Ish-finalistja e Big Brother VIP Kosova 3, Xheneta Fetahu, ka reaguar publikisht pas një vale akuzash dhe keqinterpretimesh që qarkulluan në rrjetet sociale.

Shkak për këtë u bë një deklaratë e saj gjatë një transmetimi ‘live’, ku iu drejtua me një pyetje provokuese: “A po i përndjek meshkujt?”.

Xheneta u përgjigj duke thënë se nuk ndjek asnjë mashkull dhe bëri një krahasim që u interpretua gjerësisht.

“Unë nuk i përndjek meshkujt, mas pari unë nuk jam Bora Zemani, unë jam Xheneta Fetahu. Kurrë nuk i shkoj prapa një mashkulli, ose më mban para duarve dhe më vlerëson, ose hiq. Për mua, kallen”.

Pasi kjo deklaratë u shpërnda me shpejtësi, ajo u komentua si një ‘thumb’ ndaj moderatores nga Shqipëria.

Lexo po ashtu Të gjitha lajmet nga Xheneta Fetahu

Së fundmi përmes një postimi në InstaStory, Xheneta ka sqaruar se fjalët e saj janë nxjerrë nga konteksti dhe nuk kanë qenë të drejtuara për të ofenduar askënd.

“Nuk kam thumbuar askënd, nuk kam thënë asgjë ofenduese dhe nuk kam arsye ta bëj. Për komentet që më akuzuan se ‘po përndjek’ dikë, e kam thënë qartë se nuk e kam bërë kurrë dhe nuk e bëj. Pikë”.

 

View this post on Instagram

 

A post shared by Xheneta Fetahu (@xhennetafetahuu)

Ajo gjithashtu shprehu zhgënjimin e saj me disa media, të cilat sipas saj shtrembërojnë deklaratat vetëm për të krijuar tituj.

“E kuptoj që mediat duhet të shkruajnë për të mbushur faqet dhe për të ‘ngrënë bukë’, por jo deri aty sa të shpikin gjëra që nuk janë thënë. Nuk kam problem të jap mendime kur dua, madje i them drejtpërdrejt, por mos trilloni, aman. Nuk kam kohë të merrem me gjyqe e denoncime, por nuk do të rri duarkryq kur më atribuohen fjalë që s’i kam thënë”. /Telegrafi/

The post “Nuk jam Bora Zemani që të përndjek meshkujt” – Xheneta Fetahu sqaron deklaratën që bëri bujë të madhe appeared first on Telegrafi.

Ish-finalistja e “Big Brother VIP Kosova”, Xheneta Fetahu, vazhdon të mbajë të ndezur interesin e ndjekësve të saj, sidomos në platformën TikTok. Ajo ka reaguar me një deklaratë të fortë lidhur me pyetjet që i janë drejtuar për “përndjekjen e meshkujve”.

“Unë nuk i përndjek meshkujt, mas pari unë nuk jam Bora Zemani, unë jam Xheneta Fetahu, unë kurrë nuk i shkoj prapa një mashkulli, ose më mbanë para duarve dhe më vlerëson, ose hiqet, për mu kallen,” u shpreh Xheneta, duke shtuar se nuk ka interes për kërkesa të tilla.

Kjo deklaratë ka shkaktuar shumë reagime nga ndjekësit e saj, të cilët kanë shpërthyer me komente të ndryshme, disa mbështetëse dhe disa kritikues.

The post Çfarë ka mes tyre? Xheneta: Unë nuk jam Bora Zemani! appeared first on iconstyle.al.

Avokati dhe përfaqësuesi ligjor i Partisë Demokratike të Kosovës, Faton Fetahu ka reaguar sot pas aktgjykimit të Gjykatës Kushtetuese ku thuhet se deputetët e Kuvendit të Kosovës duhet të zgjedhin kreun e ri të organit ligjvënës përmes votimit të hapur dhe brenda 30 ditëve.

Fetahu në një postim në Facebook shkruan se zgjidhjen kushtetuese siç e ka paralajmëruar sot u bë realitet!

“Sot, Gjykata Kushtetuese e Republikës së Kosovës aprovoi kërkesën KO193/25, të parashtruar nga deputetët e Grupit Parlamentar të PDK-së, të cilën pata nderin ta hartoj dhe ta dorëzoj në cilësinë e përfaqësuesit të tyre të autorizuar. Ky vendim përfaqëson një kthesë vendimtare në zgjidhjen e njërës prej krizave më të thella kushtetuese dhe parlamentare në historinë e Republikës sonë”, shkruan ai.

Fetahu tutje shkruan ato që sipas tij, i vendosi Gjykata Kushtetuese:

Ta shpallë të pavlefshëm “Komisionin për Votim të Fshehtë”, të propozuar nga shumica parlamentare në seancën e 29 qershorit 2025, me arsyetimin se cenon rendin e ditës të seancës konstituive – i cili është i mbyllur, solemn dhe i pandryshueshëm;

Të konstatojë se ndërprerja e njëanshme e seancës nga Kryesuesi Avni Dehari përbën shkelje të Kushtetutës dhe të aktgjykimit KO124/25, dhe se veprimet e tij janë në papajtueshmëri me nenin 116 të Kushtetutës;

Të shpallë të pavlefshme të gjitha seancat e Kuvendit të mbajtura nga 27 qershori deri më 26 korrik 2025, për shkak të moszbatimit të aktgjykimit të mëhershëm dhe shkeljeve të rënda procedurale dhe kushtetuese;

Të urdhërojë Kryesuesin që të vazhdojë me pikën 3 të rendit të ditës të seancës konstituive, të miratuar më 8 prill 2025, duke i dhënë grupit më të madh parlamentar të drejtën për të propozuar kandidatin për Kryetar Kuvendi – e drejtë kjo që mund të realizohet vetëm deri në tre herë për të njëjtin kandidat;

Të urdhërojë të gjithë deputetët e zgjedhur që të jenë të pranishëm dhe të votojnë, duke garantuar kështu integritetin dhe përmbushjen e detyrimeve të tyre kushtetuese;

Të caktojë një afat 30-ditor për zgjedhjen e Kryetarit dhe nënkryetarëve të Kuvendit nga dita e hyrjes në fuqi të këtij aktgjykimi.

“Kam qenë thellësisht i bindur në këtë epilog që në fillim. Që në muajin shkurt 2025, në një analizë të shkruar, kam paralajmëruar rrezikun institucional që po formësohej dhe kam ofruar një zgjidhje kushtetuese të bazuar në jurisprudencën e Gjykatës (rasti KO103/14), në Rregulloren e Kuvendit dhe në frymën e Kushtetutës.

Sot, ajo zgjidhje u konfirmua dhe afirmua nga vetë Gjykata si rruga e vetme legjitime dhe kushtetuese”, shkruan tutje Fetahu.

Sipas tij, ky vendim është më shumë sesa një fitore juridike, është një rikthim në kushtetutshmëri, një mbrojtje e rendit parlamentar, dhe një dëshmi se besimi në Kushtetutë dhe drejtësinë kushtetuese është themeli i stabilitetit shtetëror.

“Me përulësi, e konsideroj këtë rast si një nga kontributet më të rëndësishme profesionale që kam dhënë në jetën institucionale të vendit, duke ndihmuar në zhbllokimin e Kuvendit dhe në rivendosjen e legjitimitetit demokratik në funksionimin e tij.

Kosova ka Kushtetutë. Ka rregull. Ka rend. Dhe ka rrugëdalje kur i mbesim besnikë frymës dhe vlerave të rendit kushtetues”, shkruan Fetahu. /Telegrafi/

The post Aktgjykimi i Gjykatës Kushtetuese, Fetahu nga PDK: Kosova ka Kushtetutë, rregull dhe rend appeared first on Telegrafi.

Ish-banorja e Big Brother VIP Kosova 3, Xheneta Fetahu, ka ndarë disa detaje të pathëna rreth marrëdhënies me Gjestin. Gjatë një lidhjeje live në TikTok, Xheneta tregoi se është ndeshur disa herë me Gjestin, si në ambientet e Top Channel, ashtu edhe në palestër. Ajo pranoi se ka ndryshuar orarin e stërvitjes, vetëm për të shmangur përballjet me të:

“Kur kuptova në çfarë ore ushtron, e ndryshova orarin. Nuk doja të përplaseshim.”

Ajo tregoi gjithashtu se, pavarësisht gjithçkaje, i ka shkruar për ditëlindje:

“Ia kam uruar ditëlindjen me mesazh. I urova suksese, por nuk më është përgjigjur. S’ka problem, kemi ngrënë bukë bashkë.”

Duke folur për takimet e rastësishme me Gjestin, Xheneta tha se ai ishte gjithmonë i shoqëruar dhe dukej në siklet në prani të saj:

“Kur më pa live, më shikonte sikur kishte frikë. I thashë: aman, s’do të të mbys, ka mbaruar Big Brother.”

The post “Ia kam uruar ditëlindjen…”/ Xheneta Fetahu flet për Gjestin: Ishte në siklet appeared first on iconstyle.al.

Xheneta Fetahu është rikthyer me një thumbim për këngëtaren Egi Tako, e cila gjatë një performance në Drenicë doli me flamurin kuqezi në qafë. Ajo duket se kritikon ata që përdorin simbolet kombëtare vetëm për imazh dhe famë, duke sugjeruar se vlera të tilla nuk duhet të përdoren për marketing personal. Sakaq nga Egli apo edhe Gjesti nuk ka reagime. ”Flamura n’qafë, njerëz me nevojë n’story…

Source

Xheneta Fetahu ka ndarë disa reagime të forta në Instastory, që kanë ngjallur menjëherë komente dhe interpretime nga ndjekësit.

Shumë prej tyre e kanë parë këtë si një “thumbim” për këngëtaren Egi Tako, e cila gjatë një performance në Drenicë kishte dalë me flamur në qafë.

Në story-t e saj, Xheneta shkruan:

“Flamura n’qafë, njerëz me nevojë n’story, e koncertet plot ‘dashni’ për famë. Kur i shkelin flamurin – heshtje. Kur dikush ka nevojë pa kamera – s’u gjeni kërkah. Cilin artist në Amerikë e sheh me flamur në dorë në çdo koncert? Asnjë. Sepse ata e kanë patriotizmin n’zemër, jo n’story. Ata bien n’sy me sukses, jo me folklor për klikime. Përdorni gjithçka veç talentin – edhe njerëzit, edhe kombin. Të paftyrë me internet”.

Ndërsa në një tjetër story shtoi:

“E di që ju djegin të vërtetat – jeni rrit me rrena dhe jeni mësu t’ju ledhatojnë me fjalë boshe. Unë s’jam këtu me ju rrejt, as me ju mbajt në ajër. Ma mbani story-t më shumë se jetën – për pak ju nxjerr një album ‘inspirimi t’djegshëm për mëngjes’. Për punën time mos u lodhni – projektet e mia s’presin aprovimin e frustrimeve tuaja. Tatuazhin e hodha një herë, jo në çdo bashkëpunim si certifikatë patriotizmi për klikime. Edhe njerëzit që ndihmoj s’i kam nxjerr kurrë në story, sepse s’jam aktor për ‘like’ si ca prej jush. Zgjoni veten – realiteti s’ka filter”.

Ky reagim ka ndezur diskutime në rrjet, me shumë fansa që e kanë lidhur mesazhin e këngëtares me paraqitjen e fundit të Egi Takos, ndërsa të tjerë e shohin si një thirrje të hapur kundër përdorimit të simboleve kombëtare për vëmendje dhe klikime.

Nga ana tjetër, Egli nuk ka bërë ndonjë koment të drejtpërdrejtë mbi Xhenetën. /Telegrafi/

The post “Flamura n’qafë për klikime, përdorni gjithçka veç talentin”, Xheneta thumbon Egli Takon? appeared first on Telegrafi.

Një reagim ka ardhur nga Xhenneta në rrjete sociale, ku duket se ka hedhur një kunjë të drejtpërdrejtë ndaj Egli Takos. Kjo e fundit u ngjit së fundmi në skenë me flamurin shqiptar mbi supe, gjatë një koncerti ku mesazhet patriotike dominuan performancën e saj.

“Flamura n’qafë, njerëz me nevojë n’story, e koncertet plot ‘dashni’ për famë. Kur i shkelin flamurin – heshtje. Kur dikush ka nevojë pa kamera – s’u gjeni kërkah,” shkruan Xheneta, duke lënë të kuptohet se e konsideron këtë gjest më shumë si një veprim për klikime sesa si shprehje e vërtetë patriotizmi.

Ajo vijon më tej duke krahasuar artistët shqiptarë me ata amerikanë: “Cilin artist në Amerikë e sheh me flamur në dorë në çdo koncert? Asnjë. Sepse ata e kanë patriotizmin n’zemer, jo n’story. Ata bien n’sy me sukses, jo me folklor për klikime.”

Në përfundim, ajo lëshon një kritikë të fortë:

“Përdorni gjithçka veç talentin – edhe njerëzit, edhe kombin. Të paftyrë me internet.”

The post Xheneta “thumbon” Eglin pas performancës me flamurin shqiptar: Përdorni gjithçka veç talentin appeared first on iconstyle.al.

Xheneta Fetahu ka ndezur rrjetin me një postim të fundit në Instagram Story, ku ka ndarë një unazë diamanti të vendosur në një kuti elegante dhe një certifikatë “True Love Agreement”.

Në certifikatë, e datuar më 1 korrik 2025, theksohet se ky unazë simbolizon një dashuri të vetme për gjithë jetën – një premtim që Darry Ring njihet për ta bërë të vlefshëm vetëm një herë në jetë për çdo person. Kjo ka bërë që ndjekësit të aludojnë se Xheneta është fejuar dhe se një martesë mund të jetë në horizont.

Në mbishkrimin e postimit, Xheneta shkruan:

“Çdo mëngjes po duket edhe më interesant lately…”

Megjithëse ajo nuk ka konfirmuar zyrtarisht një fejesë.

The post Xheneta Fetahu ngjall dyshime, a është rrugës drejt martesës? appeared first on iconstyle.al.

Bay T dhe Xheneta Fetahu, dy prej ish-banoreve më të komentuar të Big Brother VIP Kosova 3, janë parë së fundmi duke shijuar pushimet së bashku, duke konfirmuar kështu një afërsi që ka vazhduar edhe pas përfundimit të spektaklit.

Por ajo që ka tërhequr më shumë vëmendje nuk janë vetëm pushimet, por një video e postuar nga Xheneta në TikTok, e cila ka ndezur rrjetin.

Në prapavijë dëgjohet kënga më e re e Bay T, por interpretimi i videos dhe mënyra se si është realizuar, duket se synon më shumë sesa thjesht promovimin e një projekti muzikor.

Në video, Bay T e shoqëron tekstin e këngës me një ‘emoji’ telefoni, që nga ndjekësit është interpretuar si një rikrijim i telefonatave të vonshme të Drilonit ndaj Xhenetës. Këto detaje i kanë bërë ndjekësit të mendojnë se videoja është një “thumb” ndaj Drilonit.

Por kunjat nuk mbarojnë këtu.

Në një moment tjetër të videos, shkruhet “Mehmettt Gel Canim” dhe një fjongo rozë, që nënkupton se në mënyrë indirekte ka të bëjë me Gjestin

Videoja është komentuar gjerësisht në rrjetet sociale, ku fansat kanë ndarë mendimet e tyre në lidhje me veprimet e ish-banoreve. /Telegrafi/

@xhennetafetahuu @Bayt_official #make #up #update #fentybeauty #dior #glowup #big #bigbillionstar ♬ original sound – Bayt_official

The post Xheneta Fetahu dhe Bay T ‘tallen’ me Gjestin e Drilonin? appeared first on Telegrafi.

Modelja dhe ish-banorja e Big Brother VIP Kosova 3, Xheneta Fetahu, ka rikthyer vëmendjen e mediave rozë pas publikimit të disa fotografive mahnitëse në rrjetet sociale.

Ajo ka ndarë me ndjekësit disa imazhe të realizuara gjatë pushimeve të saj në jug të Shqipërisë, ku shfaqet me bikini, në një atmosferë verore dhe relaksuese pranë bregdetit.

E njohur për stilin e saj të guximshëm dhe praninë e fuqishme në rrjete sociale, Xheneta ka pozuar me vetëbesim dhe elegancë, duke theksuar linjat e saj trupore dhe sharmin natyral.

Lokacionet ku janë realizuar fotografitë, plazhe të mrekullueshme të jugut shqiptar, i kanë dhënë një tjetër dimension estetik postimeve të saj, të cilat janë pritur me shumë komente pozitive nga fansat.

Postimi i saj ka marrë mijëra pëlqime në një kohë të shkurtër, ndërsa ndjekësit nuk kanë kursyer komplimentet për pamjen.

Lexo po ashtu Të gjitha lajmet nga Bukuroshet Shqiptare

Që nga përfundimi i edicionit të tretë të Big Brother VIP Kosova, Xheneta ka qenë aktive në rrjetet sociale dhe në disa projekte të lidhura me modën dhe stilin e jetesës.

Ajo vazhdon të ndërtojë profilin e saj si influencuese, modele dhe figurë publike, duke u shfaqur shpesh në evente të ndryshme dhe promovime. /Telegrafi/

 

View this post on Instagram

 

A post shared by Xheneta Fetahu (@xhennetafetahuu)

The post Xheneta Fetahu provokon me fotografitë në bikini nga pushimet në jug të Shqipërisë appeared first on Telegrafi.

Lajme të papritura vijnë nga finalistja e BBVK3, Xheneta Fetahu. Me shumë gjasë, ajo është fejuar!

Kjo lihet të kuptohet nga postimi i fundit në të cilin ajo ka zbuluar unazën që duket tipike e fejesës. Pas këtij postimi, fansat e saj janë të emocionuar dhe spekulimet kanë filluar të rriten lidhur me jetën e saj personale.

Për të mos mjaftuar ky detaj, Xheneta, videos në rrjetin social Snapchat ia ka shtuar edhe këngën “All of me” të John Legend, tipikja për çifte. Kjo zgjedhje muzikore është një dëshmi e qartë se ajo ka një mesazh të veçantë për dikë, dhe ndjekësit nuk mund të presin të dinë më shumë rreth këtij zhvillimi.

Me këto zhvillime, është e qartë se dashuria është në ajër, dhe shumë prej nesh mund të ndihen të emocionuar për të. Ndonëse rrethana personale të Xhenetës janë në qendër të vëmendjes, ato na japin mendime dhe shpresë për romancat tona.

The post Po fejohet? Xheneta Fetahu ndan lajmin e befasishëm me ndjekësit appeared first on Albeu.com.

Ish-banorja e Big Brother VIP Kosova 3, Lela Seferi, ka festuar 25-vjetorin e lindjes me një mbrëmje të organizuar me shumë stil dhe elegancë.

Festa u mbajt ditën e mërkurë në një ambient luksoz në qytetin e Ferizajt, ku gjithçka ishte e kuruar deri në detaj për të reflektuar personalitetin e saj vibrant dhe pozitiv.

Në këtë ditë të veçantë, përkrah Lelës nuk munguan as disa nga ish-banorët e Big Brother VIP Kosova 3, me të cilët ajo ka ruajtur marrëdhënie të mira edhe pas daljes nga formati.

 

View this post on Instagram

 

A post shared by Norik Uka (@norikuka)

Përveç Leonardo Gashit, Xheneta Fetahu, Anisa Veseli, Diana Tahiri dhe Drenusha Latifi ishin ndër të pranishmit që i shtuan më shumë jetë atmosferës festive.

Të gjithë u panë duke u argëtuar së bashku nën ritmet e muzikës, duke vallëzuar dhe duke ndarë momente të ngrohta, që u dokumentuan edhe nëpërmjet postimeve në rrjete sociale.

Pamjet treguan një festë plot energji, ku shfaqeshin miqësi të sinqerta dhe një atmosferë e çiltër gëzimi.

Lela u shfaq me një pamje mahnitëse, duke e bërë edhe më të veçantë këtë përvjetor të rëndësishëm për të.

 

View this post on Instagram

 

A post shared by SELLMA KASUMOVIQ (@sellmakasumoviq)

Festa e saj për këtë 25 vjetor ishte pa dyshim një nga eventet më të bukura dhe të përfolura të momentit në rrethin e personazheve të njohur. /Telegrafi/

The post Lela Seferi festoi 25-vjetorin në një ambient të mahnitshëm, të pranishëm edhe ish-banorë të Big Brother VIP Kosova 3 appeared first on Telegrafi.

Rasti i 12-vjeçares në Shqipëri, e cila dyshohet që u përdhunua nga babai i saj ka tronditur opinionin publik me të shumta reagime edhe nga fytyrat publike.

Një reagim për rastin tronditës e ka bërë edhe ish-banorja e Big Brother VIP Kosova, Xheneta Fetahu.

Ajo përmes një postimi në ‘instastory’ është shprehur e indinjuar me ndodhinë.

“Ky nuk është baba, ky është një monstrum me fytyrë njeriu! Me përdhunu vajzën e vetë 12-vjeçare dhe me pas fytyrën me thanë ‘vetëm një herë’, se paska mendu që mundet me bo edhe ma shumë. Çfarë turpi, çfarë krimi, çfarë shoqërie të kalbun që ende u jep mundësinë krejt plehrave me u quajt prind”, ka shkruar Xheneta në postimin e saj.

Ish-banorja e BBVK-së gjithashtu ka kërkuar një përgjigje se pse heshtet për këto ndodhi.

Rasti i 12-vjeçares në Fier tronditi të gjithë opinionin publik.

Lexo po ashtu Luiz Ejlli: Po të isha kryeministër, babait që abuzoi vajzën do t’ia lidhja vetë litarin

Babai i saj 36-vjeçar, gjatë seancës së sotme, nuk ka folur por ka tundur kokën në shenjë pohimi kur u pyet për akuzat.

Sipas ekspertizës mjeko-ligjore, abuzimi ndaj të miturës është kryer disa herë, çka përforcon akuzat ndaj të dyshuarit.

Gjykata e Fierit i ka shqiptuar masën e sigurisë “arrest me burg”. /Telegrafi/

The post Xheneta për rastin e 12-vjeçares në Fier: Ky nuk është baba, ky është një monstrum me fytyrë njeriu appeared first on Telegrafi.

Gjykata e Apelit të Posaçëm ka lënë në fuqi masën e sigurisë “arrest me burg” për ish-gjyqtaren e Elbasanit, Pajtime Fetahu, duke rrëzuar kërkesën e saj për lirimin nga qelia.

Seanca u zhvillua të mërkurën nën drejtimin e gjyqtarit Dhimitër Lara, i cili hodhi poshtë pretendimin e Fetahut se kishin përfunduar afatet ligjore të paraburgimit. Ish-gjyqtarja akuzohet nga SPAK se ka marrë para në këmbim të lehtësimit të pozitave penale të anëtarëve të grupit kriminal të Suel Çelës në Elbasan.

Roli i saj në këtë skemë korruptive është zbuluar pas zbardhjes së komunikimeve në aplikacionin e koduar SKY ECC, të siguruara nga hetimet e Prokurorisë së Posaçme.

Vetëm pak ditë më parë, edhe Gjykata e Lartë rrëzoi rekursin e Fetahut, duke e lënë pa ndryshim vendimin për qëndrimin e saj në burg. Ndërkohë, më 28 maj, gjykata e posaçme rrëzoi një tjetër kërkesë të saj për zëvendësimin e masës së sigurisë, pasi Fetahu kishte pretenduar se ishte e sëmurë.

Aktualisht, ish-gjyqtarja ndodhet në Burgun e Grave në Pogradec, në pritje të përfundimit të hetimeve dhe nisjes së procesit gjyqësor ndaj saj.

LEXONI GJITHASHTU:

• Lihet në burg ish-gjyqtarja Fetahu, shpërthen në lot në seancë. Çfarë deklaroi
• E arrestuar për lidhje me bandat, ish-gjyqtarja kërkon lirimin: Jam sëmurë

The post Kërkoi lirimin nga qelia, Apeli i GJKKO merr vendimin për Pajtime Fetahun appeared first on Euronews Albania.

Gjykata e Posaçme e Apelit ka lënë në fuqi masën e arrestit me burg për ish-gjyqtaren e Elbasanit, Pajtime Fetahu, e akuzuar për lidhje me bandën e Suel Çelës.

Trupi gjykues ka rrëzuar ankimimin e ish-magjesitrates, duke lënë pas hekurave Pajtime Fetahun.

“Rrëzimin e ankimit/kërkesës së të hetuarës znj. P.F., mbi kohëzgjatjen e paraburgimit”, thuhet në vendim.

Ish-magjistratja akuzohet për lidhje me bandën e Suel Çelës. Sipas SPAK, banda e Suel Çelës kishte arritur të korruptonte funksionarë të policisë së shtetit (Dedan Gjoni) dhe të sistemit gjyqësor (Pajtime Fetahu) të cilët duke shfrytëzuar pozicionin e tyre zyrtar e ndihmonin organizatën me informacione, duke ofruar gjithashtu lehtësira dhe ndikime në sistemin gjyqësor në këmbim të favoreve dhe përfitimeve materiale.

Organizata kriminale kishte aftësi që të ndikonte dhe të korruptonte përfaqësues të sistemit të drejtësisë me qëllim që këta të fundit të lehtësonin pozitën e drejtuesit Suel Çelës dhe anëtarëve të tjerë të organizatës në proceset penale në ngarkim të tyre.

Për t’u theksuar është aftësia e organizatës që të ndikojë tek trupa gjyqësore me qëllim që të rëndohej pozita apo masa e dënimit që do te jepej në ngarkim të anëtarëve të grupit kriminal që konsideroheshin si kundërshtarë të tyre.

The post E lidhur me bandën e Suel Çelës, ish-gjyqtarja Pajtime Fetahu lihet në burg appeared first on Lapsi.al.

Gjykata e Posaçme e Apelit, ka lënë në fuqi masën e arrestit me burg për ish-gjyqtaren e Elbasanit, Pajtime Fetahu, e akuzuar për lidhje me bandën e Suel Çelës.

Trupi gjykues ka rrëzuar ankimimin e ish-magjesitrates, duke lënë pas hekurave Pajtime Fetahun.

“Rrëzimin e ankimit/kërkesës së të hetuarës znj. Pajtime Fetahu, mbi kohëzgjatjen e paraburgimit”, thuhet në vendim.

Vendimi:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Dhimitër Lara, sot më 02.07.2025, shpalli vendimin mbi çështjen penale nr. 160 akti, datë 23.06.2025 regjistrimi, mbi ankimin e personit nën hetim P.F., me objekt: “Ankim kundër vendimit nr. 355, datë 28.05.2025, të Gjykatës së Posaçme të Shkallës së Parë për Korrupsionin dhe Krimin e Organizuar, me objekt:

Deklarimin e humbjes së fuqisë së paraburgimit (shuarjen e masës së sigurimit) “Arrest në burg”, të parashikuar nga neni 238 i Kodit të Procedurës Penale, caktuar me vendimin nr. 138, datë 22.11.2024 dhe të konfirmuar me vendimin nr. 146, datë 27.11.2024, të Gjykatës së Posaçme të Shkallës së Parë për Korrupsionin dhe Krimin e Organizuar”, dhe vendosi:

Shfuqizimin e urdhrit/vendimit nr. 355, datë 28.05.2025 të Gjykatës së Posaçme të Shkallës së Parë për Korrupsionin dhe Krimin e Organizuar.
Rrëzimin e ankimit/kërkesës së të hetuarës znj. P.F., mbi kohëzgjatjen e paraburgimit.

Ish-magjistratja akuzohet për lidhje me bandën e Suel Çelës. Sipas SPAK, banda e Suel Çelës kishte arritur të korruptonte funksionarë të policisë së shtetit (Dedan Gjoni) dhe të sistemit gjyqësor (Pajtime Fetahu) të cilët duke shfrytëzuar pozicionin e tyre zyrtar e ndihmonin organizatën me informacione, duke ofruar gjithashtu lehtësira dhe ndikime në sistemin gjyqësor në këmbim të favoreve dhe përfitimeve materiale.

Organizata kriminale kishte aftësi që të ndikonte dhe të korruptonte përfaqësues të sistemit të drejtësisë me qëllim që këta të fundit të lehtësonin pozitën e drejtuesit Suel Çelës dhe anëtarëve të tjerë të organizatës në proceset penale në ngarkim të tyre.

Për t’u theksuar është aftësia e organizatës që të ndikojë tek trupa gjyqësore me qëllim që të rëndohej pozita apo masa e dënimit që do te jepej në ngarkim të anëtarëve të grupit kriminal që konsideroheshin si kundërshtarë të tyre.

The post Kishte lidhje me bandën e Suel Çelës, Apeli i GJKKO-së, lë në burg ish-gjyqtaren Pajtime Fetahu appeared first on Albeu.com.

Source

Gjykata e Lartë, ka rrëzuar rekursin e ish-gjyqtares së Elbasanit, Pajtime Fetahu, e cila kërkonte zbutjen e masës së sigurisë “arrest me burg”.

Fetahu kundërshtonte vendimet e GJKKO-së dhe Apelit, të cilat e kanë lënë në qeli edhe pas pretendimeve të saja se ka problemne shëndetësore dhe i rrezikohej jeta.

Gjithsesi, në burg është lënë edhe nga Gjykata e Lartë, duke i rrëzuar rekursin.

Fetahu mbahet në qelinë e paraburgimit që prej muajit nëntor të vitit 2024, në kuadër të një urdhër-arresti që u lëshua nga SPAK, ku u godit banda e e Suel Çelës në Elbasan.

Ajo dyshohet se ka dhënë vendime apo ka qenë në rolin e sekseres në disa vendime gjykate, ku janë favorizuar anëtarët e bandës së Suel Çela, teksa dyshohet se ka porositur edhe vrasjen e gazetarit Saimir Kodra.

Emri i ish-gjyqtares Pajtime Fetahu, doli dhe në dosjen “Plumbi i Artë 2”, ku u godit banda e dy vëllezërve Franc dhe Hajdar Çopja, ku dyshohet se u ka dhënë informacione sekrete, teksa në atë dosje iu caktua “Arrest në shtëpi”.

Kujtojmë që, Pajtime Fetahu, dha dorëheqjen nga sistemi i drejtësisë më 16 nëntor 2022, pak ditë përpara se të përballej me procesin e vettingut.

The post Gjykata e Lartë rrëzon rekursin e ish-gjyqtares, Pajtime Fetahu mbetet në burg appeared first on Albeu.com.

Raporti i dikurshëm mes dy ish-banoreve të Big Brother VIP Kosova, Xheneta Fetahu dhe Kader Kicaj, duket se ka marrë fund përfundimisht.

Pas një tensioni të ndezur në studion e “E Diell” javën e kaluar, ku Xheneta përmendi ish-partnerin e Kaderit, Lumbardh Salihun, kjo e fundit reagoi e prekur dhe braktisi emisionin në mes.

Situata është përshkallëzuar edhe më shumë këtë të diel, kur modelja nga Prizreni deklaroi publikisht se është kërcënuar nga partneri aktual i Xhenetës.

“Ka qenë javën e kaluar me mysafiren në fjalë, dhe më ka marrë i dashuri i saj e nuk e di se çfarë e ka, më ka marrë i dashuri i saj në telefon dhe më ka kërcënuar”, u shpreh Kaderi në program.

E revoltuar, ajo shtoi më tej:

“Janë shumë të ulëta gocat që bëjnë këto gjëra”.

Tashmë, të dyja vajzat nuk ndiqen më në Instagram, një sinjal i qartë se marrëdhënia e tyre është zbehur krejtësisht.

The post Sherri mes Xhenetës dhe Kaderit thellohet: Më kërcënoi i dashuri i saj në telefon appeared first on iconstyle.al.

Ish-banorja e Big Brother VIP Kosova 3, Xheneta Fetahu, ka ndarë me ndjekësit një rrëfim të ndjerë për gjendjen e saj emocionale pas daljes nga shtëpia më e ndjekur në vend.

Në një video të postuar në TikTok, modelja tregoi se përjetoi një periudhë të rënduar psikologjike, e shoqëruar me ankth dhe sulme paniku.

“Kur dola nga Big Brother, kam qenë shumë keq. Kam qarë natë për natë, nuk guxoja të rrija vetë. Gjithë ditën më kapte ankthi vazhdimisht,” u shpreh ajo, duke ndarë për herë të parë anën e saj më të brishtë.

Sipas saj, izolimi i gjatë dhe përballja e menjëhershme me vëmendjen e madhe publike pas spektaklit ndikuan në mënyrë të drejtpërdrejtë në shëndetin e saj mendor.

Megjithatë, Xheneta theksoi se situata ka nisur të përmirësohet dhe ajo po përpiqet të rikthehet në normalitet. “Tani jam pak më mirë. Kam filluar të marrë veten pak më shumë,” shtoi ajo.

The post Xheneta Fetahu flet për periudhën e vështirë pas Big Brother: Kam qenë shumë keq, qaja çdo natë appeared first on iconstyle.al.