Kryetari i Komunës së Tetovës, Bilall Kasami tha se mbi 70 milionë euro do të investohen në ndërtimin e një Qendre Klinike moderne në qytetin e Tetovës.

Ai në takimin me ministrin e Shëndetësisë, Azir Aliu, dhe drejtorin e institucionit, Erzen Elezi, tha se u hodh hap i parë për modernizimin e plotë të këtij kompleksi shëndetësor, që pritet të sjellë një epokë të re për qytetarët e Tetovës dhe rajonit.

Kasami shtoi se Komuna e Tetovës do të sigurojë mbështetje të plotë për realizimin e këtij projekti madhor, duke nënvizuar kalimin nga “errësira e dështimeve të së kaluarës drejt një të ardhmeje që vlen për qytetin.”

Ky investim i rëndësishëm pritet të përmirësojë ndjeshëm cilësinë e shërbimeve shëndetësore dhe infrastrukturën e vendit, duke u shndërruar në një pikë kyçe për shëndetin publik në Tetovë dhe zonat përreth.

The post Kasami: Do të investohen mbi 70 milionë euro në ndërtimin e një Qendre Klinike moderne në Tetovë appeared first on Telegrafi.

Një incident i rëndë me thirrje raciste ndaj shqiptarëve është regjistruar të shtunën në mbrëmje (2 gusht) në Sallën e Sporteve në Kumanovë, gjatë ndeshjes kualifikuese të basketbollit mes Maqedonisë së Veriut dhe Rumanisë.

Thirrjet, të cilat dyshohet se janë bërë nga tifo grupi “Kumani”, përfshinin fraza si: “Le ta kuptojnë shqiptarët e mallkuar, emri Maqedoni nuk do të zhduket. Maqedoni, e pastër”.

Thirrjet u dëgjuan në prani të disa zyrtarëve të lartë shtetërorë, duke përfshirë kryeministrin Hristijan Mickoski, zëvendëskryeministrin Ivan Stoillkoviq, ministrin e Brendshëm Pançe Toshkovski dhe kryetarin e Komunës së Kumanovës, Maksim Dimitrievski.

E gjithë skena është transmetuar drejtpërdrejt në kanalin zyrtar të Federatës Ndërkombëtare të Basketbollit (FIBA) në YouTube.

Këto thirrje shkaktuan një valë reagimesh, veçanërisht pasi ndeshja u zhvillua në prani të zyrtarëve të lartë shtetërorë.

Zëvendëskryeministri i Parë në Qeverinë e Maqedonisë së veriut, Izet Mexhiti, dënoi ashpër thirrjet, duke i cilësuar si një sulm ndaj bashkëjetesës dhe barazisë që e bën Maqedoninë e Veriut unike. Ai bëri thirrje për zbardhjen e rastit dhe parandalimin e përsëritjes së tyre.

Kryetari i Tetovës, Bilall Kasami, theksoi se incidenti nuk ishte vetëm një turp për sportin, por një goditje ndaj idesë së barazisë. Ai e cilësoi Maqedoninë e Veriut si një mozaik kulturor që duhet ndërtuar me frymë të përbashkët.

Arben Taravari, kryetar i Aleancës për Shqiptarët, theksoi se thirrjet ofenduese ndaj shqiptarëve ndodhën në prani të kryeministrit Mickovski dhe zyrtarëve të tjerë, duke kërkuar një reagim të fortë nga ana e tyre.

BDI kërkoi përgjegjësi politike dhe dorëheqjen e dy zëvendësministrave nga radhët e VLEN-it, Astrit Iseni dhe Safije Sadiki Shaini. Ajo gjithashtu u bëri thirrje të gjithë përfaqësuesve shqiptarë në qeveri që të distancohen publikisht nga ky akt.

Thirrjet raciste janë dënuar edhe nga subjekte të tjera politike, të cilat kanë kërkuar zbardhjen e shpejtë të rastit dhe marrjen e masave nga autoritetet kompetente.

Reagime pati edhe nga Kosova.

Presidentja e Republikës së Kosovës, Vjosa Osmani, ka reaguar pas thirrjeve antishqiptare që u dëgjuan gjatë ndeshjes së futbollit ndërmjet Maqedonisë së Veriut dhe Rumanisë, e zhvilluar në Kumanovë. Ajo i ka cilësuar këto thirrje si të papranueshme dhe si cenim të drejtpërdrejtë të frymës së bashkëjetesës dhe respektit të ndërsjellë.

“Shqiptarët janë popull autokton në trojet e tyre dhe meritojnë të trajtohen me dinjitet dhe barazi, ashtu si çdo komunitet tjetër”, thekson Osmani në deklaratën e saj publike.

Presidentja ka shprehur shqetësim edhe për mungesën e reagimit nga institucionet shtetërore të Maqedonisë së Veriut. Sipas saj, heshtja e zyrtarëve të lartë në Shkup i jep hapësirë retorikës së urrejtjes dhe minon tolerancën ndëretnike – një vlerë kyçe për vendet që synojnë anëtarësimin në Bashkimin Evropian.

“Sporti duhet të jetë mjet bashkimi, jo platformë për ideologji të errëta që ngjallin kujtime të dhimbshme dhe kërcënojnë paqen,” tha ajo.

Osmani u ka bërë thirrje autoriteteve në Maqedoninë e Veriut që të ndërmarrin masa të menjëhershme ndaj organizatorëve të këtyre thirrjeve dhe të dënojnë çdo formë të gjuhës së urrejtjes, për të mbrojtur parimet e tolerancës dhe barazisë.

“Republika e Kosovës do të mbrojë me vendosmëri dinjitetin e shqiptarëve, kudo që ata jetojnë,” përfundoi Presidentja Osmani.

Deputeti i PDK-së, Artan Behrami, ka reaguar ashpër për këtë heshtje.

“Sot, ndërsa në Shkup bërtiten parulla fashiste kundër shqiptarëve, Kurti hesht. Heshtja e tij është më shumë se indiferencë, është bashkëfajësi politike dhe morale. Sot hesht edhe Donika Gërvalla, e cila kinse përfaqëson zërin diplomatik të Kosovës në skenën ndërkombëtare, por është zë i urrejtjes kundër oponentëve politik. Sot hesht edhe Presidentja Vjosa Osmani, vetë viktimë e përbuzjes institucionale të qeverisë së Mickoskit në incidentin e aeroportit. Heshtja e saj është dëshmi e transformimit në figurë të nënshtrimit”, ka shkruar Behrami.

Edhe deputeti dhe zyrtari i lartë i AAK-së, Daut Haradinaj, ka reaguar me tone të forta ndaj kryeministrit në detyrë, Albin Kurti, duke e akuzuar për heshtje të qëllimshme përballë valës së urrejtjes raciste ndaj shqiptarëve në Maqedoninë e Veriut.

Përmes një statusi në Facebook, Haradinaj thotë se “ndryshimi” që Kurti pretendoi ta sillte në këtë vend po shoqërohet me “klithma shurdhuese” të urrejtjes ndaj shqiptarëve.

Ai rendit disa nga sloganet që, sipas tij, janë dëgjuar së fundmi:

“Dhoma gazi për shqiptarët”
“Shqiptari i mirë është vetëm shqiptari i vdekur”
“Maqedoni e pastër (pa shqiptarë)”
“Shqiptarët e mallkuar ta dijnë se emri Maqedoni nuk zhduket”

Haradinaj e akuzon Kurtin për heshtje dhe mungesë reagimi, duke e quajtur atë “kumbarë të koalicionit qeverisës në Maqedoni të Veriut”.

Reagime të forta ka pasur edhe nga Shqipëria zyrtare.

Kryetarja e Kuvendit Elisa Spiropali e quajti ngjarjen “të papranueshme” dhe një kujtesë se rruga drejt një shoqërie të drejtë kërkon një angazhim të vazhdueshëm.

Spiropali theksoi se gjuha e urrejtjes, e cila nxit dhunën dhe racizmin, nuk duhet të ketë vend në asnjë hapësirë publike, e sidomos në sport. Ajo shtoi se sporti, në thelb të tij, promovon frymën e bashkimit, bashkëpunimit dhe respektit të ndërsjellë.

Kryeparlamentarja vlerësoi reagimin e institucioneve të Maqedonisë së Veriut, por kërkoi një reagim edhe më të fortë nga zyrtarët më të lartë të vendit.

“Ngjarja e djeshme në Kumanovë, ku një ndeshje basketbolli u njollos nga thirrje ekstremisht fyese dhe përjashtuese ndaj shqiptarëve, është e papranueshme dhe një kujtesë se rruga drejt një shoqërie të drejtë, gjithëpërfshirëse dhe të respektit të ndërsjellë kërkon angazhim të pandërprerë. Gjuha e urrejtjes që nxit dhunën, konfliktin etnik dhe racizmin, nuk ka vend në asnjë hapësirë publike, e aq më pak në sport, që në thelb të tij mbart frymën e bashkimit, të bashkëpunimit, të lojës së ndershme dhe të respektit ndaj tjetrit. Vlerësoj reagimin e institucioneve të RMV, duke kërkuar njëkohësisht reagim edhe më fortë publik të zyrtarëve më të lartë të vendit mik”, theksoi Spiropali.

Spiropali shtoi se bashkëjetesa ndëretnike është një vlerë e përbashkët në rrugën evropiane, e cila duhet ruajtur me përgjegjësi.

Ajo bëri thirrje që sjellja korrekte, si në fusha dhe tribuna, ashtu edhe në institucione, të shërbejë si shembull për vizionin e përbashkët për të ardhmen.

“Bashkëjetesa ndëretnike në Maqedoninë e Veriut është një vlerë e përbashkët në rrugën evropiane, që duhet ruajtur dhe kultivuar me përgjegjësi nga të gjithë faktorët në rajon, përmes veprimit, qëndrimeve dhe shembullit. Sjellja korrekte në fusha, në tribuna dhe në institucione flet shumë për vizionin tonë për të ardhmen. Shqipëria dhe shqiptarët mbeten të palëkundur në promovimin e një bashkëjetese model dhe larg ndasive të dala mode e boje”, shkruan Spiropali.

Edhe Ambasadori i Shqipërisë në Maqedoninë e Veriut, Denion Meidani, ka reaguar ashpër ndaj incidentit racist të ndodhur në Kumanovë, gjatë një ndeshjeje basketbolli.

Në një deklaratë publike, ai theksoi se gjuha e urrejtjes nuk ka vend në sport dhe shoqëri, duke e cilësuar ngjarjen si një “alarm” për të gjithë.

Ambasadori Meidani kërkoi një reagim të fortë dhe të qartë nga autoritetet më të larta të Maqedonisë së Veriut. “Bashkëjetesa kërkon angazhim të përditshëm, respekt për rregullat e lojës dhe për njëri-tjetrin — jo vetëm në tribuna, por kudo”, shkroi ai.

Edhe Këshilli për Marrëdhënie Shqiptaro-Amerikane (AARC) ka reaguar ashpër pas thirrjeve skandaloze anti-shqiptare të dëgjuara gjatë një ndeshjeje në Maqedoninë e Veriut, ku u bë thirrje që shqiptarët të futen në “dhoma gazi”.

Në reagimin e tyre, AARC thekson se kjo gjuhë urrejtjeje nuk ka vend në një shoqëri demokratike dhe shumëetnike, duke kujtuar se këto thirrje rikujtojnë kapitujt më të errët të historisë europiane.

Organizata shpreh indinjatën edhe për heshtjen e udhëheqësve shtetërorë, përfshirë kryeministrin, të cilët ishin prezentë por nuk reaguan. “Udhëheqja matet me guxim moral, jo me heshtje,” thekson AARC.

Sipas tyre, shqiptarët janë pjesë përbërëse e këtij vendi dhe çdo përpjekje për nxitje urrejtjeje duhet të ndiqet me pasoja ligjore dhe institucionale.

Ndërkohë, Prokuroria Themelore Publike e Kumanovës ka ndërmarrë disa veprime për hetimin e skandalit në ndeshjen e basketbollit mes Maqedonisë së Veriut dhe Rumanisë në Kumanovë të shtunën.

“Prokuroria Kryesore Publike e Kumanovës po vazhdon dhe ka lëshuar disa urdhra dhe udhëzime për Drejtorinë e Punëve të Brendshme të Kumanovës për të hetuar elementët e një vepre penale në thirrjet që përmbanin gjuhë urrejtjeje nga individë aktualisht të panjohur në ndeshjen e djeshme të basketbollit midis ekipeve kombëtare të Maqedonisë dhe Rumanisë. Është lëshuar gjithashtu një urdhër për të siguruar pamjet e kamerave të mbikëqyrjes me qëllim identifikimin e autorëve të mundshëm”, njoftoi Prokuroria.

The post Thirrjet raciste anti-shqiptare në Kumanovë, reagime të ashpra nga Kosova, Shqipëria e diaspora appeared first on Telegrafi.

Kryetari i Komunës së Tetovës, Bilall Kasami njoftoi se nga 1 janari do të fillojë të përdoren kamerat e “safe city” në Tetovë.

“Nga 1 janari do të ndryshoj koncepti. Në qytet do të ketë kamera, dhe sipas regjistrimit të kamerave të merret masa për shkelësit e ligjit nga ana e policisë. Po kemi biseduar edhe me Ministrin që të ketë edhe vetura mobile në qytet, e cila do të evidentojë shkelësit e rregullave në komunikacion”, tha Kasami.

Kasami poashtu njoftoi se nuk do të ketë privatizim të ujit në Tetovë.

“Sipas ligjit nuk mund të ketë privatizim të ujit, por po punojmë që të sanojmë problemet në terren dhe uji të shkojë në vendin e duhur”, tha Kasami./Telegrafi/

The post Kasami: Kemi kërkuar nga Ministri që në qytet të ketë vetura mobile, e cila do të regjistrojë shkelësit e ligjit në komunikacion appeared first on Telegrafi.

Kryetari aktual i komunës Bilall Kasami do të kandidojë edhe për një mandat tjetër në Komunën e Tetovës në zgjedhjet lokale që do të mbahen në tetor, njoftoi në konferencën e sotme për shtyp Zeqirija Ibrahimi, kryetar i Alternativës dhe njëri nga liderët e VLEN-it.

“VLEN deri më tani ka shpallur kandidaturat për kryetar komune me të cilat do të marrë pjesë në zgjedhjet lokale. Ne mbështesim kandidatin e pavarur për Strugën, Mendi Qyra. Ndërkohë, tashmë është e qartë se VLEN do të shkojë me Blerim Sejdiun në Zhelinë. Ende po diskutojmë për kandidatët e tjerë”, tha Ibrahimi.

Ai konfirmoi se Bilall Kasami do të kandidojë edhe për një mandat për Komunën e Tetovës.

“VLEN do ta nominojë kryetarin aktual Bilall Kasamin për një mandat tjetër në Komunën e Tetovës për zgjedhjet lokale që do të mbahen në tetor”, njoftoi ai në konferencën e sotme për shtyp.

Ai theksoi se deri në fund të këtij muaji pritet të shpallin emrat e shumicës së kandidatëve të tjerë për kryetar bashkie.

Lidhur me bashkëpunimin me OBRM-PDUKM-në, Ibrahimi theksoi se ata kanë një marrëveshje në parim për të mbështetur njëri-tjetrin në komunat në të cilat mund të ndihmojnë njëri-tjetrin./Telegrafi/

The post Bilall Kasami do të kandidojë edhe për një mandat për Komunën e Tetovës appeared first on Telegrafi.

Zgjedhjet lokale në Maqedoninë e Veriut po afrohen, ndërsa partitë politike kanë nisur me kalkulimet se si do të dalin në garë. Ende nuk është zyrtarizuar asgjë, por ajo që dihet është se partitë në pushtet do ta përkrahin njëra-tjetrën, madje që në raundin e parë në disa komuna.

Kryeministri Hristijan Mickoski, tha se negociatat me VLEN-in dhe ZNAM-in që janë partnerë qeverisës, po shkojnë në drejtim të mirë. Mickoski tha se pret që të kenë mbështetje reciproke të partive në qeveri.

“Sa i përket ZNAM-it, kemi marrëveshje në parim që ata do të kandidojnë me listat e tyre të këshilltarëve, koalicioni i udhëhequr nga OBRM-PDUKM do të kandidojë me listat e tyre, dhe në ato komuna ku vendosim të mbështesim një kandidat, qoftë nga koalicioni i udhëhequr nga OBRM-PDUKM apo ZNAM, njëri apo tjetri nuk do të nominojë kandidat, ata do të mbështesin njëri-tjetrin”.

“Sa i përket koalicionit VLEN, pres që të mbështesim kandidatët e këtij koalicioni në raundin e parë sepse besojmë fuqimisht se partia që nuk ka bërë asgjë për më shumë se 20 vjet dhe fokusi kryesor i së cilës ishte lëshimi i licencave të marihuanës, hapja e kazinove dhe loja e futbollit në zyra, mendoj se duhet të mposhtet në këto zgjedhje dhe të hyjë në histori në skenën politike maqedonase”, tha Mickoski, duke iu referuar BDI-së për dështimet në vitet e fundit.

Edhe kryetari i Komunës së Tetovës, Bilall Kasami, i cili pritet të nominohet edhe për një mandat nga radhët e VLEN-it, tha se do të kenë marrëveshje me partitë e qeverisë për zgjedhjet lokale.

“Jemi në fazën e analizës së kandidatëve të VLEN-it. Nuk kemi vendosur nëse do të nxjerrim kandidat në Shkup. Kur do të kemi vendim edhe për komunat tjera do të kemi qëndrim kandidatëve tjerë. Ajo që e kam thënë është që si koalicion qeveritar, do të ketë bashkëpunim, në drejtim të përkrahjes së kandidatëve që do të shkojnë në raundin e dytë”.

“Sa i përket raundit të parë ne do të shkojmë në të gjitha komunat ku ka gjasa reale që edhe kandidati shqiptarë të garojë për kreun e komunës”, tha Kasami.

Situata është më interesante në kampin opozitar shqiptar, e cila pritet të zgjerohet edhe me kalimin e Arben Taravarit nga qeveria. Ky i fundit në një deklaratë për media para disa ditëve tha se së shpejti do të dalin me emrat e kandidatëve për kryetarë së bashku me partitë tjera të siç e quajti ai “Aleancës Kombëtare”.

“Së shpejti në koordinim me partitë që do të dalim së bashku në zgjedhje si Aleancë Kombëtare, do të promovojmë emrat e kandidatëve të cilët do të jenë të pranuar nga të gjithë. Emri i koalicioni nuk është përfundimtar nëse do të jetë Aleanca Kombëtare ose Fronti Kombëtar”, tha Taravari.

Ndërsa i pyetur kur do të ketë takim me Ali Ahmetin për të definuar bashkëpunimin në zgjedhjet lokale, Taravari tha se do të ketë grupe pune që do të merren me këtë çështje.

“Do të ketë grupe pune që do të vazhdojnë të koordinohen dhe do të shohim nëse do të dalim me lista të përbashkëta ose të veçanta. Unë si kryetar jam që të dalim me lista të veçanta, por për këtë duhet të vendos kryesia e partisë”, tha Taravari.

Përveç kandidatëve partiak në zgjedhjet lokale do të marrin pjesë edhe kandidatë të pavarur. I tillë është Mendi Qyra për Komunën e Strugës, por i cili do të merr mbështetjen e koalicionit VLEN. Ndërsa sot kandidaturë të pavarur për Komunën e Gostivarit ka shpallur edhe Visar Ademi.

Lexo po ashtu Mendi Qyra shpall kandidaturë për Komunën e Strugës: Ftoj partitë politike të më mbështesin

Ndryshe, zgjedhjet lokale do të shpallen në muajin gusht ndërsa të njëjtat pritet të mbahen më 19 tetor, ndërsa do të votohet për 80 komuna dhe Bashkinë e Shkupit./Telegrafi/

The post Kush kë do ta mbështesë në zgjedhjet lokale – partitë politike nisin me deklarata zyrtare appeared first on Telegrafi.

Koalicioni VLEN ka hapur sonte shtabin zgjedhor të zgjedhjeve lokale të tetorit, informon Telegrafi Maqedoni.

Para të pranishmëve në sheshin Skenderbeu në Shkup, fjalë rasti patën liderët e partive përbërëse të VLEN-it.

Bekim Qoku nga Vetëvendosje tha se kjo qeverisje ka punuar me vepra dhe jo fjalë, siç dikur bënte qeverisja e kaluar.

“Në fushatë kisha një thënjë “Erdhi dita, Ali opozita, erdhi data, BDI non-grata”, ne si mund te krahasohemi me ata që nuk investonin por shihnin interesin, me ata që  blenin qëndra tregtare teksa ne ndajme mjete për univeristetet shqiptare, ne ndërtojme korridorin tetë, teksa ata nuk lëshuan asnjë kilometër rrugë. VLEN janë me Albin Kurtin, janë me Shqipërinë, për NATO dhe BE” tha Qoku.

Zëvendëskryeministri, Arben Fetai tha se ish-bashkëpartiakëve të VLEN-it, ju ranë maskat, pasi tanimë po shihet se ASH po afrohet në bashkëpunim më BDI-në.

“U bashkuam kundër BDI-së, kunder llotarisë, kundër Soravisë. Shokëtë tanë ju ranë maskat, a torturuan për pesë muaj më tema për lista në ndara, duke dashur të kontrabandoj votuesin shqiptar për interesa tjera. Qeverisja e mirë është angazhim i përditshëm në interes të qytetarëve, ne duam institucione qe punojnë për popullin”, tha Fetai.

Kryetari i Komunës së Tetovës, Bilall Kasami tha se kryetarët e komunave që janë pjesë e VLEN-it kanë punuar për shumë projekte komunale në të mirë të qytetarëve.

“Sot jemi në sheshin Skenderbeu, ne Cairin e kryetarit të cilin po e sulmojnë vazhdimisht, mirëpo kjo komunë ka pasur zhvillimin ndoshta më të madh nga komunat e tjera të Shkupit. U bë Cairi, u bë ëdhe Tetova. Për një mandat përgjysmuam borxhin e Komunës së Tetovës, si një synim që tashmë e kemi realizuar. Sot Tetova flet për rini, flet për verën kulturore, flet për projekte të reja ne të mirë të shoqërisë”, tha Kasami.

Zëvendëskryeministri i parë, Izet Mexhiti tha se VLEN ka realizuar punë që BDI në 20 vitet e kaluara i kishtë lënë në harresë.

“Frontit tash me Taravarin bëhen 10 parti, po edhe me atë do t’i fitojmë. Anëtarësia e ASH-së e braktis Taravarin dhe bashkohen me Arben Fetain. Ne po përmirësojmë atë që ata nuk e bënë për 20 vite. Thanë që rrezikohet gjuha shqipe, mirëpo u shkarkuar gjykatësja që tentoi ta prekë atë ligj. Balancuesin e shfuqizoi gjykata e tyre, mirëpo ne do e rregullojmë me ligjin për përfaqësim të drejtë këtë punë. Për nje vit zgjedhim dhe problemin me medresantët, pra po sjellim ligj të veçantë për medresenë Isa Beu. Për një vit 226 faqe onlinë të kazinove të BDI-së dhe Grubit janë mbyll”, tha Mexhiti.

Kryetari i Alternativës, Zeqirja Ibrahimi në fjalimin e tij tha se hapja e shtabit zgjedhor është kapitull për një fitore të re.

“Sonte nuk po hapim shtab por po hapim kapitullin e fitores së këtij viti. Populli do të vendos a janë me VLEN-in për zhvillimin e komunave shqiptare, apo janë për kthimin e BDI-së? Nesër në Shkup do të mbahet parada e krenarisë, BDI-LSDM tentuan ta ndrrojnë kodin civil në vitin 2022, mirëpo ju doli dardhë me bisht. Nëse jo për diçka tjetër, së paku vetëm pse VLEN mbron familjen tradicionale, duhet ta përkrahni”, tha Ibrahimi.

Shefi i Shtabit Zgjedhor, Adnan Azizi tha se shqiptarët janë punësuar në qeverisjen e VLEN-it, ndaj me këtë ritëm do të vazhdojnë dhe tutje.

“Hapja e këtij shtabi qendror do të vijojë dhe më hapjen e shtabeve të tjera. Punësimet e shqiptarëve po ndodhin në këtë qeverisje, 600 punesime dhe avansime, ndaj duhet të angazhohemi maksimum në keto zgjedhje, të dëshmojmë se VLEN-I është projekt afatgjatë I shqiptarëve. Për një shoqëri më të pastër, më të ndershme dhe më dinjitoze”, tha Azizi. /Telegrafi/

The post VLEN hapi shtabin qendror zgjedhor: Për një vit qeverisje realizuam punët që BDI nuk i realizoi për 20 vite në pushtet appeared first on Telegrafi.

Kryetari i Komunës së Tetovës Bilall Kasami, ka folur për deklaratën e ministrit të Marrëdhënieve Ndërmjet Bashkësive, Ivan Stoilkoviq, i cili tha se do të propozojë të shkarkohet drejtori i Inspektoratit për përdorimin e gjuhëve, Arsim Idrizi, pasi ky i fundit nuk foli edhe në gjuhën maqedonase në një konferencë për shtyp.

Kasami tha se propozimet për shkarkime i bëjnë të njëjtat parti që i propozojnë edhe emërimet.

“Emërtimet e funksionarëve bëhet me propozimet të partive të cilat i emërojnë, është marrëveshje e koalicionit. Mendoj se ndoshta është një deklaratë e përshpejtuar, sigurisht që gjithë procesi i bashkëqeverisjes është në bazë të marrëveshjes për bashkëqeverisje të partnerëve të koalicionit, nuk besoj që ka një marrëveshje për emërimet dhe shkarkimet e funksionarëve të partive, gjithmonë ka kështu keqkuptime mes partnerëve të koalicionit, por besoj që do të tejkalohen. Unë besoj që propozimin e emërimit dhe shkarkimit e bëjnë partitë të cilët i bëjnë propozimet edhe për shkarkim”, deklaroi Kasami.

Ndryshe, Kasami së bashku me ministren e Arsimit dhe Shkencës Vesna Janevska, morën pjesë në promovimin e fasadës së shkollës “Andrea Staveski Kikish”, investim me vlerë 4 milionë denarë./Telegrafi/

The post Kasami komenton deklaratën e Stoilkoviqit: Propozimin e shkarkimit të drejtorit të Inspektoratit të gjuhëve mund ta bëjë partia që e ka emëruar appeared first on Telegrafi.

Bilall Kasami nga VLEN thotë se po shqyrtojnë nëse do të mbështesë idenë për një, tre apo tetë njësi zgjedhore.

Ai tha se sistemi zgjedhor me një njësi, mund të ketë implikime ndëretnike.

“Kjo mund të ketë edhe implikime ndëretnike, sepse me një njësi zgjedhore sigurisht që duhet të ketë garanci që në të gjithë territorin e Maqedonisë së Veriut do të mund të ruhet vota dhe nuk do të mund të ketë deformime të realitetit etnik të përfaqësimit në Kuvend. Pra duke i marrë parasysh të gjitha këto aspekte. Ne jemi duke ndërtuar qëndrimin tonë se a do të jemi për një njësi zgjedhore, për tre apo për tetë”, deklaroi Kasami.

Ndërsa më herët Ziadin Sela, tha se ASH-ja që e drejton ai është për tetë njësi zgjedhore dhe për lista të hapura.

The post Kasami: Do ta shqyrtojmë se çfarë modeli zgjedhor do të mbështesim appeared first on Telegrafi.

Komuna e Tetovës në bashkëpunim me Saubermacher, nis aksionin për pastrimin e mini deponive të krijuara në disa pika nëpër rrugët e malit Sharr. Krijimi i deponive nëpër Sharr, vitin e fundit është reduktuar tejmase, megjithatë, ky fenomen vazhdon edhe më tej të jetë prezent. Kreu i komunës Bilall Kasami, ka apeluar banorët që të mos krijojnë deponi të këtilla nëpër rrugët e malit Sharr.

“Komuna po punon në mënyrë permanente për zgjidhjen e këtij problemi. Aktualisht po punojmë afër me ndërmarrjen Saubermacher që të bëj grumbullimin e rregullt dhe në kohë të mbetjeve nga zonat e malësisë, dhe në gjitha lokacionet e identifikuara si problematike dhe me potencial për tu bë deponi të egra, ne jemi në komunikim edhe me Ministrinë e Ekologjisë por edhe me ndërmarrjen e komunës që këto deponi ti pastrojmë. Patjetër që brenda këtij muaji patëm aksion me partnerin ndërkombëtar “GENERALKA” që filloi pastrimi i gjitha deponive në rajonin e Tetovës, por edhe me këtë aksion edhe në mënyrë të vazhdueshme do vazhdojmë punën për një qytet më të pastër”, tha Bilall Kasami. Kryetar i komunës së Tetovës.

Pikërisht shkaku i mbrojtjes së Sharrit nga krijimi i deponive jolegale dhe investimi në mirëmbajtje, detyroi Parkun Kombëtar që të vendos taksën për gjitha makinat që do ngjiten në rrugët e Sharrit.

“Për çdo makinë do duhet të paguhet 150 denarë. Insistimi në fillim ishte të paguhet për person por mbeti pagesa vetëm për makinat. Do jetë gjë e mirë sepse po mundohemi ta mbajmë më pastër edhe parkun kombëtar por edhe të iniciojmë nisma të atilla që të zhvillojmë parkun më së miri. Por meqë si drejtori jemi me vetëfinancim, ky projekt do e ndihmojë drejtorinë shumë”, tha Emir Huseini drejtor i Parkut Kombëtar “MALI SHARR”.
Numri më i madh i deponive nëpër malin Sharr, janë në fshatrat më të largëta malore, ku edhe pse nga komuna dhe Ministria e Ekologjisë janë pastruar disa herë, sërish nga disa banorë të pandërgjegjshëm, formohen të njëjtat bri rrugëve.

The post Nis aksioni për pastrimin e deponive të vogla jolegale në rrugët që çojnë në malin Sharr appeared first on Telegrafi.

Ka mbaruar mbledhja e koalicionit VLEN, në të cilën është vendosur që prej sot të funksionojnë si një parti e vetme politike. Kasami tha se pas këtij takimi të gjitha aktivitetet publike të partive pjesëmarrese do të jenë në moratorium.

Pas mbledhje, Bilall Kasami i Besës njoftoi se është formuar kryesia e përbashkët. Ndërkaq i pyetur për kryetarin, tha se do të zgjidhet në ditët në vijim.

“VLEN vendosi që kryesia të jetë organi i parë i përbashkët i VLEN-it. Prej sot do të ketë moratorium të aktiviteteve publike të partive politike pjesëmarrëse të VLEN-it dhe gjithçka do të jetë nën logon e koalicionit. Në takimet e ardhshme do të ngrihen organet tjera, drejtuesit e VLEN-it dhe shefat e shtabeve zgjedhore. Grupi parlamentar vazhdon me deputetët që do të mbështesin këtë grup parlamentar”, tha Kasami pas mbledhjes.

“Unë e përmenda, se në mbledhjet e radhës, në ditët në vijim do të flasim edhe për organet e tjera duke përfshirë këtu edhe lidershipin e partisë. Ajo që është me rëndësi që nga sot nisim homogjenizimin dhe ngritjen e strukturave të përbashkëta atë që e kemi paralajmëruar – themelimin e një subjekti të vetëm politik”, tha Kasami.

Ndryshe, pjesë e këtij koalicioni fillimisht ishin katër parti, Aleanca për Shqiptarët, Lëvizje Besa, Lëvizja Demorkatike dhe Alternativa, ndërsa ditë më parë Arben Taravari i ASH-së tha se në zgjedhjet lokale do të garojë me lista të veçanta për këshilltarë komunal dhe se nuk do të jetë pjesë e koalicionit VLEN./Telegrafi/

The post Zyrtarizohet shkrirja e VLEN-it në parti politike, kryetari do të zgjidhet në takimet e ardhshme appeared first on Telegrafi.

Kryetari i Lëvizjes Besa, Bilall Kasami, ka folur në lidhje me zhvillimet në VLEN, si dhe të ardhmen e Qeverisë, pas vendimit të ASH-së së Arben Taravarit, që të largohet nga koalicioni VLEN. Kasami tha se pavarësisht numrit të deputetëve, VLEN e ka të drejtën e përfaqësimit të shqiptarëve, duke iu referuar votave në zgjedhjet e fundit kuvendare.

Ai theksoi se ditët në vijim do të merret vendim brenda koalicionit qeveritar, duke shtuar se pret të rritet numri i deputetëve që do të jenë pjesë e shumicës qeverisëse, njofton Telegrafi Maqedoni.

“Legjitimitetin e kemi marrë me 107 mijë vota në zgjedhjet e fundit si koalicion i partive shqiptare. Vlerësojmë se të drejtën e përfaqësimit të shqiptarëve e ka VLEN. Çdo subjekt që largohet nga VLEN nuk e ka përkrahjen e votave, pavarësisht numrit të votave VLEN do të vazhdojë të ketë legjitimitetin. Por, pres që ditët në vijim kur të marrim vendimin formal për hapat e mëtutjeshëm të Qeverisë, numri i deputetëve të rritet e jo të zvogëlohet”, tha Kasami.

“Është e panatyrshme që një subjekt politik që është në qeveri, dhe bashkëpunon me opozitën. Ne si VLEN sollëm vendimin që është i njohur në opinion, tani në koordinim me partnerët tjetër të Qeverisë do të do të sjellim vendimin e fatit të Qeverisë dhe koalicionit qeveritar. Secili që bashkëpunon me BDI-në dhe Ali Ahmetin të cilin e kemi akuzuar dhe vazhdojmë ta akuzojmë për korrupsion dhe krim për 20 vite, nuk mund të jetë pjesë e Qeverisë. Por sërish them, është vendim formal që duhet ta sjellim si partnerë të koalicionit qeveritar”, tha mes tjerash Kasami./Telegrafi/

The post Kasami: Çdokush që bashkëpunon me Ali Ahmetin nuk mund të jetë pjesë e Qeverisë, pres të rritet numri i deputetëve të shumicës qeverisëse appeared first on Telegrafi.

Aleanca për Shqiptarët – krahu i Ziadin Selës, ka reaguar ndaj Kasamit duke akuzuar se e ka mashtruar opinionin dhe ka manipuluar procesin e shitjes së parcelës së ish-Monopolit, duke i shkaktuar komunës dëm financiar prej 2.1 milionë eurosh.

Lexo po ashtu Kasami: Shitja e 'Monopollit' me çmim qesharak, nga viti 2014

Sipas ASH-së, në vend që fillimisht ta ndryshonte Planin Detal Urbanistik nga zona G2 – industri e lehtë në A2 – zonë banimi dhe më pas ta shiste me vlerën reale të tregut, Kasami e shiti pronën prej 7000 metra katror për vetëm 70 denarë për metër katror, ose 7.000 euro në total, e që sipas çmimit real, komuna do të kishte inkasuar të paktën 300 euro për metër katror, pra 2.1 milionë euro.

Reagimi i plotë:

“Kryetari i Komunës së Tetovës, Bilall Kasami, ka mashtruar opinionin publik dhe ka manipuluar procesin e shitjes së parcelës së ish-Monopolit, duke i shkaktuar komunës një dëm financiar prej 2.1 milionë eurosh.

Si u realizua skema?

Në vend që fillimisht ta ndryshonte Planin Detal Urbanistik (PDU) nga zona G2 (industri e lehtë) në A2 (zonë banimi) dhe më pas ta shiste me vlerën reale të tregut, Kasami e shiti pronën prej 7.000 m² për vetëm 70 denarë për metër katror, ose 7.000 euro në total! Po ta shiste pas ndryshimit të planit urbanistik, komuna do të kishte inkasuar të paktën 300 euro për metër katror, pra 2.1 milionë euro”, thotë ASH-Sela.

The post ASH-Sela: Kasami ka manipuluar me shitjen e parcelës së ish-Monopolit, i ka shkaktuar komunës dëm financiar prej 2.1 milionë eurosh appeared first on Telegrafi.

Kryetari i Lëvizjes Besa, Bilall Kasami tha se, janë të gatshëm të bisedojnë për ndryshimin e stemës, por siç thotë, të këtë të përfshihet edhe ndryshimi i himnit dhe ndryshimi i definicionit për gjuhën shqipe.

Kasmai në “Daily Click” tha se e gjitha është te ndryshimet kushtetuese që thotë se nuk mund të ndryshohet çdo ditë ndërsa sa u përket këtyre ndryshimeve, Kasami tha se janë kërkesa dhe jo kushtëzime.

“Po parimisht jemi të gatshëm të bisedojmë për ndryshimin e stemës por në një pako me ndryshimin e himnit, me ndryshimin e definicionit për gjuhën shqipe që është në Kushtetutë 20% dhe sigurisht me zgjidhjen e disa problemeve tjera me të cilat shteti do të reflektojë realitetin multietnik në RMV dhe rrugëtimin e saj drejt BE-së.

Kërkesa jo kushtëzime, kërkesa kushtetuese që në këtë rast kemi kërkesa që janë të koalicionit, në këtë rast, të pjesës shqiptare të koalicionit”, tha Kasami.

The post Kasami: Me stemën, të ndryshohet himni dhe definicioni për gjuhën shqipe appeared first on Telegrafi.

Kryetari i Lëvizjes Besa, Bilall Kasami sot tha se do Maqedonia duhet të reflektojë kohën e re dhe si pjesë e familjeve evropiane, përcjell Telegrafi Maqedoni.

“Do kishim dashur që të reflektojmë kohën e re dhe ajo është Maqedonia evropiane”, tha Kasami.

I pyetur për nderimin e stemës së shtetit, Kasami tha se do t’i kishim qenë të gatshëm që të flasim për një pako më të gjerë.

“Do t’i kishim qenë të gatshëm që të flasim për një pako ku sigurisht ku do të kishte qenë në shqyrtim edhe stema edhe çështja e himnit, por edhe çështja e ndryshimeve tjera kushtetuese që kanë të bëjnë me avancimin e të drejtave të shqiptarëve, apo me çështjen e definimit jo të përshtatshëm të gjuhës shqipe në kushtetutë si gjuha e 20%”, shtoi Kasami./Telegrafi/

The post Kasami: Duhet të reflektojmë kohën e re të Maqedonisë, jemi të gatshëm të bisedojmë për stemën, himnin dhe 20% appeared first on Telegrafi.

Persona të caktuar të cilët kanë uzurpuar institucionet për të shprehur qëndrimet e tyre personale, tha sot kryetari i Komunës së Tetovës, Bilall Kasami duke u përgjigjur në pyetjen e gazetarëve në lidhje me deklaratat e ministrit, Ivan Stoilkoviç, shkruan Telegrafi Maqedoni.

“Nuk hera e parë që disa persona të caktuar uzurpojnë institucione që të shprehin qëndrimet e tyre personale. Kur flasim për një bartës të një pozite të një institucioni publik duhet të kemi parasysh ndjeshmërinë e pozicionit të cilët përfaqësojnë”, tha Kasami.

Ai tha se shpreson që këto do të jenë komentet e fundit të Ministrit në fjalë.

“Ai lëre që duhet të ketë përgjegjësi për pozicionin që ka por duhet të ketë ndjeshmërinë e funksionit të multietnicitetit që përfaqëson Maqedoninë. Ai nuk është vetëm përfaqësuese i pakicë së popullit serb, por është përfaqësues i të gjitha komuniteteve.

I pyetur nëse do të kërkohet llogari nga ai, Kasami u përgjigj se patjetër që duhet të ulemi në kuadër të qeverisë dhe të flasim, sepse siç tha Kasami, nëse vazhdojmë me kështu fjalor dhe është fjalor përçarës dhe se nuk ja duan të mirën vendit./Telegrafi/

The post Kasami: Duhet kërkuar llogari për deklaratat e Stoilkoviçit appeared first on Telegrafi.

 TIRANË- Kryetari i partisë Besa në Maqedoninë e Veriut, Bilall Kasami, foli për rivalët e tij politikë, gjatë intervistës në “Real Story” me gazetarin Sokol Balla.

Ai u pyet se sa janë të gatshëm ata të luajnë rolin që ka luajtur Ali Ahmeti në qeveri, për mbrojtjen e të drejtave të shqiptarëve në Maqedoninë e Veriut.

“Duke bërë analizën e faktori politik maqedonas, ne rikthemi në realitetin e faktorit politik shqiptar. Ali Ahmeti në qeverisë edhe me VMRO për dhjetë vite, edhe me LSDM për dy mandate, për gati tetë vite, nuk bëri lëvizje reale sa i përket avancimit të të drejtave të shqiptarëve. Edhe sot kemi kryetar, edhe në kohën e Jugosllavisë, në RMV kryetari i Kuvendit ka qenë shqiptar. Është më shume simbolike se sa reale. Kryeministri teknik siç ishte Talat Xhaferi apo kryetari i Kuvendit, unë po e them se nuk i bëri asgjë reale në drejtime avancim të të drejtave shqiptare nga pozita që kishte, pra nuk e shfrytëzoi pozitën e kryetaret të Kuvendit apo kryetari të qeverisë për të bërë një veprime në drejtim të avancimit të të drejtave shqiptare. Nuk kemi avancim real të problemeve reale, që mbulonin këto dy dikastere. Është përfaqësimi i drejtë i shqiptarëve në institucionet e shtetit, është kategori kushtetuese  dalë nga marrëveshja e Ohrit. Ahmeti kishte 20 vjet mundësi që këtë çështje ta rregullojë me ligj këtë konform përcaktimin kushtetueses. Ai e rregulloi me mekanizëm administrator dhe Gjykata Kushtetuese e kontestoi. Ne si koalicion Vlen, kishim premtim parazgjedhor, po punojmë dhe  do kemi një ligj të veçantë që garanton që punësimet në administratën shtetërore do të bëhen konform regjistrimit të fundit dhe numrave që shqiptarët janë mbi 25%”, theksoi ai./abcnews.al

TIRANË- Kryebashkiaku i Komunës së Tetovës, Bilall Kasami, gjatë intervistës në “Real Story” me gazetarin Sokol Balla, u pyet mbi dallimin mes ish-liderit të VMRO-DPMNE, Nikolla Gruevski dhe kryetari aktual, Hristijan Mickovski, i cili mban postin e Kryeministrit të Maqedonisë së Veriut.

Ai theksoi se partneri i tyre qeverisës në RMV Mickovski nuk synon vjedhjen e buxhetit siç bëri Gruevski, por kërkon zhvillimin e komunave, përfshirë dhe ato shqiptare.

Sipas Kasamit, në 2025, Komuna e Tetovës do të përfitojë 11 milionë euro investime kapitale.

“Unë besoj se Ka një ndryshim rrënjësor, unë do jap vetëm një shembull. Gruevski, në kulimacionin e pushtetit të tij, ën RMV, promovoi një projekt Shkupi 2014. Besoj që Shkupi 2014 ishte një mënyrë klasike e keqpërdorimit e nacional-romantizmit  për pasurim personal. Përmes kësaj, Gruevksi, në opinion, dhe bashkëpunëtorët e afërt prezantonin një projekt të rindërtimit të historisë të popullit maqedonas, në prapaskenë të kësaj ndodhte një vjedhje klasike e parave publike.  Projekti Shkupi 2014, ka kushtuar diku nga 500 milionë euro deri në 1 miliard euro.  Mendohet se janë keqpërdor 500 milionë para në buxhet dhe kanë kaluar në llogari privat të Gruevskit, Mijallkov, dhe bashkëpunëtorë të tyre, sot në qeverisje e Mickovskit, kryeministrit aktuale të VMRO-DPENE, kemi po ashtu një projekt që shkon 1 miliard euro është kredi e njohur hungarezeve, e cila 500 milionë do investohet në komuna dhe bashki për kokë banori, që edhe shqiptarët do të marrin hisen e tyre. Në qeverisjen paraprake nuk mori asnjë cent deri sa ishte qeverise paraprake, sot komuna e Tetovës, në vitin 2024, ka marrë 4 milionë euro për investime të projekteve kapitale, në 2025 do të marrë 11 milionë euro.  Kjo është arsyeje, që unë të zhvilloj bashkinë e Tetovës, sepse është kryeqendra e shqiptarëve të Maqedonisë së Veriut dhe dua që këto parë të shkojnë atje ku duhet. Gruevski përdori  gati 1 mld euro për t’u pasurur, Mickovksi harxhon para për të ndërtuar komunat dhe diku 500 milionë euro do shkojnë për bizneset, me kredi,  kamata të ulëta. Janë këto dy projekte, që simbolizojnë qeverisjen e Gruevskit dhe qeverisjen e sotme të Mickovskit”, tha ai./abcnews.al

TIRANË- Kryetari i Komunës së Tetovë dhe lideri i partisë Besa, Bilall Kasami, gjatë intervistës në emisionin “Real Story”, u ndal tek zhvillimet e fundit politike në Maqedoninë e Veriut dhe shpallja non grata nga SHBA, e një prej figurave kyçe të BDI-së, Artan Grubi.

Ai shpjegoi lidhjet dhe veprimet që sipas tij, SHBA mori vendim ta rendiste si një prej personave të padëshiruar në SHBA.

Më tej, ai theksoi e Grubi ka ndërhyrë në sistemin e drejtësisë për të mbrojtur ish-drejtorin e Drejtorisë për Siguri dhe Kundërzbulim, ose shërbimit sekret maqedonas, Sasho Mijallkov.

Ky i fundit tha ai duke keqpërdorur pozitën ka përgjuar qytetarë dhe drejtues institucionesh, në mënyrë të jashtëligjshme.

“Mijallkov nuk ishte vetëm njeri i korruptuar. Ai i cili në mënyrë flagrante kapi çdo institucion të RMV, duke shfrytëzuar postin e shefit të inteligjencës në RMV, përgjonte çdo qytetar, përgjonte drejtuesit e institucioneve, që më pas t’i shantazhet. Si rezultat i kësaj, Mijallkov u bë njeriu më i pasur në Maqedoninë e Veriut dhe kur ky person u bë frikë për çdo qytetar, më shumë për shqiptarët, sepse ishte në një periudhë shumë të errët të qeverisjes së VMRO, kur Mijallkov shfrytëzonte pozitën e tij në pushtet për tu pasurur dhe për t’u ballafaquar me shqiptarët, pra në një relacion të tillë, të këtij peroni përballë shteti dhe shqiptarëve në veçanti, kur ai duhej të jepte llogari për të gjithë bëmat e tij, me ndërhyrjen e drejtpërdrejtë të partnerëve tanë amerikanë, sepse ne e dimë që rotacion i parë i pushtetit në Maqedoni të Veriut, kur VMRO-DPMEN u largua nga pushteti, ndodhi me një ndërhyrje të drejtpërdrejtë  të amerikanëve dhe kur ata po punonin shumë drejtpërdrejtën Mihaljkov, që Gruevski, u shpall në listë të zezë. Pra, kur partnerët tanë po punonin që ky person të jepet llogari për bëmat e tij. Grubi në mënyrë flagrante ndërhyri në sistemin e drejtësisë për ta shpëtuar dhe atë, për disa çështje. Flitet që Grubi krijoi një siguri të fuqishëm në pushtetin që e kishte dhe e ndërlidhin dhe me elemente korruptive. Pra, Mijallkov  u bë njeri u fuqishëm kishte shume para, dhe flitet që  ai ka dhënë shumë parë për të shpëtuar nga paditë, të cilat i ka pasur, në listë të zezë është dhe një gjykatës, po ashtu shqiptar, i cili të gjitha çështjet e lidhura me Mijallkov i ka mbajtur në sirtar dhe ato janë vjetërsuar. Pra, është rasti i rrallë që z.Grubi dhe Enver Bexheti, gjykatësit, që amerikanët e fusin në listë të zezë jo vetëm ndaj qasjen ndaj institucioneve , korrupsionit, kapjen e  drejtësie, por edhe për lëndë konkrete. Si rezultat i ulësja çështje konkrete, sot prokuroria ka ngritur akuzë edhe ndaj gjykatësi dhe ndaj Grubit. Po flasim për një situatë, më shumë se sa hipokrizi, po flasim për një situatë kur paraja të errëson sytë, kur paraja kalon dhe përtej ndarjeve etnike”, theksoi Kasami./abcnews.al

Drejtuesi i partisë Besa dhe njëherësh Kryetari i Bashkisë së Tetovës, Bilall Kasami, në intervistë me gazetarin Sokol Balla në “Real Story” ka folur për zhvillimet politike aktuale në Maqedoni të Veriut, sfidat e qeverisjes dhe përpjekjet që po bëhen për avancimit e të drejtave të shqiptarëve në vendin fqinj.

Si partner i koalicionit Vlen, Kasami theksoi se shqiptarët e Maqedonisë së Veriut janë në një pozitë të favorshme politike nga fakti që kemi një koalicion qeverisës, që përbëhet nga katër partitë politike.

Ai pohoi se në përbërjen e këtij koalicioni ka elementë të Vetëvendosjes së Albin Kurti, i cili gjatë fushatë parazgjedhore në RMV u akuzua për ndërhyrje politike në shtetit fqinj.

Gjatë intervistës, Kasami theksoi se edhe koalicioni opozitar shqiptar në RMV është i konsoliduar, por shpallja” non grata” dhe futja në listë të zezë nga SHBA të disa prej eksponentëve të saj e ka dobësuar atë.

“Për momentin, vlerësojmë që shqiptarët e Maqedonisë së Veriut janë në një pozitë të favorshme politike nga fakti që kemi një koalicion qeverisës, që përbëhet nga katër partitë politike, por i përkrahur nga element të Vetëvendosjes ku një nga deputetë këtej koalicioni është përfaqësues i Vetëvendosjes. Në anë tjetër kemi një koalicion opozitar, unë do kisha uruar të konsoliduar, për momentin ashtu është, por fakti i futjes në listës së zezë të SHBA  të disa nga eksponentëve të rëndësishëm të këtij koalicion, duke nisur nga ish-zv.kryeministri i parë Artan Grubi, kryetari i bashkisë së Strugës dhe disa eksponentëve të tjerë, kjo po e dobëson këtë koalicion. Unë them që janë në pozitë të favorshme, sepse në botëkuptimin tim të demokracisë, llogaridhënia dhe realizimi i premtimeve të pushtetit të qeverisë varet se sa e fuqishme është opozita. Sot edhe përkundër faktit, opozita shqiptare në RMV  fakti po ankohet se po degradohet pozita e shqiptarëve, po dobësohet roli i tyre në Maqedoninë e Veriut, unë mendoj se është e kundërta. Nga shkaku që deri tani, kemi një opozitë të konsoliduar dhe po kritikon në përditshmëri veprimet e qeverise, fakt që nuk ka ndodhur në të kaluarën në qeverisjen 20-vjecare të BDI-së, ku opozita më shumë merrej me vetveten, kush do jetë i parë i opozitës, sesa të sfidojë dhe të kritikojë për dështimet e qeverisë. Si rezultat i saj, në mandatin e fundet të qeverisë të z.Ahmeti kishim një keqpërdorim shumë të theksuar të pozitave qytetare, kishim korrupsion të hapur, që si rezultat rezultoi se Grubi të jetë në listën e zezë amerikane, të ketë padi dhe sot të jetë një nga të arratisurit, që ishte frontman-i kryesor në dy mandatit e fundit të Ahmetit. Nëse nuk kemi një opozitë të konsoliduar, e cila do t’i rrijë në ballë dhe do kritikojë qeverisje në të gjitha veprimet e saj, ndodh që pushteti absolut absolutisht korrupton. Në dy qeverisjet e fundit z. Ahmeti me në kryer Grubin kishte një qeverisje shumë të fuqishëm dhe fatkeqësisht i ndodhi kjo që i ndodhi, ku z. Grubi një ndër akuzat që i ka jashtë aspektit të korrupsionit,  ka dhe ndërhyrjet shumë flagrante në sistemin e drejtësisë”, tha ai.

LSDM paralajmëroi se këshilltarët e tyre do të kundërshtojnë propozimin për emërtimin e rrugëve në Tetovë me iniciativë të kryetarit Bilall Kasami.

Ata në reagimin e sotëm shprehin mosmiratimin e tyre dhe kërkojnë që qeveria të marrë masa kundër idesë së partnerit të tyre në koalicion për ndryshimin e emrave të objekteve infrastrukturore në Tetovë që mbajnë emra nga e kaluara antifashiste.

“Si partner i koalicionit të Kasamit, kërkojmë që Mickoski të tërhiqet nga ky propozim dhe publikisht ta thërrasë Kasamin. Ndërsa këshilltarët e OBRM-PDUKM-së po ashtu ta kundërshtojnë, me çka ky vendim nuk do të miratohet. LSDM publikisht i dënon qëllimet e Kasamit për të krijuar ndarje të reja mes qytetarëve dhe tensione etnike. Skenarët nacionaliste të Kasamit janë në dëm të të gjithë qytetarëve pa dallim përkatësisë së tyre etnike ose partiake”, tha Andrijana Tomovska, anëtare e bordit ekzekutiv të LSDM-së.

The post LSDM: Kundërshtojmë propozimin për emërtimin e rrugëve në Tetovë, Mickoski le t’i reagojë Kasamit appeared first on Telegrafi.