UASHIGNTON, 7 korrik /ATSH-DPA/ – Zyrtarët në Teksas kanë konfirmuar se të paktën 28 ​​fëmijë vdiqën kur përmbytjet e forta goditën shtetin amerikan, të premten e kaluar.

Sherifi i qarkut Kerr, Larry Leitha, tha në një konferencë për shtyp se 68 persona kishin vdekur në qark, përfshirë 40 të rritur dhe 28 fëmijë.

Guvernatori i Teksasit, Greg Abbott, tha se të paktën 10 persona në zona të tjera të Teksasit ishin gjetur gjithashtu të vdekur, duke e çuar numrin e konfirmuar të vdekjeve në të gjithë shtetin në të paktën 78.

”Të paktën 41 persona dihej se ishin të zhdukur”, shtoi Abbott.

Autoritetet lokale thanë se ende po kërkonin 10 fëmijë të zhdukur nga një kamp veror i krishterë.

I vendosur pranë lumit Guadalupe, kampi po akomodonte më shumë se 750 fëmijë kur përmbytjet goditën pas reshjeve të dendura të shiut.

“Ai dhe lumi që rrjedh pranë tij u shkatërruan tmerrësisht në mënyra që nuk i kam parë në asnjë fatkeqësi natyrore”, shkroi Abbott në X pasi vizitoi pasojat në kampin Mystic.

Zëvendësguvernatori i Teksasit, Dan Patrick, tha më parë se lumi ishte rritur me gati tetë metra në një kohë shumë të shkurtër në orët e para të mëngjesit, ndërsa shumë viktima ishin ende në gjumë.

Presidenti i SHBA-së, Donald Trump ka mundësuar ndihmë shtesë federale për zonën e prekur./ a.jor.

The post TEKSAS – 28 viktima pas përmbytjeve, 78 në total appeared first on Agjencia Telegrafike Shqiptare.

Temperaturat gjatë korrikut po regjistrojnë vlera shumë të larta, ndërsa vala e të nxehtit që ka përfshirë një pjesë të Evropës Juglindore po ndikon edhe në territorin shqiptar. Këtë e bëri me dije meteorologu Hakil Osmani nga MeteoAlab. Sipas Osmanit, disa qytete të vendit kanë arritur tashmë temperatura deri në 39 gradë Celsius. Tirana dhe Shkodra do të përjetojnë temperatura deri në 39 gradë Celsius.

Megjithatë, meteorologu theksoi se ndjenja e vapës do të jetë më e lartë, duke u ndjerë si 45 gradë në diell. Vija bregdetare gjithashtu do të ketë temperatura të larta, që do të luhaten nga 36 në 39 gradë Celsius.

“Temperaturat e korrikut momentalisht janë shumë të larta. Kmei valën e të nxehtit, e cila ka përfshirë një pjesë të mirë të Evropës Juglindore, duke bërë që këto temperatura ekstremisht të larta të jenë të të vendosen në skaje, ku kemi maksimume, të cilat regjistrohen deri në 40 gradë në disa qytete, por jo vetëm. Ditën e sotme maksimumet regjistrohen në vlerën 39 gardë Celsius në qarqet e Elbasanit, Beratit apo edhe Gjirokastrës, ndërsa sa i përket ditën së mërkurë do të jetë dita më e nxehtë e kësaj jave ku do të ketë maksimume, të cilat regjistrohen në 40 gradë Celsius. Po, ashtu pritet që kryeqyteti dhe Shkodra të arrijnë në temperaturat deri në 39 gradë Celsius. Edhe pse temperatura do të jenë 39-40 gradë Celsius, ato do të ndjehen sidomos në diell, sikur janë 45 gradë Celsius. Vija bregdetare do të ketë temperatura të larta po ashtu, të cilat do të luhaten nga 36 në 39 gradë Celsius. Për të gjithë ata që kërkojnë temperatura disi më të freskëta, mund t’i gjejnë vetëm në zonat Juglindore të territorit me maksimume, të cilat nuk do të jenë më shumë se 33-34 gradë Celsius”, tha ai.

Meteorologu parashikon që gjatë gjithë korrikut temperaturat do të qëndrojnë të larta, me maksimumet që do të jenë rreth 36-37 gradë Celsius. Ai shpjegoi se valët e të nxehtit do të prekin sërish Shqipërinë dhe Evropën Jugore, duke ruajtur temperaturat mbi mesataren.

“Edhe përgjatë Korrikut do të kemi temperatura të larta, maksimumet do të jenë 36-37 gradë Celsius. Në momentin që ne do të kemi valët e të nxehtit që prekin Europën Jugore, rishtazi edhe territorin shqiptar, do të kemi temperatura të larta njësoj siç i kemi edhe tani. Do të kemi më pas edhe një tërheqje të valës së të nxehtit ku temperaturat do të jenë 36-37 gradë Celsius. Megjithatë edhe pse do e kemi këtë rënie të lehtë të temperaturave duhet thënë që janë 3-4 gradë më të larta se sa normalja. Do të kemi temperatura të cilat çdo ditë do të jenë në vlera më të larta se sa temperaturat normale”, sqaroi metorologu.

The post Mot ‘përvëlues’/ Meteorologu zbulon çfarë do të ndodhë me temperaturat gjatë Korrikut: Ja dita më e nxehtë e kësaj jave appeared first on Sot News | Lajme.

Valët e të nxehtit që po përfshijnë pjesën më të madhe të Evropës kanë shtyrë temperaturat mbi 40°C në disa vende, duke ngritur alarmin për pasoja shëndetësore dhe rrezik zjarresh.

Autoritetet në të gjithë kontinentin kanë bërë thirrje për kujdes të shtuar, ndërsa kushtet e thata, erërat e forta dhe temperatura rekord rrezikojnë të ndezin vatra zjarresh, veçanërisht në rajonet mesdhetare.

Në Itali, 17 qytete — përfshirë Romën, Milanon dhe Napolin — janë vendosur nën alarmin më të lartë për të nxehtin, sipas Ministrisë së Shëndetësisë. Rajonet Lazio, Toskana, Kalabria, Puglia dhe Umbria po shqyrtojnë ndalimin e aktiviteteve të punës gjatë orëve më të nxehta të ditës për të mbrojtur punonjësit.

Në Spanjë, agjencia meteorologjike AEMET paralajmëroi se muaji qershor mund të jetë më i nxehti i regjistruar ndonjëherë. Temperaturat në Sevilje dhe qytete të tjera jugore kanë arritur në 42°C. Ndërkohë, autoritetet kanë këshilluar qytetarët të shmangin lodhjen fizike në kulmin e nxehtësisë dhe të qëndrojnë të hidratuar — me theks të veçantë për grupet e rrezikuara si të moshuarit dhe fëmijët.

Temperatura të larta janë shënuar edhe në Greqi dhe Portugali, ku vendasit dhe turistët kërkojnë strehë nga moti ekstrem.

Sipas ekspertëve, ndryshimet klimatike po e bëjnë më të shpeshta dhe më intensive valët e të nxehtit në Evropën Jugore, duke krijuar kushte gjithnjë e më të rrezikshme për jetën dhe mjedisin.

The post Vala e të nxehtit pushton Evropën/ temperatura mbi 40°C dhe frikë nga zjarret appeared first on Lapsi.al.

PARIS, 28 qershor /ATSH-AFP/ – Vala e të nxehtit vazhdoi sot në Evropën Jugore, veçanërisht në Francë, me rreziqe të shtuara nga zjarri.

Fenomeni pritet të jetë nesër edhe më i rëndë në Itali, Spanjë dhe Portugali.

”Në Francë, të dielën dhe të hënën, termometri do të tregojë 35°C të paktën në dy të tretat e vendit, duke premtuar netë shumë të pakëndshme, gjatë të cilave zhiva nuk pritet të bjerë nën 20°C”, sipas Tristan Amm i ”Meteo-France”.

Fenomeni goditi sot jugun e vendit për të dytën ditë radhazi, përpara se të përhapej drejt veriut, duke sjellë dukshëm rreziqe të shtuara nga zjarri.

Pritet të zgjasë të paktën deri të martën.

”Meteo-France” pret që temperaturat të arrijnë 34 deri në 38°C sot pasdite në departamentet nën alarm portokalli, dhe “herë pas here të afrohen 40°C pranë Mesdheut”.

Shkaku i këtij kulmi të ri në Francë është një “kupolë nxehtësie”: një anticiklon i madh dhe i fuqishëm formon një lloj kapaku që bllokon ajrin në shtresat e poshtme, duke parandaluar hyrjen e shqetësimeve, ndërsa gradualisht e ngroh atë.

Në Marsejë, bashkia njoftoi se pishinat komunale do të jenë falas dhe publikoi një hartë të vendeve publike me ajër të kondicionuar.

Qyteti i Nisës siguron se gati 250 ventilatorë portativë “janë dorëzuar gjatë dy javëve të fundit” në shkolla dhe se është vendosur shpërndarja e ventilatorëve për të moshuarit e izoluar.

Në Itali, 17 qytete u vendosën sot në alarm të kuq (niveli 3), si në veri, si Milano, Bolonja dhe Torino, ashtu edhe në jug, veçanërisht Napoli dhe Palermo, me temperatura maksimale të pritura prej 39°C.

Vala e të nxehtit do të godasë edhe më fort të dielën, me 21 qytete të vendosura në alarm të kuq.

Disa rajone si Liguria dhe Siçilia, kanë lëshuar urdhra që ndalojnë punën në natyrë gjatë orëve me rrezik më të lartë, dhe sindikatat po mobilizohen për ta zgjeruar këtë zbatim në rajone të tjera.

”Nxehtësia ka shkaktuar një rritje të numrit të thirrjeve emergjente gjatë javës së kaluar”, raportoi agjencia e lajmeve ANSA.

Në Romë, termometri TREGOI 30°C në orën 10:00 dhe temperaturat parashikohet të arrijnë deri në 37°C.

Shumë turistë që vizituan sot Qytetin e Përjetshëm u përpoqën të mbroheshin nga nxehtësia, duke veshur kapele, maska ​​dhe krem ​​​​kundër diellit ose duke shuar etjen e tyre në një nga shatërvanët publikë.

“Mundohem të mos mendoj për këtë, por pi shumë ujë dhe nuk rri kurrë në vend, sepse atëherë të zë dielli”, tha studentja italiane Sriane.

Në Spanjë, disa rajone janë sot në alarm portokalli për shkak të temperaturave të larta që mund të vijnë nga vala e parë e të nxehtit të verës, duke arritur deri në 42ºC në disa zona, sipas Agjencisë Shtetërore Meteorologjike Spanjolle (Aemet).

Vala më e keqe e të nxehtit pritet të dielën dhe, me pasiguri më të madhe, të hënën, kur temperaturat mund të kalojnë 40ºC në jugperëndim të vendit dhe në pjesë të verilindjes.

“Temperaturat pritet të kalojnë 42ºC në lumenjtë Guadalquivir, Guadiana dhe Tagus, pa përjashtuar Ebron”, tha AEMET.

Nxehtësia intensive kontribuon gjithashtu në faktin se ujërat detare të gadishullit dhe Ishujve Baleare “tejkalojnë 26°C: një shifër rekord për këto data, tipike për mesin e gushtit”, vuri në dukje AEMET.

Tre vitet e fundit kanë qenë më të nxehtat në historinë e Spanjës.

Në Portugali, dy të tretat e vendit do të jenë në alarm portokalli të dielën, me temperatura që parashikohen të arrijnë 42°C në Lisbonë dhe një rrezik maksimal për zjarre./  a.jor.

The post KOMENT – Vala e të nxehtit ”përqafon” Evropën Jugore appeared first on Agjencia Telegrafike Shqiptare.

Meterologia Anira Gjoni thotë se muaji qershor do të karakterizohet nga temperatura të larta. Në NJë emsion, Gjoni u shpreh se e premtja e 6 qershorit, është dita më e nxehtë e muajit.

“Nis me temperatura shumë të larta. Temperaturat do shkojnë deri në 34 gradë të premten.

3 javët e mbetura do jenë me temperatura 2-3 gradë më të ulëta. Në përgjithësi do jetë muaj i thatë me temperatura të larta. Nuk do kemi rrebeshe, të paktën sa i takon kësaj jave, nuk do të kemi reshje. Presim që kjo verë të jetë e nxehtë, e treta në radhë më e nxehtë në 5 vitet e fundit. Por do të jetë me temperatura 1 ose 2 gradë më ulët se ajo e vitit 2024.”, theksoi ajo.

The post A jeni gati për temperatura ekstreme? Ja çfarë pritet të ndodh me motin me 6 Qershor appeared first on Sot News | Lajme.

Dita e hënë me mot të qëndrueshëm e të kthjellët në pjesën më të madhe të vendit, ndërsa vranësira të pakta deri mesatare në veri, përgjatë relieveve kodrinore-malore.

Era me drejtim nga kuadrati i veriut me shpejtësi mesatare 8m/s, në bregdet dhe lugina hera-herës pritet të arrijë deri 8-16m/

Në det, valëzimi do të jetë2 deri në 3 ballë.

Temperaturat prekin vlerën maksimale 25 gradë celsius.

The post Largohet shiu, java e ardhshme nis me mot të kthjellët appeared first on Lapsi.al.

Dita e shtunë do të jetë me mot relativisht të paqëndrueshëm, sipas Shërbimit Meteorologjik Ushtarak. Reshjet e shiut do të jenë me intensitet të ulët, kryesisht të përqëndruara në relievet kodrinore-malore të vendit në orët e mesditës e pasdites.

Temperaturat minimale do të jenë 6 gradë Celsius, ndërsa maksimale 27 gradë. Era do të fryjë nga nga kuadrati i veriut me shpejtësi mesatare deri në 7m/s, në lugina dhe bregdet deri 13m/s.Valëzimi në det do të jetë 1 deri 3 ballë.

The post Orë me diell dhe vranësira, parashikimi i motit për ditën e shtunë, ja zonat ku do të ketë reshje shiu appeared first on Sot News | Lajme.

LONDËR, 15 prill /ATSH-DPA/ – Evropa është kontinenti me ngrohjen më të shpejtë në botë pasi vendet u goditën nga ndikimet e qarta të ndryshimeve klimatike, moti ekstrem dhe temperaturat rekord në vitin 2024, tregon një raport i zgjeruar vjetor.

Rreth 100 shkencëtarë dhe ekspertë kontribuan për raportin evropian të klimës, të udhëhequr nga OKB-ja, që zbuloi se viti i kaluar ishte më i ngrohti në histori për kontinentin.

”Stuhitë ishin shpesh të rënda dhe përmbytjet ishin më të përhapurat që nga viti 2013, duke marrë të paktën 335 jetë dhe duke prekur rreth 413 000 njerëz”, sipas raportit të publikuar nga Organizata Botërore Meteorologjike e OKB-së (WMO) dhe Shërbimi i Ndryshimeve Klimatike ”Copernicus” (C3S).

”Kishte një kontrast të madh lindje-perëndim në kushtet klimatike, me kushte jashtëzakonisht të thata dhe të ngrohta në lindje krahasuar me kushtet e ngrohta por të lagështa në perëndim”, thanë ekspertët.

Ata zbuluan se Evropa është një nga rajonet me rritjen më të madhe të parashikuar të rrezikut nga përmbytjet dhe një ngrohje globale prej 1,5 gradë C mund të rezultojë në 30 000 vdekje vjetore në Evropë për shkak të nxehtësisë ekstreme.

Sekretarja e përgjithshme e WMO, Celeste Saulo, tha se “ky raport thekson se Evropa është kontinenti që ngroh më shpejt dhe po përjeton ndikime serioze nga moti ekstrem dhe ndryshimet klimatike”.

Sipas raportit, 30% e rrjetit të lumenjve evropianë e ka tejkaluar pragun “të lartë” të përmbytjeve gjatë vitit dhe 12% ka kaluar pragun e përmbytjeve “të rënda”.

Gjetjet treguan gjithashtu temperatura rekord të larta vjetore në pothuajse gjysmën e kontinentit dhe temperaturë rekord të lartë të sipërfaqes së detit në rajon, me 0,7 gradë C mbi mesataren.

Rritja mesatare e temperaturës ishte veçanërisht e pjerrët për detin Mesdhe, me 1,2 gradë C mbi mesataren.

Në shtator, zjarret në Portugali dogjën rreth 110 000 hektarë në një javë, që përfaqëson rreth një të katërtën e sipërfaqes totale të djegur vjetore të Evropës, ndërsa rreth 42 000 njerëz u prekën nga zjarret në Evropë, sipas raportit.

Sipërfaqja e tokës evropiane që përjetoi më pak se tre muaj (90 ditë) ditë me ngrica u zbulua gjithashtu të ishte më e madhja e regjistruar.

”Dhe të gjitha rajonet evropiane panë një humbje të akullit, me akullnajat në Skandinavi dhe Svalbard që panë normat e tyre më të larta të humbjes masive në rekord”, thanë ekspertët.

Në përgjithësi, Evropa Qendrore është një nga rajonet në botë ku akullnajat po tkurren më shpejt pasi OKB-ja bën thirrje për ruajtjen e akullnajave në vitin 2025./  a.jor.

The post KOMENT – WMO&C3S: Evropa kontinenti me ngrohjen klimatike më të shpejtë në botë appeared first on Agjencia Telegrafike Shqiptare.

TIRANË, 7 prill/ATSH/ Reshjet e borës në veri dhe juglindje të vendit vijuan edhe përgjatë natës së shkuar por pa shkaktuar probleme me qarkullimin.

Temperaturat kanë shkuar deri në -9 °C në zonat malore.

Autoriteti Rrugor Shqiptar bëri të ditur se reshje dëbore ka pasur në Valbonë, në akset rrugore Bogë-Theth, Pukë-Fushë Arrëz-Kalimash, Qafë Mali-Fierzë, Klos-Peshkopi, Kukës-Ura Zapodit, Kukës-Bushtricë, në Qafë-Thanë, Boboshticë-Dardhë, në Voskopojë.

Sipas ARRSH-së, mjetet borëpastruese kanë punuar për pastrimin e rrugëve nga dëbora dhe shpërndarjen e kripës.

“Drejtuesit e mjeteve të kenë kujdes të shtuar gjatë drejtimit të mjetit për shkak të lagështisë në rrugë, të pajisen me goma dimërore dhe zinxhir kur udhëtojnë drejt akseve me prezencë dëbore”, apeloi ARRSH-ja. /j.p/

 

The post Temperaturat në veri zbresin -9 °C, ARRSH: Drejtuesit e mjeteve të pajisen me goma dimërore appeared first on Agjencia Telegrafike Shqiptare.

TIRANË, 6 prill/ATSH/ Vendi ynë është përfshirë në 24 orët e fundit nga moti i keq me reshje shiu dhe bore, kryesisht në veri të vendit, duke sjellë edhe vështirësi në qarkullimin e mjeteve.

Autoriteti Rrugor Shqiptar bëri të ditur se gjatë ditës së sotme kanë filluar reshje dëbore në Veri të vendit.

Sipas ARRSH-së, reshje bore ka pasur në Bogë – Theth, Pukë – Fushë-Arrëz, Kukës – Ura Zapodit dhe në Qafë Mali.

“Mjetet borëpastruese po punojnë për pastrimin e rrugëve nga dëbora dhe shpërndarjen e kripës”, informoi ARRSH.

ARRSH apelon drejtuesit e mjeteve të kenë kujdes të shtuar për shkak të lagështisë në rrugë, të pajisen me goma dimërore dhe zinxhir kur udhëtojnë për në zonat malore me prezencë dëbore.

/r.e/

The post Mot i keq në veri, ARRSH: Mjetet borëpastruese po punojnë për pastrimin e rrugëve nga bora appeared first on Agjencia Telegrafike Shqiptare.

TIRANË, 6 prill/ATSH/ Policia e Shtetit apeloi sot drejtuesit e mjeteve të tregojnë kujdes të shtuar gjatë lëvizjes për shkak të përkeqësimit të motit kryesisht në Dibër, Kukës e Shkodër.

Drejtuesit e automjeteve këshillohen të ulin shpejtësinë dhe të ruajnë distancën e sigurisë me mjetet e tjera.

Policia thekson se është e rëndësishme të respektohet sinjalistika rrugore, të ndiqen udhëzimet e shërbimeve të Policisë Rrugore dhe të shmangen lëvizjet e panevojshme në zonat me vështirësi qarkullimi, kyesisht në zonat malore.

Në rast të udhëtimeve në zonat e prekura nga reshjet e dëborës, automjetet duhet të jenë të pajisura me goma dimërore dhe zinxhirë.

“Borëpastrueset dhe fadromat vijojnë intensivisht punën për pastrimin e borës dhe hedhjen e kripës”, thekson Policia.

/r.e/

The post Borë në veri, Policia e Shtetit: Automjetet të pajisen me goma dimërore dhe zinxhirë appeared first on Agjencia Telegrafike Shqiptare.

UASHINGTON, 6 prill /ATSH-DPA/ – Të paktën 16 persona, përfshirë dy fëmijë, kanë humbur jetën që nga e mërkura mes stuhive të forta dhe përmbytjeve në Midwest dhe Jug të Shteteve të Bashkuara, njoftuan mediet lokale.

Transmetuesi amerikan CNN raportoi se stuhitë vranë të paktën 16 persona në Tenesi, Misuri, Indiana, Arkansas dhe Kentaki që nga e mërkura.

Autoritetet e Tenesit konfirmuan 10 vdekje.

”Në Kentaki, një djalë nëntë vjeçar u përfshi nga përmbytjet e furishme teksa po shkonte drejt një stacioni autobusi”, sipas policisë lokale.

Më vonë ai u gjet i vdekur.

Një shofer 74-vjeçar gjithashtu vdiq, pasi mbeti i bllokuar në automjetin e tij, kur ai u zhyt në ujë.

Në Misuri, dy zjarrfikës vdiqën duke iu përgjigjur thirrjeve të veçanta të premten dhe të mërkurën.

Në Indiana, një 27-vjeçar u vra në një incident që përfshinte linjat e energjisë të rrëzuara gjatë një stuhie.

Në Arkansas, një fëmijë pesëvjeçar vdiq në shtëpinë e tij.

Departamenti i Sigurisë Publike i shtetit tha në një deklaratë se vdekja e fëmijës ishte e lidhur me “motin e keq”.

Sipas transmetuesit ABC News, Arkansas mori aq shumë shi brenda pak ditësh sa zakonisht bie në tre muaj.

Në disa zona të goditura nga stuhitë, blloqe të tëra shtëpish ishin nën ujë.

Shtëpitë dhe makinat u zhytën deri në çati.

Tornado u raportuan gjithashtu në disa zona.

Shërbimi Kombëtar i Motit i SHBA lëshoi ​​paralajmërime për tornado në pjesë të Luginës së Tenesit dhe Luginës së Misisipit të Poshtëm.

Në mars, stuhitë e forta në Midwest dhe Jug të Shteteve të Bashkuara morën jetën e rreth 40 personave./  a.jor.

The post SHBA – 16 viktima nga stuhitë, përfshirë dy fëmijë appeared first on Agjencia Telegrafike Shqiptare.

Ditën e sotme në vendin tonë, si pasojë e kalimit të një tjetër sistemi frontal drejt territorit Shqiptar, moti do të vijojë i paqëndrueshëm.

Orët e paradites paraqiten me alternime kthjellimesh dhe vranësirash, deri mesatare ku në zonat veriore dhe veriperëndimore do të jenë më të dëndura, duke gjeneruar rrebeshe të izoluara shiu, ndërsa pas mesditës dhe në vijim do të ketë reshje shiu në të gjithë Ultësirën Perëndimore, si edhe reshje dëbore në zonat e thella malore.

Ky destabilitet i atmosferës do të na shoqërojë edhe gjatë natës.

Temperaturat e ajrit do të pësojnë rënie në të dy vlerat ekstremale ditore, duke u luhatur nga 3°C vlera minimale e shënuar në Zonat malore, deri në 20°C vlera maksimale e cila pritet në Zonat bregdetare.

Era do të fryjë mesatare deri e fortë me shpejtësi 45 – 50 km/h nga drejtimi jugor, për pasojë në brigjet detare do të krijohet dallgëzim 4 ballë.

The post Parashikimi i motit 26 Mars 2025, kthjellime dhe vranësira appeared first on Albeu.com.

SIDNEJ, 17 mars /ATSH-DPA/ – Studiuesit në Australi kanë nxjerrë një lidhje midis sëmundjeve kardiovaskulare dhe motit të nxehtë, duke parashikuar se barra e sëmundjeve të zemrës mund të dyfishohet deri në vitin 2050, nëse tendencat aktuale të klimës vazhdojnë, sipas një punimi të botuar sot.

Studiuesit kanë zbuluar se mesatarisht 49 483 vite jetë të shëndetshme u humbën çdo vit për shkak të sëmundjeve kardiovaskulare të shkaktuara nga moti i nxehtë në Australi nga viti 2003 deri në vitin 2018.

Autorët e studimit, të botuar në ”European Heart Journal”, përdorën të dhëna nga Baza e të Dhënave të Barrës Australiane të Sëmundjeve mbi sëmundjet ose vdekjet e shkaktuara nga sëmundjet e zemrës gjatë asaj periudhe.

Më pas ata llogaritën se rreth 7,3% e barrës totale për shkak të sëmundjeve kardiovaskulare ose vdekjeve mund t’i atribuohet kushteve ekstreme të motit.

Modelimi i tyre sugjeron që kjo shifër mund të dyfishohet apo edhe trefishohet deri në vitin 2050, në varësi të skenarëve të ndryshëm të emetimeve të gazeve serrë të përshkruara nga Paneli Ndërqeveritar për Ndryshimet Klimatike.

Skenari i emetimeve më të ulëta do të korrespondonte me një barrë më të ulët – 139 828 mesatarisht vitet e jetës së shëndetshme të humbur çdo vit deri në vitin 2050 – ndërsa skenari më i lartë i emetimeve do të korrespondonte me një barrë më të lartë – 161 095 mesatarisht vitet e jetës së shëndetshme të humbur çdo vit deri në vitin 2050.

“Kur moti është i nxehtë, zemrat tona duhet të punojnë më shumë për të na ndihmuar të qetësohemi. Ky presion i shtuar mund të jetë i rrezikshëm, veçanërisht për njerëzit me sëmundje kardiovaskulare”, tha profesori Peng Bi nga Universiteti i Adelaides.

“Megjithëse studimi ynë është i fokusuar në Australi, lidhja themelore midis temperaturave më të larta dhe rritjes së rrezikut kardiovaskular është dokumentuar globalisht”, theksoi ai./ a.jor.

The post FOKUS – Zbulohet lidhja mes sëmundjeve kardiovaskulare dhe motit të nxehtë appeared first on Agjencia Telegrafike Shqiptare.

Këtë të premte, territori Shqiptar do të vijojë nën mbizotërimin e motit të kthjellët dhe të ftohtë gjatë gjithë paradites.

Por pjesa e dytë e ditës do të ketë herë pas here kalime vranësirash, ku më të theksuara do të jenë në zonat malore verilindore dhe juglindore.

Parashikohet që të njëjtat kushte të qëndrueshme atmosferike të na shoqërojnë edhe gjatë natës.

Temperaturat e ajrit do të pësojnë rritje si në mëngjes, ndërsa në mesditë duke luhatur vlerat ditore nga -6°C vlera minimale në Bulqizë deri në 14°C vlera maksimale, e cila do të regjistrohet në qytetin e Sarandës.

Era do të fryjë e lehte dhe mesatare, duke arritur shpejtësinë 38 km/h nga drejtimi Verilindor, për pasojë në brigjet detare do të krijohet dallgëzim 2 ballë.

The post Parashikimi i motit 21 Shkurt 2025/ I kthjellët por i ftohtë, si do të ndryshojnë temperaturat gjatë ditës appeared first on Albeu.com.

Edhe të dielën, vendi ynë do të mbizotërohet nga moti i kthjellët dhe relativisht i ftohtë, si pasojë e masave ajrore me origjinë verilindore që kanë depërtuar drejt Ballkanit.

Përjashtim bëjnë zonat malore përgjatë shtrirjes Lindore të cilat përvec kthjellimeve do të kenë herë pas – here vranësira të shpeshta megjithatë mundësia për reshje është thuajse zero. Ky stabilitet i atmosferës do të na shoqërojë edhe gjatë natës.

Temperaturat e ajrit do të pësojnë rënie të tyre duke u luhatur nga -4°C vlera minimale e shënuar në qytetin e Peshkopi deri në 13°C vlera maksimale e cila pritet në qytetin e Fierit.

Era do të fryjë e lehtë dhe mesatare si në tokë dhe në det me shpejtësi mbi 30 km/h nga drejtimi Verilindor; duke krijuar në brigjet detare dallgëzim 2 ballë.

TIRANË, 21 janar/ATSH/ Përkeqësimi i motit, kryesisht në zonat veriore dhe juglindore ka vështirësuar qarkullimin e mjeteve.

Në orët e para të mëngjesit rifilluan reshjet e dëborës në Rajonin e Korçës.

Autoriteti Rrugor Shqiptar (ARRSH) bën të ditur se në doganën Kapshticë, në akset rrugore Korçë-Dardhë, Korçë-Voskopojë, Korçë-Ersekë, Ersekë- Leskovik, borëpastrueset ndodhen në terren dhe po punojnë me pastrimin e rrugëve nga dëbora dhe shpërndarjen e kripës.

Sipas ARRSH-së, qarkullimi kryhet pa probleme.

ARRSH apelon drejtuesit e mjeteve për kujdes të shtuar gjatë drejtimit të mjetit për shkak të lagështisë në rrugë, si dhe të pajisen me goma dimërore dhe zinxhirë kur udhëtojnë për në zonat malore me prezencë dëbore.

/a.f/r.e/

The post ARRSH: Reshje bore në zonat juglindore, drejtuesit të pajisen me zinxhirë appeared first on Agjencia Telegrafike Shqiptare.

TIRANË, 13 janar/ATSH/ Ministrja e Bujqësisë dhe Zhvillimit Rural, Anila Denaj bëri të ditur sot se infrastruktura e kullimit dhe mbrojtjes nga përmbytja e tokave bujqësore ka funksionuar normalisht, pa krijuar probleme.

“Në lidhje me situatën e krijuar nga kushtet atmosferike dy ditët e fundit, pavarësisht reshjeve intensive të shiut, kryesisht në Ultësirën Perëndimore (Shkodër, Lezhë, Kurbin, Durrës, Lushnjë, Fier dhe Vlorë), infrastruktura e kullimit dhe mbrojtjes nga përmbytja e tokave bujqësore ka funksionuar normalisht, pa krijuar probleme”, u shpreh Denaj.

Sipas saj, nivelet e ujërave në rrjetin kullues dhe kanalet e ujërave të larta janë monitoruar dhe është ndërhyrë kur ka qenë e nevojshme për largimin e shpejtë të ujërave.

“Drejtoritë e ujitje-kullimit kanë monitoruar gjatë gjithë kohës funksionimin me kapacitet të plotë të 27 hidrovorëve për mbajtjen e niveleve të ulëta të ujit dhe shmangien e përmbytjeve në zonat që kullojnë me ngritje mekanike”, theksoi ministrja.

Pavarësisht se gjatë 48 orëve të fundit (me reshje dhe erëra të forta) ka pasur ndërprerje të shpeshta të furnizimit me energji elektrike të disa hidrovorëve, sipas ministres Denaj, përsëri është arritur të rifuten në punë menjëherë këta hidrovorë për normalizimin e situatës. /j.p/

The post Moti me reshje, Denaj: Në monitorim nivelet e ujërave në rrjetin kullues dhe kanale appeared first on Agjencia Telegrafike Shqiptare.

Nesër (12 janar) reshjet e shiut do të jenë prezente prej orëve të para të mëngjesit dhe pritet të vazhdojnë gjatë gjithë ditës. Sipas Shërbimit Meteorologjik Ushtarak reshjet do të jenë me intensitet mesatar, dhe në mënyrë të vazhdueshme gjatë gjithë ditës. Në intervale të shkurtra kohore pjesërisht në veri dhe në jugperëndim parashikohen reshje

Qarkullimi i masave ajrore me origjinë Jugperëndimore, do të sjellë mot të paqëndrueshëm sërish në territorin shqiptar, ku zonat e ulëta dhe bregdetare do të dominohen nga vranësira dhe shira të dobët, ndërsa në zonat e thella malore do të ketë reshje të pakata dhe të izoluara dëbore.

Parashikohet që pjesa e dytë e ditës dhe në vijim, të përmirësojë përkohësisht kushtet atmosferike në të gjithë Shqipërinë, dukëe risjellë intervale të shkurta më kthjellime.

Temperaturat e ajrit do të pësojnë rënie si në mëngjes edhe në mesditë, duke luhatur vlerat ditore nga 0°C vlera minimale e shënuar në zonat verilindore deri në 18°C vlera maksimale, e cila pritet përgjatë vijës bregdetare.

Era do të fryjë mesatare deri e fortë gjatë gjithë ditës, duke arritur shpejtësinë maksimale deri në 45 km/h nga drejtimi Jugperëndimor, për pasojë në brigjet detare do të krijohet dallgëzim mbi 3 ballë.

The post Parashikimi i motit 10 Janar 2025, vranësira dhe reshje shiu appeared first on Albeu.com.