Presidenti i Finlandës, Alexander Stubb, në një intervistë për rrjetin amerikan NBC News, ka bërë një krahasim domethënës për të ilustruar shkallën e pretendimeve territoriale të Rusisë ndaj Ukrainës.

“Për një audiencë amerikane, mënyra më e mirë për ta shpjeguar është kjo: nëse marrim parasysh sipërfaqen relative të tokës që Rusia kërkon aktualisht nga Ukraina, do të ishte pak a shumë sikur ju të dorëzonit Floridën, Georgian, Karolinën e Jugut, Karolinën e Veriut, madje edhe Virginia dhe Marylandi”, tha Stubb.

Lexo po ashtu E kishte përballë, por Trump nuk e njeh Alexander Stubb: Cili është presidenti finlandez, ai është këtu diku?

Kjo deklaratë vjen në një kohë kur tensionet mes Rusisë dhe Ukrainës mbeten të larta, ndërsa vendet perëndimore po shqyrtojnë rrugë të reja mbështetjeje për Kievin.

Finnish President Stubb to NBC News:

For an American audience, the best way to explain it is that if you take the relative land mass of what Russia wants right now from Ukraine, it would be a little bit like you giving up Florida, Georgia, South Carolina, North Carolina, even… pic.twitter.com/CZI5xBcYt4

— Clash Report (@clashreport) August 20, 2025

Presidenti finlandez, një nga zërat më të fortë në mbrojtje të sovranitetit ukrainas brenda Bashkimit Evropian dhe NATO-s, theksoi se bëhet fjalë për një agresion të qartë dhe të papranueshëm ndaj një shteti të pavarur.

Finlanda, vend që kufizohet drejtpërdrejt me Rusinë dhe që së fundmi iu bashkua NATO-s, është bërë një zë kyç në diskutimet për sigurinë në Evropën Veriore dhe më gjerë.

Ndryshe, Stubb së fundi ishte pjesë e delegacionit të liderëve evropianë që u takuan me presidentin amerikan, Donald Trump në Uashington. /Telegrafi/

The post Presidenti finlandez ua shpjegon amerikanëve: Rusia po kërkon nga Ukraina territore sa së bashku Florida, Georgia, Virginia, Maryland dhe dy Karolinat appeared first on Telegrafi.

Ministri i Punëve të Brendshme, Pançe Toshkovski ka publikuar një video në profilin e tij në Fejsbuk, ku ka apeluar që qytetarët të mos bien pre e mashtrimeve me telefonata anonime për aksidente të rrejshme.

Ai theksoi se këto telefonata targetojnë qytetarë më të moshuar.

“Është shumë me rëndësi qytetarët e Maqedonisë së Veriut të dinë se nëse çfarçdo lloj situate të ndodhë të jenë të thirrur në telefon, nga ana e ndonjë kinse inspektori, polici, mjeku, gjykatësi e kështu me radhë, në rast të tillë nuk duhet të vazhdojnë komunikimin me të. mashtruesit dëshirojnë tërë kohën ta mbajnë viktimën në telefon, nuk e lejojnë, praktikisht gjatë tërë kohës ofrojnë informata të këqija për më të afërmit e tyre për ta mbyllur telefonin”, tha Toshkovski.

Toshkovski tha se këto raste duhet të raportohen në polici dhe se nuk duhet zgjatur bisedat me mashtruesit përmes telefonit.

“Duhet ta çkyçin telefonin dhe menjëherë të nioftojnë në 112, të paraqiten në numrin 112 i cili është në Qendrën për menaxhim me kriza dhe do t’i kahëzojë në MPB pasi që të tregojnë se dyshojnë për mashtrim ose drejtpërdrejtë të paraqiten në 192 në MPB dhe të informojnë se dyshojnë për ndonjë mashtrim të caktuar, oas çka do të kontaktohen inspektorët të cilët punojnë në MPB, do të vijnë në vendin e ngjarjes dhe do të vazhdojnë më tej me veprime adekuate në drejtim të ndriçimit të rastit konkret. Do të thotë. këshilla është kursesi të mos e vazhdojnë komunikimin kur do të dyshojnë se bëhet fjalë për mashtrim”, theksoi ministri Toshkovski

The post Thirrjet e rrejshme telefonike për aksidente, Toshkovski: Të moshuarit bien pre e këtyre mashtrimeve, rastet t’i raportojnë në polici appeared first on Telegrafi.

Ish-presidenti i Shteteve të Bashkuara, Donald Trump, ka bërë një gabim gjatë një deklarate publike lidhur me konfliktin mes Azerbajxhanit dhe Armenisë.

“Konflikti mes Azerbajxhanit dhe Shqipërisë kishte vazhduar për 34-35 vite. Unë e zgjidha atë”, tha Trump gjatë një interviste në emisionin “Mark Levin Show”.

Në fakt, Trump kishte për qëllim të fliste për konfliktin mes Azerbajxhanit dhe Armenisë, një çështje që ka qenë burim tensionesh të gjata dhe luftërash në rajonin e Kaukazit.

Kjo nuk është hera e parë që presidenti amerikan bën një gafë të tillë.

Në vitin 2020, pas nënshkrimit të marrëveshjes Kosovë–Serbi në Shtëpinë e Bardhë, Trump e cilësoi Kosovën si pjesë të Lindjes së Mesme.

“Një tjetër ditë madhështore për paqen në Lindjen e Mesme – Kosova me shumicë myslimane dhe Izraeli kanë vendosur të normalizojnë lidhjet e të vendosin marrëdhëniet diplomatike. Më shumë vende myslimane dhe vende arabe do ta pasojnë këtë”, kishte shkruar Trump në rrjetin social “X” në atë kohë./Telegrafi/

The conflict between Aberbaijan and Albania was going on for 34-35 years. I got that one settled.

(He meant Azerbaijan and Armenia) pic.twitter.com/Auq7UzvBEs

— Clash Report (@clashreport) August 20, 2025

The post “Solla paqen mes Azerbajxhanit dhe Shqipërisë”, Trump nuk i ndal lapsuset gjeografike appeared first on Telegrafi.

Drita do të zbresë në fushë të enjten në stadiumin “Fadil Vokrri” për t’u përballur me Differdange nga Luksemburgu, në ndeshjen e parë të turit të dytë të Ligës së Konferencës.

Skuadra gjilanase ka kujtime të mira nga përballjet e kaluara me Differdangen, të cilin e kishte mposhtur dy herë në korrik – fillimisht 1-0 në Gjilan dhe më pas 3-2 në Luksemburg.

Trajneri Zekirija Ramadani e sheh këtë sfidë si një “finale të dytë”, duke u bërë thirrje lojtarëve të tregojnë durim dhe disiplinë në të dyja fazat e lojës.

“Na pret një ndeshje e vështirë. Differdange është ekip i disiplinuar dhe mbrohet mirë. Duhet të kemi qasje profesionale dhe të shfrytëzojmë hapësirat. Do të isha i kënaqur edhe me një fitore minimale, për aq kohë sa nuk pranojmë gola”, u shpreh Ramadani në konferencën për media.

Edhe pse në letër Drita konsiderohet favorite, trajneri ka insistuar se në fushë gjithçka është e hapur: “Favoritë jemi vetëm në letër. Në fushë jemi të barabartë. Duhet ta tregojmë epitetin e favoritit me lojë dhe rezultat.”

Gjilanasit nuk janë në formën më të mirë, pasi pas fitoreve ndaj Differdanges kanë regjistruar pesë humbje rresht, përfshirë edhe disfatën e fundit ndaj Ferizajt në Superligën e Kosovës. Sidoqoftë, Ramadani është optimist se ekipi do të reagojë.

Një mungesë e rëndësishme për Dritën do të jetë ajo e kapitenit Rron Broja, i pezulluar nga UEFA për dy ndeshje pas kartonit të kuq kundër FCSB-së.

Për Ramadanin, arritja në fazën grupore të Ligës së Konferencës nuk do të ishte vetëm sukses sportiv, por një kapitull historik për klubin dhe futbollin kosovar.

“Një kualifikim i tillë nuk është thjesht sukses, është histori. Hera e parë mbahet mend gjithmonë. Duhet të luftojmë për ta shkruar këtë histori”, shtoi ai.

Drita sezonin e kaluar u ndal në plejof nga Legia e Varshavës, një kundërshtar shumë më i madh se Differdange. Këtë herë, shpresat janë që skuadra gjilanase ta bëjë hapin e madh dhe të shkruajë faqen e re të historisë evropiane. /Telegrafi/

The post E kanë mposhtur dy herë, por Ramadani nuk nënvlerëson Differdangen appeared first on Telegrafi.

Xhirimet për serinë e re të Harry Potter-it po zhvillohen, dhe kjo vërtetohet më së miri nga pamjet që kanë qarkulluar gjerësisht në internet.

Sipas këtyre pamjeve virale, janë kapur disa momente nga xhirimet në Londër.

Në to shihet një skenë me dy personazhe shumë të dashur, Harry Potter dhe Hagrid, të cilët po ecin së bashku në rrugët e bllokuara të Londrës.

Krijimi i ri i Harry Potter-it këtë herë vjen në formën e një seriali në platformën HBO.

Secili sezon do të përkojë me një nga librat e serisë, duke u ndarë në mënyrë të detajuar, ndryshe nga seritë origjinale që ishin filma.

Dominic McLaughlin do të luajë rolin e Harry Potter-it, Arabella Stanton do të jetë Hermoine Granger, ndërsa Alastair Stout do të marrë rolin e Ron Weasley. /Telegrafi/

The post Dalin pamjet e para nga xhirimet e serisë së re të Harry Potter, dy personazhet më të dashur shihen në rrugët e Londrës appeared first on Telegrafi.

Sipas raportimeve të The Athletic, Arsenali është duke monitoruar me kujdes tregun e transferimeve pas lajmit shqetësues për dëmtimin e gjurit të Kai Havertz. Situata e gjermanit mbetet ende e paqartë, por nëse mungesa e tij do të zgjasë, “Topçinjtë” do të jenë të detyruar të ndërhyjnë për të gjetur një zëvendësues.

Aktualisht, Viktor Gyokeres shihet si i vetmi “numër 9” i mirëfilltë në dispozicion të skuadrës, ndërsa Mikel Merino dhe Leandro Trossard mund të mbulojnë përkohësisht rolin në fazën sulmuese. Megjithatë, kjo nuk shihet si një zgjidhje afatgjatë, sidomos në një sezon ku Arsenali synon të luftojë për trofe në disa fronte.

Gjendja fizike e Gabriel Jesus është gjithashtu një problem shtesë për trajnerin Mikel Arteta. Sulmuesi brazilian ende nuk është rikuperuar plotësisht nga dëmtimi i ligamentit të kryqëzuar anterior që pësoi në janar, duke e lënë ekipin me shumë pikëpyetje në repartin ofensiv.

Havertz, i cili sezonin e kaluar mungoi për disa muaj për shkak të një dëmtimi në kofshën e pasme, rrezikon të përballet me një tjetër periudhë të gjatë jashtë fushave. Një tjetër mungesë e tillë do të ishte një goditje e rëndë për Arsenalin, duke pasur parasysh rolin e tij kyç në sistemin e Artetës.

Kjo situatë e papritur ka shtyrë drejtuesit e klubit londinez të analizojnë disa objektiva të mundshëm në merkato. Pavarësisht se emrat konkretë nuk janë bërë publikë, pritet që Arsenali të synojë një sulmues me përvojë, i cili mund të japë ndikim të menjëhershëm në skuadër.

Se si do të zhvillohet kjo çështje mbetet për t’u parë në ditët dhe javët në vijim, por është e qartë se dëmtimi i Havertz ka rihapur urgjencën e Arsenalit për të forcuar sulmin. /Telegrafi/

The post Kai Havertz ia ndryshon Arsenalit planet e transferimeve appeared first on Telegrafi.

Pas protestës së 7 gushtit në Prishtinë, ku u kërkua lirimi i ish-krerëve të Ushtrisë Çlirimtare të Kosovës, veprimtaria protestuese do të vazhdojë në Hagë më 14 shtator.

Lajmin e ka bërë të ditur Organizata e Veteranëve të Luftës së UÇK-së, duke njoftuar se protesta do të zhvillohet në orën 14:00.

Sipas njoftimit, kjo protestë organizohet nga mërgata shqiptare, ndërsa mbështetet edhe nga kategoritë e dala nga lufta e UÇK-së.

Më 15 shtator, mbrojtja e ish-krerëve të Ushtrisë Çlirimtare të Kosovës do të nisë paraqitjen e provave për rastin e saj, tha trupi gjykues gjatë konferencës statusore që u mbajt në Dhomat e Specializuara të Kosovës në Hagë.

Avokati i Hashim Thaçit, Lluka Mishetiq, ka deklaruasr se idealisht shpreson që të përfundojë me provat dhe dëshmitarët deri në fund të tetorit. Por, do të dëshironte që të kishte kohë më pas – siç ka pasur edhe Prokuroria – për paraqitjen e mocioneve për prova jogojore.

Që nga 4 dhe 5 nëntori 2020, që të katër të akuzuarit ndodhen në paraburgim në Hagë, ku janë Dhomat e Specializuara të Kosovës.

Procesi gjyqësor ndaj tyre ka nisur më prill të vitit 2023. Në mbi dy vjet, Zyra e Prokurorit të Specializuar thirri në gjykatore 125 dëshmitarë si dhe ka paraqitur rreth 3.000 prova materiale.

ZPS-ja deklaroi më 16 prill se ka përmbyllur paraqitjen e provave ndaj ish-krerëve të UÇK-së.

Pas prokurorisë, radhën do ta kenë ekipet mbrojtëse për të paraqitur çështjen e tyre.

Zyra e Prokurorit të Specializuar kishte konfirmuar aktakuzën ndaj ish-krerëve të UÇK-së në tetor të vitit 2020, por e bëri publike vetëm një muaj më vonë.

Aktakuza i ngarkon të akuzuarit për përgjegjësi “personale”, por edhe për “krimet e kryera nga vartësit e tyre”.

Sipas aktakuzës, Thaçi, Veseli, Selimi dhe Krasniqi akuzohen për krime kundër njerëzimit dhe krime lufte, përfshirë vrasjen e më shumë se 100 viktimave si dhe mbajtjen në paraburgim në mënyrë të paligjshme e torturimin e qindra viktimave.

Aktakuza thotë se katër të akuzuarit dhe anëtarë të tjerë të UÇK-së ishin pjesë e një “ndërmarrjeje të përbashkët kriminale” dhe “kanë ndarë qëllimin e njëjtë për të marrë dhe ushtruar kontrollin në gjithë Kosovën me të gjitha mjetet, përfshirë edhe frikësimin, keqtrajtimin, ushtrimin e dhunës dhe eliminimin e atyre që i konsideronin kundërshtarë”.

Dhomat e Specializuara dhe Zyra e Prokurorit të Specializuar – të njohura gjerësisht si Gjykata Speciale – janë themeluar në vitin 2015 nga Kuvendi i Kosovës dhe janë pjesë e sistemit gjyqësor të Kosovës, por veprojnë me personel ndërkombëtar në Holandë.

Gjykata Speciale heton krimet e pretenduara të pjesëtarëve të UÇK-së, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000.

The post Protesta për ish-krerët e UÇK-së do të mbahet më 14 shtator në Hagë appeared first on Telegrafi.

Bashkimi Evropian ka inkurajuar sot partitë politike në Kosovë ta respektojnë aktgjykimin e Kushtetueses dhe të konstituojnë sa më shpejt legjislativin e nëntë, pak orë pas dështimit më të fundit të deputetëve për ta zhbllokuar ngërçin politik.

Zyra e BE-së në Kosovë tha për Radion Evropa e Lirë se blloku “po i ndjek me kujdes zhvillimet që lidhen me konstituimin e Kuvendit dhe formimin e Qeverisë”.

Deputetët u mblodhën sot për vazhdimin e seancës konstituive, pasi dy ditë më parë gjykata më e lartë e vendit e publikoi aktgjykimin e plotë lidhur me këtë çështje, i cili i detyron ata ta bëjnë Kuvendin e ri brenda 30 ditësh, i cili skadon më 18 shtator.

Megjithatë, konstituimi dështoi pasi asnjëra prej dy kandidateve të propozuara nga Lëvizja Vetëvendosje, Guxo e Alternativa , Albulena Haxhiu dhe Donika Gërvalla, nuk arritën t’i marrin më shumë se 57 vota, që është 4 vota më pak se të paktën 61 votat e nevojshme.

Zyra e BE-së theksoi se “formimi i shpejtë i Kuvendit dhe i Qeverisë është thelbësor për Kosovën që të ecë përpara me reformat e rëndësishme në të gjitha sektorët, të cilat do të përmirësojnë cilësinë e jetës dhe standardin e jetesës së qytetarëve të Kosovës”.

Ndërkohë, Ambasada e Italisë në Prishtinë, e pa si diçka inkurajuese faktin që Vetëvendosje propozoi një kandidat të ri për kryeparlamentar, pasi në të kaluarën kishte propozuar vetëm Albulena Haxhiun.

Në një përgjigje me shkrim për REL-in, Ambasada italiane tha se propozimi i Donika Gërvallës “tregon gatishmëri për të bërë përparim, i cili do të duhet të konfirmohet në ditët në vijim”.

“Shpresojmë që të gjithë aktorët politikë të punojnë me përgjegjësi për të siguruar konstituimin e Kuvendit me kohë, në përputhje me aktgjykimin e Gjykatës Kushtetuese”, tha ajo.

Pas seancës, Vetëvendosje akuzoi partitë e tjera të mëdha në Kuvend, PDK, LDK dhe AAK, se me këtë dëshmuan se emri i Albulena Haxhiut nuk ishte problemi kryesor, por se ato “po synojnë bllokimin e formimit të institucioneve”.

PDK përsëriti qëndrimin se ka votë vetëm për një kandidat të Vetëvendosjes, i cili nuk ka qenë pjesë e Qeverisë në mandatin paraprak. LDK-ja tha Vetëvendosje e ka ditur që Haxhiu dhe Gërvalla nuk kanë vota të mjaftueshme.

Në të kaluarën, LDK ka thënë vazhdimisht se nuk e voton asnjë kandidat të Vetëvendosjes për kryeparlamentar.

Ndërkaq, AAK-ja tha se pret që edhe në seancën e radhës Vetëvendosje të propozojë emra për të cilët nuk ka mbështetje.

Nisma Socialdemokrate tha se do të abstenojë dhe nuk do të japë votë për pa u arritur një marrëveshje politike.

Vazhdimi i seancës u caktua për të premten, më 22 gusht.

The post ​Zyra e BE-së inkurajon partitë politike ta konstituojnë shpejt legjislativin e 9-të appeared first on Telegrafi.

Ministri i Mbrojtjes së Iranit, Aziz Nassirzadeh, deklaroi se vendi është i gatshëm për çdo sulm të ri izraelit dhe shtoi se janë zhvilluar raketa me kapacitete më të mëdha se ato që u përdorën gjatë luftës së fundit 12-ditore.

“Raketat që u përdorën në luftën 12-ditore janë prodhuar disa vite më parë. Sot kemi prodhuar dhe posedojmë raketa me kapacitete shumë më të mëdha se ato të mëparshmet, dhe nëse armiku sionist nis sërish ndonjë aventurë, pa dyshim që do t’i përdorim”, tha ministri, sipas agjencisë së lajmeve IRNA.

Përplasja 12-ditore ndërmjet Izraelit dhe Iranit filloi më 13 qershor me një sulm izraelit, raporton thetimesofisrael.

Izraeli deklaroi se sulmi gjithëpërfshirës kundër liderëve më të lartë ushtarakë iranianë, shkencëtarëve bërthamorë, vendndodhjeve të pasurimit të uraniumit dhe programit të raketave balistike ishte i domosdoshëm për të ndalur Iranin nga realizimi i “planit të hapur për shkatërrimin e shtetit hebre”.

Irani iu përgjigj sulmeve izraelite duke lëshuar mbi 500 raketa balistike dhe rreth 1100 dronë drejt Izraelit.

Nga sulmet në Izrael, sipas zyrtarëve shëndetësorë dhe spitaleve, kanë humbur jetën 31 persona dhe janë plagosur mbi 3000 të tjerë. Ndërkohë, të paktën 430 persona kanë vdekur dhe mbi 3.500 janë plagosur nga sulmet izraelite në Iran. /Telegrafi/

The post Ministri iranian i Mbrojtjes: Jemi gati për sulmet e reja izraelite appeared first on Telegrafi.

Një episod i pazakontë gjatë BMW Championship ka bërë bujë në botën e golfit: një mizë e zakonshme u kthye në “asistuesen” e papritur të golfistit britanik Tommy Fleetwood, duke ndihmuar në shënimin e një birdie vendimtare që i solli atij 728,000 dollarë fitim.

Ngjarja ndodhi në raundin final të turneut në Maryland, kur goditja e Fleetwoodit la topin të qëndronte në buzë të vrimës. Pikërisht në atë moment, një mize u ul mbi të dhe shkaktoi një lëvizje të lehtë, e cila e shtyu topin brenda.

Pamjet u bënë shpejt virale në rrjetet sociale, duke tërhequr mijëra reagime e komente. Sipas rregullave të PGA Tour, lojtarët kanë deri në 10 sekonda për të pritur nëse topi bie në vrimë pas një goditjeje – çka në këtë rast e favorizoi britanikun.

Edhe pse disa ekspertë dyshojnë se ndikimi i mizës ishte thjesht një rastësi, një fizikan analizoi videon dhe vlerësoi se pesha e insekteve, në rrethana të caktuara, mund të shkaktojë lëvizje të tilla – ndonëse shumë rrallë.

Fleetwood, i cili prej kohësh ka qenë pranë një triumfi të madh në PGA, përfundoi turneun në një pozitë të favorshme falë kësaj birdie-je. Ngjarja, përveç se i solli atij një çmim të majmë, e shtoi edhe më shumë magjinë e këtij sporti.

“Natyra ka mënyrën e vet për të sjellë fat,” shkroi një tifoz në rrjetet sociale, duke nënvizuar se pikërisht këto momente të papritura e bëjnë golf-in unik.

Turneu BMW Championship është pjesë e FedEx Cup Playoffs, ku lojtarët luftojnë për çmime të larta dhe kualifikim në garat e ardhshme. Episodi i Fleetwoodit ka sjellë një çast humori e mrekullie në një sezon të mbushur me rivalitet të fortë.

Ky rast e dëshmon se në sport, ndonjëherë, fati vjen në format më të paimagjinueshme – madje edhe me krahë. /Telegrafi/

The post Skenë e pazakontë: Miza ia fiton golfistit britanik 728 mijë dollarë në BMW Championship appeared first on Telegrafi.

Një skandal i madh shpërtheu në Kroaci kur një taksist u përpoq të përfitonte në mënyrë të padrejtë nga një turist nga Zelanda e Re, duke i ngarkuar asaj një shumë të jashtëzakonshme prej 1500 eurosh për një udhëtim të shkurtër drejt një blloku që ndodhej vetëm disa minuta larg.

Carol Cowan, në muajin maj në Zagreb, për një udhëtim prej vetëm një kilometër e gjysmë – nga Stacioni Kryesor i Trenit deri te rruga Frankopanska – mbeti pa 1506 euro, raporton index.hr.

Gjithçka filloi kur arriti në stacionin hekurudhor të Zagrebit, ajo nuk gjeti një taksi me shenja zyrtare dhe pranoi të hipte në një taksi të parregullt, në besim se do të paguante një çmim normal për një udhëtim të tillë.

Gjatë rrugës, ajo vuri re që taksimetri po rritej shumë shpejt dhe shifrat po bëheshin “astronomike”, por nuk e kuptoi menjëherë që shuma ishte në euro dhe jo në kuna, monedhën vendase kroate.

Vetëm pasi përfundoi udhëtimin dhe kontrolloi llogarinë e kartës së saj të kreditit, Carol u habit të shihte një ngarkesë prej 1506 eurosh.

Kjo shumë ishte pothuajse gjysma e të gjithë buxhetit që ajo kishte planifikuar për gjithë udhëtimin në Evropë.

E ndjerë e tradhtuar dhe e shqetësuar për sigurinë e saj, Carol vendosi të anulonte të gjitha rezervimet e mëtejshme dhe të kthente udhëtimin e saj në mënyrë të parakohshme.

Ngjarja nxjerr në pah rreziqet që mund të hasen nga turistët në destinacione të huaja, sidomos kur bëhet fjalë për transportin informal, dhe thekson rëndësinë e përdorimit të shërbimeve të licencuara dhe të besueshme për të shmangur abuzimet dhe skemat mashtruese. /Telegrafi/

A scandal erupted in Croatia — a taxi driver ripped off a tourist from New Zealand, charging her €1,500 for a ride to a nearby block

Carol Cowan had been traveling across Europe for eight weeks. Upon arriving at the Zagreb train station, she agreed to take a taxi without… pic.twitter.com/5qRVFcs8mi

— NEXTA (@nexta_tv) August 20, 2025

The post Turistja viktimë e një mashtrimi në Kroaci – taksisti ia faturon 1500 euro për 1.5 kilometra rrugë appeared first on Telegrafi.

Barcelona po garon me kohën ndërsa UEFA pritet të kryejë një inspektim të plotë në Spotify Camp Nou këtë të enjte, për të vlerësuar nëse stadiumi është gati të presë ndeshje të Ligës së Kampionëve, raporton Mundo Deportivo.

Kontrolli do të përqendrohet në gjendjen e punimeve të rinovimit, si dhe në përmbushjen e standardeve të rrepta të UEFA-s për organizimin e ndeshjeve ndërkombëtare.

Ky proces është vendimtar, pasi klubi katalanas ende nuk ka marrë Certifikatën e Përfundimit të Punimeve (CFO), dokument që lëshohet nga Këshilli i Qytetit të Barcelonës dhe që është kusht për dhënien e Lejes së Parë të Banimit.

Situata bëhet edhe më urgjente për shkak se Barcelona ka më pak se tre javë kohë deri në ndeshjen e parë zyrtare në shtëpi kundër Valencias, e planifikuar për 13 ose 14 shtator. Pa miratimin e UEFA-s, planet për rikthimin në Ligën e Kampionëve do të komplikoheshin ndjeshëm.

Nëse stadiumi rihapet në fazën 1A, kapaciteti do të jetë i kufizuar në vetëm 27,000 spektatorë. Megjithatë, për ndeshjet evropiane, UEFA kërkon më shumë kapacitet dhe hapjen e tribunave shtesë, që bëhet e mundur vetëm në fazën 1B – me 45,000 vende. Faza e tretë, 1C, do të mundësojë hapjen edhe të sektorit Gol Nord.

Lexo po ashtu UEFA shton presionin ndaj Barcelonës para startit të sezonit të ri

Për momentin, klubi duhet të vendosë brenda javës së ardhshme se ku do të zhvillojë ndeshjet evropiane: në Spotify Camp Nou apo në Estadi Olímpic, i cili mbetet një alternativë rezervë.

Vendimi final i UEFA-s pas inspektimit do të përcaktojë nëse Barcelona do të rikthehet në shtëpinë e saj historike për Champions League apo do të detyrohet të zhvendoset përkohësisht. /Telegrafi/

The post UEFA do të kryejë inspektime te Barcelona appeared first on Telegrafi.

“Me daljen e Aleancës për Shqiptarët nga qeveria dhe braktisjen e koalicionit VLEN, vendi i zëvendësministrit në Ministrinë e Mbrojtjes mbetet vakant. Edhe pas katër muajsh, në këtë ministri vazhdon diskriminimi i thellë ndaj shqiptarëve, ndërsa askush nuk po i mbron interesat e tyre”, kështu reagojnë nga Aleanca për Shqiptarët.

ASH-Taravari ka akuzuar VLEN-in se nuk ka arritur të plotësojë vendin që i takonte Aleancës për Shqiptarët, kurse ministri i OBRM-PDUKM-së po ndjek një agjendë antishqiptare, duke deshqiptarizuar institucionet.

“Gjatë kësaj periudhe, nga gjithsej 120 vendime për emërime në pozita të nënoficerëve, vetëm 14 janë dhënë për shqiptarë, një tregues i qartë se komuniteti shqiptar është i lënë pas dore dhe nuk ka kush ta mbrojë. Parashtrohet pyetja: a e humbi VLEN këtë pozicion dhe a do të emërohet së shpejti ndonjë kuadër maqedonas, si Petar Bogojevski, i cili i quan ushtarët e UÇK-së “banda terroriste”? Ku mbeti Arben Fetai, i cili dikur thirrej në emër të Aleancës për Shqiptarët dhe që humbi dhjetëra pozicione në qeveri? Aleanca për Shqiptarët kërkon përgjegjësi dhe transparencë nga Qeveria dhe VLEN për diskriminimin e vazhdueshëm të shqiptarëve në Ministrinë e Mbrojtjes. Është e papranueshme që në dikasterin e mbrojtjes të gjitha këto anomali, në një shtet që është anëtare e NATO-s”, thonë nga ASH-Taravari.

The post ASH-Taravari: Shqiptarët të lënë pas dore në ministrinë e Mbrojtjes, ministri i OBRM-PDUKM-së po vazhdon të ndjekë agjendë anti-shqiptare appeared first on Telegrafi.

Presidenti amerikan Donald Trump ka testuar altoparlantët e rinj të vendosur në ambientet e jashtme të Shtëpisë së Bardhë, duke shijuar muzikë pranë Rose Garden të rinovuar së fundmi.

Sipas medias britanike, Trump ka zgjedhur të luajë disa nga këngët e tij të preferuara.

Mes tyre himnin patriotik “God Bless the USA” të Lee Greenwood, arien klasike “Nessun Dorma” të interpretuar nga Luciano Pavarotti, si dhe dy balada të famshme – “Are You Lonesome Tonight” nga Elvis Presley dhe “You Are So Beautiful” nga Joe Cocker.

Sekretarja e shtypit, Karoline Leavitt, ka zbuluar se presidenti ka kontrolluar muzikën drejtpërdrejt nga Zyra Ovale, përmes iPad-it të tij, ndërkohë që zhvillonte edhe takime pune.

Ky moment i pazakontë ka tërhequr vëmendjen e stafit dhe vizitorëve, duke i dhënë një atmosferë më të gjallë oborrit të Shtëpisë së Bardhë, i cili prej muajsh ka qenë nën rikonstruksion. /Telegrafi/

Well, what else to do at work? DJ Trump tested the new outdoor speakers at the White House

He played several of his favorite songs near the newly renovated Rose Garden, Daily Mail reports.

The playlist included Lee Greenwood’s God Bless the USA, Nessun dorma performed by… pic.twitter.com/HiJfs9N9nq

— NEXTA (@nexta_tv) August 20, 2025

The post Donald Trump teston altoparlantët e rinj në Shtëpinë e Bardhë me një ‘playlist’ personale appeared first on Telegrafi.

Si preferoni të uleni kur jeni në zyrë? Po në tryezën e darkës? Në autobus? Shumë njerëz ndihen më rehat duke u ulur me njërën këmbë të kryqëzuar mbi tjetrën. Edhe pse ndonjëherë mund t’u mpihen këmbët, ky pozicion është i rehatshëm dhe i përshtatshëm për ta. Por, a po ju bën më shumë dëm sesa dobi?

Njerëzit kanë besuar prej kohësh se ulja me këmbë të kryqëzuara është e dëmshme.

Thuhet se shkakton venat me variçe, komplikime gjatë shtatzënisë dhe presion të lartë të gjakut, por lexoni më tej për të mësuar se çfarë thotë shkenca për secilën nga këto pretendime.

Vendosja e këmbës mbi këmbë gjatë shtatzënisë, çfarë ndodh?

Gjatë shtatzënisë, trupi kalon në shumë ndryshime fizike. Ndërsa mitra zgjerohet, qendra e gravitetit zhvendoset përpara. Mund të vëreni se ecni, qëndroni në këmbë dhe uleni ndryshe nga zakonisht.

Ndërsa kërkoni pozicione të reja për t’u ndjerë rehat, asnjë prej tyre nuk do të dëmtojë as ju dhe as foshnjën — përfshirë edhe uljen me këmbë të kryqëzuara.

Megjithatë, dhimbjet muskulore, dhimbjet e shpinës dhe ngërçet (cramps) janë të zakonshme gjatë shtatzënisë. Ulja me këmbë të kryqëzuara nuk do të dëmtojë foshnjën, por mund të shkaktojë ënjtje të kyçeve ose ngërçe në këmbë. Nëse vëreni ënjtje ose ngërçe, përpiquni të uleni me të dyja këmbët në tokë ose të ngritura mbi një tabure.

A mund të rritet presioni i gjakut, nëse uleni me këmbën mbi këmbë

Kur ju matin presionin e gjakut, zakonisht ju kërkohet të vendosni të dyja këmbët në tokë. Kjo sepse kryqëzimi i njërës këmbë mbi tjetrën mund të shkaktojë një rritje të përkohshme të presionit të gjakut.

Një studim i botuar në Journal of Clinical Nursing gjeti një rritje të ndjeshme të presionit të gjakut kur pjesëmarrësit kryqëzonin këmbët në nivelin e gjuve. Nuk u regjistrua rritje kur këmbët kryqëzoheshin në nivelin e kyçit të këmbës.

Një studim tjetër, i botuar në Journal of Hypertension, zbuloi një rritje pak më të madhe të presionit të gjakut kur pjesëmarrësit kryqëzonin këmbën duke vendosur kyçin mbi gju.

Edhe pse këto studime mbështesin idenë se kryqëzimi i këmbëve mund të rrisë presionin e gjakut, ato tregojnë vetëm rritje të përkohshme. Megjithatë, nëse tashmë keni presion të lartë të gjakut, për siguri shmangni qëndrimin me këmbë të kryqëzuara për periudha të gjata.

Venat me variçe

Prej shumë vitesh qarkullojnë thashetheme se kryqëzimi i këmbëve shkakton venat me variçe. Kjo është një mit.

Venat me variçe janë vena të fryra, të përthyera dhe të ngjashme me litarë që dalin në sipërfaqen e këmbëve. Ato janë shpesh blu, por mund të jenë edhe të kuqe ose ngjyrë lëkure.

Më së shpeshti gjenden në kofshë dhe në pjesën e brendshme të këmbës. Çdokush mund të ketë venat me variçe, por ato janë më të zakonshme tek gratë e moshuara dhe gratë shtatzëna.

Venat me variçe formohen për shkak të një problemi me valvulat në venat tuaja, të cilat punojnë shumë për të pompuar gjakun drejt zemrës. Ndërsa gjaku lëviz lart, valvulat njëkahëshe hapen dhe mbyllen për të parandaluar kthimin e gjakut mbrapsht.

Megjithatë, kur këto valvula dobësohen ose dëmtohen, forca e gravitetit tërheq gjakun mbrapsht. Kjo quhet pamjaftueshmëri venoze. Venat bëhen me variçe kur gjaku ngec, grumbullohet dhe shkakton fryrje.

Qëndrimi në këmbë ose ulur për periudha shumë të gjata mund të rrisë rrezikun për zhvillimin e venave me variçe, por nuk ka prova që kryqëzimi i këmbëve ka këtë efekt. Nëse jeni të shqetësuar për zhvillimin e venave me variçe, përpiquni të ndryshoni pozicionin e këmbëve gjatë ditës.

Postura

Edhe pse shumica e miteve të zakonshme për uljen me këmbë të kryqëzuara nuk janë plotësisht të vërteta, ekziston një efekt anësor që shpesh injorohet — postura e keqe.

Qëndrimi gjatë periudhave të gjata me njërën këmbë mbi gju mund të shkaktojë që pelvisi të rrotullohet dhe të anojë. Kjo mund të shkaktojë dhimbje në pjesën e poshtme të shpinës. Me kalimin e kohës, mund të çojë edhe në keq-rritje të shtyllës kurrizore.

Kur keni posturë të keqe, muskujt tuaj detyrohen të kompensojnë duke punuar më shumë sesa duhet, gjë që mund të shkaktojë dhimbje dhe ngurtësi.

Megjithatë, kjo nuk do të thotë që duhet të ndaloni plotësisht kryqëzimin e këmbëve.

Përfundimi

Ulja me këmbë të kryqëzuara nuk shkakton ndonjë emergjencë mjekësore. Megjithatë, ajo mund të shkaktojë një rritje të përkohshme të presionit të gjakut dhe të çojë në posturë të keqe. Për shëndet të mirë, përpiquni të mos qëndroni gjatë në të njëjtin pozicion, qoftë me këmbë të kryqëzuara apo jo. /Telegrafi/

The post A është e rrezikshme të uleni me këmbën mbi këmbë? appeared first on Telegrafi.

Anthony Joshua ka lënë të kuptohet se karriera e tij në boks mund të përfundojë brenda këtij viti. 35-vjeçari britanik nuk është ngjitur më në ring që prej humbjes së rëndë ndaj Daniel Dubois, kur u nokautua në raundin e pestë në Wembley, shtatorin e kaluar.

Pas asaj disfate, Joshua iu nënshtrua një operacioni në bërryl, çka e ka mbajtur jashtë ringut për muaj të tërë. Deri tani ai nuk ka një kundërshtar të konfirmuar, megjithëse promotori i tij, Eddie Hearn, ka zhvilluar bisedime mbi mundësinë e një dueli të bujshëm me YouTuber-in e kthyer në boksier, Jake Paul.

Ndërkohë, tifozët presin ende një përballje historike mes Joshuas dhe Tyson Furyt. Ky i fundit, pas humbjes së revanshit kundër Oleksandr Usyk muajin e kaluar, njoftoi tërheqjen e tij nga sporti. Një përballje mes dy britanikëve do të ishte një nga ndeshjet më të mëdha në historinë e peshave të rënda.

Megjithatë, Joshua ka lënë të kuptohet për një fund të afërt të karrierës. Në një postim në Instagram, ai falënderoi Matchroom Boxing për mbështetjen që nga debutimi i tij në vitin 2013, duke theksuar se “grushti i tij i fundit” do të hidhet këtë vit. “Një falënderim për gjithçka që keni bërë për mua. Mbretëro për një kohë të gjatë supreme dhe jep u mundësi të tjera boksierëve”, shkroi Joshua.

Ai kujtoi 12 vitet e bashkëpunimit me Matchroom, duke e quajtur kombinimin mes mbretërisë dhe besnikërisë një formulë perfekte. “Një dolli për 100 vitet e ardhshme të Matchroom Boxing. Nëse do të filloja nga e para, nuk do të ndryshoja asgjë”, shtoi ai, duke lënë hapur idenë e një pensionimi të afërt.

Nga ana tjetër, promotori Eddie Hearn konfirmoi pas ndeshjes Usyk–Dubois se Joshua është i gatshëm të përballet me Jake Paul, nëse ky i fundit e mban fjalën. “Nëse ata e duan vërtet, ndeshja do të ndodhë. Dhe besoni, kjo do të ishte një përballje që sjell shifrat më të mëdha në sport”, deklaroi ai.

Lexo po ashtu Anthony Joshua gati të hapë agjenci futbolli dhe një nga lojtarët më të mirë të të gjitha kohërave mund të përfshihet

Hearn nuk kurseu paralajmërimet ndaj Paul-it, duke theksuar rrezikun e madh që mbart një duel me një kampion të kalibrit të Joshuas. “Kjo nuk është lojë, nuk është video në YouTube apo algoritme. Është fizikisht e rrezikshme. Nëse e dëshironi, kini kujdes se çfarë kërkoni”, theksoi ai.

Promotori britanik përmendi edhe Francis Ngannoun, duke thënë se ai do ta shkatërronte Jake Paulin në ring. “Por nëse Jake është gati të hedhë zarin, ne jemi gati. Thjesht duhet të kuptojë pasojat e një lufte të tillë”, përfundoi Hearn. /Telegrafi/

The post Anthony Joshua zbulon planin për t’u tërhequr nga boksi appeared first on Telegrafi.

Këngëtarja e njohur shqiptare, Filloreta Raçi – Fifi dhe finalistja e Big Brother VIP Albania 4, Egli Tako, i kanë prishur prej kohësh raportet mes tyre.

Fifi së fundmi ka reaguar publikisht ndaj një ndjekëseje që i kishte dërguar mesazhe fyese dhe banale në rrjete sociale, në lidhje me partnerin e saj, Eglin.

Në një postim në “Instagram Story”, ajo publikoi screenshot-in e bisedës, ku gjuhës së rëndë të ndjekëses iu përgjigj me ironi, duke e quajtur “klienti i radhës të një kompanie pelenash”.

Ky reagim i artistes vjen vetëm dy ditë pas raportimeve se marrëdhënia e saj me Eglin është krisur, pasi të dy kanë hequr njëri-tjetrin nga Instagrami dhe duket se kanë ndërprerë çdo kontakt.

Me këtë postim, Fifi duket se ka dashur të japë një mesazh të qartë për ndjekësit e saj: pavarësisht çfarë mund të ndodhë në jetën e saj private, ajo nuk do të tolerojë gjuhën e urrejtjes dhe ofendimet në adresën e saj. /Telegrafi/

The post Fifi reagon publikisht ndaj kërcënimeve që po merr nga fansat e Eglit appeared first on Telegrafi.

Autori i emisionit “Debat Plus”, Ermal Panduri, ka publikuar një shkrim në rrjetet sociale ku ka dhënë detaje për aktivitetet e Gordana Laban Luvic, anëtare e Komisionit Qendror të Zgjedhjeve (KQZ) nga radhët e Listës Serbe.

Sipas tij, Laban që nga viti 2020 punon paralelisht edhe si zyrtare për punësim në kuadër të të ashtuquajturit “Shërbimi Kombëtar i Punësimit”, dega në Graçanicë, vetëm pak muaj para se të emërohej në KQZ.

“Gordana LABAN LUVIC, anëtare e KQZ nga Lista Serbe, punon edhe në pozitën ‘zyrtare për punësim’ në kuadër të të ashtuquajturit Shërbimi Kombëtar i Punësimit, Dega në Graçanicë, që nga viti 2020, pak muaj para emërimit si anëtare e KQZ”, ka shkruar Panduri.

Ky reagim i tij vjen pas raportimeve të bëra edhe gjatë debatit në emisionin Debat Plus, ku Panduri solli detaje për familjen e gjyqtarit të Gjykatës Kushtetuese, Radomir Laban.

Sipas tij, bashkëshortja e gjyqtarit, Radoica, prej vitit 2020 është bibliotekiste në shkollën paralele të mjekësisë në Graçanicë; djali Aleksandar, jurist, nga viti 2023 është i punësuar në Kuvendin paralel të Komunës së Deçanit; ndërsa djali tjetër, Arso, punon në të ashtuquajturin Muze të qytetit të Mitrovicës.

Këto të dhëna bëhen publike në një kohë kur gjyqtari Radomir Laban është në qendër të vëmendjes, pas vendimit të presidentes Vjosa Osmani për të tërhequr kërkesën e saj drejtuar Gjykatës Kushtetuese për përjashtimin e tij nga rastet që lidhen me konstituimin e Kuvendit.

Osmani e kishte cilësuar Labanin si “rrezik për sigurinë kombëtare”, ndërsa Gjykata Kushtetuese ka theksuar se ai është emëruar në vitin 2018 sipas procedurave ligjore dhe nuk ka pasur shkelje.

Po ashtu, Gjykata ka refuzuar edhe kërkesën e tij për t’u përjashtuar nga çështjet që lidhen me Kuvendin.

The post Anëtarja e KQZ-së Gordana Laban, e punësuar edhe në institucion paralel serb appeared first on Telegrafi.

“Shporta shkollore” po vijon dhe për momentin nuk ka shkelje të kësaj mase qeveritare, kështu tha kryeministri i vendit, Hristijan Mickoski i cili shtoi se edhe inspektoriati është në terren për të kontrolluar vendet ku shiten pajisje shkollore.

“Qeveria në mbledhjen më 5 gusht miratoi vendim me të cilin siguroi ulje së bashku me tregtarët dhe furnizuesit e pajisjeve shkollore prej 10 deri në 15% të marzhës, në varësi nëse është me shumicë apo pakicë, ndërsa si referencë merret çmimi i datës 1 qershor të vitit 2025. Detyra e tregtarëve është të shënojnë se cili ka qenë çmimi më 1 qershor të vitit 2025 dhe mbi atë bazë të aplikojnë zbritjen prej 10 deri në 15 për qind dhe në hyrje të shitores të vendosin mbishkrim ku shkruan ‘Më pak shpenzime, më shumë për qytetarët’. ISHT është në terren dhe vëzhgon nëse respektohet dhe deri tani nuk kemi vërejtur shkelje objektive të asaj për të cilën kemi rënë dakord”, theksoi kryeministri Mickoski.

“Shporta shkollore” ka hyrë në fuqi më 15 gusht dhe do të zgjat deri më 15 shtator dhe është parashikuar të jetë lehtësim për buxhetin familjar të prindërve që kanë fëmijë që shkojnë në shkollë. Shporta garanton çmime më të ulta deri në 15 për qind për pajisjet shkollore.

The post Inspektorati në terren për “Shportën shkollore”, deri më tani nuk është regjistruar asnjë mosrespektim i kësaj mase qeveritare appeared first on Telegrafi.

Tregu i transferimeve të Milanit po hyn në fazën më të nxehtë dhe qëllimi kryesor deri në fund të afatit të verës mbetet përforcimi i repartit ofensiv.

Në prag të ndeshjes së parë zyrtare të sezonit, kundër Barit në Kupën e Italisë, drejtori sportiv Igli Tare foli për Rasmus Hojlund dhe Dusan Vlahovic si alternativa konkrete për sulmin, por në orët e fundit është shtuar edhe një emër i ri: Conrad Harder, talenti danez i vitit 2005 në pronësi të Sporting CP.

Sipas raportimeve të TuttoMercatoWeb, Milani ka pasur kontakte si me përfaqësuesit e futbollistit ashtu edhe me klubin portugez, i cili e vlerëson kartonin e Harder pak më pak se 30 milionë euro.

Lexo po ashtu Kush është sensacioni më i ri i Sportingut, Conrad Harder: Chelsea e gatshme të paguajë 80 milionë euro

Kuqezinjtë po tentojnë të ulin këtë shumë dhe po shqyrtojnë formulën e huazimit me detyrim blerjeje. Nëse Sporting është i hapur për këtë opsion, atëherë pista Hojlund mbetet gjithashtu aktive, me mundësinë reale që Milani të kryejë dy goditje në repartin sulues.

Ndërkohë, Milani ka arritur një parim-marrëveshje me Manchester United për Hojlund, në formën e një huazimi me të drejtë blerjeje prej 40 milionë euro.

Igli Tare po punon paralelisht në të dyja pistat, dhe nëse gjërat ecën siç duhet, Massimiliano Allegri mund të përfitojë nga një dyfishim i bujshëm në sulm. /Telegrafi/

The post Conrad Harder, emri i ri nga Tare për sulmin e Milanit appeared first on Telegrafi.