Për të lajmet ishin të tjera deri tani. Mario Mitaj pritej të diskutohej për një kalim në Angli, ndoshta tek Bornmuthi, por ja që situata në Al Itihad qenka tjetër.

E përditshmja “Al Rijad” shkruan se mbrojtësi I kombëtares shqiptare ka kërkuar garanci për të vazhduar në klub.

Cila është kjo garanci?

Mitaj ka biseduar me drejtuesit dhe ka deklaruar se dëshiron të jetë titullar fiks në ekip, ndryshe do të kërkojë të largohet.

Një kërkesë disi e habitshme, sepse 21-vjeçari ka qenë titullar në 18 nga 18 ndeshjet që ka luajtur në Ligën Profesioniste Saudite, pra në të gjitha.

Gjithsesi, gazeta arabe thekson diçka, atë që drejtuesit e klubit kanë dyshime për garancitë fizike të shqiptarit, I cili u dëmtua disa herë edicionin e kaluar, dhe humbi 12 ndeshje në kampionat për këtë shkak.

Mitaj ka kontratë me Al Itihadin deri në 2028, pra nuk do të jetë e lehtë që të ndryshojë ekip, në një kohë që mediat saudite shkruajnë se ende nuk ka ndonjë ofertë zyrtare për të.

I rëndësishëm është fakti që trajneri Loran Blan e vlerëson shumë dhe e do në ekip.

Në vitin sportiv që u mbyll pak javë më parë, mbrojtësi I kombëtares fitoi titullin kampion si dhe Kupën e Mbretit, shënoi një gol e shërbeu 2 asistë, dhe ishte një nga lojtarët më të vlerësuar të Al Itihadit.

Mario Mitaj është padiskutim futbollisti shqiptar me paraqitjet më të mira në sezonin që kaloi. Mbrojtësi i Kombëtares ka shkëlqyer në Arabinë Saudite, ku i mjaftuar vetëm 6 muaj për të fituar trofe me Al – Ittihad. Falë formës së tij të mirë dhe paraqitjeve fantastike, për 21-vjeçarin ka mbarritur edhe një ofertë zyrtare. Skuadra […]

The post Ofertë zyrtare për Mario Mitajn, mbrojtësi mund të rikthehet në Europë appeared first on BoldNews.al.

Al-Ittihad ka nisur që tani të “shënjestrojë” objektivat e kësaj merkato verore. Klubi i Arabisë Saudite ka nisur kontaktet e para dhe lojtari me të cilin do të nisin këtë merkato, pritet të jetë Bruno Guimaraes.

Mesfushori i Brazilit, që momentalisht aktivizohet me Newcastle në Premier League me shumë mundësi do të kërkojë një ambient të ri. Sigurisht që “sytë” i ka nga Arabia Saudite, duke ditur edhe pagat e majme që jepen aty.

Në rast se 27-vjeçari brazilian do të transferohej te Al-Ittihad, aty do të gjente edhe mbrojtësin e Kombëtares shqiptare, Mario Mitaj. Përsa i përket kostos së transferimit, ajo mund të jetë rreth 80 milionë euro.

The post Plot 80 milionë euro, Mario Mitaj mund të bashkohet me “yllin” brazilian appeared first on Albeu.com.

Edhe pse vetëm 21 vjeç, Mario Mitaj është kthyer në një lojtar të rëndësishëm për kampionen e Arabisë Saudite, Al Itihad, por edhe në një “aset” që kanë nisur ta kërkojnë. Mediat në vendin e madh të Lindjes së Mesme shkruajnë se ka interesim nga Anglia për mbrojtësin e kombëtares shqiptare, ndonëse nuk jepet emri […]

The post Mitaj në qendër të merkatos, mediat saudite raportojnë interesim në Angli për mbrojtësin appeared first on BoldNews.al.

“Na mungoi goli i dytë, duhet të ishim më të përqëndruar. Kemi treguar që në shumë ndeshje kemi ndenjur shumë mbrapa, e kemi të vështirë të shënojmë gol. Në pjesën e parë Sylvinho normalisht nuk ishte i lumtur”. Thomas Strakosha ka një lloj kritike për vendosjen taktike të trajnerit Brazilian, edhe pse mundohet të justifikojë përfaqësimin e Shqipërisë. Por ajo kundër Letonisë ishte një ndeshje nën ton dhe pak gjëra ka për ta shpëtuar.

Strakosha, megjithatë, punën e tij e bëri, me pritjen e një penalltie që mund të kishte pasur pasoja të rëndë, nëse do të ishte shënuar. Portieri zbulon edhe bisedën me trajnerin e portierëve Ilir Bozhiqi, me të cilin u filmua të komunikonte pak para se të priste 11 metërshin: “Kemi humbur dy pikë nuk jam shumë i lumtur. Çunat kanë luftuar dhe gjynah. Asnjë nuk e shpjegon dot ecurinë e lojës sonë sonte. Bozhiqi? Më tha mendimin që kishte dhe pastaj ndodhi pritja e penalltisë, më tha të qëndroja në vend të mos hidhesha”.

Nuk duket se dekurajohet Strakosha, që nuk e sheh të përfunduar ëndërrën Botëror: “Asgjë nuk ka mbaruar, duhet të merrnim edhe dy pikë këtu. Duhet të shikojmë veten tonë, të marrim pikët brenda në shtëpi me Letoninë”.

MITAJ: “NUK KAM ÇFARË TË THEM”

“Nuk kam çfarë të them shumë gjë për këtë ndeshje, ishte një ndeshje e fortë me kundërshtar të fortë që u mbrojt gati gjithë lojën. Në pjesën e dytë bëmë shumë raste, por nuk bëmë golin”. Mario Mitaj nuk e fsheh zhgënjimin pas 1-1 me Letoninë.

Mbrojtësi madje mundohet të tregojë edhe çfarë ndodh psikologjikisht me lojtarët, kur nuk zhbllokohet ndeshja: “Të them të drejtë kur shohim që nuk bëjmë golin aq kollaj, duhet të fokusohemi të mos pësojmë. Shpresojmë që në ndeshje të tjera që të vijnë të bëjmë golat e fitojmë”.

Lexo më tej: Shqipëria ngec në Riga: Cernomordijs shënon për të dy ekipet, Strakosha pret penallti

Mitaj pastaj “dribloi” pa shpjeguar, pyetjes se përse në rastin e golit të pësuar Cernomordijs, një gjigant, u markua nga lojtari më i shkurtër I kuqezinjve, Balliu: “Ne e dinim që goditjet standarte i çojnë në shtyllën e dytë, ishte thjesht çështje shpërqendrimi, asgjë tjetër. Ne luajmë në zonë, nuk luajmë një kundër një”, e mbylli Mitaj.

ASLLANI: “NË SHTATOR DUHET SHQIPËRI TJETËR”

“Sigurisht që nuk ka qenë pjesë e parë pozitive. Nuk e di çfarë ka ndodhur, kishim fat se gabuan penalltinë dhe gjetëm golin. Nuk mund të bëhet pjesa e parë kështu sepse e dimë çfarë ëndrre kemi dhe kështu bëhet çdo gjë e vështirë”. Kristjan Asllani, dukshëm i lodhur pas 180’ në harkun e 3 ditëve, nuk mundohet të justifikohet pas barazimit në Riga. Mesfushori e kupton që ka pasoja kjo ndalesë, por shpreson që në shtator gjërt të ndryshojnë: “Të gjitha ndeshjet e vështira. Serbia ka dy ndeshje më pak, jemi në vend të dytë. Çunat do pushojnë, unë do shkoj në Botëror për klube. Më pas në shtator duhet Shqipëri tjetër”.

The post “Bozhiqi më tha ç’duhet të bëja”: nga penalltia te goli, flasin Strakosha e të tjerët appeared first on Lapsi.al.

Kombëtarja shqiptare ka barazuar në transfertë përballë Letonisë, në ndeshjen e vlefshme për raundin e 4-t të kualifikueseve të Botërorit. Sfida e zhvilluar në Riga, përfundoi në barazim 1-1. Në përfundim të këtij dueli ka folur mbrojtësi, Mario Mitaj.

“Me thënë të drejtën nuk kam çfarë them për këtë ndeshje. Kundërshtari ishte i fortë. Pjesën e dytë bëmë shumë raste, luajtëm shumë mirë, por nuk bëmë dot gol. Kur shohim që nuk bëjmë dot gol, fokusohemi që të mos pësojmë.

Shpresoj që në ndeshjet e radhës, të shënojmë gola dhe të fitojmë ndeshjen. Falenderoj Sylvinhon për besimin. Rasti i penalltisë ishte çështje shpërqendrimi”, u shpreh mbrojtësi i Kombëtares shqiptare.

The post “Kundërshtari ishte i fortë”, Mario Mitaj nuk ka fjalë: S’kam çfarë them për këtë ndeshje appeared first on Albeu.com.

Një ndeshje mjaft delikate do të luajë Kombëtarja shqiptare mbrëmjen e sotme. Kuqezinjtë do të duelojnë ndaj Letonisë, sfidë që do të luhet në transfertë në orën 20:45 dhe që luhet në kuadër të kualifikueseve të Kupës së Botës.

Në lidhje me këtë përballje ka folur Mario Mitaj. Mbrojtësi për “Supersport” ka theksuar se skuadra e di shumë mirë se çfarë duhet të bëjë dhe se do të luajnë vetëm për 3 pikët.

“Nuk kemi patur shumë kohë për t’u përgatitur. Besoj se atmosfera është e mirë, të gjithë janë gati. Na duhet fitorja, me patjetër.

Loja do jetë e njëjtë. Letonia luan si Serbia, me të njëjtën skemë, e dijmë se çfarë duhet të bëjmë. Duhet të bëjmë gola dhe të fitojmë.

Të gjithë sulmuesit janë në formë. Penalltinë mund ta humbë kushdo. Besoj se do kem më shumë mundësi për të krosuar”, ka deklaruar mbrojtësi.

The post “Letonia luan si Serbia”, Mario Mitaj: E dimë se çfarë duhet të bëjmë, të shënojmë gola dhe të fitojmë appeared first on Albeu.com.

ARABI SAUDITE- Nuk paska një pa dy. Mario Mitajt iu shpërblyen gjithë ato sakrifica për shkak të dëmtimeve të këtij viti, dhe ia ku mori edhe një tjetër trofe.

Mbrojtësi I kombëtares shqiptare fitoi Kupën e Arabisë Saudite, pas një finaleje që Al Itihad e fitoi ndaj rivalit, Al Kadisija. Ky sukses ishte I dyti brenda pak ditëve, pasi më herët u mor titulli kampion.

Si përherë, futbollisti shqiptar ishte titullar në një finale që ishte deri diku e fortë, por fituesi I së cilës nuk është se u vu shumë në dyshim.

Karim Benzema ishte heroi kryesorë, pasi ylli I dikurshëm i Francës dhe Realit, shënoi dy gola. Obamejang shkurtoi shifrat përkohësisht në 1-2, veçse Al Itihad siguroi gjithçka me rrjetën e minutës së 81-të nga Husem Auar.

Mitaj luajti deri në fund, duke qenë si gjithmonë nga më të mirët dhe më të sigurtit në fushë. Kështu, ai mbyll me triumf të plotë sezonin e tij të parë në Arabinë Saudite, fiton dy trofetë kryesorë, dhe ndodhet në formën më të mirë të mundshme para ndeshjeve të kombëtares ndaj Serbisë dhe Letonisë në eliminatoret e Kupës së Botës./abcnews.al

Një përfundim vërtet i lumtur. Mario Mitaj u kthye pikërisht në kohën e duhur për të shijuar frytet e një sezoni fantastik, dhe tani është kampion I Arabisë Saudite.

Pas disa muajve tepër të vështirë në 2025, mbrojtësi I kombëtares shqiptare ishte titullar për të dytën ndeshje radhazi, dhe Al Itihad siguroi titullin dy javë para përufndimit.

Ndeshja ndaj rivalit Al Raed u fitua 3-1, edhe pse u desh një përmbysje me golat e realizuar nga Bergvejn, Pereira dhe Alobud.

Nuk pati lavdi këtë herë për Karim Benzemanë, ndonëse ai ka meritën kryesore për titullin me 21 gola në kampionat, vetëm dy më pak sesa Kristiano Ronaldo që është I pari në renditjen e Këpucës së Artë.

Mitaj, ndërkaq, ishte një nga lojtarët më të mirë të Al Itihadit.

Ai ka notë mesatare 7.23, duke qenë I gjashti, i lënë pas vetëm nga yjet kryesorë si Benzema, Kante, Diabi apo Bergvejn.

Padyshim, që 21-vjeçari ishte më I miri I repartit të mbrojtjes, ndërsa këtë sezon edhe pse mungoi shumë, shënoi një gol dhe shërbeu dy asiste.

Ky ishte titulli i tij i parë në karrierë, pasi fillimisht u huazua në Arabinë Saudite nga Lokomotiva e Moskës, e më pas kartoni I tij u shit për 5 milionë euro.

Mitaj duket në formën e duhur për ndeshjet e kombëtares në qershor./abcnews.al

Mbrojtësi i kombëtares shqiptare, Mario Mitaj, ka fituar trofeun e parë në kampionatin arab, pasi skuadra e tij u shpall kampione.

Mario Mitaj zhvilloi një sezon të jashtëzakonshëm me Al Ittihad në kampionatin arab, ku skuadra e tij u shpall kampione.

Al Ittihad mposhti konkurrencën e disa skuadrave të forta si Al Nassr, Al Hilal dhe Al Ahli, duke siguruar matematikisht fitimin e trofeut dy javë para fundit të garës.

Të enjten, u luajt përballja ndaj Al Raed, e cila nisi në mënyrën më të mirë për vendësit, që kaluan përpara me Gonzalez, por avantazhi nuk do të zgjaste shumë, pasi Al Ittihad përmbysi gjithçka në favor të vet.

Berëijn dhe Pereira në pjesën e parë, dhe Al Oboud në fraksionin e dytë, vulosën triumfin 1-3. Si titullar në këtë sfidë luajti edhe anësori kuqezi, Mario Mitaj, i cili zhvilloi një paraqitje pozitive, duke u vlerësuar në fund me notën 6.8.

Ky sezon, Mitaj regjistroi 20 ndeshje në elitën e futbollit arab, pasi për herë të parë u bë pjesë e kësaj lige, ku menjëherë shpallet kampion, ndërsa ka luajtur mes yjeve të futbollit botëror si Benzema, Kante, dhe kundërshtarëve si Ronaldo dhe Mane.

LEXONI GJITHASHTU:

• Al Ittihad merr vendimin për Mitaj, mbrojtësi shqiptar qëndron në Arabi
• Mitaj firmos kontratën e majme, mbrojtësi kuqezi akord në Arabinë Saudite

The post Mbrojtësi shqiptar Mario Mitaj shpallet kampion me Al Ittihad appeared first on Euronews Albania.

Al Itihad është shpallur kampion i Arabisë Saudite, pasi fitoi me rezultatin 1-3 në transfertë ndaj Al Raed, duke siguruar matematikisht titullin tre javë para përfundimit të sezonit.

Ndonëse vendasit kaluan të parët në avantazh, skuadra ku aktivizohet Mario Mitaj reagoi fuqishëm dhe përmbysi rezultatin, duke vulosur një tjetër sukses historik – titullin e 10-të kampion në historinë e klubit.

Mbrojtësi i Kombëtares shqiptare, Mario Mitaj, ka qenë pjesë e rëndësishme e këtij suksesi. Ai iu bashkua ekipit në fillim të sezonit si huazim nga Lokomotiva e Moskës, por pas paraqitjeve të mira, Al Itihad vendosi të blejë përfundimisht kartonin e tij.

Pas një dëmtimi që e mbajti për disa javë jashtë fushave, Mitaj është rikthyer fuqishëm duke u aktivizuar titullar në dy ndeshjet e fundit. Ai u pa tejet i lumtur në festën e skuadrës, krah Karim Benzemas dhe pjesës tjetër të ekipit.

Titulli i këtij sezoni e rikonfirmon Al Itihad si një nga klubet më të suksesshme në historinë e futbollit saudit.

The post Al Itihad shpallet kampion në Arabinë Saudite, Mitaj dhe Benzema shkruajnë emrin në historinë e futbollit arab appeared first on Sot News | Lajme.

Al Ittihad është shpallur kampion në Arabinë Saudite. Skuadra ku luan Mario Mitaj fitoi 1 me 3 në transfertën e Al Raed. Dhe pse asgjë nuk u duk e lehtë pasi vendësit shënuan të parët, skuadra e Mitajt ia doli të reagojë. Ky është titulli i 10-të për ta në historinë e klubit. Mitaj, Benzema […]

The post Al Ittihad shpallet kampion në Arabi, festojnë Mario Mitaj dhe Benzema appeared first on BoldNews.al.

Al Ittihad është shpallur kampion i Ligës Profesionale Saudite për edicionin 2025, pas një fitore të rëndësishme 3-1 në udhëtim ndaj Al Raed, të enjten mbrëma.

Me këtë triumf, skuadra nga Jeddah ka siguruar titullin e 10-të në historinë e saj, dy xhiro para përfundimit të kampionatit.

Kampioni i ri ka qenë dominues këtë sezon, duke lënë prapa rivalët historikë si Al Hilal dhe Al Nassr. Al Hilal, që konsiderohet si gjiganti i futbollit saudit, do ta mbyll sezonin në vendin e dytë, ndërsa Al Nassr i Cristiano Ronaldos ka rënë në vendin e katërt, duke rrezikuar seriozisht pjesëmarrjen në Ligën e Kampionëve të AFC-së për sezonin e ardhshëm.

Celebrations of the Roshn Professional League champions pic.twitter.com/XGwDN1Odjc

— Al-Ittihad Club (@ittihad_en) May 15, 2025

Një ndër pikat kyçe të suksesit të Al Ittihad këtë sezon ka qenë performanca e disa lojtarëve të dalluar që kanë mbajtur barrën e skuadrës në momentet vendimtare. Ndër ta spikat mbrojtësi i Kombëtares Shqiptare, Mario Mitaj, i cili me paraqitjet e tij solide në krahun e majtë ka fituar besimin e trajnerit dhe tifozëve.

Në mesin e yjeve të tjerë që kontribuuan në këtë sukses janë edhe mesfushorët Fabinho, Houssem Aouar dhe NGolo Kante, sulmuesit Karim Benzema dhe Steven Bergwijn, të cilët kanë qenë konstantë dhe vendimtarë në ndeshjet kyçe të sezonit.

It’s now OFFICIAL: @ittihad_en are the 2024/25 #RoshnSaudiLeague champions pic.twitter.com/f7I9r7QJwm

— Roshn Saudi League (@SPL_EN) May 15, 2025

Ky titull e rikthen Al Ittihad në majat e futbollit arab, duke dërguar një mesazh të qartë për rivalët se janë rikthyer për të qëndruar gjatë në fronin e futbollit saudit. /Telegrafi/

The post Al Ittihad shpallet kampion i Arabisë Saudite – Mitaj dhe yjet tjerë udhëheqin drejt titullit të dhjetë appeared first on Telegrafi.

Emri i Mario Mitaj përfundon në merkato. Mbrojtësi i Kombëtares, i cili aktivizohet në radhët e Al Ittihad, mund të kalojë te Juventusit. Sipas mediave italiane, bardhezinjtë e shohin Mitajn si lojtarin e duhur për krahët, nëse klubi torinez dështon të sigurojë shërbimet e Nuno Tavarez të Lazios. Muajt e ardhshëm do të tregojnë më […]

The post Mitaj pëlqehet në Serie A, Juventus pas mbrojtësit kuqezi appeared first on BoldNews.al.

Do të duhet të presë edhe tri javë. Mario Mitaj ende nuk është gati për t’u kthyer në fushë, por nga Arabia Saudite të paktën jepet një datë.

Sipas mediave nga Riadi, mbrojtësi i kombëtares shqiptare pritet të jetë pjesë e skuadrës në duelin e madh që Al Itihad do të luajë ndaj ekipit të Kristiano Ronaldos, Al Nasr.

Përballja e Ligës Profesioniste Saudite do të jetë në 7 maj, pra lojtarit kuqezi I duhet të presë edhe 22 ditë.

Sipas informacionit që vjen nga vendi I madh arab, Mitaj është gjithnjë e më pranë kthimit në stërvitje bashkë me skuadrën.

Për të, ashtu si edhe për disa lojtarë të tjerë të përfaqësueses si Ismajli apo Broja, ky vit ka qenë tepër I vështirë.

Aq I pafat saqë Mario ka luajtur vetëm dy herë nga 45 minuta, ndërsa nuk është aktivizuar fare në 9 nga 11 ndeshjet që nga fillimi I janarit.

Mbrojtësi I majtë ka vuajtur nga dëmtimi në muskujt e barkut, dhe I doli për keq prova që bëri duke u kthyer për 45 minuta në 13 mars, në duelin Al Itihad-Al Rijad, por pastaj doli nga stadiumi duke çaluar.

Për shkak të lëndimit, Mitaj iu nënshtrua operacionit në Londër, që përpara sesa kombëtarja të grumbullohej për ndeshjet ndaj Anglisë dhe Andorrës në Botëror, dhe prej asaj kohe vazhdon riaftësimin.

Sezoni ka qenë shumë I mirë për aq sa ka luajtur, me vlerësime mbi mesataren e ekipit, dhe me një gol e dy asiste, përveç kontributit të madh në lojën në mbrojtje./abcnews.al

Kontributi ka qenë i madh, dhe është vlerësuar. Mario Mitaj, edhe pse prej shumë javësh i dëmtuar, ka rritje të vlerës së tij profesionale, edhe përsa I përket kartonit.

Sipas agjencisë së specialistuar të statistikave dhe biznesit në futboll, “transfermarkt”, kartoni I mbrojtësit kuqezi ka arritur në mars në 5 milionë, që do të thotë rritje me 20 për qind në vetëm tre muaj.

Në 13 dhjetor, 21-vjeçari vlente financiarisht si futbollist profesionist 4 milionë euro. Rritja është spektakolare nëse e krahasojmë edhe me më pak se një vit më parë.

Në 4 qershor 2024, në prag të nisjes së finaleve të Kampionatit Europian, kartoni iMitajt ishte 2 milionë euro, pra në vetëm 10 muaj, ai ka ngjitje prej 2.5 herësh.

Aspak keq për një lojtar të një kombëtareje modeste, siç është Shqipëria, dhe që ka luajtur deri tani në Greqi, Rusi dhe së fundmi në Arabinë Saudite.

Sidoqoftë, gjithçka e ka një shpjegim dhe mbrojtësi I majtë nuk është mbajtur me hatër. Mitaj ka qenë një nga lojtarët më të mirë të ekipit të tij, Al Itihad, që kryeson Ligën Profesioniste Saudite, dhe që është pranë titullit.

Vlerësimi I paraqitjeve të tij këtë sezon është me notën mesatare 7.25, e gjashta më e mira ndër futbollistët e Al Itihadit. Vetëm yje si Benzema, Kante, Bergvejn apo Diabi kanë qenë më lart, ndërsa mesatarja e skuadrës është 7.12.

Mitaj ka luajtur vetëm 90 minuta që nga nisja e shkurtit, pasi ka vuajtur nga dëmtimi në muskujt e barkut. Ai është operuar në Londër, dhe ende nuk është kthyer në fushë./abcnews.al

Nuk është thënë fjala e fundit, por rreziku mbetet.

Fati i Mario Mitajt i ngjan sado pak atij të Mirlind Dakut në Rusi, ndonëse sulmuesi ndodhet në pozita më të këqija.

Mediat në Arabinë Saudite shkruajnë se mbrojtësi i kombëtares shqiptare shpresohet të kthehet pa përfunduar sezoni, ndonëse ende nuk jepet datë kur mund të verë këmbën në fushë.

Ky është lajm relativisht I mirë sepse dy ditë më parë, të njëjtat media nga Riadi shkruanin se 21-vjeçari vështirë se do të luante më këtë edicion.

Sezoni saudit përfundon në 26 maj, dhe pritet të shihet nëse Mitaj do t’ia dalë.

Për momentin, pas operacionit në muskujt e barkut që kreu në Londër, futbollisti shqiptar ndodhet në Greqi për t’u riaftësuar.

Ai ka qenë krejt pafat këtë vit, pasi u lëndua në fillim të janarit, dhe mungoi për 6 ndeshje radhazi.

U kthye për 45 minuta në ndeshjen e 13 marsit në Ligën Saudites, mes ekipit të tij Al Itihad dhe Al Rijadit, por doli nga loja dhe pastaj u filmua nga kamerat në tunelin e stadiumit duke ecur çalë-çalë.

Po ashtu, humbi edhe ndeshjet e kombëtares në mars ndaj Anglisë dhe Andorrës.

Mëkat I vërtetë për mbrojtësin kuqezi, I cili ka një gol e dy asistë në Arabi, por që ende ka shpresë për të luajtur në derbin e Ballkanit, Shqipëri-Serbi në 7 qershor në eliminatoret e Botërorit.

Te Kombëtarja Kuq e Zi, do të mungojë në ndeshjet e muajit mars.

Mbrojtësi i krahut të majtë, Mario Mitaj, ka kryer një ndërhyrje të nevojshme kirurgjike, si shkak i shqetësimeve që kishte.

Me anë të një postimi në instagram, futbollisti i Al-Ittihad, tregoi se mezi pret të rikthehet në fushën e blertë.

‘Gjithçka shkoi mirë me operimin tim. Tani koha për rehabilitim dhe të kthehem sa më shpejtë dhe sa më i fortë për ta ndihmuar ekipin dhe shtetin tim”, shkroi bashkëlojtari i Karim Benzemas.

Mario Mitaj do të jetë një nga mungesat e mëdha për Shqipërinë në ndeshjet e muajit mars. Mbrojtësi kuqezi ka probleme të vazhdueshme me pubalgjinë, ndaj vendosi që të bëjë ndërhyrje kirurgjikale për t’i dhënë fund shqetësimeve, në mënyrë që të luajë sa më i qetë. Ndaj futbollisti këto ditë ka udhëtuar drejt Anglisë, por […]

The post Mario Mitaj publikon foton pas ndërhyrjes kirurgjikale: Do kthehem më i fortë se kurrë! appeared first on BoldNews.al.

Tekniku brazilian i Kombëtares shqiptare, Sylvinho, shpjegoi në një konferencë për mediat listën e publikuar për dy ndeshjet e para Kualifikuese të Botërorit 2026. Ai u ndal te lojtarët e lënë jashtë, ku u vu re mungesa e Mario Mitajt, i cili u dëmtua menjëherë pasi u rikthye në fushë.

Braziliani tha se Mitaj do t’i nënshtrohet një operacioni, teksa theksoi dhe lojtarët e tjerë të dëmtuar, Bare, Hysaj dhe Daku.

“Katër lojtarë fatkeqësisht për shkak dëmtimi nuk janë gati dhe do na mungojnë. Mitaj është jashtë prej një muaji e gjysmë. U rikthye në fushë dhe u dëmtua sërish. Do t’i nënshtrohet operacionit. I dyti është Keidi Bare, i cili ka problem në pulpë. Me Hysajn kam folur vetë, mund të jetë gati pas pauzës së kombëtares. Daku gjithashtu vuan nga dëmtimi dhe do të jetë jashtë”, tha Sylvinho.

The post Nuk u grumbullua për ndeshjet, Sylvinho jep lajmin e keq për mbrojtësin e Kombëtares appeared first on iconstyle.al.