BRUKSEL, 9 korrik /ATSH/ – Lituania dhe Finlanda pritet të fillojnë prodhimin vendas të minave tokësore vitin e ardhshëm – për furnizimin e tyre, por edhe për Ukrainën – për shkak të asaj që e shohin si kërcënim ushtarak nga Rusia, thanë zyrtarë nga këto dy vende anëtare të NATO-s për “Reuters”.

Të dy vendet, që kufizohen me Rusinë, kanë shpallur synimin për t’u tërhequr nga Konventa e Otavës – që ndalon përdorimin e këtyre minave, dhe zyrtarët thanë se prodhimi mund të nisë sapo të përfundojë procesi gjashtëmujor i tërheqjes.

Tre shtete të tjera të NATO-s dhe Bashkimit Evropian – Polonia, Letonia dhe Estonia – po ashtu po e braktisin këtë traktat, duke përmendur shqetësimet në rritje të sigurisë për shkak të luftës së Rusisë në Ukrainë.

Vendimi në Finlandë dhe Lituani për të nisur prodhimin e këtyre minave – erdhi si rezultat i shqetësimeve në rritje – se ambiciet ushtarake të Rusisë mund të shtrihen përtej Ukrainës, dhe mes zotimeve të shteteve të NATO-s për të rritur shpenzimet për mbrojtje, në përputhje me kërkesat e presidentit amerikan, Donald Trump.

“Lituania do të jetë në gjendje të furnizojë edhe vende të tjera, përfshirë Ukrainën”, tha Vincas Jurgutis, kreu i shoqatës së industrisë së mbrojtjes së Lituanisë.

Finlanda gjithashtu mund të furnizojë mina tokësore për Ukrainën.  /Ad.Ab/ /a.i/

The post FOKUS – Finlanda dhe Lituania do të fillojnë prodhimin e minave tokësore appeared first on Agjencia Telegrafike Shqiptare.

Një person në Finlandë ka sulmuar me thikë njerëz të shumtë të mbledhur pranë një qendre tregtare në qytetin jugor Tempere, pasditen e së enjtes.

Është ende e paqartë se sa persona kanë mbetur të lënduar nga sulmi, por policia lokale ka deklaruar se në vendin e ngjarjes nuk ka më rrezik.

Autoritetet lokale kanë nënvizuar se një person është arrestuar lidhur me sulmin dhe se të plagosurve u është dhënë ndihmë menjëherë.

Sipas mediave finlandeze, për kapjen e autorit agjentët bllokuan të gjitha dyert e qendrës tregtare dhe njerëzit nuk u lanë të hynin apo të dilnin. Ndërkohë, dëshmitarë të episodit të dhunshëm po merren në pyetje nga policia.

The post Sulm me thikë në një qendër tregtare në Finlandë, disa të plagosur appeared first on Euronews Albania.

Disa persona janë therur me thikë pranë një qendre tregtare në Tampere, qyteti i tretë më i madh në Finlandë ndërsa një person është arrestuar, njoftoi policia.

Situata nuk paraqet më rrezik për të tjerët, njoftoi policia gjersa shtoi se “të plagosurit po marrin ndihmën e parë”. Nuk u dhanë detaje për shkallën e plagëve apo për autorin e sulmit.

Policia tha se po interviston dëshmitarët dhe kishte rrethuar vendin e ngjarjes, shkruan reuters.

Transmetuesi publik YLE raportoi se trafiku në qendrën e Tampere – e cila ndodhet rreth 180 kilometra në veri të Helsinkit dhe është qyteti i tretë më i madh në vend – është ndalur plotësisht.

Gazeta Ditore Ilta-Sanomat raportoi se një dëshmitar pa kalimtarë duke i dhënë ndihmë dy personave të shtrirë në tokë kur arriti policia, dhe sipas informacionit të saj, personi i arrestuar është një burrë finlandez në të njëzetat e tij.

Gazeta lokale Aamulehti raportoi se personi i arrestuar është një burrë.

The post Theren me thikë disa persona në një qendër tregtare në Finlandë appeared first on Albeu.com.

HELSINKI, 3 korrik /ATSSH-AFP/ – Disa persona u plagosën sot me thikë pranë një qendre tregtare në qytetin e Tamperes, Finlandë, dhe një i dyshuar është arrestuar, njoftoi policia në një deklaratë.

“Situata nuk është më e rrezikshme. Viktimat po marrin ndihmën e parë”, shtuan ata, duke theksuar se nuk ishin në gjendje të specifikonin menjëherë numrin e viktimave.

Disa makina policie dhe ambulanca u dërguan shpejt në vendin e sulmit, sipas mediave lokale.

Zona jashtë qendrës tregtare ‘’Ratina’’ në Tampere u rrethua dhe policia ende po merrte në pyetje dëshmitarët e vendit të ngjarjes, më shumë se një orë pas incidentit.

Qyteti i Tampere, me një popullsi prej afërsisht 260 000 banorësh, ndodhet 180 kilometra në veri të Helsinkit./ /os/

The post FINLANDË – Disa të plagosur pas një sulmi me thikë appeared first on Agjencia Telegrafike Shqiptare.

KOPENHAGË, 19 qershor /ATSH-DPA/- Parlamenti i Finlandës votoi sot në favor të tërheqjes nga Konventa e Otavës – që ndalon përdorimin e minave tokësore kundër personelit – mes shqetësimeve për një kërcënim ushtarak që paraqet Rusia fqinje.

Finlanda u bashkohet anëtarëve të tjerë të Bashkimit Evropian dhe NATO-s që kufizohen me Rusinë – Lituania, Letonia, Estonia dhe Polonia – duke u larguar ose duke planifikuar të largohen nga traktati.

Vendimi u miratua me 157 vota pro dhe tetë kundër – dhe do të hyjë në fuqi gjashtë muaj pas njoftimit zyrtar në OKB.

Republikat baltike Letonia, Lituania dhe Estonia kanë marrë tashmë vendime të ngjashme, ashtu si edhe Polonia.

Qeveria finlandeze e njoftoi vendimin në prill – pas miratimit nga komisioni parlamentar i punëve të jashtme.

Sipas ushtrisë finlandeze, minat tokësore i nevojiten për të mbrojtur vendin.

Traktati i Otavës hyri në fuqi në mars të vitit 1999 – duke ndaluar përdorimin, grumbullimin, prodhimin dhe transferimin e minave tokësore.

Finlanda nënshkroi traktatin në vitin 2012. Shtetet e Bashkuara të Amerikës, Rusia, Kina, India dhe Pakistani nuk e kanë nënshkruar ende.

Finlanda, e cila ndan kufirin më të gjatë të NATO-s me Rusinë (1 340 kilometra), vendosi pas disa dekadash neutraliteti të aplikonte për t’u bashkuar me NATO-n – së bashku me Suedinë – pas pushtimit të plotë rus të Ukrainës në vitin 2022. //a.i/

The post FINLANDË – Parlamenti voton në favor të tërheqjes nga traktati i minave tokësore për shkak të kërcënimit rus appeared first on Agjencia Telegrafike Shqiptare.

Në kulturën finlandeze, heshtja nuk shihet si e sikletshme, por si një shenjë kuptimplotë dhe respekti të ndërsjellë. Të kalosh kohë në qetësi me dikë, qoftë në sauna, gjatë një shëtitjeje apo thjesht ulur bashkë, konsiderohet një mënyrë e thellë dhe autentike për t’u lidhur me tjetrin.

Ky koncept njihet si “hiljaisuus”, ose “heshtja aktive”, dhe nënkupton praninë e plotë pa nevojën për fjalë.

Finlandezët vlerësojnë komunikimin e menduar, janë të qetë me pauzat në bisedë dhe e shohin heshtjen si një formë respekti dhe afërsie. Në një botë ku shumëkush ndjen nevojën të flasë pa pushim, ata besojnë se lidhjet e vërteta nuk kërkojnë gjithmonë biseda apo fjalë të tepërta.

The post Në Finlandë është krejtësisht normale të rrish në heshtje me miqtë për orë të tëra dhe kjo konsiderohet kohë cilësore appeared first on iconstyle.al.

Si e uli Finlanda pastrehësinë me mbi 70%?

Duke zgjedhur një rrugë të guximshme: t’i japë njerëzve shtëpi, para çdo gjëje tjetër.

Politika “Housing First” e ka kthyer Finlandën në një prej vendeve me shkallën më të ulët të pastrehësisë në botë.
Ky model u ofron banesë të përhershme dhe pa kushte personave në nevojë — dhe më pas, i ndihmon me shërbime sociale, integrim dhe punësim.

Rezultatet?
– Pastrehësia afatgjatë është ulur me mbi 70%
– Shumica e përfituesve nuk rikthehen më në rrugë
– Shteti kursen mijëra euro për person, çdo vit

Një shembull i fuqishëm që provon: kur vëmë njeriun në qendër, zgjidhjet funksionojnë.

The post Kur politika bëhet njerëzore: çfarë mësojmë nga Finlanda? appeared first on iconstyle.al.

Gjykata e Posaçme ka vendosur vijimin e masave arrest në burg për 9 të arrestuarit su pjesë e 4 grupeve kriminale të trafikut të drogës kryesisht asaj sintetike që trafikohej nga Shqipëria, Spanja e Hollanda drejt Finlandës.

Masa arrest në burg caktuar në mungesë u la në fuqi në prezencë të tyre këtë të enjte për:

Dorjan Luzaj, Geraldo Seferaj, Elton Myftari, Elton Tavani, Erind Teneqexhiu alias Agalliu, Kela Qevani, Ledion Hoxha, Besnik Sparta, Altin Musta

Dy prej anëtarëve të grupeve kriminale që drejtonin aktivitetin nga Shqipëria ndodhen ende në kërkim.

Gjykata e Posaçme kundër Korrupsionit dhe Krimit të Organizuar ka lënë në fuqi masat e sigurisë “arrest me burg” për 9 të arrestuarit në Shqipëri si pjesë e katër grupeve kriminale të trafikut ndërkombëtar të drogës. Të arrestuarit akuzohen për trafikim të lëndëve narkotike, kryesisht të drogave sintetike, me destinacion Finlandën.

Operacioni u zhvillua pas një bashkëpunimi mes SPAK dhe autoriteteve ligjzbatuese finlandeze, si pjesë e një hetimi të gjerë ndërkombëtar që përfshiu gjithashtu Spanjën dhe Holandën.

Masat e sigurisë ishin dhënë më herët në mungesë, por janë rikonfirmuar këtë të enjte në prezencë të të dyshuarve:

• Dorjan Luzaj
• Geraldo Seferaj
• Elton Myftari
• Elton Tavani
• Erind Teneqexhiu (alias Agalliu)
• Kel Qevani
• Ledion Hoxha
• Besnik Sparta
• Altin Musta

Sipas burimeve nga hetimi, këta shtetas kanë pasur role të ndryshme në organizimin dhe realizimin e trafikut të narkotikëve, duke përdorur Shqipërinë si bazë koordinimi dhe duke shfrytëzuar lidhje logjistike me vende të tjera europiane.

Ndërkohë, dy drejteus të këtyre rrjeteve kriminale në Shqipëri janë ende në kërkim, njëri prej të cilëve dyshohet se është larguar jashtë vendit.

LEXONI GJITHASHTU:

• SPAK finalizon një operacion të madh antidrogë në bashkëpunim me autoritetet e huaja
• Dosja e SPAK për bandat shqiptare në Finlandë, pamjet nga punishtet e drogës.

The post Operacioni ndërkombëtar antidrogë, GJKKO lë në fuqi masat për 9 të ndaluarit appeared first on Euronews Albania.

Euronews Albania ka siguruar dosjen e mbërritur në SPAK nga autoritetet finlandeze, në të cilën dokumentohen rezultatet e një operacioni të përbashkët ndërkombëtar kundër trafikut të drogës.

Operacioni, i koduar “Pietari”, ka çuar në sekuestrimin e rreth 300 kilogramëve drogë dhe arrestimin e 55 personave të përfshirë në trafikun ndërkombëtar të lëndëve narkotike.

Pamjet e siguruara tregojnë punishte artizanale të pajisura për prodhimin e drogave sintetike, si dhe pako të ambalazhuara me logo të koduara si “Lexus” dhe “333”.

Gjatë aksionit janë sekuestruar 170 kilogramë amfetaminë, 10 kilogramë kokainë, 100 kilogramë kanabis dhe mijëra tableta ekstazi e lëndë të tjera narkotike.

Në territorin shqiptar, SPAK ka arrestuar 9 nga 11 të dyshuar dhe ka sekuestruar automjete dhe telefona celularë. Autoritetet finlandeze bënë të ditur se një prej grupeve kryesore të trafikut operonte duke transportuar drogë nga Holanda drejt Finlandës përmes rrugëve tokësore me kamionë, ndërsa një tjetër trafikonte kanabis nga Spanja.

Po sipas hetimeve, dy nga grupet kriminale kishin bazën në Shqipëri dhe ishin përgjegjëse për trafikun e lëndëve narkotike nga vendet perëndimore drejt Finlandës, ku kishin ngritur rrjete të organizuara shpërndarjeje. Ndërkohë, një tjetër strukturë shqiptare vepronte brenda vetë Finlandës, merrej me shpërndarjen e drogës në nivel lokal, ndërsa një linjë tjetër përdorte postën për të trafikuar drogë nga Spanja.

LEXONI GJITHASHTU:

• SPAK finalizon një operacion të madh antidrogë në bashkëpunim me autoritetet e huaja
• Asgjësohet karteli ballkanas: Kapen 8 tonë kokainë, drejtohej nga Dubai

The post Dosja e SPAK për bandat shqiptare në Finlandë, pamjet nga punishtet e drogës. appeared first on Euronews Albania.

Të tjera detaje kanë dalë në dritë lidhur me operacionin ndërkombëtar të zhvilluar mes autoriteteve shqiptare dhe atyre finlandeze ku u goditën 4 grupe kriminale me anëtarë shqiptarë e të huaj, të cilët operonin në fushën e trafikimit të lëndëve narkotike.

Sipas asaj që u deklarua nga prokurorët e Prokurorisë së Posaçme drejtues të kësaj çështje, Arben Kraja dhe Alfred Shehu, dy nga “kokat” e këtyre grupeve kriminale, të cilët aktivitetin e tyre e kishin shtrirë në kontrabandimin e lëndëve narkotike nga Spanja e Holanda për në Finlandë, janë nga Vlora.

Sipas burimeve për media, këta dy persona janë identifikuar si Dorjan Luzaj e Geraldo Seferaj, tashmë të arrestuar. Janë arrestuar: Besnik Sparta, Erind Teneqexhiu (Agalliu) Altin Musta, Kela Qevani, Elton Tavani, Elton Myftari, Ledion Hoxha dhe Dorjan Luzaj e Geraldo Seferaj.

“Dy nga krerët e grupeve kriminale janë me origjinë nga Vlora. Për bazë konkrete nuk mund të flasim. Pjesa tjetër ka qenë e përqendruar në zonën e Kuçovës dhe Beratit”, tha prokurori Alfred Shehu duke bërë me dijë ndër të tjera, se në vendin tonë këta shtetas rezultojnë të kenë qenë të “pastër”, ndërkohë që për autoritetet finlandeze mësohet se janë persona me precedentë penalë.

Prokuroria e Posaçme ka lëshuar në total 11 masa sigurimi “arrest me burg”, 9 prej tyre të ekzekutuara dhe 2 të tjerë të shpallur në kërkim.

The post EMRAT/ Operacioni i SPAK dhe autoriteteve në Finlandë, zbulohen anëtarët e grupit kriminal dhe dy vlonjatët që drejtonin trafikun e drogës appeared first on Albeu.com.

Janë zbardhur emrat e 6 nga 9 të arrestuarit në Shqipëri, në kuadër të operacionit të koduar “PIETARI”, ku SPAK së bashku me autoritetet finlanedeze goditën një grup kriminal shqiptar të trafikut ndërkombëtar të lëndëve narkotike dhe sintetike. Burime bëjnë me dije se dy prej “kokave” të grupit që janë arrestruar janë shtetasit Dorjan Luzaj, […]

The post “Mbushën” Finlandën me drogë/ Kush janë dy “kokat” nga Vlora, zbardhen EMRAT e të arrestuarve appeared first on BoldNews.al.

TIRANË, 3 qershor /ATSH/ Prokuroria e Posaçme kundër Korrupsionit dhe Krimit të Organizuar, Policia e Shtetit në bashkëpunim me autoritetet finlandeze kanë zhvilluar një operacion të përbashkët kundër disa grupeve kriminale që trafikonin lëndë narkotike.

Drejtuesi i SPAK, Altin Dumani në konferencën për mediet theksoi se “ky hetim përfaqëson jo vetëm një sukses të rëndësishëm në luftën kundër krimit të organizuar, por edhe një arritje të rëndësishme për SPAK, pasi shënon krijimin e një skuadre të përbashkët hetimore ndërmjet SPAK dhe autoriteteve finlandeze”.

Sipas Dumanit “ky bashkëpunim është dëshmi e qartë se krimi i organizuar shqiptarë ka shtrirë aktivitetin e tij dhe në vend nordike përfshire Finlandën, por njëkohësisht ky hetim i përbashkët është tregues i besimit që autoritetet ligjzbatuese nordike i kanë dhënë strukturave tona të drejtësisë dhe zbatimit të ligjit”.

“Goditëm disa grupe kriminale të cilët janë përgjegjës për shitjen e sasive të konsiderueshme të drogave të llojeve në ndryshme ku përfshihen droga sintetike, kokainë, marijuanë e të tjerë”, shtoi Dumani.

Komisari për Krimin i Byrosë Kombëtare të Hetimit në Finlandë paraqiti edhe rezultatet e operacionit të përbashkët.

Sipas tij, janë arrestuar 55 persona dhe në kuadër të këtij hetimi janë sekuestruar rreth 300 kg lëndë narkotike.

“Rreth dy vite më parë u ndërmor një hetim në shkallë të gjerë në Finlandë i cili u konkludua me arrestimin e 55 shtetasve. Në kuadër të këtij hetimi u sekuestruan rreth 300 kg lëndë narkotike e cila kryesisht u trafikua nga Spanja dhe Holanda. Nga sasia totale e lëndës narkotike të sekuestruar në Finlandë rreth 170 ka qenë amfetaminë, 10 kg kokainë, rreth 100 kg marijuanë, ndërsa pjesa tjetër kanë qenë disa tableta lëndësh narkotike. Nga hetimi i ndërmarrë në Finlandë rezultoi se drejtuesit kryesor të këtij trafikimit të lëndëve narkotike ishin shtetas që vepronin nga Shqipëria”, tha komisari i Krimit të Byrosë Kombëtare të Hetimit në Finlandë. /j.p/

The post SPAK operacion të përbashkët me Finlandën me 55 të arrestuar, sekuestrohen rreth 300 kg lëndë narkotike appeared first on Agjencia Telegrafike Shqiptare.

TIRANË, 3 qershor/ATSH/ Prokuroria e Posaçme Kundër Korrupsionit dhe Krimit të Organizuar (SPAK) në bashkëpunim me autoritetet finlandeze ka goditur një rrjet kriminal ndërkombëtar të trafikut të narkotikëve dhe substancave sintetike.

Hetimet, të cilat kanë nisur pas kërkesës së policisë finlandeze, kanë zbuluar se grupe të strukturuara kriminale të udhëhequra nga shtetas shqiptarë, kanë trafikuar sasi të mëdha droge në Finlandë, përfshirë kokainë, amfetaminë, kanabis dhe ekstazi.

Në kuadër të hetimeve të përbashkëta, Skuadra e Përbashkët Hetimore, e formuar më 21 nëntor 2023, ka përdorur metoda të specializuara, duke përfshirë përgjime dhe kontrollime sekrete. Nga këto hetime ka rezultuar se grupe të strukturuara kriminale kanë shpërndarë drogë nga Holanda dhe Spanja.

“Episodet më të rëndësishme të dokumentuara gjatë viteve 2022-2024 përfshijnë trafikimin dhe më pas shitjen e rreth 400 kg amfetaminë, mbi 500 kg kanabis si dhe sasi të konsiderueshme kokaine, si dhe shpërndarjen masive të tabletave ekstazi dhe substancave të tjera të ndaluara në Helsinki dhe qytete të tjerë”, informoi SPAK.

Më 3 qershor 2025, janë ekzekutuar masat e sigurimit për 9 shtetas shqiptarë, pas një vendimi të Gjykatës së Posaçme; B.S, (27.01.1985); E.A (alias E.T 07.02.1991); A.M (07.06.1981); K.Q (14.04.1981; T.K (alias T.T 15.10.1977); G.S (05.07.1994; E.M, (29.05.1983); L.H, (09.01.1983); D.L, (07.06.1983)

Gjatë aksionit, janë sekuestruar 8 automjete, 13 telefona celularë dhe prova të tjera të rëndësishme.

Në zbatimin e masave të sigurisë dhe ushtrimin e kontrolleve kanë marrë pjesë edhe oficerë të Byrosë Kombëtare të Hetimit në Finlandë, të policisë së Helsinkit dhe Turkut, Finlandë. Ndihmë të veçantë në hetimin e këtij procedimi penal ka dhënë Zyra e Oficerit Ndërlidhës të Vendeve Nordike për Shqipërinë dhe Kosovën, duke ngritur urat lidhëse mes SPAK dhe autoriteteve hetimore dhe policore të Finlandës.

Hetimi në kuadër të Skuadrës së Përbashkët Hetimore është mbështetur nga “Rrjeti @ON” i financuar nga Komisioni Europian, i drejtuar nga Drejtoria Italiane e Hetimit Antimafia (DIA).

The post SPAK: Goditja e rrjetit ndërkombëtarë të narkotikëve, masa sigurie për 9 shqiptarë appeared first on Agjencia Telegrafike Shqiptare.

Prokuroria e Posaçme (SPAK) ka dalë me një komunikatë zyrtare në lidhje me operacionin e kryer së bashku me autoritetet finlanedeze ku goditën një rrjet të trafikut ndërkombëtar të lëndëve narkotike dhe sintetike, pas dy vitesh hetimesh. Në total janë lëshuar 11 masa sigurie, ku janë ekzekutuar vetëm 9 prej tyre, teksa grupi kriminal shqiptar […]

The post Goditja e bandës shqiptare, SPAK: Trafikuan drejt Finlandës 400 kg amfetaminë dhe 500 kg kanabis e kokainë appeared first on BoldNews.al.

SPAK dhe autoritetet finlandeze godasin rrjetin e trafikut ndërkombëtar të lëndëve narkotike dhe sintetike. Masa sigurie për 11 shtetas shqiptarë.

Detaje nga SPAK:

Prokuroria e Posaçme Kundër Korrupsionit dhe Krimit të Organizuar, në bashkëpunim me autoritetet finlandeze po vijon hetimet në kuadër të procedimit penal nr.147, të regjistruar më 29.06.2023, për veprat penale të “Prodhimi dhe shitja e narkotikëve”, e kryer në formën e veçantë të bashkëpunimit atë të grupit të strukturuar kriminal, parashikuar nga nenet 283 dhe 28/4 të Kodit Penal; “Grup i strukturuar kriminal”, parashikuar nga neni 333/a i Kodit Penal; si dhe “Kryerja e veprave penale nga organizata kriminale dhe grupi i strukturuar kriminal”, parashikuar nga pika 1 e nenit 334 të Kodit Penal.

Procedimi penal është regjistruar pas kërkesës për bashkëpunim, e cila është paraqitur më 21.06.2023 nga Qendra e Policisë për Krime të Finlandës dhe policisë së Lounais-Suomi, lidhur me hetimet të zhvilluara për trafikim dhe shpërndarje të lëndëve narkotike të rrezikshme në Finlandë, nga grupe të strukturuara kriminale, të përbërë nga shtetas shqiptarë, në bashkëpunim të ngushtë me shtetas të tjerë finlandezë, europianë dhe aziatikë.

Më datë, 21.11.2023, në kuadër të hetimeve të përbashkëta është krijuar Skuadra e Përbashkët Hetimore, mes Prokurorisë së Posaçme dhe Policisë Qendrore Kriminale të Finlandës, Departmentit pranë Institucionit Policor të Finlandës Jugperëndimore dhe Departmentit pranë Institucionit Policor të Helsinkit.

Pas krijimit të Skuadrës së Përbashkët Hetimore, gjatë 18 muajve të hetimeve intensive, u përdorën metoda speciale të hetimit si; përgjime të komunikimeve telefonike apo regjistrime të fshehta fotografike, filmike apo video, në vende publike, si edhe janë shkëmbyer në kohë reale informacione dhe prova me Byronë Kombëtare të Hetimit të Finlandës.

Nga provat e administruara rezulton se:

Gjatë viteve 2022 dhe në vazhdim, janë evidentuar 4 grupe të strukturuara kriminale, në përbërje të të cilëve kanë qenë shtetas shqiptarë dhe të huaj. Këto grupe, të krijuar, organizuar dhe drejtuar nga shtetas shqiptarë, kanë mundur të trafikonin në territorin e Republikës së Finlandës, sasira të konsiderueshme lëndësh apo substancash narkotike me rrezikshmëri të lartë, përfshirë; kokainë, amfetaminë, kanabis, ekstazi dhe substanca të tjera psikotrope. Droga trafikohej dhe transportohej nga Holanda dhe Spanja si dhe më pas dorëzohej, tregtohej, shpërndahej në disa qytete të Finlandës duke shfrytëzyar edhe një rrjet të mirëorganizuar shpërndarësish të lëndës/substancave narkotike, me qëllim sigurimin e të ardhurave të jashtëligjshme.

Karakteristikë e këtyre grupeve të strukturuara kriminale ka qenë bashkëpunimi mes tyre për realizimin e qëllimeve kriminale ose në disa raste, disa anëtarë të grupeve të strukturuara kriminale, vepronin edhe për llogari të grupeve të tjera. Një pjesë e anëtarëve të këtyre grupeve të strukturuara kriminale janë arrestuar dhe dënuar nga gjykatat e shkallëve të para të Finlandës për këtë veprimtari kriminale.

Episodet më të rëndësishme të dokumentuara gjatë viteve 2022-2024 përfshijnë:

Trafikimin dhe më pas shitjen e rreth 400 kg amfetaminë, mbi 500 kg kanabis si dhe sasi të konsiderueshme kokaine.
Shpërndarjen masive të tabletave ekstazi dhe substancave të tjera të ndaluara në Helsinki dhe qytete të tjerë.
Masa sigurie dhe arrestime:

Me kërkesë të Prokurorisë së Posaçme, Gjykata e Posaçme kundër Korrupsionit dhe Krimit të Organizuar me vendimin nr.52, datë 02.06.2025, ka vendosur masën e sigurimit “Arrest në burg”, të parashikuar nga neni 238 i Kodit të Proçedurës Penale ndaj 11 shtetasve shqiptarë.

Më 03.06.2025 nga Hetuesit e Byrosë Kombëtare të Hetimit dhe strukturat e Drejtorisë së Përgjithshme të Policisë së Shtetit është bërë e mundur zbatimi i masës së sigurisë për 9 persona nën hetim.

B.S, (27.01.1985)
E.A (alias E.T 07.02.1991)
A.M (07.06.1981)
K.Q (14.04.1981;
T.K (alias T.T 15.10.1977)
G.S (05.07.1994;
E.M, (29.05.1983)
L.H, (09.01.1983)
D.L, (07.06.1983)
Gjatë ekzekutimit të masave të sigurimit janë ushtruar kontrolle të shumta në banesa dhe ambiente biznesi si dhe janë sekuestruar nç cilësinë e provave materiale:

8 automjete
13 telefona celularë
Prova shkresore të ndryshme
Në zbatimin e masave të sigurisë dhe ushtrimin e kontrolleve kanë marrë pjesë edhe oficerë të Byrosë Kombëtare të Hetimit në Finlandë, të policisë së Helsinkit dhe Turkut, Finlandë.Ndihmë të veçantë në hetimin e këtij proçedimi penal ka dhënë Zyra e Oficerit Ndërlidhës të Vendeve Nordike për Shqipërinë dhe Kosovën, duke ngritur urat lidhëse mes SPAK dhe autoriteteve hetimore dhe policore të Finlandës.

Hetimi në kuadër të Skuadrës së Përbashkët Hetimore është mbështetur nga “Rrjeti @ON” i financuar nga Komisioni Europian, i drejtuar nga Drejtoria Italiane e Hetimit Antimafia (DIA).

The post Nga Shqipëria drejtonin trafikun e drogës në Finlandë, SPAK jep detaje appeared first on Lapsi.al.

Policia ka publikuar pamje nga momenti i goditjes së grupeve kriminale të trafikut të drogës në Finlandë. Në pamje shihen anëtarët e grupit të vendosur në pranga pas operacionit të SPAK në bashkëpunim me autoritetet finlandeze mëngjesin e sotëm.

SPAK ka lëshuar 11 urdhër arreste, ndërsa janë ekzekutuar vetëm 9 prej tyre.

Blutë po punojnë për kapjen e një prej shtetasve, ndërsa një tjetër nuk ndodhet në Shqipëri dhe po punohet me autoritetet partnere për lokalizimin e tij.

Gjatë operacionit janë sekuestruar gjithashtu 8 automjete, telefona celularë dhe shumë dokumente me vlerë për hetimin, kryesisht në gjuhën finlandeze, të cilat konsiderohen prova të rëndësishme që do të shërbejnë për vijimin e hetimeve të mëtejshme penale dhe hetimit pasuror.

“Gjatë operacionit, për ekzekutimin e 11 masave të sigurisë, u angazhuan rreth 110 punonjës të Policisë së Shtetit. Konkretisht, u përfshinë Drejtoria për Hetimin e Krimit të Organizuar, Drejtoria e Forcës së Posaçme Operacionale, Forca Kombëtare e Sigurisë, në bashkëpunim me drejtoritë vendore të Policisë Tiranë, Berat, Vlorë dhe Gjirokastër.

Nga 11 masa sigurie, Policia e Shtetit në bashkëpunim me BKH-në, kanë ekzekutuar 9 masa sigurie dhe vijon puna për kapjen e 1 shtetasi, ndërsa 1 shtetas, nga informacionet e siguruara, nuk ndodhet në Shqipëri, dhe po bashkëpunohet me auritetet partnere për lokalizimin dhe kapjen e tij.

Gjithashtu, janë sekuestruar prova të rëndësishme për vijimin e hetimeve paraprake dhe hetimit pasuror”,– njofton policia.

The post Goditja e grupeve kriminale të trafikut të lëndëve narkotike në Finlandë, publikohen pamjet nga momenti i arrestimit të 9 shqiptarëve (VIDEO) appeared first on Albeu.com.

Prokuroria e Posaçme kundër Korrupsionit dhe Krimit të Organizuar, SPAK njoftoi të martën më 3 qershor gjatë një konference për shtyp me gazetarët rezultatet e një operacioni antidrogë, të kryer në bashkëpunim me autoritetet e drejtësisë finlandeze pas një hetimi të përbashkët dyvjeçar. Sipas prokurorëve të SPAK dhe homologëve të tyre finlandez, operacioni i kryer […]

The post Goditen 4 grupe kriminale që trafikonin lëndë narkotike në Finlandë appeared first on Reporter.al.

TIRANË, 3 qershor /ATSH/ Prokuroria e Posaçme kundër Korrupsionit dhe Krimit të Organizuar (SPAK) dhe Policia e Shtetit në bashkëpunim me autoritetet finlandeze zhvilluan një operacion të përbashkët kundër disa grupeve kriminale që trafikonin lëndë narkotike.

Prokurori i SPAK, Arben Kraja tha se hetimi ka nisur që nga qershori i vitit 2023. Kraja tha se janë përdorur metoda speciale të hetimit.

“Hetimi ka filluar mbi bazën e informacioneve të ardhura nga autoritete finlandeze. Në qershor të 2023 është regjistruar procedimi penal, u ra dakord të krijonim një skuadër të përbashkët hetimore, që u finalizua shumë shpejt, brenda 2-3 muajve, pastaj dy vjet rresht punë dhe takime të përbashkëta dhe kemi ardhur sot që kemi këtë rezultat. Nga ky hetim kemi nxjerrë disa tipologji problematikash që tregojnë shtrirjen dhe shpërndarjen e aktivitetit kriminal të shqiptarëve jashtë territorit tonë. Përfshirë nga Shqipëria drejt Finlandës, nga Spanja drejt Finlandës. Kemi përdorur metoda speciale të hetimit, gjatë gjithë periudhës dhe bashkëpunimin e vazhdueshëm dhe dakordësinë me veprimet që do kryejmë hap pas hapi”, tha Kraja.

Prokurori i Posaçëm Alfred Shehu tha se “shkëmbimi i informacionit nga autoritetet finlandeze ka qenë pa ndërprerje”. Shehu tha se në Shqipëri janë arrestuar 9 persona dhe 2 të tjerë janë në kërkim.

“Në përfundim të këtyre veprimeve, u arrit edhe përcaktimi i ditës së aksionit se kur do të bëhej goditja, në marrëveshje me përfaqësuesit e autoriteteve finlandeze. Nga ana e SPAK, gjatë majit është dërguar kërkesa për caktim mase sigurimi për 11 persona. Nga GJKKO u vendos sot në dakordësi edhe të autoriteteve finlandeze pasi në këtë aksion kanë marrë pjesë edhe përfaqësues të policisë finlandeze. Si rezultat i veprimeve të shpejta, u bë e mundur zbatimi i masës së sigurimit deri më tani i 9 personave. Po vazhdon puna për të bërë të mundur edhe arrestimin e dy personave të tjerë. Gjatë zbatimit të masave të sigurimit, janë sekuestruar disa automjete, konkretisht 8 telefona celularë, dhe shumë dokumenteve, ku një pjesë konsiderohen me vlerë për hetimin pasi janë në gjuhën finlandeze dhe ka të dhëna me aktivitetin kriminal të personave. Do të vazhdojmë edhe hetimin pasuror për personat e identifikuar”, tha Shehu.

Shehu dha detaje dhe në lidhje me përbërjen e grupeve kriminale. Sipas Shehut, karakteristike ka qenë bashkëpunimi i tyre me njëri-tjetrin për realizmin e qëllimeve të tyre kriminale.

“Dy nga grupet organizonin trafik nga Shqipëria drejt Spanjës, Holandës dhe Finlandës. Më pas atje kishin rrjetin e shpërndarjes. Një grup tjetër kriminal i drejtuar po nga shtetas shqiptar vepronte vetëm në Finlandë me sigurimin e lëndëve narkotike, blerjen dhe shitjen në Finlandë. Një grup tjetër i drejtuar nga shqiptarë, kishte si detyrë të tij dhe qëllim organizmin e trafikut të marijuanës nga Spanja në drejtim të Finlandës përmes shërbimit postar. Krerët e grupeve një pjesë kanë qenë më parë të ndjekur penalisht në Finlandë, dhe nuk kanë qenë të evidentuar në Shqipëri. Pas kthimit në Shqipëri, kanë drejtuar aktivitetin nga Shqipëria ose shtete të tjera të BE. Kjo ka qenë edhe një nga rezultatet e hetimit të përbashkët, nga informacionet e përfituara në kohë reale i transmetoheshin autoriteteve finlandeze. Dy nga krerët e grupeve kriminale janë me origjinë nga Vlora. Pjesa tjetër vepronin në zonën e Kuçovës dhe Beratit. Një pjesë e tyre janë të vendosur me banim në Tiranë”, tha Shehu.

Sipas tij, këta shtetas nuk kishin ndonjë aktivitet të ligjshëm që t’i ekspozonte ndaj kontrollit të institucioneve. Ata lëviznin lirshëm, brenda dhe jashtë Shqipërisë, duke mbajtur një profil të ulët për të shmangur hetimin.

“Ata kanë qenë qytetarë të lirë. Hetimet tona kanë qenë të fshehura, por pjesa më e madhe e tyre lëviznin edhe jashtë shtetit. Realisht në Shqipëri të gjithë krerët e këtyre grupeve konsideroheshin si persona që bënin një jetë normale,” theksoi prokurori.

Drejtuesi i SPAK Altin Dumani theksoi se “në hetimet tona është hera e parë që shikojmë grupe kriminale që kanë në fokus edhe droga sintetike, të paktën nga hetimet e deritanishme është hera e parë që shikojmë grupe kriminale që kanë në fokus të tyre edhe droga sintetike”.

“Ky grup kriminal kishte një rrjet të tyre në Finlandë dhe në mënyrë periodike herë pas herë dërgonin nga Shqipëria përfaqësues të tyre që shkonin në bazat e përcaktuara dhe fillonin shitjen e lëndës narkotike”, tha Dumani.

Ndërsa komisari i Finlandës u shpreh se personat komunikonin me njëri tjetrin me platformat “Telegram” dhe “Signal”, ndërsa theksoi se mënyra e transferimit të parave është në proces hetimi. /j.p/

The post Trafik droge nga Shqipëria në Finlandë e Spanjë, SPAK: Goditëm 4 grupe kriminale, 9 shqiptarë të arrestuar, 2 në kërkim appeared first on Agjencia Telegrafike Shqiptare.

Struktura e Posaçme Kundër Korrupsionit dhe Krimit të Organizuar, në bashkëpunim me autoritetet finlandeze, ka finalizuar një operacion të përbashkët kundër disa grupeve kriminale shqiptare të përfshira në trafikun ndërkombëtar të drogës. Në një konferencë të përbashkët për shtyp në Tiranë, kreu i SPAK, Altin Dumani, prokurorët Arben Kraja dhe Alfred Shehu, së bashku me përfaqësues të lartë të prokurorisë finlandeze, dhanë detaje nga operacioni.

Komisari i Byrosë Kombëtare të Hetimit në Finlandë bëri me dije se nga nisja e operacionit në vitin 2022 janë arrestuar 55 persona dhe janë sekuestruar 300 kilogramë drogë, përfshirë 170 kg amfetaminë, 10 kg kokainë, 100 kg kanabis dhe tableta narkotike. Hetimi identifikoi drejtuesit kryesorë të trafikut si shtetas shqiptarë. Në Shqipëri, SPAK arrestoi 9 nga 11 të dyshuar dhe sekuestroi automjete dhe telefona celularë.

Prokurorët finlandezë sqaruan se një nga grupet kriminale operonte duke transportuar drogë nga Holanda në Finlandë me kamionë, ndërsa një tjetër trafikonte kanabis nga Spanja për në Finlandë. Amfetamina është droga më e konsumuar në Finlandë, dhe grupet kriminale synonin të plotësonin kërkesën në rritje përmes këtij trafiku ndërkombëtar.

Nga 55 të arrestuarit në Finlandë, 10 janë shqiptarë, ndërsa mes të ndaluarve janë edhe finlandezë, polakë, rumunë, si dhe persona me origjinë aziatike dhe afrikane. Prokurori i SPAK, Alfred Shehu, tha se dy nga krerët e grupeve kriminale janë nga Vlora, ndërkohë pjesa tjetër e rrjetit ishte e vendosur në Kuçovë, Berat dhe Tiranë.

“Dy nga krerët e grupeve kriminale janë me origjinë nga Vlora. Shqipëria është e vogël dhe aktivitetet kryhen edhe me mjete të komunikimit elektronik. Pjesa tjetër ka qenë e përqendruar në Kuçovë dhe Berat, dhe disa në Tiranë,” u shpreh Shehu.

Ai shtoi se këto grupe vepronin veçmas, por bashkëpunonin ngushtë për transportin dhe shpërndarjen e drogës. Dy grupe kishin bazën në Shqipëri dhe trafikonin drogë nga Spanja dhe Holanda drejt Finlandës, ku kishin rrjet shpërndarjeje. Një grup tjetër, përbërë vetëm nga shqiptarë, vepronte drejtpërdrejt në Finlandë duke siguruar dhe shpërndarë drogën, ndërsa një tjetër përdorte postën për trafikun nga Spanja drejt Finlandës.

Komisari finlandez vuri në dukje se personat komunikonin përmes platformave “Telegram” dhe “Signal”, ndërsa mënyra e transferimit të parave mbetet objekt hetimi.

LEXONI GJITHASHTU:

• SPAK finalizon një operacion të madh antidrogë në bashkëpunim me autoritetet e huaja
• Asgjësohet karteli ballkanas: Kapen 8 tonë kokainë, drejtohej nga Dubai

The post “Kokat e bandës, nga Vlora” Detaje nga operacioni i SPAK: Si çohej droga në Finlandë appeared first on Euronews Albania.