Nënkryetari i BDI-së, Arbër Ademi, i pyetur nëse e di se ku është ish- zv. kryeministri Artan Grubi, është përgjigjur “Nuk e di, nuk e kam idenë”.

Ademi në një intervistë për “360 gradë” është përgjigjur gjithashtu se nuk e di nëse Grubi do të kthehet në vend.

“Mendoj se të gjithë duhet të përballen me drejtësinë. Mendoj se ka pasur një ndjekje politike dhe arrestimi i tij është shpallur shumë muaj më parë. Edhe para formimit të Qeverisë. Ju keni deklaratat publike të politikanëve se kur të vijmë në pushtet do ta arrestojmë etj.”, është përgjigjur Ademi i pyetur nëse duhet të kthehet në shtetin e Grubit.

I pyetur nëse e konsideron si ngacmim edhe futjen në listën e zezë të Artan Grubit nga Shtetet e Bashkuara të Amerikës (SHBA), Ademi u përgjigj se është tjetër çështje.

“Ne e respektojmë këtë si BDI. Ata janë partnerët tanë strategjikë. Por a ka persona të tjerë në listën e zezë? Ka. A janë në burg? Nuk janë. Kaq mjafton”, tha Ademi .

The post Ademi: Nuk e kam idenë se ku është Artan Grubi appeared first on Telegrafi.

Zëvendëskryeministri i parë, Izet Mexhiti, në emisionin “Dialog te Lajmi” deklaroi se paraardhësi i tij Artan Grubi, i cili është në arrati është në kontakt të vazhdueshëm me liderin e BDI-së, Ali Ahmeti.

Sipas tij, kjo vërehet nga mënyra se si funksionojnë partia dhe mediat e afërta me të.

“Flitet se është në Shqipëri. Mendoj se është në kontakt të vazhdueshëm me liderin dhe kryesinë e BDI-së. E shoh, ende gjithçka është nën ndikimin e tij. Kjo shihet edhe në media, në portale dhe në komunikatat. Ai është larguar, por pasojat e tij janë të dukshme dhe të pariparueshme”, tha Mexhiti.

The post Mexhiti: Grubi është në kontakt të vazhdueshëm me Ahmetin appeared first on Telegrafi.

Prokuroria vepron ndaj çështjes së gjykatësit Enver Bexheti dhe ish zv. kryeministrit të arratisur Artan Grubi, pasi që të dy u përfshinë në listën e zezë amerikane për shkak të dyshimeve për korrupsion.

Megjithatë, prokuroria nuk po jep detaje për atë që është zbuluar deri më tani nga organet vendore hetimore.

“Në këtë rast veprohet sipas informacioneve të marra dhe po ndërmerren më shumë veprime për verifikimin e të gjitha rrethanave, por duke pasur parasysh fazën në të cilën ndodhet procedura, nuk mund të ndajmë më shumë detaje”, thonë nga Prokuroria.

Për kryetarin e Shoqatës së gjykatësve Ivan Xholev, është e qartë se çdo gjykatës i përfshirë në skandal korruptiv duhet të mbajë përgjegjësi, por thotë se nuk ka detaje të mjaftueshme për këtë rast konkret.

“Nuk kam informacione të mjaftueshme për momentin për të dhënë përgjigje të saktë, jam dakord që kushdo që ka bërë gabim, që është kapur në ndonjë lloj korrupsioni apo veprim të kundërligjshëm, duhet të sanksionohet, por në këtë moment, unë nuk kam informacione të mjaftueshme për rastin”, tha Igor Xholev, kryetar i Shoqatës së gjykatësve.

Artan Grubi dhe gjykatësi Enver Bexheti përfunduan në listën e zezë amerikane për shkak të dyshimeve për përfshirje në korrupsion të konsiderueshëm duke pranuar ryshfet për të prishur procedurat gjyqësore në lidhje me ish-kreun e DSK-së, Sasho Mijallkov. Ambasadorja amerikane në vend tha se SHBA-të posedojnë prova për aktivitetet e tyre korruptive dhe pas kësaj prokuroria vendase ka hapur rast, por deri më tani nuk ka epilog nga ky hetim.

Në vitin 2023 ishte temë në Këshillin gjyqësor edhe gjykatësi Enver Bexheti dhe më pas anëtarët e këshillit konstatuan se çështjen “Target-Fortesa” me përgjimin masiv Bexheti e kishte mbajtur në sirtar kohë të gjatë, e cila më pas u vjetrua dhe në të cilën Mijallkov ishte i dyshuari kryesor.

Mirëpo, përkundër lëshimit të konstatuar, Bexheti është dënuar vetëm me gjobë. Kryetari i ri i Këshillit gjyqësor, Aleksandar Kambovski, tani ka thënë se nuk i lejohet të zbulojë nëse është nisur sërish iniciativë për t’i kërkuar llogari Bexhetit pasi ai përfundoi në listën e zezë për dyshimet për korrupsion që e kanë lidhur sërish me Sasho Mijallkovin./Alsat/

The post PTHP ndërmerr masa ndaj Grubit dhe Bexhetit, nuk jep detaje nga procedura appeared first on Telegrafi.

Aktualisht po mblidhen më shumë prova nëse polici i cili ishte në detyrë kur ish-zv. kryeministri Artan Grubi u largua nga vendi ka bërë një gabim të pakujdesshëm apo nëse është organizuar në kuadër të një grupi të caktuar që ka organizuar arratisjen, thotë ministri i brendshëm Pançe Toshkovski.

“Për këtë është hapur hetim dhe po vepron Prokuroria Themelore Publike dhe në kuadër të asaj që kemi si prova të pakundërshtueshme ndaj personit kemi bërë kallëzim penal dhe është pezulluar nga puna. Aktualisht po hetohet nëse ka pasur komunikim dhe çfarë komunikimi ka qenë ai”, theksoi Toshkovski për “TV24”.

Ai po ashtu theksoi theksuar se për të parandaluar pikërisht këtë skenar janë bërë përgatitje më serioze dhe janë angazhuar të gjitha resurset.

Sipas tij, në kufi ka pasur shërbime të tjera shtesë që është dashur të reagojnë nëse ka arratisje, por, siç ka theksuar ai, nuk kanë reaguar pasi ka qenë një operacion sekret.

Toshkovski theksoi se fakti që Artan Grubi nuk shpreh iniciativë për t’u kthyer në vend është tregues i mjaftueshëm nëse ai është fajtor apo jo./Telegrafi/

The post Toshkovski: Po mblidhen prova shtesë, nëse arratisja e Grubit ishte e organizuar appeared first on Telegrafi.

Kryetari i BDI-së, Ali Ahmeti ka folur për ish-zëvendëskryeministri në RMV, Artan Grubi i cili gjendet në arrati pasi që është shpallur “non grata” nga Departamenti Amerikan i Shtetit.
Në një prononcim për media, Ahmeti ka deklaruar se vendndodhja e Grubit është në hapësirat shqiptare dhe se shumë shpejtë do të paraqitet tek organet e drejtësisë. Por, për tu paraqitur tek organet e drejtësisë, Aliu ka thënë se drejtësia nuk duhet të jetë hakmarrëse dhe selektive.

“Ne jemi kundër drejtësisë selektive dhe përdorjes së fyerjeve e shpifjeve me qëllime politike ditore, jemi të gatshëm të përgjigjemi në çdo moment”, ka shtuar Ahmeti.

“Artan Grubi nuk e kam takuar është mirë vendndodhja e tij sigurisht është në hapësirat shqiptare, është një proces që duhet të marrë epilog. Nuk është arratisur nga Maqedonia ai është i gatshëm të paraqitet tek organet e drejtësisë të respektojë ligjet por jo në drejtësi hakmarrëse dhe selektive.

Ne jemi kundër drejtësisë selektive dhe përdorjes së fyerjeve e shpifjeve me qëllime politike ditore, jemi të gatshëm të përgjigjemi në çdo moment dhe kemi kërkuar që të bëhet në vend Vetingu dhe të hapet të gjitha partitë politike, të hapet hetim e të gjithë funksionarëve deri më sot. Deri në pikën e fundit do të punojmë dhe të luftojmë, urdhëroni dhe hapni hetim për të gjithë. Ai nuk ka ik ai do të përgjigjet organeve drejtësisë por me një dakordësi që drejtësia nuk do të keqpërdoret për qëllime politike”, ka thënë kreu i BDI-së.

The post Artan Grubi i shpallur “non grata”, Ahmeti apelon për drejtësi të ndershme: Nuk është arratisur, është në… appeared first on Sot News | Lajme.

Kryeprokurori shtetëror Ljupço Kocevski, thotë se nuk e di se ku ndodhet ish zëvendëskryeministri i parë, Artan Grubi.

Ai sqaroi se Grubi ndodhej në “stop listë” disa ditë përpara se të arratisej.

“Në këtë moment, Prokuroria Publike nuk ka informacione për vendndodhjen e të dyshuarit Artan Grubi. Megjithatë, lidhur me arratisjen, mund të them se Prokuroria kishte vendosur një masë “Ndalimi” për të gjitha organet doganore, që do të thotë se kjo masë ishte vendosur disa ditë përpara se ai të largohej nga shteti”, tha Kocevski.

Kocevski tha se “informatori” që dyshohet se nxori informacionet mbi hetimin për rastin e Lotarisë Shtetërore dhe mundësoi largimin e të dyshuarit Artan Grubi dhe Përparim Bajrami, nuk është nga Prokuroria.

“Aksioni u zbulua në fazën përfundimtare, pra një ose dy ditë përpara se të ndërmerrej zyrtarisht. Pikërisht për këtë rrethanë, Prokuroria Publike po heton tani për të zbuluar kush është ‘informatori’ që zbuloi aksionin. Në këtë drejtim, unë si prokuror shtetëror mund t’ju garantoj se nga ana e Prokurorisë Publike nuk rrjedhin asnjë informacion në lidhje me ato hetime paraprake. Masat e ndjekjes ishin aktive për muaj me radhë dhe asnjë prej tyre nuk u zbulua”, tha Kocevski.

Kocevski tha se shumë lëndë tashmë kanë filluar të punohen nga Prokuroria, ndaj nuk pret shkarkimin e tij pas kritikave nga kryeministri Hristijan Mickoski, pasi i njejti pati ankesa për funksionimin e sistemit të gjyqësisë.

The post Kocevski: Nuk e di se ku ndodhet Grubi, ai ka pasur masë ndalimi në momentin kur është larguar nga vendi appeared first on Telegrafi.

“Tentativat e OBRM-PDUKM-së që fajin për arratisjen e Artan Grubit ia bart LSDM-së janë të kota. Faktet janë të qarta: Toshkovski e ka lejuar Grubin të arratiset dhe i njëjti Toshkovski tash e 20 ditë nuk e di ku është Gubi”, thonë nga LSDM.

“Duke qenë se kamerat “rastësisht” nuk kanë punuar, policët “rastësisht” nuk kanë ditur se kë duhet të kontrollojnë dhe “rastësisht” kufitari, përndryshe stafi i Toshkovskit ka bërë “gabim” sepse është “eksituar” nga Grubi.

Nga LSDM thonë se OBRM-PDUKM-ja është kot tani, pasi e ka lanë Grubin të ikë dhe e gjithë përgjegjësia është e qeverisë.

“Kufiri me Kosovën, pasi u bë kanal për arratisjen e kriminelëve. Blerim Ramadani shpëtoi, Gashi po ecte i sigurt, ndërsa tani Grubi është zhdukur në mënyrë misterioze. Publiku ka të drejtë të dijë se cila është marrëveshja politike dhe cili është çmimi i këtij skandali”, thuhet në njoftimin e LSDM-së.

The post LSDM: Toshkovski lejoi arratisjen e Grubit dhe tashmë 20 ditë nuk e dimë se ku ndodhet appeared first on Telegrafi.

“Nuk ka fund krimi i BDI-së dhe Artan Grubit. Grubi dhe shoku i tij Perparim Bajrami krijuan një skemë kriminale në Lotarinë Shtetërore, nga e cilat përfituan miliona. Është e pamundur që LSDM nuk ka ditur asgjë”, thuhet në një komunikatë të OBRM-PDUKM-së.

“Artan Grubi dhe Perparim Bajrami kanë vjedhur sistematikisht nga shorti dhe ky lloj krimi është dokumentuar dhe hetuar nga institucionet kompetente. Brenda pak muajsh nga marrja e pushtetit nga OBRM-PDUKM, rasti i Lotarisë Shtetërore u dokumentua dhe filluan procedurat hetimore dhe kallëzimet penale.

Krimi në Lotaria po përhapet dhe Grubi dhe shoku i tij Përparimi kanë keqpërdorur shumë më tepër se 8 milionë euro. Në Lotarinë Shtetërore janë rënë dakord tenderët për blerjen e televizorëve, printerëve, pajisjeve kompjuterike dhe komunikuese me vlerë mbi 400 mijë euro.

Por krimi në këto procedura tenderimi për prokurimin e televizorëve dhe pajisjeve kompjuterike qëndron në faktin se, edhe pse për to është firmosur një faturë, pas kontrolleve dhe inventarizimit të kryer nuk janë gjetur.

Është e pamundur që LSDM të mos ketë ditur për një krim të tillë, i cili kishte përmasa epidemike dhe mund të dokumentohej, hetohej dhe ndiqej penalisht vetëm gjashtë muaj pas ndërrimit të qeverisë.

LSDM duhet ta ketë ditur për këtë lloj krimi në Lotaria, por e lanë Grubin dhe BDI-në të vjedhin nga institucionet maqedonase, që të qëndrojnë sa më gjatë në pushtet dhe në kolltuqe të rehatshme.

Dhe tani, kur të dalin në sipërfaqe të gjitha krimet e Grubit, veçanërisht në Lotaria, të cilat LSDM-ja i dinte, nuk do ta dënojnë, distancojnë dhe thërrasin të kthehet në Maqedoni dhe të përballet me drejtësinë”, thuhet në deklaratën e OBRM-PDUKM-së.

The post OBRM-PDUKM: E pamundur që LSDM të mos ketë qenë në dijeni për keqpërdorimet në Lotarinë Shtetërore appeared first on Telegrafi.

Ministri i Punëve të Brendshme të Maeqdonisë, Pançe Toshkovski foli për largimin e ish-zëvendëskryeministrit Artan Grubi nga Maqedonia e Veriut.

Toshkovski tha se polici kufitar bëri “gabim kardinal”, ndërkaq tha se i njëjti është shqetësuar apo emocionuar nga përmasat e figurës politike që po largohej nga Maqedonia, por edhe nga vetura luksoze me të cilën po transportohej i njëjti. Ministri premtoi se do të hetojë nëse rasti ka qenë i organizuar, apo koincidencë.

“Personin që po e përmendni, është fakt që është i pakapshëm për organet e ndjekjes. Të dielën, në orët e hershme të mëngjesit, personi i përmendur e ka lëshuar Maqedoninë me veturë me targa diplomatike, ai ishte pasagjer, ishte ulur përpara, me personin që voziste.

Punonjësi i policisë kufitare bëri një gabim kardinal, në vend që të deklarojë se është në listën e ndalimit, i njëjti, i shqetësuar apo i emocionuar nga përmasat politike të personit që largohet nga Maqedonia apo nga luksi i automjetit, pa respektuar procedurën standarde, dhe pa konstatuar se ky ishte në listën e ndalesave, e la të kalojë pa pengesa.

Kur polici e konstatoi se për personin ka listë ndalimi, personi tashmë ndodhej në Kosovë. Kjo u vërtetua nga një video incizim nga kamerat që regjistronin 24 orë në kufi”, tha mes tjerash Toshkovski.

The post Shkupi: Grubin do ta kthejmë në Maqedoni, do të gjejmë mënyra! appeared first on Sot News | Lajme.

Kryeministri Hristijan Mickoski deklaroi se krimi në Lotarinë Shtetërore në të cilin të dyshuar janë ish drejtori Përparim Bajrami dhe ish zëvendëskryeministri Artan Grubi është shumë më i madh se 8 milionë euro. Mickoski, nuk dëshiroi të përgjigjet në lidhje me zërat në opinion se paratë e krimit janë investuar në kriptovaluta.

Për investimin eventual në kriptovaluta, edhe ministri i Punëve të Brendshme, Pançe Toshkovski, në intervistën për Alsat, shmangu përgjigjen. Ai tha se hetohen të gjitha modalitetet e krimit, dhe për këtë janë të përfshira institucione duke filluar nga Policia Financiare, Inteligjenca Financiare, Dogana, DAP dhe MPB.

“Shumë indikacione serioze, shumë prova, po mblidhen numër i madh i provave, kështu që ky rast me të vërtetë do të jetë një prej rasteve më interesante nga aspekti i krimit nga jakat e bardha që i kemi pasur në historinë e Maqedonisë, lidhur me personin juridik në fjalë”, tha Pançe Toshkovski, ministër i Punëve të Brendshme.

Toshkovski, konfirmoi se ekzistojnë informata se me paratë e krimit, dyshohet se janë blerë prona brenda dhe jashtë Maqedonisë së Veriut.

“Po ka informata se me mjetet financiare të përfituara në mënyrë të paligjshme janë blerë shumë prona në shumë lokacione, jo vetëm në Maqedoni.

Toshkovski, ndau detaje edhe për arratisjen e Grubit nga kufiri me veturë diplomatike. Sipas tij, polici kufitar ka bërë gabim kardinal, me atë që nuk e ka parë në kompjuter se Grubi ndodhet në Stop-listë, ndërkaq më pas të njëjtin nuk ka pasur mundësi ta përmirësojë se Grubi, vetëm se ka kaluar në Republikën e Kosovës.

“A nuk ka pasur mundësi që ta paraqesë te kolegët e kufirit kosovar që ata ta ndalojnë?”, tha Pançe Toshkovski, ministër i Punëve të Brendshme.

Reagimi i tij ka qenë i vonuar, ai më nuk ka qenë në mes zonës dhe në kontrollin kufitar, por vetëm se ka hyrë në Republikën e Kosovës”.

Ministri Toshkovski tha se nuk ka informacione zyrtare nga ndonjë vend fqinji ose Interpoli në lidhje me vendndodhjen e Grubit edhe pse kanë kontakte të vazhdueshme me shtetet e rajonit. I pyetur, për të komentuar situatën hipotetike nëse eventualisht Grubi ka nënshtetësi shqiptare dhe kjo do të përbënte problem për ta ekstraduar, Toshkovski tha se po të ishte në vend të tij, nuk do të ishte shumë i gëzuar e i sigurt, sidomos me faktin që Grubi është i vendosur në Listën e Zezë të SHBA-së. /Alsat/

The post Toshkovski: Me paratë e Lotarisë Shtetërore janë blerë prona brenda dhe jashtë vendit appeared first on Telegrafi.

Mediat në Shkup po i kushtojnë mjaft vëmendje arratisjes së ish-zv.Kryeministrit të Maqedonisë së Veriut, Artan Grubi. Ai është shpallur në kërkim ndërkombëtar pas lëshimit të një urdhër-arresti për çështjen e abuzimeve me “Lotarinë Kombëtare”. Fillimisht u tha se Grubi ishte arratisur për në Kosovë, por mediat shkruajnë tani se ai mund të ndodhet në Shqipëri.

Portali maqedonas “Focus” ka publikuar dëshminë e biznesmenit Arsim Papraniku që shërben edhe si Konsull Nderi i Kosovës në RMV. Ai ka rrëfyer në polici se më 15 dhjetor e ka shoqëruar me makinë Grubin për në Tiranë, ku kanë pirë kafe dhe më pas e kanë lënë në një hotel pranë stadiumit. Pas kthimit në Shkup nëpërmjet pikës doganore të Qafë Thanës Papraniku është thirrur në komisariat për të dhënë shpjegime ku ka thënë se nuk e dinte që Grubi ishte në kërkim nga autoritetet.

Sipas burimeve të televizionit TV21, Grubi e ka lutur sipërmarrësin që ta dërgojë për Tiranë, “ku duhej të takohej me një grup avokatësh me të cilët do të fillonte procedurat për largimin e tij nga lista e zezë e SHBA-ve”. Udhëtimi ka qenë dakorduar që dy ditë më parë. Ata kanë udhëtuar herët në mëngjes, rreth orës 8, pasi kanë blerë byrek dhe kos në furrën “Bereket”.

Në vendkalimin kufitar të Bllacës, ka pasur disa makina, por konsulli i ka dorëzuar pasaportat tek polici dhe e ka pyetur se pse ka shumë radhë. Polici i është përgjigjur se nuk kanë “personel të mjaftueshëm”. Pasaporta e konsullit është mbajtur 10 sekonda kurse e Grubit vetëm 2 sekonda. Trau ka qenë i hapur dhe kanë kaluar pa problem. E njëjta gjë ka ndodhur edhe gjatë hyrjes në Kosovë.

Sipas RTV21, ata kanë ndjekur rrugën nga Prishtina për në Tiranë. Disa kilometra para Prishtinës, Grubi ka filluar të marrë telefonata se ndaj tij kanë nisur procedurat dhe se kërkohej që ai të dorëzohej. Sipërmarrësi thuhet se i ka propozuar që ai të kthehet, por Grubi ka qenë i pavendosur dhe ka insistuar që të vazhdojnë drejt Tiranës.

Gjatë rrugës, siç sipas TV21, disa herë ata kanë ndaluar në karburante ku Grubi ka shfrytëzuar tualetin. Në Tiranë, Grubi është lënë në qendrën e qytetit, kurse sipërmarrësi është kthyer në shtëpinë e tij në një resort në Durrës. Mëngjesin e ardhshëm, rreth orës 6, sipërmarrësi është kthyer në Shkup.

Sipas të njëjtave burime Grubi thuhet se po qëndron pranë detit Adriatik, në zonën e Hamallajt në Durrës. Edhe zëvendëskryeministri aktual i RMV-së, Izet Mexhiti tha në një intervistë për “Ora News” se sipas informacioneve të tij, Grubi nuk ndodhej më në Kosovë, por në Shqipëri. Për këtë çështje ka reaguar edhe kryeministri i RMV-së, Hristijan Mickoski që tha se nuk dëshiron të spekulojë nëse Grubi është në Shqipëri apo në Kosovë, por fakti sipas tij “është se ai nuk ishte i pastër si loti pasi përndryshe nuk do të kishte ikur nga drejtësia”. ©LAPSI.al

The post Mediat në RMV: Ish-zv.kryeministri Artan Grubi mund të jetë fshehur në Durrës appeared first on Lapsi.al.

Ministri i MPB-së, Pançe Toshkovski shpreson që Artan Grubi të kthehet në vend dhe të përballet me drejtësinë.

“Lidhur me vendndodhjen e zotërisë që treguat, dua të besoj se ajo që u publikua në opinion se ai do të kthehet sepse është i pastër si loti dhe këto dyshime të bazuara nuk janë ashtu siç interpretohen nga Ministria e Brendshme dhe prokuroria, dua të besoj se ajo deklaratë është në drejtim të disa obligimeve private”, tha Toshkovski në “Top Tema”.

I pyetur se me cilin shtet fqinj ndodhet, pasi Izet Mexhiti pohoi se Artan Grubi ndodhet në Shqipëri, Toshkovski tha se për personin në fjalë është lëshuar një urdhërarrest ndërkombëtar.

“Kemi komunikim me të gjitha vendet fqinje dhe bashkëpunimi me ministritë e tyre të punëve të brendshme është i shkëlqyeshëm dhe deri më tani asnjë konfirmim zyrtar nuk është dorëzuar në MPB-në e Maqedonisë”, tha Ministri.

Ai tha se nuk do ta lejojë veten të spekulojë me informacione të caktuara që qarkullojnë në opinion.

I pyetur se a është Grubi një i arratisur nga drejtësia apo thjesht i padisponueshëm për zbatimin e ligjit, Toshkovski tha se le të guxojë të kthehet në vend dhe të dëshmojë.

“Po, ai është i padisponueshëm për organet e rendit dhe dëshiron që, siç thotë ai, të jetë i pastër si loti, të guxojë dhe të gjitha organet kompetente të veprojnë sipas kompetencave të tyre”, tha Toshkovski./Telegrafi/

The post Toshkovski: Deri tani nuk kemi ndonjë konfirmim nga vendet fqinjë për vendndodhjen e Grubit appeared first on Telegrafi.

Artan Grubi nuk është më në Kosovë, por në Shqipëri.

Kjo u deklarua nga zv.kryeministri Izet Mexhiti, sipas të cilit arratisja e Grubit tregon se ai është fajtor dhe se një ditë do të dalë para organeve të drejtësisë.

Mexhiti nuk dha më shumë detaje, por shtoi se është detyrë e Ministrisë së Punëve të Brendshme që ka bashkëpunim me Interpol-in, për t’a gjetur dhe rikthyer në Maqedoninë e Veriut për t’u përballur me drejtësinë.

Nga VMRO-DPMNE edhe sot akuzuan LSDM-në se gjatë kohës së tyre në pushtet e kanë lejuar Grubin që të vjedhë.

“LSD është fajtore për shkak se Grubi vidhte pa u sanksionuar, të gjithë e dinin këtë, askush nuk guxonte ta dënonte. Është e trishtë të shohësh se si tani LSD me të gjitha forcat po mundohet të shpik skenarë, kur ata ndanin pushtetin, kishin frikë ta përmendnin Grubin, e jo më ta thirrin në përgjegjësi. Edhe pse të gjithë kishin njohuri për krimin e Grubit, edhe pse VMRO-DPMNE-ja dhe mediat e thirrnin LSD-në si pushtet, ato nuk ndërmorën asgjë për shkak se për ato ishte e rëndësishme që të qëndrojnë në pushtet”, tha Brane Petrushevski, VMRO-DPMNE.

Por LSDM e drejton gishtin e akuzave drejt Toshkovskit i cili, siç thonë, e ka lëshuar Grubin që të arratiset nga vendi.

“Të kapur në këtë skandal të madh, pushteti fillimisht u përpoqën t’ia hedhin fajin baterive të kamerave, ndërsa tani po licitojnë se ku është Grubi, në Kosovë apo Shqipëri. Kufiri i Kosovës është i shoshitur, i hapur për të ikur kriminelët. Zyrtarët qeveritarë duhet të marrin përgjegjësinë në vend që të bëjnë oferta. Për arratisjen e Grubit, d.m.th. për lëshimin jashtë kufijve të shtetit, Toshkovski tashmë duhet të kishte dhënë dorëheqje”, thonë nga LSDM.

Grubi u arratis nga vendi para nje jave duke kaluar kufirin në Bllacë. Pasi shkroi në profilin e tij në Facebook se nuk ka ikur dhe do të kthehet shumë shpejt, që atëherë ka humbur çdo gjurmë. Për të si dhe për ish-drejtorin e Lotarisë Shtetërore Përparim Bajrami janë lëshuar urdhërarreste.

The post Arratiset Artan Grubi, Maqedonia e Veriut bashkëpunon me Interpolin për kapjen e tij appeared first on Sot News | Lajme.

Zëvendës kryeministri i Parë i Maqedonisë së Veriut dhe njëherësh ministër i Mjedisit Jetësor dhe Planifikimit Hapësinor, Izet Mexhiti ka folur për shpalljen “non grata” nga Departamenti Amerikan i Shtetit i ish-zv.kryeministrit të mëparshëm shqiptar Artan Grubi. I pyetur nga Ora News se ku ndodhet, ai tha:

“Mendoj se është detyrë e organeve të rendit, ata do të bëjnë dhe padi ndërkombëtare përmes INTERPOLIT. Sipas informatave, nuk është në Kosovë, por është tek ju në Shqipëri. Por s’është kjo e rëndësishme, por me arratisjen e tij ka dëshmuar fajësinë e tij dhe ndaj ai ka ikur nga vendi”, tha Mexhiti.

The post Zv.kryeministri i Maqedonisë së Veriut: Artan Grubi ndodhet në Shqipëri appeared first on Lapsi.al.

“Nuk ka bazë për dyshim të kryerjes së veprës penale të parashikuar me ligj”, kështu deklaroi Vladimir Donevski, i cili do të përfaqësojë mbrojtjen e ish-zëvendëskryeministrit të parë Artan Grubi.

Ai thotë se do të paraqesin argumentet e tyre në kuadër të procedurës së paraparë ligjërisht, për të bindur gjykatën dhe prokurorin publik se nuk ka asnjë rast penal për veprimet për të cilat akuzohet Artan Grubi.

“Shpresojmë që të gjithë pjesëmarrësit në këtë procedurë penale do të mbeten imun ndaj politizimit të dukshëm të procesit dhe do të ruajnë paanshmërinë dhe pavarësinë dhe do të marrin vendime, si ne, bazuar në argumente të qarta ligjore. Duke pasur parasysh se gjykimet janë publike, mediat dhe opinioni i gjerë do të mund ta përcjellin procesin dhe të nxjerrin konkluzione nëse ka prova për vërtetimin e fajësisë së Artan Grubit”, thuhet në njoftimin e shoqërisë avokatore “Donevski”.

Gjykata Penale e Shkupit dje ka konfirmuar se kundër vendimit të paraburgimit ankesë ka bërë avokati i Artan Grubit, ndaj të cilit është lëshuar fletarrest ndërkombëtar për përvetësim të parave në “Llotarinë Shtetërore”.

Kujtojmë se më 10 dhjetor 2024 Prokuroria Publike të hapë lëndë ndaj Artan Grubit, ai u fut në Listën e Zezë të SHBA-ve për korrupsion. Në njoftimin zyrtar të Departamentit të Shtetit Amerikan thuhet se Artan Grubi bashkë me gjykatësin e Gjykatës së Apelit, Enver Bexheti janë të përfshirë në korrupsion në procesin gjyqësor të Sasho Mijallkovit, ish-drejtorit të Drejtorisë për Siguri dhe Kundërzbulim në Maqedoninë e Veriut, i cili gjithashtu është në Listën e Zezë.

The post Avokati i Grubit: Nuk ka baza dyshimi për vepër të kryer penale appeared first on Telegrafi.

Avokati i Artan Grubit, për të cilin është shpallur fletarrest ndërkombëtar për keqpërdorim të parave në “Lotarinë Shtetërore” ka parashtruar ankesë për vendimin për paraburgim, konfirmuan nga Gjykata Penale Shkup.

Nga aty thonë se vendim do të merret në ditët në vijim.

Ministria e Punëve të Brendshme ka shpallur fletarreste ndërkombëtare për ish zëvendëskryeministrin Artan Grubi dhe ish drejtorin e Lotarisë Shtetërore, Përparim Bajrami, të cilët akuzohen për keqpërdorim të rreth tetë milionë eurove në Lotarinë Shtetërore.

Prokuroria Publike më parë njoftoi se do të kërkojë nga MPB që të shpallë fletarrest për Grubin dhe Bajramin, të cilëve gjykata penale u caktoi masën e paraburgimit prej 30 ditëve, ndërsa të cilët për momentin janë të pakapshëm për organet e rendit.

The post Avokati i Grubit ka parashtruar ankesë për vendimin për paraburgim appeared first on Telegrafi.

Zv/Kryeministri për Politikat dhe Sundim të Mirë në Maqedoninë e Veriut, Arben Fetai deklaroi në A2 CNN, se ish-zv.kryeministri shqiptar Artan Grubi fshihet në Shqipëri, pasi u shpall në kërkim ndërkombëtar nga autoritetet maqedonase. Sipas tij, Artan Grubi i arratis përmes Kosovës me një makinë diplomatike dhe më pas ka ardhur në Shqipëri për t’u […]

The post U shpall në kërkim/ Fetai: Artan Grubi ndodhet në Shqipëri, u arratis me makinë diplomatike appeared first on BoldNews.al.

Autoritetet policore në Maqedoninë e Veriut publikuan sot në faqen zyrtare të internetit të Ministrisë së Punëve të Brendshme njoftimin për shpalljen në kërkim ndërkombëtar të ish-zv/kryeministrit Artan Grubi dhe ish-drejtorin e “Lotarisë Shtetërore”, Përparim Bajrami.

Kërkesa për shpalljen në kërkim ndërkombëtar të ish-zyrtarit të lartë është lëshuar nga Prokuroria publike në Shkup, pasi Gjykata Themelore e miratoi të martën në mbrëmje kërkesën për caktimin e masës me paraburgim për zotin Grubi dhe Bajrami.

Ata dyshohen për përfshirje në manipulim me prokurimet publike për Lotarinë dhe ndarjen e jashtëligjshme të licencave për kompanitë e lojërave të fatit dhe kazinotë.

Tetë persona dyshohen si të përfshirë në këtë vepër penale. Sipas prokurorisë, ata i kanë shkaktuar buxhetit të shtetit një dëm mbi tetë milionë euro.

Autoritetet në Shkup thonë se ish-zëvendëskryeministri ndodhet në Kosovë, ku u arratis të dielën, ndërsa ish-drejtori Bajrami është strehuar po në Kosovë disa muaj më parë, sipas policisë.

Mediat lokale raportojnë se zoti Grubi ka angazhuar një avokat dhe se “do të kthehej në vend nëse gjykohet në gjendje të lirë”.

Vetë ish-zëvendëskryeministri nuk është prononcuar publikisht që nga e diela në mbrëmje kur shkruante në rrjetin social Facebook se ndodhej “jashtë shtetit për vizitë private dhe se do të kthehej sapo të kryente detyrimet”.

Artan Grubi u përcaktua nga Departamenti i Shtetit pak ditë më parë së bashku me gjykatësin Enver Bexheti si të përfshirë në korrupsion dhe u shpallën si “persona të padëshiruar”./VOA

The post Artan Grubi shpallet zyrtarisht në kërkim ndërkombëtar appeared first on Albeu.com.

Autoritetet policore në Maqedoninë e Veriut publikuan sot në faqen zyrtare të internetit të Ministrisë së Punëve të Brendshme njoftimin për shpalljen në kërkim ndërkombëtar të ish-zv/kryeministrit Artan Grubi dhe ish-drejtorin e “Lotarisë Shtetërore”, Përparim Bajrami.

Kërkesa për shpalljen në kërkim ndërkombëtar të ish-zyrtarit të lartë është lëshuar nga Prokuroria publike në Shkup, pasi Gjykata Themelore e miratoi të martën në mbrëmje kërkesën për caktimin e masës me paraburgim për zotin Grubi dhe Bajrami.

Ata dyshohen për përfshirje në manipulim me prokurimet publike për Lotarinë dhe ndarjen e jashtëligjshme të licencave për kompanitë e lojërave të fatit dhe kazinotë.

Tetë persona dyshohen si të përfshirë në këtë vepër penale. Sipas prokurorisë, ata i kanë shkaktuar buxhetit të shtetit një dëm mbi tetë milionë euro.

Autoritetet në Shkup thonë se ish-zëvendëskryeministri ndodhet në Kosovë, ku u arratis të dielën, ndërsa ish-drejtori Bajrami është strehuar po në Kosovë disa muaj më parë, sipas policisë.

Mediat lokale raportojnë se zoti Grubi ka angazhuar një avokat dhe se “do të kthehej në vend nëse gjykohet në gjendje të lirë”.

Vetë ish-zëvendëskryeministri nuk është prononcuar publikisht që nga e diela në mbrëmje kur shkruante në rrjetin social Facebook se ndodhej “jashtë shtetit për vizitë private dhe se do të kthehej sapo të kryente detyrimet”.

Artan Grubi u përcaktua nga Departamenti i Shtetit pak ditë më parë së bashku me gjykatësin Enver Bexheti si të përfshirë në korrupsion dhe u shpallën si “persona të padëshiruar”./VOA

The post Ish-zv/kryeministri Artan Grubi shpallet në kërkim ndërkombëtar appeared first on Lapsi.al.

Autoritetet policore në Maqedoninë e Veriut publikuan sot në faqen zyrtare të internetit të Ministrisë së Punëve të Brendshme njoftimin për shpalljen në kërkim ndërkombëtar të ish-zv/kryeministrit Artan Grubi dhe ish-drejtorin e “Lotarisë Shtetërore”, Përparim Bajrami.

Kërkesa për shpalljen në kërkim ndërkombëtar të ish-zyrtarit të lartë është lëshuar nga Prokuroria publike në Shkup, pasi Gjykata Themelore e miratoi të martën në mbrëmje kërkesën për caktimin e masës me paraburgim për zotin Grubi dhe Bajrami.

Ata dyshohen për përfshirje në manipulim me prokurimet publike për Lotarinë dhe ndarjen e jashtëligjshme të licencave për kompanitë e lojërave të fatit dhe kazinotë.

Tetë persona dyshohen si të përfshirë në këtë vepër penale. Sipas prokurorisë, ata i kanë shkaktuar buxhetit të shtetit një dëm mbi tetë milionë euro.

Autoritetet në Shkup thonë se ish-zëvendëskryeministri ndodhet në Kosovë, ku u arratis të dielën, ndërsa ish-drejtori Bajrami është strehuar po në Kosovë disa muaj më parë, sipas policisë.

Mediat lokale raportojnë se zoti Grubi ka angazhuar një avokat dhe se “do të kthehej në vend nëse gjykohet në gjendje të lirë”.

Vetë ish-zëvendëskryeministri nuk është prononcuar publikisht që nga e diela në mbrëmje kur shkruante në rrjetin social Facebook se ndodhej “jashtë shtetit për vizitë private dhe se do të kthehej sapo të kryente detyrimet”.

Artan Grubi u përcaktua nga Departamenti i Shtetit pak ditë më parë së bashku me gjykatësin Enver Bexheti si të përfshirë në korrupsion dhe u shpallën si “persona të padëshiruar”./VOA

The post Artan Grubi shpallet zyrtarisht në kërkim ndërkombëtar appeared first on Sot News | Lajme.