Loja në Gjykatën Kushtetuese dhe koha e kryetares Holta Zaçaj dhe anëtares Sonila Bejtja po mbaron. Këtë e verteton shqetësimi i Sali Berishës që mbrojti publikisht dy gratë e Kushtetueses me mandat të skaduar.

“Këtu gjithçka bëhet që të unifikohet, të shuhet përfundimisht një mendim që gjithnjë është pakicë aty, por që është në favor të Kushtetutës, dhe që nuk arrin të mposhtin, ta blejnë, ta intimidojnë zërin e saj, mendimin e saj.”

Për Holta Zaçajn, KED ka rinisur procedurat e zëvendësimin. Si herën e parë, me kandidatë, por nuk dihet nëse Gjykata e Lartë kësaj radhe e ka seriozisht, apo një lojë të dytë. Doktori kuptohet nuk heq dorë. Lojë apo jo, ai duhet të jetë pjesë e saj.

“Konstatimi i militant Sadushit është nul, është antikushtetues, nuk ka asnjë vlerë. Fakti që ai ndërmerr një hap të tillë, ai përbën një puç kundër Gjykatës Kushtetuese, në fakt kundër shtetit.”

Por hallin më të madh, doktori dukej se e kishte jo te kryetarja Zaçaj, por anëtarja Bejtja. Ajo në fakt ka më shumë kohë, pasi Gjykata Kushtetuese ka caktuar seancë interpretimi me kërkesë të Presidencës më 16 tetor. Por megjithëse Kreu i Shtetit ka qenë në rregull me procedurën, kur vjen puna për të mbrojtur gruan e drejtorit editorial të televizionit Syri, Berisha tregohet me Begajn, edhe më i ashpër se me Sadushin.

“Nuk ka aty, ku ekziston ai. Ai ekziston në letër”/abcnews.al

Kryetari i Gjykatës së Lartë, Sokol Sadushi, i konsideruar si strumbullar i një konflikti institucional, me qëllim rrëmbimin e të paktën tre mandateve të Gjykatës Kushtetuese, ka mohuar rolin e tij në këtë mekanizëm në formë dhe përmbajtje të ngjashëm me një puç kushtetues. Ai, prej muajsh, ka ngritur një skemë, nëpërmjet të cilës synon që, përsa […]

The post Mandatet e Kushtetueses, Sadushi mbrohet me tre gënjeshtra pas “dushit” të Brukselit appeared first on BoldNews.al.

TIRANË, 14 korrik /ATSH/ Gjykata Kushtetuese organizoi sot aktivitin për prezantimin e Udhërrëfyesit (Guidës) së Jurisprudencës së Gjykatës Kushtetuese të Shqipërisë – Vëllimi II”.

Kryetarja e Gjykata Kushtetuese, Holta Zaçaj në fjalën e saj u shpreh se, “udhërrëfyesi është shumë më tepër se një botim: është i pari i këtij lloji që organizon në mënyrë sistematike vendimet e Gjykatës, duke përfshirë gjithçka: nga parimet themelore kushtetuese, liritë dhe të drejtat e njeriut, organizmin, funksionimin dhe parimet mbi të cilat ushtrojnë veprimtarinë institucionet shtetërore, në këndvështrim të ndarjes dhe balancimit të pushteteve, duke siguruar transparencë e akses në drejtësinë kushtetuese, si dhe duke ofruar një mjet të nevojshëm për të kuptuar evolucionin e saj në Shqipëri”.

“Ky udhërrëfyes është një dëshmi e gjallë e trashëgimisë së drejtësisë kushtetuese të Shqipërisë, e pasqyruar në vendimet kyçe të Gjykatës Kushtetuese. Shumë nga këto vendime janë shtyllat themelore të drejtësisë shqiptare, duke shënuar momente vendimtare në zhvillimin demokratik të vendit çka u jep atyre edhe një rëndësi historike. Ato pasqyrojnë sfidat e vazhdueshme të shoqërisë sonë dhe të reformave të ndërmarra, duke vënë në pah rolin e pazëvendësueshëm të Gjykatës Kushtetuese në mbrojtjen e demokracisë, të drejtave të njeriut dhe vlerave njerëzore që janë sanksionuar në tekstin e Kushtetutës tonë”, theksoi ajo.

Për herë të parë, shtoi Zaçaj “jurisprudenca e plotë e Gjykatës Kushtetuese bëhet e aksesueshme në një format të strukturuar dhe gjithëpërfshirës, duke mundësuar një kuptim më të mirë dhe një përdorim praktik të parimeve e standardeve kushtetuese”.

Ajo theksoi se, ky dokument shërben si një burim i rëndësishëm reference për disa arsye.

“Për vetë Gjykatën Kushtetuese pasi udhërrëfyesi është konceptuar si një dokument pune, i cili ndihmon dhe lehtëson analizën dhe kërkimin shkencor, ashtu edhe shkrimin e arsyetimin ligjor.  Së dyti, për gjykatat e zakonshme – udhërrëfyesi ofron një pikë referimi të qartë në ushtrimin e veprimtarisë gjyqësore, interpretimin tonë të dispozitave kyçe kushtetuese. Së treti, për prokurorët pasi për shkak të rolit kyç që kanë prokurorët në zbatimin e ligjit, së katërti, për avokatët dhe praktikantet e ligjit”, tha ajo.

Për institucionet ekzekutive, udhërrëfyesi ofron qartësi se si parimet kushtetuese duhet të udhëheqin vendimmarrjen ekzekutive, duke siguruar që politikat dhe veprimet e kësaj dege të pushtetit të reflektojnë angazhimin për sundimin e ligjit dhe të drejtat e qytetarëve.  Ndërkohë vuri në dukje ajo, për qytetarët dhe shoqërinë civile udhërrëfyesi bën të aksesueshme dhe të kuptueshme parimet kushtetuese duke u mundësuar qytetarëve të angazhohen më mirë për mbrojtjen e të drejtave të tyre.

Duke diskutuar për ndikimin e thellë të vendimeve të Gjykatës Kushtetuese, Zaçaj u shpreh se, “është e rëndësishme të theksojmë se këto vendime nuk janë thjesht me vlerë historike, ato vazhdojnë të formësojnë dhe pasurojnë peizazhin aktual ligjor përmes autoritetit të tyre precedencial”.

“Është po aq e rëndësishme të nënvizohet se autoriteti i këtyre vendimeve nuk është teorik. Përpjekjet për të kundërshtuar apo për të vënë në diskutim ekzekutimin e vendimeve të Gjykatës Kushtetuese jo vetëm minojnë besimin e publikut në sistemin e drejtësisë, por edhe destabilizojnë qeverisjen demokratike”, tha ajo.

Zaçaj shtoi se, “vendimet e Gjykatës Kushtetuese nuk janë as këshilluese, as opsionale për t`u zbatuar—ato janë të detyrueshme dhe ekzekutimi i tyre përbën një detyrim kushtetues për të gjitha pushtetet.

Dështimi në ekzekutimin e këtyre vendimeve vë në diskutim vetë Kushtetutën dhe kërcënon integritetin e sundimit të ligjit, i cili kërkon që të gjitha institucionet shtetërore, jo vetëm të respektojnë vendimet e Gjykatës por edhe të veprojnë në shina kushtetuese”.

Kjo, nënvizoi Zaçaj, “ vlen gjithashtu për të mbajtur në vëmendje se kur institucionet përfshirë edhe ato gjyqësore krijojnë konflikte kushtetuese apo veprojnë jashtë kuadrit kushtetues – kjo minon vet legjitimitetin e sistemit ligjor dhe gërryen besimin e publikut”.

Ndaj, shtoi ajo, “Kushtetutshmëria si mënyrë të qeni dhe të sjelluri është pasaporta jonë e vetme në rrugën e integrimit drejt Evropës së bashkuar”.

“Ne jetojmë në një moment historik jo vetëm në Shqipëri por edhe në botë dhe na duhet të kujtojmë se vetëm demokracia, nuk mjafton.  Sundimi i shumicës, edhe kur është i ligjshëm, mund të çojë në ligje që kufizojnë ose shkelin të drejtat themelore. Prandaj, është e domosdoshme që demokracia të jetë kushtetuese, me kufij për pushtetet, respekt të sundimit të ligjit dhe një pushtet gjyqësor të pavarur. Vetëm kështu demokracia nuk është thjesht dhe vetëm një mekanizëm qeverisës por një kulturë lirie, përgjegjshmëria dhe llogaridhënieje”, theksoi Zaçaj.

Megjithatë, shtoi  ajo, “edhe vetë Kushtetuta, sado perfekte të jetë, nuk është e mjaftueshme. Është Gjykata Kushtetuese ajo që i jep kuptim, zbatim dhe mbrojtje asaj. Duke interpretuar vlerat mbi të cilat mbështeten dinjiteti njerëzor, barazia, liria dhe drejtësia, ajo siguron që parimet kushtetuese dhe të drejtat themelore të ruhen dhe te garantohen”.

Në këtë këndvështrim, Zaçaj theksoi se, mbetet një sfidë e vazhdueshme që drejtësia të jetë, jo vetëm e drejtë, por mbi të gjitha kushtetuese.

Udhërrëfyesi (Guida) e Jurisprudencës së Gjykatës Kushtetuese të Shqipërisë – Vëllimi II” përmbledh standardet e mbajtura në vendimmarrjen e saj që prej vitit 1992 sa i takon parimeve të së drejtës, ndarjes së pushteteve si dhe të drejtave kushtetuese substanciale.

Si një instrument i rëndësishëm i cili do të shërbejë për një njohje edhe më të mirë të vendimmarrjes dhe drejtësisë kushtetuese, ky vëllim i ri ndjek dhe plotëson udhërrëfyesin e parë të Gjykatës të botuar në vitin 2024, i cili përmban jurisprudencën e periudhës 1998-2023 të Gjykatës me fokus ankimin individual kushtetues.

Vëllimi i dytë i Udhërrëfyesit, në pjesën a parë të tij përmbledh vendimmarrjen e Gjykatës lidhur me parimet e përgjithshme të të drejtave dhe lirive themelore si dhe vendimmarrjen mbi të drejtat substanciale. Në pjesën e dytë ai paraqet standardet në jurisprudencën e Gjykatës mbi ndarjen e pushteteve si dhe mbi organizimin e funksionimin e organeve kushtetuese ku përfshihen institucionet si Presidenti, Kuvendi, Këshilli i Ministrave, Avokati i Popullit, Kontrolli i Lartë i Shtetit, gjykatat e prokuroria si dhe organet e qeverisjes vendore.

Të dy vëllimet e Udhërrëfyesit, përfaqësojnë një përpjekje të rëndësishme për të sistematizuar dhe bërë edhe më të aksesueshme jurisprudencën e Gjykatës Kushtetuese, duke synuar rritjen e transparencës, konsistencës dhe forcimin e kulturës kushtetuese në vend, në funksion të forcimit të shtetit të së drejtës dhe mbrojtjes së të drejtave e lirive të individit.

Botimi është rezultat i një pune të përbashkët të Gjykatës me ekspertë të shquar të së drejtës kushtetuese dhe mbështetet në një metodologji të qartë hulumtimi dhe sistematizimi.

Ky vëllim u realizua me mbështetjen e Prezencës së OSBE-së në Shqipëri, si dhe me kontributin e Fondacionit Konrad Adenauer Stiftung. Ai është i disponueshëm në format botimi të shtypur si dhe në format elektronik të cilin e gjeni në faqen zyrtare të Gjykatës Kushtetuese.

Gjykata Kushtetuese paraqet udhërrëfyesin, foto: Florian Abazaj

1 nga 7

/gj.m/j.p/

The post Zaçaj: Kushtetutshmëria, pasaporta e vetme në rrugën e integrimit drejt Evropës së bashkuar appeared first on Agjencia Telegrafike Shqiptare.

Kryetarja e Gjykatës Kushtetuese, Holta Zaçaj, ka dhënë një mesazh të qartë këtë të hënë gjatë ceremonisë së prezantimit të “Udhërrëfyesit për Jurisprudencën e Gjykatës Kushtetuese, Vëllimi II”, ku të pranishëm ishin gjithashtu kryetarja e Kuvendit, Elisa Spiropali, dhe ministri i Drejtësisë, Ulsi Manja. Zaçaj i dha një mesazh të drejtpërdrejtë Kryetares së Kuvendit Elisa […]

The post Rasti i Xhaçkës/ Zaçaj – Spiropalit: Vendimet e Kushtetueses janë të detyrueshme për t’u zbatuar appeared first on BoldNews.al.

TIRANË, 25 qershor/ATSH/ Në ceremoninë solemne të organizuar me rastin e 25-vjetorit të themelimit të institucionit të Avokatit të Popullit, Kryetarja e Gjykatës Kushtetuese, Holta Zaçaj, mbajti një fjalë përshëndetëse ku theksoi rolin thelbësor që ka ky institucion në mbrojtjen e të drejtave dhe lirive të individit.

Në këtë aktivitet jubilar, ku ishin të pranishëm ambasadorë, drejtues të institucioneve të pavarura, përfaqësues të shoqërisë civile dhe partnerë ndërkombëtarë, Zaçaj u shpreh se ndihej e nderuar që ishte pjesë e një momenti kaq të rëndësishëm për demokracinë shqiptare.

“Gjykata Kushtetuese dhe Avokati i Popullit, ndonëse me kompetenca të ndryshme, ndajnë një mision të përbashkët: mbrojtjen e qytetarit nga arbitrariteti dhe abuzimi i pushtetit shtetëror”, tha Zaçaj në fjalën e saj.

Duke vënë theksin te bashkëpunimi ndërinstitucional, Kreu i Kushtetueses nënvizoi se kërkimi i opinioneve këshillimore nga Avokati i Popullit është bërë tashmë një praktikë e konsoliduar, pasi ky institucion shihet si “mik i Gjykatës” në procesin e mbrojtjes së të drejtave kushtetuese.

Zaçaj nënvizoi se “Gjykata Kushtetuese mbron Kushtetutën, kontratën mes popullit dhe pushtetit”. “Por ndërsa ne gjykojmë kushtetutshmërinë e ligjeve dhe ankimet e individëve për mbrojtjen e të drejtave të tyre kushtetuese, Avokati i Popullit na kujton atë që ligji dhe drejtësia nuk duhet të harrojë kurrë: Njeriun pas parimit”, shtoi Zaçaj.

Duke iu drejtuar të gjithë funksionarëve publikë, Zaçaj theksoi se “shëndeti i demokracisë sonë nuk matet me madhështinë e institucioneve apo me arkitekturën e komplikuar të ligjeve, por me mënyrën sesi trajtojmë më të dobëtit ndër ne”.

“Dhe nëse Avokati i Popullit ndonjëherë ose shumë herë është i papëlqyer për pushtetin, kjo do të thotë se po e kryen misionin e tij siç duhet. Për këtë arsye, institucionet tona duhet të punojnë në bashkëpunim, jo në garë. Një demokraci e maturuar nuk ndërtohet mbi institucione që mbrojnë vetveten – por mbi institucione që mbrojnë ligjin, të drejtën dhe Kushtetutën, në mënyrë që së bashku të mbrojnë qytetarin. Mos kini frikë nga zëri i Avokatit të Popullit. Kini frikë heshtjen që do të ekzistonte pa të. Mos e shihni si kritik, por si busull që orienton institucionet drejt mbrojtjes së të drejtave dhe forcimit të demokracisë”, shtoi ajo.

/m.m//a.f/

The post Zaçaj: Mos kini frikë nga zëri i Avokatit të Popullit, kini frikë heshtjen që do të ekzistonte pa të appeared first on Agjencia Telegrafike Shqiptare.

Kryetarja e Gjykatës Kushtetues, Holta Zaçaj, ka reaguar për gazetarët sa u përket komenteve të kryeministrit Edi Rama, mbi kërkesën e Unionit të gjyqtarëve për rritje page me 700 euro.

Zaçaj u shpreh se ajo i qëndron asaj ç`ka deklaruar institucioni që drejton një ditë më parë, teksa thekson se komentet e palëve politikë duhet të kenë kufirin te kritika dhe jo të kalojnë në presion.

Rama e quajti shaka një qëndrim të Gjykatës Kushtetuese kohë më parë sa i përket pagës së gjyqtarëve, por Zaçaj thotë se deklarata të tilla janë të zakonshme nga palët që përfshihen në proces.

Reagimi i Zaçajt:

I qëndrojmë asaj që nxorëm në njoftimin për shtyp. Ne vlerësojmë se çdo vendim i joni mund të jetë objekt kritikash. Dhe unë e kam theksuar faktin se e drejta e lirisë së shprehjes nënkupton pikërisht këtë. Por kufiri mbetet deri tek kritika, jo te presioni.

Nuk besoj se jemi tek ky elementi i moszbatimit. Ne kur kemi pasur mundësi i kemi thënë, sigurisht jam shprehur që zbatimi i vendimeve të Kushtetueses tregon stadin e demokracisë. Sigurisht kemi ende punë për të bërë, por në autoritetin e vet, vendimet tona janë të zbatueshme. Ka vendime të caktuara që politika merr koston e vetë nëse nuk i zbaton, kur flasim për pushtete të tjera.

E rëndësishme është që Gjykata funksionon, dolëm me një njoftim sepse detyra jonë është të garantojmë publikun se Gjykata funksionon e pavarur, e paanshme, sigurisht që mendimet që vijnë nga të gjitha anët, përfshirë edhe të mediave, ne i çmojmë, por në thelb është e rëndësishme që publiku të jetë i informuar, të marrë informacionin e duhur e nga ana jonë të sigurojmë publikun që jemi të pavarur dhe të paanshëm, të bëjmë punën tonë, pavarësisht se kush janë interesat dhe palët e përfshira në proces.

Janë deklarata të zakonshme që ne i kemi parë nga të gjitha palët që përfshihen në proces, përfshi edhe median, dua ta theksoj dhe konsideroj. Sepse ndonjëherë jeni ju të medias që i jepni zë më shumë se ç’duhet ndonjëherë mendimeve, opinioneve që jepen për vendimet tona. Megjithatë për sa kohë vjen në kuadër të lirisë së medias dhe të shprehjes, kjo është një vlerë e shtuar, pasi unë jam një partizane vetë, por edhe trupa.

Kështu që atë që ne çmuam të rëndësishme, detyrimin ndaj publikut, për ta informuar dhe garantuar për funksionin tonë të pavarur dhe të paanshëm, ne e kryem. Pjesa tjetër mbetet për mënyrën se secili nga pushtetet mendon të veprojë dhe e sheh detyrën e tij, por për ne kjo është pjesa më e rëndësishme.

The post Komentet e Ramës, flet kryetarja e Gjykatës Kushtetuese: Janë deklarata të zakonshme, kufiri duhet të mbetet te kritika, jo te presioni appeared first on Albeu.com.

Kryetarja e Gjykatës Kushtetuese, Holta Zaçaj ka reaguar e indinjuar ndaj këshillës së Ramës për të mos lajthitur para kërkesës për të rritur rrogat e gjyqtarëve. Gjithsesi Holta harron që në Kushtetuese e zgjodhi parlamenti i kontrolluar nga socialistë. Ndaj ja vendosi Ramës, kufirin. Jo te thana, por te kritika.

“Por kufiri mbetet deri te kritika dhe jo te presionet. Janë deklarata të zakonshme që ne i kemi parë nga të gjitha palët e përfshira në proces, përfshi dhe median. Sepse ndonjëherë jeni ju të medias që i jepni zë më shumë seç duhet mendimeve, opinioneve që jepen për vendimet tona.”

Por përtej mërzisë së zonjës së Kushtetueses me Edi Ramën dhe ABC News, Kryetarja e Gjykatës Kushtetuese nuk e sheh më si problem moszbatimin e vendimeve të saj nga Kuvendi.

“ Nuk besoj se jemi tek ky element i moszbatimit. Zbatimi i vendimeve të Gjykatës Kushtetuese tregon në fakt stadin e demokracisë, sigurisht kemi ende punë për të bërë.

Gjithsesi ajo e kishte edhe nje mesazh për Edi Ramën, tani që mendon që edhe ajo mund të kërcënojë. Me fjala ama.

“Vendimet tona janë të zbatueshme. Ka vendime të cilat politika merr koston e vetë nëse nuk i zbaton.”

Ndërkohë vetë Zaçaj nuk zbaton një vendim që tashmë është marrë për të. Ajo duhet të largohet. Por e pushtuar nga shpirti i sakrificës, ajo mendon se po qëndron, jo se ka dëshirë, por sepse ka hallin e funksionimit të Gjykatës Kushtetuese.

“E rëndësishme është që Gjykata funksionon. Në thelb është e rëndësishme që publiku të jetë i mirëinformuar, të marri informacionin e duhur, dhe nga ana jonë ne të sigurojmë publikun që në fakt jemi të pavarur dhe të paanshëm dhe bëjmë punën tonë, pavarësisht se kush janë interesat apo se si mendojnë palët e përfshira në proces, dhe jo vetëm.”

E vetmja gjë që Zacaj nuk foli, është nëse do të mbështesë apo jo një kërkesë, që në fakt rrit direkt rrogën e saj. Ajo nuk foli nëse në këtë rast është në konflikt interesi, apo se po ndërhyn në punët e qeverisë, e cila përcakton shkallën e pagesave në vend, si administratore e shtetit.

Në një detaj tjetër të vogël, por jo të parëndësishëm, Gjykata Kushtetuese reagoi vetëm ndaj kryeministrit Rama i cili e konsideron rritjen e pagave të gjyqtarëve si lajthitje, dhe jo ndaj liderit të opozitës, Sali Berisha që po ashtu e quajti absurde, apo akuzoi gjyqtarët e rinj qe si të vjetrit, merrnin ryshfet. Ndoshta shpreson se opozita do ta mbrojë, atë dhe Sonila Bejtjen, bashkëshorten e drejtorit të syri televizion, që të vazhdojnë të mbajnë, në shkelje të vendimeve të vetë Kushtetueses, postet e tyre tashmë prej tre muajsh me mandat të skaduar.

Gjykata e Lartë si organi i emërtesës për vendin vakant në Gjykaten Kushtetuese,  i kërkon Kuvendit të rihapë shpalljen për kandidatët për anëtarë të Gjykatës Kushtetuese.

Pezullimi i procesit për plotësimin e vakancës së krijuar në Gjykaten Kushtetuese vjen pasi numri i kandidatëve në garë është nën tre.

Njoftimi i plotë:

Në përmbushje të detyrimeve kushtetuese e ligjore, Këshilli i Emërimeve në Drejtësi, pasi vijoi procesin e verifikimit të kushteve ligjore të kandidatëve të paraqitur për vendin vakant të anëtarit të Gjykatës Kushtetuese, shpallur nga Kuvendi më datë 30.09.2024,
– meqenëse numri i kandidatëve në garë, pas verifikimit kushteve ligjore, ka rënë nën 3 (tre);
– në respekt të dispozitave kushtetuese e ligjore, si dhe në funksion të parimit të rritjes konkurueshmërisë e të sigurimit të numrit minimal të kandidaturave, nëpërmjet shtimit të numrit të opsioneve për organin e emërtesës në procesin e përzgjedhjes së kandidaturave për këtë vend vakant;
– në zbatim të vendimit nr. 84/2024 të Gjykatës Kushtetuese, që ka sanksionuar se, “përtëritja e rregullt me një të tretën çdo tre vjet mbetet parim i rëndësishëm dhe ka përparësi ndaj kohëzgjatjes së mandatit të gjyqtarit të Gjykatës Kushtetuese”;
– në mbështetje të pikës 1 të nenit 125 të Kushtetutës, të nenit 7/c të ligjit nr. 8577/2000 “Për organizimin dhe funksionimin e Gjykatës Kushtetuese të Republikës së Shqipërisë”, të pikës 2 të nenit 218 të ligjit nr. 115/2016 “Për organet e qeverisjes së sistemit të drejtësisë”, si edhe të shkronjës “b” të pikës 49 të Vendimit nr. 4 datë 11.03.2019 “Për procedurën e verifikimit të kandidatëve për pozicionet vakante në Gjykatën Kushtetuese dhe të Inspektorit të Lartë të Drejtësisë”, Këshilli i Emërimeve në Drejtësi,

V E N D O S I:

1. Pezullimin e procedurës së verifikimit të kandidaturave dhe njoftimin e subjektit që e ka vënë në lëvizje, Kuvendin e Shqipërisë, për të vlerësuar rishpalljen e thirrjes për paraqitjen e kandidaturave për pozicionin vakant në Gjykatën Kushtetuese, shpallur më datë 30.09.2024.
2. Ky vendim hyn në fuqi menjëherë dhe publikohet në faqen zyrtare të Gjykatës së Lartë, në pjesën e përcaktuar për Këshillin e Emërimeve në Drejtësi.

TIRANË, 6 maj/ATSH/ Me ftesë të World Law Foundation dhe World Jurist Association, një delegacion i Gjykatës Kushtetuese të Republikës së Shqipërisë, i kryesuar nga Kryetarja Holta Zaçaj dhe i përbërë nga gjyqtarët Sonila Bejtja dhe Gent Ibrahimi, së bashku me përfaqësues të institucioneve të drejtësisë dhe të ekzekutivit, po merr pjesë në Kongresin e 29-të Botëror të Ligjit, i cili po zhvillohet në Santo Domingo, Republika Dominikane, nga data 4 – 6 maj 2025.

Kongresi i 29-të Botëror i Ligjit është hapur me një ceremoni solemne, me pjesëmarrjen e personaliteteve me të larta vendase dhe ndërkombëtare, gjatë së cilës është përcjellë angazhimi dhe kontributi për forcimin e mëtejshëm të demokracisë dhe shtetit të së drejtës. Kongresi ka vijuar me zhvillimin e disa tryezave diskutimesh ku pati referime nga panelistë të ndryshëm nga e gjithë bota ku përfaqësuesit e Gjykatës Kushtetuese dhe të delegacionit shqiptar moderuan dhe referuan në disa prej paneleve.

Punimet e Kongresit u mbyllën me dhënien e çmimeve të mirënjohjes për disa personalitete të rëndësishme të së drejtës dhe u nderuan nga prezenca e Shkëlqesisë së Tij, Mbreti Felipe VI i Spanjës dhe Shkëlqesisë së Tij, Luis Abinader, President i Republikës Dominikane.

Gjatë ceremonisë së mbylljes, Kryetarja e Gjykatës Kushtetuese,  Holta Zaçaj, ka mbajtur edhe një fjalë përshëndetëse lidhur me ftesën për ta zhvilluar Kongresin e ardhshëm të 30-të Botëror të Ligjit në Shqipëri, gjatë së cilës ajo u shpreh se,  “dhënia e besimit për organizimin e Kongresit të Shoqatës Botërore të Juristëve për vitin 2027 është një nder historik për vendin tim — një komb i vogël me një zemër të madhe, historia e të cilit ka qenë ajo e qëndrueshmërisë, transformimit dhe besimit të palëkundur në fuqinë e dialogut dhe solidaritetit”.

“Le të riafirmojmë së bashku misionin tonë të përbashkët: për të mbrojtur dinjitetin e ligjit, për të garantuar të drejtat e njeriut dhe për të siguruar që drejtësia të mos mbetet thjesht një parim, por një premtim i gjallë për çdo qytetar, në çdo cep të botës”, tha ndër të tjera Zaçaj.

/a.f/

The post Zaçaj në Kongresin Botëror të Ligjit: Drejtësia, një premtim i gjallë për çdo qytetar në botë appeared first on Agjencia Telegrafike Shqiptare.

Me ftesë të World Law Foundation dhe World Jurist Association, një delegacion i Gjykatës Kushtetuese të Republikës së Shqipërisë, i kryesuar nga Kryetarja Holta Zaçaj dhe i përbërë nga gjyqtarët Sonila Bejtja dhe Gent Ibrahimi, mori pjesë në Kongresin e 29-të Botëror të Ligjit që u zhvillua në Santo Domingo, Republika Dominikane, nga data 4 deri më 6 maj 2025.

Kongresi nisi me një ceremoni solemne në prani të personaliteteve të larta vendase dhe ndërkombëtare, ku u theksua rëndësia e forcimit të demokracisë dhe shtetit të së drejtës në mbarë botën. Delegacioni shqiptar kontribuoi në tryezat e diskutimit me moderime dhe referime nga përfaqësuesit e tij, duke sjellë përvojën shqiptare në debatin global për drejtësinë dhe ligjin.

Në ceremoninë përmbyllëse, në prani të Mbretit Felipe VI të Spanjës dhe Presidentit të Republikës Dominikane, Luis Abinader, u ndanë çmime për figura të shquara në fushën e drejtësisë.

Gjatë kësaj ceremonie, Kryetarja e Gjykatës Kushtetuese të Shqipërisë, Holta Zaçaj, mbajti një fjalë përshëndetëse ku shprehu mirënjohjen për besimin e dhënë që Kongresi i ardhshëm – i 30-ti me radhë – të mbahet në Shqipëri në vitin 2027.

“Dhënia e besimit për organizimin e Kongresit të Shoqatës Botërore të Juristëve për vitin 2027 është një nder historik për vendin tim — një komb i vogël me një zemër të madhe, historia e të cilit ka qenë ajo e qëndrueshmërisë, transformimit dhe besimit të palëkundur në fuqinë e dialogut dhe solidaritetit. Le të riafirmojmë së bashku misionin tonë të përbashkët: për të mbrojtur dinjitetin e ligjit, për të garantuar të drejtat e njeriut dhe për të siguruar që drejtësia të mos mbetet thjesht një parim, por një premtim i gjallë për çdo qytetar, në çdo cep të botës”, deklaroi Zaçaj.

The post Shqipëria, kandidate për Kongresin e 30-të Botëror të Ligjit/ Kryetarja e Kushtetueses, Zaçaj: Historike për vendin appeared first on Sot News | Lajme.

Një muaj pas përfundimit te mandatit si anëtare e Gjykatë Kushtetuese, Holta Zaçaj vijon të ushtrojë detyrën me të drejta të plota. Zaçaj ende del nga ky institucion si kryetare dhe  anëtare e Gjykatës Kushtetuese, ndërsa më 10 mars ajo duhet të dorëzonte Ձelësat e zyrës.

Por Kushtetuta, ndonëse e përcakton qartë përfundimin e mandatit të saj, i njeh një të drejtë, ajo ikën, ditën kur i gjendet zëvendësuesi. Dhe pasardhësi i Zacaj nuk po gjendet.

Gjykata e Lartë ka hapur procedurën e zëvendësimit të saj prej datës 11 dhjetor, kur njoftoi edhe përfundimin e mandatit të saj, më 10 mars.

Tre kandidatë janë skualifikuar nga gara për Gjykatën Kushtetuese, kurse 2 të tjerët, të cilët ishin të interesuar posaçërisht për vendin e Holta Zaçajt, u tërhoqën nga gara.I pari, Klodian Rado, kërkoi të tërhiqet nga kandidimi më 24 janar. Arsyet ishin familjare. Kurse kandidatja e dytë, Rezana Balla e cila ka qenë e interesuar po ashtu posaçërisht për vendin e Zaçajt, u tërhoq në ditën e fundit.

Ajo dorëzoi edhe dokumentacionet dhe formularët përkatëse, saktësisht në fund të muajit janar dhe po kalonte të gjitha filtrat. Pikërisht, në datën kur, Holta Zaçaj duhet të dorëzonte çelësat e zyrës së saj në Gjykatën Kushtetuese, znj. Balla njoftoi papritur se kërkonte ndalimin e kandidimit të saj, edhe kjo për arsye familjare. Ajo vendosi të lërë Gjykatën Kushtetuese, për të emigruar.

Kjo lëvizje e kësaj zonje, shpëtoi Zaçajn. Falë saj vijon të mbajë dy detyra, atë të kryetares dhe gjyqtares kushtetuese.

Po ashtu, Gjykata e Lartë i tha AbcNews se Këshilli i Emërimeve në Drejtësi, është në pritje të kandidaturave të tjera të interesuara, të cilat do të kalojnë po nga i njëjti proces. Deri më tani nuk ka asnjë kandidat konkret.

Vitin e kaluar, Gjykata e Lartë vendosi të njoftojë përfundimin e mandatit të Holta Zaçajt më 10 mars të këtij viti, nga nisi dhe një përplasje.

Fill pas Gjykatës së Lartë, edhe Gjykatës Kushtetuese vendosi ti ndërpresë mandatin asaj, në të njëjtën datë. Zaçaj kërkoi të pezullojë procesin, duke iu drejtuar me një letër Komisionit të Venecias, por kërkesa iu rrëzua.

Por falë kësaj loje, Zaçaj mund të vijojë të luajë ende, një gjyqtare me afat të skaduar, që mund të marrë vendime në Gjykatën Kushtetuese.

Largimi i disa kandidatëve rresht, mesa duket nuk është rastësi. Ashtu siç nuk duket rastësi, ndryshimi i qëndrimit të gjykatës së lartë. E cila fillimisht nxitoi të kërkonte zëvendësimin e saj, por tani duket se ka ulur shpejtësinë. Me shpejtësinë, ka ulur dhe forcën e fërkimit dhe me inercinë mesa duket ka gjetur dakordësinë./abcnews.al

Asnjë anëtar i Gjykatës Kushtetuese nuk është nën hetim apo përgjim nga Prokuroria e Posaçme. Ishte kjo përgjigjja zyrtare e kreut të SPAK, Altin Dumani për, kryetaren e Kushtetueses Holta Zaccaj. Kjo e fundit bazuar në disa raportime në media, se anëtarë të institucionit që ajo drejton ishin vënë në pergjim, me dyshimin se do te ndikonin tek çështja e “Pëllumb Gjokës” që përmes avokateve kërkonte mos përdoreshin si provë komunikimet në aplikacionin Sky Enchro chat, kërkoi sqarime nga SPAK.

Megjithatë, pavarësisht kësaj përgjigje, kreu i SPAK i kujton kryetares së Kushtetueses, Kushtetutën dhe Kodin e Procedurës Penale. Sipas të cilave, Dumani sqaron se Prokuroria e Posaçme ka juridiksionin dhe kompetencën që të ushtrojë ndjekjen penale për sjelljet jashtëgjyqësore të gjyqtarëve të çdo niveli, nëse ekzistojnë dyshimet se mundet të kenë kryer veprën penale të “korrupsionit pasiv…” ose të çdo vepre tjetër penale…”.

Nga ana tjetër avokatet mbrojtës të Pëllumb Gjokës që mbahet i arrestuar si pjesë e dosjes “Metamorfoza”, kanë deklaruar publikisht se janë vënë në dijeni të një autorizimi për pergjim nga Prokuroria e Posaçme të një prej anëtareve të Gjykates Kushtetuese. Me 19 dhjetor te vitit te kaluar, Gjykata Kushtetuese rrëzoi kërkesen e Pëllumb Gjokës që kërkonte pa përdorshmërinë e komunikimeve te Sky. Zacaj pranoi se nuk eshte ne dijeni te asnje presioni mbi te apo anetare te gjykates kushtetuese, por beri publike shkresen qe i kishte derguar kreut te spak, duke i dhene nje tjetet spirale spekulimeve mediatike. Spekullime te cilave u dha fund altin dumani me reagimin e tij./abcnews.al

TIRANË– Kryetarja e Gjykatës Kushtetuese, Holta Zaçaj tha të hënën se nuk kushte informacion në lidhje me disa pretendime se gjyqtarët e këtij institucioni janë në përgjim nga ana Struktura e Posaçme Antikorrupsion.

Kjo çështje u trajtua në emisionin “Real Story”, ku eksperti i kriminalistikës Ervin Karamuço tha se nëse ka kallëzim në SPAK nga ndonjëri prej anëtarëve të Gjykatës Kushtetuese për ndikime të paligjshme që mund t’i jenë bërë, atëherë kryerja e përgjimit nuk mund të cilësohet kurrsesi si puç kushtetuese, por thjesht një praktikë e bazuar në ligj.

“Vija logjike dhe aludimi për rastin konkret. Nuk jemi para një puci kushtetues. Puci kushtetues, do ishte që pa asnjë lloj indicie, pa asnjë lloj informacioni të shkojë në GJK dhe t’i mbajë të gjitha në përgjim, si policitë sekrete të dikurshme. Por nëse ti i ke letrat aty të një kallëzimi, ke ndërmarrë të gjitha veprimet me gjykatë për të zhvilluar veprime hetimore, çdo gjë është në përputhje me ligjin. Por ku do shkojë kjo? A do kemi një masë për anëtarin e një gjykate, apo do pushohet sepse nuk ka prova nga ata që janë kallëzuar nga ana e këtij anëtari, nëse është anëtar gjithsesi”, tha ai.

Ai shtoi se kryetarja e Gjykatës Kushtetuese duhet të ishte informuar nga anëtari nëse ka patur ndikime, pasi e ka detyrim ligjor.

Sipas tij, Kryetarja e Gjykatës Kushtetuese theksoi se në këto kushte i është drejtuar me një shkresë SPAK, ku i kërkon ta njoftojë nëse ka ndonjë prej anëtarëve në përgjim apo jo.

“Para se anëtari i Gjykatës Kushtetuese të bënte kallëzim në SPAK, duhet të informonte kryetarin e Gjykatës Kushtetuese dhe ta vinte në dijeni në të gjitha shqetësimet që ka për të gjitha ndërhyrjet. Fakti që kryetarja e Gjykatës Kushtetuese tha se nuk jam në dijeni për një çështje të tillë nëse ka ndodhur apo jo, prandaj kam kërkuar  verifikimet në SPAK, që do të thotë se nuk ka dijeni se çfarë ka ndodhur tek anëtarët brenda tyre. Ka bërë të paditurën, pra unë nuk di asgjë çfarë ka ndodhur dhe unë i kam dërguar shkresë SPAK, dua përgjigje dhe kaq”, theksoi ai/abcnews.al

Jo vetëm që nuk iu përgjigj interesit të gazetarëve të cilët i kishte thirrur në konferencë por kryetarja në ikje e Gjykatës Kushtetuese, Holta Zacaj, u shfaq në sallë me pyetje dhe përgjigje të parapërgatitura, siç e tregon edhe ky dokument i siguruar nga Abc News.

“Do me lejoni të vazhdoj me pyetjet që kanë ardhur, unë do lexoj përgjigjet, ka shumë mundësi që në pyetjet që ju keni të gjeni përgjigjet përkatëse. Dhe nëse do të keni pyetje të tjera, do ti marrim shënim”.

Edhe pse insiston se ka përgjigje vetëm për temat të cilat kanë të bëjnë me veprimtarinë e Gjykatës Kushtetuese përgjatë 2024, Zacaj, ndryshon mendim kur bëhet fjalë për mandatin e saj apo të koleges Sonila Bejtës, të cilës nuk nguron ti dalë në mbrojtje.

“Unë e vura në lëvizje Gjykatën për të shmangur një konflikt kushtetues dhe për të evituar përfshirjen e saj në ndonjë mosmarrëveshje mes organeve të pushteteve, në kushtet kur Gjykata e Lartë shpalli vakancën pa pritur Gjykatën Kushtetuese të shprehej për mbarimin e mandatit.

Cështja e sjellë nga presidenti është sjellë si një mosmarrëveshje kushtetuese. Dhe si e tillë do të trajtohet si një cështje gjyqësore, pra nuk është si rasti I deklarimit të mandatit . Për një cështje që është në hetim ne nuk mund të japim asnjë konsideratë përtej kësaj , informacioni që po ju jap është administrativ”.

Zaçaj nuk nguroi që këtë komunikim publik ta përdorte si plaftorm për të sulmuar SPAK.

“Shkresa është dërguar zyrtarisht ditën e mërkurë, datë 19 shkurt. Ende nuk kemi një përgjigje zyrtare nga ai institucion. Ndërkohë që si Kryetare e Gjykatës Kushtetuese informova zotin Dumani se nuk jam vënë në dijeni nga asnjë gjyqtar për ndonjë ndërhyrje apo ushtrim të ndonjë forme ndikimi të papërshtatshme nga avokatë, funksionarë politikë, publikë ose subjekte të tjera, bazuar në nenin 10, pika 3, të ligjit organik”.

Prej kohës, Gjykata Kushtetuese, nën drejtimin e Holta Zacajt, ka shmangur cdo përgjegjësi që i buron nga ligji duke mos u shprehur për përfundimin e mandateve të gjyqtarëve. Emërtimi me vonesë i tyre prish mekanizmin e përtëritjes së trupës./abcnews.al

TIRANË, 24 shkurt/ATSH/ Kryetarja e Gjykatës Kushtetuese, Holta Zaçaj prezantoi sot raportin vjetor të këtij institucioni për vitin 2024, ku theksoi se gjatë dy viteve të fundit ka pasur rritje të numrit të kërkesave dhe të vendimeve të marra nga Gjykata Kushtetuese.

Gjatë një konference për shtyp, Zaçaj u shpreh se nga 201 vendime në total në vitin 2021, Gjykata Kushtetuese ka marrë 408 vendime në total në vitin 2024.

Gjykata Kushtetuese, sipas saj, “ndryshoi qasjen e saj në disa aspekte, duke synuar të sigurojë jo vetëm aksesin e qytetarit përmes ankimit kushtetues individual, i cili rezulton të ketë një rritje prej 16% nga viti i kaluar, por edhe të zgjerojë hapësirën e mbrojtjes së tij kushtetuese”.

Pavarësisht ngarkesës së lartë, Zaçaj theksoi se Gjykata u kujdes për respektimin e afateve procedurale të shqyrtimit gjyqësor, duke synuar cilësinë e vendimmarrjes së saj.

Në këtë drejtim ajo theksoi se gjatë vitit 2024 ishin për shqyrtim gjithsej 520 kërkesa (427 kërkesa të reja dhe 93 të mbartura nga viti 2023), nga të cilat Gjykata shqyrtoi 408 kërkesa me vendime të arsyetuara. Aktualisht, numri total i kërkesave të mbartura, të cilat janë brenda afateve procedurale të shqyrtimit janë 104, nga të cilat 28 janë në shqyrtim në seancë plenare dhe 77 janë në fazën e shqyrtimit paraprak.

Zaçaj theksoi se Gjykata ka vendosur pranimin e kërkesës apo pranimin e pjesshëm në 55 çështje dhe rrëzimin e kërkesës në 31 çështje.

Sipas mënyrës së votimit, Gjykata ka dhënë 42 vendime njëzëri me votë unanime dhe 42 me shumicë votash. Vetëm në 2 vendime Gjykata ka vendosur rrëzimin për mosarritje të shumicës apo pamjaftueshmëri votash për një qëndrim.

Po ashtu, Zaçaj informoi se Gjykata Kushtetuese nuk ka aktualisht stok çështjesh të prapambetura jashtë afateve procedurale.

Duke folur për punën e Gjykatës Kushtetuese, Zaçaj nënvizoi se në kapitullin për Shqipërinë të raportit “Sundimi i ligjit 2024” të Komisionit Evropian, Gjykata Kushtetuese ka marrë vlerësime pozitive, duke u konsideruar si efektive në ruajtjen e kontrollit dhe balancës mes organeve të pushteteve.

Në fjalën e saj, Zaçaj renditi disa vendime të rëndësishme të marra gjatë vitit 2024 si në kuadër të së drejtës së pronës ashtu edhe lidhur me normën tatimore për të vetëpunësuarit që furnizojnë shërbime profesionale, e cila sipas saj “ishte jo proporcionale”.

Vendime të tjera të rëndësishme, sipas kryetares së Gjykatës Kushtetuese ishin edhe ato për dispozitat e ligjit për studentët e mjekësisë, të cilat ishin jokushtetuese në drejtim të së drejtës për arsimim dhe punësim.

“Gjatë vitit 2024, për herë të parë, Gjykata shqyrtoi të drejtën për informim për gjendjen e mjedisit, sipas nenit 56 të Kushtetutës dhe Konventës së Aarhusit, në çështjen për ndërtimin e hidrocentralit të Skavicës, duke vënë theksin në rëndësinë që ka gjatë procesit të konsultimit publik dëgjimi i opinionit të komunitetit të zonës me statusin e publikut të ndikuar”, theksoi Zaçaj.

Po në drejtim të të drejtave themelore, Zaçaj nënvizoi se “Gjykata shqyrtoi respektimin e së drejtës së votës nga dispozitat e Kodit Zgjedhor në drejtim të garantimit të votimit parapëlqyes”.

“Vendosja e kandidatëve nga ana e partisë në komponentin e listës me renditje të fiksuar ose në atë që i nënshtrohet votimit parapëlqyes u vlerësua se nuk e cenon të drejtën e votës as në aspektin e së drejtës së subjekteve zgjedhore për t’u zgjedhur dhe për të marrë pjesë në procesin e formimit të vullnetit politik, as në aspektin e së drejtës së shtetasve për të zgjedhur”, shtoi ajo.

Me mjaft rëndësi, sipas kryetares së Gjykatës Kushtetuese ka qenë vendimi i kontrollit paraprak (përpara ratifikimit) të Protokollit të Migracionit me Italinë, ku Gjykata zhvilloi dhe interpretoi konceptin kushtetues të territorit në aspektin fizik dhe atë juridiksional.

Në përfundim të shqyrtimit të çështjes Gjykata lejoi ratifikimin e Protokollit nga Kuvendi, pasi arriti në përfundimin se ai nuk ndryshon apo cakton kufij të rinj territorialë të Shqipërisë, nuk krijon të drejta dhe liri themelore të reja kushtetuese, nuk sjell kufizime shtesë në ato ekzistuese dhe se shteti shqiptar vazhdon të ushtrojë juridiksionin e tij pavarësisht juridiksionit të shtetit italian i cili shtrihet mbi çështje të azilit.

Zaçaj u ndal te marrëveshja për Administrimin e Parkut të Butrintit, ku Gjykata Kushtetuese arriti në përfundimin se modeli i administrimit indirekt nuk prek rolin parësor të shtetit në mbrojtjen dhe konservimin e pasurive kulturore dhe natyrore.

“Gjykata përfshiu në juridiksionin kushtetues edhe kontrollin e Rregullores së Kuvendit, ku vendosi në balancë parimin e autonomisë parlamentare dhe atë të demokracisë përfaqësuese, për pasojë duke u ndalur vetëm në ashpërsinë e masave disiplinore të cilat mund të kenë pasoja në ushtrimin e mandatit përfaqësues nga deputetët dhe në përfundim gjeti disa shkelje”, tha ajo.

Kushtetutshmëria e ligjit për ngritjen dhe funksionimin e komisioneve hetimore parlamentare u mor po ashtu në shqyrtim nga Gjykata Kushtetuese, e cila analizoi të drejtën kushtetuese të pakicës parlamentare si në drejtim të ngritjes së komisionit hetimor ashtu edhe të ushtrimit efektiv të saj përmes hetimit parlamentar.

Po përgjatë vitit 2024 Gjykata ritheksoi edhe detyrimin kushtetues për zbatimin, nga të gjitha organet shtetërore, të vendimeve të saj.

“Mbi këtë parim kushtetues ajo zgjidhi mosmarrëveshjen e kompetencës mes pakicës parlamentare dhe Kuvendit, të lindur për shkak të moszbatimit nga ky i fundit të vendimit të Gjykatës për dërgimin e çështjes së deklarimit të papajtueshmërisë së mandatit të një deputeteje. Gjykata i dha kuptim edhe parimit të mandatit të lirë të deputetit kur thirret në votim, duke theksuar se ai nuk kuptohet si një liri absolute, e pakufizuar dhe se nuk mund të shtrihet në çështje që kanë të bëjnë me zbatimin e vendimeve të kësaj Gjykate”, shtoi Zaçaj.

Vendimet përfundimtare grupohen në këtë mënyrë:

7 vendime u përkasin kërkesave të paraqitura nga një grup deputetësh.
1 vendim i përket kërkesës së paraqitur nga gjykatat e juridiksionit të zakonshëm (kontroll incidental).
1 vendim i përket kërkesës së paraqitur nga partitë politike.
5 vendime u përkasin kërkesave të paraqitura nga organizatat.
2 vendime u përkasin kërkesave të paraqitura nga Kryetari i Gjykatës Kushtetuese.
70 vendime u përkasin kërkesave të paraqitura nga individët.

1 vendim me objekt papajtueshmërinë e marrëveshjes ndërkombëtare me Kushtetutën;
12 vendime me objekt papajtueshmërinë e akteve normative me Kushtetutën.
2 vendime me objekt konflikt kompetencash;
54 vendime me objekt kundërshtimin e vendimeve të gjykatave të juridiksionit të zakonshëm, në kuadër të procesit të rregullt.
2 vendime me objekt shfuqizimin e vendimeve gjyqësore së bashku me papajtueshmërinë e akteve normative me Kushtetutën.
2 vendime me objekt deklarim mbarim mandati të gjyqtarit të Gjykatës Kushtetuese.

12 vendime me objekt konstatimin e cenimit të së drejtës për proces të rregullt si rezultat i mosgjykimit brenda një afati të arsyeshëm.
1 vendim me objekt korrigjim vendimi të Gjykatës Kushtetuese.

Sipas dispozitivit, vendimet përfundimtare grupohen në këtë mënyrë:
Për 55 vendime Gjykata ka vendosur pranimin e kërkesës/pranimin e pjesshëm.
Për 31 vendime Gjykata ka vendosur rrëzimin e kërkesës.

Sipas mënyrës së votimit kemi këto të dhëna:
42 vendime janë marrë njëzëri.
42 vendime janë marrë me shumicën e votave.
2 vendime janë rrëzuar për shkak të mungesës së shumicës për vendimmarrje.

Vendimet e moskalimit të grupuara sipas subjekteve që vënë në lëvizje Gjykatën Kushtetuese janë:

2 vendime për kërkesa të paraqitura nga gjykatat e juridiksionit të zakonshëm (kontroll incidental).
1 vendim për kërkesë të paraqitur nga Këshilli i Ministrave.
3 vendime për kërkesa të paraqitura nga organizatat.
316 vendime për kërkesa të paraqitura nga individët/ankime kushtetuese individuale.

Duke bërë një krahasim të kërkesave dhe vendimeve të Gjykatës Kushtetuese në periudhën 2021-2024 rezulton se:

Në vitin 2021 – 147 kërkesa; 201 vendime në total nga të cilat 41 janë përfundimtare.
Në vitin 2022 – 291 kërkesa; 238 vendime në total nga të cilat 43 vendime përfundimtare.
Në vitin 2023 – 367 kërkesa; 353 vendime në total nga të cilat 70 përfundimtare.
Në vitin 2024 – 427 kërkesa; 408 vendime në total nga të cilat 86 përfundimtare.

/m.m/j.p/

Kryetarja e Gjykatës Kushtetuese, Holta Zaçaj, foto: Florian Abazaj

1 nga 3

The post Raporti vjetor i Gjykatës Kushtetuese, Zaçaj: Vendime të arsyetuara për 408 kërkesa appeared first on Agjencia Telegrafike Shqiptare.

TIRANË, 7 shkurt/ATSH/ Kryetarja e Gjykatës Kushtetuese Holta Zaçaj mori pjesë në ceremonitë e parashikuara me rastin e akordimit të çmimit Premio Espanol Universal 2024 për Javier Cremades, avokat, kryetar i Shoqatës Botërore të Juristëve (WJA) dhe kryetar i firmës ligjore Cremades & Calvo – Sotelo, në njohje të kontributit të tij të shquar për promovimin ndërkombëtar të Spanjës dhe komunitetit ligjor spanjoll.

Javier Cremades është spanjolli i parë që drejton Shoqatën Botërore të Juristëve. Në këtë rol, ai ka luajtur një rol kyç në promovimin e shtetit të së drejtës në shkallë globale. Po ashtu, ai ka udhëhequr në mënyrë aktive organizimin e ngjarjeve të dedikuara këtij qëllimi, siç është Kongresi Botëror i Ligjit, duke e konsoliduar kështu Spanjën si një pikë referimi ndërkombëtare në fushën e drejtësisë.

Në kuadër të ceremonive për akordimin e këtij çmimi është zhvilluar një audiencë me Mbretin e Spanjës, Madhërinë e Tij, Felipe VI.

Gjatë audiencës është nënshkruar në një ceremoni të posaçme marrëveshja “Kongresi Botëror i Ligjit 2027”, i cili do të zhvillohet në Tiranë, për të mbledhur së bashku ekspertë nga e gjithë bota, si një mundësi e shkëlqyer për shkëmbimin e njohurive, forcimin e bashkëpunimit ndërkombëtar dhe promovimin e vlerave demokratike të shtetit të së drejtës.

Po ashtu, ceremonia e dhënies së çmimit është përshëndetur edhe nga Stephan Harbarth, kryetar i Gjykatës Kushtetuese Federale Gjermane, si dhe nga figura të tjera të shquara nga fusha juridike, biznesi dhe kultura.

Në fjalën e saj për këtë rast, Zaçaj duke shprehur mirënjohjen dhe përgjegjësinë e shtetit shqiptar për të mirëpritur dy Kongrese shumë të rëndësishme për drejtësinë europiane dhe botërore në vitin 2027 – Kongresin e Konferencës së Gjykatave Kushtetuese Europiane dhe Kongresin Botëror të Ligjit 2027 – tha se të dyja këto kongrese do të shënojnë jo vetëm një gur kyç në rrugëtimin e vendit tonë, por do të shërbejnë edhe si një platformë e dialogut ndërkombëtar për ligjin dhe drejtësinë.

1 nga 5

The post Kongresi Botëror i Ligjit 2027 në Tiranë, Zaçaj: Gur kyç në rrugëtimin e vendit appeared first on Agjencia Telegrafike Shqiptare.

Në Shqipëri, Gjykata Kushtetuese duket se i ka dhënë fund dilemave për skemën e ripërtëritjes së rregullt të saj.

Në vendimin për përfundimin e mandatit të kryetares Holta Zaçaj, një çështje e cila shkaktoi debate të forta në fund të vitit të shkuar, trupa e gjyqtarëve, nuk është ndalur vetëm në rastin specifik, por ka shkuar më tej, duke u ndalur në analizën e dispozitave kalimtare të kushtetutës dhe të termave të saj, “duke theksuar se ato duhet të lexohen në harmoni me normat e tjera kushtetuese relevante”. Vendimi i arsyetuar, u bë publik pasditen e vonë të së hënës, në shkelje të hapur të afateve që përcakton ligji, por dhe vetë rregullorja e Gjykatës , të cilat parashikojnë publikimin e vendimit brenda 30 ditëve. Pra të pakën 5 ditë me vonesë, nëse mbajmë parasysh se vendimi u shpall më 23 dhjetor 2024.

Kushtetuta përcakton se “përbërja e Gjykatës përtërihet çdo tre vjet me një të tretën e saj, sipas procedurës së përcaktuar me ligj”. Skema e parashikuar në ligjin për organizimin dhe funksionimin e Gjykatës Kushtetuese, në pjesën e dispozitave kalimtare, (Neni 86, pika 4) përcakton mënyrën se si do të bëhej përtëritja e gjyqtarëve deri në vitin 2022, për të garantuar, që në vitet 2025, 2028 dhe 2031, të mund të realizohej ndryshimi, me tre anëtarë, një për secilin organ emërtese (Presidenti, Parlamenti, Gjykata e Lartë). Një skemë e cila reflektonte dispozitat kalimtare të Kushtetutës (Neni 179, pika 3), të ndryshuar në kuadër të reformës në Drejtësi, ku parashikohej kufizimi i mandatit.

Në vendimin e saj Gjykata Kushtetuese, kujton se si pas Opinionit të Komisionit të Venecias “në tekstin e nenit 179, pika 3, të Kushtetutës u shtua togfjalëshi “me qëllim përtëritjen e rregullt të përbërjes së Gjykatës”. Duket se me shtimin e këtij togfjalëshi në përmbajtje të dispozitës kalimtare – vë në dukje vendimi – kushtetutëbërësi në ekuilibrin midis parimit të qëndrueshmërisë në detyrë dhe atij të përtëritjes së Gjykatës, i ka kushtuar vëmendje të veçantë këtij të fundit”.

Komisioni i Venecias në opinionin e tij të qershorit 2020, e zbërthen qartazi skemën e parashikuar nga Kushtetuta dhe Ligjit për Gjykatën Kushtetuese, në dispozitat kalimtare, kur shprehet se “në këtë mënyrë, pika 3 e nenit 179, synonte të rikrijonte tre grupe me nga tre gjyqtarë, mandati i të cilëve do të përfundonte në të njëjtin vit: tre në 2025, tre në 2028 dhe tre në 2031”.

Mandati i zonjës Zaçaj, përfshihet pikërisht në grupin e tre gjyqtarëve mandati i të cilëve duhet të përfundojë në vitin 2025. Zonja Zaçaj u emërua në janar të vitit 2023, duke pasuar në detyrë gjyqtaren Vitore Tusha, mandati i së cilës kishte përfunduar në 10 mars të vitit 2017. Debati për të u përqëndrua te data e përfundimit të këtij mandati. Ndërsa ajo pretendoi se duhet ta linte pozicionin në Gjykatë në fund të këtij viti, Gjykata e Lartë nga ana tjetër, këmbënguli se mandati i saj përfundon në 25 mars të këtij viti.

Në vendimin e Gjykatës Kushtetuese, shpjegohet se emërimi i saj, u bë sipas parashikimeve në dispozitat kalimtare. “Kjo dispozitë, në ndryshim nga neni 125, pika 7, i Kushtetutës, që parashikon se gjyqtari kushtetues vazhdon në detyrë deri në zgjedhjen e pasardhësit të tij, nuk flet për gjyqtarë pasardhës, por për gjyqtarin që do të zëvendësojë gjyqtarin, të cilit i mbaron mandati në vitin 2017”. Më tej vendimi saktëson se ndërhyrjet kushtetuese dhe ligjore “duket se e kanë përcaktuar kohëzgjatjen e qëndrimit në detyrë të gjyqtarit zëvendësues të lidhur jo thjesht me vitin 2025, por edhe me momentin e mbarimit të mandatit të gjyqtarit paraardhës, që në rastin konkret është data 10 mars”.

Ky interpretim duket se i vë kapak dhe dy mandateve të tjera që duhet të plotësonin treshen e zëvendësimeve në vitin 2025. Ai që i takon parlamentit, lidhet me gjyqtarin që zëvendësoi ish anëtarin Vladimir Kristo, mandati i të cilit përfundoi në 25 Prill të vitit 2016. Në vitin 2019, parlamenti, në kundërshtim me këtë skemë emëroi për një mandat deri në vitin 2028, zonjën Elsa Toska. Dorëheqja e saj në shtator të vitit të kaluar, krijoi mundësi për korrigjimin e këtij gabimi. Por kryetarja e parlamentit Elisa Spiropali, për zëvendësimin e saj la në fuqi mandatin po ashtu deri në 2028. Ndërsa procedura nuk është përmbyllur, pas këtij interpretimi të Gjykatës Kushtetuese, parlamenti ka sërish mundësi të anullojë procedurën, kur rasti të shkojë në Komisionin e ligjeve.

Për grupin e tre anëtarëve mandati i të cilëve duhet të përfundojë në vitin 2025, Presidenti i Republikës, shpalli në shkurt të vitit 2018 “procedurën e aplikimit për emërim gjyqtari në Gjykatën Kushtetuese, me qëllim plotësimin e “Vakancës së parë” të krijuar për shkak të përfundimit të mandatit të ish-gjyqtarit të kësaj gjykate, z. Sokol Berberi”. Mandati i zotit Berberi kishte përfunduar në 25 prill të vitit 2016. Ai vijoi të qëndrojë edhe disa muaj, duke dhënë më pas dorëheqjen. Në vendin e tij, në tetor të vitit 2019, Presidenti dekreton anëtarin e ri Besnik Muçi. Por vetëm pak javë më pas, ai shkarkohet nga Kolegji i Posaçëm i Apelimit. Një vit më vonë, në dhjetor të vitit 2020, ai do të zëvendësohet, për vakancën e përkohshme, nga zonja Sonila Bejtja.

Nëse do të përdoret për analogji, interpretimi i rastit të zonjës Zaçaj, kohëzgjatja e qëndrimit në detyrë të gjyqtarit zëvendësues, Besnik Muçi, duket të jetë po ashtu viti 2025, dhe pikërisht data 25 prill.

Por deri më tani, duket se kryetarja e Gjykatës, nuk ka një vlerësim të tillë. Rregullorja e Gjykatës Kushtetuese parashikon që “Kryetari, jo më vonë se 4 muaj para mbarimit të mandatit të gjyqtarit kushtetues, i paraqet Gjykatës kërkesë për deklarimin e mbarimit të këtij mandati”. Ndërsa Ligji përcakton se “Kryetari i Gjykatës Kushtetuese, jo më vonë se 3 muaj përpara përfundimit të mandatit të një gjyqtari të Gjykatës Kushtetuese…njofton organin e emërtesës për vendin vakant”. Burime të Zërit të Amerikës, dëshmojnë se asgjë e tillë nuk ka ndodhur.

Vendimi i trupës së gjyqtarëve, ka zgjidhur dhe ngërçin që mund të krijohet në raste të tilla mes Gjykatës dhe organit të emërtesës. “Në çdo rast kur një organ i emërtesës vlerëson se Gjykata nuk e ka ushtruar kompetencën e saj brenda afatit ligjor, ai duhet t`i drejtohet Gjykatës, duke i kërkuar me shkrim ushtrimin e një kompetence të tillë, si dhe duke parashtruar, në çdo rast, edhe argumentet përkatëse në drejtim të fakteve dhe dispozitave kushtetuese në të cilat mbështet qëndrimin e tij për mbarimin e mandatit të gjyqtarit për pozicionin e të cilit është organ emërtese sipas Kushtetutës dhe ligjit. Në këtë rast, Gjykata, pa vonesë, duhet të shprehet me vendim, i cili është përfundimtar dhe i detyrueshëm për zbatim”.

Mbetet të shihet se cili do të jetë qëndrimi i Presidentit, tanimë kur vetë Gjykata Kushtetuese ka bërë interpretimin e skemës së ripërtëritjes dhe përfundimit të mandateve për vitin 2025. Në mungesë të lëvizjeve nga vetë Gjykata, i takon atij, t’i drejtohet asaj duke i kërkuar ushtrimin e kompetencës për rastin./VOA

The post VOA/ Mandati i Zaçajt, vendimi i Kushtetueses mbron skemën e ripërtëritjes së anëtarëve të saj appeared first on Albeu.com.

Gjykata e Lartë bëri publike të hënën më 13 janar listën e kandidatëve që kanë paraqitur interes për vakancën e krijuar në Gjykatën Kushtetuese si rezultat i mbarimit të kryetares së kësaj gjykate, Holta Zaçaj. Nga 13 kandidatët që janë futur në garë, tre prej tyre, Genta Tafa, Alma Faskaj dhe Lulzim Hamitaj janë ish-komisionerë […]

The post Komisionerët e vetingut vihen në radhë për një post në Kushtetuese appeared first on Reporter.al.

Kryetari i Gjykatës së Lartë ka hapur procedurën e aplikimit për zgjedhjen me mandat të plotë nga Gjykata e Lartë të anëtarit të Gjykatës Kushtetuese, në vendin vakant të krijuar si rezultat i mbarimit të mandatit të Holta Zaçajt. Pas përfundimit të afatit 30 ditor të pranimit të kërkesave, kandidatët që kanë paraqitur interes për […]

The post Kush do ta zëvendësojë Holta Zaçajn në Gjykatën Kushtetuese, shpallet EMRAT e kandidatëve appeared first on BoldNews.al.

13 kandidatë janë në garë për plotësimin e vakancës në Gjykatën Kushtetuese, me mbarimin e mandatit të Holta Zaçajt. Në një njoftim shpërndarë mediave, Gjykata e Lartë shpalli listën e kandidatëve që shfaqën interes për plotësimin e vakancës, pas përfundimit të afatit 30 ditor të pranimit të kërkesave.

Kujtojme se përplasja mes Gjykatës së Lartë dhe asaj Kushtetuese mund të ishte bërë më e ashpër, nëse gjyqtarët kushtetues do të ishin vendosur në krahun e Holta Zacajt, që tentoi ta zgjasë mandatin e saj deri në fund të vitit të ardhshëm.

Njoftimi i plote:

Kryetari i Gjykatës së Lartë, bazuar në nenin 125, pika 1 të Kushtetutës, si dhe nenin7/ç të ligjit nr. 8577, datë 10.02.2000, “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, në datë 11.12.2024 ka bërë shpalljen publike për hapjen e procedurës së aplikimit për zgjedhjen me mandat të plotë nga Gjykata e Lartë të anëtarit të Gjykatës Kushtetuese, në vendin vakant të krijuar si rezultat i mbarimit të mandatit të znj. Holta Zaçaj.

Pas përfundimit të afatit 30 ditor të pranimit të kërkesave, kandidatët që kanë paraqitur interes për plotësimin e vakancës janë:

1. Alban Toro
2. Alma Faskaj
3. Asim Vokshi
4. Denar Biba
5. Florjan Ballhysa
6. Genta Tafa
7. Irena Nino
8. Klodian Rado
9. Lulzim Hamitaj
10. Naureda Llagami
11. Nurihan Meta
12. Rezana Balla
13. Sinan Tafaj

Bazuar në nenin 7/ç, pika 1 të ligjit nr. 8577/2000 “Për organizimin dhe funksionimin e Gjykatës Kushtetuese”, të ndryshuar, lista e kandidatëve, si dhe dokumentacioni i paraqitur prej tyre i është dërguar Këshillit të Emërimeve në Drejtësi për vlerësimin e kushteve dhe kritereve të emërimit të gjyqtarit të Gjykatës Kushtetuese nga Gjykata e Lartë.

Lista me emrat e kandidatëve publikohet në faqen zyrtare të Gjykatës së Lartë, me qëllim që institucionet publike që kanë lidhje me sistemin e drejtësisë, organizata të shoqërisë civile me veprimtari në mbrojtjen e të drejtave të njeriut ose të krijuara për mbrojtjen e interesave të përdoruesve të sistemit të drejtësisë, të mund të paraqesin opinionet e tyre në lidhje me kandidaturat pranë Këshillit të Emërimeve në Drejtësi./abcnews.al