Autoriteti Kombëtar për Sigurinë Kibernetike në Shqipëri ka bërë të ditur se kanë parandaluar dhe neutralizuar me kohë një përpjekje për mashtrim ndaj qytetarëve shqiptarë nëpërmjet një SMS-je të rreme, që tentonte të përvetësonte të dhëna bankare në emër të Raiffeisen Bank.

Në njoftimin e publikuar në Facebook bëhet e ditur se SMS-të mashtruese përpiqen të nxisin qytetarët të klikojnë në lidhje të dyshimta dhe të ndajnë informacione të ndjeshme financiare.

AKSKSH ua kujton qytetarëve që të mos klikojnë në lidhje të dyshimta e nga burime të panjohura dhe të mos të ndajnë të dhëna personale apo bankare përmes SMS apo rrjeteve sociale.

Lexoni të plotë postimin:

Rast i bllokuar me sukses: sulm keqdashës nëpërmjet SMS (smishing).

Një përpjekje për mashtrim ndaj qytetarëve shqiptarë nëpërmjet një SMS-je të rreme, që tentonte të përvetësonte të dhëna bankare në emër të Raiffeisen Bank, u parandalua dhe u neutralizua në kohë rekord.

Falë bashkëpunimit të ngushtë ndërinstitucional me Raiffeisen Bank dhe AKEP, Autoriteti Kombëtar për Sigurinë Kibernetike (AKSK) ndërmori menjëherë masat për të bllokuar aktivitetin keqdashës dhe aksesin në faqen mashtruese, duke parandaluar përhapjen e mëtejshme të këtij sulmi të tipit smishing.

SMS-të mashtruese si këto përpiqen të nxisin qytetarët të klikojnë në lidhje të dyshimta dhe të ndajnë informacione të ndjeshme financiare. Falë ndërhyrjes së shpejtë dhe monitorimit të vazhdueshëm, u parandalua që mos të ketë ndikim drejt qytetarëve shqiptarë.

Kujtojmë të gjithë qytetarët:

Mos klikoni në lidhje të dyshimta nga burime të panjohura.

Mos ndani të dhëna personale apo bankare përmes SMS apo rrjeteve sociale.

Verifikoni gjithmonë adresat zyrtare të bankave apo institucioneve.

Kërkoni ndihmën e një eksperti të sigurisë kibernetike

Raportoni raste të ngjashme të sulmeve kibernetike.

Falënderojmë AKEP dhe Raiffeisen Bank për bashkëpunimin e menjëhershëm dhe qytetarët që denoncojnë raste të dyshimta!. /Telegrafi/

The post Kërkonin të dhënat e qytetarëve në emër të një banke, zbardhet në Shqipëri skema mashtruese përmes mesazheve të rreme appeared first on Telegrafi.

Policia e Shtetit ka bërë të ditur se një person është identifikuar dhe arrestuar, pasi i njëjti kishte ndezur zjarrin në tokën e tij, por që ishte përhapur edhe në një sipërfaqe toke me ullinj dhe një sipërfaqe pylli.

Policia tutje njofton se Shërbimet e Komisariatit të Policisë Cërrik, si rezultat i hetimeve të kryera për një rast zjarri në fshatin Shegas, identifikuan dhe arrestuan në flagrancë autorin e dyshuar, shtetasin H. M., 64 vjeç, banues në fshatin Shegas.

“Nga hetimet e kryera dyshohet se ky shtetas ka ndezur zjarr në tokën e tij dhe si pasojë e përhapjes së flakëve është djegur një sipërfaqe toke me pemë ulliri dhe një sipërfaqe pylli, në total rreth 40 ha. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme”, thuhet në njoftim.

Drejtoria Vendore e Policisë Elbasan apelon për të gjithë qytetarët, që në asnjë rast të mos ndezin zjarre, pasi do të përballen me ligjin.

Policia fton qytetarët që të denoncojnë në numrin 112, çdo rast të kësaj veprimtarie kriminale dhe të paligjshmërive në tërësi, dhe iu garanton anonimat, reagim të shpejtë dhe të paanshëm. /Telegrafi/

The post Ndezi zjarrin në tokën e tij po u përhapë edhe në sipërfaqen me ullinj, identifikohet dhe arrestohet i dyshuari në Cërrik appeared first on Telegrafi.

Sindikata e punëtorëve të Radio Televizionit të Kosovës (SPERTK), ka deklaruar se nëse deri më 5 gusht nuk alokohen mjetet buxhetore, më 6 gusht do të jetë protesta e tyre e parë, si paralajmërim deri në grevë të përgjithshme.

Kryetari i SPERTK, Gëzim Bimbashi në një konferencë për media tha se moskonstitumi i kuvendit ka bllokuar RTK-në.

“SPERTK po e shpreh sot publikisht shqetësimin dhe indinjatën e saj për situatën alarmante në të cilën ndodhet Radio Televizioni i Kosovës, si pasojë e mungesës së alokimit të buxhetit dhe bllokimit të kapaciteteve tona. RTK-ja, si shërbim publik, ka detyrim kushtetues dhe ligjor për të informuar qytetarët ne mënyre të pavarur dhe te paanshme. Mungesa e buxhetit po e vë ne pikëpyetje këtë mision themelor. Si pasojë e moskonstituimit dhe mosveprimit të Kuvendit, RTK është bllokuar. Megjithatë, duhet ta themi qartë se nga ky bllokim nuk mbesin pa paga deputetët dhe zyrtarët shtetërorë, por punëtorët e RTK-së, të cilët edhe pse kanë buxhetin të ndarë me ligj, nuk po mund t’i marrin pagat e tyre”, u shpreh Bimbashi.

Tutje, ai tha se nëse kjo gjendje vazhdon do të mbesin pa paga 700 punëtorë dhe do të rrezikohet funksionimi i televizionit publik.

“Nëse kjo gjendje vazhdon, mbi 700 punëtorë te mbesin pa paga dhe do të rrezikohet seriozisht funksionimi i televizionit publik ne jemi te obliguar të marrim masa tjera sindikale. SPERTK pret nga institucionet shtetërore afatin deri më datë 5 gusht që të alokojnë mjetet sipas obligimeve ligjore. Nëse deri atëherë nuk ndërmerren hapa konkretë, më datë 6 gusht SPERTK do të organizojë protestën e parë, si paralajmërim për veprime te mëtejshme, deri në grevë të përgjithshme”, tha Bimbashi, raporton KP.

Ndërsa anëtari i SPERTK, Fisnik Durguti tha se janë takuar edhe me avokatin e popullit ku kanë shprehur shqetësimet e tyre.

“Ne kemi pasur takime edhe me akterë të ndryshëm të institucioneve të vendit, kemi pasur edhe me institucionin e avokatit të popullit, me ç’rast ia kemi shprehur këto shqetësime tona të cilat janë të përditshme. Secila qeveri që ka ardhur na ka bërë me dije që do të ndreqet statuti i institucionit publik por megjithatë duket fare e qartë qe nuk ka pasur vullnet politik”, tha Durguti.

SPERTK u bëri thirrje të gjitha partive politike dhe institucioneve që të mos e përdorin RTK-në për interesa politike, por ta mbrojnë atë si pronë publike dhe si një ndër shtyllat e demokracisë.

The post ​Mosndarja e buxhetit, Sindikata e RTK-së paralajmëron protestë appeared first on Telegrafi.

Ministria e Shëndetësisë, në bazë të rekomandimeve të Institutit Kombëtar të Shëndetësisë Publike të Kosovës, rekomandon që institucionet publike dhe private të zbatojnë masa mbrojtëse për mbrojtjen e punëtorëve nga temperaturat e larta, për periudhën 22 – 25 korrik 2025.

Në njoftimin e MSH-së thuhet se temperaturat e larta ndikojnë negativisht në shëndetin e njeriut, veçanërisht tek grupet më të ndjeshme të shoqërisë, si: fëmijët, të moshuarit, gratë shtatzëna, personat me sëmundje kronike, si dhe punëtorët që punojnë në ambiente të hapura apo në kushte pune me temperatura të larta.

“Ftohen të gjitha institucionet që t’i respektojnë këto rekomandime, me qëllim të mbrojtjes së shëndetit të punëtorëve dhe të grupeve të tjera të ndjeshme”, thuhet në njoftim.

Mbi masat mbrojtëse ndaj ekspozimeve në temperatura të larta

Ministria e Shëndetësisë rekomandon institucionet publike dhe private të marrin masa mbrojtëse të përgjithshme dhe specifike ndaj ekspozimeve në temperatura të larta, si në vijim:

Të shmanget puna në ambient të jashtëm prej orës 11:00-16:00;

Gratë shtatzëna të lirohen nga puna nga ora 11:00 deri në 16:00, nëse në vendin e punës nuk plotësohen kushtet sipas pikave 1.4, 1.5, dhe 1.6

Personat me sëmundje kronike të punojnë me orar të shkurtuar, maksimumi 4 orë në ditë;

Të përshtaten oraret e punës për të punësuarit, në mëngjes herët ose pasdite vonë, përfshirë edhe mundësinë e punës nga shtëpia;

Të sigurohet ajrosja e mjaftueshme në vendet e punës të mbyllura

Të vendosen pika freskimi (përdorimi i çadrave të lëvizshme dhe materialeve tjera për të krijuar hije apo zona freskimi) në vend punishtet e hapura për freskim të punëtorëve dhe të sigurohet qasje në ujë te ftoftë për punëtorët

Të shpërndahen informacione për mënyrat e mbrojtjes nga nxehtësia.

Ministria e Shëndetësisë rekomandon masat mbrojtëse të përgjithshme për qytetarët ndaj ekspozimeve në temperatura të larta, si në vijim:

Të shmanget qëndrimi në ambientin e jashtëm në kulmin e nxehtësisë;

Të konsumohet ujë për tu mbrojtur nga dehidrimi dhe të shmangen pijet e gazuara;

Të përdoren kapelë dhe syze mbrojtëse nga dielli kur qëndrohet jashtë;

Mos të lihen fëmijët vetëm në veturë derisa prindërit/kujdestarët kryejnë ndonjë punë;

Të kontaktohen rregullisht të afërmit e moshuar ose me sëmundje kronike për të vlerësuar nevojat shëndetësore të tyre;

Sipas nevojës të kërkohet ndihmë në shërbimet e urgjencës mjekësore, telefoni 194. /Telegrafi/

The post Temperaturat përvëluese, MSH me vendim për institucionet publike dhe private: Zbatojini masat mbrojtëse për këtë javë appeared first on Telegrafi.

Një lidershp i ri ekzekutiv për bashkinë e Tiranës në mënyrë që të ndryshojë ritmi për punët që duhen bërë.

Kjo është ajo që ka kërkuar kryeministri Edi Rama në mbledhjen me drejtorët e bashkisë së kryeqytetit, por edhe me deputetët.

“Kemi marrë 83 mandate, janë një peshë e madhe për ne! Janë bekim, por edhe mallkim ndaj duhet një lidership i ri ekzekutiv në bashkinë e Tiranës”, është shprehur Rama duke këmbëngulur të punohet më shumë, më shpejt dhe të dëgjohet në mënyrë sistematike zëri i qytetarëve.

Qartazi ky është edhe një mesazh për nënkryetaren në detyrë, Anuela Ristani, e cila me shumë gjasë do të angazhohet me digjitalizimin në të ardhmen, shkruan Tch.

Po si do ndahen punët?

Top Channel ka mësuar se në mbledhjen me dyer të mbyllura Rama ka caktuar një grup të përbërë nga Ogerta Manastirliu, Blendi Gonxhe dhe Petrit Malajn do të përzgjedhin 5 nënkryetarët e rinj të bashkisë, nga katër që janë aktualisht.

Këta të fundit nuk janë të përjashtuar nga mundësia për t’u rizgjedhur, por shanset janë të pakta.

Numri një i Partisë Socialiste ka thënë se punët e pushtetit vendor nuk mund t’i bëjë qeveria dhe për këtë arsye kërkohet lidershipi i ri në kryeqytet, ndërsa kreu aktual i bashkisë Erion Veliaj ndodhet në burg.

Sa i përket mundësisë për zgjedhjet të reja në bashkinë e kryeqytetit, mësohet se kryeministri nuk ka marrë ende një vendim, duke ia lënë të ardhmes. /tch/

The post Mbledhja me dyer të mbyllura, Rama kërkon lidership të ri për bashkinë e Tiranës! ‘Shkarkon’ Ristanin, si do të zgjidhen nënkryetarët e rinj appeared first on Telegrafi.

Sot në Pallatin e Drejtësisë mbahet seanca gjyqësore për rastin “Banjskë” ndaj të akuzuarve Blagoje Spasojeviq, Vladimir Toliq dhe Dushan Maksimoviq.  

Seanca ndaj tre të akuzuarve sot pritet të nisë nga ora 09:30. Seanca është vazhdim i asaj të hënës, ku dëshmitari me kodin “F1” ka dhënë dëshminë e tij në seancë të mbyllur.

Kjo u bë me propozimin e prokurori të çështjes, Naim Abazi, i cili ka theksuar se në rast të identifikimit, dëshmitarit i rrezikohet jeta.

Ndryshe, Prokuroria Speciale, më 11 shtator 2024 ka ngritur aktakuzë kundër Milan Radoiçiqit dhe 44 të tjerëve, për sulmin terrorist të 24 shtatorit 2023 në Banjskë të Zveçanit.

Deri tani, të arrestuar dhe nën masën e paraburgimit për këtë rast janë: Blagoje Spasojeviq, Vladimir Toliq dhe Dushan Maksimoviq.

Aktakuza e Prokurorisë Speciale të Kosovës për sulmin e armatosur në Banjkë i ngarkon shumicën e tyre me terrorizëm dhe krime të rënda kundër rendit kushtetues dhe sigurisë së Republikës së Kosovës.

Radoiçiq akuzohet, gjithashtu, për lehtësimin dhe financimin e kryerjes së terrorizmit dhe pastrimit të parave, ndërsa i gjithë grupi akuzohet se me përdorim të dhunës dhe armëve të rënda, ka tentuar të ndajë pjesën veriore të Kosovës – ku gjenden komunat me shumicë serbe – dhe ta bashkojë atë me Serbinë.

Aktakuza e përshkruan Radoiçiqin si “udhëheqës të grupit terrorist”.

Në aktakuzë thuhet se më 24 shtator të vitit 2023, pasi bllokoi rrugën për në urën e fshatit me dy kamionë, ai dhe pjesëmarrësit e tjerë u fshehën dhe sulmuan oficerët e Policisë së Kosovës që shkuan për t’i larguar kamionët dhe për të liruar rrugën.

Në sulm mbeti i vrarë polici Afrim Bunjaku, ndërsa u plagosën policët: Alban Rashiti, Çlirim Shaqiri, Mirsad Kryeziu dhe Sedat Dushi.

Sipas aktakuzës, sulmi zgjati deri në orën 15:00, “kur shumica dërrmuese e grupit iku përmes rrugëve malore drejt Republikës së Serbisë”.

Në aktakuzë thuhet se ata ishin “trajnuar profesionalisht” dhe se kishin hyrë në Kosovë në mënyrë të paligjshme nga Serbia, përmes rrugëve malore, me dhjetëra makina, disa prej të cilave të blinduara dhe të ngarkuara me armë të rënda, municione, raketahedhës, eksplozivë, uniforma ushtarake kamufluese dhe pajisje të tjera ushtarake logjistike. /Telegrafi/

The post Sulmi terrorist në Banjskë, vazhdon seanca ndaj tre të akuzuarve serbë appeared first on Telegrafi.

Shqipëria të martën do të jetë në ndikimin e kushteve atmosferike të qëndrueshme dhe të nxehta.

Shërbimi Meteorologjik Ushtarak bën të ditur se temperaturat minimale do të lëvizin ndërmjet 18 dhe 25 gradë Celsius, ndërsa maksimalet do të jenë nga 36 deri në 41 gradë.

Era me drejtim nga kuadrati i jugut me shpejtësi mesatare 5 m/s, ndërsa përgjatë vijës bregdetare dhe zonat luginore era fiton shpejtësi 9m/s.

Valëzimi në det 1-2 ballë. /Telegrafi/

The post Mot përvëlues në Shqipëri, temperaturat deri në 41 gradë appeared first on Telegrafi.

Instituti Hidrometeorologjik bën të ditur se në Kosovë ditët e para të kësaj jave do të jenë të nxehta dhe me diell.

IHK njofton se nga mesi i javës pritet një rënie graduale e temperaturave dhe paraqitje e reshjeve të përkohshme.

Indeksi UV do ë jetë I lartë, prandaj këshillohet që nga ora 9-17 të kufizohemi nga rrezet direkte të diellit, moshat e shtyra në moshë, fëmijët dhe personat me sëmundje kronike mbeten më të rrezikuar

Në njoftimin e IHK-së bëhet e ditur se temperaturat minimale do të jenë nga 14 deri në 17 gradë, ndërkaq maksimalet nga 28 deri në 32 gradë Celsius.

Era do të fryjë nga veriperëndimi, 1–8 m/s. /Telegrafi/

The post Mot i nxehtë, IHK bën thirrje për kujdes të shtuar appeared first on Telegrafi.

Një grua nga Ukraina ka humbur jetën këtë të premte në Vlorë, pas një incidenti të rrezikshëm në det, ku ajo rrezikoi të mbytej së bashku me vajzën e saj.

Gruaja nuk arriti të mbijetojë dhe ndërroi jetë në spital ndërsa vajza e saj ndodhet në gjendje të rëndë, e intubuar.

Sipas informacioneve, një qytetar nga Vlora u erdhi në ndihmë nënës dhe vajzës në momentet kur ato po rrezikonin të mbyteshin në det duke arritur ti nxjerrë në breg në gjendje të rëndë shëndetësore.

Për shkak të faktit se viktima është shtetase e huaj, trupi i saj do të dërgohet drejt morgut të Tiranës për procedurat përkatëse.

Ngjarja ndodhi mesditën e së premtes, kur nëna dhe vajza ishin futur në det për t’u larë, por rrymat dhe dallgët i rrezikuan seriozisht.

Sipas rrëfimeve të qytetarëve të pranishëm, ambulanca mbërriti me rreth 30 minuta vonesë.

Çfarë thotë mjeku

Në një deklaratë për mediat, mjeku Edmond Breshani ka dhënë detaje se si 44-vjeçarja ukrainase humbi jetën dhe për gjendjen e vajzës së saj 18-vjeçe, duke thënë se për momentin e reja duket në gjendje më të qëndrueshme dhe ka shpresa që të dalë nga kjo situatë.

“Vajza 18-vjeçe dhe nëna 44-vjeçe kanë ardhur në spital rreth orës 12:00 në gjendje shumë të rëndë, në koma. Pacientja mbi 40 vjeçe ishte pa shenja jete, pa puls dhe pa ton zemre.

Ekipi i urgjencës, i cili e asistoi që në plazh, zbatoi protokollin për pacientët e mbytur. Pacientja mbi 40 vjeçe ishte pa shenja jete kur mbërriti në spital. Komunikuam më parë me ekipin e urgjencës që po vinte dhe zbatuam të gjitha protokollet, por ajo nuk arriti të kthehej në jetë, pasi zemra i kishte dalë jashtë funksionit për shkak të uljes së oksigjenimit nga uji i madh dhe rëra që kishte marrë.

Nuk arritëm dot ta rikthenim në jetë dhe njoftuam policinë.

Vajza 18-vjeçe ishte në gjendje kome, me frymarrje të ngadalta, puls të dobët dhe tension 5. Ajo u fut në intubim dhe iu bë ringjallja me oksigjenim sipas protokollit. Gradualisht filloi të merrte frymë vetë dhe të reagonte, duke u zgjuar.

Tensioni i saj është stabilizuar në 11 dhe ndodhet në reanimacion me frymarrje të drejtuar dhe i janë bërë të gjitha mjekimet e nevojshme, po ashtu po i bëhet aspirimi.

Për momentin, vajza 18-vjeçe është në gjendje më të qëndrueshme dhe ka shanse për mbijetesë. Ambulancat dhe mjekët ishin në dispozicion dhe asistuan që në momentet e para të ngjarjes”, tha mjeku.

Rreth orës 12:00, në plazhin “Uji i Ftohtë”, kanë rrezikuar të mbyten në det, 2 shtetase të huaja ukrainase (nënë e bijë). Ato janë transportuar për ndihmë mjekësore, në spital, ku ndodhen në gjendje të rëndë shëndetësore. pic.twitter.com/hoGw40IjNs

— Euronews Albania (@EuronewsAlbania) July 11, 2025

LEXONI GJITHASHTU:

• Nxori nga deti nënën e vajzën që po mbyteshin, flet heroi i Vlorës: U hodha i vetëm
• Ngjarje e rëndë në Vlorë: Dy gra rrezikojnë të mbyten, intubohen në spital

The post Drama në plazhin e Vlorës: Ndërron jetë turistja ukrainase, vajza e saj në intubim appeared first on Euronews Albania.

Një shtetas francez është ndaluar në aeroportin e Rinasit, pasi dyshohet se në bashkëpunim me dy bashkëkombas të tij ka vjedhur produkte në një supermarket në qytetin e Gjirokastrës.

Policia njofton se po punon për kapjen e dy francezëve të tjerë të shpallur në kërkim për të njetën ngjarje.

“Shërbimet e Komisariatit të Policisë Gjirokastër ndaluan shtetasin francez, të shpallur në kërkim, Y. S., 26 vjeç, i cili u kap në PKK Rinas, në dalje të Shqipërisë. Në përfundim të veprimeve procedurale, ndaj tij nisi procedimi në gjendje të lirë, pasi dyshohet se në bashkëpunim me dy shtetas francezë të tjerë, të shpallur në kërkim, më datë 03.07.2025, kanë vjedhur produkte në një market në qytetin e Gjirokastrës. Punohet për kapjen e dy francezëve të tjerë të shpallur në kërkim,” thuhet në njoftim.

LEXONI GJITHASHTU:

• Kapet në Fushë Kuqe i riu që mbante snajper në makinë, sfidoi Policinë në 2023
• Nxori nga deti nënën e vajzën që po mbyteshin, flet heroi i Vlorës: U hodha i vetëm

The post Ndalohet në Rinas fancezi, vodhi produkte në një supermarket në Gjirokastër appeared first on Euronews Albania.

Policia e Kurbinit ka finalizuar me sukses operacionin e koduar “Fokusi”, duke kapur dhe arrestuar një shtetas me rrezikshmëri të lartë shoqërore, i cili ishte në kërkim për disa vepra penale të rënda.

Në njoftimin e saj, Policia thotë se Orgest Mehi, alias Orgest Shehaj, në dhjetor të vitit 2023 kishte rrezikuar jetën e efektivëve të Policisë gjatë një ndjekjeje në Fushë Kuqe.

Në automjetin e braktisur prej tij ishte gjetur një armë snajper me precizion të lartë dhe municion luftarak, që dyshohet se do të përdorej për të kryer një vrasje.

“Më datë 18.12.2023, në Fushë Kuqe, shtetasi O. M., alias O. Sh., nuk i është bindur urdhrit të punonjësve të Policisë në shërbim për të ndaluar automjetin, dhe ka rrezikuar jetën e tyre, duke u larguar me shpejtësi me automjet. Më pas, gjatë kontrollit në automjetin që ky shtetas e kishte braktisur në fshatin Gurëz, shërbimet e Policisë gjetën dhe sekuestruan një armë zjarri snajper me precizion të lartë dhe fishek në fole, si dhe një çantë me municion luftarak për këtë armë”, thuhet në njoftimin e vitit 2023.

Njoftimi i policisë

Finalizohet operacioni policor i koduar “Fokusi”.

Lokalizohet në Fushë Kuqe, kapet dhe vihet në pranga një shtetas me rrezikshmëri shoqërore.

Në muajin dhjetor 2023, ky shtetas rrezikoi jetën e punonjësve të Policisë, duke u larguar me shpejtësi, me automjetin në të cilin mbante një armë zjarri snajper me precizion të lartë, që dyshohet se ishte siguruar për të kryer vrasje.

Në vijim të punës së pandërprerë për lokalizimin dhe kapjen e shtetasve në kërkim, shërbimet e Komisariatit të Policisë Kurbin, bazuar në informaionet e siguruara në rrugë operative, organizuan dhe finalizuan operacionin e koduar “Fokusi”, gjatë të cilit u lokalizua, u kap dhe u vu në pranga shtetasi:

M. alias O. Sh., 25 vjeç, banues në Fushë Kuqe, Kurbin.

Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Lezhë, me vendimin e datës 09.02.2024, i ka caktuar masën e sigurisë “Arrest në burg”, për veprat penale “Sigurimi i kushteve dhe mjeteve për të kryer vrasje”, kryer në bashkëpunim, “Mbajtja pa leje dhe prodhimi i armëve, armëve shpërthyese dhe i municionit” dhe “Mosbindja ndaj urdhrit të punonjësit të policisë”.

Më datë 18.12.2023, në Fushë Kuqe, shtetasi O. M. alias O. Sh. nuk i është bindur urdhrit të punojësve të Policisë në shërbim, për të ndaluar automjetin, dhe ka rrezikuar jetën e tyre, duke u larguar me shpejtësi, me automjet. Më pas, gjatë kontrollit në automjetin që ky shtetas e kishte braktisur në fshatin Gurëz, shërbimet e Policisë gjetën dhe sekuestruan një armë zjarri snajper me precizion të lartë dhe fishek në fole, si dhe një çantë me municion luftarak për këtë armë.

Materialet procedurale i janë referuar Prokurorisë, për veprime të mëtejshme.

1 of 3

LEXONI GJITHASHTU:

• Me snajper dhe fishekë, parandalohet krimi në Kurbin! Si u rrezikua jeta e Policëve

The post Kapet në Fushë Kuqe i riu që mbante snajper në makinë, sfidoi Policinë në 2023 appeared first on Euronews Albania.

Fitim Bozhegu është personi që nxori nga deti një grua dhe një vajzë që po mbyteshin në Vlorë.

Ai tregon për Euronews Albania se një grua thërriti për ndihmë dhe ai menjëherë u fut në det për t’i shpëtuar këto persona, për të cilët kjo grua kërkoi ndihmë.

“Erdhi një grua dhe më tha: Ndihmë se po mbyten dy fëmijë.’ Unë u futa në det dhe i nxorra deri në breg sa mundesha. Njëra ishte në moshë të madhe, tjetra fëmijë. Ambulanca mbërriti pas 30 minutash, ne u dhamë ndihmë me frymëmarrje dhe goditje në gjoks. Ishin thellë në det dhe mezi i kapa. Kur i nxorrëm ishin në gjendje të rëndë. Unë isha vetëm, me vështirësi i nxorra dhe i ndihmuam,” tha Bozhegu.

“Sapo mbërrita aty, konstatoj një grua të madhe në moshë dhe një vajzë, dhe me shumë vështirësi arrita t’i nxirrja në gjendje të rëndë në breg të detit. Njëra ishte rreth 50 vjeçe, tjetra rreth 19 vjeçe. Pritëm për 30 minuta ambulancën dhe u munduan t’u bënin frymëmarrje dhe ndihmë të çastit. Në bregdet, pasi i nxora gjendja e tyre ishte shumë e rëndë. Ishin të huaja dhe një burrë erdhi për të më ndihmuar, sepse ishte e vështirë t’i nxirrja vetëm”. Njëra ishte me shenja jete, tjetra jo shumë. Kam katër herë që shpëtoj njerëz, kam shpëtuar një grua greke dhe një fëmijë. Jam 49 vjeç,” përfundoi ai.

Nga informacionet e fundit dhe paraprake që vijnë nga Spitali i Vlorës, nënë e bijë janë të intubuara. Vajzës i është rikthyer pulsi, ndërsa gjendja e nënës paraqitet më e rëndë. Nga burime të pakonfirmuara thuhet se ato janë shtetase nga Ukraina.

Nxori nga deti nënën e vajzën që po mbyteshin, flet “heroi” i Vlorës: U hodha i vetëm pic.twitter.com/ALzxqDPx5G

— Euronews Albania (@EuronewsAlbania) July 11, 2025

Një grua tjetër dëshmitare tha se ishin tre vajza që ikën shumë larg dhe dukeshin si të huaja.

“Policia erdhi shpejt, por ambulanca u vonua pak. Pas rreth 10 minutash, i nxorën. Kishte edhe një vajzë të vogël që kërkoi ndihmë dhe iu dha ndihmë shumë shpejt me frymëmarrje. “Unë vetëm lutesha,” përfundoi ajo.

LEXONI GJITHASHTU:

• Ngjarje e rëndë në Vlorë: Dy gra rrezikojnë të mbyten, intubohen në spital

The post Nxori nga deti nënën e vajzën që po mbyteshin, flet heroi i Vlorës: U hodha i vetëm appeared first on Euronews Albania.

Kryeministri Edi Rama ka bërë këtë të premte një paralajmërim të fortë ndaj ndërtuesve që shkelin lejet e ndërtimit, duke realizuar ndërtime pa leje brenda objekteve për të cilat kanë marrë leje.

Rama theksoi se të gjithë ndërtuesit që kryejnë këto shkelje do të paguajnë shumë shtrenjtë dhe do të përfundojnë në burg ndërsa u bëri thirrje që të mos përpiqen të marrin në qafë administratorët e kantierëve.

“Nuk mund të ndodhë që ti ke një ndërtim dhe bën një shtesë pa leje, dhe po të kapin nuk ndodh asgjë – e pastaj prishjen dhe pastrimin ta bëjë shteti. Kjo nuk mundet, kjo është e padrejtë.Kush bën shtesë pa leje mbi leje, duhet të paguajë shumë shtrenjtë, shumë, shumë shtrenjtë!Dhe atyre që merren me ndërtime, ju them: Mos merrni në qafë administratorët e kantierëve! Do të shkojnë në burg, ashtu siç kanë filluar të shkojnë të gjithë – për moszbatim të lejeve dhe për ndërtime pa leje brenda lejes”, tha Rama.

Në lidhje me veprimet e institucioneve, Rama përmendi se “lojërat fillojnë nga IMT-ja, ndonjëherë nga IKMT-ja dhe policia bashkiake”, të cilat shpesh thonë se “ky ka një shtesë pa leje, por është vetë me leje”.

“Lojërat fillojnë që nga IMT-ja ndonjëherë, dhe IKMT-ja e policia bashkiake thonë që “ky e ka këtë shtesë pa leje, por është vetë me leje”. Nuk ka “vetë me leje” e “shtesë pa leje”. Nuk mund të shkojnë taksat e shqiptarëve për pastrimin e llomotive dhe mijëra e mijëra metrave kub beton nga prishjet”. tha Rama.

The post Shtesat pa leje, Rama paralajmëron ndërtuesit: Do përfundoni në burg appeared first on Euronews Albania.

Përveç lirimit të zonave në plazh të zëna me shezllonge dhe çadra pa lejen përkatëse, Policia e Durrësit, në kuadër të operacionit “Plazhi i Lirë”, ka vijuar edhe këtë të premte me lirimin e hapësirave publike, si trotuare dhe rrugë të zëna nga tregtarë ose subjekte private në plazhin e Golemit.

Më konkretisht, Policia e Durrësit njofton se nga kontrollet e ushtruara këtë të premte u konstatua se shtetasit P. Gj., Q. S. dhe R. A. kishin zënë secili nga një hapësirë publike dhe i kishin përshtatur për kryerjen e aktiviteteve të ndryshme ekonomike, pa leje nga organet kompetente.

Këta tre shtetas, banues në Golem dhe Kavajë, janë proceduar penalisht në gjendje të lirë, ndërsa u referuan materialet procedurale në Prokurori, për veprën penale “Pushtimi i tokës”.

LEXONI GJITHASHTU:

• Policia liron trotuaret dhe rrugët e zëna nga subjekte private në plazhin e Golemit
• EMRI| Përplasje me armë zjarri në Golem, plagoset 22-vjeçari

The post Lirohen hapësira publike në plazhin e Golemit, 3 persona procedohen për pushtim toke appeared first on Euronews Albania.

Policia e Tiranës ka arrestuar një 29-vjeçar në Kamëz, i cili siguronte kokainë dhe pasi e ndante në doza në banesën e tij, e shiste në zona të ndryshme të qytetit.

Shtetasi G. D., banues në Kodër Kamëz, u ndalua nga forcat e rendit teksa lëvizte me automjet në kryqëzimin e rrugëve “Skënderbej” dhe “Iliria”.

Gjatë kontrollit fizik dhe atij në banesë, policia gjeti dhe sekuestroi një sasi lënde narkotike të llojit kokainë, e ndarë në doza, gati për shitje.

Njoftimi i plotë i policisë

“Siguronte lëndë narkotike Kokainë, e ndante në doza në banesën e tij dhe e shiste në qytet, identifikohet dhe kapet 29-vjeçari në Kamëz.

Sekuestrohet sasi e kësaj lënde që iu gjet të arrestuarit, me vete dhe në banesë.

Si rezultat i administrimit të shpejtë të informacioneve të siguruara në rrugë operative, në lidhje me një shtetas që shiste lëndë narkotike, në doza, në zona të ndryshme të qytetit, shërbimet e Komisariatit të Policisë Nr. 5 mundësuan identifikimin dhe kapjen e tij, konkretisht shtetasit G. D., 29 vjeç, banues në Kodër Kamëz.

Ai u ndalua teksa lëvizte me automjet, në kryqëzimin e rrugës “Skënderbej” me rrugën “Iliria”.

Gjatë kontrolleve, atij iu gjet me vete dhe në banesë, sasi lënde narkotike Kokainë, e ndarë në doza, me qëllim shitjen.

Materialet procedurale iu referuan Prokurorisë së Tiranës, për veprime të mëtejshme”, thuhet në njoftim.

LEXONI GJITHASHTU:

• Veliera në bord pëson defekt në Gjirin e Gramës, shpëtohen 3 persona me sukses
• Aksioni në Theth, Rama: Kishte bum ndërtimesh pa leje para dhe gjatë fushatës

The post VIDEO/ Shpërndante kokainë në Kamëz, momenti kur arrestohet 29-vjeçari appeared first on Euronews Albania.

Gjatë takimit me kryetarët e bashkive, kryeministri Edi Rama u tha se të gjithë kryetarët e njësive administrative në Shqipëri duhet të shkarkohen.

Rama tha se shqiptarët na votuan për t’i përmirësuar gjërat dhe këtë gjë duhet ta bëjmë pa përsëritur asnjë gabim.

Shpresoj që të hënën të gjithë kryetarët e njësive administrative të jenë të shkarkuar.

“Përsa i përket kryetarëve të PS, të gjithë kryetarët e njësive administrative të Republikës së Shqipërisë, të gjithë duhet të shkarkohen dhe t’u rijepet mundësia, por t’u jepet edhe të tjerëve kjo mundësi që të tregohen të zotë. Votat që kemi marrë kanë rritur diferencën mes atyre që jemi anëtarë partie dhe atyre që e duan këtë parti në krye. Duhet ta rrisim këtë hapësirë dhe për ata të tjerët që nuk na njihnin dhe s’janë me ne, na e kanë dhënë votën që ne të bëjmë më mirë. Dhe nga ana tjetër, Shqipërinë në BE në 2030 nuk e bëjmë dot duke përsëritur të njëjtat gabime. Gabime mund të bëjmë, por të reja – jo të njëjtat gabime. Dhe një nga gjërat kryesore është t’u japim një mundësi të re njerëzve që kontribuojnë në këtë vend. Edhe drejtorët dhe kryetarët nuk i fus gjithë në një thes, se me siguri ka edhe kryetarë njësish si ai i Novoselës që është 30 vjet aty, ditë e natë në krye të punës. Nuk i fus gjithë në thes se nuk ka nevojë të thuash se e sheh që tek barërat e këqija nuk funksionojnë. Kryetari i njësisë që ka në ngarkim varrezat në Elbasan duhet shkarkuar pa kthim,” – tha Rama.

LEXONI GJITHASHTU:

• Aksioni në Theth, Rama: Kishte bum ndërtimesh pa leje para dhe gjatë fushatës
• Rama kërkon shkarkimin e të gjithë drejtorëve në bashkitë e Elbasanit dhe Lushnjës

The post Rama: Të gjithë kryetarët e njësive administrative në Shqipëri duhet të shkarkohen appeared first on Euronews Albania.

Gjatë takimit që po zhvillohet këtë të premte në Durrës me kryetarët e bashkive, kryeministri Edi Rama ka folur për aksionin në Theth, duke sqaruar ngjarjet që çuan në vendimin e IKMT-së për heqjen e objekteve të ndërtuara pa leje.

Sipas Ramës, në Theth ka pasur një bum ndërtimesh para dhe gjatë fushatës për zgjedhjet e 11 majit 2025.

“Është bërë një pikë qendrore diskutimi për shkak të ngjarjeve në Theth, ku gjatë periudhës para dhe gjatë zgjedhjeve është regjistruar një bum ndërtimesh pa leje, si rezultat i përgatitjeve për sezonin e ri turistik. Jo vetëm një, por rreth 40 denoncime janë bërë nga Policia e Shtetit për këto ndërtime. Në këtë aspekt, Policia e Shtetit ka funksionuar duke i denoncuar këto raste në Prokurori”, tha Rama

Ai theksoi se, në një rast, nuk ishte ndërtuar vetëm një objekt por një fshat turistik i tërë në mes të Thethit.

“Në një rast flagrancë spektakolare, ku është ndërtuar një fshat i tërë turistik në mes të Thethit, një prokurore ka vendosur mosfillimin e hetimeve. Për këtë çështje, Prokuroria, përkatësisht një prokurore me mbiemrin Gjeli, ka vendosur mosfillimin e hetimeve, duke refuzuar të trajtojë rastin dhe duke bërë një analizë mbi pafajësinë e ndërtimit pa leje.

Kryeministri Rama theksoi se ndërtimi pa leje në Republikën e Shqipërisë është vepër penale, dhe në një zonë të mbrojtur si Thethi, kjo është një vepër edhe më e rëndë penalisht.

“Ndërtimet pa leje në Shqipëri janë vepër penale, ndërsa në zona të mbrojtura si Thethi, konsiderohen vepra penale më të rënda”, tha ai.

Rama iu përgjigj kritikëve lidhur me aksionet për lirimin e hapësirave publike dhe prishjen e objekteve pa leje.

“Nga ana tjetër, për të gjithë ata që pyesin pse u kujtuan tani dhe pse i lanë këto të ndodhin, duhet të theksoj se kjo është një betejë e përditshme. Nëse nuk fillojnë të funksionojnë të gjitha hallkat, dhe mbi të gjitha nëse strukturat e pavarura të drejtësisë nuk janë në dispozicion të kësaj përpjekjeje dhe nuk janë të gatshme për zbatimin e ligjit, por përkundrazi funksionojnë si një ‘kullë makaronash’, ku çështjet rrjedhin dhe shkeljet mbeten të pazgjidhura, kjo përpjekje duhet të vazhdojë herë pas here, deri sa të gjithë të kuptojnë se nuk ka asnjë përfitim nga ndërtimet pa leje,” tha Rama.

Gjithashtu, Rama vuri në dukje mungesën e efektshme të Inspektoratit për Mbrojtjen e Territorit, duke përmendur si shembull kryeqytetin Tiranë, ku problemi i ndërtimeve pa leje dhe zaptimit të hapësirave është i madh ndërsa theksoi se edhe policitë bashkiake përbëjnë struktura problematike në këtë drejtim.

LEXONI GJITHASHTU:

• Deklaratat e Ramës, prokurorja Gjeli shkresë KLP-së: Më cënoi dinjitetin
• Ndërtimet pa leje në Theth, Ulsi Manja dërgon në ILD dhe KLP Prokuroren e Shkodrës

The post Aksioni në Theth, Rama: Kishte bum ndërtimesh pa leje para dhe gjatë fushatës appeared first on Euronews Albania.

Pas kritikave të kryeministrit Edi Rama për mosnisjen e hetimeve për objektet e vendosura pa leje në Theth, ndonëse policia e kishte referuar çështjen, prokurorja Elsa Gjeli i është drejtuar me një shkresë KLP-së, duke i shprehur shqetësim për situatën e krijuar dhe duke kërkuar reagim nga ky institucion.

Në shkresën e saj, ajo thekson se do të mbrojë dinjitetin dhe pavarësinë e saj profesionale, të cilat, sipas saj, janë cenuar publikisht dhe në mënyrë të përsëritur nga Kryeministri i Republikës, z. Edi Rama.

Ajo shton se këto veprime kanë ndikuar në perceptimin publik, duke e ekspozuar ndaj një lincimi të pashembullt mediatik dhe duke minuar çdo kuptim të drejtësisë si një sistem i ndarë nga pushteti ekzekutiv.

Gjithashtu, ajo shprehet se qëndrimi i Ramës është i paprecedentë në një shtet demokratik, ku pavarësia e magjistratëve është e garantuar me Kushtetutë.

“Ky qëndrim vë në pikëpyetje jo vetëm profesionalizmin e saj, por edhe aftësinë për të menduar në mënyrë të pavarur dhe logjike. Ai është gjithashtu diskriminues, pasi synon të frikësojë përmes turpit publik dhe nënçmimit figurën e një magjistrateje të re në shërbim të shtetit”, shkruan ajo.

Gjeli shprehet e shqetësuar duke theksuar se presioni publik ndaj saj tejkalon çdo kritikë të lejuar politike dhe synon ta vendosë në shënjestër për arsye tërësisht të lidhura me vendimmarrjen e saj profesionale.

Në përfundim, ajo i kërkon Këshillit të Lartë të Prokurorisë që të analizojë sjelljen e Kryeministrit në kontekstin e cenimit të pavarësisë së Prokurorisë dhe respektimit të ndarjes së pushteteve, si dhe të shqyrtojë mundësinë e një deklarate zyrtare në mbrojtje të trupës së prokurorëve nga sulme të papranueshme politike, duke theksuar se në lidhje me rastin e saj individual është e gatshme të hetohet para të gjithë organeve të drejtësisë.

Shkresa e prokurores Elsa Gjeli

“Paraqes këtë kërkesë zyrtare pranë institucionit tuaj, në mbrojtje të dinjitetit dhe pavarësisë sime profesionale, të cenuar publikisht dhe në mënyrë të përsëritur nga Kryeministri i Republikës, z. Edi Rama.

Në datat 7-8 korrik 2025, Kryeministri i vendit, z. Edi Rama, përmes konferencave publike, postimeve në rrjetet sociale (Facebook, Instagram etj.) dhe deklaratave për media, u shpreh në mënyrë të përsëritur dhe agresive në lidhje me këtë çështje, duke përmendur emrin tim personalisht dhe duke më akuzuar se:

• “Kam hedhur në kosh një krim të shumëfishtë”;
• “Jam përfaqësuese e drejtësisë që mbron shkatërrimin e pronës publike”;
• “Kam vepruar në mënyrë arbitrare dhe të dyshimtë”;
• “Duhet të mbaj përgjegjësi për vendimin tim” etj.

Këto deklarata janë bërë në kapacitetin e tij si Kryeministër, duke ndikuar në perceptimin publik, duke më ekspozuar ndaj një lincimi të pashembullt mediatik dhe duke minuar çdo kuptim të drejtësisë, si një sistem i ndarë nga pushteti ekzekutiv.

Ky qëndrim publik është:

• I paprecedentë në një shtet demokratik, ku pavarësia e magjistratëve është e garantuar me Kushtetutë;
• Personal, pasi godet një Prokuror të ri në detyrë, me eksperiencë të pastër, duke vënë në pikëpyetje jo vetëm profesionalizmin tim, por edhe aftësinë për të menduar në mënyrë të pavarur dhe logjike;
• Diskriminues, pasi synon të frikësojë përmes turpit publik dhe nënçmimit figurën e një Magjistrateje të re në shërbim të shtetit.

Presioni publik ndaj meje tejkalon çdo kritikë të lejuar politike dhe synon të më vendosë në shënjestër për arsye tërësisht të lidhura me vendimmarrjen time profesionale. Vlerësoj të rëndësishme ndër të tjera të ndalem në disa momente të lidhur jo vetëm me dinamikën e fundit të ngjarjeve, të cilat shkojnë përtej normales, por edhe të lidhur me karrierën time profesionale nga momenti i fillimit të detyrës, për të cilën jam betuar para Kushtetutës që do t’a mbroj me solemnitet deri në momentin final të ushtrimit të saj.

Kërkesat:

Në përfundim, në përputhje me kompetencat tuaja, lutem nga Këshilli i Lartë i Prokurorisë, që:

1. Të analizojë sjelljen e Kryeministrit në kontekstin e cenimit të pavarësisë së Prokurorisë dhe respektimit të ndarjes së pushteteve;
2. Të shqyrtojë mundësinë e një deklarate zyrtare në mbrojtje të trupës së Prokurorëve nga sulme të papranueshme politike, duke theksuar se në lidhje me rastin tim individual jam e gatshme të hetohem para të gjithë organeve të drejtësisë;
3. Të ndërmarrë hapa institucionalë për të garantuar sigurinë dhe integritetin profesional të Magjistratëve që ndihen të persekutuar për shkak të vendimeve të tyre të pavarura.

Deklaroj se jam e gatshme të paraqes çdo dokument shtesë dhe të dëshmoj personalisht për ndikimin që këto deklarata kanë pasur në mjedisin tim profesional dhe emocional.

Sqarim mbi çështjen e mosfillimit të hetimeve për objektet në Theth

“Prokuroria ka regjistruar një kallëzim penal më 28.05.2025, pas një referimi nga policia, dhe çështja më është caktuar për verifikim me short elektronik. Nga ky referim i policisë rezultonte se në lagjen Fushë-Theth, në fshatin Theth, Njësia Administrative Shalë, Bashkia Shkodër, nga ana e I.M.T-së ishte konstatuar vendosja e 10 kontenjerëve në pronën e shtetases Lene Prroni.

Këta objekte nuk kishin bazament betoni, por ishin të vendosur në të katër qoshet mbi rrasa guri të prera, sipas referimit të bërë nga Policia Gjyqësore. Gjatë këqyrjes në oborr janë konstatuar pllaka betoni si ato që përdoren për trotuare, si dhe llamarina model sanduiç. Në vend nuk është konstatuar prezenca e ndonjë personi.

Shtetasja Lene Prroni, e pyetur në cilësinë e personit që ka dijeni për veprën penale, ka deklaruar se kapanonet e gjetura janë të vendosura në pronën e saj, të cilën e ka të trashëguar nga paraardhësit e saj. Ajo deklaron se është interesuar pranë bashkisë për të marrë leje ndërtimi për vendosjen e tyre, por i kanë thënë se nuk japin leje, pasi duhen dokumente pronësie për të përfituar, ndërsa ajo nuk disponon dokumente pronësie, por e ka pronën të trashëguar brez pas brezi. Gjithashtu, ka shpjeguar se, në dijeninë e saj, për objektet pa themele, pa betone, nuk ka nevojë për leje ndërtimi.

Shtetasja tregon se paratë për ndërtimin e këtyre kapanoneve i ka marrë borxh nga të afërmit e saj, për të ndërtuar këta kapanone, si dhe ka pasur rreth 300 krerë bagëti në Dukagjin, por duke qenë se nuk kishte çoban për t’u kujdesur për to, i ka shitur të gjitha.

Në referimin e bërë nga Komisariati i Policisë Shkodër citohej se Inspektorati Vendor i Mbrojtjes së Territorit, Bashkia Shkodër, e konsideronte vendosjen e kontenjerëve kundërvajtje administrative.

Në përfundim të veprimeve verifikuese, në datë 30.05.2025 kam vendosur mosfillimin e procedimit penal për këtë kallëzim, pasi fakti nuk përbënte vepër penale, por duke sqaruar se jemi në kushtet e kundravajtjes administrative.

Më 07.07.2025 janë publikuar pamjet e vendit të ngjarjes. Pikërisht në këtë datë ka dalë me prononcimin e parë publik, me tone denigruese, edhe z. Kryeministër, duke vijuar edhe në ditën pasardhëse. Nga këto pamje kam konstatuar se vendi i ngjarjes kishte ndryshuar, duke u betonizuar sheshi ku ishin vendosur kontenjerët. Lidhur me energjinë elektrike, kontenjerët duket se ishin të përdorshëm/banueshëm.

Vlerësoj të rëndësishme të ndalem në disa momente, jo vetëm për dinamikën e fundit të ngjarjeve, që shkojnë përtej normales, por edhe lidhur me karrierën time profesionale, që nga fillimi i detyrës, për të cilën jam betuar para Kushtetutës dhe do ta mbroj me solemnitet deri në momentin final të ushtrimit të saj.

Dua të theksoj faktin se, pavarësisht çdo vështirësie që paraqet profesioni i prokurorit dhe dinamikës së tij, do të ribëja çdo ditë të njëjtën zgjedhje. Aktualisht, i gjithë sistemi i Prokurorisë po përballet me sfida të jashtëzakonshme, të shkaktuara nga mbingarkesa, duke punuar çdo ditë dhe çdo orë pa pushim, pasi besojmë tek vlerat e një drejtësie të pavarur, në mbrojtje të interesit publik dhe krijimin e një të ardhmeje më të mirë për vendin.

Edhe pse që në muajin e parë të ushtrimit të detyrës jam përballur me ngjarje të rënda dhe kam marrë një numër të konsiderueshëm dosjesh për hetim dhe gjykim, kjo sfidë nuk më ka penguar që të ushtroj profesionin tim me integritet. Për vitin 2024, më shumë se unë, mund të flasin shifrat zyrtare të analizuar edhe në Raportin Vjetor, sa i përket dosjeve të përfunduara dhe personave të marrë si të pandehur.

Është kryer arrestimi i shtetasit Lulzim Rakaj, i akuzuar për veprën penale të parashikuar nga nenet 79/dh dhe 22 të Kodit Penal. Edhe pse ditën e seancës gjyqësore për vlerësimin dhe arrestimin e tij kam pësuar një aksident automobilistik, kjo nuk më pengoi që të shkoja në sallën e gjykimit, sërish në mbrojtje të interesit publik.

Nuk dua të ndalem në shumë ngjarje që kam hetuar apo aktualisht jam duke hetuar, pasi nuk kam si objektiv lancimin e tyre, por luftën kundër kriminalitetit dhe mbrojtjen e interesit publik në çdo moment, sipas betimit të bërë para Kushtetutës, që do ta mbroj solemnisht në çdo kohë.

Do t’u lutesha dhe kërkoja institucioneve përkatëse që ligjërisht kanë detyrimin të verifikojnë vendimmarrjen time, të ndërmarrin masat e nevojshme, duke theksuar se jam e gatshme të përballem me çdo pasojë të mundshme, pasi kam bindjen e plotë që vendimmarrja ime mund dhe duhet të vlerësohet vetëm nga organet e përcaktuara nga Kushtetuta dhe ligji, por jo nga institucione jashtë pushtetit gjyqësor. Lejimi i kundërt cenon rëndë parimet themelore kushtetuese”, shkruan Gjeli.

LEXONI GJITHASHTU:

• Aksioni në Theth, Rama: Kishte bum ndërtimesh pa leje para dhe gjatë fushatës

The post Deklaratat e Ramës, prokurorja Gjeli shkresë KLP-së: Më cënoi dinjitetin appeared first on Euronews Albania.

Ka nisur mbërritja e kryetarëve të bashkive në rezidencën qeveritare në Durrës, ku do të zhvillohet sot një retreat informal me kryeministrin Edi Rama dhe disa prej ministrave të kabinetit.

Takimi pritet të nisë këtë të premte në orën 10:00 dhe do të zgjasë deri në orët e pasdites.

Në qendër të diskutimeve do të jenë temat: financat vendore, paketa e maleve, legalizimet dhe regjistrimi i tokave bujqësore, bashkëpronësia, roli i bashkive në procesin e negociatave dhe integrimit në BE, bujqësia si dhe kontrolli i territorit.

Të ftuar në këtë takim janë të gjithë kryebashkiakët, përfshirë edhe ata të spektrit të djathtë politik që drejtojnë bashkitë e Kavajës, Pukës, Hasit, Fushë-Arrëzit, Mirditës dhe Memaliajt.

Kësaj ftese i janë përgjigjur pozitivisht dhe po marrin pjesë në takimin me Ramë kryebashkiakët e PD-së të qyteteve të Kavajës, Fushë-Arrëzit, Memaliajt dhe Mirditës.

Ministrat që do të mbajnë fjalën e tyre në këtë takim janë:

• Ministri i Pushtetit Vendor, Arbjan Mazniku

• Ministri i Financave, Petrit Malaj

• Ministri i Inovacionit, Kulturës dhe Ekonomisë, Blendi Gonxhja

• Ministrja e Bujqësisë dhe Zhvillimit Rural, Anila Denaj

• Ministrja e Shtetit dhe Kryenegociatore, Majlinda Dhuka

• Drejtuesja e Kadastres, Lorena Goxhobelli

LEXONI GJITHASHTU:

• Shkarkimi i drejtorëve nga Rama, analisti: Ish-deputetë nga Amerika po vinë për…
• Rama ndan foton e hapësirave të liruara te 21 Dhjetori: Nuk është më tokë e xanun

The post Kryetarët e bashkive takim informal me Ramën në Durrës, për çfarë do diskutohet appeared first on Euronews Albania.

Alen Sherri është portieri më i ri i Frosinones pasi klubi i Serie B ka arritur akordin me 27-vjeçarin shqiptar, i cili vjen pas një eksperience te Cagliari.

Portieri shkodran kalon te Frosinone në formë huazimi me të drejtë blerjeje në fund të sezonit ndërsa në Sardenjë luajti 7 ndeshje, duke zhvilluar paraqitje pozitive.

“Frosinone Calcio njofton se ka arritur një marrëveshje me Cagliari Calcio për afrimin e lojtarit Alen Sherri. Portieri i lindur në vitin 1997 vjen në formë huazimi me opsion blerjeje”, thuhet në njoftimin zyrtar të klubit.

Sherri, që ka kontratë me Cagliarin deri në verën e vitit 2027, kërkon të jetë protagonist në sezonin e ri me Frosinonen, në përpjekje për ngjitjen në elitën e futbollit italian.

LEXONI GJITHASHTU:

• Enrique leksion Alonsos, PSG shpartallon Realin dhe kalon në finalen e Botërorit
• Vllaznia mposhtet minimalisht nga Daugavpils, barazim shprese për Partizanin

The post Nga Cagliari te Frosinone, Alen Sherri nis aventurë të re në Itali appeared first on Euronews Albania.