Sot, mbahet tentativa e 50-të për konstituimin e Kuvendit të Kosovës, në një përpjekje tjetër për të zhbllokuar krizën institucionale që po zgjat prej muajsh.

Deri tani, të gjitha përpjekjet për formimin e institucioneve të reja kanë dështuar për shkak të mungesës së konsensusit mes partive politike.

Në thelb të bllokadës qëndron mungesa e një marrëveshjeje për krijimin e komisionit i cili do të duhej të organizonte votimin për kryetarin e Kuvendit.

Partitë PDK, LDK, Lista Serbe dhe AAK e Nisma vazhdojnë të mos propozojnë anëtarë për këtë komision, ndërsa Lëvizja Vetëvendosje insiston në kandidaturën e propozuar për kryetare të Kuvendit, Albulena Haxhiun dhe mënyrën e votimit të fshehtë.

Të shtunën, u zhvillua një takim mes kryeministrit në detyrë Albin Kurti dhe liderit të Nismës, Fatmir Limaj, por as ky takim nuk solli ndonjë marrëveshje konkrete për tejkalimin e krizës.

LVV dhe NISMA janë “barrikaduar” sa i përket këtij takimi duke mos dhënë asnjë detaj se cfarë ka ndodhur konkretisht.

Takimi u zhvillua në prag të përfundimit të afatit kushtetues, të përcaktuar në Aktgjykimin e Gjykatës Kushtetuese në rastin KO124/25, i cili obligon që Kuvendi të konstituohet brenda 30 ditëve nga certifikimi i rezultateve, respektivisht deri më 26 korrik 2025.

Kriza aktuale ka nxitur shqetësim te qytetarët dhe bashkësia ndërkombëtare, të cilët vazhdimisht kanë kërkuar nga liderët politikë që të vënë në vend të parë interesin e vendit. /Telegrafi/

The post Afati kushtetues po shkon drejt fundit, sot përpjekja e 50-të për ta zhbllokuar Kuvendin appeared first on Telegrafi.

Zjarri i përhapur gjatë natës në fshatin Verrnik, në drejtim të zonës kufitare dhe territorit grek, ka përfshirë një sipërfaqe të mëdha toke.

Në vendin e ngjarjes janë angazhuar gjatë natës, forcat zjarrfikëse të shërbimit pyjor, gjithashtu edhe vullnetarë.

Autoritetet njoftojnë se janë dakorduar edhe me palën greke në rastin se do të duhet ndihma e tyre që të ndërhyjnë në pikën kufitare.

Zjarri masiv është përhapur shumë pranë postës dhe policisë së doganës së Kapshticës. Siç shihet edhe nga pamjet që sjell ABC News, zjarrfikëse nga Devolli, Korça, Maliqi janë angazhuar për të mos lejuar më tej përhapjen e flakëve.

Edhe pse zjarri duket se ka marrë përmasa të mëdha i favorizuar edhe nga era e fortë.

Vënia në kontroll të plotë të flakëve është e vështirë jo vetëm për shkak të përmasave të mëdha të zjarrit por edhe të terrenit të vështirë që e bën të pamundur futjen e mjeteve në zonë./abcnews/

The post Zjarr masiv në Devoll, flakët përhapen me shpejtësi drejt Kapshticës appeared first on Telegrafi.

Toka në Hënë mund të jetë në gjendje të mbështesë jetën, sipas një studimi të ri.

Studiues nga Universiteti Kinez i Hong Kongut zhvilluan një teknologji për të nxjerrë ujë nga toka hënore dhe e përdorën atë për të shndërruar dioksidin e karbonit në oksigjen dhe karburant kimik.

Teknologjia e bën këtë duke shndërruar dritën nga Dielli në nxehtësi, shkruan euronews.

Sipas studimit, të botuar në revistën Cell Press Joule, hulumtimi mund të “hapë potencialisht dyer të reja për eksplorimin e hapësirës së thellë në të ardhmen”, sepse mund të zbusë kostot e shtrenjta të nevojshme për të sjellë burime thelbësore si uji në Hënë.

Një galon i vetëm (3.78 litra) ujë kushton 83,000 dollarë (71,230 euro) për t’u transportuar me raketë, vazhdoi studimi, me një astronaut që pi afërsisht katër gallonë (15.14 litra) në ditë.

“Ne kurrë nuk e imagjinuam plotësisht ‘magjinë’ që zotëronte toka hënore”, tha studiuesi kryesor Lu Wang.

Megjithatë, studimi vëren se çdo strategji që është tashmë në vend për të nxjerrë ujë nga sipërfaqja e Hënës përfshin hapa të shumtë “që kërkojnë shumë energji” dhe nuk analizon se sa CO2 përdoret nga karburanti.

Mjedisi ekstrem hënor i Hënës do ta bëjë ende të vështirë mbledhjen e më shumë oksigjenit dhe ujit nga toka, vazhdoi studimi, sepse ka “luhatje drastike të temperaturës”, rrezatim dhe gravitet të ulët për t’u përballur.

CO2 i emetuar nga frymëmarrja e astronautëve nuk do të jetë i mjaftueshëm për të furnizuar të gjithë ujin, karburantin dhe oksigjenin që mund t’i nevojitet ekipit të astronautëve. /Telegrafi/

The post Toka në Hënë mund të mbështesë jetën e njeriut, zbulon studimi appeared first on Telegrafi.

Dy persona kanë mbetur të plagosur si pasojë e një përleshjeje me armë zjarri që ka ndodhur në orët e para të mëngjesit të sotëm në fshatin Doganaj të Ferizajt.

Lajmin për Telegrafin e ka konfirmuar zëdhënësi i Policisë për rajonin e Ferizajt, Kanun Veseli.

“Sot, më 21 korrik 2025, rreth orës 00:50, policia rajonale ka pranuar një informatë për një rast të gjuajtjes me armë zjarri në fshatin Doganaj. Në këtë incident janë përfshirë dy persona, ku si pasojë të dy kanë mbetur të plagosur”, tha Veseli për Telegrafin.

Sipas Veselit, në përleshje ishin të përfshirë një qytetar që po udhëtonte me veturën “Golf 7” dhe një zyrtar policor jashtë detyrës zyrtare, i cili ndodhej në një veturë “BMW”.

“Për shkak të përfshirjes së një zyrtari policor, është njoftuar menjëherë edhe Inspektorati Policor i Kosovës (IPK), ndërsa hetimet janë duke u zhvilluar në koordinim me ta dhe me prokurorin kujdestar të krimeve të rënda”, shtoi Veseli.

Nga vendi i ngjarjes janë sekuestruar dy veturat e përfshira, dy armë zjarri të llojit pistoletë, 16 gëzhoja dhe një predhë.

“Të plagosurit janë dërguar fillimisht në Qendrën Emergjente në Ferizaj dhe më pas janë transferuar në QKUK për trajtim të mëtejshëm mjekësor. Sipas stafit mjekësor, ata janë jashtë rrezikut për jetë”, ka deklaruar Veseli.

Ai shtoi se policia ka intervistuar gjithashtu dy dëshmitarë që ndodheshin në njërën nga veturat në momentin e incidentit.

Rasti është cilësuar si “Vrasje e mbetur në tentativë dhe shkaktim i rrezikut të përgjithshëm”, ndërsa hetimet po vazhdojnë. /Telegrafi/

The post Përleshje me armë mes një polici dhe një qytetari në Doganaj të Ferizajt – të dy mbesin të plagosur appeared first on Telegrafi.

Melania Trump ka shkaktuar bujë në rrjetet sociale pasi postoi në profilin e saj në X një fragment nga libri “Melania”, i cili doli më 8 tetor 2024 dhe u bë menjëherë më i shituri në Amazon dhe New York Times.

Në klipin dhe fragmentin e shpërndarë, Melania rrëfen takimin e parë me Donald Trump, në një mbrëmje gjatë Javës së Modës në New York, në vitin 1998.

Edhe pse ishte e lodhur pas një udhëtimi nga Parisi, me nxitjen e shoqes, ajo pranoi të shkonte në klubin Kit Kat, vendi ku ndodhi takimi i saj i parë me Trump.

Ajo kujton se Trump i la menjëherë përshtypje me sharmin, përqendrimin dhe bisedën e veçantë.

Edhe pse ishte në shoqërinë e një tjetër gruaje atë natë, Melania ndjeu një tërheqje të menjëhershme ndaj tij, duke u ndier “në qendër të botës së tij”, siç shkruan vetë në libër.

Rikthimi i këtyre solli reagime të shumta në rrjet, sidomos për sinqeritetin dhe mënyrën si Melania e përshkruan lidhjen që sapo kishte nisur.

Ndërkohë, ka rifilluar të qarkullojë edhe një intervistë e vitit 1999, ku Melania përballej me pyetjet rreth motivit të saj për të qenë me një njeri kaq të pasur dhe më të madh në moshë.

Në atë kohë, ajo i kundërshtoi zërat që e akuzonin për interesa materiale, duke thënë: “Nuk mund të përqafohesh apo të flasësh me një shtëpi të bukur apo një makinë luksoze. Nëse je me dikë, duhet të ndihesh i/e plotësuar”.

Melania dhe Donald Trump u martuan në vitin 2005 dhe kanë një djalë së bashku, Barron Trump, i lindur në vitin 2006.

Postimi i saj i fundit, së bashku me fragmentin nga libri, shihet si një rikujtim publik i lidhjes së tyre, por edhe si një përpjekje për të riafirmuar identitetin dhe rolin e saj në jetën publike dhe familjare të Trump. /Telegrafi/

The post Melania e përshkruan takimin e parë me Trump: Ndihesha sikur isha në qendër të botës së tij appeared first on Telegrafi.

Kosova këtë javë do të përballet me një valë të të nxehtit të skajshëm, si pasojë e masave ajrore të ardhura nga Afrika Veriore.

Sipas Institutit Hidrometeorologjik të Kosovës, nga data 21 deri më 25 korrik, vendi do të mbizotërohet nga temperatura shumë të larta, të shoqëruara me përmbajtje të ulët lagështie dhe pa reshje të shiut.

Sot sipas IHMK-së moti do të jetë kryesisht me diell. Temperaturat minimale do të sillen nga 13 – 16°C kurse ato maksimale nga 33 – 38°C.

Era do të jetë e lehtë nga drejtime të ndryshme.

IHMK paralajmëron për rreziqe të shtuara ndaj shëndetit publik, sidomos për grupet më të ndjeshme si fëmijët, të moshuarit dhe personat me sëmundje kronike.

“Indeksi UV do të jetë i lartë, prandaj rekomandohet të shmangen rrezet direkte të diellit nga ora 9:00 deri në 17:00”, thekson IHMK./Telegrafi/

The post Vala e të nxehtit afrikan përfshin Kosovën – temperaturat sot arrijnë deri në 38°C appeared first on Telegrafi.

Në fillim të letrës Grremçi shtron pyetje për çdo organ të drejtësisë?

Si është e mundur që komuna e kryeqytetit të mos ia legalizon shtëpinë Grremçit kur ai e ka ble para 45 vjetësh dhe ka paguar rregullisht tatimin dhe çdo obligim ndaj komunës për 45 vjet rresht.

Mungesa e vendimit të gjykatës shkaktoi edhe shumë probleme familjare. Në këtë situatë, fëmijët e Grremçit ikën azil, dhjetë vjet pas përfundimit të luftës.

Në vazhdim Grremçi shkruan në hollësi për problemin e tij të pazgjidhur.

– Zoti gjykatës, po ju pyes si blihet një pëllëmbë tokë?

A njeh ti Kanunin  o gjykatës?

A njeh ti Sheriatin?

A njeh ti Biblën?

A njeh drejtësinë e tashme të një vendi të çliruar pas njëqind vjetësh?

A di ti more gjykatës se edhe gjatë gjithë pushtimit  romak të këtyre tokave kishte disa rregulla juridike për të ndarë drejtësi?

Edhe romakët kishin përcaktuar ca rregulla pronësore.

E keni dhënë provimin nga lënda “E drejta romake”?

Ndoshta as nuk ke dëgjuar kurrë këtë fjalë?

Ndoshta ke dëgjuar së paku si ndahej drejtësia gjatë pushtimit osman për më shumë se pesë shekuj?

Ndoshta ke dëgjuar për Sheriatin?

Keni dëgjuar se kishte Kadi për ndarje të drejtësisë në të gjitha Kazatë e kohës për 500 vjet në Vilajetin tonë ?

Ndoshta keni mësuar të gjykoni  vetëm me urdhra gjatë gjithë pushtimit serb?

Ndoshta edhe tash prisni vetëm urdhra nga lartë?

Ku me ditë?

Ndoshta nuk të ka shkuar kurrë mendja për legalizimin e qytetarëve dhe të pronës së tyre në këtë vend që ka dal nga lufta tash 25 vjet?

Ka shumë pyetje  për të cilat nuk me ka shkuar mendja të ju pyes: Pse duhet të endem tërë jetën për të legalizuar një truall që e kam ble me dy kredi afatshkurtra në vitin 1985 nën pushtetin jugosllav?

-Doja edhe unë të kem një pëllëmbë tokë ku mund të bëja një kasolle për të bërë gjumin, zotëri gjykatës.

Nuk isha nga ajo kategoria e njerëzve që merrte apartament (banesë komfore) me dy fjalë në telefon.

Kishte edhe para 50 vjetësh lagje në këtë shehër, që tash e quani kryeqytet, ku ndërtohet akoma pa plan e dokumente, pa asnjë mbikëqyrje të pushtetit. Edhe atij pushtetit jugosllav i konvenonte ndërtimi i egër për të mbushur xhepat privat.

Taksa për ndërtim me leje nuk mund të imagjinohej që të paguhej nga një punëtor.

Historia e kësaj pune është tepër e rëndë për ta dëgjuar deri në fund.

Por ja, asokohe unë ia dola të marr dy kredi afatshkurtra dhe të blej dy pëllëmbë tokë.

Nuk isha i vetmi unë që bleva pak tokë në shehër.

A e di ti more zotëri gjykatës, se në ketë shehrin tonë ku jetojmë ti e unë, ka me qindra shtëpi e troje që kanë mbetur në dorë të pushtetit që nga ikja e ushtrisë turke prej këtu?

Ti ore gjykatës, nuk e merr dot me mend sa  njeriu ynë e la tokën e shtëpinë pa shitur kurrë, vetëm për të shpëtuar kokën dhe familjen. Ikën ata në Turqi. Shumë shtëpi u shiten gati krejt falas, vetëm sa për të thënë, se i hoqën  qafe.

Sa ishte mbreti gjykatësit i quanin Kadi efendi!

Tash po ju thonë zotëri Gjykatës!

A e di ti zotëri gjykatës apo ke harruar sesi pushtuesi serb na dëboi nga shtëpitë tona në prill të vitit 1999?

Paramilitarët serbë, as nuk na kanë pyetur për kurrfarë letrash. Ndodhi dëbimi pa pardon! Lamë tokën e shtëpitë krejt bosh.

A  di ti si na ktheu Bashkësia Ndërkombëtare pas mbarimit të luftës, pasi qëndruam refugjat nëpër botë me muaj të tërë?

***

Mund të pyesësh:  pse e bleva kur ai pronari nuk e kishte përkthyer kurrë atë tokë?

E bleva unë, pasi mund ta merrte tjetri para hundëve.

Pata shkuar në komunë!

A e di ti more gjykatës që pa dhënë pak ryshfet as atëherë, nuk ta hapte kush derën, e lëre më defterin?

Edhe për të dhënë ryshfet duhej gjetur ndonjë mik të nëpunësit sepse ai shefi i kadastrit, nuk e merrte dot ryshfetin nga dora e Grremçit?

Dëgjo ore gjykatës!

E gjeta një mik të largët të atij shefit të kadastrit që mund ta kurdiste këtë punë.

Dhe a e dini për çka?

Ai vetëm duhej të shikonte skicën kadastrale të këtij truallit tim në letër “hamer” të vizatuar me dorë? Vetëm për ta shikuar me sy a është ajo pjesë toke në regjistër, duhej paguar diçka?!

Me thirren brenda. Ai shefi i kadastrit nxori një nga letrat e mëdha HAMER, me dimensionet 120 -100 cm. që edhe unë të shohë ku është e vizatuar ajo grimë tokë? E gjetëm edhe rrugën edhe numrin.

A dini çka tha ai?

– Ti ore punëtor i gjorë, ke pak fat. Me ligjin aktual të ndërtimit në këtë lagje të shehrit, demek të qytetit, në të gjitha këto parcela që i sheh në letër,  shtëpitë dhe kasollet që janë ndërtuar deri tash, nuk kanë leje, por të gjitha ato objekte që janë të futura në kornizë kanë të drejtë ndërtimi të ri. Pasi ato janë ndërtuar para vitit 1952. Pra ti mund të ndërtosh pa leje, por na bëjmë punën tonë.

Ndonjë ditë kur shohim se po ndërtoni diçka, na e evidencojmë dhe i dërgojmë inspektorët. Ata vijnë aty dhe matin diçka, bëjnë ndonjë flet padi dhe ta ndërpresin punën, por ti vazhdo! Kur e përfundon shtëpinë, na vijmë serish dhe ti tashmë e ke mbuluar shtëpinë. Ata kërcohen me rrenim, por nuk kanë urdhër për të rrënuar! Ti po kupton a? (diçka ju jep).

Ashtu ndodhi shoku gjykatës!  Erdhën inspektorët dhe u dhashë diçka.

E ndërtova dhe e mbulova shtëpinë! Erdhën  inspektorët dhe i ndreqa pak! Shkuan edhe ata! Shtëpia mbeti dhe pastaj kjo puna e lejes u heshtë. Por komuna tash ma shtoi tatimin. Për kasolle paguaja pak fare, ndërsa pasi ndërtova shtëpinë mbi themelet e  kasolles, shtëpinë e re e quanin ndërtim të fortë, dhe natyrisht caktuan të paguaja tatim për 160 m2. Thjeshtë i binte kjo llogari tatimi diku dhjetë  a njëzetë herë më shumë se para ndërtimit. Pagova rregullisht tatimin e ri.

Askush nuk mund të refuzonte tatimin në pronë, pasi komuna kishte kurdisë kurthin tjetër me kohë. Pa paguar tatimin për pronë, nuk mund të merrje asnjë dokument tjetër që kishim nevojë në komunë.

Asokohe rruga para shtëpisë sime, ishte rrugë arash. Nuk kishte as ujësjellës as kanalizim. Për ujë nuk e bënim shumë dert, sa ishte problem kanalizimi. Shumë shtëpi u ndërtuan pa kurrfarë plani as leje ndërtimi, ashtu si unë, U bë edhe kanalizimi dhe ujësjellësi pas nja dhjetë vjetësh. Mundësia jonë ishte tepër e vogël për të bërë ndonjë kala. Ashtu ndërtova një shtëpi modeste ku u rriten fëmijët që tani janë të gjithë të martuar, por asnjëri nuk jeton me mua.

O gjykatës i mallkuar!

A e di ti që në Kosovë pati edhe luftë? (Ky UNMIK-u nuk e pat regjistruar as pranuar si luftë, por si konflikt, ashtu thanë).

A e di ti që na nxorën nga shtëpitë dhe kaluam shumë muaj refugjatë nëpër botë?

A e di ti se kur na nxorën nga shtëpitë, nuk na pyeti askush për legalizimin e ndërtimit apo të truallit.

Ndodhi edhe apokalipsi, more gjykatës!

Na kthyem në shtëpitë tona serish.

Dhe, a di ti more gjykatës, se UNMIK-u mori ta qeveriste krejt vendin tonë, pra edhe këtë qytet ku jemi unë e ti!

A e di ti ore gjykatës se njëfarë pjese e hyqymetit të UNMIK-ut, që quhej HABITAT kujdesej për punën e pronave që ishin uzurpuar me atë turrin  e madh që ju patën vërsulur qytetit njerëzit që kishin apo nuk kishin shtëpi a banesë. I doli besa shumë punë edhe këtij HABITAT-it, edhe për kthimin e refugjatëve nëpër shtëpitë e tyre?! Ajo Agjencia IOM, na mori sa ishim refugjatë dhe na solli me avion deri në shtëpi. Bile edhe mbanin evidencë. Shtëpia ime nuk qe djegur.

Me vite, Bashkësia Nderkombëtare  ndihmoi qytetarët të ndërtojnë shtëpitë që ju kishin djegur gjatë luftës.

Edhe mua me letra më kthyen në shtëpinë time, që e kam ndërtuar vet dhe për të cilën kam paguar tatim nga viti 1985.

Edhe faturat e pagesës së tatimit i kam hala o gjykatës!

Kisha dy fqinjë! Ata kishin afër meje dy kasolle me të njëjtin statut sikur unë. Ndodhi ajo vërsulja e madhe nga të katër anët në qytet dhe fqinjëve të mi ua uzurpuan shtëpitë. Këtyre dy fqinjëve të mi që kishin ikur, ua uzurpuan shtëpitë, që ishin ngjitë me shtëpinë time. Akoma nuk ishte stabilizuar asgjë. Bile po t’u fliste kush këtyre uzurpatorëve, binte lehtë në bela me ta.

Ata fqinjët ikën jashtë vendit.

Pastaj ata u ankuan në HABITAT!

Pas tre katër vjetësh, pas shumë procedurash që zgjaten deri dhjetë vjet, i nxorën uzurpatoret nga këto dy kasolle që i kam ngjitur me shtëpinë time.

Me polici i kanë larguar uzurpatorët.

Në shtëpinë time nuk kam bërë gjumë njeriu për mbi dhjet vjet. Nëpër objektet e uzurpuara kalëronin lloj-lloj  njerëzish. Natë e ditë kishte probleme. Pasi që gjykata komunale që punonte në kuadër të HABITAT-it, i liroi ato dy kasolle, fqinjët e dikurshëm erdhën nga perëndimi, dhe meqenëse atyre ju njihej e drejta e pronës, gjë që ishte krejt normale, ata pastaj mi shiten mua dhe përkthimin e bëmë në gjyq me të gjitha taksat.

Për legalizim tjetër nuk pyeti kush. As ata fqinjët e as unë nuk i kemi pasur të përkthyera ato parcela kurrë më parë. Dhe ashtu u krye pazari. Fqinjët morën pagesën, por gjykata e pushtetit vendor që u zgjodh pas shpalljes së pavarësisë, kërkoi nga unë  edhe një herë legalizimin përmes gjyqit.

Deshëm apo nuk deshëm, angazhuam avokat dhe bëmë kërkesë në gjykatë. Për ftesën e parë pritem pesë vjet pa një njoftim.

Erdhi thirrja e parë. Kontratat e shitblerjes mes palëve nga HABITAT, i pranon gjykata. Gjykatësja fillon të shpikë gjera tjera. Kërkon të paguaj avokat edhe për palën që ma ka shitur tokën. E pranuam duke paguar menjëherë me urdhër të gjykatësit 3 mijë euro. Avokatja që kinse përfaqëson palën që jeton jashtë e thërret me ardhë këtu. Vjen Personi që më ka shitur tokën. Shkojmë bashkë me dy avokatë, përfaqësuesin tim, dhe avokatin e palës që ka thirre gjykatësja. Dhe a dini çka? E pyet para të gjithëve. Pala deklaron se e ka shitur si duhet dhe nuk ka asnjë problem. Fqinjit që erdhi nga perëndimi, mua më është dashur t’ia paguaj biletën e udhëtimit me të gjitha shpenzimet deri sa u kthye edhe nga ka ardhur.

E thërret avokatja tjetrin fqinj timin që jeton në perëndim dhe ai i tregon se nuk ka asgjë për të thënë.  Pas tri seancave nga dhjetë minuta gjykatësja urdhëron të paguaj  edhe 3 mijë euro.

Dhe nuk merr vendim fare. Avokati im, e dërgoi lëndën në gjykatën e Apelit ku po pret lënda tash një vit.

Dhe a e dini me çfarë arsyetimi gjykatësja nuk e mbylli aktgjykimin.

Ajo u arsyetua se e shoqja e Grremçit nuk ka pasur autorizim nga burri për të mbaruar këtë gjykim.

The post Grremçi i shkruan letër të hapur Gjykatësit appeared first on Telegrafi.

Shërbimi i Kërkim-Shpëtimit Malor i Kosovës (ShKShMK) ka njoftuar se ka përfunduar me sukses operacioni i ndërmarrë në Kanionin e Mirushës, pas raportimeve për një person të lënduar në atë zonë.

Sipas njoftimit zyrtar, ekipet e shpëtimit kanë arritur ta lokalizojnë dhe ndihmojnë personin e lënduar, duke i ofruar ndihmën e parë në vendngjarje dhe më pas duke e evakuuar me sukses te ekipet mjekësore.

“Operacioni Mirusha ka përfunduar me sukses, personit të lënduar i është dhënë ndihma e parë duke e evakuuar dhe dorëzuar te ekipet mjekësore”, thuhet në njoftimin e ShKShMK-së.

Rasti kishte ndodhur më herët gjatë ditës, kur autoritetet ishin njoftuar për lëndimin e një personi në këtë zonë të njohur për vështirësitë gjeografike dhe natyrën e rrezikshme për vizitorët.

The post Përfundon me sukses operacioni i shpëtimit në Kanionin e Mirushës appeared first on Telegrafi.

Këngëtarja e njohur shqiptare, Filloreta Raçi – Fifi, ka publikuar sot (e diel) këngën e saj më të re me titullin “Zemrën”.

Kënga është tashmë e publikuar në platformën YouTube, e shoqëruar me një videoklip të kuruar nga CinematicAlbania.

Teksti është shkruar nga vetë Fifi, në bashkëpunim me Marsel Gungën, i cili ka realizuar edhe muzikën e projektit.

Si zakonisht, Fifi sjell një tekst të drejtpërdrejtë, me interpretim të ndjerë, por kësaj here e ndërthurur me një ‘beat’ tërheqës dhe prodhim modern, duke krijuar një balancë mes ndjenjës dhe energjisë.

Videoklipi pasqyron këtë frymë të re, me skena stilistike, ngjyra të forta dhe një estetikë që i jep këngës një dimension vizual tërheqës dhe bashkëkohor.

Pamjet janë në harmoni me atmosferën ritmike të këngës dhe ndihmojnë në përforcimin e identitetit artistik që Fifi sjell në këtë fazë të karrierës së saj.

“Zemrën” vjen si një tjetër dëshmi e fleksibilitetit artistik të Fifit, e cila di të eksperimentojë me zhanre të ndryshme pa humbur autenticitetin.

Kënga pritet të jetë një nga hitet e kësaj vere, duke u mirëpritur jo vetëm nga fansat e saj të përhershëm, por edhe nga publiku që kërkon një miks të mirë mes tekstit të fuqishëm dhe ritmit që mbetet në mendje. /Telegrafi/

The post Fifi publikon këngën e re “Zemrën” appeared first on Telegrafi.

Paul Pogba ka komentuar transferimin e Marcus Rashford te Barcelona në formë huazimi, duke thënë për iShowSpeed se Manchester United po humb një lojtar të madh. 

Pogba u shfaq në transmetimin live të iShowSpeed, ku të dy diskutuan rreth lëvizjeve të fundit në afatin kalimtar, nga një jaht i ankoruar në portin e Monte Carlos. 

Ylli i internetit e pyeti fituesin e Kupës së Botës për mendimin e tij mbi marrëveshjen e Rashfordit. Pogba u shpreh se, ndonëse United po humb një lojtar të klasit të lartë, ai nuk fajëson trajnerin Ruben Amorim që po largohet nga lojtarë ‘tek të cilët nuk beson’. 

Marrëdhënia mes Rashford dhe Amorim u përkeqësua menjëherë pas emërimit të portugezit, duke bërë që sulmuesi anglez të huazohej te Aston Villa në janar 2025. 

“Është e çmendur, por jam i lumtur për të. Ata (United) ia morën numrin. Manchester United po humb një lojtar të madh. Fatkeqësi për ta”. 

“Për të qenë i sinqertë, është fantastike për Barcelonën. Nuk kam shumë për të thënë për United, sepse ata kanë blerë disa lojtarë të rinj dhe trajneri i ri po bën punën e vet, mesa duket”. 

“Nuk është vërtet faji i Amorim. Nëse ai nuk beson te një lojtar, është zgjedhja e tij. Ai ka nevojë të fitojë. Sepse nëse nuk fiton, do ta shkarkojnë”, ka thënë Pogba. 

Pogba dhe Rashford ishin bashkëlojtarë te Manchester United për gjashtë sezone, pasi mesfushori francez u rikthye te klubi në vitin 2016 për një shifër rekord prej 89 milionë eurosh. 

Gjatë asaj periudhe, ata luajtën bashkë në 187 ndeshje, duke fituar Ligën e Evropës./Telegrafi/

The post Pogba reagon pas kalimit të Rashford tek Barcelona, ka një mesazh për Man Utd appeared first on Telegrafi.

Së pari dhe më kryesorja, ndodhi përmbytja shkatërruese në Teksas që mbyti më shumë se 130 njerëz natën e 4 korrikut, shkruan CNN.

Por ngjarjet e përmbytjeve të menjëhershme janë përqendruar edhe diku tjetër, transmeton Telegrafi.

Tre persona humbën jetën në një përmbytje të menjëhershme që lidhej me shirat e rrëmbyeshëm që ranë mbi një ‘plagë’ djegieje nga zjarret në Ruidoso, New Mexico, më 8 korrik.

Disa rrugë kryesore në Çikago u vunë papritmas nën ujë kur një ngjarje reshjesh 1,000-vjeçare goditi në fillim të korrikut.

Në pjesë të Karolinës së Veriut, mbetjet e stuhisë tropikale Chantal çuan në shira të rrëmbyeshëm dhe përmbytje vdekjeprurëse në të njëjtën fundjavë me tragjedinë e Teksasit.

Në New York, uji vërshoi në tunelet e metrosë kur qyteti pa reshjet e dyta më të dendura në një orë më 14 korrik, me përmbytje të menjëhershme të përhapura që zgjatën deri më 15.

Dhe javën e kaluar, ishte radha e Kansas City për të përmbytur më 17 korrik.

Disa nga këto përmbytje rezultuan nga reshjet që kanë një frekuencë kthimi prej rreth 1,000 vjetësh, që do të thotë se kanë vetëm një shans 0.1% të ndodhin në çdo vit të caktuar.

Por ndryshimi i klimës po i ngarkon zaret në favor të reshjeve ekstreme.

“Kur flasim për shembull për ngjarje ‘1000-vjeçare’, po flasim për gjasat e këtyre ngjarjeve në mungesë të ngrohjes së shkaktuar nga njeriu (domethënë sa shpesh do t’i prisnim ato vetëm nga ndryshueshmëria natyrore)”, tha shkencëtari i klimës Michael Mann i Universitetit të Pensilvanisë.

“Këto ngjarje janë sigurisht shumë më të shpeshta *për shkak* të ngrohjes së shkaktuar nga njeriu”, tha ai në një email.

Por hulumtimi i tij ka identifikuar faktorë të tjerë, siç janë modelet e vazhdueshme të motit në shkallë të gjerë të njohura si “rezonancë atmosferike”, që mund ta bëjnë motin ekstrem, përfshirë përmbytjet, edhe më të mundshëm.

Ashtu si valët e zërit ose valët e oqeanit mund të rezonojnë dhe të përforcojnë njëra-tjetrën, rezonanca atmosferike mund të ndodhë me modelet e valëzuara të rrjedhave të ajrit në atmosferën e sipërme, duke rezultuar në sisteme moti që qëndrojnë në vend për javë të tëra.

Një studim i kohëve të fundit mbi të cilin punoi Mann, zbuloi se modele të tilla moti janë trefishuar në incidencë që nga mesi i shekullit të 20-të gjatë muajve të verës.

Problemi është se këto modele “nuk janë domosdoshmërisht të kapura mirë në modelet e klimës”, tha ai.

Kjo rrit pasigurinë në lidhje me parashikimet e ardhshme për tendencat ekstreme të motit.

Ndikimi i ndryshimeve klimatike në reshjet e dendura të shiut është më i dukshëm kur bëhet fjalë për ngjarje ekstreme afatshkurtra, si ajo që ka ndodhur vazhdimisht këtë verë, sipas Swain.

“Nuk janë reshjet mesatare ato që preken më shumë nga ndryshimet klimatike,” tha Swain.

“Është vërtet matematikisht e saktë që sa më ekstreme të jetë ngjarja e shiut, aq më e qartë është lidhja me ndryshimet klimatike”, shtoi ai.

Fizika se si ngrohja globale ndikon në ngjarjet e reshjeve të dendura të shiut është e njohur mirë, sipas shkencëtares së klimës Kate Marvel.

“Ky është pothuajse një shembull shkollor i ndikimeve të ndryshimeve klimatike”, i tha ajo CNN.

“Shkenca që qëndron pas kësaj është aq bazike sa mund ta shihni në jetën e përditshme. Uji i ngrohtë nxit më shumë avullim – banjoja bëhet shumë më e avullueshme pas një banje të nxehtë sesa pas një banje të ftohtë”, tha ajo.

“Ajri i ngrohtë përmban më shumë avuj uji – një birrë e ftohtë laget nga jashtë në një ditë të nxehtë, sepse kur ajri bie në kontakt me sipërfaqen më të ftohtë, duhet të kondensojë avujt e tij të ujit”, tha Marvel.

“Toka e ngrohtë e bën më të lehtë që ajri i lagësht të ngrihet lart – kjo është arsyeja pse ndodhin stuhi në pasditet e nxehta të verës. Nëse i bashkoni të gjitha këto, do të keni kushtet perfekte për shira të rrëmbyeshëm”, tha Marvel, autore e librit të ri për klimën “Natyra Njerëzore”.

“Nëse një shi i rrëmbyeshëm shndërrohet në një përmbytje katastrofike varet nga shumë gjëra: sa poroz është toka, topografia e zonës, njerëzit dhe gjërat në rrezik. Por nuk ka absolutisht asnjë dyshim se ndryshimi i klimës, i shkaktuar nga emetimet njerëzore të gazrave serrë, po i bën reshjet ekstreme të shiut edhe më ekstreme”, shtoi ai. /Telegrafi/

The post Vera e përmbytjeve në të gjithë SHBA-në, shkencëtarët kanë një shpjegim pse po ndodhë kjo appeared first on Telegrafi.

Lajmet e këqija për Teslën vazhdojnë. Kompania, në një kohë kur po përballet me rënie të shitjeve dhe konkurrencë gjithnjë e më të ashpër, ka lënë një tjetër person kyç.

Troy Jones, ish-drejtuesi i shitjeve për Amerikën e Veriut, është larguar pas 15 vitesh, gjatë të cilave ai dëshmoi rritjen meteorike të Model S, lansimin e Model 3 dhe popullaritetin shpërthyes të Model Y, transmeton Telegrafi.

Largimi i Jones vjen në një kohë të paqëndrueshmërisë në rritje për Teslën, e cila ka luftuar me rënien e shitjeve, presionin konkurrues dhe pasigurinë strategjike për një vit.

Që nga mesi i vitit 2024, kompania ka regjistruar një rënie të dërgesave mujore në tregjet kryesore, dhe në prill njoftoi shkurtimin e më shumë se 10% të fuqisë punëtore globale.

Ishte një shenjë e qartë se Tesla po përgatitej për kohë të vështira. Tani, ndërsa tregu mbetet i paqëndrueshëm, largimi i një menaxheri të rangut të lartë si Jones sjell një dozë të re pasigurie.

Roli i tij, i cili përfshinte mbikëqyrjen e shitjeve, shërbimit dhe dërgesave në të gjithë Amerikën e Veriut, ishte thelbësor për operacionet e përditshme të kompanisë në rajonin e saj më të rëndësishëm.

Problemet me të cilat përballet Tesla nuk janë vetëm të brendshme. Pasi për një kohë të shkurtër ishte automjeti më i shitur në botë, Tesla Model Y ka mbetur pas Toyota RAV4, e cila mori me vështirësi kurorën globale në vitin 2024.

Ndërsa kjo mund të duket si një goditje e vogël, ajo vetëm sa konfirmon atë që po bëhet gjithnjë e më e qartë: Oferta dikur revolucionare dhe e pakrahasueshme e Teslës tani ndihet e vjetëruar krahasuar me konkurrentët më të rinj, më të lirë dhe shpesh më praktikë.

E gjithë kjo vjen ndërsa kompania gjithashtu përballet me ndryshimin e perceptimit publik. Rënia e shitjeve nga tremujori në tremujor tregon një trend më afatgjatë, jo vetëm vështirësi të përkohshme.

Dominimi dikur i fortë i tregut të automjeteve elektrike po zbehet, pasi gjigantët tradicionalë të automobilave dhe startup-et agresive kineze ofrojnë alternativa gjithnjë e më konkurruese.

Largimi i Troy Jones nuk është një incident i izoluar. Ai i bashkohet një sërë drejtuesish të tjerë që janë larguar nga kompania në muajt e fundit, përfshirë Omead Afshar, i cili mbikëqyri Texas Gigafactory, dhe Milan Kovac, kreu i zhvillimit të robotit humanoid Optimus.

Ka gjithashtu thashetheme se kreu i burimeve njerëzore, Jenna Ferrua, u largua në heshtje nga kompania gjatë verës. /Telegrafi/

 

The post Telashet nuk kanë të ndaluar për Tesla, një tjetër person kyç largohet pas 15 vitesh punë në kompaninë e miliarderit Musk appeared first on Telegrafi.

Meta vazhdon të zgjerojë linjën e saj të teknologjisë së veshjes me një model të ri syzesh inteligjente, këtë herë në bashkëpunim me markën Oakley.

Rezultati i bashkëpunimit midis Meta dhe Oakley janë syzet inteligjente Oakley Meta HSTN, të destinuara për përdoruesit që dëshirojnë veçoritë e inteligjencës artificiale të ekosistemit Meta, por në një version më sportiv dhe futurist sesa kornizat klasike Ray-Ban.

Syzet janë të disponueshme në gjashtë kombinime kornizash dhe lentesh, duke përfshirë versionet me recetë (me një tarifë shtesë), duke zgjeruar opsionet për përdoruesit që më parë kanë shmangur syzet inteligjente për shkak të stilit ose problemeve me shikimin.

Ashtu si modelet e mëparshme Meta, HSTN përmban një kamerë diskrete të përparme, altoparlantë të tipit të hapur dhe mikrofonë të integruar në kornizë, transmeton Telegrafi.

Ato ju lejojnë të dëgjoni muzikë, të bëni telefonata, të bëni foto dhe video, dhe të bashkëveproni me Meta AI, një asistent zëri gjithmonë aktiv.

Meta AI mund të ofrojë informacion kontekstual përmes kamerës dhe mikrofonit. Për shembull, mund të përkthejë tekst nga një gjuhë e huaj ose t’u përgjigjet pyetjeve që bëni me zë.

Ndërsa karakteristikat themelore mbeten të njëjta me modelet e mëparshme, Oakley HSTN sjell dy përmirësime të mëdha në krahasim me versionin Ray-Ban: dyfishin e jetëgjatësisë së baterisë (deri në 8 orë) dhe një kamera që regjistron deri në 3K.

Syzet Oakley Meta HSTN me edicion të kufizuar janë në shitje për 499 dollarë (427 euro), ndërsa pjesa tjetër e koleksionit, duke filluar nga 399 dollarë (342 euro), do të jetë në dispozicion këtë verë. /Telegrafi/

Introducing Oakley Meta HSTN Performance AI glasses. Capture highlights, listen to music, and change the game with @Meta AI. Chapter 1 is here and it’s just the beginning. Pre-order starts July 11.

Get notified: https://t.co/ubGrMBlZnw pic.twitter.com/ssZYqamo7o

— Oakley (@oakley) June 20, 2025

The post Syzet e reja inteligjente Meta të Oakley-t ju pëshpërisin informacione ndërsa i mbani appeared first on Telegrafi.

Një video virale në TikTok i ka lënë përdoruesit e internetit të habitur me aftësinë e një burri për të fjetur pa pushim.

Në video, një grua shfaqi gjumin tepër të thellë të burrit të saj në plazh – një gjumë që sfidoi një baticë në rritje, transmeton Telegrafi.

Ajo që filloi si një seancë e qetë për tu rrezitur shpejt u shndërrua në një “film horror” për gruan e tij, e cila e gjeti atë pothuajse tërësisht të zhytur në ujë orë më vonë.

Që kur video u postua, ajo ka marrë gati 6 milionë pëlqime.

“Cili është filmi juaj i preferuar horror? Ndoshta ai ku e lashë burrin tim në plazh për të fjetur dhe e kontrollova tre orë më vonë për ta gjetur deri në qafë, ende duke fjetur në ujë”, shkroi gruaja në mbishkrimin e videos.

Videoja tregon burrin e saj të shtrirë në një karrige plazhi, në dukje të pashqetësuar, ndërsa valët e oqeanit i përplasen rreth shpatullave. /Telegrafi/

@rhcobb84 Love that for him #fyp #beach #foryou #wth ♬ I Love You, I’m Sorry – Gracie Abrams

The post E la burrin duke u rrezitur në plazh, tre orë më vonë e gjen në ujë duke fjetur në shezllon appeared first on Telegrafi.

Presidenti i Serbisë, Aleksandar Vuçiq, ka reaguar pas vendimit të Gjykatës Themelore në Prishtinë për caktimin një muaj paraburgim ndaj Igor Popoviqit, zëvendësdrejtor i të ashtuquajturës Zyrë për Kosovë në Qeverinë e Serbisë.

Vuçiq tha se Beogradi zyrtar i ka njoftuar të gjithë partnerët ndërkombëtarë për caktimin e paraburgimit ndaj Igor Popoviqit, duke shtuar se “kjo mund të ketë pasoja të paparashikueshme”.

“Arrestimi i fundit i Igor Popoviqit tregon se Albin Kurti e ka humbur arsyen dhe se dëshiron të shkaktojë incidente dhe konflikte në Ballkanin Perëndimor”, tha Vuçiq gjatë një interviste në televizionin Pink në Beograd.

Ai theksoi se do të përpiqet të ruajë paqen dhe stabilitetin, por paralajmëroi se do të reagojë “në mënyrë të ashpër dhe të fuqishme, sepse ky terror duhet të ndalet në një moment”.

Ndërkaq, Lista Serbe, partia kryesore e serbëve në Kosovë që gëzon mbështetjen e Beogradit, e cilësoi vendimin e Gjykatës Themelore si “vendim politik”.

Sipas njoftimit të Listës Serbe, Popoviqi është ndaluar sepse ka folur për “vuajtjet e popullit serb dhe ka kërkuar që përgjegjësit për krimet kundër bashkëkombësve tanë – të cilët ende janë të lirë – të dalin para drejtësisë”.

“Arrestimi i Igor Popoviqit është një sulm ndaj dialogut, një sulm ndaj vendosmërisë së shtetit serb për të zgjidhur të gjitha çështjet e hapura përmes dialogut. Po ashtu, është dëshmi e qasjes joserioze dhe të papërgjegjshme të përfaqësuesve ndërkombëtarë, të cilët po e tolerojnë arbitraritetin, autokracinë dhe persekutimin e gjithçkaje që është serbe nga [kryeministri në detyrë i Kosovës, Albin] Kurti”, thuhet në njoftim.

Zyra për Kosovën në Qeverinë e Serbisë tha po ashtu se caktimi i masës së paraburgimit ndaj Popoviqit është “vendim politik”, duke akuzuar autoritetet kosovare se duan t’u “ndalojnë serbëve në Kosovë jo vetëm lirinë e shprehjes, por edhe vetë jetën”.

“Çdo mundësi për marrëveshje dhe negociata me Prishtinën bie poshtë pas këtij vendimi skandaloz, të paligjshëm dhe të papranueshëm, derisa Popoviq të lirohet. Përfaqësuesit e bashkësisë ndërkombëtare janë bashkëfajtorë në këtë vendim ndaj Igor Popoviqit, përfaqësues i lartë i shtetit serb”, thuhet në njoftimin e kësaj zyreje.

Po ashtu, nga kjo zyrë thanë se gjatë ditëve të fundit, përmes kontakteve intensive të përditshme, kanë marrë disa siguri nga përfaqësues ndërkombëtarë se nuk ekziston bazë ligjore që Igor Popoviq të mbahet në paraburgim, dhe se po bëhet gjithçka që ai të lirohet.

Pas ndalimit të Popoviqit, më 18 korrik ministri në detyrë i Punëve të Brendshme të Kosovës, Xhelal Sveçla, deklaroi seKosova, si shtet demokratik dhe sovran, nuk do të tolerojë fyerje dhe përdhosje të historisë e çka më pak të luftës së udhëhequr nga UÇK-ja.

“Kjo pjesë e historisë gëzon respektin e të gjithë botës përparimtare”, u shpreh ai.

UÇK-ja ishte forcë politiko–ushtarake e cila ka luftuar për çlirimin e Kosovës nga sundimi serb në periudhën 1990-1999.

Kategoritë e dala nga lufta, Organizata e Veteranëve të UÇK-së (OVL-UÇK), Shoqata e Invalidëve të Luftës dhe Shoqata e Familjeve të Dëshmorëve kanë reaguar ashpër ndaj, siç kanë thënë, pranisë së ndihmësit të Petar Petkoviqit në Kosovë.

Ato, po ashtu, kanë thënë se “çdo tentativë për të provokuar, për të njollosur UÇK-në dhe për të përdorur territorin e Kosovës për propagandë antikombëtare është e papranueshme dhe duhet ndalur me vendosmëri”.

The post Vuçiq reagon pas paraburgimit të Igor Popoviqit: Kjo mund të ketë pasoja të paparashikueshme appeared first on Telegrafi.

Ylli i Arsenalit, Gabriel, ka ndarë mendimin e tij për Viktor Gyokeres, teksa sulmuesi i Sporting Lisbonës është shumë pranë një transferimi te skuadra londineze. 

Gabriel foli në një intervistë të gjerë për The Athletic para fillimit të sezonit të ri, ku ndër të tjera u prek edhe çështja e përforcimeve që po synon Arsenal, përfshirë dhe afrimin e Gyokeres. 

Duke iu referuar përballjes mes Arsenalit dhe Sportingut në fazën e grupeve të Ligës së Kampionëve sezonin e kaluar, Gabriel tha se ndeshja ndaj Gyokeres ishte një ‘sfidë e madhe’ për të si mbrojtës. 

Megjithatë, braziliani është shprehur entuziast për mundësinë që sulmuesi suedez t’i bashkohet skuadrës dhe theksoi se ai dhe bashkëlojtarët e tij duan që klubi të sjellë lojtarët më të mirë, me synimin që pas tre sezonesh të përfunduara në vendin e dytë, më në fund të fitojnë titullin e parë të Ligës Premier pas 21 vitesh. 

“Në një klub si Arsenali, ajo që duam është të kemi lojtarët më të mirë. Duam të luftojmë për trofe, prandaj na duhen më të mirët”. 

“Kur vijnë lojtarë të rinj, këshilla ime për ta është të përqendrohen dhe të përshtaten sa më shpejt që të jetë e mundur, sepse ne tashmë po punojmë shumë fort”. 

“Mendoj se ata tashmë përshtaten mirë me ne dhe besoj se këtë vit mund të arrijmë gjëra të mëdha”. 

“Kur luajtëm kundër tij (Gyokeres), ishte me të vërtetë një sfidë e vështirë. Tani e dimë që ai është një lojtar i shkëlqyer dhe padyshim që pati një sezon fantastik”, ka thënë Gabriel./Telegrafi/

The post Ylli i Arsenalit thyen heshtjen dhe flet për Gyokeres mes zërave për kalim në Londër appeared first on Telegrafi.

Aktori amerikan, Paul Wesley (42 vjeçar), i cili njihet nga shumë njerëz për rolin e tij në serialin “Vampire Diaries”, i propozoi martesë modeles Natalie Kuckenburg (25 vjeçare).

Ajo ndau një fotografi me unazën dhe shkroi: “Po. Gjithmonë dhe përgjithmonë”.

Të dy u panë për herë të parë së bashku në nëntor të vitit 2022 në Itali. Aktori më parë i tha revistës People se e qeshura është çelësi i një marrëdhënieje të suksesshme.

 

View this post on Instagram

 

A post shared by Natalie Kuckenburg (@nataliekuckenburg)

Italia është një nga destinacionet e tyre të preferuara, kështu që ata do të kalojnë pushimet atje edhe këtë verë.

Në fillim të kësaj jave, ata qëndruan në Toskanë dhe një pjesë të atmosferës e postuan në Instagram.

 

View this post on Instagram

 

A post shared by Paul Wesley (@paulwesley)

Wesley ishte i martuar më parë me Ines de Ramon, të dashurën aktuale të Brad Pitt.

Lajmi për divorcin e tyre u konfirmua për mediat amerikane në shtator 2022 dhe divorci u finalizua në vitin 2024.

 

View this post on Instagram

 

A post shared by Paul Wesley (@paulwesley)

Kuckenburg nga ana tjetër nënshkroi një kontratë me agjencinë e talenteve Elite Model Management. /Telegrafi/

The post Ylli i “Vampire Diaries” i propozon martesë partneres së tij – modeles së famshme 17 vjet më të re appeared first on Telegrafi.

Tayna ka sjellë për fansat një tjetër projekt muzikor, këtë herë një bashkëpunim ndërkombëtar me emra të njohur të skenës: Summer Cem, Geenaro dhe Ghana Beats.

Kënga e re, e publikuar këtë të diel, titullohet “Late Night” dhe vjen me një ritëm energjik, tipik për stilin modern që përfaqësojnë artistët pjesëmarrës.

Teksti i këngës është shkruar nga vetë Tayna dhe reperi gjerman Summer Cem, ndërsa për producimin muzikor janë kujdesur Geenaro, Ghana Beats dhe Tigran.

Videoklipi, i cili shoqëron projektin, është realizuar nga produksioni i njohur Entermedia, duke sjellë pamje dinamike dhe atmosferë urbane që përputhen me energjinë e këngës.

Ky nuk është i vetmi projekt i Taynës këtë verë.

Artistja nga Prizreni ka qenë mjaft aktive në tregun muzikor, duke publikuar disa këngë të tjera që janë pritur mirë nga publiku dhe kanë mbledhur miliona klikime në YouTube e platformat e tjera muzikore.

“Late Night” shënon një tjetër hap të rëndësishëm në karrierën ndërkombëtare të Taynës, e cila vazhdon të konsolidojë pozicionin e saj si një nga artistet më të suksesshme shqiptare në tregun evropian të muzikës. /Telegrafi/

The post Tayna publikon bashkëpunimin e ri ndërkombëtar “Late Night” appeared first on Telegrafi.

Kapiteni i klubit të njohur belg Club Brugge, Hans Vanaken, është pyetur për situatën e Ardon Jasharit. 

Mesfushori shqiptar tash e sa kohë po përflitet për një kalim të mundshëm tek Milani, por dy klubet nuk po arrijnë të gjejnë një akord mes vete për transferimin e tij në ‘San Siro’. 

Ndonëse Jashari tashmë është dakordësuar sa i përket kushteve personale me klubin kuqezi, Igli Tare nuk po arrin të dalë nga ngërçi sa i përket negociatave me drejtuesit e klubit belg. 

Kjo situatë nuk kaloi pa u komentuar as nga kapiteni Vanaken, i cili është deklaruar se e kupton shumë mirë situatën në të cilën gjendet Jashari. 

Hans Vanaken, capitano del Club Bruges in esclusiva: “Jashari torna in gruppo lunedi? Lo accoglieremo a braccia aperte. Lo capisco, anch’io se fossi giovane al suo posto vorrei andare al #ACMilan… ”
Leggi l’integrale stasera #USGUCL #ClubBrugge #Calciomercato pic.twitter.com/33oUUqeS7p

— Alessandro Schiavone (@journ9ale) July 20, 2025

Ai ka folur shkurtimisht për këtë çështje, duke thënë se edhe ai po të ishte në moshën e Jasharit do të dëshironte transferimin tek Milani. 

“A do të rikthehet Jashari në stërvitje të hënën? Ne do ta presim me krahë hapur. E kuptoj atë. Edhe unë nëse do të isha i ri dhe në pozitën e tij, edhe unë do të doja të shkoja tek Milani”, ka thënë Vanaken. 

Situata e Jasharit ështën një për t’u përcjellur me kujdes deri në ditën e fundit të afatit kalimtar veror, teksa ka ende shpresa se një marrëveshje mes klubeve mund të arrihet shumë shpejt./Telegrafi/ 

The post Kapiteni i Club Brugge: E kuptoj Jasharin, edhe unë do të doja të shkoja tek Milani appeared first on Telegrafi.

Një aksident dramatik tronditi një zonë të qetë banimi në Bohmte të Gjermanisë të shtunën në mbrëmje.

Një makinë përshkoi me shpejtësi të lartë një oborr, kaloi një kopsht – dhe goditi një fëmijë 7-vjeçar që po luante në një trampolinë.

Makina me sa duket u nis, fluturoi në ajër – dhe u përplas në murin e jashtëm të një hambari ngjitur në lartësinë e katit të parë.

Atje, automjeti mbeti i bllokuar në anë, transmeton Telegrafi.

Djali i vogël u lëndua rëndë, ndoshta në rrezik për jetën, sipas policisë në përgjigje të një hetimi të Bild.

Një banor raportoi se nëna e shtatëvjeçarit bërtiti pas incidentit.

Zjarrfikësit, shërbimet e emergjencës dhe një helikopter shpëtimi reaguan menjëherë. Një vinç i zjarrfikësve u nevojit gjithashtu për shpëtim teknik.

Gjithsej gjashtë persona pësuan lëndime. Sipas raportimeve, në makinë ndodheshin pesë persona, përfshirë tre fëmijë të moshës 11, 12 dhe 13 vjeç. Të gjithë pasagjerët pësuan lëndime të lehta, ndërsa pasagjerja 43-vjeçare u lëndua rëndë.

Ende nuk është e qartë se si ndodhi aksidenti i tmerrshëm. Megjithatë, është përjashtuar mundësia që alkooli të ketë luajtur ndonjë rol. /Telegrafi/

Varias personas resultaron heridas después de que un automóvil se estrellara contra el techo de un granero en la ciudad alemana de Bohmte.

El auto primero chocó con un arbusto, luego golpeó a un niño que estaba en un trampolín y finalmente se estrelló contra el techo de un… pic.twitter.com/QnenaXmGTT

— NMás (@nmas) July 20, 2025

The post Në Gjermani, një veturë përplasi një fëmijë në një trampolinë dhe përfundoi në çatinë e një hambari appeared first on Telegrafi.