si dhe 50 kumtesa shkencore në kuadër të temave bosht të këtij seminari”, deklaroi Rexhepi.

Ambasadori i Shqipërisë në Kosovë, Petrit Malaj tha se ky seminar nuk është thjesht aktivitet akademik, por platformës ku mësohet gjuha shqipe si gjuha më e vjetër në Evropës.

“Një traditë e vyer akademike e cila prej viti 1974 e ka shndërruar Prishtinën në një qendër ndërkombëtare për ekspertizën dhe bashkëpunimin shkencor në fushën e albanologjisë. Historia e këtij seminari është në vetvete një rrëfim mbi qëndrueshëmërinë e dijes përballë sfidave. Në vitet e izolimit të Shqipërisë ky seminar në Prishtinë ishte dritarja nga e cila studiues të huaj mund të njiheshin nga afër me gjuhën dhe kulturën tonë“, u shpreh ambasadori shqiptar në Kosovë.

Drejtoresha e Seminarit Ndërkombëtar për Gjuhë, Letërsi dhe Kulturën Shqiptare , Lindita Sejdiu tha se Seminari është koncepti më i fortë i ndërkombëtarizimit të albanologjisë në botë.

“Institucioni i seminarit është koncepti më i fortë i ndërkombëtarizimit të albanologjisë në botë, është prezantimi më me vlerë i shkencës vendore vështruar nga një këndë global, por edhe prezantimi i shkencës globale për albanologjinë brenda një medium të përbashkët….Seminari janë Prishtina dhe Tirana bashkë në hartën shkencore ndërkombëtare”, u shpreh drejtoresha Sejdiu.

I pranishëm në hapjen e edicionit të 43-të të këtij seminari ishte edhe bashkëdrejtori i seminarit në Tiranë, Shezair Rrokaj.

Seminari Ndërkombëtar për Gjuhën, Letërsinë dhe Kulturën Shqiptare është themeluar në vitin 1974 në Fakultetin e Filologjisë (atëherë: Fakulteti Filozofik) të Universitetit të Prishtinës. Ky Seminar organizohet për studente/ë e studiuese/studiues që merren me çështje të gjuhës, të letërsisë e të kulturës shqiptare, por edhe me albanologjinë përgjithësisht. Deri më tani, seminari ka zhvilluar gjithsej 42 sesione.

The post Hapet edicioni i 43-të i Seminarit të Gjuhës, pjesëmarrës rreth 200 studiues appeared first on Telegrafi.

Prokuroria Themelore në Prizren, departamenti i Krimeve të Rënda, ka ngritur aktakuzë kundër P.B., dhe E.Th., për shkak të dyshimit të bazuar mirë se në bashkëkryerje kanë kryer veprën penale “Keqpërdorimi i pozitës apo autoritetit zyrtar”.

Sipas një njoftimi për media bëhet e ditur se sipas aktakuzës, të pandehurit P.B. dhe E.Th., në cilësitë e tyre zyrtare në Komunën e Prizrenit, duke tejkaluar kompetencat dhe duke mos i përmbushur detyrat ligjore, kanë lejuar rrënimin e objektit të mbrojtur kulturor “Saraji i vjetër” dhe ndërtimin e një kompleksi banesor, duke shkaktuar dëm të pariparueshëm trashëgimisë kulturore në vlerë prej mbi 15 milionë euro.

“Sipas aktakuzës, në periudhën kohore prej datës 05.01.2024 deri më 04.04.2024 në Prizren, i pandehuri i parë P.B., në cilësinë e personit zyrtar – drejtor i drejtorisë për urbanizëm në Komunën e Prizrenit, ndërsa e pandehura e dytë E.Th., në cilësinë e bashkëpunëtores profesionale në DUPH në komunën e Prizrenit, duke shfrytëzuar detyrën apo autoritetin zyrtar i tejkalojnë kompetencat e tyre dhe nuk i përmbushin detyrat me qëllim të shkaktimit të dëmit Ministrisë së Kulturës (MKRS), duke mundësuar përfitim të dobisë pasurore për investitorin A.Xh., në atë mënyrë që i pandehuri P.B., në cilësinë e drejtorit të DUPH edhe pse ka pas njohuri se kompleksi “Saraji i vjetër” në Prizren është në kuadër të mbrojtjes së përhershme të monumenteve kulturore, nuk e parandalon rrënimin e tij, ndërsa e pandehura E.Th., më datë 05.01.2024 pas kërkesës së investitorit A.Xh., fillimisht lëshon kushtet ndërtimore, dhe vazhdon  më datë 15.01.2024 ku e lëshon vendimin për rrënimin e objekteve ekzistuese, dhe më datë 04.04.2024 lëshon lejen e ndërtimit investitorit A.Xh., për të ndërtuar kompleks banesor në objektin e trashëgimisë kulturore “Saraji i vjetër” në Prizren, krejt kjo në kundërshtim me Ligjin për ndërtim dhe Ligjin për trashëgiminë kulturore dhe listën e aseteve të trashëgimisë kulturore në mbrojtje të përhershme, ashtu që me dashje tejkalojnë dhe nuk i përmbushin detyrat e tyre të cila janë të përcaktuara me ligj në drejtimin të moslejimit të rrënimit të objektit “Saraji i vjetër” dhe ndërtimit mbi gërmadhat e saj të kompleksit banesor, me ç’rast shkaktohet një dëm i pariparueshëm i trashëgimisë kulturore në shumë rreth 15.961.832.70 € (pesëmbëdhjetë milionë, e nëntëqind e gjashtëdhjetë e një mijë e tetëqind e tridhjetë e dy euro, e shtatë dhjetë cent)”, thuhet në njoftim.

Po ashtu siç thuhet në njoftim me këto veprime, të pandehurit e lartëcekur në bashkëkryerje kanë kryer veprën penale “Keqpërdorimi i pozitës apo autoritetit zyrtar” sipas KPRK-së.

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprën penale për të cilën akuzohen të shpallen fajtorë dhe të dënohen sipas ligjit. /Telegrafi/

The post Aktakuzë ndaj dy personave nën dyshimin se lejuan rrënimin e “Sarajit të vjetër” në Prizren , shkaktuan dëm në vlerë mbi 15 milionë euro appeared first on Telegrafi.

Real Madrid mund të ketë një mundësi të vetme për të transferuar mbrojtësin e Liverpoolit, Ibrahima Konate, gjatë kësaj vere. 

Xabi Alonso ka sjellë tre mbrojtës të rinj në “Santiago Bernabeu”, si pjesë e një prapavije të re, përfshirë edhe Trent Alexander-Arnold, ish-bashkëlojtarin e Konates te Liverpooli. 

Interesimi për mbrojtësin francez daton që nga muaji korrik, mes zërave se ai nuk është i gatshëm të nënshkruajë një zgjatje kontrate në “Anfield”. 

Konate ka qenë në bisedime për kontratën me Liverpoolin që nga fillimi i vitit 2025, pasi marrëveshja e tij aktuale skadon në fund të sezonit 2025/2026. Drejtuesit e klubit anglez duan një përgjigje përfundimtare para fundit të muajit gusht. 

Liverpooli dëshiron me çdo kusht të shmangë një situatë ku Konate largohet si lojtar i lirë në vitin 2026, por kjo është pikërisht strategjia e Real Madridit për të. 

“Los Blancos” mbeten të pakënaqur me faktin që iu desh të paguanin një tarifë transferimi për të liruar Alexander-Arnold nga javët e fundit të kontratës së tij, pasi ishin të bindur se do ta transferonin atë si lojtar të lirë. 

Sipas raportimit nga Mundo Deportivo, kampionët e Anglisë kanë caktuar çmimin për Konaten, pasi nuk pranuan kërkesat e tij për pagë më të lartë. 

Liverpooli ka bërë të ditur se do të dëgjojë ofertat që sillen rreth 35 milionë euro në ditët e fundit të afatit kalimtar, ndërkohë që Real Madridi ka vendosur një tavan prej 21 milionë eurosh, shumë larg kërkesës së “Të Kuqve”. 

Për këtë arsye, madrilenët mund të presin deri verën e ardhshme, duke shpresuar që ndonjë klub tjetër të mos paraqesë ndonjë ofertë zyrtare për Konaten në ndërkohë./Telegrafi/

The post Liverpooli ia vendos çmimin Konates nëse Real Madridi synon transferimin këtë verë appeared first on Telegrafi.

Kanalet ruse të propagandës kanë publikuar një video që tregon automjete të blinduara në lëvizje me flamuj rusë dhe amerikanë.

Dhe sipas Shefit të Zyrës së Presidentit të Ukrainës, Andriy Yermak, pamjet filmike tregojnë përdorimin e simboleve amerikane nga forcat ruse gjatë operacioneve të tyre ofensive, shkruajnë mediat e huaja, përcjell Telegrafi.

Siç theksojnë mediat, videoja u shfaq në platformat pro-Kremlin më 18 gusht, disa ditë pas takimit midis presidentit të SHBA-së Donald Trump dhe udhëheqësit rus Vladimir Putin.

Titulli pretendon se automjeti është një transportues i blinduar amerikan M113 i kapur, i cili thuhet se është filmuar pranë Mala Tokmachka në rajonin e Zaporizhzhia.

Yermak deklaroi se forcat ruse po përdorin simbole të huaja në luftën e tyre të vazhdueshme, e cila përfshin sulme që çuan në viktima civile.

Cringe of the day: Russia Today propagandists aired a “combat deployment of American armored vehicles”

In reality, it’s just a captured M113 with Russian and U.S. flags slapped on it.

Is this the so-called “big progress” after the Alaska meeting? pic.twitter.com/pCtrjDYqiF

— NEXTA (@nexta_tv) August 18, 2025

Kujtojmë se Trump do të takohet së pari me Volodymyr Zelenskyn dhe më pas me udhëheqësit e Britanisë, Gjermanisë, Francës, Italisë, Finlandës, Bashkimit Evropian dhe NATO-s.

Udhëheqësit evropianë do të udhëtojnë për në Uashington për të treguar solidaritet me Ukrainën dhe për të kërkuar garanci të forta sigurie në çdo zgjidhje pas luftës. /Telegrafi/

The post Propagandistët rusë publikojnë pamje që tregojnë automjete të blinduara në lëvizje, me flamuj rusë dhe amerikanë appeared first on Telegrafi.

Drejtoria për Punë Hidrometeorologjike për nesër paralajmëron mot jostabil me shira të rrëmbyeshëm dhe bubullima.

Nga atje thonë se nga e mërkura deri të premten do të mbizotërojë mot kryesisht stabil me rritje të temperaturave ditore.

Gjatë fundjavës, përsëri do të ketë kushte për reshje të përkohshme lokale dhe bubullima, ndërsa temperaturat ditore do të jenë në rënie.

The post DPHM: Nesër priten reshje të rrëmbyeshme në Maqedoni appeared first on Telegrafi.

Deputeti i AAK-së, Daut Haradinaj, ka reaguar ashpër ndaj Kurtiit, duke e akuzuar për shkatërrim të planifikuar të sektorit të energjisë në Kosovë.

Haradinaj tha se që në javën e parë të qeverisjes, Kurti anuloi projektin më vital për energji, termocentralin e ri që pritej të përfundonte në vitet 2023-2024.

“Sot operatorëve u kushton nga 198 deri në 220 euro për megavat, ndërsa plani i mëhershëm parashihte një kosto prej vetëm 82 euro. Kjo rritje astronomike i kushton qytetarëve rreth 360 milionë euro në vit. Nuk ka qytetar që nuk do ta ndiejë këtë barrë”, shkroi Haradinaj.

Ai theksoi se energjia është sektor i sigurisë globale dhe se blerja e saj po bëhet përmes lidhjeve të shkurtra të kryeministrit Kurti.

“Kush e cenon sigurinë kombëtare ndëshkohet herët a vonë. Mos i mbyllni sytë, po reagoni, sepse e nesërmja mund të jetë vonë. Ky ‘patrioti’ nuk e ka në vendim shkyçjen e elektro serverit serb”, u shpreh Haradinaj.

Sipas tij, populli po paguan një “krim të organizuar shqiptaro-serb”, pasi miliona euro për energjinë po përfundojnë në Beograd nga xhepi i varfër i Kosovës. /Telegrafi/

The post “Ky patrioti i rremë” – Haradinaj kritikon Kurtin, thotë se miliona euro për energjinë po përfundojnë në Beograd appeared first on Telegrafi.

Barcelona e nisi fuqishëm mbrojtjen e titullit në La Liga gjatë fundjavës, dhe tani synon një tjetër fitore kur të përballet me Levanten të shtunën. 

Hansi Flick do ta ketë në dispozicion Robert Lewandowskin për këtë udhëtim dhe gjithashtu do të vazhdojë të mbështetet te disa nga lojtarët e rinj të ekipit të parë. 

Në të njëjtën kohë që Barcelona do të përballet me Levanten të shtunën, ekipi i tyre U19 do të jetë në Brazil për të marrë pjesë në Kupën Interkontinentale U20. 

Skuadra e Julian Bellettit u kualifikua për këtë ndeshje historike pasi fitoi Ligën e Kampionëve për të Rinj sezonin e kaluar dhe tani synon ta fitojë këtë kompeticion për herë të parë në histori. 

Në ditët në vijim, skuadra U19 do të udhëtojë drejt Rio de Janeiros për të zhvilluar ndeshjen ndaj ekipit U20 të Flamengos, që do të luhet në stadiumin historik Maracana. 

Megjithatë, ata nuk do të jenë në përbërje të plotë, pasi sipas asaj që raporton gazeta Sport, Hansi Flick ka vendosur që Jofre Torrents, Guille Fernandez, Dro dhe Toni Fernandez të mos marrin pjesë në këtë ndeshje. 

Të katër këta lojtarë ishin pjesë e skuadrës së Flick në fitoren e fundjavës kundër Mallorcas, dhe plani është që ata të udhëtojnë drejt rajonit të Valencias për ndeshjen kundër Levantes. 

Sipas raportit, trajneri i Barcelonës nuk e sheh Kupën Interkontinentale U20 si një arsye të mjaftueshme që kjo katërshe të mungojë në ndeshjen e La Ligës./Telegrafi/

The post Hansi Flick ua ndalon katër lojtarëve të Barcelonës të marrin pjesë në ndeshjen historike appeared first on Telegrafi.

Top Kolshi, i dyshuar për vrasjen dhe groposjen e Enver Bajraktarit, në Baicë të Lipjanit, në seancën dëgjimore të mbajtur më 13 gusht 2025 në Gjykatën Themelore në Prishtinë, gjatë deklarimit ka thënë se nuk kishte qëllim që ta vriste viktimën dhe se viktima kishte qenë në pronën e tij dhe e kishte sulmuar në pronën e tij.

Sipas vendimit të Gjykatës për caktimin e masës së paraburgimit, të siguruar nga “Betimi për Drejtësi”, Kolshi ka deklaruar se është penduar për veprën që ka kryer.

“E përkrahu fjalën e avokatit tim dhe shtoj se me vjen keq për familjen e të ndjerit dhe të ndjerin, nuk kam pas arsye dhe as qëllim që ta mbys dhe jam penduar. Ka qenë në pronën time dhe më ka sulmuar në pronën time”, citohet të ketë deklaruar Kolshi.

Në vendim thuhet se mbrojtësi i të dyshuarit Kolshi, avokati Halim Shala ka propozuar që ndaj të mbrojturit të tij të bëhet ekzaminim psikiatrik.

“E kundërshtojmë kërkesën e prokurorit për caktimin e masës së paraburgimit, meqenëse kjo mase ka të bëjë me sigurinë e klientit tim për shkak të raporteve që kane me familjen e viktimës pasi që jetojnë në të njëjtin vend, le te mbetet si e tillë në këtë fazë me propozim që gjatë kësaj periudhe të bëhet një ekzaminim psikiatrik për z.Kolshi me të cilën do të vërtetohet dhe argumentohet në mënyrë objektive gjendja e afektit mendor, respektivisht të vërtetohet se në kohën e kryerjes së veprës penale i njëjti a ka qenë në gjendje të kuptoj veprimet e veta”, citohet deklarimi i Shalës.

Lidhur me këtë, prokurori Arben Hoti ka thënë se do ta kenë parasysh njoftimin e mbrojtjes lidhur me mundësinë e paraqitjes së kërkesës për ekzaminim psikiatik dhe kërkoi nga mbrojtja që në rast se posedojnë dokumente të mëhershme shëndetësore të kësaj natyre, t’i dorëzojnë në Prokurori.

Sipas Gjykatës, ekziston dyshimi i bazuar se mes datës 3 gusht ora 16:00 e deri më 4 gusht në ora 12:10 në fshatin Baicë- Komuna e Lipjanit, i pandehuri Kolshi për shkak të mosmarrëveshjeve paraprake, me dashje e në bashkëkryerje me persona të paidentifikuar, privojnë nga jeta tani të ndjerin Bajraktari.

Aty thuhet se Enver Bajraktari, rreth orës 16:00 të 3 gushtit, ka dalë nga shtëpia e tij duke dërguar gjedhen e tij për kullos në livadhe të fshatit, e ku më pas i njëjti goditet me mjete të forta në kokë dhe trup, e më pas ngufatet. Pastaj, trupin e tij, e tërheqin zvarrë disa metra duke kaluar përmes një are të mbjellë me misër, hiqen disa rrënjë misri, gërmohet një gropë me thellësi mbi një metër brenda saj vendoset trupi i viktimës, dhe më pas mbulohet trupi me dërrasa.

Gjithnjë sipas vendimit, më pas, gropa u mbulua me dhe, kurse aty u rivendosën rrënjët e misrit. Më pas, familjarët bënë kërkime rreth fshatit dhe më 4 gusht, në ora 12:10 e gjetën trupin e viktimës pa shenja jete.

Prandaj për këto veprime, Kolshi dyshohet se në bashkëkryerje ka kryer veprën penale “Vrasje e rëndë” nga neni 173, paragrafi 1, nënparagrafi 1.5 të Kodit Penal.

Kolshi dyshohet po ashtu edhe për veprën penale “Mbajtja në pronësi, kontroll ose posedim të paautorizuar të armëve” nga neni 366 të Kodit Penal. Krejt kjo pasi që në shtëpinë e tij me dashje dhe vetëdije, pa autorizim kishte mbajtur një armë të tipit Zastava dhe 50 gëzhoja.

Në vendim po ashtu thuhet se raporti analitik i pamjeve të kamerave të sigurisë vërteton faktin se viktima ishte nisur në drejtim të vendit të quajtur “ara e misrit”, dhe lëvizjet e të pandehurit fillimisht afër shtëpisë së kushëririt të viktimës e pastaj shkuarja tek vendi i quajtur “ara e misrit”.

Në vendimin që e ka siguruar “Betimi për Drejtësi”, thuhet se nga deklaratat e dëshmitarëve Q.B., Q.B., dhe A.B., thuhet se ata kanë spjeguar që viktima me tani të pandehurin kanë pasur mosmarrëveshje para 2 viteve dhe se në ditën kritike ka dalë me lopë dhe nuk është lajmëruar.

Ndërkaq, nga raporti i autopsisë rezulton se viktima kishte lëndime në trup dhe si pasojë e ngufatjes ka ardhur deri te vdekja.

Në lidhje me veprimet, thuhet se Kolshi në Polici, e po ashtu edhe në seancë dëgjimore ka pranuar kryerjen e veprës penale.

Andaj, Gjykata Themelore ka ardhur në përfundimin se marrë parasysh se Kolshi është njoftuar për hetimet që po zhvillohen ndaj tij, mosha e re, dënueshmëria e veprës penale dhe fakti se është i pamartuar, mund të ekzistojë rreziku i përsëritjes së veprës dhe arratisjes.

Gjithashtu, Gjykata ka gjetur se bazuar edhe në peshën e veprës penale dhe rrethanat nën të cilat dyshohet se Kolshi ka kryer veprën penale- fshehja e trupit të pajetë i cili më pas u gjet i groposur, kushtëzohet caktimi i masës së paraburgimit.

Po ashtu, në vendim thuhet se duhet marrë parasysh edhe e kaluara kriminale e të pandehurit, i cili rezulton se ka dy akgjykime të plotfuqishme, e njëri prej tyre (i datës 25 nëntor 2024) ka të bëjë me vepër penale kundër jetës dhe trupit, e në të cilin rast besohet se viktimë ka qenë pikërisht i ndjeri Bajraktari.

Më 4 gusht, Policia njoftoi se u gjet një trup i groposur në Baicë të Lipjanit dhe se dyshohet për vrasje të rëndë. Një ditë më pas, më 5 gusht, Prokuroria njoftoi se është identifikuar trupi i viktimës, i cili një ditë më parë ishte raportuar i zhdukur. Kurse, më 12 gusht u bë e ditur se është arrestuar i dyshuari Top Kolshi./BetimipërDrejtësi/

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.

The post “Nuk kam pas qëllim ta vras, jam penduar” – zbulohet deklarata e Top Kolshit para gjykatës rreth vrasjes së Enver Bajraktarit në Lipjan appeared first on Telegrafi.

Aleanca Kosovare e Bizneseve (AKB) ka ngritur alarmin për krizën e thellë të energjisë që po godet bizneset në Kosovë, duke njoftuar se ndërprerja e papritur dhe e dhunshme e furnizimit me energji elektrike ka lënë jashtë funksionit mbi 200 kompani me më shumë se 10 mijë punëtorë.

Kryetari i AKB-së, Agim Shahini në një konferencë për media kritikoi ashpër veprimet e KEDS-it dhe Policisë së Kosovës, duke i cilësuar si “shkelje të rëndë ligjore” dhe “abuzim me autoritetin”.

“Sot po përballemi me një krizë të paprecedentë. KEDS, me asistimin e Policisë, ka ndërprerë energjinë për mbi 1,200 njehsorë elektrikë që përfshijnë më shumë se 200 kompani dhe mbi 10 mijë punëtorë, duke shkaktuar dëme të mëdha në ekonomi dhe imazhin e vendit,” tha Shahini.

Ai kërkoi ndërprerjen e menjëhershme të kësaj fushate kundër bizneseve dhe hapjen e një dialogu të hapur mes bizneseve, KEDS-it, ZRRE-së dhe Qeverisë.

“Nëse nuk merren parasysh kërkesat tona, AKB do të përdorë të gjitha mjetet ligjore në mbrojtje të bizneseve”, u shpreh Shahini.

Nga ana tjetër, përfaqësues të kompanive të prekura kanë shprehur shqetësimet e tyre. Ahmeti Kuçi nga kompania “Solid” në Suharekë, që merret me prodhimin e këpucëve dhe ka mbi 300 punëtorë, tha se veprimet e KEDS-it i kanë lënë pa zgjidhje.

“Kemi paditur KEDS-in dhe jemi të shqetësuar për faturat dhe kërkesën për garanci prej 15 mijë eurosh, pa arsye të qartë”, tha Kuçi.

Lumnije Hajdini, anëtare e AKB-së, shtoi se investitorët e huaj janë të shqetësuar dhe disa kompani pritet të humbasin punëtorë për shkak të krizës së energjisë./Telegrafi/

The post AKB paralajmëron krizë të rëndë energjetike, mbi 200 kompanive iu ndërpre rryma appeared first on Telegrafi.

Një zyrtar i lartë në Trupat e Gardës Revolucionare Islamike tha se një luftë tjetër me Izraelin ose SHBA-në mund të fillojë në çdo kohë.

“Nuk jemi në një armëpushim, jemi në një fazë lufte. Asnjë protokoll, rregullore apo marrëveshje nuk është shkruar midis nesh dhe SHBA-së ose Izraelit”, tha Yahya Rahim Safavi, këshilltar i lartë ushtarak i Udhëheqësit Suprem të Iranit, Ali Khamenei.

“Mendoj se një luftë tjetër mund të ndodhë dhe pas kësaj, mund të mos ketë më luftëra”, shtoi ai.

“Amerikanët dhe sionistët thonë se krijojnë paqe përmes pushtetit; prandaj, edhe Irani duhet të bëhet i fortë, sepse në sistemin e natyrës, të dobëtit shkelen”, vazhdoi Safavi.

“Ne duhet të forcojmë strategjinë tonë diplomatike, mediatike, të raketave, të dronëve dhe të sulmit kibernetik. Ne, ushtria, bëjmë planifikim skenarësh, shohim rastin më të keq dhe përgatisim një plan për të.”

Bëhet e ditur se në fund të korrikut, ministri i jashtëm i Iranit, Abbas Araghchi, kërcënoi të sulmonte Izraelin dhe SHBA-në në një “mënyrë më vendimtare” nëse ndonjëri prej tyre do të synonte përsëri Republikën Islamike, shkruajnë mediat e huaja.

“Nëse ka shqetësime në lidhje me devijimin e mundshëm të programit tonë bërthamor në qëllime jo-paqësore, ‘opsioni ushtarak’ doli i paaftë – por një zgjidhje e negociuar mund të funksionojë”, tha Araghchi.

Pasi shpalli një fitore izraelite në korrik, kryeministri Benjamin Netanyahu kërcënoi të vazhdojë sulmet ndaj Iranit nëse Republika Islamike do të vazhdonte të pasuronte uranium, duke thënë se “nëse dikush në Iran përpiqet të rindërtojë programin bërthamor, do të veprojnë me të njëjtën vendosmëri, me të njëjtin intensitet, për të penguar çdo përpjekje”.

Ndryshe, konflikti 12-ditor midis Izraelit dhe Iranit filloi më 13 qershor me një sulm të papritur izraelit.

Izraeli tha se sulmi i tij gjithëpërfshirës ndaj udhëheqësve të lartë ushtarakë të Iranit, shkencëtarëve bërthamorë, vendeve të pasurimit të uraniumit dhe programit të raketave balistike ishte i nevojshëm për të parandaluar Republikën Islamike të realizonte planin e saj të deklaruar për të shkatërruar shtetin hebre.

Irani ka mohuar vazhdimisht se kërkon të sigurojë armë bërthamore.

Megjithatë, ai pasuroi uranium në nivele që nuk kanë zbatim paqësor, pengoi inspektorët ndërkombëtarë të kontrollonin objektet e tij bërthamore dhe zgjeroi aftësitë e tij të raketave balistike.

Izraeli tha se Irani kishte ndërmarrë kohët e fundit hapa drejt armatimit.

Irani iu kundërpërgjigj sulmeve të Izraelit duke lëshuar mbi 500 raketa balistike dhe rreth 1,100 dronë drejt Izraelit.

Sulmet vranë 31 persona dhe plagosën mbi 3,000 të tjerë në Izrael, sipas zyrtarëve të shëndetësisë dhe spitaleve.

Në total, pati 36 goditje me raketa dhe një sulm me dron në zona të populluara, duke shkaktuar dëme në 2,305 shtëpi në 240 ndërtesa, së bashku me dy universitete dhe një spital, dhe duke lënë mbi 13,000 izraelitë të zhvendosur. /Telegrafi/

The post Zyrtari iranian: Në çdo moment mund të fillojë një luftë tjetër me Izraelin ose SHBA-në appeared first on Telegrafi.

Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturinat Komunale i Republikës së Maqedonisë së Veriut (KRRE) solli vendim, me të cilin bëhet ulja e çmimeve të shitjes me pakicë të derivateve të naftës, mesatarisht për 1,43 % në raport me vendimin e datës 11.08.2025.

Çmimi i shitjes me pakicë të benzinës EUROSUPER BS – 95 dhe EUROSUPER BS – 98 ulet për 0,50 den/litër. Çmimi i shitjes me pakicë të EURODIZEL (D-E-V) dhe të Vajit Ekstra të Lehtë për Amvisëri (EL-1) ulet për 1,00 den/litër. Çmimi i shitjes me pakicë të Mazut М-1 SU ulet për 1,143 den/kg dhe tani do të jetë 38,643 den/kg.

Nga data 19.08.2025 nga ora 00:01 çmimet maksimale të derivateve të naftës do të jenë:

EUROSUPER BS – 95 do të shitet për 74,00 (denarë/litër)

Benzinë motori EUROSUPER BS – 98 do të shitet për 76,00 (denarë/litër)

Naftë motori EURODIZEL BS (D-Е V) do të shitet për 67,50 (denarë/litër)

Vaj për djegie Ekstra i Lehtë 1 (EL -1) do të shitet për 67,00 (denarë/litër)

Mazut М-1 SU do të shitet për 38,643 (denarë/kilogram)./Telegrafi/

The post Ulen çmimet e derivateve të naftës në Maqedoninë e Veriut appeared first on Telegrafi.

Mila Kunis kufizoi në mënyrë ekstreme zakonet e saj ushqimore gjatë xhirimeve të trilerit psikologjik “Black Swan.”

“Përgatitja ime konsistonte në shumë vallëzim dhe shumë pak ushqim — e di që nuk duhet ta thuash, por është e vërteta,” tha aktorja për Vogue, në një intervistë të përbashkët me bashkë-protagonisten e saj në filmin e vitit 2010, Natalie Portman.

“Pija shumë supë (broth) dhe vallëzoja 12 orë në ditë,” shtoi ajo në artikullin e publikuar të premten.

Kunis, tani 42 vjeçe, tregoi se ajo dhe Portman — që luanin rolet e balerinave profesioniste — kishin menduar fillimisht se do të kishin vetëm tre muaj për t’u përgatitur për rolet e tyre fizikisht kërkuese.

Megjithatë, pasi producentët humbën një pjesë të financimit, projekti “u zgjat në gjashtë muaj ndërsa Darren [Aronofsky, regjisori i filmit] kërkonte fonde”.

“Ishte një situatë e keqe për Darren, por unë dhe Nat ishim të lumtura, sepse kishim tre muaj shtesë për të ushtruar vallëzimin,” tha aktorja e njohur nga “That ’70s Show.”

Kunis — e cila luante personazhin Lily, që përfaqësonte “Black Swan” — ndau gjithashtu disa nga efektet fizike të rënda që pati si pasojë e skenave intensive të vallëzimit.

“Xhironim ato skena për orë të tëra dhe unë kisha mavijosje në gjithë brinjët, vetëm nga ngritjet që përsëriteshin vazhdimisht,” kujton ajo.

“Gjithashtu, e kam dislokuar krahun që në fillim të xhirimeve dhe mendova se isha e mbaruar, por Darren më çoi te një akupunkturist dhe, për çudi, dola krejt në rregull”.

Portman, e cila luajti rolin kryesor të Nina Sayers, shtoi se gjatë xhirimeve mësoi shumë rreth botës së baletit.

The post Mila Kunis kufizoi në mënyrë ekstreme zakonet ushqimore për filmin “Black Swan” appeared first on Telegrafi.