Në rrjetin social X, u shfaqën pamje të Robotaxit të Teslas në Teksas.

Sipas disa videove të ndara, një Robotaxi pa shofer mund të shihet duke transportuar pasagjerë dhe duke ndaluar në mënyrë që këmbësorët të kalojnë në një vendkalim.

Tesla njoftoi së fundmi se ka zgjeruar shërbimin e saj Robotaxi në zonë dhe se shërbimi mund të zgjerohet së shpejti në Zonën e Gjirit të San Franciskos.

“Më i fortë, më i mirë, më i shpejtë”, shkruhej në faqen zyrtare në X të Robotaxi. /Telegrafi/

Robotaxi cutting in front of a Waymo lol pic.twitter.com/I3ycmJmA71

— Owen Sparks (@OwenSparks_) July 20, 2025

Watch @Robotaxi in downtown Austin on a Saturday night, just outside Joe Rogan’s Comedy Mothership.

Handled crossing pedestrians with ease pic.twitter.com/bchPsFJdQH

— Owen Sparks (@OwenSparks_) July 20, 2025

The post Ja si duket një udhëtim me Robotaxi appeared first on Telegrafi.

Së pari dhe më kryesorja, ndodhi përmbytja shkatërruese në Teksas që mbyti më shumë se 130 njerëz natën e 4 korrikut, shkruan CNN.

Por ngjarjet e përmbytjeve të menjëhershme janë përqendruar edhe diku tjetër, transmeton Telegrafi.

Tre persona humbën jetën në një përmbytje të menjëhershme që lidhej me shirat e rrëmbyeshëm që ranë mbi një ‘plagë’ djegieje nga zjarret në Ruidoso, New Mexico, më 8 korrik.

Disa rrugë kryesore në Çikago u vunë papritmas nën ujë kur një ngjarje reshjesh 1,000-vjeçare goditi në fillim të korrikut.

Në pjesë të Karolinës së Veriut, mbetjet e stuhisë tropikale Chantal çuan në shira të rrëmbyeshëm dhe përmbytje vdekjeprurëse në të njëjtën fundjavë me tragjedinë e Teksasit.

Në New York, uji vërshoi në tunelet e metrosë kur qyteti pa reshjet e dyta më të dendura në një orë më 14 korrik, me përmbytje të menjëhershme të përhapura që zgjatën deri më 15.

Dhe javën e kaluar, ishte radha e Kansas City për të përmbytur më 17 korrik.

Disa nga këto përmbytje rezultuan nga reshjet që kanë një frekuencë kthimi prej rreth 1,000 vjetësh, që do të thotë se kanë vetëm një shans 0.1% të ndodhin në çdo vit të caktuar.

Por ndryshimi i klimës po i ngarkon zaret në favor të reshjeve ekstreme.

“Kur flasim për shembull për ngjarje ‘1000-vjeçare’, po flasim për gjasat e këtyre ngjarjeve në mungesë të ngrohjes së shkaktuar nga njeriu (domethënë sa shpesh do t’i prisnim ato vetëm nga ndryshueshmëria natyrore)”, tha shkencëtari i klimës Michael Mann i Universitetit të Pensilvanisë.

“Këto ngjarje janë sigurisht shumë më të shpeshta *për shkak* të ngrohjes së shkaktuar nga njeriu”, tha ai në një email.

Por hulumtimi i tij ka identifikuar faktorë të tjerë, siç janë modelet e vazhdueshme të motit në shkallë të gjerë të njohura si “rezonancë atmosferike”, që mund ta bëjnë motin ekstrem, përfshirë përmbytjet, edhe më të mundshëm.

Ashtu si valët e zërit ose valët e oqeanit mund të rezonojnë dhe të përforcojnë njëra-tjetrën, rezonanca atmosferike mund të ndodhë me modelet e valëzuara të rrjedhave të ajrit në atmosferën e sipërme, duke rezultuar në sisteme moti që qëndrojnë në vend për javë të tëra.

Një studim i kohëve të fundit mbi të cilin punoi Mann, zbuloi se modele të tilla moti janë trefishuar në incidencë që nga mesi i shekullit të 20-të gjatë muajve të verës.

Problemi është se këto modele “nuk janë domosdoshmërisht të kapura mirë në modelet e klimës”, tha ai.

Kjo rrit pasigurinë në lidhje me parashikimet e ardhshme për tendencat ekstreme të motit.

Ndikimi i ndryshimeve klimatike në reshjet e dendura të shiut është më i dukshëm kur bëhet fjalë për ngjarje ekstreme afatshkurtra, si ajo që ka ndodhur vazhdimisht këtë verë, sipas Swain.

“Nuk janë reshjet mesatare ato që preken më shumë nga ndryshimet klimatike,” tha Swain.

“Është vërtet matematikisht e saktë që sa më ekstreme të jetë ngjarja e shiut, aq më e qartë është lidhja me ndryshimet klimatike”, shtoi ai.

Fizika se si ngrohja globale ndikon në ngjarjet e reshjeve të dendura të shiut është e njohur mirë, sipas shkencëtares së klimës Kate Marvel.

“Ky është pothuajse një shembull shkollor i ndikimeve të ndryshimeve klimatike”, i tha ajo CNN.

“Shkenca që qëndron pas kësaj është aq bazike sa mund ta shihni në jetën e përditshme. Uji i ngrohtë nxit më shumë avullim – banjoja bëhet shumë më e avullueshme pas një banje të nxehtë sesa pas një banje të ftohtë”, tha ajo.

“Ajri i ngrohtë përmban më shumë avuj uji – një birrë e ftohtë laget nga jashtë në një ditë të nxehtë, sepse kur ajri bie në kontakt me sipërfaqen më të ftohtë, duhet të kondensojë avujt e tij të ujit”, tha Marvel.

“Toka e ngrohtë e bën më të lehtë që ajri i lagësht të ngrihet lart – kjo është arsyeja pse ndodhin stuhi në pasditet e nxehta të verës. Nëse i bashkoni të gjitha këto, do të keni kushtet perfekte për shira të rrëmbyeshëm”, tha Marvel, autore e librit të ri për klimën “Natyra Njerëzore”.

“Nëse një shi i rrëmbyeshëm shndërrohet në një përmbytje katastrofike varet nga shumë gjëra: sa poroz është toka, topografia e zonës, njerëzit dhe gjërat në rrezik. Por nuk ka absolutisht asnjë dyshim se ndryshimi i klimës, i shkaktuar nga emetimet njerëzore të gazrave serrë, po i bën reshjet ekstreme të shiut edhe më ekstreme”, shtoi ai. /Telegrafi/

The post Vera e përmbytjeve në të gjithë SHBA-në, shkencëtarët kanë një shpjegim pse po ndodhë kjo appeared first on Telegrafi.

Presidenti amerikan Donald Trump sapo ka përditësuar bilancin tragjik në Teksas, duke thënë se kanë humbur jetën 135 persona.

Kjo është rreth 15 persona mbi atë që dinim më parë.

“Nuk kam parë kurrë diçka të tillë“, shtoi Donald Trump ndërsa u ul për të folur me zyrtarët lokalë në Teksas.

Ai tha se kishte “shumë fëmijë të zhdukur” që ekipet e kërkim-shpëtimit po i kërkonin ende pas përmbytjeve.

“Dhjetëra e dhjetëra fëmijë na u morën… është e tmerrshme”, theksoi ai.

Ai tha gjithashtu se ujërat e përmbytjes ishin aq të rrezikshme “saqë edhe surfistët më të mirë në botë do të kishin frikë të bënin surf”.

The post “Dhjetëra fëmijë na u morën…”, Trump viziton Teksasin: Kanë humbur jetën 135 persona appeared first on Albeu.com.

Më shumë se 100 të vdekur, përfshirë 28 fëmijë, dhjetëra të zhdukur dhe komunitete të tëra të shkatërruara, ky është bilanci tronditës i përmbytjes së menjëhershme që goditi Teksasin brenda pak orësh. Lumi Guadalupe u rrit me 8 metra për më pak se një orë, duke marrë me vete gjithçka në rrugën e tij.

Profesori Costas Synolakis, në një analizë për Wall Street Journal, fajëson jo natyrën, por neglizhencën njerëzore: paralajmërimet ishin dhënë, por munguan sirenat, sistemet e komunikimit dhe, mbi të gjitha, vullneti politik.

“Shkenca bëri punën e saj. Ishte politika ajo që dështoi,” shkruan ai.

Zyrtarët lokalë e kishin ditur rrezikun për dekada, por nuk investuan në mbrojtje, duke u shqetësuar më shumë për ndotjen akustike sesa për jetët njerëzore.

“Fëmijët në kamp nuk u mbytën nga uji, por nga dështimi i imagjinatës dhe përgjegjësisë,” përfundon Synolakis, duke bërë thirrje për veprim para se një tjetër tragjedi të përsëritet.

The post Përmbytjet në Teksas, eksperti: Tragjedia nuk erdhi nga uji, por shteti ishte i papërgatitur appeared first on iconstyle.al.

Deri të martën në mbrëmje, numri i personave të zhdukur kishte tejkaluar 170, sipas shifrave të njoftuara nga Guvernatori i Teksasit Greg Abbott. Që nga e premtja e kaluar nuk është gjetur asnjë i mbijetuar.

Shumica e viktimave dhe personave të zhdukur janë regjistruar në Qarkun Kerr, kryeqyteti i të cilit, Kerrville, u dëmtua shumë keq nga shirat e rrëmbyeshëm që ranë më 4 korrik. Për shkak të shiut, niveli i lumit Guadalupe u rrit ndjeshëm, me gati tetë metra, brenda pak orësh.

Sherifi i Qarkut Kerr, Larry Litha, u tha gazetarëve se numri i të vdekurve tani është 95, dhe 36 prej tyre ishin fëmijë. Midis tyre janë të paktën 27 vajza dhe shoqërueset e tyre nga kampi i krishterë Camp Mystic, i cili ndodhej në brigjet e lumit.

Autoritetet paralajmërojnë se numri i viktimave ka të ngjarë të rritet ndërsa ujërat e përmbytjes tërhiqen dhe ekipet e shpëtimit gjejnë më shumë trupa.

The post Tragjedi në Teksas/ 110 viktima, mes tyre fëmijë, kërkimet vazhdojnë mes shpresës appeared first on Sot News | Lajme.

Teksasi po përballet me një nga fatkeqësitë natyrore më vdekjeprurëse të viteve të fundit, pasi përmbytjet e fuqishme që goditën shtetin të premten kanë marrë jetën e të paktën 109 personave dhe bilanci pritet të rritet.

Mes viktimave janë edhe rreth 30 fëmijë që po merrnin pjesë në një kamp veror me rreth 750 pjesëmarrës. Vetëm në Qarkun Kerr, më i godituri nga përmbytjet, janë konfirmuar 86 viktima, ndërsa më shumë se 20 trupa mbeten ende të paidentifikuar, sipas sherifit Larry Litha.

Ekipet e shpëtimit vijojnë kërkimet në kushte të vështira, ndërsa tensioni po rritet edhe në nivel politik. Ligjvënësit demokratë po kërkojnë një hetim të plotë për të zbuluar nëse shkurtimet e personelit në Shërbimin Kombëtar të Motit (NWS) ndikuan në gatishmërinë për të përballuar katastrofën.

Sipas New York Times, disa zyra të NWS në Teksas kishin mungesë stafi në momentin kritik. Megjithatë, Shtëpia e Bardhë deklaroi se paralajmërimet ishin lëshuar në kohë dhe me saktësi.

The post Tragjedia në Teksas: Rritet në 109 numri i viktimave nga përmbytjet, mes tyre dhjetëra fëmijë appeared first on iconstyle.al.

Viktimat përfshijnë dhjetëra fëmijë që ndiqnin një kamp veror që priste rreth 750 persona.

Ekipet e shpëtimit vazhdojnë të kërkojnë persona të zhdukur, shpesh në kushte të vështira.

Vetëm në Qarkun Kerr, i cili pësoi dëmet më të rënda, janë gjetur 86 të vdekur, mes tyre rreth 30 fëmijë, siç tha Sherifi Larry Litha në një konferencë për shtyp, duke sqaruar se më shumë se 20 trupa nuk janë identifikuar ende.

Ligjvënësit demokratë po bëjnë thirrje për një hetim nëse shkurtimet e vendeve të punës në Shërbimin Kombëtar të Motit (NWS) ndikuan në reagimin e tij ndaj përmbytjeve vdekjeprurëse. Neë York Times raportoi të shtunën se zyrat e NWS në Teksas kishin mungesë stafi.

Zëdhënësja e Shtëpisë së Bardhë, Caroline Leavitt, tha të hënën se NWS kishte lëshuar “parashikime dhe paralajmërime në kohë dhe të sakta” në lidhje me rrezikun e përmbytjeve në rajon.

Presidenti amerikan Donald Trump planifikon të vizitojë disa nga zonat e prekura në Teksas, ndoshta të premten.

The post Përmbytjet në Teksas/ Shkon në 109 numri i viktimave, mes tyre 30 fëmijë appeared first on Sot News | Lajme.

Të paktën 95 persona kanë vdekur pas përmbytjeve shkatërruese që goditën Teksasin qendror. Kampi Mystic, një kamp veror vetëm për vajza që ndodhet përgjatë lumit Guadalupe, ka konfirmuar se 27 kampistë dhe këshilltarë vdiqën në përmbytjet e fundjavës. 10 kampistë dhe një administrator janë ende të zhdukur.

Sipas zyrtarëve, ekipet e shpëtimit janë ende duke kërkuar për dhjetëra persona të zhdukur pas përmbytjeve të tmerrshme. Kryetari i bashkisë së Kerrville tha se nuk mori paralajmërim për reshjet e rrëmbyeshme të shiut. Një rrezik i nivelit 3 nga 4 i reshjeve të përmbytjeve është në fuqi për pjesë të Teksasit qendror, duke përfshirë Qarkun Kerr dhe pjesë të pellgjeve të lumenjve Guadalupe dhe Llano.

“Gjithmonë ka shpresë”, tha për CNN Jake Stovall, themelues dhe drejtor i Gulf Search and Rescue, ndërsa përgatitej ti kthehej kërkimeve ujë në Kerrville të Teksasit. Stovall dhe ekuipazhi i tij tërësisht vullnetar prej nëntë personash është i përgatitur të qëndrojë në Teksas për 10 deri në 15 ditë, të vendosur të qëndrojë në lumin Guadalupe “derisa të gjejmë fëmijët dhe të rriturit e fundit”.

“E kam bërë këtë mjaftueshëm gjatë (në të kaluarën), kam gjetur njerëz katër ditë më vonë dhe 6 metra lart në një pemë, të kapur pas pemës, të dehidratuar… Jemi këtu duke u përpjekur t’i gjejmë të gjithë gjallë, dhe nëse i gjejmë të vdekur, atëherë, me respekt dhe me dinjitet, i rimarrim.”

Stovall tha se pjesa më e vështirë e kërkimit është ndjesia e peshës së kaq shumë familjeve që mezi presin të mësojnë për të dashurit e tyre. Disa prindër, tha ai, i janë drejtuar atij me foto të fëmijëve të tyre dhe i kanë kërkuar drejtpërdrejt ndihmë.

«Nuk do të supozojmë kurrë se janë të vdekur», tha ai. «Ne punojmë njësoj sikur secili prej tyre të jetë gjallë atje jashtë duke pritur që ne t’i shpëtojmë». Stovall shtoi se lumi dhe brigjet e tij duken sikur “ka shpërthyer një bombë”, duke i përshkruar skenat si “shkatërrim të plotë” në disa zona. Gulf SAR, i cili mbështetet në donacione, përdor ndihmës vullnetarë K9 dhe teknikë të çertifikuar përmbytjesh dhe ujërash të rrëmbyeshëm, ndër specialistë të tjerë për përpjekjet e kërkimit dhe rimëkëmbjes në të gjithë vendin.

The post Thellohet bilanci/ 95 viktima nga përmbytjet në Teksas, 11 janë ende të zhdukur appeared first on Lapsi.al.

Teksasi po përballet me një situatë gjithnjë e më dramatike, ndërsa përmbytjet shkatërruese kanë shkaktuar deri tani të paktën 89 viktima, sipas mediave ndërkombëtare. Vetëm në qarkun Kerr janë raportuar 75 të vdekur, ndërsa autoritetet paralajmërojnë se numri mund të rritet.

Kampi “Mystic”, një nga zonat më të goditura, konfirmoi se të paktën 27 vajza dhe anëtarë të stafit janë mes viktimave tragjike.

Pavarësisht përmasave të katastrofës, ekipet e kërkim-shpëtimit vijojnë operacionet për të gjetur të zhdukurit, ndërsa moti i keq nuk po jep shenja përmirësimi. Autoritetet kanë lëshuar alarme të reja për stuhi dhe rrebeshe shiu, që priten të godasin rajonin sërish gjatë orëve në vijim.

Frika për një përkeqësim të situatës është e lartë, ndërsa shumë zona mbeten të izoluara dhe pa energji elektrike.

The post Teksas nën ujë, konfirmohen 89 viktima, vijojnë kërkimet appeared first on iconstyle.al.

TEKSAS, 7 korrik /ATSH/- Të paktën 81 persona janë konfirmuar të vdekur dhe 41 të tjerë rezultojnë të zhdukur pas përmbytjeve të premten në Teksas, sipas BBC-së.

Shumica e viktimave ishin në Kontenë Kerr, ku një kamp vajzash të krishtera i vendosur buzë lumit u përfshi nga përmbytjet, duke shkaktuar vdekjen e një numri fëmijësh ndërsa shumë të tjerë janë raportuar të zhdukur.

Zona të tjera ku janë regjistruar vdekje përfshijnë kontenë Travis,  kontenë Burnet, kontenë Williamson, kontenë Kendall dhe kontenë Tom Green.

Shifrat po ndryshojnë me shpejtësi ndërsa ekipet e shpëtimit vazhdojnë të kërkojnë për të zhdukurit, dhe zyrtarët thonë se numri i të vdekurve do të vazhdojë të rritet.

Tre ditë pas përmbytjes, një nga përpjekjet më të mëdha të kërkim-shpëtimit në historinë e Teksasit po zhvendoset drejt një operacioni rimëkëmbjeje.

Guvernatori i Teksasit, Greg Abbott tha se autoritetet nuk do të ndalen para asgjëje – për t’u siguruar që çdo person i zhdukur të gjendet.

Katastrofa ndodhi para mengjesit të së premtes, ndërsa lumi u rrit 8 metra në harkun kohor prej 45 minutash, ndërsa shumica e kampistëve ishin duke fjetur.

Disa kampistë të rinj dhe drejtori i kampit, Richard “Dick” Eastland ishin mes të vdekurve.

Ekziston gjithashtu një pasiguri rreth asaj se sa njerëz të tjerë ndodheshin në zonë për fundjavën e 4 korrikut dhe sa prej tyre mund të ishin prekur nga përmbytjet. /Ad.Ab./ /a.i/

The post TEKSAS – Të paktën 81 të vdekur nga përmbytjet appeared first on Agjencia Telegrafike Shqiptare.

Një incident i rëndë me armë zjarri ndodhi të hënën në mëngjes në hyrje të një strukture të Patrullës Kufitare të Shteteve të Bashkuara në McAllen, Teksas. Sipas mediave amerikane dhe burimeve zyrtare të cituara nga CNN, një person ende i paidentifikuar hapi zjarr ndaj oficerëve të policisë dhe agjentëve kufitarë. Për pasojë, forcat e […]

The post Qëlloi me armë rojet kufitare në Teksas, policia amerikane ekzekuton agresorin appeared first on BoldNews.al.

Përpjekjet e kërkimit vazhdojnë për të katërtën ditë me radhë në Teksasin qendror, ku dhjetëra persona ende konsiderohen të zhdukur pas përmbytjeve të menjëhershme që goditën rajonin. Më shumë se 80 persona janë konfirmuar të vdekur, dhe janë ngritur shqetësime për mundësinë e një bilanci më të lartë të viktimave.

Një nga vendet më të prekura ka qenë Kampi Mystic, një kamp veror për vajza në Qarkun Kerr, ku të paktën 27 vajza dhe anëtarë të stafit janë midis të vrarëve. Ky kamp ka konfirmuar tragjedinë dhe po bashkëpunon me autoritetet për të ndihmuar në kërkimin e të mbijetuarve.

Rajoni po përballet gjithashtu me parashikime për stuhi të mëtejshme gjatë 24-48 orëve të ardhshme, ndërsa alarme për përmbytje mbeten në fuqi deri të paktën të hënën në mbrëmje. Situata e krijuar ka shtuar shqetësimet për pasigurinë në zonat më të rrezikuara, ndërsa shërbimet e emergjencës vazhdojnë përpjekjet për shpëtimin e jetëve.

Presidenti i SHBA-së, Donald Trump, ka nënshkruar një deklaratë për fatkeqësi natyrore për Qarkun Kerr, duke mundësuar përmirësimin e ndihmave federale për ata që kanë pësuar nga kjo tragjedi. Por, kanë lindur pyetje nëse paralajmërimet e përmbytjeve ishin të mjaftueshme për të paralajmëruar qytetarët në kohën e duhur.

Ngjarja tragjike ndodhi në orët e para të së premtes, kur lumi Guadalupe u rrit më shumë se 8 metra në më pak se një orë, duke shkaktuar përmbytje masive dhe dëme të mëdha. Aktualisht, autoritetet po punojnë për të identifikuar dhe shpëtuar të mbijetuarit, ndërkohë që komuniteti ka mbështetur njëri-tjetrin në këto momente të vështira.

LEXONI GJITHASHTU:

• Polonia vendos kontrolle kufitare me Gjermaninë dhe Lituaninë
• Irak: Ranë në kontakt me gazin metan në një shpellë, vdesin 12 ushtarë turq

The post Përmbytjet në Teksas: Midis të vrarëve edhe 27 vajza të një kampi veror appeared first on Euronews Albania.

Shakira do të dhurojë një pjesë të të ardhurave nga koncerti i saj për familjet e prekura nga përmbytjet shkatërruese në Teksas.

Këngëtarja shprehu ngushëllimet e saj për viktimat dhe familjet e të prekurve nga përmbytjet në zonën e Teksasit.

“I dashur San Antonio, zemrat dhe lutjet tona janë me ata që janë prekur nga përmbytjet në zonën qendrore të Teksasit”, shkroi Shakira në X,  duke shtuar: “Ne po dhurojmë një pjesë të të ardhurave nga koncerti i sonte për Organizatën Bamirëse Katolike të San Antonios, e cila po ofron ndihmë për familjet e prekura nga katastrofa.”

Këngëtarja shtoi një link në platformën e donacioneve të drejtuar nga Catholic Charities: ‘Nëse dëshironi të bashkoheni në donacion, ju lutemi klikoni në link-un më poshtë. Ndihma juaj është e rëndësishme dhe e vlefshme.”

Performanca e Shakirës në Teksas të shtunën në mbrëmje ishte e fundit përpara se ajo të rifillojë turneun e saj në Kaliforni në gusht. Numri i të vdekurve nga përmbytjet shkatërruese që përfshiu shtetin jugor amerikan të Teksasit tani ka arritur në 80, dhe ky numër është pothuajse i sigurt se do të rritet ndërsa shpresat për të gjetur 10 fëmijët ende të zhdukur po pakësohen.

The post Shakira prek me veprimin e saj, ndihmon familjet e goditura nga përmbytjet në Teksas appeared first on Albeu.com.

Së paku 78 persona u konfirmuan të vdekur në Texas-in qendror, ndërsa 41 të tjerë janë ende të zhdukur pas përmbytjeve të së premtes. Gjashtëdhjetë e tetë nga viktimat, përfshirë 28 fëmijë, u regjistruan në Qarkun Kerr, ku një kamp vajzash buzë lumit u përmbyt.

Dhjetë vajza dhe një këshilltar nga kampi Mystic nuk janë gjetur ende. Zyrtarët thonë se numri i viktimave me siguri do të rritet.

Në 24 deri në 48 orët e ardhshme, në rajon priten stuhi të tjera, që mund ta vështirësojnë edhe më shumë punën e ekipeve të shpëtimit. Ato tashmë janë duke u përballur me rreziqe – si nga gjarpërinjtë helmues – derisa vazhdojnë kërkimet mes baltës dhe rrënojave.

Guvernatori i Texas, Greg Abbott, tha të dielën se autoritetet do të bëjnë gjithçka që është e mundur, për të gjetur çdo person që ende mungon.

“Ishte e tmerrshme të shihje se çfarë përjetuan ata fëmijë të vegjël”, tha Abbott, një ditë pasi vizitoi zonën.

Presidenti Donald Trump nënshkroi të dielën një deklaratë për gjendje të jashtëzakonshme në Qarkun Kerr, duke aktivizuar kështu Agjencinë Federale të Menaxhimit të Emergjencave në Teksas. Ai, gjithashtu, tha se mund ta vizitojë këtë shtet të premten.

“Po punojmë nga afër me përfaqësuesit nga Texas dhe është një gjë e tmerrshme ajo që ka ndodhur – absolutisht e tmerrshme”, tha Trump.

Në Romë, Papa Leoni XIV bëri lutje të veçanta për viktimat në Teksas.

Një tragjedi e madhe ka përfshirë Teksasin qendror, ku së paku 78 persona janë konfirmuar të vdekur dhe 41 të tjerë janë ende të zhdukur pas përmbytjeve të mëdha që goditën rajonin të premten.

Gjashtëdhjetë e tetë nga viktimat, përfshirë 28 fëmijë, janë regjistruar në Qarkun Kerr, ku një kamp vajzash buzë lumit u përmbyt.

Deri tani, 10 vajza dhe një këshilltar nga kampi Mystic nuk janë gjetur ende, duke shkaktuar shqetësime të mëdha për fatin e tyre. Zyrtarët paralajmërojnë se numri i viktimave mund të rritet, pasi kërkimet vazhdojnë nën kushte të vështira, me rreziqe si gjarpërinjtë helmues dhe balta e thellë që pengojnë ekipet e shpëtimit.

Në 24 deri në 48 orët e ardhshme, stuhitë e tjera janë të pritura në rajon, çka mund të vështirësojë edhe më shumë operacionet e shpëtimit. Guvernatori i Teksasit, Greg Abbott, tha se autoritetet po bëjnë gjithçka të mundur për të gjetur personat që ende mungojnë, duke shtuar se ishte tmerruese të shihje atë që përjetuan fëmijët e vegjël në kamp.

Përmes një deklarate, Presidenti Donald Trump shpalli gjendje të jashtëzakonshme për Qarkun Kerr, duke aktivizuar Agjencinë Federale të Menaxhimit të Emergjencave (FEMA) për të mbështetur operacionet e shpëtimit. Trump e cilësoi ngjarjen si një tragjedi të tmerrshme dhe premtoi mbështetje të plotë për shtetin.

Në Romë, Papa Leoni XIV u lut për viktimat e përmbytjeve dhe familjet e tyre, duke i ofruar ngushëllim dhe mbështetje shpirtërore.

LEXONI GJITHASHTU:

• Aksident i rëndë në Ukrainë: Përmbyset autobusi, 1 i vdekur dhe 17 të plagosur
• Vrau tre të afërmit e saj me kërpurdha vdekjeprurëse, australianja shpallet fajtore

The post Mbi 70 njerëz të vdekur dhe dhjetëra të zhdukur nga përmbytjet në Teksas appeared first on Euronews Albania.

Të paktën 78 persona janë konfirmuar si viktima në Teksasin qendror, ndërsa 41 të tjerë janë ende të zhdukur pas përmbytjeve të së premtes. Gjashtëdhjetë e tetë nga viktimat, përfshirë 28 fëmijë, u regjistruan në qarkun Kerr, ku një kamp vajzash buzë lumit u përmbyt.

Dhjetë vajza dhe një këshilltar nga kampi Mystic nuk janë gjetur ende. Zyrtarët thonë se numri i viktimave me siguri do të rritet.

Në 24 deri në 48 orët e ardhshme, në rajon priten stuhi të tjera, që mund ta vështirësojnë edhe më shumë punën e ekipeve të shpëtimit. Ato tashmë janë duke u përballur me rreziqe – si nga gjarpërinjtë helmues – derisa vazhdojnë kërkimet mes baltës dhe rrënojave.

Guvernatori i Teksasit, Greg Abbott, tha të dielën se autoritetet do të bëjnë gjithçka që është e mundur, për të gjetur çdo person që ende mungon.

“Ishte e tmerrshme të shihje se çfarë përjetuan ata fëmijë të vegjël”, tha Abbott, një ditë pasi vizitoi zonën.

Presidenti Donald Trump nënshkroi të dielën një deklaratë për gjendje të jashtëzakonshme në qarkun Kerr, duke aktivizuar kështu Agjencinë Federale të Menaxhimit të Emergjencave në Teksas. Ai, gjithashtu, tha se mund ta vizitojë këtë shtet të premten.

“Po punojmë nga afër me përfaqësuesit nga Teksasi dhe është një gjë e tmerrshme ajo që ka ndodhur, absolutisht e tmerrshme”, tha Trump. Në Romë, Papa Leoni XIV bëri lutje të veçanta për viktimat në Teksas

The post Shkon në 78 numri i viktimave nga përmbytjet në Teksas, dhjetëra të zhdukur appeared first on Lapsi.al.

UASHIGNTON, 7 korrik /ATSH-DPA/ – Zyrtarët në Teksas kanë konfirmuar se të paktën 28 ​​fëmijë vdiqën kur përmbytjet e forta goditën shtetin amerikan, të premten e kaluar.

Sherifi i qarkut Kerr, Larry Leitha, tha në një konferencë për shtyp se 68 persona kishin vdekur në qark, përfshirë 40 të rritur dhe 28 fëmijë.

Guvernatori i Teksasit, Greg Abbott, tha se të paktën 10 persona në zona të tjera të Teksasit ishin gjetur gjithashtu të vdekur, duke e çuar numrin e konfirmuar të vdekjeve në të gjithë shtetin në të paktën 78.

”Të paktën 41 persona dihej se ishin të zhdukur”, shtoi Abbott.

Autoritetet lokale thanë se ende po kërkonin 10 fëmijë të zhdukur nga një kamp veror i krishterë.

I vendosur pranë lumit Guadalupe, kampi po akomodonte më shumë se 750 fëmijë kur përmbytjet goditën pas reshjeve të dendura të shiut.

“Ai dhe lumi që rrjedh pranë tij u shkatërruan tmerrësisht në mënyra që nuk i kam parë në asnjë fatkeqësi natyrore”, shkroi Abbott në X pasi vizitoi pasojat në kampin Mystic.

Zëvendësguvernatori i Teksasit, Dan Patrick, tha më parë se lumi ishte rritur me gati tetë metra në një kohë shumë të shkurtër në orët e para të mëngjesit, ndërsa shumë viktima ishin ende në gjumë.

Presidenti i SHBA-së, Donald Trump ka mundësuar ndihmë shtesë federale për zonën e prekur./ a.jor.

The post TEKSAS – 28 viktima pas përmbytjeve, 78 në total appeared first on Agjencia Telegrafike Shqiptare.

Presidenti Donald Trump ka shpallur gjendjen e jashtëzakonshme në Qarkun Kerr të Teksasit, pas përmbytjeve të menjëhershme dhe shkatërruese që kanë shkaktuar të paktën 59 viktima dhe dhjetëra të zhdukur, përfshirë 11 kampistë dhe një këshilltar nga Kampi Mystic.

Deklarata e shpallur nga presidenti aktivizon Agjencinë Federale të Menaxhimit të Emergjencave (FEMA) dhe burime të tjera federale për të mbështetur operacionet e kërkim-shpëtimit dhe përpjekjet për rimëkëmbje.

“Roja Bregdetare dhe ndërhyrësit e parë kanë shpëtuar mbi 850 persona,” deklaroi Trump përmes rrjeteve sociale, duke shtuar se administrata e tij po bashkëpunon ngushtë me autoritetet vendore dhe shtetërore për t’u dhënë ndihmë banorëve të prekur. Mesazhin e tij ai e përmbylli me fjalët: “Zoti i bekoftë familjet dhe Zoti e bekoftë Teksasin!”

Ndërkohë, Sekretarja e Sigurisë Kombëtare, Kristi Noem, ndodhet në Teksas, ku zhvilloi takime me Guvernatorin Greg Abbott dhe autoritete të tjera lokale. “Jemi duke vendosur burime të specializuara federale dhe lutemi për viktimat, familjet dhe ekipet e ndihmës së shpejtë”, deklaroi Noem.

LEXONI GJITHASHTU:

• Përmbytjet në Teksas: 51 të vdekur dhe mbi 850 të shpëtuar
• Numri i viktimave nga përmbytjet në Teksas shkon në 27, përfshirë 9 fëmijë

The post Teksasi në emergjencë pas përmbytjeve, Trump nënshkruan gjendjen e jashtëzakonshme appeared first on Euronews Albania.

Të paktën 69 persona kanë humbur jetën si pasojë e përmbytjeve që kanë goditur pjesë të ndryshme të Teksasit qendror, një nga fatkeqësitë më të rënda natyrore që ka prekur rajonin vitet e fundit.

Sherifi i Qarkut Kerrville, Larry Leitha, ka konfirmuar se 59 nga viktimat janë regjistruar vetëm në këtë qark, përfshirë 21 fëmijë. Më shumë viktima janë raportuar në zona të tjera të shtetit, ndërsa ekipet e kërkim-shpëtimit vijojnë punën në kushte të vështira.

Ndër më të prekurit është Kampi Mystic, një qendër e njohur kampingu për të rinj, ku 11 kampistë dhe një këshilltar rezultojnë ende të zhdukur. Autoritetet janë duke kërkuar në mënyrë intensive në zonat e përmbytura pranë kampit, ku rrjedha e ujit ka qenë jashtëzakonisht e fuqishme.

Guvernatori i Teksasit, Greg Abbott, deklaroi se shteti është duke përdorur të gjitha burimet e mundshme për të ndihmuar të mbijetuarit dhe për të gjetur të zhdukurit. “Nuk do të ndalemi para asgjëje për të shpëtuar çdo jetë të mundshme,” u shpreh ai gjatë një konference për shtyp.

Presidenti i SHBA-së, Donald Trump, reagoi përmes një postimi në rrjetet sociale, duke shprehur ngushëllimet e tij për familjet e viktimave: “Këto familje po përjetojnë një tragjedi të paimagjinueshme. Lutjet tona janë me ta.”

Autoritetet lokale dhe shtetërore kanë shpallur gjendje emergjente në disa qarqe të goditura nga përmbytjet, ndërsa Shërbimi Kombëtar i Motit paralajmëron për reshje të tjera të dendura në zonat përreth në ditët në vijim.

The post Tragjedia në Teksas/ Rritet bilanci, 21 fëmijë mes viktimave nga përmbytjet, dhjetëra të mitur ende të zhdukur appeared first on Sot News | Lajme.

Numri i të vdekurve nga përmbytjet katastrofike në Teksas arriti të paktën në 68 të dielën. Mes viktimave janë 21 fëmijë ndërsa kërkimi për vajzat e zhdukura nga një kamp veror hyri në ditën e tretë.

Larry Leitha, Sherifi i Qarkut Kerr në Texas Hill Country, epiqendra e përmbytjeve, tha se 11 vajza dhe një përgjegjës janë ende të zhdukur nga një kamp veror pranë lumit Guadalupe i cili doli nga shtrati.

Leitha tha se janë 18 të rritur dhe 4 fëmijë ende të paidentifikuar, por nuk sqadroi nëse edhe këta 22 individë ishin përfshirë në numrin total të të vdekurve.

Zyrtarët thanë të shtunën se më shumë se 850 persona ishin shpëtuar, përfshirë disa që mbaheshin pas pemëve, pasi stuhia e papritur solli deri në 38 cm shi në të gjithë rajonin. Nuk është e qartë saktësisht se sa njerëz janë ende të zhdukur.

11 vajzat e zhdukura dhe koordinatori i tyre nga kampi veror “Camp Mystic”, një kamp vajzash i krishterë me një traditë gati një shekullore kishte 700 vajza në kohën e përmbytjes. Ngjarja ndodhi gjatë natës kur shumica e fëmijëve ishin në gjumë. Drejtori i kampit Richard “Dick” Eastland vdiq teksa përpiqej të shpëtonte vajzat në kamp. ©LAPSI.al

The post 11 vajza ende të zhdukura/ 68 viktima nga përmbytjet në Teksas, 21 janë fëmijë appeared first on Lapsi.al.